صفحة 1 من 2 12 الأخيرةالأخيرة
النتائج 1 إلى 10 من 13

الموضوع: نكات رباطاب

  1. #1
    رفاعي مُتميز الصورة الرمزية عبده ودقراص
    تاريخ التسجيل
    Feb 2008
    المشاركات
    1,003
    معدل تقييم المستوى
    13

    افتراضي نكات رباطاب


    نكات رباطاب


    رباطابى صلى الجمعة فى مسجد أنصار السنة الإمام قال السلام عليكم مد يدو للزول الفى يمينو قال ليهو: أنصارالسنة رفض يمد يدو و قال ليهو : دى ماورد فيها نص، الرباطابى قال ليهو : نان الإحراج ورد فيهو نص؟؟
    --------------------------------------------------------------------

    واحد رباطابى معزوم عشاء مع واحد صاحبو مشى لقى الكهرباء قاطعة قعدو يتونسو مسااااافة الرباطابى جاع جوعه شديدة قال لى صاحبو ياخى الزمن فات وانا جيعان ياخى طلع لينا العشاء دا، صاحبو قال ليه ياخى العشاء ما بطلع الا الكهرباء تجى.... الرباطابى قال لى اصلو دا عشاء ولا شريط فيديو!!
    --------------------------------------------------------------------

    شافعة رباطابية قاعدة تاكل مع أبوها في الصينية ، قالت ليهو: يابا أديني عيشة، أبوها حب يشاغلها، قال ليها بتدوري بيها شنو؟؟ قالت ليهو بدور أرضعها!!!
    --------------------------------------------------------------------

    رباطاب عندهم بنطون عطلان وقاعدين طول النهار بيعافروا عشان يطلعو البنطون من البحرعشان يصلحو.. جا واحد جعلي قال ليهم: انتو البنطون دا مطلعنوا من البحر ليه؟
    رد عليه واحد منهم: والله البحر ما نفع معاهو قلنا نجرب الظلط..
    --------------------------------------------------------------------

    رباطابي عسكري مرور .. بلغوه أنو في باص إنقلب .. مشى مكان الحادث لقى الناس كلها ميتين ماعدا واحد .. قال ليهو : أها يالصـــــندوق الأســـــود .. الحادث حصل كيف ..
    --------------------------------------------------------------------

    رباطابي بتاع فرن جاءهو واحد قال ليهو العيش في النار رد ليهولا يااخوي في الجنة ..
    --------------------------------------------------------------------

    رباطابي راكب القطر بتاع الشمالية ...وعشان مافي نور عفص رجل واحد جنوبي ... الجنوبي بي زهج قال ليو : انت عميان ولا شنو تطلع في كراع بتاع الناس انت ما عارف زاتو ماشي وين...الرباطابي رد عليه : انا ماشي عند اهلي انت ماشى وين ..
    --------------------------------------------------------------------

    رباطابي لابس جزمة قديمة أصابعينو الخمسة مارقين بره. مشى لبتاع ورنيش مد ليهو كراعو.
    بتاع الورنيش قال ليهو: أورنش ليك؟ قال ليه : لا لا.. طقطقم لي!!

    --------------------------------------------------------------------

    رباطابي ببيع لبن المهم عندو زبون محامي مرتو غالطت الرباطابي في حق يومين بحجة انو كان في مطرة والرباطابي مصر انو اداهم اللبن في اليوم البعدو جا زوجها المحامي وقال ليهو انحنا ماممكن تغالطنا ابدا الرباطابي قال ليه اغالطك كيف وانت الغلاط فاتح ليه مكتب

    --------------------------------------------------------------------

    رباطابي في عزومة عرس لاحظ انو في زول نائم نومة عميقة جدا ... بس في اللحظة الختو صينية الاكل عمك تترب صحي وابتداء يلقلق ... الرباطابي قال ليهم : انتو زولكم دا كانتو خاتنو في الشاحن ...

    --------------------------------------------------------------------

    رباطابي مشى لواحد بعمل في لقيمات في المحطة داك كلما يخت الصاج في الكانون الصاج يميل لي جمبه الرباطابي قال ليه بتظبتوا في الدش عايز تجيب ياتوا قناة فضائية؟
    صاحبنا لمن رمى العجينة في الصاج والزيت كان سخن العجينة بعد ما نزلت في آخر الصاج عملت صوت (تششش) الرباطابي قال ليه اكيد دي قناة الجزيرة زولنا طوالي طفى الصاج ومشى بيتهم.

