صفحة 1 من 3 123 الأخيرةالأخيرة
النتائج 1 إلى 10 من 23
  1. #1
    رفاعي عبقري الصورة الرمزية سولارا
    تاريخ التسجيل
    Jun 2010
    الدولة
    home
    المشاركات
    4,160
    معدل تقييم المستوى
    14

    افتراضي مكتبة الشاعر ايهاب الامين

    ولد الشاعر إيهاب الأمين بقرية ودالمنسي في محلية المناقل منطقة غرب ولاية الجزيرة في السودان في 28 يناير 1973 لوالد يعمل في مجال التدريس وكان يمارس كتابة الشعر...
    ودرس العامين الأولين بمدرسة العمارة كرم الله الابتدائية المختلطة وهي قرية تقع شمال شرق ودالمنسي حيث كان يعمل والده بمدرستها المتوسطة ثم انتقل والده إلى ودالمنسي وأكمل فيها شاعرنا دراسة المرحلة الابتدائية ودرس المرحلة المتوسطة بمدرسة الكريمت التي كان يُختار لها المتفوقين في الابتدائية وكان يتم إسكان الطلاب في الداخليات ودرس المرحلة الثانوية بمدرسة حنتوب والتي يختار لها المتفوقون إيضاً.
    كانت مدرسة ودالمنسي مختلطة تجمع بين التلاميذ والتلميذات فعندما كان شاعرنا في الصف الثالث وعمره آنئذ ثماني سنوات أعجب بواحدة من زميلاته فعبر عن ذلك الإعجاب بأولى محاولاته الشعرية.
    وفي حنتوب الثانوية بدأت موهبة إيهاب الأمين الشعرية تلوح للعيان وبدأ يراسل الصحف يرسل المقاطع الشعرية والمقالات وبعد إكماله للثانوية توقف عن الدراسة وعمل بالصحف ولفتت كتاباته الأنظار وأول قصيدة نشرت له كانت بمجلة تسمى (عزة) ثم احتضنته صحيفة (قلب الشارع) وكانت تنشر له قصيدة في كل عدد يصدر حيث كانت تصدر ثلاث مرات في الأسبوع وانتشرت قصائده في الصحف الأخرى وصار الصحفي الراحل محمد طه محمد أحمد ينشر قصائد الشاعر إيهاب الأمين بالصفحة الأخيرة من صحيفته (الوفاق) بصورة راتبة.
    وبعد عدة سنوات وجد الشاعر إيهاب الأمين أن لا مفر من الدراسة فعاد وامتحن مرة أخرى ودخل كلية القانون جامعة الخرطوم وظل مستمراً في الكتابة الصحفية حيث عمل بصحف الدار ونجوم الرياضة والملاعب والمريخ والحياة والناس وألوان والحرية وكان يحرر بها صفحات فنية وثقافية ويكتب أعمدة للرأي وكان له عمود يومي بصحيفة الملاعب وعمود في صحيفة نجوم الرياضة عنوانه (دوزنات) وفي ألوان عمود (همزة وصل).
    وفي عام 1998 دخل إيهاب الأمين اختبارات المذيعين بالتلفزيون السوداني وتم اختياره من بين عدد كبير من المتنافسين وعمل فيه لثلاث سنوات وكان يعد ويقدم برنامج (صباحك يا بلد)...
    [BIMG]http://www.rufaaforall.com/board/uploaded/6244_1283904103.gif[/BIMG]

  2. #2
    رفاعي عبقري الصورة الرمزية سولارا
    تاريخ التسجيل
    Jun 2010
    الدولة
    home
    المشاركات
    4,160
    معدل تقييم المستوى
    14

