المساعد الشخصي الرقمي

مشاهدة النسخة كاملة : سلام



ام احمدوامجد
10-28-2006, 12:15 AM
سلام اخوتى الاعزاء فى المنتدى العامر.. بعد طول (متاوقه بالحيطه ) قررت ان انضم لمنتداكم الرائع روعة امنا الروؤم رفاعه . انا اختكم ليلى من ديم لطفى .. مقيمه بالرياض ونحن من متابعى منتدى رفاعه انا واسرتى الصغيره ونتمنى ان نجد القبول بينكم ..

aymen
10-28-2006, 12:25 AM
سلام اخوتى الاعزاء فى المنتدى العامر.. بعد طول (متاوقه بالحيطه ) قررت ان انضم لمنتداكم الرائع روعة امنا الروؤم رفاعه . انا اختكم ليلى احمد خالد من ديم لطفى .. مقيمه بالرياض ونحن من متابعى منتدى رفاعه انا واسرتى الصغيره ونتمنى ان نجد القبول بينكم .. اها .رايكم شنو ؟ تفتحو الباب ادخل ولا اتلب بالحيطه ؟ (يعنى داخله داخله!)



هو انتي تلبتي وانتهيتي ، عاد نقول شنو بسسسسسسسس

يا ستي مرحبتين حبابك وحباب احمد وامجد كمان ، والبيت بيتك ، لكن تليب حيط بي الليل شديد ما معانا ناس الطوف والسواري كتااااار وحايمين فوق الحلة ، عقب الحرامية بقو كتااااااااااااااااااااااار
:mh0001:

صديق الاخضر
10-28-2006, 12:28 AM
سلامات وعوافى
ام احمد وامجد
http://www.rufaaforall.com/board/uploaded/628_1161984330.gif
الف مرحب بيك وبى اسرتك
الصغيره فى دار الاسره الكبيره
اها الباب فاتح ابقى لى جوه
عيد سعيد

عبدالله ابنعوف
10-28-2006, 12:39 AM
يا ألف مراحب بالأخت الكريمة وبأسرتك الكريمة في الرياض وفي ديم لطفي .... حللتي أهلاً وطبتي سهلاً... فتحنا الباب على مصراعيه .... سمي الله وأدخلي باليمين .... وخليك معانا ونأمل أن تواصلي وتتواصلي لتأتي بالجديد والرائع .... لإثراء المنتدى ورفاعة من المستشفى حتى ديم لطفي .

ودمتي أختاً لنا

ام احمدوامجد
10-28-2006, 12:42 AM
[color="#660099"][FRAME="2 70"][FRAME="2 70"]سلام الاخ العزيز ايمن و شكرا" كميات على الترحيب وكويس انو اول المرحبين من(السناير)

الصادق عبدالله ضرار
10-28-2006, 12:58 AM
مرحب بى بتنا ليلى
الف مرااحب وعهدى بك وانت صغيره ماشه المدرسه وانا ااتى لبيتكم للخال الهميم مع الخال شاذلى احمد المجذوب رغم مرور السنين لكن مازالت تلك الايام باقيه...
وكمان عملت احمد وامجد يديهم ليك العافيه..

ام احمدوامجد
10-28-2006, 01:07 AM
الاخ الريس ابو هبه والاخ ابو رزاز مشكورين على الترحيب والسلامات وان شاء الله ربنا يديم رفاعه ومنتدانا العامر فوق رؤسنا والدعوه وصلت لاحمد وامجد شكرا.



[color="#003399"][00ان اقواما اذهب عنهم الحزن علمهم ان ملك مليكهم تام ..فما كان لهم فهو واصل اليهم وما صرف عنهم فبحسن تدبيره لهم

aymen
10-28-2006, 01:09 AM
سلام الاخ العزيز ايمن و شكرا" كميات على الترحيب وكويس انو اول المرحبين من(السناير) يعنى الكبار تقلانين علينا ... مافى مشكله .. وبعدين نحنا ناس الديم ما بنخاف من سوارى ولا طوارى يعنى ماخدين عليهم( والله ما حراميه لكن ثوار من يومنا ) شكرا" تانى .



