صفحة 3 من 5 الأولىالأولى 12345 الأخيرةالأخيرة
النتائج 21 إلى 30 من 45
  1. #21
    رفاعي إمبراطور
    تاريخ التسجيل
    Sep 2008
    المشاركات
    11,082
    معدل تقييم المستوى
    23

    افتراضي

    [frame="14 80"]

    اقابلـك

    الشاعر اسحق الحلنقي

    أقابلك
    في زمن ماشي
    وزمن جاي
    وزمن لسة
    بشوف الماضي فيك باكر
    أريت باكر يكون هسة

    وقصر طول مشاويرنا
    ورقش بالفرح جلسة على النيل
    والقمر مرات يبين في الموج ويدسة
    ونحن نقابلو زي طفلين
    كلامم كلو بالهمسة
    وزي عصفورة قلبها دابو حنة
    وبالولف حسَّ

    أي عيون بتتقابل
    إلا عينيكي ما بتتفات
    في عينيك بتوه
    كيفن في حلاة البسمة في القاسيات
    وعطر الصندل المستني
    يفرح بيكي فرحتو جات
    وحاتك خلي منو شوية
    شان يتكاحل السمحات

    بلاك النجمة
    لا بتتعلا لا بتتدلا
    فوقا هلال
    عليكي الريدة طلي علينا
    يالختينا فيكي آمال
    تجينا فرح ترفرفي فوقنا
    نستناكي بالموال
    والشوق بيني بينك انتي
    زي ماتقول نظرة طال
    [/frame]
    [flash1=http://www.marafi-alebda.com/up1/uploads/files/marafi-alebda.comc562d9a8c6.swf]width=600 height=200[/flash1]

  2. #22
    رفاعي نشط الصورة الرمزية نبع الحنان
    تاريخ التسجيل
    May 2010
    المشاركات
    804
    معدل تقييم المستوى
    11

    افتراضي

    [frame="8 80"](اسحق الحلنقي)

    قصيدة الكروان


    لـيه يا كروان خليت عشك

    بـاريت الـغربة الـبتغشك

    فـارقـت الـبلد الـبتريدك

    بـالصندل كـانت بـترشك

    لـيه يا كروان سبت ديارك

    ومـشيت خـليتهم سـمارك

    دي الـغربة الـحتت نوارك

    مـا تـسيبها تـقلل مقدارك

    دا الـبعد الحاصل كان منك

    ليه نرمي اللوم على اقدارك

    لـيه يا كروان خليت ناسك

    ومـشيت لـلناس الماناسك

    انـت المعروف بين جلاسك

    مـعروف بي رقة احساسك

    ليه تنسى عيون النيل والليل

    والـريد الـحابس انـفاسك

    لـيه يـا كروان بعدك طول

    ومـا عـاد تغريدك زي أول

    انـا عارفو حنينك ما تحول

    عـشق الأوطـان ما بتاول

    اصلو الانسان ما بكون انسان

    لـو بنسى قديم زمنو الاول[/frame]
    [flash=http://dc07.arabsh.com/i/02606/6t7x1nu2edv0.swf]WIDTH=600 HEIGHT=300[/flash]

  3. #23
    رفاعي نشط الصورة الرمزية نبع الحنان
    تاريخ التسجيل
    May 2010
    المشاركات
    804
    معدل تقييم المستوى
    11

    افتراضي

    [frame="10 80"]
    أصلو ما ممكن

    ممكن وللا ما ممكن
    أسيبك اصلو ما ممكن
    اسيبك كيف بعد ريدك
    صبح من روحي متمكن
    **************
    ممكن تختفي الأبراج
    ويبقى النيل بدون أمواج
    يغيب الكوكب الوهاج
    وتبقى الزهرة من غير تاج
    عارف شوقي ما بهدن
    واسيبك أصلو ما ممكن
    **************

    ممكن يرحلوا النيلين
    ويمشوا يهاجروا مغتربين
    وممكن يجرح الياسمين
    والزيتون يجافي التين
    إلا الأصلو ما ممكن
    نعيش انا وانت مفترقين
    ممكن أي حاجة تكون
    وحرف النون يكون ما نون
    وممكن تاني يظهر لون
    يضيع لون دهب شيبون
    إلا الأصلو ما ممكن
    غلاوتك عندي مرة تهون[/frame]
    [flash=http://dc07.arabsh.com/i/02606/6t7x1nu2edv0.swf]WIDTH=600 HEIGHT=300[/flash]

  4. #24
    رفاعي نشط الصورة الرمزية نبع الحنان
    تاريخ التسجيل
    May 2010
    المشاركات
    804
    معدل تقييم المستوى
    11

    افتراضي

    [frame="15 80"]
    المشكلة

    الروح تروح ما مشكلة ..

    تزيد جروحى علي جروح ما مشكلة ..

    ينسى الفراش عطر الربيع ما مشكلة ..

    ينسى الوديع صوت الوديع ما مشكلة ..

    الشاري لو فكر يبيع لو ضاعت الاعمار تضيع ما مشكلة ..

