المساعد الشخصي الرقمي

مشاهدة النسخة كاملة : لغة الراندوك ... خصوصية التعبير شمولية التداول


عائدة الشايب
10-02-2006, 12:25 PM
سلام جاكم



رمضان كريم

في الحقيقة البوست دا اسمو متعلق بيه ومفتوح للمشاركة وابداء الراي

لغة الراندوك في تقديري هي تحوير في اللغة لتفي باحتياجات فئة معينة وتتفاوت نسبة التحوير هذه على

حد قناعتي بالاوساط التي تستعمل فيها ونجد فيها اختلافات وتطويع للمفردات فمثلا دعونا نبدا بالسواقين

والكماسرة

الكمساري اسمو " بلف " السواق " جلابي "

السواق لما يكون زي ما بقولو متجدع في الشارع " بيكون بالي " يعني خامي الجو كلو في الشارع

الهايس سعرها في فترة من الفترات بي 40 مليون بلغتنا اما بلغتهم سعرها كلمة واحدة " ارنب "

لما يكون في واحد داير من التاني حاجة ممكن ما يسمي الحاجة العايزها ويكتفي بانو يقول " شنو ما فيها حاجة"

الطلبة كلامهم بقى لا يمت ليهم بصلة

تسمع اضانك " حبة – وفردة – نتلحس – شتتنا – جرينا – شرتيت – انت شتت وانا بلقط " كلمات

غريبة وعجيبة بالنسبة لينا لكن في كل مجموعة تُقال فيها بتكون مفهومة ومدركة


الشباب لما يلاقو بعض

" وين يا قلب " اخباركم شنو " اخبارنا باسطة " " كل ستة في حتة " " كل تلاتة في الخلاطة "

وواحد مرة سمع انو زوجة صاحبو حامل مرة لاقاه صاحبهم وسالو عن صاحبو المرتو حامل قال ليه وين

الزول دا ما باين قال ليه " مرتو عاملة برج الحمل "

صراحة نريد ان نقف على هذه الظاهرة هل هي سلبية ام ايجابية والعندو زيادة يزيدنا


ونلــــــــــــــتقي

بت الشائب

تم تعديل تنسيق النص دون أي تعديل في النص الأصلي

ابو النيييييز
10-02-2006, 12:34 PM
ياااااخي موضوعك جميييل ولذيذ ومهم

خصووصا للاخوه الدقوس المشتتين خارج الوطن

عائدة الشايب
10-02-2006, 12:43 PM
ياااااخي موضوعك جميييل ولذيذ ومهم

خصووصا للاخوه الدقوس المشتتين خارج الوطن


ابو النيييز يا لذيذ


شكرا على المرور وانا عارفة جيوبك مليانة كدي عليك الله زيدنا شوية اهو انت افتتحت المهرجان بعبارة " الدقوس المشتتين " واول الغيث قطرة .


يا مزروع في وجداننا ليك بنغني

يا منحوت في دواخلنا وليك بنهني

لما اريدك دا شئ من الله لامنك لا مني


ونلــــــــــــــــتقي


بت الشائب

ابو النيييييز
10-02-2006, 12:45 PM
ابو النيييز يا لذيذ


شكرا على المرور وانا عارفة جيوبك مليانة كدي عليك الله زيدنا شوية اهو انت افتتحت المهرجان بعبارة " الدقوس المشتتين " واول الغيث قطرة .


يا مزروع في وجداننا ليك بنغني

يا منحوت في دواخلنا وليك بنهني

لما اريدك دا شئ من الله لامنك لا مني

ونلــــــــــــــــتقي


بت الشائب

دي تبع الرندوك:mh918:

ابو النيييييز
10-02-2006, 12:59 PM
....
الجلكين

الوالد

الجلك

الشخص الكبير

الألفه

الاخ الكبير

الطياره

من لا حبيبه له

......

الشرتيت

القروش او الاجر

ينق زي الرصاص

صغيره وحلوه

المريخ

البوبار...( مستمده من مليار لاعمار الدار)

جنكيز

المجنتر

المجنتر

الفاكه منه

...

حرس الصيد

الحبوبه

بيتم بعيد

....

مواصلاتم صعبه

قاده عربي

قاده عربي

ساقينها مكنكشه

الاخطبوط

...

عائدة الشايب
10-02-2006, 01:03 PM
دي تبع الرندوك:mh918:



ممكن وبعدين انت ما " تغرط كدا" :mh0001: :mh0001:

عائدة الشايب
10-02-2006, 01:05 PM
....
الجلكين

الوالد

الجلك

الشخص الكبير

الألفه

الاخ الكبير

الطياره

من لا حبيبه له


......

الشرتيت

القروش او الاجر

ينق زي الرصاص

صغيره وحلوه

المريخ

البوبار...( مستمده من مليار لاعمار الدار)

جنكيز

المجنتر

المجنتر

...

حرس الصيد

الحبوبه

بيتم بعيد

....

مواصلاتم صعبه

قاده عربي

قاده عربي

ساقينها مكنكشه

الاخطبوط

...



شكيت عوجك دا كلو جايبو من وين ؟ من قعاد اللساتك ومشي السوق موش:mh1568:

ابو النيييييز
10-02-2006, 01:50 PM
..المجموعة 2
مركبه صاجات

ماشه بتأني

شرحبيل احمد

يقال في حالة عدم الوفاء بالوعد

شروني

...نفس شرحبيل لكن شرحبيل عامه و شروني خاصه بالجكس

جوزيف لاقو

المجازفه

عمل خوجلي عثمان

خجل

عثمان حسين

كباية الطلبه

روش

استايل


مونن تاد قريرو مونن

لما تابي..تابي في القرير

شيك طحن

سمحه شدييييد


مصطلحات مفهومه ما عاوزه نقه

شده وغسيل عده
قهر وفراق اهل
بجم وعدم فهم
مكرونه وما عرفنا لونا
استايل يا ناس وايل
برستيج يا ناس وليد

عبدالله إبنعوف
10-02-2006, 01:52 PM
بت الشايب ونزار

سلام عليكم

بالله لما تخلصو من البوست دا أعملوا لينا قاموس ( مترجم ) عشان نقدر نفهم حاجة ، أختنا الموناليزا ( مختفية اليومين دي ما لا ؟) في بعض كراسيها الساخنة جداً كانت لما الكرسي يكون على وشك يبرد تقعد تسأل الناس بلغة قدرما حاولنا نفهم ما قدرنا ( سحس وحاجات زي كدا ) .

وبعدين الراندوك زاتها بتعني شنو ( هل جاية من راندوم باللغة الإنجليزية )

وتسلموا

عائدة الشايب
10-02-2006, 02:04 PM
..المجموعة 2
مركبه صاجات

ماشه بتأني

شرحبيل احمد

يقال في حالة عدم الوفاء بالوعد

شروني

...نفس شرحبيل لكن شرحبيل عامه و شروني خاصه بالجكس

جوزيف لاقو

المجازفه

عمل خوجلي عثمان

خجل

عثمان حسين

كباية الطلبه

روش

استايل


مونن تاد قريرو مونن

لما تابي..تابي في القرير

شيك طحن

سمحه شدييييد


مصطلحات مفهومه ما عاوزه نقه

شده وغسيل عده
قهر وفراق اهل
بجم وعدم فهم
مكرونه وما عرفنا لونا
استايل يا ناس وايل
برستيج يا ناس وليد



ووب علي انا زاتي اتمحنت . لكن يا ابو النييز رايك شنو نبدا ننظم الشغل دا ونختو بطريقة كويسة واحتمال يكون فيهو اضافات.


ونلـــــــــــــتقي



بت الشائب

عائدة الشايب
10-02-2006, 02:11 PM
بت الشايب ونزار

سلام عليكم

بالله لما تخلصو من البوست دا أعملوا لينا قاموس ( مترجم ) عشان نقدر نفهم حاجة ، أختنا الموناليزا ( مختفية اليومين دي ما لا ؟) في بعض كراسيها الساخنة جداً كانت لما الكرسي يكون على وشك يبرد تقعد تسأل الناس بلغة قدرما حاولنا نفهم ما قدرنا ( سحس وحاجات زي كدا ) .

وبعدين الراندوك زاتها بتعني شنو ( هل جاية من راندوم باللغة الإنجليزية )

وتسلموا



ابو هبة تحياتي


والله لست متاكدة لكن ارجح انو ما عندها علاقة بكلمة راندوم نسبة لاختلاف اصول الكلمة . وشكرا على المرور وبعدين شفت الخاميهو ابو النيييز ما صدق لقى ليهو حته " يتجدع " فيها كدي وانا براي جبتو لي روحي بس عاد الله يصبرني وزي ما بقولو ناس الراندوك " كركدي وما عرفتي لي " .

وبعدين الموناليزا كان عندها شئ فتشها لينا وانت زاتك ما بتختا بكون " طقش " اضانك شئ

ونلــــــــــــــتقي


بت الشائب

قشاش الدموع
10-02-2006, 04:05 PM
بسم الله الرحمن الرحيم

العزيزة / بت الشايب

بعد التحية والإحترام ،،


موضوعك بالجد حلو ودي زمان بيقولوا عليها كلام شرامه .... ( مع الإعتذار ليك وللأخ ابو النييييييييييييز ) وكدي خليني بعد ما أجوم وإنتي تمشي تعضي ونتقابل بعد الفطور .

قشاش الدموع

nozhajamila
10-02-2006, 04:19 PM
دي تبع الرندوك:mh918:


ابو النيييييييييز
يا أخى انت والله لذيذ ،،،، الشيء العايزو عايز اشوف صورتك والله رغبة أكيدة بس ان شاء الله في الخاص ،،،،، انا بردك عليك والله وخايف من لسانك دا لكن بالجد عايز اشوف صورتك واربط بينها وبين الكلام البتكتب فيهو دا ,,,
بصراحة انا بكتب ليك وخايف من ردك ,,, لكن الله غالب والريد قسم يا ابو النيييييييييييز

nozhajamila
10-02-2006, 05:08 PM
ونس == لما زول يكذب صاحبو يقول ليهو ونس ونس
كاسر كرونا == يعني قاعد ساااكت لا شغلة ولا مشغلة
شرط للأرض == سمحة شديدة .
ضهب + مظلات == يعني زول ما معزوم .
بيض == زول أي كلام .
كدمبس == تقال لمن لا يهتم في الجامعة بغير المكتبة والمراجع والمحاضرات .
دسيسة == يعني حاجة ثمحة ثماحة شديدة .
براية == تقال للبنت الكلامها كتير ( زي واحدة كده معانا في المنتدى ):mh77: :mh35:
حنااااك == يعني لسانو حلووو
دبيب == ولد عامل فيها بت ( مصطلح في غرف الدردشة )
نار منقد == برضو يعني ثمحة ثماحة شديدة

لكن هناك عبارات ممكن تسمعها كثيرا في وسط السوق العربي وكمان تجي تسمعها ذاااااااااتها في وسط طلاب الجامعات (مش دي غريبة ) منها :
* الحاجة دي دسيسةلمن مباااالغة وقاطعة فيني عرق عديل كده .
* الواحد لما يلاقي الحنان بتاعو يقول ليها : ويييين ياقلبي اليمين .
* واحد لما يشوف ليهو بت سمحة يقولها ليها : احييييييي انا اموت انا ولا أنقلب عنكبوت,,, وااااي قلبي قال شححححححححح.

معتصم سليمان بابكر
10-02-2006, 08:26 PM
بت الشائب
الليلة غايتو سيرة وانفتحت هو عليك الله جنس الكلام ده ياهو الرندكة البقولوها
انا والله قايلها شيتاً تاني يابت الشائب .. .طيب زي ده ماعندنا من زماااان من التمانينات
كان الحاجة الحلوة بنقول ليها (تايوتا) عشان وكيلها عبداللطيف (جميل) والكان بجيب في
الجامعة الدرجة D في المادة بنقول زولك ختو ليهو المكوة(شعار العربات الدايهاتسو)
وناس عشة الفلاتية والطيب زغبير والكجر وعباس وعبدالدافع عثمان والتخميسة. . .
وده كان بيعرف عندنا بالمصطلحات وفعلاً زي مابشير العنوان بتاع البوست انو هو عبارة
عن خصوصية تعبير وشمولية تداول وفي كتير من الاحيان بتحكموا الخصوصية لدرجة ان ممكن
يكون وسيلة تخاطب بين اتنين فقط والتالت يكون بره الموضوع ودي كنا بنستفيد منها في
الكوتشينة(الويست)
وهاك دي من طرف الذاكرة بس زميلي قلت ليهو (لمّشتَ ليك فنشاكة) يعني انا ضامن اللعب
في يدي انت ألعب صالح الورق بس وخلي الباقي علي يعني مايجتهد في حاجة وطبعا زي كل شيء بيتطور يبدو ان مايعرف بالمضطلحات قد اخذ حظه من التطور واكتسب مسمي جديد وهو الرندوك والتي لا أعتقد ايضا ان لها علاقة بالكلمة الانجليزية ذات معني العشوائية بالرغم من ان العشوائية تمثل حيز كبير في لغة الرندوك هذه (الجُلك / الجُلكين / قدّاكم /الشرتيب /الربطة / القنزب أو الكنزب عند بعض القوم / طلوس / شرحبيل أحمد / الحاجّة )
في السبعينات برضو كان طلعت حاجات زي كده
كده ياوِروِر تشربوا شاهينا وتكسروا كبابينا
سنة وأموت انا

تعرفي يابت الشائب أولادي عندهم لغة عجيبة بتفاهمو بيها هم بس غايتو أمهم بتعرف بيقولوا شنو
لكن مابتعرف ترد ليهم وانا داك ولا التكتح لابصد ولابرد معاهم والبركة في عبدالله ولدي كان
بيسرب لي المعلومة خاصة لامن يكونوا زعلانين لعدم تلبية طلب ليهم ويتفشوا فيني

عجندج اللجفجة بجس:
--------------------
اجامجل اجنأكون قجد اجوضحتجا بجعض شجيء مجن رجندكت زجمجان وطجبعجاً اجالكجلجام دجا
مجافجيش زجول بجتنجاولو كجتجير

بابكر عثمان مكى
10-02-2006, 10:14 PM
بت الشايب .. رمضان كريم
الاحظ منذ زمن بعين المتجرد .. سموق مواضيعك .. وأزفان الهلال عليها . ولكن يرهقنى الرد فى اكثر الاحيان لاستباق الزمن وحلاوة القراءة .

اذا" فالتسمحى لى بتناول الموضوع ببعض تحليل اجتماعى عميق

اللغة.. تواصل الأجيال ..
واللهجة .. من اللغة .. وهى مستقر الالفة والتمازج الحميم .
نحسها فى طول العشرة بين أمهاتنا وآباءنا .. فكثيرا" ماتجد الصمت يشوبه كلمات قليلة عميقة مفهومة تكتنز الحب والثقة والامان .. كلمات تشبه الاشارات ولكنها مثل منسوب مياه البحر لاتنقصه الرياح ولا العواصف وان تلاطمت به .

