صفحة 2 من 11 الأولىالأولى 1234567891011 الأخيرةالأخيرة
النتائج 11 إلى 20 من 103
  1. #11
    رفاعي عبقري
    تاريخ التسجيل
    Jul 2007
    المشاركات
    2,093
    معدل تقييم المستوى
    15

    افتراضي

    اماااااااااانه ماوقعت يامجدي


    روووووق ورد على الاسئله






    وراجعيييييين
    اللهم انك عفو تحب العفو فاعف عني

  2. #12
    رفاعي عبقري الصورة الرمزية مجدى الامام
    تاريخ التسجيل
    Feb 2008
    المشاركات
    3,795
    معدل تقييم المستوى
    16

    افتراضي

    فى البدء دعونى اتقدم بكل الشكر والتقدير لكل منتسبى ومرتادى

    براحات رفاعة للجميع من دون فرز اداريين ومشرفين واعضاء وكمان الزوار

    واخص بالتهنئة الامبراطور وريسنا الاستاذ عبدالله ابنعوف زارع ومنتج الفرحه فينا وابوى الشيخ

    الجليل ابونا الشيخ التهامى حبا وتقديرا وكبرياءا ولكم التحية ...



    اما عن نفسى فقبل ان اقدم بطاقتى الشخصية بالصورة

    المتعارف عليها اعرفكم بنفسى كما اريد ان تعرفونى ......
    ... انا القوة التشد الحيل ... وانا المهدى .... الهزمت الليل ... وانا القرشى وترهاقا الحكمت النيل

    وسافرت الشمال مبعوث وحاربت العطش فى الغرب والصحراء من عهد الترك والروم انا دينق ومرسال

    انا دينق ... ومرسال ... وعبدالله .... وعباس حمد والرشيد ... ووشيك وابشرا... وقسم الله .. وادم ...

    وكل الممكن ياتى فى بالكم .....


    البطاقة الشخصية ...

    مجدى احمد ابراهيم الامام وكما موضح فى المنتدى ..

    الجنسية والقبيلة والفخيذه سودانى جعلى حاااااااااار

    العمر: والله حكاية العمر دى الرشيد ده بشيل حالى فيها لكن نسوى شنو

    موالد 1978 من شهر يوليو فى اليوم الاول ...

    المهنة : مدير مشروع فى شركة nec اليابانية للاتصالات والتقنية الراعية لشركتى

    ناسك المصرية وشركة الافق للاتصالات والتقنية الليبية .. وقريبا بأذن الله فى السودان مع شركة

    mtn يعنى يا عباس نظام نساهر سواء تانى ...

    مكان الميلاد قرية الحاج موسى معتمدية ام القرى شرقى مدنى الحبيبة التى ادمنتنى وادمنتها عشقا
    سرمديا منذ الطفولة ...


    رقم البيت ...هاها تمشى طويييل هاها الاقيك كلب نايم

    ها ها ها ها .. ما تعفص ضنبو ...لانو سعران ..هاها الزقاق الاول خلى والتالت خلى ها ها

    ها ها حارة ابوعصام عندليب الدقى ....

    زقاقاات ساااااااااااااااااااى بس تعال بدون وصف بتصل


    مكان الاقامة القاهرة --- طرابلس وبى اللفة حاليا فى طرابلس

    الوالدين والحمد لله على قيد الحياة ربنا اخليهم فانا أبن موظف بالمعاش بدار الهاتف

    سابقا حاليا سوداتل الاستاذ احمد ابراهيم الامام وام حنين حنان كل امات السودان

    الحاجة زينب بت عباس بت ابراهيم



    اجمل ايام الدراسة واجمل مراحلها تلك الفترة الجامعية

    التى تفتحنا فيها وتفسحنا فيها اجتماعيا وثقافيا وعقليا حقيقة ما زلت اتحسس طعم حلاوة


    المرحلة الجامعية واحن اليها اذ درست بكلية القانون جامعة النيلين حيث كانت ختامة المراحل
    الدراسية البكلاريوس ودبلوم

    تقنية المعلومات ....


    حقيقة فى كل مرحل من المراحل الدراسية الواحد بتاثر باستاذ

    بس انا اكتر واحد اتاثرت به الاستاذ ومربى الاجيال ابشورة محمد الحسن مدير مدرسة رفاعه الثانوية

    ياخى ده عجيب فت مرة وطبعا عندو خطاب بوجهو فى الطابور الصباحى كل سبت واتنين وخميس

    كلامو درر لما يوم ما اتكلم فيهو المدرسة كلها تلقاها متنشنه وشنو اى توجيه بقنعك بيهو يزكر ليك موقف

    باسلوب سلس او احيانا بى غلظه بس جد استفدنا منو كتير والا غرب انو بعد ما امتحانات الشهاده تانى

    ما سمعت بى خبر الى لحظة هذه الذكرى نسأل الله ان يعطر ذكرو بالخير والبركة ...


