المساعد الشخصي الرقمي

مشاهدة النسخة كاملة : شلة شجرة النيم الفي الحطابة...!!!



الصفحات : 1 2 3 4 5 6 7 8 [9] 10

عبدالرحمن محمد احمد الطيب
11-22-2006, 02:32 PM
العمدة عبدالرحمن ..يا سلاااااااااااام على الشعار ..حاجة تمام والله
وذوقك رائع.....تسلم ....كل التحايا الطيبة لك...

محمد عثمان عبدالقادر السماكي

الـلـه اديــك الـصـحــه و الـعـافـيه

وســــلامــنــا للأهـــل والـعائـله الكـريــمه

بـس مـاتـطول الـغـيـبـه
----------------------

نــــيــــمـاب ســـــــــــــــــــــــــــــــــــــــــــلام لـلـغـاييييييييييييييييييييييييييييـبين

عبدالرحمن محمد احمد الطيب
11-24-2006, 04:21 PM
ويــــــــــن ويـيييييييييييين أهـــــــــل الــنــــيـــــمــــــه

عـــاوز واحــــــد يــلــــعــــب مـــــعــاي بــلـي


http://www.rufaaforall.com/board/uploaded/1066_1164374381.jpg


-----------------------------

نــــيــــمـاب ســـــــــــــــــــــــــــــــــــــــــــلام لـلـغـاييييييييييييييييييييييييييييـبين

ندى بكرى
11-24-2006, 10:18 PM
ويــــــــــن ويـيييييييييييين أهـــــــــل الــنــــيـــــمــــــه

عـــاوز واحــــــد يــلــــعــــب مـــــعــاي بــلـي


http://www.rufaaforall.com/board/uploaded/1066_1164374381.jpg


-----------------------------

نــــيــــمـاب ســـــــــــــــــــــــــــــــــــــــــــلام لـلـغـاييييييييييييييييييييييييييييـبين


أنا,, انا انا انا انا ,,,

بحب العب البلى بس بدووووووووووون خرخير ,,,,

:mh0226: :mh0226: :mh0226:

محمد عثمان عبدالقادر السماكي
11-24-2006, 11:28 PM
أنا,, انا انا انا انا ,,,

بحب العب البلى بس بدووووووووووون خرخير ,,,,

:mh0226: :mh0226: :mh0226:


وانا معاكم بس ادونا الضراب السمح..

ندى بكرى
11-25-2006, 10:51 AM
وانا معاكم بس ادونا الضراب السمح..




الضراب السمح !!!!!!!!!

لي !!! الضراب السمح شلتوا أنا قبيل !!!!:mh11:

عائدة الشايب
11-25-2006, 10:52 AM
وانا معاكم بس ادونا الضراب السمح..


شكلك داير تلعب حياطي وتقول " منك ومن البلية " وبعدين " اللين " مكعوج صلحو

yassir karar
11-25-2006, 12:49 PM
شكلك داير تلعب حياطي وتقول " منك ومن البلية " وبعدين " اللين " مكعوج صلحو

شوفو يا شباب انا طرابى جله
او يا ندى تكس ارجع
او يا عائده خليفه قال ما معانا حياطى
اما انته يا السماكى كدى جر اللين دا كويس
والله او ليكم وحشه يا نيماب

بت امى كونى بخير
او جاييكم انشاءالله

عبدالرحمن محمد احمد الطيب
11-25-2006, 05:14 PM
أنا,, انا انا انا انا ,,,

بحب العب البلى بس بدووووووووووون خرخير ,,,,

:mh0226: :mh0226: :mh0226:

اهــلــيـيـيين نـدي

الظـاهر عــليـــك حــريــفــه

ولـكـن برضـــو مـســـتــعــديـن

عبدالرحمن محمد احمد الطيب
11-25-2006, 05:23 PM
وانا معاكم بس ادونا الضراب السمح..

ده كلام يـا ســــــماكي عاوز كــمان تـعــزل الضــراب الــســـمــح ولكـن مــعــليش

نـدي ســبقــتـك وشـــالـت الضـــراب

يـــلــه وريـــيـنـا حــرفـنــتـك.

عبدالرحمن محمد احمد الطيب
11-25-2006, 05:38 PM
شكلك داير تلعب حياطي وتقول " منك ومن البلية " وبعدين " اللين " مكعوج صلحو

ســــلامــات بــت الـشـــايـب
إيـك الــعافـــيــه يــعـنــي مــن الــبدايـــه اظــهــرتتتتي الـتحــدي لســـــماكي ونــدي

بس اوعـه إخرتـتتتتتتتوكي الجـــمــاعــه.
---------------------

نــــيــــمـاب ســـــــــــــــــــــــــــــــــــــــــــلام لـلـغـاييييييييييييييييييييييييييييـبين

عبدالرحمن محمد احمد الطيب
11-25-2006, 05:44 PM
شوفو يا شباب انا طرابى جله
او يا ندى تكس ارجع
او يا عائده خليفه قال ما معانا حياطى
اما انته يا السماكى كدى جر اللين دا كويس
والله او ليكم وحشه يا نيماب

بت امى كونى بخير
او جاييكم انشاءالله

مـــرحــــب حــباب الخــليــفه

كل سـنــه وإنــت طيب

مــاشـــاء الـلـه الــبــلــي طــلــع لـــيــنـا كـلــمــات طــولــنــا مــاســــمـــعــنــاهـــا

يــديــكــم الصــحــه والــعافــيـــه
تتتتتتتتتتتتتتتتتتتت

نــــيــــمـاب ســـــــــــــــــــــــــــــــــــــــــــلام لـلـغـاييييييييييييييييييييييييييييـبين

عبدالرحمن محمد احمد الطيب
11-27-2006, 08:34 AM
نـــــــيـــــمــــــــاب صـــــــــبــــاح الخـــــيـــــر


http://www.rufaaforall.com/board/uploaded/1066_1164605667.jpg





--------------------------

نــــيــــمـاب ســـــــــــــــــــــــــــــــــــــــــــلام لـلـغـاييييييييييييييييييييييييييييـبين

فيصل يوسف حامد
11-27-2006, 12:36 PM
سلام نيماب...سلام...

السماكي الشوق بحر يا زول...
معتصم سليمان وياسر كرار وينكم يا حبايب....
صاحبي دا دخلته لا يده لاكراعه...كدا مكاوره...ولزوم الغرقان بتعلق بقشه...
وياجماعه سمعت تحت تحت كدا إنه الموضوع قالوا في العيد....ول كلام هرش سااااااكت ما عارف..
حاصروا حصاركم وطلعوا لينا الموضوع دا...وأنا جاهز...والبزوغ ما عايزين نشوفوا لافي بجاي...
آآآآآي...إشوف ليه درباً تاني...
ود الطيب...تحياتي وليك وحشه...وباقي النيماب...

فيصل...(أبونفيسه)...

JeN YA JeN
11-27-2006, 04:04 PM
النيمااااااااااب الحلوين الغاليييييين الطيبييييييين اللزيزيييييين ازيهم زكيفنهم انشاء الله هم شديدييييين ولضيضيييييييين بالجد في شوق كدا بالبراميييييل يعني اكتر من ازياااار الحطابه البارده ديييك :mh3215: لكن بالجد والله بيني وبينكم هي بارده جنس بروديه :mh555:
اخباركم شنو عليكم الله وجديدكم شنو وشمارتكم شنو كدي ادوني البنبر دااااك رصو لي الحاصل والفاتني كلو دحين انا طولت من الشمارات اها ودي قعده :mh4587:

عبدالرحمن محمد احمد الطيب
11-27-2006, 04:26 PM
النيمااااااااااب الحلوين الغاليييييين الطيبييييييين اللزيزيييييين ازيهم زكيفنهم انشاء الله هم شديدييييين ولضيضيييييييين بالجد في شوق كدا بالبراميييييل يعني اكتر من ازياااار الحطابه البارده ديييك :mh3215: لكن بالجد والله بيني وبينكم هي بارده جنس بروديه :mh555:
اخباركم شنو عليكم الله وجديدكم شنو وشمارتكم شنو كدي ادوني البنبر دااااك رصو لي الحاصل والفاتني كلو دحين انا طولت من الشمارات اها ودي قعده :mh4587:

مرحب حـبابك

الحـمد لـلـه عـلـي الســـــلامـه

قــبــــل الـشـــمار كـدي هــــاك الصـحــن ده
http://www.rufaaforall.com/board/uploaded/1066_1164633877.jpg


---------------------------

نــــيــــمـاب ســـــــــــــــــــــــــــــــــــــــــــلام لـلـغـاييييييييييييييييييييييييييييـبين

عائدة الشايب
11-27-2006, 04:36 PM
مرحب حـبابك

الحـمد لـلـه عـلـي الســـــلامـه

قــبــــل الـشـــمار كـدي هــــاك الصـحــن ده
http://www.rufaaforall.com/board/uploaded/1066_1164633877.jpg


---------------------------

نــــيــــمـاب ســـــــــــــــــــــــــــــــــــــــــــلام لـلـغـاييييييييييييييييييييييييييييـبين


وانا وينو صحني ما جيت قبليهو

عبدالرحمن محمد احمد الطيب
11-27-2006, 05:02 PM
وانا وينو صحني ما جيت قبليهو

اهـــــلـــيــن عـايــده

مــاتـزعـلــي إتــفــضـلـي

http://www.rufaaforall.com/board/uploaded/1066_1164636059.jpg

---------------------------
نــــيــــمـاب ســـــــــــــــــــــــــــــــــــــــــــلام لـلـغـاييييييييييييييييييييييييييييـبين

عائدة الشايب
11-27-2006, 05:13 PM
اهـــــلـــيــن عـايــده

مــاتـزعـلــي إتــفــضـلـي

http://www.rufaaforall.com/board/uploaded/1066_1164636059.jpg

---------------------------
نــــيــــمـاب ســـــــــــــــــــــــــــــــــــــــــــلام لـلـغـاييييييييييييييييييييييييييييـبين

امممممممممممممممممممممممممممممممممم لذيييييييييييييييييييييييذة بس الحنديك دا ما كويس يا تجيبوها صحي صحي يا تخلوها

JeN YA JeN
11-29-2006, 01:00 PM
مرحب حـبابك

الحـمد لـلـه عـلـي الســـــلامـه

قــبــــل الـشـــمار كـدي هــــاك الصـحــن ده
http://www.rufaaforall.com/board/uploaded/1066_1164633877.jpg


---------------------------

نــــيــــمـاب ســـــــــــــــــــــــــــــــــــــــــــلام لـلـغـاييييييييييييييييييييييييييييـبين


ياعمممممممممممممك دا كلو لي انا
تسلم الايادي والله
لكن تعرف برضو مع الصحن اللزيز دا بحتاج لي شمارات :mh746:
ماعندك تاني صحن

محمد عثمان عبدالقادر السماكي
11-30-2006, 11:53 PM
النيمااااااااااب العزيزين سلام...
عذرا ..ولكني اقترح ان نحيل النيمة الى المعاش الاجباري ...
وذلك لبلوغها سن التقاعد بعد الصفحة المائتين...

خلاص كبرت وعجزت ...

yassir karar
12-01-2006, 01:33 AM
النيمااااااااااب العزيزين سلام...
عذرا ..ولكني اقترح ان نحيل النيمة الى المعاش الاجباري ...
وذلك لبلوغها سن التقاعد بعد الصفحة المائتين...

خلاص كبرت وعجزت ...

السماكى العزيز
اولا النيم بيعيش 70 سنه
او هسع اتشحنت عدد سبعه طلمبات والمشروع ماشى وانت حتكون مكلف بالاستلام وفتح حساب نيماوى خالص تحول عليه المساهمات
وحانبداء المشروع فى آواخر ديسمبر او نكتل كل الباعوض وبعد داك حنخلى كل رفاعه تعرف نيمتنا ام همبريبا بارد وبعد داك لى كل حدث حديث
وانا كنيمابى ميه الميه عندى راى وانت راجل ديمقراطى .....الجاى اجمل .... هسع خلينا النشوف موضوع الاستقالات والشمارات والمشاكل الفى الملتقى دى او بعد داك نشوف
وانا مصر انو البوست دا ما يتقفل الا بى تصويت
والجاى بى اسم النيمه احلى بس اصبر معاى شويه
والله بحبك يا محمد

ندى بكرى
12-01-2006, 08:44 AM
النيمااااااااااب العزيزين سلام...
عذرا ..ولكني اقترح ان نحيل النيمة الى المعاش الاجباري ...
وذلك لبلوغها سن التقاعد بعد الصفحة المائتين...

خلاص كبرت وعجزت ...
سمااااااااكي !!!!

هووووووووووووووووووووي دا خوف سااااااااااااي من لعب البلى !!!!

زي ماقال ياسر النيم عمروا 70 سنه !!!!

والجاي أحلا !!!!

عبدالرحمن محمد احمد الطيب
12-01-2006, 03:01 PM
محمد عثمان عبدالقادر السماكي * yassir karar * ندى بكرى


سلام نيماب ســـلام واحــتــرام لكـل مــن شـــارك مـــع شــــلـة شــــجرة النـيـم الفي الـحطابـه

فـهـي شـلة محبه و أخــوة اجــتمعت وإلتـقــت وتــعارفــت بــقـــوه فـي ظـل الــنـيــمـــه

الـوريــفــه

ربــنــا يــديـم عــلــيــنـا نــعـــمــة الـمــحــبــه و الخــوة والصـحــه والـعافــيـه

ومـن هـنـا اضــم صـــوتــي لـيـاســـــر ونـــدي

ونــــقــــول لســـه الــوقـــت بـدري

فــصـــبرا اخي ســــماكي بإذن الــلـه قريــبـا يــجــتـمــع الاحــبه وســط الـنيــمـــه

-----------------

نــــيــــمـاب ســـــــــــــــــــــــــــــــــــــــــــلام لـلـغـاييييييييييييييييييييييييييييـبين

ندى بكرى
12-04-2006, 09:03 PM
الاخ/ عبدالرحمن محمد احمد الطيب


العيال ديل كلهم وين !!!! وانت ذاتك وين !!!!!!!!!!!!!

عبدالرحمن محمد احمد الطيب
12-05-2006, 02:24 PM
الاخ/ عبدالرحمن محمد احمد الطيب


العيال ديل كلهم وين !!!! وانت ذاتك وين !!!!!!!!!!!!!

نـــدي

والله فــيــــكـي الـخــيــر وتـــب مـا قـصـرتـي ومــع بــقــيــة نــاس الرابطه
وشـــرفـتـونا مــع الـضـيــوف وإن شــاء الـلـه دومـا تامـين وســالمـين
----------------
نــــيــــمـاب ســـــــــــــــــــــــــــــــــــــــــــلام لـلـغـاييييييييييييييييييييييييييييـبين

عبدالرحمن محمد احمد الطيب
12-06-2006, 05:10 PM
:mh003:

هــــــــــــووووووووووووووووووووووووووووووووووووو وووووووووووووووووووووووي

يـا نـــــيـــــمــــــــاب الـــــبـــــــجــــــــــــــي أول إصــــــحـــيـــنــي



http://www.rufaaforall.com/board/uploaded/1066_1165413790.jpg

--------------------------------
نــــيــــمـاب ســـــــــــــــــــــــــــــــــــــــــــلام لـلـغـاييييييييييييييييييييييييييييـبين

عائدة الشايب
12-06-2006, 08:31 PM
:mh003:

هــــــــــــووووووووووووووووووووووووووووووووووووو وووووووووووووووووووووووي

يـا نـــــيـــــمــــــــاب الـــــبـــــــجــــــــــــــي أول إصــــــحـــيـــنــي



http://www.rufaaforall.com/board/uploaded/1066_1165413790.jpg

--------------------------------
نــــيــــمـاب ســـــــــــــــــــــــــــــــــــــــــــلام لـلـغـاييييييييييييييييييييييييييييـبين



اصحى خلاص كملت النـــــــــــــــوم كلــــــــــــــــــــو

ندى بكرى
12-10-2006, 08:46 PM
لا وصلك صار يؤرقنى
لا بعدك قد همس الوصل
لا أنت كما كنت سماحاً
لا القلب بصدرك ينتقلُ
لمدي الاحساس بما أحوى
أو شوق أصبح يُختزل ُ
أهواك وقد كنت قديماً
أخشي أقداراً تقتتلُ
للقائي في الزمن النائى
ببيوت أغرقها السيلُ
إنى لا أملك في شمسك ظلُ
لكنى املك احساساً
عذباً كالورد به طللُ
وجهى من بعدك مهترىء
من رمل جفائك يغتسلُ
بسماتك قد أزف فراقُ
قد عشت بحسه أنفعلُ
ودماء فارقها الوله
وديار ليست تكتملُ
لن أطرق الاّك نهاراً
إن عشش في سقفى ليلُ
وأنا متكىءُ في صمتِ
المنى هجرك في بلد
يقصرها الصمت ولا مللُ
الاّن سأختم كلماتى
لا أسفٌٌ يبدو لا خجل
هذي الأيام سأدفنها
لكن بالذكرى أحتفل ُ.

د/ المعز عمر بخيت

ياحليل النيمااااااااااااااااااااااااااااااااااااااااااااا اااااااااااااب !!!!!!!!!!!!!!!!!!!!!!!!
ودااااااااااااااااااااااااعاً !!!!!!!!!!!!!!!!!!

عبدالرحمن محمد احمد الطيب
12-18-2006, 11:39 PM
نيــــــــماب ســــــــــلام
بـــعد إنقطاع عام مـن جـــمـيع الحـــبان والضـــيـفـان
والريـــــس كــــبـــير الصــــعــايده اخـــونا محمد عثمان عبدالقادر السماكي
وبــقــــيــة الـعـــقـــد الــفريـــد الـمـنــــتـــــشـــرون في جــمــيــع أنـحــاء الـــعالم

نــــقـــدم لــهــــم الــدعـــــــــــــــــــــوه مـــجـــــددًا لـلـتــواصــــل
بــمـــنــاســـــــــــبــة الــــعــــيــــد الـســـــعـــيد
كـل عــام والــجـــمــــيـــع بالـف خـــيـــر

-----------------------
نــــيــــمـاب ســـــــــــــــــــــــــــــــــــــــــــلام لـلـغـاييييييييييييييييييييييييييييـبين

Tomader Habiballa
12-19-2006, 05:35 AM
محمد عثمان
.ازيك البركس -ابنوره -كل الجنيد فى ذاكرتى بسال كثير من الكتوره كوثر .

محمد عثمان عبدالقادر السماكي
12-19-2006, 10:40 AM
نيــــــــماب ســــــــــلام
بـــعد إنقطاع عام مـن جـــمـيع الحـــبان والضـــيـفـان
والريـــــس كــــبـــير الصــــعــايده اخـــونا محمد عثمان عبدالقادر السماكي
وبــقــــيــة الـعـــقـــد الــفريـــد الـمـنــــتـــــشـــرون في جــمــيــع أنـحــاء الـــعالم

نــــقـــدم لــهــــم الــدعـــــــــــــــــــــوه مـــجـــــددًا لـلـتــواصــــل
بــمـــنــاســـــــــــبــة الــــعــــيــــد الـســـــعـــيد
كـل عــام والــجـــمــــيـــع بالـف خـــيـــر

-----------------------
نــــيــــمـاب ســـــــــــــــــــــــــــــــــــــــــــلام لـلـغـاييييييييييييييييييييييييييييـبين

العمدة عبدالرحمن ..كل عام وانت والجميع بالف خير وسعادة وهناء...

محمد عثمان عبدالقادر السماكي
12-19-2006, 10:46 AM
محمد عثمان
.ازيك البركس -ابنوره -كل الجنيد فى ذاكرتى بسال كثير من الكتوره كوثر .

