صفحة 7 من 14 الأولىالأولى 1234567891011121314 الأخيرةالأخيرة
النتائج 61 إلى 70 من 139
  1. #61
    رفاعي مُتميز الصورة الرمزية Ameer Al Ameen
    تاريخ التسجيل
    Sep 2005
    الدولة
    Jeddah, Saudi Arabia
    المشاركات
    1,692
    معدل تقييم المستوى
    16

    افتراضي

    بت الحسين..
    سلامات....
    الحياة..وسائط...لاخيتار...الاهداف...
    فى الكثير من مفرداتك...تتستخدمين...العنف الانثوى...المصادم..
    .......وقد قلتِ عن نفسكِ انكِ متمردة.....:mh248:
    فهل بداخلكِ...تمرد..أنثى...؟؟؟
    ام..تمرد..تنظيم...؟؟؟

    " الجمال ..هو اختبار لقدرة الحواس على الانفعال...!!. "

  2. #62
    رفاعي عبقري الصورة الرمزية Nola
    تاريخ التسجيل
    May 2005
    الدولة
    khartoum
    المشاركات
    6,103
    معدل تقييم المستوى
    22

    افتراضي

    ملاذ .... البت الرحيق ...

    يا مالكة اليد الكتّابه ...

    اكتشاف وفهم الاخر .....

    الاقتراب من المناطق الجميله في الاخر ....

    معرفة كيفية جمرة الحنين مشتعله للاخر ....

    وكثيييييييييير ..... كثيررررر

    سؤالي يا حبيبه ....

    هل الحب يعني امتلاك الاخر ...... ؟؟؟

    هل الصداقه تعني امتلاك الاخر ......؟؟؟؟



    ومبللاً اهدي لك الياسمين
    :mh016: :mh016: :mh016:

  3. #63
    رفاعي نشط الصورة الرمزية ملاذ حسين خوجلي
    تاريخ التسجيل
    Nov 2005
    المشاركات
    826
    معدل تقييم المستوى
    15

    افتراضي

    اقتباس المشاركة الأصلية كتبت بواسطة vivid
    الأخت و الصديقة ملاذ

    الناس ما شاء الله ما قصروا تب . . و أي سعال بدور أسعلو ليكي . . لقيتهم سبقوني ليهو. ما فضلو لي حاجة . . لكن عندي سعال مخزنو بي جمبة عشان استخدموا وقت الضرورة . . للطواري يعني . . يا ملاذ بتعرفي النيفة؟؟؟ شاااااطرة . . صفقوا ليها . . أها كان بتعرفيها . . بتعني ليك شنو . . و هل بتعرفي تظبطيها؟؟؟ و كان بتعرفي تظبطيها . . وين ملاذ من المطبخ . . اوعك تقولي لي قاعدة في الصقيعة . . الفسيخ الفسيخ الفسيخ . . و الأشياء اللايوقة زي فيفيد كدا . . و ما أُكل بالملاعق . . و ما أكل السبع . . و ما أكل بالدس . . و المحمر و المقمر و المكرفس . . و الزواحف و و الماشيات على أربع . . والمحلقات في الفضاء . . و الجوارح و الكواسر و الروافس . . انتي وين من كل هذا . . هسي لو سعلناك سعال . . بما انك بنت ترباية كنانة . . و تنقطي عسل . . و كلامك ذي فتافيت السكر . . هل تقدري تعملي لينا من الفسيخ شربات؟؟ . . و كان قدرتي عملتيهو لينا . . ماذا سيكون نصيب النيفة الحدستك هسع دي . . ما الفرق بين الحلّ بلة و الحلة بصل . . و ما موقفك تجاه الناس البصل . . متى يتم إضافة عصير الطماطم للسليقة . . و متى ينقطع الملاح اللايوق . . يا ملاذ كدي حلي لي الحدوتة دي . . ريحتو فطيسة و هو ما فطيسة . . جابوهو من الجزارة و طبخوهو بالخسارة . . رموهو في موية مغلية مسّخ الطعمية . . بهّروهو و جرتقوهو و دلعوه و قملوهو جوة حلة . . يطلع شنو يا ربي يطلع شنو . . دي ما ياها النيفة حقت قبيل.

