إتلفحي همك - تامر الرشيد الزهجي

[تامر الرشيد]

ﻳﺎ ﻣﻌﻠﻴﺶ ﺇﺗﻠﻔﺤﻲ ﻫﻤﻚ
ﺳﻮﻗﻲ ﻗﻀﻴﺘﻚ
ﻟﻲ ﻣﺤﻜﻤﺘﻚ
ﺭﻏﻢ ﺍﻟﻐﺒﻦ ﺇﺗﻔﺸﻰ ﻗﺼﺎﺩﻧﺎ
ﻟﺴﻪ ﻃﺮﻳﻖ ﺍﻟﺨﻴﺮ ﻗﺪﺍﻣﻚ
ﻳﺎ ﻣﻌﺰﻭﻟﻪ ﻭﺭﺑﻚ ﻋﺎﻟﻢ
ﺇﻧﻮ ﺍﻟﻮﺟﻊ ﺍﻟﻔﻴﻨﻲ ﻋﺸﺎﻧﻚ
ﻻ ﻣﺘﻨﻜﺮ
ﻻ ﻣﺘﺒﺨﺘﺮ
ﻻ ﻣﺘﻜﺒﺮ
ﻻ ﻣﺘﺴﺘﺮ
ﻻ ﺷﺎﻗﻴﺖ ﻓﻲ ﺍﻟﺪﺭﺏ ﺍﻷﺧﻀﺮ
ﻻ ﻋﻠﻤﺘﻚ ﺗﻘﺮﻱ ﺍﻟﻤﺤﻀﺮ
ﻛﻢ ﺑﻮﻟﻴﺲ ﻭﺣﺪﺍﻱ ﻛﻢ ﻋﺴﻜﺮ
ﻭﻟﺴﻪ ﺍﻟﻈﻠﻢ ﺍﻟﻐﺎﺷﻢ ﺑﻜﺒﺮ
ﺑﺎﻋﻮ ﺍﻟﻤﺼﻨﻊ ﺣﻖ ﺍﻟﺴﻜﺮ
ﻭﺑﺎﻋﻮ ﺍﻟﻘﺼﺐ ﺍﻟﻴﺎﻧﻊ ﻭﺃﻧﻀﺮ
ﺣﺘﻰ ﺍﻟﻄﻴﻦ ﻓﻲ ﺍﻷﺭﺽ ﺍﻟﻄﻴﺒﻪ
ﻫﻮ ﻛﻤﺎﻥ ﺇﺗﺒﺎﻉ ﺑﺎﻟﺪﻓﺘﺮ
ﻛﻢ ﻋﻠﻤﺘﻲ
ﻭﻛﻢ ﺭﺑﻴﺘﻲ
ﻭﺑﺮﺿﻮ ﺑﻨﻴﺘﻲ
ﻭﺇﺗﺼﺒﺮﺗﻲ
ﻻ ﺿﻠﻴﺘﻲ
ﻭﻻ ﺳﺒﻴﺘﻲ
ﻭﻻ ﺇﺗﺎﻧﺴﻴﺘﻲ
ﺍﻟﺴﺎﻛﻦ ﺃﺭﺿﻚ
ﺃﺯﻣﺔ ﺣﺎﻟﻚ ﺟﺎﺕ ﻣﻦ ﺣﺎﻟﻨﺎ
ﻭﺣﺎﻟﻨﺎ ﻭﺣﺎﻟﻚ ﺣﺎﻝ ﺃﻭﻻﺩﻙ
ﻻ ﺑﺮﺿﻴﻚ ﺍﻟﺒﺎﻋﻮ ﺗﺮﺍﺑﻨﺎ
ﻭﺷﺘﺘﻮ ﻧﺎﺳﻚ ﺩﻣﺮﻭ ﺫﺍﺗﻚ
ﺗﻜﺒﺮ ﻓﻴﻨﺎ ﺟﺮﺍﺡ ﺗﺸﺮﻳﺪﻧﺎ
ﻭﻧﺤﻦ ﻗﻠﻮﺑﻨﺎ ﻫﻮﺕ ﻣﻨﻄﻘﺘﻚ
ﻓﻴﻚ ﻭﻓﻴﻨﺎ
ﻧﺎﺭ ﺍﻟﺤﺮﻗﻪ
ﺗﺸﻌﻞ ﻟﻬﺒﻪ
ﺗﺤﺮﻕ ﺟﻮﻓﻨﺎ
ﻳﻮﻡ ﻓﻲ ﺍﻟﺸﺎﺭﻉ