ياااااااااااااااه ...زمن ..الاخت تماضر حبيب الله ...ازيك وكيف اخبارك اتمنى ان تكوني بخير
الدكتورة كوثر عثمان تعمل الان بمستشفى الهئية الملكية بينبع في السعودية وتزوجت ولديها ثلاثة
من الابناء..
لكي كل الود...ومرحب بيك في وسط النيمة...

الصادق عبدالله ضرار
12-19-2006, 01:37 PM
سماكى
وانت تسير فى دروب رفاعه
وحلتنا سلم على كل الزقاقات والشوارع..
وخبر تصوير المستشفى شنو الطلبو امين لامريكا
ومشروع النيمه ماشى كيف لاصحاح البيئه

عبدالرحمن محمد احمد الطيب
12-20-2006, 09:43 PM
العمدة عبدالرحمن ..كل عام وانت والجميع بالف خير وسعادة وهناء...

مـــرحــب بالـعــمــده الكــبـير و مـــرحـــبتـــيــن حــبابـك و هــلا بــطــلــتــك هلا

كــل ســـنــه و الـجــمـيـع بالـف خـــيــر

*****

كــنــا قــبـل ايـــام كـلـفـنـا الـجــمـاعـــه ديــل بالاتصـــال والـبحـث عــن الــنــيــمــاب

http://www.msa7a.net/up/uploads/0d05ffb93d.jpg (http://www.msa7a.net/up)

-------------

نــــيــــمـاب ســـــــــــــــــــــــــــــــــــــــــــلام لـلـغـاييييييييييييييييييييييييييييـبين

فيصل يوسف حامد
12-23-2006, 11:23 AM
نيمااااااب سلااااام....
وينكم...والله نومكم طال...

فيصل...

Nola
12-23-2006, 11:39 AM
نيماب ...

سسسسسسسسسسسسلام

وكل سنة وانتوا طيبين وملمومين ...

وربنا يحفظ الود ... بينكم ...

http://www.wadijazan.com/vb/uploaded/1234_1152322619.jpg

عبدالرحمن محمد احمد الطيب
12-23-2006, 03:34 PM
نيماب ...

سسسسسسسسسسسسلام

وكل سنة وانتوا طيبين وملمومين ...

وربنا يحفظ الود ... بينكم ...

http://www.wadijazan.com/vb/uploaded/1234_1152322619.jpg

مـــرحـــب بـيـك فــي دارك بـعـــد طــول غـــيـاب
وكـل عـــام و الجـمــيــع بالـف خــيــر وعـافــيــه
http://alsafa.net/vbb/pic/476904146a.jpg

عبدالرحمن محمد احمد الطيب
12-23-2006, 03:39 PM
نيمااااااب سلااااام....
وينكم...والله نومكم طال...

فيصل...

ود حـــامــــد زعـــــيـــم الـضــهـــب

الحـــــمـــد لـلـه عـلـي الـســـــــلامــه

كــل ســــنـه وإنــت بـــخــــيــــر وربــــنــا يــديم عــليكم نــعـمــة الـصـحــه والـعـافـيه

--------------------------
نــــيــــمـاب ســـــــــــــــــــــــــــــــــــــــــــلام لـلـغـاييييييييييييييييييييييييييييـبين

عبدالرحمن محمد احمد الطيب
12-24-2006, 09:48 PM
http://www.msa7a.net/up/uploads/9b8bb3ce03.bmp (http://www.msa7a.net/up)


---------------------


نــــيــــمـاب ســـــــــــــــــــــــــــــــــــــــــــلام لـلـغـاييييييييييييييييييييييييييييـبين

أمجد حرجولي
12-26-2006, 07:52 AM
النيماب سلام عليكم


اخبار العيد وراس السنه معاكم ..... وكل عام وانتم بخير

خطاب محمد احمد عباس
12-26-2006, 11:04 PM
النيماب سللللللللللللللللللللللللللللللللللللللللللللللللل ام عليكم ..
شيخ النيمة السماكي وينك والله فاقدنك ليك وحشة الواحدقال يمشي من الحلة الجديدة للحطابة يمكن الواحد يلاقيق وياخدليهو معاكم عشرة ونسه ونعرف اخباركم شنوانت والنيماب في موضوع اصحاح البئه .واطرح عليكم نفسي ممكن تفسح لي شويه يا الصادق الاخضر اتحكر معاكم
واقول ليكم كل عام وانتم بخير بحلول عيد الاضحى المبارك واعاده الله علينا وعليكم با اليمن والبركات
والعفو لله والرسول .وتقبلو تحيات كل اعضاء رابطة رفاعة للجميع

الصادق عبدالله ضرار
12-27-2006, 08:57 PM
الاخ الحبيب خطاب
مازلت اذكرك وانت صغير وانت الان رجل
الف مرحب بيك فى النيمه وياخ على الاقل ورينا الحاصل شنو فى البلد فى النيمه
تحياتى عبرك للاخ سيف وياسر وحى الدين والاسره
وكفاره للوالد

عبدالرحمن محمد احمد الطيب
12-29-2006, 09:14 PM
http://www.msa7a.net/up/uploads/3b69753d60.jpg (http://www.msa7a.net/up)

عبدالرحمن محمد احمد الطيب
01-11-2007, 11:20 AM
http://www.msa7a.net/up/uploads/4c7c877d49.bmp (http://www.msa7a.net/up)


---------------------------

نــــيــــمـاب ســـــــــــــــــــــــــــــــــــــــــــلام لـلـغـاييييييييييييييييييييييييييييـبين

عبدالرحمن محمد احمد الطيب
01-11-2007, 11:24 AM
الـــريــــــــد الــــريـــــــد يا أهـــــــل مـــتــــيــــــن اخــــــاركــم تـــــصــل


http://www.msa7a.net/up/uploads/c7d4e2f73a.bmp (http://www.msa7a.net/up)


-------------
نــــيــــمـاب ســـــــــــــــــــــــــــــــــــــــــــلام لـلـغـاييييييييييييييييييييييييييييـبين

muiz motasim babeker
01-14-2007, 06:39 PM
الساده الاعزاء اهل النيمه .... سلاما يقالدكم و يطايبكم ..... علكم بخير و الناس كلها طيبه ... اها انا متلوم معاكم و وشى فى الواطه لانو النيمه من فريق الجنينه قرييبه و انا ما جيت عليكم ... الا انا عارف نفوسكم طيبه و بتقبلو عذرى .... و اها هاكم منى وعد ما اطول منكم .....

Nola
01-16-2007, 01:30 PM
لنعود بالنيمة الوريفة الي الزمان العذب الجميل

عبدالرحمن محمد احمد الطيب
01-16-2007, 02:10 PM
الساده الاعزاء اهل النيمه .... سلاما يقالدكم و يطايبكم ..... علكم بخير و الناس كلها طيبه ... اها انا متلوم معاكم و وشى فى الواطه لانو النيمه من فريق الجنينه قرييبه و انا ما جيت عليكم ... الا انا عارف نفوسكم طيبه و بتقبلو عذرى .... و اها هاكم منى وعد ما اطول منكم .....

مرحــب حـباب المـعز وكــل ســنــه وإنــت طــيب

وزي مـا بــقــولـوا أهــلـنـا حـاشــاك الـلوم وكــونـــو إنـك وصــلــت لـحــدي الـنــيــمــه
وســـلــمــت عــلي اهـــلـك وإخــوانـك و اديــتــم الـعــديــــه تــب مـاقـصـرت

ونــيـابـه عــن الـنيــمـاب نــقــول لــيك الـعــيد بـخيـت وســعيـد .----------------------------

نــــيــــمـاب ســـــــــــــــــــــــــــــــــــــــــــلام لـلـغـاييييييييييييييييييييييييييييـبين

عبدالرحمن محمد احمد الطيب
01-16-2007, 02:30 PM
لنعود بالنيمة الوريفة الي الزمان العذب الجميل

Nola

ســـــلام وتـــحـــيـــه لـلأصــــالـه و عـمــده الــنيـــمه

وشـــرفـتــ الــنـــيـــمــه ودي عـــديــــه جـــمـــيـــله
وكــل ســـنــه وإنــتـي بالـف خــيــر وعــافــيـــه

وشــــكـر لــكــي عــلــي دعـــوتـــك لـكـل الـــنــيــمـاب بالــعــوده

لـكــي تـــعــودوا بالـنيـمه الوريفة الي الزمان العذب الجميل.

-----------------------------
نــــيــــمـاب ســـــــــــــــــــــــــــــــــــــــــــلام لـلـغـاييييييييييييييييييييييييييييـبين

Nola
01-16-2007, 02:39 PM
Nola

ســـــلام وتـــحـــيـــه لـلأصــــالـه و عـمــده الــنيـــمه

وشـــرفـتــ الــنـــيـــمــه ودي عـــديــــه جـــمـــيـــله
وكــل ســـنــه وإنــتـي بالـف خــيــر وعــافــيـــه

وشــــكـر لــكــي عــلــي دعـــوتـــك لـكـل الـــنــيــمـاب بالــعــوده

لـكــي تـــعــودوا بالـنيـمه الوريفة الي الزمان العذب الجميل.

-----------------------------
نــــيــــمـاب ســـــــــــــــــــــــــــــــــــــــــــلام لـلـغـاييييييييييييييييييييييييييييـبين


عبد الرحمن ....

عمدة النيمة المقيم ...

الزول الذوق .. كل سنة وانت طيب

النيماب ديل ادوهم عين ... واتفرقوا فريقت السواد زي ما بتقول حبوبه

عشان كده خليني نمشي اجيب ليك بخور تيمان نبخره امكن يرجعوا تاني

عبدالرحمن محمد احمد الطيب
01-16-2007, 03:47 PM
Nola

قــبــل ماترجـعــي مـن الســوق جيــبـي معاك تــمـــر و ملوة لوبي عدسى
عـلشــان نــعمــل ليــهــم كرامــة بــليــه ومـهــا جــبــنــة ســـيـــدي الــحـــســــن
بــعـــد ضـــربــوا الشــــيات و كـــمــلـــوا الحـفــلات.
-----------------

نــــيــــمـاب ســـــــــــــــــــــــــــــــــــــــــــلام لـلـغـاييييييييييييييييييييييييييييـبين

muiz motasim babeker
01-17-2007, 03:07 AM
مرحــب حـباب المـعز وكــل ســنــه وإنــت طــيب

وزي مـا بــقــولـوا أهــلـنـا حـاشــاك الـلوم وكــونـــو إنـك وصــلــت لـحــدي الـنــيــمــه
وســـلــمــت عــلي اهـــلـك وإخــوانـك و اديــتــم الـعــديــــه تــب مـاقـصـر

نــــيــــمـاب ســـــــــــــــــــــــــــــــــــــــــــلام لـلـغـاييييييييييييييييييييييييييييـبين

[SIZE="5"][COLOR="Red"]الف شكر اخى عبد الرحمن ..... و كان قلت كدا اها ادونى بمبر و انا راجى الجبنه البكريه باقى انا زولا كيييييييييييف ....
( البن لو حبشى بكون مباااااااااااااااااالغه .....)

أمجد حرجولي
01-17-2007, 07:46 AM
سلام شله النيمه .....

طيبين .....الجو عندكم برد .... القهوه بترمي

عبدالرحمن محمد احمد الطيب
01-17-2007, 01:34 PM
muiz motasim babeker
أمجد فتحي سليمان حرجولي

صــباحكم زيـــن وخـــيـــر

مرحـــب بـيـكم في الــبــدايـــه كـدي شــــمـــو الـقــليـــه دي مــش بـن حــبشـي

http://www.rufaaforall.com/board/uploaded/1066_1169029473.jpg


كــمان مــع بــــخــــور الــتــيــمان الـجــابــتـو نـــولا إتـــفــضـــلــوا


http://www.rufaaforall.com/board/uploaded/1066_1169029849.jpg

بالمنـاســــبـه الــقـــهــوه دي اســــألــــوا مـنــهــا نــــــولا!!!!!!!

ندى بكرى
01-17-2007, 09:13 PM
muiz motasim babeker
أمجد فتحي سليمان حرجولي

صــباحكم زيـــن وخـــيـــر

مرحـــب بـيـكم في الــبــدايـــه كـدي شــــمـــو الـقــليـــه دي مــش بـن حــبشـي

http://www.rufaaforall.com/board/uploaded/1066_1169029473.jpg


كــمان مــع بــــخــــور الــتــيــمان الـجــابــتـو نـــولا إتـــفــضـــلــوا


http://www.rufaaforall.com/board/uploaded/1066_1169029849.jpg

بالمنـاســــبـه الــقـــهــوه دي اســــألــــوا مـنــهــا نــــــولا!!!!!!!



نيمااااااااااااااب سلام !!!

والله كان مااخاف الكدب الجبنه دي في رفاعة والبقلي فيها دا ود بادي !!!

شكلها الرحلة !!! دحين صدقتا والا لا !!!!

عموما انا بلبد ليكم جنب الكانون شوفوا النار دي سمحه كيف عندنا برد اسكت سااااااااي مبااااالغة

abdalla
01-17-2007, 09:52 PM
السلام عليكم يا شلة النيمة ياطيبين والله منظر القهوة يشهى ..والنار الدافئة كدفء احضان الوطن دى
الحقيقة منظر جميل جدا وشيق للغاية وطبعا ده تراثنا اللى بنعزو ونفتخر بيه والسياحة لما تجينا فى السودان نحن بنقدم ليها تراثنا السمح دة واللى شنو .....بس حافظوا على التقاليد الجميلة دى والله معاكم

معتز بابكر
01-17-2007, 09:53 PM
يا اخوااااااااااااااااانا هوووووووووووى
ادونى فنجان
الجنه راميانى

أمجد حرجولي
01-18-2007, 09:46 AM
عاينت ليها ساي رمتني من شده منظرها .....


الجو غير عادي ياقريبنا ..... لك التحيه اخونا عبدالرحمنوشله النيمه

عبدالرحمن محمد احمد الطيب
01-18-2007, 03:03 PM
مـا شـــاء الـله تـبارك الـله

الـنــيـــمــه مـنــوره وعـامره بالـطـيـبـين

ندى بكرى
abdalla
معتز بابكر
أمجد فتحي سليمان حرجولي

وشـــلة الـنــيــمــه تتشــرف بــتــواجـدكم الدايــم مــعاها وبـوجـودكم يــتــم الــتــواصل
بــيـن الـجــمــيــع فــي اخــوة و مــحــبــه

****
نــدي كانت فــعـلا الجــنــه مــن الرحــلــه ولكن المهندس البقلي في الـبن هو


http://www.rufaaforall.com/board/uploaded/1066_1169121656.jpg

----------
نــــيــــمـاب ســـــــــــــــــــــــــــــــــــــــــــلام لـلـغـاييييييييييييييييييييييييييييـبين

أمجد حرجولي
01-20-2007, 09:07 AM
وين جبنتكم البتبقر ديك الرهيبه ....


شله شجره النيمه .....


الجو دفئ ولي بارد من البحر طوالي...


لكم التحيه والود

عبدالرحمن محمد احمد الطيب
01-21-2007, 08:13 AM
صـــباحــــكـــم خـــــيـــــر صــــبــــاحـــكــم زيــــــــــــــــــن

صــــباح الـهــنـاء والســــــــــــرور
عــــلــــي

الــحــــاضـــــريــــيــــيـــيــيـــيــن و الــغـــايــنـــيـــــيـــيــــيـــــن


-----------------------------

نــــيــــمـاب ســـــــــــــــــــــــــــــــــــــــــــلام لـلـغـاييييييييييييييييييييييييييييـبين

عبدالرحمن محمد احمد الطيب
01-22-2007, 08:20 AM
نـــــــيـــــــمـــاب ســــــــــــــلام

صــــــبـاح الــخـــــــــــيــــــــــــر

ويـــــــــــــــــــــيــــن اهــــــــــــــلـنـا الـطــــــيــــبـيــــــــــــــــــــــن

أمجد حرجولي
01-25-2007, 07:42 AM
النيماب...... الشجره في الحطابه


صباحك خير وين القهوه والونسات الجميله والجو العجيب

أمجد حرجولي
01-27-2007, 08:21 AM
ياعبده وين الناس الظل راح والهواء الجميل



القهوه وين النار الملهلبه والكانون العجيب

عبدالله إبنعوف
03-13-2007, 02:31 PM
الله يرحم النيمة وأيام النمية
هجرها أحبابها وأصحابها

السماكي فات وخلى النيمة في عهدة جماعة والجماعة ما حافظوا على العهدة

أصابها ما أصابها ، عطشت وجفت أوراقها

وشايف جماعة هناك معاهم كم فاس كدا قالوا أحسن يقطعوها ويبيعوا حطبها ، وأهم جمب الحطابة يعني ما حيمشوا بعيد ....

يا جماعة لازم نعمل جمعية للدفاع عن النيمة وتعالوا نعمل ساتر عشان الجماعة ديل يمشوا بعيد .... بعيد من النيمة

عائدة الشايب
03-14-2007, 11:00 AM
الله يرحم النيمة وأيام النمية
هجرها أحبابها وأصحابها

السماكي فات وخلى النيمة في عهدة جماعة والجماعة ما حافظوا على العهدة

أصابها ما أصابها ، عطشت وجفت أوراقها

وشايف جماعة هناك معاهم كم فاس كدا قالوا أحسن يقطعوها ويبيعوا حطبها ، وأهم جمب الحطابة يعني ما حيمشوا بعيد ....

يا جماعة لازم نعمل جمعية للدفاع عن النيمة وتعالوا نعمل ساتر عشان الجماعة ديل يمشوا بعيد .... بعيد من النيمة



جمعية واحدة جمعيات عديييييل

عندنا ذكريات رواعية وحطابة وفطور وحاجات كتيييييييييييرة

والله كل يوم بكتشف انو رفاعة دي مباااااااالغة

ندى بكرى
03-15-2007, 02:16 PM
الله يرحم النيمة وأيام النمية
هجرها أحبابها وأصحابها

السماكي فات وخلى النيمة في عهدة جماعة والجماعة ما حافظوا على العهدة

أصابها ما أصابها ، عطشت وجفت أوراقها

وشايف جماعة هناك معاهم كم فاس كدا قالوا أحسن يقطعوها ويبيعوا حطبها ، وأهم جمب الحطابة يعني ما حيمشوا بعيد ....

يا جماعة لازم نعمل جمعية للدفاع عن النيمة وتعالوا نعمل ساتر عشان الجماعة ديل يمشوا بعيد .... بعيد من النيمة




ياريس :

نقف معك لا لا لا لقطع النيمة !!!

وانا من دربي دا شايلة بنبري وحفاظة الداردمــة وأبيع ليك فيها ومافي اي فاس بي حائم بي عندها !!!!

فيصل يوسف حامد
04-22-2007, 12:57 PM
سلام نيماب...سلاااااااااام...
النيمه نشفت وعايزه تموت...والنيماب ما جايبين خبر...
نولا...عدة الشاي دي ما شايفاها...
لهسع طين الخريف الفات لاصق فيها...
والمطر علي الابواب...وين الناس...
غايتو كان النيمه دي ماتت السماكي ما بغفر ليكم...
الزول دا شيلكم الأمانه...بتبقوا قدره ول لا...
كل النيماب اجمعوا بجاي...خسوساً الجكس الجديد...
ويلا دوروا الشاي والجبنه...

فيصل...

عوض أبوسن
04-22-2007, 03:34 PM
الله يرحم النيمة وأيام النمية
هجرها أحبابها وأصحابها

السماكي فات وخلى النيمة في عهدة جماعة والجماعة ما حافظوا على العهدة

أصابها ما أصابها ، عطشت وجفت أوراقها

وشايف جماعة هناك معاهم كم فاس كدا قالوا أحسن يقطعوها ويبيعوا حطبها ، وأهم جمب الحطابة يعني ما حيمشوا بعيد ....

