النتائج 1 إلى 6 من 6

الموضوع: مكتبة ابوقطاطي

  1. #1
    إمبراطور متوج الصورة الرمزية الرايح
    تاريخ التسجيل
    May 2010
    المشاركات
    21,297
    معدل تقييم المستوى
    31

    افتراضي مكتبة ابوقطاطي

    [fieldset=الفينا مشهودة]الفينا مشهودة عارفانا المكارم أنحنا بنقودا
    والحارة بنخوضا

    الزول بفتخر يباهي بالعندو
    نحن أسياد شهامة والكرم جندو
    ما في وسطنا واحداً ما انكرب زندو
    البعجز بيناتنا بنسندو
    الليلة بنخوضا

    ركابين عليهو الناصع أب غرة
    نتباشر وقت نلقى الكلام حرة
    ما بننفز يمين إن متنا فد مرة
    الخواف ما حر منو نتبرا
    الليلة بنخوضا

    للجار والصديق عشرتنا تتمنى
    بنصون الأمانة السيدا أمنا
    المغرور ندوسو ونعدموا الطنة
    شافعنا بيرى الموت في الركاب سنة
    [/fieldset]


    ياريتني لو أفضل معاك
    رايح

    ولو طول العمر

  2. #2
    إمبراطور متوج الصورة الرمزية الرايح
    تاريخ التسجيل
    May 2010
    المشاركات
    21,297
    معدل تقييم المستوى
    31

    افتراضي

    [fieldset=بكرة ياقلبي الحزين]بكرة يا قلبى الحزين تلقى السعاده
    تبقي هانى وابتساماتك معاده
    والسرور يملأ حياتي ويبقى ذاتها
    وعينى تشبع نوم بعد ما طال سهادا
    .................................................. ..
    وانسي غلبى ..
    والرياحين تملأ دربى
    وامسح الدمع البسيل يملأ الوساده
    .................................................. ..
    كم سهرت الليل بكرة يا قلبى الحزين تلقى السعاده
    تبقي هانى وابتساماتك معاده
    والسرور يملأ حياتي ويبقى ذاتها
    وعينى تشبع نوم بعد ما طال سهادا
    .................................................. ..
    وانسي غلبى ..
    والرياحين تملأ دربى
    وامسح الدمع البسيل يملأ الوساده
    .................................................. .
    كم سهرت الليل
    وكم سالت دموعى
    والالم فى قلبى اصبح شئ طبيعى
    والشباب افنيتو ابحث عن وجيعى
    عشت راهب .. بين تراتيلى وخشوعى
    .................................................. .
    بكرة تتحقق امانى
    والفؤاد يرتاح ويتجدد زمانى
    والسعاده …
    تكون جزاء صبرى وصنيعى
    الامانى العذبه تتراقص حيالى
    والامل بسام يداعب فى خيالي
    حلمى بكرة … وذكرى ايامى الخوالى
    وكم سالت دموعى
    والالم فى قلبى اصبح شئ طبيعى
    والشباب افنيتو ابحث عن وجيعى
    عشت راهب .. بين تراتيلى وخشوعى
    .................................................. ...
    بكرة تتحقق امانى
    والفؤاد يرتاح ويتجدد زمانى
    والسعاده …
    تكون جزاء صبرى وصنيعى
    الامانى العذبه تتراقص حيالى
    والامل بسام يداعب فى خيالي
    حلمى بكرة … وذكرى ايامى الخوالى
    .................................................. ..
    الجميل انه خليل اسماعيل يبدأ الأغنية
    بكرة يا قلبى الحنين تلقى السعاده
    [/fieldset]


    ياريتني لو أفضل معاك
    رايح

    ولو طول العمر

  3. #3
    إمبراطور متوج الصورة الرمزية الرايح
    تاريخ التسجيل
    May 2010
    المشاركات
    21,297
    معدل تقييم المستوى
    31

    افتراضي

    [fieldset=أسأل نفسك]اسال نفسك بينك وبينها، عن اخلاصنا
    ليه تتجاهل شـوقنا البينا

    انت نسيت ايام ما كنا
    نعيش الحب فى عهدو الاول
    ياما كتير وكتير فكرنا
    وكنا بنحلم بالمستقبل
    لكن فجأة بديت تتنكر
    وعن ريدتنا بقيت ما بتسأل
    قلبك رغم الطيبة الفيه
    انا بستغرب كيف اتبدل

    فاكر الكلمة القلتها لى
    وانت فى لحظة هنية سعيدة
    اتعاهدنا على الحنــــــية
    ونقضى عمرنا محبة شديدة
    ما قلت بريدك زى عيني
    وانا صدقت كلام الريدة
    عارفه قلبك وافى ومخلص
    وانك تقسى دى حاجة بعيدة

