المساعد الشخصي الرقمي

مشاهدة النسخة كاملة : سعاد .... المبدع الكابلى .. إهداء لعبد الله ابنعوف .....

bibto
05-02-2006, 11:58 PM
مع تحياتى و احترامى
و ياه يا زمن الطرب الجميل

http://www.sudaneseonline.com/SudaneseMusic/music/AlKably/So3ad.wma
Abdo Osman
05-03-2006, 08:18 AM
شكرا على الاغنية
عبدالله إبنعوف
05-03-2006, 09:13 AM
الأخ العزيز بيبتو

ياااااااااااااااااااااا لك الشكر والتقدير ، فقد أبهجت صباحي وإستمتعت بها هذا الصباح أكثر من مرة ومرة ولا زلت .

زادك الله من نعيمه ....... ومن البهجة كمان وكمان
عاصم عثمان حمد
05-03-2006, 10:16 AM
اقترح ان يثبت بوست بعنوان مايطلبه الاعضاء وان يكون مسئولا عنه الاخ بيبتو وذلك لمقدرته في ايجاد الاغاني بسرعة وسهولة .....

واعتقد انو العيون السودا ابت تشتغل لانك حاولت تعديلها في نفس المكان ( كدي جرب بإضافة رد في نفس البوست ) مجرد اجتهاد

ولك شكري ,,
ملاذ حسين خوجلي
05-03-2006, 10:22 AM
يا سلااااااااام عليك يا عاصم يا ابو الاهتمام ذاتو

الف شكر وبمناسبة كدة انا عايزة اغنية سيف الجامعة بتاعة لو متلي هداك الحزن ولو غاب حبيب عن موعدك

كل التحايا
فخر الدين أبو وعد
05-03-2006, 10:28 AM
الاخ بيبيتو لك التحيه على الاختيار واوافق الاخ عاصم والاخت ملاذ على الموضوع وياابو هبه للنظر فى الطلب وتسلمو
عصام أبوالهول
05-03-2006, 02:23 PM
روعه وتحفه والله يا بيبيتو. اهو دا الكابلي دايما يختار أحلى الكلام وخصوصا الكلام المشبع بنكهة وطعم التراث والفن والأدب الشعبي وغناء الحماسه ويقوم يرتبه ويموسقه ويدينا خلطه من أعذب الألحان . بس بالله أنا هسع بسمع واحاول التقط المفردات/الكلمات كمل جميلك واكتبها لينا لأنه دي أول مره اسمعها وما اخداني الحماسه وعايز اركز للسوط.
عبدالله إبنعوف
05-03-2006, 03:59 PM
الأخ عصام القصيدة من شعر عمر الطيب الدوش ومنها :

دقت الدلوكة..قلنا الدنيا مازالت بخير..أهو ناس تعرس وتنبسط
تككت سروالي الطويل سويتلو رقعات في الوسط
في خشمي عضيت القميص أجري وأزبد شوق وانط
لامن وصلت الحفلة
زاحمت الخلق
وركزت
شان البت سعاد
أصلي عارف جنها في زول بيركز وينستر
لكني عارف إنها لو كلو زول في الحلة بالسترة انجلد
ياني الآزاها وجنها
برضي عارف اظنها
تحت
تحت
بتحبني
ديمة في صرة وشيها يلفحني شوق نافر لبد
وركزت للحرقة المشت فوق الضلوع تحت الجلد
ضميت قزازتي مرقت عن طرف البلد
وسكرت..سكرت جد
وانا جايي راجع منتهي
لاقتني هي
قالت تعال
كبرت كراعي من الفرح..نص في الأرض نص في النعال
اتلخبط الشوق بالزعل
اتحاوروا الخوف والكلام
هـــــــي ياسعاد على ودسكينة وكلتي في خشمو الرماد
على ودسكينة ومات أسى..وأنا بت بلاك ملعون أبوي لوكنت أرضى أعرسها
وانا ياسعاد وكتين تصبي سحابة تنزلي زي دعاش
بفرش على روحي واجيك زولا هلك تعبان وطاش
وانا ياسعاد وكتين أشوفك ببقى زول فرشولو فرش الموت وعاش
قالت سعاد: بطل كلام الجرسة..انجض ياولد
مزقت روحي نتف نتف مرقت من وجيب القميص تمباك وحب وعرقي واسف
طبيت قزازتي وصلت لي طرف البلد وسكرت جد
اذنت في الشوك والسلم
وسرحت بالناس والغنم
وركعت للعرقي البكر
ورقدت في الألم الحكر
وحلمت زي شالني ومشى فوق زحمة نبي الله الخضر
صحاني صوت العمدة قال
مسؤول كبير جاي البلد قبال يهل قبال يصل
لازم تصِفوا صفوف وتهيجو الخلا بالكفوف
وتقولوا عاش يحيا
يحيا البطل

وحنكمل باقي القصيدة يا عصام أوكي
حافظ جعفر حسن
05-03-2006, 05:41 PM
فعلا يا عاصم بيبتو ده والله رهيب وببحت حاجات بتوجع والله ونؤيد اقتراحك عمل بوست وسموه خليك بالبيت وأطلب من بيبتو لأنه بجيب حاجات غريبة .
عصام أبوالهول
05-04-2006, 09:01 AM
شكرا يا ابوهبه على الاستجابه والترجمه علي الشريط. ياخي والله كلام الدوش ده كلام حلو وبرفع الأدرينالين واخوك شغوف بمثل هذا الشعر البدخل النخاشيش وبذكرني بـ عد الخضر والبطانه الجوه. طبعا نحن الغربه الطويله والبعد عن البلد خلونا مسطحين وما مواكبين
عصام أبوالهول
05-04-2006, 09:10 AM
يا بيبيتو وابوهبه الحقونا ؟ جيت الصباح ده بفتش على سعاد ما لقيتها؟؟؟؟؟؟؟؟؟ الحاصل شنو؟؟ انا عايز اسمعها كل يوم شوفوا لينا حل والا بقوم أرحل!
عبدالله إبنعوف
05-04-2006, 02:57 PM
بسم الله الرحمن الرحيم

الله ينعل شيطانك يا عصام

يا أخي إنت ما عارف روعة الأغنية دي خلت الموضوع يمشي لصفحتين ، يا أخي أفتح الصفحة الأولى وأسمع زي ما إنت ما عايز

وبرضو بخت ليك القصيدة بالتفصيل في الأدبي لأنو ما غناه الكابلي جزء من الأغنية وليس كلها !
عبدالله إبنعوف
09-18-2010, 12:36 PM
أخونا بيبتو
يا روعة

طااااااال غيابك
يا ريت نشوفك قريب
مع روعة الأغاني المختارة
وما يطلبه الأعضاء
معتز خالد
09-20-2010, 04:22 PM
أغنية رهيبة والله