صفحة 3 من 12 الأولىالأولى 123456789101112 الأخيرةالأخيرة
النتائج 21 إلى 30 من 116
  1. #21
    رفاعي نشط الصورة الرمزية مواني الرحيل
    تاريخ التسجيل
    Aug 2007
    الدولة
    الطائف - المملكة العربية السعودية
    المشاركات
    765
    معدل تقييم المستوى
    11

    افتراضي

    اقتباس المشاركة الأصلية كتبت بواسطة عبدالله إبنعوف مشاهدة المشاركة
    في ناس بتشتغل لمدينتا صاح ولو على حساب مدينة أخرى أو ناس آخرين

    وفي ناس بتعمل في صمت علشان ترفع من مستوى مدينتا ولا يهمها القالوا والقلنا

    وفي ناس بتجري يمين وشمال مع بعض علشان مصلحة مدينتا

    وفي ناس قاعدة ساكت في عناقريب السوق وفي البرندات وما عندها إلا فلان عمل وفلان قال ، وفي الخرطوم وفي أي مكان في السودان وفي الخليج وفي أي مكان في العالم ناس رفاعة تلاقيهم في أعلى المناصب لكن رفاعة وراء ضهرهم ، إلا من رحم ربي ومن رحم ربي ديل قليل منهم في الخرطوم وفي رفاعة بس

    عِنداً في والي الجزيرة السابق الشريف أحمد عمر بدر ناس رفاعة سقطوا البروفيسور الزبير بشير طه وزير الداخلية الحالي وفوزوا الدكتور منو ما عارف من ناس الهلالية

    الدكتور بتاع الهلالية من يوما ما شافوه في رفاعة ولا ختف رجلوا قال أشوف الناس الفوزوني ، شفناه كتير في التلفزيون يتكلم عن الإقتصاد وما شابه

    قبل ما تستلم الشركة الصينية موقع كبري رفاعة الحصاحيصا ( بالحصاحيصا ) ناس الهلالية عملوا دراسة متكاملة قدموها لرئيس الجمهورية قالوا فيها إنو الكبري في هذا الموقع عديم الجدوي وإقترحوا أن يُشيد بين الجنيد والهلالية علشان يخدم مصنع سكر الجنيد وكمان إمتداد مشروع الجزيرة شرق المصنع .... الرئيس حالف طلاق وقال القيامة بتقوم ، علشان كدا رفض الموضوع دا ( وهناك شهود ) على ذلك .

    أحد الثقاة وصل خلال اليومين الماضيين من رفاعة قال ناس الهلالية جارين بإيديهم وكرعيهم علشان رئاسة جامعة الجزيرة فرع البطانة ( شرق الجزيرة ) تكون عندهم في الهلالية .... والله ستر في واحد من ناس رفاعة ( في رفاعة ) عرف الموضوع ومشي الخرطوم وكلم واحد من أبناء رفاعة الغيورين ومشوا الجزيرة وقابلوا ناس جامعة الجزيرة والموضوع طرشق لناس الهلالية

    ونحن نتكلم رفاعة مدينة العلم والتعليم وتعليم البنات بدا من هنا .... وهلمجرا .....

    ونحن زاتوا قاعدين ساكت في الخليج وفي أي مكان في العالم ...

    ومن المؤكد إنو الحاصل ما حيقيف على المثالين الفوق ديل ما دام نحن متفرقين وكل واحد شايل من التاني .... وكل واحد قاعد براه .... وكل واحد بقول وأنا مالي ...... وجمعيات وروابط ... وهيئات وحاجات كتيرة قاعدة ساكت ...

    يا جماعة لمتين ناس رفاعة حيكونوا نايمين

    ولمتين حيكونوا ساكتين ساكت وقاعدين ساكت !!!
    الحبيب عبدالله..
    لك من المحبة والتقدير ماشئت..
    وحقيقة حركت مياه راكضة وفتحت باب أسئلة كبيرة ومهمة.. وجريتني لملعب بحبو جدا..
    ولو ماعندي معاد في المطار كان رديت أنتظرني بكرة.. وكان حصل قدر الله أبقي أنت زول سمح..
    معادنا بكرة أنشاء الله..
    [FRAME="4 70"]
    طالما أنه كتب علينا السفر والترحال والنشيج
    وأن أجمل سنوات العمر أستهلكت
    (في المطارات والقطارات والسفن)
    كان لزاماً علينا أن نعقد صفقة مع تلك الموانيء
    ذات القدرة على منح الرحيل الدائم بلا توقف
    موانيء الرحيل
    [/FRAME]

  2. #22
    رفاعي عبقري الصورة الرمزية السمرة
    تاريخ التسجيل
    Aug 2007
    المشاركات
    2,607
    معدل تقييم المستوى
    13