    جاوبي الأسعلة دي للجيعان فدفودي
    يــــــــا فيفيد الشفت صديقي

    يله النحدثك يا ولدي عندي مشكلة اساسية فى عدم الاكل لدرجة الاعياء .. عشان كدة المطبخ دة بالنسبة لي ثقافة ترفيهيه بعمل مستلزماته بس كثيراً كنوع من الاوامر من امي العزيزة لكن مبادرة ست بيت كدة وخطيرة فى الابتكارات الغذائية لا يوجد .. :eusa_naughty: اما الباسم او النييييفة حقتك وحياتك ما عرفتها الا فى النكته بتاعة النوبي قالوا عنده جنيه و25 قرش وداير يشتري ليهو باسم لمن مشى لقى الباسم ب2 جنيه فمشى اشترى ليهو سندويتش فول وجاء ماري بجمب المحل فطبعا بتكون رؤوس الباسم مرصوصة فجاء ماري وعاين ليهم كدة وهو بياكل بحرقه قال ليهم اهيييييي يعني بمعنى( تضحكوا ؟ ).. :m07: ..

    عارف الزول البعمل من الفسيخ شربات دي جد جد بتدهشني بيها امي بالذات فى الاجراءات المنزلية انا اقف عاجزة تماما عن التصرف فى المطبخ مثلا فى غضون ما شاء الله اقل من نص ساعة وبمصادر بسيطة جدا تستطيع انها تطلع ليك صينية غدا كاربة .. ومش تطلع من الفسيخ شربات وبس شربات وملاح ويكه وعصير ليمون وجلي كمان .. انا بعمل من الفسيخ شربات فى حالة النزاعات بحور المشكلة لبعد اخر وبخلق من المصدر شكل مختلف للمنهج المتبع ..

    احلنا الحلا بله من القيد والمزلة .. وانا لمن اتجبر على عمل حلة بصل طوااااااالي امي بتقول لي احلنا الحلا بله .. لاني بمط ليك عمل الحلة بصورة هههههه من الجوع تشبع . اللغز بتاعك دة فى حل تاني ما بس النيفة دة المسران ههههههه لانه بغسلوهو ويقلبوهو ويدخله فى موية مقليه ويتبهر ويتجرتق وبتبقى كمونية هههههههه شاطرة ولا ما شاطرة عليك الله :mh0221: ؟

    ردة فعلي او تعاملى من الناس البصل باثر عليهم وبكونو عسسسسسسسسسسل لو تصدق ؟

    والف شكر ..
    ملاذ

  4. #64
    رفاعي نشط الصورة الرمزية ملاذ حسين خوجلي
    تاريخ التسجيل
    Nov 2005
    المشاركات
    826
    معدل تقييم المستوى
    15

    افتراضي

    اقتباس المشاركة الأصلية كتبت بواسطة معتصم سليمان
    النجيبة/ ملاذ حسين خوجلي

    تحية تحتوي علي تقدير وأمنيات طيبة

    السؤال كان ماكنتي مقتنعة بيهو كسؤال ماتجاوبيهو
    وكان اقتنعتي بيهو كسؤال جابيهو بكل تخيل وتجرد

    لوكان انتي ما ملاذ الهسي قاعدة في الكرسي ده

    ولاقتك ملاذ الهسي قاعدة في الكرسي ده شنو السؤال

    الممكن تسأليها ليهو ؟

    سؤال عميق شديييييييد
    سألتك ليهو زمااااااان
    في بوست . . .ومارديتِ
    عليهو لو في امكانية تردي
    لي عليه من خلال القاعده
    فيهو ده . . . .

