.::||[ آخر المشاركات ]||::.
حلايب وشلاتين.. السكوت المُــذ... [ الكاتب : شنبوو - آخر الردود : عبدالمنعم الدابي - عدد الردود : 9 - عدد المشاهدات : 273 ]       »     الحاجة عرفة عثمان حاج علي في ذ... [ الكاتب : صديق حرجولي - آخر الردود : شنبوو - عدد الردود : 9 - عدد المشاهدات : 106 ]       »     صقور الجديان,,, تسقط في اول ام... [ الكاتب : شنبوو - آخر الردود : شنبوو - عدد الردود : 1 - عدد المشاهدات : 83 ]       »     القرب من الله نعيم الأولياء وا... [ الكاتب : مراقى - آخر الردود : مراقى - عدد الردود : 0 - عدد المشاهدات : 38 ]       »     حلايب سودانيه [ الكاتب : عبداللطيف محمد علي خالد - آخر الردود : شنبوو - عدد الردود : 5 - عدد المشاهدات : 117 ]       »     الامارات تكرم موظف سوداني [ الكاتب : عبداللطيف محمد علي خالد - آخر الردود : شنبوو - عدد الردود : 2 - عدد المشاهدات : 98 ]       »     .......وَلِمَنْ فاتَهمُ الإسْت... [ الكاتب : محمد صديق - آخر الردود : محمد صديق - عدد الردود : 331 - عدد المشاهدات : 18873 ]       »     قميص يوسف عليه وعلي نبينا افضل... [ الكاتب : عبداللطيف محمد علي خالد - آخر الردود : عبداللطيف محمد علي خالد - عدد الردود : 0 - عدد المشاهدات : 36 ]       »     مرحباً بالبوردابي الوجيه يسن ... [ الكاتب : معتصم سليمان بابكر - آخر الردود : عبدالباقي ابوتركي - عدد الردود : 9 - عدد المشاهدات : 232 ]       »     حمداً لله على السلامة لأخينا ا... [ الكاتب : معتصم سليمان بابكر - آخر الردود : صديق حرجولي - عدد الردود : 9 - عدد المشاهدات : 204 ]       »    



الإهداءات


 
العودة   منتديات رفاعة للجميع > منتديات الفنون والأدب > المنتدى الأدبي

اسم العضو
كلمة المرور
 

المنتدى الأدبي اسهامات ادبية

كاتب الموضوع محمد عبدالمنعم العليقي مشاركات 8 المشاهدات 3818  مشاهدة صفحة طباعة الموضوع | أرسل هذا الموضوع إلى صديق | الاشتراك انشر الموضوع
إضافة رد
 
 
أدوات الموضوع انواع عرض الموضوع
قديم أضيفـ /07-09-2008, 12:24 PM   #1

محمد عبدالمنعم العليقي
عضو رفاعي

الصورة الرمزية محمد عبدالمنعم العليقي


 

 رقم العضوية : 1520
 تاريخ التسجيل : Sep 2006
 الإقامه : UAE- Abu Dhabi
 المشارگات : 1,374
 تقييم المستوى : 9


محمد عبدالمنعم العليقي غير متصل
افتراضي أعمال الشاعر عكير الدامر...

وفاء لوعد قطعته على نفسى منذ زمن
للأخ فيصل يوف حامد عبر احد بوستاته الرائعة
بأن اتناول أشعار الشاعر الكبير عكير الدامر (رحمه الله)
وأحاول الوفاء بالوعد هنا اسأل الله العون
وهذه رسالة عبر هذا البوست للأخ فيصل يوسف حامد:
بالله عليك تعود فمساحات الفرح والروعة كلها مفتقداك..

وبسم الله نبدأ
















خالص الود
ـــــــــــــ
العليقى


شاركنا رأيك عبر الفيس بوك ...




 

 

 


 


الجفلن خلَّهن أقرع الواقفات..!!



Be the CHANGE you want to see in the world

 

  رد مع اقتباس
قديم أضيفـ /07-09-2008, 12:25 PM   #2

محمد عبدالمنعم العليقي
عضو رفاعي

الصورة الرمزية محمد عبدالمنعم العليقي


 

 رقم العضوية : 1520
 تاريخ التسجيل : Sep 2006
 الإقامه : UAE- Abu Dhabi
 المشارگات : 1,374
 تقييم المستوى : 9


محمد عبدالمنعم العليقي غير متصل
افتراضي عن الشاعر..

