.::||[ آخر المشاركات ]||::.
فنان الطمبور عثمان اليمني في ر... [ الكاتب : معتصم سليمان بابكر - آخر الردود : يوسف البشير يوسف - عدد الردود : 3 - عدد المشاهدات : 75 ]       »     ريال مدريد x بايرن ميونخ [ الكاتب : شنبوو - آخر الردود : شنبوو - عدد الردود : 0 - عدد المشاهدات : 14 ]       »     أتلتيكو x شيلسي [ الكاتب : شنبوو - آخر الردود : شنبوو - عدد الردود : 2 - عدد المشاهدات : 35 ]       »     زوجة الفتّال في رحاب الله الاث... [ الكاتب : صديق حرجولي - آخر الردود : شنبوو - عدد الردود : 8 - عدد المشاهدات : 36 ]       »     جنيهنا الزينة.. [ الكاتب : نوارة - آخر الردود : نوارة - عدد الردود : 0 - عدد المشاهدات : 18 ]       »     محمد عادل الفادني عريس بطاقة ... [ الكاتب : معتصم سليمان بابكر - آخر الردود : محمد فتحي - عدد الردود : 5 - عدد المشاهدات : 56 ]       »     .......وَلِمَنْ فاتَهمُ الإسْت... [ الكاتب : محمد صديق - آخر الردود : محمد صديق - عدد الردود : 326 - عدد المشاهدات : 15533 ]       »     الولي الصالح بين المنهج السلفي... [ الكاتب : vivid - آخر الردود : vivid - عدد الردود : 8 - عدد المشاهدات : 152 ]       »     يطلبون القرب من داخل البعد (بع... [ الكاتب : somia - آخر الردود : vivid - عدد الردود : 2 - عدد المشاهدات : 35 ]       »     بشرى للجميع : وصول أثاثات كلية... [ الكاتب : الفاتح حسن - آخر الردود : محمد صديق - عدد الردود : 8 - عدد المشاهدات : 347 ]       »    



الإهداءات


 
 
العودة   منتديات رفاعة للجميع > الأقسام العامة > منتدى الحوار العام

اسم العضو
كلمة المرور
 
 

منتدى الحوار العام للنقاش العام

إضافة رد
 
 
 
أدوات الموضوع انواع عرض الموضوع
قديم أضيفـ /07-18-2010, 11:20 AM   #1

abubaker salim
رفاعي جديد


 