    ابوك لامن ضبح وسماك

    فكّر وسماك ولاّ سماك
    وبس ؟؟

    يا ايها السيد الانيق الدواخل معتصم سليمان

    السؤال الكنت حاسأله لملاذ :

    ما خلف كل هذا الشغف المترع للكتابة من الم ؟


    ابي قد يكون فكر فى المعنى كمعنى عام .. ولكنني نظرت لذاتي واسمي فقررت ان يكون اسمي هو عنواني وفلسفتي .. واصبحت الملاذ وهنا كنت اسأل الناس كثيرا لماذا سميت فلان ؟ وحينما يرد الى السؤال اقول لكي يلوذ الي الناس او اكون الملاذ . وفى مرة والدي قال لي يلوذ اليكي الناس ولا يلاوزو منك ؟

    كل الشكر ..
    ملاذ

  5. #65
    رفاعي نشط الصورة الرمزية ملاذ حسين خوجلي
    تاريخ التسجيل
    Nov 2005
    المشاركات
    826
    معدل تقييم المستوى
    15

    افتراضي

    اقتباس المشاركة الأصلية كتبت بواسطة Ashraf Elhadi
    [FRAME="8 70"]الفضلى /ملاذ
    تحياتى العطرات لك ولكل المتداخلين الذين سألوا فسلتى فيضا أنيقا من الاجابات
    طبعا فسلتى دى بالبلدى تعنى بخلتى وهنا الأولى تنسخ الثانيه .
    بالمقلوب
    مدن العالم تختلف هنالك مدن طبيعيه ومدن اراديه امدرمان مدينه اراديه أرادها الامام المهدى أن تكون العاصمه لأنها تربط بينها وغرب السودان دون فاصل مائى أوجبل حيث كان هنالك تأيدا واسعا لدعوته وأيضا
    تربط بينها ومصر حيث كان يريد امتدادا لدعوته وبذلك صارت تلقائيا العاصمه الدينيه والرياضيه والسياسيه والثقافيه والفنيه للسودان وما زالت وبما أنى أمدرمانى توشيبه حيث تنقلت بين بيت المال وودنوباوى وأبوروف كان يخالجنى شعور بأنى منها كان هذا لبضع سنوات أيام الدراسه الجامعيه
    مع الاحتفاظ بحقى فى تمسكى بـ(دلوت) مسقط الرأس والعشق الأبدى


    سؤالى : مامدى تأثير أمدرمان على تفاصيل حياتك وكم مره بعدتى عنها وهل عندك استعداد للبعد عنها لاحقا تحت أى ظرف
    [/FRAME]

    تحيتي اليك استاذ اشرف الهادي ..

    كما تنقلت انت .. تنقلت انا بنفس القدر في طفولتي بين ابروف وودنوباوي والثورة الحارة العاشرة .. واستمر التنقل بعد ذلك فى العواصم المثلثه فعشت طفولتي اغلبها فى ام درمان فشكلت جزء كبير من شخصيتي والى الان بقول بت ام درمان .. غرست فيا حب الناس والخير واللمة الحلوة والجيران الطيبة والفكرة الاساس لتكوين ام درمان كما فعل الامام المهدي وهو لا يدري انه خلق من تنوع الاجناس احلى بوتقه للمجتمع ففيها يمتزج الشايقي بالجعلي بالغرباوي بالهدندوي .. واذا لاحظنا ان اجمل منطقة يعامل فيها الجنوبي منذ زمان بعيد بصورة محترمة نجدها فى دكاكين سوق ام درمان وفى بيوت ناس امدرمان حيث هنالك من التسامح السلمي ما جعل هذه المدينة حضارة لوحدها ..فرغم حجرية المنطقة ومواردها الشحيحة لكن تعايش الاجناس هو ما جعل منها عاصمة .. هكذا أثرت فيا ام در .. رحلت عنها للصبابي فى سن النضوج وكنت احتاج لبحري فى هدوئها لايجابية ذلك فى تلك السن .. ثم انتقلت مع الجامعه الى الخرطوم وسوق العمل ودنيا الاكتشاف والمشاكل ..

