مستشفى رفاعة...إلى أين

[فيصل يوسف حامد]

التحية للجميع...

في الفترة السابقة كنا نعتقد أن هنالك جهود بزلت من خلال تلك الصفحات الكثيرة التي كتبت ونوقشت فيما يخص مستشفى رفاعة...من الاخوة الذي يهمهم أمر رفاعة ونحن نحترم جهودهم ونقدرها ولكن اصطدمنا بواقع مرير...أن تلك المجهودات لم تؤتي أكلها...فقد تبين العكس تماماً وذلك من خلال الزيارة الميدانية التي تمت في الايام القليلة السابقة...إذ أن مشكلة المستشفى ليست أجهزة ومعدات فقط...بل كادر فني متكامل ، ويكفي فقط زيارة قسم الطوارئ والحوادث والذي يعد من أهم الأقسام لاستقبال الحالات الطارئه ، فقد تبين أنه لا يعمل ولو بنسبة 5% بالكفاءة المطلوبة...(لا يوجد طبيب متوفر في هذا القسم خلال 24 ساعة ، ولا مساعد طبي مؤهل)...مما يستدعي وقفة قوية جداً مع المعتمد والجهات المختصة بمدينة رفاعة وكذلك إدارة المستشفى...وسنوافيكم بصور حية لمستشفى رفاعة في القريب العاجل لقسم الحوادث والطوارئ إنشاء الله.
التحية موصولة إلى من هم خلف الكواليس...

فيصل...

[محمدعبدالمنعم على]

التحية لك أخو فيصل والله المشتشفي دي دايرةوقفات ووقفات لانو البلد يعرف بي مشفاها لاكن مشكلتها مافي الماديات فقط الاطباء بقو شغلهم في المستشفي تسجيل حضور فقط الصباح والمساءفي عياداتهم الخاصة وكل من هب ودب داير أبقي ممرض بس أتعلم طعن الحقنة وأحداث الوفيات والتسمم المسؤل منها منو أهل رفاعةبقو أتعالجو في الخرطوم ومدني__بعدين المسؤلين ديل مبخافو الله___والله المستعان

[عبدالله إبنعوف]

الأخ الكريم فيصل

تحية وبعد

موضوع المستشفى من المواضيع التي قتلت بحثاً ولم ولن يصل فيها الأعضاء إلى حل حتى لو ناقشنا وتكلمنا بقية عمرنا ، ليس المستشفى فحسب بل رفاعة قاطبةً ، كان الأمل بعد إن إجتمع مجموعة كبيرة من أبناء رفاعة في هذا المنتدى أن تمتد أياديهم ، بعد إن أمتدت للمصافحة والسلام والتعارف والتآلف ، أن تمتد أياديهم لمدينة رفاعة التي أعطت وما فتئت ليعطوها القليل مما أعطتهم ، لكن للأسف الشديد كل الموضوعات التي تحتاج لجهد كبير للتنفيذ من مال ودعم وما إليه يقفز منها الجميع بالزانة ... وتتوارى خجلاً في الصفحات التالية ويطويها النسيان .

ما يحتاجه مستشفى رفاعة هو مستشفى جديد فالمستشفى الحالي مهما نُفذ فيه من عمل لن يكون مجدياً . ما هو دور ولاية الجزيرة بالنسبة لرفاعة ؟ من المحزن أن ترى والي الجزيرة يجوب أنحاء الجزيرة من الحصاحيصا للمناقل لطابت ولغيرها من المدن ويعمل على إفتتاح المنشئات الجديدة في المستشفيات وغيرها ، السؤال هل قامت هذه المنشئات بجهد شعبي أم من مالية ولاية الجزيرة ؟ .

مدينة رفاعة وجدت وتجد الإهمال منذ القدم وحتى الآن من الحكومات المتعاقبة ، من ولاية الجزيرة ومن أبنائها فإن لم نبدأ بأنفسنا وبتكاتفنا داخل رفاعة والسودان وداخل هذا المنتدى ونمد أيادينا لرفاعة فلن تقوم لهذه المدينة قائمة وستنتهي إلى العدم وإلى الزوال...... لم يبق لرفاعة إلا الله سبحانه وتعالى وبنوها ( إن شاءوا أن يدعموها ويبنوها ) .

[معتصم سليمان بابكر]

