اكــــذوبة الجمال الطبيعي...

[ابو النيييييز]

......الطبيعه ..جمالها في النظر إليها بلا إقتراب
حدود جمالها يتضاءل بتقلص المسافات الفاصله بيننا وبينها
كل ما اقتربنا زادت وحشتها و تفصخت تعرجاتها وثعابينها و حشراتها
...كذلك اناثنا ذو الجمال الطبيعي
جمال متسخ ..مغّبر
..بسماكه سمادير تعلو غشاوات علي اعيننا
جمال حسن الذكر....منفر المعشر
رأس ماله ...النظره الاولي
وكل ما تلاها من نظرات ...مكرر ومعاد.
...
انها مجرد دعاوي كتب..بغباء كاتبيها
...فأصقلي جسدك يا سيدتي
متعي وجهك بابداعات صالونات التجميل
كوني لزوجك كل يوم امرأه جديده
...بلون برونزي كلون سيجارته
..و شعر ذهبي ...كبريق حلاك
كوني يوما غربيه شقراء
ويوما بدويه بحضارة كل المدن
....
دعي زوجك يتوه بين ِالالف النساء داخلك
...ليحب كل يوم انثي جديده
...
كل الرجال نافرين ومتمردين
كل الرجال بعقل ذي غرف مفتوحه
كل الرجال اسود و ذئاب
...
و كل الرجال كاذبين
....
فأملي غرفه بمئات النساء الكاذبات

.... ديانتي ولا ملئ بطني

ده شعار النساء العاقلات

فاستقطعي ربع راتبه ...للحنانه و مستحضرات التجميل والطلح الاصلي

[محمد عثمان عبدالقادر السماكي]

ابوالنيييييز ايها الفيلسوف المدهش الذي تاسرني كتاباته لحد الادمان....
حقيقة كلنا كرجال قد نتمرد على الرتابة وعلى الملل ...
وقد نتمنى ان نرى زوجاتنا كل يوم بشكل جديد ..
قد يكون الشكل الخارجي ...ولكن في الجوهر نتمناهن من غير تجديد ..
وقد يكون ذلك هو بيت القصيد....

[yassir karar]

ابوالنيييييز ايها الفيلسوف المدهش الذي تاسرني كتاباته لحد الادمان....
حقيقة كلنا كرجال قد نتمرد على الرتابة وعلى الملل ...
وقد نتمنى ان نرى زوجاتنا كل يوم بشكل جديد ..
قد يكون الشكل الخارجي ...ولكن في الجوهر نتمناهن من غير تجديد ..
وقد يكون ذلك هو بيت القصيد....

السماكى اخوى
الفيلسوف دا قام بيه الصيام ولا شنو ؟
هو مالو او مال النساء المتزوجات .... عليك الله تشوف العزابى المابيخجل دا
ما يسوى ليه مره او يسرطنه بى نص مرتبوا ديانه
قال يوم شقراء قال
يا فيلسوفنا العزيز
البساطه هى روح الجمال فى الشكليات
التجديد الاهم فى المحبه والتفهم
والاستمراريه دايما بيتتم بمساحات هادئه ... تربيه طفل ... احترام زوج ... تفهم وضع ... مشاركة رؤيه
توحد فهم ..... او دى الحصة الاولى عشان ما تمشى تخرمج
واكان ما مشتاق ليك انشاءالله اموت يا يا ابو النييييييييييز

[الفنان]

بموناسبة الطلح دى ... قبيل في الفطور .. هشام القاضى قال لى .. (واحد زهجان في مطار الخرطوم جو شفع مغتربين ... وعملوا ليهو جوطة .. والراجل زهجان وصايم ... قام انفصم فيهم قال ليهم : يااولاد اقعدوا ساى بطلوا الجوطة ...يشيلوكم من هنا حطب ويجيبوكم لينا شفع !!!!)....

[خالد عثمان]

أبو النيييييييييييز
في دي مابنتفق حتى لو تدينا مستشار سلطة اول
يا زول انت قايل السماحة بشوفوها شوف ؟؟؟؟؟؟؟؟؟؟؟؟؟؟لا حاشا تب
مابشوفوها شوف
دى بتكمن في دائرة الاحساس يا فيلسوف المرة دي ماظبطت
دوت كى

[عبد المنعم على قسم السيد]

......
انها مجرد دعاوي كتب..بغباء كاتبيها
...فأصقلي جسدك يا سيدتي
متعي وجهك بابداعات صالونات التجميل
كوني لزوجك كل يوم امرأه جديده


أبو النييييييز

رمضان كريم
الكلام البجرح الصيام دا شنو ......شكيت محنك يا فيلسوف يا أنيق

يعنى بى قدرة قادر أسقطت من قاموس الامثال مثل عتيق: " أسأل مجرب ولا تسأل طبيب"

لمعلومية الجميع هذا المثل مسقط من القاموس من تاريخه ولم يعد سارى المفعول وذلك على ذمة الراوى الفيلسوف ابو النيييييييز.

