المساعد الشخصي الرقمي

مشاهدة النسخة كاملة : شلة شجرة النيم الفي الحطابة...!!!



الصفحات : [1] 2 3 4 5 6 7 8 9 10

محمد عثمان عبدالقادر السماكي
11-28-2005, 04:14 PM
هي شجرة نيم همبريبا بارد وبالذات لمن تجيك نسايم البحر الحلوة ديك...
مكان للونسة والدردشة ...مفتوح لاي احد من غير قيود او شروط..
سلم واتحكر اقعد اتونس معانا... لحدي ما ابوهبة اعمل لينا مكان للدردشة...

اها يا جماعة الله الواحد قاعد براهو .. شايف عوض الجقير هناك.. قاعد في اللستك..


http://up3.w6w.net/upload/09-02-2006/w6w_20060209001120e7a2ab81.jpg

http://up3.w6w.net/upload/08-02-2006/w6w_20060208231357bd3b6d65.jpg

الصادق عبدالله ضرار
11-28-2005, 04:30 PM
ياسلام كدى شوف ماجد زنقار داك جارى عكازو ماشى وين ..واستاذ مهدى البصير واقف شايفو جنب بابهم...وباب ناس عمتى فاتح جنب باب ناس الوجه الزماااااااااااان.....كدى امش اشوف صديق فرعون فى ولى لا واجى
سلام

محمد عثمان عبدالقادر السماكي
11-28-2005, 04:45 PM
ياسلام كدى شوف ماجد زنقار داك جارى عكازو ماشى وين ..واستاذ مهدى البصير واقف شايفو جنب بابهم...وباب ناس عمتى فاتح جنب باب ناس الوجه الزماااااااااااان.....كدى امش اشوف صديق فرعون فى ولى لا واجى
سلام

غليتو يالصادق اخوي انا قاعد مستنيك تجي راجع ..حامشي اشرب لي موية من زير
محمد اللمين داك وصادي.

Ameer Al Ameen
11-28-2005, 05:36 PM
يا أخونا الاخبار شنو ؟
مافى حفلة قريب ؟ ان شاء فى ديم البحر
طولنا من لمة الحفلات .. لينا قريب العشرين سنة
قاتلنا الشوق ساكت

محمد عثمان عبدالقادر السماكي
11-28-2005, 05:41 PM
يا أخونا الاخبار شنو ؟
مافى حفلة قريب ؟ ان شاء فى ديم البحر
طولنا من لمة الحفلات .. لينا قريب العشرين سنة
قاتلنا الشوق ساكت

والله ياامير اخوي اخبار الحفلات دي بتكون عند الصادق ..قال ماشي ناس فرعون وجاي..
شوفو لسع ما جا ما عارف الاخروا شنو..؟
وانتا ابوبكر حسن خليفة وعبدو عثمان اللي مروا بيجاي هسع ما بسلمو مالم..؟

محمد عثمان عبدالقادر السماكي
11-28-2005, 07:41 PM
شنو يا ياجماعة قاعدين برانا ...نقوم نجيب لينا عنقريب هباب ونديها رقدة
لحدي ما يجينا زول...!!!!

ايهاب صالح سليمان
11-28-2005, 09:19 PM
لازم نديها قعدة معاك يا السماكي .... ونستك لذيذة ... بس ما تمشي تصطاد وتخلينا قاعدين في الضل .... الاخ امير الامين معزوم حفلة شديدة قريب بس ساعدنا في الفنان .... عبد الله محمد عبد الله اساسي طبعا وكنا نتمنى جلال مسعود المبدع ...
نشوف السماكي مواضيع ونسته شنو ؟؟ الجو مسخن ويستاهل كوز الموية البارد


ايهاب

ابومصطفي
11-28-2005, 10:09 PM
عبدالله قال تعبان مابقدر اشتغل اليوم امشو شوفو خالد ود عمكم عوض عبدالصادق

الصادق عبدالله ضرار
11-28-2005, 10:13 PM
اسمع عمر الاقرع شايف معاهو عثمان سلامه قدام دكانو الحاصل شنو وبتكلمو فى شنو ....بعدين الزول القبيل جابوهو للبصير كراعو مفكوكه اتفكت فى الكوره اتجرس من يد عمك البصير اصلو يدو نااااااااااشفه خلاس....
يازول انا ماشى السوق بمر على ود المطرى اشوف عندو سكر وبرجع او بكره نتلاقى ....بجى لى بابكر الشين فى زريبتو عاوز لى مرق..
سلام

محمد عثمان عبدالقادر السماكي
11-29-2005, 12:17 AM
لازم نديها قعدة معاك يا السماكي .... ونستك لذيذة ... بس ما تمشي تصطاد وتخلينا قاعدين في الضل .... الاخ امير الامين معزوم حفلة شديدة قريب بس ساعدنا في الفنان .... عبد الله محمد عبد الله اساسي طبعا وكنا نتمنى جلال مسعود المبدع ...
نشوف السماكي مواضيع ونسته شنو ؟؟ الجو مسخن ويستاهل كوز الموية البارد


ايهاب

ياايهاب
عبدالله دا ما ود جيرانا وكمان فردة مدرسة والله نجيبو ليك جيبا...

محمد عثمان عبدالقادر السماكي
11-29-2005, 12:30 AM
يا جماعة اخبار الكوبري شنو..؟ والله سمعنا انو الشغل وقف فيهو لاسباب فنية..

معتصم سليمان بابكر
11-29-2005, 02:21 AM
تعرف يا سماكى لوقلت ليك انو فى
نفس المكان الانت قاعد فيهو ده
انا اتعلمت سواقة العجلة انا وبحر
ووقعنا فى الحتة دى بالضبط عارف
هناى جرى جرى يودى الخبر للجماعة
اليوم داك انا وبحر اخدنا علقة الله
لا يوريك....نحن اسبوع نزازى جوّه
الحوش ...وماطلعنا منو الا بعد
تعهدات بعدم الرجوع لتاجير العجلات
والله انا لليلة لا حارقانى الوقعة ياسماكى
ولا حارقانى الدقة ولا السجنة....
لكن حارقانى القوالة .....
عارف من اليوم داك انا والقوالين مابنتلم

امير الامين....
الحفلة عند ناس محمود فى ديم العوض
بغشاك بعدين ...قالوا بحسين عوض الكريم
واحتمال يجى صديق رفاعة...وود الجقوقاب

[gb:02ba450a7a]
والله ايام يازمان[/gb:02ba450a7a]

نــــــــــــــــــودي
11-29-2005, 06:06 AM
هههههههههه ياسارق افكاري :wink:

يلا ناس الشاي بجهه والقوه بجهه والحناكيش يمتنعوا :lol:


لمه خير وصحبه جميله ياحلوين ووقت ممتع...

افتح اول شمار في النيمه :lol: ترقبوا اوفاد كميه من الاجئين سيحلون بمدينتكم :wink:


محمد عثمان مش بقيت صاده :lol:

الصادق عبدالله ضرار
11-29-2005, 07:43 AM
السلالالالالالالالام عليكم
كيف آناس
شايف نودى جابت الشاى والقهوه كدى ادونا البنبر الفاضى ده نقعد شويه ونتوهط ..سماكى انت العب مدين عثمان ده هسى مش البحر مع ود البدرى الناس ديل ما قالو ليهم البحر اليومين دى دميره ما بسمعوا الكلام هسى كان غرقوا لا ود السامعى لا طارق حاج ادريس فى عشان يطلعهم...غايتو شفع ملاعين..
يجماعه ناس زنقار ديل عندهم سمايه ماشى ليهم وبرجع

محمد عثمان عبدالقادر السماكي
11-29-2005, 08:00 AM
تعرف يا سماكى لوقلت ليك انو فى
نفس المكان الانت قاعد فيهو ده
انا اتعلمت سواقة العجلة انا وبحر
ووقعنا فى الحتة دى بالضبط عارف
هناى جرى جرى يودى الخبر للجماعة
اليوم داك انا وبحر اخدنا علقة الله
لا يوريك....نحن اسبوع نزازى جوّه
الحوش ...وماطلعنا منو الا بعد
تعهدات بعدم الرجوع لتاجير العجلات
والله انا لليلة لا حارقانى الوقعة ياسماكى
ولا حارقانى الدقة ولا السجنة....
لكن حارقانى القوالة .....
عارف من اليوم داك انا والقوالين مابنتلم

امير الامين....
الحفلة عند ناس محمود فى ديم العوض
بغشاك بعدين ...قالوا بحسين عوض الكريم
واحتمال يجى صديق رفاعة...وود الجقوقاب

[gb:3162b390e6]
والله ايام يازمان[/gb:3162b390e6]

يامعتصم القوال دا اوع اكون ولدنا عاطف بله ..؟باقي هم اصحاب هو بحر..
يا معتصم عندنا واحدة جديدة باقي جاية من كندا اسما نبتة امشوا رحبوا بيها...

محمد عثمان عبدالقادر السماكي
11-29-2005, 08:06 AM
هههههههههه ياسارق افكاري :wink:

يلا ناس الشاي بجهه والقوه بجهه والحناكيش يمتنعوا :lol:


لمه خير وصحبه جميله ياحلوين ووقت ممتع...

افتح اول شمار في النيمه :lol: ترقبوا اوفاد كميه من الاجئين سيحلون بمدينتكم :wink:


محمد عثمان مش بقيت صياده :lol:

عارفة يا بتنا اسرق حنانك زاتو.. :lol:
كدي كبي لينا شاي باقي انا ما بشرب جبنة..وزيدي السكر شوية ياختي...
والله شماراتك حلوة شديد والجايين نشيلم في عيونا بس الاجو.....

محمد عثمان عبدالقادر السماكي
11-29-2005, 08:12 AM
السلالالالالالالالام عليكم
كيف آناس
شايف نودى جابت الشاى والقهوه كدى ادونا البنبر الفاضى ده نقعد شويه ونتوهط ..سماكى انت العب مدين عثمان ده هسى مش البحر مع ود البدرى الناس ديل ما قالو ليهم البحر اليومين دى دميره ما بسمعوا الكلام هسى كان غرقوا لا ود السامعى لا طارق حاج ادريس فى عشان يطلعهم...غايتو شفع ملاعين..
يجماعه ناس زنقار ديل عندهم سمايه ماشى ليهم وبرجع

يالصادق الشفع ديل امس سامعم بجلدو فيهم وقالو ليهم تاني ما امشوا البحر دا...!!!!شفع مسانيح
ونودي دي عندها شمارات لذيذة ...بالله لو لقيت عوض الجقير شايف في ناس عندهم بابور دايرنو
اصلحوا ليهم..

Ameer Al Ameen
11-29-2005, 08:56 AM
يا اخونا
شمارات المجلس البجيبها لينا منو ؟
ود بشير و لا واحد غيرو؟

عبدالله ابنعوف
11-29-2005, 09:45 AM
مسئولين من الخير ، الشجرة دي مش لما البحر يطلع بجي بي درها وكمان بغطي معها الحطابة ، أها بتمشوا وين لما يكون الحال كذلك

Nazar Hussien Babkir Frie
11-29-2005, 09:57 AM
تعرقف ياسماكي حيرتني عديل معاك ، يعني قدر ما وديت وجبت غلبتني عديل ، وبعدين ياخي قهوة نودي دي مالك ما عزمتنا عليهاوبعدين قهوة ناس كندا بيابوها ، اها قعدني جنب الصادق الاخضر وكب لى البركة والتني وشوفني اكان قمت تاني ؟؟!! ،وبعدين الشجرة دي ما دايرليها عنقريب هبابي ذي عنقريب عمك البصيروهاك يانومة .
وناس امير الامين ديل جنهم حفلات ومنتظرين الخميس متين اجي عشان امشوا اساهروا في الحفلات ايام زمان بس حدودهم الادارية فريق قدام والقنتاب ، والله يا سماكي ناس امير ومعتصم سليمان زمان حفلاتنا العندناس محمود الا نجيب معاهم قوة لحفظ الامن والسلم الدوليين ، وبعدين بنبدا في الحنيس يا اخونا الناس اصحابي وجايين معاي والا الشكلة جاهزة .
حلو الكلام :-
وزمان يا سماكي في واحد جاء معاي لحفلة في فريقنا وكان واقف على بعد متين متر من بنوت فريقنا وكانت الاضاءة ضعيفة لدرجة انك اذا عايز تشوف الا تضاوي فجاءة ظهر واحد تمساح دميرة وسالوا انت الموقفك جنب البنات شنو؟!!! ، فنادني وقال لي تاني يا نزار اكان عزمتني حفلة في فريقكم بخسرك وكان دايرني اجئ حولوها لينا فريق قدام .
يامعتصم الحفلة بحسين عوض الكريم وابو الشيخ والناجي وود الجقوقاب والشيالين بقيادة طارق حاج ادريس والجنوبي ومحمد سالم قديما ، وكان عاوز تستمتع جيب ابو ومعاهو محمد سالم ومحمد سعد ومعتز اب قش ونحن جاهزين لاكمال النقص في الفرقة ، وكان قطاع ما جاء بنجيب عبد الاله احمد ابراهيم وكان ما جاء بنجيب معتز ود مرضية .
ياحليل ايام زمان .
يا اخونا حفلة فيفيد متين وبي منو ؟؟
وبرضو ياسماكي رسيني على بر ؟؟!!!

Ameer Al Ameen
11-29-2005, 10:59 AM
يا أخوى يا نزار يا حليل أيام زمان الواحد يجى رفاعة فى Week end) اهم حاجة تشوف الحفلة وين لانو الزول يقابل اكبر كمية من خلق الله و كل الاخبار بتنزل النشرة الليلة ديك كل الحاصل فى البلد، ، و تبدا الوجائع و الهزارات الحلوة ، طبعا ده كان همنا ، بس انت و صاحبك قريبى البتعرفو داك كان همكم حاجات تانية حاميانى بتاعة البونى، و احسن حاجة عينك تقع على واحد عينو طايرة و بكون بشاغل فى واحدة و تبداء الوجايع ، يا اخوى يا حليل ايام زمان

محمد عثمان عبدالقادر السماكي
11-29-2005, 11:04 AM
يا اخونا
شمارات المجلس البجيبها لينا منو ؟
ود بشير و لا واحد غيرو؟

عارف ياامير نودي دي خلوها بتاعت شمارات..مع شايها السمح دا.. :lol:

وياابوهبة لمن اجينا البحر بنزح شوية لحدي شجر مدرسة الطيب التوم ما تخاف...

ويا نزار ما احيرك كتير انا محمد عثمان عبدالقادر نصر وطبعا معظمكم مابعرفني لانو من الثانوية
قريت الجامعة في الاسكندرية وبعدا طوالي الغربة ومتزوج من هاواي فعشان كدا بقينا ناس
اجازات ساي...

محمد عثمان عبدالقادر السماكي
11-29-2005, 04:55 PM
ياربي الصادق دا الليلة الاخرو شنو ..؟باقي هو الشجرة دي بتكيف ليها ..ومواظب في قعدتها..
ويا جماعة مافي زول جاوبني بخصوص الكوبري...الحكاية شنو...؟

Ameer Al Ameen
11-29-2005, 06:50 PM
يا اخونا
شمارات المجلس البجيبها لينا منو ؟
بشير داك و لا واحد غيرو؟

عارف ياامير نودي دي خلوها بتاعت شمارات..مع شايها السمح دا.. :lol:

وياابوهبة لمن اجينا البحر بنزح شوية لحدي شجر مدرسة الطيب التوم ما تخاف...

ويا نزار ما احيرك كتير انا محمد عثمان عبدالقادر نصر وطبعا معظمكم مابعرفني لانو من الثانوية
قريت الجامعة في الاسكندرية وبعدا طوالي الغربة ومتزوج من هاواي فعشان كدا بقينا ناس
اجازات ساي...
[size=18]
يا السماكى اخوى انا جنى و جن شمارات النسوان ،size] : :D

ابو النيييييز
11-29-2005, 06:57 PM
والله زي شايف لي حاجه كده
التقووول يا هو زاتوووو
كان ما اخاف الكضب ياهو

الصادق عبدالله ضرار
11-29-2005, 07:03 PM
ياربى ده ازهرى الكليب
ولى ابراهيم تاج الدين
لالا اظنو عدلان جاركم
كدى اصبر يانزار قرب يصل

ابو النيييييز
11-29-2005, 07:29 PM
ياربى ده ازهرى الكليب
ولى ابراهيم تاج الدين
لالا اظنو عدلان جاركم
كدى اصبر يانزار قرب يصل

..هسي عدلان ده سألك
ده واحد طالع من الطيب التوم و خاتي ايدينو ورا ضهرو

محمد عثمان عبدالقادر السماكي
11-29-2005, 07:56 PM
ياربى ده ازهرى الكليب
ولى ابراهيم تاج الدين
لالا اظنو عدلان جاركم
كدى اصبر يانزار قرب يصل

..هسي عدلان ده سألك
ده واحد طالع من الطيب التوم و خاتي ايدينو ورا ضهرو


طيب كوريك ليهو خليهو ادينا سفة...
عاملين كدا ...كلكم مابتسفوا...

ابو النيييييز
11-29-2005, 08:19 PM
ياربى ده ازهرى الكليب
ولى ابراهيم تاج الدين
لالا اظنو عدلان جاركم
كدى اصبر يانزار قرب يصل

..هسي عدلان ده سألك
ده واحد طالع من الطيب التوم و خاتي ايدينو ورا ضهرو


طيب كوريك ليهو خليهو ادينا سفة...
عاملين كدا ...كلكم مابتسفوا...

ده شنو يا سماكي
سفة شنو كمان
ما شايف
ده استاذ خدر ولاا بشير ما عارف

محمد عثمان عبدالقادر السماكي
11-29-2005, 08:34 PM
ياربى ده ازهرى الكليب
ولى ابراهيم تاج الدين
لالا اظنو عدلان جاركم
كدى اصبر يانزار قرب يصل

..هسي عدلان ده سألك
ده واحد طالع من الطيب التوم و خاتي ايدينو ورا ضهرو


طيب كوريك ليهو خليهو ادينا سفة...
عاملين كدا ...كلكم مابتسفوا...

ده شنو يا سماكي
سفة شنو كمان
ما شايف
ده استاذ خدر ولاا بشير ما عارف


قول ليهو رسلني محمد اللمين ..انتا ما زول شفت من يومك ياخ..

Ameer Al Ameen
11-29-2005, 08:56 PM
يا اخونا
جيب الله ماله ؟؟؟؟؟؟؟؟؟؟؟؟

الصادق عبدالله ضرار
11-29-2005, 11:41 PM
جيب الله قال طردوه من تحت الصهريج اصلو هناك قطعة الواطه حقت امو زماااااااان كانت ساكنه هناك دحين هسى جاتو الازاله طفش امكن يلقى ليهو شجره فى الكرو يرقد تحتها لحدى ما ربنا يشيل الامانه

إبراهيم حاج علي الزين
11-30-2005, 08:20 AM
سلام عروب سلام أهل النيمة والنمة

جيناكم ياحبايبنا بعد غربة وشوق نغالب فيهو ويغالبنا

الشجرة دي تعلمنا فيها ركوب العجلات لمن كنا بناجرهم من ناس ود الفاضل ومن العالي فللي على البحر

جايكم صادي لو في العمر بقية

Ameer Al Ameen
11-30-2005, 09:31 AM
جيب الله قال طردوه من تحت الصهريج اصلو هناك قطعة الواطه حقت امو زماااااااان كانت ساكنه هناك دحين هسى جاتو الازاله طفش امكن يلقى ليهو شجره فى الكرو يرقد تحتها لحدى ما ربنا يشيل الامانه

الصهريج دا ما جنبو الجامع الكبير ؟؟
كدى اسالو معتصم سليمان ..
يا معتصم نحن راجينك بى جاى

محمد عثمان عبدالقادر السماكي
11-30-2005, 09:50 AM
ياجماعة ازيكم ...الواحد جايكم حانف وشو ..اصلي كنت متشاكل مع اخوي فاروق المسنوح دا..
لكن حعبوز حلا لينا المشكلة....بي ظرافتو وخفت دمو ديك...

خالد عثمان
11-30-2005, 10:07 AM
السلاااااااااااااااااااام عليكم يا ناس النيمة والبن البعدل الكيف

كلامكم سمح بلحيل اااااااااااااااااناس زينين تب

وانا بسمع ساكت في الونسة علا والله ماعاجبني الا سيرة

طارق محمد سالم دا زول عجيب خلاس بالليل كورس مع الفنان بس

ما يسمع ليهو بي زول مات الا تلقاهو في المقابر متجكن في القبر تب

ويحفر اكتر من ااااي زول دي مروة شنو دي ربنا يديهو العافية .

بس تعرفوا دايماً الشمارات بكون فيها وفيها يا أخوانا جيب الله دا الخبر

السمعتو عنو دا شنو الزول دا مسكين الحصل عليهو شنو قتو لي مافي

زول بلمو في بيت فاضي الحيشان والبيوت كتار

نوع جيب الله دا فيهم الاجر يا ناس النيمة فتحتو باب والله

Ameer Al Ameen
11-30-2005, 10:10 AM
ياجماعة ازيكم ...الواحد جايكم حانف وشو ..اصلي كنت متشاكل مع اخوي فاروق المسنوح دا..
لكن حعبوز حلا لينا المشكلة....بي ظرافتو وخفت دمو ديك...


يا جنا الحق ادى عمك السماكى كوز مويه خليهو يبرد دمو شوية بعدين نعرف الحاصل

فيصل يوسف حامد
11-30-2005, 10:46 AM
[align=justify:0426b48cc3]الاخ سماكي تحياتي،،،
بشوف قعدتنا تحت النيمه طولت ، والناس الما بعرفوا اسوقوا العجلات إعتعلموا ، والشمارات جات كيمان كيمان ، وصوت طلبت المدرسه (دجاجي يلقط الحبه...) ، وسوط السوط ، شبط....شبط ...شبط كدي شوفوا لي البهبدو فيه دا منو ، قالوا دا واحد قبضو أستاد الرشيد الزهجي بسف ليه في صعود الله إعينو ، وداك مهدي البصير الله إيده العافيه شفناهو وحسن الوجه راكب حمارو ، والحمري في أباطو عكازو ...... والقعدة طولت وجات الاخت نودي بالقهوة وشربناها والحفلات كلها كتلناها ....بس في حاجه ماجبناها ...البلح دا ما شايل أحمر وأصفر مالنا جيهتو نسيناها.....

في الختام ...والله أيام يا زمان....لك أخي سماكي والاخوة الكرام كل تقدير،،،

أخوكم فيصل يوسف[/align:0426b48cc3]

الصادق عبدالله ضرار
11-30-2005, 12:59 PM
ياخوى خالد انت ماعارف انو جيب الله متمرد على الحيطان
حالف ما يسور نفسو بى بيت
ولايقفل باب عليهو
قال كده الحريه ولى بلاش
كمان ود محيسى كان موافقوا دفع الله الله يرحموا شايفو جنب خلوة ابونا شيخ عبدالله راقد والله تقول مبرمج عليها..
انت قلت لى الحمرى مالو كدارى اليوم يافيصل حمارتو البيضا ديك وين ...
كدى نمشى نشوف الجاك سعد داك عندو مويه فول وجبنه نعمل لينا فته كاااااااااااااااااربه
عشان نجى نلغف شاى نودى

ابومصطفي
11-30-2005, 01:54 PM
يالاخدر الحق جماعتك قالو اصحابك صديق الحوري وعماد محجوب عيسي مضاربين الغرابه في الكماين

محمد عثمان عبدالقادر السماكي
11-30-2005, 04:38 PM
[align=justify:4b07b7f0c9]الاخ سماكي تحياتي،،،
بشوف قعدتنا تحت النيمه طولت ، والناس الما بعرفوا اسوقوا العجلات إعتعلموا ، والشمارات جات كيمان كيمان ، وصوت طلبت المدرسه (دجاجي يلقط الحبه...) ، وسوط السوط ، شبط....شبط ...شبط كدي شوفوا لي البهبدو فيه دا منو ، قالوا دا واحد قبضو أستاد الرشيد الزهجي بسف ليه في صعود الله إعينو ، وداك مهدي البصير الله إيده العافيه شفناهو وحسن الوجه راكب حمارو ، والحمري في أباطو عكازو ...... والقعدة طولت وجات الاخت نودي بالقهوة وشربناها والحفلات كلها كتلناها ....بس في حاجه ماجبناها ...البلح دا ما شايل أحمر وأصفر مالنا جيهتو نسيناها.....

في الختام ...والله أيام يا زمان....لك أخي سماكي والاخوة الكرام كل تقدير،،،

أخوكم فيصل يوسف[/align:4b07b7f0c9]

والله يا اخي فيصل الذكريات جميلة ةاسترجاعها ممتع ...والنيمة قعدتا سمحة عشان الونسة والدردشة..
واي زول بتونس الونسة الدايرا ومرات مرات بنهابش فيها المواضيع بكياسة وذكاء...

بالمناسبة الكوبري قلوا وقف مالو..؟

ابومصطفي
11-30-2005, 05:10 PM
هومتين بدا الكبري نحنا شماره لسه ماجانا امكن الشمار ماوصل لرويتر الرياض عادل احمودي امانه كان وصل عادل العربات بتكون قطعت من الحصاحيصا لرفاعه

Ameer Al Ameen
11-30-2005, 05:18 PM
[align=justify:212c6e9c56]الاخ سماكي تحياتي،،،
بشوف قعدتنا تحت النيمه طولت ، والناس الما بعرفوا اسوقوا العجلات إعتعلموا ، والشمارات جات كيمان كيمان ، وصوت طلبت المدرسه (دجاجي يلقط الحبه...) ، وسوط السوط ، شبط....شبط ...شبط كدي شوفوا لي البهبدو فيه دا منو ، قالوا دا واحد قبضو أستاد الرشيد الزهجي بسف ليه في صعود الله إعينو ، وداك مهدي البصير الله إيده العافيه شفناهو وحسن الوجه راكب حمارو ، والحمري في أباطو عكازو ...... والقعدة طولت وجات الاخت نودي بالقهوة وشربناها والحفلات كلها كتلناها ....بس في حاجه ماجبناها ...البلح دا ما شايل أحمر وأصفر مالنا جيهتو نسيناها.....

في الختام ...والله أيام يا زمان....لك أخي سماكي والاخوة الكرام كل تقدير،،،

أخوكم فيصل يوسف[/align:212c6e9c56]

والله يا اخي فيصل الذكريات جميلة ةاسترجاعها ممتع ...والنيمة قعدتا سمحة عشان الونسة والدردشة..
واي زول بتونس الونسة الدايرا ومرات مرات بنهابش فيها المواضيع بكياسة وذكاء...

بالمناسبة الكوبري قلوا وقف مالو..؟


الما بوقفو شنو !!!!!!
قالو الشيخ دعا لزول البنطون لى جنى الجنى

البشير اتورط ساكت ؟؟؟؟

محمد عثمان عبدالقادر السماكي
11-30-2005, 07:58 PM
يا امير والله الكوبري دا داير ليهو فكي كااااااااااارب كدا احيل لينا موضوعو دا.....
زمان واحد قال لي عشرة فكيا ما احلوكم...!!!!
وياالصادق انتا وين نودي وقهوتا وشايها داك ...انتو ما بتفقدوا ناسكم...؟

فيصل يوسف حامد
11-30-2005, 07:59 PM
[align=justify:0a6cf5ef90]الاخ الصادق تحياتي،
ياخي إنت ما شايف ، أظنو سماكي دا مغتيك بسمكاتو الشائلين ديل ، ما شفت الحمري ربطه في الحطابه وعلق ليها ....وهداك جائي علينا جاي ...بتكون جايباهو ريحة القهوة...وكدي خلينا نمشي على الفته دي قالوا جهزت...