    افتراضي

    إيهاب الأمين شاعر من طراز خاص،وصوت شعري جديد،والمقصود بالجدة هنا الإضافة الحقيقية لميلاد الشعراء والقصائد... فالساحة الشعرية تعج بالعشرات والعشرات ممّـن يحاولون كتابة الشعرغير أن معظم هؤلاء الشباب يضعون الحافر فوق الحافر، وتبدأ لديهم عملية اجترار مفردات قديمة مستهلكة ومضامين مكرورة لكن شاعرنا الرائع إيهاب الأمين ينأى عن هذا النهج فنراه قد أرهق نفسه بالبحث عن الجديد كحال كل المبدعين الحقيقيين، وأرهق شاعريته عند بناء معمار قصائده فأخذ يهجّـن بين الرمز والمباشرة، والفصحى والعامية، ويعطي قصائده من نفسه صدقاً وروعة لا تجارى،فيمنح قصيدته قدرة على المواكبة وطعماً جديداً ولوناً يحمل خصوصية عطاء إيهاب الإبداعي... وأحسب أنه قد مزق نصوصاً كتبها حين أعمل فيها حسه النقدي حتى لا يكرر قصائد موجودة في الساحة...
    الغنائية ملاحظة بشكل واضح في (لون المغرب) الشئ الذي يجعل معظم قصائد المجموعة مهيأة للتلحين والغناء...


    التجاني حاج موسى

    أمدرمان 14/5/2007





    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    [BIMG]http://www.rufaaforall.com/board/uploaded/6244_1283904103.gif[/BIMG]

  3. #3
    رفاعي عبقري الصورة الرمزية سولارا
    تاريخ التسجيل
    Jun 2010
    الدولة
    home
    المشاركات
    4,160
    معدل تقييم المستوى
    14

    افتراضي

    بتمـناك


    بتمناك
    يا مطراً زارنا
    وصحّى موات الأرض البور
    بتمناك
    والهمس المطوي يدافر
    جوة حناجر
    شايلة صراخ أطفال مبتور
    بتمناك
    أنا قلبي النازف
    كان بتحدى رحيل الغيم
    عن ريداً فيهو النيل
    زي أحلى عروس يتراقص
    ومن أعماقو يطل النور
    أغصان النخلة النايمة
    تزور أحضان الجرف الباكي
    تعدد في تاريخا الماضي
    وعمق الحاضر... وفرحاً جاي
    النيل بتباشر بالقمرية
    وضل النخلة...
    وكلمة عاشق...
    بنسج ريدو غنا ودوباي
    بتمناك
    والقول ممدود أنغام وتحية
    بتمناك
    بيناتنا سدود...
    بيناتنا حدود وسنين ضوئية
    دمعة راحل فارق شمسو
    وودع آخر نغمة ناي
    القمر احتار
    في الضلمة الجرفت
    مد الحلم اليافع
    وحس دلوكة تبشر بالأفراح
    القمر النيل...
    القمر العرب الرحل
    أدى الناس أنوار ساحاتو
    وراضي يفجر من واحاتو
    وميض البشرى وطعم الكسرة
    وحس طنبور
    لا شمساً تحزن
    لا عصفور يهجر أوكارو
    تغني الدنيا ...
    تغني النخلة وضل النخلة
    وحلم النيل يتخطى السور
    بتمناك
    يا شغف الوادي...
    وشرف أجدادي...
    وخالد باقي دهور ودهور
    بتمناك
    يا مطراً زارنا
    وصحى موات الأرض البور

    5/3/1996
    [BIMG]http://www.rufaaforall.com/board/uploaded/6244_1283904103.gif[/BIMG]

  4. #4
    رفاعي عبقري الصورة الرمزية سولارا
    تاريخ التسجيل
    Jun 2010
    الدولة
    home
    المشاركات
    4,160
    معدل تقييم المستوى
    14

    افتراضي

    من ويـن معاك

    من وين معاك يبدا الكلام
    يا نور رحل...
    خلّف مع الحسرات ضلام
    يا انتظار خطوة أمل... يا انتصار
    يا ليل ممدد
    في شوارعنا النشف ريقا
    وبكت بعدك سلام



    كل النجوم نايحات تشيل
    دمعات وجوم رافضات تسيل
    ومشى المطر
    مشوار دموع
    ودع أراضينا اليباب
    أنغام رباب...
    أنانة ... حزنانة... وتموت
    في حلوقا أفراح الوصول
    ترحل تفوت
    بعدك هجر عشو الوطن
    عصفور يدغدغ
    عمرو باللوعة الحزن
    يا انتحار قمراً طلع
    قبال زمن
    يوم خاصم السما والغمام