ﻧﺤﻜﻲ ﻣﺼﻴﺮﻧﺎ
ﻧﺴﻘﻲ ﻋﺼﻴﺮﻧﺎ
ﻳﻮﻡ ﺗﺤﺮﻳﺮﻧﺎ
ﻭﺗﻄﻠﻊ ﻏﻴﻤﻪ
ﺗﻬﻄﻞ ﻣﻄﺮﻩ
ﺗﺼﺐ ﺣﺮﻳﻪ
ﻧﻜﺴﺐ ﻧﺤﻦ ﻣﻌﺎﻙ ﻗﻀﻴﻪ
ﺑﺎﻗﻲ ﺍﻟﻌﻴﺸﻪ ﺗﻤﺶ ﺩﻏﺮﻳﻪ
ﻻ ﺇﺛﻨﻴﻪ ﻭﻻ ﻋﺮﻗﻴﻪ
ﻻ ﺷﻜﻠﻴﻪ ﻭﻻ ﻟﻮﻧﻴﻪ
ﻛﻢ ﻣﻦ ﻧﺎﺱ ﺇﺗﻮﺳﺪﻭ ﻟﻴﻠﻬﻢ
ﺟﻮﻉ ﻭﻣﺨﺪﻩ ﻗﺶ ﻣﺤﺸﻴﻪ
ﻭﻛﻢ ﻣﻦ ﻧﺎﺱ ﺗﻨﻬﺐ ﻣﻦ ﺑﻴﺘﻬﻢ
ﻭﺗﺒﻨﻲ ﻋﻤﺎﺭﺍﺕ ﺍﻟﻤﻨﺸﻴﻪ
ﻛﺘﺮﻭ ﺧﻼﺹ ﺍﻟﻤﺼﻠﺤﺠﻴﻪ
ﻭﻟﺴﻪ ﻫﻮﻳﺘﻚ ﺳﻮﺩﺍﻧﻴﻪ
ﺗﻤﺸﻲ ﻗﺼﺎﺩ ﺍﻟﺠﻤﺮﻩ ﺍﻟﺤﻴﻪ
ﺗﺸﻘﻲ ﺗﻌﺎﻧﻲ ﻃﻠﻌﻪ ﻭﺟﻴﻪ
ﺗﻨﺴﺠﻲ ﻣﻦ ﺁﻫﺎﺕ ﺇﺣﺴﺎﺳﻚ
ﻛﻞ ﺍﻟﻜﺎﻥ ﻗﺪﺍﻣﻨﺎ ﻫﺪﻳﺔ
ﺑﻜﺮﻩ ﺳﺤﺎﺑﺔ ﺍﻟﻈﻠﻢ ﺑﺘﺮﺣﻞ
ﻭﻳﺮﺟﻊ ﺣﻜﻤﻚ ﻟﻴﻚ ﺿﺤﻮﻳﻪ
ﻳﺎ ﻣﺘﻠﻔﺤﻪ ﻫﻤﻚ ﻟﺤﻈﻪ
ﻗﺸﻲ ﺍﻟﺪﻣﻌﻪ
ﺃﻟﺒﺴﻲ ﻃﺮﺣﻪ
ﺷﻴﻠﻲ ﺍﻟﺸﻨﻄﻪ
ﺃﻃﻠﻌﻲ ﻓﺴﺤﻪ
ﻳﻮﻣﺎ" ﺗﺼﺤﻲ ﺗﻼﻗﻲ ﺍﻟﻔﺮﺣﻪ
ﺣﺎﻝ ﺍﻟﺒﻠﺪ ﺍﻟﺸﻮﻡ ﻣﻨﺼﻠﺤﻪ
ﺗﻬﺐ ﺍﻟﻨﺴﻤﻪ
ﺗﻮﻟﻊ ﻟﻤﺒﻪ
ﺗﻀﻮﻱ ﺍﻟﻈﻠﻤﻪ
ﻭﺗﻜﺒﺮ ﻓﻴﻨﺎ ﺃﺣﻼﻡ ﺍﻟﻴﻘﻈﻪ
ﺑﺮﺿﻮ ﺃﻛﻴﺪ ﺑﻨﺤﺮﺭ ﺫﺍﺗﻚ
ﻭﺗﺒﻘﻲ ﺍﻷﻡ ﺍﻟﻴﺎﻧﻌﻪ ﻭﺧﻀﺮﻩ
ﺗﻠﺒﺴﻲ ﺗﻮﺑﻚ ﺯﻱ ﺍﻷﻭﻝ
ﺗﺮﺟﻲ ﺍﻟﻘﻔﻪ ﻭﺷﻴﻠﻪ ﻭﺷﻨﻄﻪ
