النتائج 1 إلى 10 من 10
  1. #1
    رفاعي عبقري
    تاريخ التسجيل
    May 2010
    المشاركات
    5,574
    معدل تقييم المستوى
    15

    افتراضي حاجة سعديه والكمونيه

    قصة حاجه سعديه وصلتني علي الايميل عجبتني
    وحبيت انقلها لكم وشاركوني الضحك
    ما مشيت لى حاجة (سعدية)؟
    - مالا عندها شنو؟
    - مش وقعت من (الركشة) وإتظلطت و(خيطو) ليها راسا تلاته (غرز)؟
    حوار عادى يمكن أن يحدث بين أى زوجين.. زوجة تخبر زوجها بأن جارتهم ترقد مريضة إثر حادث تعرضت له، طيب أيه الغريب فى الموضوع؟ أقول ليكم.. الغريب فى الموضوع أن الزوجه كانت تخبر زوجها بهذا الحادث الذى تعرضت له (حاجة سعدية) وهى غارقة فى (الضحك)!!
    - بتضحكى مالك؟ ده هسه موضوع يضحك؟
    - خلينى كدى أحكى ليكا وبعدين إنتا براك ح تعرف..
    وبعد أن أخبرتنى (حرمنا المصون) بالقصة لم أتمالك نفسى وإنفجرت فى نوبة من الضحك المتواصل كما (أتوقع أن يحدث لك ذلك عزيزى القارئ) وإليك القصة:
    بعد أن اكتمل عدد المشتركات فى الصندوق (الماسكاهو حاجة سعدية) قررت أن تذهب لتسليمه إلى صاحبة (الصرفة الأولى) فقامت بوضع (القريشات) فى (كيس نايلون أسود) ولفها بعناية حتى لا يستبين ما بداخلها ثم أوقفت (ركشة)..
    - ماشة وين يا حاجة؟
    - ماشة ليا يا ولدى لى ناس زيارة قدام محطة (جامسكا) فى الثورة!
    وإنطلق سائق الركشة وهو مندمج مع الأغنية التى يبثها (المسجل) بصوت عال وأخذ شارعاً جانبياً ثم آخر حتى صار بعيداً عن شارع الظلط الذى من المفترض أن يسلكه مما حدا بحاجة سعدية أن تقول له:
    - يا ولدى إنت ماشى بى وين؟ أنا بى هنا ما بعرف السكة!
    - يا حاجة إنتى مش ماشة (جامسكا)؟ أنا خلاص بوصلك!
    استمر سائق الركشة فترة من الوقت (يدخل بى زقاق ويطلع بى زقاق تانى) حتى توقف أمام أحد المنازل وقام بالضغط على البورى ففتح باب المنزل (3 ضلف) لتدخل الركشة وبداخلها (الحاجة سعدية)! التى تفاجأت بوجود عدد من (الشباب) يلتفون حولها تفوح منهم رائحة (الخمر) و(الدخان):
    - يا وليداتى أنا (مرا كبيرة) عاوزين منى شنو؟
    - (مشيراً إلى طشت كبير): ما عاوزين منك شئ يا حاجة بس نضفى لينا (الكمونية) دى!
    كان الطشت (مليان لى عينو) بالمصارين و(الكرشة) و(العفشة)، وضعت (حاجة سعدية) الطشت أمام (الماسورة) وهاك يا (نضافة)، على الرغم من أن كمية (الكمونية) التى فى الطشت من الواضح انها لأكثر من (بهيمة) إلا أن (مهارة) حاجة سعدية قد ساعدتها فى إنجاز المهمة فى وقت قياسى مقداره ساعتان بالتمام والكمال!
    - (وهى تستعدل ثوبها) أها يا وليداتى رجعونى حتتى!
    - (أحدهم يناولها كيس أسود): يا حاجة معقولة تفكينا (عكس الهوا) كده وتمشى؟يعنى (الكمونية) دى ناكلا (نيه)؟
    قامت حاجة سعدية بفتح الكيس الذى يحتوى على (الفحم والبصل والصلصة والبهارات)، جلست على (البنبر) المتآكل من جديد، (ولعت نارا) وبدأت فى (حش البصل) ثم (دق التوم) والفلفل..
    - أها يا وليداتى.. لى (الصلصة) كبيتا ليكم فيها.. خلاس ودونى لى اهلى الواطه (فللت)!
    - خلاس يا حاجة تعالى أركبى نوصلك..
    على مشارف الحى قام سائق الركشة بإنزال (حاجة سعدية) التى إتجهت صوب منزلها بينما انطلق (السائق) عائداً إلى ( شلته)..
    - مالك يا حاجة إتأخرتى وجاية (فترانة) كده؟
    - كيفن ما اجى فترانة وتعبانة؟ ومنضفه (كمونيت) الدنيا والعالمين!!
    - أجى (كمونيت) شنو ياحاجة ما قلتى ماشة تودى قروش (الصندوق) الوداك للكمونيات شنو؟
    وبعد أن قامت حاجة سعدية بسرد (الحكاية) وسط دهشة الحاضرين خاطبتها حفيدتها (الطالبة) قائلة:
    - والله يا حبوبة بركة البقت على (الكمونية) مع الحاجات البنقراها فى الجرائد دى!
    لما كان من الضرورى تسليم مبلغ (الختة) لصاحبتها فقد قامت (حاجة سعدية) بإرتداء ملابسها فى عصر اليوم التالى ثم قامت بوضع (القريشات) فى (كيس نايلون أسود) لفته بعناية حتى لا يستبين ما بداخله ثم أوقفت (ركشة)..
    - ماشة وين يا حاجة؟
    - ماشة ليا يا ولدى لى ناس زيارة قدام محطة (جامسكا) فى الثورة!
    وإنطلق سائق الركشة بالشارع الرئيسى الذى بعد أن تحرك قليلاً وجده مغلقاً فى منتصفه بسبب بعض الإصلاحات فاضطر إلى أن ياخذ شارعاً جانبيا ثم آخر وعندما إنتبهت (حاجة سعدية) إنو (الشوارع ما ياها) قذفت بنفسها من الركشة وهى تصيح:
    - وحات الله ما بقدر على الكمونية تااانى!!

