صفحة 7 من 12 الأولىالأولى 123456789101112 الأخيرةالأخيرة
النتائج 61 إلى 70 من 115
  1. #61
    رفاعي مشارك الصورة الرمزية modysu
    تاريخ التسجيل
    Mar 2007
    المشاركات
    159
    معدل تقييم المستوى
    13

    افتراضي

    وفقك الله ولا فض فوك
    برغم كل هذه المسافات الطويلة ... والأميال البعيدة .. إلا ان ذلك لم يثنني من ان اكتب إليك ..
    لأنك اصبحت جزءاً مني بل روحي

  2. #62
    إمبراطور متوج الصورة الرمزية الرايح
    تاريخ التسجيل
    May 2010
    المشاركات
    21,292
    معدل تقييم المستوى
    31

    افتراضي

    [frame="14 80"]



    يارحمـان ارحم بى جودك دلى الغوث ينزل فى بلودك
    سم يا فمى اذكر معبودك قول يا واحدا حى فى وجودك
    يا مسعد اسعد بسعودك ونحن نصلى على مريودك
    *****
    يا رحمان ارحم بى برك يا حافظ فى بحرك وبرك
    فى وليانك اطلق سرك خل نيشاتن اليتحرك
    *****
    آمين آمين يا كاشف الغمه جنب ها الدابى تصبحو رمه
    تسلط واحد ايدو مدمه يعجل قتلو قبيح القمه
    *****
    يا الخلفا الحالكم مرضيه يا اهل البيعه العقدوا النيه
    التمساح سكن الشايقيه خلو اليروح نسيا منسيا
    *****
    يا ابن ادريس عدل نيشانك فوق الكل عامر ديوانك
    هم يا شيخ الناس حيرانك فى التمساح بين برهانك
    *****
    يا ابن ادريس شيخنا النورانى يا صاحب الفتح الربانى
    يا ابنو العركى ويا السمانى ارمو سهامكم يا فرسانى
    *****
    شئ لله يا ذات التجلى صاحب السر والفتح الكلى
    يا الغوث البى الكون متولى التصريف هيلك عجلى
    *****
    يا عبد الوهاب التازى يا اب درعا منسوب بى حجازى
    التمساح تمساحا خازى درنا العوم ادونا الاجازى
    *****
    يا الداسوقى وشيخو رفاعى يا حسن التواع كون واعى
    الشبلى وشيبان الراعى ارمو سهامكم يا شجاعى
    *****
    شئ لله يا اهل الدايره يا الفى الكون اسراركم سايره
    ارخو السر فى السحره الغايره خلو الدايره التصبح نايره
    *****
    وينكم لى وينكم يا قومنا سهرانين نحسب فى نجومنا
    التمساح حجر لى عومنا ان ما جيتونا عليكم لومنا
    *****
    وينكم وينكم يا ديله يا اهل ا لحضره الليله الليله
    اجتمعوا وخلوا البهديله التمساح احموهو الشيله
    *****
    وينكم لى وينكم يا كمل يا لحاق فيكم بتأمل
    يا الفوت البى الكون اتحمل عرض الدار روح يتهمل
    *****
    وينكم لى وينكم يا كسر يا لحاق فيكن بدثر
    التمساح بلحيل انجسر امرو عليكن ماب يتعسر
    *****
    شئ لله يا حسن البصرى صهيب الروم ذا النون المصرى
    يا الدباغ ابو سرا يسرى يا ابن المحجوب الناس متحسرى
    *****
    شئ لله يا اب جلابيه يا عثمان شيخ الختميه
    يا الصلاح جمله الاولياء التمساح شوفولو اذيه
    *****
    شئ لله يا راجل البقعه يا اهل الحضره البعد الهجعه
    يا الفكى شيخ الهام اب تسعه شيل الدابى تحتكم بدعه
    *****
    شئ لله يا عبد القادر محى الدين البحر السادر
    يا ود زينب قوم لى مبادر يا ود حاج قول جيتكم حاضر
    *****
    شئ لله يا راجل البركل يا قايم الليل ماب تكسل
    يا عايم بالله اتوكل قول للدود من بلدى اتفضل
    *****
    يا اهل الركب الفات بى ليلو ما فيكم واحدا شاد حيلو
    احمد واحمد واحمد شيلو ود عدلان فوق راسو اديلو
    *****
    يا ياسين يا ود حميده يا اهل القبه الباقيه فريده
    انتو ما ابتا طيتو اكيده ما بتغلبكم هذى الصيده
    *****
    يا رجاله نورى اتلموا خلو الغفله جميعكم هموا
    محمد صالح قام بى عمو لطم الدود بالسر فوق فمو
    *****
    يابا حمدتو اب نايبا شوكه صاحب سر وايدك مبروكه
    يا اب نيران الحقنا بابوكا هم يا شيخ الناس زموكا
    *****
    يا الفكى شيخ العبد الصالح يا لحاق فى بحر المالح
    ود بيلى و عووضه القارح وين حاج عيسى القدر الطامح
    *****
    يا اب شارب واولاد السته امانى عليكم ليش ها السكته
    اسمع يا شيخ القول ليك انت جرت الحين فى بلادكم نكته
    *****
    الزرق ابوات ود حاج موسى يا الكمل ما فيكن دوسه
    البلد الكانت محروسه اتحجر العوم والناس محبوسه
    *****
    يا ود جابر ليك بنادى قوم با خوانك لا البولادى
    يا العجمى اب رزقا صيادى اخدوا الشكره العادى العادى
    *****
    يا اولاد جابر بى عجميكن قوم الخمسه واكربوا سريكم
    نادوا اب رابعه وخلوا يجيكم قتل الدود مو قاسى عليكم
    *****
    يا وراق يجن حوباتك فى التمساح بين آياتك
    خلو يصوب من بلداتك لا يتمسخر فى زوراتك
    *****
    شئ لله يا رجالتنا شرف الدين فرسان المتنه
    صالح السلمى اسمعوا كلمتنا احبسوا الدود لا يطل صفحتنا
    يا النبى بى جاهك ثبتنا احفظنا واستر عربتنا
    اكوى اعدانا وكيد شامتنا فى الدارين اكتب راحتنا
    *****
    البنيان يا جمله صحابى الغوث يا قطب الاقطابى
    الشبلى وبدوى النشابى ارخو السر فى هذا الدابى
    *****
    على المحبوب صل يوت يا برا عدد مخلوق جميع لا الذره
    نظملوا الماحى قصيده وجرا تنجى الامه فى يوم الحرا
    *****
    صلاه الله عدد ما لبا وقاف الحج وطواف الكعبه
    سلاما جابوا الماحى معبا يعم السيد والال والصحبا
    [/frame]