يا جماعة لازم نعمل جمعية للدفاع عن النيمة وتعالوا نعمل ساتر عشان الجماعة ديل يمشوا بعيد .... بعيد من النيمة

أبو هبه العزيز سلام
وسلام بعدد صفقات النيمه و جاراتاها
لا ألف لا لقطع النيمه و مليون صيحه لعوده الأخ
السماكي و الساده النيماب
عودوا أحبائي وعلي بالشاي واللقيمات والبارد
وحمايه للنيمه الظليله
عندنا شباب عضلاتهم بطيخ جروف
ناس فرعون و عمر أبوسن في المقدمه و جاهزين
وحاجه الحرم بالدعوات الصالحات
حاكم بيتنا يا ريس حوالي 500 قدم من النيمه
ويا ندي في دربك للنيمه أغشي حاجه الحرم و سوسن
بيشيلوا بنابرهم و الحفاظه و تبروقتهن و بكابرنك
لا و ألف لا لقطع النيمه
وأي شنكبه قولوا لي عوك أنا زاتي زول فزعه
7 ساعت + ساعتين ونص بكون تحت النيمه
لكم حبي و أشواقي و للنيمه

الفرع القام دابه وب أنا شقاوه العزابه حي أنا
يا النيمه الفرهدتي وب أنا , للمنتدي ظللتي حي أنا

عبدالرحمن محمد احمد الطيب
04-22-2007, 04:06 PM
أبو هبه العزيز سلام
وسلام بعدد صفقات النيمه و جاراتاها
لا ألف لا لقطع النيمه و مليون صيحه لعوده الأخ
السماكي و الساده النيماب
عودوا أحبائي وعلي بالشاي واللقيمات والبارد
وحمايه للنيمه الظليله
عندنا شباب عضلاتهم بطيخ جروف
ناس فرعون و عمر أبوسن في المقدمه و جاهزين
وحاجه الحرم بالدعوات الصالحات
حاكم بيتنا يا ريس حوالي 500 قدم من النيمه
ويا ندي في دربك للنيمه أغشي حاجه الحرم و سوسن
بيشيلوا بنابرهم و الحفاظه و تبروقتهن و بكابرنك
لا و ألف لا لقطع النيمه
وأي شنكبه قولوا لي عوك أنا زاتي زول فزعه
7 ساعت + ساعتين ونص بكون تحت النيمه
لكم حبي و أشواقي و للنيمه

الفرع القام دابه وب أنا شقاوه العزابه حي أنا
يا النيمه الفرهدتي وب أنا , للمنتدي ظللتي حي أنا


حباب العمدة حباب عوض
وكمان معاك الشــيخ فيصل ود حامد شرفتوا النيمه

معليـش ياحبايب قــهوه علي الطاير جبناها من قهوه ود بادي إتـفـضـلوا


http://www.msa7a.net/up/uploads/a6c6e11eee.jpg (http://www.msa7a.net/up)

عوض أبوسن
04-22-2007, 04:38 PM
تسلم يا عبد الرحمن يا رايع
حرك الجبنات و أروي المنتدي
و لي ود بادي علي الحساب أنا
و بي الدولار كمان



http://newsimg.bbc.co.uk/media/images/42361000/jpg/_42361672_dollar_afp.jpg

فيصل يوسف حامد
04-22-2007, 05:28 PM
ود الطيب...حبابك الف...
وشكراً للجبنه المجيهة والمكربه...
وين باقي النيماب...
الناس دي لسع مخدره ول كيف...

فيصل...

Nola
04-23-2007, 10:46 AM
الله يرحم النيمة وأيام النمية
هجرها أحبابها وأصحابها

السماكي فات وخلى النيمة في عهدة جماعة والجماعة ما حافظوا على العهدة

أصابها ما أصابها ، عطشت وجفت أوراقها

وشايف جماعة هناك معاهم كم فاس كدا قالوا أحسن يقطعوها ويبيعوا حطبها ، وأهم جمب الحطابة يعني ما حيمشوا بعيد ....

يا جماعة لازم نعمل جمعية للدفاع عن النيمة وتعالوا نعمل ساتر عشان الجماعة ديل يمشوا بعيد .... بعيد من النيمة

ابوهبة .......

دي آخرتها ...

النيمة لو قطعوها ... حا يقطعوا تاريخ وجذور ..

ذكريات و ونسة طاعمة ....

حا يقطعوا روح الناس الكتيرين ...

الفي والمافيشين ..

القطع بكون للتخلص من الشجر الما عنده قيمة ورخيص ...

والنيمة ما رخيصة ... وعندها قيمة

بعدين كيف يا ابوهبة ؟؟؟؟

يقطعوا قيمنا ومثلنا .....

متكأنا ومكان رقدتنا ...

بيتنا ... ومحل هجعتنا ...

ذكريتنا ... ومحل لمتنا ...

روحنا ... ومسرى كلمتنا ...

Nola
04-23-2007, 10:50 AM
ود الطيب...حبابك الف...
وشكراً للجبنه المجيهة والمكربه...
وين باقي النيماب...
الناس دي لسع مخدره ول كيف...

فيصل...

فيصل

صباح الخير

وسلام لكل النيماب .. الموجودين والمافشين

يلا نشيل كتف الفرع الميل

لنعود بالنيمة الوريفة الي الزمان العذب الجميل:mh36:

فيصل يوسف حامد
04-23-2007, 11:58 AM
فيصل
صباح الخير
وسلام لكل النيماب .. الموجودين والمافشين
يلا نشيل كتف الفرع الميل
لنعود بالنيمة الوريفة الي الزمان العذب الجميل:mh36:


نولا...صباح الورد...
انا معاكم يد بيد...
ويلا هيلاااااهوب...نسند النيمه...
ونرجع الايام النديه...
زمن الضحكه والبسمه على وجوهنا و احبابنا النيماب والقراء البتاوقوا...
والبعيد اقرب...والقرب ابقى داخل لاجوه...
ودي حيكيره...وفي انتظار الباقين...
.......................................
علا يا نولا وين الشاي والقهوة...
ريحة القهوة بتجيب ليك الناس مطر...

فيصل...

فيصل يوسف حامد
04-23-2007, 01:12 PM
فيصل
يلا نشيل كتف الفرع الميل
لنعود بالنيمة الوريفة الي الزمان العذب الجميل:mh36:


نولا...النيماب ديل الله جيبم ...
والله استر ما يكونوا مع البدوا...


فيصل..

Nola
04-23-2007, 01:56 PM
نولا...صباح الورد...
انا معاكم يد بيد...
ويلا هيلاااااهوب...نسند النيمه...
ونرجع الايام النديه...
زمن الضحكه والبسمه على وجوهنا و احبابنا النيماب والقراء البتاوقوا...
والبعيد اقرب...والقرب ابقى داخل لاجوه...
ودي حيكيره...وفي انتظار الباقين...
.......................................
علا يا نولا وين الشاي والقهوة...
ريحة القهوة بتجيب ليك الناس مطر...

فيصل...


سسسسسسسسسلام

ياااااا حليل ززززمان وايييييام زززززمان

وينو امير الامين قبيييييييل لاقيتو قال ماشي السوق يجيب البن الشاي

لي هسي ما جاء

Nola
04-23-2007, 03:04 PM
http://www.rufaaforall.com/board/uploaded/564_1177329736.jpg

عبدالرحمن محمد احمد الطيب
04-23-2007, 03:15 PM
مـــرحـب مــــرحـــب حباب Nola

حــباب ســت الدار وبرضــو حباب ود حامـد

معليش يا جماعه تاخرنا عليكم شــــويه علشان مشـيت تمبول صرفت فيها دولارات ودابسن

مره اخري مرحبتين حبابك.


http://newsimg.bbc.co.uk/media/images/42361000/jpg/_42361672_dollar_afp.jpg[/QUOTE

Nola
04-23-2007, 03:20 PM
مـــرحـب مــــرحـــب حباب Nola

حــباب ســت الدار وبرضــو حباب ود حامـد

معليش يا جماعه تاخرنا عليكم شــــويه علشان مشـيت تمبول صرفت فيها دولارات ودابسن

مره اخري مرحبتين حبابك.

http://newsimg.bbc.co.uk/media/images/42361000/jpg/_42361672_dollar_afp.jpg[/QUOTE

عبد الرحمن الذوق

زول الحاره والضيفان

اها ان شاء الله الاخضر ابوصلعة ما وقع ولا اتسرق منك

وياريت تكون جبته لينا معاك كم هبابي وبنبر

في شان القدام ديل خلاص اتكسروا

الزير الكبير ما تكون نسيته

وابقي داخل لي جوه اشرب ليك مويه بارده لغاية ما يجي ود حامد

Nola
04-23-2007, 03:31 PM
أبو هبه العزيز سلام
وسلام بعدد صفقات النيمه و جاراتاها
لا ألف لا لقطع النيمه و مليون صيحه لعوده الأخ
السماكي و الساده النيماب
عودوا أحبائي وعلي بالشاي واللقيمات والبارد
وحمايه للنيمه الظليله
عندنا شباب عضلاتهم بطيخ جروف
ناس فرعون و عمر أبوسن في المقدمه و جاهزين
وحاجه الحرم بالدعوات الصالحات
حاكم بيتنا يا ريس حوالي 500 قدم من النيمه
ويا ندي في دربك للنيمه أغشي حاجه الحرم و سوسن
بيشيلوا بنابرهم و الحفاظه و تبروقتهن و بكابرنك
لا و ألف لا لقطع النيمه
وأي شنكبه قولوا لي عوك أنا زاتي زول فزعه
7 ساعت + ساعتين ونص بكون تحت النيمه
لكم حبي و أشواقي و للنيمه

الفرع القام دابه وب أنا شقاوه العزابه حي أنا
يا النيمه الفرهدتي وب أنا , للمنتدي ظللتي حي أنا


عوض

ود شيوخ البطانة حبابك

ابقى داخل لي جوه

اشرب ليك شاي بي لقيمات
http://www.hmc.org.qa/hmc/health/30th/images/leqemat.jpg

http://www.rufaaforall.com/board/uploaded/564_1177331273.jpg

عبدالرحمن محمد احمد الطيب
04-23-2007, 04:05 PM
عبد الرحمن الذوق

زول الحاره والضيفان

اها ان شاء الله الاخضر ابوصلعة ما وقع ولا اتسرق منك

وياريت تكون جبته لينا معاك كم هبابي وبنبر

في شان القدام ديل خلاص اتكسروا

الزير الكبير ما تكون نسيته

وابقي داخل لي جوه اشرب ليك مويه بارده لغاية ما يجي ود حامد

طبعا انتي عارفه اليوم سوق الاتنين وجماعتنا النشالين حايمين في سوق الشمش عشان كدا انا عملت فيها
حريف ومشيت بعت في تمبول ضربت ليكي كبده إبل وبعد المشوار ده جيت غاشي ازيار جيرانكم
المكروشــه بالحيمور امانه ما فيها جنس مويه بارده احـسن من موية التلاجه ....... ذكرتيني خليني اشوف لي ترله نجيب بيها زير من الحطابه . اديك العافيه
وسلامنا للناس الغايبين

عبدالرحمن محمد احمد الطيب
04-23-2007, 04:25 PM
http://www.hmc.org.qa/hmc/health/30th/images/leqemat.jpg


مـعـــليـــــــش ياشــــخ الــعرب
Nola تــب ماقــصرت جيت لقيــتـه مجهزه ليك الــشاي و الـيقيمات واخـــوك مع الحاجات دي

ما بكضـب علي طـــول بنتوهط في الواطه وعينك ماتشوف الا النور علي قول اخوانا المصريين

يعني ود حامد كان وصل مابحصل حاجه .

فيصل يوسف حامد
04-23-2007, 05:49 PM
نولا...وود الطيب...نيماب مأصلين...
وحضوركم بهي...فيه نكهة زمان...
هسع رشة المطره دي عليكم الله بتتفات...
كدي شوفوا الباقين احصلوا الجو الجميل وكمان معاه لقيمات...
ويا ود الطيب ياخي خلي الشرفه...
هسع كان تفوتنا لقيمات نولا...
بمشي وبجيكم تاني...خليكم ملمومين....

فيصل...

عوض أبوسن
04-23-2007, 08:19 PM
عوض

ود شيوخ البطانة حبابك

ابقى داخل لي جوه

اشرب ليك شاي بي لقيمات
http://www.hmc.org.qa/hmc/health/30th/images/leqemat.jpg

http://www.rufaaforall.com/board/uploaded/564_1177331273.jpg

أختي الحبيبه نولا

ياخ والله الشوق قندراني أبو ترلتين
ما يشيلو. كيف حالك و أزيك
يا الكل الناس ما زيك
يا سلااااااااااااام شاي و لقيمات
والله تب ما قصرتي
بس أرجيني النجر الهبابي وأجيك

العزيز عبدالرحمن
الصحن ده كان ما كفانا
يمين نولا دي شيخه عرب
بتجيبلنا تاني... و تاني

أبقوا عافيه

عبدالرحمن محمد احمد الطيب
04-24-2007, 08:47 AM
Nola , عوض أبوسن , فيصل يوسف حامد

صــــباحـكــم زيــن صـــــباحــكــم فــرح


صـــــباح الـــخــــيــر عـلـيـكـم .

Nola
04-24-2007, 08:58 AM
صباح الجمال

علي الناس الناس

نيماااااااااااااااب سسسسسسسسلام :mh007:

فيصل يوسف حامد
04-24-2007, 01:53 PM
صباح الجمال
علي الناس الناس
نيماااااااااااااااب سسسسسسسسلام :mh007:


وكمان مني سلاااااااام مربع للنيماب...

فيصل...

mohamed elhag abdelmahmoud
04-25-2007, 05:23 AM
[]بسم اللة الرحمن الرحيم
سلام عروب سلام أهل النيمة أم همبريبا هابي (هم بري يابا) فعلا هم يتبرأ منه
لأول مرة أدخل هذا الضل اليوم 24/4/2007
جيت د اخل من الشغل زهجا ن وعكران و روحي كارا قلت قبا ل ما أسوي أي حاجة كدي النخش أشوف
أهلي اسروا بالي واغيروا حا لي .أول ما خشيت قا بلتني الأوضة حقت التما ثيل الفيها جماعة ود الشريف
الراجل الضؤ وضميروا نضيف . لقيتا معكوكة عك و أنا زول جديد في الدار وما عارف الخبت دا مدور
من متين لأ نو ما في تواريخ , قلت أحسن أمرق بي كرامتي قبا ل ما أدخل أعوق لي زول ولا زولن اعوقني
و نبقي في حسرة وندامة ومعروف عننا الكرم والشها مة .
وأخيرا ختيت الرحمن في قلبي وقلت قبا ل ما أسجل صوت انسحا ب كدي النشوف با قي الأوض فيها شنو
و قبا ل ما أفتح لي باب عاينت في الحوش شفت نيمة السما كي فروعها تتما يل وأنا حران وعكران من المدافره اللشفتها في
الأوضة ديك قلت كدي النخلي سموم الأ وض واخد لي جمة في النيمة الفي الحوش دي
أول ما خشيت الضل وضربني الهمبريب ( الهم انزاح والبا ل ا رتا ح ) ولقيت الجماعة لطا ف و ظراف
وما في زول:mh1313:
كل الناس با لا ها دي ورايق ( وهذا ما أ راقني ) وثاني تب ما ما رق من الضل دا والأوض أم سموم دي
ختيت ليها القدرا .وكثر خير السماكي اللما نا في نيم الحكومة ورحم اللة عبد الرضي كا ن زما ن بلم فيهو
الغنم ليذهب بها الي المرعي وكتر خير عبدالرحمن ود عمي شا يف فنا جينوا ملانة لامن مدفقة
ولي عودة ود الحاج

عبدالرحمن محمد احمد الطيب
04-25-2007, 03:40 PM
نيماب ســـــــلام كـــتـــير

ود حامد ود ابوسن نولا اجمــــعــوا بســــرعه اليوم جانا ضـــيف وســيد بيت عــزيــر

مـن بـلاد بــعععععععععيده مـن امريكا

اســــرع يا ابوي اضـبح الخـــروف كرامه للشـــيخ محمد ود عمي الحاج ود عبدالمحمود

إتـــفضــل يا اخوي


http://www.rufaaforall.com/board/uploaded/1066_1177504761.jpg

عبدالرحمن على حسن
04-25-2007, 06:02 PM
النيماب .. سلام !!
بكل الود .. اتابع المحاولات اليائسة .. لرد الروح لهذا المتكأ ..
النيمة .. نفخر بأنها سجلت سبقا فى هذا المنتدى العامر .. فى عدد الصفحات .. والمشاركات .. واجتذاب الاقلام .. وستظل فى وجدان الجميع ...
كل شئ فى هذه الفانية .. الى زوال .. وتبقى الذكرى الطيبة .. والعمل الصالح ..
لا الشاى واللقيمات .. ولا حتى الخرفان ... حتجيب فايدة !!!
النيمة دايره سماد ... وقص .. عشان تخدر من جديد ...
ولما ضلها يكبر ... تعالوا نتلم تحتها من جديد .. بى مواضيع جديدة ( باب الاقتراحات مفتوح) .. فيها التمازج بين الاستفادة والترويح ... الجديّة والهزل ... والشورة والتواجيع ... وبكدا بترجع عامرة زى زمان .. وبالحجز كمان ...
وحتى ذلك الحين .. اليافطه معلقة ... كانت هنا نيمة ... تساقطت اوراقها ... وجف الماء تحت جذورها .. وينتهى العزاء بانتها الدفن،،،،

فيصل يوسف حامد
04-25-2007, 06:48 PM
سلام ...نيماب...سلالالالالالالالالالالام...
بشوف النيمه بدت تعمر...وتعود ليها الحيويه...
ويلا ياشباب همتكم...
ويا ود حسن...النيمه ياخي لسع بخيرها...
والناس رغم مشغولياتها بتمشي وتجيها..
بس انتوا ابقوا قرااااااااب....

فيصل...

mohamed elhag abdelmahmoud
04-25-2007, 10:00 PM
سلام نيما ب سلام كثير بالحيل
من زولا شغوف لي ضل نسيموا عليل
خيراتوا بتفيض ما دايرا ليها دليل
ود عمي المكرب جا بلوا خروف راسوا عديل





P 10:23 m

magda
04-26-2007, 07:02 AM
اححححححححححح جابنى الشوق يا السماكى

والله شوق لى ونسه بريئه وغطسا فى فى المالح

الشوق يا وليد

فيصل يوسف حامد
04-26-2007, 06:41 PM
سلام...نيماب...سلاااااااام...
مساكم الله بالخير...
الهمبريب الليله ضارب صااااااااااح...
حاجه تحرك الالباب...
ويا نولا...بشوفك غيابك طال...
ونيماب اجمعوا...وابقوا داخلين جاي...

فيصل...

magda
04-27-2007, 07:25 AM
صباحت الله بى خيرن

فيصل يوسف حامد
04-29-2007, 05:58 PM
سلام نيماب...سلااااااااام...
وين الناس....
اجمعواااااااااا.....
النيمه دي على وشك تشتت الصفحة التانيه...
ودي إنبطاحه...

فيصل...