والله ياجماعة نحن فى غفلة عجيبة
وفى ثبات عجيب
يا جماعة دايرين نعمل حاجة
تفرح . . . صاح مابنقدر
نعمل مستشفى جديد
وراقى. . .وفيهو اقسام
واكثر من تخصص
لكن كمان ماراح يغلبنا
ان نبدأ المشوار للطريق
البوصل للمستشفى السمح
وراح يوصل وباسرع
مماتتصورون .. عارفين كيف؟
بالجدية يا جماعة
لامن نبدأ حاجة وحاجة جادة
بنعرف من خلالها نبصر
طريقنا وبنعرف من خلالها
نقول للناس نحن (ده العندنا)
انتو مستعدين تضيفوا ليهو شنو؟؟
ولامن نبدأ حاجة وحاجة جادة
بنكون كلنا جسد واحد وبنشكل
قاعدة قوية عمادها نحن انفسنا
الساعة ديك كلمتنا بتصل
لجهات اتخاذ القرار وحيعرفوا
نحن منو؟ وهدفنا شنو؟ وياتو
نوع من الناس؟؟
رفاعة يا جماعة كلنا بنغنى ليها
وهى ترقص فى نصنا طيب ليه
مابنركز ليها؟؟ ليه مابنعمل معاها
سوات الرجال ؟؟؟بس نقعد نغنى
رفاعة رفاعة رفاعة رفاعة رفاعة
يا جماعة اى زول يقابل ليهو زول
من رفاعة يذكر ليهو ناس رفاعة بالخير
طيب مادام الصفة دى فينا موجودة ليه
نحن ما دايرين نفعلها ونترجمها لواقع
ملموس . . . يا جماعة رفاعة شنو؟؟
رفاعة انا وانت وهى وهو وامى وامك
ابوى وابوك واخوى واخوك واختى واختك
وجارى وجارك وضيفى وضيفك وصاحبى
وصاحبك . . . يلا يا جماعة ننفض عننا
خدر الكسل ده ونشد حيلنا وراح نصل
ان شاء الله تعالى

عند اللفة بس:-
------------
بالمناسبة الموضوع سخن والبدايات تلوح فى الافق القريب جدا
ولمزيد من الايضاح راجع منتدى التطوير (الموضوع مثبت فيهو)
وده اعلان للجميع

[فيصل يوسف حامد]

التحية لك أخو فيصل والله المشتشفي دي دايرةوقفات ووقفات لانو البلد يعرف بي مشفاها لاكن مشكلتها مافي الماديات فقط الاطباء بقو شغلهم في المستشفي تسجيل حضور فقط الصباح والمساءفي عياداتهم الخاصة وكل من هب ودب داير أبقي ممرض بس أتعلم طعن الحقنة وأحداث الوفيات والتسمم المسؤل منها منو أهل رفاعةبقو أتعالجو في الخرطوم ومدني__بعدين المسؤلين ديل مبخافو الله___والله المستعان

الاخ الكريم ود الاسيد...تحياتي،

فعلا اخي الخوف من الله ومراقبته اصبح من الامور المنسية تماماً...وهذا ما نراه ملموساً من إهمال المسئولين وولاة الأمور...واصبحت مهنة الطب تجارة ومصدر لكسب الاموال...خارجين بها عن معناها الانساني...
وما نراه في مستشفى رفاعة يحتاج منا الوقفة الصلبة والمسئولة...فنقص الموارد وإن كان كبيراً يمكن البحث عن حلول تساعد في تمويل مثل تلك الصروح المهمة بالمدينة...وعندك مثلاً طرح الأخ معتصم سليمان لمشروع 100,000 ريال...هذا على صعيد الافراد...كما يمكن مخاطبة ولاية الجزيرة وكل الجهات الرسمية المختصة...كما اشرنا سابقاً...فالأمر جلل ولا يستهان به...

مع خالص تقديري ،،،

فيصل...

[فيصل يوسف حامد]

الأخ الكريم فيصل

تحية وبعد

موضوع المستشفى من المواضيع التي قتلت بحثاً ولم ولن يصل فيها الأعضاء إلى حل حتى لو ناقشنا وتكلمنا بقية عمرنا ، ليس المستشفى فحسب بل رفاعة قاطبةً ، كان الأمل بعد إن إجتمع مجموعة كبيرة من أبناء رفاعة في هذا المنتدى أن تمتد أياديهم ، بعد إن أمتدت للمصافحة والسلام والتعارف والتآلف ، أن تمتد أياديهم لمدينة رفاعة التي أعطت وما فتئت ليعطوها القليل مما أعطتهم ، لكن للأسف الشديد كل الموضوعات التي تحتاج لجهد كبير للتنفيذ من مال ودعم وما إليه يقفز منها الجميع بالزانة ... وتتوارى خجلاً في الصفحات التالية ويطويها النسيان .

ما يحتاجه مستشفى رفاعة هو مستشفى جديد فالمستشفى الحالي مهما نُفذ فيه من عمل لن يكون مجدياً . ما هو دور ولاية الجزيرة بالنسبة لرفاعة ؟ من المحزن أن ترى والي الجزيرة يجوب أنحاء الجزيرة من الحصاحيصا للمناقل لطابت ولغيرها من المدن ويعمل على إفتتاح المنشئات الجديدة في المستشفيات وغيرها ، السؤال هل قامت هذه المنشئات بجهد شعبي أم من مالية ولاية الجزيرة ؟ .

