صفحة 1 من 7 1234567 الأخيرةالأخيرة
النتائج 1 إلى 10 من 67

الموضوع: البرلومة ..

  1. #1
    رفاعي عبقري الصورة الرمزية البحراوي
    تاريخ التسجيل
    Jan 2012
    الدولة
    Omdurman and Dammam
    المشاركات
    3,552
    معدل تقييم المستوى
    11

    1 (24) البرلومة ..

    هذه القصيدة كتبت ابان فترة دراستي بالكليات التكنلوجية وتحديدا في 1979 في احدي البرلومات ..اتت وتسأل عن مكتب المسجل :
    كانت واقفة منشحطة..
    جميلة وفيها بس شطة
    وتستاهل تكون خلطة..
    وأخوكم شافها وانمط
    وبلع ريقه التقول شطة
    هي نان شافعة ..؟
    جسيمها يفوح روائح الند
    لابسة الجنز تتسند
    والماباين فيها والنهد
    كتير الغيري ماتو كمد
    ناس مولانا والغيرو..
    اشوف في الشافعة واتشهد
    كانت دايشة ظاهرة الدوشة في العينين
    وتتلفت في الناس شمال ويمين
    ديل داخلين وديل مارقين
    داك فرادي وديل أثنين
    وتاهت توهة الدايشين وماعرفت تقبل وين
    ومشت علي واخوك تلج
    يمد في ايدو مابتتمد
    وتشجع وتسألني ..
    عن اذنك هوووي ياأنت سامعني..؟
    نعم ياحلوة كلي أضنين
    عن اذنك وريني أسجل وين..
    تسجلي وين..؟ تسجلي جوه ..جوة العين
    ماقلبي لكونده للدايشين
    سكن مجاني بدون خمسين
    حمامات وثلاجات واوضة نوم و Reception room
    مالاقي ليه بس سكان
    لأني مسيخ ..لأني قبيح ..وزول فلسان
    قدر مالصقت في واحدة تكتفني وتنهرني التقول ماأنسان
    وتعمل لي خصام ناس ليبيا للسودان
    ماتحبونا ..ماتخلطونا .. ماأخوان..؟
    ماناس فاقدين حنان وحنان..
    وانتي الليلة يادايشة امانة الليلة ماعترتي
    وقعتك سودة ياأنتي
    ماك عارفاني انا العليق
    وزي الضب بالصق زييط
    وياني الفيكي كنكشت
    وبكماشة مابنفك..وكيف انفك
    ثلاثة سنين قاعد براي واحد التقول ماأنسان
    ثلاثة سنين اقابض جاي والصق جاي
    واطلع برضو انا الخسران ..؟
    يمين بالله أتملق وأهمل دروسي واتفرغ..
    وكان ربت مابفرق
    عشان ارجاك وامشي معاك لل Lecture
    وأهبب ليك من الحر
    وأشيل كراسك الأخضر
    وأحفظ ليك كان بقدر
    وجوه هناك علي البوفيه بتلقيني
    وهاك ياببسي وهات يا Tea
    وكانت خلطة ليومين ..
    وعرفت ليك اخوك فلسان وواحد شين
    فكت منو راح منشر
    كتير الغيرو مشرورين..
    يوم لاقيتها ليك ماشي معاها ود حنكوشة
    شعروا طووويل وجيبو تقييل وزاتو جميل
    شبكتها ليك خلاص يادي..متين يادايشة فتحتي..؟
    وقعدتي تخلطي الناس علي عيني..؟
    بعد ماخلاص كملتي جيبي وقطعتي ايدي
    زي اخواتك الفايتات ابيتيني...؟

    أرجو ان تنال الاستحسان ..وسلامتكم
    http://www.7ozn.com/files53/06_06_20...3389328841.swf


    جمال محمد عبد الرحيم

  2. #2
    رفاعي عبقري الصورة الرمزية محمد صديق
    تاريخ التسجيل
    May 2012
    الدولة
    الخرطوم بحرى :الحلفايا مربع 7 منزل 88
    المشاركات
    2,474
    معدل تقييم المستوى
    10

    افتراضي

    يوم لاقيتها ليك ماشي معاها ود حنكوشة
    شعروا طووويل وجيبو تقييل وزاتو جميل
    شبكتها ليك خلاص يادي..متين يادايشة فتحتي..؟
    وقعدتي تخلطي الناس علي عيني..؟
    بعد ماخلاص كملتي جيبي وقطعتي ايدي
    ____________________
    زي اخواتك الفايتات ابيتيني...؟
    يا بحراوى والله قصيدة جميلة ...عجبتنى جداً.

    رغم إنو فى بيت بيتين كده فيهم كسرة فى الوزن ..(معليش انا البحسّو بقولو )

    يعنى لو قعدت عملت ليهم سمكرة بتكون 100%.

