النتائج 1 إلى 3 من 3
  1. #1
    رفاعي نشط الصورة الرمزية محمدالجيلي
    تاريخ التسجيل
    Mar 2011
    المشاركات
    596
    معدل تقييم المستوى
    10

    Q (20) خوالد الأغنيات - هاشم ميرغني - إنت ما مشتاقه لي

    انت ما مشتاقة لي يعني ما مشتاقة لي
    ولا ماعارفة العلي يعني ما مشتاقة لي
    لو خلاص خليتي ريدي يكفيني خاتمك في ايدي
    ما زمان قبال اسيبيك كان فراقي صعب عليك
    شلت جرحي وفت منك همي كان بس كيف اجيك
    جيت بشوق الدنيا كلو غير احس بشوقي ليك
    بس لقيت الهفة راحت حتي عينيك ما عينيك
    ما زمان قبل افارقك قلت لي اوعك تطول
    قلبي دايما في رجاك المحال غيرك يبدل
    عشت بعدك كلي ذكرى امسي بطيفك واقيل
    الليلة قلبك لو نساني غير عيونك وين اقبل
    شلت فرحي وجيت اسالمك قايلك انت تحسي بي
    وانت ما انت الزمان انا اصلي ما مصدق عيني
    داير افوت يا غالية منك ابقي وحدك في الاسية
    __________________

  2. #2
    رفاعي عبقري الصورة الرمزية البحراوي
    تاريخ التسجيل
    Jan 2012
    الدولة
    Omdurman and Dammam
    المشاركات
    3,552
    معدل تقييم المستوى
    12

    افتراضي

    كلمات رائعات خطها شاعر كوستي المرهف بابكر سيد أحمد وله عدة قصائد لم تجد النور وأحفظ له قصيدة نجوي وهي نفس شخصية القصيدة السابقة وسبق أن ارسلت له صورة من مجلة عبارة عن عائلة زوج وزوجته وأبن وأبنة فسمت الزوج بأسمه والزوجة بأسمها والأبن أيمن والأبنة رشا فقال الكلمات الآتية : جات هديتك لي نجوي حلوة مليانة أبتسام جات تعبر عن شعورك وتحكي عن كل الغرام بأشتياق سافرت فيها وفيها يامالقيت كلام فيها ياملقيت أماني صادرة من قلبك تمام جات هديتك لي نجوي في الصور اسرار هوانا في الصور كلمات جميلة من زمان كانت منانا كنا نحلم برشا وياحلات أيمن معانا جات هديتك لي نجوي في الصور بالحيل سرحت بيك ماقادر أعبر ومهما بيك ياحلوة قلت الشعر أنا قلتو فيك وليك كم أشعار كتبت برضي فيك لسه مقصر نجوي نجوي خلاص فقدت!‏‎‎
    http://www.7ozn.com/files53/06_06_20...3389328841.swf


    جمال محمد عبد الرحيم

  3. #3
    رفاعي جديد الصورة الرمزية ابو ياسر حسن
    تاريخ التسجيل
    Dec 2012
    الدولة
    المدينة المنورة
    المشاركات
    40
    معدل تقييم المستوى
    0

    افتراضي اسبوع تمام

    أسبوع
    تمام أنا كنت عايش في الخيال
    أنسج حروف سيّالة
    ذي دمعاً حزين من عيني سال
    أسبوع تمام
    أنا و النجوم بنسأل الليل الحزين
    لو مرّه طيفك ليهو طال
    وتبكي زولاً مودع الزمن لي ريدو شال
    و نسرد حكاوينا ونصبر في العيون
    ياريتنا نقدر نلقى حال
    ما حلنا من بعدك عذاب
    و فرحنا من بعدك محال
    لو شفتي كيف نحن بنشيل كل الأمل
    و نفرش طريقك بالورود
    و لا مرّه هان لينا الوصال
    و في عينيّ شوقك يا حبيبة
    ذي السحاب
    يناجيني و يتقاطر ليّ فال
    ما إنت البشاره في كل عيد
    و أنا البعيد .. لما القمر حكى ليا قال
    قال ليا إنت بعيدة جنبو
    و أنا الهناك فوق الرمل
    ببني القصور من الرمال
    أشتت الرمل الحزين
    و أسال الودع البيخدع
    يقول ليا جاية
    و معاي وجدك إستحال
    أسال النخل البهاتي
    يقبل وجيهو مني مال
    أنا أسال الله يجيبني ليك
    و أخجل كتير من السؤال
    ما دربي بعدك ما سارو زولاً
    و عينيّ ما شافت جمال
    و بخلتي أنت بصورة ليّ
    أساهر بيها ساعاتي الطوال
    بس عزايّ فوق الزمن
    قوم يا فرح أسرع تعال
    نور بزيناتك ظلامنا
    و طوف بالبوادي غنى و موال
    رقص شبابنا الكلو ريد
    و أفرد ضفايرن الطوال
    م إنت أول فرحة ليّ
    خجلانة من الخجل ولاّ المجال
    ما تردي إنت قولي ليّ بريدك إنت
    ولاّ قولي ليّ كفاك سؤال
    أنا أصلي ما سألتك برايّ
    بتسأل معاي كل العواطف إبتهال
    أنا أصلي ما ريدتك برايّ
    رادوك معايّ
    ناس الأرض و طيبة الأرض
    قبل الظلال
    أنا أصلي ما بشتاق براي ّ
    بشتاق معايّ الليل
    و سري الدافنو فيهو و الإنعزال
    ده كلو في أسبوع تمام
    صورتك عروس مليانه
    بي عطر الأرض
    ترقص تميل في الإنهدال
    و أهدل معاي عينيّ عجب
    سبحان الخلق ذو الجلال
    و خلقني حارسك بالعيون
    و حا أظل أحرس يا جمال
    اسبوع تمام ...........

    أليس أنها أغنية رائعة فعلاً ألا و رحم
    الله الفنان هاشم ميرغني بقدر ما أعطى ..‏
    يكقيني أسرح في الورود
    أشرب من الطل النزل
    ترويني حبات الندى
    و ما دايرأكتر من كدا


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
الساعة الآن 01:55 PM
Powered by vBulletin® Version 4.2.3
Copyright © 2020 vBulletin Solutions, Inc. All rights reserved.
Translate By Almuhajir
المواضيع والمشاركات في منتديات رفاعة للجميع تعبر عن رؤية كاتبيها
vBulletin Skin By: PurevB.com