ونحن فى السودان .. نجتز من جزور اللهجة فروع خضراء نتقاسمها يوميا" وتتداول بين الاجيال مع اختلاف الاعمار ويصيب نصيبا" منها الشباب المتعطش للصداقات والعلاقات الاجتماعية .. فكلمة الحبوبة مثلا" كلمة مشتقة من اعتصار عميق لحب مجتمع كامل لام الام .

اذا" لغة الراندوك هذه هى ايضا" اشارات لغوية مختصرة ومعتصرة من ثقافة مجتمعاتنا تبيح المرح الجميل وتترك انطباع اللطف والتفرد .. ولكنها ايضا" لاتقال فى كل مقام فلكل مقام مقال.
فهى لاتقال فى الخطوبة الرسمية ولا فى المآتم ولا فى الاجتماعات الرسمية .. لذلك فهى لهجة تتسم بالحميمة وبظروف المرح واللطف السائدتين فى مجتمعاتنا السودانية .

........

.....


وجد موضوعك شديد شدة الحرامى الشرب النشا من النفساء .

abueilaf
10-02-2006, 10:24 PM
العزيزه بت الشائب..
كل يوم يطل علينا بالمنتدى يثبت لي بالتحديد أن
(بناتنا) تميز وتجدد وجمال طبيعي..
فأطمئن أنني لم أجامل عندما أعجب هنا أو هناك دون فرز!!
هذا البوست رهيييييب عديل كده..
خاصه لينا نحن الضهب ..المشتتين في الغربه شتات خالي
محطات وكده ..
الله يديك العافيه ..والمتداخلين الرائعين ..ولكم التحيه.

أمير عمر
10-03-2006, 03:36 AM
سلام يا عائدة

غايتو أنا ما بعرف في الراندوك بتاعكم دا كتير بس بشارك معاكي بالبعرفوا ... وما تقولي لي رأيك شنو عشان ما أسد نفسك :essen:

اتفكفك = أنبرم
انبرم = أقطع وشك
أقطع وشك = فرتك
الجومة = أكل
سراخات = كواريك
جلكطة = حسس
حسس = فردة
الفلنكة = الضحاكات
الضحاكات = القروش
حديدتها عاضة = قوامها زبالة
ما تقرأ لي يا عمك = ما تحنكني
ما تحنكني = ما تحاول تقنعني

وتاني بجي أتاوق بس عشان أتعلم الحاصل شنو هههههههه

عائدة الشايب
10-03-2006, 09:01 AM
بسم الله الرحمن الرحيم

العزيزة / بت الشايب

بعد التحية والإحترام ،،


موضوعك بالجد حلو ودي زمان بيقولوا عليها كلام شرامه .... ( مع الإعتذار ليك وللأخ ابو النييييييييييييز ) وكدي خليني بعد ما أجوم وإنتي تمشي تعضي ونتقابل بعد الفطور .

قشاش الدموع



قشاش الدموع حبابك


اول شئ انا قبلت اعتذارك لكن الزول الاسمو ابو النيييييز معتذر ليه لي شنو كفاية فضحنا في البوست بتاع د. عبد المنعم واخرتها قال وردتي معولقة . عليك الله حصل سمعت بي وردة معولقة لكن العتب على النظر . اها قلت لي بترجع بعد الفطور بعد " اعضي " يعني آكل موش ولا ما كدا على العموم اخد راحتك وامرق كل العندك .



ونلــــــــــــــــــتقي


بت الشائب

عائدة الشايب
10-03-2006, 09:03 AM
ابو النيييييييييز
يا أخى انت والله لذيذ ،،،، الشيء العايزو عايز اشوف صورتك والله رغبة أكيدة بس ان شاء الله في الخاص ،،،،، انا بردك عليك والله وخايف من لسانك دا لكن بالجد عايز اشوف صورتك واربط بينها وبين الكلام البتكتب فيهو دا ,,,
بصراحة انا بكتب ليك وخايف من ردك ,,, لكن الله غالب والريد قسم يا ابو النيييييييييييز




ياسر يا اخوي انت " مندلق " و " متكبكب " عليه كدا ليي فوق ام كم " جلي الفكرة "




ونلــــــــــــــــتقي



بت الشائب

عائدة الشايب
10-03-2006, 09:08 AM
بت الشائب
الليلة غايتو سيرة وانفتحت هو عليك الله جنس الكلام ده ياهو الرندكة البقولوها
انا والله قايلها شيتاً تاني يابت الشائب .. .طيب زي ده ماعندنا من زماااان من التمانينات
كان الحاجة الحلوة بنقول ليها (تايوتا) عشان وكيلها عبداللطيف (جميل) والكان بجيب في
الجامعة الدرجة D في المادة بنقول زولك ختو ليهو المكوة(شعار العربات الدايهاتسو)
وناس عشة الفلاتية والطيب زغبير والكجر وعباس وعبدالدافع عثمان والتخميسة. . .
وده كان بيعرف عندنا بالمصطلحات وفعلاً زي مابشير العنوان بتاع البوست انو هو عبارة
عن خصوصية تعبير وشمولية تداول وفي كتير من الاحيان بتحكموا الخصوصية لدرجة ان ممكن
يكون وسيلة تخاطب بين اتنين فقط والتالت يكون بره الموضوع ودي كنا بنستفيد منها في
الكوتشينة(الويست)
وهاك دي من طرف الذاكرة بس زميلي قلت ليهو (لمّشتَ ليك فنشاكة) يعني انا ضامن اللعب
في يدي انت ألعب صالح الورق بس وخلي الباقي علي يعني مايجتهد في حاجة وطبعا زي كل شيء بيتطور يبدو ان مايعرف بالمضطلحات قد اخذ حظه من التطور واكتسب مسمي جديد وهو الرندوك والتي لا أعتقد ايضا ان لها علاقة بالكلمة الانجليزية ذات معني العشوائية بالرغم من ان العشوائية تمثل حيز كبير في لغة الرندوك هذه (الجُلك / الجُلكين / قدّاكم /الشرتيب /الربطة / القنزب أو الكنزب عند بعض القوم / طلوس / شرحبيل أحمد / الحاجّة )
في السبعينات برضو كان طلعت حاجات زي كده
كده ياوِروِر تشربوا شاهينا وتكسروا كبابينا
سنة وأموت انا

تعرفي يابت الشائب أولادي عندهم لغة عجيبة بتفاهمو بيها هم بس غايتو أمهم بتعرف بيقولوا شنو
لكن مابتعرف ترد ليهم وانا داك ولا التكتح لابصد ولابرد معاهم والبركة في عبدالله ولدي كان
بيسرب لي المعلومة خاصة لامن يكونوا زعلانين لعدم تلبية طلب ليهم ويتفشوا فيني

عجندج اللجفجة بجس:
--------------------
اجامجل اجنأكون قجد اجوضحتجا بجعض شجيء مجن رجندكت زجمجان وطجبعجاً اجالكجلجام دجا
مجافجيش زجول بجتنجاولو كجتجير



معتصم دخلتك مميزة خصوصا وانك انتقلت بينا من جيل التمانينات الى جيل السبعينات واكتشفت تطور اللغة لتفي بالاحتياجات كما ذكرنا ومن هنا يبدو لي ان الامر مهم زي ما قال الفصيح ابو النييييز وعشان كدا عليك الله يا ابو النييييز خليك جادي شوية وطلع العندك كمان.



ونلــــــــــــــتقي


بت الشائب

عائدة الشايب
10-03-2006, 09:22 AM
ونس == لما زول يكذب صاحبو يقول ليهو ونس ونس
كاسر كرونا == يعني قاعد ساااكت لا شغلة ولا مشغلة
شرط للأرض == سمحة شديدة .
ضهب + مظلات == يعني زول ما معزوم .
بيض == زول أي كلام .
كدمبس == تقال لمن لا يهتم في الجامعة بغير المكتبة والمراجع والمحاضرات .
دسيسة == يعني حاجة ثمحة ثماحة شديدة .
براية == تقال للبنت الكلامها كتير ( زي واحدة كده معانا في المنتدى ):mh77: :mh35:
حنااااك == يعني لسانو حلووو
دبيب == ولد عامل فيها بت ( مصطلح في غرف الدردشة )
نار منقد == برضو يعني ثمحة ثماحة شديدة

لكن هناك عبارات ممكن تسمعها كثيرا في وسط السوق العربي وكمان تجي تسمعها ذاااااااااتها في وسط طلاب الجامعات (مش دي غريبة ) منها :
* الحاجة دي دسيسةلمن مباااالغة وقاطعة فيني عرق عديل كده .
* الواحد لما يلاقي الحنان بتاعو يقول ليها : ويييين ياقلبي اليمين .
* واحد لما يشوف ليهو بت سمحة يقولها ليها : احييييييي انا اموت انا ولا أنقلب عنكبوت,,, وااااي قلبي قال شححححححححح.



والله عاد كلام دا كلو عارفنو يا ياسر يا اخوي انتو بتجيبو من وين نحن لازم نبحث في الحاجة دي وخصوصا شلل العزابة . وبعدين خشمي دا يمشي ويجي انت " ثنك مكثورة " ولا شنو عشان تقول لينا " ثمحة " وكدا يا اخوي ما " تتقلهت " علينا نحن " ناقشين "



ونلـــــــــــــــتقي


بت الشائب

عائدة الشايب
10-03-2006, 09:26 AM
بت الشايب .. رمضان كريم
الاحظ منذ زمن بعين المتجرد .. سموق مواضيعك .. وأزفان الهلال عليها . ولكن يرهقنى الرد فى اكثر الاحيان لاستباق الزمن وحلاوة القراءة .

اذا" فالتسمحى لى بتناول الموضوع ببعض تحليل اجتماعى عميق

اللغة.. تواصل الأجيال ..
واللهجة .. من اللغة .. وهى مستقر الالفة والتمازج الحميم .
نحسها فى طول العشرة بين أمهاتنا وآباءنا .. فكثيرا" ماتجد الصمت يشوبه كلمات قليلة عميقة مفهومة تكتنز الحب والثقة والامان .. كلمات تشبه الاشارات ولكنها مثل منسوب مياه البحر لاتنقصه الرياح ولا العواصف وان تلاطمت به .

ونحن فى السودان .. نجتز من جزور اللهجة فروع خضراء نتقاسمها يوميا" وتتداول بين الاجيال مع اختلاف الاعمار ويصيب نصيبا" منها الشباب المتعطش للصداقات والعلاقات الاجتماعية .. فكلمة الحبوبة مثلا" كلمة مشتقة من اعتصار عميق لحب مجتمع كامل لام الام .

اذا" لغة الراندوك هذه هى ايضا" اشارات لغوية مختصرة ومعتصرة من ثقافة مجتمعاتنا تبيح المرح الجميل وتترك انطباع اللطف والتفرد .. ولكنها ايضا" لاتقال فى كل مقام فلكل مقام مقال.
فهى لاتقال فى الخطوبة الرسمية ولا فى المآتم ولا فى الاجتماعات الرسمية .. لذلك فهى لهجة تتسم بالحميمة وبظروف المرح واللطف السائدتين فى مجتمعاتنا السودانية .

........

.....


وجد موضوعك شديد شدة الحرامى الشرب النشا من النفساء .




بكري شكرا على المرور الراقي والمؤسس للموضوع وهذا في تقديري سيكسبه طعم اخر في التداول

ويقيني انو كل الناس الهنا عندها نماذج من هذه اللغة سوا بالسمع فقط او تداولها او انتاجها

وبعدين انت بتكون شديد شدة الحرامي السرق التلفزيون والناس بتعاين فيه لو مرقت كل المعاك. يعني على قول اخواننا

المصريين " يسرقوا كحل العين " شكيت عوجو دا منو البقدر يسوي كدا .



ونلـــــــــــــــتقي


بت الشائب


.

عائدة الشايب
10-03-2006, 09:31 AM
العزيزه بت الشائب..
كل يوم يطل علينا بالمنتدى يثبت لي بالتحديد أن
(بناتنا) تميز وتجدد وجمال طبيعي..
فأطمئن أنني لم أجامل عندما أعجب هنا أو هناك دون فرز!!
هذا البوست رهيييييب عديل كده..
خاصه لينا نحن الضهب ..المشتتين في الغربه شتات خالي
محطات وكده ..
الله يديك العافيه ..والمتداخلين الرائعين ..ولكم التحيه.




شكرا يا دكتور وانت كان عندك حاجه قولا يعني ما فوقها حاجة طبعا في ناس اكيد " زي ناس نحنا


والواقعين في محنه " مستنيين هفوات الرجال امثالك الطابق مستور انشاء الله ترسلها في " الخاس":mh15:




ونلــــــــــــــــتقي



بت الشائب

عائدة الشايب
10-03-2006, 09:35 AM
سلام يا عائدة

غايتو أنا ما بعرف في الراندوك بتاعكم دا كتير بس بشارك معاكي بالبعرفوا ... وما تقولي لي رأيك شنو عشان ما أسد نفسك :essen:

اتفكفك = أنبرم
انبرم = أقطع وشك
أقطع وشك = فرتك
الجومة = أكل
سراخات = كواريك
جلكطة = حسس
حسس = فردة
الفلنكة = الضحاكات
الضحاكات = القروش
حديدتها عاضة = قوامها زبالة
ما تقرأ لي يا عمك = ما تحنكني
ما تحنكني = ما تحاول تقنعني

وتاني بجي أتاوق بس عشان أتعلم الحاصل شنو هههههههه



وانا اقول الصلعة دي ما جات من فراغ " لكن اقول ليك سر " شكلي انا الح " اتفكفك " .



وبعدين لما تجي تتاوق جيب معاك باقي الشباب ولا اقول ليك وين ناس قهوة ود بادي الجماعة هناك " حا تنو قرض " يا اخوي ما نمشي نعزمهم .



ونلــــــــــــــتقي



بت الشائب

عائدة الشايب
10-03-2006, 09:43 AM
لما كنا في الجامعة كانت معانا بنت من بنات اللاماب وواحدة من الابيض وفي واحد " حسس" كدا من اولاد

بحري النضيفين ديك فالبنات ديل مندرعات فيه " لحام ستلين " وطوالي بيسالو منو وهو في مجموعتنا

فقام يوم كلمتو قلت ليه والله الشباب ديل بيسالو منك طوالي قال لي منو قلت ليه بت الابيض واللاماب قال

لي اول شئ بت اللاماب دي " كتاحة " ساي وبت الابيض " قرندو في شكل لستك " وما فهمت المعنى

صراحة لكن اتخيل لي قريب من " حركة في شكل وردة"

Nola
10-03-2006, 09:49 AM
هااااااااااااااايكه

بت الشائب ...

لكن لقيت بوستيك كده :mh09: وزاد وجدي

والعجب المتداخلين علي البوست لقيتم ليك تفتحيه وشايلين مفاتيحه ...

والعجب ضهب الشتات ديل .. عارفين الرندوك لمن بهناك ...

البوست دا عففففففففففففففن عديييييييييييييييل كده ........

بجيكم طائره تاني ...

يلا شتات

عائدة الشايب
10-03-2006, 10:00 AM
هااااااااااااااايكه

بت الشائب ...

