المساعد الشخصي الرقمي

مشاهدة النسخة كاملة : شلة شجرة النيم الفي الحطابة...!!!



الصفحات : 1 2 3 4 [5] 6 7 8 9 10

بت الجنيد
05-11-2006, 04:41 AM
سماكي البطانة

كدا تعال اول حاجة اشرب ليك شاي ببسكويت ....ولو كمان الشاي ماعاجبك الجبنة في ...
السماكي معتصم ظهر:mh32: ولا ده حركة وبنقول ليهو بركة الجيت ياود سليمان بس الخوف يكون ماجاب معاهو لا فنان ولا دلوكة و بس الخوف الشديد يكون نسي الكروت لانو مافي زمن وانشاالله يكون حجز الالات من بدري كما ن تظهر لينا حفلة في الحلة الجديدة او ديم العوض نتمقلب :eusa_doh: وكمان لو حجز لينا عبد الله ومعاهو محمد محمود يكون ماقصر:mh09: قايتو منتظرة الشمار في النيمة وكمان اختنا نولا قولوا ليها البنات ديل مايتاخروا علي الحنة

الصادق عبدالله ضرار
05-11-2006, 07:23 PM
سلام
مبروك المئويه
الغريبه رد بت الجنيد كان رقم 1000
ارقام فلكيه
لمنتدى جدييد
انا ماشى قهوة حسن شمو الفتال الليله عازمنى قهوه على حسابو

محمد عثمان عبدالقادر السماكي
05-14-2006, 01:38 AM
سماكي البطانة

كدا تعال اول حاجة اشرب ليك شاي ببسكويت ....ولو كمان الشاي ماعاجبك الجبنة في ...
السماكي معتصم ظهر:mh32: ولا ده حركة وبنقول ليهو بركة الجيت ياود سليمان بس الخوف يكون ماجاب معاهو لا فنان ولا دلوكة و بس الخوف الشديد يكون نسي الكروت لانو مافي زمن وانشاالله يكون حجز الالات من بدري كما ن تظهر لينا حفلة في الحلة الجديدة او ديم العوض نتمقلب :eusa_doh: وكمان لو حجز لينا عبد الله ومعاهو محمد محمود يكون ماقصر:mh09: قايتو منتظرة الشمار في النيمة وكمان اختنا نولا قولوا ليها البنات ديل مايتاخروا علي الحنة

والله يا بت الجنيد المعتصم ظهر بحق وحقيقة...لكن ما شفتي عبدالرحمن قال ليهو شنو؟
قال ليهو ما خطك مكلوج التقول كنت بتكتب في الضلمةوبي الدس كمااااااااان....!!!!:mh007:

Nola
05-14-2006, 12:46 PM
النيماب

السسسسسسلام علييييكم

شنو الحكاية ؟؟؟؟ :mh014:

انتوا قالوا ليكم تموها 100 واختفوا ولا شنو ؟؟؟

السماكي الكلام دا كيف يا اخوي ؟؟؟؟

عاصم عثمان حمد
05-14-2006, 01:12 PM
انا غايتو قلت آخد راحة شوية بعد ما شاركت برقم المشاركة رقم 1000 :mh35:

Nola
05-14-2006, 01:16 PM
انا غايتو قلت آخد راحة شوية بعد ما شاركت برقم المشاركة رقم 1000 :mh35:


عصومي

بالله انت كنت المشارك رقم 100؟؟؟؟

اوعي ما تقول لي ما ادوك هدية ؟؟؟؟

:mh3569: :mh3569:

بعدين مافي حاجة اسمها راحة ... تاني الراحة والاجازة تكون موقعه من السماكي :mh085:

محمد عثمان عبدالقادر السماكي
05-14-2006, 01:22 PM
النيماب

السسسسسسلام علييييكم

شنو الحكاية ؟؟؟؟ :mh014:

انتوا قالوا ليكم تموها 100 واختفوا ولا شنو ؟؟؟

السماكي الكلام دا كيف يا اخوي ؟؟؟؟

انا عارفك لمن تجي انتي ..بتوليعيها لينا......
لكن يا نولا ما بالغتي عدييييييل كدا...!!!!!!
خليتي لوزة حسها إنقرش.....:m07:

محمد عثمان عبدالقادر السماكي
05-14-2006, 01:24 PM
انا غايتو قلت آخد راحة شوية بعد ما شاركت برقم المشاركة رقم 1000 :mh35:

يا عاصم بقيت بتاع الفية يعني....!!!!