    من وين معاك
    يا حرقة الأسى والأسف
    يبدا الكلام
    من وين معاك يبدا الغنا
    وتبدا الحروف تحرق تواريخا القدام
    الكان مسجلة في الأفق
    من وين معاك يبدا القلم
    ويكتب رحيل زمن الصدام
    يا صرخة القرى والحقول
    يا وجعة الموج والفصول
    يا همسة الرحلة الأليمة
    وقول قديم مزروع شتول
    ترحل معاك ضحكة ضفاف
    فرحانة بي
    موجاً غلب مدو النشاف
    من وين معاك
    ترجع خطاوي الليل سكون
    وتغيّب البهجة الألم والإرتجاف


    20/2/1996
    [BIMG]http://www.rufaaforall.com/board/uploaded/6244_1283904103.gif[/BIMG]

  5. #5
    رفاعي عبقري الصورة الرمزية سولارا
    تاريخ التسجيل
    Jun 2010
    الدولة
    home
    المشاركات
    4,160
    معدل تقييم المستوى
    14

    افتراضي

    عيونك والمطر

    لسة بسأل نفسي
    عن سر العلاقة البين
    عيونك والمطر
    ولسة بسأل نفسي
    عن سر التضاد
    ما بين وجودك والخطر
    ولسة بتساءل
    شنو الخلى الربيع
    ينحاز إليك
    وينسج نسايمو غنا
    ونغم أجمل وتر
    إنت الفتحتي براكي
    للغيم ألف باب
    وبقيتي أنشودة صحاب
    وهتفتي للصبح الأغـر
    عصفورة بشويش غردت
    فردت جناحا... اتمردت
    جات قررت
    دون سابق إنذار السفر
    وجعتي قلب الليل
    وبعزقتي النجوم
    رجعتي للموج التساب
    صالحتي مابين بوري يا بت
    والسحاب
    واحرجتي بالضي القمر
    وأنا مندهش
    ما بين عيونك والمطر
    أشتاق ألاقيك سنبلة
    يا وردة ... رقصة كمبلا
    قدمتي للشوق ألف ناي
    وأنا جيت براي
    ما كان معاي غير الهواجس
    والنوارس ...والكلام
    الكان مسافر في الغروب
    وجلبتي لي يا بت طيوب
    علمتي نجماتي الألق
    كرستي لعيوني الأرق
    ورسمتي في اللوحة الشفق
    شالتني موجات الحنين
    فاجأني ضيك حين شرق
    مديتي إيدك
    وبيك نجيت من الغرق
    وهواكي كان نازل مطر
    نازف مطر
    وأنا لسة بسأل نفسي
    عن سر العلاقة
    البين عيونك والمطر


    12/7/2002
    [BIMG]http://www.rufaaforall.com/board/uploaded/6244_1283904103.gif[/BIMG]

  6. #6
    رفاعي عبقري الصورة الرمزية سولارا
    تاريخ التسجيل
    Jun 2010
    الدولة
    home
    المشاركات
    4,160
    معدل تقييم المستوى
    14

    افتراضي

    قـولـة أهـلاً

    يا غيمات في الدنيا انشرت
    يا خطوات الفرح الجافي
    يا مجلية بنور العفة
    ويا مكسية سماحاً مافي
    هلت فوقنا بشائر منك
    ختت غنوة ولحناً دافي
    كلمة تكون في طول نخلاتك
    أهلاً مرحب بيك وعوافي
    كلمة بسيطة فريع وسبيطة
    محنة وهيطة وبلسم شافي
    حتحت شوقك حس قمرية
    وشالت شوفك حلمة غافي
    يا منسية في كشفة حالك
    يا مستورة وحالك خافي
    قولة أهلاً ياها المقصد
    بقة نورك يوم تنشافي
    إنت الزمن الكاسك جابك
    دودر بينا فيافي فيافي
    وإنت الزمن الكاسك جابك
    يكتح رملو سوافي سوافي
    يا مطوية في قولة أهلاً
    أركزي أثبتي أوعي تخافي
    بكرة بمد فرحك ضرعاتو
    وبكرة النيل حايرجع وافي