    افتراضي

    مافي حد مابحب مدينتو او قريتو لكن بأمانه في ناس كانو ضد رفاعة تتقدم وضد الكبري وعملو
    حاجات مابتتوصف اختطفو اطفال وارتكبو جرائم علشان يثبتو انو الكبري لواتعمل الرجل الغريبة حتدخل
    وحتكون في جرائم اكتر وابشع وتتخيلو الناس ديل كانو منو ؟؟؟؟؟؟؟؟؟؟؟؟؟؟؟؟؟؟؟؟ اذا كانو ديل ناس رفاعة الحقيقين بعملو كدا الباقين يعملو ا شنو وناس الهلالية البتحكو عنهم ديل بحبو قريتم وبطورو فيها وحتي ناس تمبو ل علشان كدا مافي حد غريب حيحب رفاعة وحيطورها ان شاء الله غيرنا
    وبعد الدمار ديا حترجع تاني رفاعة
    [








    [motr]بيني وبينك عاطفة تحتويني

    اجمل دروب الحب بيني وبينك

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي[/motr]

  3. #23
    عضو إداري الصورة الرمزية عبدالله إبنعوف
    تاريخ التسجيل
    May 2005
    الدولة
    الخرطوم - رفاعة
    المشاركات
    13,426
    معدل تقييم المستوى
    10

    افتراضي

    اقتباس المشاركة الأصلية كتبت بواسطة شنبوو مشاهدة المشاركة
    يار يس السلام عليكم
    كلامك صاح والله ناس رفاعة قاعدين ساكت

    بالرغم من انه ناس رفاعة ما ساهلين وشاغلين في أكبر المناصب
    علي مستوى السودان ( منصب وزير ) ولكن
    ....
    لابد من التكاتف والحركة الجماعية لأن هذه المناصب لن تدوم وعلي ناس
    رفاعة الاستفادة من ذلك قبل فوات الاوان
    تخريمة
    أكان وزير الاعلام أصدر أمر... ممكن تجيء ادارة جامعة الخرطوم وتكون في رفاعة
    خلي كليات شرق الجزيرة

    الأخ حسام
    ناس رفاعة ما ساهلين وشغالين في أكبر المناصب : يا أخي دي ما هي المسبب لينا العقدة زاتا .... أي بلد عندها ناس ما ساهلين زي العندنا إستفادت من الناس الما ساهلين ، والناس الما ساهلين أفادوا بلادهم ...... إلا نحن ناس رفاعة الما ساهلين ديل !!!!

    طيب وزير الأعلام دا الطريق إليه مش بمر عبر ديم لطفي ؟ خلاص نتلم كلنا ومن ديم لطفي هواء على وزير الأعلام ..... بالرغم من أنه ما قصر .... لكن برضو اليد الواحدة ما بتصفق ....

    الداخلية زاتا حقتنا : لكن ناس رفاعة الما ساهلين ، الله يهديهم بدل يجيبوا الداخلية جابوا دكتور الهلالية الما عتب رفاعة ....

    يا أخي البترول زاتو .... مش فيهو ناس من عندنا !!!!

    بيني وبينك ما ساهلين : وربنا يسهل علينا وعليهم !!

  4. #24
    عضو إداري الصورة الرمزية عبدالله إبنعوف
    تاريخ التسجيل
    May 2005
    الدولة
    الخرطوم - رفاعة
    المشاركات
    13,426
    معدل تقييم المستوى
    10

    افتراضي

    اقتباس المشاركة الأصلية كتبت بواسطة مواني الرحيل مشاهدة المشاركة
    معقولة بس؟؟ كون عندي رغبة في تطوير قريتي ليس بالضرورة تدمير ماحولي.. محبتك لمدينتك ورغبتك في تطويرها ليس معناه معاداة الأخرين.. سبق وكتبنا وقنلنا رفاعة قبلة لكل أبناء الوطن وليس
    أبناء المنطقة فقط..
    الأخ الكريم متوكل
    مشكور على المرور ..... والكلام الرقيق عن رفاعة ...... حفظك الله وأبقاك

  5. #25
    رفاعي مُتميز
    تاريخ التسجيل
    Jun 2007
    الدولة
    السودان أم درمان المهندسين
    المشاركات
    1,462
    معدل تقييم المستوى
    12

    افتراضي

    حقيقة أن مدينتنا العظيمة أهملت كثيرا فى كل الحقب التاريخية السياسية المختلفة بأسباب متعددة:
    1/ الفترات الديمقراطية مهزوزة تعالج الأمور التنموية حسب مقتضى الحال وكبرى رفاعة الذى حول لمنطقةسنجة أبلغ نموذج ...والشواهد كثيرة.
    2/الحكم العسكرى :تصنيف رفاعة بالمعارضة دائما عائقا فى طريق التنمية رغم الوعود التصالحية..فترة نميرى نموذج لذلك.
    3/ تقاعس كثيرا من أبناء المنطقة الذين أعتلوا مناصب دستورية مختلفة ..فمنهم من كان همه المحافظة على معقده والخوف الدخول فى مساجلات مابين أهل المنطقة والحكومة....
    4/هنالك من يتصدر لجان التنمية ولكن من منابر عناقريب السوق كما ذكرت أخى