الاخ سماكي تحياتي،
الكبري دا قصتو قصه طويله ...والكلام فيهو كتير....ود الامين قال قالوا دعوة الشيخ....وأخوانا قالوا الحكومه قاصداهم...وناس قالوا الكبري زعلان...لكن على حسب ماشايف يعني الكبري دا سامع البنطون دا مرات بمسكوه قريب الجنيد ...أظنو مأمل إجي يوم إشتت وما إرجع ... لكن يا خي ما تشوفو لي نودي دي ختت القهوة دي ومشت وين؟

أخوكم فيصل يوسف[/align:0a6cf5ef90]

الصادق عبدالله ضرار
12-01-2005, 08:26 AM
طارق الحصل شنو لى صديق وعماد ود مريم عمالن مشوا منهم
اها اللى يشوفو ليهم زول يحرق ليهم كماينهم دى
اصلو زاتو اللتو والاصلى ومبارك اب هامه قالوا ما حيجبيو ليهم البسكويت عشان يحرقوا الكماين..الا الغجج يتوسط ليهم هن هسى فى فريق حمدين قاعدين يقرطعوا......... للطيش
نودى كدى ادينا فنجان قهوه

Ameer Al Ameen
12-01-2005, 09:47 AM
يا اخوانا انا عاجبنى زول حمش بالحيل
عمنا سواق بص المدرسة اكان زول ساكت رفع عينو عاين واحدة لبت
تلقاهو طوالى حمر ليهو واظن اكان فى طريقة اديهو خبطة فى سنقورو
الله يديهو العافية

Nazar Hussien Babkir Frie
12-01-2005, 10:40 AM
الود امير اللمين هوي جنك معاينة للبص بتاع رفاعة الثانوية للبنات ، ودا زمان الخلاك تقبل انو العلاقة تبقي صداقة عشان تكسب الودين؟؟!! ، وحات شباب الشجرة الحلوين ديل وكمان خوفي ام احمد تقرا البوست كان فضحيتك حتكون بجلاجل ، وانت عارفني انا ما هين وكمان صاحبي البتعرفوانت وما بعرفوا ناس الشجرة بجيني هنا قريب وشيل شيلتك، ودي الودرك لمن مشيت الجامعة بتتذكر هناية اجمل جميلات شمبات الزراعة وانا خالى مشئولية وخالى طرف .
تعريجة حلوة :
حبيب القلب الريدة ما بالغصب ، بتتذكرها ياود اللمين .
وتعال يا اللخضر الناس اتحكروا في البنابر ولا اتوسدوا البسيطة ساي وجابواللحمة ولا قرديحي ، وبعدين معاك لمن يبدؤا الدوبيت ناديني انا بجئ وبسمع ساكت .
وانت ياسماكي اشوي لينا سمكة واحدة لانو الليلة الخميس وحمودة قالوا سافر الخرطوم ، ومرغني ولدوا خاتي السوط جنبو ونحن بنخاف منو عشان كدي اشوي لينا من سماكاتك دليل وبعدين ياسماكي ما تنسي انو ود حلواني صاحبي قريبو والسمك يوم الخميس في رفاعة جناية .
بجيكم صادي بعدين لانو ناس ابو عندهم بروفة والحفلة في الحي الامامي جوار الاسبتالية .
ابوفاطمة
ابوفاطمة

Ameer Al Ameen
12-01-2005, 12:04 PM
الود امير اللمين هوي جنك معاينة للبص بتاع رفاعة الثانوية للبنات ، ودا زمان الخلاك تقبل انو العلاقة تبقي صداقة عشان تكسب الودين؟؟!! ، وحات شباب الشجرة الحلوين ديل وكمان خوفي ام احمد تقرا البوست كان فضحيتك حتكون بجلاجل ، وانت عارفني انا ما هين وكمان صاحبي البتعرفوانت وما بعرفوا ناس الشجرة بجيني هنا قريب وشيل شيلتك، ودي الودرك لمن مشيت الجامعة بتتذكر هناية اجمل جميلات شمبات الزراعة وانا خالى مشئولية وخالى طرف .
تعريجة حلوة :
حبيب القلب الريدة ما بالغصب ، بتتذكرها ياود اللمين .
وتعال يا اللخضر الناس اتحكروا في البنابر ولا اتوسدوا البسيطة ساي وجابواللحمة ولا قرديحي ، وبعدين معاك لمن يبدؤا الدوبيت ناديني انا بجئ وبسمع ساكت .
وانت ياسماكي اشوي لينا سمكة واحدة لانو الليلة الخميس وحمودة قالوا سافر الخرطوم ، ومرغني ولدوا خاتي السوط جنبو ونحن بنخاف منو عشان كدي اشوي لينا من سماكاتك دليل وبعدين ياسماكي ما تنسي انو ود حلواني صاحبي قريبو والسمك يوم الخميس في رفاعة جناية .
بجيكم صادي بعدين لانو ناس ابو عندهم بروفة والحفلة في الحي الامامي جوار الاسبتالية .
ابوفاطمة
ابوفاطمة

أخوى ود السناب
شايفك ما طلبت القهوة الما لاقيها اخونا الاستاذ داك البتعرفو اوع تكون شربتها بى هناك
مافى مشكلة بنديك التنى ، كدي اقعد صنقر......
و طبعا عارف انو نحن ناس روحنا رياضية و ما ذى صاحبك يا اخى شالو حسه" الريدة ما بالغصب "
كرهو المشى فى الشارع داك بقى يمشى بى فوق،
لكن الشى المحيرنى شمارات ناس الخرطوم دى هههههههههههههههههههههههههههههههههههههههههههههههههه هههه؟؟؟؟؟؟؟


أبو أحمد\

الصادق عبدالله ضرار
12-01-2005, 01:21 PM
الظاهر يا اممير انو عبدالرحمن حاج عبيد اداك هرشه وانت بتعاين للبص الكومر داك
هسى ابو الحاج طبعا رئيس نادى الشعله الروحى وتمام التمام وكل الاحترامات من كل ناس الشعله بل الخوف منو..
اها كلندى داك راكب عجلتو ماشى قال ناس عم على قسم السيد فاطر معاهم الشله كلها هناك والله لو شفتوهم بس ضحك وعمك على ماخلا زول ما هبشو..
كدى نمشى نفطر معاهم ونجى

Ameer Al Ameen
12-01-2005, 01:51 PM
الظاهر يا اممير انو عبدالرحمن حاج عبيد اداك هرشه وانت بتعاين للبص الكومر داك
هسى ابو الحاج طبعا رئيس نادى الشعله الروحى وتمام التمام وكل الاحترامات من كل ناس الشعله بل الخوف منو..
اها كلندى داك راكب عجلتو ماشى قال ناس عم على قسم السيد فاطر معاهم الشله كلها هناك والله لو شفتوهم بس ضحك وعمك على ماخلا زول ما هبشو..
كدى نمشى نفطر معاهم ونجى

الصادق اخوى انا زول مسكين ساكت بس شاهد على حاجات كتيرة و هو ذاتو عمك عبد الرحمن ما بديك فرصة تعاين يحدر للطلبة يمين و شمال و ما عارفين البص بسوقو كيف!!!!!!
و للبص دا حكاوى كتيرة بس شوفو لينا اخونا جلال حسن عبد الرحمن :)

بالمناسبة وين قبتاب الدوحة ؟؟؟؟؟؟؟؟؟؟؟؟؟؟؟؟؟

Nazar Hussien Babkir Frie
12-01-2005, 05:11 PM
للخدر الفطور ومعزومين عليهو ، علا القبتابي ود اللمين داك واقف بعيد كدي نادهو لى جاي ، وتاني قام جاب في سيرة البحر صاحبي وكرهو الشارع بثائيات حبيب القلب الريدة ما بالغصب انت عملت شنو؟؟؟!!!، وبعدين ناس جلال ديل البجيبم لينا هنا شنو ، انت تعال صاحبي خبروا شنو اظنو رفاعة عجبتو ، اها شمارات ناس الخرطوم الجديدة دي، ما ادوني ليها ، وين شمارات شمبات الزراعة ، وقهوة كندا ابو يعزموني عليها ، عشان كدي انا ماشي نيالا ؟؟!!ولا اخير لى قهوة عنيكش في جدة جنب كبري الخشب .
امير روحك دي حلوة وراقيةودي انا خابرها من زمان زمان زمان بس عليك الله القطيعة دي ما سمحة والسماكي عرف يجر الناس جر ليهو وباين عليهو قطاع وعندو كل الاخبار وفات الكبار والقدرو، بس قطيعتو حلوة حلوة.
لمن يجي صاحبي بكلموا ليك واوعي تنكر .
ابوفاطمة

الصادق عبدالله ضرار
12-01-2005, 05:12 PM
الاخ امير
طبت
لاقبتاب بالدوحه

كان اخونا الضو ومشى وبجى
وبس
بسال عن محمد العاقب الزول ده وين

Nazar Hussien Babkir Frie
12-01-2005, 06:25 PM
ناس الفاتح العاقب ملو ما جونا اوعي يكونو زعلانيين ، اها الوصية في الزمة انما وصلتهم وجبت لينا خبرو باقي مقطوع ليهو زمن مننا .بعدين انت سالت عن محمد ناجي وين .
ابوفاطمة

محمد عثمان عبدالقادر السماكي
12-01-2005, 06:39 PM
اها جيناكم ...والله هدي دخلة....باقي يوم الخميس دا برنامجوا عندي بحر بس من الصباح...
والله صدت لي سمكة كبيرة كبر 14 كيلو...نجيبا بعدين نشويا ليكم...

محمد عثمان عبدالقادر السماكي
12-01-2005, 07:40 PM
يا شلة ...شنو الحكاية ما قلنا ليكم في ضيفة جديدة جاتنا من كندا...وما رحبوا بيها غير
ابوهبة والصادق ونزار الكرور والموناليزا وانا....شنو حكايتكم ..!!!بقيتو ما بتدوروا الضيفان
ولا شنو....؟

فيصل يوسف حامد
12-01-2005, 08:20 PM
[align=justify:7274a802aa]الاخ سماكي تحياتي،

ياخي الناس ديل كلهم بدوروا الضيفان لكن المشغوليات وحركة البوستات ....أه يا زول لقيت البوست ورحبت بيها أحلى ترحيب ...كدي أمشي علي البوست شوفو.....وإنشاء الله نبته لم تزورنا في رفاعه عربيت تجي ماشه بفوق ساكت ، وتلقاك إنت واقف في الكبري ورامي شبكتك ...والخير دفاق كيمان..
كيمان...كيمان...كيمان...

أخوك فيصل يوسف[/align:7274a802aa]

محمد عثمان عبدالقادر السماكي
12-01-2005, 08:27 PM
[align=justify:475fd97924]الاخ سماكي تحياتي،

ياخي الناس ديل كلهم بدوروا الضيفان لكن المشغوليات وحركة البوستات ....أه يا زول لقيت البوست ورحبت بيها أحلى ترحيب ...كدي أمشي علي البوست شوفو.....وإنشاء الله نبته لم تزورنا في رفاعه عربيت تجي ماشه بفوق ساكت ، وتلقاك إنت واقف في الكبري ورامي شبكتك ...والخير دفاق كيمان..
كيمان...كيمان...كيمان...

أخوك فيصل يوسف[/align:475fd97924]

والله ما بتقصر يا فيصل وما انتا سيد الكرم ....دحين في اختنا سهام دي شايفا مارة بي قدام
نادوها تجي تقعد مع اخوانا وناسا في الشجرة دي ....باقي سهام دي شاعرة واديبة وكلاما
بعجب بالحيل...

الموناليزا..
12-01-2005, 08:38 PM
سلام يا ناس شجرة النيم..
والله عندكم هواء جميل ونسيم عليل
يرد الروح .. لمتكم حلوة عجبتني ..
وونستكم رايقة بمزاااج ..
كثروا الكراسي ..
الجايين كتااااار ..
تحياتي للكل ..

الموناليزا..

Ameer Al Ameen
12-01-2005, 11:35 PM
للخدر الفطور ومعزومين عليهو ، علا القبتابي ود اللمين داك واقف بعيد كدي نادهو لى جاي ، وتاني قام جاب في سيرة البحر صاحبي وكرهو الشارع بثائيات حبيب القلب الريدة ما بالغصب انت عملت شنو؟؟؟!!!، وبعدين ناس جلال ديل البجيبم لينا هنا شنو ، انت تعال صاحبي خبروا شنو اظنو رفاعة عجبتو ، اها شمارات ناس الخرطوم الجديدة دي، ما ادوني ليها ، وين شمارات شمبات الزراعة ، وقهوة كندا ابو يعزموني عليها ، عشان كدي انا ماشي نيالا ؟؟!!ولا اخير لى قهوة عنيكش في جدة جنب كبري الخشب .
امير روحك دي حلوة وراقيةودي انا خابرها من زمان زمان زمان بس عليك الله القطيعة دي ما سمحة والسماكي عرف يجر الناس جر ليهو وباين عليهو قطاع وعندو كل الاخبار وفات الكبار والقدرو، بس قطيعتو حلوة حلوة.
لمن يجي صاحبي بكلموا ليك واوعي تنكر .
ابوفاطمة

أخوى أبو فاطمة
بركة اللقينا شجرة من الكتاحة القايمة البى غادى ، الناس دى خبر شنو مش كفاية لت و عجن !!!!!!!!!!! اخونا السماكى دا كتر خيرو ... مرقنا منها و منتظرين تروق علشان نرجع.
انت عارف يا نزار احلى حاجة انك نزار بتاع زمان ياك نزار القديم زاتو. لا اتغيرت و لا اتبدلت ودا كان العشم فيك..........
صاحبك الاول عيان و عمل عملية الله يشفيهو
بمناسبة نيالا دى ..نيالا دى مش فيها بنك ( اسال صاحبك التانى بتاع الرياض)
و هاك دى لصاحبك الثالث بتاع اميريكا ....قولو ليهو بتتدكر اللورى بتاع التراب


أبو أحمد

Ameer Al Ameen
12-01-2005, 11:58 PM
الاخ امير
طبت
لاقبتاب بالدوحه

كان اخونا الضو ومشى وبجى
وبس
بسال عن محمد العاقب الزول ده وين

اخونا الصادق
كدى انقعد جنبك ما اظنك بتعرفنى و بعد الفطور الكارب دا امكن تكون شفتنى
بس انا بعرف انك ود خالة /الصديق و الاخ االرفيق جدا جدا الهادى مجذوب الطاهر
وهو زمبل و صديق عزيز من رفاعة الاميرية ثم الثانوية ثم الجامعة (له منى حميمية الشوق و غالى امنيات الهناء )

و اخوى د.منار انت ما بتعرفها و لا شنو ؟؟؟؟ كدى جيب لينا خبرها ؟؟؟
الراقى محمد العاقب فى الخرطوم حسب افادات الشهود ( عدول طبعا)


أبو أحمد

الصادق عبدالله ضرار
12-02-2005, 09:24 AM
الاحيب امير
صباحك فل
والله فعلا امكن الزمن فرق ول اتشرف بلقاءك فانتم خرجتم من رفاعه ونحن يفع
الهادى مجذوب ابن خالى وهو ذلك الرجل الهادى للان....عميدا بالشرطه فى المعامل الجنائيه...اعتقد عمل دكتوراه او ما جستير
نسيت والله د منار حسن موجوده وليك على امشى ليها مخصوص عشان تسجل دى زوله رائعه وعلى اتصال بها....
اسمع ناس عم مصطفى مدثر لسه قاعدين فى البرنده القدام دكان ناس محمد العاقب لانى شايف حزب امه الليله فى سوق البتيخ قال ما لاقاهو الصباح

Ameer Al Ameen
12-02-2005, 11:02 AM
الاحيب امير
صباحك فل
والله فعلا امكن الزمن فرق ول اتشرف بلقاءك فانتم خرجتم من رفاعه ونحن يفع
الهادى مجذوب ابن خالى وهو ذلك الرجل الهادى للان....عميدا بالشرطه فى المعامل الجنائيه...اعتقد عمل دكتوراه او ما جستير
نسيت والله د منار حسن موجوده وليك على امشى ليها مخصوص عشان تسجل دى زوله رائعه وعلى اتصال بها....
اسمع ناس عم مصطفى مدثر لسه قاعدين فى البرنده القدام دكان ناس محمد العاقب لانى شايف حزب امه الليله فى سوق البتيخ قال ما لاقاهو الصباح
أخى الصادق
مزازات الضللة اهلنا القبتاب ما بخلوها و خصوصا فى الاجازات و ما احسنها من لمة
حزب امة اظنو عندو شغلانية مع قبتابى لكن قال ما لامى فيهو الزول دا يكون مشى وين من دقشية الرحمن ؟؟؟؟؟؟؟؟؟؟؟؟؟؟؟

الصادق عبدالله ضرار
12-02-2005, 01:12 PM
خلى بالك قالو الكشف عندو كميه من الفواكه جات فى الكشك....اظنو مشى يشيل من عشان يفرش بيها...
ياخوى ود الكمنده لسه دكان عناقريبو فى ...

محمد عثمان عبدالقادر السماكي
12-02-2005, 11:07 PM
الليلة ياجماعة الناس ديل مشوا وين؟....ناس الصادق وامير وابو مصطفى ودفريجون وفيصل
باقي ديل مواظبين على قعدة الشجرة دي...اها النقوم نوترم نشوفم وين...!!!!
ما سمعوا بخبر الكوبري ..الجابو لينا ابوهبة ولاشنو..؟

الصادق عبدالله ضرار
12-02-2005, 11:10 PM
سمعناااااااااااااااااااهو وفات اضانا لى غادى
خبر بالحيل سمح زيكم
وهسع منتظرين تاكسى عمك قطبى جايب عمك سلامه نركب نشوف محل الكبرى برانا

Nazar Hussien Babkir Frie
12-03-2005, 08:57 AM
[font=Simplified Arabic]صباحاتكم حلوة وزينة واخباركم ديمة مفرحة ،وانا رديت باقي غلط في العام ودي توبة نصوحة من هنا وجاي اولا بصبح على روني وبجيكم صادي ، ختو القهوة الحاسديني عليها القبتابي ود اللمين مع انو لليلة ناس كندا ما عزموني ولكني طفس والله مما اشم ريحة البن بجي داخل ان يرضوا انا يابوا سامعين ، وسلامتو صاحبي شال اللوز ولا شنو ياامير اصلها متعباهو ليها زمن ؟؟؟!!!
بعدين ياخوي ناس اللخدر صغار شنو الداير تقعد معاهم تحت الضللة بتاعت القبتناب تعال لى بهناك في فريق السناب باقي نحن قدرك ولحم سدرك وحافظنك ومسخمنك بالرسول اكان ما تجئ نعيد الزمان كلو هنا تحت الشجرة ، وناس السماكي عليهم اشوي لينا ونحن نحكي للصباح ؟؟ .
السماكى سمكة اربعناشر كليو وما تعزمني عليها بالغت عديل ؟؟[
ابو فاطمة /Font]

Ameer Al Ameen
12-03-2005, 09:19 AM
الاحيب امير
صباحك فل
والله فعلا امكن الزمن فرق ول اتشرف بلقاءك فانتم خرجتم من رفاعه ونحن يفع
الهادى مجذوب ابن خالى وهو ذلك الرجل الهادى للان....عميدا بالشرطه فى المعامل الجنائيه...اعتقد عمل دكتوراه او ما جستير
نسيت والله د منار حسن موجوده وليك على امشى ليها مخصوص عشان تسجل دى زوله رائعه وعلى اتصال بها....
اسمع ناس عم مصطفى مدثر لسه قاعدين فى البرنده القدام دكان ناس محمد العاقب لانى شايف حزب امه الليله فى سوق البتيخ قال ما لاقاهو الصباح
أخى الصادق
مزازات الضللة اهلنا القبتاب ما بخلوها و خصوصا فى الاجازات و ما احسنها من لمة
حزب امة اظنو عندو شغلانية مع قبتابى لكن قال ما لامى فيهو الزول دا يكون مشى وين من دقشية الرحمن ؟؟؟؟؟؟؟؟؟؟؟؟؟؟؟

شنو الحكاية البنات ما سو الجبنة لى هسع مالن؟؟
قبل شوية ود الاغبش قال شاف قبتابى ركب اللورى مع على ود البهجة قالوا ماشين القضارف يجبيو التلج اصلو مصنع رفاعة ليهو سنين الملح بتاعهم كمل و ما لاقين زول يشتريهو




أبو أحمد

Ameer Al Ameen
12-03-2005, 09:46 AM
[font=Simplified Arabic]صباحاتكم حلوة وزينة واخباركم ديمة مفرحة ،وانا رديت باقي غلط في العام ودي توبة نصوحة من هنا وجاي اولا بصبح على روني وبجيكم صادي ، ختو القهوة الحاسديني عليها القبتابي ود اللمين مع انو لليلة ناس كندا ما عزموني ولكني طفس والله مما اشم ريحة البن بجي داخل ان يرضوا انا يابوا سامعين ، وسلامتو صاحبي شال اللوز ولا شنو ياامير اصلها متعباهو ليها زمن ؟؟؟!!!
بعدين ياخوي ناس اللخدر صغار شنو الداير تقعد معاهم تحت الضللة بتاعت القبتناب تعال لى بهناك في فريق السناب باقي نحن قدرك ولحم سدرك وحافظنك ومسخمنك بالرسول اكان ما تجئ نعيد الزمان كلو هنا تحت الشجرة ، وناس السماكي عليهم اشوي لينا ونحن نحكي للصباح ؟؟ .
السماكى سمكة اربعناشر كليو وما تعزمني عليها بالغت عديل ؟؟[
ابو فاطمة /Font]

حكاية الكبرى دى و الله انا لسه خاتى يدى فى قلبى منها اكان ما شفتو عديل ما بصدق
نزار اخوى و الله ونستك بالدنيا لكن ناس الاخضر ديل فيهم ريحة الاصحاب القدام الذيك كده
و ذى ما بقولو الكتوف اتلاحقت ...بمناسبة الاصحاب دى شفو لينا طريقة لياسر ود عبد الماجد باقى راسو مليان ذى كده..و اكان جانا الا نجيب سراير عديل كدى....

اخوى الصادق وين عادل قجة؟؟؟؟؟؟؟؟؟؟؟؟؟؟؟؟؟؟


أبو أحمد

الصادق عبدالله ضرار
12-03-2005, 01:34 PM
عادل قجه سجل وزاغ
موجود جرى بس
بعدين قلت لى ازهرى قبتابى مشى مع ود البهجه عليك الله شوف الزول ده كان مواعدنا فى سوق الخضار عاوزين نفرش بصل سوا
الزول باعنى
لكن ماعلليك بمشى اشارك شعيبو افرش معاهو بطاطس

فيصل يوسف حامد
12-03-2005, 05:48 PM
الليلة ياجماعة الناس ديل مشوا وين؟....ناس الصادق وامير وابو مصطفى ودفريجون وفيصل
باقي ديل مواظبين على قعدة الشجرة دي...اها النقوم نوترم نشوفم وين...!!!!
ما سمعوا بخبر الكوبري ..الجابو لينا ابوهبة ولاشنو..؟


[align=justify:63a4710855]تحياتي،
ياخي الناس ديل قاعدين أنا شايفم فوق .... أنا بس مشيت أشوف ليكم الناس القالوا جايين ديل ولسع ما وصلوا ... وأنا لافي لقيت ليك الخبر السمح دا ومن الفرحه إتلخبت دائر أجي النيمه مرقتها في البنطون كداري ساكت .... أصلوا الخبر الجابو أبو هيبة دا بسطل عديل كده ... بس قول الحمد لله المتهورت وكسرت ليكم البنطون دا .... برضو جات سليمه .... لكن ليكم علي المشية الجايه بشوف ليهو صرفه .... المهم قالوا الصينيين وصلوا ول لسع ؟ والحديد أخبارو شنو في بورسودان ول وصل الحصاحيصا؟ [/align:63a4710855]

فيصل يوسف حامد
12-03-2005, 09:11 PM
[align=justify:673675a5e7]هوي يا ناس شجرة النيم ... بشوفكم نخيتو ... مالكم نخوتكم قلت ول شنو ... ما عندكم أخ عزيز إسمو صبري طه قال راحل تاركنا ... دي ما سماتنا نختلف آآآآآي لكن ما نخلي أخ لينا إفارقنا ... لازم نصالح وكان أخطأ نصححوا .... هيا يا شباب همتكم ... الاخ أمير الامين والاخ سماكي والاخ الصادق والاخت نودي والاخت الموناليزا والباقين... وينكم الزول دا ما قال ماشي سااااااااكت وما راجع ...ومافي زول كتب ليه إلا أنا والاخوان معتصم وود فريجون والاخت رزاز ... إستنفروا يا جماعه جيبوا الزول دا راجع .... ول بتبقى خوتكم دي أي كلام...

أخوكم فيصل يوسف[/align:673675a5e7]

محمد عثمان عبدالقادر السماكي
12-03-2005, 10:01 PM
[align=justify:bf2573d91a]هوي يا ناس شجرة النيم ... بشوفكم نخيتو ... مالكم نخوتكم قلت ول شنو ... ما عندكم أخ عزيز إسمو صبري طه قال راحل تاركنا ... دي ما سماتنا نختلف آآآآآي لكن ما نخلي أخ لينا إفارقنا ... لازم نصالح وكان أخطأ نصححوا .... هيا يا شباب همتكم ... الاخ أمير الامين والاخ سماكي والاخ الصادق والاخت نودي والاخت الموناليزا والباقين... وينكم الزول دا ما قال ماشي سااااااااكت وما راجع ...ومافي زول كتب ليه إلا أنا والاخوان معتصم وود فريجون والاخت رزاز ... إستنفروا يا جماعه جيبوا الزول دا راجع .... ول بتبقى خوتكم دي أي كلام...

أخوكم فيصل يوسف[/align:bf2573d91a]

والله يافيصل جرينا غايتو حصلناهو بيغادي واتكلمنا معاهو شوية كدا وقلنا ليهو حنجمع كل
الجماعة عندكم في النيمة دي ...ونقعد نتصافى وان شاءالله اجي...يلا همتكم ياجماعة...

Ameer Al Ameen
12-04-2005, 09:27 AM
[align=justify:045602b4cf]هوي يا ناس شجرة النيم ... بشوفكم نخيتو ... مالكم نخوتكم قلت ول شنو ... ما عندكم أخ عزيز إسمو صبري طه قال راحل تاركنا ... دي ما سماتنا نختلف آآآآآي لكن ما نخلي أخ لينا إفارقنا ... لازم نصالح وكان أخطأ نصححوا .... هيا يا شباب همتكم ... الاخ أمير الامين والاخ سماكي والاخ الصادق والاخت نودي والاخت الموناليزا والباقين... وينكم الزول دا ما قال ماشي سااااااااكت وما راجع ...ومافي زول كتب ليه إلا أنا والاخوان معتصم وود فريجون والاخت رزاز ... إستنفروا يا جماعه جيبوا الزول دا راجع .... ول بتبقى خوتكم دي أي كلام...

أخوكم فيصل يوسف[/align:045602b4cf]

والله يافيصل جرينا غايتو حصلناهو بيغادي واتكلمنا معاهو شوية كدا وقلنا ليهو حنجمع كل
الجماعة عندكم في النيمة دي ...ونقعد نتصافى وان شاءالله اجي...يلا همتكم ياجماعة...

يا اخوانا الكتاحة دى لسع ما انجلت ؟ ما وقفت حالنا عديل ، الكهرباء و الموية مقطوعين و نحن خاتين ايدينا فوق خشمنا لا عارفين نجيب و لا نودى ، سجم ..بكم، و الضيوف القاعدين بهناك نمشى نعاين ليهم و نرجع ما عارفين ندى و ناخد فى الكلام معاهم و خفنا يقولو نحن ما عاوزنهم بالجد، علشان كده خليناهم قاعدين براهم، الحاصل شنو يا اخوانا ما تصلو على النبى (ص)!!!!!!!!!!!!!
ود السناب دا شايف الكتاحة دخلت ليهو شوية تراب فى عينو ، ادوهو موية فى فنجان نضيف اكان يمرق التراب دا؟؟؟؟؟

Nazar Hussien Babkir Frie
12-04-2005, 09:55 AM
هوووي الحقو والله الكتاحة دي لمن تجئ بتذكرني سوق رفاعة يوم الخميس والاتنين ، وبعدين ياود اللمين والله الكتاحة انا مبدورها لانو عيوني بيحمرن ساي والجماعة ديلك ناس شجرت النيم بيقولو الليلة بايته معاهو رغما اني ما بشرب الا القهوة عليم الله ، لكن الناس لمن تقيل بيجيبو الحسوة ودي مكتوبة في طبقات ودضيف الله وكمان معاها البقنيةوكان مافي العيد قرب بلوالتمر للشربوت كان شوية مغسطتي دي تتفكه .بعدين معاك ناس ود البهجة جابوا التلج ولا لسه لانو ود قبيتابي داك الصادق منتظرو ، كدي شوفهم اكان جو صييح ليهو خلى الصادق استزرق معاهو بس انا خايف على الصادق من ملاحظ الصحة يدفق ليهو البصل حقو .
ابوفاطمة

Ameer Al Ameen
12-04-2005, 11:29 AM
هوووي الحقو والله الكتاحة دي لمن تجئ بتذكرني سوق رفاعة يوم الخميس والاتنين ، وبعدين ياود اللمين والله الكتاحة انا مبدورها لانو عيوني بيحمرن ساي والجماعة ديلك ناس شجرت النيم بيقولو الليلة بايته معاهو رغما اني ما بشرب الا القهوة عليم الله ، لكن الناس لمن تقيل بيجيبو الحسوة ودي مكتوبة في طبقات ودضيف الله وكمان معاها البقنيةوكان مافي العيد قرب بلوالتمر للشربوت كان شوية مغسطتي دي تتفكه .بعدين معاك ناس ود البهجة جابوا التلج ولا لسه لانو ود قبيتابي داك الصادق منتظرو ، كدي شوفهم اكان جو صييح ليهو خلى الصادق استزرق معاهو بس انا خايف على الصادق من ملاحظ الصحة يدفق ليهو البصل حقو .
ابوفاطمة

ملاحظ الصحة دى ذكرتنى عمنا بشاير و خالنا الدالى و ايام ليها ايقاع ، انت عارف السوق دا فيهو ناس اخرة ساكت ، عمنا ود ابو ضريس اشهر و اكرم تاجر زيت فى رفاعة ، الراجل دا من زمن بعيد لا بكل لا بمل كل طلبة رفاعة مرو عليهو و بشكل مكرر يوميا تقريبا " شوية زيت يا عمى" " انا ما كبيت لى"
و اظن ما قال لى واحد لالالا و لا رجع واحد ، السماحة الشديدة الناس دى كانو بجيبوها من وين؟؟؟؟؟؟

Nazar Hussien Babkir Frie
12-04-2005, 11:42 AM
والله ياود اللمين عمك ابوضريس وليس ابو قريضة لحم اكتافنا من خيروا لمن كنا في المدرسة الشرقية بنمر عليهو ومعاهو خالتنا بت كارة وخالتنا عزيزة والعيش حار من التسخو او بلة اخوهو واكان ما شغال صلاح منقاش قاعد ، وبعدهم طوالى على خالي حسن نشيل الطماطم وبعدو نعدي على دكاكين البهارات ومنهم طوالى على الشتلة حبوبتي وهاك ياروب حلاة روب حبوبة بت سليمان تشرب ونسقي الحشوة لانو سندوتش دي ما كنا بنعرفها ، رحمهم الله جميعا لمن مات فيهم وللاحياء كذلك ، السماحة طبع اهلنا كابر عن كابر ، هكذا رفاعة كانت ومازالت .
انت هي السماكي وينو اتبعو اللتر حقو ما يكون غاطس منتظر ناس التحميير ، لانو والله على حد علمي الجماعة مشوا الكوافيير الا نحمر ليهو نحن برانالانو هنا في البر التحميير والشواء على الرجال ؟؟ ، وزي ما قال اخونا زمان ماكنتوش وبهلو 00000000في الحوش ، كان بتتذكر ياامير ود اللمين ؟؟!!!
ابوفاطمة

Nola
12-04-2005, 01:21 PM
ناس النيمة اززززززززززيكم

جيتكم مع انه مافي اي زول عزمني .... ولا حتى نزار فريجون - نزار فريجون خلاص ما عايزه معاك -

نيمتكم لذييييييييييييييييييييييذه وباررررررررررده والله ....

ونستكم حلوه شديد والله ......

بس نيمتكم دي دايره ليها رمله حمراء ناعمة تتفرش فيها عشان لمن تترشه تبقي لذيذه

وريحته زي الدعاش ...

اها وبرضو دايره ليها كم عنقريب هبابي كدا .... في شان التكيه والشمارات :lol: :lol: :lol:

سلام

بجيكم صاده تاني

تخريمة :

نزار فريجون يا اخوي كدي النسالك انت مالك محارب البهلة يا ود امي
- عليك القرفصاء كما جيت بي هناك -

معتصم سليمان بابكر
12-04-2005, 01:44 PM
سلام ياناس
السماكى....اخونا خالد عثمان كمان دفق مويتو على الرهاب زى والله
دحين آآآآخوى طالبنك محمر ومجمر
ومافى ليك طريقة الا تقول لبيكما

نولا جات وقالت شنو؟؟؟



جيتكم مع انه مافي اي زول عزمني


هوى يانولا هوى....ناس رفاعة ما بعزموهم فى نيمهم.....
وانتى اساسية فى رفاعة زى رذاذ....هسى رذاذ فى زول عزمها؟؟
بعدين عاينى......
النيمة دى كان الله مدّ فى الاجال يانولا....كان ماقعدناك في ضلها بالجد
بالجد تشوفى براااااااااااك.....
هى النيمة بس والله حتات نزار فريجون كلها شبر شبر...وهنا كان شنو؟؟
ومتين؟؟؟ وكيف؟؟
بس انتى دايرك تفضى لى الميمورى بتاعة الديجيتال اليوم داك.....

Ameer Al Ameen
12-04-2005, 02:59 PM
سلام ياناس
السماكى....اخونا خالد عثمان كمان دفق مويتو على الرهاب زى والله
دحين آآآآخوى طالبنك محمر ومجمر
ومافى ليك طريقة الا تقول لبيكما

نولا جات وقالت شنو؟؟؟



جيتكم مع انه مافي اي زول عزمني


هوى يانولا هوى....ناس رفاعة ما بعزموهم فى نيمهم.....
وانتى اساسية فى رفاعة زى رذاذ....هسى رذاذ فى زول عزمها؟؟
بعدين عاينى......
النيمة دى كان الله مدّ فى الاجال يانولا....كان ماقعدناك في ضلها بالجد
بالجد تشوفى براااااااااااك.....
هى النيمة بس والله حتات نزار فريجون كلها شبر شبر...وهنا كان شنو؟؟
ومتين؟؟؟ وكيف؟؟
بس انتى دايرك تفضى لى الميمورى بتاعة الديجيتال اليوم داك.....