عاصم عثمان حمد
05-14-2006, 01:26 PM
المشاركة رقم 1000 في الصفحة ... اجيب ليك نظارات ؟ :mh42:

Nola
05-14-2006, 01:37 PM
الرائع سماكينا ...

وأنتِ تضوع بعطر الكلام الجميل والاخاء الصادق هنا... يفتح نسئم الود أحضانه لطيبتك المدهشة .... ، ثم تسير بيننا ... وتوزع كبابي الفرح علينا .. ممتلئة بفرح أخضر انيق ... مثلك .. على كل الجهات رغم بعد المسافة والاميال .... فتستقى منها الدروب وتتحول ورداً وزهراً انيق ... لذا ليس امام المودة الا ان تنبت اشجار علي وجه الفرح الذي سقيته ...

سماكي
شكراً جميلاً ... وانت تتفقد رعيتك ...
شكراً انيقاً ... يشبهك

Nola
05-14-2006, 01:39 PM
انا عارفك لمن تجي انتي ..بتوليعيها لينا......
لكن يا نولا ما بالغتي عدييييييل كدا...!!!!!!
خليتي لوزة حسها إنقرش.....:m07:

سماكينا

انت يا اخوي ما سمعته بي قام اتعزز الليمون :mh11:

كدي النشغل الغنيه دي خلينا نربها شوية ...

http://aldu3ash.com/music/nada/7abaybyal7elween.rm

Nola
05-14-2006, 01:41 PM
المشاركة رقم 1000 في الصفحة ... اجيب ليك نظارات ؟ :mh42:

اي عليك الله ... عشان في حاجات كتيره بكون عايزه اشوفه

محمد عثمان عبدالقادر السماكي
05-14-2006, 01:57 PM
الرائع سماكينا ...

وأنتِ تضوع بعطر الكلام الجميل والاخاء الصادق هنا... يفتح نسئم الود أحضانه لطيبتك المدهشة .... ، ثم تسير بيننا ... وتوزع كبابي الفرح علينا .. ممتلئة بفرح أخضر انيق ... مثلك .. على كل الجهات رغم بعد المسافة والاميال .... فتستقى منها الدروب وتتحول ورداً وزهراً انيق ... لذا ليس امام المودة الا ان تنبت اشجار علي وجه الفرح الذي سقيته ...

سماكي
شكراً جميلاً ... وانت تتفقد رعيتك ...
شكراً انيقاً ... يشبهك

عارفا يا نولا قبل شوية في مكان اخر ..قلت للدهباية آها شايفاني اتلخبطت كيف..!!!
مالك عايزا تلخبطيني كمان......حقيقي انتم من زرعتم الالفة والود في دواخلنا...
كوكبة من الناس انتم انقياء غرستم فينا الاخوة الصادقة والتواصل النبيل ...
صرنا اذا لم نتلقيكم في يومنا نحس باننا نفتقد اعزاء....أدام الله الود بيننا جميعا.....

عاصم عثمان حمد
05-14-2006, 02:01 PM
اي عليك الله ... عشان في حاجات كتيره بكون عايزه اشوفه

انتي بس ورينا عاوزة تشوفي وين وورينا عشان نديك مقاس النظارة صاح ... لانو اليومين دي لكل مكان مقاس نظارة معين ....:mh04:

عاصم عثمان حمد
05-14-2006, 02:04 PM
الرائع سماكينا ...

وأنتِ تضوع بعطر الكلام الجميل والاخاء الصادق هنا... يفتح نسئم الود أحضانه لطيبتك المدهشة .... ، ثم تسير بيننا ... وتوزع كبابي الفرح علينا .. ممتلئة بفرح أخضر انيق ... مثلك .. على كل الجهات رغم بعد المسافة والاميال .... فتستقى منها الدروب وتتحول ورداً وزهراً انيق ... لذا ليس امام المودة الا ان تنبت اشجار علي وجه الفرح الذي سقيته ...

