صفحة 2 من 12 الأولىالأولى 1234567891011 ... الأخيرةالأخيرة
النتائج 11 إلى 20 من 116
  1. #11
    عضو إداري الصورة الرمزية عبدالله ابنعوف
    تاريخ التسجيل
    May 2005
    الدولة
    الخرطوم - رفاعة
    المشاركات
    13,440
    معدل تقييم المستوى
    10

    افتراضي

    هالة

    برونزية

    أم تمارا

    منتهى الغيرة

    حفظكم الله

  2. #12
    مشرف منتدى الصورة الرمزية شنبوو
    تاريخ التسجيل
    Sep 2006
    المشاركات
    3,607
    مقالات المدونة
    1
    معدل تقييم المستوى
    15

    افتراضي

    يار يس السلام عليكم
    كلامك صاح والله ناس رفاعة قاعدين ساكت

    بالرغم من انه ناس رفاعة ما ساهلين وشاغلين في أكبر المناصب
    علي مستوى السودان ( منصب وزير ) ولكن ....
    لابد من التكاتف والحركة الجماعية لأن هذه المناصب لن تدوم وعلي ناس
    رفاعة الاستفادة من ذلك قبل فوات الاوان
    تخريمة
    أكان وزير الاعلام أصدر أمر... ممكن تجيء ادارة جامعة الخرطوم وتكون في رفاعة
    خلي كليات شرق الجزيرة

  3. #13
    رفاعي مُتميز الصورة الرمزية شموس ام درمان
    تاريخ التسجيل
    Mar 2006
    المشاركات
    1,115
    معدل تقييم المستوى
    14

    افتراضي

    اقتباس المشاركة الأصلية كتبت بواسطة عبدالله إبنعوف مشاهدة المشاركة


    يا جماعة لمتين ناس رفاعة حيكونوا نايمين

    ولمتين حيكونوا ساكتين ساكت وقاعدين ساكت !!!
    ريسنا الجميل

    ليست رفاعة وحدها .. بل هي جزء من بلدى الممهور بتعنت الحكومات التمعاقبة

    واصرارها على أن تظل كل المدن ... تعاني وتعاني ..

    دعوة التوحد من اجل البناء أسمى الدعوات

    لك الحق في النهوض بمنطقتك وللاخرين الحق ايضا

    التنمية المتكاملة ........ حلم الوطن الواحد

    وليتحرك ابناء رفاعة وابناء الهلالية وكل ابناء السودان

    قول ليهم يا ريس ما تقعدوا ساااااااااااي

    اتحركوا .. ابنوا ... اتقدموا ... انهضوا
    لنبقى... كما الأطفالْ

  4. #14
    عضو إداري الصورة الرمزية عبدالله ابنعوف
    تاريخ التسجيل
    May 2005
    الدولة
    الخرطوم - رفاعة
    المشاركات
    13,440
    معدل تقييم المستوى
    10

    افتراضي

    اقتباس المشاركة الأصلية كتبت بواسطة عاصم عثمان حمد مشاهدة المشاركة


    الاخ ابو هبة ..

    اتمني ان تزول كل الاسباب التي تعيق تقدم المدينة ..

    وفعلا المسئولية جماعية ..

    واعتقد انو حل الموضوع انو ناس رفاعة يتعلموا كيف يتكاتفوا ويكون بيناتهم قنوات حقيقة للتواصل مع الاشياء التي تقدم رفاعة والالتفاف على كل ما يكال من خلفها وحصلت مواقف كثيرة منها الكبري ( بتاع سنجة الحالي ) وكم من فوائد عظيمة على رفاعة طااااارت بفعل فااااعل .. والكل معزور لانه كل انسان عاوز ينمي منطقته .. والامور دي لا يمكن متابعتها الا من داخل رفاعة .. يعني ناس الخارج لا يمكن يكونوا في نفس حجم الأداء لمن بداخل (رفاعة) .. والا تكون المجهودات كلها ترتكز على امور لا تقدم ولا تؤخر وفي اشياء غير قيمة ..

    بالمناسبة في حاجة مهمة ..