[ابو النيييييز]

ابوالنيييييز ايها الفيلسوف المدهش الذي تاسرني كتاباته لحد الادمان....
حقيقة كلنا كرجال قد نتمرد على الرتابة وعلى الملل ...
وقد نتمنى ان نرى زوجاتنا كل يوم بشكل جديد ..
قد يكون الشكل الخارجي ...ولكن في الجوهر نتمناهن من غير تجديد ..
وقد يكون ذلك هو بيت القصيد....

سمــــــــــاكي

سلامات بقدر شوقنا

..التجديد ضروري خارجيا وداخليا

صعب تعيش مع شخص واحد فقد طول عمرك

وصعب برضو تعيش مع كم شخص طول عمرك

الحل اننا نعيش مع شخص واحد.. وبتحايل القانون نكون عايشين مع كم شخص

..التجديد الداخلي مهم جدا

بس ما عاوز افتحه واتعمق فيه هسه

كدي خليه شويه

[ابو النيييييز]

السماكى اخوى
الفيلسوف دا قام بيه الصيام ولا شنو ؟
هو مالو او مال النساء المتزوجات .... عليك الله تشوف العزابى المابيخجل دا
ما يسوى ليه مره او يسرطنه بى نص مرتبوا ديانه
قال يوم شقراء قال
يا فيلسوفنا العزيز
البساطه هى روح الجمال فى الشكليات
التجديد الاهم فى المحبه والتفهم
والاستمراريه دايما بيتتم بمساحات هادئه ... تربيه طفل ... احترام زوج ... تفهم وضع ... مشاركة رؤيه
توحد فهم ..... او دى الحصة الاولى عشان ما تمشى تخرمج
واكان ما مشتاق ليك انشاءالله اموت يا يا ابو النييييييييييز

ابو اليــــا

كلامك ده غلط ميه الميه

..كلام شعارات وكتب بكتبوها اصحابها وبجروا اخلونا

..جمال البساطه..هو جمال ليوم واحد

زي الفلم الرومانسي

لو حضرته 3 مرات ..لو نططت تاني ما بتقدر تحضره

....

الاستمرارية لو كانت بتختص بكل الايجابيات زي ما انت ذكرت..عمرها ما ح تكون استمراريه

ح تكون مجرد تعود و رضوخ للواقع

وكلامي في الموضوع ده كتيييييييييييييييييييييييييييييييييييييييييييييييي ير

بس احسن تخلونا ساكتين

---

الحاجه الاهم من كل ده

وقت مشتاق لي ..ما بتضرب لي لي

انا ما ضربت ليك لابو هشام

اها اكتر من كده اعمل ليك شنو

[ابو النيييييز]

بموناسبة الطلح دى ... قبيل في الفطور .. هشام القاضى قال لى .. (واحد زهجان في مطار الخرطوم جو شفع مغتربين ... وعملوا ليهو جوطة .. والراجل زهجان وصايم ... قام انفصم فيهم قال ليهم : يااولاد اقعدوا ساى بطلوا الجوطة ...يشيلوكم من هنا حطب ويجيبوكم لينا شفع !!!!)....


حاااشا

هشام القاضي ..مااا بقولا

بتكون قلتها انت يا المسخووت

[ابو النيييييز]

أبو النيييييييييييز
في دي مابنتفق حتى لو تدينا مستشار سلطة اول
يا زول انت قايل السماحة بشوفوها شوف ؟؟؟؟؟؟؟؟؟؟؟؟؟؟لا حاشا تب
مابشوفوها شوف
دى بتكمن في دائرة الاحساس يا فيلسوف المرة دي ماظبطت
دوت كى

...كدي براحه..روق المنقه

..الاحساس بدربو والشوف بدربو

..وبعدين منوا القال المره المبشتنه والمعشتنه بكون عندها احساس

..دي بتكون نكوش باحساس ناقص

حتي اختراع الجمال مليان احساس

علي الاقل انها ممكن تحس بمكامن الجمال جواك .. واشارات التقاطها عندك

..وكل مره بتصنع ليك امرأه جديده بمواصفاتك و رغباتك

...المكياج فن و ذوق واحساس

و النضافه كل الاحساس

[ابو النيييييز]

أبو النييييييز

رمضان كريم
الكلام البجرح الصيام دا شنو ......شكيت محنك يا فيلسوف يا أنيق

يعنى بى قدرة قادر أسقطت من قاموس الامثال مثل عتيق: " أسأل مجرب ولا تسأل طبيب"

لمعلومية الجميع هذا المثل مسقط من القاموس من تاريخه ولم يعد سارى المفعول وذلك على ذمة الراوى الفيلسوف ابو النيييييييز.