    الحــــــل
    بفضل الله قيام هذه الرابطة يمثل النواة الحقيقة للأهتمام بتنمية المنطقة....كما أنها الوعاء الجامع لكل مواطنى المنطقة الذى نتجاوز فية كل سلبيات الماضى

  6. #26
    عضو إداري الصورة الرمزية عبدالله إبنعوف
    تاريخ التسجيل
    May 2005
    الدولة
    الخرطوم - رفاعة
    المشاركات
    13,426
    معدل تقييم المستوى
    10

    افتراضي

    اقتباس المشاركة الأصلية كتبت بواسطة شموس ام درمان مشاهدة المشاركة
    ريسنا الجميل

    ليست رفاعة وحدها .. بل هي جزء من بلدى الممهور بتعنت الحكومات التمعاقبة

    واصرارها على أن تظل كل المدن ... تعاني وتعاني ..

    دعوة التوحد من اجل البناء أسمى الدعوات

    لك الحق في النهوض بمنطقتك وللاخرين الحق ايضا

    التنمية المتكاملة ........ حلم الوطن الواحد

    وليتحرك ابناء رفاعة وابناء الهلالية وكل ابناء السودان

    قول ليهم يا ريس ما تقعدوا ساااااااااااي

    اتحركوا .. ابنوا ... اتقدموا ... انهضوا
    إشراقة
    خالص الشكر والتقدير على المرور الأنيق

    تعرفي مشكلتنا نحن في رفاعة ليست مع الحكومة ، الحكومة أصلها ما سائلة في ناس رفاعة ، ليه بقولوا ناس رفاعة معارضة ، وناس رفاعة صدقوا إنهم معارضة بالرغم من أنها ما معارضة هي سلبية فقط وسلبية منتهاها ..... كل الحكومات المتعاقبة على السودان أصبحت لديها الفكرة دي ..... الشيء الوحيد الذي يحسب لهذه الحكومة هو بداية تشييد كبري رفاعة ودا زاتو ما جاء بالساهل حليفة وطلاق والقيامة بتقوم .... وأشياء من هذا القبيل

    وبعدين أصلاً نحن ما كنا عايزين نقعد ساي ... لكن ما يجبرك على الساي إلا الأمر من الساي زاتوا .... عشان كدا نقعد .... ونضف البيت ونرتب البيت ونجيب الناس ونتسالم ونتقالد ونتناقش إخوان إخوان ... ويعلوا صوتنا ... وفلان يشاكل فلان .... ودا بعد شوية يحدر للتاني ... أها والترتيب يطرشق ... ونقوم تاني نعمل إجتماع ... ويحصل اللي يحصل وهلم جرا ( بتاعة الصادق المهدي ) أها حالنا زاتو زي حال الصادق المهدي وهلم جرا ...

    ياريت ..... نتحرك ..... وقبل ما نبني ننهض .... وإن شاء الله نتقدم خطوتين .... ما فاضل لينا إلا نرفع السلاح وندخل الغابة .... ورفاعة زاتا ما فيها غابة تشد الحيل ...

    والله المستعان

  7. #27
    عضو إداري الصورة الرمزية عبدالله إبنعوف
    تاريخ التسجيل
    May 2005
    الدولة
    الخرطوم - رفاعة
    المشاركات
    13,426
    معدل تقييم المستوى
    10

    افتراضي

    اقتباس المشاركة الأصلية كتبت بواسطة حذيفة عباس مشاهدة المشاركة
    العزيز أبو هبة

    تحية بقدر همتك وحرصك وغيرتك على البلد

    [MARK="FFFF00"]أشياء كتيرة ضاعت على رفاعة لعدم الإهتمام ولعدم الناس البتابع .... ولعدم الناس العايزة تعمل لرفاعة

    عدم التكاتف والإلتفاف حول رفاعة دا أس المشكلة [/MARK]

    لخصت المشكلة وحصرتها وما في اي حاجة ممكن تتم اضافتها !

    أشكرك حذيفة وربنا يخليك

    تعرف تنطبق علينا تماماً المقولة المشهورة : حالنا حال العدو المو صليح ......

    والله المستعان !!!