سماكي
شكراً جميلاً ... وانت تتفقد رعيتك ...
شكراً انيقاً ... يشبهك


السمـــــــــــــــــــاكـــــــــــــــــــــي

ورورووووووووووووووووووووووووك ... اوعاك من اللخبطة :mh007: ... وين ياخي لوزة خليها تولع وتسخن بعد اغنية نولا دي كمان ..

Nola
05-14-2006, 02:08 PM
انتي بس ورينا عاوزة تشوفي وين وورينا عشان نديك مقاس النظارة صاح ... لانو اليومين دي لكل مكان مقاس نظارة معين ....:mh04:


ما اسمها تشوفي وين ؟؟؟

اسمها شايته وين :mh085: :mh085:

هههههههههههههههههههههههههههههههههههههه

ههههههههههههههههههههههههههههههههههههههه

محمد عثمان عبدالقادر السماكي
05-14-2006, 02:41 PM
السمـــــــــــــــــــاكـــــــــــــــــــــي

ورورووووووووووووووووووووووووك ... اوعاك من اللخبطة :mh007: ... وين ياخي لوزة خليها تولع وتسخن بعد اغنية نولا دي كمان ..

لوزة دي يا عاصم اليومين ديل باعتكم .....!!!!1
شايفا عملت ليها راكوبة وقاعدا فيها اليوم كلو....!!!:mh52:
هو غايطو....جنس ذكريااااااااااااااات.....:m07:

عاصم عثمان حمد
05-14-2006, 03:02 PM
لوزة دي يا عاصم اليومين ديل باعتكم .....!!!!1
شايفا عملت ليها راكوبة وقاعدا فيها اليوم كلو....!!!:mh52:
هو غايطو....جنس ذكريااااااااااااااات.....:m07:

عارف يالسماكي ... مستحيل لوزة تبيعنا .. وبي مناسبة راكوبتها دي .. عارف انو هي طبعا بتكتب في كلام عام فيهو شيء من اقتباس الامور من شكل الحياة الجميل .. بس كتبت بي طريقة تخلي الواحد يصدق انو دي فعلا ذكريات حقيقية ...

مجدي ابوشرا
05-14-2006, 04:09 PM
يا سماكينا انا شايف ناس الامم المتحدة بقيادة (نولا) بحرضو في جماعة الراكوبة (ناس لوزه) لتقرير المصير بس ما شكر لي الراكوبه في الخريف !!!!! وبعدين قشة كبريت واحده بتخلي الراكوبه رماد..!!

Nola
05-14-2006, 04:18 PM
يا سماكينا انا شايف ناس الامم المتحدة بقيادة (نولا) بحرضو في جماعة الراكوبة (ناس لوزه) لتقرير المصير بس ما شكر لي الراكوبه في الخريف !!!!! وبعدين قشة كبريت واحده بتخلي الراكوبه رماد..!!


عاصم عاصم سريع اقفل المسجل ده ... في واحد من الشيوخ ظهر :mh154:

مجدي ابوشرا ..... مالك يا شخينا (صحي شيخ منو انت ) طولته الغيبه كدي ... ولا دايرنا نغني ليك جاياك ... جاياك يا ابوشرا ... :mh52: ... ابيييييييييينا مافي اي زول حا يغني ليك ...

يا اخي بالجد مشتاقين .... عليك الاخوه ما تغيب كدي يا اخوي .. ابقي اظهر .. وخلي باقي الشيوخ
يجوا ... الله يقطع نخرتي بنقعد عاقلييين ولا بنشغل غنا ولا بنتشاكل مع عاصم :m03:

بت الجنيد
05-15-2006, 07:28 AM
السماكي

هووووووووووووووو...............سلامااااااااااااااا اااااااااااااااااااااات
السماكي اخونا عاصم ود حمد قدر مااقول امشي اقبضوا في النيمة القاهو زاغ مني حكايتو شنو كان لاقيتو بهناك قول ليهو منتظرنو تحت النيمة ....وفي طريقو من السوق خلي ...يجيب لينا معاهو فول من الحاجات وتسالي يمكن قعدتنا في ضل النيمة تطول ...وقول ليهو هداك شيفاهو مافي طريقة زوغة :mh624: مستنينك مستنينك

