صفحة 1 من 12 1234567891011 ... الأخيرةالأخيرة
النتائج 1 إلى 10 من 116
  1. #1
    عضو إداري الصورة الرمزية عبدالله ابنعوف
    تاريخ التسجيل
    May 2005
    الدولة
    الخرطوم - رفاعة
    المشاركات
    13,440
    معدل تقييم المستوى
    10

    افتراضي ناس رفاعة قاعدين ساكت

    في ناس بتشتغل لمدينتا صاح ولو على حساب مدينة أخرى أو ناس آخرين

    وفي ناس بتعمل في صمت علشان ترفع من مستوى مدينتا ولا يهمها القالوا والقلنا

    وفي ناس بتجري يمين وشمال مع بعض علشان مصلحة مدينتا

    وفي ناس قاعدة ساكت في عناقريب السوق وفي البرندات وما عندها إلا فلان عمل وفلان قال ، وفي الخرطوم وفي أي مكان في السودان وفي الخليج وفي أي مكان في العالم ناس رفاعة تلاقيهم في أعلى المناصب لكن رفاعة وراء ضهرهم ، إلا من رحم ربي ومن رحم ربي ديل قليل منهم في الخرطوم وفي رفاعة بس

    عِنداً في والي الجزيرة السابق الشريف أحمد عمر بدر ناس رفاعة سقطوا البروفيسور الزبير بشير طه وزير الداخلية الحالي وفوزوا الدكتور منو ما عارف من ناس الهلالية

    الدكتور بتاع الهلالية من يوما ما شافوه في رفاعة ولا ختف رجلوا قال أشوف الناس الفوزوني ، شفناه كتير في التلفزيون يتكلم عن الإقتصاد وما شابه

    قبل ما تستلم الشركة الصينية موقع كبري رفاعة الحصاحيصا ( بالحصاحيصا ) ناس الهلالية عملوا دراسة متكاملة قدموها لرئيس الجمهورية قالوا فيها إنو الكبري في هذا الموقع عديم الجدوي وإقترحوا أن يُشيد بين الجنيد والهلالية علشان يخدم مصنع سكر الجنيد وكمان إمتداد مشروع الجزيرة شرق المصنع .... الرئيس حالف طلاق وقال القيامة بتقوم ، علشان كدا رفض الموضوع دا ( وهناك شهود ) على ذلك .

    أحد الثقاة وصل خلال اليومين الماضيين من رفاعة قال ناس الهلالية جارين بإيديهم وكرعيهم علشان رئاسة جامعة الجزيرة فرع البطانة ( شرق الجزيرة ) تكون عندهم في الهلالية .... والله ستر في واحد من ناس رفاعة ( في رفاعة ) عرف الموضوع ومشي الخرطوم وكلم واحد من أبناء رفاعة الغيورين ومشوا الجزيرة وقابلوا ناس جامعة الجزيرة والموضوع طرشق لناس الهلالية

    ونحن نتكلم رفاعة مدينة العلم والتعليم وتعليم البنات بدا من هنا .... وهلمجرا .....

    ونحن زاتوا قاعدين ساكت في الخليج وفي أي مكان في العالم ...

    ومن المؤكد إنو الحاصل ما حيقيف على المثالين الفوق ديل ما دام نحن متفرقين وكل واحد شايل من التاني .... وكل واحد قاعد براه .... وكل واحد بقول وأنا مالي ...... وجمعيات وروابط ... وهيئات وحاجات كتيرة قاعدة ساكت ...

    يا جماعة لمتين ناس رفاعة حيكونوا نايمين

    ولمتين حيكونوا ساكتين ساكت وقاعدين ساكت !!!

  2. #2
    رفاعي عبقري
    تاريخ التسجيل
    Dec 2005
    الدولة
    جدة
    المشاركات
    4,103
    معدل تقييم المستوى
    18

    افتراضي

    اقتباس المشاركة الأصلية كتبت بواسطة عبدالله إبنعوف مشاهدة المشاركة


    ومن المؤكد إنو الحاصل ما حيقيف على المثالين الفوق ديل ما دام نحن متفرقين وكل واحد شايل من التاني .... وكل واحد قاعد براه .... وكل واحد بقول وأنا مالي ...... وجمعيات وروابط ... وهيئات وحاجات كتيرة قاعدة ساكت ...

    يا جماعة لمتين ناس رفاعة حيكونوا نايمين

    ولمتين حيكونوا ساكتين ساكت وقاعدين ساكت !!!



    الاخ ابو هبة ..

    اتمني ان تزول كل الاسباب التي تعيق تقدم المدينة ..

    وفعلا المسئولية جماعية ..

    واعتقد انو حل الموضوع انو ناس رفاعة يتعلموا كيف يتكاتفوا ويكون بيناتهم قنوات حقيقة للتواصل مع الاشياء التي تقدم رفاعة والالتفاف على كل ما يكال من خلفها وحصلت مواقف كثيرة منها الكبري ( بتاع سنجة الحالي ) وكم من فوائد عظيمة على رفاعة طااااارت بفعل فااااعل .. والكل معزور لانه كل انسان عاوز ينمي منطقته .. والامور دي لا يمكن متابعتها الا من داخل رفاعة .. يعني ناس الخارج لا يمكن يكونوا في نفس حجم الأداء لمن بداخل (رفاعة) .. والا تكون المجهودات كلها ترتكز على امور لا تقدم ولا تؤخر وفي اشياء غير قيمة ..