لكن لقيت بوستيك كده :mh09: وزاد وجدي

والعجب المتداخلين علي البوست لقيتم ليك تفتحيه وشايلين مفاتيحه ...

والعجب ضهب الشتات ديل .. عارفين الرندوك لمن بهناك ...

البوست دا عففففففففففففففن عديييييييييييييييل كده ........

بجيكم طائره تاني ...

يلا شتات




نولا حبابك وبركة الجيتي عشان الرجاجيل ديل نفخوني بالكلام العارفنو " وانتي شتتي وانا بلقط "





ونلـــــــــــــتقي


بت الشائب

ابو النيييييز
10-03-2006, 11:20 AM
ابو النيييييييييز
يا أخى انت والله لذيذ ،،،، الشيء العايزو عايز اشوف صورتك والله رغبة أكيدة بس ان شاء الله في الخاص ،،،،، انا بردك عليك والله وخايف من لسانك دا لكن بالجد عايز اشوف صورتك واربط بينها وبين الكلام البتكتب فيهو دا ,,,
بصراحة انا بكتب ليك وخايف من ردك ,,, لكن الله غالب والريد قسم يا ابو النيييييييييييز

ده شنو علييك الله الطلب الغريب ده

اول مره زول اقول عاوز اشوفني

انا نفسي ما قاعد اشوفني

دمعة فرح
10-03-2006, 11:20 AM
هى وتانى هى كدى زحوا لى اقيفوا بعيد واشختوا شختيت انت ما بتعرفونا ولا شنو
طبعا لغة الشماشة دى احل لغة والله
تلقى الجواكى واقفين فى السوق اقولوا ليك اب سفة جات ( طبعا دى الهايس)
وغضب الوالدين دى البيجو ووداد بابكر دا تايوتا 2006
اها تمشى للناس البسطلوا ناس الخضرا والحمرا وابو عشرة وارنب
هبهانه والناس تعبانة
قرفة وعدم عرفة
ناصل وماعارف الحاصل
وطبعا مصلحات كدا زى
حرامى
ونار منقد
وبقاقة
وداقة صيونا وتراااااااااا تررررررررا واللستك الوراااااااا
اى انتو قايلنى زراعة بصل
اها انا مشتتة لكن بجيكم تانى

عائدة الشايب
10-03-2006, 11:30 AM
ده شنو علييك الله الطلب الغريب ده

اول مره زول اقول عاوز اشوفني

انا نفسي ما قاعد اشوفني




انت يا ياسر مالك علينا " خليه رافع القزاز كدي طوالي " لكن خلي بالك عندو شئ خايف منو او عليه - عشان ما نظلمو - باقي انا حقانية :mh41: ولا شنو يالذييييذ .



ونلــــــــــــــــــتقي


بت الشائب

عائدة الشايب
10-03-2006, 11:32 AM
هى وتانى هى كدى زحوا لى اقيفوا بعيد واشختوا شختيت انت ما بتعرفونا ولا شنو
طبعا لغة الشماشة دى احل لغة والله
تلقى الجواكى واقفين فى السوق اقولوا ليك اب سفة جات ( طبعا دى الهايس)
وغضب الوالدين دى البيجو ووداد بابكر دا تايوتا 2006
اها تمشى للناس البسطلوا ناس الخضرا والحمرا وابو عشرة وارنب
هبهانه والناس تعبانة
قرفة وعدم عرفة
ناصل وماعارف الحاصل
وطبعا مصلحات كدا زى
حرامى
ونار منقد
وبقاقة
وداقة صيونا وتراااااااااا تررررررررا واللستك الوراااااااا
اى انتو قايلنى زراعة بصل
اها انا مشتتة لكن بجيكم تانى




حكمتو بالغة يا بت عبد الرحيم النضم كلو بتعرفي .


ونلــــــــــــــــتقي


بت الشائب

أمير عمر
10-03-2006, 11:35 AM
ده شنو علييك الله الطلب الغريب ده

اول مره زول اقول عاوز اشوفني

انا نفسي ما قاعد اشوفني

اللهم أني صايم ......
رجاءا ما عايزين نشوف لينا زول في رمضان دا برانا مزكومين

عائدة الشايب
10-03-2006, 12:02 PM
اللهم أني صايم ......
رجاءا ما عايزين نشوف لينا زول في رمضان دا برانا مزكومين



ود عمر كدي بيني وبينك كدا زي مابقولوا حبوباتنا " كلام سراره " انت الزول دا شايفو قبل كدا؟





ونلــــــــــــــتقي



بت الشائب

عاصم عثمان حمد
10-03-2006, 12:17 PM
بت الشائب
الليلة غايتو سيرة وانفتحت هو عليك الله جنس الكلام ده ياهو الرندكة البقولوها
انا والله قايلها شيتاً تاني يابت الشائب .. .طيب زي ده ماعندنا من زماااان من التمانينات
كان الحاجة الحلوة بنقول ليها (تايوتا) عشان وكيلها عبداللطيف (جميل) والكان بجيب في
الجامعة الدرجة D في المادة بنقول زولك ختو ليهو المكوة(شعار العربات الدايهاتسو)
وناس عشة الفلاتية والطيب زغبير والكجر وعباس وعبدالدافع عثمان والتخميسة. . .
وده كان بيعرف عندنا بالمصطلحات وفعلاً زي مابشير العنوان بتاع البوست انو هو عبارة
عن خصوصية تعبير وشمولية تداول وفي كتير من الاحيان بتحكموا الخصوصية لدرجة ان ممكن
يكون وسيلة تخاطب بين اتنين فقط والتالت يكون بره الموضوع ودي كنا بنستفيد منها في
الكوتشينة(الويست)
وهاك دي من طرف الذاكرة بس زميلي قلت ليهو (لمّشتَ ليك فنشاكة) يعني انا ضامن اللعب
في يدي انت ألعب صالح الورق بس وخلي الباقي علي يعني مايجتهد في حاجة وطبعا زي كل شيء بيتطور يبدو ان مايعرف بالمضطلحات قد اخذ حظه من التطور واكتسب مسمي جديد وهو الرندوك والتي لا أعتقد ايضا ان لها علاقة بالكلمة الانجليزية ذات معني العشوائية بالرغم من ان العشوائية تمثل حيز كبير في لغة الرندوك هذه (الجُلك / الجُلكين / قدّاكم /الشرتيب /الربطة / القنزب أو الكنزب عند بعض القوم / طلوس / شرحبيل أحمد / الحاجّة )
في السبعينات برضو كان طلعت حاجات زي كده
كده ياوِروِر تشربوا شاهينا وتكسروا كبابينا
سنة وأموت انا

تعرفي يابت الشائب أولادي عندهم لغة عجيبة بتفاهمو بيها هم بس غايتو أمهم بتعرف بيقولوا شنو
لكن مابتعرف ترد ليهم وانا داك ولا التكتح لابصد ولابرد معاهم والبركة في عبدالله ولدي كان
بيسرب لي المعلومة خاصة لامن يكونوا زعلانين لعدم تلبية طلب ليهم ويتفشوا فيني

عجندج اللجفجة بجس:
--------------------
اجامجل اجنأكون قجد اجوضحتجا بجعض شجيء مجن رجندكت زجمجان وطجبعجاً اجالكجلجام دجا
مجافجيش زجول بجتنجاولو كجتجير

يعني يالمعتصم انت في المواضيع دي (GL) يعني جديد لنج ؟؟


عجندج اللجفجة بجتجاعتك :

إجنت جا مجعجصتجم شجخجص مجا عجادجي ... أجصلجك فجرجح فجي كجل مجكجان ...

عائدة الشايب
10-03-2006, 12:20 PM
قادر الله في ملكو يعني " صمت دهرا ونطق كفرا " " كلام يا عوض دكام " وبطلو دا واسمعوا دا ناس عاصم الراندوك بتاعم باالــ Abbreviation " صحي الطب اتطور "

أمير عمر
10-03-2006, 01:04 PM
ود عمر كدي بيني وبينك كدا زي مابقولوا حبوباتنا " كلام سراره " انت الزول دا شايفو قبل كدا؟


دا سؤال دا هسي يا بت الشائب؟؟
هو نحن غير نزار شايفين منووو؟؟؟

كلام سراره ... ما عندو صلعة زي صلعتي دي :m10:

يلا cut your face

Nola
10-03-2006, 01:10 PM
يلا cut your face

هههههههههههههههههههههههههههااااااايكه

يا اخي دي اقوي حاجة في البوست دا كلو

عائدة الشايب
10-03-2006, 01:13 PM
دا سؤال دا هسي يا بت الشائب؟؟
هو نحن غير نزار شايفين منووو؟؟؟

كلام سراره ... ما عندو صلعة زي صلعتي دي :m10:

يلا cut your face



عاد كدي رسل لينا صورة انشاء الله " بالكرباوي " ولا نشيلا " موزة " لي محل هو قاعد لزوم " الشمار " وكدا


انا I will cut my face

If you paste your smile in case


" جااااااامدة " صاح:mh3256:

عائدة الشايب
10-03-2006, 01:16 PM
هههههههههههههههههههههههههههااااااايكه

يا اخي دي اقوي حاجة في البوست دا كلو



شنو ياختي جبناك " فزعة " بقيتي " وجعة " " اتصلحي معانا "

Nola
10-03-2006, 01:19 PM
شنو ياختي جبناك " فزعة " بقيتي " وجعة " " اتصلحي معانا "


هههههههههههههههايكه

والله يا حسس متصلحين معاك للطيش ..

بس في وهمات وجدعات كده في شكل ورد ...

بتخلي الزول يطلع من علبو ... ويفوت طارت كلتش طوالي

عائدة الشايب
10-03-2006, 01:32 PM
هههههههههههههههايكه

والله يا حسس متصلحين معاك للطيش ..

بس في وهمات وجدعات كده في شكل ورد ...

بتخلي الزول يطلع من علبو ... ويفوت طارت كلتش طوالي


النبي فيك قاعدة تمشي المنطقة الصناعية او عندك بيها اي علاقة قريب ولا بعيد . يا ختي الابنصات ورجفات الدركسون دي شنو دايره ليك " ترصيص " عديييييييييييل :mh69873:

Nola
10-03-2006, 01:54 PM
النبي فيك قاعدة تمشي المنطقة الصناعية او عندك بيها اي علاقة قريب ولا بعيد . يا ختي الابنصات ورجفات الدركسون دي شنو دايره ليك " ترصيص " عديييييييييييل :mh69873:

اها يا حسس

طلعتي من رواد المنطقة الصناعية ... وشارع الصناعات

عارفة يا منقة انتي المشكلة من في الابنصات ..

المشكلة في كسر الركبة .. وعمود الطواري

ودا كلو كوم وطفئ البلكات كوم تاني ....

هههههههههايكه

عاصم عثمان حمد
10-03-2006, 01:54 PM
قادر الله في ملكو يعني " صمت دهرا ونطق كفرا " " كلام يا عوض دكام " وبطلو دا واسمعوا دا ناس عاصم الراندوك بتاعم باالــ Abbreviation " صحي الطب اتطور "

يابتنا المسألة ما بقت كلها بالـــ abbreviation ( المختصر ) لكن بتاعنا ده عليك موش المختصر المفيد .....

حِدِق = مِفَتِح = تفتيحة ( وشامِيٌ الريحة )

أمير عمر
10-03-2006, 01:55 PM
النبي فيك قاعدة تمشي المنطقة الصناعية او عندك بيها اي علاقة قريب ولا بعيد . يا ختي الابنصات ورجفات الدركسون دي شنو دايره ليك " ترصيص " عديييييييييييل :mh69873:

بت الشائب ... طلب خاص

شيلي صورة الورد الخاتاها دي وختي لينا صورة "رمان بلي"
عشان النفسيات وبمناسبة رمضان وكده يا عمك:mh746:

ابو النيييييز
10-03-2006, 01:56 PM
...

رنــــدوق محلـــــي

سيد الفنايل - ابو هبه

الدامه - بت الشايب

الرصاصه - سمحه وسمريه

الشعنونه - هدي

الهيئه - نزار الداني

بت جن - بت الجنيد

توتي - ياسر نزهه جميله

اب مقص - السفاح

النقل الميكانيكي -امير عمر

...

العاصمه القوميه - المنتدي العام

سوسيوا - منتدي الاطفال

الكرنتينه - المنتدي الطبي

غوانتنامو - منتدي الشكاوي والاقتراحات

كمبال - منتدي حواء

المجلس - منتدي قري رفاعه

سته ونص - المنتدي الاجتماعي

.

...

عائدة الشايب
10-03-2006, 02:01 PM
عشان نوري الناس انو نحن ما بنهزل دي حصيلة الراندوك لحدي الآن واجمل التحايا للشباب الحلو اللي اثرى الموضوع

الكمساري اسمو " بلف " السواق " جلابي "
السواق لما يكون زي ما بقولو متجدع في الشارع " بيكون بالي " يعني خامي الجو كلو في الشارع
الهايس سعرها في فترة من الفترات بي 40 مليون بلغتنا اما بلغتهم سعرها كلمة واحدة " ارنب "
لما يكون في واحد داير من التاني حاجة ممكن ما يسمي الحاجة العايزها ويكتفي بانو يقول " شنو ما فيها حاجة"
" حبة – وفردة – نتلحس – شتتنا – جرينا – شرتيت – انت شتت وانا بلقط "
" وين يا قلب " اخباركم شنو " اخبارنا باسطة " " كل ستة في حتة " " كل تلاتة في الخلاطة "
وواحد مرة سمع انو زوجة صاحبو حامل مرة لاقاه صاحبهم وسالو عن صاحبو المرتو حامل قال ليه وين

الزول دا ما باين قال ليه " مرتو عاملة برج الحمل "
الدقوس
الجلكين

الوالد

الجلك

الشخص الكبير

الألفه

الاخ الكبير

الطياره

من لا حبيبه له

......

الشرتيت

القروش او الاجر

ينق زي الرصاص

صغيره وحلوه

المريخ

البوبار...( مستمده من مليار لاعمار الدار)

جنكيز

المجنتر

المجنتر

الفاكه منه

...

حرس الصيد

الحبوبه

بيتم بعيد

....

