صفحة جديدة 3
:: الرئيسية :: :: التسجيل :: :: التحكم :: :: التقويم :: :: البحث :: :: اتصل بنا ::
 

.::||[ آخر المشاركات ]||::.
حسادة من أنصار السنة للصوفية ف... [ الكاتب : محمد حسين محمود - آخر الردود : ahmed mustafa omer - عدد الردود : 8 - عدد المشاهدات : 165 ]       »     ياسر الصيني في ذمة الله الاربع... [ الكاتب : صديق حرجولي - آخر الردود : محمد سعد عمسيب - عدد الردود : 7 - عدد المشاهدات : 84 ]       »     الاستاذة بثينة الكابس في رحاب ... [ الكاتب : صديق حرجولي - آخر الردود : محمد سعد عمسيب - عدد الردود : 7 - عدد المشاهدات : 60 ]       »     الأقطاب والأبدال [ الكاتب : vivid - آخر الردود : ahmed mustafa omer - عدد الردود : 18 - عدد المشاهدات : 468 ]       »     سؤال خطير [ الكاتب : اسامة كمال ( جاميتا ) - آخر الردود : اسامة كمال ( جاميتا ) - عدد الردود : 8 - عدد المشاهدات : 180 ]       »     من اجل اهلنا في السودان [ الكاتب : عماد الدين النخلي - آخر الردود : ابو صالح - عدد الردود : 1 - عدد المشاهدات : 79 ]       »     كيف يمكننى أن أمنع نفسى من أكو... [ الكاتب : مراقى - آخر الردود : مراقى - عدد الردود : 0 - عدد المشاهدات : 47 ]       »     عناوين الصحف الصادر بالخرطوم ي... [ الكاتب : معتصم سليمان بابكر - آخر الردود : معتصم سليمان بابكر - عدد الردود : 6 - عدد المشاهدات : 155 ]       »     الفاضل موسى في ذمة الله الاحد ... [ الكاتب : صديق حرجولي - آخر الردود : معتصم صديق ابوعاقله - عدد الردود : 12 - عدد المشاهدات : 147 ]       »     أم أولاد الجندي في ذمة الله ال... [ الكاتب : صديق حرجولي - آخر الردود : معتصم صديق ابوعاقله - عدد الردود : 12 - عدد المشاهدات : 102 ]       »    



الإهداءات


   
العودة   منتديات رفاعة للجميع > منتديات الفنون والأدب > منتدى الصوتيات والمرئيات
   

منتدى الصوتيات والمرئيات مدائح، أغاني سودانية وعربية وأجنبية،و فيديو

إضافة رد
 
أدوات الموضوع انواع عرض الموضوع
قديم 10-28-2007, 11:28 PM رقم المشاركة : 1
BIBO
رفاعي جديد

الصورة الرمزية BIBO

تاريخ التسجيل : Oct 2007
المشاركات : 33
رقم العضوية : 4045

 

BIBO غير متصل

افتراضي مكتبة كلمات أغاني الفنان الأستاذ / عثمان حسين

الفراش الحاير


طاف الفراش الحاير
مشتاق الى زهراتك
حبيبي آه.... اناغاير
بخاف على وجناتك
حبيبي طرفي مسهد
أراك قريب وأتنهد
ومره فيك... أتشهد
أنا قلبي آمن ووحد
بجمال صفاك وصفاتك...
صدقني بس وحياتك

آمنت بيك يا ناير
لانو مافى مثالك
انا حكمي لو كان جاير
حكم سواى في جمالك
للناس عقول وبصائر
عن حكمي غاضب مالك
انت الجميل ومدلل
وأنا قلبي ليك اتذلل
وعيوني فيك تتأمل..
ثانية..... ما بتتحمل
لو جلست حيالك..شعوري ما بتمالك

شاركنا رأيك عبر الفيس بوك ...







رد مع اقتباس
قديم 10-28-2007, 11:29 PM رقم المشاركة : 2
BIBO
رفاعي جديد

الصورة الرمزية BIBO

تاريخ التسجيل : Oct 2007
المشاركات : 33
رقم العضوية : 4045

 

BIBO غير متصل

افتراضي

ريدتنا و محبتنا


ريدتنا ومحبّتنا
وليالي هنانا
إن شاء الله ندوم
نتهنّى .. نتهنّى
ونعيش في صفانا

******

يا نعيم الروح سالمني
الشوق والريد كلّمني
عن أحلامنا
عن آمالنا
عن المستقبل القدّامنا
نبينهو ونحميهو
من حسّادنا
من عزّالنا

*******

أفراحنا تهلّ في ربوعنا
أحبابنا يضوّوا شموعنا
في دنيانا
ما أحلانا
أرواحنا الهيمانة
تتلاقى مشتاقة
لي غرامنا
وهنا أيّامنا

