اغنية الهوى الاول للشاعر الخال الجيلي عبد المنعم غناء الفنان محمد وردي

[ro2a]

أخادع نفسي بي حبك وامنيها
واهرب حتى من ذكراك
الاقيها
دموع الحسرة في عينية اخفيها
نار الشوق اقول الصبر يطفيها

اقول انساك وانسى شقاي لو قادر
وطول الغربة والحرمان بلا آخر
اسيبك كيف وانت الناهي والآمر
وكيف اصبر وعارف نفسي ما صابر
شبابي معاك ما أضيع امانيه
وعمر هواك ما أقصر لياليه
رضيت بي ظلمو أحياه أقاسيه
ولو خلاني ما بقدر اخليه

تخاصم وتفتكر إحساسي اتبدل
وقايل قلبي مال لي سواك واتحول
وحاة ريدتنا وحياة الهوى الأول
بنرجع تاني لو زاد الجفا وطول

[الصادق عبدالله ضرار]

الابنه رؤى
كثير منا لا يعرف من هو الجيلى عبدالمنعم او يسمعون اسمه ولا يعرفون انه من ابناء رفاعه ...غنى له اااااااااااااالفنان وردى منذ زمن طويل جدا..
جميل منك ان نرى هذه الكلمات كتابة وباذن الله سوف ابحث عنها لحنا لتنزل مع البوست..
يديك العافيه

[صبري طه]

الأمورة رؤى

لك التحية وشوق كتير ..

وتحياتي للخال الجيلي عبدالمنعم وللخيلان قزاز وأمير وجميع الأهل ...

ومشكورة على أبيات خالنا العزيز الجيلي فالتحية له وللفنان محمد وردي ...

[ro2a]

شكرا لكم الخيلان الصادق والخال صبري طه على المرور وشكرا ليك ياعمو الصادق جداً ازا لقيت لي الحن لاني فتشت ومالقيت وياخالو صبري الاهل جميعهم بيسلمو عليك وشكرا

[الصادق عبدالله ضرار]

http://www.wadmadani.com/up/pic/AkhadiNafsi.raالابنه رؤى
يا ابنة ذلك الرجل الطيب الشعلابى الحار
اهديك اغنية الخال الاستاذ جنابو الجيلى عبدالمنعم
على فكره انا صديق لخالك الطيب وهو من اعز الاصدقاء رغم فارق العمر
ولجدك رحمه الله فكم من امسيه قضيناها امام منزلكم ونحن نضحك حتى الثماله
رحمه الله
اخليك مع الاغنيه

[ro2a]

شكرا جزيلا لك ياعمو وعلى فكرة انا اول مرة اسمعها طيب اذا عاوزة احفظها اعمل ليها شنو

[الصادق عبدالله ضرار]

الابنه رؤى
سلام
اتمنى انها تكون اشتغلت عندك الغنيه اذا ما اشتغلت ادينى خبر
وبعدين برسل ليك الرابط للحفظ

[ro2a]

ايوة الحمد لله اشتغلت عندي وشكرا جزيلا لك

[الدالى]

شكرا رؤى على الكلمات الرائعه

[احمد مدني]

بالمناسبه انت ثقافتك اكبر بي كتير من سنك
ممكن تشاركي في المسابقه وحنعمل ليك معامله خاصه هاهاهاهاهاها
اوكي فكري في العرض وابدي جهزي اسلحتك من الكلمات

[ro2a]

شكرا ليك ياعمو احمد المدني وانشاء الله حشترك وشكرا ليك ياعموو الدالي