صفحة 1 من 12 1234567891011 ... الأخيرةالأخيرة
النتائج 1 إلى 10 من 115
  1. #1
    رفاعي إمبراطور
    تاريخ التسجيل
    Sep 2008
    المشاركات
    11,082
    معدل تقييم المستوى
    22

    افتراضي مدائح الخميس وليلة الجمعة

    [frame="14 80"]



    يارحمـان ارحم بى جودك دلى الغوث ينزل فى بلودك
    سم يا فمى اذكر معبودك قول يا واحدا حى فى وجودك
    يا مسعد اسعد بسعودك ونحن نصلى على مريودك
    *****
    يا رحمان ارحم بى برك يا حافظ فى بحرك وبرك
    فى وليانك اطلق سرك خل نيشاتن اليتحرك
    *****
    آمين آمين يا كاشف الغمه جنب ها الدابى تصبحو رمه
    تسلط واحد ايدو مدمه يعجل قتلو قبيح القمه
    *****
    يا الخلفا الحالكم مرضيه يا اهل البيعه العقدوا النيه
    التمساح سكن الشايقيه خلو اليروح نسيا منسيا
    *****
    يا ابن ادريس عدل نيشانك فوق الكل عامر ديوانك
    هم يا شيخ الناس حيرانك فى التمساح بين برهانك
    *****
    يا ابن ادريس شيخنا النورانى يا صاحب الفتح الربانى
    يا ابنو العركى ويا السمانى ارمو سهامكم يا فرسانى
    *****
    شئ لله يا ذات التجلى صاحب السر والفتح الكلى
    يا الغوث البى الكون متولى التصريف هيلك عجلى
    *****
    يا عبد الوهاب التازى يا اب درعا منسوب بى حجازى
    التمساح تمساحا خازى درنا العوم ادونا الاجازى
    *****
    يا الداسوقى وشيخو رفاعى يا حسن التواع كون واعى
    الشبلى وشيبان الراعى ارمو سهامكم يا شجاعى
    *****
    شئ لله يا اهل الدايره يا الفى الكون اسراركم سايره
    ارخو السر فى السحره الغايره خلو الدايره التصبح نايره
    *****
    وينكم لى وينكم يا قومنا سهرانين نحسب فى نجومنا
    التمساح حجر لى عومنا ان ما جيتونا عليكم لومنا
    *****
    وينكم وينكم يا ديله يا اهل ا لحضره الليله الليله
    اجتمعوا وخلوا البهديله التمساح احموهو الشيله
    *****
    وينكم لى وينكم يا كمل يا لحاق فيكم بتأمل
    يا الفوت البى الكون اتحمل عرض الدار روح يتهمل
    *****
    وينكم لى وينكم يا كسر يا لحاق فيكن بدثر
    التمساح بلحيل انجسر امرو عليكن ماب يتعسر
    *****
    شئ لله يا حسن البصرى صهيب الروم ذا النون المصرى
    يا الدباغ ابو سرا يسرى يا ابن المحجوب الناس متحسرى
    *****
    شئ لله يا اب جلابيه يا عثمان شيخ الختميه
    يا الصلاح جمله الاولياء التمساح شوفولو اذيه
    *****
    شئ لله يا راجل البقعه يا اهل الحضره البعد الهجعه
    يا الفكى شيخ الهام اب تسعه شيل الدابى تحتكم بدعه
    *****
    شئ لله يا عبد القادر محى الدين البحر السادر
    يا ود زينب قوم لى مبادر يا ود حاج قول جيتكم حاضر
    *****
    شئ لله يا راجل البركل يا قايم الليل ماب تكسل
    يا عايم بالله اتوكل قول للدود من بلدى اتفضل
    *****
    يا اهل الركب الفات بى ليلو ما فيكم واحدا شاد حيلو
    احمد واحمد واحمد شيلو ود عدلان فوق راسو اديلو
    *****
    يا ياسين يا ود حميده يا اهل القبه الباقيه فريده
    انتو ما ابتا طيتو اكيده ما بتغلبكم هذى الصيده
    *****
    يا رجاله نورى اتلموا خلو الغفله جميعكم هموا
    محمد صالح قام بى عمو لطم الدود بالسر فوق فمو
    *****
    يابا حمدتو اب نايبا شوكه صاحب سر وايدك مبروكه
    يا اب نيران الحقنا بابوكا هم يا شيخ الناس زموكا
    *****
    يا الفكى شيخ العبد الصالح يا لحاق فى بحر المالح
    ود بيلى و عووضه القارح وين حاج عيسى القدر الطامح
    *****
    يا اب شارب واولاد السته امانى عليكم ليش ها السكته
    اسمع يا شيخ القول ليك انت جرت الحين فى بلادكم نكته
    *****
    الزرق ابوات ود حاج موسى يا الكمل ما فيكن دوسه
    البلد الكانت محروسه اتحجر العوم والناس محبوسه
    *****
    يا ود جابر ليك بنادى قوم با خوانك لا البولادى
    يا العجمى اب رزقا صيادى اخدوا الشكره العادى العادى
    *****
    يا اولاد جابر بى عجميكن قوم الخمسه واكربوا سريكم
    نادوا اب رابعه وخلوا يجيكم قتل الدود مو قاسى عليكم
    *****
    يا وراق يجن حوباتك فى التمساح بين آياتك
    خلو يصوب من بلداتك لا يتمسخر فى زوراتك
    *****
    شئ لله يا رجالتنا شرف الدين فرسان المتنه
    صالح السلمى اسمعوا كلمتنا احبسوا الدود لا يطل صفحتنا
    يا النبى بى جاهك ثبتنا احفظنا واستر عربتنا
    اكوى اعدانا وكيد شامتنا فى الدارين اكتب راحتنا
    *****
    البنيان يا جمله صحابى الغوث يا قطب الاقطابى
    الشبلى وبدوى النشابى ارخو السر فى هذا الدابى
    *****
    على المحبوب صل يوت يا برا عدد مخلوق جميع لا الذره
    نظملوا الماحى قصيده وجرا تنجى الامه فى يوم الحرا
    *****
    صلاه الله عدد ما لبا وقاف الحج وطواف الكعبه
    سلاما جابوا الماحى معبا يعم السيد والال والصحبا
    [/frame]
    التعديل الأخير تم بواسطة ابوشروق ; 08-22-2010 الساعة 01:17 PM