شنو يا معتصم اكان ما رسلنا ليك نولا ما بتجى للنيمة ؟؟؟؟

محمد عثمان عبدالقادر السماكي
12-04-2005, 03:04 PM
اهلا بنولا ... الليلة جات ذارتنا وباقي هي كلاما سمح بالحيل..
يا الحبيب معتصم عارف التحمير دا ..دخلنا العضوية النشطة ومافي
زول ساي عمل لينا حفلة ولى حاجة..والله كان شوفتا حفلات الجماعة ديلك
بربوها جنس ربة..ّّ!!
معزومين في اي وقت للسمك لو دايرينو محمر ولى مشوي طلباتكم بس...
ويا معتصم وقفتا مساجلاتك الرائعة مع سهام مالك والله نقلتونا لي عالم تاني
من الابداع واناقة الكلمات فيلا ما تقيفوا..
خلوني نمشي اشوف ليكم نودي دي وين..؟ باقي ما زول عارف ليها خبر...!!!

Ameer Al Ameen
12-04-2005, 05:42 PM
سلام ياناس
السماكى....اخونا خالد عثمان كمان دفق مويتو على الرهاب زى والله
دحين آآآآخوى طالبنك محمر ومجمر
ومافى ليك طريقة الا تقول لبيكما

نولا جات وقالت شنو؟؟؟



[size=7]جيتكم مع انه مافي اي زول عزمني


[size=20]هوى يانولا هوى....ناس رفاعة ما بعزموهم فى نيمهم.....
وانتى اساسية فى رفاعة زى رذاذ....هسى رذاذ فى زول عزمها؟؟
بعدين عاينى......
النيمة دى كان الله مدّ فى الاجال يانولا....كان ماقعدناك في ضلها بالجد
بالجد تشوفى براااااااااااك.....
هى النيمة بس والله حتات نزار فريجون كلها شبر شبر...وهنا كان شنو؟؟
ومتين؟؟؟ وكيف؟؟
بس انتى دايرك تفضى لى الميمورى بتاعة الديجيتال اليوم داك.....[/
size]

الحق يا نزار..... معتصم سليمان ماشى يوثق كل القديم( اكان بص اكان قعدة قهوة اكان جنينة عبدالله حاج الخضر) و كمان قال سايق معاهو الجماعة .... وبى كاميراتهم الديجتال... الحق الزول دا مالو .....؟؟؟؟؟
اخير نشوف لينا طريقة نجيب اولاده هنا و ينسى مسالة السفر دى ، مش كفاية الحاجات المخزنة؟؟؟[/

Nazar Hussien Babkir Frie
12-04-2005, 06:38 PM
تعرفي يانولا اولا حمدا لله على السلامة الجيتي طيبة ، وبعدين ناس النيمة كلامهم لذيد وما عايز ليهو درس عصر وانتو هناك ناس الادبي دايرين حبة اجتهاد وانا الايامدي بفكر في البلد ، عشان كداخليني الايام قاعد مع ناس النيمة لزوم روائع التذكار للناس البهناك ، وحات خوتك تمانية سنة في ناس ما شوفتهم رغم اني برجع رفاعة ولكن المعايش اجبرت الناس على الهجرة بحثا عن الافضل ، وابق انتي داخلة لا جوه وبعد الرملة الحمرة ولعي النار واقلي لينا البن ورشي الرملةو خلينا مع القهوة الكنغولية حقت السودان، واديني النشم القلوة لانو قهوة السودان رمياني عديل .
ود اللمين الزول ابو نضارات دا مالومعاي انا بلقاهو في البلد قريب وبرويهو المكشم بلا بصل ، ان جاب الديجتال نحن عندنا التاريخ كلو ، ومذكراتو زمان وحافظين وما نسينانين وهو عارفني انا بحبو قدر ايه .بسس دي ساي حبة هظار وكان بقي جد الله قال بي قولتو ؟؟؟!!!!
اللخدر مالو نعلو مريود شوفوهو مشي وين ما ظهر لينا ،اكان شديد قوليهو التمرين مع اولاد الارباب التيمان والقسمة هلال مريخ .
ابوفاطمة

فيصل يوسف حامد
12-04-2005, 07:50 PM
ناس النيمة اززززززززززيكم

جيتكم مع انه مافي اي زول عزمني .... ولا حتى نزار فريجون - نزار فريجون خلاص ما عايزه معاك -

نيمتكم لذييييييييييييييييييييييذه وباررررررررررده والله ....

ونستكم حلوه شديد والله ......

بس نيمتكم دي دايره ليها رمله حمراء ناعمة تتفرش فيها عشان لمن تترشه تبقي لذيذه

وريحته زي الدعاش ...

اها وبرضو دايره ليها كم عنقريب هبابي كدا .... في شان التكيه والشمارات :lol: :lol: :lol:

سلام

بجيكم صاده تاني

تخريمة :

نزار فريجون يا اخوي كدي النسالك انت مالك محارب البهلة يا ود امي
- عليك القرفصاء كما جيت بي هناك -

[align=justify:767b2a470c]الاخت نولا تحياتي،

يا ناس النيمه هوي الزوله دي ما جاتكم ... بتخلوها ساكت كدي .... ما في بارتي ولا حفله ولا حاجه
شوفوا لينا فنان إسوي لينا ربه كاااااااااربه كدي... تكريماً للأخت الرائعه نولا... يالا همتكم يا جماعه.
يا أختي البيت بيتك وإنت البتعزمي ليهو ... لكن أنا والله جد ... جد فقدتك ومشيت أدور عليك في بوستاتيك الجديدة عشان أشوفك مالك ما جيتي ... لكن لقيت أخونا صبري دا مزرقن وقال ما عايز أجي المنتدى دا تاني ... أه هسع بنحاول نجيبو صادي ...

أخوك فيصل يوسف[/align:767b2a470c]

الصادق عبدالله ضرار
12-04-2005, 10:48 PM
هووى انا جيت يافريجون اصلو مشيت لمحمد صالح الخال قالو عندو ملاريه بعد عرس وفيص وشو قاعد جنبو ملازمو لكن هو كويس بس الجابرى قال ليهو ملاريتك قويه...
اها نولا جاتنا لازم زى ماقال فيصل نسوى ليها حفله بى ثنائى العشر ود الخليفه وودشاور
بس اوع ناس بحر يجو يفرتقو الحفله اصلها فى الحطابه وده فريقم...
نمشى نشوف الكشافات عند شمش الدين الكهربجى وبجى
سلام

محمد عثمان عبدالقادر السماكي
12-05-2005, 01:30 AM
الليلة ياجماعة الخطوط في البوستات دي كلها اتلخبطت مالها ...؟الله استر
من العين...

معتصم سليمان بابكر
12-05-2005, 01:39 AM
نولالالالالالالا
اميرنا
السماكى
نزار

والله قصة غريبة....غايتو السن ليها احكامها والله...
عارفين بعد جيت واتفرجخت....قدر مافتشت الكلام الجايبو
ليكم....ومحضرو من قبيل.....تب مالقيتو...
اصلو مرات انا بعمل حاجات لا تخطر على بال بشر ابداً
لوكو الصبر...لبعدين كان بقينا من ناس بعدين.....
عارفك يا امير الصبر دا لواكتو حااااارة عليك
لكن نسوى شنو واربعينات انتصفت
ونزار فريجون يقول لسه بدرى عليهو
ودعتكم الله وكدى يالصادق قول لاخوانك ديل حاجة
على بال ما امشى واجى

الصادق عبدالله ضرار
12-05-2005, 07:19 AM
سلاك ياناس
صباحكم فل
دحين الزول جا قايل الناس فى لكن يظهر كلهم مشو ....ماشى انا لى عمر الكرور فى داكنم اشرب لى شاى معاهو والحم لى كرسى عند ود بكير....

Ameer Al Ameen
12-05-2005, 09:11 AM
تعرفي يانولا اولا حمدا لله على السلامة الجيتي طيبة ، وبعدين ناس النيمة كلامهم لذيد وما عايز ليهو درس عصر وانتو هناك ناس الادبي دايرين حبة اجتهاد وانا الايامدي بفكر في البلد ، عشان كداخليني الايام قاعد مع ناس النيمة لزوم روائع التذكار للناس البهناك ، وحات خوتك تمانية سنة في ناس ما شوفتهم رغم اني برجع رفاعة ولكن المعايش اجبرت الناس على الهجرة بحثا عن الافضل ، وابق انتي داخلة لا جوه وبعد الرملة الحمرة ولعي النار واقلي لينا البن ورشي الرملةو خلينا مع القهوة الكنغولية حقت السودان، واديني النشم القلوة لانو قهوة السودان رمياني عديل .
ود اللمين الزول ابو نضارات دا مالومعاي انا بلقاهو في البلد قريب وبرويهو المكشم بلا بصل ، ان جاب الديجتال نحن عندنا التاريخ كلو ، ومذكراتو زمان وحافظين وما نسينانين وهو عارفني انا بحبو قدر ايه .بسس دي ساي حبة هظار وكان بقي جد الله قال بي قولتو ؟؟؟!!!!
اللخدر مالو نعلو مريود شوفوهو مشي وين ما ظهر لينا ،اكان شديد قوليهو التمرين مع اولاد الارباب التيمان والقسمة هلال مريخ .
ابوفاطمة

الخدر قالو مشغول مع هبود قصب السكر باقى دى ايام حريقه ، و يا هو الاقنو من المصنع شنو غير الهبود شنو سوى لبلدنا و لا حاجة، المصنع دا محسوب علينا ساكت ، وزمان لما نائبنا خانو التعبير و قالو يسو لينا شبك من الهبود ضحكو منو و قالو عليهو سكت دهرا و نطق كفرا !!!!!!! لكن المحجوب دا اكان سكن يوم واحد فى رفاعة كان عرف قصد زولنا شنو !!!!!
يا اخوى ربنا يوصلك بالسلامة و انا كدا اطمنيت ابو نضارات ما بسوى حاجة بس عليك جيب صورة من الجامع الكبير لزوم احتياطى كده و عين حمرة :shock:

Nazar Hussien Babkir Frie
12-05-2005, 09:15 AM
اها ياللخدر سلمتو الخال محمد صالح ، واها بعد تمشي لى ود الكرور وتلحم الكرس اكان لقيت ود حدارو فتح العليم قوليهو ود فريجون بفتش فيك وقال ليك انا قاعد فى الجزر مع عبد الحميد صديق والحلة جاهزة بس جيبو العيش الحار وتعالوا بسرعة باقي الجوعة حصلت ما تاخرو الفطور .
ابوفاطمة

خالد عثمان
12-05-2005, 10:37 AM
هااااااااااا ناس القاعدين في النيمة سلام كتير

معتصم أأأأأأأأخوي الزول ابو سميكات دا سميكاتو ديل ياهن

البنعرفو بيهن كان شلناهن منو ما بنعرف تاني عشان كدي نقوم نشيل لينا

رماي وندلا على البحر والله يا جماعة انا البحر دا بريدو شديد

بس بي جيهة الديم دي تب ما بعوم الا كان ساكت نشرك

أصلو في يوم من الأيام الفاتت ايام كنا في الحكومية غرق لينا صاحب

من ود بهاي إسمو يوسف والله حزنا عليهو شديد خلاس لكن

ناس رفاعة الوكت داك وقفوا وقفة سمحة بلحيل مع ناس ود بهاي

والزول ما مرق الا بعد تلتة يوم

عشان كدي يا معتصم طول الخيط حق الرماي ساكت

النيمة دي لازم نخلى ريحتا سمك سمك مش طير طير

معتصم سليمان بابكر
12-05-2005, 01:07 PM
عشان كدي يا معتصم طول الخيط حق الرماي ساكت

النيمة دي لازم نخلى ريحتا سمك سمك مش طير طير

والله ياخالد شدت ما نطولو...لامن السماكى ذاتو يحتار ويقول اغيثونا

وكان سألت من الصارقيل عندى شوال طاااااااازج

واخوك حريييييييف والله ان درت الصير

اشبعك فيهو وكان درت البلطى....تخصص

والعجب البياض دا كلامو تانى....

ابشر بالخير الجايك ...كبر اللدايات سااااكت

معتصم سليمان بابكر
12-05-2005, 01:12 PM
[align=justify:5aa58a0018]امير الوجيه........... نزار الظريف
انت وين ياراجل ...يا اخى انا من اوائل الناس الجو هنا واتفرجخوا فى النيمة دى اسال السماكى....انت نسيت اننا تبينا فيها من زماااان ولا شنو؟؟؟دفعة مع عوض الجقير وفرعون وبحر وعوض عطا وعماد عبيد عشامة والسر حسن وحاتم عثمان نصر...محمد يسن(عليه رحمة الله) انور سنادة فيصل محمد حاج الامين...احمد المصطفى (ود الصول) عبدالله عطا ...عبدالعاطى...صلاح رحمة الحاج موسى (الاقرع) بابكر عثمان بكرى ...قسم السيد علي قسم السيد...ميرغنى طيفور وسيف الدين طيفور.
تخريمة بعد اذن نولا
-------------------
فريق الجنينة ده يا امير اذكر تماماً انو كانت فيهو حبوبة( صفية) كانت هذه المرأة طاعنة فى السن وذات شعرٍ ابيض نااااعم ...كانت تحكي لنا الاحاجي والقصص وكنا نتحلق حولها أولاد وبنات كانت رحمها الله لاتملنا ابداً.
الشىء الذى اذكره تماماً يا امير انها اكثر ما كانت تحدثنا عن المهدية وعن الامام المهدى وعن الحكم التركي المصرى وعن الانجليز...حبوبة صفية دى يا امير كانت زوجة الامام محمد احمد المهدى حسب ماذكروا لنا.
كانت غرفتها فى حوش ناس مهدى بشير (خال بحر) ...هذا البيت كان معروف ليس فى رفاعة فقط ولكن لعموم قرى الجوار عشان كانت فيهو الداية (أم سلمة) ودى يا امير كانت منهج بحالو...(والله ايام يازمان).... فى ناس يا امير ما ممكن يتكرروا ابدا والله.
وبالمناسبة النيمة دى كان سبقتها نيمة برضو وريفة شديد وهى كانت فى بيت ناس بكرى وكانت معروفة بشجرة ناس (محسية) وكنا بنعقد اجتماعاتنا فيها وكنا بنوضع الخطط الهجومية لفريق الشايقية (شحمة ونار معاهو) مرتين يكسرونا ومرة نكسرهم...كانوا بيطعموا من ناس بره فريقهم عشان كده مرات بنتخارج جرى خاصة كان فرعون مافى او عوض عطا مافى...لانو ديل كانوا خطوط الدفاع وقيادة الهجوم فى نفس الوقت ....بس الشىء الحققناهو واتفوقنا فيهو ما خليناهم وصلوا الكرو كلو كلو عن طريقنا الا يجوهو من ناحية السوق او ديم البحر... لانو هنا كان بيتضامنوا معانا ناس ود نمر والسر الخليفة على وجعفر وشرقاوى وبساطى وناس المطرى....وكانت ايام يا امير حلوة شديد ورائعة شديد ...النيمة دى يا امير علمتنا كيف نتكلم مع الناس وكيف لامن الواحد يغلط يستفيد من تصحيح الاخرين له ...يعنى طلعتنا للمجتمع النيمة دى وقعداتها البريئة
طبعا يا امير الكلام دا بيعتبر توثيق تاريخى بيستفيدوا منو ناس نزار فريجون مش هو مولود 1970 على ما اذكر؟؟ (طبعا وقعت ليهو سااااقطة وتلقاهو هسى يتبسم براهو ويقول اى والله 70 دى حلوة) وممكن تمر...عادى.........
70؟؟؟؟ سبعين يا امير نزار فريجون كان شغال( بكتاب الرسائل العصرية) وكان بنقل من مجلة الاذاعة والتلفزيون والمسرح كان فيها الغلاف الداخلى لونو اخضر واسمو الحياة من حولنا...عارف يا امير يوم اخونا رسل جواب...الرد جاهو فى كلمتين قالوا ليهو افتح صفحة (11) من نفس الكتاب حق الرسائل العصرية....
عند اللفة بس:
--------------
لكن برضو كلامك صاح ....نولا وحضورها هنا ...كان لابد ان يكون ليهو تأثيرو الواضح...ألم اقل لك انها صديقتى المعلنة...وتوأمة حرفى.... بكدى اكون انصفتك مش يا امير؟؟
نزار فريجون الكلام الفوق ده لزوم طق الحنك ساااكت مابالضرورى يكون حاصل.......بس الجاى فى السكة حيكون حقيقى وموثق.....( يانزار ما أنا برضو بريدك وبوثق ليك السمح بس..... ماتخاف)
سبحانك اللهم وبحمدك....اللهم انى اعوذ بك ان أضل او اضل لا اله الا انت سبحانك انى كنت من الظالمين.[/align:5aa58a0018]

معتصم سليمان بابكر
12-05-2005, 01:18 PM
ويا معتصم وقفتا مساجلاتك الرائعة مع سهام مالك والله نقلتونا لي عالم تاني
من الابداع واناقة الكلمات فيلا ما تقيفوا..

[align=justify:cf58feade2]والله يا سماكى .....حقيقى كان مفروض اواصل فى بوست الاخت سهام ...لكن تقول شنو؟؟ نفس الدافع الدخلنى فيهو...عارف جاني قال لي ....حسبك والي هنا وبس....وعشان اكون ديمقراطي ....وكما لبيت النداء الاول...لبيت النداء الثانى كذلك ...ودا كلو لا ناقة لى فيه ولا جمل ....انما هو حديث الروح والنفس...فأنا ثلاثة
روح ونفس وجسد...ورأى الاغلبية دائماً بيكسب الجولة....
بس اوعدك كما وعدتها ان اكون من المواظبين و المتابعين من القراء
لك التحية ياسماكينا الرااااائع.....ورغم مسئولية النيمة الحلوة وكبيرة دى انت برضو تتفقد الناس هنا وهناك....الله يكملك بعقلك [/align:cf58feade2]

خالد عثمان
12-05-2005, 01:30 PM
تعرف يا معتصم وإنت بترص في ناس فريقكم ديل

الكانوا بيقعدوا في النيمة كنت متوقع أشوف إسم ود خالتي القاشر بيهو


مع الناس العادني ماعندي شغلة بي رفاعة

ود خالتي أبو صلعة عبود على النور

الزول كان بيلعب وين ؟؟؟؟؟؟؟؟؟

معتصم سليمان بابكر
12-05-2005, 02:41 PM
تعرف يا خالد منو القال ليك ماعندك شغلها برفاعة؟؟؟؟
قول لى منو ده؟؟؟خلينى النطالعو على البحر والله هناك فى سماحة مطارق
شوف يا خالد طبعا الابعينيات عندى انتصفت والذاكرة لابد ان تكون قد اسقطت بعض الاسماء
بس انت ذكرتنى بالفاتح على النور
الفاتح دا كان بيلعب معانا فى النيمة دى بس عبود ما قادر استحضرو
هل هو كان اصغر من الفاتح
طبعا الفاتح هسى من كبار تجار ام درمان مش؟؟؟

يا اخى زمن كان حلو ونحن كنا احلى

خالد عثمان
12-05-2005, 02:56 PM
يا أخوي معتصم الممارقة ماها سمحة الزمن زمن إقناع أأأأأأأأأأأأاازول

بعدين تعرف عبود دا ود اخت مهدي البصير الأستاذ الرائع

وطبعاً عندهم أخوان اولاد ابوهم في أمدرمان

عبود دا اسمو أبراهيم وكان شغال في بنك الخرطوم فرع رفاعة وهو هي في الخليج

Ameer Al Ameen
12-05-2005, 03:38 PM
[align=justify:52d42eb205]امير الوجيه........... نزار الظريف
انت وين ياراجل ...يا اخى انا من اوائل الناس الجو هنا واتفرجخوا فى النيمة دى اسال السماكى....انت نسيت اننا تبينا فيها من زماااان ولا شنو؟؟؟دفعة مع عوض الجقير وفرعون وبحر وعوض عطا وعماد عبيد عشامة والسر حسن وحاتم عثمان نصر...محمد يسن(عليه رحمة الله) انور سنادة فيصل محمد حاج الامين...احمد المصطفى (ود الصول) عبدالله عطا ...عبدالعاطى...صلاح رحمة الحاج موسى (الاقرع) بابكر عثمان بكرى ...قسم السيد علي قسم السيد...ميرغنى طيفور وسيف الدين طيفور.
تخريمة بعد اذن نولا
-------------------
فريق الجنينة ده يا امير اذكر تماماً انو كانت فيهو حبوبة( صفية) كانت هذه المرأة طاعنة فى السن وذات شعرٍ ابيض نااااعم ...كانت تحكي لنا الاحاجي والقصص وكنا نتحلق حولها أولاد وبنات كانت رحمها الله لاتملنا ابداً.
الشىء الذى اذكره تماماً يا امير انها اكثر ما كانت تحدثنا عن المهدية وعن الامام المهدى وعن الحكم التركي المصرى وعن الانجليز...حبوبة صفية دى يا امير كانت زوجة الامام محمد احمد المهدى حسب ماذكروا لنا.
كانت غرفتها فى حوش ناس مهدى بشير (خال بحر) ...هذا البيت كان معروف ليس فى رفاعة فقط ولكن لعموم قرى الجوار عشان كانت فيهو الداية (أم سلمة) ودى يا امير كانت منهج بحالو...(والله ايام يازمان).... فى ناس يا امير ما ممكن يتكرروا ابدا والله.
وبالمناسبة النيمة دى كان سبقتها نيمة برضو وريفة شديد وهى كانت فى بيت ناس بكرى وكانت معروفة بشجرة ناس (محسية) وكنا بنعقد اجتماعاتنا فيها وكنا بنوضع الخطط الهجومية لفريق الشايقية (شحمة ونار معاهو) مرتين يكسرونا ومرة نكسرهم...كانوا بيطعموا من ناس بره فريقهم عشان كده مرات بنتخارج جرى خاصة كان فرعون مافى او عوض عطا مافى...لانو ديل كانوا خطوط الدفاع وقيادة الهجوم فى نفس الوقت ....بس الشىء الحققناهو واتفوقنا فيهو ما خليناهم وصلوا الكرو كلو كلو عن طريقنا الا يجوهو من ناحية السوق او ديم البحر... لانو هنا كان بيتضامنوا معانا ناس ود نمر والسر الخليفة على وجعفر وشرقاوى وبساطى وناس المطرى....وكانت ايام يا امير حلوة شديد ورائعة شديد ...النيمة دى يا امير علمتنا كيف نتكلم مع الناس وكيف لامن الواحد يغلط يستفيد من تصحيح الاخرين له ...يعنى طلعتنا للمجتمع النيمة دى وقعداتها البريئة
طبعا يا امير الكلام دا بيعتبر توثيق تاريخى بيستفيدوا منو ناس نزار فريجون مش هو مولود 1970 على ما اذكر؟؟ (طبعا وقعت ليهو سااااقطة وتلقاهو هسى يتبسم براهو ويقول اى والله 70 دى حلوة) وممكن تمر...عادى.........
70؟؟؟؟ سبعين يا امير نزار فريجون كان شغال( بكتاب الرسائل العصرية) وكان بنقل من مجلة الاذاعة والتلفزيون والمسرح كان فيها الغلاف الداخلى لونو اخضر واسمو الحياة من حولنا...عارف يا امير يوم اخونا رسل جواب...الرد جاهو فى كلمتين قالوا ليهو افتح صفحة (11) من نفس الكتاب حق الرسائل العصرية....
عند اللفة بس:
--------------
لكن برضو كلامك صاح ....نولا وحضورها هنا ...كان لابد ان يكون ليهو تأثيرو الواضح...ألم اقل لك انها صديقتى المعلنة...وتوأمة حرفى.... بكدى اكون انصفتك مش يا امير؟؟
نزار فريجون الكلام الفوق ده لزوم طق الحنك ساااكت مابالضرورى يكون حاصل.......بس الجاى فى السكة حيكون حقيقى وموثق.....( يانزار ما أنا برضو بريدك وبوثق ليك السمح بس..... ماتخاف)
سبحانك اللهم وبحمدك....اللهم انى اعوذ بك ان أضل او اضل لا اله الا انت سبحانك انى كنت من الظالمين.[/align:52d42eb205]

يا اخوى نزار ششششششششششششششيل شيلتك الزول طلع ما ساهل و خصوصا لما جاب سيرة الجوابات دى اظن نفس الكلام دا سمعتو من جمال ود الهادى الياس زمان بدرى ، بالله بتذكر قصة الجوابات دى، اكان ما بتمس قريبى كنت مرقتها كلها ..الزول شوف ليهو حاجة تسكتو :D

Nazar Hussien Babkir Frie
12-05-2005, 06:33 PM
والله ياناس النيمة الليلة بعد المغارب وبعد ما اخونا المعتصم جاب اخرو هنا عندكم في النيمة بقولو ليهو نحن قرينا ميكي وسمير والغاز ناس تختخ ولوزة ونوسة والشاويش حقهم فرقع ، وبعدين مجلة التلفزيون والمسرح دي حقت النا الكبار القدرهم القربو الخمسينات من العمر ، ونحن لسع صغار وما شوفنا الشافهو هم ، ونحن زمنا الجوابات ذاتها ما في بس بتلاقي من الصباح ونحنا ما شين المدرسة اكان سلمو عليك ساي ده بيرضيك ، وما كنا حوامين وبتاعين زقا قات بتقابل في البيوت عديل والاهل عارفين وراضيانين ولا نسيت يالمعتصم ، وما كنا داسنو لاننا كنا واضحين .
والامير داك خلوهو ساي بتاع ناس تبقي العلاقة صداقة ونكسب الودين ، والدقاش الله يجازي محنو احبط قريبك وصاحبي وطفشوا لا مريكا ؟؟؟!!
وبالمناسبة سنة سبعين البتذكرة المعتصم انا ياود اللمين ما دخلت المدرسةوانت يمكن تكون في سنة اولي كيف بكون بكتب جوابات وبحب كمان ، لانو انا دفعتي كلها ما فينا زول بيعرف يكتب الجوابات ولا ما كدا ياللمير وده تعرف يا امير الضيعنا وخلانا نمشي نعرس من بره رفاعة ، لاننا مرقنا من رفاعة خالين الوفاض .
اللخدر ود حداورو ما ليقيتوا ولا شنو ؟؟؟
ابوفاطمة

معتصم سليمان بابكر
12-05-2005, 07:45 PM
وبالمناسبة سنة سبعين البتذكرة المعتصم انا ياود اللمين ما دخلت المدرسةوانت يمكن تكون في سنة اولي كيف بكون بكتب جوابات وبحب كمان ، لانو انا دفعتي كلها ما فينا زول بيعرف يكتب الجوابات ولا ما كدا ياللمير

عاين يا امير ماقلت ليك صاحبى وبعرفو ووقعت ليهو سااااااااااااااقطة
والله حيرتنى يانزار....غايتو انا الخمسين باقى لى منها 5 سنوات
ومستوعب الحكاية دى...ومتعامل معاها كأولوية....المشكلة وين
عارف يانزار المشكلة انك لامن تكتشفها فجأة وماتكون عامل حسابها
عارف بتمرقك فى الستينات فى رمشة عين......

نزار شوف انت ماعارف امير الامين بتاع ...مديدة حرقتنى ساااكت
وهو دايرنى افتو لكن مابفتو ليهو....كلو كلو....
بس ممكن اقول لامير ....يسألك من حفلة ابوعركى 1978م
(لوكنت ناكر للهوى زيك)
الله الله يانزار الزمن داك عمرك كان ثمانية سنين بس؟؟
يعنى كنت الطفل الخارق مش؟؟؟؟

عند اللفة بس :
-------------
لمزيد من المعلومات اضغط على الرابط ادناه يا امير

[email protected]ّah.info

محمد عثمان عبدالقادر السماكي
12-05-2005, 11:30 PM
ازيكم ياشباب ...والله ونستكم مسخنة ..وسامع كواريكم من جنب بيت ناس سلامة..
ودفريجون دا زانقنوا يا جماعة مالكم..؟ يا معتصم وامير خفوا شوية عنو... :lol:
والكرو دا يا معتصم كان زمان لمن بجي رفاعة في الاجازات برنامج فسحتنا عارف مع ناس مامون ود
الدخنابي والمرحوم هاشم محجوب وسمير عثمان وبلة البدري وشلة الشايقية يوماتي
في الكرو والبحر ...والله كانت ايام لها ايقاع..

yassir karar
12-06-2005, 01:05 AM
سلام أهلى السمحين
وانشاء الله عافيه.... الواحد كان بيمر عليكم كل يوم ... او بيقول السلام سرا ... اصلو الضهر والعصر بيقروهم سرا ... وأنتو بيتجيبو فى سيرة زمن الواحد ماعندو فرقه غير انو يقف خاشع او صامت او لى ناسو الجد ما بيتكررو الاحياء منهم والاتولاهم ربنا بى رحمتو ... لكن جد عمر أبو فاطمه دا جبرنى على الكتابه
اولا يا أمير أو سبحان الله نزار دا سيرتو بتلقاها عند محمد سعد عمسيب وابوبكر عبدرحمن (ابو) انا من ما قمت لقيت نزار دا او ماشاءالله فى حالتو دى ... او مطلع التمانينات وانا يادوب داخل الاميريه كان مع ناس على فتت واسماعيل التاج عادل قجه او عثمان مختار واحمد ابكبيك رجال كبار بيلعبو فى الكرة الطايره او نحن بينلقط ليهم فى الكور .... أو حسب ما جاء فى السيره من أستاذنا على فتت أنو كان من المؤسسين لى رابطة اصدقاء جعفر ... يعنى كان من الرعيل الاول او كدى أقيف عند كلمة الرعيل الاول دى كويس أما البتذكرو تمام انو معتصم او نزار دا كانو من أشيك اولاد رفاعه طبعا معتصم قراء الجامعه فى جدة لمان أجى اجازه بيكون مشترى نص أقمصة وبناطلين سوق شريف ونزار قراء فى المغرب وحاتك ما خلى ليه موضه ما لبسها واظن كدا قربت ليك الحكايه والتحديد ما بقدر أقولو عديل اصلو ود فريجون بيعتير استاذى فى الكره الطائرة او رابطة أصدقاء جعفر الليهم تربيه خاصه جدا
ودعوات كل من مر لروح الاستاذ جعفرحسن ادريس
ولنا عوده

Ameer Al Ameen
12-06-2005, 10:21 AM
وبالمناسبة سنة سبعين البتذكرة المعتصم انا ياود اللمين ما دخلت المدرسةوانت يمكن تكون في سنة اولي كيف بكون بكتب جوابات وبحب كمان ، لانو انا دفعتي كلها ما فينا زول بيعرف يكتب الجوابات ولا ما كدا ياللمير

عاين يا امير ماقلت ليك صاحبى وبعرفو ووقعت ليهو سااااااااااااااقطة
والله حيرتنى يانزار....غايتو انا الخمسين باقى لى منها 5 سنوات
ومستوعب الحكاية دى...ومتعامل معاها كأولوية....المشكلة وين
عارف يانزار المشكلة انك لامن تكتشفها فجأة وماتكون عامل حسابها
عارف بتمرقك فى الستينات فى رمشة عين......