  3. #3
    عضو رفاعي الصورة الرمزية د. أنور يوسف عطاالمنان
    تاريخ التسجيل
    Jun 2010
    الدولة
    ود مدني - السودان
    المشاركات
    93
    معدل تقييم المستوى
    10

    افتراضي

    يا بحراوي
    ألف تحية وقصيدتك جميلة وحلوة ... بس أنكت باقي الشغل
    ما تخاف بعد العمر دة كرباج مافي ... إجدع على راحتك
    طلع المدسوس خلي الناس تستمتع
    لك الود

  4. #4
    رفاعي عبقري الصورة الرمزية البحراوي
    تاريخ التسجيل
    Jan 2012
    الدولة
    Omdurman and Dammam
    المشاركات
    3,552
    معدل تقييم المستوى
    11

    افتراضي

    اقتباس المشاركة الأصلية كتبت بواسطة محمد صديق مشاهدة المشاركة
    يا بحراوى والله قصيدة جميلة ...عجبتنى جداً.

    رغم إنو فى بيت بيتين كده فيهم كسرة فى الوزن ..(معليش انا البحسّو بقولو )

    يعنى لو قعدت عملت ليهم سمكرة بتكون 100%.
    الحبيب ود الصديق .. مساك الله بالخير يالغالي .. اولا مشكور علي المرور والأشادة ..ومافيها حاجة لما اسمع رأيك بصراحة ..وياريت تدلي بالبيتين حتي اقوم بعمل ال Denting and Painting ولا تنسي ان هذا عملنا في الأساس ومجال التخصص..
    http://www.7ozn.com/files53/06_06_20...3389328841.swf


    جمال محمد عبد الرحيم

  5. #5
    رفاعي عبقري الصورة الرمزية البحراوي
    تاريخ التسجيل
    Jan 2012
    الدولة
    Omdurman and Dammam
    المشاركات
    3,552
    معدل تقييم المستوى
    11

    افتراضي

    اقتباس المشاركة الأصلية كتبت بواسطة د. أنور يوسف عطاالمنان مشاهدة المشاركة
    يا بحراوي
    ألف تحية وقصيدتك جميلة وحلوة ... بس أنكت باقي الشغل
    ما تخاف بعد العمر دة كرباج مافي ... إجدع على راحتك
    طلع المدسوس خلي الناس تستمتع
    لك الود
    اخونا الدكتور انور يوسف ..تحياتنا ياوجيه وليك الأحترامات ..مشكور علي التعليق الظريف .. بس حكاية النكت دي مشكلتي انا ماركة ابو سيفين ..يعني الكرباج بجيني من الأثنين ..وكل واحدة بتفتكر الكلام ده لضرتها ..ههههههههههه وربنا مايرميك في درب الأثنين ..وغدا انشاء الله موعدكم مع قصيدة اخري ... شكرا ياراقي علي المرور
    http://www.7ozn.com/files53/06_06_20...3389328841.swf


    جمال محمد عبد الرحيم

  6. #6
    رفاعي عبقري الصورة الرمزية البحراوي
    تاريخ التسجيل
    Jan 2012
    الدولة
    Omdurman and Dammam
    المشاركات
    3,552
    معدل تقييم المستوى
    11

    افتراضي

    انت حكمة.. ولا آية... ولا انسان...
    انت صاحي .. ولا نايم..
    ولا طرفك من طبعو نعسان..
    انت راحي.. انت روحي.. انت انسان
    عيني يا صاحي.. ولا انسان
    انت نادي.. انت هادي. انت ميسان
    انت ظافر.. انت ضافر اسود وفرسان
    انت شادن... انت لادن.. انت فتان.
    انت ضامر.. انت سامر.. انت هتان...
    ولا طرفك من طبعو نعسان
    انت ناظر.. انت نادر.. انت بستان..
    انت صافي.. انت نافي زور وبهتان...
    انت حكمة.. ولا آية... ولا انسان...
    انت صاحي .. ولا نايم..
    ولا طرفك من طبعو نعسان..
    يا حياتي.. يا مماتي.. هاك سطران
    الصبابة.. مر عزابا... وقلبي
    انت ساهي.. انت لاهي.. انت بطران
    بجلالك... بدلالك يا سامي بطران
    انت حكمة.. ولا آية... ولا انسان...
    انت صاحي .. ولا نايم..
    ولا طرفك من طبعو نعسان..
    يا منايا يا وفايا هاك برهان
    عن غرامي وهيامي السابني ولهان
    ولا طرفك من طبعو نعسان..
    عز فربك.. رغم بعدك.... قالوا لي هان
    قلبي خافق هل توافق قدري ينهان
    انت حالي... انت عالي... انت سلطان
    انت صافي انت ساجي بين طال
    طال انيني طال حنيني الحال
    لوصال البلومني يا سيدي غلطان
    http://www.7ozn.com/files53/06_06_20...3389328841.swf


    جمال محمد عبد الرحيم

  7. #7
    رفاعي عبقري الصورة الرمزية محمد صديق
    تاريخ التسجيل
    May 2012
    الدولة
    الخرطوم بحرى :الحلفايا مربع 7 منزل 88
    المشاركات
    2,474
    معدل تقييم المستوى
    10

    افتراضي

    الحبيب ود الصديق .. مساك الله بالخير يالغالي .. اولا مشكور علي المرور والأشادة ..ومافيها حاجة لما اسمع رأيك بصراحة ..وياريت تدلي بالبيتين حتي اقوم بعمل ال denting and painting ولا تنسي ان هذا عملنا في الأساس ومجال التخصص..
    صباحك خير يا بحراوى..