مواصلاتم صعبه

قاده عربي

قاده عربي

ساقينها مكنكشه

الاخطبوط



مركبه صاجات

ماشه بتأني

شرحبيل احمد

يقال في حالة عدم الوفاء بالوعد

شروني

...نفس شرحبيل لكن شرحبيل عامه و شروني خاصه بالجكس

جوزيف لاقو

المجازفه

عمل خوجلي عثمان

خجل

عثمان حسين

كباية الطلبه

روش

استايل


مونن تاد قريرو مونن

لما تابي..تابي في القرير

شيك طحن

سمحه شدييييد


مصطلحات مفهومه ما عاوزه نقه

شده وغسيل عده
قهر وفراق اهل
بجم وعدم فهم
مكرونه وما عرفنا لونا
استايل يا ناس وايل
برستيج يا ناس وليد

ونس == لما زول يكذب صاحبو يقول ليهو ونس ونس
كاسر كرونا == يعني قاعد ساااكت لا شغلة ولا مشغلة
شرط للأرض == سمحة شديدة .
ضهب + مظلات == يعني زول ما معزوم .
بيض == زول أي كلام .
كدمبس == تقال لمن لا يهتم في الجامعة بغير المكتبة والمراجع والمحاضرات .
دسيسة == يعني حاجة ثمحة ثماحة شديدة .
براية == تقال للبنت الكلامها كتير ( زي واحدة كده معانا في المنتدى )
حنااااك == يعني لسانو حلووو
دبيب == ولد عامل فيها بت ( مصطلح في غرف الدردشة )
نار منقد == برضو يعني ثمحة ثماحة شديدة
الحاجة دي دسيسةلمن مباااالغة وقاطعة فيني عرق عديل كده .
* الواحد لما يلاقي الحنان بتاعو يقول ليها : ويييين ياقلبي اليمين .
* واحد لما يشوف ليهو بت سمحة يقولها ليها : احييييييي انا اموت انا ولا أنقلب عنكبوت,,, وااااي قلبي قال شححححححححح.
كان الحاجة الحلوة بنقول ليها (تايوتا) عشان وكيلها عبداللطيف (جميل(
والكان بجيب في
الجامعة الدرجة D في المادة بنقول زولك ختو ليهو المكوة(شعار العربات الدايهاتسو(
وهاك دي من طرف الذاكرة بس زميلي قلت ليهو (لمّشتَ ليك فنشاكة) يعني انا ضامن اللعب
(الجُلك / الجُلكين / قدّاكم /الشرتيب /الربطة / القنزب أو الكنزب عند بعض القوم / طلوس / شرحبيل أحمد / الحاجّة (
وجد موضوعك شديد شدة الحرامى الشرب النشا من النفساء
خاصه لينا نحن الضهب ..المشتتين في الغربه شتات خالي
محطات وكده ..
اتفكفك = أنبرم
انبرم = أقطع وشك
أقطع وشك = فرتك
الجومة = أكل
سراخات = كواريك
جلكطة = حسس
حسس = فردة
الفلنكة = الضحاكات
الضحاكات = القروش
حديدتها عاضة = قوامها زبالة
ما تقرأ لي يا عمك = ما تحنكني
ما تحنكني = ما تحاول تقنعني
" مندلق " و " متكبكب "" جلي الفكرة "
" تتقلهت "" ناقشين "
" حا تنو قرض "
" حسس"
" لحام ستلين "
" كتاحة "" قرندو في شكل لستك "" حركة في شكل وردة"
كده وزاد وجدي
تفتحيه وشايلين مفاتيحه
والعجب ضهب الشتات ديل .. عارفين الرندوك لمن بهناك ...
تلقى الجواكى واقفين فى السوق اقولوا ليك اب سفة جات ( طبعا دى الهايس)
وغضب الوالدين دى البيجو ووداد بابكر دا تايوتا 2006
هبهانه والناس تعبانة
قرفة وعدم عرفة
ناصل وماعارف الحاصل
حرامى
ونار منقد
وبقاقة
وداقة صيونا وتراااااااااا تررررررررا واللستك الوراااااااا
اى انتو قايلنى زراعة بصل
" خليه رافع القزاز كدي طوالي "
(GL) يعني جديد لنج
" كلام يا عوض دكام "
والله يا حسس متصلحين معاك للطيش ..

بس في وهمات وجدعات كده في شكل ورد ...

بتخلي الزول يطلع من علبو ... ويفوت طارت كلتش طوالي

Nola
10-03-2006, 02:02 PM
...


النقل الميكانيكي -امير عمر

...


ابو النيييييز

قصر الشوق يا فرده ....

كلامك كلو في السلك وجاري كرت

وفهمنا وخشي الطاشة ...

الا الكنته بتاعة النقل المكانيكي حقت ابو صلعة دي ...

حاول اعملي المختصر المفيد في شرح التعقيد

عائدة الشايب
10-03-2006, 02:05 PM
...

رنــــدوق محلـــــي

سيد الفنايل - ابو هبه

الدامه - بت الشايب

الرصاصه - سمحه وسمريه

الشعنونه - هدي

الهيئه - نزار الداني

بت جن - بت الجنيد

توتي - ياسر نزهه جميله

اب مقص - السفاح

النقل الميكانيكي -امير عمر

...

العاصمه القوميه - المنتدي العام

سوسيوا - منتدي الاطفال

الكرنتينه - المنتدي الطبي

غوانتنامو - منتدي الشكاوي والاقتراحات

كمبال - منتدي حواء

المجلس - منتدي قري رفاعه

سته ونص - المنتدي الاجتماعي

.



...




اسالك بالله انت الافكار " النجاضة " دي بتجيبها من وين وانا والله " صنتك " ما ارتحت ليها قلت اكيد وراها سر " دا ازاي الجيتو براي " وبقى لي

"سهر " و"قهر" و"فراق اهل" و"شيل شنطة في الضهر" لكن ما مشكلة نحن اصلنا في الخرتوم "محل الرئيس بينوم "و"الطيارة بتقوم" و"الكريسيدا بتحوم" :mh8456:

ابو النيييييز
10-03-2006, 02:06 PM
ابو النيييييز

قصر الشوق يا فرده ....

كلامك كلو في السلك وجاري كرت

وفهمنا وخشي الطاشة ...

الا الكنته بتاعة النقل المكانيكي حقت ابو صلعة دي ...

حاول اعملي المختصر المفيد في شرح التعقيد
....تم تغبـــــير النقل الميكانيكي لأبو رجيله

انتهي

...

عائدة الشايب
10-03-2006, 02:17 PM
....تم تغبـــــير النقل الميكانيكي لأبو رجيله

انتهي

...



انتهى كلامه رحمه الله ههههههههههايكي

فيصل يوسف حامد
10-03-2006, 02:32 PM
ناس الرندوك...سلام...ياخي انا شايف البنيات يديهم مليانه زيت مكنات وكاوتشات وبلكات...
والشباب يدو نظيييييفه الحاصل شنو...كدي عرفوا لي الرندوك التحت دا...

هكر.....
كيسو فاضي....
كيس نايلون...
ماشين الطرمبه نوزن...
كهارب...
فك المجنونه....
هوى بارد...
قائد الاسطول....
هواه قائم....
عشه الفلاتيه...
كبايه...
سحليه...
حنقولي...
ياعمك...

(وكان غلبكم برجع)

فيصل...

nozhajamila
10-03-2006, 02:40 PM
ده شنو علييك الله الطلب الغريب ده

اول مره زول اقول عاوز اشوفني

انا نفسي ما قاعد اشوفني
يعني في داعي يا ابو النيييز يا أخي طيب خاترنا بكلمة سمحة
وبعدين مالو يا اخي انا داير اصاحبك ولا انت ما عايز تصاحب اهل العوض
برضو منتظر الصورة

عائدة الشايب
10-03-2006, 02:46 PM
ناس الرندوك...سلام...ياخي انا شايف البنيات يديهم مليانه زيت مكنات وكاوتشات وبلكات...
والشباب يدو نظيييييفه الحاصل شنو...كدي عرفوا لي الرندوك التحت دا...

هكر.....
كيسو فاضي....
كيس نايلون...
ماشين الطرمبه نوزن...
كهارب...
فك المجنونه....
هوى بارد...
قائد الاسطول....
هواه قائم....
عشه الفلاتيه...
كبايه...
سحليه...
حنقولي...
ياعمك...

(وكان غلبكم برجع)

فيصل...


يا خوي قبل ما تمشي اخير ترجع كان ما بعدت " عليك امان الله " ما فهمنا التكتح .

عائدة الشايب
10-03-2006, 02:48 PM
يعني في داعي يا ابو النيييز يا أخي طيب خاترنا بكلمة سمحة
وبعدين مالو يا اخي انا داير اصاحبك ولا انت ما عايز تصاحب اهل العوض
برضو منتظر الصورة


يا خوي انت موضوع الصورة دا كان " حلقت" ليه يكون احسن وصدقني " عشمك فيه زي عشم الكلب في موية الابريق "

عائدة الشايب
10-03-2006, 02:50 PM
اها يا حسس

طلعتي من رواد المنطقة الصناعية ... وشارع الصناعات

عارفة يا منقة انتي المشكلة من في الابنصات ..

المشكلة في كسر الركبة .. وعمود الطواري

ودا كلو كوم وطفئ البلكات كوم تاني ....

هههههههههايكه


بس اوعى يكون "قومتك" صعبة ودايره دفرة . شفتي محن الاولاد ديل نحن لازم الاستارتر بتاعنا يكون " الف "

ابو النيييييز
10-03-2006, 02:53 PM
يعني في داعي يا ابو النيييز يا أخي طيب خاترنا بكلمة سمحة
وبعدين مالو يا اخي انا داير اصاحبك ولا انت ما عايز تصاحب اهل العوض
برضو منتظر الصورة

يعني داير تصاحبني تاني

ما اساسا نحن اصحاب يا فرده

وبعدين شنو اهل العوض دي...يعني نحن اهل جابر

ما ياهو عوض خالنا وعمنا ما تشوف فسفستنا دي

...وخلي الصوره ..عشان انا جاييكم بي كلي في العيد ان شاء الله

Ashraf Elhadi
10-03-2006, 02:53 PM
بت الشائب
والله قريت العنوان قلت النكشف ليو امكن صواميلو تربط معاى لقيتو ليك كلو فى محلو
طبعا ياعمك أخوك حايشوف ليك المكنيكيا وكدا
البلف
نيسان جنا اليابان مدنكس من ورا عالى من قدام
تفطر فى الجنينه تتغدى فى بورسودان
لالستك نام لاشمبر قام
أريل مقيل الشواطين مكنه تسب كرونه تقول أستغفر الله العظيم
السواق
يابلف ماتكورك
البلف ياخى ديل طلبه نحن سليقين لينا فصل
السواق
شنويعنى ننهر
البلف دقيقه دقيقه دقيقه يلا يا حاجه يلا يلا سياحه وركوب براحه وبلاش طراحه
مقاعد سسته معلم اسطى يلا البسطه المحطه الاسطى عليك الله ماتقعد لينا فى مقعد النص
اسمع ياعمك شتت ماتقيف ليه دا عارض دا يااااااخ ورم والله ياعمك صاحبك يركب هنا
البرى دا شايفو يتحوك اتفكفك ياخى يازول جر الشارع
السواق
يابلف طقطقم يعنى اخلص
البلف
ساعدونا بالفكه طلبه مافى ماشين بالاربعين عمك عمر دا قالو عندو عوك عروروك فى المجلس هنا
بت الشائب لك التحيه العطره لما تتناولى
كمقدمه لمداخله اخرى أكثر عمقا نعمل فيها الفكر للبحث عن ماهية لغة الراندوك المصادر التداول الاجابيات السلبيات أقول أن لغة الراندوك المصدر كان السينما الهنديه الى أن وصلت هذا الحد من التداول
ولا عجب الرمزيه دخلت العاميه فى الشعر دون استهجان فما بال العاميه نفسها مثلا الشعر الرمزى
أهديك ولا شى .....واقطع وديان السهو مشى
أهديك الفوضى.....وشجار طفلين فى ساحة روضه
أهديك حزنك ..... ستات الفول ما بين الخمشه وعن ازنك
هذا موضوع شيق ومبحث مهم لحاله ربما تؤرق من لايتعايشون معها
أرجو ان أكون هنا ثانية

عائدة الشايب
10-03-2006, 02:56 PM
بت الشائب ... طلب خاص

شيلي صورة الورد الخاتاها دي وختي لينا صورة "رمان بلي"
عشان النفسيات وبمناسبة رمضان وكده يا عمك:mh746:


البطن " قرصت " ولا شنو يا امير

وعلى قول المراة العزموها سماية مشت متاخرة مالقت اي شئ بدت تسال في النسوان الفطور كان بي شنو قالو ليها " ضلع " وطبعا الكلام كمل قالت ليهم " وكت ما لقينا اللحم النشرب الشوربة " هههههههههههههايكي جمد قلبك يادوب 11 يوم وممكن تسال صاحبك " الفليسوف " " مابقدر اجيب اسمو الهوا بيقسموا " " ومابقدر اقول حرفو الناس بتعرفو " عن جوعة الساعة 2

عائدة الشايب
10-03-2006, 02:59 PM
بت الشائب
والله قريت العنوان قلت النكشف ليو امكن صواميلو تربط معاى لقيتو ليك كلو فى محلو
طبعا ياعمك أخوك حايشوف ليك المكنيكيا وكدا
البلف
نيسان جنا اليابان مدنكس من ورا عالى من قدام
تفطر فى الجنينه تتغدى فى بورسودان
لالستك نام لاشمبر قام
أريل مقيل الشواطين مكنه تسب كرونه تقول أستغفر الله العظيم
السواق
يابلف ماتكورك
البلف ياخى ديل طلبه نحن سليقين لينا فصل
السواق
شنويعنى ننهر
البلف دقيقه دقيقه دقيقه يلا يا حاجه يلا يلا سياحه وركوب براحه وبلاش طراحه
مقاعد سسته معلم اسطى يلا البسطه المحطه الاسطى عليك الله ماتقعد لينا فى مقعد النص
اسمع ياعمك شتت ماتقيف ليه دا عارض دا يااااااخ ورم والله ياعمك صاحبك يركب هنا
البرى دا شايفو يتحوك اتفكفك ياخى يازول جر الشارع
السواق
يابلف طقطقم يعنى اخلص
البلف
ساعدونا بالفكه طلبه مافى ماشين بالاربعين عمك عمر دا قالو عندو عوك عروروك فى المجلس هنا
بت الشائب لك التحيه العطره لما تتناولى
كمقدمه لمداخله اخرى أكثر عمقا نعمل فيها الفكر للبحث عن ماهية لغة الراندوك المصادر التداول الاجابيات السلبيات أقول أن لغة الراندوك المصدر كان السينما الهنديه الى أن وصلت هذا الحد من التداول
ولا عجب الرمزيه دخلت العاميه فى الشعر دون استهجان فما بال العاميه نفسها مثلا الشعر الرمزى
أهديك ولا شى .....واقطع وديان السهو مشى
أهديك الفوضى.....وشجار طفلين فى ساحة روضه
أهديك حزنك ..... ستات الفول ما بين الخمشه وعن ازنك
هذا موضوع شيق ومبحث مهم لحاله ربما تؤرق من لايتعايشون معها
أرجو ان أكون هنا ثانية





ايوووووووووووووووووي يوووووووووووووووووي والله كلامك داير لو شبال ولازم ترجع


نحن بنهظر

عائدة الشايب
10-03-2006, 03:00 PM
يعني داير تصاحبني تاني

ما اساسا نحن اصحاب يا فرده

وبعدين شنو اهل العوض دي...يعني نحن اهل جابر

ما ياهو عوض خالنا وعمنا ما تشوف فسفستنا دي

...وخلي الصوره ..عشان انا جاييكم بي كلي في العيد ان شاء الله



ووووب علي جايي سخصيا اكان كدي " النعضي جلابيتي واقوم جاري"