نزار شوف انت ماعارف امير الامين بتاع ...مديدة حرقتنى ساااكت
وهو دايرنى افتو لكن مابفتو ليهو....كلو كلو....
بس ممكن اقول لامير ....يسألك من حفلة ابوعركى 1978م
(لوكنت ناكر للهوى زيك)
الله الله يانزار الزمن داك عمرك كان ثمانية سنين بس؟؟
يعنى كنت الطفل الخارق مش؟؟؟؟

عند اللفة بس :
-------------
لمزيد من المعلومات اضغط على الرابط ادناه يا امير

[email protected]ّah.info



الوريف المعتصم (بعد الاستذان من نولا)

انت عارف يا معتصم (لوكنت ناكر للهوى زيك) مكسرانى عديل من الزمن داك و لما شفت الزول الجديد فى المنتدى الاسمو واحشنى قلت مالو اكان سم نفسه (لوكنت ناكر للهوى زيك) مش كان احسن، مع انو اى حاجة من ابو عركى وراها حاجات تانية
شايفك صلحت النضارة ... يا اخوى انا قلت الاغنية مش الحاجة الفى بالك ديك ، و شايف ابو فاطمة شمر يدينو ، اخوى اصبر ، انا ما بديها ليك باردة كده.
حفلة 1978 لو كانت فى فريق قدام تكون هى الحفلة الى فى بالى، بس بذكر زول مميز كان قاعد فى الصف الاول و بيغنى مع ابو عركى من جوه كده ، شكلو محرق ذى زولك.
اما حكايات الجوابات دى انا عندى وثائق لا ترقى الى مرحلة الشك بس ما شايف اسم نزار فيها بس كل اصحابهو مسجلين فيها و اولهم قريبى الهو عارفو ،
لو حبيت تتاكد من المسالة دى فى اجازتك امشى قابل الدقاش ، والله عندو ملفات تحيرك عديل كده !!!!!!!!!!!

Nazar Hussien Babkir Frie
12-06-2005, 10:36 AM
حبابك الف ياود كرار المعتق بلذيذ الذكريات كفيت وما قصرت ، لكن وحاتك انا المعتصم ميمان لا يفترقان ، بس سنة سبعين انا يا دوب دخلت المدرسة الشرقية بتاعت بابكر بدرييعني تحيدا سنة 69 ، والمتوسطة الشيخ الطيب سنة 75ورفاعة الثانوية سنة 78والجامعة ديك خليها براك في سرك ، وبعدين ما دمت جبت سيرة الناس الحلوين محمد سعد وابو الذان عطرا سماوات رفاعة طربا وغناءا ورياضة خاصة الرائع محمد سعد عمسيب اشهر لاعبي الكرة الطائرة فى رفاعة ومن ثم الفريق القومي السوداني ، بس المحيرني انو صاحبي ابو نضارات مصر على انو يكبرني معاهو وانا عامل حسابي وكان رجع لى وراء بلاقاني كتبت بوست بانه استاذي في دروب المحبة وتعلمت منه شعاره الوارد في تعريفه ولعمري فقد علمني ان الحياة ما هي الا قصة كفاح وان يكون الانسان صادق السيرة والسريرة ، بعدين يا ود كرار ما تخليني ابوح بكل الاسرار ، لسع الونسة جاية كتيرة وحلوة .
وبعدين معاك ياللخدر الود فتوح وصيتو اجيب لى ديك احمر للفطور واستلم حقو من امبارح في الليل من النادي شوفوا اوعي يكون مشي الجو ؟؟
وبعدين ياسماكي انا ما بتزنق لاني بعرف المخارجة كيف علم وممارسة ، بس ناس ادارة المؤسسات اليصبروا على شوية ، واما المزراعية ناس شمبات صاحبي جاي وبيحكليكم كلكم عن الحصل وعن قرب المسافة وبعدها ولمن يفارق زول عيون غاليات عليهو كتير خلاص وبيحبها ودي في البوست الجاي بعد المعتصم ما اتفرشخ في وسط النيمة ، وبن نولا العجيب يعكل في ضل النيمة ياسوي يا ليل؟؟!!
ابوفاطمة

معتصم سليمان بابكر
12-06-2005, 01:05 PM
ياسر كرار
حبابك حباب الالف
المابأتلف....
حبابك.. حباب الخدرة
والويكاب....
حباب ...الفركة
والقرباب....
حبابك ولمة الاصحاب
حبابك ...(كنا زمن
نفتشى ليك
وجيتنا الليلة
يافارسنا)
.............
اميرنا....نولا قالت ليك اذنك معاك ورّف زى ماداير

والله شايف قلبك قوى شديد تفت فيهو ساااااكت
انت ما خايف من الناس البشيلوهو بعدين دليل موثق
عاين ...وائل ده بعدين بيكبر وبقرأ وبفتنك غايتو
هههههههههههههه
والله بالجد عدلت النظارة ...وسحبت الكرسى قريب كمان

وليك على .....الزول بقابلو...لكن للاطلاع بس وليس للنشر
نزار ده ما ساهل علينا...حبيب عمر والله بس حكاية سبعين
لازم نقتلها بحثاً......
اها 69 كان عمرو سبعة سنين لامن دخل المدرسة
يعنى شنو ....1962
غير الكم شهر القرمهم من 62 و69 ذاتها......
زولى ولا مازولى

-----------------------
نزار فريجون
اخونا امير الامين حيرنى عدييييييييييييييييييل
انت يا اخوى حفلة ابوعركى دى كان خاتين ليهو
مراية غاكسة ...ولا كان فاصل عندنا وفاصل عندهم
نفس الصف الامامى ونفس الاغنية
تراهو زولك ما ساهل
لكن فى الاجازة بجيب روقو اصبر
ما هو قال لى امشى لمنو؟وبمشى ليهو وبسوقك معاى يانزار

الصادق عبدالله ضرار
12-06-2005, 01:35 PM
سلام جاكم
وين ياناس
ود فريجون انا ماقلت ليك فتوح حدارو ده ما تديهو القروش اول شئ هسى بكون عمل عملة فيفيد ليها ضل....طبعا كان اعتزل المهنه لفتره قال ماشى مع موسى الخدار لكن زى ما بقولو ما بقى ليهو يسب الوكر المهجور..فعاد للجداد.....
لكن ليك على اجيب ليك حتى صورة قفصو انشا ء الله
كدى نمشى ناس الشيخ وداب عصايه بت المنى امو عامله ليها قهوه ريحتا طاقه لى الحطابه بخرم بى بيت ناس عمتى ...

Nazar Hussien Babkir Frie
12-06-2005, 07:36 PM
تعرفو المعتصم مصر اجرجرني معاهو في حكاية الكبر وانا دفعتي في القراية انس المدني اسالهو قوليهو انا وريبا ما من مواليد 68واكان ما بخاف الكضب نحن مو منواليد برج الدلو ، ولمن كنا اطفال ناس المعتصم بيقروا في العام ، ولكننا صاحبناهم وتعلمنا منهم الكثير والمثير الخطر ، وطالكما اننا متقاربين في السن ودي عشان خاطركم انتو يا ناس النيمة اليلة بحكليكم حفلة سنة 78م الكانت بابوعركي البخيت وغني فيها لو كنت ناكر للهوي زيك وحاتكم المعتصم بكي لحدي ما جينا ليهو الدكتور انور حلواني ، والليلة الكانت حلفتها بابوعركي مقيمة في امريكا وبتها الكبيرة بتقرا في الجماعة وانا كنت ود تسع ولا عشر سنوات بس كنت مصاحب المعتصم لانو كان كفيلي في دروب المحبة ، والشهود عدول والتوثيق كان بالصور بس النرجع الاجازة واجي بتشوفهو وهو بيبكي وود حلواني حافظ بيقوليهو استغفر يالمعتصم المسالة ما بتحتاج للبكا،
وانت يالمير هووووي صاحبي قرب يجئ وبعدين بتقعد تنكر ، والدقاش بيقي رجل اعمال وعندو مكتب في الصين ومعتصم الا يحكي معاهو صيني وكان غلبوا بكلم ريبا دفعتي يترجم ليهو .
بس بعد دا الفارق كمين سنة ؟؟!!!
اللخدر ود حدوارو قالوا شال الخرتوم مودي شحنة دواجن بس حقي ما بخليهو .
وبكرة ياللخدر الفطور بدري في الجزر عند ناس عبد الحميد وهاشم المغواري والكبد بتاعت الابل محجوزة ابقي مارق بدري واعزم السماكي معاك .
ابوفاطمة

محمد عثمان عبدالقادر السماكي
12-06-2005, 07:54 PM
غايتو تصديقا لود فريجون انو ما كبير يا معتصم ...انا دخلت مدرسة الشيخ الطيب
سنة 1978 واتخيل لي ود فريجون كانت دفعتم في تالتة...عارف يا نزار نحن كانت دفعتنا
ناس عزالعرب المقبول ومحمد صديق وعثمان حامد بكري وسامي عمر من فريق قدام
عشان كدا الزول دا صدقوا ما كبير زي ما بقول ليكم...
يا جماعة ود الكرور دا قام ابطبط مالوا ...؟ ماتشوفوا لينا خبروا..؟

معتصم سليمان بابكر
12-07-2005, 01:01 AM
نزار فريجون تانى مابقول حاجة الا بعد التوثيق المرئى

السماكى اخوى انت عارف الليلة حصل موقف عجيب خلانى ادق مشوار لحدت ابوعشر
عارف البنيات ديل لقيتن يسألن فى الناس بكلام كده ماياهو وبقدمن ورقة فيها رسومات
انا قلت امكن البنات ديل صينيات كدى النمشى ابوعشر نورى الصينين الهناك ديل الورقة
عشان نفهم الحاصل ...اها مشيت...عارف الورقة فيها شنو بعد ترجموها...اتارى البنات فعلا
صينيات وجن مع ناس الكبرى وانا ماكنت عارف ناس الكبرى وصولو والا كان اختصرت المشوار
بتاع ابو عشر المهم يالسماكى محتوى الورقة كانوا بيسالوا من النيمة الفى الحطابه قالوا
اهلهم حكوا ليهم عنها وقالوا ليهم دى فى رفاعة ....وكمان قالوا جابوها فى الجرايد هناك
وعرفت انو الصينين بيفتكروا اى سودانى من رفاعة الفيها النيمة....واسمك طاقى هناك
يالسماكى بس بالصينى قالوا


اخذت الصورة لحظة وصلهن للنيمة

http://www.w6w.net/users/07-06-2005/w6w_2005060720151015337dac40ce.jpg


شوف يالسماكى نظرات التأمل فى سمكاتك ديك قالت ليها عاينى رفاعة فيها سمك


http://www.w6w.net/users/07-06-2005/w6w_20050607202438153348d09449.jpg


قالوا خلاص نعسوا ماشين ينومو ( النوصلم واجيكم)

http://www.w6w.net/users/07-06-2005/w6w_200506072022551533efa623b2.jpg

Nazar Hussien Babkir Frie
12-07-2005, 09:04 AM
تعرف عجبتني عديل ، ووضحت وابنت ، وصغرتني وده الكلام البزعل ناس المعتصم سليمان ، وحقيقة الشباب الذكرتهم كلهم كانو وارنا في الشيخ الطيب ، ومحمد صديق لعب معانا فى رابطة الاتحاد ومنها طبعا لنادي الشعلة ، اها بعد المعتصم مصر ايكبرني ساكت ، يمكن لانو الواحد والحمدلله فيهو بسطة في الجسم وشوية طول عشان كدي معتصم مصر اني كبير ، بعد تعرف يالسماكي احلى ما في المعتصم انو شفيف ووريف وزول رقيق وحساس ومالك الاحساس باشعاره ومقدرته على تطويع الكلمة وفي دي انا بيحيرني رغما عن انا حكاي وحافظ وموثق للكثير من الاحداثالعايشتها في رفاعة بس بنفرج عنها باستعمال ثم والتي تفيد التراتيب والتراخي .
تعالوا بدري وجيبو العيش معاكم من فرن عمكم ابنعوف ، حلة الجزارين جاهزة وما تتاخرو عليناالجوع كافر .
ابوفاطمة

فيصل يوسف حامد
12-07-2005, 11:39 AM
[align=justify:98f67473e6]تحياتي لناس شجرة النيم،

يا ...معتصم وود فريجون وود الامين ...ياخي كبروا الخط شويه ولونوه ...إنتو بتوثقوا لازم إكون الخط واضح ... وتاني نحن عيونا تعبت من الخط الاغبش الصغير دا...وبعدين وين باقي الشله ...في ناس كتار ما شايفم ....طولوا من القعده دي...إنت عارفين في واحدين بكونوا لابدين أو ساكتين ساكت عشان إسجلوا التوثيق دا مظبوط...يا الصادق إنت الناس ديل خرفوا ول قربوا ...واحد بقول مواليد 70 والتاني بقول مواليد 68 يعني عليك الله الفوق ديل لو كان كدا ...معناه نحن لسع ما إتولدنا ول بنحبى بالله شوف عليك الله...أنا معتصم سليمان دا شفت هنا يعني في رفاعه ما إتلاقينا معناها دا لم جاء السعوديه دي أنا كنت ما معروف طلعت في الدنيا دي ول لسع...وود فريجون دا أنا ما شفتو لكن كلامو دا كلام خرف ساكت ...وود الامين دا بلعب في الزمن الضائع ما شائف نظراتو كيف عامل...وفي الكلام مرات إجمع ومرات افطفط....

ولي عودة...أخوكم فيصل يوسف[/align:98f67473e6]

Ameer Al Ameen
12-07-2005, 12:07 PM
اخوى ياسر بركة الجيتنا بى جاى ، ادخل لا جوه ، ها جنى جيب البنبر الكبير داك، ولدنا دا ما ساهل علينا ، اها قلت لى نزار ود فريجون من الرعيل الاول معقولة !!! هو ديل منو كمان !! انت عارف يا اخوى زمان فى الاهلية بتاعة ود الفادنى كنا فى سنة اولى ، و جابو لينا مجموعة من اخونا من الشمالية او الغربية و حسب الورق الكان معاهم مفروض يدخلوهم فى سنة رابعة يعنى رجال كبار و خلاص ممتحنين الوسطى ( طبعا نحن دخلنا المتوسطة و الوسطى دى بتاعة ناس ابو نضارة) المهم انو لما قابلو المدير و هو استاذنا على الحاج عليه رحمة الله على ما اذكر ، قال لا لالا رابعة شنو ؟ ديل رجعوهم سنة اولى ، اليوم التانى اصحابك كلهم لقيناهم معانا و لحد هسع ما عارفين السبب شنو !!!!!!!!!1 قصدك نزار من الرعيل الاول ده ؟؟؟؟؟
اما العزيز و الحبيب ود سعد خليهو ساكت انا عاوز منه الاذن بس ، دا فيلم تانى خالص ، و ما داير ازيد
علشان ما اطلع القديم كلهو.

الصادق عبدالله ضرار
12-07-2005, 01:29 PM
نزار شايف كرم بيبى كمان جاى لى حلة بوكو المعجبه فيهو باقى....فيفيد
دكان حسبو بقى ما بشيلهم للعضه
نمشى نشوف ليكم عباس كدسه جاب العيش الحار

Ameer Al Ameen
12-07-2005, 04:33 PM
نزار الحق زولك ماسكاهو ام هلة هللة و رجفة فيفيد ديك اللانتى جربتها فى رمضان جاتو عديل
شنو القصة !!! طبعا السفر قرب ، قول ليهو اصبر و الصبر سمح ، ما انت عارف الصور دى كان مفروض تكون صور من كندا ديييك بتاعة ناس سيف الزبير بس انت جبت سيرة البحر القديم بتاعة مصطفى سند واصلو هو ما ناقص ، اليلة غايتو انا بفقدوا و اشوف الحاصل شنو !!!!!
الحمد لى الله اتلمينا تانى و دا الكلام القلناهو من اول ، بنشاكل لكن ما بنتقاطع تب، و بالمناسبة دى كنا عاوزين من اخونا بتاع ما يطلبه المستمعون اغنية " لو كنت ناكر للهوى ذيك" و اليلة بنضيف ليها " رحلت و جيت" بتاعة الود صبرى اقصد وردى. و اكان عاوز واسطة عندنا أخونا بابكر حسن اشهر صديق للبرنامج واحسن حلاق كمان فى رفاعة.
الاخدر ...الكدسة ديل قالو عندهم حفلة مع حسين (......) كدى جيب لينا خبرها ، بعد الكربة الشديدة دى عاوزين نهيص شوية

Nazar Hussien Babkir Frie
12-07-2005, 05:41 PM
تعرفو الليلة مرحبتين حبابك يا ود حامد ، ودحين دي لمة خير والخرف مالو ما حلو شديد ،واهي خلونا النحكي ليكم عن الحصل زمان يمكن تجدوا فيه الثمر وزمان اهلنا كان بيقولوا الشجر الكبار فيهو الصمغ ، ابقي داخل لى جوة بس ما تخاف والله ما بنشرب نفسكم لانو والله لسه قادرين على مجاراتكم يا مواليد التمانيات فروحنا لسه شباب وده هو المهم .
وبعدين معاك يا اللخدر كرم بيبي ده اوعو يجيب معاهو ابو كيكي لانو والله اليلة الشعلة لاعبة وابو كيكي حاكم المباراة اكان فطر معانا الجماعة بيقولو عليهو باع في دار الرياضة ، اكان مالقيت عباس كدسة فوت لعند التسخو وجيب شطة وملح والليمون انا شلتو من خالي حسن ومعاهو كمان بصل اخدر لزوم القرمشة ، بس التيتي اكان لاقاك قولوليهو الجماعة فاطرين عند ابقش لانو ان جا علا نعمل لينا حلة تاني .
ابوفاطمة

محمد عثمان عبدالقادر السماكي
12-07-2005, 08:27 PM
اها امعتصم دي سمكة الخميس الفت جبناها ليكم مالقيناكم..والخميس دا
تعالوا بدري...
وصور الحليونات الصينيات ديل حلاتم ..وان شاءالله املولينا رفاعة صينين
مادام الحكاية فيها كوبري..وتحيا الصين الشعبية ذاتها

....http://www.arab7.com/up/file/1133976084842.jpg

معتصم سليمان بابكر
12-08-2005, 04:28 AM
اها امعتصم دي سمكة الخميس الفت جبناها ليكم مالقيناكم..والخميس دا
تعالوا بدري...
وصور الحليونات الصينيات ديل حلاتم ..وان شاءالله املولينا رفاعة صينين
مادام الحكاية فيها كوبري..وتحيا الصين الشعبية ذاتها

....http://www.arab7.com/up/file/1133976084842.jpg

تعرف يا السماااااكي يا اخوى
الخميس الفات نحنا مانسينا
لكن والله ما كان فى نفس ابداً
عشان كانت السماء ملبده بالغيوم
لكن الحمدلله الحال انعدل
والنفس هسى فاتحة
والخميس الجاى ده
نقول لناس المنتدى ديل كلهم
العزومة عندنا فى النيمة
وماشاء الله سمكتك بتكفيهم
وكمان الباقى بنحلف على الصينين
يشيلوهو معاهم...البيت اصلهم
قالوا جايين يساهروا معانا يوم الخميس
البنيات كلموا امهم وابوهم...
قالوا ليهم والله النيمة حلوة حلا
لامن نرجع لازم نشيل منها نيماية للصين

الصادق عبدالله ضرار
12-08-2005, 08:25 AM
ياسماكى سلام
ياخوى انت سمكتك دى صح والله دى ود حموده ما صادها.....كدى النشوف ناس ود اللمام الصيادين بعرفوها

Nazar Hussien Babkir Frie
12-08-2005, 09:46 AM
يعد الصباحات السعيدة وبعد استراجاع الذاكرة للوراء بعد تكبير الصورة عرفتك ود المهم ، ثانيا ياسماكي صور سمك ساي والله مادايرن نحنا عاوزنو سمك حي ولحم عديل خاصة وانو الخميس والسمك مع البرد احلى عشا ،
ياجنا هوي شوف اللخدر وينو قوليهو تعال لينا في دكان كمال شعبان باقي انا قاعد بحلق عند كجاجة .
وبعدين باللمير الرجفة مالها عيبها لى ، ودي نحن كتبتبنا ليناهو بس تاني لما بتسيبني وتسافر خت في بالك انو دنياي في مدارك ، وتعرف يااللميير انا لو بقيت من الرعيل الاول انت بتكون من اجدادنا العظماء ، اما صاحبي المعتصم ودا الله يدوه العافية خلو بعد ما نسافر انا وهو للسودان ونتقابل في رفاعة ان شاء الله جنب شارع اللبن وقريب من دكان القراح وبعدها قدلة بفوق بي شارع السوق .
يالمعتصم الرابط ابي يفتح عندي ليه ماني عارف .
ابوفاطمة

فيصل يوسف حامد
12-08-2005, 10:01 AM
[align=justify:edfdc13aac]تحياتي للجميع،

يا دو فريجون أكيد حكاويكم زمان بنستفيد منها ، لكن أنا ما جيل التمنينات ...إنت صغرتني شديد ...بس تعرف كويس معاي ...قرط علي كده...
الاخ سماكي: وينك ما شايفنك .... شايف أبو هيبة قال الكبري شغالين فيه....[/align:edfdc13aac]

محمد عثمان عبدالقادر السماكي
12-08-2005, 10:25 AM
تحياتي للجميع،

يا دو فريجون أكيد حكاويكم زمان بنستفيد منها ، لكن أنا ما جيل التمنينات ...إنت صغرتني شديد ...بس تعرف كويس معاي ...قرط علي كده...
الاخ سماكي: وينك ما شايفنك .... شايف أبو هيبة قال الكبري شغالين فيه...


خبر الكوبري يافيصل خبرا زين ..ابوهبة قال من يوم الاتنين بدوا فيه...
وانت ياود فريجون كلكم زغتو ..معتصم دا بس الدبستو في الكبر..
والكبر مالو ..؟زي ما بقولو الشجر الكبار فيهو الصمغ...بالله ما استاهل
واحد من شلة النيمة عايزين اكرموا بيغادي...
ويالصادق والله ود حمودة دا اسم الهامور دا ما اظنيت اعرفوا ليك...

بالمناسبة يا جماعة الخير ...الخطوط في المنتدى دا مالها...؟
كل يوم نصبح نلاقيها بي شكل ..الحاصل شنو...؟؟؟؟؟؟؟؟؟

Nazar Hussien Babkir Frie
12-08-2005, 10:45 AM
اليلة كلنا ناس النيمة فرحانين لانو كبيرنا وتاج راسنا وصاحب روحي براي الود المعتصم تقرر تكريمه من قبل اخوانا في العام والسماكي جاب الخبر السعيد لينا ونحن قاعدين في ضل النيمة ، بس عشان كدا قررنا ان نقيم لينا حفلة كبيرة وربة كبيرة وحتكون في العام عشان تكون محضورة من الجميع ، يالصادق امشي اجر الكراسي والصيوان لانو صيوان الجمعية ما بكفي لعمل الضروة ،شوف ليك اي طريقة لصيوان زيادة ، والعشاء سمك هامور ولا شلباية بس نحن بنحب البلطي وما مهم مشوي ولا مقلي المهم انو سمك ، بس ياريت المعتصم اجينا هنا في الرياض لنقيم الافراح والليالي الملاح .
وهوووي شوفو ناس المشاكل من اهسع لموهم في صالون احمد ابراهيم عبد الاله لانو جاينا ضيوف من بعيد، وبعدين يالماهل ميز الجماعة تب واقيف حدا الباب واحد يطلع مافي الليلة حفلة المعتصم يازول .
ابوفاطمة

صبري طه
12-08-2005, 09:55 PM
وهوووي شوفو ناس المشاكل من اهسع لموهم في صالون احمد ابراهيم عبد الاله لانو جاينا ضيوف من بعيد، وبعدين يالماهل ميز الجماعة تب واقيف حدا الباب واحد يطلع مافي الليلة حفلة المعتصم يازول .



[align=justify:f64ebc3fc8]سلام لأهل النيمة .... وعندي كلام كتييير كنت عايز أقولوا لكن معليش المرة الجااية وهسي عندي شكلة مع معتصم سااااكت كدة وبدون سبب...

أسمع يا معتصم صاري لي وشك وتافي لي في وشي مالك ....[/align:f64ebc3fc8]

yassir karar
12-08-2005, 10:22 PM
هوى يا صبرى هوى
دا الا بينهبش ولا بيتسئل
ود سليمان ..... التشوف فى وجه أبو بركة نبى الله الخضر
دا الا بيصر ولا بيتف ليه فى بشر ....
دا ود النخيل
الرضع طيبتها
او محنتا......ومن كلماتا اتعلم شعر
أخو محمد واحمد .....
صالح أو مصطفى
وأخوه الصغير البيه الحوش عمر
أخو آمنه او على
زح بعيد ......... ياصبرى
او خلينا النصلى على
النبى
ومحبه جدا خاصه الى ابن امى أمى وهو يكرم

صبري طه
12-08-2005, 10:45 PM
شنو يا ياااسر إنت الليلة مباريني كدة مالك أنا ما صلاح بن البادية أنا صبري طه

أها أخونا معتصم طلع معاهو فتوات عشان كدة النبعد بعييييد ولا أقول ليك الزول دة أنا بصحابو إنت عارف لأي عشان أنا عايز ألعب في ريال مدريد يعني عايز أخط رونالدو في الكنبة

معتصم سليمان بابكر
12-09-2005, 02:19 AM
أسمع يا معتصم صاري لي وشك وتافي لي في وشي مالك ....


ياصبرى يا أخوى انها اضغاث احلام


ومحبه جدا خاصه الى ابن امى أمى وهو يكرم

ياسر.....
ولك ودى ....حفرة
كلما ..أخذوا من محبتها
وأعطوك ...زادت

اها يا صبرى بقول ليك ابدأ
احسب....وبعد ياسر يكون
رقمك الاول 1001

نزار فريجون

والله ياها المحرية فيك
اصلك من زمان اخو اخوان وهميم
وركاز التقيلة ام حيل......
وحارسك ده والله من زماااااااان
وابشر ياطيب القلب....ابشر
ومن هسى بديت اعد فى الايام
لنزرعها جيئة وذهابا...ونختمها
بالبكاء على الاطلال.......
بسقط اللواء بين الدخول وحومل
وعن امير الامين بالوكالة الواجبة
تقديراً وعرفاناً.......

السمااااااااااكي

اى والله الشجر الكبار فيهو الصمغ
وقالوا الماعندو كبير يكوس ليهو كبير
عاين يالسماكى
انا طبعا حاجاتى كلها معلنة
انا 45 سنة
ونزار42 سنه
الثلاثة ديل جابهم طووول
وفاتنى بواحدة
امير الامين 36 سنه
صبرى ده معادلة الشاطر
يحلها.....
27-7(طفولة) + 20شكل=؟؟؟؟؟؟؟

نــــــــــــــــــودي
12-09-2005, 05:13 AM
هووووووووووووووي اقيفو الشجره دي بقت مليانه كدا لي يانس وين بنبري سبته هنا ... :shock: :lol:

اول شئ السماكي مشتاقين ودايره لي كبايه ودايراك في شمار :wink: :wink:

صبري طه هوووووي ماتعاين لي كدا :evil: جر بنبرك دا وتعال حدي دايراك في كلام كدا ماتخاف مرتبطه ... :wink:

باقي الناس اتلمو عندي موضوع مهم :wink: :wink:

siham
12-09-2005, 11:17 AM
ممكن اعرف الستات بيقعدوا وين؟ [s36:1d20417263] [s45:1d20417263]

الصادق عبدالله ضرار
12-09-2005, 04:40 PM
دقيقه اجيب بنبر من ناس زنقار واجيك
اها اقعدى
سلام ياناس

الليله ما لاقيت ليكم ود الكندى طالع من الاوضه ليها ضل السطله قال ماشى يحددا مع ناس البوليس لانهم اهانو المره الاخيره لمن جو قبضو...لكن شايف حسن البلوى نزل حرارتو بى كم نكته كده وصاحبنا نسى الموضوع...
اها انتو اخباركم شنو

محمد عثمان عبدالقادر السماكي
12-09-2005, 04:54 PM
العوافي يا جماعة...والله ماشاءالله عيني باردة....الليلة عامرين...
صبري الجماعة ديل طلعوك من صالون ود فريجون دا خلاص
الا مالك مع حبيبنا المعتصم دا...!!!زي ما قال ليك ياسر ..الزول دا
بيشاكلو..؟ :lol:
والليلة جاتكم اختنا نودي عشان القهوة والشمارات..!!!والله يا
نودي كنا فاقدنك بالحيل...والشوق كميات..
اها مرحب بي سهام ..والبنات ديل ما اخواتنا ..باقعدن في اكف
الراح ..كان في البنابر ..كان اتحكرن زينا في الواطة...البساط احمدي..
طيب يا جماعة في ضيفة جديدة في العام اسمها غزلان كدي امشوا
رحبوا بيها اكان تجي تقعد معانا هنا..

اها الصادق دي اخبارنا ...ما ها زين...؟

Ameer Al Ameen
12-10-2005, 09:21 AM
ماشاء الله النيمة ما فيها فرقة مليانة للاخر ، عينا باردة ، و الجبنة ريحتها طاقه
يا ود فريجون صاحبى ...زولك قال علينا مخرفين و كلامنا كتير ، اها انا ذاتى طالع بره النيمة دى و ما راجع الا لما تسوى لى ذى ما سويتو لى ولدنا داك ، و ما برضى الا بتنا ديك تجيب بننرها بره فى الصقيعة ديك، جنب بنبرى و تقعد جبنى و اشوف الخاتم فى اصبعها ، بعدين استغفر الله و ارجع..اها قلتو شنو ... انا شايل بنبرى و مارق..ودعتكم الله.

Nazar Hussien Babkir Frie
12-10-2005, 10:54 AM
تعرف يالمعتصم اتمني ان نعيدها سيرتها الاولي بصحبة مجد الدين ومحمد الزبير جاد الرب والغائب الاكبر اخونا المتصوف السماني القح محمد فضيل محمود لنعيد ايام اسهمت في تشكيل ووجداننا وعقولنا ، ايام كانت رفاعة هي سدرة المنتهي عندنا فلم نكن نقوي على فراقها ولو لليلة واحدة ، رفاعة في بدايات التمانيات هي رفاعة التي اعشق ، هي رفاعة ابو ورفاعة حسين عوض الكريم وهي رفاعة الغيد الحسان من فريق قدام لعند الحلة الجديدة جوار المقابر هي رفاعة التي ما زالت باقية ومحفورة في الذاكرة هي كانت الراحة والسلوي .رفاعة شارع اللبن ، رفاعة دكان القراح ودكان ابراهيم ابو القاسم الترزي حيث كنا نجلس رفقة محمد سعد عمسيب ومحمد سالم محمد الامين .
وتعرفو يا جماعة الخير انا زمان كنت ذي الجوكر يعني عندي عدد من الاخوان بتعامل معاهم يعني كل شلة لها اهتماماتها الخاصة فلمن اكون مع المعتصم فالموضوع سري للغاية ،ولمن اكون مع شلة صحن الفتة فده يعني نقاش في كل الاممور سياسة رياضة وحاجات تانية حمايني حقت امير اللمين ،ولمن اكون مع ناس محمد سعد يعني المسالة فن ورياضةوحبة هزل وهظار .
والشئ المحيرني عمرو مواعيدي ما اتلخبت يعني كنا بنعرف ننظم الوقت وطبعا هنا الذاكرة اتلخبت وبقيت بنسي اي حاجة لدرجة اني كل شهرين تلاتة بضيع النضارة وبشتري تاني واحدة جديدة عشان كدا اخير لى ارجع اهلى قبال الخرف ما يبقي حقيقة ؟؟!!!.
يعني باختصار كل مجموعة مشيت معها اضافت لمخزوني الكثير ودا كلو بنحكيهو ليكم في الشجرة ، بس البنات لسع ما جن وقعدن وجهزن البن ليه يالسماكي .
وياسومي ابقي داخلة لي جوه وابديئ بقلى البن لحدي نولا ما تجئ اصلو البت دي كسلانة وديمة بتجئ متاخرة ؟؟!!!
وبعدين معاك يالمعتصم مالك كشفت الاسرار وانا وحات خوتك المهينة على ان كان عمر امير اللمين 36وحاتك ان صغيروني ولسه في اللفة ؟؟!!!
خوفي انو يكون دفعتك يعني قرب الخمسينات من العمر ودي بداية خريف العمر ، وانا لسع ما حرقت يالمعتصم رغما عن اجادتي للعبة الكوتشينة .
يالمعتصم نجيب سيرة البكا تقوموا تقولو عاوزين توثيق في توثيق اكتر من كدا ؟؟!!!
اللخدر ود الكندي ده الوداك بجنبو شنو ؟؟؟!!!
ابوفاطمة

صبري طه
12-10-2005, 12:02 PM
صبري طه هوووووي ماتعاين لي كدا :evil: جر بنبرك دا وتعال حدي دايراك في كلام كدا ماتخاف مرتبطه ... :wink:
:wink: :wink:

[align=justify:c664d588d2]الأخ سماكي ياااخي كان توريني وتقول لي معاكم بنات عشااان الواحد إقشر قشرة تمام
الأخت / نودي مرتبطة دي ما عندنا هنا أها شيلي شيلتك .... وبالمناسبة أنا كنت خايف من ناس كندا ديل اكتبوا لينا بالإنجليزي لكن الحمد لله مرت وشكلك بتتكلمي بلدي كويس أها بسألك من حاجة غلبتني إنتي بنبرك دي معناها شنو ؟؟؟؟؟[/align:c664d588d2]

الصادق عبدالله ضرار
12-10-2005, 01:12 PM
سلام
اصلو انا جاى ى جنب اوضتو المقابل بيت ناس ودنبق لقيتو واقف كده قال الا يشتكى البوليس لكن حسن البلوى كان جاى من فريق ناس ود الكرور اسمو شنو هو قاردن ستى ايوه المهم جاى وفيفيد ليهو ضل المهم اقنعو ليك وزولك نسى الموضوع...
هسى المشكله بقت ود الحوار منشبك فى البلوى الا يطلع معاهو الكرو قال مره واحده عاوز يبنتصر
كدى انشوفن

صبري طه
12-10-2005, 02:02 PM
[align=justify:7a1447e2bc]يا جماعة هووووي عيني باااااردة - ما شاء الله -

شجرة النيم ماشة مشي عجيب يا أخوانا في ناس لسة مشاركاتهم ما وصلت الصفحة التانية وشجرة النيل وصلت الصفحة التاسعة وقربت للعاشرة .... تكون الثورة ...

