النتائج 1 إلى 6 من 6

الموضوع: طرائف ومواقف ..

  1. #1
    رفاعي مُتميز الصورة الرمزية Abu Hisham
    تاريخ التسجيل
    Jul 2006
    الدولة
    حاليا - الدوحة - قطر
    المشاركات
    1,781
    معدل تقييم المستوى
    15

    افتراضي طرائف ومواقف ..


    مفارقات :
    أيام العيد :اذا نظرت الى الذهب في أيدي النساء ورؤوسهن تستطيع بكل فخر تصنيف السودان ( أغنى دولة في العالم )
    أيام العيد :اذا نظرت الى أيدي وجيوب الرجال فتستطيع تصنيف السودان ( أفقر دولة في العالم )

  2. #2
    رفاعي مشارك الصورة الرمزية محمد على بشار
    تاريخ التسجيل
    Feb 2012
    المشاركات
    196
    معدل تقييم المستوى
    8

    افتراضي

    اخي ....أبو هشام .كل عام وانتم بخير ربنا يحقق الاماني ويتقبل منا ومنكم صاح الاعمال
    اغلب الذي تراة في ايادي النسوان ورقابهم ماقل ان يكون حقيقي كلو (فالصو يعني ضهب)
    وليس ذهب ولاتستطيع ان تفرق بين هذا وذاك الذهب الحقيقي كلو بيع للظروف الحاصلة .
    الغالبية العظمي تمتلك الفئة الثانية وبعضهم لايستطيع حتي امتلاك الفالصو (لك ان تتخيل اما الجيوب فحدث ولاحرج)
    )
    [
    [gdwl]عمت بشائرنا ..ودام .. الفرح ..لينا..ضاءت ليالينا[/gdwl]

  3. #3
    رفاعي مُتميز الصورة الرمزية Abu Hisham
    تاريخ التسجيل
    Jul 2006
    الدولة
    حاليا - الدوحة - قطر
    المشاركات
    1,781
    معدل تقييم المستوى
    15

    افتراضي

    اقتباس المشاركة الأصلية كتبت بواسطة محمد على بشار مشاهدة المشاركة
    اخي ....أبو هشام .كل عام وانتم بخير ربنا يحقق الاماني ويتقبل منا ومنكم صاح الاعمال
    اغلب الذي تراة في ايادي النسوان ورقابهم ماقل ان يكون حقيقي كلو (فالصو يعني ضهب)
    وليس ذهب ولاتستطيع ان تفرق بين هذا وذاك الذهب الحقيقي كلو بيع للظروف الحاصلة .
    الغالبية العظمي تمتلك الفئة الثانية وبعضهم لايستطيع حتي امتلاك الفالصو (لك ان تتخيل اما الجيوب فحدث ولاحرج)
    )
    أبو بشار الحبيب سلام ، وانت بألف خير وسلامة وتقبل الله منا ومنكم صالح الأعمال ..
    كان فالصو برضو بي قروش والفالصو الأصلي ومزخرف ولونو ما بتغير بقى سعرو قريب للأصلي هل تصدق ان بعض سعر الأطقم اللونها ما بتغير قرب لألف دولار؟
    لكن طبعا في المحلات الهاي هاي .. لكن ذكرتني نكتة جيراننا يوم رسلوا حسني يشحد ليهم العرب ايام البترول سعرو دق الواطة ، جا وقال لي الرئيس جارنا انو العرب هم ذاتهم قالوا مفلسين وعلى جارنا وحكومتو ربط الأحزمة لمان ربنا يفرجها ! جارنا عقد مؤتمر سريع مع شلتو وناقشوا الموضوع وطلعوا بي توصية هامة واتصلوا بي أبو الحسن : طيب قول للعرب رسلوا لينا الأحزمة !!!
    طبعا أذكياء جدا العرب مش حيرسلوا ليهم أحزمة فالصو وحتكون جلد أصلي وفاخر .. يبيعوها وبي ثمنها يفكوا أزمتهم ..هاهاها ..
    دواءالشعــــــر يشفـي كـــل داء...وللشعــراء لا يجـــــدي الدواء
    أتونا بالجمال وبالمحال وبالثراء...فغنوا ثم أغنوا ثم ماتوا فقـراء
    اذا ما رمـت فيضا في العطـــاء...فأهل الشعـــر أسخى الأسخـياء

  4. #4
    رفاعي مُتميز الصورة الرمزية Abu Hisham
    تاريخ التسجيل
    Jul 2006
    الدولة
    حاليا - الدوحة - قطر
    المشاركات
    1,781
    معدل تقييم المستوى
    15

    افتراضي الدليب في رفاعة ... دل .. دل ..

    سرعة بديهة ولفة وريف وواحد كضاب كضب !!!

    الحفلة عمرانة في الحي البريطاني .. ولامة ليك رفاعة ومدني والخرطوم وما جاورها .. الخرطومي قام يهبش .. سأل جارو في الكرسي والاثنين شباب ما شاء الله : شايف شايف أم عيون كبار ديك القايمة ترقص ؟؟ - أيوا شايفها ما لاااا ؟ يا أخي رهيييبه ! - يازول دي أختي أنا ! أسكت أكمل ليك كلامي يا أخي رهيبة جدا القاعدة وراها بالضبط يعني المن خلف أختكم ! - شكرا لاكين خليك مؤدب ديك ذاتها بت عمي والحفلة دي كلها أهلي وناس رفاعة لو ماعارف كان ما أهل عديل برضو أهل ! - يا أخي والله ما عندي قصد بس عايز أقول ليك انهم ذكروني ب ( مقولة ) ان الله جميل يحب الجمال .. هاهاها .. زوغه...