    حأرسل ليك الأبيات فى الخاص.

  8. #8
    رفاعي عبقري الصورة الرمزية البحراوي
    تاريخ التسجيل
    Jan 2012
    الدولة
    Omdurman and Dammam
    المشاركات
    3,552
    معدل تقييم المستوى
    11

    افتراضي نجـــــــــوي

    المناسبة ..صورة من مجلة مرسلة في خطاب ..الصورة عبارة عن عائلة مكونة من ابن وابنه وزوج ..وزوجه .. كتبت بخط يدها علي صورة الابن أيمن... وصورة البنت رشا ... ووضعت اسم نجوي (اسم حركي) علي صورة الزوجة .. واسمي علي صورة الزوج .. وكانت الكلمات التاليه ....:ــ
    جات هديتك لي يانجوي .. حلوة مليانة أبتسام ..
    جات تعبر عن شعورك ..وتحكي عن كل الغرام
    بأشتياق سافرت فيها .. وفيها يامالقيت كلام
    فيها ياما لقيت أماني ..صادقة من قلبك تمام
    جات هديتك لي نجوي في الصور أسرار هوانا
    في الصور كلمات جميلة .. من زمان كانت منانا
    كنا نحلم برشا .. وياحلات أيمن معانا
    جات هديتك لي يانجوي في الصور بالحيل سرحت
    ليك ماقادر اعبر .. ومهما ليك يالملكة قلت
    الشعر انا قلتو فيك وليك كم اشعار كتبت
    برضي فيك لسه مقصر
    نجوي ..نجوي خلاص فقدت ..
    http://www.7ozn.com/files53/06_06_20...3389328841.swf


    جمال محمد عبد الرحيم

  9. #9
    رفاعي عبقري الصورة الرمزية البحراوي
    تاريخ التسجيل
    Jan 2012
    الدولة
    Omdurman and Dammam
    المشاركات
    3,552
    معدل تقييم المستوى
    11

    افتراضي متأسفـــــــــــــــــة

    دي ياود صديق ملطوشة من الفيسبوك..:

    .متأسفة...
    ما كان أكون مفتونة بيك..
    ما كان أجيك متلهفة..
    متأسفة...!!
    إحساسي كان مجرم خطير.. عارض شروطك وخالفا..

    جاك مندفع، بيك منبهر، أدمن عيونك ووالفا..
    ..ومتأسفة....!!
    كانت هواجسك ضد هواي.. متحفظة ومتخوفة..
    وأحلامي بيك كانت سراب.. كانت طموحة ومترفة..
    ☚.. ومتأسفة..☚..!!
    على كلُ لحظة وكل يوم.. لازمني طيفك وإختفى..
    وعلى كلُ عهد قطعتو ليك.. وإنتَ العهود ماااا بتعرفا..
    وعلى كل موعد بين عيوني وبين بهاك..
    لا صُنتو إنتَ ولا إتوفا..
    ..ومتأسفة....!!
    أصلاً غرامك بي وهم
    لا بينا حب، لابينا دم..
    كان ظني فيك الخير عشم..
    لكن حنانك.. ما إلتزم..
    وأصل الحكاية..
    بريق لمع.. وسط الدياجر وإنطفأ..
    وأنا بستحق كل العذاب..كل التباريح والجفا
    لا بسمتك صِبحت عزآي..
    لا همستك كانت شِفا..
    ☚..متأسفة ☚.. ومتأسفة. ومتأسفة..!!
    http://www.7ozn.com/files53/06_06_20...3389328841.swf


    جمال محمد عبد الرحيم

  10. #10
    رفاعي عبقري الصورة الرمزية البحراوي
    تاريخ التسجيل
    Jan 2012
    الدولة
    Omdurman and Dammam
    المشاركات
    3,552
    معدل تقييم المستوى
    11

    افتراضي

    يــــــــا زولــــــه فـــــي جواي حضور
    مستوطنــــه الـــــــدم والعـصــــــب
    بتنفســك جــــاولــــي وبــــخـــــــور
    طيــــــــبه ارض رويـــــــــانه تـــــــب
    طلــــيتي فــــي دنـــــياي مـــــلاك
    نــــــورتي عـــتـــمة وحـــــشــــتي
    عشــــعشـــتي فــي قلبي الحزين
    اصــــبحت فرحـــــان منـــــــتـــشي
    نســـــيان همـــومي الفــي قــفاي
    مـــا انــــتي اصــــلك كـــــل شــــي
    http://www.7ozn.com/files53/06_06_20...3389328841.swf


    جمال محمد عبد الرحيم


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
الساعة الآن 04:35 PM
Powered by vBulletin® Version 4.2.3
Copyright © 2019 vBulletin Solutions, Inc. All rights reserved.
Translate By Almuhajir
المواضيع والمشاركات في منتديات رفاعة للجميع تعبر عن رؤية كاتبيها
vBulletin Skin By: PurevB.com