    لو ما اتبنت ثقة حقيقية بين ابناء رفاعة عمرهم ما حايقدروا يتكاتفوا ويلتفوا حول رفاعة .. ويتركوا الصغائر .. الرجوع للاصل والعمل على انسان رفاعة وتوعيته وارشاده واعتقد انو دي اهم حاجة ..
    ولك الشكر الجزيل ..
    عاصم
    معك أسأل الله سبحانه وتعالى أن تزول الأسباب ، لكن دايرة ليها دفرة جامدة خالص

    ناس الداخل ربنا يكون في عونهم ، الأمل في الشباب وفي رابطة رفاعة للجميع .... البقية ربنا يهديهم

    أشياء كتيرة ضاعت على رفاعة لعدم الإهتمام ولعدم الناس البتابع .... ولعدم الناس العايزة تعمل لرفاعة

    عدم التكاتف والإلتفاف حول رفاعة دا أس المشكلة ، أنظر حولك في جدة هل التكاتف موجود وأبلغ رد هو ما يحصل في رابطة أبناء رفاعة في جدة

    ربنا يهدي

  5. #15
    عضو إداري الصورة الرمزية عبدالله ابنعوف
    تاريخ التسجيل
    May 2005
    الدولة
    الخرطوم - رفاعة
    المشاركات
    13,440
    معدل تقييم المستوى
    10

    افتراضي

    اقتباس المشاركة الأصلية كتبت بواسطة hala ali مشاهدة المشاركة
    المصيب ياريس انهم حا أفضلوا نايمين والظاهر كده لحدي يوم القيامة المشكلة فينا نحن ناس رفاعة كل زول همة نفسه ومصلحتو وبس ، ما عندهم شغله غير القيل والقال والقوعاد في الضلله ما شاعرين بالداير حولهم .الاتفاق وحده هو البوصلنا إلي الحاجة العايزنها من تعمير وتشيد رفاعة لكن من وين نجيب الناس المتفقة والله ألا نشتريهم ياريس وبالطريقة ده رفاعة ما حتمشي لقدام أبسط حاجة من المفترض ان تكون كل التخصصات الطبية موجودة بحكم أنها مدينة كبيرة ولكن أين نحن من هذا.واليد الواحدة ما بتصفق ياريس لو ما تحدنا كلنا وقفنا يد واحده ما بنمش لقدام
    والمشكله الأكبر أنو ناس رفاعة ضد بعضهم بحبو الزول الغريب وبساعدوه ,اكبر دليل علي كلام ده زي ما قلت دكتور الهلالية فاز بسبهم أين هو الآن وعملو شنو للرفاعة ولاحاجة ولا حايعمل.
    افيقوا من الغيبوبة التي انتم بها فلا يوجد حل سواء تكاتفكم مع بعض واحترامك وخوفكم علي بعض بيضو النية :mh524:
    أشكرك هالة
    تعرفي لينا فترة نهلل ونكبر ونقول أعلام رفاعة ونوثق لأعلام رفاعة ولناس رفاعة في كل المجالات ... لو نظرنا لناس كل المجالات ديل .... ما حتلقي أي واحد فيهم عمل حاجة لرفاعة ، وإنما هي رفاعة اللي عملت ليهم ... لأنها أدتهم أسمها .... وعلمتهم وربتهم ..... وبمجرد ما عبروا البنطون أدوها ضهرم ..... مش هم بس ....... نحن الفصيحين ديل البنتكلم ونقول برضو عملنا شنو ؟

    مع العلم بأنو في ناس عايزة تعمل لرفاعة ... لكن ما لاقية الشيء البحفزا .... وفي نفس الوقت كلام الناس القاعدة في العناقريب محبط ومثبط للهمم .

    أمشي راجعي منتدى رفاعة ولجنة التنسيق والجمعيات والروابط ... مجموعة مشاريع وإقتراحات .... وتحليل ... وتفصيل .... وكلام زي العسل ..... المحصلة صفر ...

    ياريت نفيق كلنا من الغيبوبة ......

  6. #16
    رفاعي مُتميز الصورة الرمزية حذيفة عباس
    تاريخ التسجيل
    Jul 2005
    الدولة
    الرياض - المملكة العربية السعودية
    المشاركات
    1,482
    معدل تقييم المستوى
    14

    افتراضي

    العزيز أبو هبة

    تحية بقدر همتك وحرصك وغيرتك على البلد

    [MARK="FFFF00"]أشياء كتيرة ضاعت على رفاعة لعدم الإهتمام ولعدم الناس البتابع .... ولعدم الناس العايزة تعمل لرفاعة

    عدم التكاتف والإلتفاف حول رفاعة دا أس المشكلة [/MARK]