عائدة الشايب
10-03-2006, 03:07 PM
البطن " قرصت " ولا شنو يا امير

وعلى قول المراة العزموها سماية مشت متاخرة مالقت اي شئ بدت تسال في النسوان الفطور كان بي شنو قالو ليها " ضلع " وطبعا الكلام كمل قالت ليهم " وكت ما لقينا اللحم النشرب الشوربة " هههههههههههههايكي جمد قلبك يادوب 11 يوم وممكن تسال صاحبك " الفليسوف " " مابقدر اجيب اسمو الهوا بيقسموا " " ومابقدر اقول حرفو الناس بتعرفو " عن جوعة الساعة 2



الصورة وعدلناها وعشان نوريكم الكلام الما كلامكم الدعوة لشخصين فقط " البدق سدرو منو" " انا امك يا ما فيشة"

ندى بكرى
10-03-2006, 03:17 PM
الجملية ,,, عيود :mh04:

كركدي وماعرفن ليه ,,, (( اتنين بفتوا فيه ))

أشخط شخيط وأقف بعيد (( مشاكللللل ))

البدوروا بتعملوا ليه حلبه ,,, المابندوروا بنحرش عليه الكلبه :

كبري شمبات المفتح بالجنبات ,,,

جرجخيس والنبق الرخيص :

هبهان ,,, وسخ بيان

:: كيس نايلون والهواء شايلوا

:: ناس ناس وناس أنناس ,,, وناس أذي للناس ,,, وناس أتموا بيهم باقي الناس

قرفه وعــــدم عرفــــه

ترترا ,,, ترترا والساتك الوراء:m07:


بنات رفاعـــــة البسن الساعة :mh15:

:eusa_dance: (( فريق كتلوا الجداد أكلوا ))

عائدة الشايب
10-03-2006, 03:20 PM
الجملية ,,, عيود :mh04:

كركدي وماعرفن ليه ,,, (( اتنين بفتوا فيه ))

أشخط شخيط وأقف بعيد (( مشاكللللل ))

البدوروا بتعملوا ليه حلبه ,,, المابندوروا بنحرش عليه الكلبه :

كبري شمبات المفتح بالجنبات ,,,

جرجخيس والنبق الرخيص :

هبهان ,,, وسخ بيان

:: كيس نايلون والهواء شايلوا

:: ناس ناس وناس أنناس ,,, وناس أذي للناس ,,, وناس أتموا بيهم باقي الناس

قرفه وعــــدم عرفــــه

ترترا ,,, ترترا والساتك الوراء:m07:


بنات رفاعـــــة البسن الساعة :mh15:

:eusa_dance: (( فريق كتلوا الجداد أكلوا ))






هههههههههههههههههه شكيت محنك بطني وجعتني وهي فاضية وبالذات بتاعة فريق كتلو اتخيلت " الكومر " واقف

ابو النيييييز
10-03-2006, 03:25 PM
الجملية ,,, عيود :mh04:
,,,

جرجخيس والنبق الرخيص :

هبهان ,,, وسخ بيان

:: كيس نايلون والهواء شايلوا

:: ناس ناس وناس أنناس ,,, وناس أذي للناس ,,, وناس أتموا بيهم باقي الناس

قرفه وعــــدم عرفــــه

ترترا ,,, ترترا والساتك الوراء:m07:


بنات رفاعـــــة البسن الساعة :mh15:

:eusa_dance: (( فريق كتلوا الجداد أكلوا ))






هوووووووووووووووي

هســـه نحن سألناك عامله شعرك الممعط ده:

ابو النيييييز
10-03-2006, 03:26 PM
هههههههههههههههههه شكيت محنك بطني وجعتني وهي فاضية وبالذات بتاعة فريق كتلو اتخيلت " الكومر " واقف

والله احسن ليك

عائدة الشايب
10-03-2006, 03:50 PM
والله احسن ليك



الحقوني يا جماعة بقى فيها تهديد وكان ما اخاف الكضب انت " جوه الجك" بتاع الشكلة

عائدة الشايب
10-03-2006, 03:50 PM
هوووووووووووووووي

هســـه نحن سألناك عامله شعرك الممعط ده:


الشعرو ممعط منو انت كان قدر كلامك ورينا صورتك ولا ما بتقدر

فيصل يوسف حامد
10-03-2006, 03:55 PM
يا خوي قبل ما تمشي اخير ترجع كان ما بعدت " عليك امان الله " ما فهمنا التكتح .

هكر: معناها زول قديم...كمان (شجر بلفظ شدر) نفس المعنى
كيسو فاضي: ما بفهم
كيس نايلون: زول بمثل ظريف على البنيات..
ماشين الطرمبه نوزن: دي معناها (نسنن)...نسكر
كهارب: فلوس...ومرات بقولوا عليها (حنه)
هوى بارد: شئ لا تحمد عقاه..
قائد الاسطول: دي للمسطول
هواه قائم: مفلس..(مكنب)
عشة الفلاتيه: عشاء الفنانين
كبايه: زول بتوتر لم اتعامل مع الجنس اللطيف (الزول دا كبايه بس ما اشوف ليه طرف توب)
سحليه: البت البتفرض في مفتحات البشره (فسخ وش)
حنقولي: غني...ومنها قندولي...
ياعمك: يا أخونا...

فيصل...

عائدة الشايب
10-03-2006, 03:58 PM
والله عاد " علم داير فيلم " والليلة البوست دا جوعني واقتنعت انو " المنجرية حياة البشرية "

فيصل يوسف حامد
10-03-2006, 04:05 PM
كيس نيلون دي تتقال للجنسين...عشان كدا بقولوا كيس نايلو والهواء شايلوا..(خفيف/ه يعني)..
يعني الواحده بس تقول ليها وين يا...أه تقوم تتبرش تواااااالي (بالنقه يعني)...
والواحد حركة حاجب تخليه إضارب...

فيصل...

فيصل يوسف حامد
10-03-2006, 04:21 PM
وكمان سحليه دي بردو فيها كلام...
اقول ليك سحليه وشاد النمليه....
يعني شاد البشره بمستحضرات التجميل مع الفسخ...

فيصل...

الموناليزا..
10-03-2006, 10:39 PM
بت الشايب ونزار

سلام عليكم

بالله لما تخلصو من البوست دا أعملوا لينا قاموس ( مترجم ) عشان نقدر نفهم حاجة ، أختنا الموناليزا ( مختفية اليومين دي ما لا ؟) في بعض كراسيها الساخنة جداً كانت لما الكرسي يكون على وشك يبرد تقعد تسأل الناس بلغة قدرما حاولنا نفهم ما قدرنا ( سحس وحاجات زي كدا ) .

وبعدين الراندوك زاتها بتعني شنو ( هل جاية من راندوم باللغة الإنجليزية )

وتسلموا

ست بوبار السايب شرشور ..
سحية ترتار سدية نعناع ، سلغة بوبار السندكة رمان ..
سوست بوبار سذيذ ليمون سديد شرشور ..
سعليش مرمر سيت جرجير ستاخر مرمر، سقيتكم ليمون
سلصتوا خرطوش سل كمون السندكة رمان ، سشان عناب
سده كمون سلت قرقور سرطن أبوني سعاكم مرمر سوية
شرشور ..سصلي أبوني سايفة شرشور سبو أبوني سبة
هالات ساير دربكين سيه ليمون سبير خرطوش سجنبي
أبوني :mh515: سشان عناب ستابع يايات ..
سكيد أبوني سنتي أبوني سريفة حمام ، سشان عناب
سده كمون سرجمي ترتار للسماعة جرجير سلا ورنيش
سستعيني أبوني سصديق بوبار ..

الموناليزا ..

فيصل يوسف حامد
10-03-2006, 11:30 PM
ست بوبار السايب شرشور ..
سحية ترتار سدية نعناع ، سلغة بوبار السندكة رمان ..
سوست بوبار سذيذ ليمون سديد شرشور ..
سعليش مرمر سيت جرجير ستاخر مرمر، سقيتكم ليمون
سلصتوا خرطوش سل كمون السندكة رمان ، سشان عناب
سده كمون سلت قرقور سرطن أبوني سعاكم مرمر سوية
شرشور ..سصلي أبوني سايفة شرشور سبو أبوني سبة
هالات ساير دربكين سيه ليمون سبير خرطوش سجنبي
أبوني :mh515: سشان عناب ستابع يايات ..
سكيد أبوني سنتي أبوني سريفة حمام ، سشان عناب
سده كمون سرجمي ترتار للسماعة جرجير سلا ورنيش
سستعيني أبوني سصديق بوبار ..
الموناليزا ..

الموناليزا..تحياتي،
انت عارفه بت شايب دي باين بتكون مشغوله...وكان جاتك ح تقول ليك ما ناقشه التكتح...
عشان كدا بترجمه ليك أنا...اصلو البوست دا عاجبني شدييييييييد...

الترجمه...
بت الشايب...
تحية ندية ، بلغة الرندكة...
بوست لذيذ شديد...
معليش جيت متأخره ، لقيت خلصتوا كل الرندكة ، عشان كده قلت أرطن معاكم شويه...
أصلي شايفة أبو هبة داير ليه خبير أجنبي :mh515: عشان يتابع...
أكيد إنتي حريفة ، عشان كده ترجمي للجماعة ولا إستعيني بصديق...

الموناليزا...ياخي جيبي حاجة أصعب شويه...إنت ما عارفاني قاعد بجاي يا حبه...

فيصل...

معتصم سليمان بابكر
10-04-2006, 02:38 AM
يعني يالمعتصم انت في المواضيع دي (GL) يعني جديد لنج ؟؟


عجندج اللجفجة بجتجاعتك :

إجنت جا مجعجصتجم شجخجص مجا عجادجي ... أجصلجك فجرجح فجي كجل مجكجان ...

الحبيب عاصم
دي نحن فيها من الغربية
الكانت أولية والفطور طعمية
و الطيب التوم والجلد بالكوم
وتاني سموها الابتدائية
والله لروحي الشقية
وهسي بقت الاساس والشغل مقاس
وتتضارى من الهواء تلقي روحك ورا
وتجي لفة المعتصم تبتسم
وتدخل النيمة تحس بالقيمة
وقري رفاعة الكرم والشجاعة
وشوف الأدبي تقرأ العربي
وفي حوّه الجبين ضوّه
اجتماعيات تعمل مجاملات
والتعارف تآلف
والتطوير داير تعمير
والديني للجنة بوديني
والشكاوي حكاوي
والطبي وفي الدوا تعبي
والروابط نشاطها هابط
وجنة روان مجمع أخوان
وتعال العام واسرع قدام
زور بت الشائب تلقي
الراندوك قالب

عجندج اللجفجة بجس:
-------------------
دجا يجاعجاصجاصجم رجندجوك حجق نجاس عجاقلجين
بجس مجمكجن تجكجون لجي فجيهجو غجلطجات عجشجان
لجي زجمجن طجوجيييييل مجا مجارجستجو

الفنان
10-04-2006, 03:44 AM
سحبت
كلامى
عشان
حذفوا
الصورة
من غير
علمى ..........

عائدة الشايب
10-04-2006, 11:35 AM
ست بوبار السايب شرشور ..
سحية ترتار سدية نعناع ، سلغة بوبار السندكة رمان ..
سوست بوبار سذيذ ليمون سديد شرشور ..
سعليش مرمر سيت جرجير ستاخر مرمر، سقيتكم ليمون
سلصتوا خرطوش سل كمون السندكة رمان ، سشان عناب
سده كمون سلت قرقور سرطن أبوني سعاكم مرمر سوية
شرشور ..سصلي أبوني سايفة شرشور سبو أبوني سبة
هالات ساير دربكين سيه ليمون سبير خرطوش سجنبي
أبوني :mh515: سشان عناب ستابع يايات ..
سكيد أبوني سنتي أبوني سريفة حمام ، سشان عناب
سده كمون سرجمي ترتار للسماعة جرجير سلا ورنيش
سستعيني أبوني سصديق بوبار ..

الموناليزا ..


ياختي ود ابنعوف " ما اتصلح " معاي اكان خلاك " بارمة " كان يكون كويس اسي جنس " مواسيرك " دي انا بقدر عليها:mh52:

عائدة الشايب
10-04-2006, 12:42 PM
ياخييييييييي لخبتو علينا الاختساس ياخ .....
اولن بالتبادى انا زول ماضليع في اللوغات سمح لكن بعرف معرفة عامة ساي ...
وحسب ظنى انو البوصطى دة ملخبت لخبتة شديدة خلاس ... كيفن انا ح اوريكم سمح ...
* ست بوبار السايب شرشور ..
سحية ترتار سدية نعناع ، سلغة بوبار السندكة رمان ..
سوست بوبار سذيذ ليمون سديد شرشور
دى من الراندوك الاصلى لكن في الرندوك اسمها( السربعة .) * ترا ترا ياللستك الورا .... وبندورة وكشفنا دورا ... البوبار يادموع الحمار ... جنرتى ... اعمل شخيت واقيف بعيد ........
دة اسمو( الردحي) دة مابستعملو الشماشة كلو كلو دة بيستعمل في مجتمعات معينة لا مواخذة

* شرتيت .. حسس .. فردة ... زوغبير ... فكفكنا .. الجلكين ..
دى لغة الشماشة في الشارع (الراندوك) وبترتبط دايماً بالجو السايد حول الشماشة ...
ودايماً فيها كلامات مركبة ومواكبة للأحداس... مثال : ( فصل الدين عن الدولة ) دة معناتو البت
اللابسة بلوزة قصيرة .. ونص بطنها كاشف ...:

وكلامات زى (رافع لينا القزاز ) ..( وكسير التلج).. ودايما مواكبة وهى لوغة لاتموت ( حركات انجلو في المطار )..... الخ
ودة دايماً بستعملوه الكماسرة والسواقين ....

* اما cut your face
compositon got&
&
cut the road
دى والله اعلم لوغة الشماشة الموسغفين ...نأنو شنو كمان في شماشة ناقشين...وتفتيحات ...


يللا في رايى يابت الشايب حغو البوصطى دة تغيري اسمو (لغة الشوارع ....خصوصية.....) عشان يستوعب اللوغات او الكلامات كولها ... كويس ...لأنو دة ماكلو رندوك ...ولا تعملى لينا بوصطى بتاع (رندوك) وبوصطى بتاع( سربعة ) وبوصطى بتاع( انقليزى الشوارع) وبوصطى بتاع (رندوك مركب) . والعجب بتاع الردحى ..عشان ننداح ....

لاكين مبدئياً كدة انا ح اقول ليك قصة حصلت جد جد ...

يوسف عبدالفتاح بتعرفيهو (رامبو ) ... ايوااااااااااااااااااا
مشى زيارة للفريغ الغومى في معسكر سوبا وقال ليهم :
انا مبسوط منكم شديد عشان مافي زول فيكم عمل (زوغبير) من المعسكر ...
اها دى( شمولية التعبير) يابت الشايب ... الوزير زااااااااااااااتو... برندك ...


نكتة أخيرة بتاعة( خصوصية التداول )

القاضي للشماشي : انتا الجابك شنو هنا ؟؟؟
الشماشي : والله يامولانا كنا بنلعب طُرة كجنق بالشرتيت ..... فجأة الجمتى كبس ... اتنين تفتيحة كبوا الزوغة وواحد فارة ماثل امامكم .....