ﻻ ﺑﻮﻟﻴﺲ ﻳﺤﻜﻢ ﺩﺳﺘﻮﺭﻙ
ﻻ ﻣﺘﺸﺮﺩ ﺣﺎﻡ ﺍﻟﺤﻠﻪ
ﺇﺗﺴﻮﺩﻧﺎ ﻭﻳﺴﻮﺩ ﺳﻮﺩﺍﻧﺎ
ﻛﻼﻡ ﺍﻟﻐﺒﺶ ﺍﻟﻌﺎﻧﻮ ﺍﻟﺬﻟﻪ
ﺍﻟﺬﺍﻗﻮ ﻣﺮﺍﺭﺓ ﺍﻟﺰﻣﻦ ﺍﻷﻏﺒﺮ
ﻋﻤﺎﻝ ﻣﺼﻨﻊ ﺑﺎﻟﻮﺭﺩﻳﻪ
ﻭﻧﺎﺱ ﺍﻟﺴﻜﻪ
ﺳﻮﺍﻕ ﺣﺎﻓﻠﻪ
ﺃﻭ ﻛﻤﺴﺎﺭﻱ
ﺳﻴﺪ ﺍﻟﻠﺒﻦ ﺍﻟﻌﺸﺎ ﺃﻭﻻﺩﻧﺎ
ﻋﻤﺎﻝ ﻣﻴﻨﺎﺀ
ﺗﺠﺎﺭ ﻣﺎﺷﻴﻪ
ﺍﻟﻨﺎﺱ ﺍﻟﺰﺭﻋﻮ ﻭﺣﺼﺪﻭ ﺑﻼﺩﻧﺎ
ﻟﻴﻜﻢ ﺃلف سلام وتحيه
ليكم حب الوطن السادنا
.....
تامر الرشيد عبدالله

[عبداللطيف محمد علي خالد]

روعه للغايه ي بن عمي رجاء لا تحرمنا من هذه الدرر

[تامر الرشيد]

مشكور حبيبنا عبداللطيف

[محمد صديق]

الإبن تامر ...شعر حقيقي

وفقك الله وشكراً

[تامر الرشيد]

يعطيك العافيه محمد صديق

[محمد اسماعيل مصطفى]

يا سلاااااااااااااااااااااااااااااااام عليك . شعر جميل وكلمات أروع .

[محمد اسماعيل مصطفى]

تحية لوالدك العزيز الأستاذ / الرشيد الزهجي