الله يحفظها لينا من الفيضانات [/align:7a1447e2bc]

ملاذ حسين خوجلي
12-10-2005, 02:25 PM
الســـــــــــــــــــــــــــــــــــــــــــلام عليكم ( تحية نزارية كرورية )

وين يا قوم ان شاء الله دايما ملمومين فى الافراح والليالي الملاح

بس يا سماكي كل ما اجي مارة بشجرتكم دى بحس انه ناقصكم ... وما تاخدها علي ههههههههههههههه

ناقصكم زولة حاجه كبييييييييييييييييييييرة كدة زي بت المجزوب :D

هههههههههههههههههههههههههههههههههههههه


ارقدوا عافية

صبري طه
12-10-2005, 03:33 PM
الســـــــــــــــــــــــــــــــــــــــــــلام عليكم ( تحية نزارية كرورية )

الله إغطيك لينا يا أحلى زول يا نزار وإنشاء الله ما إسحرووووك

عند اللفة بتاعة معتصم سليمان:
النيمة الجابت لينا نـــــودي زي ليلة القدر تجيب لينا الباقيات هههههههه

محمد عثمان عبدالقادر السماكي
12-10-2005, 04:02 PM
يا امير وينك ليك كم يوم مافي..؟وإدلل وخلي الجماعة
إحنسوك.. بس البت قالت مرتبطة...!!!!
ويا ود فريجون مالك علينا..؟والله سردك للذكريات دي
اعاد لينا ايام ليها ايقاع..دكان القراح وشارع اللبن
والجية من الثانوية في عز الحر داك..وبنات امل
المجتبى...ايام يا ليتها تعود..!!!
ويا صبري انتا ازول ما قاشر قشرة صاح .!!اكثر من كدا
داير تضيعنا ولى شنو..؟ والشجرة دي بي ناسا الحلوين ديل
وذكرياتهم الجميلة دي..والله الواحد بقى اجيها في اليوم
اكتر من عشرة مرات..ربنا ايديمها لينا..
وياالصادق ود الكندي لسع مسخن ..ما تهديهو شوية..
انتا ما ياكا حكيمنا..
ويا بتنا المبدعة ملاذ..انتي تمري وبس ليه..انتي تقعدي
تتحكري مع اخوانك ديل ..باقي انتي عندك ونسة سمحة
ولذيذة بالحيل..وما دايرين نقول ليك بت المجذوب.. :lol:

Nazar Hussien Babkir Frie
12-10-2005, 06:09 PM
تعرفي يالوزة بت المجدوب بتاعت الطيب صالح كانت موجودة بس قالت التمش سوق الغنم بهناك باقي كدة اخدمنها غنمايتين وما اداها حقها ، وحاتك يابت حسين شالت عكازها المضبب وخت السفة وحلفت بالتقطعها الليلة كدة ان لم يديها حقها الا توريهو المكشم بلا بصل ، ودي بت المجدوب حقت رفاعة دي اسمها خديجة الضكرية وكانت تاجرة بهايم وبتتحكر في نص سوق الغنم جنب لوكندة ود الحسين الجنب بيتنا والجنب موقف الشرفة ودلوت ، وحاتك كانت الرجالة فايتها لغادي ، والان لاادري اين هي ان فى زول عندو خبرها كلموني ، باقي انا نازل البلد يمكن اسعي غنماية غنمايتين توفيرا للبن .
واها يالصادق الجماعة ديلك انا حجزتهم ليك ورجعت ود الحوار ولكني طلب مني حق ال0000،وكتمي طبعا كان مصاحب ضباط رفاعة وما بعقد مع كل الناس .
ومادام مشينا قاردن سيتي مسعولين من الخير ود ابقبورة وين صاحب مقولة ان تدق ونحن نكب ؟؟؟الصادق ان لاقيتو كلموا باقي انا دايرو احفر لينا سايفون في الحلة الجديدة وبس تكلموا اوعي احفر لى خمسة رجال طول منقة المكانيكي بقي الزول خبير وعندو حجة ومنطق وتشهد له اروقة محمكة رفاعة ؟؟!!
ابوفاطمة

الصادق عبدالله ضرار
12-10-2005, 09:55 PM
فريجون
ودابقبوره الليله فى الدخوليه قافل الباب بتاع الخشب داك واقف متكل فيهو
جا زول سالوا مالك ياود ابقبوره قال ليهو ماكل لى جرف
اها اظن حولوا لى عمك الصول فى المركز وود العباس والتمارى غايتو بجيب ليك خبرو..انا زاتى ماشى السودان باذن الله يوم 22/12 نتلاقى هناك يازول باذن الله مع المعتصم برضو لنا موعد
ماتمشى تعملا لينا فارس الكتاب وكده
لانو الجيبه قال لازم يلاقيك مع كده

yassir karar
12-11-2005, 12:56 AM
أبو فاطمه العزيز
ياخى قبل شهرين او نص قابلت الضكريه........
الزمن ....... الملاريا....... عوامل التعريه ....او ابتلآت الحاله الاقتصاديه غيرن كل شى
المكان ..... جزارة الحصحيصا ..... نفس التوب الابيض .... الا بدون بهايم ... قلت ليها وين خرفانك
قالت ليه رآحن مع الزمن .... حسيت أنها استغربت سؤآلى ؟؟ بس نفس البشاشه والترحاب
قلت ليها أكان الخرفان راحت مع الزمن .... العصايه لى شنو .... ضحكت أو جدعت العصايه أو عاينت ليه جوه شديد يا نزار .... قالت
الا ما عرفتك .... ناديتنى او سلمت على أو ناير كدا شكلك مغترب .... قلت ليها أنا ود ناس الخليفه على ... المطره بدت تنقط سلمت على بحراره ود منو فى ناس الخليفه على ... قلت ليها ود آمنه ... قالت ليه البركه فيكم يا أخوى ... من كم سنه أمك أتوفت والله وجعتنى شديد... كانت زولتى ... والله يا نزار والله نفسها او رغم الحاجه الظاهره أبت تشيل البسيطه ... الاخليتن وراى او مشيت من دون ما التفت مرة تانيه
الناس الماشه .... الاخضر الصادق ... معتصم ... سالتكم بالذى جمعنا على المحبه ... البيمشى الحصحيصا يمر على الجزر او ما يقصر اولاد حوبه
والبيمشى فارس الكتاب يسال ليه عن نا س احمد عبدالقادر عبداللطيف ناس ودرعيه ... وعلى الخاص يرسل ليه رقم تلفون .... فتكم عافيه

الصادق عبدالله ضرار
12-11-2005, 08:16 AM
ابشر ياورد (ياسر كرار)

الحصحيصا واى مكان
الزمن غير ملامح الناس كتير
حتى الورد اصبح عوير
والكان عوير شابو الترف
والزى زييك
حالو مجهول المصير
لا مراح فضّل يسوقو
لا صبر موجود نلوكو
وناس خجيجه
وتوب زراقن
امرهم اصبح عسير
ود الدفينه
وناس مليك
الصقيعه وناس صفيته
ناس رفاعه
امرهم اصبح خطير

Ameer Al Ameen
12-11-2005, 09:14 AM
يا امير وينك ليك كم يوم مافي..؟وإدلل وخلي الجماعة
إحنسوك.. بس البت قالت مرتبطة...!!!!
ويا ود فريجون مالك علينا..؟والله سردك للذكريات دي
اعاد لينا ايام ليها ايقاع..دكان القراح وشارع اللبن
والجية من الثانوية في عز الحر داك..وبنات امل
المجتبى...ايام يا ليتها تعود..!!!
ويا صبري انتا ازول ما قاشر قشرة صاح .!!اكثر من كدا
داير تضيعنا ولى شنو..؟ والشجرة دي بي ناسا الحلوين ديل
وذكرياتهم الجميلة دي..والله الواحد بقى اجيها في اليوم
اكتر من عشرة مرات..ربنا ايديمها لينا..
وياالصادق ود الكندي لسع مسخن ..ما تهديهو شوية..
انتا ما ياكا حكيمنا..
ويا بتنا المبدعة ملاذ..انتي تمري وبس ليه..انتي تقعدي
تتحكري مع اخوانك ديل ..باقي انتي عندك ونسة سمحة
ولذيذة بالحيل..وما دايرين نقول ليك بت المجذوب.. :lol:

شكرا يا سماكى ياها المحيرة فيك ، بتتفقد الناس
بس يا اخوى مرتبطة دى ما كفاية امكن ما عجبها ولدنا داك، ما لو ما ولد حمش بالحيل ما هو اصلو البنات كده الواحدة لو ما عجبها العريس تمشى تجيب ليها واحد من الشارع تقول مرتبطة بيهو ، الكضب شنو !!!!! خايفة عليهو من شنو ؟ يشرب موية غسيل و لا يقع البحر !!!!! هو ذاتو خاتى عينو على بنات بلدو و ان شاء الله مثنى و ثلاث و رباع!!!!!!!!!!!!
وينك يا نولا امبارح ما قلتى جاية اقعد جنبك ما بخليك قاعد براك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

Nazar Hussien Babkir Frie
12-11-2005, 09:15 AM
[size=18ليكم كل السلام وعشان نتقابل يالصادق في رفاعة لازم تكتب عقد موثق عند محامي انا بجئ رفاعة وبفتش الناس فتيش التقول كل الناس اغتربت اها زول مافي الا عبد الرزاق صديق ودكانو ملتقي شباب رفاعة ، بس تعرف لمن بمشئ رفاعة بجيني احساس اني غريب ديار وغريب اهل لمن تشق السوق وما تلقي زولا بتعرفو دي بتتمحني شديد ، وزمان ياالصادق يا اخوي تمرق من بيتكم تسلم لمن تصل الحلة الجديدة هس بقو اقولو علينا دا من وين ، ولكن ليك على اجئ ونتحكر انا وانت والمعتصم في نص الساحة الشعبية ، واليوم داك جيب ليك مسجل لانك حتسمع العجب العجاب عن ذكرياتي رفاعة وحلاة رفاعة بس الموضوع باقي ليس للنشر ، انا واعوذ بالله منها زول دهري وولوف وبحب الحكاوي وبحفظ كتير للناس الحلوين ناس رفاعة ابتداءا من ود الفل وانتهاءا بجيب الله .
وتعرف يا الصادق بفكر اعمل كتاب اسمه رفاعة وروائع التذكار بس بينقصني التمويل ؟؟!!
وبمناسبة الجيبة جاء مرة لمنزل عمنا عبد الله قرشي عليه رحمة الله والوقت وقت صلاة عصر وحاج عبد الله قاعد في الترقوبة حقتو وبعد الصلاة جاهو الجيبة وقعد قداموفقام عمنا قال للجيبة يا محمد ياولدي ما تقوم تصلي ثم اردف قائلا ولا محكوم وادهو الفيها النصيب ومشئ ومن يومها علمت ان محكوم بتعني شئ كبير عند اهل التصوف .
وياود كرار اهلك عند عبد اللطيف ناس ود رعية طرفنا ما هم اصلهم من فارس الكتاب وهو نحن نسابناهم ليك وبنجيب ليك أخبارهم وباقي اولادهم محمد عبد الله امام وطارق محمد احمد عبد اللطيف زملاء دراسة في المغرب ، وكمان المرحوم احمد عبد اللطيف متزوج اخت اولاد عمتي بت ابوهم ، يعني نحن اهل فسلامك وصل .
اها يا الصادق بكرة الونسة حلوة مع طارق حاج ادريس بعد الحوليةبتاعت الشيخ عبد الله بس ما تتاخر علينا لانو بعدها طالعين حفلة مع ابو ماشين العزيبة والعداد جنيه واحد لزوم القشرة وخياطة البناطلين عند عمر الاردن او عوض سقط ؟؟!!
السماكي تاني قمت تجيب في سيرة البحر ، بنات امل المجتبي ؟؟خليك مع السمك باقي دا جرح خريف كل سنة بتاور ؟؟!!
ابوفاطمة

[/size]

Ameer Al Ameen
12-11-2005, 10:22 AM
تعرف يالمعتصم اتمني ان نعيدها سيرتها الاولي بصحبة مجد الدين ومحمد الزبير جاد الرب والغائب الاكبر اخونا المتصوف السماني القح محمد فضيل محمود لنعيد ايام اسهمت في تشكيل ووجداننا وعقولنا ، ايام كانت رفاعة هي سدرة المنتهي عندنا فلم نكن نقوي على فراقها ولو لليلة واحدة ، رفاعة في بدايات التمانيات هي رفاعة التي اعشق ، هي رفاعة ابو ورفاعة حسين عوض الكريم وهي رفاعة الغيد الحسان من فريق قدام لعند الحلة الجديدة جوار المقابر هي رفاعة التي ما زالت باقية ومحفورة في الذاكرة هي كانت الراحة والسلوي .رفاعة شارع اللبن ، رفاعة دكان القراح ودكان ابراهيم ابو القاسم الترزي حيث كنا نجلس رفقة محمد سعد عمسيب ومحمد سالم محمد الامين .
وتعرفو يا جماعة الخير انا زمان كنت ذي الجوكر يعني عندي عدد من الاخوان بتعامل معاهم يعني كل شلة لها اهتماماتها الخاصة فلمن اكون مع المعتصم فالموضوع سري للغاية ،ولمن اكون مع شلة صحن الفتة فده يعني نقاش في كل الاممور سياسة رياضة وحاجات تانية حمايني حقت امير اللمين ،ولمن اكون مع ناس محمد سعد يعني المسالة فن ورياضةوحبة هزل وهظار .
والشئ المحيرني عمرو مواعيدي ما اتلخبت يعني كنا بنعرف ننظم الوقت وطبعا هنا الذاكرة اتلخبت وبقيت بنسي اي حاجة لدرجة اني كل شهرين تلاتة بضيع النضارة وبشتري تاني واحدة جديدة عشان كدا اخير لى ارجع اهلى قبال الخرف ما يبقي حقيقة ؟؟!!!.
يعني باختصار كل مجموعة مشيت معها اضافت لمخزوني الكثير ودا كلو بنحكيهو ليكم في الشجرة ، بس البنات لسع ما جن وقعدن وجهزن البن ليه يالسماكي .
وياسومي ابقي داخلة لي جوه وابديئ بقلى البن لحدي نولا ما تجئ اصلو البت دي كسلانة وديمة بتجئ متاخرة ؟؟!!!
وبعدين معاك يالمعتصم مالك كشفت الاسرار وانا وحات خوتك المهينة على ان كان عمر امير اللمين 36وحاتك ان صغيروني ولسه في اللفة ؟؟!!!
خوفي انو يكون دفعتك يعني قرب الخمسينات من العمر ودي بداية خريف العمر ، وانا لسع ما حرقت يالمعتصم رغما عن اجادتي للعبة الكوتشينة .
يالمعتصم نجيب سيرة البكا تقوموا تقولو عاوزين توثيق في توثيق اكتر من كدا ؟؟!!!
اللخدر ود الكندي ده الوداك بجنبو شنو ؟؟؟!!!
ابوفاطمة


يا ود السناب اليلة جبت سيرة أخو عزيز شديد و لو ما خايفين يكون فى احوال تانية كنا مرقنا القديم كله
بس برضو منتظرين الاذن ، و لا يذكر ود فضيل الا و يذكر القبتابى الاخر محمود حسن بشير ، و لا يذكران معا الا و تذكر غزواتهما ( دى بتاعة ابو هبة) الى الحى الامامى بين كر و فر.
و قد حاولت جحافل من الكوادر الثقافية للحى الامامى (حسب ما جاء فى السنن الكونية ) غزو حى القبتاب" فى محاولة لردم الهوة الثقافية و ازالة التناقضات الاممية و محو اثار النزاع الطبقى "
و لكن ردت على اعقابها " و صمد النسيج الاجتماعى" لحى القبتاب فى" تجاوز اثار المرحلة"

Nazar Hussien Babkir Frie
12-11-2005, 11:39 AM
تعرف يا اللميير بذكر الاخوان ود فضل ومحمود حسن بشير التسخو الصغير ، لينا معاهم ذكريات حلوة لاننا كنا شاهد عيان لمحاولة كسر او ردم الهوة ما بين القبتباب وشباب الحي الامامي جوار الاسبتالية ، وما حكايتك انت وصاحبي بتاعت حبيب القلب الريدة ما بالغصب ماهي الا محاولة لردم هذه الهوة .؟؟؟!!!
وبعدين معاك ودفضيل سرو عندي اها النحكليك دي .
اول ما جيت الرياض وانا جديد وعاطل اتصلت عليهو قال لى بجيك وجاني ومشيت معاه البيت وفي الطريق حدثني عن التصوف وعن السمانية وقال لى الليلة ليك حضرة مع الشيخ الصغير وارد الصالحين اخو شيخ السمانية واعتقد انو اسمو حسن ، وجاء لمنزل ود فضيل الشيخ الصغير وحوارييه الملتفين حوله وجلسوا القرفصاء(زي حقت رمضان ) حوالين الشيخ الا انا قعدت في الكرسي الكبير جنب الشيخ فقام ود فضيل عاين لى بطرف عينو وانا تعمدت تجاهله لاني عارف مغزي النظرة بتعني شنو يعني انزل اقعد تحت زينا فضحكت واصريت على القعاد في الكرسي جنب الشيخ فالتفت اليه ود فضيل وقاليهو الزول ده يساري ؟؟!! فضحكت ملئ فيهي ، وابتدرت بالتساؤل احكو عن السمانية باقي انا الدرب راح لي وكوستو زمان عند شيخ بابكربتاع كريعات علا برضو غلبتني الرجعة يمكن الليلة نقدر نرجع ، فبدات الحلقة ذكرا وشرحا وفي الاخر اعطيت كتاب عن الشيخ السمان ؟؟؟ الباقي الحلقة الجاية ودي في عرف اهل اليسار بداية الاستقطاب ...!!!
تعرف ياللميير الحكاوي حلوة ، بس الناس البعلمو الجبنة البتسطل ما دايرين يجو علا بكلم امي عشان تقلي لينا البن ودحين انتو حضرو البنابر الحكي الجد بدا ؟؟؟!!
ابوفاطمة

الصادق عبدالله ضرار
12-11-2005, 12:55 PM
شوف ياخوى نزار باذن الله نوثق لكل الاجازه من الساحه الشعبيه للحطابه وداكن حسبو ده انت ماعرفتو
لانو هسى بقى هو الملتقى لينا فى السوق مع ناس بوكو وود الحاج ومحمد سناده ومن هسى عازمك جبنه هناك على كيفك بعد داك نشوف جبنة السماكى فى الحطابه..
بعدين عمك الكير الله يرحمو كان عندو نظره وهو نحسبه من الصالحين ولا نزكيه على الله وفعلا الظاهر الجيبه مان محكوم لانو كان شبعان عيش طوالى علا هسى الحمد لله فى زاوية ابونا شيخ عبدالله خاصه العصرى الذى ستكون له زياره منك لانى انا بكون هناك على طول...وتشوف العجب..
السماكى اظن جبنتك مرقت
كب لينا خلينا نهدى الراس ده باقى مشوش..

ابو النيييييز
12-11-2005, 11:42 PM
انتو متأكدين نيمتكم دي في الحطابه؟
ولاا عندنا في التساسات!!!

الصادق عبدالله ضرار
12-12-2005, 07:59 AM
والله زارتنا البركه

هسى يانزار كنت عاوز ارسل ليك ودالبارو يناديك
ياخ ااااصلو ما بتقول الناس ديل نشوفهم كان عندهم(عيش) ولى لا على الاقل تفتش لينا..لكن يظهر متاسفه لاقت ودالبارو وطنش مرسالنا....
التساسات عز

صبري طه
12-12-2005, 10:36 AM
[align=justify:1d01b4bc40]والله ما عندي موضوووع لكن قلت أخش سااااكت كدة ما أصلو النيمة كنا بنجيها وقت الواحد راسو إكون ضاااااارب وعايز إنفس عن نفسو شوية.

وبالمناسبة النيمة دي مروا عليها أجيال كثيرين وأنا لاحظت إنو الأخوان سماكي ومعتصم سليمان ونزار فريجون والصادق ضرار وأمير الأمين وياسر كرار شكلهم كدة زي أولاد دفعة واحدة لأنو حكاويهم متقاربة وبالمناسبة يا نزار إنت الدخولية دي شنو غايتو أبقبورة أنا بأتذكره في أواخر أيامه ...[/align:1d01b4bc40]

خالد عثمان
12-12-2005, 02:21 PM
يا ناس النيمة سلام يغشاكم فرداً فرداً

وأول حاجة بعتذر ليكم عن الغياب لكن:-

مادام الواحد بيغيب وبجي يلقى اول واحد قدامو صبري طه

بيكون عسى ان نكرهوا شيئاً وهو خير لكم

وحقيقة يا أخوان رغم السكن برة رفاعة وفي دلوت التي نحبها

القعاد في النيمة حقتكم دي فيهو كمية كبيرة من الذكريات المشتركة

وزي ما قت ليكم أعرفها جيداً وكم شممت فيها رائحة البحر مخلوطة برائحة

دخان الكمائن وممزوجة بريحة الطين تشد الانتباه فلكم الود كيمانكيمان

Ameer Al Ameen
12-12-2005, 04:40 PM
[align=justify:cf81743d29]والله ما عندي موضوووع لكن قلت أخش سااااكت كدة ما أصلو النيمة كنا بنجيها وقت الواحد راسو إكون ضاااااارب وعايز إنفس عن نفسو شوية.

وبالمناسبة النيمة دي مروا عليها أجيال كثيرين وأنا لاحظت إنو الأخوان سماكي ومعتصم سليمان ونزار فريجون والصادق ضرار وأمير الأمين وياسر كرار شكلهم كدة زي أولاد دفعة واحدة لأنو حكاويهم متقاربة وبالمناسبة يا نزار إنت الدخولية دي شنو غايتو أبقبورة أنا بأتذكره في أواخر أيامه ...[/align:cf81743d29]

يا أخوى انت وين !! الناس بفتشو عليك بى ساق كلب و ما لاقينك ، انا اكان فى محلك ما بفوت النيمة دى تب ،
و يا اخوى انا و الاخوان الذكرتهم و الله لا دفعة و لا حاجة بس قلوبنا دفعة واحدة ، رضعنا المحبة من امنا رفاعة ، و دى يا اخوى ميزة اولاد رفاعة ، كلنا حاجة واحدة لا عمر و لا قراية و لا شهادة و لا وظيفة ، بفرق بيننا ، فى الزمن بتاعنا اكان مشيت فريق قدام تلقى المرحوم د. ود رحوم محكر فى الواطة و جنبو عباس خرسانى فى ضل ناس اللمين المرضى و هاك يا ضحك و مكاواة ، اكان مشيت السوق تشوف مولانا ميرغنى الكرور قاعد فى هباب شمس الدين و جنبو اكان همرور اكان فاروق كشة و هاك يا سياسة ، و اكان مرقت على الحلة الجديدة عينك فى روب يتقدل ماشى على السوق و معاهو اكان ود التاج و لا ود تفاحة ، و داك استاذ كلندى معاهو ود عثمان بكرى ماشين على محل الجرايد. و لو جيت على القبتاب تشوف العجب ، الناس صغار و كبار التقول احوان كلهم قاعدين فى ضل دكان ود العاقب ، و الاكل فى اى بيت من البيوت ، اصلو يا اخوى البيوت فاتحة فى بعضا ، و الحالة واحدة شديد ، و دى يا اخوى رفاعة القمنا و اتربينا فيها.
و فى الليل وفى الحفلات مع اللمة او فى المولود حكاوينا حاجة تانية خالص بس دة قصة للمرات الجايات اكان فى العمر بقية



أبو احمد

Nazar Hussien Babkir Frie
12-12-2005, 06:26 PM
الدخولية ياصبري يااخوي الصغير هي مكان محدد توضع فيه البهايم الهاملة او التي تسبب الاذي للاخرين يعني بالمختصر المفيد كانت زريبة حكومية وكان مسئول منها عمنا عليه رحمة الله خليل كرغلي او احد ابنائه محمد او خالد وكان موقعها بالقرب من منازل او سكن ناس ناس البوليس خلف المجلس ، وكان ما دفعت الغرامة ما بتسوق غنمياتكم للبيت الا تدفع ويا ما شوفنا فيها حكاوي .
وبعدين يااخوي نحن رفاعة عشنا بها حينما كانت رفاعة يعني رفاعة التي كتب عنها اللمير ود اللمين هي رفاعة التي نامل بها لا فوارق عمريه بين شبابهاولا طبقية ولا مادية فكم مرة تجد الشباب مجتمعين في القهاوي او في الحفلات او في الماتم لدرجة انك لا تعرف منو هو ود البيت فكلهم كانوا اولاد البيت.
والنحكي دي ياصبري حين سفري للدراسة للمغرب تم تزويج اثنين من اخواتي في غيبتي ، فجاء لوالدي عليه الرحمة عدد من الشباب فيهم من يعرفه معرفة شخصية بحكم صداقاتي معهم وفيهم من يعرفه عن بعد فقاموا بتجهيز كل احتياجات الزواج من كروت وقاموا بكتابتها وتوزيعها وضربوا البيت جير وكفو ووفوا ، وحين حضوري في الاجازة استقبلني والدي عليه رحمة الله وقال لى اول مرة يا نزار اعرف انك كنت بتعرف كل ناس رفاعة ، قلت ليهو كيف قال اصحابك بتاعين المدرسة ناس شلة صحن الفتة بعرفهم كلهم ولكن يوم زواج اخواتك جوني ومعاهم عدد كبير من الشباب لم التقي بهم من قبل معك فعرفت انك مصاحب رفاعة كلها ، وصديقني ياصبري فيهم ناس اول مرة يدخلوا بيتنا ، لذا اقول اننا اهل رفاعة حبوبين وكلنا كنا اهل بعض ، هكذا عشنا وعاشت رفاعة في دواحلنا .
ياخالد هووي دلوت شنو البتعرفها اها انا عندي اهل في دلوت ناس اللمين ود الشول بتعرفهم ولا لا ؟؟؟!!
ابوفاطمة

فيصل يوسف حامد
12-12-2005, 06:54 PM
[quote=صبري طه][align=justify:f7f8217e7d]والله ما عندي موضوووع لكن قلت أخش سااااكت كدة ما أصلو النيمة كنا بنجيها وقت الواحد راسو إكون ضاااااارب وعايز إنفس عن نفسو شوية.

وبالمناسبة النيمة دي مروا عليها أجيال كثيرين وأنا لاحظت إنو الأخوان سماكي ومعتصم سليمان ونزار فريجون والصادق ضرار وأمير الأمين وياسر كرار شكلهم كدة زي أولاد دفعة واحدة لأنو حكاويهم متقاربة وبالمناسبة يا نزار إنت الدخولية دي شنو غايتو أبقبورة أنا بأتذكره في أواخر أيامه ...[/align:f7f8217e7d]

يا أخوى انت وين !! الناس بفتشو عليك بى ساق كلب و ما لاقينك ، انا اكان فى محلك ما بفوت النيمة دى تب ،
و يا اخوى انا و الاخوان الذكرتهم و الله لا دفعة و لا حاجة بس قلوبنا دفعة واحدة ، رضعنا المحبة من امنا رفاعة ، و دى يا اخوى ميزة اولاد رفاعة ، كلنا حاجة واحدة لا عمر و لا قراية و لا شهادة و لا وظيفة ، بفرق بيننا ، فى الزمن بتاعنا اكان مشيت فريق قدام تلقى المرحوم د. ود رحوم محكر فى الواطة و جنبو عباس خرسانى فى ضل ناس اللمين المرضى و هاك يا ضحك و مكاواة ، اكان مشيت السوق تشوف مولانا ميرغنى الكرور قاعد فى هباب شمس الدين و جنبو اكان همرور اكان فاروق كشة و هاك يا سياسة ، و اكان مرقت على الحلة الجديدة عينك فى روب يتقدل ماشى على السوق و معاهو اكان ود التاج و لا ود تفاحة ، و داك استاذ كلندى معاهو ود عثمان بكرى ماشين على محل الجرايد. و لو جيت على القبتاب تشوف العجب ، الناس صغار و كبار التقول احوان كلهم قاعدين فى ضل دكان ود العاقب ، و الاكل فى اى بيت من البيوت ، اصلو يا اخوى البيوت فاتحة فى بعضا ، و الحالة واحدة شديد ، و دى يا اخوى رفاعة القمنا و اتربينا فيها.
و فى الليل وفى الحفلات مع اللمة او فى المولود حكاوينا حاجة تانية خالص بس دة قصة للمرات الجايات اكان فى العمر بقية

[Size=20][align=justify:f7f8217e7d]يا ود فريجون الله إديك العافيه ما قصرت ...لكن يا خي نسيت أكل الرحمتات مالك ...الحاره ما مرقت ست الدوكه قامت إتحرقت ...وكل واحد شائل كنتوشو...ما بخلي ليه تمره لافه ما بلقط...ولا سليقه ساكت بخلوها لبكره ....والناس الببيعوا الكناتيش ديل إضحكوا لآخر ضرس ...وكل واحد قدر إشتري لأولادو كان كراسات كان أقلام ...وسبحان الله ...له في خلقه شئون.
والله أيام يا زمان...

