.::||[ آخر المشاركات ]||::.
فاطمة محمد حامد في رحاب الله ا... [ الكاتب : صديق حرجولي - آخر الردود : محمد سعد عمسيب - عدد الردود : 9 - عدد المشاهدات : 94 ]       »     عناوين الصحف الصادر بالخرطوم ي... [ الكاتب : معتصم سليمان بابكر - آخر الردود : معتصم سليمان بابكر - عدد الردود : 33 - عدد المشاهدات : 882 ]       »     والدة البروفيسور الفاتح عباس ش... [ الكاتب : صديق حرجولي - آخر الردود : محمد سعد عمسيب - عدد الردود : 6 - عدد المشاهدات : 74 ]       »     محمد مبارك ابوتركي في ذمة الله... [ الكاتب : صديق حرجولي - آخر الردود : محمد سعد عمسيب - عدد الردود : 10 - عدد المشاهدات : 109 ]       »     كامل يوسف بخيت فى ذمة الله [ الكاتب : الخير الحسين - آخر الردود : محمد سعد عمسيب - عدد الردود : 11 - عدد المشاهدات : 83 ]       »     العمعبدالقادر محمد جبارة في رح... [ الكاتب : صديق حرجولي - آخر الردود : محمد سعد عمسيب - عدد الردود : 5 - عدد المشاهدات : 46 ]       »     أسماء محمد احمد الطيب في ذمة ا... [ الكاتب : صديق حرجولي - آخر الردود : محمد سعد عمسيب - عدد الردود : 8 - عدد المشاهدات : 76 ]       »     سلوى محمد صالح (النير) في ذمة ... [ الكاتب : صديق حرجولي - آخر الردود : محمد فتحي - عدد الردود : 8 - عدد المشاهدات : 88 ]       »     مكه دفع الله في ذمة الله الجمع... [ الكاتب : صديق حرجولي - آخر الردود : محمد فتحي - عدد الردود : 9 - عدد المشاهدات : 87 ]       »     ماجدة عباس مليص في رحاب الله ا... [ الكاتب : صديق حرجولي - آخر الردود : محمد فتحي - عدد الردود : 5 - عدد المشاهدات : 64 ]       »    



الإهداءات


 
العودة   منتديات رفاعة للجميع > الأقسام العامة > منتدى الحوار العام

اسم العضو
كلمة المرور
 

منتدى الحوار العام للنقاش العام

كاتب الموضوع مهند الجيلي بادي مشاركات 1 المشاهدات 4370  مشاهدة صفحة طباعة الموضوع | أرسل هذا الموضوع إلى صديق | الاشتراك انشر الموضوع
إضافة رد
 
 
أدوات الموضوع انواع عرض الموضوع
قديم أضيفـ /08-12-2006, 02:58 PM   #1

مهند الجيلي بادي
رفاعي نشط

الصورة الرمزية مهند الجيلي بادي


 

 رقم العضوية : 609
 تاريخ التسجيل : Jun 2005
 الإقامه : القبوع أسفل التوقع .. !!
 المشارگات : 566
 تقييم المستوى : 10


مهند الجيلي بادي غير متصل
افتراضي لحظة شهيق ... نكر صوتك صداك - العمل كااااااااااااااااامل


