مابين 11/11/11 و 16/11/11 خمسة سنين والزمن ماااشي

[شنبوو]

اليلة ليلة زفتنا و يا هلا بكل أحبتنا
حضوركم بيننا يسعدنا و يزيد من فرحتنا
و نشكر كلّ من يشاركنا و يلبّي اليلة دعوتناٍ

جاءنا البيان التالي
عندما يكمل القمر ليلته من شهر نوفمبر يسرّنا تشريفكم لنا في رفاعة ( ديم لطفي ) يوم الجمعة الموافق 11/11/2011 لنوقد الشموع و ننثر الزهور و َندُق الدُفوف احتفالاً بزفاف العضو حسام علي عمر

فنأمل حضوركم ومشاركتكم فرحتنا شاكرين لكم تلبية دعوتنا بتناولكم معنا وجبة الغداء
و ياريت تشرفونا من اليومين القبل العرس عشان الحفلات و كدة !
00966595163400 ده رقم العريس ( شنبوو )
و

الحمد لله رب العالمين حمدا كثيرا ... والشكر لله على عظيم نعمائه
وكأنه البارحة .. اذكر تماما ادق التفاصيل الجميلة والتي اكان اجملها على الاطلاق
وجود اصدقاء اعضاء لمجرد معرفتهم بالمناسبة حتى دون دعوة شخصية فقط
بدعوة الاخت روز على صفحات المنتدى .. لهم ولكل من شاركني الفرحة
اقول ربنا يديم الاخوة والالفة والمحنة بين الأعضاء وكل عام والجميع بخير ,,

تخريمة
خمسة سنين معاك يازينة الأيام يانوارة الحلوين
مرت حلوة زي أنسام .. زي أحلام .. صبية ندية زي ياسمين
زي هلة فرح دفاق في ضحكة عيون ناعسين
زي لهفة بعيد مشتاق يلاقي أحبته الغايبين

[معتصم سليمان بابكر]

الحبيب شنبو
كل الأمنيات لكم بحياة طيبة جمييييييييييلة
11/11/11
يوم لا ينسى أبداً
يا أخي أدق التفاصيل ...مبااااااااااااالغة
لحدي الان انا حاسي بهمبريب شارع الاسفلت
قدام بيتكم ونحن متجهين للجنيد الحلة
عشان كمان نشارك الأخت فرح صديق
والكانت في نفس اليوم
............

كمان كان مجاهد منتظرنا في الطريق بعد لقى ( شبطو الراح منو في المنتدى )

كان يوم جميل وخاااااااااصة المساء عندكم

كل عام وانتم بخير


عند اللفة بس :
==========

عكاااااكيز

[أبوشيبه]

مليار مبرووووك اخونا شنبو وبيت مال وعيال ان شاء الله

[عبداللطيف محمد علي خالد]

اتمني لكم حياة مليئه بالسعاده والحب

[شنبوو]

مليار مبرووووك اخونا شنبو وبيت مال وعيال ان شاء الله

الحبيب ابو شيبة
مشكور ع التهنئة للمرة الثانية ,, لكن للتوضيح دي ذكرى زواجي انا اجترتها
من الدعوة الرسمية اللي كانت زمااان في 2011م نزلتها بتنا روز ,, اعاد الله ايامها

اتمني لكم حياة مليئه بالسعاده والحب

الاخ عبد اللطيف مشكور على الامنيات الطيبات ,, ولك اتمنى مثل ماتمنيت لي

[مجدى الامام]

شنبوووووووووووووو .. يااااااااه منتدى رفاعه للجميع .. كانت ايام لها ايقاع .. ولها معانى .. ولها ولها
عن طريق الصدفه فقط وجدت منتدى رفاعه للجميع بعد ان اضنانا السفر عبر الاسافير .. كانت فرحه خلعه
خلعه زول لقى زول بحبووو شديد فجأة ... تحياتى من الاعماق للجميع واخص الاستاذ عبدالله بن عوف
والباشمهندس عبدالرحمن على حسن .. ولكم من الشوق اكثره عزيزى شنبووووووووووووووووووووو

[الرايح]

ان تاتي متاخر خيرا من الا تاتي .. (منطبق علي انا تماما)
ياحبيب جعل الله ايامك كلها سعادة وافراح ومودة
وزادكم ترابط ومحبة .
وكل عام وانت وزوجك في تعيم

[شنبوو]

سلام على المنتدى أطلال وذكريات جميلة .. سلام على من يمر من خلال هذه البوست
وهو الذكرى السنوية لزواجي الذي كان بتاريخ 11/11/2011 وها نحن اليوم 11/11/2019
كانت ومازالت أيام جميلة عدت بسرعى رهيبة فيها مافيها من حلو الايام ومرها وأكثر
مازادها مرارة تلك الغربة اللعينة التي باعدت بيني وأسرتي ربنا يحقق المقاصد ويلمنا
جميعا في وطن معافى رحب مليء بالعدل ..