صفحة 1 من 11 12345678910 ... الأخيرةالأخيرة
النتائج 1 إلى 10 من 107
  1. #1
    عضو إداري الصورة الرمزية عبدالله ابنعوف
    تاريخ التسجيل
    May 2005
    الدولة
    الخرطوم - رفاعة
    المشاركات
    13,443
    معدل تقييم المستوى
    10

    افتراضي المهندس عبدالرحمن علي حسن يجلس على الكرسي الساخن:

    قال عنه الأخ الصادق :

    صاحب التلج المكسر
    خفيف الروح
    الديمقراطى
    الذى اكل من كنافة قريبته بت العيدابى
    وانا جزء من لحمى الذى بى الان منها...
    الكرسى المولع للاخ عبدالرحمن على حسن..
    لا جعله الله ملاله بقدر ماجعله مساحه للبوح وانت بين اجيال عده عنا...منهم من هو فى عمرك ومنهم ابنائك ونحن اخوانك...
    وبين كسير التلج وكلام ملاذ المامعروف داك
    انا مشتت مخليك مع الزوله العجيبه
    الموناليزا..
    اهلا واقعد عافيه


    [GRADE="00008B FF6347 008000 4B0082"]وفي إنتظار أن تبدأ معه الأخت الموناليزا ، وتسل روحو بالأسئلة لمدة أسبوعين ، مدخل لعبدالرحمن البطاقة الشخصية والعائلية وعايزين معاها صورة لأنو كثير من الإخوان تعرفوا عليك داخل المنتدى وبعضهم لا يعرفك شخصياً .... !!![/GRADE]

  2. #2
    رفاعي عبقري الصورة الرمزية Nola
    تاريخ التسجيل
    May 2005
    الدولة
    khartoum
    المشاركات
    6,103
    معدل تقييم المستوى
    22

    افتراضي

    اللهم اجعله برداً وسلاماً علي الوجيه عبد الرحمن علي حسن

  3. #3
    رفاعي نشط الصورة الرمزية ملاذ حسين خوجلي
    تاريخ التسجيل
    Nov 2005
    المشاركات
    826
    معدل تقييم المستوى
    15

    افتراضي

    احنا بس يا عمك بنجي نغرد ونشتت

    ونعمل ليك رندكة فااااااااهمة ونكب كب ليك جنس كبكبة بس الدامة الشديدة الموناليزا دى خلي بالك يا حسس سخيييينة وشمشااااارة تفكو ليك قنابل قنابل بس انت امسك فى الجربوكس وكتر من كسير التلج واربط الاحزمة يا جميل .. وما تبرطم خليك اصلي كدة وابهرنا بالخطير الكتير يا

    ويا المناليزا عليك الله راعي عامل السن يا حبة صاحبنا دة جلك كبيير لكن شديد قالو عجيب يا عمك بس بعد الكرسي البشوشو دة الله يستر عليهو من الجكس البقى يهضرب دة ولا شنو يا ابو الرندكة انت ؟

    حظ طيب يا سعادتك
    اي خدمة احنا بنملى فى التنك طوالي وبنقول ليك كلااااااام يا عوض دكام كلام فى كلام يا عوض ... كب كب كب كب
    مع تحياتي يا جميل
    ملاذ

  4. #4
    رفاعي عبقري الصورة الرمزية اسامه محمد عبد الباسط
    تاريخ التسجيل
    Oct 2005
    الدولة
    السعوديه _الرياض
    المشاركات
    2,468
    معدل تقييم المستوى
    17

    افتراضي

    [GRADE="00008B FF6347 800080 4B0082"]الاخت الغاليه / ملاذ حسين

    شنو ياأختي نزلتي في عمنا الكبير / عبد الرحمن علي حسن
    رطانه علي طول شويه شويه لسه ما جلس في الكرسي وعلي ما أظن
    شكلو يكون هرب ، يا أبو هبه الزول وصل عندكم ام ايه الحاصل والله
    أنا ذاتي في كلام فهمته وكلام لم أفهمه 0[/GRADE]:mh79: :mh31: :mh36: :eusa_clap:
    ابو احمد

  5. #5
    رفاعي عبقري الصورة الرمزية Abdo Osman
    تاريخ التسجيل
    Jun 2005
    الدولة
    asa
    المشاركات
    5,169
    معدل تقييم المستوى
    20

    افتراضي

    ربك المستعان يا على عبدالرحمن
    Abdo

  6. #6
    الادارة
    تاريخ التسجيل
    May 2005
    الدولة
    السعودية - مدينة ينبع الصناعية
    المشاركات
    2,861
    معدل تقييم المستوى
    10

    افتراضي

    [GRADE="00008B FF6347 008000 4B0082"]
    بسم الله و اصلى و اسلم على سيدى رسول الله ..
    " قَالَ رَبِّ اشْرَحْ لِي صَدْرِي{25} وَيَسِّرْ لِي أَمْرِي{26} وَاحْلُلْ عُقْدَةً مِّن لِّسَانِي{27} يَفْقَهُوا قَوْلِي{28}" .. سورة طه

    لكم كل الود .. أحبائى .. و اتمنى ان اكون خفيفا و عند حسن ظنكم ..