ملطوشة من منتديات عكس الريح





رابـــــط الحفـــــــــــظ

نكر صوتك صداك
غالطني الزمن فيك
شهرت على الجفاف وعدك
بطاقاتنا الخريفية
رجع فاضي الكلام مليان
معاك أتبرجت غيمة
وشهق جوايـا
صوت جدول
مرقت على المطر حفيان
لقيتك والرزاز مدخل
وناديتك :أقيفى معاى
نشيل كتف الغنا الميّل
ونتخيل
حلم دونك بيتحقق
وقبلك خيل دماى واقفة على
شريانى .. تتشهق
وعرف صوتك .. صداك غنيتى
رشحت حلقك لى إذاعات الشجر
والمنتظر من عودة المدعو المطر
والمسادير .. والطنابير
واللسة فى رحم القصيد
والدابو حسّ فى سوق عكاظ
بين مزادات الحروف
غيبت رسمك .. وإحتكرتك
لى الظروف
للزمان الجايى .. واللحظة اللى
فاتت منى هسة
يا واقفة بين جرح السحاب
وبين شهقة الأرض البكر
ما كان ده ريد
كان إحتمال تغيير قوانين حركتك
ما بين حديثنا.. ولحظة
الفعل الحقيقى
وإنتباهك إنتى للشارع البيرجع
تانى لى نقطة بدايتو
وإنحيازك إنتى للشارع البيرشح
فى مسام رمل التوقع
وما أتعرف قانون نهايتو
غايتو أمشى فى الدرب البطابق
فيهو خطوة صوت حوافرك
يا فرس كل القبيلة .. تلجموا
يكسر قناعاته ويفر .. يسكن
مع البدو .. فى الخلا
ما يرضى غير الريح
تجادلو وتقنعوا
........
إفترضتك لون أساسي
يمنح اللوحة إزدواجية القراية
ويفتح الضو
بين خطوط الريشة ..
والخط الإضافى .. الجايى
من شبكية الزول البشاهد
وإكتشفنا الرسمك وأنا
وبرضو التوارد فى الخواطر
ونفس أرقام التذاكر
البيها سافرنا وشهدنا
إنفجارك فى الأرض
يا سمرا يا واضحة
ما غنيت يوم جيتك .. صدفة
ما ظنيت يوم جيتك صدفة
قبل أبداك كان غصنك .. بشـّر
يوم ما كان إحساسك مسرى
عرج غيمك فينى .. ومطّر
لحظة طار عصفور من صدرك
رتب فينا إحساس بالإلفة
ودوزن عصب الزمن الأشتر
وإتوكلت عليكى .. وقلت
المارق منك داخل جرح الوردة
وراسم فوقا غناوى الطل
المارق منك
رجع للغابات الزنج الهاربة
وللعتمور العرب العاربة
وأدى الكون مفتاح الحل
المارق منك
شادد عصب الورقة .. وحرفى
وراصد فى اللاّ وعى سكونو
مواعيد صحوه .. وحلمو ولونو
شارى يقينك فى ظنى
سارق لحظة إنى أفكر
المارق منك
مارق منك .. أو .. منى
او مت شهيد ..
***************
ما تتضارى ورا الدعوات
وما تتلبسي فرح الفات
يسكن فيك النغم الزايف
ويسرق حاسة شوفنا الواقفة
على رجلين جوانا
نحن الهاوية .. والمتطامن
من الأرض
آه من نحلك ساعة يرحل
ولمن يكتب فينا الحنضل
ويختم عمرو بفعل الشهد
قال الجدول :
طلوع النخلة .. مرور
الريح .. واحد
لكن الريح بعانق حقل
ونحن بنطلع نخلة .. وننزل
ونكتب فى ذاكرة الصفق الأخضر
سجنا الريح فى الورق الأبيض
وجهناها ضد التمر الناعس
يسقط زى قبعة الحارس
زى الكان بيناتنا ..و فات
قالت غيمة :
) بين قوسين غيمة لئيمة)
أولاد الشارع فهرس لى كل المدن
التهرس جوفك بالأسمنت
قالت ريح :
شوف الناس قنديل
لو ما نور يحرق كوخ ..
وباقى الحلة تنور
أو يتفجر جوخا وينزل بوخ
يقول للنسمة الزايفة .. أقيفى
لو تتفرد ريح .. تتشرد ريح ..
ريح الخوف
لو تتفرد ريح تبدا تفرتق
ضفاير المدن الكاذبة
تعيد تسريحتك
يوم سمايتك .. شكل قامتك
كيف تموتى .. وتحيى تانى
ويوم قيامتك .. هو البيدينا الثبات
يا مجلوبة فى قافلة رق
ما بستحمل صدرك رصاصة ظلم
يا صابت رحم الفال
يا قطعت حبل الحلم
يا كنا نبيعك .. يا نسرق
إخترنا النار .. الضلها يحرق
طمنـّاك إنو الدنيا بخشها ضو
يجرح جلد العتمة
دم الليل قربان فجرك
يا بت يا نيل
لو نامت قمحة على
الأرض وإتشرت زيو
وزاد الأبيض فى غيو
ومدد رجلو اليسرى
ما كان الكسرة .. جاتك من برة
صفرا .. ومنكسرة
زوجناك الشهدا وِلاد الكد
الماتو عشان الشعب
زوجناك ما عندك ضرة
زوجناك ما جاتك ضرة
وما إنشاف ماعونك فى
الحلة يساسق
ويلقى فتات
قال الأبيض لى الأزرق:
يبقى ضد الإنتباه
وضد تواريخ التمازج بينى .. بينك
ما البشوفك فى مراهقة الخرائط
وفينا من وجع المسافرين واطه .. ما لاقت هوية
رد الأزرق:
مطر الحبش لو كان نبش
جواك سقف
و هد حيلك فى الدواخل
وشدّ عصبك فى المداخل
صوت مراكبى
وإيد بتسأل فى القمح
وفينا من فرح المسافرين
قصة الشمس .. القضية
يا أعشاب النيل الأبيض
ما تتضارى ورا الدعوات
ما تتلبسى فرح الفات
أقرا تاريخك .. وأخاف
أسأل جبين الفجر .. ألقى
الفجر مطعون فى القفا
هل سافرت فى دمك المحقون
رجا حبة غضب
ما شلنا جمرك .. وإنطفا
جوانا نارك .. والمطر
جايين بالكتابة ..
وضربة الناس المهابة
لو هز نخلك باشبزق
ما فارغت تمر السبيط
وما ساور الطورية شك
إنو الأرض أنثى .. وبتحمل بالحلال
مين اللى قال
إنو المسافة البينا بين الشمس طاقة
أو مياه النيل
بتدخل فى عروق السنبلة
المسقية بى عرق الجعانين ..
والمساهرين بالبطاقة
أقرى تاريخك .. وأقيف
جواكى .. والزمن النضيف
جواى .. من جواك غضب
سلم مفاتيح السؤال
جيل الشمس .. موكب حريق
واقف على باب الدخول
بيناتو بينات الوصول ..
لحظة شهيق
لحظة شهيق ..