    ياريتني لو أفضل معاك
    رايح

    ولو طول العمر

  3. #63
    بروفيسور الصورة الرمزية روز
    تاريخ التسجيل
    Jun 2010
    الدولة
    على الأرض مؤقتا
    المشاركات
    25,837
    معدل تقييم المستوى
    35

    افتراضي


    عليه أفضل الصلاة و السلام


    أرى الخلان لما قل مالي .. و اجحفت النوائب ودعوني


    فلما إن غنيت و عاد مالي .. أراهم لا أبا لك راجعوني


    و كان القوم خلانا لمالي .. و إخوانا لما خولت دوني


    فلما مر مالي باعدوني .. و لما عاد مالي عاودوني

  4. #64
    رفاعي إمبراطور
    تاريخ التسجيل
    Sep 2008
    المشاركات
    11,082
    معدل تقييم المستوى
    23

    افتراضي

    [media]http://www.darg3l.com/uploaded2010/4921_1274686842.wma[/media]

  5. #65
    إمبراطور متوج الصورة الرمزية الرايح
    تاريخ التسجيل
    May 2010
    المشاركات
    21,292
    معدل تقييم المستوى
    31

    افتراضي

    [MEDIA]http://www.sudani.cc/s-madeeh/awladhajalmahi/moshtag_lilrasool.mp3[/MEDIA]


    ياريتني لو أفضل معاك
    رايح

    ولو طول العمر

  6. #66
    رفاعي مشارك
    تاريخ التسجيل
    Feb 2008
    الدولة
    صبيا - المنطقة الجنوبية
    المشاركات
    245
    معدل تقييم المستوى
    13