  8. #28
    عضو إداري الصورة الرمزية عبدالله إبنعوف
    تاريخ التسجيل
    May 2005
    الدولة
    الخرطوم - رفاعة
    المشاركات
    13,426
    معدل تقييم المستوى
    10

    افتراضي

    اقتباس المشاركة الأصلية كتبت بواسطة خالد عثمان مشاهدة المشاركة
    الأخ عبد الله بن عوف

    قبل هذا التاريخ شبهنا رفاعه ما حولها بطائر ضخم

    بأجنحة ممتدة شمالاً وجنوباً ورأسه وصدره رفاعة

    وبقية جسمه تمتد في الشرق

    هل يمكن لطائر أن يطير بدون أجنحته

    وهل هناك فائدة لاجنحة في الفراغ

    إذا لم تتطور رفاعة فكل الذي يجري حرث في البحر

    المناشدة قوية من جانبكم ولكن نتمنى التحرك من الجميع وبالنفس الهاديء

    وذكر فالذكرى تنفع المؤمنين

    قرى رفاعة ليس لها فكاك من رفاعة ستظل هي المركز الذي يدور حوله الجميع

    قد تتحقق بعض الناجحات ولكنها ستكون منكفأة وموقلة في المحلية

    الأخ الكريم خالد
    تحياتي وإحتراماتي

    وكأني بهذا الطائر هو الرخ .... أو العنقاء

    إن كان رأس الطائر وصدره هو رفاعة فمن المحتمل أن ترتفع الأجنحة .... لكن حيتهد حيل الطائر عشان يرتفع الراس والصدر ...... وبعدين يا أخي أنفلونزا الطيور خلت ليها طائر ماشي ولا راكي ....

    يا أخي نحن غُلب حمارنا ..... وحمارنا زاتو وقف في العقبة .... يعني لو باريتوا رفاعة العقبة دي زاتا ما حتقدروا تتخطوها ...... وحمارنا حيسد ليكم الدرب ...

    يا ريت يا اخي نتحرك جميعاً ..... حتى إن كان بخطوات بطيئة لابد وأن تكون واثقة وأمامها هدف واضح

    ربنا يسهل ....

  9. #29
    رفاعي عبقري الصورة الرمزية أمير عمر
    تاريخ التسجيل
    Apr 2006
    الدولة
    دبي - الأمارات
    المشاركات
    2,384
    معدل تقييم المستوى
    15

    افتراضي

    العزيز أبوهبة

    إذاً هي دعوة صادقة للعمـــــــل
    حتى لا تفقد بريقها دعونا نضع \
    خطة عمل واضحة بدون لجان وبدون
    أجتماعات وتنظير ونبدأ من هنـــا

    ضع في هذا البوست تصورك
    وشنو الحاجات الممكن الناس تبدأ بيها
    وأيدينا في أيدين بعض ونشوف ح نصل وين

    إحتمال الما قدروا يعملوه ناس المناصب
    نقدر نعملوا نحن من هذا الموقع
    وتكون بذرة خير نضع بيها أجيال قادمة في
    الطريق السليم أو على الأقل نخلي المنبر
    دا صوتو مسموع لدرجة تخلي الناس دي
    تتحرك

    لا يَبْلُغُ العاقُلُ مِنْ خِصْمِه ... ما يَبْلُغُ الجاهلُ مِنْ نَفْسِهِ

  10. #30
    عضو إداري الصورة الرمزية عبدالله إبنعوف
    تاريخ التسجيل
    May 2005
    الدولة
    الخرطوم - رفاعة
    المشاركات
    13,426
    معدل تقييم المستوى
    10

    افتراضي

    اقتباس المشاركة الأصلية كتبت بواسطة مواني الرحيل مشاهدة المشاركة
    الحبيب عبدالله..
    لك من المحبة والتقدير ماشئت..
    وحقيقة حركت مياه راكضة وفتحت باب أسئلة كبيرة ومهمة.. وجريتني لملعب بحبو جدا..
    ولو ماعندي معاد في المطار كان رديت أنتظرني بكرة.. وكان حصل قدر الله أبقي أنت زول سمح..
    معادنا بكرة أنشاء الله..
    الأخ الكريم متوكل
    ولك من المحبة قدر ما تشاء وأكثر مما تشاء
    والمحبة أخي الكريم هي جزء أصيل وهدف سامي من أهداف هذا المنتدى العامر بوجودكم

    أسأل الله لك السلامة في حلك وترحالك ... وفي إنتظارك ، إن أذن الله لنا البقاء ، لتثري الموضوع بفكرك وكلماتك النضرة .


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
الساعة الآن 08:37 PM
Powered by vBulletin® Version 4.2.3
Copyright © 2018 vBulletin Solutions, Inc. All rights reserved.
Translate By Almuhajir
المواضيع والمشاركات في منتديات رفاعة للجميع تعبر عن رؤية كاتبيها
vBulletin Skin By: PurevB.com