    25/11/1997
    [BIMG]http://www.rufaaforall.com/board/uploaded/6244_1283904103.gif[/BIMG]

  7. #7
    رفاعي عبقري الصورة الرمزية سولارا
    تاريخ التسجيل
    Jun 2010
    الدولة
    home
    المشاركات
    4,160
    معدل تقييم المستوى
    14

    افتراضي

    ربـك لطـف


    ربك لطف
    لاقاني بيك
    في واحدة من أحلى الصدف
    رجعني للفرح الزمان
    أصلو الفرح طعمو اختلف



    ومشيت بعيد
    لامن لقيت سري انكشف
    وغرامي ليك
    الكنت داسيهو انعرف
    احترت وين ألقاك... وكيف
    في الريدة اتحاشى الكلف
    إلا بس ربك لطف
    لاقاني بيك
    في واحدة من أحلى الصدف



    قبال تجيبني الصدفة ليك
    أنا كنت ماليني الأسف
    وكتين حرق جوفي النويح
    وكتين قمر ريدي انكسف
    وأنا كنت في حيرة وظنون
    ومعاها كم جرحاً نزف
    إلا بس ربك لطف
    لاقاني بيك
    في واحدة من أحلى الصدف
    رجعني للفرح الزمان
    أصلو الفرح طعمو

    24/9/1999
    [BIMG]http://www.rufaaforall.com/board/uploaded/6244_1283904103.gif[/BIMG]

  8. #8
    رفاعي عبقري الصورة الرمزية سولارا
    تاريخ التسجيل
    Jun 2010
    الدولة
    home
    المشاركات
    4,160
    معدل تقييم المستوى
    14

    افتراضي

    الـمهـبوشــة



    ها مهبوشة
    ترازي تزازي في ها دي الفنقة
    ها مربوشة
    تشري الغيم وتفوتي
    تزرعي لينا غنيوة ريدك
    شدرة منقة
    ما ظنيتك هشتي ودشتي
    وشلتي كلامك
    بيهو ضربت الكلمة الجاتك
    وكت الزنقة
    تبدا تقرقر منك ضحكة
    تقرقر بطن الواطة
    وتمرق شدرة
    تخلي الحال الواقف يقعد
    خطوة وخطوة
    يعود الحنّ وأنّ وغنى
    حبيبة قلبو تشيلا الموجة
    وعشم العاشق
    عشم إبليس الداير الجنة
    ها مهبوشة
    مكان ما فتنا ووين ما كنا
    ما لاقانا ولا صادفنا
    دغشاً بحرق زي نار دغشك
    سجم الخلا حريقو وفاتك
    يوم الحبل الرابط حلّ
    يوم ما جونا أولاد الحلة
    عديل في وجهة درب الغيمة
    عديل ضُلالة ونجمة وخيمة
    وكنت براك في وسط الشلة
    وكت صنقرتي
    الجبل الواقف صنقر
    كان يتلفت
    عاين ودنقر
    حت ما عاين
    ما لاقالو وشيشاً غيرك
    يشيلو ويقيلو...ويلولي مقيلو
    ويقطع وش المطر الأسود
    يقطع وش المطر الأسود!!
    كان المطر الأسود حوّد
    كان الفجر الناير دردق
    بي قدامو الليل الهوّد
    كان آ بنية عديلك عوّد
    كان زغرودة خيرك دوّت
    ها مهبوشة
    ها تريانة تدفي عشوشا
    ها فردوس بالخير مفروشة
    مال الزمن الجاير غمتك
    كسّر فيك جنحات الطلقة وعمتك
    ها دفاية المات بالقرة
    فرهدي حلماً يوصل بكرة
    يراشي الناس الفقدوا البسمة
    وطيبة الروح في حلو الكلمة
    يا ستار من ها دي القسمة
    يا مرسال الشفقة تهوّن
    كلمة شفقة تشبّع جايع
    ياتو كلام الشبع جايع
    ياتو كلام الصلب أولادك
    فوق خشبات العشم الضايع
    كنا نشيلو سكاتك حكمة
    كنا نشيلو سكاتك حلمة
    يا ستار من ها دي القسمة
    محناً شتى
    تحاصر صيف الريد الشت
    ها مهبوشة
    زمنك غلبك حلبك
    ضرعاً يشبع يرتع يمتع
    ودايماً يجود
    صبحك شدّ رحالو وبعّد
    أريتو يعود
    يقشقش ليك الدمع الهتف
    ويفتح ليك كم باب مسدود
    شان ما تلهلب تاني الضحكة
    ونار الفرح البقى هبود
    ها مهبوشة
    19/2/1998
    [BIMG]http://www.rufaaforall.com/board/uploaded/6244_1283904103.gif[/BIMG]