هوى ها بوصطيك دة شبهة انا غايتو (فوق البوصطى دة تانى مابجى) ......



ايوااا اتاريك " فاهم وخامي الطماطم " وانت كمان طلعت " برلنت عدييييل " كمان عامل لينا "divition " صلاة النبي ومالك قلت ما بتجي "ولا البباري الجاد بوديهو الكوشة" ودي مني انا " البباري ابو:mh52: النييييز بيعزموا في لذيييييذ" هههههههههههههههاييي:mh15:

فيصل يوسف حامد
10-05-2006, 12:57 AM
معلومه صغنونه كدا...يا جماعه الرندوك ولغة الشارع ولغة الشماسه هي حاجه واحدة...بما فيهم اللغة المشفره بالاحرف بس في رندوك مهذب...وفي رندوك مو مهذب...وبتجتمع في إنها استعمال غير معهودة في اللغة...والحاجة دي حسب المجتمع وكل جيل ليه رندوك براهو...وكل مدينه في السودان بتختلف من التانيه فمدن الغرب تختلف من الشمال تختلف من الشرق...وهكذا...منها اترمتل ...ورمتالي...رمتله...واليكم نموزج...

ضفادع أو نحل أو دبايب...دا زول بفرض نفسه وبحشرها في الما بخصه (تطفل يعني)..
ورل...ودا أكبر درجة من الضفدع والنحل والدبايب...
عشمانه: دي للعشاء
سفاسف..سفسه...للأكل جملة...
مهوي: جيعان..
شرحبيل أحمد أو نكب الزوغه أو زغبير...دي للهروب...
الطرمبه: محل الخمور
قلب: انسان حنين...
لم تسطنع الكحه بالقرب منك...معاناها إنت قديم وطالع من كلامك الغبار...يعني (هكر)..

واتمنى ما تطلعوا هكر...:mh007:

فيصل...

دمعة فرح
10-05-2006, 09:22 AM
ست بوبار السايب شرشور ..
سحية ترتار سدية نعناع ، سلغة بوبار السندكة رمان ..
سوست بوبار سذيذ ليمون سديد شرشور ..
سعليش مرمر سيت جرجير ستاخر مرمر، سقيتكم ليمون
سلصتوا خرطوش سل كمون السندكة رمان ، سشان عناب
سده كمون سلت قرقور سرطن أبوني سعاكم مرمر سوية
شرشور ..سصلي أبوني سايفة شرشور سبو أبوني سبة
هالات ساير دربكين سيه ليمون سبير خرطوش سجنبي
أبوني :mh515: سشان عناب ستابع يايات ..
سكيد أبوني سنتي أبوني سريفة حمام ، سشان عناب
سده كمون سرجمي ترتار للسماعة جرجير سلا ورنيش
سستعيني أبوني سصديق بوبار ..

الموناليزا ..
جلام سرسور
سلام كمون سميل جرجور جاس نعناع سندكة كمون سافهمين مرمر سليهم خرطوش سدا كمون جاكسين دربكين وجويس كمون سنك ابونى جتعرفى بوبار جندوك مرمر جانى سرسور وست بوبار السائب شرشور ساسها رمان جخن سرسور وسقت بربور جسطحة مرمر جلاس خرطوش سبقى نعناع سرد فرفور.وسحية ترتار جاصة خرخور لجيصل فرفور
ساى بوبار وسعود نعناع

عائدة الشايب
10-05-2006, 09:45 AM
كيس نيلون دي تتقال للجنسين...عشان كدا بقولوا كيس نايلو والهواء شايلوا..(خفيف/ه يعني)..
يعني الواحده بس تقول ليها وين يا...أه تقوم تتبرش تواااااالي (بالنقه يعني)...
والواحد حركة حاجب تخليه إضارب...

فيصل...



والله عاد ياود يوسف اقول ليك شنو كلامك دا الليلة ذكرني حاجة مرة كانوا مرسلني اجيب السكر من دكان عبد اللطيف المطري ولما بقيت جمب بيت ناس علي عبد الرحمن قومي ياالقروش طيري وعاد تعال شوف جنس " نخجي " ما القروش الزمن داك فعلا قروش عارف عملت شنو كان عندي في جيبي " اندروس " ما " فوار " بتاع هسه قمت ختيتيو ليك في خشمي ويلا عاد " فار واندلق " ورجعت البيت " كاسرة كرونا " قلت ليهم استفرغت في الشارع وتعبت ويلا انشغلو بي ونسو السكر والقروش وهذا ما كنت اريد وربك كريم " بيعيش المساكسن في المجانين "

سجم خشمي " انا ما فكيت آخري " :m04: :m04:

عائدة الشايب
10-05-2006, 09:47 AM
سحبت
كلامى
عشان
حذفوا
الصورة
من غير
علمى ..........


يا خوي شوف السحبها منو :mh154: :mh154: انا والله " افداك من طعنة الشوكة" ( بس الدعوة دي ما يسمعها ابو النيييز " باقي شايفاه بهرش فيني) الحمد لله ما بعرف انزل صور عشان اسحبها والله

عائدة الشايب
10-05-2006, 04:59 PM
الاخوة الاحباب


الى هنا اعتقد بانه مسح شبه كامل للمفردات المتداولة على اختلافها . ومن هنا تبدا اولى خطوات الدراسة ، لماذا تتولد لغة كهذه منشقة من اللغة الام؟ الفئات التي تنتجها وتستخدمها ماهي ابعاد هذه اللغة في اوساطها والمجتمع ؟ هل لغة الراندوك لغة تعبر عن فئات محددة وتنسب اليهم وقد يكون من المشين استعمالها بصورة معلنة ؟ هل وهل وكثيرا من الاسئلة اتمنى ان تطرح ومن هنا يعقد منتدى النقاش حتى نتوصل الى رؤية واضحة وبعدها نقرر هل نقفل الملف ام نبقيه مفتوحاً.



ونلـــــــــــــــتقي



بت الشائب

معتصم سليمان بابكر
10-08-2006, 01:21 AM
بت الشائب
تحية طيبة
استجابة لطلبك ندرج لك
القصيدة الهدية في البوست
ولد اخوي ممتن شديد لقبولك
الهدية وقال ليك ولك بمثل
دعوتك لنا




حبيبتي
احبك الله يقطع شكلك

حبيبتي
احبك الله يخلف على اهلك

انا بدونك
زي الشارع بدون اناره
زي التقاطع بدون اشاره
زي العربجي بدون حاره
زي السلطه بدون خياره
زي السواق بدون سياره
زي الداتسون بدون غماره
زي السياره بدون استماره


زي الشارع بدون قار
زي القطو بدون فار
زي العصفور بدون منقار

زي الحديقه بدون شجره
زي الثور بدون بقره

زي الصحراء بدون بعير
زي بوش بدون بلير
زي السياره بدون قير

زي الحفله بدون كيك
زي الدباب بدون بريك

زي العرس بدون طيران
زي الطق بدون زيران
زي البيت بدون جيران
زي الكوره بدون الثنيان

زي توم بدون جيري
زي جبن نوعه كيري

زي الخبل بدون خبله
زي عنتر بدون عبله

آآآآه.....
انا المحشش وانتي السيجارة
انا الشقه وانتي العماره


انا النار وانتي الدخان
انا الزلزال وانتي البركان

انا بدونك اضيع
انا بدونك بالشوارع اصيع
انا بدونك زي الخروف من غير قطيع
انا بدونك ماني فظيع
ليش ماني فظيع؟؟؟

لاني راح اشب طراطيع

انا بدونك الدمام من غير هاف مون

انا الكهرباء وانتي اللايت
وانا مارق مريت

جمب ابواب البيت
وش عندك عند ابواب البيت؟
عشان لك حنيت
انا روميو وانتي جوليت

انا بدونك مافيه واجد قرقر كلام
انا في يبغى يكون مال انا مدام
انا في يبغى يسمع يقول انتا سلام

انا سوبرمان وانتي طيارته
انا باتمان وانتي سيارته

انا عشانك اشتغل تاكسي
انا الميراندا وانتي الببسي

انتي القشطه وانا الزيتون
انتي نعناعه وانا ليمون
انتي الجزيره وانا سبيس تون
انتي بومبا وانا تيمون

انتي العراق وانا صدام
انتي الهند وانا الافلام
انتي الشكمان وانا الصّدام

انتي القمر وانا الشمس
انتي اليوم وانا الامس
انتي الصوت وانا الهمس



انتي الكليجـا وانا القصيم
عشان حبي لك بالصميم

انتي الباب وانا المفتاح
انتي الضفدعه وانا التمساح

انتي الزيت وانا المكينه
انتي التلفون وانا الكبينه

انتي البيت وانا السطوح
انتي الفؤاد وانا الروح

انتي الثلاجه وانا الفريون
انتي الريموت وانا التلفزيون
انتي السماعه وانا التلفون
انا من غيرك ما اعرف مين اكون

يااا احلى من بنات امسترادام
انتي جوليا وانا فان دام

يا اجمل من بنات المغرب واليونان
آآآآآه ليتك بنت الجيران
انا لعيونك اغلب جاكي شان
واعبر المحيطات والخلجان
واهجد البعاريين والضبان
وادمن عالجريش والقرصان
واسمع بشير حمد شنان
واصارع في حلبة الثيران
واحترف الكيرم واشب النيران
يا احلى من شاكيرا وبرتني وكريستان
انا قليبي مشتعل نيران
شربت حبك وصرت سكران
ما يفيد معه النكران

آآآه .. انا وانتي احلى معنى للحب
انا المتر وانتي الشبر
ليش انتي الشبر ..؟؟؟

لان حبي لك هالكبر
لااا حبي لك كبر كثر موج البحر
حبي لك كثر مافي العالم قهر
كثر ما في عمان سحر
كثر ما في الحساء تمر

كثر ما يلبسون البنات حرير
كثر مافي القطيف جرجير

كثر مافي لبنان بنات حلوات
كثر ما عند الوليد يختات

كثر مافي هولندا ورود
كثر مافي امريكا يهود

كثر مافي الصومال مجاعه
كثر مافي لبنان صياعه

كثر ما تخيلت اني طرزان

كثر ما الصيف عندنا حار
كثر ما عبر بن بطوطه البحار
ياكثر ما نويت الانتحار

معتصم سليمان بابكر
10-08-2006, 01:49 AM
هل لغة الراندوك لغة تعبر عن فئات محددة وتنسب اليهم وقد يكون من المشين استعمالها بصورة معلنة ؟

قبل الاجابة علي هذا السؤال والذي هو لُب الموضوع
فلتسمحوا لي في محاولة لابداء الرأي في هذه اللغة
(ان جازت التسمية) فهي في الحقيقة ليست لغة كما
انها ليست لهجة . . . اذاً ماهي؟؟
نعم هي مجرد اصطلاحات يتفق عليها في بداية الامر
مجموعة من الناس تزيد او تقل تكون بينهم صلات معينة
ونوع محدد من التعايش . . . يتداولون هذه الاصطلاحات
والتي تكون في البداية ذات خصوصية محضة وعند
مجاهرتهم باستخدامها في مجتمعات اخري غالبا ماتكون
عامة ووسط فئات مختلفة قد يوافق رنين بعض المصطلحات
الخاصة بهم . . . هوى لدي آخرين وهنا يأتي دور النقل
والتداول ومن ثم الانتشار . . . .فتتخذ شكل العمومية في
التداول كما جاء ذلك واضحا في عنوان البوست .
بعض هذه المصطلحات تثبت كما قلنا وكثير منها قد لا يكون
وصل الي اسماعنا . .
في رأي ان هذه المصطلحات تتصف بالهشاشة وعدم القدرة
علي الثبات الطويل والدليل علي ذلك ان لكل زمن وجيل
مصطلحاته وده بيأكد الخصوصية المشار اليها . . اذاً في
النتيجة يمكننا ان نصنفها من ضمن العبارات الهلامية ذات
المدلول أو قل اللبانية لما تتمتع به من مرونة عالية وقد حاول
البعض ان يميز بينها في شكلها هذا وبين مايسمي مجازا لغة
الشماسة ولكني لا اري فرقاً في المحتوي . . .وان لا علاقة
لكونها اتية من الشماسة او من اولاد الشوارع ولا غرابة تدعو
الي هذا التصنيف فهي في النهاية سواء كانت اتية من اولاد
الشوارع او من الفئات المستقرة في بيوتها هي في النهاية
وفي مفهوميتها العليا سوى انها مجرد ظاهرة ستندثر بمجرد
ظهور اخري علي السطح والمتابع لذلك حتماً سيؤكد علي
هذه الحقيقة . . .
نعم هناك من مثل هذه المصطلحات كما كان لمثل غيرها من
المصطلحات التي اندثرت هناك من المصطلحات التي تأبي
النفس الحصيفة ان تتداولها خارج النطاق الضيق لما تحمل
من معاني ومدلولات يتحرج الفرد من التلفظ بها او اظهارها
خارج نطاق الخاصة جداً.

آمل ان اكون قد وضحت رأي في ذلك الامر وليس بالضرورة
ان يكون هو الصحيح مائة بالمائة فالحقيقة تكون موزعة علي
جهات عدة ما عدا الحقيقة الازلية والتي هي مجموعة في مصحف
واحد .

عند اللفة بس:
------------
بحكم معايشتي لشعوب مختلفة اللهجات والسحن توصلت الي ان لكل
شعب مصطلحاته وكما لمجموعة مصطلحاتنا كسودانين مسمي الراندوك
لهم كذلك مسميات مختلفة باختلاف شعوبهم.

عبد المنعم على قسم السيد
10-09-2006, 03:24 PM
صراحة نريد ان نقف على هذه الظاهرة هل هي سلبية ام ايجابية والعندو زيادة يزيدنا




العزيزة عائدة والاخوة المشاركين فى البوست

تحياتى لكم جميعا

فى بداية الثمانينات من القرن الماضى فى واحد عمل رسالة ماجستير فى الكلمات والجمل العجيبة ديك اللى بكتبوها ناس الحافلات "الفكة قبل الشلن والمناظر قبل الفيلم ..وشئ من هذا القبيل" ..وعلى ما أذكر قام بنشرها فى حلقات فى أحدى الصحف السيارة لا يحضرنى إسمهما الآن.

عطفا على ذلك أنا شايف إنه الموضوع بستحق تتعمل فيه رسالة دكتوارة مش بس ماجستير..
واللى عندو استعداد أنا مستعد ألموا فى أستاذ مشرف من أساتذة جامعة الخرطوم الجهابذة يشرف ليه على البحث.