*******

يا حبيب يلاّك في طريقنا
زادنا الريد ورفيقنا
نمشي برانا
ما همّـــــانا
كل الحبّ الضمّـــانا
هادينا وحادينا
في رحلتنا
لآمالنا

*******






رد مع اقتباس
قديم 10-28-2007, 11:30 PM رقم المشاركة : 3
BIBO
رفاعي جديد

الصورة الرمزية BIBO

تاريخ التسجيل : Oct 2007
المشاركات : 33
رقم العضوية : 4045

 

BIBO غير متصل

افتراضي

يا ليالي


إن تريدي يا ليالي تسعدينا

تجمعينا كما كنا ما تلمي زول علينا

يا الحبايب كيف تسافروا وتسيبونا

لما توصلو في دياركم أذكرونا

مرة مرة في وطنا زورونا

تجدونا كما كنا والجراح كترت علينا

أذكرونا وأذكروا النزهة الجميلة

يوم كنا نلهو في روض الخميلة

السعادة الكنا فيها يا حليلة

إجتمعنا والحبايب حولينا

وافترقنا والمطر يصب علينا

كان نسيتو حاشا حاشا ما نسينا

بس محياك يا ليالي تجمعينا

تسعدينا كما كنا ما تلمي زول علينا

يا حبيبة بي جمالك أنا مغرم

والجحيم من فراقك لي أرحم

يا حبيبة لولا ربي وجهنم

لعبدتك وسجدت بين أيديك







رد مع اقتباس
قديم 10-28-2007, 11:30 PM رقم المشاركة : 4
BIBO
رفاعي جديد

الصورة الرمزية BIBO

تاريخ التسجيل : Oct 2007
المشاركات : 33
رقم العضوية : 4045

 

BIBO غير متصل

افتراضي

بحبك


بحبك .. بحبك .. ما لا نهاية
واغنيك حنيني .. شوقي وهوايا
لأنك حبيبي .. وغاية رجايا

*******

كتير في بعادك دهتني الليالي
أغالب دموعي .. واكابد ملالي
طريقي المنور .. خلاص اضحى خالي
تعال يا حبيبي .. صدودك كفاية

******

زرعنا المحنة .. رويناها شوقنا
وعايشين نأمل تقوم ترمي فوقنا
نسير في ضراها نسير لي شروقنا
نتوج حياتنا .. بأسعد نهاية

*****

منامي المسهد .. يحل لعيونك
وشوقي المعذب .. يناشد حنينك
تحكم ضميرك .. وترحم ضنينك
فؤادي البحبك .. ما لا نهاية









رد مع اقتباس
قديم 10-28-2007, 11:31 PM رقم المشاركة : 5
BIBO
رفاعي جديد

الصورة الرمزية BIBO

تاريخ التسجيل : Oct 2007
المشاركات : 33
رقم العضوية : 4045

 

BIBO غير متصل

افتراضي

من اجل حبي



جاي تترجاني أغفر ليك ذنبك
ما كفاية الشفتو من نارك وحبك
أنت فاكر تاني أرجع لك واحاسبك
لا يا ناكر دربي أصبح ما هو دربك
كنت تحلم بالسعادة في كلمة مودة
وهي غير ما إنت فاكر
وهي في نبضة مشاعر
في القلوب الما بترد أي طارق أي زائر
شايلة هم الدنيا زاده ومالية كل الكون بشاير
إجتمعنا علي المحبة في ثواني
في طريق مفروشة بي حبي وحناني
وافترقنا كل واحد في طريقه
انا ضائع وإنت مخدوع بالأماني
كل زادي في ضياعي
قلبي مفتوح للأحبة
للجمال الأشجى روحي
في شعوري سحره شبه
ورسالة فني سامي
تدعو للخير والمحبة
إلا قلبك يا حبيبي
لسه ما أدرك وشبه







رد مع اقتباس
قديم 10-28-2007, 11:32 PM رقم المشاركة : 6
BIBO
رفاعي جديد

الصورة الرمزية BIBO

تاريخ التسجيل : Oct 2007
المشاركات : 33
رقم العضوية : 4045

 

BIBO غير متصل

افتراضي

انا مالي و الهوى


انا مالي والهوى
يا ربيعي ودنيا ازهاري
ووجدي ووحدتي وناري
اغني ليلي ونهاري
وفرحان بانشغال بالي

عيونو الحلوة الهامي
نعيمي وسعد ايامي
ملك صحوي واحلامي
واصبح حالي زي حالي

سالت عليه ما اتكلم
لا رد علي لا سلم
ظلمني جاني اتظلم
سلاني وقال انا الظالم

بكل جوارحي اهواهو
احب الدنيا لهواهو
افكر مرة انساهو
واعيد من تاني امالي









رد مع اقتباس
قديم 10-28-2007, 11:37 PM رقم المشاركة : 7
BIBO
رفاعي جديد

الصورة الرمزية BIBO

تاريخ التسجيل : Oct 2007
المشاركات : 33
رقم العضوية : 4045

 