..و الله شكلك المره دي معااااي

..علييييك الله شوف القدر ده

المره البنتلاقا فيها..اكون الموضوع فيه حظر تجول ليك

يا زول قول في سرك... وانا بسمع:m04:

[عائدة الشايب]

ابو النييز

وكل الكواكب الرائعة

قد احس اني انسانة عادية في زمن استثنائي وليس هذا من باب الغرور ولكن لقناعتي بان المباح للجميع لا ينتمي للخصوية بشئ وفي تقديري ان المراة اصبحت جوفاء فارغة فلا تراها تهتم بنفسها الا اذا كانت هناك مناسبة تضم جيشا جرارا من الحضور حتى يروا ملابسها ودهبها وحنتها وهلم جرا من تلك التفاصيل التي من المفترض اصلا ان تكون Daily Show Room لزائر واحد صاحب واحد اخ واحد عشيق واحد زوج واحد طالما سُكبت بينهما الكلمات الساحرة قبل ان يدخلا ويغلقا الباب عليهما ويبتدئ سفر جديد من التاريخ وهنا اتحسس رائعة نزار قباني التي لا احفظها جيدا ولكن فيما معناه انثى تتعشق رؤية فارس احلامها فتقول
متى ياتي ترى بطلي وتستمر في ابراز ما تكنز له من المحبة فقد خبات له في شفتيها كوزا من العسل وخبات له في صدرها زوجا من الحجل وقد جدلت له شعرها ليصل اليها . فحقيقة انا احب هذه الخصوصية وكما يقع العبء على المراة في اتقان دثار الخصوصية هذه ينبغى ان يصون الرجل هذها الاحساس ويتفنن في اظهار محاسنه له فقط والحياة مشاركة بين الاثنين .

ويحضرني مثلنا البسيط " الصفار لمحة فارس والخدار قعدة جالس " بمعنى آخر قد يبهرك لون فاقع وعندما تصله تجده لاشئ الا بريق كاذب وتتعب وانت تكتشف مكنونات الخضرة فترى وتستحسن ما يسر نفسك فهي دعوة مني لكل اخواتي الجمال ليس مظهرا والله بل درة نفيسه قابعة داخل كل منا فمتى استطعنا نفض الغبار عنها سعدنا بها.



ونلــــــــــــــــــتقي


بت الشائب

[ابو النيييييز]

ابو النييز
قد بان المباح للجميع لا ينتمي للخصوية بشئ وفي تقديري ان المراة اصبحت جوفاء فارغة فلا تراها تهتم بنفسها الا اذا كانت هناك مناسبة تضم جيشا جرارا من الحضور حتى يروا ملابسها ودهبها وحنتها وهلم جرا من تلك التفاصيل التي من المفترض اصلا ان تكون Daily Show Room لزائر واحد صاحب واحد اخ واحد عشيق واحد زوج واحد طالما سُكبت متى ياتي ترى بطلي وتستمر في ابراز ما تكنز له من المحبة فقد خبات له في شفتيها كوزا من العسل وخبات له في صدرها زوجا من الحجل وقد جدلت له شعرها ليصل اليها . فحقيقة انا احب هذه الخصوصية وكما يقع العبء على المراة في اتقان دثار الخصوصية هذه ينبغى ان يصون الرجل هذها الاحساس ويتفنن في اظهار محاسنه له فقط والحياة مشاركة بين الاثنين .بت الشائب


عجبني كلامك ده

علشان كده قررت عدم الرد

...بتفهمي والله

[عائدة الشايب]

عجبني كلامك ده

علشان كده قررت عدم الرد

...بتفهمي والله



الحمد لله انك انت فهمتو :mh0226: ودي صفقة ليك

[بابكر عثمان مكى]

ابو النييييييييييز ..
الموضوع صدقنى ماشكل
ومازلت اردد ..قول الصوفى العاشق
وقد اشربت اذ احببت منذ طفولتى الاولى
خيالا" اسمه امرأة تخدرنى واقبل عندها خدرى
تكون الماء من بحرى
تموسقنى تموسق ساحلى لحنا
تآنسنى اوان يجن كون الجن فى نفسى
تحيل قتامه صبحا" وتغرق فى المسا جذرى
تظللنى سماءا" من تعاليها فيحمل كل رفعتها تواضعها
ويحمل كل مستتر بها لججى


ثم يقول عكس ماتدعو ايها الفيلسوووف

وكانت نجمة بزغت
تحصن ضوءها فى الافق لاتخشى اشارة يد
تدل على انوثتها بغير تفسد اللب
وغير قشور مظهرها
وغير جسد ..

وكانت كل ماادرى ..