عاصم عثمان حمد
05-15-2006, 09:30 AM
السماكي

هووووووووووووووو...............سلامااااااااااااااا اااااااااااااااااااااات
السماكي اخونا عاصم ود حمد قدر مااقول امشي اقبضوا في النيمة القاهو زاغ مني حكايتو شنو كان لاقيتو بهناك قول ليهو منتظرنو تحت النيمة ....وفي طريقو من السوق خلي ...يجيب لينا معاهو فول من الحاجات وتسالي يمكن قعدتنا في ضل النيمة تطول ...وقول ليهو هداك شيفاهو مافي طريقة زوغة :mh624: مستنينك مستنينك

انا الزايغ يا بت الجنيد ,,, عليك الله راجعي شوية شوفي انتي وين آختي ,,, قاااااااعدين نحنا ,, بس الوكت البتجي فيهو انتي علا بس ماااا عارفينو ,,, تكوني بتجي لابسة طاقية الاخفاء زي الجماعة ,,,, انا ما قلت حاجة هوووووووي..

Nola
05-15-2006, 10:25 AM
السسسسسسسسسسسسسسلام عليكم

عاصم عثمان حمد
05-15-2006, 10:29 AM
وعليكم السلااااااااااااااااااام ورحمة الله وبركاته ... صباح الخير:eusa_angel:

Nola
05-15-2006, 10:38 AM
وعليكم السلااااااااااااااااااام ورحمة الله وبركاته ... صباح الخير:eusa_angel:


حلالالالالالالالالالالالالالالاتك وانت بتقول صباح الخير كده وشكلك ملائكي خالص

:mh654: :mh654: :mh654:

عاصم عثمان حمد
05-15-2006, 10:40 AM
حلوة شديد ملائكي دي .... :mh92:

فيصل يوسف حامد
05-15-2006, 10:43 AM
حلالالالالالالالالالالالالالالاتك وانت بتقول صباح الخير كده وشكلك ملائكي خالص

:mh654: :mh654: :mh654:


سلام ناس النيمه ...سلام...

يا نولا وعاصم...ياخي مالو سلامكم دا باقي لي زي الدخلت الرسائل الخاصه...
هوي يا جماعه إنتو في العام...وتحت الشجره...
والحق يا السماكي الناس ديل غبوا ...
باك مع نزعه هجوميه...

فيصل...

Nola
05-15-2006, 10:54 AM
حلوة شديد ملائكي دي .... :mh92:


بما اني في حالة تسامح ديني ... وكده يعني

لكن فيصل دا باين عليها عايز يقلب حالة التسامح دي

كدي النمشي علي :mh44: :mh44:

Nola
05-15-2006, 10:56 AM
سلام ناس النيمه ...سلام...

يا نولا وعاصم...ياخي مالو سلامكم دا باقي لي زي الدخلت الرسائل الخاصه...
هوي يا جماعه إنتو في العام...وتحت الشجره...
والحق يا السماكي الناس ديل غبوا ...
باك مع نزعه هجوميه...

فيصل...


فيييييييييييييييييييييييييصل :m09: :m09:

يعني الزول اصلو ما يخلط في النيمه دي ؟؟؟؟؟؟

فيصل كدي امشي وصل الخرطوش من البيت البعيد دااااااااااااك واملي الازيار :mh52:

اها يا عاصم قلته لي شنو :biggrin:

فيصل يوسف حامد
05-15-2006, 11:07 AM
فيييييييييييييييييييييييييصل :m09: :m09:

يعني الزول اصلو ما يخلط في النيمه دي ؟؟؟؟؟؟

فيصل كدي امشي وصل الخرطوش من البيت البعيد دااااااااااااك واملي الازيار :mh52:

اها يا عاصم قلته لي شنو :biggrin:


نولا...

آي وزعيني...
شيافاني فاره ...ودي قعده...
وبعدين الخرطوش دا ماشايفنه موصل من قبيل والمويه غرقت النيمه...وانت ما جايبين خبر...

فيصل...

فيصل يوسف حامد
05-15-2006, 11:11 AM
لكن وين باقي النيماب...بالله نادوا الجماعه ديل...أظنها الليله القعده ح تكون رهيبه مع الهمبريب دا...
السماكي...عبد الرحمن علي حسن...ود الامين...بت الجنيد...الصادق ضرار...والباقين...وينكم ياخي...
عايزين النيمه دي الليله ما تنزل....

فيصل...

Nola
05-15-2006, 11:12 AM
نولا...