    لم اتوقع ان يصلنى الدور بهذه السرعة .. يعنى كنت عامل احتمالات يونيو .. يوليو .. وطبيعى مسخنة !! بس الله يجازى نولا و معتصم .. حتى فى الزوغة مربّطين !!

    عبدالرحمن.. رسمى .. "عبده" .. شعبى .. "عبود" .. خاص الخاص !!!
    الميلاد .. اواخر 1949 .. قبل الاستقلال .. الاول بين أخوانى الذين ولدوا فى مدينة عطبرة .. بعد أن أصبح السفر للولادة فى رفاعة مشكلة فى وجود خمسة عيال قبلى!!

    الوالد .. على حسن الطيب و الوالدة نفيسة بت العيدابى "عليهم رحمة الله" .. من مواليد رفاعة ! انتقل الوالد لعطبرة للعمل فى مصلحة المخازن برئاسة سكك حديد السودان بعد اكمال المرحلة المتوسطة برفاعة فى اوائل الثلاثينات .. وتقاعد فى منتصف السبعينات لكنه واصل العيش فى عطبرة وتوفى و دفن فيها 6 سبتمبر 1988. ظلت الوالدة بعطبرة حتى منتصف التسعينات وانتقلت للخرطوم و توفيت بها ودفنت مع والدها فى مقابر الشيخ طه برفاعة 5 سبتمبر 2000 !!

    كانت احجام الاسر كبيرة فى ذلك الزمان .. الحياة رخية و سمحة .. مافى كهرباء .. ولا تلفزيون .. ولا سهر .. والليل طويل! وتنظيم النسل فى خانة الحرام ! و العيال عز !!
    ترتيبى السادس بين أخوانى عمر و ابراهيم "عليه رحمة الله" واحمد ومحمد وأمينة و"أنا" ثم مريم ومحمود وحسن وعادل وسلوى وأمين .. ما شاء الله .. تبارك الله..
    لكى تجد الاهتمام وسط هذا "الحشد" .. لابد ان تكون متميزا !! وبعد توفيق الله .. اعتقد أن نجاحى المتواضع فى هذه الفانية يعود لهذا السبب ..

    طفولتى ومراحل الدراسة العامة كانت فى عطبرة .. الشرقية الاولية و الاهلية المتوسطة و عطبرة الثانوية .. وكانت علاقتى برفاعة فى الاجازات و بصفة سنوية بدون انقطاع .. ولى ذكريات كثيرة مع قطار الشوق من عطبرة للخرطوم .. والمحلى من الخرطوم للحصاحيصا .. والبنطون .. و مرات الباص السفنجة من بحرى عن طريق العيلفون الهلالية تمبول رفاعة ..

    الشهادة السودانية مارس 1969 .. المعهد الفنى "جامعة السودان حاليا" من اغسطس 1969 حتى مايو 1973 .. هندسة ميكانيكية ..
    زاد ارتباطى برفاعة خلال تلك الفترة .. خميس وجمعة كل أول شهر .. كل مناسبات الاهل .. الافراح .. البكيات وحاجات تانية حاميانى !!

    عملت بالخرطوم حوالى سنتين .. ثم انتقلت للعمل بود مدنى فى مارس 1975 بمصنع نسيج ود مدنى "تحت الانشاء" التابع لمجموعة شركات فتح الرحمن البشير .. استقلت منه فى فبراير 1983 قبل سفرى للسعودية .. تمثل هذه الفترة جزءا كبيرا من مخزون الذكريات ..
    فى بدايتها كنت مع مجموعة من اولاد رفاعة (و اخرين) لفترة سنة كاملة فى برنامج تبادل تقنى فى تشيكوسلوفاكيا وحتى اليوم تكون هذة الفترة محور الونسة حين التقيهم .. ومنهم الزعيم هاشم الكرور ، احمد بابكر عبدالله ، على مصطفىمحمد زين ، احمد ابراهيم يوسف ، كمال كوداب ، تاج السر الخليفة عثمان ، الفاضل بابكر الجعلى ..
    13 اكتوبر 1977 .. يا الله فى عشة هادية .. فرحة تلمنا !! .. كنت و ما زلت مؤمنا بأن الزواج زى الموت !! مش زيه زيه !! زيه فى انو ما معروف محلو وين و زمانه متين !!
    و الحتة دى ممكن نتوسع فيها قدام شوية عشان نبرّد بيها !!