    --------------------------------------------------------------------

    رباطابية بتبيع زلابية وطعمية للركاب في محطة ابوحمد بعدين الايام ديك شغلو القطر الاكسبرس وكان ما بيقيف في اي محطة المهم القطر جا ماشي فيها فووووو وماباعت اي حاجة وقامت رجعت البيت قام راجلها قال ليها انشاء الله بعتي كويس الليلة؟؟
    قالت ليهو- ابيع كيف والقطر جا ماشي فيني زي ترجمة الفلم الاجنبي
    --------------------------------------------------------------------

    الرباطابي عمل ليه محل فول في البلد ومشى معاه كويس قام وسع المحل وعمل قدرة ثانية وزاد عدد الكراسي وبعد فترة جاب ليه ست شاي في المحل جاه صاحبه الرباطابي قال ليه يا دكتور عينت ليك (فحيص) معاك ولا شنو!!
    ---------------------------------------------------------------------
    شايقية ورباطابية راكبات الحافلة ماشات بكا .. الشايقية طقطقت للكمساري ونزلت، الرباطابية اتأخرت.. الكمساري قال ليها: نازلة؟ قالت ليه : لا.. لا.. بدور اقدمها للباب!!

    --------------------------------------------------------------------

    واحد رباطابي راكب القطر قاعد جنب الشباك ... فطلب منو الزول القاعد جنبو : ممكن اقعد جنب الشباك عشان انا بسف السـعوط وبتف ...الربطابي رد عليو : نان وانا بسف وببلعو ..

    رباطابى نزل ضيف عند جماعة وكان عندهم تيس فى الزريبة جنب الصالون عنده نزلة الليل كله يعطس...الصباح بدرى سيد البيت جا وسال الرباطابى" ان شاء الله نمت كويس؟؟ الرباطابى قال ليه
    انوم بى وين لى تيسك ده التقول مكوجى مقابل العيد

    --------------------------------------------------------------------

    واحدة حنكوشة دخلت مطعم قراصة صاحبو رباطابى .. قالت ليه ياعمو عليك الله ادينى سندوتش
    قاليها يابتى عندنا قراصة كان دايرة سندوتش جيبى ابرة وخيط

    --------------------------------------------------------------------

    رباطابي شاف عتود اسود واضنينو بيض قال مالو دا عامل زي البنطلون القالبين جيوبو

    --------------------------------------------------------------------

    الحاجة جات للدكتور الرباطابي في المركز الصحي وقالت ليهو
    دايراك تحولني المستشفى عشان هناك بكشفو علي بالسماعة .
    قال ليها نان الشايفاها مدروعة في رقبتي دي قايلاها نبلة؟؟
    --------------------------------------------------------------------

    رباطابي جارو عندو غنماية عايز يبيعا
    بعدين في السوق الغنماية قربت تزوووغ قام رفع ليها ولدا عشان تشوفو جات راجعه
    والرباطابي مصور الموقف كلة قام قال ليه
    اسمع ياصحبي جبتها بالريمووووووت

    --------------------------------------------------------------------

    شايقي جاء لرباطابي قال ليه انا بقيت شاعر وقام قرأ ليه
    ما بين الشتاء والفواصل حبك سكن المفاصل الرباطابي قال ليه
    انت ما شاعر انت عندك رطوبة امشى اكشف
    --------------------------------------------------------------------

    رباطابي مره بي جماعه من اهلنا الهدندوة بشربو في قهوة
    وكانوا لابسين لبستم المعروفة الواحد يكون لابس سروال طويل
    وباقي جسمو عريان ورابط العمه خلف خلاف
    الرباطابي قاليهم يا اخوانا داير لي فنجان جبنة
    نط واحد من الهدندوة قاليهو ياخي انتو سحارين ما بنديك
    الرباطابي قاليهو عليك الله انت هسي يسحرو ليك شنو زي الفانوس القزازتو مكسرة

    --------------------------------------------------------------------

    في واحد رباطابي جننو شراب ..وجارو أنصار سنة ... مشى ليهو ينصحوا وشبكو ليك: الخمرة دي بتودر العقل .. الخمرة دي بتعمل ليك تليف في الكبد يعني بالعربي كدا الخمر دي يعني ( موت بطيييييء ) ..
    الرباطابي اتلفت وقال ليهو: ( أنا زاتي ما مستعجل ) !!!!!