مدينة رفاعة وجدت وتجد الإهمال منذ القدم وحتى الآن من الحكومات المتعاقبة ، من ولاية الجزيرة ومن أبنائها فإن لم نبدأ بأنفسنا وبتكاتفنا داخل رفاعة والسودان وداخل هذا المنتدى ونمد أيادينا لرفاعة فلن تقوم لهذه المدينة قائمة وستنتهي إلى العدم وإلى الزوال...... لم يبق لرفاعة إلا الله سبحانه وتعالى وبنوها ( إن شاءوا أن يدعموها ويبنوها ) .

الاخ الكريم...وريسنا عبد الله أبنعوف...اولاً لك خالص تحياتي،

انا معك في ما ذهبت إليه من الاهمال الواضح والصريح من كل الجهات الرسمية لمنشآت رفاعة المهمة جداً...وكما ذكرت فالكرة الآن في ملعب بنوها المخلصين...وبحسب احتكاكاتنا السابقة هنالك الكثيرين من ابناء رفاعة البررة والذين مستعدون لتقديم الغالي والثمين من اجل رفعة تلك المدينة...ولكن يحتاجوا لمن يوجههم ويأخذ بأيديهم...
اخي فالنطرد الاهمال والتقاعس من دواخلنا اولاً حتى نستطيع ملاحقة ولاية الجزيرة وغيرها...وتلك القرى التي سبقت رفاعة في هذا المجال...ليس اهتمام الولاية بل هو إهتمام بنوها بالانشاء والتعمير ولو دفعوا من قوت يومهم...لانهم يعلمون أنه سوف يعود عليهم بالصحة والرفاهية لاحقاً....
الكل يتحدث عن أهمال الجهات الرسمية فهل حاسبنا أنفسنا أولاً...

فيصل...

[بت الجنيد]

بصراحة شديدة ونحن ايضا نعاني اكثر منكم فمستشفي رفاعة
هو من نلجا له في جميع الحالات التي نعاني منها فقد بات يشكي
الامرين عدم توفر الامكانيات اللازمة حتي يتثنا القيام ببعض الاشياء
التي تجعلها لو جزء منها يواكب ما يوجد في المستشفيات الاخري
بمدن اخري
والعجز في ايجاد كوادر طبية مؤهلة وصادقة تقف حتي تكون المستشفي
كما نحب لها
لان المستشفي عاني من مشاكل طبية وعلاجية كبير ة ومن يواكب الحدث
يري كثير من المشاكل التي يعاني منها المريض قبل الطبيب
ونتمني ان نقف معا حتي يكون الحل الجزري لما يحدث وربك يسهلها

[فيصل يوسف حامد]

والله ياجماعة نحن فى غفلة عجيبة
وفى ثبات عجيب
يا جماعة دايرين نعمل حاجة
تفرح . . . صاح مابنقدر
نعمل مستشفى جديد
وراقى. . .وفيهو اقسام
واكثر من تخصص
لكن كمان ماراح يغلبنا
ان نبدأ المشوار للطريق
البوصل للمستشفى السمح
وراح يوصل وباسرع
مماتتصورون .. عارفين كيف؟
بالجدية يا جماعة
لامن نبدأ حاجة وحاجة جادة
بنعرف من خلالها نبصر
طريقنا وبنعرف من خلالها
نقول للناس نحن (ده العندنا)
انتو مستعدين تضيفوا ليهو شنو؟؟
ولامن نبدأ حاجة وحاجة جادة
بنكون كلنا جسد واحد وبنشكل
قاعدة قوية عمادها نحن انفسنا
الساعة ديك كلمتنا بتصل
لجهات اتخاذ القرار وحيعرفوا
نحن منو؟ وهدفنا شنو؟ وياتو
نوع من الناس؟؟
رفاعة يا جماعة كلنا بنغنى ليها
وهى ترقص فى نصنا طيب ليه
مابنركز ليها؟؟ ليه مابنعمل معاها
سوات الرجال ؟؟؟بس نقعد نغنى
رفاعة رفاعة رفاعة رفاعة رفاعة
يا جماعة اى زول يقابل ليهو زول
من رفاعة يذكر ليهو ناس رفاعة بالخير
طيب مادام الصفة دى فينا موجودة ليه
نحن ما دايرين نفعلها ونترجمها لواقع
ملموس . . . يا جماعة رفاعة شنو؟؟
رفاعة انا وانت وهى وهو وامى وامك
ابوى وابوك واخوى واخوك واختى واختك
وجارى وجارك وضيفى وضيفك وصاحبى
وصاحبك . . . يلا يا جماعة ننفض عننا
خدر الكسل ده ونشد حيلنا وراح نصل
ان شاء الله تعالى

عند اللفة بس:-
------------
بالمناسبة الموضوع سخن والبدايات تلوح فى الافق القريب جدا
ولمزيد من الايضاح راجع منتدى التطوير (الموضوع مثبت فيهو)
وده اعلان للجميع

الاخ الوريف معصتم...تحياتي،

دائماً حديثك من القلب إلى القلب...فنتمنى أن يجد آذان صاغية...وعقول واعيه...وضماير حيه...
حتى نعرف من نحن؟ وماذا نريد؟

مع خالص التقدير والاحترام،،،

فيصل...