    بالمناسبة في حاجة مهمة ..

    لو ما اتبنت ثقة حقيقية بين ابناء رفاعة عمرهم ما حايقدروا يتكاتفوا ويلتفوا حول رفاعة .. ويتركوا الصغائر .. الرجوع للاصل والعمل على انسان رفاعة وتوعيته وارشاده واعتقد انو دي اهم حاجة ..

    ولك الشكر الجزيل ..

  3. #3
    رفاعي مشارك
    تاريخ التسجيل
    Oct 2007
    المشاركات
    320
    معدل تقييم المستوى
    12

    افتراضي

    المصيب ياريس انهم حا أفضلوا نايمين والظاهر كده لحدي يوم القيامة المشكلة فينا نحن ناس رفاعة كل زول همة نفسه ومصلحتو وبس ، ما عندهم شغله غير القيل والقال والقوعاد في الضلله ما شاعرين بالداير حولهم .الاتفاق وحده هو البوصلنا إلي الحاجة العايزنها من تعمير وتشيد رفاعة لكن من وين نجيب الناس المتفقة والله ألا نشتريهم ياريس وبالطريقة ده رفاعة ما حتمشي لقدام أبسط حاجة من المفترض ان تكون كل التخصصات الطبية موجودة بحكم أنها مدينة كبيرة ولكن أين نحن من هذا.واليد الواحدة ما بتصفق ياريس لو ما تحدنا كلنا وقفنا يد واحده ما بنمش لقدام
    والمشكله الأكبر أنو ناس رفاعة ضد بعضهم بحبو الزول الغريب وبساعدوه ,اكبر دليل علي كلام ده زي ما قلت دكتور الهلالية فاز بسبهم أين هو الآن وعملو شنو للرفاعة ولاحاجة ولا حايعمل.
    افيقوا من الغيبوبة التي انتم بها فلا يوجد حل سواء تكاتفكم مع بعض واحترامك وخوفكم علي بعض بيضو النية :mh524:

  4. #4
    عضو رفاعي الصورة الرمزية برونزية
    تاريخ التسجيل
    May 2007
    المشاركات
    4,223
    معدل تقييم المستوى
    16

    افتراضي

    الاخ ابنعوف اسال نفسك وكلنا نسأل نفسنا منو الموجود حاليا من اعلام رفاعة وابنائها الممكن اتحركو واشوفو رفاعه بالمناسبه كل الماسكين وظائف حيويه فى رفاعه اغراب ومعظم تجار رفاعه من مناطق تانية ودى ظاهرة ملاحظه ما عدا السلك التعليمى ناس رفاعه وح تلقى فئة قليلة قلبها على البلد بس اليد الواحدة ما بتصفق مع انه لو نظرنا حولنا اغلبية الماسكين مناصب كبيرة فى العاصمه والخارج من رفاعه بس الظاهر انه رفاعه كانت مرحلة وعدت رفاعه تشتكى من عدم الوجيع.
    وخلو الكلام الكتير واتحدو خصوصا الموجودين بالخارج.
    وانا بعرف ناس قلبهم علي رفاعه بس ما لاقين سكة واضحه انفذو بها خططتهم
    بعدين مش ناس الهلاليه بس كل المناطق المحيطه برفاعه عايزة تبقى الاحسن وتدمر رفاعه

  5. #5
    رفاعي مُتميز الصورة الرمزية ام تمارا
    تاريخ التسجيل
    Feb 2007
    المشاركات
    1,849
    معدل تقييم المستوى
    13

    افتراضي

    أولاً ياريس

    السلام عليكم ورحم الله وبركاته ،،،

    ثانياً :



    اي واحد من أبناء رفاعة من أصحاب المقامات الرفيعة و المناصب العالية عندما يخرج منها يتبرأ منها وهذه حقيقة ...... أذكرها للجميع ......... و الجميع يعرف هذه المعلومة ....(وانت سيد العارفين)
    قليل من يرد الجميل للأم الحنون رفاعة .... لا تحتاج لأي دعم خارج نطاق أبنائها .... ولكن من يسمع

    فيا ريس يجب التفاكر في هذه المعضلة .....