    والف شكر ..
    ملاذ

  6. #66
    رفاعي نشط الصورة الرمزية ملاذ حسين خوجلي
    تاريخ التسجيل
    Nov 2005
    المشاركات
    826
    معدل تقييم المستوى
    15

    افتراضي

    اقتباس المشاركة الأصلية كتبت بواسطة Nola
    اللهم اجعله برداً وسلاماً
    بريييييييييييييييييييدك يا صباح عمري ..
    ملاذ

  7. #67
    رفاعي نشط الصورة الرمزية ملاذ حسين خوجلي
    تاريخ التسجيل
    Nov 2005
    المشاركات
    826
    معدل تقييم المستوى
    15

    افتراضي

    اقتباس المشاركة الأصلية كتبت بواسطة yassir karar
    نولا
    هو جنس سلام
    انا مستمتع او رامى لى قدام
    او برضوا تقولى لى البت المفعوصه دى
    دا ابددددددددددددددددددددددددددددددددددددددداع يا منقه
    شكرا ملاذ
    او جاييك
    رامي لقدام :mh236: سجمممممممممممممممنا وانا اقول الراجل دة صاني كدة مالو ؟

    يا ود كرار اهديك نص يشبهك جدا :

    انا مستعيذ بالله
    من كترة الويقود
    وهبة رماد النار
    في يوم ضري الهبود
    وصاج الحبيبة الحار
    العاستني فيهو كرد
    وتكل الحنينة الفار
    وليل الهوى الممدود
    وحيران قليبي الحار
    حيرة مجافى رقود
    تموا الليل جرد
    لبسوا المراقيع سود
    وخاطر الحبيبة حرد
    انا فى شتاو ميرود
    هضرب حنيني برد
    وانا في رجا المريود
    كملت ياتو ورد
    في عيون حبيبتي السود
    ونقصت ياتو فرض
    وانا فى الحنان مفرود
    وجافتني ياتو ارض
    سكتني ياتو اسود
    وباراني ياتو قرض
    راكوبتي فيها الدود
    شعبة هواي مالت
    وما قالت .. حشاي مهرود
    ولهبة شقاي طالت
    مسكتي نارك عود
    وحنة فناي شالت
    على ايد الغنا المهدود
    معتز ابوحس
    التعديل الأخير تم بواسطة ملاذ حسين خوجلي ; 09-28-2006 الساعة 12:15 PM
    ملاذ

  8. #68
    رفاعي نشط الصورة الرمزية ملاذ حسين خوجلي
    تاريخ التسجيل
    Nov 2005
    المشاركات
    826
    معدل تقييم المستوى
    15

    افتراضي

    اقتباس المشاركة الأصلية كتبت بواسطة نادر الداني
    يقولون أن المرأة نصف المجتمع ،،،،،،،،،
    وان آدم هو النصف الآخر،،،،،،،،،،،،،،،،
    ايضاً يقولون بان آدم طفل كبير ماذا تقول ملاذ ؟؟
    وماهو دور آدم في حياتها واين مكانه بالنسبة لها ؟

    المراة قلب المجتمع .. والرجل عقله .. واذا لم يكن هنالك تكافؤ فى الادوار وفى احترام كل الاخر سيختل المجتمع وسيصبح الصراع فى البيت ، والعمل ، والشارع .. وبطبيعة الرجل يقسو على ذاته لذلك ضلعه الاعوج يجب ان يحنو عليه .. بطبيعة المرأة عاطفية لذلك يجب على الرجل قيادتها وليس الانقياد اليه فهنالك فرق واسع .. والرجل طفل كبير فعلى المرأة تدليله وكسبه وليس محاصرته .. هكذا هي الحياة شد وجذب ، اخذ وعطاء ، فرح وحزن ، لون سيدة فى كل مكان اخت ، حبيبة ، ام ، زوجه ، صديقة ,, وبلا مساندة الرجل لن يبدو للون مزيج ..