الشاعر عكير الدامر هو علي إبراهيم عاكير
والده من البجا، وأمه من الجعليين بالدامر،
وارتبط اسمه بالدامر، ككثيرين غيره من البجا،
مثل آل أبوهاجة، وهو من أوائل خريجي مدرسة غردون
لذا تجده يجيد الإنجليزية، وبالطبع البجاوية ، والعربية...
اشتهر بشعر الحكم، المدح، وصف الطبيعة وقليل من شعر الغزل لكنه أجاد فيه..
أبدع كثيراً فى شعر "الدوبيت" و"المجادعات"...
كما تجلت مقدراته الشعرية في إخوانياته الرائعة...
فتأتي أشعاره مشبعة بالبداوية
مع انه يستطيع ان يكتب بالفصحى اجمل الاشعار واعذبها
ولكنه إختار هذا الضرب من الشعر كتحدى لنفسه والآخرين
حيث كانت الساحة آنذاك تعج بالفطاحلة من شعراء البطانة ونهر عطبرة..
فمعأ أحبتي لتناول ما جاد به علينا هذا القامة من قامات الشعر في بلادى..

والبوست مفتوح للجميع، فكل من له شئ لشاعرنا ارجو ان لايبخل به علينا..













خالص الود
ــــــــــــــ
العليقي




 

 

 


 


الجفلن خلَّهن أقرع الواقفات..!!



Be the CHANGE you want to see in the world

 

  رد مع اقتباس
قديم أضيفـ /07-09-2008, 12:29 PM   #3

محمد عبدالمنعم العليقي
عضو رفاعي

الصورة الرمزية محمد عبدالمنعم العليقي


 

 رقم العضوية : 1520
 تاريخ التسجيل : Sep 2006
 الإقامه : UAE- Abu Dhabi
 المشارگات : 1,374
 تقييم المستوى : 9


محمد عبدالمنعم العليقي غير متصل
افتراضي يامولاى

يا مولاي آه من غُلبي من النارو حرقت قلبي
حظي الديمة من رد الآنيس جافل بي
طالت السفرة واتحفت مناسم تلبي
هب الريم وعاودك الحنين ياقلبي

مالِك نفسي مظعونة وتملي تنيني
مالك عيني للغميض أبيتي تليني
عطشان ديمة كفح الموية ما برويني
كاتلاني الطريفية البريدا قريني

الناس عيدت مرقت على أصحابها
وأنا فريت على الجاهله السمح ترحابها
فاطراً يحكي براق البدوديiسحابها
لفت قلبي زي لف طرحتها اللافحابها

ختت أيدها فوق إيدي انجذبت خِدرت
حبيت أمشي من كُتر الطرب ما قدرت
بقت الحنة بين إيدي وأيديها اندرت
لولا الحنة بيني وبينها كنت ودرت

شعرك منتظم زي السلاسل فتلو
وعينيك ترقِص الحجر ان بقت شافتلو
الطاؤوسة قاصدة مشيكي ما عرفتلو
وأعصاب الرآك أتكهربت تلفتلو

أخدر ليهو ضل فوقو المحاسن انشرن
أفلج فاطرو زي برق السواري الكرن
يتقسم مقاطع في المشي ويتحرن
زي فرخ القطا الأماتو ركن وفرن

يتمنى الدهب لو لونه يشبه لونك
اشتهت الدرر لو هي تبقى سنونك
مجنون ليلى حالتو أقل من مجنونك
مادام ليلى كانت في المحاسن دونك

عن من أحبه أنا غير خاطري فرقت
هائج بي غرام عن حالتي خلي سرقت
لولا أدمعي من ناري كنت حرقت
ولولا ناري من كترة دموعي غرقت
















خالص الد
ـــــــــــــ
العليقي



 

 

 


 


الجفلن خلَّهن أقرع الواقفات..!!