    لخصت المشكلة وحصرتها وما في اي حاجة ممكن تتم اضافتها !
    ان رسول الله صلى الله عليه وسلم فخما مفخما، يتلألأ وجهه تلألؤ القمر ليلة البدر، أطول من المربوع واقصر من المشذّب، عظيم الهامة، رجل الشعر، إن انفرقت عقيقته فرق، وإلا فلا يجاوز شعره شحمة أذنيه، إذا هو وفره، أزهر اللون، واسع الجبين، أزج الحواجب، سوابغ من غير قرن بينهما عرق يدره الغضب، أقنى العرنين، له نور يعلوه، ويحسبه من لم يتأمله أشم، كثّ اللحية، أدعج، سهل الخدين، ضليع الفم، أشنب، مفلج الأسنان دقيق المسربة، كأن عنقه جيد دمية، في صفاء الفضة ب

  7. #17
    عضو إداري الصورة الرمزية عبدالله ابنعوف
    تاريخ التسجيل
    May 2005
    الدولة
    الخرطوم - رفاعة
    المشاركات
    13,440
    معدل تقييم المستوى
    10

    افتراضي

    اقتباس المشاركة الأصلية كتبت بواسطة برونزية مشاهدة المشاركة
    الاخ ابنعوف اسال نفسك وكلنا نسأل نفسنا منو الموجود حاليا من اعلام رفاعة وابنائها الممكن اتحركو واشوفو رفاعه بالمناسبه كل الماسكين وظائف حيويه فى رفاعه اغراب ومعظم تجار رفاعه من مناطق تانية ودى ظاهرة ملاحظه ما عدا السلك التعليمى ناس رفاعه وح تلقى فئة قليلة قلبها على البلد بس اليد الواحدة ما بتصفق مع انه لو نظرنا حولنا اغلبية الماسكين مناصب كبيرة فى العاصمه والخارج من رفاعه بس الظاهر انه رفاعه كانت مرحلة وعدت رفاعه تشتكى من عدم الوجيع.
    وخلو الكلام الكتير واتحدو خصوصا الموجودين بالخارج.
    وانا بعرف ناس قلبهم علي رفاعه بس ما لاقين سكة واضحه انفذو بها خططتهم
    بعدين مش ناس الهلاليه بس كل المناطق المحيطه برفاعه عايزة تبقى الاحسن وتدمر رفاعه
    برونزية

    ما في ناس في رفاعة لأنه رفاعة أساساً فاقدة الشيء البخلي ناس رفاعة يكونوا فيها ، جامعات .... مافي إنما في شوية كليات ... وللأسف الأسف الشديد أبناء وبنات رفاعة لا يقبلوا أن يكونوا فيها ، تخيلي الدفعة الأخيرة اللي إتخرجت فيها فقط ستة بنات من رفاعة مع أنو البقية من جيمع بقاع السودان وحتى من دارفور وكردفان ...

    ثم الهجرة الداخلية للعاصمة ولبقية المدن لا بد وأن يجوا ناس تانيين عشان يحلوا أماكن ناس رفاعة لذلك السوق وغيرو والمصالح الحكومية فيها مجموعة كبيرة من غير ناس رفاعة ( إحلال ) ... وما دام الهجرة حق مشروع لكل إنسان ... في رفاعة كالعادة الغريب مرحب بيه وما عندنا إعتراض على كدا ما دام في غريب نافع لرفاعة ...

    أما ناس المناصب الكبيرة في الخرطوم وغيرا من ناس رفاعة : فترنا وتعبنا من الكلام عنهم وأحسن لينا ( نطم خشمنا ونربع يدينا بس )

    أتحدوا ..... يا رييييييييييييت ومعك برضو بقول إتحدوا .... وإن شاء الله إتحدوا !!!

    يلا ورينا الناس القلبهم على رفاعة ديل ... على الأقل نقول وجدنا - الكنز - من غير خريطة ...

    ناس حول رفاعة ، من حقهم يكونوا الأحسن ما دام هم قلبهم على قراهم ومدنهم .... مش زينا نحن قول ولا فعل !!!