  2. #2
    عضو رفاعي
    تاريخ التسجيل
    Oct 2010
    المشاركات
    69
    معدل تقييم المستوى
    9

    افتراضي

    هههههههههههههههههههههههههههههههههههههههه
    هههههههههههههههههههههههههههههههههههههههه
    هههههههههههههههههههههههههههههه
    مسكينه والله حاجه سعديه
    لكن ليها حق والله

  3. #3
    رفاعي عبقري الصورة الرمزية مجاهد مساعد
    تاريخ التسجيل
    May 2010
    المشاركات
    4,744
    معدل تقييم المستوى
    14

    افتراضي

    الله يجازيك يا الموج
    لكن والله تصرفها سليم مية في المية
    تسلم علي السرد الجميل

  4. #4
    رفاعي عبقري
    تاريخ التسجيل
    May 2010
    المشاركات
    5,574
    معدل تقييم المستوى
    15

    افتراضي

    اقتباس المشاركة الأصلية كتبت بواسطة نونه العسوله مشاهدة المشاركة
    هههههههههههههههههههههههههههههههههههههههه
    هههههههههههههههههههههههههههههههههههههههه
    هههههههههههههههههههههههههههههه
    مسكينه والله حاجه سعديه
    لكن ليها حق والله

    هلا نونه العسوله
    كم اسعدنا مرورك وتواجدك هنا
    لك التحيه عبر هذه الصفحه

  5. #5
    رفاعي عبقري
    تاريخ التسجيل
    May 2010
    المشاركات
    5,574
    معدل تقييم المستوى
    15