قلتي لي ثوار؟؟؟؟؟؟؟
هسي انتو ثوار جيبو ليكم غابة عليكم الله بعد الله


نحن في فريق الجنينة بنخش الكرو ما عندنا مشكلة مقر للثورة :mh5757:


يا ستي تاني حبابك وسط اهلك وناس ، وهدي ثورتك جابت امبراطورات البلد كلها عندك تسلم عليك

ام احمدوامجد
10-28-2006, 01:24 AM
يا مراحب بالاخ الصادق والله زمن ؟ وان اقول الشكل ما غريب على !والله يا حليلكم وياحليل ايام البيت الكبير وعم احمد المجدوب والحاجه الكبيره وخالاتك والبنات ولمه الهميم وشاذلى كل الناس ! انا عملت احمد وامجد انت عملت شنو؟ وليه مستغرب ! نسرين الحته ديك مش بقت ام؟والله ياحليلكم


]

Abu Hisham
10-28-2006, 01:57 AM
[QUOTE=ام احمدوامجد]سلام اخوتى الاعزاء فى المنتدى العامر.. بعد طول (متاوقه بالحيطه ) قررت ان انضم لمنتداكم الرائع روعة امنا الروؤم رفاعه . انا اختكم ليلى احمد خالد من ديم لطفى .. مقيمه بالرياض ونحن من متابعى منتدى رفاعه انا واسرتى الصغيره ونتمنى ان نجد القبول بينكم .. اها .رايكم شنو ؟ تفتحو الباب ادخل ولا اتلب بالحيطه ؟ (يعنى داخله داخله!)[/
QUOTE]

أهلا وسهلا حباب أم ( حمودي وجودي ) .. حبابكم عشرة .. والباب ذاتو شلناه زمـــان .. لكن موضوع ( الهـيته ) دي .. فيهو ( نزر ) .. وعندي عنو زكريات بايخــة ..!!
زمان أيام مظاهرات عمنا المشير نميري الله يمتعو بالصحة والعافية .. بتجمعوا ناس الجامعات والمعاهد العليا في الباب الرئيسي لجامعة الخرطوم ويختلطوا جميعا ويبدأ موكب المظاهرة في السير غربا في شارع الجامعة باتجاه شارع الجمهورية .. أها المرة ديك كبسونا ناس الأمن المركزي في وسط شارع الجامعة .. عصيهم رقاب زراف عديل .. وهم أتقول ماكلين مع العمي .. ناس الأمن المركزي هجموا ..ويللا الجماعة اتشتتوا .. الأعمى شايل المكسر ..قدامنا واحدة طقوها كسروا كراعه .. وواحد طلعوا ليه ( القريب فروت ) الشاربو من كان صغير ، من نص راسو .. وأخوك ما كان طويل لا كان قصــير .. لكن كان جرااااي .. الواد ..داير يتحرفن .. في حركة بهلوانية نطيت حيطة دار النشر اللي كان بتصدر منها ( مجلة الشباب والرياضة ) والله لحدي اليوم ما عارف نطيتا كيف !! وياليت لوما نطيت !! أتاريها النجيلة جوه شالوها وقالبين التربة ومش كدة بس الأحواض غريقة .. ومالين التربة مويه .. وأغوص ليك في الطين لي نصي .. وغايتو حكاية ما بتتوصف أريتني اليوم داك كان سردبت للعكاز كان أهون .. لا والولد كان قاشر آخر قشرة .. أها أوعك تحاولي تنطي بالحيطة .. وكمان سمعت عن حرامي نط بالحيطة لقا نفسوا في (سايفون ) يادوب حفروه ما قلت ليك بالهيته لا ؟؟

احمد امين
10-28-2006, 02:50 AM
الف مرحب بيك الاخت ليلى وبيك تكتمل دائره الضوء الشفيف
وجهنا الاف النداءات للديامه وبعد روحنا طلعت سجل حاتم كحلى وحسام على عمر وكأنهم ما سجلو ما عارفين الديامه لسه فاكرين انهم ما من رفاعه ولا شنو ( طبعا انا ديامى بالانتساب )
تانى مرحب بيك وياريت لو توجهى الدعوه الى الحبيب محمد على خالد ( كركبه )وللجاليه الديمايه بالرياض

بت الجنيد
10-28-2006, 08:59 AM
مرحب حبابك عشرة ...
والدارداركرم وناسها حنيين ...
والكرم علي اصحاب الكرم ...
مابنفع ...
فمرحب بالكرام ...

أحمد بابكر
10-28-2006, 07:53 PM
http://members.lycos.co.uk/alhashemi300/tar7eb/arabsbook18.gifحبابك اختنا العزيزه أم حمودي وامجد ..حبابك الف نورتي المنتدي , لكن ما عيب عليك يا أم حمودي تتاوقي في بيتك ..البيت هنا بيوسع رفاعه كلها ومافيه زحمه زي سوق الشمس ... المنتدي ازداد تالقاء وجمالا بأنضمامك الي هذه الكوكبه الجميله المتفرده...و ارجوا ان نشاهد طقطقة حمودي و أمجد علي الكيبورد في صفحات هذا المنتدي العامر بكم..