    لاتبين شمس لايهل قمر ما مشكلة ..

    يبقى السحاب من غير مطر ما مشكلة ..

    يرموني في نص البحر تجيبو لي الناس خبر ما مشكلة ..

    لو هز صمت الليل برق ما مشكلة ..

    والقاش رحل خلا الشرق ما مشكلة ..

    لو عمري بالشوق يحترق لو رحت ما جبت الفرق ما مشكلة ..

    الدنيا تبقى بدون جليس ما مشكلة ..

    تبقى الليالي بدون ونيس ما مشكلة ..

    وتنسى ليلى حبيبا قيس ما مشكلة ..

    وتنسى العروس اسم العريس ما مشكلة ..

    المشكلة

    ريدتك بقت هى المشكلة


    ادينى حل للمشكلة ..![/frame]
    [flash=http://dc07.arabsh.com/i/02606/6t7x1nu2edv0.swf]WIDTH=600 HEIGHT=300[/flash]

  5. #25
    رفاعي نشط الصورة الرمزية نبع الحنان
    تاريخ التسجيل
    May 2010
    المشاركات
    804
    معدل تقييم المستوى
    11

    افتراضي

    [frame="8 80"]

    الابيض ضميرك


    إنت يا الأبيض ضميرك
    صافي زي قلب الربيع
    في كلامك وابتسامك
    أندي من زهر الربيع
    عشت متهيئ لحبك
    كل أيامي وحنانها
    ابتسامك عزيزة
    بحرق الآهات عشانا
    بس لقيتك إنت حائر
    تظلم الحب بالمهانة
    الدموع السايلة مني
    يا ما سالت حرقتني
    والظنون الحارقة قلبي
    بالماسي كم شقتني
    كنت بجني شقاك محنة
    وأعشق أوهامي الطوتني




    .. [/frame]
    [flash=http://dc07.arabsh.com/i/02606/6t7x1nu2edv0.swf]WIDTH=600 HEIGHT=300[/flash]

  6. #26
    رفاعي نشط الصورة الرمزية نبع الحنان
    تاريخ التسجيل
    May 2010
    المشاركات
    804
    معدل تقييم المستوى
    11

    افتراضي

    [frame="6 85"][frame="6 80"]عصافير الخريف
    ==========
    هـجرة عـصافير الـخريف
    فـى مـوسم الـشوق الحلو
    هـيج رحـيلا مـع الـغروب
    احـساس غـلبنى اتـحملو
    وكتمت اشواق الحنـيـن
    داير الدموع يتـقـلـو
    ورجعـت خليت الـدموع
    يـنسابو ..مـنى ويـنزلو
    ليـه يا عصافيـر الخريف
    خضرة مـشاعـرى اشيلا صيف

    تـحت الـغمام شـايف
    مـواكب الـهجرة اتـلاشت سراع
    ليه يـا عـصافير ليه الاسف
    مين علمك أسف الوداع
    وعارف دا ما اول سفر
    لبلاد بـعيدة بـدون مـتاع
    زى ما بتخافي مـن الرياح
    بنخاف كمان انحن الضياع
    ليه يا عصافير ليه الضنى
    صفقة جناحك احزنها

    غـايـب الـسنين الـليله
    مالو غنا العصافير غـلبو
    طراهو زولا كان ولوف
    كم رضا خاطرو وطيبو
    سمع قليبو كـلام حـنين
    هـدهد مـشاعرو ودوبـو
    الـناس سعيدم فى الـحياة
    لا ضاق فراق لا جربو
    وانا حالى فى بعد الوطن
    دفـعنى ضي العين تمن [/frame][/frame]
    [flash=http://dc07.arabsh.com/i/02606/6t7x1nu2edv0.swf]WIDTH=600 HEIGHT=300[/flash]

  7. #27
    رفاعي نشط الصورة الرمزية نبع الحنان
    تاريخ التسجيل
    May 2010
    المشاركات
    804
    معدل تقييم المستوى
    11

    افتراضي

    الله الله عليك أبوشروق يا راااااااااااااااائع
    اسحق الحلقنى شاعر متمكن وله إبدعات كبيرة في خارطة الغناء السودانى...

    إسحاق الحلنقي هرم من أهرام الشعر الغنائي في السودان...

    حقيقة ما كتبه الحلنقي لا يمكن أن يكتبه أي شخص غيرو في الدنيا كلها....

    أسعدتنا بأشعار المرهف جداً الحلنقي....

    مشكووووور علي الروايع....

    لك ودي وتقيري،،،

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    [flash=http://dc07.arabsh.com/i/02606/6t7x1nu2edv0.swf]WIDTH=600 HEIGHT=300[/flash]

  8. #28
    رفاعي إمبراطور
    تاريخ التسجيل
    Sep 2008
    المشاركات
    11,082
    معدل تقييم المستوى
    23

    افتراضي

    اقتباس المشاركة الأصلية كتبت بواسطة نبع الحنان مشاهدة المشاركة
    الله الله عليك أبوشروق يا راااااااااااااااائع
    اسحق الحلقنى شاعر متمكن وله إبدعات كبيرة في خارطة الغناء السودانى...