    افتراضي

    اقتباس المشاركة الأصلية كتبت بواسطة الرايح مشاهدة المشاركة
    [media]http://www.sudani.cc/s-madeeh/awladhajalmahi/moshtag_lilrasool.mp3[/media]
    اخونا الرايح السلام عليكم ورحمه الله يشهدالله مشتاقين للرسول صلى الله عليه وسلم وعلى آله أجمعين والله كده الواحد بالجد شعر بان المنتدى له طعم غير ***** واحه مريحه من ابداعات وارد مدح سيدي رسول الله عليه من الله الصلاة والتسليم تزيل كل تراكمات هذا الزمن القاسي كتب الله لكماالاجر انت واخي ابوشروق وبالله ماتحرمونا من هذا الزاد الروحي تقبل مودتي

  7. #67
    رفاعي مشارك
    تاريخ التسجيل
    Feb 2008
    الدولة
    صبيا - المنطقة الجنوبية
    المشاركات
    245
    معدل تقييم المستوى
    13

    افتراضي

    اقتباس المشاركة الأصلية كتبت بواسطة ابوشروق مشاهدة المشاركة
    [media]http://www.darg3l.com/uploaded2010/4921_1274686842.wma[/media]
    يارسول الخير منتهى سعادي ومنتهى محبتي وكل شوقي لك ياسيدي يارسول الله عليك صلاة وتسليم يانور الله الاسبق وصراطه المحقق الذي ابرزه رحمه شامله واصطفاه لنبوته واكرمه بشهوده صلى عليك الله

    ياعلم الهدى وعلى آلك وسلم

    أخي أبوشروق المحبه لك وانت تتحفنا كل مره بطيب الذكر للمصطفى الغالي بلسان أولاد أبونا شيخ شريف صديق الاخوان هاشم بله ومجموعته عظم الله لكم الاجر جميعا ولك محبتي

  8. #68
    رفاعي إمبراطور
    تاريخ التسجيل
    Sep 2008
    المشاركات
    11,082
    معدل تقييم المستوى
    23

    افتراضي

    اقتباس المشاركة الأصلية كتبت بواسطة يوسف عبدالله مشاهدة المشاركة
    يارسول الخير منتهى سعادي ومنتهى محبتي وكل شوقي لك ياسيدي يارسول الله عليك صلاة وتسليم يانور الله الاسبق وصراطه المحقق الذي ابرزه رحمه شامله واصطفاه لنبوته واكرمه بشهوده صلى عليك الله

    ياعلم الهدى وعلى آلك وسلم

    أخي أبوشروق المحبه لك وانت تتحفنا كل مره بطيب الذكر للمصطفى الغالي بلسان أولاد أبونا شيخ شريف صديق الاخوان هاشم بله ومجموعته عظم الله لكم الاجر جميعا ولك محبتي
    تشكر اخي يوسف
    وجزاك الله خير الجزاء صدقني احبك في الله
    ادامها الله محبة بيننا

  9. #69
    إمبراطور متوج الصورة الرمزية الرايح
    تاريخ التسجيل
    May 2010
    المشاركات
    21,292
    معدل تقييم المستوى
    31

    افتراضي

    [frame="1 70"]