لكن يا ربي لسع الرحمتات دي في...ول خرفوها...بظهور النايلسات...
وبعدين وين باقي العقد الفريد ...معتصم وود الامين ...وسماكي والباقين...

أخوكم فيصل يوسف[/align:f7f8217e7d]

Nazar Hussien Babkir Frie
12-12-2005, 07:56 PM
الجاي كتير وخيرو وفير باذن الله بس ربنا يمد في العمر باقي الايام ضربات القلب زيادة يمكن عوامل الخرف بدات تظهر علينا رحمتات شنو اكان القبلهم ما بعرفو الدخولية تقولو رحمتات وتوسعة كمان امكن يكونو ما سمعوا بيها الا تكون توسعة الحرم المكي ، دحين خليني براي النذكر زمنا السمح داك ، ايام البحر كان بيصل لحدي بيوتنا في فريق السناب وكان اولاد جنوب لبنان بتاعين رفاعة (الحلب ) بيصيفوا في حوض سباحة طبيعي ورباني جنب بيوتنا وعينك ما تشوف الا النور كانو سباحين مهرة والله قال بقولك ان تكن حريصا ايام المولد ختف الحلاوة وارد من ناس جنوب لبنان .
ديل جيل تاني ، ونحنا يا ود حامد جيل الصلعة فورمايكا والرقصة جمايكا ودي بحكيها ليكم بعد اخذ الاذن من صاحبها ان وافق بتلاقها منشورة هنا .
رحم الله كل من ذكرناه هنا ان كانوا امواتا وان كانو احياء فلهم ايضا الرحمة والمغفرة فالرحمة تجوز للميت والحي والله اعلم .
بعدين يا اخوي ياود حامد الرحمتات دي حقت ناس فريق البهلة وبس ديل زمان الدافوري كانت الجائزة حقتو سخينة حارة واسعل فيفيد ان نكر انا بكتب ليك الدليل .
ابوفاطمة

فيصل يوسف حامد
12-12-2005, 09:24 PM
[align=justify:fc7069259e]يا ود فريجون فيفيد دا هسع ما بتسائل ولا حاجه ...الزول ماسكاهو أم رجيفونه...عشان العريسونه اللسع ما عارف ليها حاجه دي...تعرف كان سألتو قلت ليه الرحمتات...ح إقول ليك ...البصات هي الشنطات ...هي الكهربات ...هي الكبريات جات...هي بسم الله الهبشك الماضراك...عليك الله دا حال زول بسألو دا...ياخي دا يوم الاجتماع قاعد وما قاعد...قلت ليه نسجلك ضمن اللجنة ..راسو وقف صوفه صوفه ...أنا ما بقدر وأنا مسافر إجازة...طيب ما نحن كلنا بنسافر ...ول المره دي السفره ملخبته وملخبتاه معاها...دا كلام زول ما عارف نفس جائي ول ما جائي ...أه أنا ما عارف راسو بقول ليه شنو..المهم عزرتو وخليتو ...أصلو المؤمن مصاب ...فدحين خلوه شويه ول أسألوا ليكم زول تاني...

وبعدين الجماعة السألت عليهم ديل وينم ما ظهروا لسع...

أخوك فيصل يوسف[/align:fc7069259e]

yassir karar
12-13-2005, 01:42 AM
أهلى سلام
شنو يا أخوانا مبعدين من حلتنا
دحين الخير ود على الكريل دا ما جاكم بى جاى .... قال ماشى السوق أجيب ليه تنمباك ... سالت حسن دياب قال ما مرق بى جاى ... او وصلت لى ناس عمك بلال لقيت عم معروف السوى ليه او سوى ليكم قال لى الزول دا مسك شارع مدرسة الطيب التوم طولاى او كان ما لقى ليه خبر مفروض ايكون رجع قبيل كدى تاوق المقابر الهم اجعلو خير ....اها الاخدر الزول دا ما عقب عليكم جاى

الصادق عبدالله ضرار
12-13-2005, 07:47 AM
ياخ انت بتفتش للخير
ياهو داااااك وصل وواقف جنب خلوة ابونا الشيخ عبدالله باقى هو عندو تكله هناك لازم ياخدا...لكنشايف خير واجد قال ليهو لمن تجى راجع املا لى حقتى دى...
انت تعال مسعول من الخير اولاد حاجه علوم ديل وين مافى واحد هنا ناس الزنجى ولى عبدالعظيم قيلا...لكن فريقكم ماشرط ياياسر ناس حبوبتى قسيمه هنااك وناس كارا وحسيب وجفون والنجيب والجيلى ود ناصر ود كرجوس الله يرحم الميتين منهم...والحيين
اها كدى الحق سوق الخدار عبدالوهاب سعد قالو عندو ورق وشمار رحيتهم ضااااربه

خالد عثمان
12-13-2005, 11:28 AM
الأخوان في شدرة النيم

سلام يغشاكم كلكم بدون فرز

الاخ نزار فريجون أداني فرصة جيدة للحديث معاكم

بخصوص إرتباط رفاعة بالقرى الحولها وهي الأم الرؤوم لجميع القرى

ونمسك الحكاية دي من ناحية النسب في النيمة دي

أول حاجة يا نزار يا ود فريجون الأمين ود الشول دا عمنا وصديق

خاص للوالد الذي كان يعمل جنايني بمنطقة ود رعية وبحكم عمله يعرف عائلة

كبيرة هناك في زنقاحة وهم لهم علاقة مباشرة مع ناس أنة بت الشول وهم

ناس ود حاج حميد وتاني حاجة أنا شخصياص متزوج بت الاستاذ حسن حمد

وهو خال لأولاد الأمين ود الفكي عبد الرحمن وهم طبعاً أسرة أدباء نحارير منهم

عبد الرحمن الأمين وهو الان يعمل في منطقة القصيم ودا تليفونو

/06:3690459واما بخصوص الأسر التي لها علاقات في رفاعة سوف

ناخدها واحدة واحدة

Nazar Hussien Babkir Frie
12-13-2005, 07:32 PM
تعرف ياخالد طلعنا اهل وقرايب عديل مادام بيربط بينا نسب ، وطبعا لدي ذكريات خاصة وجميلة في دلوت البحر رفقة عبد الرحمن الامين وصديق الامين ومحمد همزة وعادل عمر واولاد السماني والدفعة الكارثة عماد ابايزيد وبدر الدين اخوه وكل ناس دلوت وكنت بنتظر متين الاجازة تجئ عشان امشئ دلوت للتمتع بالجنائن ومشغالة ناس العيكورة بالضفة الاخري للنيل الازرق وفي اخر ذياراتي لدلوت كسرت يدي في ميدان المدرسة .
ومن عوائل رفاعة التي لها علاقات وطيدة بدلوت اسرة العم مصطفي عبد الله ناس النايرة وغيرهم كثر ، فيالها من ذكريات وشكرا على تليفون عبد الرحمن الامين فقد اتصلت به ،فمشكور ياخي وياريت نتقابل هنا في الرياض قبيل رحلينا نحو السودان والذي قد زف اجله .
والسماكي طبعا اصابت عين الناس لانو نيمتو كسحت كل المواضيع ووصلت الصفحة رغم حداشر وبقت عامرة بناسها ، ياود كرار الخير ود الكريل لينا زمن ما سمعنا عنه وكنا نراه دوما في المقابر لحظة حفر القبور .
الصادق اللخدر يا اخوي اكان مريت على الحدبة سلم لى خالد جيلاني لينا زمن ما سمعنا عنو حاجة وكان لاقيت سامي ود النو قول ليهو الليلة مجتمعين عند قزاز نزار وفتاح الديبة واحمد قلة .
ابوفاطمة

yassir karar
12-13-2005, 09:06 PM
أسمع يا نزار أخوى مسعول من الخير الولد الطويل أخضر قيافه الكان يوم نص رفاعه محمد سعد عمسيب ... الود الفنان اللعاب .. الشاعر .... الكتاب
الباسم .... الرياد ..... الكان بيجك بينا قبال التمرين للعزيبه
أبو مازن الماساهل
لا حصل يوم شفتو فى منتدى
ولا جاء علينا فى النيمه
كدى فسراع كدا شوف ليه الحاصل شنو
او يا ناس الشرقيه ما تشوفو شغلكم مع المكسب دا ..... ولا شنو يالاخدر ؟

الصادق عبدالله ضرار
12-13-2005, 11:03 PM
سلام

نزار خالد جيلانى ودى عثمان اخو للجيلى يفحص ليهو الدم...لكن كلمت ليك سامى وقال خلاص بجى ومعاهو الحاج حمرتى ونيشو بنتظرو جنب ديوان صلاج الطيب وناس حاج الكير

Nazar Hussien Babkir Frie
12-14-2005, 09:00 AM
بالنسبة لصاحبنا ابوطويلة قال حالف ما يدخل المنتدي علا يجيبوليهو ابو والخاتم وعادل قطاع ومعتز ابقش والمعلم حنكورة ودي بيعرفها هو وانا وعبد المنعم عمسيب وبس ، بعدين قال ناس الطائرة كلهم يجو استاذ عامر وكمال كيلة وعلى فتت واحمد ابكبيك وعثمان مختار وعادل ود الصول حتي بعدين هو يجئ لانو هو مسك الختام .
والبسام دي اسميت له من قبل طلاب مدرسة الامير مدني في الدورة المدرسية وكنا بنلعب قرب بعض هو الضارب وانا المعد واحيانا بيضرب في المليان فانا بقوم اكوريك ليهو المعلم حنكورة ميه ميه فيبتسم فاسمي البسام ، ومجموعة مدرسة الاميرمدني كانت لدينا بها بعض العلاقات الخاصة خاصة اخونا بكري السني وخالد كودي ، وكنت ارتدي الرقم ستة فاصطفوا جميعا وظلو يهتفون لي واحد اتنين ستة نزار الحتة .ياخي مالك علينا اعدتنا لايام خوالي .
السماكي ان شاء انت طيب وممتلئ صحة وعافية ومتنظرين ظهورك .
نيشو والحاج حمرتي وهاشم الجوكي وينو ياللخدر مشي القضارف ولا شنو لناس السر ابنعوف .
ابوفاطمة

الصادق عبدالله ضرار
12-14-2005, 12:47 PM
هاشم الجوكى اليومين دى مشغووول فى القمسيون ...لكن بلاقيهو بعدين فى ساحة ناش كشه ...بس غضب الله قاعد لينا هناك حامينا الكوره مع حبوبه النى جننونا...لكن ماعليك عثمان الديدح موجود بحمينا...

محمد عثمان عبدالقادر السماكي
12-14-2005, 08:44 PM
ناس النيمة ...سلام ..والله الشوق بحر ..وقعدتكم دي والله في المستشفى
كنت في النوم بحلم بيها..ان شاءالله كلكم طيبين ..
ورسلت ليكم صوري في المستشفى عشان تطمئنوا علي ..شكلها ما وصلتكم
حانزلها ليكم وبجيكم راجع ..

http://up.bashar.cc/uploads/8fb275017c.jpg

http://up.bashar.cc/uploads/725a900c89.jpg

الصادق عبدالله ضرار
12-14-2005, 08:50 PM
ياسماكى
سلامااااااااااااات
ماتشوف شر
لكن بت النعيم وباقى الممرضات ديل والدكاتره كان وديناها رفاعه بزعلوا منك لانك هنا همشتهم وبتديهم احساس بالدونيه العمليه...

الف كفاره وترجع بالسلامه

Nazar Hussien Babkir Frie
12-15-2005, 08:45 AM
تعرف يا سماكي الله اديك العافية وتعود لنيمتك الحلوة دي ، وربنا يرجعك لينا بالسلامة وانشاء الله اجر وكفارة .
الصادق أخوي ان شاء الله مستشفي رفاعة يتفوق على مستشفيات هنا ونشوف الخالات ام زين وبت النعيم قادلات في مستشفي رفاعة الجديد الله اديهن العافية فقد بذلن الكثير في خدمة المرضي في رفاعة .
بس بسالك عمك ابكر ولا حسن ود التومة ما ظاهرين في صورة السماكي ليه ؟؟!!
وتاني الله يردك لينا سالم وغانم ياسماكي .
اللميير ود اللمين لا حس ولا خبر الحاصل شنو يا ناس جدة غير !!!ولا الا نجيب سيرة البحر حتي تظهروا ؟؟!!
ابوفاطمة

Ameer Al Ameen
12-15-2005, 11:19 AM
بركة يا سماكى البقيت شديد ورجعت لبيتك و اولادك ، و ان شاء الله ما تشوف شر تانى،
و الله كربة و انتهت ، لكن اكان شفتو لمة الناس فى شجر الاسبتالية حريم و رجال و العمدان تتطاكش و و ود القمولى ما خلو ليهو برتكانة طايرة ، تعرفو ولدنا دا عزيز علينا كيف ، و ان شاء الله ما نجى للناس فى شر ، و كمان الشىء السوهو ناس الاسبتالية دا كوم تانى ، وقفو لليهو على رجل واحدة ما فاتوهو شبر التقول ما فى زول مرضان غيرو ،
و اها هسى الناس شايلين نذرهم تور كبير بالحيل ماشين على قبة ابونا الشيخ طه ، قالو حالفين يضبحو هناك و سايقين معاهم ود حواء و ود كيجروس لزوم الضبح ، و مدين و ود الطويلية علشان يجهزو الاكل ، اصلو حالفين الليلة ما فى مرة بتسوى اى حاجة الا ياكلن و بس.
يااخونا الصور الشفتوها دى ، صور ناس مرضية و بت النعيم و بت اسلم بس مع بعض المساحيق.

محمد عثمان عبدالقادر السماكي
12-15-2005, 08:38 PM
العوافي يا ناس
وكفر الله سئياتك يالصادق اخوي وزي ما قال ليك امير دي صور ناس بت النعيم
ومرضية مع بعض المساحيق...
ود فريجون اخبارك والله البركة السمعنا صوتك السمح دا واها في السودان اجازتك
لحدي شهر كم ..؟ لانو لو بتقعد لحدي شهر 2 بحصلك هناك ان شاءالله..
وازيك يا امير اها العمدان اللي اتلخبتن في المستشفى ان شاءالله لقيت ناسن
والله الناس ما قصروا تب ..الله اجزيهم الف خير..

غــــزلان
12-15-2005, 09:19 PM
لينا مكان جنمب الشجرة ولا نتخارج :oops:

محمد عثمان عبدالقادر السماكي
12-15-2005, 09:34 PM
لينا مكان جنمب الشجرة ولا نتخارج :oops:

ياسلااااااااااااااام دا كلام...!!!!
غزلان عندنا ...الف مرحب بيك وتعالي اقعدي في البنبر دا وخلينا
نعرفك على الناس الحلوين ديل... كدي اقعدي اول حاجة....

محمد عثمان عبدالقادر السماكي
12-15-2005, 09:48 PM
اها نبدا نعرفك بالناس القاعدين ديل وكل ما اجي زول بنعرفك عليهو
دا الصادق اللخدر عارفا زولا وناس وعندو كل يوم لينا ذكريات من ايام
زمان...والتاني دا شيخنا المعتصم سليمان باقي دا عندو كلام سمح
بالحيل وبالذات لمن تلاقيهم بتناكفوا في العمر مع ود فريجون...
ودا نزار ود فريجون زولا حبوب بالحيل وونستو حلوة وسمحة شديد
اها دا ياسر كرار زولا برضو كلامو سمح وحروفو انيقة وعندهم مساجلات
سمحة مع المعتصم وسهام بي هناك ...ودا خالد عثمان وناااااااااس وعندو
ذكريات سمحة بالحيل ومرات ممكن تلاقيهو عندكم هناك في عكاس الريح
اها دا امير الامين زولا حنين وطيب واخو اخوان وبرضو مرات بتلاقيهو عندكم
في عكاس الريح بي هناك...
اها ديل هسع القاعدين وفي ناس مشوا وبجو راجعين ..كلما اجي واحد
بنعرفك بيهو...

siham
12-15-2005, 10:46 PM
اها نبدا نعرفك بالناس القاعدين ديل وكل ما اجي زول بنعرفك عليهو
دا الصادق اللخدر عارفا زولا وناس وعندو كل يوم لينا ذكريات من ايام
زمان...والتاني دا شيخنا المعتصم سليمان باقي دا عندو كلام سمح
بالحيل وبالذات لمن تلاقيهم بتناكفوا في العمر مع ود فريجون...
ودا نزار ود فريجون زولا حبوب بالحيل وونستو حلوة وسمحة شديد
اها دا ياسر كرار زولا برضو كلامو سمح وحروفو انيقة وعندهم مساجلات
سمحة مع المعتصم وسهام بي هناك ...ودا خالد عثمان وناااااااااس وعندو
ذكريات سمحة بالحيل ومرات ممكن تلاقيهو عندكم هناك في عكاس الريح
اها دا امير الامين زولا حنين وطيب واخو اخوان وبرضو مرات بتلاقيهو عندكم
في عكاس الريح بي هناك...
اها ديل هسع القاعدين وفي ناس مشوا وبجو راجعين ..كلما اجي واحد
بنعرفك بيهو...

ما ح اقدر استوعبك لو ما نزلت السمكه دي من ايدك

بعدين في حاجة مهمة قد تكون فايته عليك

بتسرق منك الاضواء


منور والله حمدالله علي السلامة

نــــــــــــــــــودي
12-16-2005, 07:03 AM
ازيكم..

غــــزلان
12-16-2005, 01:11 PM
اها نبدا نعرفك بالناس القاعدين ديل وكل ما اجي زول بنعرفك عليهو
دا الصادق اللخدر عارفا زولا وناس وعندو كل يوم لينا ذكريات من ايام
زمان...والتاني دا شيخنا المعتصم سليمان باقي دا عندو كلام سمح
بالحيل وبالذات لمن تلاقيهم بتناكفوا في العمر مع ود فريجون...
ودا نزار ود فريجون زولا حبوب بالحيل وونستو حلوة وسمحة شديد
اها دا ياسر كرار زولا برضو كلامو سمح وحروفو انيقة وعندهم مساجلات
سمحة مع المعتصم وسهام بي هناك ...ودا خالد عثمان وناااااااااس وعندو
ذكريات سمحة بالحيل ومرات ممكن تلاقيهو عندكم هناك في عكاس الريح
اها دا امير الامين زولا حنين وطيب واخو اخوان وبرضو مرات بتلاقيهو عندكم
في عكاس الريح بي هناك...
اها ديل هسع القاعدين وفي ناس مشوا وبجو راجعين ..كلما اجي واحد
بنعرفك بيهو...

محمد يا غالي.. تسلم ياذوق ...

الصادق مرحبا وذكريات اكيد ممتعة ...

المعتصم هلا بيك..تعرف الصورة تبعك بتديني طبع اننا على معرفة ... :wink:

نزار يا اسمي المفضل ..اهلا ..

كرار وسهام وخالد عثمان وامير الامين دول ناسي :oops: :oops:


وسعادتي لا توصف وانا معكم في منتدى الرفاعة ...

شكرا لتقبلكم لي ...

محمد عثمان عبدالقادر السماكي
12-16-2005, 01:21 PM
اها الجات دي سهام...باقي سهام دي شاعرة مبدعة واديبة وكلاما
بخليك مشدوهة ومبهورة بيها ..وهسي دايرين نعمل ليها بنبر مخصص
في شجرتنا دي..اظنك عرفتيها ما هي كمان مبدعة بي هناك...

محمد عثمان عبدالقادر السماكي
12-16-2005, 01:35 PM
ازيكم..

اها دي نودي .زولها كلاما سمح ودمها خفيف ووناسة ..بس ليها
فترة كدا مجافينا وما بتجي تقعد معانا..واليومين دي ما عارفا
مالها.. عشان كدا ما حنفكها من جنبنا تب...
نحنا اخوانا ودايرين نشوفا مالا...

عبدالله ابنعوف
12-16-2005, 01:38 PM
أخونا محمد عثمان

ألف حمدلله على سلامتك ، وشرك مقسم علىالدقشم ، الدقشم ديل خليهم أنا ما أحقولم ليك .

بس بالله أبعد من كترة الأكل أنا عارف الجماعة ديل ناس طلاق وحرام ، وحرم تاكل من التور الضبحوه في قبة الشيخ طه ، كل واحد حالف لازم تاكل من يدو

الصورة جميلة جداً لكن رقية بت النعيم جارتنا زعلانة قالت صورتها ما طلعت حلوة وحالفة لازم تتصور معاها مرة تانية

في واحد أخونا جا ماري قبل شوية بي هنا وسلم عليكم وفات ، وبعد ما فات قال في نفسو بالله شوف الاولاد ديل النيمة كانت حقتنا أسى إستولوا عليها ، دا أخونا عمر الإسيد قال ليكم هو ماشي يعيد مع أولادو في الخرطوم وبجيكم بعدا العيد ومعاهو زملاء النيمة القديمين ، قيس بلال وبحر وعوض عطا الخالو السكري ، أها في واحد فيكم بعرف السكري دا منو ؟

Ameer Al Ameen
12-16-2005, 01:51 PM
لينا مكان جنمب الشجرة ولا نتخارج :oops:

أهلا و مرحب غزلان والله الليلة النيمة منورة بيك

و اكان ما شالتك البنابر يشيلك راسنا من فوق

اتفضلى اشربى من قهوتنا و احكى لينا عن بلدنا التانية المغرب

باقى اهلك عزاز عندنا كثير

و مرحب بيك مرة تانية



أمير

Ameer Al Ameen
12-16-2005, 02:38 PM
أخونا محمد عثمان

ألف حمدلله على سلامتك ، وشرك مقسم علىالدقشم ، الدقشم ديل خليهم أنا ما أحقولم ليك .

بس بالله أبعد من كترة الأكل أنا عارف الجماعة ديل ناس طلاق وحرام ، وحرم تاكل من التور الضبحوه في قبة الشيخ طه ، كل واحد حالف لازم تاكل من يدو

الصورة جميلة جداً لكن رقية بت النعيم جارتنا زعلانة قالت صورتها ما طلعت حلوة وحالفة لازم تتصور معاها مرة تانية

في واحد أخونا جا ماري قبل شوية بي هنا وسلم عليكم وفات ، وبعد ما فات قال في نفسو بالله شوف الاولاد ديل النيمة كانت حقتنا أسى إستولوا عليها ، دا أخونا عمر الإسيد قال ليكم هو ماشي يعيد مع أولادو في الخرطوم وبجيكم بعدا العيد ومعاهو زملاء النيمة القديمين ، قيس بلال وبحر وعوض عطا الخالو السكري ، أها في واحد فيكم بعرف السكري دا منو ؟

الليلة يا اخوانا زراتنا البركة ابو هبة معانا هنا ، و الله دا شرف كبير ، اها ادوهو الهباب داك ، خلوهو يرتاح شوية باقى نحن الزول البجينا فى النيمة بنجرجو فى الكلام اكان يقعد معانا ضحوية و لا اتنين و يطلع لينا حاجاتو الحلوة و ذكرياتو مع ناس رفاعة.
قيس طبعا بنعرفو شديد ولدا كان حريف بالحيل فى الكورة و زولا وقور و مالى مركزو ، بحر زميل قراية و اخو اخوان و صديق و صاحب،و ود عطا بنعرفو ، بس السكرى دا منو ؟
وانت مسعول من الخير با ابو هبة بدور اسالك من زول قريبكم و جاركم و كان استاذى فى مدرسة ود الفادنى من زمن بعيد ، استاذنا بشير حمد ! ! ان شاء الله يكون طيب ؟

siham
12-16-2005, 08:18 PM
اها الجات دي سهام...باقي سهام دي شاعرة مبدعة واديبة وكلاما
بخليك مشدوهة ومبهورة بيها ..وهسي دايرين نعمل ليها بنبر مخصص
في شجرتنا دي..اظنك عرفتيها ما هي كمان مبدعة بي هناك...

[ :oops: :oops: :oops:

محمد عثمان عبدالقادر السماكي
12-16-2005, 09:38 PM
أخونا محمد عثمان

ألف حمدلله على سلامتك ، وشرك مقسم علىالدقشم ، الدقشم ديل خليهم أنا ما أحقولم ليك .

بس بالله أبعد من كترة الأكل أنا عارف الجماعة ديل ناس طلاق وحرام ، وحرم تاكل من التور الضبحوه في قبة الشيخ طه ، كل واحد حالف لازم تاكل من يدو

الصورة جميلة جداً لكن رقية بت النعيم جارتنا زعلانة قالت صورتها ما طلعت حلوة وحالفة لازم تتصور معاها مرة تانية

في واحد أخونا جا ماري قبل شوية بي هنا وسلم عليكم وفات ، وبعد ما فات قال في نفسو بالله شوف الاولاد ديل النيمة كانت حقتنا أسى إستولوا عليها ، دا أخونا عمر الإسيد قال ليكم هو ماشي يعيد مع أولادو في الخرطوم وبجيكم بعدا العيد ومعاهو زملاء النيمة القديمين ، قيس بلال وبحر وعوض عطا الخالو السكري ، أها في واحد فيكم بعرف السكري دا منو ؟

اها يا غزلان ده ابوهبة
ده عمدتنا وزولا ما ساهل بالحيل ..بشيل هموم الناس وتلاقيهو
بسال من دا ومن داك.. وبوفق دائما في اراء الناس وهو سيد الحوش عندنا هنا...
كيفنك ياابوهبة ...وبت النعيم دي خلاص بنرضيها ونصور معاها تاني
والجماعة باقي اكلم دا ...ناس مدين ظبتوا تمام شيات وكمونية وام فتفت
ما بتتفات..
طبعا الجماعة ديل ناس قيس وبحر ديل اصحاب ولدنا عاطف بلة عكود فدائما
كان بنلاقيهم مع الشايقية ...

معتصم سليمان بابكر
12-17-2005, 09:03 AM
والله لكن
ماشاء الله وتبارك الله
ملمومين فى الجنه
تحت شجرة التفاح
السماكى
دحين يا اخوى
التفاح ده شجر؟؟؟؟
كان ماك متأكد
حولني لأمير الامين
باقى ليك الزول شجرى
أها يا حبيب بعد الخروج
بالسلامة السماية متين
بسم الله الكرامة متين؟؟
اوع يالسماكي في الكرامة
اشوف لي زعانف حايمة
الكرامة لازم من تور وطالع

Ameer Al Ameen
12-17-2005, 11:11 AM
ازيكم..


سلامات

و لا نقول ...كفارة

و لا نقول الله يجازى الكان السبب !!!!!



أبو أحمد

Ameer Al Ameen
12-17-2005, 11:30 AM
والله لكن
ماشاء الله وتبارك الله
ملمومين فى الجنه
تحت شجرة التفاح
السماكى
دحين يا اخوى
التفاح ده شجر؟؟؟؟
كان ماك متأكد
حولني لأمير الامين
باقى ليك الزول شجرى
أها يا حبيب بعد الخروج
بالسلامة السماية متين
بسم الله الكرامة متين؟؟
اوع يالسماكي في الكرامة
اشوف لي زعانف حايمة
الكرامة لازم من تور وطالع


أهلا بالحبيب الوريف

يا أخوى مالك ؟ ما سمعت بالتور الضبحناهو فى الشيخ طه ؟

عازرنك و الله !!!!

اصلو الجنى يا أخوان مسافر البلد

مشتاق للعيال وبس !!!!

و مسعول من الحير ااخوى

شنو الحكاية انت اشتغلت قصاص درب و لا شنو ؟؟؟؟؟؟؟

:wink: :wink: :wink: :wink:


أبو أحمد

معتصم سليمان بابكر
12-17-2005, 12:46 PM
مشتاق للعيال وبس !!!!

امير
هوووووووووووووووى يا امير

في ذمتك دى هسى انت بتشتاق
للعيال وبس؟؟؟؟
انا النصيحة مشتاق لامهم
قدر شوقى لكل واحد منهم


شنو الحكاية انت اشتغلت قصاص درب و لا شنو ؟؟؟؟؟؟؟

هو قصاص درب ساى يا امير

وحات اسم الله الخير ود جبر الدار

يقول لي يا عمى معتصم

عند اللفة بس:
-------------
شكيت محنك يا امير علي الله

محمد عثمان عبدالقادر السماكي
12-17-2005, 05:53 PM
والله لكن
ماشاء الله وتبارك الله
ملمومين فى الجنه
تحت شجرة التفاح
السماكى
دحين يا اخوى
التفاح ده شجر؟؟؟؟
كان ماك متأكد
حولني لأمير الامين
باقى ليك الزول شجرى
أها يا حبيب بعد الخروج
بالسلامة السماية متين
بسم الله الكرامة متين؟؟
اوع يالسماكي في الكرامة
اشوف لي زعانف حايمة
الكرامة لازم من تور وطالع

يالمعتصم وينك والله فاقدنك مالك ليك كم يوم مافي..؟

والزول البكون ماشي السودان بكون ملخبط كدا..
هسع البت غزلان دي ما شايفها..؟ جات دايرة
تتعرف بي رفاعة ..انا غايتو بعرفا من الخرطوم لحدي
ما اقطعا البنطون واجيبا ليكم هنا ..اها انتوا كملوا
ليها التعريف بالنيمة ورفاعة..

Nazar Hussien Babkir Frie
12-17-2005, 05:54 PM
اولا حبابك ياابوهبة وحباب القادمين الجدد ووسعوا الحلقة المغربة جونا وعاوزينهم اعلمولينا الباقرير والمسن والحرشة لزوم تناول القهوة ام هيل ، وكمان لو جابو معاهم الحريرة الماخمج ، وهم اهل الكرم المشهودين ، وبعدين سومي الشاعرة ذاتها جاتنا بهنا ،والمعتصم كنز الدرر زاتو عندنا ،وعقبال عمر الاسيد بعد الاجازة ، وبعدين اللخدر مالو مختفي اوعي لاقاهو كيمو وشيلوا شنطتتو لزوم القشرة بين الفواصل لانو امير ولدوا قالو مسافر ؟؟
ويالسماكي انا قاعد في السودان الا هو يابيني يعني بالعديل ماشي بنية الاستقرار النهائي في السودان وبتصل عليك وبديك رقم الجوال في السودان قبيل سفري من هنا ، وبجئ رفاعة وبكوسك وحنقعد تحت النيمة الفي نص الحطابة بس ان شاء الله يكون هواها ذي زمان لانو كل الاشياء قد تغيرت في بلادي وبتلقاني فى نادي الشعلة مساءا وبالنهار في اخزخانة المدني مع مالك ولا في الجزارة مع عبد الحميد صديق .وبعدين معاكم تخاونا نمشئ رفاعة وبعدين نقعد نكوس للناس كواسة باقي رفاعة اجمل ما فيها الكسح الكداري من فريق للحلة وبالعكس واعي تقولو اركب المواصلات بتاعت الحلة الجديدة لانو انا في السودان عبد الكاسح يعني بحوم بكريعني ساكت وبلبس السفنجة الزمان قطعها لى الهادي ادم مية مرة ، لانو حلاوة السودان في المشئ الكداري ومشغالة الناس في السوق خاصة ابقش سائق الدايات والفاضل محمد حسين في الموقف او عند حولية الشيخ عبد الله .
وكدا برنامجي واضح ياسماكي في الاجازة واكان زهجت بتلقاني واقف مع السر ابوصلعة ومحمود عكود وكرفاسة جنب سوق الخدار الجديد يعني جنب السينما .
اها انتو الود المعتصم مسافر متين ، ود اللمين يالميير انتو جدة ما تسيبوها تاني ابقوا مارقين لى عندنا في الرياض انشاء الله خميس وجمعة .
ابوفاطمة

غــــزلان
12-17-2005, 06:26 PM
اولا حبابك ياابوهبة وحباب القادمين الجدد ووسعوا الحلقة المغربة جونا وعاوزينهم اعلمولينا الباقرير والمسن والحرشة لزوم تناول القهوة ام هيل ، وكمان لو جابو معاهم الحريرة الماخمج ، وهم اهل الكرم المشهودين ، ....