Be the CHANGE you want to see in the world

 


التعديل الأخير تم بواسطة محمد عبدالمنعم العليقي ; 07-14-2008 الساعة 02:44 PM
  رد مع اقتباس
قديم أضيفـ /07-09-2008, 01:05 PM   #4

احمد عبدالقادر حجازي
رفاعي عبقري

الصورة الرمزية احمد عبدالقادر حجازي


 

 رقم العضوية : 1575
 تاريخ التسجيل : Oct 2006
 الإقامه : الرياض-السعودية
 المشارگات : 4,326
 تقييم المستوى : 12


احمد عبدالقادر حجازي غير متصل
افتراضي

[QUOTE=محمد عبدالمنعم العليقي;279640]

يا مولاي آه من غُلبي من النارو حرقت قلبي
حظي الديمة من رد الآنيس جافل iiبي
طالت السفرة واتحفت مناسم iiتلبي
هب الريم وعاودك الحنين iiياقلبي

مالِك نفسي مظعونة وتملي iiتنيني
مالك عيني للغميض أبيتي تليني
عطشان ديمة كفح الموية ما iiبرويني
كاتلاني الطريفية البريدا iiقريني

الناس عيدت مرقت على iiأصحابها
وأنا فريت على الجاهله السمح ترحابها
فاطراً يحكي براق البدودي iiسحابها
لفت قلبي زي لف طرحتها iiاللافحابها

ختت أيدها فوق إيدي انجذبت iiخِدرت
حبيت أمشي من كُتر الطرب ما iiقدرت
بقت الحنة بين إيدي وأيديها iiاندرت
لولا الحنة بيني وبينها كنت iiودرت

شعرك منتظم زي السلاسل iiفتلو
وعينيك ترقِص الحجر ان بقت iiشافتلو
الطاؤوسة قاصدة مشيكي ما iiعرفتلو
وأعصاب الرآك أتكهربت iiتلفتلو

أخدر ليهو ضل فوقو المحاسن انشرن
أفلج فاطرو زي برق السواري iiالكرن
يتقسم مقاطع في المشي ويتحرن
زي فرخ القطا الأماتو ركن وفرن

يتمنى الدهب لو لونه يشبه iiلونك
اشتهت الدرر لو هي تبقى iiسنونك
مجنون ليلى حالتو أقل من iiمجنونك
مادام ليلى كانت في المحاسن iiدونك

عن من أحبه أنا غير خاطري فرقت
هائج بي غرام عن حالتي خلي iiسرقت
لولا أدمعي من ناري كنت iiحرقت
ولولا ناري من كترة دموعي iiغرقت




الاستاذ محمد العليقي
السلام عليكم ورحمة الله وبركاته
مالذي حدا بك وانت من ابناء هذا الجيل (جيل الهند),أن تقتفي أثر هذا الابداع,الذي أحسب أن بينه وبين جيلكم (المعاصر) بون شاسع يوازي المسافة بين (الثري والثريا)..أقله الفارق الوجداني الذي يهتز طربا وينتشي لسماع (نمة). وحتي جيلنا قد ألقي بتلك الدرر الثمينة ليستبدلها بالغث والرخيص من الادب الذي يعيش عصر انحطاطه.
عكير الدامر رجل أديب مؤدب,قرأت له الكثير خاصة مرثيته التي صنتها ولأدري أين وضعتها ,تلك التي رثي فيها عكير شاعر البطانة عبدالله حمد ود الشوراني...رحم الله شاعرينا...والشكر لك وأنت تستجمع خيوط الشعر الرصين لشاعرنا عكير الدامر.



 

 

 


  رد مع اقتباس
قديم أضيفـ /07-09-2008, 01:33 PM   #5

محمد عبدالمنعم العليقي
عضو رفاعي

الصورة الرمزية محمد عبدالمنعم العليقي


 

 رقم العضوية : 1520
 تاريخ التسجيل : Sep 2006
 الإقامه : UAE- Abu Dhabi
 المشارگات : 1,374
 تقييم المستوى : 9


محمد عبدالمنعم العليقي غير متصل
افتراضي

استاذي الحبيب
أحمد حجازى
سلام ومحبة

سعيد بتواجدك هنا جداً..

اوافقك الرأي في "المساحة" الشاسعة بين جيلى وذاك الجيل
ولكن يبقي جمال الكلمة وصدق العبارة وروعتها تحدى كل الأجيال...
أعشق الأدب بكل ضروبه، واغوص في اعماق كل حرف جميل...
اقرأ كل انواع الشعر، ومكتبتى تعج بالدرر..
وهذا سر اتصالى بذاك الجيل وابداعاته الفريدة...


غايتو كان ما جبت لينا المرثية دي ما بنفك من رقبتك :icon27:


خالص ودي وتقديى




 

 

 


 


الجفلن خلَّهن أقرع الواقفات..!!