    افتراضي

    اقتباس المشاركة الأصلية كتبت بواسطة مجاهد مساعد مشاهدة المشاركة
    الله يجازيك يا الموج
    لكن والله تصرفها سليم مية في المية
    تسلم علي السرد الجميل
    حبيبنا مجاهد
    تسلم ياغلي علي المرور

  6. #6
    بروفيسور الصورة الرمزية روز
    تاريخ التسجيل
    Jun 2010
    الدولة
    على الأرض مؤقتا
    المشاركات
    25,837
    معدل تقييم المستوى
    35

    افتراضي


    موجنا
    نفسي في حبة كمونية
    من كمونية حاجة سعدية دي .

    أرى الخلان لما قل مالي .. و اجحفت النوائب ودعوني


    فلما إن غنيت و عاد مالي .. أراهم لا أبا لك راجعوني


    و كان القوم خلانا لمالي .. و إخوانا لما خولت دوني


    فلما مر مالي باعدوني .. و لما عاد مالي عاودوني

  7. #7
    رفاعي مشارك الصورة الرمزية وفاء صلاح
    تاريخ التسجيل
    Sep 2010
    المشاركات
    185
    معدل تقييم المستوى
    10

    افتراضي

    ههههههههههه
    لكن الجماعة طلعو ماعندهم ذوق عيزومة على الكمونية ماعزموها
    لاقلت اتغذت ولا قلت شيلوها من الكمونية
    إشتهيت أفرد ضفيرتك للمطر
    وأحقن وريدك بالدعاش
    واكتفيت
    أفضل أريدك اندهاش
    أو ألوذ بي نفسي عنك
    يا مدهشـــــــــــــــــــــــه!ـ!
    أنا وين أفوت منك أمش؟

  8. #8
    رفاعي عبقري
    تاريخ التسجيل
    May 2010
    المشاركات
    5,574
    معدل تقييم المستوى
    15

    افتراضي

    اقتباس المشاركة الأصلية كتبت بواسطة روز مشاهدة المشاركة

    موجنا
    نفسي في حبة كمونية
    من كمونية حاجة سعدية دي .

    هلا رزاز
    خلاس نوصف ليك بيت حاجه سعديه
    بس اوعي من الركشه
    ههههههههه

  9. #9
    رفاعي عبقري
    تاريخ التسجيل
    May 2010
    المشاركات
    5,574
    معدل تقييم المستوى
    15

    افتراضي

    اقتباس المشاركة الأصلية كتبت بواسطة وفاء صلاح مشاهدة المشاركة
    ههههههههههه
    لكن الجماعة طلعو ماعندهم ذوق عيزومة على الكمونية ماعزموها
    لاقلت اتغذت ولا قلت شيلوها من الكمونية

    هلا وفاء
    يسلمو علي الطله والمرور
    تقولي شنو الحاجه حيلا انهدا
    لكن تاني كان سمعت اسم الكمونيه
    ساااي تجيها نفسيات

  10. #10
    رفاعي نشط
    تاريخ التسجيل
    Jan 2007
    المشاركات
    705
    معدل تقييم المستوى
    13

    افتراضي

    الحمد لله إنو قصة الحاجة سعدية إنتهت على كده
    وفي رأيي ياموج هذا الموضوع يجب أن يحول
    إلى العام لمزيد من النقاش لأن هذا الوضع هو
    السائد , تحياتي
    أن تكون فرداً من الأسود خير لك من أن تكون قائداً لقطيعٍ من النعام


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
الساعة الآن 07:38 AM
Powered by vBulletin® Version 4.2.3
Copyright © 2019 vBulletin Solutions, Inc. All rights reserved.
Translate By Almuhajir
المواضيع والمشاركات في منتديات رفاعة للجميع تعبر عن رؤية كاتبيها
vBulletin Skin By: PurevB.com