انت تأمر والله ...لو عايز الرفيسة ذاتها نجيبوها ليك :wink:

Nazar Hussien Babkir Frie
12-18-2005, 09:29 AM
اولا حبابك ياابوهبة وحباب القادمين الجدد ووسعوا الحلقة المغربة جونا وعاوزينهم اعلمولينا الباقرير والمسن والحرشة لزوم تناول القهوة ام هيل ، وكمان لو جابو معاهم الحريرة الماخمج ، وهم اهل الكرم المشهودين ، ....


انت تأمر والله ...لو عايز الرفيسة ذاتها نجيبوها ليك :wink:
تعرفي ياالغزال انت ما عليك امر لقد اعدتني لذكرياتي في مقهي الرادار في مدينة وجدة وهي مقهي تقع في منتصف شارع الخامس بمدينة وجدة بالمغرب الشرقي حيث كنت ارتادها يوميا طيلة فترة ايام دراستي ولا اتخلف عن موعدي فيها لا حين تقرب الامتحانات ، وكنت ارتادها لدرجة ان موقعي صار محفوظا حتي للمغاربة فان حضرت وجلس احدهم في مكاني القصي المحبب صاح فيه العم ابراهيم بصوته المحبب لنفسي هادي البلاصة موش ديالك هادي ديال سي نزار ، وقد كنت ارتادها واعرف انني ساحظي بكل ما ارغب ان كانت معي دراهم وان كنت على البلاطة ، فسرعان ما يحضر عم ابراهيم بكت مارلبورو وكاسة قهوة نص نص وقطعة حرشة او مسمن . هكذا عشت في وجدة وعاشت وجدة وكل المغرب في دواخلى ، ومازلت امني النفس بزيارتها مرة اخري باذن الله لاعيد ايام قضيناها فرحا والما بس كانت ايام بمزاج . ياليت الايام تسمح لنا بزيارة المغرب مرة اخري لاطواف بالوسيو وحملية السعدية بالرباط وفي الرباط ما احلى الجلوس في مقهي باليما ،ثم انتقل المحمدية ومنها الى الدار البيضاء رفة عزيز واعضاء فرقة البراهمة الوجدية للدار البيضاء حيث نلتقي ببعض افراد فرقة نجوم بورقن فقد كونت علاقات ممتازة مع اخوة اعزاء من المغاربة خاصة ناس الفن والرياضة وكنت مشجعا لفرقة المولدية الوجدية ايام علاء الدين التميمي وهو زميل دراسة حيث درس الاداب ودرست الحقوق .
بس ياريت الزمن يرجع شوية لنعيدها سيرة عطرة ضمحت ايامي في مغرب دنيتي .
بالمناسبة يا للا غزلان لدينا طبق اليوم في منتدي حواء ياريت تعلمينا الاطباق المغربية يعني عاوزين اكلة شهية ذي اكلات شميشة بتاعت الدزيم .
ابو فاطمة

محمد عثمان عبدالقادر السماكي
12-18-2005, 11:10 AM
ياجماعة الخير انتو الصادق دا ..وين ان شاءالله خير..؟
الزول كان موااااظب على القعدة دي...؟
ود فريجون والله البت دي امس دوشتنا بي كلام مغربي كتير
بي هنالك ..وانا قلت ليها والله اجيب ليك نزار اترجم لينا
بجيب ليك الكلام دا ترجمو لينا..

(واخا عليك سحابلي واش حشومي ساعا مقزدر )
( علاش واخا علي؟ ما درتا والو وما فيها لاحشومى ولا شيئ حاجة

والله نشريهالك معاهم )
(
انا دايما موجود غير عيطي وتلقيني حداكم

ستة سنين دوزتهم في فاس وتسوليني واش فاهو ولا لاء؟

الا عارضين علي قد نجي اتوحشتا الطاجين والملوي والاتاي انا كنموت في الزرود والدجاج البلدي وماء سيدي حرازم )

اها ديل ترجم لي في سرك...!!!

غــــزلان
12-18-2005, 12:05 PM
اولا حبابك ياابوهبة وحباب القادمين الجدد ووسعوا الحلقة المغربة جونا وعاوزينهم اعلمولينا الباقرير والمسن والحرشة لزوم تناول القهوة ام هيل ، وكمان لو جابو معاهم الحريرة الماخمج ، وهم اهل الكرم المشهودين ، ....


انت تأمر والله ...لو عايز الرفيسة ذاتها نجيبوها ليك :wink:
تعرفي ياالغزال انت ما عليك امر لقد اعدتني لذكرياتي في مقهي الرادار في مدينة وجدة وهي مقهي تقع في منتصف شارع الخامس بمدينة وجدة بالمغرب الشرقي حيث كنت ارتادها يوميا طيلة فترة ايام دراستي ولا اتخلف عن موعدي فيها لا حين تقرب الامتحانات ، وكنت ارتادها لدرجة ان موقعي صار محفوظا حتي للمغاربة فان حضرت وجلس احدهم في مكاني القصي المحبب صاح فيه العم ابراهيم بصوته المحبب لنفسي هادي البلاصة موش ديالك هادي ديال سي نزار ، وقد كنت ارتادها واعرف انني ساحظي بكل ما ارغب ان كانت معي دراهم وان كنت على البلاطة ، فسرعان ما يحضر عم ابراهيم بكت مارلبورو وكاسة قهوة نص نص وقطعة حرشة او مسمن . هكذا عشت في وجدة وعاشت وجدة وكل المغرب في دواخلى ، ومازلت امني النفس بزيارتها مرة اخري باذن الله لاعيد ايام قضيناها فرحا والما بس كانت ايام بمزاج . ياليت الايام تسمح لنا بزيارة المغرب مرة اخري لاطواف بالوسيو وحملية السعدية بالرباط وفي الرباط ما احلى الجلوس في مقهي باليما ،ثم انتقل المحمدية ومنها الى الدار البيضاء رفة عزيز واعضاء فرقة البراهمة الوجدية للدار البيضاء حيث نلتقي ببعض افراد فرقة نجوم بورقن فقد كونت علاقات ممتازة مع اخوة اعزاء من المغاربة خاصة ناس الفن والرياضة وكنت مشجعا لفرقة المولدية الوجدية ايام علاء الدين التميمي وهو زميل دراسة حيث درس الاداب ودرست الحقوق .
بس ياريت الزمن يرجع شوية لنعيدها سيرة عطرة ضمحت ايامي في مغرب دنيتي .
بالمناسبة يا للا غزلان لدينا طبق اليوم في منتدي حواء ياريت تعلمينا الاطباق المغربية يعني عاوزين اكلة شهية ذي اكلات شميشة بتاعت الدزيم .
ابو فاطمة


يسعدني مرورك من المغرب خلال مسيرتك الحياتية ويسعدني شعورك النبيل اتجاه المغرب والمغاربة وما هذا الا لَدليل قوي على امكانية تماسك المجتعات العربية ....وحقيقة مرحبا بكم في بلدكم الثاني المغرب ..الذي يتشرف بضم في يوم من الايام اناس في مثل رقيكم ....
(باليما باقا نفسها باليما ...)..

اما بخصوص الاطباق سأحاول جاهدة ...(غير عنداك تجربها وتقولي خايبة :wink: )

الصادق عبدالله ضرار
12-18-2005, 01:12 PM
سلام اااناس
والله الجرى ومحاولة التجهيز لى سفر الخميس الجاى باذن الله قطعنا منكم....اموركم كيف ..بعدين الكلام المغربى ده ذكرنى بى رطانه زماااان جابوها اولاد الدبور ناس مصطفى كشه ...
نزار انت ترجم لينا النيمه دى كلها قرويين

غــــزلان
12-18-2005, 01:33 PM
ياجماعة الخير انتو الصادق دا ..وين ان شاءالله خير..؟
الزول كان موااااظب على القعدة دي...؟
ود فريجون والله البت دي امس دوشتنا بي كلام مغربي كتير
بي هنالك ..وانا قلت ليها والله اجيب ليك نزار اترجم لينا
بجيب ليك الكلام دا ترجمو لينا..

(واخا عليك سحابلي واش حشومي ساعا مقزدر )
( علاش واخا علي؟ ما درتا والو وما فيها لاحشومى ولا شيئ حاجة

والله نشريهالك معاهم )
(
انا دايما موجود غير عيطي وتلقيني حداكم

ستة سنين دوزتهم في فاس وتسوليني واش فاهو ولا لاء؟

الا عارضين علي قد نجي اتوحشتا الطاجين والملوي والاتاي انا كنموت في الزرود والدجاج البلدي وماء سيدي حرازم )

اها ديل ترجم لي في سرك...!!!

هووووووووووي انت بتتجسس ... :evil:

نزار ما تترجم خليهو الشمار قاتلو :lol: :lol: :lol:

عبدالله ابنعوف
12-18-2005, 01:56 PM
أخوان النيمة

سلام عليكم

والف حمدلله بسلامة أخونا محمد عثمان للمرة الثانية وبعدين شايف السمكة تغيرت ، يا ربي دي يكون نوعا شنو ؟ والقبلها برضو ؟ وشكراً كتير يا أخوي محمد عثمان على المقابلة الظريفة على التقديم الجميل والله كلكم أسياد الحوش وأسياد البلد وأسياد رفاعة ودامت رفاعة لامة ومتلمة والجميع فيها .

أخوي أمير

سألت عن الأستاذ بشير حمد عثمان ، والد أخونا وعضو المنتدى الغايب أمير بشير ، الأستاذ بشير بالرغم من أنو كان مغترب كأستاذ في منطقة الأحساء ردحاً من الزمان ولما إنتهت الإعارة رجع السودان وبعد كم سنة داء الغربة تاورو مرة ثانية والآن هو في جيزان .

أما " السكري " السألت عنو أنا ، الشي الوحيد البعرفوا عنو رحمه الله ، هو خال عوض عطا وإنتظروا لما يجينا أخونا عمر الأسيد من الإجازة عشان يعرفنا بيهو !

بالمناسبة يا جماعة الخير شدر المسكيت ما زال موجود ، طبعاً الشدر الناس أكلو منو كترة أكل ، وفي واحدين بيصنفوا نوع المسكيت !!! ورونا أكلتوا مسكيت ؟

أها فتناكم عافية وأمسكوا قوي في نزال قبل ما يسافر عشان الترجمة لي أختنا غزلان

ودمتم وباقي أعضاء ضل النيمة

محمد عثمان عبدالقادر السماكي
12-18-2005, 10:33 PM
ياجماعة مسؤلين من الخير....؟ في جماعة كدا مختفين
من النيمة ياسر كرار وخالد عثمان وفيصل يوسف وصبري
طه وملاذ حسين في زول زعلم ولا حاجة ...؟
شايفم بجوا اتاوقوا كدا وامشوا ...ان شاءالله خير...
والمسينيح نزار ود الكرور جاء مرة واحدة وتاني ما عاودا
مالو...؟

Ameer Al Ameen
12-19-2005, 09:17 AM
ياجماعة مسؤلين من الخير....؟ في جماعة كدا مختفين
من النيمة ياسر كرار وخالد عثمان وفيصل يوسف وصبري
طه وملاذ حسين في زول زعلم ولا حاجة ...؟
شايفم بجوا اتاوقوا كدا وامشوا ...ان شاءالله خير...
والمسينيح نزار ود الكرور جاء مرة واحدة وتاني ما عاودا
مالو...؟

فى الشىء السمعناهو الجماعة ديل مشركين للطير فى المطامير ( المطامير دى يا صبرى حفرة كبيرة كانو اهلنا زمان بخزنو فيها العيش، و العيش دى مش الرغيف ، دى الذرة) و للناس الما بتذكرو الموقع الاثرى دا بعد ما احتلته قوافل المبانى الحديثة ، نقول ليهم كان بيحد جنوبا بحى البلهة بتاعة ناس فيفيد و غربا بطريق تمبول و سيدى الحسن وشرقا بالمدرسة الشعبية الكان بدرس فيها ود ابو الهول( بالمناسبة الزول دا مالو مقاطعنا؟).




ابو أحمد

Ameer Al Ameen
12-19-2005, 09:26 AM
اولا حبابك ياابوهبة وحباب القادمين الجدد ووسعوا الحلقة المغربة جونا وعاوزينهم اعلمولينا الباقرير والمسن والحرشة لزوم تناول القهوة ام هيل ، وكمان لو جابو معاهم الحريرة الماخمج ، وهم اهل الكرم المشهودين ، وبعدين سومي الشاعرة ذاتها جاتنا بهنا ،والمعتصم كنز الدرر زاتو عندنا ،وعقبال عمر الاسيد بعد الاجازة ، وبعدين اللخدر مالو مختفي اوعي لاقاهو كيمو وشيلوا شنطتتو لزوم القشرة بين الفواصل لانو امير ولدوا قالو مسافر ؟؟
ويالسماكي انا قاعد في السودان الا هو يابيني يعني بالعديل ماشي بنية الاستقرار النهائي في السودان وبتصل عليك وبديك رقم الجوال في السودان قبيل سفري من هنا ، وبجئ رفاعة وبكوسك وحنقعد تحت النيمة الفي نص الحطابة بس ان شاء الله يكون هواها ذي زمان لانو كل الاشياء قد تغيرت في بلادي وبتلقاني فى نادي الشعلة مساءا وبالنهار في اخزخانة المدني مع مالك ولا في الجزارة مع عبد الحميد صديق .وبعدين معاكم تخاونا نمشئ رفاعة وبعدين نقعد نكوس للناس كواسة باقي رفاعة اجمل ما فيها الكسح الكداري من فريق للحلة وبالعكس واعي تقولو اركب المواصلات بتاعت الحلة الجديدة لانو انا في السودان عبد الكاسح يعني بحوم بكريعني ساكت وبلبس السفنجة الزمان قطعها لى الهادي ادم مية مرة ، لانو حلاوة السودان في المشئ الكداري ومشغالة الناس في السوق خاصة ابقش سائق الدايات والفاضل محمد حسين في الموقف او عند حولية الشيخ عبد الله .
وكدا برنامجي واضح ياسماكي في الاجازة واكان زهجت بتلقاني واقف مع السر ابوصلعة ومحمود عكود وكرفاسة جنب سوق الخدار الجديد يعني جنب السينما .
اها انتو الود المعتصم مسافر متين ، ود اللمين يالميير انتو جدة ما تسيبوها تاني ابقوا مارقين لى عندنا في الرياض انشاء الله خميس وجمعة .
ابوفاطمة


أخوى نزار

انت عارف راسى مشطوب اليومين ديل و عاجبانى لمتكم فى رفاعة اها بضرب اخماسى فى اسداسى اكان الق فرقة احضر العيد معاكم هناك فى رفاعة ان شاء الله ، بس قول يا رب تتهون !!!!!!!!!!!!!!

فيصل يوسف حامد
12-19-2005, 01:25 PM
ياجماعة مسؤلين من الخير....؟ في جماعة كدا مختفين
من النيمة ياسر كرار وخالد عثمان وفيصل يوسف وصبري
طه وملاذ حسين في زول زعلم ولا حاجة ...؟
شايفم بجوا اتاوقوا كدا وامشوا ...ان شاءالله خير...
والمسينيح نزار ود الكرور جاء مرة واحدة وتاني ما عاودا
مالو...؟

[align=justify:142c25dc48]الاخ الكريم سماكي...تحياتي،،،

لك خالص الشكر على السؤال والاهتمام ... وإنشاء الله ما تشوف شر تاني ... وحمد الله على السلامه ... وأنت الرائع الذي تتفقد الاخوان وتسأل عن غيابهم...فلك التقدير...
بس اليومين ديل أنا بدخل النت بعجله وبضيق وقت ...فهذا وقت إغفال السنه ...وكما تعلم المسألة فيها دعك شديد ...شئ جرد وشئ فواتير وشئ حسابات...والله يكون في العون...لكن برضو بحاول أتواصل على قدر ما أستطيع...
وبعدين غايتو أنا ما زعلان ولا حاجه ...لكن الاخوان الفوق ديل ما عارفم كدي أفقدم مالم ...بس أنا كنت زعلان من الكبري دا...لكن اليومين ديل زعل إتفشى فشه...وشايف ليك الصينين أقدلوا بالشورتات والفنائل الكت... وشايلين المناظير...وبياخدوا في المقاسات للكبري ولشارع الكبري...والبنطون الكنت بحدر ليهو كل ما أجي ماشي ... بقيت أعاين ليه وأضحك :D :D :D :D :D :D ....[/align:142c25dc48]

Nazar Hussien Babkir Frie
12-19-2005, 06:52 PM
كيف حالكم كلم انشاء الله عافية وبعدين يالسماكي خصط تتعلم الهدرا شوية واكان ما تعلمتها من للا غزال واطتك اصبحت لانو دا حيبقي الردونك حقنا انا وللا غزال لوحدنا .
ويا للا غزال ما تخافيش تري الدراري ما يقشعوش ولاو ، وانا وانتا بس العقالين الهدرا وما قاديش نترجم حتي شئ حاجة .بس تري الهدرا مازالت هي هي ولا تغيرت بزاف باقى العولمة غيرت كل الاشياء ، واش كاين الشتاء ولا ولالو ، ومادم باليما باقيا هي باليما معناه ان المغرب بخير وانتما بخير . ومادام دوزتي ستة سنوات بفاس بالله ان زرتي المدينة القديمة بفاس سلمي على سيدي احمد التيجاني وشربلى شربة ماء من سيدي حرازم وعنداك من اكل الزرود لوحدك باقي قد تبقي طبوزة بزاف وهاكا موش مزيان اللا غزال عقلتو ولا ولالو يالسماكي واللخدر .
ابوفاطمة

محمد عثمان عبدالقادر السماكي
12-19-2005, 10:30 PM
ود فريجون والله كدا خليتونا مسطحين عديل كدا....
عارف الليلة في عكس الريح الجماعة قلبوا الكلام
مغربي وحيرونا انا وصاحبي ساردية فقلت ليهم
حامشي اجيب ليكم ود فريجون من رفاعة....
امير اللمين المطامير دي والله فيها جنس طير
ويا حلات الشريك فيها..بس كان لقيت الجماعة ديل
اديهم لكزة....
ويافيصل سرتنا طلتك وان شاءالله تفضى لينا وتتحكر
معانا بعد ما تفضى شوية...
والصادق دا تجهيز السفر شكلوا شاغلوا شديد
طلاتو بقت سريعة...
ويا معتصم والله (عند اللفة بتاعت معتصم سليمان) العبارة
دي اليومين دي مقتبسا منك بي غادي دائما..في عكس الريح

Ameer Al Ameen
12-20-2005, 03:42 PM
ود فريجون والله كدا خليتونا مسطحين عديل كدا....
عارف الليلة في عكس الريح الجماعة قلبوا الكلام
مغربي وحيرونا انا وصاحبي ساردية فقلت ليهم
حامشي اجيب ليكم ود فريجون من رفاعة....
امير اللمين المطامير دي والله فيها جنس طير
ويا حلات الشريك فيها..بس كان لقيت الجماعة ديل
اديهم لكزة....
ويافيصل سرتنا طلتك وان شاءالله تفضى لينا وتتحكر
معانا بعد ما تفضى شوية...
والصادق دا تجهيز السفر شكلوا شاغلوا شديد
طلاتو بقت سريعة...
ويا معتصم والله (عند اللفة بتاعت معتصم سليمان) العبارة
دي اليومين دي مقتبسا منك بي غادي دائما..في عكس الريح


بمناسبة المطامير ، زمان ونحنا صغار كانت فى بير مقفولة قريب من المطامير و معمول عليها ماسورة طويلة و فيها فتحة عند راس الماسورة و كنا بنرمى الحجار فيها عشان نسمع صوت صدى الحجر لما يصل لى نهاية البير ، المهم فى المسالة كانو بقولو لينا ان البير لما حفروها طلع فيها طعم جاز ،
اها غايتو اكان نزلت الاجازة بروح اشترى الحتة دى ، امكن ربنا يفتح علينا و تطلع بير بترول عديل ، بس بدور لى شريك تكون عندو علاقة بعوض الجاز و لا واحد من الجماعة اياهم عشان يدفعوا لينا مقدم قبل ما يعرفو البير فيها شنو
دا ما كان فى واحد منكم سبقنى !!!!!!!!!!!!!!!!!!

فيصل يوسف حامد
12-20-2005, 06:25 PM
الاخوان بالمؤتمر تحت النيمه...

يا سماكي ويا ود الامين ويا ود فريجون ويا الصادق ..ويا البقيه...

ها ناااااس...إنتو تعالو هنا النسعلكم...أخونا معتصم دا خليتو سافر سااااكت كدي ...سكتي كدا...لا ربه ولا حفله ولا تورته ...ول أنا ما حضرت ...باقي غائب لي كم يوم من الشجرة...وفي حاجات كتيرة شائفه إتغيرت في ناس جداد ..وسماكي غير سمكاتو ..وبقت سمكه مكربه ...
بشوفك يا ود الامين شغال بالمطامير دي ...في شنو...الحاجه العارفه طعم الجاز دا كان من ترلة أخونا ...اصلو حمارو إتعتر وإندفق ...هسع كان مشيت لا بتلقى جاز ولا بتلقى حفره...شوف ليك جهة تاني أمشي عليها...

أخوكم فيصل يوسف

Nazar Hussien Babkir Frie
12-20-2005, 06:39 PM
تعرف ياسماكي رايك شنو في رحلة للمغرب انا وانت بس عليك انت التكاليف وانا على الترجمة وبكون ليك دليل سياحي وبوريك العمرك ما شفتو ودي دعوة للكل لزيارة المغرب وانا متبرع بالترجمة على الشريط .بس بعدين بعدما اصل المغرب اكان زغت ما تلومني بعد انتهاء فترة الرحلة وما تخاف بوصلك للمطار وبصد راجع .
وبعدين ياسماكي رجعتنا تاني للمغرب وزمان حبوبتي عليها رحمة سالتني بتقرا وين قلتها في فاس فاجابتني فاس الماوراها ناس قلتليها اي قالتي الوداك هناك شنووطبعافاس من اشهر المدن المغربية المعروفة في السودان اذ يرتادها مشايخ التيجانيةسنويا ، اها يالسماكي ان عزمت فارسل لى دعوة خاصة وبوديك ازرو و امزار والاطلس الصغير والكبير وسيدي يحي وسيدي حرزام حيث المياه المعدنية ومنها لسيدي قاسم وطنجة واغادير وكان فكرت تدخل اسبانيا بنوديك سبتة ومليلة ومنها بالسنبك لجبل طارق اها رايك شنو ، استشر وقرر وانا في الانتظار ، بالمناسبة السكن على .
امييير اللمين الحالم ببئر بترول انا الليلة حلمت بالاتنين مليوووون بس ما حددتها ريال ولا دولار وقلت بتكفل بتشييد كبري على نفقتي الخاصة اكون جنيت وانت لحقتني ولا ده الخرف ذاتو .
اللخدر السوق قطع قلبك ارجع النيمة اخد ليك حبة جمة نفس والله ما بتلحق حدو ؟؟
بالمناسبة المترجمين في المغرب محلفين ، يعني الترجمة بي حقها ورسلو حق الترجمة بالتبادي بعداك بنقسمو انا وللا وغزالان وبنترجم ليكم كل الكلمات .
وخا
ابوفاطمة

صبري طه
12-21-2005, 07:28 AM
سلاااااام جاكم يا ناس النيمة وأنا ماري كدة ماشي علي ميدان الهلال لقيت الناس بسألوا مني تحت النيمة ...

بصراااحة كدة أنا الشردني منكم لأنو ما عندكم مترجم بلدي خاااالص كدة إترجم لينا المصطلحات الغريبة زي الدخولية والتوسعة والمطامير ...

والمطامير دي شكلها كدة زي المقاولون العرب وكدي خلو دة كلو جابت ليها لهجة مغربية أها دة صداع بالجنبة الشمال ...

يا سمااااكينا وين الحاجات الحلوة الأخوات نـــودي ورزاز والبقية ....

تشرِّك لي بيهن وتفكني عكس الهوى معليش أنا نسيت إنك صياد وماهر كمان !!!

نــــــودي يا اختي نحن بتاعين وجائع سااااكت كدة وإنتِ لسة ما شفتِ حاجة !!!!!

صبري طه
12-21-2005, 08:35 AM
أخونا نزار فريجون والله بصراااحة كدة رحلة المغرب دي خمّرت لي في راسي كدي بدق ليك تلفون وأعرف التفاصيل إمكن أمشي معاك لكن علي شرط التكلفة عليييك والترجمة عليّ أنا بالفرنساوي وإنشاء الله نتفق ....

صبري طه
12-21-2005, 08:47 AM
يا أخوان واحد فيكم إتبرع وإنزل لينا أرقام ناس النيمة كلهم .... ممكن، غايتو أنا رقمي كالتالي:

00966508361035

Nazar Hussien Babkir Frie
12-21-2005, 11:21 AM
تعرف ياصبري الى مشيت معايا المغرب قادي نبعيك في الجوطية ودي كلمة تستعمل بديلا عن التوسعة السودانية، هادي الا ما لقيت الكابويات السودانيين المقيمين هنالك منذ عشرات السنين واثبات اقامتهم قسيمة زواج احدهم بفتاة مغربية ، وهادول الى جبرتهم قادي يوريك المحن وما قاديش تشوف السعودية تاني ، واذا وديتك اكتامة قادي تسوطي وتضرب لخمة والرجعة بتقي صعبة وبعدين قادي تقول للداراي سي نزار ضيعني وداز من هنيا ولا ولاش .
وبالنسبة للفرنسية كل شئ كائن ، يعني ترجمتك دي ما بحتاج ليها لانني قد نستعمل الهدرا وبس وكنترجم ليك كل شئ بس انت اتكفل بمصاريف السفرية .
وانا منتظر اتصالك والرحلة قادي تكون في فصل الربيع حتي تستمتع بجمال ازهاروورود المغرب ولا ايش رايك يا للا غزلان .
اللخدر صلاح الجنير ود فريقنا بيسال عليك وقال ليك سلم على ود البهجة الطيب باقي الزول مطول منو شديد ، واكان ما عرفتو بلاقيك بيهو في رفاعة جنب دكان ود قيامة الغسال .
ابوفاطمة

Ameer Al Ameen
12-21-2005, 11:51 AM
يا أخوان واحد فيكم إتبرع وإنزل لينا أرقام ناس النيمة كلهم .... ممكن، غايتو أنا رقمي كالتالي:

00966508361035

0504659680

Ameer Al Ameen


أبو أجمد

صبري طه
12-21-2005, 11:53 AM
أخووونا نزار فريجون .........

يااااخي صدعت بينا عديييييل كدة كلامك دة أرحم منو الرندوق بتاع الفلاتة ....

أسمع أكان مشيت المغرب وعايز إقامة بِدُّوني معاها مرة (زوجة).....

Ameer Al Ameen
12-21-2005, 12:11 PM
أخووونا نزار فريجون .........

يااااخي صدعت بينا عديييييل كدة كلامك دة أرحم منو الرندوق بتاع الفلاتة ....

أسمع أكان مشيت المغرب وعايز إقامة بِدُّوني معاها مرة (زوجة).....

يا ود فريجون

الود دا زمان قال ناوى يغطى قدحو ( صبرى الترجمة على الموبايل)

تقوم تجيب ليهو سيرة البحر

انت بتاع فتن و لا شنو !!!!!!!!!!!!!!


أبو أحمد

محمد عثمان عبدالقادر السماكي
12-21-2005, 01:56 PM
ود فريجون الايام دي داخل في كورس مكثف لتعلم
الهدرا في الاكاديمية فرع المرفودين..وحا ننافسكم
في الهدرا..
وهسع يا فيصل خليتنا غيرنا راينا انا قلتا البد بموضوع
ود اللمين بتاع مطمورة الجاز دا ..وامشي اشتري الحتة
بتاعتا دي..اها لمن طلعت ريحة الجاز دي اتدفقت من الترلة
ما دايرناها تب..!!!
ويا ود فريجون اختنا غزلان بعد سمعت كلامك دا ..اتهورت
وقالت عازما ناس النيمة كلهم على رحلة للمغرب فجيب
ناسك وتعال...
ويا صبري مترجمنا البلدي ما هو ..المعتصم بس قال ماشي
رفاعة ياخد ليهو كورس تقوية واجيك جاهز ..!موية ونور
ويا صبري نودي دي اليومين ديل متوكة شوية ..نظام
شواكيش يعني ..!!!!!فابعد منها شوية....

ويا ود اللمين حكاية البحر دي شنو...!!!؟؟ صاحبك
عمل ليها بوست براها..!!!!!!!!!!!!!!!!!

صبري طه
12-21-2005, 01:57 PM
سيرة البحر ويا حليل أيام زمان سيرة البحر الما ضاقا ما ما إجينا في النيمة سيرة البحر آآآآآآآآآي دة الشغل ...

تمت الترجمة من قبل الأخ/ أمير الأمين تلفونياً.

صبري طه
12-21-2005, 02:19 PM
ويا صبري مترجمنا البلدي ما هو ..المعتصم بس قال ماشي
رفاعة ياخد ليهو كورس تقوية واجيك جاهز ..!موية ونور
ويا صبري نودي دي اليومين ديل متوكة شوية ..نظام
شواكيش يعني ..!!!!!فابعد منها شوية....

ويا ود اللمين حكاية البحر دي شنو...!!!؟؟ صاحبك
عمل ليها بوست براها..!!!!!!!!!!!!!!!!!

سماكينا ... أها شفت سيرة سيرة البحر لفة راسي وخلتني بدل أنزل الرد هنا قمت نزلتو في بوست كاااامل أسي إقولو علي شنو الولد دة سكران ولا شنو ولكن سيرتها حلوة وإنشاء الله كلنا سايريييين وبالنسبة لنـــــودي قول ليها إنت برضو سايرة ولا شنو الحكاية .. عادي زي الزبادي كلنا في الهوى سوى ...

الله إجازيك يا أمير دوشتنا ...وتاني تلفون مااافي...

غــــزلان
12-21-2005, 02:37 PM
جييييييييييت ...

سلام شباب ..

لاباس عليكم ...

نزار ماتترجم ..اها انا بوصيك من هسي .. :wink:

صبري طه
12-21-2005, 02:40 PM
ويا صبري مترجمنا البلدي ما هو ..المعتصم بس قال ماشي
رفاعة ياخد ليهو كورس تقوية واجيك جاهز ..!موية ونور


إنت عارف يا معتصم سليمان طبعاً الأخوان الصادق ضرار ونزار فريجون برضو ماشين السودان أها تقوموا تتصوروا صور تذكارية تحت النيمة وتعملوا لينا تسجيل بتاع فيديو تحتها وتنزلوهن لينا هنا في نيمتنا ضروري ضروري...

صبري طه
12-21-2005, 02:44 PM
جييييييييييت ...

سلام شباب ..

لاباس عليكم ...

نزار ماتترجم ..اها انا بوصيك من هسي ..