  2. #2
    رفاعي إمبراطور
    تاريخ التسجيل
    Sep 2008
    المشاركات
    11,082
    معدل تقييم المستوى
    22

    افتراضي

    [rams]http://www.tawtheeg.info/tawtheeg/shamel/salahalrasheed/mahy5.mp3[/rams]
    التعديل الأخير تم بواسطة ابوشروق ; 08-22-2010 الساعة 01:17 PM

  3. #3
    رفاعي إمبراطور
    تاريخ التسجيل
    Sep 2008
    المشاركات
    11,082
    معدل تقييم المستوى
    22

    افتراضي

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    التعديل الأخير تم بواسطة ابوشروق ; 08-22-2010 الساعة 01:17 PM

  4. #4
    رفاعي نشط الصورة الرمزية نبع الحنان
    تاريخ التسجيل
    May 2010
    المشاركات
    804
    معدل تقييم المستوى
    9

    افتراضي

    ياسلام عليك يا ابوشروق
    دائما سباق في كل شي
    روحانيات ومدائح وطرب
    ربنا يوفقك وكل الشكر ياعزيز
    وانا بضم صوتي لوالدي التهامي والعزيز الرايح
    تشكر كتير ياغالي


    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    التعديل الأخير تم بواسطة نبع الحنان ; 08-22-2010 الساعة 12:31 PM

  5. #5
    رفاعي عبقري الصورة الرمزية مجاهد مساعد
    تاريخ التسجيل
    May 2010
    المشاركات
    4,744
    معدل تقييم المستوى
    13

    افتراضي

    نعم الاختيار يا أبو شروق
    مع انو اتأخر لحن الخميس
    لكن ما مشكله

  6. #6
    رفاعي إمبراطور
    تاريخ التسجيل
    Sep 2008
    المشاركات
    11,082
    معدل تقييم المستوى
    22

    افتراضي

    اقتباس المشاركة الأصلية كتبت بواسطة نبع الحنان مشاهدة المشاركة
    ياسلام عليك يا ابوشروق
    دائما سباق في كل شي
    روحانيات ومدائح وطرب
    ربنا يوفقك وكل الشكر ياعزيز
    وانا بضم صوتي لوالدي التهامي والعزيز الرايح
    تشكر كتير ياغالي