Be the CHANGE you want to see in the world

 

  رد مع اقتباس
قديم أضيفـ /07-16-2008, 12:44 AM   #6

محمد عبدالمنعم العليقي
عضو رفاعي

الصورة الرمزية محمد عبدالمنعم العليقي


 

 رقم العضوية : 1520
 تاريخ التسجيل : Sep 2006
 الإقامه : UAE- Abu Dhabi
 المشارگات : 1,374
 تقييم المستوى : 9


محمد عبدالمنعم العليقي غير متصل
افتراضي مربعات

يبس شجر المحنة وراحت الاهـليه
ود اختك نصيحتي تقاطع بالكـليه
ود العم نصيبه وبي المرض ممـليه
والعجب ان قبيل عدمان ولِق مالــيه


الجنى في المحاكم شفنا خاصم ابــوه
والحق الجلي الشياب قبل بابــوه
الشبان بقوا البيصلي ما بحبـوه
والدين المحمدي اصبحوا يسبـوه


الصبي قاطع الوالدين ولم حبــاله
والاخو بي البترمي اخوه مشغول باله
الخال انسحب ود الاخت سبــاله
والعم ود اخوه يدُور نسب يا بـاله


الجار قاطع الجار والحيط عــلوها
وان قلت النصيحه الفي الكتاب قتلوها
الاخوان على بعض السيوف سلـــوها
واموال اليتيم اهل السبح اكـلوها


ما يتقدم ال لي عله ديمه عطــاه
والبهتك عرض مكشوف تملى غطاه
البزرع له شوك لابد يتوطـاه
والبطبخ له سم لابد يتعاطـاه




 

 

 


 


الجفلن خلَّهن أقرع الواقفات..!!



Be the CHANGE you want to see in the world

 


التعديل الأخير تم بواسطة محمد عبدالمنعم العليقي ; 07-18-2008 الساعة 04:44 AM
  رد مع اقتباس
قديم أضيفـ /07-18-2008, 04:32 AM   #7

محمد عبدالمنعم العليقي
عضو رفاعي

الصورة الرمزية محمد عبدالمنعم العليقي


 

 رقم العضوية : 1520
 تاريخ التسجيل : Sep 2006
 الإقامه : UAE- Abu Dhabi
 المشارگات : 1,374
 تقييم المستوى : 9


محمد عبدالمنعم العليقي غير متصل
افتراضي فى مدح الشيخ الجعلي

حباب الكوكب ال لي كل شر حباس
حباب السره من ناس همزه والعباس
طريق ديمه المنيل ونادي خاتي يباس
قباب نور الزمان البق من كدباس

يافرع الطهاره الصافي من ادناس
بعيد قلبك من الوسواس والخناس
جبل الرحمة يا مشرع جميع الناس
تعيش قبلة صلاح لي كافة الاجناس

البنا ما بقيف يا سيدي من غير ساس
ياسر حاج حمد بركه وندى واحساس
صوطك لي المرض من العضم حساس
يخرج بي عجل ذي طلقة الرصاص


غاب نجم الاهل بقت العداوة اقــــــارب
البتجيبُ فزعه يكون دبيب وعقـــــارب
البتقول صباح الخير تلق بكره مغـــارب
دبرة صُرة وجعَه جُوه حربة غــــــارب




 

 

 


 


الجفلن خلَّهن أقرع الواقفات..!!



Be the CHANGE you want to see in the world

 


التعديل الأخير تم بواسطة محمد عبدالمنعم العليقي ; 07-18-2008 الساعة 04:47 AM
  رد مع اقتباس
قديم أضيفـ /07-18-2008, 04:40 AM   #8

محمد عبدالمنعم العليقي
عضو رفاعي

الصورة الرمزية محمد عبدالمنعم العليقي


 

 رقم العضوية : 1520
 تاريخ التسجيل : Sep 2006
 الإقامه : UAE- Abu Dhabi
 المشارگات : 1,374
 تقييم المستوى : 9


محمد عبدالمنعم العليقي غير متصل
افتراضي في وصف الدنيا (درقة الرغوه)- بمناسبة رحيل الشيخ الجيلي الكباشي


درقة الرغوه كم دمرتي ناس ومساكن
كم ذليتي بعد العزه شامخ وماكن
كم صبحتي حي متلج وراكن
وكم صبحتي عمران زي مباني سواكن


الغنى فيك يوسع وللزياده يكابس
في اللين يخضر وقلبه طاري اليابس
بسراع تدي ضهرك ويبق وجهك عابس
وحالا ينقلب عريان بعد مو لابس