المصدر :
http://drmoiz.com/phpBB2/viewtopic.php?t=20691



مرفق :
حبي الكبير
بـــــادي


شاركنا رأيك عبر الفيس بوك ...




 

 

 


 

وخرجت من وجعي
بآلاف التجارب ..
وامتهنت الصبر
وعشقت بلادي
ثم ملك الموت
وبقيت احارب ..

(مهند الجيلي بادي)

 

  رد مع اقتباس
قديم أضيفـ /09-09-2006, 07:15 AM   #2

فخر الدين أبو وعد
رفاعي عبقري

الصورة الرمزية فخر الدين أبو وعد


 

 رقم العضوية : 1103
 تاريخ التسجيل : Mar 2006
 المشارگات : 3,951
 تقييم المستوى : 12


فخر الدين أبو وعد غير متصل
افتراضي

الرائع /مهند الجيلى بـــــــــــــــــــــــــــــــــــــــــــــــــ ــــــــــــادى


التحيه لك والتقدير .واختيارك رائع روعه حضوركم.




 

 

 


 

اقبل على النفس واستكمل فضائلها
فانت بالروح لابالجسم انسانا

 

  رد مع اقتباس
 
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
سبب اختيار لون العلم لكل دوله عربيه senabeya منتدى الحوار العام 0 08-06-2006 03:32 AM

Facebook Comments by: ABDU_GO - شركة الإبداع الرقمية

الساعة الآن 11:48 AM.


Powered by vBulletin® Version 3.8.8 Beta 2
Copyright ©2000 - 2014, vBulletin Solutions, Inc.
المواضيع والمشاركات في منتديات رفاعة للجميع تعبر عن رؤية كاتبيها

a.d - i.s.s.w