    جميع هواياتى ادبيه بحته تتمثل فى محاولا ادبية فاشلة

    ثم الغناء والعزف على الة العود جضم شين .. والاورغ مش لى درجة الحفلات

    النت ده طبعا بقى ولا كتر خير اى زول تكون هوايتو فى التصفح بالاضافة

    الى بعض الرياضات الذهنية كالشطرنج والكوتشينة ودى تفتيحة فيها شديد


    ريقى نشف كدى خلونى اخد لى جغمة جغمتين هو مالو باردكم

    ده مسيخ كده وتلاجتكم دى الكهرباء كانت كاطعه والا خسرانا جايبن لى البارد ده مسخن كده

    نواصل ....
    لو تعب منك جناح في السرعه زيد
    [BIMG]http://www.kurdup.com/uploads/40d2a7ecd8.gif[/BIMG]
    الحمدلله لقيت حمامتي

  3. #13
    رفاعي عبقري الصورة الرمزية مجدى الامام
    تاريخ التسجيل
    Feb 2008
    المشاركات
    3,795
    معدل تقييم المستوى
    16

    افتراضي

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    الرشيد ....ابشرا .... عباس.... امهلو بكره فلاش كامل

    بنزلو ليكم .....الكلام ده بدون الكبايات عشان من اسى نتفق فى الصور الجاية

    التعديل الأخير تم بواسطة مجدى الامام ; 07-20-2008 الساعة 04:39 AM
    لو تعب منك جناح في السرعه زيد
    [BIMG]http://www.kurdup.com/uploads/40d2a7ecd8.gif[/BIMG]
    الحمدلله لقيت حمامتي

  4. #14
    رفاعي عبقري
    تاريخ التسجيل
    Mar 2008
    المشاركات
    3,036
    معدل تقييم المستوى
    16

    افتراضي

    مجدى احمد ابراهيم الامام
    شاعر قد تربع فى قصر القوافى و ابدع وامتع ....
    ماهو السر فى غزل العيون بالذاااااات ...



    وراجع تااااانى
    التوقيع هنا :
    عباس
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  5. #15
    رفاعي مُتميز الصورة الرمزية عاشق البطانة
    تاريخ التسجيل
    Oct 2007
    الدولة
    السعودية -الرياض
    المشاركات
    1,683
    معدل تقييم المستوى
    14

    افتراضي

    يامجدي احسن تدس الصور ماتطلعها من هسي
    نصيحة اخو بعد ماتمشي كويس في المكاشفة وعباس دا انا عارفه
    اخي الغالي
    عيدميلاد سعيد تاني وانا حتى نهاية الشهر دا ساظل محتفلا بعيد ميلادك يامجدي وزي ماقلت ليك لو خبرت من زمان كنت عملتو ليك عرس عديييييييييييل
    وانا شايف كلمة عرس دي بتعجبك وشايفها جابتك وابشرا شرك ليك بيها وجابك مش كدى يامجدي؟
    - ماذا اخذ منك الاغتراب وماذا اضاف لك؟
    -مجدي انت فراعي باعتبار ماكان وراجل قانوني ماهو موقفك من المحكمة الدولية؟
    __________________________________________________ _____
    [bor=66FF99]أنا مذنبٌ أنا غافلٌ أنا لاهي***هو غافرٌ هو راحمٌ هو كافي
    قارنتــــــــــهن ثلاثةً بثلاثةٍ*** فلتغلبن أوصافهُ أوصافي
    ][/bor]

  6. #16
    رفاعي عبقري الصورة الرمزية مجدى الامام
    تاريخ التسجيل
    Feb 2008
    المشاركات
    3,795
    معدل تقييم المستوى
    16

    افتراضي

    اخر مرة مشيت فيها لى رفاعة كانت ايام الدراسة فى رفاعة الثانوية فى

    صيف 98 -97 وكانت اخر ورقا من امتحانات الشهاده السودانية

    مع رفاعة وبالجد كانت فترة لا تنسى بكل تفاعلاتها الحلوة اكتشفنا فيها

    انسان رفاعة الخلوق ولمسنا سحر العلم فى تلكم المدينة الخالده

    اها نسيت اقوليكم نحن طبعا الدفعه التجريبية لعزة السودان (1)

    فكان التوزيع فى المعسكرات على حسب المنطقة الدرست فيها

    قريت فى رفاعه وضواحيها تمش معسكر فضل الموالى على ما اذكر

    قريت فى مدنى تمش حنتوب وما شابه ذلك .....