آي وزعيني...
شيافاني فاره ...ودي قعده...
وبعدين الخرطوش دا ماشايفنه موصل من قبيل والمويه غرقت النيمه...وانت ما جايبين خبر...

فيصل...


يا اخي دقيقة اتذكرته حاجة ... السماكي قال ليك امشي السوق جيب الحاجات القال ليك عليها

ولوزه قالت ليك كمان جيب ليها معاك سكر وبن .. والبن من الدكان الفي اخرررر السوق داك عشان البن حقه سمح

:mh17: :mh17: :mh17:

قوم امشي سريع ...
:mh52:

فيصل يوسف حامد
05-15-2006, 11:20 AM
يا اخي دقيقة اتذكرته حاجة ... السماكي قال ليك امشي السوق جيب الحاجات القال ليك عليها

ولوزه قالت ليك كمان جيب ليها معاك سكر وبن .. والبن من الدكان الفي اخرررر السوق داك عشان البن حقه سمح

:mh17: :mh17: :mh17:

قوم امشي سريع ...
:mh52:

تلقيها عند الغافل....
وأضان جلد...:mh654:

Nola
05-15-2006, 11:23 AM
تلقيها عند الغافل....
وأضان جلد...:mh654:


خلاص اقعد الله يعوضنا :mh003:

شايفاك ناديت الحله كلها :mh41: ...

عاصم كده ارح السوق نجيب الحاجات القال عليها السماكي والبن بتاع لوزه ...

فيييييييييييييصل سلم علي الناس لمن يجو قول ليهم هسي بنجي :mh11: :mh11:

محمد عثمان عبدالقادر السماكي
05-15-2006, 11:23 AM
يا اخي دقيقة اتذكرته حاجة ... السماكي قال ليك امشي السوق جيب الحاجات القال ليك عليها

ولوزه قالت ليك كمان جيب ليها معاك سكر وبن .. والبن من الدكان الفي اخرررر السوق داك عشان البن حقه سمح

:

قوم امشي سريع ...
:mh52:

إزيكم آناس ...فيصل يلا نمشي نجيب لينا راسين برسيم من الكرو...!!!
آها يانولا كدى اتكيفتي....:mh125:
هو غااااايطو حنس توزيع.......!!:mh0221:

Nola
05-15-2006, 11:25 AM
إزيكم آناس ...فيصل يلا نمشي نجيب لينا راسين برسيم من الكرو...!!!
آها يانولا كدى اتكيفتي....:
هو غااااايطو حنس توزيع.......!!::


اهلييييييييين سيد النيمه

سماكينا ....

يا اخي انا ما قلته ليكم السماكي دا رررررهيب ساي ما صدقتوني :mh007: :mh007: ...

لا لالالالالا خليكم قاعدين ... بنمشي السوق ونجي :mh125: :mh125:

فيصل يوسف حامد
05-15-2006, 11:31 AM
خلاص اقعد الله يعوضنا :mh003:

شايفاك ناديت الحله كلها :mh41: ...

عاصم كده ارح السوق نجيب الحاجات القال عليها السماكي والبن بتاع لوزه ...

فيييييييييييييصل سلم علي الناس لمن يجو قول ليهم هسي بنجي :mh11: :mh11:

يا زوله دا كلام برضو الناس جايه في الطريق...يعني لا القوا حاجه ياكلوها ولا حاجه...
الوقت وقت غداء ياخي...وبعدين الواطه حاره...خايف عليك من السخانه يا حبه...
والازيار ياخي ما مليتيها...بس الزير الفي النص دا فيه شوية مويه بارده خليهو...عشان نتغدى بيها...
وبشوف السماكي دا ...اهو جاي ...

فيصل...

محمد عثمان عبدالقادر السماكي
05-15-2006, 11:34 AM
اهلييييييييين سيد النيمه

سماكينا ....