الصادق عبدالله ضرار
10-09-2006, 04:49 PM
سلام بت الشايب
والمتداخلون الذين يثرون هذا البوست
البوست جميل لكن المشاركه فيه توجب العلم التام او الجزئى بهذه اللغه لذا تبقت لنا المشاركه بالقراءه

aymen
10-09-2006, 08:36 PM
كلام الشباب او زي ما بسموهو الرندوك ، ما جديد على المجتمع السوداني ، كل جيل وعنده الرندوك بتاعه ، لكن الجيل الجديد ده ممكن الواحد يتكلم معاك ساعات وانت زي الما هنا ، ينبزك وانت مبتسم وما فاهم شي ، زي ما قال :
جيت ماشي بالكرب ، لاقيت الجوكي ، قمت كبرت الملف

لكن الجديدة الكيفتني بي الجد لفظ FFR

الفهم معناها منو؟؟ كدي النشوف منو وصلوا المصطلح ده؟

أبوياسر
10-18-2006, 10:42 PM
حبيت اصحح السواق غير الجلابي والجلابي هو صاحب العربيه وأهديكم هذا المقطع القديم واتمني أن ينال الاعجاب (كمساري توفي في حادث سقوط من فوق اللوري والجماعه الكماسره انتدبو واحد شفت لتمثيلهم لدي أسرة الميت وتسليمهم المبلغ الذي تم جمعه فالراجل جاء لأهل الميت وطبعا الشال ملفوف بالطريقه اياها ووقف مائلا الي اليمين وقال ليهم الفاتحه المرحوم كان فرده لكن دقس اتلحس دي البرتيته وانا مشتت ولك تحياتي أبوياسر



رمضان كريم

في الحقيقة البوست دا اسمو متعلق بيه ومفتوح للمشاركة وابداء الراي

لغة الراندوك في تقديري هي تحوير في اللغة لتفي باحتياجات فئة معينة وتتفاوت نسبة التحوير هذه على

حد قناعتي بالاوساط التي تستعمل فيها ونجد فيها اختلافات وتطويع للمفردات فمثلا دعونا نبدا بالسواقين

والكماسرة

الكمساري اسمو " بلف " السواق " جلابي "

السواق لما يكون زي ما بقولو متجدع في الشارع " بيكون بالي " يعني خامي الجو كلو في الشارع

الهايس سعرها في فترة من الفترات بي 40 مليون بلغتنا اما بلغتهم سعرها كلمة واحدة " ارنب "

لما يكون في واحد داير من التاني حاجة ممكن ما يسمي الحاجة العايزها ويكتفي بانو يقول " شنو ما فيها حاجة"

الطلبة كلامهم بقى لا يمت ليهم بصلة

تسمع اضانك " حبة – وفردة – نتلحس – شتتنا – جرينا – شرتيت – انت شتت وانا بلقط " كلمات

غريبة وعجيبة بالنسبة لينا لكن في كل مجموعة تُقال فيها بتكون مفهومة ومدركة


الشباب لما يلاقو بعض

" وين يا قلب " اخباركم شنو " اخبارنا باسطة " " كل ستة في حتة " " كل تلاتة في الخلاطة "

وواحد مرة سمع انو زوجة صاحبو حامل مرة لاقاه صاحبهم وسالو عن صاحبو المرتو حامل قال ليه وين

الزول دا ما باين قال ليه " مرتو عاملة برج الحمل "

صراحة نريد ان نقف على هذه الظاهرة هل هي سلبية ام ايجابية والعندو زيادة يزيدنا


ونلــــــــــــــتقي

بت الشائب[/FONT][/COLOR][/SIZE][/B]

تم تعديل تنسيق النص دون أي تعديل في النص الأصلي [/QUOTE]

عائدة الشايب
10-19-2006, 11:08 AM
قبل الاجابة علي هذا السؤال والذي هو لُب الموضوع
فلتسمحوا لي في محاولة لابداء الرأي في هذه اللغة
(ان جازت التسمية) فهي في الحقيقة ليست لغة كما
انها ليست لهجة . . . اذاً ماهي؟؟
نعم هي مجرد اصطلاحات يتفق عليها في بداية الامر
مجموعة من الناس تزيد او تقل تكون بينهم صلات معينة
ونوع محدد من التعايش . . . يتداولون هذه الاصطلاحات
والتي تكون في البداية ذات خصوصية محضة وعند
مجاهرتهم باستخدامها في مجتمعات اخري غالبا ماتكون
عامة ووسط فئات مختلفة قد يوافق رنين بعض المصطلحات
الخاصة بهم . . . هوى لدي آخرين وهنا يأتي دور النقل
والتداول ومن ثم الانتشار . . . .فتتخذ شكل العمومية في
التداول كما جاء ذلك واضحا في عنوان البوست .
بعض هذه المصطلحات تثبت كما قلنا وكثير منها قد لا يكون
وصل الي اسماعنا . .
في رأي ان هذه المصطلحات تتصف بالهشاشة وعدم القدرة
علي الثبات الطويل والدليل علي ذلك ان لكل زمن وجيل
مصطلحاته وده بيأكد الخصوصية المشار اليها . . اذاً في
النتيجة يمكننا ان نصنفها من ضمن العبارات الهلامية ذات
المدلول أو قل اللبانية لما تتمتع به من مرونة عالية وقد حاول
البعض ان يميز بينها في شكلها هذا وبين مايسمي مجازا لغة
الشماسة ولكني لا اري فرقاً في المحتوي . . .وان لا علاقة
لكونها اتية من الشماسة او من اولاد الشوارع ولا غرابة تدعو
الي هذا التصنيف فهي في النهاية سواء كانت اتية من اولاد
الشوارع او من الفئات المستقرة في بيوتها هي في النهاية
وفي مفهوميتها العليا سوى انها مجرد ظاهرة ستندثر بمجرد
ظهور اخري علي السطح والمتابع لذلك حتماً سيؤكد علي
هذه الحقيقة . . .
نعم هناك من مثل هذه المصطلحات كما كان لمثل غيرها من
المصطلحات التي اندثرت هناك من المصطلحات التي تأبي
النفس الحصيفة ان تتداولها خارج النطاق الضيق لما تحمل
من معاني ومدلولات يتحرج الفرد من التلفظ بها او اظهارها
خارج نطاق الخاصة جداً.

آمل ان اكون قد وضحت رأي في ذلك الامر وليس بالضرورة
ان يكون هو الصحيح مائة بالمائة فالحقيقة تكون موزعة علي
جهات عدة ما عدا الحقيقة الازلية والتي هي مجموعة في مصحف
واحد .

عند اللفة بس:
------------
بحكم معايشتي لشعوب مختلفة اللهجات والسحن توصلت الي ان لكل
شعب مصطلحاته وكما لمجموعة مصطلحاتنا كسودانين مسمي الراندوك
لهم كذلك مسميات مختلفة باختلاف شعوبهم.



صباح الخير


اولا انا اتاسف للتاخير في الرد على هذا البوست لاسباب بوست كسوة العيد


الاخ معتصم تحياتي


من الواضح اننا يجوز ان نطلق عليها لغة وذلك لان طبيعة نشاة اللغة تكون بكلمات وعبارات تشكلها ولكن السؤال هل تصلح ان تكون لغة ؟ بالرغم من هشاشتها كما ذكرت او نشاطها في فترات بعينها ووسط جماعات بعينها لا يمكننا ان نغفل وجودها المؤثر في المجتمع ويمكننا ملاحظة ذلك في البيت الواحد مثلا فحين يعود الطالب الى بيته يعود وهو مملؤ بكلمات جديدة وغريبة وكذلك الموظف والعامل والجيران والونسات وخصوصا شباب اليوم فهي بذلك اصبحت قادرة على ايجاد ارضية صالحة لها ليس لقوتها وانما لتوسع انتشارها.


ومما ذكر بعض الاخوان بان الراندوك قد لا يكون منطبقا على كل الامثلة التي استشهدنا بها فهذا له دلالة واضحة بان هناك فئات اخرى يمكن ان تُضم تحت هذا الاسم او غيره

تروابى
10-19-2006, 11:42 AM
جاءت من الحواري والأزقة الضيقة وسنقاوم لأجلها..!!
انتشرت هنا وهناك تم تداولها وسط قطاعات مختلفة وليس واحداً كما يعتقد البعض. لغة «الراندوك» حروف غير متراصة.. حروف عربية.. واسماء مقلوبة.. رؤوس تهتز ولسان ينطلق.. وضحكات تدخل هنا فتجدها شغالة على الآخر.. من الصعب فهمها.. أو قل من السهل تعالوا نسأل ونناقش من يتعاطونها..
ü الراندوك لدى من استطلعناهم لغة يقصد بها هؤلاء عمداً اضفاء نوع من الغموض على حديثهم بزيادة عدد حروف الكلمة وتبديل الحرف الاول احيانا وعكس الكلمات احيانا اخرى.. وانواع «الراندوك» عديدة لكن الشائع منها نوعان الاول هو تبديل الحروف اما النوع الثاني فهو اضافة بعض الحروف على الكلمة لتتحول عبارة نتركها لفطنتك الى «تناونش» لكن دعونا نسأل من اين جاءت هذه اللغة.
يقول البعض إنها موجودة منذ زمن بعيد لكن احدهم وكان يجلس بعيداً اثناء حوارنا الذي دار بسوق ام درمان قال: لغة «الراندوك» ولدت في الازقة والشوارع والخيران واشرف عليها اولئك الذين يسكنون الازقة والحوارى. واضاف.. تعهدها هؤلاء بالرعاية وتداولوها على نطاق واسع..
يتعلم هؤلاء لغة «الراندوك» بالعبارات السهلة في النطق ورويدا رويدا يحاولون تركيب جمل كاملة بذات الطريقة حتى يصل الشخص الى مرحلة اجادة لغة الراندوك.
سيسألني احدكم.. لماذا لغة الراندوك طالما ان بامكانهم التخاطب باللغات السائدة دون اشكالات.. يقول احدهم.. لدينا اسرارنا التي لا نريد ان يعرفها احد.. اننا نتخاطب بهذه اللغة في وجود الآخرين وهي توفر لنا الامان المطلوب في تبادل المعلومات والتعليق.. سألتهم لو صدر قرار يحظر التعامل «بالراندوك» ماذا ستفعلون.. هنا تباينت الآراء.. البعض قال إنه سيستسلم للقرار لانهم فئة ضعيفة لا تستطيع ان تقف امام الدولة وقوانينها، فيما اختار البعض خيار جعلها لغة سرية.. قالوا سنتعاطى لغة الدولة في العلن ولغة «الراندوك» في السر.. ولن نتركها تموت.. بعضهم اختار الدفاع عنها وقال لغة «الراندوك» هي صمام اماننا ولن نفرِّط فيها.. سنقاوم ولن نتخلى عنها..
يتمنى هؤلاء طبعاً ان تظل لغة «الراندوك» محصورة في اطارهم.. قلت هل لديكم طموحات.. ان تتطور مثلا وتصبح لغة.. قالوا لا نحن نريدها لنا ولأبنائنا نحفظ بها اسرارنا ونتخاطب

عائدة الشايب
01-31-2007, 08:27 AM
جاءت من الحواري والأزقة الضيقة وسنقاوم لأجلها..!!
انتشرت هنا وهناك تم تداولها وسط قطاعات مختلفة وليس واحداً كما يعتقد البعض. لغة «الراندوك» حروف غير متراصة.. حروف عربية.. واسماء مقلوبة.. رؤوس تهتز ولسان ينطلق.. وضحكات تدخل هنا فتجدها شغالة على الآخر.. من الصعب فهمها.. أو قل من السهل تعالوا نسأل ونناقش من يتعاطونها..
ü الراندوك لدى من استطلعناهم لغة يقصد بها هؤلاء عمداً اضفاء نوع من الغموض على حديثهم بزيادة عدد حروف الكلمة وتبديل الحرف الاول احيانا وعكس الكلمات احيانا اخرى.. وانواع «الراندوك» عديدة لكن الشائع منها نوعان الاول هو تبديل الحروف اما النوع الثاني فهو اضافة بعض الحروف على الكلمة لتتحول عبارة نتركها لفطنتك الى «تناونش» لكن دعونا نسأل من اين جاءت هذه اللغة.
يقول البعض إنها موجودة منذ زمن بعيد لكن احدهم وكان يجلس بعيداً اثناء حوارنا الذي دار بسوق ام درمان قال: لغة «الراندوك» ولدت في الازقة والشوارع والخيران واشرف عليها اولئك الذين يسكنون الازقة والحوارى. واضاف.. تعهدها هؤلاء بالرعاية وتداولوها على نطاق واسع..
يتعلم هؤلاء لغة «الراندوك» بالعبارات السهلة في النطق ورويدا رويدا يحاولون تركيب جمل كاملة بذات الطريقة حتى يصل الشخص الى مرحلة اجادة لغة الراندوك.
سيسألني احدكم.. لماذا لغة الراندوك طالما ان بامكانهم التخاطب باللغات السائدة دون اشكالات.. يقول احدهم.. لدينا اسرارنا التي لا نريد ان يعرفها احد.. اننا نتخاطب بهذه اللغة في وجود الآخرين وهي توفر لنا الامان المطلوب في تبادل المعلومات والتعليق.. سألتهم لو صدر قرار يحظر التعامل «بالراندوك» ماذا ستفعلون.. هنا تباينت الآراء.. البعض قال إنه سيستسلم للقرار لانهم فئة ضعيفة لا تستطيع ان تقف امام الدولة وقوانينها، فيما اختار البعض خيار جعلها لغة سرية.. قالوا سنتعاطى لغة الدولة في العلن ولغة «الراندوك» في السر.. ولن نتركها تموت.. بعضهم اختار الدفاع عنها وقال لغة «الراندوك» هي صمام اماننا ولن نفرِّط فيها.. سنقاوم ولن نتخلى عنها..
يتمنى هؤلاء طبعاً ان تظل لغة «الراندوك» محصورة في اطارهم.. قلت هل لديكم طموحات.. ان تتطور مثلا وتصبح لغة.. قالوا لا نحن نريدها لنا ولأبنائنا نحفظ بها اسرارنا ونتخاطب

العزيز محمد لك الود

ناسف على التأخر في الرد

ما كتبت كنت قد طالعته بجريدة الصحافة ولكني لا اذكر رقم العدد تحديدا

المهم نقلة الكاتب النوعية افردت لهذه اللغة ان تتحدث بنفسها عن طريق افواه المستخدمين لها

من خلال السرد يتضح لنا الآتي :

1. انه اعترف بوجودها ؟

2. هي قد تكون لغة مآزق بمعنى لغة شفرات للتصرف السريع .