    الرجل فى حياة ملاذ >> مبدئ للتعامل مع المرأة والرجل معاً كما قال الامام الشافعي :

    سلام على الدنيا اذا لم يكن بها * صديق صدوق صادق الوعد منصفا


    وهنا الصديق الصدوق هو الاب ، والاخ ، والحبيب ، والمربي . لا اتعامل مع رجل لا يحترمني ..
    ملاذ

  9. #69
    رفاعي مُتميز الصورة الرمزية شموس ام درمان
    تاريخ التسجيل
    Mar 2006
    المشاركات
    1,115
    معدل تقييم المستوى
    16

    افتراضي

    التحية إلى صاحبة القلم الجرئ ..
    كنت متأكدة اننا ممكن نتلاقى في مكان تاني غير قهوة ود بادي ...

    * هل يستطيع الانسان تعلم لغة الوفاء؟ وكيف ؟

    * كيف يمكن أن نستفيد من لحظات الحزن؟

    عن أذنك ما اتقل عليكِ ودعتك الله ..
    لنبقى... كما الأطفالْ

  10. #70
    رفاعي عبقري الصورة الرمزية Nola
    تاريخ التسجيل
    May 2005
    الدولة
    khartoum
    المشاركات
    6,103
    معدل تقييم المستوى
    22

    افتراضي

    اقتباس المشاركة الأصلية كتبت بواسطة ملاذ حسين خوجلي
    بريييييييييييييييييييدك يا صباح عمري ..
    البت الرحيق ... او اللغة افوضي

    ربما استطيع أن اغني بذات حرفك الانيق جداً

    الود اقصاه وكل ما يرضيك اللحظة ... اختصار المسافة بين قلبي والنيل والرحيل وحرفك الي هنا ... وبعض دفء قد يأخذ عند قلب ما شكل حلم للرحيل ... ولهذا طربت ايما طرب وأنا اقراك باستغراق كامل .


المواضيع المتشابهه

  1. الأستاذ معتصم سليمان ضيفاً على الكرسي الساخن
    بواسطة الموناليزا.. في المنتدى مكتبة الكرسي الساخن والمكاشفات
    مشاركات: 203
    آخر مشاركة: 04-12-2007, 11:08 AM
  2. الأستاذ أحمد عبدالقادر حجازي ضيفاً على الكرسي الساخن
    بواسطة الموناليزا.. في المنتدى مكتبة الكرسي الساخن والمكاشفات
    مشاركات: 96
    آخر مشاركة: 03-03-2007, 08:45 AM
  3. رفاعة الملاذ ثم ملاذ ج1
    بواسطة يوسف البدري في المنتدى منتدى الحوار العام
    مشاركات: 49
    آخر مشاركة: 10-04-2006, 11:27 PM
  4. الاستاذ هاشم الكرور ... يجلس علي الكرسي الساخن
    بواسطة Nola في المنتدى مكتبة الكرسي الساخن والمكاشفات
    مشاركات: 96
    آخر مشاركة: 07-12-2006, 05:13 PM
  5. ملاذ حسين خوجلي و(الغول)
    بواسطة ايهاب صالح سليمان في المنتدى منتدى الحوار العام
    مشاركات: 2
    آخر مشاركة: 07-03-2006, 12:04 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
الساعة الآن 05:30 PM
Powered by vBulletin® Version 4.2.3
Copyright © 2020 vBulletin Solutions, Inc. All rights reserved.
Translate By Almuhajir
المواضيع والمشاركات في منتديات رفاعة للجميع تعبر عن رؤية كاتبيها
vBulletin Skin By: PurevB.com