يا اخي انا ما قلته ليكم السماكي دا رررررهيب ساي ما صدقتوني :mh007:
لا لالالالالا خليكم قاعدين ... بنمشي السوق ونجي ::mh125:

طريق السوق غايتو ...مليان طين ...مطرة الصباح دي لسع ما نشفت....!!
خلي عبدالرحمن اجي إوصلكم بعربيتو....ولى خلينا نتصل على بتاع الكارو اجيكم..
اصلو اليومين ديل ما بردوا على موبايلاتهم...:m03:

Nola
05-15-2006, 11:37 AM
يا زوله دا كلام برضو الناس جايه في الطريق...يعني لا القوا حاجه ياكلوها ولا حاجه...
الوقت وقت غداء ياخي...وبعدين الواطه حاره...خايف عليك من السخانه يا حبه...
والازيار ياخي ما مليتيها...بس الزير الفي النص دا فيه شوية مويه بارده خليهو...عشان نتغدى بيها...
وبشوف السماكي دا ...اهو جاي ...

فيصل...

الناس حبابه عشره يا اخوي ... الغداء جاهز بت الجنيد من صبحت في المطبخ ... تشيل وتخت

لا يا اخوي ما تخاف علي من السخانه ... بعدين هو زاتو الحاسي بي سخانه منو :mh52: :mh52:

الازيار انت قبيل ما قلته مليانه ... ما تاخرنا يا اخي ما شايف عاصم دا بكورك لي
:mh2356: :mh2356:

فيصل يوسف حامد
05-15-2006, 11:38 AM
إزيكم آناس ...فيصل يلا نمشي نجيب لينا راسين برسيم من الكرو...!!!
آها يانولا كدى اتكيفتي....:mh125:
هو غااااايطو حنس توزيع.......!!:mh0221:


هي يا الجابوك فزعه...بقيت وجعه...
يا زول الناس ديل اتفقت معاهم علي ول شنو...
هسي عامل رويسك المسافر مسافر دا...انا متسنيك من قبيل عشان تقول كدا...

فيصل...

فيصل يوسف حامد
05-15-2006, 11:42 AM
اهلييييييييين سيد النيمه

سماكينا ....

يا اخي انا ما قلته ليكم السماكي دا رررررهيب ساي ما صدقتوني :mh007: :mh007: ...

لا لالالالالا خليكم قاعدين ... بنمشي السوق ونجي :mh125: :mh125:


يا نولا...بالله خلي الريش واقعدي...بشوف عاصم دا شتت خلاك...
وكدي شوفي لينا لوزه دي ختت عددة الشاي دي ومشت وين...
الليله شكلكم غداكم مجهجه...وكمان الشاي والقهوة مجهجهة...الحاصل شنو...

فيصل...

Nola
05-15-2006, 11:43 AM
طريق السوق غايتو ...مليان طين ...مطرة الصباح دي لسع ما نشفت....!!
خلي عبدالرحمن اجي إوصلكم بعربيتو....ولى خلينا نتصل على بتاع الكارو اجيكم..
اصلو اليومين ديل ما بردوا على موبايلاتهم...::


كارووووو يا السماكي :mh011: :mh011: لالالالالا دي صعبه شوية

لا مافي مشكلة ... بنمشي بي الحتات الناشفه ...

بنجيب الحاجات ونجي ... وكان اتاخرنا ما تقلقوا ... بنكون ما لقينا البن بس

:biggrin: :biggrin:

محمد عثمان عبدالقادر السماكي
05-15-2006, 11:45 AM
هي يا الجابوك فزعه...بقيت وجعه...
يا زول الناس ديل اتفقت معاهم علي ول شنو...
هسي عامل رويسك المسافر مسافر دا...انا متسنيك من قبيل عشان تقول كدا...

فيصل...

ودا حالتي انا الكنتا ما داير اخليك براااااااك.....!!!!
لزوم رفقة كدا يعني.......:mh125:

Nola
05-15-2006, 11:46 AM
يا نولا...بالله خلي الريش واقعدي...بشوف عاصم دا شتت خلاك...
وكدي شوفي لينا لوزه دي ختت عددة الشاي دي ومشت وين...
الليله شكلكم غداكم مجهجه...وكمان الشاي والقهوة مجهجهة...الحاصل شنو...

فيصل...