 رقم العضوية : 2216
 تاريخ التسجيل : Feb 2007
 المشارگات : 28
 تقييم المستوى : 0


abubaker salim غير متصل
افتراضي مـن غيـر زعــــل

> بكائيه على حائط العزوبيه
>
> بكائيه على حائط العزوبيه
>
> كالعادة وخلافا لكل دول العالم التى تتم فيها مراسم الزواج فى يوم او اثنين وبأقل التكاليف الممكنة نجد ان الزواج السودانى هو عبارة عن مسلسل مكسيكى يستمر لايام وايام يجتمع فيها الاهل والاحباب والجيران وجيران الجيران والاقارب من الدرجة الخمسمائة بعد الالف وينفق فيه اموال طائلة تكفى لبناء مستشفى حديث او فندق 5نجوم او رواتب المعلمين فى احدى المحافظات
>
> تبدأ الحكاية بعد ان تحس بالقلق عندما تجد ان معظم اصدقاءك قد دخلو القفص الذهبى طائعين مختارين_اؤمن تماما بمسألة القفص ولكن لدى تحفظات كثيرة على حكاية ذهبى دى_المهم تحس وتأخذك غضبة حمقاء وتناجى نفسك وانت فى حفلة زواج بالخطر احد الاصدقاء (والله الواحد بعد دا يشوف ليه مرا. معقول هناى الاهبل دا يعرس وانا لسه قاعد براى زى تور الساقية) عندها يستعرض خيالك قائمة طويلة من معارفك البنات ابتداء من ناس نونة زميلتك فى الروضة مرورا بصديقات مرحلة المراهقة الكتار وحتى زميلات الجامعة والشغل وبنات الحلة وبنات الاعمام والاخوال وباقى الاهل ثم وبسرعة تنسى كل اولئك النساء فى حياتك عندما تسترعى انتباهك الحسناء الجالسة فى ركن قصى فى حفل ذات الصديق الاهبل,تحبها من اول نظرة وتراقب حركاتها وسكناتها, تلاحظك هى لكن تعمل ماشايفة وتتلاهى بمكالمة وهمية فى موبايلها وهى ترمقك من طرف خفى كما يفعل الصياد المحترف
>
>
> المهم تتعارفوا بواحدة من الطرق الكثيرة وجلسة جلستين فى الكافتريا ثم (ياهناى والله انا ماممكن اطلع وانزل معاك كدا ساى, الناس تقول علينا شنو؟ سمعتى حتبوظ) ثم تمسح دمعة وهمية من عينيها فتأخذك الحماسة وتقول (والله ياسوسو_ودا اسم دلع يقبل آلاف الاسماءمنعا للمشاكل_انا ناوى اصل بيتكم بس انتى عارفة الظروف والعرس بيكلف كتير وووووو) فتقاطعك سوسو بحنية ثعلبية وبنعومة الافاعى (انا مادايرة منك شى, انت بس تعال اخطب والعرس يتأجل لحد ماالظروف تتحسن) فتصدق الكلام من عوارتك وتحدد يوم الخطبة وتأخذ ثلة من اهلك وقليل من جيرانك واصدقاءك وتقصد بيت الملاك المختار وتفاجأ انت واهلك بحشد كبير فى بيت العروس وخيمة كبيره امام البيت وصوت المايكرفون يردد (تست تست واحد اتنين تلاتة تست تست) تأخذك الدهشة قبل ان يأخذك ابو العروس جانبا, يعدل عمته التوتل ثم يقول (والله ياولدى انحنا خطوبة ومسخرة ودخلة ومرقة ماعندنا,عشان كدا قررنا نعقد ليكم طوالى والعرس بالراحة) ثم بأبتسامة محذرة (ولا رايك شنو؟) وقبل ان تدلى برأيك غير المعتد به اصلا يكون وكيلك ووكيلها قد اتموا عقد القران فى الخيمة وتحولت انت بقدرة قادر من مشروع خطيب الى زوج-مع وقف التنفيذ-بسرعة البرق ثم يغمرك المعازيم (مبروك ياعريس مبروك ياعريس بيت مال وعيال) وانت كاضم ماقادر ترد وتسمع احدى عمات العروس وهى تقول (شوفوا ياخوانى من الفرحة لمن ماقادر يتكلم) ثم تطلق زغرودة مدوية وهى تبتعد تجتاحك معها رغبة فى لكمها فى فمها لتخرس الى الابد .. فرغم انها صارت شرعا حرمك المصون الا انه يجب عليك ان تقوم بطقوس مهولة ومراسم عرس كامل لأستلامها!!! وعندما تثور على الوضع وتحلف بالطلاق ان تمشى تجرها من شعرها وتجيبا بيتك بدون حفلات او كلام فارغ وتخلص .. تفاجأ بأن المعارضة تأتيك من الداخل أى امك واخواتك (ليه مادايرنا نفرح بيك؟ انحنا اقل من الناس البسوو الاعراس؟ والله لو ماعملت عرس ماعافيين منك؟ عليك الله عاين دا, داير الجارات ياكلن وشنا؟) فترضخ للأمر الواقع وتبيع قطعة ارض ورثتها عن جدك الرابع عشر وترهن بيت ابوك وتبيع الكمبيوتر والموبايل وتزوغ ببعض الصناديق ثم تستلف من 10-15صديق كدا واخيرا واخيرا جدا تجد نفسك حالق جديد ولابس بدلة سودا-لون الحداد!!!- متأبط شرا هو عروسك المصونة والتى جاءتك فى هيئة فيل صغير بعد ان نجحت وصفات التسمين التى قامت بها العمات والخالات وبعض الصديقات الخبيرات, تأتيك متدحرجة فى فستان ابيض-لون الفرح!!! -فتجلسا تحت بقعة ضوء مزخرفة عليها كرسيان تعرف بالكوشة- والتى لاول مرة تدرك معناها- الجميع فى الحفل فى رقص هستيرى والفنان يصدح بسعادة غير مبررة (شن بتقولوا فى الفرح البعذب سيده والريد البضيع زولوا!!) فتلمس الاغنية فيك اوتارا حساسة وتكاد تطفر الدموع من عيونك, وتجول عيناك على الحضور السعيد وتتوقف عيونك على آخر العزاب من اصدقاءك وهو يرنو اليك بحسد تارة وتجول عيناه بين الحسناوات تاره اخرى وتكاد تقرأ افكاره وهو يفكر (هسى فلان الاهبل دا عرس وانا قاعد براى زى تور الساقية؟) فتكاد تصرخ فيه محذرا ولكن صوتا خبيثا فى داخلك يهمس بمكر وحقد (وانا مالى, هو أنا فى زول حذرنى؟)؟
> "عشان كدا لمن تمشي مناسبة حتلقى الجكس بعاين ليك وبيبتسم ليك أعمل حسابك لأنو بضحك عليك ودنقر راسك طوالي وأعمل فيها أهبل ولو حاولت تتكلم معاك وتشاغلك أبكي عشان تقول عندو نفسيات ولو أصرت وعملت فيها مصلح ودكتورة أصرخ وأقطع فيه كف وقوم جاري أخير ليك يقولوا مجنون من يجننوك بالجد" نصيحة من داقس
> (انتو ما سمعتو بالمثل الساير اليومين ديل البمد صباعو بيجرو من ضراعو والبعاين بعينينو بيجرو من اضنينو)
> نصيحه من داقس تو
>