يا غـزلان كلامك دة واضح ومفهوم لكن أنا عقدة وخوفة ساااكت كدة ما فهمت منو حاجة يا نزار ما تورينا الزولة دي قالت شنو؟؟؟؟

صبري طه
12-21-2005, 02:50 PM
ياجماعة مسؤلين من الخير....؟ في جماعة كدا مختفين
من النيمة ياسر كرار وخالد عثمان وفيصل يوسف وصبري
طه وملاذ حسين في زول زعلم ولا حاجة ...؟
شايفم بجوا اتاوقوا كدا وامشوا ...ان شاءالله خير...
والمسينيح نزار ود الكرور جاء مرة واحدة وتاني ما عاودا
مالو...؟


يا سماكي أها النيمة دي أنا تاني حأتلحها ليكم أنا جني وجن زوول إلومني وغايتو ما حأخلي ليكم فيها حنبكايا وبالله عليك شوف الباقين ديل وديييييك مالم؟؟؟؟

صبري طه
12-21-2005, 02:54 PM
يا سماكي أها النيمة دي أنا تاني حأتلحها ليكم أنا جني وجن زوول إلومني وغايتو ما حأخلي ليكم فيها حنبكايا وبالله عليك شوف الباقين ديل وديييييك مالم؟؟؟؟


كدا هسي شوفوا الشاشة مليتها ليكم بي قلبي وكمبيوتري الشاشتو خضراء زي النيمة وطبعاً الكمبيوتر مبسوووط بالحنبك اللذيذ...

محمد عثمان عبدالقادر السماكي
12-21-2005, 02:58 PM
جييييييييييت ...

سلام شباب ..

لاباس عليكم ...

نزار ماتترجم ..اها انا بوصيك من هسي .. :wink:

يا غزلان الجماعة على حس عزومتك ...!!امير جرى اشتري في البدل والقمصان
وود فريجون دا عاااارف هو بجهز في شنو...بس صبري دا شايفو بكوي في
الجلابيب والعمم ..وهو عندو حكاية مع العمم دي..... :lol:

غــــزلان
12-21-2005, 03:04 PM
جييييييييييت ...

سلام شباب ..

لاباس عليكم ...

نزار ماتترجم ..اها انا بوصيك من هسي ..


يا غـزلان كلامك دة واضح ومفهوم لكن أنا عقدة وخوفة ساااكت كدة ما فهمت منو حاجة يا نزار ما تورينا الزولة دي قالت شنو؟؟؟؟


انا لحد هسه ما قلت شي لسه ... :lol:

تحياتي يا صبري ..

Ameer Al Ameen
12-21-2005, 05:46 PM
ويا صبري مترجمنا البلدي ما هو ..المعتصم بس قال ماشي
رفاعة ياخد ليهو كورس تقوية واجيك جاهز ..!موية ونور
ويا صبري نودي دي اليومين ديل متوكة شوية ..نظام
شواكيش يعني ..!!!!!فابعد منها شوية....

ويا ود اللمين حكاية البحر دي شنو...!!!؟؟ صاحبك
عمل ليها بوست براها..!!!!!!!!!!!!!!!!!

سماكينا ... أها شفت سيرة سيرة البحر لفة راسي وخلتني بدل أنزل الرد هنا قمت نزلتو في بوست كاااامل أسي إقولو علي شنو الولد دة سكران ولا شنو ولكن سيرتها حلوة وإنشاء الله كلنا سايريييين وبالنسبة لنـــــودي قول ليها إنت برضو سايرة ولا شنو الحكاية .. عادي زي الزبادي كلنا في الهوى سوى ...

الله إجازيك يا أمير دوشتنا ...وتاني تلفون مااافي...

لسه فى حاجات تانية ذى... موية الغسيل ...و كسير تلج ...... كهربجى ...و الباقى على الخاص

صبرى

سعدت كثيرا باتصالك

شكرا لك

yassir karar
12-21-2005, 06:32 PM
salam ahali al hunan
iam fine and i will come soon
arogdo afia

Ameer Al Ameen
12-21-2005, 08:38 PM
جييييييييييت ...

سلام شباب ..

لاباس عليكم ...

نزار ماتترجم ..اها انا بوصيك من هسي .. :wink:


أهلين

توشك ......

أدخلى

لا جوه....


السماكى أوع من الترجمة ( واحدة بواحدة) :lol: :lol: :lol:

محمد عثمان عبدالقادر السماكي
12-22-2005, 10:59 AM
يا أخوان واحد فيكم إتبرع وإنزل لينا أرقام ناس النيمة كلهم .... ممكن، غايتو أنا رقمي كالتالي:

00966508361035

0504659680

Ameer Al Ameen


أبو أجمد


السماكي (محمد عثمان عبدالقادر نصر)
0504328826
0509581991

Ameer Al Ameen
12-22-2005, 11:29 AM
جييييييييييت ...

سلام شباب ..

لاباس عليكم ...

نزار ماتترجم ..اها انا بوصيك من هسي .. :wink:

يا غزلان الجماعة على حس عزومتك ...!!امير جرى اشتري في البدل والقمصان
وود فريجون دا عاااارف هو بجهز في شنو...بس صبري دا شايفو بكوي في
الجلابيب والعمم ..وهو عندو حكاية مع العمم دي..... :lol:

البدل و القمصان

لزوم فرع الاكاديمية المفروض ينفتح هنا

متين ح تفتحو باب التسجيل ؟؟؟ :D :D :D

Nazar Hussien Babkir Frie
12-22-2005, 06:35 PM
يالسماكي يا اخوي الكورسات ما بتنفع في الهدرا اكان داير تتعلمها صاح تمشي المغرب زيارة وهنالك سوف تكتشف انو الهدرا ليست صعبة ،
صبري اري شئ قارو بالديتاي ؟ودوز للحانوت باقي انيا نبغي كاسكورت ديال الحوت وشوية ديال المطيشة ديال الحق واشرلي معاك سبرديلة باقي الشتاءبزاف وكل شئ بالصوالدة باقي الطلق اليوم ممنوع غدا مرحبا ؟؟؟
للا غزلان غير دوزي نيشن ،ما كاينش باس كل شئ بخير فالدنيا هانية والسماء صافية وربي هو الله (ترجمة نص امييير ).
اللخدر باين عليك سافرت بس ما تنسي مواعدينا في رفاعة ولابد من تصوير شجرة النيم الفي الحطابة ، وعاوزين حفلة هنالك بثنائي العشر ان كانوا ما زالوموجدين وبجيب فرقة البطري بقيادة مبارك ود الكال .
ابوفاطمة

غــــزلان
12-23-2005, 11:50 PM
جييييييييييت ...

سلام شباب ..

لاباس عليكم ...

نزار ماتترجم ..اها انا بوصيك من هسي .. :wink:

يا غزلان الجماعة على حس عزومتك ...!!امير جرى اشتري في البدل والقمصان
وود فريجون دا عاااارف هو بجهز في شنو...بس صبري دا شايفو بكوي في
الجلابيب والعمم ..وهو عندو حكاية مع العمم دي..... :lol:

البدل و القمصان

لزوم فرع الاكاديمية المفروض ينفتح هنا

متين ح تفتحو باب التسجيل ؟؟؟ :D :D :D




اقتراحك جميل بس هنا ما في اصدقاء الثوء :lol:

الا اذا كان صاحب الثمكات :lol:

كي داير لاباس عليك ..ان شاء الله تكون بخير

غــــزلان
12-24-2005, 12:04 AM
كيف حالكم كلم انشاء الله عافية وبعدين يالسماكي خصط تتعلم الهدرا شوية واكان ما تعلمتها من للا غزال واطتك اصبحت لانو دا حيبقي الردونك حقنا انا وللا غزال لوحدنا .
ويا للا غزال ما تخافيش تري الدراري ما يقشعوش ولاو ، وانا وانتا بس العقالين الهدرا وما قاديش نترجم حتي شئ حاجة .بس تري الهدرا مازالت هي هي ولا تغيرت بزاف باقى العولمة غيرت كل الاشياء ، واش كاين الشتاء ولا ولالو ، ومادم باليما باقيا هي باليما معناه ان المغرب بخير وانتما بخير . ومادام دوزتي ستة سنوات بفاس بالله ان زرتي المدينة القديمة بفاس سلمي على سيدي احمد التيجاني وشربلى شربة ماء من سيدي حرازم وعنداك من اكل الزرود لوحدك باقي قد تبقي طبوزة بزاف وهاكا موش مزيان اللا غزال عقلتو ولا ولالو يالسماكي واللخدر .
ابوفاطمة

نزار معلش الرد ده ما رديتش لو البال قبل ..

الشتا كاينة موجودة ، المغرب غادي غير اللور اللور ... :( باليما باقي الاسم هو هو لكن زيانت في الحقيقة زادو كبروها ..
سيدي حرازم ومولاي يعقوب موش :lol: انا قريت في مكناس ..ودابا ساكنين في الرباط ...
عقلتيعلى الهضرا شوهتيها :lol: يلاه عاود راجع الدروس ..

لك كل الود

صبري طه
12-24-2005, 08:22 AM
صبري اري شئ قارو بالديتاي ؟ودوز للحانوت باقي انيا نبغي كاسكورت ديال الحوت وشوية ديال المطيشة ديال الحق واشرلي معاك سبرديلة باقي الشتاءبزاف وكل شئ بالصوالدة باقي الطلق اليوم ممنوع غدا مرحبا ؟؟؟
للا غزلان غير دوزي نيشن ،ما كاينش باس كل شئ بخير فالدنيا هانية والسماء صافية وربي هو الله (ترجمة نص امييير ).

http://www.moveed.com/data/thumbnails/31/sweveling_skeletone.gif

أها شفت راسي لافي وضارب كيف !!!!

صبري طه
12-24-2005, 10:50 AM
نزار معلش الرد ده ما رديتش لو البال قبل ..

الشتا كاينة موجودة ، المغرب غادي غير اللور اللور ... باليما باقي الاسم هو هو لكن زيانت في الحقيقة زادو كبروها ..
سيدي حرازم ومولاي يعقوب موش انا قريت في مكناس ..ودابا ساكنين في الرباط ...
عقلتيعلى الهضرا شوهتيها يلاه عاود راجع الدروس ..

الأخت غــزلان... دي قراية بتاعة غزل غايتو أنا فهمتها طايرة ... (راجع الدروس) دي معناها إذكر الايام الحلوة (أنا قريت في مكناس) دي معناها أنا قريت ليك في مكناس (ودابا ساكنين في الرباط) دي معناها ارتباطنا ساكن في جوانا (سيدي حرازم ومولاي يعقوب موش) دي معناها جاياك جاياك يا أبشرا (الشتا كانية موجودة) دي معناها المودة لسة موجودة (المغرب غادي غير اللور اللور) دي معناها المغرب بدونك بقت ملح ملح (زيانت في الحقيقة زادو كبروها) دي معناها كل يوم بتكبر في جواي

غــــزلان
12-24-2005, 01:00 PM
نزار معلش الرد ده ما رديتش لو البال قبل ..

الشتا كاينة موجودة ، المغرب غادي غير اللور اللور ... باليما باقي الاسم هو هو لكن زيانت في الحقيقة زادو كبروها ..
سيدي حرازم ومولاي يعقوب موش انا قريت في مكناس ..ودابا ساكنين في الرباط ...
عقلتيعلى الهضرا شوهتيها يلاه عاود راجع الدروس ..

الأخت غــزلان... دي قراية بتاعة غزل غايتو أنا فهمتها طايرة ... (راجع الدروس) دي معناها إذكر الايام الحلوة (أنا قريت في مكناس) دي معناها أنا قريت ليك في مكناس (ودابا ساكنين في الرباط) دي معناها ارتباطنا ساكن في جوانا (سيدي حرازم ومولاي يعقوب موش) دي معناها جاياك جاياك يا أبشرا (الشتا كانية موجودة) دي معناها المودة لسة موجودة (المغرب غادي غير اللور اللور) دي معناها المغرب بدونك بقت ملح ملح (زيانت في الحقيقة زادو كبروها) دي معناها كل يوم بتكبر في جواي

:oops: :oops: :oops:

متأكد من الترجمة ؟ :roll:

على كده انا لازم اخذ راحتي في الكلام واتـاكد انكم ما فاهمين :lol: :lol:

تحياتي يا طه...وشكرا على المجهوذ ..بس سريع عشان نتمم بخير :lol: :lol:

صبري طه
12-24-2005, 01:10 PM
متأكد من الترجمة ؟

على كده انا لازم اخذ راحتي في الكلام واتـاكد انكم ما فاهمين



بالمناسبة معانا مغاااربة شغااالين معانا في الشركة يعني ممكن أستعين بيهم... عشان ما تاخدي راحتك في الكلام

غــــزلان
12-24-2005, 01:20 PM
متأكد من الترجمة ؟

على كده انا لازم اخذ راحتي في الكلام واتـاكد انكم ما فاهمين



بالمناسبة معانا مغاااربة شغااالين معانا في الشركة يعني ممكن أستعين بيهم... عشان ما تاخدي راحتك في الكلام

خلاث يا نزار ابق حاسب مرة ثانية معانا اجانب :lol:


كل الود ..

صبري طه
12-24-2005, 01:26 PM
خلاث يا نزار ابق حاسب مرة ثانية معانا اجانب

أحاسيسنا دي حتسووا ليها شنو بالمناسبة ؟؟؟؟؟؟

صبري طه
12-24-2005, 01:32 PM
يا ناس النيمة ... معليش شغلنا بقى أشبه بالدردشة أهو الواحد بلقى معاهو واحد في الشجرة وفي نفس التوقيت والمشاركات بتكون ون تو ... عذراً مرةً أخرى

محمد عثمان عبدالقادر السماكي
12-24-2005, 03:30 PM
يا ناس النيمة ... معليش شغلنا بقى أشبه بالدردشة أهو الواحد بلقى معاهو واحد في الشجرة وفي نفس التوقيت والمشاركات بتكون ون تو ... عذراً مرةً أخرى

يا زول ..ما...لك ..؟السألك منو..؟ ما قاعدين براكم ..!!!يعني ما تتكلموا ولاشنو..؟
لكن ما تقول لي يا ولد انفرادة صاااااااااح..!!!!! اها جيناكم ...وسع لينا شوية... :lol:

وداللمين فكيت لينا قصة سيرة البحر وكثير التلج وزغتا وييييين...؟
ود فريجون دايرين نفتح لينا اكاديمية لتعليم الهدرا في شجرتنا دي
وكل يوم ان شاءالله تعلمونا كلمتين بس...وتعال شفنا بعد كم شهر..!!!

يا جماعة معتصم سافر وكمان الصادق لي السودان ان شاءالله امشوا
واجوا بالسلامة...

Nazar Hussien Babkir Frie
12-24-2005, 06:11 PM
السماكي طالما المسالة اصبحت بنظام الون تو اخير نرجع لرفاعة ونتذكر الزمن اللراح وصبري نخليهو قاعد براهو مع للا غزلان يمكن يقدر يفهم حاجة من كتابتها ومافي داعي للاستعانة بالخبراء الاجانب ذي ما كتبت للا غزلان ، بس خليهو امشئ كردفان واقعد شوية مع اهلنا الكبابيش ان مالقي معظم كلماتهم تتشابه مع لغة اهلنا في المغرب وليبيبا وتونس ، يعني يا صبري شوف ليك كباشئ ، وخليك معانا دائما يمكن نحتاج تترجم لينا الفرنسي .
ود اللميين يا السماكي حكاويه كتيرة ويمكن نحن لعوامل القدم بدينا ننساها ولكنه في واحد ان ظهر ود اللمين الا تفتشو ليه فتاشة العيش ؟؟؟!!!
المعتصم واللخدر مسئولين من الخير وصلوا ولا لسه ، وكان وصلوا ما ادونا البشارة مالهم ، يمكن يكون الشوق للاهل والبلد انساهم المنتدي والخوف دا يبقي حالنا ان رجعنا البلد .
للا غزلان مافي طريقة نسترجع كل الكلام الا بزيارة المغرب والاستمتاع بالجلوس على شاطئ المحيط بالرباط والجلوس على اللسان الحجري الخارج من المحيط لحظة غروب الشمس ، او الوقوف بالقرب من ضريح الملك محمد الخامس ورؤية نهر ابو رقراق ومنازل سلا يمكن تعيد لينا شوية من الكان ؟؟!!!

Ameer Al Ameen
12-25-2005, 05:30 PM
جييييييييييت ...

سلام شباب ..

لاباس عليكم ...

نزار ماتترجم ..اها انا بوصيك من هسي .. :wink:

يا غزلان الجماعة على حس عزومتك ...!!امير جرى اشتري في البدل والقمصان
وود فريجون دا عاااارف هو بجهز في شنو...بس صبري دا شايفو بكوي في
الجلابيب والعمم ..وهو عندو حكاية مع العمم دي..... :lol:

البدل و القمصان

لزوم فرع الاكاديمية المفروض ينفتح هنا

متين ح تفتحو باب التسجيل ؟؟؟ :D :D :D




اقتراحك جميل بس هنا ما في اصدقاء الثوء :lol:

الا اذا كان صاحب الثمكات :lol:

كي داير لاباس عليك ..ان شاء الله تكون بخير


الاستيراد و فك التسجيلات واقفين اليومين ديل ولا شنو ؟

يا أخونا محتاجين لعبية ..ان شاء الله تلاتة بى واحد خبير اقصد ( ......)

غزلان
اب سمكات يسلم من الثوء :


سلمتى

Ameer Al Ameen
12-25-2005, 05:35 PM
يا ناس النيمة ... معليش شغلنا بقى أشبه بالدردشة أهو الواحد بلقى معاهو واحد في الشجرة وفي نفس التوقيت والمشاركات بتكون ون تو ... عذراً مرةً أخرى

يا زول ..ما...لك ..؟السألك منو..؟ ما قاعدين براكم ..!!!يعني ما تتكلموا ولاشنو..؟
لكن ما تقول لي يا ولد انفرادة صاااااااااح..!!!!! اها جيناكم ...وسع لينا شوية... :lol:

وداللمين فكيت لينا قصة سيرة البحر وكثير التلج وزغتا وييييين...؟
ود فريجون دايرين نفتح لينا اكاديمية لتعليم الهدرا في شجرتنا دي
وكل يوم ان شاءالله تعلمونا كلمتين بس...وتعال شفنا بعد كم شهر..!!!

يا جماعة معتصم سافر وكمان الصادق لي السودان ان شاءالله امشوا
واجوا بالسلامة...

أها يا السماكى جيتك صادى بس معاى حاجة خاصة للود صبرى اصلو راسو ضارب اليومين ديل

بمشى انزلها فى العام و اجى راجع

صبري طه
12-26-2005, 08:43 AM
المعتصم واللخدر مسئولين من الخير وصلوا ولا لسه ، وكان وصلوا ما ادونا البشارة مالهم ، يمكن يكون الشوق للاهل والبلد انساهم المنتدي والخوف دا يبقي حالنا ان رجعنا البلد .

صدقني يا نزار مشيتك في الشارع ساااكت كدة كمية من المنتديات ...


للا غزلان مافي طريقة نسترجع كل الكلام الا بزيارة المغرب والاستمتاع بالجلوس على شاطئ المحيط بالرباط والجلوس على اللسان الحجري الخارج من المحيط لحظة غروب الشمس ، او الوقوف بالقرب من ضريح الملك محمد الخامس ورؤية نهر ابو رقراق ومنازل سلا يمكن تعيد لينا شوية من الكان ؟؟!!!

آآآآآآي بالواضح المو هدرا ....

صبري طه
12-26-2005, 08:45 AM
الاستيراد و فك التسجيلات واقفين اليومين ديل ولا شنو ؟

يا أخونا محتاجين لعيبة ..ان شاء الله تلاتة بى واحد خبير اقصد ( ......)

نادوا لي حنوني

صبري طه
12-26-2005, 08:48 AM
يا جماعة معتصم سافر وكمان الصادق لي السودان ان شاءالله امشوا
واجوا بالسلامة...( ......)

اللهم آمين

Ameer Al Ameen
12-26-2005, 08:57 AM
السماكي طالما المسالة اصبحت بنظام الون تو اخير نرجع لرفاعة ونتذكر الزمن اللراح وصبري نخليهو قاعد براهو مع للا غزلان يمكن يقدر يفهم حاجة من كتابتها ومافي داعي للاستعانة بالخبراء الاجانب ذي ما كتبت للا غزلان ، بس خليهو امشئ كردفان واقعد شوية مع اهلنا الكبابيش ان مالقي معظم كلماتهم تتشابه مع لغة اهلنا في المغرب وليبيبا وتونس ، يعني يا صبري شوف ليك كباشئ ، وخليك معانا دائما يمكن نحتاج تترجم لينا الفرنسي .
ود اللميين يا السماكي حكاويه كتيرة ويمكن نحن لعوامل القدم بدينا ننساها ولكنه في واحد ان ظهر ود اللمين الا تفتشو ليه فتاشة العيش ؟؟؟!!!
المعتصم واللخدر مسئولين من الخير وصلوا ولا لسه ، وكان وصلوا ما ادونا البشارة مالهم ، يمكن يكون الشوق للاهل والبلد انساهم المنتدي والخوف دا يبقي حالنا ان رجعنا البلد .
للا غزلان مافي طريقة نسترجع كل الكلام الا بزيارة المغرب والاستمتاع بالجلوس على شاطئ المحيط بالرباط والجلوس على اللسان الحجري الخارج من المحيط لحظة غروب الشمس ، او الوقوف بالقرب من ضريح الملك محمد الخامس ورؤية نهر ابو رقراق ومنازل سلا يمكن تعيد لينا شوية من الكان ؟؟!!!


ود فريجون

مشاقون و الله.. الهدرا شالتك مننا

بالمناسبة ..كسيرك فى المغرب البقلبو لينا منو

صاحبك اخبارو مقطوعة الحاصل شنو ؟؟؟؟؟

Nazar Hussien Babkir Frie
12-26-2005, 10:24 AM
تعرف يالمييير المغرب ايامي فيها لم يكن هنالك كسير عديل كانت بدايات تحول عميق في كثير من الاشياء في دواخلي ، فقد تعلمت فيها ومنها انه يجب ان تختار الموقف الصحيح وانت تقف الى جانبه حتي وان خالفك الجميع .
وتعرف يالميير اول ما جيت الرياض مشيت اسواق المبارك ومعي زوجة احد ابناء عمي لشراء احتياجات العيد وفي الاسواق التقيت باحد ابناء رفاعة وزوجه واطفاله فعرفتني زوجته فلفتت انتباهه بان داك نزارفريجون وزوجته المغربية واطفاله لانني حينها كنت اجمل طفلة ابن عمي ، فجاء نحوي وسلم على باسمي نزار قلت نعم فحكي لى الحكاية فقلتيهو ياخي ما معقول انا لى الشرف بالزواج من مغربية ولكني متزوج بسودانية لونها قمحي والمعاي دي زوجة بن عمي وهي ايضا سودانية وان كسا لونها البياض ، واجبت بانني ليس من انصار الحمرة الاباها المهدي وعرفتهم على زوجة ابن عمي وحكيت لها الحكاية فضحكت .
وفي رفاعة طبعا حكاية زواجي من مغربية طيرتني من الجنةوسقطهاوسمعتها من اقرب المقربين لى ، والغريب في الامر ان الدقاش التقاني وانا في الخرطوم وكان ملحا بالذهاب معي لمنزل احدي شقيقاتي في الصافية وانا عارف سبب اصراره فمشينا معا وجلسنا وبعد الغداء سالني وين زوجتك المغربية لانني سمعت انك داسيها هنا في الصافية فضحكت وناديت شقيقتي وقلتليها المغربية وينها خلى ود الهادي الياس يشوفها فضحكت وقالت ليهو تعرف ياجمال نزار يمكن يكون جابها معاه وداسها في رفاعة لانو هنا ما جباها لى واكان لقيتوها كلموني باقي انا عارفوها بيعملها .
ولكن ياللميير ليك على احكي المغرب بالتفاصيل من لحظة الوداع الاول الى الوداع الاخير بتاريخ 1/1/1992م تاريخ خروجي من المغرب وبجيب ليك الصور ، وان عادت بى الايام فتوقع ان أعملها وبتزوج مغربية ، ورايك شنو اشوف ليك واحدة معاي بس اوع تكلم الجماعة يقوموا يشنو علينا حملةبعدين نقوم نجئ جدة يزعلو مننا ؟؟!!
ابوفاطمة

محمد عثمان عبدالقادر السماكي
12-26-2005, 11:40 AM
اها يا صبري لو طرشقت زيارتك للمغرب مع ناس ودفريجون وغزلان
انا بعزمك لي احدى الجزر الامريكية لي هاواي بلدا سمحة بالحيل
والله كان حتلتا هناك ما ظنيتك تطلع ..!!مش لو ود اللمين جاب ليك
سيرة البحر لو جاب ليك البحر ذاتو....!!!!

ويا غزلان زي ما قال ليك حبيبنا امير اب سمكات يسلم من الثوء.. :lol:
بس برضو ما بنخليك تهربي من عزومة المغرب وجماعة النيمة كلهم
متجهزين للرحلة....وشيلي شيلتك...!!!!
ود فريجون شنو جياتك بفت خفافي كدا ...؟بتجهز لي السفر ولا شنو..؟

صبري طه
12-26-2005, 12:00 PM
اها يا صبري لو طرشقت زيارتك للمغرب مع ناس ودفريجون وغزلان
انا بعزمك لي احدى الجزر الامريكية لي هاواي بلدا سمحة بالحيل
والله كان حتلتا هناك ما ظنيتك تطلع ..!!مش لو ود اللمين جاب ليك
سيرة البحر لو جاب ليك البحر ذاتو....!!!!

شكلها طرشقت لأني شايق ود فريجون مشتت السودان ... وبالمناسبة هاواي دي ما معاها الزوغة حلوة ولا رايك شنو حتبقى سياحة وزوعة على وزن حجة وزوغة ...

Nazar Hussien Babkir Frie
12-26-2005, 07:54 PM
تعرف ياسماكي انا الان شامي ريحة طين البحر وعطشان وعايز كوز موية باردة من الازيار الفي الحطابة ، وبتخيل نفسي قاعد وبعاين للعشر الفاصل ما بين الحطابة والبحر ، بس تعرف فاقد ناس كتار كنت بتمني القاهم هناك ، ولكن الصور بتجئ وبتشوفو الشجرة الفى نص الحطابة ، ويلا بي سرعة تعال لهناك عشان الكوم يكبر ، وعشان نعرف الشباب المشو قدامنا عملوا شنو الصادق والرهيف المعتصم .
والايام دي كل التفكير في السودان ياربي اتغير ولا ياهو السبتو زمان رغما عن انو اخونا زيكو خوفني ولكني ماشي ماشي بس خوفي ارجع تاني وتبقي على حكاية قصيدة اميير ود اللمين ياعبده عيب كم القميص حتي الفنيلة اتشرطت ؟؟!!
وغايتو الله يعدي الايام دي بخير ، لانو كلما المواعيد تقرب الواحد بتمسكو الرجفة من شنو ما عارف .
ود طه دا خليهو قبلوا في الرياض لانو ان سافر بطش وان طشه البغلب اسامة البزة منو ؟ورحلة المغرب قائمة بس التكاليف على صبري طه وانا جاهز بخلى السودان وبمش المغرب ومن هناك بمش السودان رايك شنو ياصبري ، بس خوفي انك تغرق في نهر ابو رقراق وتشوف سلا وتقول تاني ماراجع ؟؟!!!
ود اللميين اخبار صاحبي ليها زمن مقطوعة يمكن تكون البلد رحبت بيهو باقي هو مطول شديد منها ، اكان عندك خبروا طمني شوية عليهو .
سلام ياناس يارائعين .
ابوفاطمة

محمد عثمان عبدالقادر السماكي
12-27-2005, 08:58 PM
ماااااالك يا نزار اخوي كبيت الجرسة من السودان ..؟والله البدعك هناك بطلع جنس قروش
خليها ساكت ..وهو ريالتنا دي بقت ما فيها فائدة وكل يوم داقا الدلجة..قوي قلبك ساي
وخش المعمعة الهناك دي...والله بعد شهر انا محصلك وكمان نهائي...عديل كدا
والانترنت دا حنخليهو في رفاعة زي العجور في السوق...
ويا صبري شنو الوجاهات دي ..ما شاءالله الصورة شرط..

وداللمين اليومين ديل شايفك كاسر بي هناك ..!!! ومطنش النيمة ماااالك..؟

و يا غزلان شنو الحكاية جيتي حندكتينا كدا وزغتي ماااالك..؟

Ameer Al Ameen
12-28-2005, 09:12 AM
تعرف يالمييير المغرب ايامي فيها لم يكن هنالك كسير عديل كانت بدايات تحول عميق في كثير من الاشياء في دواخلي ، فقد تعلمت فيها ومنها انه يجب ان تختار الموقف الصحيح وانت تقف الى جانبه حتي وان خالفك الجميع .
وتعرف يالميير اول ما جيت الرياض مشيت اسواق المبارك ومعي زوجة احد ابناء عمي لشراء احتياجات العيد وفي الاسواق التقيت باحد ابناء رفاعة وزوجه واطفاله فعرفتني زوجته فلفتت انتباهه بان داك نزارفريجون وزوجته المغربية واطفاله لانني حينها كنت اجمل طفلة ابن عمي ، فجاء نحوي وسلم على باسمي نزار قلت نعم فحكي لى الحكاية فقلتيهو ياخي ما معقول انا لى الشرف بالزواج من مغربية ولكني متزوج بسودانية لونها قمحي والمعاي دي زوجة بن عمي وهي ايضا سودانية وان كسا لونها البياض ، واجبت بانني ليس من انصار الحمرة الاباها المهدي وعرفتهم على زوجة ابن عمي وحكيت لها الحكاية فضحكت .
وفي رفاعة طبعا حكاية زواجي من مغربية طيرتني من الجنةوسقطهاوسمعتها من اقرب المقربين لى ، والغريب في الامر ان الدقاش التقاني وانا في الخرطوم وكان ملحا بالذهاب معي لمنزل احدي شقيقاتي في الصافية وانا عارف سبب اصراره فمشينا معا وجلسنا وبعد الغداء سالني وين زوجتك المغربية لانني سمعت انك داسيها هنا في الصافية فضحكت وناديت شقيقتي وقلتليها المغربية وينها خلى ود الهادي الياس يشوفها فضحكت وقالت ليهو تعرف ياجمال نزار يمكن يكون جابها معاه وداسها في رفاعة لانو هنا ما جباها لى واكان لقيتوها كلموني باقي انا عارفوها بيعملها .
ولكن ياللميير ليك على احكي المغرب بالتفاصيل من لحظة الوداع الاول الى الوداع الاخير بتاريخ 1/1/1992م تاريخ خروجي من المغرب وبجيب ليك الصور ، وان عادت بى الايام فتوقع ان أعملها وبتزوج مغربية ، ورايك شنو اشوف ليك واحدة معاي بس اوع تكلم الجماعة يقوموا يشنو علينا حملةبعدين نقوم نجئ جدة يزعلو مننا ؟؟!!
ابوفاطمة


يا أبو فاطمة قصة عرسك من المغرب اشاعة وصلتنا فى جدة من زمن.. البقول شافوك لافى معاها فى نمرة اتنين و لا فى الصافية ، و الله انا ما عارف لو كنت مكان الدقاش ببيت معاك عديل للصباح مش بتغدى و بمشى. لكن فى شىء بطرح سؤال كبير ليه اغلب السودانيين برفضو الزواج من غير بناتنا ؟؟
بالرغم من عدد السنين و عدد الطلاب الدرسو فى مصر مثلا او فى الهند نلقى حالات الارتباط قليلة جدا ، فى شنو المانع ؟ الفوارق الاجتماعية او الثقافية ؟ نحن شعب مميز و لا نحن بنخاف من الغير؟
بس دا شىء فى النهاية يحسب لصالح الزول السودانى.زول اصيل و حريص انو يغطى قدحو.