    13 فبراير 1979 .. وصلت نهار ذلك اليوم الامورة "منى" .. و سميتها منى لانو كنت مناى تجى بت .. و لا استطيع وصف الشعور الذى انتابنى و انا أحملها عشان اقول ليها الاذان فى اضان و الاقامة فى التانية .. و ذكرونى احكى ليكم شوية عن علاقتى بالرقم 13 !!

    سبتمبر 1980 – سبتمبر 1981 .. دراسات فوق الجامعية فى هندسة و أدارة صناعة النسيج بجامعة ليدز بانجلترا .. و فى معيتى ام منى و منى ..

    27 فبراير 1983 .. وأنا أسعى فى البحث عن وظيفة فى جدة .. وصلت الاخبار بقدوم المبروك "محمد" .. و جاب رزقه معاه ..

    1 مارس 1983 بداية عملى مع أبوداود وشركاه للصناعة (كلوركس) و ما زلت حتى تاريخه !! و مخزون اكبر من ذكريات الغربة والاغتراب بكل نجاحاتها و ضغوطها و احباطاتها ... و دروسها .. بس انتو اسالوا و كوسو اليسكتنى ..

    نرجع للعيال .. الكبرو و كبرونى معاهم .. طبعا أمهم رابطة فى عشرين !!

    منى .. نائب أخصائى عيون .. مستشفى الخرطوم للعيون .. مصدر فخرى دايما .. حققت لى حلمى أن اكون طبيبا ..
    محمد .. على باب تخرج .. هندسة اتصالات .. جامعة السودان ..ماسك درب ابوه على أحسن!
    مروة .. التحدى .. راهنت عليها وهى تنتقل للسودان وهى فى السنة الاخيرة فى المرحلة الثانوية لتتفادى مشاكل القبول و الشهادة العربية .. وكانت أكبر من التحدى وأحرزت 91.6% و اختارت أن تدرس طب أسنان جامعة الخرطوم .. الان سنة تانية .. بانتقالها للخرطوم .. انضمت لمنى و محمد و صارو أغلبية فكان لابد ان ينتقل معهم الباقين .. أم منى و صاحبى هشام .. وأنا اظنى لاحقهم قريب .. عزابى وكمان جابت ليها كراسى و سخانة !! احسن نشتت!!!
    أما اخر العنقود هشام .. منقول تانية ثانوى .. ده خلوه ساكت .. يمكن نفرد ليه بوست لحاله .. كاواى درجة اولى .. ومشاغب .. ويجيد التواصل مع كل الاعمار .. ويقال أنه صورة بالكربون من أبوه .. أنا ؟؟ المشكلة انو ما عندنا كلب !!!!
    أسال الله ان يحفظهم و اولادكم .. و أن يجعلهم قرة أعين .. و يوفقهم و يهديهم سبل الرشاد .. امين .

    أفتكر كدة كفاية .. فتناكم بعافية .. وراجعييييييييين بعد ما نزيت الكى بورد !!

    الصادق .. لك خالص الود .. و اتمنى أن اكون جزء مما قلت ..

    ابو هبة .. الصور فى التحميض .. وفى هذه الاثناء .. خلينى اراجع كيفية تنزيل الصور ..

    ملاذ .. خليك جاهزة .. انا بحاول .. و كان ما قدرت عليهم .. أنزال سريييييييييييييع !!
    و ما يهمك يا فردة .. فلنكة .. عضة .. (موبايل!!) .. كلو فى التمام .. [/GRADE]
    التعديل الأخير تم بواسطة عبدالرحمن على حسن ; 03-13-2006 الساعة 06:43 PM
    عبدالرحمن على حسن

    رأيك صواب يقبل الخطأ ... ورأيي خطأ يقبل الصواب

  7. #7
    إمبراطور متوج الصورة الرمزية معتصم سليمان بابكر
    تاريخ التسجيل
    May 2005
    الدولة
    السعودية - الرياض
    المشاركات
    17,871
    معدل تقييم المستوى
    33

    افتراضي

    باشمهندس/عبدالرحمن على حسن
    وجيه الملامح
    طاعم الكلام
    يازول سمح
    زى الشروق
    دعواتى ليك
    بالصحة دوام