علي فوراوي
04-29-2007, 07:40 PM
سلام يانيماب

كوز موية بارد من الزير

وعم بعشوم يرد السلام فوراوي داير لي شوية قش
من جنينة جدك علي أفندي
عم بعشوم خليني اريح شوية في شجرتك الظليلة دي

وبعدين جدي علي ما عمك انت داير تستأذن

رد علي ببسمة وقال لي طيبة قلب ناس رفاعة
هي الخلت عينا ماتشوف الا الخدار والموية شوف براك مخدرة كيف

ودمتم

فوراوي ،،

معتصم سليمان بابكر
06-10-2007, 10:31 AM
فتشت ليك ياشجرة النيم
لامن لقيتك بعييييدة هناك
شهرو11 يوم يالتمام
لافي زول طراك ولا قال
النشوف الناس مالم جافوها
السماكي يا حبيب
يامن أسست النيمة
الناس الاتلمت واتونست
مالها طشت ياربي
تعالوا نواصل الونسات
والناس الجونا جداد
تعالوا بالله قولو لينا
النيمة الوارفة دي
حنينة شديد

عائدة الشايب
06-10-2007, 12:11 PM
فتشت ليك ياشجرة النيم
لامن لقيتك بعييييدة هناك
شهرو11 يوم يالتمام
لافي زول طراك ولا قال
النشوف الناس مالم جافوها
السماكي يا حبيب
يامن أسست النيمة
الناس الاتلمت واتونست
مالها طشت ياربي
تعالوا نواصل الونسات
والناس الجونا جداد
تعالوا بالله قولو لينا
النيمة الوارفة دي
حنينة شديد




والله يا تصِم انا ذاااااااااتي

فتشت ليها واها هسا جيت لقيتا

لكن نااااااااااشفة دايرة ناسا يرجعوا ليها

عشان تفرهد من جديد وتنور

وننور نحن ذاتنا

يلا يا حبان عمروا المكان

عبدالرحمن محمد احمد الطيب
06-14-2007, 05:50 PM
ســـلام اهــل النيمـــــه ســـــــــلام
اليـــــوم جيناكم عبر الأقمار الصـناعيه

ســــــــــــــــــــــلام للاحـــــباب



http://www.rufaaforall.com/board/uploaded/1066_1181832552.gif

الصادق عبدالله ضرار
08-29-2007, 07:48 PM
بما ان النيمه كان قد اصابها المحل
وبما ان السماكي صاحبها وصل
وسقاها مويه
هاهي تفرهد من جديد
ياسماكي وينك كل الزمن ده
اظنك مافاضي من عد القروش
كباية شاي او فنجان قهوه في راكوبة ود الشين تجيبك مافي

عبد الغفار الأمين بكري
08-29-2007, 10:00 PM
[السلام عليكم يا اخوان ..
..


الاخ الصادق ...والأخ السما كي شكرا ليكم
والله ذكرتونا مسقط الرأس (فريق الجنينه )وقعدت
النيم .وفرعون ..وناس ماجد زنقار ..وعمر عبد الكريم
حاجة جميلة والله ...
عشتها بكل وجداني وذكرياتي ... والله كتر خيركم

عليكم الله كترو من الحاجات دي ...وخلونا نذكر ..

محمد عثمان عبدالقادر السماكي
08-29-2007, 11:05 PM
بما ان النيمه كان قد اصابها المحل
وبما ان السماكي صاحبها وصل
وسقاها مويه
هاهي تفرهد من جديد
ياسماكي وينك كل الزمن ده
اظنك مافاضي من عد القروش
كباية شاي او فنجان قهوه في راكوبة ود الشين تجيبك مافي

مرحب بالصادق الاخدر..
عارف النيمة دي بعد الاهمال الذي صادفته رغم مجهودات بعض
النيمااااب للمحافظة على اخضرارها وازدهارها ...
حنجيها بثوب وفهم جديد ..وحبث من داخلها كل ما يدور في احاديث
المدينة وكلام الناس يعني حنخايها زي اعمدة ناس نورالدين مدني
وصلاح عووضة ......

معتصم سليمان بابكر
08-30-2007, 12:11 AM
مرحب بالصادق الاخدر..
عارف النيمة دي بعد الاهمال الذي صادفته رغم مجهودات بعض
النيمااااب للمحافظة على اخضرارها وازدهارها ...
حنجيها بثوب وفهم جديد ..وحبث من داخلها كل ما يدور في احاديث
المدينة وكلام الناس يعني حنخايها زي اعمدة ناس نورالدين مدني
وصلاح عووضة ......

السماكي

حمدا لله على سلامة الظهور

ولبسها التوب الجديد

والفكرة شكلها حلو

وحاتودي لقدام أكيييييييييد

وحاتعالج مشاكل كتيرة

وحتبرز برضوبعض المسكوت عنه


عند اللفة بس :
--------------
ترحيب تاني حااااااار

عوض أبوسن
08-30-2007, 02:32 AM
جيدن جيت أخونا السماكي
مرحب بيك و البيت جنبك خلي
عمر يجر ليك كم كرسي و بنبر
وأعيدو الاخضرار لهذي المسكينه
و خلينا نجيك و نتعارف
و حبابك في دارك

محمد عثمان عبدالقادر السماكي
08-30-2007, 10:13 AM
السماكي

حمدا لله على سلامة الظهور

ولبسها التوب الجديد

والفكرة شكلها حلو

وحاتودي لقدام أكيييييييييد

وحاتعالج مشاكل كتيرة

وحتبرز برضوبعض المسكوت عنه


عند اللفة بس :
--------------
ترحيب تاني حااااااار



الوريف معتصم عارف امس في العصرية عرجت على النيمة لقيت الناس
القاعدين ما عندهم سيرة غير انو احد المسئولين النافذين المقالين حديثا طلع عندو
صيدلية حديثة في رفاعة ..!!!ياربي جاب قروشها دي من وين ..!!
لكن برضو قلت ليهم يا جماعة دي ممكن اشاعة سااااااااي..............

محمد عثمان عبدالقادر السماكي
08-30-2007, 10:17 AM
جيدن جيت أخونا السماكي
مرحب بيك و البيت جنبك خلي
عمر يجر ليك كم كرسي و بنبر
وأعيدو الاخضرار لهذي المسكينه
و خلينا نجيك و نتعارف
و حبابك في دارك

مرحب بيك كتير عوض ابوسن ...
والله كنا خايفين على النيمة اجيها الفيضان زي السنة الفاتت
يقوم المعتمد اقول لينا املأءؤ سراويلكم وعراريقكم تراب واردموا بيها
اصلنا نحنا ما بنقدر نجيب خيش....!!!!

معتصم سليمان بابكر
08-30-2007, 10:33 AM
الوريف معتصم عارف امس في العصرية عرجت على النيمة لقيت الناس
القاعدين ما عندهم سيرة غير انو احد المسئولين النافذين المقالين حديثا طلع عندو
صيدلية حديثة في رفاعة ..!!!ياربي جاب قروشها دي من وين ..!!
لكن برضو قلت ليهم يا جماعة دي ممكن اشاعة سااااااااي..............

أكيد يا سماكي بتكون اشاعة
وبما أنو كان نافذ معناها وظيفتو
كبيرة ومرتبو محترم ومقدر
وجائز انو أخد من استحقاقات
خدمته قبل الاقالة أو قرض

1/ يكون هو عمل بيها الصيدلية
ومامحتاجة رأس مال كبير

2/ احتمال تكون الصيدلية شراكة
بينو وبين بعض أقاربه او اصحابه

3/ جايز برضو يكون باع ليهو أرض
وبعض ممتلكات خاصة وكمل عليها

عند اللفة بس :
----------------
ياريت كل المحالين على المعاش من ابناء
رفاعة والمنطقة يفكروا في الاستثمار فيها

محمد عثمان عبدالقادر السماكي
08-30-2007, 10:37 AM
أكيد يا سماكي بتكون اشاعة
وبما أنو كان نافذ معناها وظيفتو
كبيرة ومرتبو محترم ومقدر
وجائز انو أخد من استحقاقات
خدمته قبل الاقالة أو قرض

1/ يكون هو عمل بيها الصيدلية
ومامحتاجة رأس مال كبير

2/ احتمال تكون الصيدلية شراكة
بينو وبين بعض أقاربه او اصحابه

3/ جايز برضو يكون باع ليهو أرض
وبعض ممتلكات خاصة وكمل عليها

عند اللفة بس :
----------------
ياريت كل المحالين على المعاش من ابناء
رفاعة والمنطقة يفكروا في الاستثمار فيها



عارف يا معتصم انا قلتا ليهم كدا ..لكن قالوا الزول دا كان اكبر زول في رفاعة وظيفيا...
وما ممكن انك تكون في الخدمة وتعمل ليك عمل استثماري ..في نفس المدينة
اكيد حتكون في محاباة ومحسوبية...اهو كلام ...

معتصم سليمان بابكر
08-31-2007, 09:28 PM
عارف يا معتصم انا قلتا ليهم كدا ..لكن قالوا الزول دا كان اكبر زول في رفاعة وظيفيا...
وما ممكن انك تكون في الخدمة وتعمل ليك عمل استثماري ..في نفس المدينة
اكيد حتكون في محاباة ومحسوبية...اهو كلام ...

السماكي
مادام الزول ده كان بيجلس على كرسي اكبر وظيفة
في المدينة اكيد بيكون عارف الصاح من الخطأ والجائز
من غير الجائز عملو . . . وعليه يضبح الرأي في أن
الحكاية دي ممكن تكون اشاعة سااااااي
أو زي ماقلت ليك تكون شراكة
واحتمال برضو يكون اشتراها بعد أن
ترك الوظيفة . . . لكن ناس الاشاعة
حبكوها انها عندو من زمان عشان
الاشاعة تكون مدنكلة

عند اللفة بس :
----------------
ياريت كل الناس تفكر في الاستثمار
عشان المدينة والمنطقة تمشي لقدام

عبدالله إبنعوف
09-01-2007, 02:01 PM
يااااااااااااااااااااااا
النيمة إخضرت من جديد

صاحبا وحاميها جاء من جديد
وأكيد الخريف السنة دي كان رهيب

وكمان أخونا عبدالغفار أحد جلساء النيمة أيام زمااااااااااااااااااااااااان
دخل المنتدى

ومرحب بيك أخونا السماكي
ومرحب من جديد بكل ناس النيمة
وعوداً حميداً

محمد عثمان عبدالقادر السماكي
09-01-2007, 02:48 PM
يااااااااااااااااااااااا
النيمة إخضرت من جديد

صاحبا وحاميها جاء من جديد
وأكيد الخريف السنة دي كان رهيب

وكمان أخونا عبدالغفار أحد جلساء النيمة أيام زمااااااااااااااااااااااااان
دخل المنتدى

ومرحب بيك أخونا السماكي
ومرحب من جديد بكل ناس النيمة
وعوداً حميداً


مرحب بالعمدة ابوهبة
عارف الناس اليومين ديل في رفاعة ما عندهم سيرة غير المعتمد الجاي جديد دكتور عمر
المشكلة هو انو معظم المثقفين والحادبين على مصلحة المدينة لا يعيرون القادم الجديد دائما اي اهتمام وذلك لظنهم بان التقرب منه يعتبر تملقا ومداهنة وبذلك يخلو الجوء لبعض الجهلة والانتهازيين للتقرب من القادم الجديد (وذلك ما يحدث دائما) وحينما لا يجد ذاك القادم إلا هولاء يبدا بالاستماع اليهم
المعتمد يجب ان يكون خادم المنطقة وليس سيدها ولذلك نامل بان يحرص الحادبين على مصلحة المدينة بعدم اعطاء الفرصة للبطانة السابقة باحتواء القادم الجديد واتمنى ان تلعب رابطة رفاعة للجميع دورا في ذلك لا سيما وهي تلعب دورا مقدرا في العمل على تطوير المدينة واحسب ان ذلك القادم يجب ان يلعب نفس الدور

معتصم سليمان بابكر
09-01-2007, 02:55 PM
مرحب بالعمدة ابوهبة
عارف الناس اليومين ديل في رفاعة ما عندهم سيرة غير المعتمد الجاي جديد دكتور عمر
المشكلة هو انو معظم المثقفين والحادبين على مصلحة المدينة لا يعيرون القادم الجديد دائما اي اهتمام وذلك لظنهم بان التقرب منه يعتبر تملقا ومداهنة وبذلك يخلو الجوء لبعض الجهلة والانتهازيين للتقرب من القادم الجديد (وذلك ما يحدث دائما) وحينما لا يجد ذاك القادم إلا هولاء يبدا بالاستماع اليهم
المعتمد يجب ان يكون خادم المنطقة وليس سيدها ولذلك نامل بان يحرص الحادبين على مصلحة المدينة بعدم اعطاء الفرصة للبطانة السابقة باحتواء القادم الجديد واتمنى ان تلعب رابطة رفاعة للجميع دورا في ذلك لا سيما وهي تلعب دورا مقدرا في العمل على تطوير المدينة واحسب ان ذلك القادم يجب ان يلعب نفس الدور

حبيبنا السماكي

شنو حكاية المعتمد الجديد دي ؟؟؟
بالله وقع لي الكلام ده أول مرة اسمع
بيهو ؟؟

محمد عثمان عبدالقادر السماكي
09-01-2007, 03:35 PM
حبيبنا السماكي

شنو حكاية المعتمد الجديد دي ؟؟؟
بالله وقع لي الكلام ده أول مرة اسمع
بيهو ؟؟




عارف يا معتصم طبعا الوالي حل كل حكومة الولاية بما فيها من معتمدين وذلك لكثرة الاخفاقات التى حدثت وتولى المدراء التنفيذين ادارة المعتمديات في كل انحاء الولاية لحين تعيين المعتمدين الجدد

Ameer Al Ameen
11-11-2007, 10:33 AM
بوست من الزمن الجميل

سماكى و ود فريجون الشوق

حنفية مكسور فى حوش عزابة...:mh892: :mh892:

عبدالله إبنعوف
11-11-2007, 11:20 AM
بوست من الزمن الجميل

سماكى و ود فريجون الشوق

حنفية مكسور فى حوش عزابة...:mh892: :mh892:

هو كما قلت الأخ أمير
وليت الزمن الجميل يعود
ومعه كل من أثرى هذا الموضوع

مش سماكي ونزار بس ، كل من مر على نيمة رفاعة الجمب الحطابة

Nola
11-13-2007, 09:54 AM
يااااااااااااااااااااااااااااحليل النيمه ونعيمه

وياااااااااااااااااااااااا حليل النيمه وايامه

واااااااااااااااياااااااااامنااااااااااااااااااااا يا نسيتو ( ما عارفة باقي الاغنية زول يتمها)

المهم يعني في ذات الصياغ وحيث انو

يا ااخي تاني يا حليل النيمة وشيوخه :mh658: :mh658:

بث عزانا الوحيد يوم كنا في رفاعة ..

ذهبنا اليها ومررنا بها نقبل ذا الفرع وذا الفرع وما حب الفروع ملك قلبنا

ولكن حب من كان يجلس هنا ( وش عامل رايح عديل)

رغم انه الدنيا كانت ليل وشكل الحته مخيييييف بث كان لازم نزوره ( اماااااااال ايه بصوت عمو الوجيه )

خالو عادل علي ::mh17:

شكراً جزيلاً جميلاً كثيفاً لانه وديتنا هنا

وهااااااااادي النيمه اديناها رشة

عادل علي
11-13-2007, 03:48 PM
يااااااااااااااااااااااااااااحليل النيمه ونعيمه

وياااااااااااااااااااااااا حليل النيمه وايامه

واااااااااااااااياااااااااامنااااااااااااااااااااا يا نسيتو ( ما عارفة باقي الاغنية زول يتمها)

المهم يعني في ذات الصياغ وحيث انو

يا ااخي تاني يا حليل النيمة وشيوخه :mh658: :mh658:

بث عزانا الوحيد يوم كنا في رفاعة ..

ذهبنا اليها ومررنا بها نقبل ذا الفرع وذا الفرع وما حب الفروع ملك قلبنا

ولكن حب من كان يجلس هنا ( وش عامل رايح عديل)

رغم انه الدنيا كانت ليل وشكل الحته مخيييييف بث كان لازم نزوره ( اماااااااال ايه بصوت عمو الوجيه )

خالو عادل علي ::mh17:

شكراً جزيلاً جميلاً كثيفاً لانه وديتنا هنا

وهااااااااادي النيمه اديناها رشة


خالو عادل :mh13:
عارفة يانولا
الواحد بحاول دايما
مايبتعد عن هذا الجمال
مهما أصرت الظروف .
نزداد شوقا
لكم التحية جميعا .

Nola
11-21-2007, 11:05 AM
خالو عادل :mh13:
عارفة يانولا
الواحد بحاول دايما
مايبتعد عن هذا الجمال
مهما أصرت الظروف .
نزداد شوقا
لكم التحية جميعا .

خالو عادل علي (رغم الحميرة بتاعة العين)

مرحباً بك نيمابي

Nola
11-21-2007, 11:26 AM
رشت ... رشت

رشت ... رشت

رشت ... رشت

رشت ... رشت

اديناااااااااهاااااااااااا رشه تاااااااااني

فيصل يوسف حامد
11-21-2007, 11:38 AM
رشت ... رشت
رشت ... رشت
رشت ... رشت
رشت ... رشت
اديناااااااااهاااااااااااا رشه تاااااااااني


رشت ...رشت...ساي ما بتنفع...
جيبي الهباب...وعدة القهوة...
ونادي معاك ستات الشاي القدام ديلك ...
العاملات نايمات...
يااااااااخي والله ايام لها ايقاع...
تلك البدايات...وزعيمنا ود فريجون...
هل تعود؟
يلا يا شباب كل واحد معاه جرد مويه نقي...
نعيد لهذه النيمه الخضرة والبهجة...:mh3569: :eusa_boohoo:

فيصل...

Nola
11-21-2007, 11:42 AM
رشت ...رشت...ساي ما بتنفع...
جيبي الهباب...وعدة القهوة...
ونادي معاك ستات الشاي القدام ديلك ...
العاملات نايمات...
يااااااااخي والله ايام لها ايقاع...
تلك البدايات...وزعيمنا ود فريجون...
هل تعود؟
يلا يا شباب كل واحد معاه جرد مويه نقي...
نعيد لهذه النيمه الخضرة والبهجة...::

فيصل...


اهلييييييييييييييييييين

باحد الفروع الاساسيه ( شكلك لذيذ وانت فرع ) هيهيهيهيه

بجيك راجعة جاريه اجتماع :mh34: :mh34: :mh34:

فيصل يوسف حامد
11-21-2007, 11:58 AM
اهلييييييييييييييييييين
باحد الفروع الاساسيه ( شكلك لذيذ وانت فرع ) هيهيهيهيه
بجيك راجعة جاريه اجتماع :mh34: :mh34: :mh34:


انا في الانتظار...
بس ما طولي...
وانشاء الله المحاولة المرة دي تكضب الناس...
القالوا فشلت كل المحاولات للإحياء...
النيمه في اذهان الناس...
وانا متأكد اي مداخله فيها بتجيب الناس جاريه جري...
حتى الما بكتب...بكون متصل بيها اكتر من كتابها...
وانت وين ود الطيب...الزول دا بقى ما بجي حائم بجاي...
افقدوهوا كان اكتر واحد في آخر الايام بذكرنا بيها...
تحياتي له...


فيصل...

Nola
11-21-2007, 01:39 PM
انا في الانتظار...
بس ما طولي...
وانشاء الله المحاولة المرة دي تكضب الناس...
القالوا فشلت كل المحاولات للإحياء...
النيمه في اذهان الناس...
وانا متأكد اي مداخله فيها بتجيب الناس جاريه جري...
حتى الما بكتب...بكون متصل بيها اكتر من كتابها...
وانت وين ود الطيب...الزول دا بقى ما بجي حائم بجاي...
افقدوهوا كان اكتر واحد في آخر الايام بذكرنا بيها...
تحياتي له...


فيصل...

