علمي عيوني السفر
ما البسافر في عيونك
سكتو بتبقى السلامه
ينسى أحزانو ويعرف
الدنيا جمبك إبتسامه
ضللي الناس بي حنانك
و ابقي ليهم ضل غمامة
الشقى اللازمني مده
يوم يفوت و الفرحة تبدأ
ما بقول فارقني عدى
عشان بخاف ترحل عيونك
و تنهزم فيني الأماني
أصلو غير عينيك وحاتك
ما في للافراح معاني
جبنا ليك شوق في عيونا
و في عيونك شوق يتاغم
الشجون باكر بترحل
و الزمن يصفى و يسالم
و تنسجم في الحب ظروفو
و الحنين تزهر غصونو
العشم دانيات قطوفو
شوفي كيف يوم بكرة عامر
هاتي إيدك شان نطوفو
______________
________
أبو ياسر حسن