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    سمح الوصوفو يارب نشوفو
    حرمو وسروفو نعقب نطوفو
    الماحي سمى ونقر دفوفو
    مدحا" موزن فوق الحروف
    حرمو وسروفو نعقب نطوفو
    بالألف الله ربي اللطوفو
    بالباء بهللو الأسرار في جوفو
    بالتاء توانى مسكو العسوفو
    بالثاء ثناياه برقا" خطوفو
    بالجيم مجمل سمحات وصوفو
    بالحاء حيالو ضرع العجوفو
    بالخاء لخلفو ينظر يشوفو
    بالدال دوايا للصايبو جوفو
    بالذال لذكرا" شاع في الخيوفو
    حرمو وسروفو نعقب نطوفو
    سمح الوصوفو يارب نشوفو
    حرمو وسروفو نعقب نطوفو
    بالراء رؤوفا" بالناس عطوفو
    بالزين لزيا" يكوي العكوفو
    حرمو وسروفو نعقب نطوفو
    بالسين يساعد للكان لهوفو
    بالشين شفاعتو يوم الوقوفو
    بالصاد صحابتو شايلين سيوفو
    بالضاد يضوي بين الألوفو
    بالطاء مطهر قلبو الرؤوفو
    بالظاء يظلوا الغيم رفوفو
    بالعين علامتو الفوق الكتوفو
    بالغين غفرلو وأمن لخوفو
    حرمو وسروفو نعقب نطوفو
    سمح الوصوفو يارب نشوفو
    حرمو وسروفو نعقب نطوفو
    بالفاء فهيما" للسر كشوفو
    بالقاف يقفل باب الخسوفو
    حرمو وسروفو نعقب نطوفو
    بالكاف لكفو ينبع سروفو
    باللام لماهو يارب نشوفو
    بالميم معاهو يوم الوقوفو
    بالنون نروح لذاك غوفو
    بالهاء نهاجر ونسعى ونطوفو
    بالواو ولامن آخر الحروفو
    بالياء يمينو النبي يكرم ضيوفو
    حرمو وسروفو نعقب نطوفو
    سمح الوصوفو يارب نشوفو
    حرمو وسروفو نعقب نطوفو
    بردف كلامي فوق المنبأ
    طه الرضاهو مولاهو حب
    حرمو وسروفو نعقب نطوفو
    خاتم النبوة اللاح نورو شب
    جسمو المعطر نسامو هب
    نعم النوالو لبلودو عب
    حادي القوافل باريها خب
    طاف بالعتيقة حجا ولبى
    قضى الفرائض سافر لطيبة
    حرمو وسروفو نعقب نطوفو
    سمح الوصوفو يارب نشوفو
    حرمو وسروفو نعقب نطوفو
    ياربي سائلك تقبلي مطلب
    تديني جملا" كبيلي وأصهب
    حرمو وسروفو نعقب نطوفو
    مو الدون قصير وماهو المشقلب
    أصهب بشاري طائع مؤدب
    صدرا" مفجج في شوفتو ترغب
    سرجا" سناري محكوم مذهب
    والفروة مرعز أتنيها وأركب
    فوقو إن رفعت من حينو جلب
    قلت يا سلاما" أقبل وقبقب
    تسمع مشيهو رجليهو طب طب
    ينسف دوايرو بيناتها يلعب
    ليهو المسافة تنصر وتقرب
    الماحي فوقو بي مدحو يطرب
    هون منايا في أم سور وكوكب
    القبة خضرا نساما هبهب
    نوصل نزورو في شفاعتو نكتب
    حرمو وسروفو نعقب نطوفو
    سمح الوصوفو يارب نشوفو
    حرمو وسروفو نعقب نطوفو
    بختم صلاتي المقبول ثوابا
    آلاف سلامي فايق الترابا
    حرمو وسروفو نعقب نطوفو
    بي عد جبال الدنيا وتسابا
    بي عد ثواب اليقرأ الكتابا
    من حد بناها لا يوم خرابا
    للسيد هداها الماحي جابا
    يا سيد عكاشة قول مرحبابا
    يا سيد عكاشة قول مرحبابا
    تنجينا بيها يوم العذابا
    حرمو وسروفو نعقب نطوفو
    سمح الوصوفو يارب نشوفو
    حرمو وسروفو نعقب نطوفو
    سمح الوصوفو يارب نشوفو
    حرمو وسروفو نعقب نطوفو

    [MEDIA]http://www.sudani.cc/s-madeeh/awladhajalmahi/smh_alwsofo.mp3[/MEDIA]
    [/frame]


    ياريتني لو أفضل معاك
    رايح

    ولو طول العمر

  10. #70
    رفاعي إمبراطور
    تاريخ التسجيل
    Sep 2008
    المشاركات
    11,082
    معدل تقييم المستوى
    23

    افتراضي

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
الساعة الآن 12:57 PM
Powered by vBulletin® Version 4.2.3
Copyright © 2020 vBulletin Solutions, Inc. All rights reserved.
Translate By Almuhajir
المواضيع والمشاركات في منتديات رفاعة للجميع تعبر عن رؤية كاتبيها
vBulletin Skin By: PurevB.com