    طبعا من محاسن الصدف الجابتنا رفاعه التوزيع حسب المجموع وقتها

    فكانت فى وقتها مدرسة حنتوب على القائمة تليها رفاعة الثانوية من حيث

    القبول النسبى فكان الحصل ان تم توزيعنا لى حنتوب وفى نفس العام حولت الى كلية

    جامعية فكان توزيعنا الى مدرسة رفاعة الثانوية المزدوجة فيها سته انهر فصلين

    نموزجيين والبقية عاديين حسب تصنيف النسبة ... اها طبعا اهلى كلهم فى مدنى واتربيت هناك

    اقنعونى ادخل المعسكر فى حنتوب ومن ديك تانى رفاعة ما شفتها بس تختلج الذكريات فى دواخلنا

    والبوح القديم يهدهدنا لرفاعة التى اعطتت وما اخذت .... بس العروس من رفاعة رفاعية مية المية

    الفريق الكروى الكنت بشجعو فريق مدرستنا والذيذه يوم استاذ

    شعبة الجغرافيا وهو كان مشرف الفصل واشار الى اضخمنا جسما ان كن الفا وكان الالفا شخصى الضعيف
    الكلام ده كان نحن برالمة لنج فقال لى فى دورة تنافسية رياضية ودايرك تختار التيم بتاع الفصل

    وانا اعجبك نقيت ليك اكبر واضخم اجسام ولبستهم ليك الشورتات حاجه تعجب لما الاستاذ شافهم

    وانا الكابتن والمدرب ارسم ليك ليهم الخطة فى السبورة ده اشوتا لى ده وده اجرجر ليهو لاعب لاعبين

    واديها لى الجناح الايمن اعكسا لى انا الجيب القون ....اها يا نادر الدانى جا اليوم الوعود وعينك ما

    تشوف الا ال13 هدف في مرمانا بكرة الاستاذ ودانى ليك لى الصول الله يطراهو بالخير وعلقة لى الليله

    حارقانى من اليوم داك تانى ما لعبت وما شجعت غير الهلال ...


    واحد وصل من اهلى لى مركز مرموق .. مركز مرموق يا مجدى

    ايوة الوالد ربنا احفظو فقط عضو مجلس ولاية الجزيرة ( مع انو ما مؤتمر وطنى ) ...

    وهنالك اقارب لنا وصلوا منازل مرموقة من الحياة قد لا تاتى سانحة ذكرهم الان

    بس الاهم من ده كلو المكانة الوصلتها انا بين مجتمع منتدى رفاعة حقيقة قمة الحب والروعه والاخوة

    وبحبكم كانت اللقيا المعبرة عن قمة الدرجات زى ما قال اخوى الكاشف عباس حمد
    لو تعب منك جناح في السرعه زيد
    [BIMG]http://www.kurdup.com/uploads/40d2a7ecd8.gif[/BIMG]
    الحمدلله لقيت حمامتي

  7. #17
    رفاعي مُتميز الصورة الرمزية ام عســــــجد
    تاريخ التسجيل
    May 2008
    المشاركات
    1,393
    معدل تقييم المستوى
    14

    افتراضي

    امانه ما وقع راجل

    جاياك بمهله
    و بجيب شله السهر
    و ناس البصيره
    و شيل شيلتك
    [read][rainbow]لم ابــــــــــــــكه
    لكن لرؤيه غيره
    طهرت أجفــاني
    بفيض دمــوعي[/rainbow][/read]

  8. #18
    رفاعي عبقري الصورة الرمزية مجدى الامام
    تاريخ التسجيل
    Feb 2008
    المشاركات
    3,795
    معدل تقييم المستوى
    16

    افتراضي

    نعتذر لانقطعنا بالتتابع المستمر لظروف عملية وقلت ليهم ادونى اجازة انا عاملين لى مكاشفة اهو تحت الطلب ......

    كثيره هى المواقف طبعا ولا حصر فجميع السودانيين ( وخاصة الصغار الزينا ديل ) اصحاب مواقف

    مضحكة واحيانا قد تكون محرجه جدا بس انا ح المهن الاتنين فى موقف واحد ...

    فى سنة 2000 القريبة دي مشيت زيارة لى مدينة الدمازين طبعا الدمازين دى حاجة كده مبالغة خاصة

    لمات تكون فى بداية الخريف فيها جو روما تيكى رهيب مكهرب بالقيوم وشمس مافى نهاااائى الكلام ده

    ببدأ من شهر 5 اها طبعا انا عندى عمى فى الدمازين فى حى المستشارين وجنبو مدرسة بتاعة ثانوى

    ومن المدرسة فى اشجار وريفة وجميلة جدا على طول طرفى الطريق يعنى حاجة مبالغة مع قطرات

    المطر والغيوم الراحلة المهم طبعا كمية من الشباب كانوا معسكرين معاى كضيف من الشمال