جيت وبرضو جااااااااارية :mh018:

ان شاء الله تكضب الناس ... انت بث اقيف معاي نرفع الفروع الميلت :mh3256:

ود الطيب والله في بالي كم يوم اسال منو الزول دا بقى مااااافي عديل

مش في النيمه بث حتى في الموقع ما زي زمان

ود الطيب : ماااااااااااالك ما زي زمان

كدي ادي تلفون افقده يا فيصل

قول ليهو تعال شوف النيمه بتقت ( بتقت دي صاح ... يعني قامو نيمات صغار ) هيهيهيهيهي


فررررررررررررررررررررررررررررررر جرررررررررررريت

فيصل يوسف حامد
11-21-2007, 08:33 PM
جيت وبرضو جااااااااارية :mh018:
ان شاء الله تكضب الناس ... انت بث اقيف معاي نرفع الفروع الميلت :mh3256:
ود الطيب والله في بالي كم يوم اسال منو الزول دا بقى مااااافي عديل
مش في النيمه بث حتى في الموقع ما زي زمان
ود الطيب : ماااااااااااالك ما زي زمان
كدي ادي تلفون افقده يا فيصل
قول ليهو تعال شوف النيمه بتقت ( بتقت دي صاح ... يعني قامو نيمات صغار ) هيهيهيهيهي
فررررررررررررررررررررررررررررررر جرررررررررررريت


نولا ياخي معليش للتأخير...
المشغوليه...و الناس ديل موصلين لي سلك النت بلا نفس...
سرعته عشره بس...بالله دا كلام...الواحد عشان انزل المشاركه بكون قرب اغير رايه...
بعدين الفروع الميلت دي حيرتنا عديل...لكن طالما في تبتيق مافي عوجه...
بس حاولي اديها رشه تاني...امكن تصحى وتنعنش...
اما ود الطيب دا نيمابي اصيل قال بكره دي جائي...

ويا متاوق من الشباك...
ابقى داخل...
فيصل...

عبدالرحمن محمد احمد الطيب
11-24-2007, 04:53 PM
جيت وبرضو جااااااااارية :mh018:

ان شاء الله تكضب الناس ... انت بث اقيف معاي نرفع الفروع الميلت :mh3256:

ود الطيب والله في بالي كم يوم اسال منو الزول دا بقى مااااافي عديل

مش في النيمه بث حتى في الموقع ما زي زمان

ود الطيب : ماااااااااااالك ما زي زمان

كدي ادي تلفون افقده يا فيصل

قول ليهو تعال شوف النيمه بتقت ( بتقت دي صاح ... يعني قامو نيمات صغار ) هيهيهيهيهي


فررررررررررررررررررررررررررررررر جرررررررررررريت


اهـــلــــيـــــن حـــباب العــمــده أســـال منك الــــخــــير
وزى ما قال الشاعر بزيارتك بيتنا (النميه) نورت (بتقت) وشـــرفــتو رفاعه ورينا يديم عليك نعمة
الصـحــه والعافيه .
وعلى العموم اليوم جيت وقمت لميت الصـــفق الناشف

ســــلام شــــيخ فيصـــل

http://www.rufaaforall.com/board/uploaded/1066_1195912326.jpg

Nola
11-27-2007, 01:55 PM
اهـــلــــيـــــن حـــباب العــمــده أســـال منك الــــخــــير
وزى ما قال الشاعر بزيارتك بيتنا (النميه) نورت (بتقت) وشـــرفــتو رفاعه ورينا يديم عليك نعمة
الصـحــه والعافيه .
وعلى العموم اليوم جيت وقمت لميت الصـــفق الناشف

ســــلام شــــيخ فيصـــل

http://www.rufaaforall.com/board/uploaded/1066_1195912326.jpg

حببببببببببببببببببابك

وبركة الجيت وطمنتنا عليك يا يابه

يلا كدي جر الهبابي دا واقعد اشرب ليك فنجان قهوة مظبوط

واحكي لينا عن الدنيا واحواله

وينو الولد فيصل دا من صبحت قلته ليهو يجب زير بدل الاتكسر لي هسي ما ظهر

عبدالرحمن محمد احمد الطيب
11-27-2007, 02:29 PM
ســـــــــــلام اهـــــل الـنـيــمــــه الــطـــيــبــين


كـــل ســـــنـه و إنـتـم طـــيــبــين

الـســـــــــــــــمـاكـى


بـــــكـــــــره الـــــعـــــــــيــــــــد *******بـــــكـــــره الــعــيــــــــد


28/11/2005 ********** 28/11/2007


ســـــلام لـكـل الـنــيــمـاب

Ameer Al Ameen
11-27-2007, 02:54 PM
اها ..دى قعدة...!!!

المزاج رايق ..صبو لينا فنجان بكرى...!!!

ويا فيصل جيب معاك الشريط هول البنية ..نولا ...بتاع الجيلى ...!!!

الاغنية من امبارح كاسرة فين ضلعة ....!!!!:mh19:

و تورت علينا ...الحاجات الزمان ديك....!!!!

يا حليلك ..يا ود فريجون....!!!!!

Nola
11-27-2007, 03:22 PM
ســـــــــــلام اهـــــل الـنـيــمــــه الــطـــيــبــين


كـــل ســـــنـه و إنـتـم طـــيــبــين

الـســـــــــــــــمـاكـى


بـــــكـــــــره الـــــعـــــــــيــــــــد *******بـــــكـــــره الــعــيــــــــد


28/11/2005 ********** 28/11/2007


ســـــلام لـكـل الـنــيــمـاب

بكره اكييييييييد في العيد نتقابل

ونرمى شقنا ... ونعيد الماضي

وتعالو كلكم بكررررررررررررررررررره

ثمح

عبدالرحمن محمد احمد الطيب
11-27-2007, 05:04 PM
اها ..دى قعدة...!!!

المزاج رايق ..صبو لينا فنجان بكرى...!!!

ويا فيصل جيب معاك الشريط هول البنية ..نولا ...بتاع الجيلى ...!!!

الاغنية من امبارح كاسرة فين ضلعة ....!!!!:mh19:

و تورت علينا ...الحاجات الزمان ديك....!!!!

يا حليلك ..يا ود فريجون....!!!!!


حـــباب الأمــــير الأمـــــيــن

ســــــلامــــتــك مــن كِــســــــيـر الـضـُـلــع

وزى مـا قلـت نـولا

بكره اكييييييييد في العيد نتقابل

ونرمى شقنا ... ونعيد الماضي

وتعالو كلكم بكررررررررررررررررررره

ثمح

فيصل يوسف حامد
11-27-2007, 09:42 PM
اها ..دى قعدة...!!!
المزاج رايق ..صبو لينا فنجان بكرى...!!!
ويا فيصل جيب معاك الشريط هول البنية ..نولا ...بتاع الجيلى ...!!!
الاغنية من امبارح كاسرة فين ضلعة ....!!!!:mh19:
و تورت علينا ...الحاجات الزمان ديك....!!!!
يا حليلك ..يا ود فريجون....!!!!!


نولا التيبار جائيكم في الطريق...
بس حصلي زولك...ود الامين
الهواء ضربه تب...
وصدى الجاهلة جابه رب...
بسراع جيبي الغنيه...
وفي الغمره دي...خليه افتوووووووووووو....

- ود الطيب...والله دي قلبت فيها هوبه...
التاريخ دا زول جايب ليه خبر مافي...
في ظني السماكي ذااااااتو مو عارفه...
اديك العافيه...وبكره كتروا الشموع...وافرشوا الورود...
واطبعوا الكروت والدعوه عامه...

- السماكي...ود فريجون...الوريف...ود حسن...بت الجنيد...والباقين...
لو العيد دا ما جابكم...تبقى عوجه...

سلام...بجيكم بكره بدري...
والكلام نمره واحد وختري...
زي زولنا ود عكير دااااااااك...
بس الله اكتر الحسنوات...
امات دماً شربات...
فيصل...

عبدالرحمن محمد احمد الطيب
11-28-2007, 08:56 AM
ســــــماكى جـانـا الـعــيد و إنت بـعــيـــد

نــيـــمـاب كـل عــام و انــتــم بــخـــيــر

فيصل يوسف حامد
11-28-2007, 10:00 AM
وانت بخير يا ود الطيب...
وزي ما بقولوا ود البدري سمين...
وبشوفك جيت براك من دقش...
يعطيك العافيه...
ووين باقي النيماب...
الناس دي لسع ما صحت ول كيف...
يلا يا زول خلينا نسوي لينا فنجان جبنه برانا...
لحدي ما الجماعه ابينوا...
وكدي خت الرادي علي هنا ام درمان...
خلينا نسمع منوعات العاشره...
ايوا الموسيقى دي ظنيتها حقت ابو داوود...

يلا يا نيماب والله همبريب الصباحيه ما بتعوض
فيصل...

عبدالله إبنعوف
11-28-2007, 11:20 AM
أبوعركي البخيت :

غنوا معانا غنوة العيد والفرح الليلة عيد ميلاد فرحنا

عيد ميلاد سعيد وإن شاء الله مليون سنة .... العزيزة النيمة

Nola
11-28-2007, 11:22 AM
http://www.rufaaforall.com/board/uploaded/564_1196238068.jpg

ســــــماكى جـانـا الـعــيد و إنت بـعــيـــد

Nola
11-28-2007, 11:33 AM
http://www.rufaaforall.com/board/uploaded/564_1196238777.jpg

Nola
11-28-2007, 11:36 AM
كل النيماب ...

من شيوخه .... لي ستات الشائ


width=400 height=350

فيصل يوسف حامد
11-28-2007, 12:33 PM
يا سلام عليك يا حديقه...
اطربتينا واشجيتينا...يديك العافيه...
النيماب ديل ل سع مااااااا عاجبني...
في ناس نااااااااااايمه...
وناس جات ياك ...وزاغت...
هوي يا جماعه هوي...اركزوا...
والما بركز ...ماهو نيمابي اصيل...
ابقوا داخلين...اليوم دا كل موهوب للنيمه...

يلا وسعوا الدائره...
فيصل...

فيصل يوسف حامد
11-28-2007, 12:41 PM
ياخي باااااالغتو...
نولا دي ما حسها اتقرش بالغنى...
معقول ما حركت فيكم حاجه...
كدي شوفوها بتهاتي كيف...
وقالت ليكم ...يا حليكم الدوام بتطراكم...
لالالالالا بتبالغوا عديييل كدا...
حليل ناس هم ناسنا....ياخي تاني بالغتوا...
وياااااااا حليل مجلسنا النادي...
انتوا ما بتحسوا...ول كيف...

اه...نجيب قوات دوليه ول بتجوا...
فيصل...

عبدالرحمن على حسن
11-28-2007, 01:04 PM
فيصل ... عبدالرحمن ... أمير ... ونولا ...

وباقى النيماب ... الماجابم العيد !!!!

كل سنة وانتو طيبين ... ونيمتكم صامدة ... وشامخة ...

النيمة ... عندى ... رمز ... يشبه رفاعة الأم !!!

هجرها أبناؤها ... وتعددت الاسباب ...

لكنها ... تسكن داخل حنايا وأياصر القلب ... وتحتضنها الضلوع ....

وذكرى لحظات تنساب ألقا وحميمية ... لن تموت ... ونعود ... ونبكى على الاطلال !!!

لا أنسى ... ونحن نتداعى ... لنحتفل بالصفحة رقم 100 ...

القمة ... التى يصعب الحفاظ عليها .... ويتبعها الهبوط .... وهذه طبيعة الاشياء !!!

وتبقى النيمة .... وتبقى رفاعة ....

ونجيها خميس وجمعة ... وفى المناسبات ... والاجازات !!!!

ونفتش ليها فى التاريخ ....

وفى الاعياد ....

وفى الضل الوقف ما زاد !!!!

ويا حليلهم ... دوام اطراهم !!!!

وبرضو كل سنة ورفاعة بخير .... وانتو بخير تاميين وملمومين ،،،،

فيصل يوسف حامد
11-28-2007, 01:46 PM
الف مرحب بالزعيم ود حسن...
ياخي ليك وحشه...وباقي النيماب الما طلوا لسع...
ويلا يا شباب وسعوا الدائره...
ودوماً لمتكم عامره...


ولقدام...
فيصل...

عبدالرحمن محمد احمد الطيب
11-28-2007, 03:09 PM
ود حامـــد

ريــســـنا عبدالله

نــولا

الـعــمــده عبدالرحــمــن على حـســن


كـل ســــنــه و إنـتــو طيـــبــيـن


مـــعــلــيـــش ياجـماعه رجـــعــنـا صـــفــحات شـــويــــه عـلــشان نـجـيــب الخــروف ده

لزوم الـضـيفان

ســـــــلام للـجـمــيـع





http://www.rufaaforall.com/board/uploaded/1066_1177504761.jpg

محمد عثمان عبدالقادر السماكي
11-28-2007, 10:20 PM
ود حامـــد

ريــســـنا عبدالله

نــولا

الـعــمــده عبدالرحــمــن على حـســن


كـل ســــنــه و إنـتــو طيـــبــيـن


مـــعــلــيـــش ياجـماعه رجـــعــنـا صـــفــحات شـــويــــه عـلــشان نـجـيــب الخــروف ده

لزوم الـضـيفان

ســـــــلام للـجـمــيـع





http://www.rufaaforall.com/board/uploaded/1066_1177504761.jpg


عارف يا عبدالرحمن هنالك شبه شديد بين الخروف وصاحبه..
ما عارف دا تاثر بالبئية والشبه واضح في تقاسيم الوجه والشموخ...

محمد عثمان عبدالقادر السماكي
11-28-2007, 10:34 PM
http://www.rufaaforall.com/board/uploaded/564_1196238068.jpg

ســــــماكى جـانـا الـعــيد و إنت بـعــيـــد

نولا البندولة ..
اناقة الحروف لم تكن لهو...
لكنها الاحرف المعتقة باريج التفاؤل والامل -دائما يتثأب الخاطر في حضن
كلمات ابت الا تغفو على وسادة الاحلام فتصحو على دفوف الفرح..
كل عام وانتي بالف خير وكل النيماااااااااب بالف خير..

عبدالرحمن على حسن
11-28-2007, 10:44 PM
هنالك شبه شديد بين الخروف وصاحبه..
والشبه واضح في تقاسيم الوجه والشموخ...

السماكى ... سيد النيمة !!

حباب الزول ... السكن رفاعة ... واستغنى بيها ... عمّا سواها ...

ليك وحشة كبيرة ... وفرقتك ما بتنسد ...

ياخى بالغت فى حكاية الشبه بين الخروف وصاحبه ...

والله كلامك صاح ... ويبين اكتر كلما دققت فى الصورة ....

عارف يا محمد عثمان ... لو كانت خلفية الصورة ... النيمة ... كانت حتكون اللوحة الكاملة ...

عز وشموخ ... ودى رفاعة ...

وتعال ... فرح ليالينا ،،،،

محمد عثمان عبدالقادر السماكي
11-28-2007, 10:50 PM
نولا التيبار جائيكم في الطريق...
بس حصلي زولك...ود الامين
الهواء ضربه تب...
وصدى الجاهلة جابه رب...
بسراع جيبي الغنيه...
وفي الغمره دي...خليه افتوووووووووووو....

- ود الطيب...والله دي قلبت فيها هوبه...
التاريخ دا زول جايب ليه خبر مافي...
في ظني السماكي ذااااااتو مو عارفه...
اديك العافيه...وبكره كتروا الشموع...وافرشوا الورود...
واطبعوا الكروت والدعوه عامه...

- السماكي...ود فريجون...الوريف...ود حسن...بت الجنيد...والباقين...
لو العيد دا ما جابكم...تبقى عوجه...

سلام...بجيكم بكره بدري...
والكلام نمره واحد وختري...
زي زولنا ود عكير دااااااااك...
بس الله اكتر الحسنوات...
امات دماً شربات...
فيصل...


الظريف فيصل ..

غدا الافراح الوردية تتناثر _غدا نهدي للدنيا الالق والصباحات المطرزة بالفرح..
انك دائما ذلك الفيصل الذي نسرق الدقائق عنوة لنستمتع بما يكتب..

معتصم سليمان بابكر
11-28-2007, 10:55 PM
كل عام والناس بخير

السماكي كيفك ياحبيب
يعني الا يهزوا ليك النيمة ولا شنو ؟؟؟
يا اخي الموضوع ابدا ماظبط والله

عبدالرحمن على حسن
لكن لقيتك كتاااااااب بورق الشجر الاخضر

عملت لي زغللة

عبدالرحمن محمد احمد الطيب

اهم شيء الخروف ده كشفوا عليهو ؟؟؟؟
ولا ياربي عشان حق السنة الفاتت مابحتاج لكشف

عند اللفة بس :
----------------
السنة دي تكشف اول حاجة على الخروف
كشف خاص في الزريبة وبعد داك تشتري

محمد عثمان عبدالقادر السماكي
11-28-2007, 11:01 PM
السماكى ... سيد النيمة !!

حباب الزول ... السكن رفاعة ... واستغنى بيها ... عمّا سواها ...

ليك وحشة كبيرة ... وفرقتك ما بتنسد ...

ياخى بالغت فى حكاية الشبه بين الخروف وصاحبه ...

والله كلامك صاح ... ويبين اكتر كلما دققت فى الصورة ....

عارف يا محمد عثمان ... لو كانت خلفية الصورة ... النيمة ... كانت حتكون اللوحة الكاملة ...

عز وشموخ ... ودى رفاعة ...

وتعال ... فرح ليالينا ،،،،

الحبيب عبدالرحمن ..او كما تقول البندولة عمو الوجيه...
قدر توب السما المفرور بلا اطراف _قدر موج البحر لابنضب ولا معروفة ليهو ضفاف
وقدر الليل وكت يبرد ويبقى سكونو لينا عفاف..ده احساس القلب بالحب وبالناس
العزاز ولطاف...

محمد عثمان عبدالقادر السماكي
11-28-2007, 11:25 PM
كل عام والناس بخير

السماكي كيفك ياحبيب
يعني الا يهزوا ليك النيمة ولا شنو ؟؟؟
يا اخي الموضوع ابدا ماظبط والله

عبدالرحمن على حسن
لكن لقيتك كتاااااااب بورق الشجر الاخضر

عملت لي زغللة

عبدالرحمن محمد احمد الطيب

اهم شيء الخروف ده كشفوا عليهو ؟؟؟؟
ولا ياربي عشان حق السنة الفاتت مابحتاج لكشف

عند اللفة بس :
----------------
السنة دي تكشف اول حاجة على الخروف
كشف خاص في الزريبة وبعد داك تشتري

الوريف معتصم..
قد تبعد ظروف الحياة خطاوينا عن البعض ولكن هنالك اشخاص منقوشون
في الوجدان ..وانت منهم ايها الوريف..

محمد عثمان عبدالقادر السماكي
11-28-2007, 11:38 PM
ســــــماكى جـانـا الـعــيد و إنت بـعــيـــد

نــيـــمـاب كـل عــام و انــتــم بــخـــيــر

عمدة نيمتنا ...عبدالرحمن..
بنسال عنك طيف الغيمة العابرة مدارك كيفن حالك..وبنسال عنك
كل مسام الوتر الكشفت نورك..وبنسال عنك ياانسان ..

محمد عثمان عبدالقادر السماكي
11-28-2007, 11:47 PM
أبوعركي البخيت :

غنوا معانا غنوة العيد والفرح الليلة عيد ميلاد فرحنا

عيد ميلاد سعيد وإن شاء الله مليون سنة .... العزيزة النيمة


ابوهبة..
اصلو اتعلمنا منك نصنع الفرح المشتت فوق متاهات الكابة..وننسج خيوط
اللقياكسوة للناس الغلابة..منك اتعلمنانفرح وتسمو ارواحنا وتبقى فوق
حضن السحابة..

محمد عثمان عبدالقادر السماكي
11-28-2007, 11:56 PM
كل النيماب ...

من شيوخه .... لي ستات الشائ




الشيوخ اتعرفوا ...
يا ربي وين ستات الشاي....؟؟؟؟!!!!

ستات شاي النيمة ..
ابتداءا من غزلان الادريسي ونونة...
مرورا بالرائعة بتناام كلامن سمح لوزة..وانتهاءا ببت الجنيد...

Nola
11-29-2007, 06:55 AM
نولا البندولة ..
اناقة الحروف لم تكن لهو...
لكنها الاحرف المعتقة باريج التفاؤل والامل -دائما يتثأب الخاطر في حضن
كلمات ابت الا تغفو على وسادة الاحلام فتصحو على دفوف الفرح..
كل عام وانتي بالف خير وكل النيماااااااااب بالف خير..

