النتائج 1 إلى 5 من 5
  1. #1
    رفاعي نشط الصورة الرمزية اسامة كمال ( جاميتا )
    تاريخ التسجيل
    Jan 2013
    المشاركات
    515
    معدل تقييم المستوى
    7

    افتراضي ماااااااااااا تسالي

    وسالتي .....
    عن مقدار حبي ليك...؟
    وسالتي...
    ماقادر ارد
    ما حبي ليك سامي المقام
    انا حبي ليك
    ابلغ حكاوي العاشقين
    انا حبي ليك
    حير موازين الغرام
    قصر عمر مد المتر
    سكت موازين الموازين
    والمكايل والكلام
    انا حبي ليك
    اجتاز فضات المحال
    وختار مدار ما طاله حب
    يمتده بين الا نهايه
    وبين مدار
    اشهر روايات الهيام
    فتحتي في جواي
    ينابيع الهوي
    وفجرتي في جواي
    براكين الحطام
    ولفتي بيناتم خليط
    وخلقتي بين المويه
    والنارانسجام
    امتدي في جواي
    نيران الهوي
    امتدي في جواي
    بردا وسلام
    وماااااااااااا
    تسالي
    جــــــ ميتيات ـــــــا

  2. #2
    رفاعي نشط الصورة الرمزية اسامة كمال ( جاميتا )
    تاريخ التسجيل
    Jan 2013
    المشاركات
    515
    معدل تقييم المستوى
    7

    افتراضي أخر حاجه

    اخر حاجه
    &&&&&&&
    اخر حاجه
    بعتي البينا وتمردتي
    وفري عزرك
    شقي طريقك
    انتي اخترتي
    عمره الريد ماكان زنديه
    وباب الريد الانتي قفلتي
    اعدمي كل مفتاح بيناسبه
    امسحي من زاكرتك صورتي
    احرقي كل قصايدي الفيك
    وانسي حديثنا
    وقطعي سيرتي
    ولسه القلب بنبض بي اسمك
    مصيره اتناسه ايام بتعدي
    في ايدي اسعد بي سعادتك
    املك قلبك .....مافي يدي
    لا الحسرات بتعيد البينا
    وقول ياريت لابجيب لابودي
    وجسر عبورك مرحب بيه
    لو كان فوق لي جراحي بعدي
    جـــ ميتيات ـــــــــــــــا

  3. #3
    رفاعي نشط الصورة الرمزية اسامة كمال ( جاميتا )
    تاريخ التسجيل
    Jan 2013
    المشاركات
    515
    معدل تقييم المستوى
    7

    افتراضي من وين طلعتي

    من وين طلعتي مع الشمس
    وسكنتي في عيوني الجمال
    وقفلتي ابواب الرمش
    في عز مشاغل الدنيا
    انا بتزكرك
    في غيابك الثانيه بتقيف
    وترفض تمش
    حتي الحروف قدام جمالك
    تنهزم تتلاشه
    تصغر تنكمش
    والقافيه تغلبه روعتك
    تفقد بلاغته ترتعش
    اصل الجمال قي طلعتك
    ودونك جمال زايف وغش

  4. #4
    رفاعي نشط الصورة الرمزية اسامة كمال ( جاميتا )
    تاريخ التسجيل
    Jan 2013
    المشاركات
    515
    معدل تقييم المستوى
    7

    افتراضي

    أعتراف
    &&&&&&&
    انتي لو شوقك خرافي
    ذي شوقي ليك
    في الدنيا مافي
    ماقدرته افوت عيونك
    حبي صادق
    وقلبي وافي
    صدقي.....؟
    لمن زعلتي
    كنتي في جواي مرافي
    وكنت وسط الموج بقاوم
    املي
    في شاطيك تصافي
    اتاري ريدك فيني كامن
    والليبان ..اضعافه خافي
    قلت اقاوم لما غمض
    فكره الشوق والتجافي
    اسدلتي
    في جفوني الستاير
    وسكنتي
    في عمق الماقي
    وكنتي
    شهاقاتي وزفيري
    والمساحه الفاصله
    والنبض والقوافي
    جيت اقول ليك
    همته بيك
    جيت اوقع في
    دفاترك اعترافي
    جــــ ميتيات ــــــــا

  5. #5
    رفاعي مشارك
    تاريخ التسجيل
    Jul 2010
    المشاركات
    203
    معدل تقييم المستوى
    10

    افتراضي

    تسلم الاستاذ اسامة قمة الروعه والابداع


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
الساعة الآن 11:10 AM
Powered by vBulletin® Version 4.2.3
Copyright © 2019 vBulletin Solutions, Inc. All rights reserved.
Translate By Almuhajir
المواضيع والمشاركات في منتديات رفاعة للجميع تعبر عن رؤية كاتبيها
vBulletin Skin By: PurevB.com