شاركنا رأيك عبر الفيس بوك ...




 

 

 


  رد مع اقتباس
قديم أضيفـ /07-18-2010, 11:28 AM   #2

مصطفى كشة
رفاعي عبقري


 

 رقم العضوية : 3373
 تاريخ التسجيل : Jul 2007
 الإقامه : على الارض مؤقتا
 المشارگات : 6,095
 تقييم المستوى : 13


مصطفى كشة غير متصل
افتراضي

كلام عجيب فعلا




 

 

 


  رد مع اقتباس
قديم أضيفـ /07-19-2010, 02:36 PM   #3

برونزية
عضو رفاعي

الصورة الرمزية برونزية


 

 رقم العضوية : 2688
 تاريخ التسجيل : May 2007
 المشارگات : 4,143
 تقييم المستوى : 11


برونزية غير متصل
افتراضي

بكرى
كلام زى الدهب
بس نحن ما سمعنا بي الطريقة الثعلبية العنترية دى
مالك ما قلت من زماااااااااااااااااااان
كل الود




 

 

 


 

لاتحاول البحث عن حلم خذلك
ولكن اجعل من حالة الانكسار بداية حلم جديد




الحاصل بي انا شوق وحنين

 

  رد مع اقتباس
 
 
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Facebook Comments by: ABDU_GO - شركة الإبداع الرقمية

الساعة الآن 05:29 PM.


Powered by vBulletin® Version 3.8.8 Beta 2
Copyright ©2000 - 2014, vBulletin Solutions, Inc.
المواضيع والمشاركات في منتديات رفاعة للجميع تعبر عن رؤية كاتبيها

a.d - i.s.s.w

جميع الحقوق محفوظة لمنتديات رفاعة للجميع

تصميم ..هند أبوزيد