سماكينا ...

جيتك طاعمة ومفرحة ....

زي طلة صباح العيد ....

ياااااادوب الليلة العيد بقالو طعم

بالله عليك دائماً خلينا سعدين بي طلتك

عبدالرحمن محمد احمد الطيب
11-29-2007, 05:00 PM
عمدة نيمتنا ...عبدالرحمن..
بنسال عنك طيف الغيمة العابرة مدارك كيفن حالك..وبنسال عنك
كل مسام الوتر الكشفت نورك..وبنسال عنك ياانسان ..


كـــل ســــنـــه وإنــت بالـف خـــير وعافـــيـــــه

مــتـعــك الله بالصــحـــه و الــعـــافـــيــــه

معتصم سليمان بابكر
11-29-2007, 10:20 PM
الوريف معتصم..
قد تبعد ظروف الحياة خطاوينا عن البعض ولكن هنالك اشخاص منقوشون
في الوجدان ..وانت منهم ايها الوريف..

تسلم ياسماكي يا ألق
ولك في القلب ذات المكانة
والله خير شاهد

فيصل يوسف حامد
12-01-2007, 10:57 AM
يا سلام علي الجو الصباحي والهمبريب الضارب...
سماكي...مرحب بطلتك وشكراً للاطراء...وحقيقة كلكم اصحاب حروف لها الق خاص...
ويلا اجمعوا ووسعوا الدائره عشان الباقي والما طلوا لسع...
ود الطيب الخروف فيه باقي...لو فيه الحقنا بصحن مكرب...
المحيرني نولا دي مقبله علي الحطابه وبتكوضم في شنو؟...
لكن في ظني لايكه الصبر...
يا زوله خلينا من الفارقه وحصلينا بالشاي...
باقي خروف ود الطيب دا تني ولحمه طري والجماعه ديل دفسوها وبدوروا افشوها...
ما شايفه ود الامين دا بطن كرشت ويتماطه للنفس...ياخي الملح دا بودرك...
والحالة ود حسن غلبته القومه...ياخوي اكل الشباب ما بخارج معاك بعد دا...


فيصل...

Nola
12-01-2007, 12:56 PM
يا سلام علي الجو الصباحي والهمبريب الضارب...
سماكي...مرحب بطلتك وشكراً للاطراء...وحقيقة كلكم اصحاب حروف لها الق خاص...
ويلا اجمعوا ووسعوا الدائره عشان الباقي والما طلوا لسع...
ود الطيب الخروف فيه باقي...لو فيه الحقنا بصحن مكرب...
المحيرني نولا دي مقبله علي الحطابه وبتكوضم في شنو؟...
لكن في ظني لايكه الصبر...يا زوله خلينا من الفارقه وحصلينا بالشاي...
باقي خروف ود الطيب دا تني ولحمه طري والجماعه ديل دفسوها وبدوروا افشوها...
ما شايفه ود الامين دا بطن كرشت ويتماطه للنفس...ياخي الملح دا بودرك...
والحالة ود حسن غلبته القومه...ياخوي اكل الشباب ما بخارج معاك بعد دا...


فيصل...

بطل قطيعة

اكوضم شنو ... انا متحيره في خروف ود الطيب دا

قالوا لي الخروف الكبير دا كلو جابو بي مية الف بث :mh918:

مالو رخيص كدي ... يكون عندو حمى ؟؟؟

بكووووووووووون صاح

فيصل يوسف حامد
12-01-2007, 01:18 PM
بطل قطيعة
اكوضم شنو ... انا متحيره في خروف ود الطيب دا
قالوا لي الخروف الكبير دا كلو جابو بي مية الف بث :mh918:
مالو رخيص كدي ... يكون عندو حمى ؟؟؟
بكووووووووووون صاح


دي معناه الجماعه رقدوا رز...
ناس ود حسن ود اللمين والوريف ديل غايتو وقعوا علي غباهم فيه...
لا خلوا شيه جمر ولا خلو مراره....
طالما رخيس كدا...قطع شك دا الوادي ذااااتو...
يكون ود الطيب دا باعنا ودكن باقي القروش؟

فيصل....

Nola
12-01-2007, 01:26 PM
دي معناه الجماعه رقدوا رز...
ناس ود حسن ود اللمين والوريف ديل غايتو وقعوا علي غباهم فيه...
لا خلوا شيه جمر ولا خلو مراره....
طالما رخيس كدا...قطع شك دا الوادي ذااااتو...
يكون ود الطيب دا باعنا ودكن باقي القروش؟

فيصل....

هيهيهيهيهيههيهي ما شايفهم مبطحين تحت ضل النيمه كيييييف

بث ود الطيب حسب علمي ما عندو ذنب

اصلو رسل امير الامين قال ليهم امشي جيب الخروف لغاية ما نجهيز الحاجات

بث انت اصلا ود الامين ما بتعرفو انا بعرفوا كويسسسسسسسسس

مش جاب واحد رخيص

واتبرع بالباقي لي مشروع سقيا النيمه :mh654:

انا قلته حاجه :eusa_silenced:

فيصل يوسف حامد
12-01-2007, 01:51 PM
هيهيهيهيهيههيهي ما شايفهم مبطحين تحت ضل النيمه كيييييف
بث انت اصلا ود الامين ما بتعرفو انا بعرفوا كويسسسسسسسسس
مش جاب واحد رخيص
واتبرع بالباقي لي مشروع سقيا النيمه :mh654:
انا قلته حاجه :eusa_silenced:


انتي وين الناس ديل...لسع قاطعين النفس...
ياخي دي نومه طويله خلاس...
يكون تقلوا الشربوت؟؟؟؟

فيصل...

عبدالرحمن محمد احمد الطيب
12-01-2007, 03:00 PM
دي معناه الجماعه رقدوا رز...
ناس ود حسن ود اللمين والوريف ديل غايتو وقعوا علي غباهم فيه...
لا خلوا شيه جمر ولا خلو مراره....
طالما رخيس كدا...قطع شك دا الوادي ذااااتو...
يكون ود الطيب دا باعنا ودكن باقي القروش؟

فيصل....


ود حامــــــد

بــطـــــل إســـــــتـــهــبال الــعـــــلب غــيــــرها

قــــــول عـــــديــــل كـدى مــاعــاوز تــــدفـــع نـــصــــيــــبـك

مـــافى مـشـــــكـله بـنــخـــيـــك.

عبدالرحمن محمد احمد الطيب
12-01-2007, 03:09 PM
بطل قطيعة

اكوضم شنو ... انا متحيره في خروف ود الطيب دا

قالوا لي الخروف الكبير دا كلو جابو بي مية الف بث :mh918:

مالو رخيص كدي ... يكون عندو حمى ؟؟؟

بكووووووووووون صاح


نـــولا


و حــات ود الـــمـــهــــــدى

الـــخـــروف ده قـــبل ما ندفـع الــفــــلوس وديناهو البـــطــرى
و بــعــــد الــكــشـــــف دفــعـــنـا خـــمـــــســــمــية الـف

و بـــعـــديــــن مـاشـــااااااااااايـفه مــــقاومـــته لــعــمــك ده

بــــرضــــــوا تــــــقـــــولـوا عــنـــدوا ؟؟؟؟؟؟؟؟؟؟؟؟

انــا عارف ده كلام ود حــامــد

Ameer Al Ameen
12-01-2007, 03:59 PM
هيهيهيهيهيههيهي ما شايفهم مبطحين تحت ضل النيمه كيييييف

بث ود الطيب حسب علمي ما عندو ذنب

اصلو رسل امير الامين قال ليهم امشي جيب الخروف لغاية ما نجهيز الحاجات

بث انت اصلا ود الامين ما بتعرفو انا بعرفوا كويسسسسسسسسس

مش جاب واحد رخيص

واتبرع بالباقي لي مشروع سقيا النيمه :mh654:

انا قلته حاجه :eusa_silenced:

وحات شيخى ..الخروف دا "حسى" ساكت و جاتو نفسيات ..عديل ...!!

قال شنو ...البت نولا بى هضرباتها...عملت ليه ..ارتكاريا.....!!!!

من ساعة ..دخل علينا ..و البت دى ماعندها شئ غيرو ..و كلام المثقفاتية بتاعها داك....

"لما تحيبو الخروف ..خلو بالكم من المقاييس البيئية"......."اعملو حسابكم من البيئة و التغيرات

المناخية."......................و ."علاقة الجفاف والتصحر بالبئية "...و...........و الخ ...

مالنا نحن ما كنا كويسين قبل موضوع البتاعة دى .....!!!! الواحد فينا ..يشرب فى السمن و ياكل فى

العسل..و فى امان الله....لا كولسترول ..لا ملاريا ...لا حمى... ما تعرف شنو ..حاجة جديدة ...كده.!!!!

هوى شيلو " بيئتكم " دى ...و ادونا حال القديم ...قبلانين....!!!!!:mh0226:

فيصل يوسف حامد
12-01-2007, 06:21 PM
نـــولا
انــا عارف ده كلام ود حــامــد


ود الطيب يا زول كلامي شنو...
انت عينك في الفيل...
نولا الشافتك بتغمت لصاحب الخروف مائة الف...
وبعدين بيطري شنو المشيت ليه...
الزول دا اتناول الخروف دا من راس الشارع...
الجاب ديم العوض هنا شنو...
الخروف دا مهبوش يا حبه...
كدي شوف الناس ديل مبطحين كيف...
ولهسع مما بلعوا الحبوب ما شفنا منهم...
الا ود الامين قام قال كلام طشاش...ورجع نام تاني...

فيصل...

عبدالرحمن محمد احمد الطيب
12-02-2007, 08:57 AM
ود الطيب يا زول كلامي شنو...
انت عينك في الفيل...
نولا الشافتك بتغمت لصاحب الخروف مائة الف...
وبعدين بيطري شنو المشيت ليه...
الزول دا اتناول الخروف دا من راس الشارع...
الجاب ديم العوض هنا شنو...
الخروف دا مهبوش يا حبه...
كدي شوف الناس ديل مبطحين كيف...
ولهسع مما بلعوا الحبوب ما شفنا منهم...
الا ود الامين قام قال كلام طشاش...ورجع نام تاني...

فيصل...

[ ود حـامــد

الــحـــمــد لله إنـــو الــراجــل جــاب خــــــروف

و مـاجــــاب ليــــهــووووووووو جــردل مـن ديــم الـعـــوض

فــتــش و شـــــــوف الــــجابــو مــنــــو و كـمـان فــيــــهـا حــــبــــوووووووووب

دى فـــيـها ســــــجــن

فيصل يوسف حامد
12-02-2007, 10:02 AM
[ ود حـامــد
الــحـــمــد لله إنـــو الــراجــل جــاب خــــــروف
و مـاجــــاب ليــــهــووووووووو جــردل مـن ديــم الـعـــوض
فــتــش و شـــــــوف الــــجابــو مــنــــو و كـمـان فــيــــهـا حــــبــــوووووووووب
دى فـــيـها ســــــجــن


ياخي انا برضو شالني الشك...
وعيونا دي ما اتقلوزت ساي...
ومن قبيل نتغالت فيه...شربوت...ما شربوت...شربوت ما شربوت...
انا بتذكر السماكي دا ادوهو الجردل ....وقلنا ليه امشي البيوت لحبوباتنا...
باين عليه مااااا عمل بالوصيه وجابه مستورد...:m03:

عبدالرحمن محمد احمد الطيب
12-02-2007, 03:25 PM
ياخي انا برضو شالني الشك...
وعيونا دي ما اتقلوزت ساي...
ومن قبيل نتغالت فيه...شربوت...ما شربوت...شربوت ما شربوت...
انا بتذكر السماكي دا ادوهو الجردل ....وقلنا ليه امشي البيوت لحبوباتنا...
باين عليه مااااا عمل بالوصيه وجابه مستورد...:m03:



شــــوف ياخـــوى
دحـــــين اللعبـه ظــهـرت إنــــت ياخى جاى طـاشــــم مــن اول و مـا عـارف

تـــقــول شــــنـــو

مــره نـــولا بـتـكــوضــــم , مــــره الـخــروف عــيان , وألآن الـســـماكى رســــل
الراجل بالــجـــردل.

شـــوف لـيك حـــل تانى و ادفـع نـصــيبك

Ameer Al Ameen
12-02-2007, 04:47 PM
هوووووووووووووووووووووى يا ناس ....!!!

الكلام بقى اعوج شديد ....!!! شربوت شنو ...و قنفليز شنو..!!!

والكلام دا بطير علينا الحمام ...!!!عمرونا دا كلو ندودر فيه ....:mh12:

من زمن ناس تودى ..لما طيرها زولنا داك الله يطراهو بالخير ...النيمة دى

ما شمت عافية ..الا قريبات دى ......

عاوزين تجيبوا لينا الهوى.....!!!! فيصل دا ...مشوكش و لا شنو ...!!!

اصلها الشواكيش بتجيب الهضربة .......!!!!(انا قلت حاجة )

فيصل يوسف حامد
12-02-2007, 10:00 PM
نيماب مساك الله بالخير...
جيت لقيت الناس لسع ما وصلوا لحل...
ود اللمين لفت نظرنا...والكلام البطفش ما بندوروا...
كفايه الشواكيش الاخدناها...
ويا ود الطيب غير الموجه...واظبط علي الام بي سي...
وقلت لي كيف من زمن منو يا ود الامين...
يااااااااااااا حليل نودي....ولوزي...وشموسي...وبقية الـ ي...
والتحيه لنولي...
الجماعه ديل قاااااعدين وبجوكم قريب...

فيصل...

Nola
12-02-2007, 11:56 PM
شــــوف ياخـــوى
دحـــــين اللعبـه ظــهـرت إنــــت ياخى جاى طـاشــــم مــن اول و مـا عـارف

تـــقــول شــــنـــو

مــره نـــولا بـتـكــوضــــم , مــــره الـخــروف عــيان , وألآن الـســـماكى رســــل
الراجل بالــجـــردل.

شـــوف لـيك حـــل تانى و ادفـع نـصــيبك

هيهيهيهيههيهيهيههيهيهيي

وانا اقووووووووووووووووووووووول

هي ما تحمر لي دا ود الطيب القال ....

وانااااااااااا اقول هو مالو عامل كده الليله :mh12:

هيهيهيهيهيهيه

Nola
12-03-2007, 12:00 AM
هوووووووووووووووووووووى يا ناس ....!!!

الكلام بقى اعوج شديد ....!!! شربوت شنو ...و قنفليز شنو..!!!

والكلام دا بطير علينا الحمام ...!!!عمرونا دا كلو ندودر فيه ....:mh12:

من زمن ناس تودى ..لما طيرها زولنا داك الله يطراهو بالخير ...النيمة دى

ما شمت عافية ..الا قريبات دى ......

عاوزين تجيبوا لينا الهوى.....!!!! فيصل دا ...مشوكش و لا شنو ...!!!

اصلها الشواكيش بتجيب الهضربة .......!!!!(انا قلت حاجة )

انتو الناس دي راسه خفيف كده ماله

ود اللمين مالك قمت تتكلم بره من راسك .. دا حالتو شربوت بث

هيهيهيههيهيهي طار الحمام طااااااااااااار ... ما كلمتك قلته ليك اقفل باب القفص

قلته لي واثق ... اها طار هيهيهيهيهي

شواكيش = هضربة ( وش مخلوع وعيونه طالعه لي بره )

انت قاصد شنو :m09:

فيصل يوسف حامد
12-03-2007, 10:08 AM
هيهيهيهيههيهيهيههيهيهيي
وانا اقووووووووووووووووووووووول
هي ما تحمر لي دا ود الطيب القال ....
وانااااااااااا اقول هو مالو عامل كده الليله :mh12:
هيهيهيهيهيهيه


ياخي انت كمان سويتي ليها اقوووول...
هسع عليك الله بتصديقي ود الطيب دا...
كدي شوفيه ما قادر اقيف...
وشكله عايز اشغلكم من باقي القروش...
انا للخروف اديت تلتمائة الف...ما ادقسكم...
ويا ود الطيب...ياخي كنت تشتري بالمتين ودغمس الميه...
عالم ما تستحي...
كل هين ما تكون المتين صرفتها في ديم العوض...

فيصل...

ودالنور
12-03-2007, 01:39 PM
لاكن صعبين ياناس رفاعه الطيب التوم وين والقصاص

عبدالرحمن محمد احمد الطيب
12-03-2007, 04:10 PM
ياخي انت كمان سويتي ليها اقوووول...
هسع عليك الله بتصديقي ود الطيب دا...
كدي شوفيه ما قادر اقيف...
وشكله عايز اشغلكم من باقي القروش...
انا للخروف اديت تلتمائة الف...ما ادقسكم...
ويا ود الطيب...ياخي كنت تشتري بالمتين ودغمس الميه...
عالم ما تستحي...
كل هين ما تكون المتين صرفتها في ديم العوض...

فيصل...

ود حامــد اخـــــــوى كدى اقـــعـــد فى الــبــنـــــبـر ده

وشـــــم الــقـــلـيـــه دى عــلـشــــان نــولا تـتـذكــر مــعاك ريـحــة القــليه بـتاعــت

الـبـن الـحــبشـــى ده





http://www.rufaaforall.com/board/uploaded/1066_1169029473.jpg

فيصل يوسف حامد
12-03-2007, 06:15 PM
ياود الطيب...دي جبتها من وين...
تكون استلفتها من خيمة الشوارد...
ياخي لكن جبنه مكربه وريحت تجيب الضهبان...
الليله وين باقي النيماب...
الناس ديل افروا ...افروا...والبدوا...
الحاصل شنو...

فيصل...

Nola
12-03-2007, 08:37 PM
ود حامــد اخـــــــوى كدى اقـــعـــد فى الــبــنـــــبـر ده

وشـــــم الــقـــلـيـــه دى عــلـشــــان نــولا تـتـذكــر مــعاك ريـحــة القــليه بـتاعــت

الـبـن الـحــبشـــى ده





http://www.rufaaforall.com/board/uploaded/1066_1169029473.jpg

ياااااااااااااااااااااااااااااااااااااااربي عليك يا ود الطيب

ياااااااااااااااااااااااااااااااربي عليك يا اخي

اعدتني لي زمناً جميل

يااااااااااااااااااااااااااااااااااااااااااااااااه

لك ولهم كل ما يهدى الا الحزن

وتسلم يا انيق علي ريحة القلوه الكااااااااااربه ويسلم المهند ود بادي

فيصل يوسف حامد
12-03-2007, 08:57 PM
ياااااااااااااااااااااااااااااااااااااااربي عليك يا ود الطيب
ياااااااااااااااااااااااااااااااربي عليك يا اخي
اعدتني لي زمناً جميل
يااااااااااااااااااااااااااااااااااااااااااااااااه
لك ولهم كل ما يهدى الا الحزن
وتسلم يا انيق علي ريحة القلوه الكااااااااااربه ويسلم المهند ود بادي


نولا....هسع جيت متين...
بعدين ود الطيب عرفناه...
اه ود بادي دا الجابو هنا شنو...:mh003:
وهذا يعتبر خرق للوائح والقوانين النيمابيه...
وسوف تعاقبي عليه...
الا ود بادي دا اجي واسجل هنا...
دا البحلك...
كدي خلينا نشوف البتهاتي بيه دا بجي...
ول بعمل نائم...
وكان ما جاء...تحظر قهوته البادابيه...


مجلس عضوية النيمه للجميع...
فيصل...