    --------------------------------------------------------------------

    قالوا رباطابي قاعد في مطعم وجنبو زول احوص, الرباطابي طالب كباب والجنبو طالب فول, اها قام الجنبو كل شوية ياكل من الكباب بتاعو "نظام احوص وكدة". الرباطابي اتغاظ شديد قام قال ليهو : عرفناك ما بتشوف, ما بتضوق؟؟؟؟
    --------------------------------------------------------------------

    واحد قال لرباطابى انتوا عليكم الله عندكم موية ...
    الرباطابى قال ليهو طيب الشجر العندنا داااك قام بالتيمم ...
    كن في الدنيا كأنك غريب أو عابر سبيل

  2. #2
    عضو رفاعي الصورة الرمزية محمد صديق الشريف
    تاريخ التسجيل
    Jun 2011
    الدولة
    ولاية الجزيرة - مدينة الشرفة بركات
    المشاركات
    64
    معدل تقييم المستوى
    9

    افتراضي

    هههههههههههههههههههه
    [BIMG]http://www.rufaaforall.com/board/uploaded/8619_1309020014.jpg[/BIMG]



    الجنة عروس مهرها قهر النفوس

  3. #3
    رفاعي مُتميز الصورة الرمزية عبده ودقراص
    تاريخ التسجيل
    Feb 2008
    المشاركات
    1,003
    معدل تقييم المستوى
    13

    افتراضي

    شكرا علي المجامله
    كن في الدنيا كأنك غريب أو عابر سبيل

  4. #4
    رفاعي جديد
    تاريخ التسجيل
    Mar 2011
    المشاركات
    21
    معدل تقييم المستوى
    0

    افتراضي

    اللهم زيد وبارك.تحياتى

  5. #5
    رفاعي مُتميز الصورة الرمزية عبده ودقراص
    تاريخ التسجيل
    Feb 2008
    المشاركات
    1,003
    معدل تقييم المستوى
    13

    افتراضي

    شكرا علي المرور
    كن في الدنيا كأنك غريب أو عابر سبيل

  6. #6
    رفاعي مشارك الصورة الرمزية ملكة الإحساس
    تاريخ التسجيل
    Aug 2010
    المشاركات
    362
    معدل تقييم المستوى
    10

    افتراضي

    ههههههههههههههههههههههههههه هوهوهوهوهوهاهاهاهاهاهااهاهاااااااااااااااااااااااا اااااااااااااااااااااي والله روعه ربنا يبسطكم دايماً ان شاء الله

  7. #7
    رفاعي مُتميز الصورة الرمزية العابر
    تاريخ التسجيل
    Jun 2010
    المشاركات
    1,208
    معدل تقييم المستوى
    11

    افتراضي

    هههههههههههههه حلوين
    يمه العزيزه الشوق غلب ليك يا الحبيبه وللبلد

  8. #8
    رفاعي جديد الصورة الرمزية صلاح الدين احمد محمد
    تاريخ التسجيل
    Apr 2011
    المشاركات
    13
    معدل تقييم المستوى
    0

    افتراضي

    روعه ياعبدو واشكرك على التمييز في الاختيار

  9. #9
    رفاعي جديد
    تاريخ التسجيل
    Feb 2011
    المشاركات
    3
    معدل تقييم المستوى
    0

    افتراضي

    ههههههههههههااااي مبالغة واللة كلهم حلوين

  10. #10
    رفاعي مُتميز الصورة الرمزية عبده ودقراص
    تاريخ التسجيل
    Feb 2008
    المشاركات
    1,003
    معدل تقييم المستوى
    13

    افتراضي

    مشكورييييييييييييييييييييييييييييييييييييييييييييي ييييييييييييييييييييين
    كن في الدنيا كأنك غريب أو عابر سبيل


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
الساعة الآن 05:46 AM
Powered by vBulletin® Version 4.2.3
Copyright © 2020 vBulletin Solutions, Inc. All rights reserved.
Translate By Almuhajir
المواضيع والمشاركات في منتديات رفاعة للجميع تعبر عن رؤية كاتبيها
vBulletin Skin By: PurevB.com