  9. #9
    رفاعي عبقري الصورة الرمزية سولارا
    تاريخ التسجيل
    Jun 2010
    الدولة
    home
    المشاركات
    4,160
    معدل تقييم المستوى
    14

    افتراضي

    بجيـلك

    بجيلك
    من هدير الموج
    ومن سكة مشي الضفة
    ومن درب النزيف أسكب
    غناوي أنيقة ملتفة
    بجيلك
    لما صمت الليل
    يفوت حدو ويزيد لهفة
    ولما الوردة
    تلبس من حروفك توب
    ومن مرض الغرام تشفى
    محل ما شوقي يبكي عليك
    ووين ما الدهشة تصطف
    بجيلك زي شعاع النور
    وزي برق المحبة العاش
    يداري مجيهو بالصدفة
    بجيلك قيف بحر زعلان
    تغسّلو دمعة من عاشق
    حبيبتو اتغابت العرفة
    وقلبو النازف المجروح
    بترسم عفتو العفة
    تدور الدنيا زي ما تدور
    وأقيف عندك
    قصيدة خجولة لما تشوف
    صفاك تصفى
    عليك ذات الحقيقة سؤال
    شنو الخلاك
    تباري سحابة مجنونة
    وبدون كلفة
    تقيفي تعايني لي قمراً
    سرق أنوارو من وشك
    وشيّد همسو ليك غرفة

    3/3/1998
    [BIMG]http://www.rufaaforall.com/board/uploaded/6244_1283904103.gif[/BIMG]

  10. #10
    رفاعي عبقري الصورة الرمزية سولارا
    تاريخ التسجيل
    Jun 2010
    الدولة
    home
    المشاركات
    4,160
    معدل تقييم المستوى
    14

    افتراضي

    صمت الكلام


    منو البقدر يشيل صمتي
    ويعبّر عنو بالأحرف
    ويدونو في شعاع الشمس
    بالكلمات
    منو البقدر يكون أحلام
    وياخد من دموع عيني
    ويغسل أسايا بالبسمات
    متين يا ليل...
    صباح الريد يطل
    في دنيا أيامي
    تبارح لهفة الأحزان
    تبلل شوق قلب ظامي
    متين يا قمري إنت تهل
    وتطوي ستائر الإظلام
    وتبعد سطوة الأوهام
    ويسيل المد...
    يهد سد الحواجز هد
    تعال يا ضو
    تعال يا أملي في الماضي
    تعال يا رمز حلم الغد
    تعال يا رقة الأنفاس
    وخت البشرى في الإحساس
    وزح السد
    عشان ما تزغرد الآهات
    عشان ما تكتر البسمات
    وتمتد في المدى وتمتد
    تجينا البهجة تتشابك
    تهاجر في المقل أفراح
    وتنزاح الهموم تنهد
    ونرجع تاني للأحباب
    نهدّي النبض والأعصاب
    ونزرع تاني جنب الباب
    شجيرات الوئام والود
    28/3/1994
    [BIMG]http://www.rufaaforall.com/board/uploaded/6244_1283904103.gif[/BIMG]


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
الساعة الآن 11:54 PM
Powered by vBulletin® Version 4.2.3
Copyright © 2020 vBulletin Solutions, Inc. All rights reserved.
Translate By Almuhajir
المواضيع والمشاركات في منتديات رفاعة للجميع تعبر عن رؤية كاتبيها
vBulletin Skin By: PurevB.com