    إسحاق الحلنقي هرم من أهرام الشعر الغنائي في السودان...

    حقيقة ما كتبه الحلنقي لا يمكن أن يكتبه أي شخص غيرو في الدنيا كلها....

    أسعدتنا بأشعار المرهف جداً الحلنقي....

    مشكووووور علي الروايع....

    لك ودي وتقيري،،،

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    الرائعة نبع الحنان ..
    هذا دستور وميثاق وارتباط بالجمال الراسخ فى ثنايا النفس المترعة بالروعة والثقة
    والثوابت المطلية بحلاوة الشهد الذى لا يفنى ولا تقل درجة حلاوته
    أحئيك بعمق هذه النقوش .. واُحئ كل من ساهم فيها ..
    وبالذات ذاك الحلنقي المنقوش فى الدواخل
    والذى نقراءه باللمس والحس أكثر من العين ..
    أدامه الله حساً ومكمناً ..
    حضوراً وغياباً ..
    دمتي ودام تواجدك ياغاليه
    واصلي في توثيق كلمات القامة الحلنقي
    كل الود
    [flash1=http://www.marafi-alebda.com/up1/uploads/files/marafi-alebda.comc562d9a8c6.swf]width=600 height=200[/flash1]

  9. #29
    رفاعي إمبراطور
    تاريخ التسجيل
    Sep 2008
    المشاركات
    11,082
    معدل تقييم المستوى
    23

    افتراضي

    [frame="9 85"]
    صفق العنب
    ::::::::::::
    على صفق العنب اسمين
    كتبناهم بدمع العين
    ومرت بينا غيم الفرقة
    واتفارقنا مجبورين
    ولما رجعنا من غربتنا
    فرحانين مع العايدين
    لقينا الريح محا الذكري
    بكينا على ضياع اسمين

    كتبناها الاسامي زمان
    وتشهدى يا ضفاف النيل
    طفولتنا القضيناها
    زغاريد فرحة شاقة الليل
    سنينا تضوى بي الامال
    وكل العشناه زاهى جميل
    وماشين فى دروب الريد
    نغنى والاماسي تشيل
    جاتنا الفرقة زايرة ديارنا
    بى ليلا الى ما يندار
    بقت فينا شالت زهرتا نضار
    ساعة الدار
    خلت بينا نار وشمعة
    لاحظ شمعة يانوار
    سواقينا الحزينة بكت
    على الريد الولفنا زمان

    كبرنا الليلة جينا نشوف
    حكاية حزينة لى قلبين
    كنا زمان رسمناهم
    على صفق العنب اسمين
    كنا زمان رسمناهم
    على صفق العنب قلبين
    على صفق العنب طفلين
    قايلين نلقى ماضى الذكري
    فوقنا يلالى زى نجمين
    لقينا الريح محا الذكري
    بكينا على ضياع اسمين
    [/frame]
    [flash1=http://www.marafi-alebda.com/up1/uploads/files/marafi-alebda.comc562d9a8c6.swf]width=600 height=200[/flash1]

  10. #30
    رفاعي إمبراطور
    تاريخ التسجيل
    Sep 2008
    المشاركات
    11,082
    معدل تقييم المستوى
    23

    افتراضي

    [frame="14 80"]
    جاي تاني
    تغنى بها الفنان خالد محجوب ( الصحافة)
    جاى تانى ...
    جاى تسأل عن حنانى ..
    ما خلاص اصبح حكاوى ..
    و اللى فات بقى عهد فانى ..

    جاى تتوسل و ترجى الزمن ..
    يجمعنا تانى ..
    لا لا ما تصدق مشاعرك ..
    شلت سيرتك ..من لسانى ..

    ياما قاسمتك سرورى ..
    و فيك بديت نظم المعانى ..
    كنت بستناها جيتك ..
    كنت بحلم بالامانى ..
    من امس بستنى ..بكرة ...
    يا الرجيتك كل زمانى ..
    جيت لقيتك خنت ودى ..
    صد قلبك و ما طرانى ...,

    جاى تانى ...

    جاى يا الفُتّ و رميتنى ..
    جاى تشمت .. فى رفاتى ,,
    ماخلاص اخترت غيرى ..
    ناسى اجمل ذكرياتى ..
    شلت من صوتى الاغانى ..
    كل ماضى .. و كل آت..
    و الحقيقة بقت خديعة ..
    فيها ضاعت امسياتى ..

    جاتى تانى
    [/frame]
    [flash1=http://www.marafi-alebda.com/up1/uploads/files/marafi-alebda.comc562d9a8c6.swf]width=600 height=200[/flash1]


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
الساعة الآن 11:36 PM
Powered by vBulletin® Version 4.2.3
Copyright © 2020 vBulletin Solutions, Inc. All rights reserved.
Translate By Almuhajir
المواضيع والمشاركات في منتديات رفاعة للجميع تعبر عن رؤية كاتبيها
vBulletin Skin By: PurevB.com