    قاموا قالوا لى يلا نطلع الساعة اتنين جات طلعت ليك معاهم معاهم اتاريهم كل الاولاد بنتظروا فى

    الشارع داك بنات الثانوى لمات اطلعن قاموا قالوا لى فى بت راسا كبير اصلو ابت تفصل معانا ياخى تعال

    حنكا لينا وكده لانك ضيف بتتجاوب معاك ولانك حنكك منشار وجاهاااات اى ي الرشيد وجاااهات الف

    زولك سمع الاغراءات دى وعينك ما تشوف الا لمات جات اشاغل ليك فيها شى غرويد عيون

    وشى بسمات متجدعة وشى تمرير يد على الشعر لى وراء وجماعك بى هناك ماسكين ليهم واحد من

    اصحابى وراكبين ليهو فوق راسوا وقافلين خشمو البت شافت الموقف قعدت تضحك معاى انا خلاص

    حسيت ليك بنشوة الانتصار واشيل واتكلم ليك معاها ياخى انتى الله زيك ما خلق.. وسمحة كده مالك

    واسمك منو قالت لى امل قلت ليها انتى قلتى امل ولا قاصده قمر البت فقعتا ضحكا كبيرة قلت ليها مالك

    قالت لى شايف الولد البربطو فيهو داك وهو يكورك لى يا وهم يا ميتيس دى ... الجماعة اقفلوا ليهو

    خشمو ... قالت لى ده اخوى ......

    يالله ياخ انا خلاص فقت المنطق ما ما بتصلح بعد ده خربتها خراب شين ...

    واهااك يا عتزارات ووووووو

    بالليل كانت العزومة فى بيتهم عشاء ...البت ما كلمت امها بعد العشاء والجلسة الاسرية بتاعت صاحب

    ولدهم فى الجامعة وهاك يا فت فتتى افتو اب شرا دا اخوها بقوليها كده ...


    اها المواقف البتبكى كتييييره ...

    وانا زولا بكاااااااااااى لو سمعت صوت زول سمح برأ قران ببكى وكان مات لى زول عزيز بجعر

    وكان شفتل لى ... ببكى ....

    الموقف كان فى ام درمان راكب من الموقف العام فى الخرطوم وماشى ابو روف اها انا من عاتى بركب

    جنب الشباك ( ما بسف ما بسجر ما بشرب ما ....) ساى كده المهم قاعد مع نفسى كده اجينى ليك

    راجل كبير كده الحافلة طالعه على الظلط مديت ليهو بى يدى الفيها النصيب والحافلة اتحركت وهو جارى

    وراى ياخد القوش تجى عربية تانية تضربو ... طق طق وقفنا الحافلة نزلنا لقينا الدم ومغمى عليهو ..

    وانا بعاين لى المنظر ده وشايل فى يدى المية جنية بتاعت الحديد جد بكيت شديد ... رفعتو الاسعاف

    ولى الليلة ما عارف الحاصل عليهو شنو نسال الله له المغفرة حيا او ميتا ....
    لو تعب منك جناح في السرعه زيد
    [BIMG]http://www.kurdup.com/uploads/40d2a7ecd8.gif[/BIMG]
    الحمدلله لقيت حمامتي

  9. #19
    رفاعي عبقري الصورة الرمزية التهامي حميد البنا
    تاريخ التسجيل
    Sep 2007
    المشاركات
    4,500
    مقالات المدونة
    2
    معدل تقييم المستوى
    17

    افتراضي

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    نقابلك بلون الهلال

    والصورة النزلت دي لوصورتك

    بسم الله ماشاء الله عليك

    أمانة عباس ما فارقوه فراق الطريفي لجمله

    ونقطف زهرة سمراء تماثل لونك اللامع
    [flash1=http://www.marafi-alebda.com/up1/uploads/files/marafi-alebda.com0dbcae74f5.swf]WIDTH=600 HEIGHT=350[/flash1]

  10. #20
    رفاعي عبقري
    تاريخ التسجيل
    Oct 2007
    المشاركات
    6,716
    معدل تقييم المستوى
    19

    افتراضي

    [quote=مجدى احمد ابراهيم الامام;284614]
    وجاهاااات اى ي الرشيد وجاااهات الف
    خلاص يا جماعة ما تشكلو

    التاني مشترك

    حبيبنا امل سوري امة الامجاد

    ما رايك بصراحة في عرس

    1- الكورة

    2-العرس الجماعي

    للسؤال بقية[/i]


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
الساعة الآن 09:17 PM
Powered by vBulletin® Version 4.2.3
Copyright © 2020 vBulletin Solutions, Inc. All rights reserved.
Translate By Almuhajir
المواضيع والمشاركات في منتديات رفاعة للجميع تعبر عن رؤية كاتبيها
vBulletin Skin By: PurevB.com