للجميل نتشابه والشقي نردمو بالدُرابه

**راشد بلال** · 08-09-2010, 11:57 PM

عشانك ياسمرة بشمر ساعدي تب أخودها الحرابه
مين البشبهك ياعجو القنديل الليهو الجميع يتشابه
أياك بت الأصول والعـز برية وحاشاك ماك كضابه
باكر فرسان الـدراب بشرفوا ويخلوا الـدار خـرابه

**محمد عبده12** · 08-10-2010, 03:46 PM

جيناك يا ملك في دارك الجديدة دار الجميع
نردم درابنا ونجمع القديم قبال مننا اضيـــع
لملم الامراء ناس ودعبيد وشعشع الرفيــع
خلي الدار تبتهج ونفرح كلنا مكابر وجيــــع

**راشد بلال** · 08-10-2010, 05:51 PM

المشاركة الأصلية كتبت بواسطة محمد عبده12

جيناك يا ملك في دارك الجديدة دار الجميع
نردم درابنا ونجمع القديم قبال مننا اضيـــع
لملم الامراء ناس ودعبيد وشعشع الرفيــع
خلي الدار تبتهج ونفرح كلنا مكابر وجيــــع

حباب الفارس البيهو عقدنا إذدان جـمال وحلاوة
دراب ودبـلال بجيب الزول الجميل يربع ويتلاوة
درابتك مرتبة وموزونة تقول جالبها من ودراوة
ليك من الملك ألـف تحية بقدومك الجروح تداوة

**راشد بلال** · 08-10-2010, 06:58 PM

الليلة ملك الدراب فتح النيران وحـالف ماهو يطفيها
إلا السمـرة تقول ياودبــلال الدرابة المتينة لا ترميها
نحن أولاد علي جن بنخوض أم لبوس ونعرض فيها
بعرفنا الشقي كان يومه تـمَّ وبتفرحبنا الكبار عينيها

**راشد بلال** · 08-10-2010, 07:47 PM

كل ماأشوفك ياخـازوق بطرى زمن إيقاعك الجميل
كت عازف ماهر رقـص للحسان روقت موية النيل
حليل الدندنة في العصرية وحليل الديسو زي الليل
هل من عودة ياخـلا أم أتـوجع أرفس أحاكي الخيل

**راشد بلال** · 08-10-2010, 08:29 PM

نزلنا السودان ولقينا اللحم أسعارو تب مولعة نـار
أحترنا ياناس خـدارنا الشريناه فوق إيدنا عاد بـار
أتوجهنا قصاد ودبلدي عبدالكريم العينه باقة شرار
ردملنا السمك أشكال وأنـواع أحجـام صغار وكبـار

**معتصم صديق ابوعاقله** · 08-10-2010, 10:12 PM

ما كــت قايلك يــا ودبلال شــيخ الزوغــان
وما بتــنقبض وتقول لـــي فـــلان وفـــلان
نحن أمورنـــــا مرتبــــه وما بنـقول عِلّان
وديمة موبايلي فاتح وبرضو منك زعلان

**راشد بلال** · 08-10-2010, 10:57 PM

المشاركة الأصلية كتبت بواسطة معتصم صديق ابوعاقله

ما كــت قايلك يــا ودبلال شــيخ الزوغــان
وما بتــنقبض وتقول لـــي فـــلان وفـــلان
نحن أمورنـــــا مرتبــــه وما بنـقول عِلّان
وديمة موبايلي فاتح وبرضو منك زعلان

أكان الشيخ بزوغ عاد تاني شن الفايدة في الحيران
لومك علي من تبيت لآ يوم الليلة مابدري بالزوغان
إت ظنيتك فوق الترعة صيدك ناجع صارقيلك فتران
وكان للزعل ياخـي برضيك وأنحرلك أسـمـن التيران

**راشد بلال** · 08-11-2010, 12:05 AM

كتير من الناس قالولي أبعد دمك ديل هول شُلليات
قتلهم عـارف وشايف بس خلوني أغرزلهم شتلات
خلوني أردم وكان ماعجبني قريب بشتت الشمعات
شن بدوربهم لافوقهم ضوء لابنوتاً سـمـر سمحات

**راشد بلال** · 08-11-2010, 12:17 AM

أسامة عبدالله محمد الحسن زينة رفاعة حبيب أحبابه
ليك من ملك الدُراب مليون تحية وورود جميلة جزابه
حقيت الإسم وزد فوقو جسارة مشهودلك ياأسد الغابه
ود ناساً كـرام وعـزاز سيرتهم مسك الخلوق تتحكابه

الموضوع: للجميل نتشابه والشقي نردمو بالدُرابه

أدوات الموضوع

عرض

للجميل نتشابه والشقي نردمو بالدُرابه

ضوابط المشاركة