    راجع نفسك ما تكون جاير
    وخلى حياتنا تعود لهناها
    ماتحطم بى ايدك نفسى
    والامال القلبى بناهــــــــا
    مهما قسيت انا برضى بحبك
    وساعة عطفك بستناها
    ومهما يزيد المى وحرمانى
    برضى سعادتك بتمناها

    [/fieldset]


    ياريتني لو أفضل معاك
    رايح

    ولو طول العمر

  4. #4
    إمبراطور متوج الصورة الرمزية الرايح
    تاريخ التسجيل
    May 2010
    المشاركات
    21,297
    معدل تقييم المستوى
    31

    افتراضي

    [fieldset=سوات العاصفة]سوات العاصفة بي
    ساق الشتيل الني
    وفعل السيل وقت يتحدر
    يكسح ما يفضل شي
    دا كان حبك وقت حسيتو
    شفت الدنيا دارت بي

    وقت شفتك ..
    شعرت الرعشة من صوف راسي
    لي كرعي
    ومن الساعة ديك السمحة
    ولع فيني جمر الغي
    كتمت الريدة ما شافوها
    ناس الحي
    وقلت الجنة انشاالله
    ما يقسى دروبها علي

    ونجم الليل
    منو العداهو غيري
    وسافر بي خيالو هناك
    صنقر فوق سحاب الري
    بنيت في الموج قصور آمال
    ومديت للرهاب إيدي
    وشديت سرجي فوق الريح
    عشان ألقاك
    بدور أطوي المسافات طي

    صعيب وصفك
    لأنك هالة كلك ضي
    وفوقك هيبة واجمل خامة
    واسمح زي
    جمالك في البنات معدوم
    شبيهك ما كحل عيني
    أقدلي ..
    وسكتي الخشامة
    وانزلي في العواذل كي

    [/fieldset]


    ياريتني لو أفضل معاك
    رايح

    ولو طول العمر

  5. #5
    إمبراطور متوج الصورة الرمزية الرايح
    تاريخ التسجيل
    May 2010
    المشاركات
    21,297
    معدل تقييم المستوى
    31

    افتراضي

    [fieldset=درب المحبة]انت يا قلبى المتيم كنــــت خالى
    كنت نايم ما رايت سهــــد الليالى
    كنت قايل كل شى فى الدنيا خالى
    ***************
    جيت لقيت باب الغرام فاتح دخلت
    ومن شراب الريدة يا مسكين نهلت
    وابتديت يــــا قلبى تعشق وانشغلت
    كنت جـــــــــــــــــــــــــــــــــــــاهل
    العشق ظنيتو ســــــــــــــــــــــــاهل
    الا يا ريتك عرفت ومــــــــا جهلت
    ***************
    المحاسن اغرتك وبقيت عشوقه
    انت قايل عاصفات الحب شفوقه
    بالمحبه وانــت ساير فى طريقه
    لما باكر تصحى تلاقى الحقيقه
    والنهايـــــــــــــــة تكون سعيده
    لما جاءت عكس ما انك تريده
    فالمقادير حيث ما شاءت تسوقه
    ***************
    [/fieldset]


    ياريتني لو أفضل معاك
    رايح

    ولو طول العمر

  6. #6
    إمبراطور متوج الصورة الرمزية الرايح
    تاريخ التسجيل
    May 2010
    المشاركات
    21,297
    معدل تقييم المستوى
    31

    افتراضي

    [fieldset=المرسال]مسكين البدا يأمل
    أملو يغلبو تحقيقه
    والعاشقة جفا المعشوق
    الليلة وا سهرو ونشاف ريقو
    *****
    امش قول ليهو ياالمرسال
    عساه يراعي ملهوفو
    حبيبك و بي وراك
    جارت عليهو وخانتو ظروفو
    فقد صبرو شرد نومو
    لهيب الشوق خنق جوفو
    نحول جسمو شحوب لونو
    براك أحسن تعال شوفو
    مسكين .. مسكين
    *****
    براي السويتا في نفسي
    قلبي الحب ما واعي
    عشق زولا مجافيهو
    وما كان للحصل داعي
    اقول اتناسي حبو يزيد
    تزيد بالتالي أوجاعي
    طريق الحب مشيت فيهو
    تعذر تاني ارجاعي
    مسكين .. مسكين
    *****
    خطاباتي البوديها
    تقول لا بتمشي لا حاجة
    وديت ليهو زول مرسال
    والمرسال مشى وما جا
    بقيت انا والنجوم بالليل
    سوا نساهر ونتناجى
    والناس اللي كانو سبب
    رموني وبقو فراجة
    مسكين .. مسكين
    [/fieldset]


    ياريتني لو أفضل معاك
    رايح

    ولو طول العمر


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
الساعة الآن 04:18 PM
Powered by vBulletin® Version 4.2.3
Copyright © 2020 vBulletin Solutions, Inc. All rights reserved.
Translate By Almuhajir
المواضيع والمشاركات في منتديات رفاعة للجميع تعبر عن رؤية كاتبيها
vBulletin Skin By: PurevB.com