خيرك ما بدوم يالبهرج الغشاشه
يامطر المنيه الديمة سابقه رشاشه
كم قصرا جميل انواره تضوي بشاشه
دمرتيه اصبح فاقد المقشاشه


عمارك لي خراب والفرحه فيك لي كربه
اسمك من الست الفانيه دار الغربه
اولك المعيشه جري وتعب في هربه
والتانيه الامل والثالثه دفن التربه


كم حطمت راجلا في مشيه مشلق
صبحتيه بي حبل النكد متعلق
دربك لي البصاحبك بي عجل بينزلق
يا صقر القبور الفوقنا ديمه محلق


تعصري على البريدك وتقربي تانسيه
يترك طاعة الخالق يكون ناسيه
بي توب سحرك البعمي القلب تكسيه
يصبح محتضر في تربته تمسيه


سرورك ما بتم عاقباه ديمه الفجه
ظاهرك لينا سكر الا طعمك وجعه
كم طفشت مرتاح قلبوا مابي النجعه
روحه تشابى وانت قطعت خط الرجعه

.
شمس حسنك مخنقه ما بدوم اشراقه
يا لعبة شليل عضم اب قبيح براقه
كم لي الليهو منزل في جنان وراقه
خنت اسياده هجوا ولجوا يالفراقه


فيك الحي يأمل والفرح يبداله
ترقص ليك ببشر يفتكر رايداله
لي الشبال يميل ترميه يا اللابداله
تتني رقبتك يا الخاربه وتكوسي بداله


اوصيك نفسي اوصيك (الحيا وما فيها)
شق ود الاحد بيت الشبر صافيها
لي متين تقنعي ونار الضلال تطفيها
تمسكي سكة الشافوها حاجه تفيه


اتغشينا في حبك لبسنا عبايه
يا موية الرهاب الما ملت كبايه
عجيب يا دنيا امرك الانحن غبايه
عاشقين الجمال في لمعة الحربايه


تبقالك جنينه تمتعك بي ثماره
ترقد في امانها وتنهمك في عماره
باكر تبقى ليك حنضل تشوفه دماره
تسحب منك النعمه وتدق مسماره


دي الغشاشه دي الغداره دي العقاره
كم قلبت زغاريت عرسه بي نقاره
اعلنها بي الحرب قبال تشن الغاره
وقبل الروح تقرقر تبق في القرقاره


يا سامع دبيب النمله جوف العاتمه
يا كاشف الخفايا الفي الضمير كاتمه
بي جاه سيد الرسل الكرام ابوفاطمه
لطفطك بي عكير يوم الدفن والخاتمه




 

 

 


 


الجفلن خلَّهن أقرع الواقفات..!!



Be the CHANGE you want to see in the world

 


التعديل الأخير تم بواسطة محمد عبدالمنعم العليقي ; 07-18-2008 الساعة 04:51 AM
  رد مع اقتباس
قديم أضيفـ /07-21-2008, 09:40 PM   #9

احمد عبدالقادر حجازي
رفاعي عبقري

الصورة الرمزية احمد عبدالقادر حجازي


 

 رقم العضوية : 1575
 تاريخ التسجيل : Oct 2006
 الإقامه : الرياض-السعودية
 المشارگات : 4,326
 تقييم المستوى : 12


احمد عبدالقادر حجازي غير متصل
افتراضي

الاستاذ العليقي
مساءك سعيد
كان جــــــافوك ياوطـــــــــــن ودارو ودارك
افهم ليك رجـــــــــــال غيرهم تعز مقدارك
كان الكلاب الضالة اتشمشمت في دارك
ارقد هادي يالوادي الحياتنا خضـــــــــارك




مربع شعر لعكير الدامر..مع تعديلي للنص مع الاعتذار الشديد بسبب الواقع الحالي للسودان الذي تريد الكلاب الضالة أن تتناوشه



 

 

 


  رد مع اقتباس
 
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Facebook Comments by: ABDU_GO - شركة الإبداع الرقمية

الساعة الآن 07:53 AM.


Powered by vBulletin® Version 3.8.8 Beta 2
Copyright ©2000 - 2014, vBulletin Solutions, Inc.
المواضيع والمشاركات في منتديات رفاعة للجميع تعبر عن رؤية كاتبيها

a.d - i.s.s.w