3. انها لغة لا يمكنها الصمود وذلك لأن الافق الذي تُطرح فيه ضيق ، وبما ان الجماعة هي الفئة التي

لها الغلبة إجتماعيا لتشكل المجتمعات الكبيرة الا اننا نلاحظ ان هذه اللغة لا يكتب لها الاستمرارية او فلنقل

الفهم المتماشي مع حوائجها الا اذا توافرت عناصر الفهم والتي تتمثل في مستمعين ومتحدثين يفهمون تداولها

ولك الود

الفادني
03-26-2007, 05:42 PM
يا يا فرد
المنقة انبرشت من

اه ا دي شوية كدة عن الرااندوك والجديد شديد كابس بي وري الجوكيةكبس = تمام


فلسطين = مفلس

الركن = محل محدد لي اجتماع شباب الحلة

جولة حول الدولة = عندي لفة

التعامل انجليزي = اي زول براو

ركابات = مواصلات ولا اي حاجة بتمشي من ركشة وماشابه

نشيلة موزة = نمشي كداري

كدي لامن نتزكر الباقي ونجيكم

بكري البكري
03-29-2007, 06:37 PM
الأستاذة الحبيبة الملهمة عائدة الشايب

التحية لكِ

أنا أعرف حتى كلامنا الدارجي العادي بسبب ما

وأرى أن الدارنوك هذا أحط بلغتنا وجعل الشباب

وإن كنت أنا من الشباب

لكنه حاد بلسانهم عن الجمال والفصاحة والطلاقة

وأنا من أشد المحاربين لهذا السقوط الشنيع

واعوجاج الألسن فج مر

نتباكى على فن الغناء حين هبط بمستواه بعضهم كـ محمود عبد العزيز ونادر خضر وندى القلعة

وطه سليمان

والآن نتباكى على لهجتنا ولغتنا التى حط بها الكماسرة المستوى

ولكنهم لم يحطوا من شأنها إنما من شأنهم هم

أبعدهم الله عني وعن كل شاب يحارب لونياتهم الحربائية

وعذراً لمن يخالفني

نادر محمد كمال
08-07-2008, 07:20 PM
أصبحت الراندوك هي اللغة المسيطرة اليوم علي مستوي الشارع، ألفاظ تحمل معاني وايحاءات عجيبة
تعالوا نطلع علي قاموس الراندوك:
نبدا اولا بالمصطلحات المستخدمة لمناداة الأشخاص:
فردة (ردفة): كلمة فردة معروفة جدا لدي الجميع، وهي وصف لصديقك العزيز أو أي شخص قريب منك...... في رأيي أنهم قد اشتقوا هذه الكلمة في ان هناك ثنائية غريبة في هذه الحياة وكل شيء منه اثنين، ففردتك هذا يكون النسخة الثانية منك.

جلك أو جلكين: تطلق علي الرجل الكبير او الأب............

البلف: تعني الكمساري

الحنان او الحاجة او البتاعة: للأسف عندهم هي المرأة

حبة: أيضا تعني نفس كلمة فردة غير انها اكثر عمومية ويمكنك مناداة غير الأصدقاء أيضا بها


ثانيا الأوصاف:

زول فراشة: زول خفيف جدا(مع البنات طبعا)

كبك: زول أهبل جدا

بيض: زول غياظ والناس بتضايق منو لما يجي

ود قلبا وود سنترا : العارف بكل حاجة ومنها الشفت والتفتيحة والتجضيمة

عشمانة وعشا الفلاتية: تطلق علي العشاء
والقدمبيلة :علي الغداء
اللوكا
الاكل سواء فطور/ غدا / عشا

الحنك: ويقصد به الكلام

الرصة: ويقصد بها البرنامج

ظابط :ويقصد بها تمام او مية مية

نفاخ :ويقصد بها بتاع بوبار

بطنو غريقة :ويقصد بها غتيت

مرطب :يقصد بها مرتاح

فنان: ويقصد بها كذاب

شهادة عربية :ويقصد بها زول مرتاح

جلدة :وتعني الرجل شديد البخل

الماسورة:يقصد بها الشرة ويقال مسكتو ماسورة اى شريتو

سواق :ويقصد بها كلامو كتير ومنها ايضا براى ومعاط



بلك طافى:يعنى زوول ما بيتفع حق حجر الشيشه
بلك حى:يعنى زول بيدفع
طبى:بيشرب باقى الزول
شراره :زول بيدفع ورق كبار وبخلى الباقى ويمشى


نقلت لكم حوارا بين اثنين من الشماسة من منتديات قمرنا:
قال احدهم

((تعرفي انا من زمااااااااااااان عامل ليك فيصل العجب وكنت داير اعمل محمود الخطيب
بس كنت خايفك تعملي لي الجزيرة ابا عشان كدة عملت حمد لبد ))
ونواصل في بقية الحلقات يافرد...........
ماتمشوا بعيد

مجدى محمد مصطفى
08-07-2008, 09:09 PM
أزيك يا فرده

الله يرحم طيب الذكر محجوب عبد الحفيظ صاحب الصلات الطيبة...

قبضت الشرطه على (بلفين) في البحر موقفين اللوري و معاهم (حنان) وشايلين (كواميد)

أحضرواأمام القاضي والتهمه حيازه مخدرات (بنقو) و أوضاع مخله بالآداب , سالهم القاضي :

- أنتو معترفين بالتهم المنسوبه ليكم دي

رد أكبرهم سنا

- والله يا فرده أنت شكلك كده (لوز) ود ناس و أنا حأحتوا ليك قرض ..

بعد ما نزلنا البضاعه المعلم قال أمشوا صينو العروسه ( اللوري) , مشينا البحر صنا العروسه خليناها (بنق) جديده ...

الفرد ده قال لي أسمع ( مهوييييين وكده) ما نشوف لينا (عضه) قلت ليهو جدا , أديتو (الشرتيت) القروش , كجنج هنق طلع الزلط , بعد شويه جاني راجع شنو يا فار جبت (الككوك) منجريه ؟.

قال لي ككوك شنو يا (صبحي) صحبي فى فراشات طايرين ...

قلت ليهو فراشات وين كجنق هنق طلعنا الزلط .

نور طويل نور قصير الفراشات فصلوا (طبقناهم)

وعشان القعده وكده جبنا كواميد ورجعنا البحر , شويه كده و (النمتي ) البوليس حصل وجابونا ودقونا وأنحنا ما عارفين عملنا شنو والله ...

القاضي : أنت ساكن وين يا زول

البلف : في الموقف الكبير

القاضي : وبتنوم وين

البلف : بين البرقع وعجل الحديد

القاضي حكمت عليك المحكمه بالبراءه

البلف : كده العدل يا جييك , وألتفق الي الفرده التاني وقال يالله يا فاره شتت , خارجناك عشان تعرف بس الراس ده مليات علم كيف ...



الأخ الكريم نادر محمد كمال

أشكرك على أيرادك لهذا الموضوع الحيوي والهام وأتمني أن نتناول هذه الظاهره والظواهر المشابهه لها بمزيد من تسليط الضوء عليها .

فهم في أغلب الأحيان ضحايا لسياسات أجتماعيه وأقتصاديه وسياسيه أدت الى تدمير حياتهم ولفظهم الجميع وأستوعبتهم الشمس حتي نسبوا اليها (الشماسه) ....


ولك حبي وتقديري

معتصم سليمان بابكر
08-08-2008, 12:23 AM
عبدالرافع

يضمك ليل

عند اللفة بس :
--------------
راندوك ادارة ده
لزوم الاجراء

سامي علي خوجلي
10-14-2010, 11:33 AM
لكل جيل لغة في التواصل والتخاطب مع بعض لقد ظلت تلك اللغة متوارثه

جيل بعض جيل لكن تختلف معانيها ومفرداتها ولكل جيل لغة منفصله عن الاخر

وتسمي تلك اللغة لقة (الراندوك) فالنتكي علي لغة جيل مضي وجيل حاضر

المصدر ايميلي الخاض----

الحاجة طلعت تفتيحة
فى أيام شبابنا الباكر ظهرت فى العامية السودانية بعض الألفاظ التى لم نكن نعرف مصدرها لكننا كمراهقين فى ذلك الزمان الغابر كنا نستخدمها مع بعضنا البعض كلغة شبابية جديدة وهى عبارة عن كلمات متجانسة أذكر منها (السنقة فى الرنقة) و(القزازة فى البزازة) و(والعملية فى النملية) . وعلى الرغم من أن هذه العبارات عبارات خاوية لا تشير أو ترمز إلى شئ معين إلا أن الوالد عليه رحمة الله قد (قبضنى) ذات يوم أردد إحدى هذه العبارات فكاد أن يصاب (بجلطة دماغية) وبعد ان أرغى وازبد قال لى :
- شوف يا ولد ده بيت محترم لو عاوز تتكلم جنس الكلام ده فتش ليكا بيت تانى .
مناسبة هذه المقدمة هو أن جارتى (س) قد حكت لى وهى شبه منهارة أنها لاحظت أن إبنيها المراهقين يتحدثان بلغة غريبة عليها لم تفهم منها شيئاً ، قلت لها إن الأمر بسيط فما عليك لا التوجه للمكتبة القريبة من المنزل وشراء كتاب (القاموس
- أيه رأيك نقوم ندقس الجلكين ونديهو (مكنة) نقول ليهو معانا واحد زميلنا أبوهو إتلحس عشان يعمل لينا (زيدان أبراهيم) للضحاكات نقوم نظبط بيها (عشة الفلاتية).
ما أن إستمعت جارتنا (س) إلى ما قاله إبنها مخاطباً شقيقه حتى قامت بتصفح (القاموس) بسرعة فى محاولة لفك الرموز لتجد أن الترجمة هى :
- أيه رأيك نقوم ندقس (نغش) الجلكين (الراجل الكبير يقصد والده) ونديهو مكنة (كضبة) نقول
ليهو واحد زميلنا أبوه إتلحس (مات) عشان يعمل لينا زيدان أبرهيم (زياده) للضحاكات (القروش) نقوم نظبط بيها عشه الفلاتية (العشاء).
بعد خروج ابنيها عشان يعملو (عشة الفلاتية) بعد ان مشت (المكنة) فى (الجلكين) جلست جارتنا (س) ممسكة بالقاموس وقد ألت على نفسها أن تقوم بحفظه (صم) حتى تستطيع أن تتعرف على ما يقوله ابنيها من كلمات وعبارات وتراكيب بعد أن أضحت هذه اللغة هى لغة التخاطب بينهما فى كثير من الأحوال.
فى اليوم التالى بينما كانت (س) وابنيها يجلسون يتناولون الشاى بالمنزل بعد عودتهما من الجامعة سأل الأخ الأصغر شقيقه :
- عملتا شنو مع (الحنان) القاعد (تحنك) معاهو اليوم كلو فى الكافتيريا ده؟ تعرف اليوم كلو أقعد (أحنك) ليك فيها لكن هى عاملة ليا (عبدالعظيم حركة) بس أنا مرات بعمل ليها (الفاتح النقر) ومرات كده بعمل ليها (عمر إحساس) وكم مرة كده عملت ليا (شرحبيل أحمد) لكن أنا ح أقوم أعمل ليك
(جوزيف لاقو) واقوم أمشى أعمل ليك (محمود الخطيب) للبقاقة دى قالو أبوها (مقندل) وماسك كهرباء شديده.
- طيب أفرض قال ليك إنتا لسه وعمل ليك (الجزيرة أبا) ؟
- ما مشكلة بعمل للموضوع (كمال ترباس) طوالى
- طيب وكان ورطك وقال ليك عمل ليكم (إيهاب توفيق) ؟
- خلاس أقول ليهو نعمل (عقد الجلاد) بعد ما نتخرج
- طيب أفرض قال ليك تعمل (عرس الزين) طوااالى
- ما (بدق ليهو جرس) طوااالى
- وكان أصر على (عرس الزين)؟
- بسيطة بعمل ليهو (الفتيحاب)
معانى المفردات :

سامي علي خوجلي
10-14-2010, 11:34 AM
- الحنان = الحبيبة
- أحنك = أقنع
- عبدالعظيم حركة = عاملة حركات
- الفاتح النقر = بيفتح ليها كناية على عدم الإهتمام
- عمر إحساس = يعمل فيها حساس
- شرحبيل أحمد = الشرا وعدم الحضور للمواعيد
- جوزيف لاقو = مجازفة
- محمود الخطيب = الخطوبة
- مقندل وماسك كهرباء شديده = مرتاح وعندو قروش كتيره
- الجزيرة أبا = رفض
- كمال ترباس= يقفل على الموضوع
- إيهاب توفيق = الموافقة

مصطفى كشة
10-14-2010, 10:22 PM
شئ عجيب و موضوع رهيب .. تشكر اخ سامى

وفاء صلاح
10-15-2010, 01:27 AM
البوست دا نجاااااااااااااااااااااااااااااااااااضة عديل
حاجة جامدة لمن بي هناك ..... كاسر فيني ضلع ولا ضلعة

شوفو البنية دي وهي ترثي بعلها بالراندوك
قعدت في نص الظلط ويلا هاك يا ثكلي وقالت :

الليلة يا عشا البايتات........ يا فردة
بدري علي الشتات ......... يا فردة
انت ليه تتلحس..............يا فردة
في يوم العرس............. يا فردة
خليتني وراك رملة..... يا فردة
يا اب سجارتن قصبة..... يا فردة
يا الشرط وما.. شين..... يا فردة
يا الصغير.. وما.. جلكين... يا فردة
يا الخدرتك ...عجور.... يا فردة
حليلك انت يا اب بابور.. يا فردة
ما بتعرف الفلس........ يا فردة
واصلك... ما دقس ..... يا فردة
من بعدك البيت....... يا فردة
عدمان الشرتيت. ..... يا فردة
انت يا العنقالي......... يا فردة
يا الساتر احوالي .......يا فردة
يا البتريد البوش.........يا فردة
يا الماك حنكوش....... يا فردة

معتصم سليمان بابكر
10-15-2010, 01:34 AM
البوست دا نجاااااااااااااااااااااااااااااااااااضة عديل
حاجة جامدة لمن بي هناك ..... كاسر فيني ضلع ولا ضلعة

شوفو البنية دي وهي ترثي بعلها بالراندوك
قعدت في نص الظلط ويلا هاك يا ثكلي وقالت :

الليلة يا عشا البايتات........ يا فردة
بدري علي الشتات ......... يا فردة
انت ليه تتلحس..............يا فردة
في يوم العرس............. يا فردة
خليتني وراك رملة..... يا فردة
يا اب سجارتن قصبة..... يا فردة
يا الشرط وما.. شين..... يا فردة
يا الصغير.. وما.. جلكين... يا فردة
يا الخدرتك ...عجور.... يا فردة
حليلك انت يا اب بابور.. يا فردة
ما بتعرف الفلس........ يا فردة
واصلك... ما دقس ..... يا فردة
من بعدك البيت....... يا فردة
عدمان الشرتيت. ..... يا فردة
انت يا العنقالي......... يا فردة
يا الساتر احوالي .......يا فردة
يا البتريد البوش.........يا فردة
يا الماك حنكوش....... يا فردة

فعلا أخت وفاء كما جاء على فلمك

هو بوست مليااااان ويكتسب اهميتو

جواهو حيث التناول الجميل لما هو موجود

بيننا... ونعايشه

حقيقي الأخت / عائدة الشايب اتوفقت كتير

في الطرح ده وهكذا كانت ( آمل أن تواصل )

شكرا لكِ أخت وفاء على الاضافة والنصييييحة
رندكتو رندة تمااااااااااام

وفاء صلاح
10-15-2010, 02:09 AM
فعلا أخت وفاء كما جاء على فلمك

هو بوست مليااااان ويكتسب اهميتو

جواهو حيث التناول الجميل لما هو موجود

بيننا... ونعايشه

حقيقي الأخت / عائدة الشايب اتوفقت كتير

في الطرح ده وهكذا كانت ( آمل أن تواصل )

شكرا لكِ أخت وفاء على الاضافة والنصييييحة
رندكتو رندة تمااااااااااام


اخ معتصم

الموضوع حيوي شديد يجبر على التفاعل ............... والرندكة جامدة