    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    جزاك الله كل الخير نبع الحنان
    الله لايحرمنا منك
    ومن تواجدك كل الشكر ياروعة

  7. #7
    رفاعي إمبراطور
    تاريخ التسجيل
    Sep 2008
    المشاركات
    11,082
    معدل تقييم المستوى
    22

    افتراضي

    اقتباس المشاركة الأصلية كتبت بواسطة مجاهد مساعد مشاهدة المشاركة
    نعم الاختيار يا أبو شروق
    مع انو اتأخر لحن الخميس
    لكن ما مشكله
    تسلم كتير يامجاهد
    اسعدنى تواجدك

  8. #8
    رفاعي عبقري الصورة الرمزية التهامي حميد البنا
    تاريخ التسجيل
    Sep 2007
    المشاركات
    4,500
    مقالات المدونة
    2
    معدل تقييم المستوى
    16

    افتراضي

    *
    **
    ***
    (( الحمد لله على نقل البوست للمنتدى الديني ))

    (( وأنا أطلب منك مدحة مصر المؤمنة ))

    (( وأهديها للإبنة نبع الحنان ))

    (( وجميع رواد هذا البوست ))


    ***
    **
    *

    ((( وللجميع شكري بمنتديات رفاعة للجميع )))
    التعديل الأخير تم بواسطة التهامي حميد البنا ; 09-01-2010 الساعة 06:33 PM
    [flash1=http://www.marafi-alebda.com/up1/uploads/files/marafi-alebda.com0dbcae74f5.swf]WIDTH=600 HEIGHT=350[/flash1]

  9. #9
    رفاعي إمبراطور
    تاريخ التسجيل
    Sep 2008
    المشاركات
    11,082
    معدل تقييم المستوى
    22

    افتراضي

    اقتباس المشاركة الأصلية كتبت بواسطة التهامي حميد البنا مشاهدة المشاركة
    *
    **
    ***
    (( الحمد لله على نقل البوست للمنتدى الديني ))

    (( وأنا أطلب منك مدحة مصر المؤمنة ))

    (( وأهديها للإبنة نبع الحنان ))

    (( وجميع رواد هذا البوست ))


    ***
    **
    *

    ((( وللجميع شكري بمنتديات رفاعة للجميع )))
    تشكر كتير وكتر خيرك
    ولك كل الشكر في فكرة نقل البوست
    وابشر ان شاء الله يوم الخميس باذن الله
    التعديل الأخير تم بواسطة التهامي حميد البنا ; 09-01-2010 الساعة 06:35 PM

  10. #10
    رفاعي إمبراطور
    تاريخ التسجيل
    Sep 2008
    المشاركات
    11,082
    معدل تقييم المستوى
    22

