والله يا ســــت الجمال
انا مــاني باكــي عـلي ضيــاع امـالى فيك
ولا حتى نـادب حظـــي ساعه جابني ليك
ما خــــلاص قنع قلـــبي القبيل ميال عليك
يقـنـتـو يــا ســـت الجــــمـــال
علمتو مايشتاق يشيل الشوق يجيك
ومع اني يا ست الجمال عارف جمالك في الجمال طاغي ورهيب
وعارف مشاويرك طوال لو ماني عاشق كان مشيها علي صعيب
وما شفتي قلبي وحــالو كيف من وقده الشوق اللهيب
وصبرا يطول يبقى ذل والنـــــــوح كمـان من متلي عيب
وانا قلبي يا ســــت الجـــمال طيراً سـماهو افق رحيب
رحال وما اتعود شمس تشـــــــرق عليهو محـــل تغيب
وين قــولك القلتيهـــو لي انو الزواج قســـمة ونصـــيب
داير الرجــــوع وما بيأمنك قلبي الجروحو بدت تطـــيب
انسيهو يا ست الجمال الماضي فات والجــاي غـــيب
لوميني ما انتي الغدرتي وقلبك اختار زول سواي
وخطواتك اختارن درب عكس المشنو قبيل معاي
مع السلامة بقولا ليك واعبر بحور الشوق براي
ودنياك منها شنها شن لقيت ياما سقيت ريدك دماي
ولو مرة اضناني المسير بركز عليك صبري وغناي
وبعد الحصل والله يا ست الجمال
من شوقي ليك حاضن الصبر ونيران هواك ايام طوال
دربي المشيتو بلا امل ولقيت وصول اخرو المحال
وحملت الآم فرقتك الفوق حدود الاحتمال
صديت لسان الحال يقول ياغافل الاحلام ضلال
واحترت فيك كيف كنا يا ست الجمال
ماشين وقلبك شاغلو غير
لو جيتك القاكي السراب
وتجيني تلقيني الغدير
غلطان انا
غلطان انا السكنتك اعماقي البعيدة و وهبتك الحب الكبير
غداره يا ست الجمال...
مغرورة يا ست الجمال...
مغرورة...
عزة نفسي اعظم من جمالك بي كتير