    قال للشلة والونسه كانت حامية : والله يا جماعة وما طالبني حليفة أخوي مرة اشترى عربية (جيب رانجلار) وكان بجرب فيها وانا راكب معاه جايين من تمبول لمان جينا في لفة المدرسة الشعبية اخد ليك اللفة من شدة سرعتو لمن قريت ليك النمرة الوراء ...!!! هاهاها .. واحد علق قال ليه : هو أصلو سمكة ياخ ! رد : يا بومة الجيب ما مقعدين بس (رانجلار ) انت قايلو (شيروكي ) ؟؟ وتاني .. هاهاها ...


    يلا العندو دليب يجينا بي جاي ..
    دواءالشعــــــر يشفـي كـــل داء...وللشعــراء لا يجـــــدي الدواء
    أتونا بالجمال وبالمحال وبالثراء...فغنوا ثم أغنوا ثم ماتوا فقـراء
    اذا ما رمـت فيضا في العطـــاء...فأهل الشعـــر أسخى الأسخـياء

  5. #5
    رفاعي مُتميز الصورة الرمزية Abu Hisham
    تاريخ التسجيل
    Jul 2006
    الدولة
    حاليا - الدوحة - قطر
    المشاركات
    1,781
    معدل تقييم المستوى
    15

    افتراضي رحلة عمر

    في 1986 . وفي تايوان ، قام اتحاد كمال الأجسام بتنظيم رحلة ترفيهية لكل الضيوف الذين حضروا البطولة الآسيوية في تايبيه في ذلك العام . وصادف ذلك رابع يوم عيد الأضحى المبارك عندنا ، اعتذر أفراد فريقنا (القطري ) والطاقم الذين رافقتهم ك( مترجم ومتحدث باسم الجمعية القطرية لكمال الأجسام ) فقررت أن أحتفل بالعيد في هذه الرحلة وكانت نصف ساعة بالطائرة الى جنوب تايوان منطقة تسمى ( هولين ) وهولين بلغتهم الصينية ، تعني الجنة ولمن رآها فهي فعلا من جنان الدنيا التي يعجز المرء عن وصفها .. المهم في المساء نظم المنظمون حفلا ساهرا لكل الحاضرين ومن بينهم رئيس الاتحاد الدولي (بن ويدار ) وزوجته السمراء وكنا فقط نحن السمر في الرحلة .. فطلبوا من كل وفد أن يقدموا شيئا على المسرح الصغير ، وراسي انشطب !! صحيح عندي فكرة غناء وعزف ولكن لا توجد آلات موسيقية ولا حتى جردل بلاستك ده طبعا لو قمت أتعاور زي الباقين ! ومعاهم مسجل كبير جدا وميكروفون .. المهم دورت في شنطتي وكانت المفاجأة ! لقيت شريط كاسيت جديد لنج مكتوب عليه ( ابراهيم عوض ) فقلت خلاص الجماعة الليلة هجيج للصباح .. وكانت المفاجأة الأكبر ان الشريط مسجل عليه الاسم بالخطأ فهو للفنان الرائع عندنا جدا جدا ( النعام آدم ) ..وليس لابراهيم عوض ! وأول أغنية أتذكر ..( مرحبتين حبابك .. اليوم السعيد اللينا جابك يا فريع البانة ) ... والجماعة عايزين يجاملوني ؟ أو لأنو الشريط الوحيد وما عندهم غيرو ؟ المهم قاموا يتراقصوا .. بس بتذكر زي رقيص المكرونة .. والحريف فيهم تابع ليك الربابة بي راسو وأصابعينو أما الأرجل فخطوتين قدام وثلاثة ونص الا ربع للخلف .. والحمد لله الشريط اتشربك بعد أغنيتين تلاتة .. والا كنت لحدي اليوم مش عارف أفرتقهم .. الأمريكية زوجة بن ويدر قالت : زيس أوريجنال ميوزيك نوط ميد ان تايوان .. فضحك الجميع وقبلت أنا مسخرتها على (مدد )..
    دواءالشعــــــر يشفـي كـــل داء...وللشعــراء لا يجـــــدي الدواء
    أتونا بالجمال وبالمحال وبالثراء...فغنوا ثم أغنوا ثم ماتوا فقـراء
    اذا ما رمـت فيضا في العطـــاء...فأهل الشعـــر أسخى الأسخـياء

  6. #6
    رفاعي نشط الصورة الرمزية الأسطورة
    تاريخ التسجيل
    Sep 2012
    الدولة
    K.S.A
    المشاركات
    552
    معدل تقييم المستوى
    8

    افتراضي

    والله كلامك برضو وارد جدا عن تجارب فعلية وقعت معينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    نعيبُ زماننا و العيبُ فينا … و ما لزماننا عيبٌ سوانا
    و نهجوا ذا الزمانِ يغير ذنبٍ … و لو نطقَ الزمانُ لنا هجانا
    و ليس الذئبُ يأكلُ لحم ذئبٍ … و يأكلُ بعضنا بعضاً عيانا
    الـأ ســطــورة
    [flash=http://im13.gulfup.com/2012-11-08/1352392498502.swf]WIDTH=300 HEIGHT=400[/flash]


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
الساعة الآن 05:17 AM
Powered by vBulletin® Version 4.2.3
Copyright © 2019 vBulletin Solutions, Inc. All rights reserved.
Translate By Almuhajir
المواضيع والمشاركات في منتديات رفاعة للجميع تعبر عن رؤية كاتبيها
vBulletin Skin By: PurevB.com