وياريت ما يتاوقو كتير

تقبلي تحياتي وأحترامي
أحمد بابكر

ام احمدوامجد
10-29-2006, 12:33 AM
سلام الاخ العزيز ابو هشام شكرا على الترحيب و على النصيحه الغاليه قررت اعمل بيها بسرعه وبطلت موضوع (الهيته)كنت فاكره الباب لسه موجود على العموم شكرا تانى]

ام احمدوامجد
10-29-2006, 12:51 AM
الاعزاء احمد بابكر واحمد امين شكرا جزيلاعلى السلامات الحاره والله الديامه هم ركيزه من ركازات رفاعه و ما عازلين نفسنا منها بس الكسل ويا ريت لو الاخ كركبه قريب كان دخل بدون استئذان وكويس انك لحقتينى يا بت الجنيد كنت حا اشيل حال حواء المنتدى لكم جميعا خالص الود

محمد عبدالمنعم العليقي
10-29-2006, 03:34 AM
الف مرحبتين حبابك، نورتينا والله
ياريت نشوف مشاركاتك ، واكيد انضمامك لينا مكسب كبير.
وتاني حبابك.

محمد عثمان عبدالقادر السماكي
11-04-2006, 04:26 PM
مرحب بيك ام احمد وامجد وربنا يحفظهما ...وايوه كدا عايزين الناس يكونوا ايجابين
ويخشوا بدل الاكتفاء بالمتاوقة بس...

عاصم عثمان حمد
11-04-2006, 04:35 PM
مرحب مرحب وهلا وغلا بالديامة اهلنا .. مرحب ليلي .. البيت بيتكم بنات رفاعة ...مع خالص تحياتي لابو احمد ...

أمجد حرجولي
11-13-2006, 07:59 AM
يامرحبا وانت في دارك.....

Nola
11-15-2006, 12:55 PM
ام احمد وامجد ....

حباب ست البيت ... والدار حبابك

المنتدي نور .....

وتاني حبابك ... وحباب طلتك

http://www.rufaaforall.com/board/uploaded/564_1163584440.gif

nozhajamila
11-17-2006, 07:36 PM
أختنا أم أحمد أمجد
حبابك يا الله جابك ومرحب بيك والبيت بيتك وابقي داخلة

عثمان محمد الحسن حتلوب
12-27-2006, 03:50 PM
لك تحياتي وتحيات الأخ يوسف أحمد يوسف قوي وفي هذه اللحظات فقط طالعنا تلبياتك والتعليقات عليها وضحكنا كثيرا مرة أخرى الدار ترحب بيك ابنتنا ليلي وقبال تجري معاك الأخ عوض وعاوزين يوسف يجي قريب بالباب وما يتاوق لينا ،،،

عاشق البطانة
12-06-2007, 01:25 AM
يااختي عشرات مراحب والباب مفتوح والورود مفروشة ليك سمي الله وادخلي وحللتي سهلا بين اهلك واحبابك في رفاعة ونفرح بالضيوف بعد المقيل هن باتوا

ام احمدوامجد
12-06-2007, 06:32 PM
شكرا جزيلا اخى عاشق البطانه ..نحن خلاص بقينا
من ناس البيت زماااان بس الظاهر الاداره عاوزه الناس
يزيدو فى الترحيب ..على العموم شكرا مره تانيه على الاستقبال
ودى شيم عرب البطانه فعلا ..

معتصم سليمان بابكر
12-06-2007, 10:04 PM
شكرا جزيلا اخى عاشق البطانه ..نحن خلاص بقينا
من ناس البيت زماااان بس الظاهر الاداره عاوزه الناس
يزيدو فى الترحيب ..على العموم شكرا مره تانيه على الاستقبال
ودى شيم عرب البطانه فعلا ..

والادارة يا أم أحمد وأمجد
لو تطول كل يوم يكون ليك كرنفال ترحيب
انتي قايلة روحك ساهلة

حافظ جعفر حسن
12-08-2007, 07:37 AM
الف مرحب بي أختنا أم أحمد وأمجد والزول ما بعزموا في بيته الدار دارك والناس ناسك الف مرحب بيك وتحياتنا الى أمجد وأحمد .