    ولي عودة
    [FRAME="11 70"]
    زمان القهر علمنا أن الحب سلطان بلا أوطان
    و أن مصارع العشاق آهات و أضرحة من الحرمان
    [/FRAME]

  6. #6
    عضو إداري الصورة الرمزية عبدالله ابنعوف
    تاريخ التسجيل
    May 2005
    الدولة
    الخرطوم - رفاعة
    المشاركات
    13,440
    معدل تقييم المستوى
    10

    افتراضي

    رجلٌ والرجال قليل

    الأستاذ والمربي الفاضل

    الشيخ أبوعصاية

    ربنا يديك العافية

    يطول عمرك

    ويخليك لرفاعة

  7. #7
    عضو إداري الصورة الرمزية عبدالله ابنعوف
    تاريخ التسجيل
    May 2005
    الدولة
    الخرطوم - رفاعة
    المشاركات
    13,440
    معدل تقييم المستوى
    10

    افتراضي

    ناس الهلالية

    أديتونا درس

    في الوحدة

    الإتحاد

    التكاتف

    الكلمة الواحدة

    اليد الواحدة

    ختيتوا بلدكم في عيونكم

    وفي رأسكم

    وعملتوا لبلدكم

    وأجمل شيء إنها أدارت ظهرها لرفاعة وإستغنت عنها

    لأنها أصبحت أحسن بكثير من رفاعة

    يديكم العافية

  8. #8
    عضو إداري الصورة الرمزية عبدالله ابنعوف
    تاريخ التسجيل
    May 2005
    الدولة
    الخرطوم - رفاعة
    المشاركات
    13,440
    معدل تقييم المستوى
    10

    افتراضي

    ناس تمبول

    وقرى رفاعة

    نرفع القبعة إحتراماً لكم

    لم تبخلوا على قراكم

    وربنا يخليكم ويزيدكم
    التعديل الأخير تم بواسطة عبدالله ابنعوف ; 11-27-2007 الساعة 01:11 PM

  9. #9
    رفاعي مشارك الصورة الرمزية عصام محمد يوسف
    تاريخ التسجيل
    Apr 2006
    الدولة
    جدة
    المشاركات
    491
    معدل تقييم المستوى
    13

    افتراضي رفاعة مدينة الغرباء

    الاخ/ ابوهبة لك عاطر التحايا واسف لغيابى لانى كنت مسافر خارج المملكةِِِِِِ

    واقول يا ابناء مدينة رفاعة000 رفاعة التى اصبحت مدينة للغرباء؟
    هل يرضيكم ان ياتى الاسعاف من تمبول لاخز مريض وعلاجه فى مستشفى تمبول0
    ونحن نتفرج00 مدينة رفاعة التى انهارت فيها كل الخدمات ونحن نتفرج ؟ الى متى سنظل هكذا يجب ان نتفاعل ونضع ايدنا فوق بعضها البعض ونقف بجانب مدينتنا العريقة التى تحتاج الينا بالفعل0
    esaam

  10. #10
    رفاعي نشط الصورة الرمزية مواني الرحيل
    تاريخ التسجيل
    Aug 2007
    الدولة
    الطائف - المملكة العربية السعودية
    المشاركات
    765
    معدل تقييم المستوى
    12

    افتراضي

    اقتباس المشاركة الأصلية كتبت بواسطة برونزية مشاهدة المشاركة
    الاخ ابنعوف اسال نفسك وكلنا نسأل نفسنا منو الموجود حاليا من اعلام رفاعة وابنائها الممكن اتحركو واشوفو رفاعه بالمناسبه كل الماسكين وظائف حيويه فى رفاعه اغراب ومعظم تجار رفاعه من مناطق تانية ودى ظاهرة ملاحظه ما عدا السلك التعليمى ناس رفاعه وح تلقى فئة قليلة قلبها على البلد بس اليد الواحدة ما بتصفق مع انه لو نظرنا حولنا اغلبية الماسكين مناصب كبيرة فى العاصمه والخارج من رفاعه بس الظاهر انه رفاعه كانت مرحلة وعدت رفاعه تشتكى من عدم الوجيع.
    وخلو الكلام الكتير واتحدو خصوصا الموجودين بالخارج.
    وانا بعرف ناس قلبهم علي رفاعه بس ما لاقين سكة واضحه انفذو بها خططتهم
    بعدين مش ناس الهلاليه بس كل المناطق المحيطه برفاعه عايزة تبقى الاحسن وتدمر رفاعه
    معقولة بس؟؟ كون عندي رغبة في تطوير قريتي ليس بالضرورة تدمير ماحولي.. محبتك لمدينتك ورغبتك في تطويرها ليس معناه معاداة الأخرين.. سبق وكتبنا وقنلنا رفاعة قبلة لكل أبناء الوطن وليس
    أبناء المنطقة فقط..
    [FRAME="4 70"]
    طالما أنه كتب علينا السفر والترحال والنشيج
    وأن أجمل سنوات العمر أستهلكت
    (في المطارات والقطارات والسفن)
    كان لزاماً علينا أن نعقد صفقة مع تلك الموانيء
    ذات القدرة على منح الرحيل الدائم بلا توقف
    موانيء الرحيل
    [/FRAME]


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
الساعة الآن 08:14 AM
Powered by vBulletin® Version 4.2.3
Copyright © 2018 vBulletin Solutions, Inc. All rights reserved.
Translate By Almuhajir
المواضيع والمشاركات في منتديات رفاعة للجميع تعبر عن رؤية كاتبيها
vBulletin Skin By: PurevB.com