BIBO غير متصل

افتراضي

اغريتيني


انا مالي والهوى
يا ربيعي ودنيا ازهاري
ووجدي ووحدتي وناري
اغني ليلي ونهاري
وفرحان بانشغال بالي

عيونو الحلوة الهامي
نعيمي وسعد ايامي
ملك صحوي واحلامي
واصبح حالي زي حالي

سالت عليه ما اتكلم
لا رد علي لا سلم
ظلمني جاني اتظلم
سلاني وقال انا الظالم

بكل جوارحي اهواهو
احب الدنيا لهواهو
افكر مرة انساهو
واعيد من تاني امالي









رد مع اقتباس
قديم 10-28-2007, 11:38 PM رقم المشاركة : 8
BIBO
رفاعي جديد

الصورة الرمزية BIBO

تاريخ التسجيل : Oct 2007
المشاركات : 33
رقم العضوية : 4045

 

BIBO غير متصل

افتراضي

زكرتني

زكرتني حبيبي زكرتني
زكرتني عهد الغرام
واعدت لي ماضي الهوى
يا ليتني القى المرام
ونعيش سوى بعد النوى
زكرتني ...

سميري يا خير الانام
حيرت فكري بالدلال
هيجت في قلبي الغرام
وهجرتني بعد الوصال
زكرتني ...

بالله يا ريح الصباح
بلغها اشواق الحبيب
زكرها بي عهد الصبا
وعهد الوفاء واطفي اللهيب
زكرتني ...

زكرها ليلات السمر
ولنعود للعهد الجميل
نصغي لانغام الوتر
وتحت القمر بين الخميل
زكرتني









رد مع اقتباس
قديم 10-28-2007, 11:39 PM رقم المشاركة : 9
BIBO
رفاعي جديد

الصورة الرمزية BIBO

تاريخ التسجيل : Oct 2007
المشاركات : 33
رقم العضوية : 4045

 

BIBO غير متصل

افتراضي

ناداني غرامك

ناداني غرمك ناداني
في ليالي البعد وحياني
يا شريكة روحي ووجداني
*****
ناداني غرامك يا دنيا
املي وتغريدي و الحاني
رددت صداها في غنية
من شجني وهمي وحرماني
****
هاجتني تعلاتي اللقيا
وحنيني الدافق اضناني
اشكيك لمين
انا قلبي سجين
وهواك ضنين
زبلت في غيابك ازهاري
وبكت في رياضك اخياري
وخيالك لما ناداني
انت بالفرحة اشجاني
وشدى بجمالك قيثاري
****
وابيت يسامرني الدن
يكتمني السر واكتمه
يا سر حطامي
يا كاس مدامي
وعميق غيابي ماساتي
في دنياي هواي
وهواي في دنياك شظايا
ودعتي لياليا وامسي
وطفات امانيا وشمسي
وبقيتي في ايامي رواية









رد مع اقتباس
قديم 10-28-2007, 11:40 PM رقم المشاركة : 10
BIBO
رفاعي جديد

الصورة الرمزية BIBO

تاريخ التسجيل : Oct 2007
المشاركات : 33
رقم العضوية : 4045

 

BIBO غير متصل

افتراضي

مسامحك يا حبيبي
مسامحك يا حبيبي مهما قسيت علي
قلبك عارفو ابيض وكلك حسن نية

وما خطرت لقلبي سلوى تحيدو عنك
ما ممكن اعاتبك وياخد خاطري منك
انا عارف خصامك وغضبك في كلامك
ما من جوة قلبك كله على لسانك
مسامحك يا حبيبي..

واسال عني طيفك وزكراك هم شهود
وياما اشتقت ليك ورجيتك لو تعود
وحشتني الابتسامة عيونك بي كلامها
تداري في اشياقها وتفضح لغرامها
مسامحك يا حبيبي..

سيان عندي عدلك وجورك عليا
تكابر او تداري حبك باقي لي
بترجع لي تاني وتسالي عن مكاني
تجدني زي ما كنت زايد في حناني
مسامحك يا حبيبي..

ظلموني القالو عني و غيرني البعاد
وحيات نور جمالك زاد البي زاد
واصبح شوقي اكتر حبك عندي اكبر
املي في هواك نامي ولسه اخضر
مسامحك يا حبيبي..









رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Facebook Comments by: ABDU_GO - شركة الإبداع الرقمية

الساعة الآن 01:15 AM.


Powered by vBulletin® Version 3.8.8 Beta 2
Copyright ©2000 - 2014, vBulletin Solutions, Inc.
المواضيع والمشاركات في منتديات رفاعة للجميع تعبر عن رؤية كاتبيها

a.d - i.s.s.w

:: تصميم الإمارات للإستضافة ::