    افتراضي

    [frame="14 75"]
    ياصاحي همنا لزيارة أمنا
    مصر المؤمنة بأهل الله
    ,,,,*
    قم نحدا ونظعنا لها نبذل وسعنا
    لاتخشى الفاقة والشدة والعنا
    زور فيها حبورك إبليسك ألعنا
    وهوى الامارة في نحروا اطعنا
    الدنيا الساحرة للشر لاتدعنا
    ونفوسنا الخاينة للأمر تذعنا
    في حدودنا وشرعنا عين الله ترعنا
    ,,,,*
    ثنيت بالأمنا لنفوسنا طمنا
    احمد رسولنا سيد ادم وأمنا
    وبه نتمنى في سلكو يضمنا
    في حزب الخير بالرحمة يعمنا
    نسعد بزيارتو في الروضة يلمنا
    ونزور اصحابو نبلغ كل المنى
    للحجة نوفي ونعيد في منى
    وبه نتأمنا ويسعد من امنا
    ,,,,*
    ندعوك بالأربعه والكتب الأربعة
    والسور المية والعشرة واربعة
    بالملائكة الستة والكرما الأربعة
    بنبينا محمد والخلفا الأربعة
    والستة البعدهم والأئمة الأربعة
    والفقهاء السبعة وأقطابنا الأربعة
    أوتاد الأرض في القبل الأربعة
    الابدال والنقبا العشرة في اربعة
    احفظ جوارحي الثلاثة واربعة
    وتجافي المضجع جنوبنا الأربعة
    زيل مرض الجسم في طبياعو الأربعة
    بارك اسبوعنا لي يوم الأربعا
    ايام السنة التسعين في اربعة
    وبحورنا السبعة وأنهارنا الأربعة
    نسلم من أربعة ونحشر مع أربعة
    ,,,,*
    لا تجهل امرهم في مصر مقرهم
    هم أهل البيت الواضح سرهم
    زورهم بمحبة تشرب من درهم
    وابذل أموالك لجناهم برهم
    دايما واليهم لتنال من برهم
    سيدي الحسين الناثر درهم
    ابن الحنفية ومحمد بدرهم
    قل زيد الأبلج الباقي أغرهم
    مع حسن الانور الفعلو سرهم
    اسماعيل ومحمد الشايع ذكرهم
    صالح والحنفي الفايح عطرهم
    لعلي زين العابدين حبرهم
    جعفرنا الصادق مع موسى صدرهم
    أستاذنا الباقر في العلم بحرهم
    في البحر وبرهم لله درهم
    ,,,,*
    ادعوك بسيدتي هي زينب عمدتي
    وبشمس الحق السيدة نفيسة
    هي بحر العلم وغفيرة مصرة
    وبعين الحكمة فاطمة النبوية
    بذخير الأمة السيدة سكينة
    وبذات البهجة السيدة عائشة
    وبعقد الدر السيدة رقية
    وجميع من تنسب للسيدة الجدة
    زوجات رسولنا لاسيما التسعة
    والعابدات رابعة العدوية
    لاتنسي سودة وامنة الرملية
    قل أم حسان وهي الكوفية
    قل ام الثوري واذكر ميمونة
    قل ام الأسود لا تنسى عبيدة
    اذكر حبيبة واذكر شعوانة
    ادعوك بهن اصلاح ذريتي
    نفسي واحبابي مع سائر اخوتي
    زيل مرضي وعسري واكشف لبلوتي
    عافي لجوارحي بل فرج كربتي
    ثبتني لادفع أعداي بالتي
    هي احسن واجعل بهن نصرتي
    حسن لحالتي تك صادقة مقالتي
    ,,,,*
    ادعوك يا الله بجميع عباد الله
    دنيال ولقمان النال حكمة الله
    وأبي الدر داء ووكيع ولي الله
    وامامنا الشافعي الاحيا دين الله
    والشيخ البدوي الوارث نبي الله
    الرفاعي احمد بواب رسول الله
    ودسوقي الهائم دوما في حب الله
    والشاذلي سيدي وخليل أمين الله
    والعارف ابن أبي حمزة عبد الله
    جابر وبشرى المقرب عند الله
    وأبي العباس المرسي ذاكر الله
    ثم البوصيري مادح رسول الله
    ياقوت العرش مع أولياء الله
    الاربعطاشر الخصوا بسر الله
    وبصاحب الحكم هو ابن عطاء الله
    قل وفا والقمري الام رجال الله
    وعلي الخواصي والبكري الخايف الله
    سيدي الشعراني النشر علم الله
    الشيخ الحنفي الدرديري قطب الله
    ثم السيوطي والمحلي من تحلي
    لا تنس الصاوي ومفسر كتاب الله
    ثم القناوي والصعيدي كنز الله
    بجاهم يا الله زيل عننا العلة
    ,,,,*
    صلوات تسرح للخير قطب الرحى
    توصل ضريحو عنه لا تبرحا
    تذكرنا عندو واحوالنا تشرحا
    بالفوز تاتينا وصدورنا تشرحا
    وتقول يا برعي لهمومك اطرحا
    اكملت علاجك غي حقنة ومشرحة
    ومواصلاتك في السكة مسرحة
    بالعافية افرحا ولبلادك امرحا

    [/frame]
    التعديل الأخير تم بواسطة ابوشروق ; 08-26-2010 الساعة 03:16 PM


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
الساعة الآن 01:13 PM
Powered by vBulletin® Version 4.2.3
Copyright © 2018 vBulletin Solutions, Inc. All rights reserved.
Translate By Almuhajir
المواضيع والمشاركات في منتديات رفاعة للجميع تعبر عن رؤية كاتبيها
vBulletin Skin By: PurevB.com