    عبدالرحمن على حسن...
    اول حاجة عاوزينك
    توضح لينا...العيداب؟
    ام العايداب؟أم ياترى
    لا هذا ولا ذاك؟؟
    تانى حاجة ان كان
    هناك دلالة للمسمى؟
    والى اى قبيلة يعودون؟
    وكيف كان مجيئهم
    لرفاعة؟؟؟
    عبدالرحمن على حسن....
    ربنا يحفظ عيالك ويهنيك بيهم وتربى ليهم ان شاء الله زى ماربيتهم انت بس قول امين


    عاين ياعبدالرحمن ....
    سؤال عند اللفة بس !!!!!
    -------------------------------
    (لامن بالغ كبر وصلى ...شال نوم عينى وما خلى.....بدا يادوبو ولملم توبو)...والحيطة قامت وقعت....
    كلام محمد سلام ده بيعنى ليك شنو ؟؟؟

    اهداء من بت رفاعة
    في مسابقة الاسرة



  8. #8
    رفاعي عبقري الصورة الرمزية عبدالرحمن محمد احمد الطيب
    تاريخ التسجيل
    Mar 2006
    المشاركات
    2,654
    معدل تقييم المستوى
    17

    افتراضي تحية لابن خالى العزيز:عبدو

    اللة يكون فى عونك ويعنك على محاورة والرد على الاحاب المحترفين
    وان يستمع الجميع بهذا الكرسى خلال الايام المقبلة

    اخوك
    عبدالرحمن

  9. #9
    عضو إداري الصورة الرمزية عبدالله ابنعوف
    تاريخ التسجيل
    May 2005
    الدولة
    الخرطوم - رفاعة
    المشاركات
    13,443
    معدل تقييم المستوى
    10

    افتراضي عبده

    تعرف يا عبدالرحمن كنت عاوز أكتب " عبده " بين قوسين لكن قلت أحسن تجي من سيدا .

    وبعدين ما شاء الله سيرة ذاتية تمام التمام ، كل الناس القبلك ما عملوها بالصورة دي .

    وبرضو قدمك أخدر ، ليه ، يا خي ما شايف الناس الظهروا ديل وكنا منتظرنهم لينا فترة ، أهو أخونا معتصم من وصل من السودان ما كتب إلا لما شاف عبدالرحمن في الكرسي الساخن .

    يجعلو بارد إنشاء الله

    وتحياتي

  10. #10
    رفاعي عبقري الصورة الرمزية Abdo Osman
    تاريخ التسجيل
    Jun 2005
    الدولة
    asa
    المشاركات
    5,169
    معدل تقييم المستوى
    20

    افتراضي

    اخونا الاكبر
    الاستاذ المهندس عبدالرحمن
    بعد السرد الشيق واللذيد جدا لا بد من الاحترام لك ولا يمكن ان نتعدى حواجز الاحترام والتقدير بحكم عامل السن
    ربنا يبارك ليك فى منى واخوانها ومن قبلهم ام منى يا رائع
    Abdo


المواضيع المتشابهه

  1. الأستاذ ابو النيييييز يجلس على الكرسي الساخن
    بواسطة الموناليزا.. في المنتدى مكتبة الكرسي الساخن والمكاشفات
    مشاركات: 189
    آخر مشاركة: 01-27-2013, 10:01 AM
  2. الأستاذة ملاذ حسين خوجلي تجلس على الكرسي الساخن
    بواسطة نادر الداني في المنتدى مكتبة الكرسي الساخن والمكاشفات
    مشاركات: 138
    آخر مشاركة: 07-29-2010, 01:28 PM
  3. الأستاذ معتصم سليمان ضيفاً على الكرسي الساخن
    بواسطة الموناليزا.. في المنتدى مكتبة الكرسي الساخن والمكاشفات
    مشاركات: 203
    آخر مشاركة: 04-12-2007, 11:08 AM
  4. الأستاذ أحمد عبدالقادر حجازي ضيفاً على الكرسي الساخن
    بواسطة الموناليزا.. في المنتدى مكتبة الكرسي الساخن والمكاشفات
    مشاركات: 96
    آخر مشاركة: 03-03-2007, 08:45 AM
  5. الاستاذ هاشم الكرور ... يجلس علي الكرسي الساخن
    بواسطة Nola في المنتدى مكتبة الكرسي الساخن والمكاشفات
    مشاركات: 96
    آخر مشاركة: 07-12-2006, 05:13 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
الساعة الآن 03:41 PM
Powered by vBulletin® Version 4.2.3
Copyright © 2020 vBulletin Solutions, Inc. All rights reserved.
Translate By Almuhajir
المواضيع والمشاركات في منتديات رفاعة للجميع تعبر عن رؤية كاتبيها
vBulletin Skin By: PurevB.com