يوسف البشير يوسف
12-04-2007, 12:15 PM
و الله قالو الفارغة بطول العمر

عبدالرحمن محمد احمد الطيب
12-04-2007, 04:46 PM
نولا....هسع جيت متين...
بعدين ود الطيب عرفناه...
اه ود بادي دا الجابو هنا شنو...:mh003:
وهذا يعتبر خرق للوائح والقوانين النيمابيه...
وسوف تعاقبي عليه...
الا ود بادي دا اجي واسجل هنا...
دا البحلك...
كدي خلينا نشوف البتهاتي بيه دا بجي...
ول بعمل نائم...
وكان ما جاء...تحظر قهوته البادابيه...


مجلس عضوية النيمه للجميع...
فيصل...


ود حـامـد **** نــول

الـــيــــوم جــبــنـاهـــا كـامـله

إتـــفـــضــــلـوا إتـكــيـــفـــوا


http://www.msa7a.net/up/uploads/a6c6e11eee.jpg (http://www.msa7a.net/up)

محمد عثمان عبدالقادر السماكي
12-04-2007, 08:12 PM
نولا....هسع جيت متين...
بعدين ود الطيب عرفناه...
اه ود بادي دا الجابو هنا شنو...:mh003:
وهذا يعتبر خرق للوائح والقوانين النيمابيه...
وسوف تعاقبي عليه...
الا ود بادي دا اجي واسجل هنا...
دا البحلك...
كدي خلينا نشوف البتهاتي بيه دا بجي...
ول بعمل نائم...
وكان ما جاء...تحظر قهوته البادابيه...


مجلس عضوية النيمه للجميع...
فيصل...

فيصل هوووووووووووووي مالك مع البندولة دي...
ودبادي دا جابتو لانو هو البقلي في البن في الصورة...
اها عرفت الحكاية يا ودحامد...

فيصل يوسف حامد
12-04-2007, 09:49 PM
فيصل هوووووووووووووي مالك مع البندولة دي...
ودبادي دا جابتو لانو هو البقلي في البن في الصورة...
اها عرفت الحكاية يا ودحامد...


السماكي...ياخي تحياتي...وليك وحشه...
والله زمن...وبرضو وينك يا ودفريجون...
ويا سماكي ياخي البندوله دي في زول بزعله...
دي ياخي البتفك الالم والصداع...
وبتحمينا من الشمس ام شعاع...
والضيف كان جاء بتهم ليه بسراع...
طيبه واصل وكرم هن ليها طباع...
وكان شربت قهوتها تقول بااااااااااع...
وكمان الشاي مدنكل وبنعناع...
اكمل...ول كفايه...


ويا سلام...وتاني يا سلام...
سماكي...
ود بادي دا ياخي جيته بتشرفنا
بس قول ليه ابقى داخل لا جوه...
فيصل...

محمد عثمان عبدالقادر السماكي
12-04-2007, 10:16 PM
السماكي...ياخي تحياتي...وليك وحشه...
والله زمن...وبرضو وينك يا ودفريجون...
ويا سماكي ياخي البندوله دي في زول بزعله...
دي ياخي البتفك الالم والصداع...
وبتحمينا من الشمس ام شعاع...
والضيف كان جاء بتهم ليه بسراع...
طيبه واصل وكرم هن ليها طباع...
وكان شربت قهوتها تقول بااااااااااع...
وكمان الشاي مدنكل وبنعناع...
اكمل...ول كفايه...


ويا سلام...وتاني يا سلام...
سماكي...
ود بادي دا ياخي جيته بتشرفنا
بس قول ليه ابقى داخل لا جوه...
فيصل...

يا سلاااام على جدعاتك ورمياتك الحلوة دي..
والله انتا كمان ليك وحشة شديدة..يا ظريف
وداللمين مالو بهااااااااااااتي...!!؟

m-alhadi1
12-04-2007, 11:05 PM
يادفعةةةةةةةةة جبنة في كباية لوسمحت قهوتكم

Ameer Al Ameen
12-05-2007, 11:22 AM
يا سلاااام على جدعاتك ورمياتك الحلوة دي..
والله انتا كمان ليك وحشة شديدة..يا ظريف
وداللمين مالو بهااااااااااااتي...!!؟

يا حبيب والله الشوق ..

ترعة مكسورة بى جنبة.....

الماهتة ..بى سببها ..!!

ود حامد وود الطيب ..نقلوا النيمة ..الى العصور ...الوسطى ...!!:mh19:

بدل اللابتوب و الجوال ...!!!جابو لينا ...شربوت فى النمية ...!!!

عارف صاحبك مكنتو خفيفة ...عبار عبارين.... الراس لفة ..و العيون زغللت

و اللسان تقل...و عينك ما تشوف الا ..النور ..!!!!!

اها باقيلك...الناس ديل ما غلطلانين.....!!!:mh085:

Nola
12-05-2007, 12:10 PM
يا حبيب والله الشوق ..

ترعة مكسورة بى جنبة.....

الماهتة ..بى سببها ..!!

ود حامد وود الطيب ..نقلوا النيمة ..الى العصور ...الوسطى ...!!:mh19:

بدل اللابتوب و الجوال ...!!!جابو لينا ...شربوت فى النمية ...!!!

عارف صاحبك مكنتو خفيفة ...عبار عبارين.... الراس لفة ..و العيون زغللت

و اللسان تقل...و عينك ما تشوف الا ..النور ..!!!!!
اها باقيلك...الناس ديل ما غلطلانين.....!!!:mh085:

انا هسي قلته حاجة :mh45:

فيصل يوسف حامد
12-05-2007, 01:35 PM
الليله ود الطيب دا ماعاجبني...
الزوله دا لسع ما ظهر ...
كدي افقدوهوا...
مما جاب القهوة المكربه دي اختفى...
بس ما يكون شال الجردل ومشى...

فيصل....

عبدالرحمن محمد احمد الطيب
12-05-2007, 01:47 PM
الليله ود الطيب دا ماعاجبني...
الزوله دا لسع ما ظهر ...
كدي افقدوهوا...
مما جاب القهوة المكربه دي اختفى...
بس ما يكون شال الجردل ومشى...

فيصل....


أهــــلاً حــباب ود حـامــد اخــــوى

إســـال مـنــك الـخـــير وإديك الصـحــه والـعافيــه

شـــفت ياخــوى عــمـك ودالـمــين قال شـــنـــو

قال مكنتو خـفيــفه عبار عبارين بروح فيها (الحاله شـــربوت)

يعنى لوكان سـفن اب كان إكون كيف


ســـــلامــنا و إحـــترامنا لأخــونا الســــماكى

عائدة الشايب
12-05-2007, 01:50 PM
أهــــلاً حــباب ود حـامــد اخــــوى

إســـال مـنــك الـخـــير وإديك الصـحــه والـعافيــه

شـــفت ياخــوى عــمـك ودالـمــين قال شـــنـــو

قال مكنتو خـفيــفه عبار عبارين بروح فيها (الحاله شـــربوت)

يعنى لوكان سـفن اب كان إكون كيف


ســـــلامــنا و إحـــترامنا لأخــونا الســــماكى






ناس جدة ازيكم

اخباركم واحوالكم

والله اشتقنا ليكم وياليت الايام تعود

عبدالرحمن محمد احمد الطيب
12-05-2007, 01:58 PM
ناس جدة ازيكم

اخباركم واحوالكم

والله اشتقنا ليكم وياليت الايام تعود

أهــــلاً أهـــلاً مـــرحـــب حــبـا ب الاســــتاذه / عايـد ه

الـف الـحــمــد لله على الــســـلامـه

ســـــلامـنا للوالد و الوالده

مره اخـرى بـيـك فى الــنــيـــمـــه

عائدة الشايب
12-05-2007, 02:14 PM
أهــــلاً أهـــلاً مـــرحـــب حــبـا ب الاســــتاذه / عايـد ه

الـف الـحــمــد لله على الــســـلامـه

ســـــلامـنا للوالد و الوالده

مره اخـرى بـيـك فى الــنــيـــمـــه




تسلم عبد الرحمن

كيفكم وكيف اخباركم

وسلامك وصل

اها معزومين معانا شاي بي لقيمات

والعشا مديدة بلح باقي اللبن مشكلة الايام دي كان عزمناكم مديدة حلبة

عبدالرحمن محمد احمد الطيب
12-05-2007, 02:49 PM
تسلم عبد الرحمن

كيفكم وكيف اخباركم

وسلامك وصل

اها معزومين معانا شاي بي لقيمات

والعشا مديدة بلح باقي اللبن مشكلة الايام دي كان عزمناكم مديدة حلبة


مــشــــكوره و مابتقصــرى

غايتـو انا بشــرب الـشاى مع اللقيمات و بحـــول مـديده البـلح لأخـــوى امــير ود اللمــين

إديك الف عافيـه

Ameer Al Ameen
12-05-2007, 03:43 PM
مــشــــكوره و مابتقصــرى

غايتـو انا بشــرب الـشاى مع اللقيمات و بحـــول مـديده البـلح لأخـــوى امــير ود اللمــين

إديك الف عافيـه

ود الطيب ...


سلامات ..يا اخوى ...

بلح..و مشتقاتوا... تانى تب ما بدخل خشمى ....:mh13:

كفاية شربوتك...داك...!!!! بعدين تعال ..البنية عزمتكِ ات..مالك مابى العزيمة

عيب عليك والله تردها....!!!:mh19: ...و لا ناويلك نية تانية فى باقى الليلة دى !!!!

Ameer Al Ameen
12-05-2007, 03:48 PM
الليله ود الطيب دا ماعاجبني...
الزوله دا لسع ما ظهر ...
كدي افقدوهوا...
مما جاب القهوة المكربه دي اختفى...
بس ما يكون شال الجردل ومشى...

فيصل....

ود حامد يا اخوى


الزول دا ابى عديل عيزومة المديد ..

يكون ناويلو ..نية سودة ...!!!

عبدالرحمن محمد احمد الطيب
12-05-2007, 04:09 PM
ود الطيب ...


سلامات ..يا اخوى ...

بلح..و مشتقاتوا... تانى تب ما بدخل خشمى ....:mh13:

كفاية شربوتك...داك...!!!! بعدين تعال ..البنية عزمتكِ ات..مالك مابى العزيمة

عيب عليك والله تردها....!!!:mh19: ...و لا ناويلك نية تانية فى باقى الليلة دى !!!!

مــرحب بالأمـــير

إديك الـعافيه ياخــوى

حـولـنا ليك مــديده علــشان تعمل شــوية عــمرة للمكنه الخــفـت دى

بــعدين العيزومه شــقين شاى مع لقيمات و مديده البلح

كـتـر خيرها و ما قصــرت يب بت الـشايب.

Ameer Al Ameen
12-05-2007, 04:15 PM
مــرحب بالأمـــير

إديك الـعافيه ياخــوى

حـولـنا ليك مــديده علــشان تعمل شــوية عــمرة للمكنه الخــفـت دى

بــعدين العيزومه شــقين شاى مع لقيمات و مديده البلح

كـتـر خيرها و ما قصــرت يب بت الـشايب.

حبابك ود الطيب ..

خفة المكنة سببها ..قلة التجربة فى الحاجات دى .. و بس ..!!

مالنا ...و مال الهم ....:mh78:

غايتو ..المديدة محمداك...تب ...::

فيصل يوسف حامد
12-05-2007, 10:09 PM
ود حامد يا اخوى
الزول دا ابى عديل عيزومة المديد ..
يكون ناويلو ..نية سودة ...!!!


ود الطيب دا ياخوي نية بعرفه تب ...دي نيه مخمره...:mh04:
والمديده ما بتخارج معاه...
المهم انت طالما المكنه ريشه...
الوداك تتشالق شنو...
ما قلنا ليك حدك المويه وبس؟...

فيصل...

محمد عثمان عبدالقادر السماكي
12-06-2007, 10:16 AM
يادفعةةةةةةةةة جبنة في كباية لوسمحت قهوتكم

اهلا بناس الشيخ الطيب ...ناس الزمن الجميل..
مرحب بيك اتفضل ادخل لي جوة..نشيلك في العيون..

محمد عثمان عبدالقادر السماكي
12-06-2007, 10:23 AM
يا حبيب والله الشوق ..

ترعة مكسورة بى جنبة.....

الماهتة ..بى سببها ..!!

ود حامد وود الطيب ..نقلوا النيمة ..الى العصور ...الوسطى ...!!:mh19:

بدل اللابتوب و الجوال ...!!!جابو لينا ...شربوت فى النمية ...!!!

عارف صاحبك مكنتو خفيفة ...عبار عبارين.... الراس لفة ..و العيون زغللت

و اللسان تقل...و عينك ما تشوف الا ..النور ..!!!!!

اها باقيلك...الناس ديل ما غلطلانين.....!!!:mh085:

عارف يا وداللمين ..الشوق بحر ممدود بلا حدود والسماكي في نصو يلقط
في سمكو......
عارف ودحامد ود الطيب شربوتم دا شكلو قريفا ساي لعيد الضحية القرررررب..
غايتو دي عوجة ..كان الشربوت بلف ليك راسك....

محمد عثمان عبدالقادر السماكي
12-06-2007, 10:44 AM
ناس جدة ازيكم

اخباركم واحوالكم

والله اشتقنا ليكم وياليت الايام تعود

شنو يا بت الشايب..ناس جدة بس..يعني ناس جدة سابقا ما بنفع...
تحياتي ومرحب بيك ..

عائدة الشايب
12-06-2007, 11:34 AM
شنو يا بت الشايب..ناس جدة بس..يعني ناس جدة سابقا ما بنفع...
تحياتي ومرحب بيك ..



سماكي .............. يعلم الله ليك وحشة

يا سيدي ولا تزعل جدة سابقا ولاحقا

وتسلم من كل شر





بالرقراق
يا خوي سمكك دا ختو في الواطة خلينا نطبخو وناكلوا:mh085:

عبدالرحمن محمد احمد الطيب
12-07-2007, 02:06 PM
نـــــيــــمــاب

جِــــمــــعـــــه مــبــاركــــــه




ســـــــــلام لكل احـــباب

عبدالرحمن محمد احمد الطيب
12-08-2007, 08:58 AM
صــــباحـــكــم خــــــيـــــر


صــــباحـــكــم زيـــــــــــــن

فيصل يوسف حامد
12-08-2007, 01:21 PM
صــــباحـــكــم خــــــيـــــر
صــــباحـــكــم زيـــــــــــــن


ود الطيب...اسعد الله صباحك...
وكدي شوف الجماعه ديل فروا علي وين...
لكن ما تشفق...الناس ديل بعملوا في رفرش...
وبنفضوا في الغبار...وبجوا برواقه...
وبشوف داك ود الامين ونولا جاين من ال سوق...
والسماكي باين مشى اتفقد الشبكه...

فيصل...

عبدالرحمن محمد احمد الطيب
12-08-2007, 04:34 PM
ود الطيب...اسعد الله صباحك...
وكدي شوف الجماعه ديل فروا علي وين...
لكن ما تشفق...الناس ديل بعملوا في رفرش...
وبنفضوا في الغبار...وبجوا برواقه...
وبشوف داك ود الامين ونولا جاين من ال سوق...
والسماكي باين مشى اتفقد الشبكه...

فيصل...


إديك الـعـــافـــيـــه ود حـامد اخــوى

شــــوف الــــجـماعــــه الـظاهـــر مـــشـغولـيتن شــــويــه

يـعـنى لــزوم الــعــيد و الــخـــروف و تـــبـــعـه

يـا إجـــيـــبـــو ا الــخــروف يـــا إحـــجـــــو

و ســــــلام اهـــــلنـا ســـــــلام

عبدالرحمن محمد احمد الطيب
12-09-2007, 03:58 PM
نـــــــــيــــــمــــاب مــســــــــاء الخــــــيـــــر عـــــلـــيـــكـــم

عبدالرحمن محمد احمد الطيب
12-10-2007, 08:49 AM
نـــــــــيــــــمــــاب صـــــــباح الخــــــيـــــر عـــــلـــيـــكـــم

فيصل يوسف حامد
12-10-2007, 11:26 AM
نـــــــــيــــــمــــاب صـــــــباح الخــــــيـــــر عـــــلـــيـــكـــم


الهميم ود الطيب...صباح النور...
شايفك ضارب الهمبريب براك...
خلينا نشرب لينا فنجان قهوة
لحدي ما الناس دي تتحرك شويه...
الظاهر لسع في حالة فلتره...

فيصل...

Nola
12-10-2007, 11:33 AM
الهميم ود الطيب...صباح النور...
شايفك ضارب الهمبريب براك...
خلينا نشرب لينا فنجان قهوة
لحدي ما الناس دي تتحرك شويه...
الظاهر لسع في حالة فلتره...

فيصل...

:mh19: :mh19: :mh19:

رتاج
12-10-2007, 11:58 AM
:mh12: يا سلام على النيم الفى حى الكرو ولا الحطابة اجمل ايام العمر قضيتها بين تلك الاشجار فى اللعب واكل الحمبك وتسلق الشجر.
لكن يا سماكى فى البرد دا نعمل شنو الا تقعد فيها براك :mh12: :mh13:

فيصل يوسف حامد
12-10-2007, 12:14 PM
:mh19: :mh19: :mh19:


ما قلت ليك يا ود الطيب...
شايف نولا جات...
بس شكلها رائح ليها الكلام...
وكيف ما بتودر...
شغاله بكاء وهضربه وفلتره...
يا زوله خليك معانا بجاي...
شمة نسيم علي كبايه شاي...
علي فنجان قهوة...
وكمان دردرشه مع النيماب...
بتروقي وتبقي عال العال...

فيصل...

Nola
12-10-2007, 12:19 PM
ما قلت ليك يا ود الطيب...
شايف نولا جات...
بس شكلها رائح ليها الكلام...
وكيف ما بتودر...
شغاله بكاء وهضربه وفلتره...
يا زوله خليك معانا بجاي...
شمة نسيم علي كبايه شاي...
علي فنجان قهوة...
وكمان دردرشه مع النيماب...
بتروقي وتبقي عال العال...

فيصل...

فيصل اخوي

جيت شن الجيه يا يابا

جيت اليابا خالد والبشبه خالد

جيه رايحه وراسه لافي شمال

ما تسالني لافي شمال لي :mh2547:

ثمح

فيصل يوسف حامد
12-10-2007, 01:14 PM
فيصل اخوي
جيت شن الجيه يا يابا
جيت اليابا خالد والبشبه خالد
جيه رايحه وراسه لافي شمال
ما تسالني لافي شمال لي :mh2547:
ثمح


نولا...ودي عايزه سؤال...
ما قلنا ليكم خففوا...الـ:mh24568:
لكن وين ود اللمين غتس...
الزول دا شغال غيب وتعال...
والادتو الشاكوش دي ما عملت فينا خير...
شاكوش من زمن النميه دي صبيه...
وهسع عملة قبيله...
ولهسع زولك :mh094:
بالله دا كلام برضو...
ويا سماكي شوف حل للزول دا قبل ما اتلحس...

Nola
12-10-2007, 01:16 PM
نولا...ودي عايزه سؤال...
ما قلنا ليكم خففوا...الـ:mh24568:
لكن وين ود اللمين غتس...
الزول دا شغال غيب وتعال...
والادتو الشاكوش دي ما عملت فينا خير...
شاكوش من زمن النميه دي صبيه...
وهسع عملة قبيله...
ولهسع زولك :mh094:
بالله دا كلام برضو...
ويا سماكي شوف حل للزول دا قبل ما اتلحس...


فيصل ..

نخفف كييييييف مافي اي طريقة للتخفيف واحاتك

ود الامين دا الا اغني ليهو في شمبات حليل مجلسنا ( وش خبيث جددددداً)

حتى يجي راجع

فيصل يوسف حامد
12-10-2007, 01:46 PM
فيصل ..
نخفف كييييييف مافي اي طريقة للتخفيف واحاتك
ود الامين دا الا اغني ليهو في شمبات حليل مجلسنا ( وش خبيث جددددداً)
حتى يجي راجع


ياتو شمبات...
بس خليكم في الحله...
الاراضي دي خلوها بعيد...
وآي يا نولا...اديه...هسع بجيك طاير...
ود الامين الليله الا تبقى...
زي صاحب الجريده...وتغني سارحه ماااالك...:eusa_boohoo:
ماااااالك....ماااااااااااااااااااااااااالك.....وما ااااااااااااااااااااااااااااااالك...
وكان النفس اتقطع ادينا خبر...
لكن بيني بينكم السماكي عمله شتره...
الزول دا افقدوهوا...ما عوايده...