  8. #18
    رفاعي مُتميز
    تاريخ التسجيل
    Nov 2005
    المشاركات
    1,294
    معدل تقييم المستوى
    14

    افتراضي

    الأخ عبد الله بن عوف

    قبل هذا التاريخ شبهنا رفاعه ما حولها بطائر ضخم

    بأجنحة ممتدة شمالاً وجنوباً ورأسه وصدره رفاعة

    وبقية جسمه تمتد في الشرق

    هل يمكن لطائر أن يطير بدون أجنحته

    وهل هناك فائدة لاجنحة في الفراغ

    إذا لم تتطور رفاعة فكل الذي يجري حرث في البحر

    المناشدة قوية من جانبكم ولكن نتمنى التحرك من الجميع وبالنفس الهاديء

    وذكر فالذكرى تنفع المؤمنين

    قرى رفاعة ليس لها فكاك من رفاعة ستظل هي المركز الذي يدور حوله الجميع

    قد تتحقق بعض الناجحات ولكنها ستكون منكفأة وموقلة في المحلية

    [FRAME="3 70"]أصيل جواي حب الناس
    ويطيش مرات مرات يفوت الحد[/FRAME]

  9. #19
    عضو إداري الصورة الرمزية عبدالله ابنعوف
    تاريخ التسجيل
    May 2005
    الدولة
    الخرطوم - رفاعة
    المشاركات
    13,440
    معدل تقييم المستوى
    10

    افتراضي

    اقتباس المشاركة الأصلية كتبت بواسطة ام تمارا مشاهدة المشاركة
    أولاً ياريس

    السلام عليكم ورحم الله وبركاته ،،،

    ثانياً :



    اي واحد من أبناء رفاعة من أصحاب المقامات الرفيعة و المناصب العالية عندما يخرج منها يتبرأ منها وهذه حقيقة ...... أذكرها للجميع ......... و الجميع يعرف هذه المعلومة ....(وانت سيد العارفين)
    قليل من يرد الجميل للأم الحنون رفاعة .... لا تحتاج لأي دعم خارج نطاق أبنائها .... ولكن من يسمع

    فيا ريس يجب التفاكر في هذه المعضلة .....

    ولي عودة
    أم تمارا

    كلام حقيقي ...

    التفاكر في المعضلة !!! دي عايزة سنين علشان تحل ..... وبعدين عايزين برضو ناس فلسفة وطب نفسي ..... وتخصصات عليا في كل المجالات علشان نحل المعضلة دي ..... بس تعرفي لا أعتقد أنها ستحل في القرن الواحد والعشرين

    أسأل الله أن يحقق " الآمال الكبار " على يد الأجيال القادمة ... على شرط أن يكون أول درس هو التربية الوطنية وحب رفاعة ...

  10. #20
    عضو إداري الصورة الرمزية عبدالله ابنعوف
    تاريخ التسجيل
    May 2005
    الدولة
    الخرطوم - رفاعة
    المشاركات
    13,440
    معدل تقييم المستوى
    10

    افتراضي

    اقتباس المشاركة الأصلية كتبت بواسطة عصام محمد يوسف مشاهدة المشاركة
    الاخ/ ابوهبة لك عاطر التحايا واسف لغيابى لانى كنت مسافر خارج المملكةِِِِِِ

    واقول يا ابناء مدينة رفاعة000 رفاعة التى اصبحت مدينة للغرباء؟
    هل يرضيكم ان ياتى الاسعاف من تمبول لاخز مريض وعلاجه فى مستشفى تمبول0
    ونحن نتفرج00 مدينة رفاعة التى انهارت فيها كل الخدمات ونحن نتفرج ؟ الى متى سنظل هكذا يجب ان نتفاعل [MARK="00CC00"]ونضع ايدنا فوق بعضها البعض ونقف بجانب مدينتنا العريقة التى تحتاج الينا بالفعل0
    [/MARK]

    الأخ الكريم عصام
    سلام من الله عليك

    وألف ألف حمداً لله على السلامة

    قول لي أخي عصام هو أصلاً في خدمات علشان تنهار ؟ تعرف بس أخد ليك مشوار ما بين زنك الخضار وزنك اللحمة وشوف كان تمر تاني بهناك !!!

    وكما ذكرت أنت : الحل في المظلل بالأخضر ...... ويا ريت يتم ( تمنيات وأحلام ) بس ما تكون أحلام ظلوط ..... هو ظلوط دا أحلامو كانت شنو ؟


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
الساعة الآن 10:28 AM
Powered by vBulletin® Version 4.2.3
Copyright © 2018 vBulletin Solutions, Inc. All rights reserved.
Translate By Almuhajir
المواضيع والمشاركات في منتديات رفاعة للجميع تعبر عن رؤية كاتبيها
vBulletin Skin By: PurevB.com