قال شمبات قال...
بالشنقيطي ول بالوادي...
فيصل...

محمد عثمان عبدالقادر السماكي
12-11-2007, 02:06 PM
:mh12: يا سلام على النيم الفى حى الكرو ولا الحطابة اجمل ايام العمر قضيتها بين تلك الاشجار فى اللعب واكل الحمبك وتسلق الشجر.
لكن يا سماكى فى البرد دا نعمل شنو الا تقعد فيها براك :mh12: :mh13:

مرحب رتاج...
غايتو النيماب ديل ما بهمهم برد ولى حر ....طوالي قااااااعدين..

محمد عثمان عبدالقادر السماكي
12-11-2007, 02:08 PM
نولا...ودي عايزه سؤال...
ما قلنا ليكم خففوا...الـ:mh24568:
لكن وين ود اللمين غتس...
الزول دا شغال غيب وتعال...
والادتو الشاكوش دي ما عملت فينا خير...
شاكوش من زمن النميه دي صبيه...
وهسع عملة قبيله...
ولهسع زولك :mh094:
بالله دا كلام برضو...
ويا سماكي شوف حل للزول دا قبل ما اتلحس...


يا ود حامد دي جديدة...شاكوش وداللمين دا....
ياربي داكان متين ..؟! وكان وين..؟!
والله دي عوجة.........

Ameer Al Ameen
12-11-2007, 03:35 PM
يا ود حامد دي جديدة...شاكوش وداللمين دا....
ياربي داكان متين ..؟! وكان وين..؟!
والله دي عوجة.........

هوى ..شواكيش شنو..!!! :mh19:

ما حضرتو زمنا ساكت ..!!!:mh085:

بجى راجع

عبدالرحمن محمد احمد الطيب
12-11-2007, 04:15 PM
هوى ..شواكيش شنو..!!! :mh19:

ما حضرتو زمنا ساكت ..!!!:mh085:

بجى راجع

ســــــــلامـــتـك و كــفاره ود اللمـــين

شــنـو الــحــكايه يا اخــوى

مــكـنـه خــفـيفـه و شـــواكيـش و كـلــمـــتــين و زوغـــه .

عبدالرحمن محمد احمد الطيب
12-11-2007, 04:29 PM
مرحب رتاج...
غايتو النيماب ديل ما بهمهم برد ولى حر ....طوالي قااااااعدين..

مــــرحــــب حـــباب ســــمــكـيــنا

وكل ســــنــــه و إنـت بالف خـــيـر وســــعاده

مـا تــنــســــى الـــعـــيد تــجــــيــنـا.

السرة بت عوض الكريم
12-11-2007, 04:32 PM
اتقدم بطلب انتساب رسمى للشلة دى

وين الفورمات لنعبى العضوية

اجواء الضحكة والفرحة دى انبل شى بالوجود

عبدالرحمن محمد احمد الطيب
12-11-2007, 05:03 PM
اتقدم بطلب انتساب رسمى للشلة دى

وين الفورمات لنعبى العضوية

اجواء الضحكة والفرحة دى انبل شى بالوجود


مــــرحـــب حـــاب الــــــســــــره بـت عـوض الــكـريــم

إنــــتــــى مــا دام و صــــلـتــى لــحـــدى الــنـــيـــمـــه

خــــلاص اصــبـحــتـى مـن اهــل الــنــيـــمــه مـن غــير فــورمــات و إذونـات

مــره اخــرى مــرحـبـتــيـن حــبابك.

محمد عثمان عبدالقادر السماكي
12-11-2007, 05:15 PM
مــــرحــــب حـــباب ســــمــكـيــنا

وكل ســــنــــه و إنـت بالف خـــيـر وســــعاده

مـا تــنــســــى الـــعـــيد تــجــــيــنـا.

عبدالرحمن الطيب النيمابي الاصيل..
وانتا ان شاءالله كل سنة بالف خير يا حبيب..

محمد عثمان عبدالقادر السماكي
12-11-2007, 05:17 PM
اتقدم بطلب انتساب رسمى للشلة دى

وين الفورمات لنعبى العضوية

اجواء الضحكة والفرحة دى انبل شى بالوجود

عارفا يالسرة بقولو ..هي الدنيا ايه غير لمة ناس في ساعة فرحة..
زي ما قال ليك العمدة عبدالرحمن انتي من لحظة دخلتي النيمة
خلاص بقيتي نيمابية ..مرحب بيك بيناتنا...

Ameer Al Ameen
12-11-2007, 05:19 PM
ســــــــلامـــتـك و كــفاره ود اللمـــين

شــنـو الــحــكايه يا اخــوى

مــكـنـه خــفـيفـه و شـــواكيـش و كـلــمـــتــين و زوغـــه .

ود الطيب كيفنك يا ابوى....!!!:mh19:

انت عارف البت دى ...غير هضربتها دى ما فى شئ ..فى لسانها..

كلام ساكت ...!!! تجى ترميها بى هنا ..و بس ...!!!

خلك منها ... !!!!:m07:

ما قلتى اخبار شربوت العيد كيف ...!!!

طبعا انا حلفت من داك تانى ......نهى ما بنقربو ا...!!!:mh78:

محمد عثمان عبدالقادر السماكي
12-11-2007, 05:21 PM
عارفا يا نولا شايف واحدة هناااااك قاعدة في بنبر في النيمة
وبتسوي ليها في شاي ..شايفا طشاش طشاش ....
ياربي دي منو..؟!
دي بتنا ام كلامن سمح ديك ...لوزة......
ياربي صحي جات ....

Ameer Al Ameen
12-11-2007, 05:22 PM
اتقدم بطلب انتساب رسمى للشلة دى

وين الفورمات لنعبى العضوية

اجواء الضحكة والفرحة دى انبل شى بالوجود

حباب السرة

و حباب النوارس ...!!!

السرة بت عوض الكريم
12-11-2007, 07:14 PM
خلاص مهنى كده الطلب قبل وندخل نستظل بظل النيمة

ونشوف اخر البهارات شنو

اها خروف العيد وين ياشلة النيمة

Nola
12-11-2007, 10:05 PM
اتقدم بطلب انتساب رسمى للشلة دى

وين الفورمات لنعبى العضوية

اجواء الضحكة والفرحة دى انبل شى بالوجود

دي السرة بت عوض الكريم

مرة ما بتلاوز .. لا بتخاف .. زي الضفاف

الما بتهاب ضنب التماسيح والكلاب .. قومة البحر واللا الجفاف

مرة من قديم .. مرة بت قبائل .. قالوا لا .. وإختارو في الحق الجحيم

من رفقة الفسل الخلا .. وكانت نعم تدي النعيم

مرة من صميم ضهر الغلابة الما بتنكس راسا .. غير ساعة الصلا

أو ترمي تيراب في التراب .. أو تستشف وجه السديم

السرة حبابببببك في النيمه الوريفة وحنينه

وتاني حبابك في البيت الكبير وحنين رفاعة للجميع

ابقى داخله وجري البنبر الهناك دا واقعدي اشربيلك فنجان قهوة

اصلو القعده في ضل نيمتنا دي ثممممممح و ونستنا طاعمة

Nola
12-11-2007, 10:10 PM
ود الطيب كيفنك يا ابوى
انت عارف البت دى ...غير هضربتها دى ما فى شئ ..فى لسانها..

كلام ساكت ...!!! تجى ترميها بى هنا ..و بس ...!!!

خلك منها ...
ما قلتى اخبار شربوت العيد كيف ...!!!

طبعا انا حلفت من داك تانى ......نهى ما بنقربو ا...!!!:mh78:

ود اللمين اخوي

قلته شنو ؟؟ بهضرب

اااااااااااااااي بهضرب وبخربش :mh29:

بث برررررضو الملفات عندي ...

اقوووووووووووووووووووووول ولا اقووووووووووووول

ولا احسن اقوووووووووووووووول

ولا اقول ليك في غنيه كده عاجباني يا اخي ما تخليني اغنيها احسن :eusa_boohoo:


يااااااااااااا حليل صحبي نزار فريجون :icon1366:

فيصل يوسف حامد
12-12-2007, 10:35 AM
ونسه+دردشه...مساحه للمرح...
نكات ...ومواقف طريفه...
للنيماب...والبتاوقوا...
يلا اتفضلوا الـ ح يبدأ منو...:mh0226:

بجيكم راجع...
فيصل...

فيصل يوسف حامد
12-13-2007, 07:29 PM
يا نيماب هوي...الحكايه شنو...
زول عنده موقف طريق ول نكته مافي...
السماكي...ما تتحركوا شويه...
طيب اسموعوا دي...

واحد مسطول سألوه...
قالوا ليه الخروف والنمله اتزوجوا...
تقدر تفسر لينا السبب شنو...

قال ليهم...
ما عارف نمله وخروف...
غايتو يا الخروف منمل...
ول النمله مخرفه...

فيصل...

عبدالرحمن محمد احمد الطيب
12-15-2007, 08:53 AM
يا نيماب هوي...الحكايه شنو...
زول عنده موقف طريق ول نكته مافي...
السماكي...ما تتحركوا شويه...
طيب اسموعوا دي...

واحد مسطول سألوه...
قالوا ليه الخروف والنمله اتزوجوا...
تقدر تفسر لينا السبب شنو...

قال ليهم...
ما عارف نمله وخروف...
غايتو يا الخروف منمل...
ول النمله مخرفه...

فيصل...

ود حامد
صباحك خــير و ســــعاده
و كل ســــنـه وإنت طـيب

عبدالرحمن محمد احمد الطيب
12-18-2007, 01:46 PM
نــــــــــــيـــــــــــمــــــاب عـــــــيــــدكــم مـــــبـــــارك

*** و كـل عـــــام و انـــــتـــــم بــــخــــــــيـــــر ***

محمد عثمان عبدالقادر السماكي
12-19-2007, 01:25 AM
نــــــــــــيـــــــــــمــــــاب عـــــــيــــدكــم مـــــبـــــارك

*** و كـل عـــــام و انـــــتـــــم بــــخــــــــيـــــر ***

عبدالرحمن كل سنة وانت طيب ...وكل النيماب طيبين ان شاءالله...

Ameer Al Ameen
12-19-2007, 05:24 PM
كل عام و النيماب و احبابهم و حيرانهم بالف الق و عافية

كم كانت هذه النيمة وارفة بسكانها ..حميمة بالفتها .. شجية بطيب همسها

تثمر .. الود ,,الجب ...و التالف ....و الاخاء .. تظللنا .. دهشة.. فرجاً.. املاً لا يعرف

الانزواء ....

كل عام و انت بخير اخى و صديقى محمد غثمان السماكى ....

و كل عام و الكل هنا بالف يعفوية ..و صدق و تواصل

عبدالرحمن محمد احمد الطيب
12-21-2007, 04:32 PM
عبدالرحمن كل سنة وانت طيب ...وكل النيماب طيبين ان شاءالله...



و إنــت بالف خــير و ســـــعاده

ادام الله عليك نـعـمـة الـصــحــه و الـعافـيـه

عبدالرحمن محمد احمد الطيب
12-21-2007, 04:33 PM
كل عام و النيماب و احبابهم و حيرانهم بالف الق و عافية

كم كانت هذه النيمة وارفة بسكانها ..حميمة بالفتها .. شجية بطيب همسها

تثمر .. الود ,,الجب ...و التالف ....و الاخاء .. تظللنا .. دهشة.. فرجاً.. املاً لا يعرف

الانزواء ....

كل عام و انت بخير اخى و صديقى محمد غثمان السماكى ....

و كل عام و الكل هنا بالف يعفوية ..و صدق و تواصل


و إنــت بالف خــير و ســـــعاده

عبدالرحمن محمد احمد الطيب
12-24-2007, 02:26 PM
ســــادس ايام الـعــــيـــد



نـــيـــــمـاب كـل عـــــام و انـــــتـــــم بــــخــــــــيـــــر


شــــــــنــــــو يا جـــمـاعـة الـــخــــــيــر الـخــرفان دى ما كـمـلت :mh77:

سندباد
12-25-2007, 08:49 AM
بمناسبة العيد قلنا نجي نقيل معاكم وكمان بالمرة نجيب معانا نيماية صغنونة
عشان ماشاء الله الناس كترو وبعدين انا متبرع ليكم بسجادة سعف من زنك النسوان بتاع بحري
المحيرني الشجرة دي ضلها بارد شتاء وصيف وربنا يديم القعدة والونسة ويكتر القهوة والشاي


http://www.rufaaforall.com/board/uploaded/1303_1198561770.jpg

معتصم سليمان بابكر
12-25-2007, 10:56 AM
بمناسبة العيد قلنا نجي نقيل معاكم وكمان بالمرة نجيب معانا نيماية صغنونة
عشان ماشاء الله الناس كترو وبعدين انا متبرع ليكم بسجادة سعف من زنك النسوان بتاع بحري
المحيرني الشجرة دي ضلها بارد شتاء وصيف وربنا يديم القعدة والونسة ويكتر القهوة والشاي


http://www.rufaaforall.com/board/uploaded/1303_1198561770.jpg

سندو مرحب بيك وبالنيمابية الصغيرة

بعدين تعال هنا منو القال ليك بتاعة
السعف اسمها سجادة ؟؟؟

نسيت التبروقة ياسندو ؟؟؟

عند اللفة بس :
----------------
الشدرة عرفناها الدقاشيم الجنبها شنو ؟؟؟

Nola
12-25-2007, 11:07 AM
نيمااااااااااااااااااااب سسسسسسسسسلام

وكل سنة وانتو طيبن وربنا يحقق كل الاماني يارب

الشاذلي أحمد المجذوب
12-25-2007, 11:14 AM
هي شجرة نيم همبريبا بارد وبالذات لمن تجيك نسايم البحر الحلوة ديك...
مكان للونسة والدردشة ...مفتوح لاي احد من غير قيود او شروط..
سلم واتحكر اقعد اتونس معانا... لحدي ما ابوهبة اعمل لينا مكان للدردشة...

اها يا جماعة الله الواحد قاعد براهو .. شايف عوض الجقير هناك.. قاعد في اللستك..


http://up3.w6w.net/upload/09-02-2006/w6w_20060209001120e7a2ab81.jpg

http://up3.w6w.net/upload/08-02-2006/w6w_20060208231357bd3b6d65.jpg

والله العظيم أرجعتنى للطفوله وتحديداً إسم عوض
كنا وقتها طلبه فى الغربية والحصه فنون طبعاً نحن
شويه لم ندخل العولمه زيكم الطين هو المادة الأساسيه
وأذكر أن الأخ إبراهيم المكى عليه تجهيز الحوض وخلفه كان
الأخ عوض إبراهيم رفع الطوريه ودون قصد عدل على كراع عوض
لجن أخونا عوض ، أذكر نعطل الأخ عوض عام من الدراسه ، يللا
للتقريب عوض ده من أولاد فريقكم جنب ناس زنقار أخونا عمدة
الحى عبد الغفار قد يكون ملم ما عارف هو عوض الجقير ولا عوضا تانى
جزاك الله خير برضو أرجع نكت لينا ورجعنا لأيام خوالى

معتصم سليمان بابكر
12-25-2007, 11:21 AM
والله العظيم أرجعتنى للطفوله وتحديداً إسم عوض
كنا وقتها طلبه فى الغربية والحصه فنون طبعاً نحن
شويه لم ندخل العولمه زيكم الطين هو المادة الأساسيه
وأذكر أن الأخ إبراهيم المكى عليه تجهيز الحوض وخلفه كان
الأخ عوض إبراهيم رفع الطوريه ودون قصد عدل على كراع عوض
لجن أخونا عوض ، أذكر نعطل الأخ عوض عام من الدراسه ، يللا
للتقريب عوض ده من أولاد فريقكم جنب ناس زنقار أخونا عمدة
الحى عبد الغفار قد يكون ملم ما عارف هو عوض الجقير ولا عوضا تانى
جزاك الله خير برضو أرجع نكت لينا ورجعنا لأيام خوالى

شاذلي
ازيك

هاك ليها حااااااااارة

عوض ده هو عوض عطا
(تنقو) ورغم اني كنت شافع
صغييييير لكن مازلت اذكر
الحادثة دي ونحن كنا متحلقين
حولكم نرتجي حصة الاعمال
في النيم الورا

طبعا لسه ماكنا دخلنا المدرسة

الشاذلي أحمد المجذوب
12-25-2007, 11:57 AM
شاذلي
ازيك

هاك ليها حااااااااارة

عوض ده هو عوض عطا
(تنقو) ورغم اني كنت شافع
صغييييير لكن مازلت اذكر
الحادثة دي ونحن كنا متحلقين
حولكم نرتجي حصة الاعمال
في النيم الورا

طبعا لسه ماكنا دخلنا المدرسة


إيديك العافيه

فيصل يوسف حامد
12-25-2007, 01:08 PM
نيماب...كل عام وانتم بخير...
ومن العائدين...

فيصل...

محمد عثمان عبدالقادر السماكي
12-25-2007, 11:40 PM
بمناسبة العيد قلنا نجي نقيل معاكم وكمان بالمرة نجيب معانا نيماية صغنونة
عشان ماشاء الله الناس كترو وبعدين انا متبرع ليكم بسجادة سعف من زنك النسوان بتاع بحري
المحيرني الشجرة دي ضلها بارد شتاء وصيف وربنا يديم القعدة والونسة ويكتر القهوة والشاي


http://www.rufaaforall.com/board/uploaded/1303_1198561770.jpg

سندباد مرحب بيك ومرحب بالنيماية الصغيرونة كمان....
والله زماااان كان عندنا كترة ستات شاي وقهوة....:mh0221:

محمد عثمان عبدالقادر السماكي
12-25-2007, 11:52 PM
سندو مرحب بيك وبالنيمابية الصغيرة

بعدين تعال هنا منو القال ليك بتاعة
السعف اسمها سجادة ؟؟؟

نسيت التبروقة ياسندو ؟؟؟

عند اللفة بس :
----------------
الشدرة عرفناها الدقاشيم الجنبها شنو ؟؟؟



الوريف ...علي بالطرباق ...:mh125:

تلاتة ارباع من الجيل الحالي من رفاعة ما بعرفوا لا البرش ولا التبروقة...
جهل ....واختلال في التركيبة السكانية ...بطريقة عجيبة...

محمد عثمان عبدالقادر السماكي
12-26-2007, 12:00 AM
والله العظيم أرجعتنى للطفوله وتحديداً إسم عوض
كنا وقتها طلبه فى الغربية والحصه فنون طبعاً نحن
شويه لم ندخل العولمه زيكم الطين هو المادة الأساسيه
وأذكر أن الأخ إبراهيم المكى عليه تجهيز الحوض وخلفه كان
الأخ عوض إبراهيم رفع الطوريه ودون قصد عدل على كراع عوض
لجن أخونا عوض ، أذكر نعطل الأخ عوض عام من الدراسه ، يللا
للتقريب عوض ده من أولاد فريقكم جنب ناس زنقار أخونا عمدة
الحى عبد الغفار قد يكون ملم ما عارف هو عوض الجقير ولا عوضا تانى
جزاك الله خير برضو أرجع نكت لينا ورجعنا لأيام خوالى

استاذنا الشاذلي مرحب بيك في النيمة ...
وهي دوحة استعدنا فيها الكثير من الذكريات ووطدت اواصر
المودة بين الكثيرين ...كما هي في الواقع.....

دمت بخير....