فييييييييييييييصل

حاول تلب من راسنا :mh13: ... عاصم هنااااك ما شايفه بتكلم مع عمو عبد الرحمن

ما تعطلني يا اخي :m10:

Nola
05-15-2006, 11:48 AM
ودا حالتي انا الكنتا ما داير اخليك براااااااك.....!!!!
لزوم رفقة كدا يعني.......:


شفته يا سماكينا

عليك الله اساله قاعد ... من صحبت لا ملئ الازيار ... لا رص الكراسي

بس قاعد نولا ... نولا ... نولا ... كرهنا الخلط ظاتو

:: :m03: :m03: :m03:

عاصم عثمان حمد
05-15-2006, 11:57 AM
:mh654: :mh654: :mh654: :mh654:

اها يا بندولتنا قلتي شنو .. خليك من الباكات المجلية دي ....

فيصل يوسف حامد
05-15-2006, 12:00 PM
ودا حالتي انا الكنتا ما داير اخليك براااااااك.....!!!!
لزوم رفقة كدا يعني.......:mh125:

دي رفقه دي...يعني ما لقيت إلا الوقت دا...
كدي ياخي سوق عاصم دا احكي ليه الفلم الهندي الحضرناه امس...اصله هو ما حضره...

فيصل...

Nola
05-15-2006, 12:01 PM
: :mh654
اها يا بندولتنا قلتي شنو .. خليك من الباكات المجلية دي ....

اها يا فيييييييييصل دا منو ... حسن عطيه؟؟؟ .... مش دا عاصم .. قال شتت قال :mh654: :mh654:

عصومي ... جنس باكات مجليه هي ... عليك الله شوفوا ليهو زول يدربوا فيصل دا :mh52:

فيصل يوسف حامد
05-15-2006, 12:03 PM
فييييييييييييييصل

حاول تلب من راسنا :mh13: ... عاصم هنااااك ما شايفه بتكلم مع عمو عبد الرحمن

ما تعطلني يا اخي :m10:

يا نولا كدي اقيفي ياخي...إنت نسيت الـ:mh24568: ..ول شنو

Nola
05-15-2006, 12:07 PM
يا نولا كدي اقيفي ياخي...إنت نسيت الـ:mh24568: ..ول شنو


وديته لي المكوجي
:mh3256: :mh3256:

فيصل يوسف حامد
05-15-2006, 12:13 PM
اها يا فيييييييييصل دا منو ... حسن عطيه؟؟؟ .... مش دا عاصم .. قال شتت قال :mh654: :mh654:

عصومي ... جنس باكات مجليه هي ... عليك الله شوفوا ليهو زول يدربوا فيصل دا :mh52:


ما قلت ليك شتت...والبشتت دا إلا اقطع وشو مره واحده...
يا هو داك قاعد مع البت لوزه...وفتح ليك كبري شمبات ذاتو...
اسمع كلامي ياخي...وخليني انا عارف كان مجليها ول مقددها...

فيصل...

فيصل يوسف حامد
05-15-2006, 12:17 PM
وديته لي المكوجي
:mh3256: :mh3256:

انا ما قلت ليك تاني ما تويدها للمكوجي...ياخي الزول دا بكوي بمكوة فحم...قدد لي جلاليبي كلها...

Nola
05-15-2006, 12:19 PM
ما قلت ليك شتت...والبشتت دا إلا اقطع وشو مره واحده...
يا هو داك قاعد مع البت لوزه...وفتح ليك كبري شمبات ذاتو...
اسمع كلامي ياخي...وخليني انا عارف كان مجليها ول مقددها...

فيصل...


يشتت ويييييييييييين يا حبه ...

اي قال لي ماشي لي لوزه عشان اشوفه تاني عايزه شنو مع البن :mh654:

بعدين يا اخي ما سمعته بي غيب وتعال تلقاني نحنا يا نحنا :mh2356:

Nola
05-15-2006, 12:23 PM
انا ما قلت ليك تاني ما تويدها للمكوجي...ياخي الزول دا بكوي بمكوة فحم...قدد لي جلاليبي كلها...


جلالالالالالالالاليبك :mh011: :mh011:

عاصم ... انت ما شايف الولد دا اخد علينا خالص

: :: :mh085:

فيصل يوسف حامد
05-15-2006, 12:33 PM
يشتت ويييييييييييين يا حبه ...

اي قال لي ماشي لي لوزه عشان اشوفه تاني عايزه شنو مع البن :mh654:

بعدين يا اخي ما سمعته بي غيب وتعال تلقاني نحنا يا نحنا :mh2356:

ياخي إنت كمان ما تبقي لصقه كدا شئ...فكيها شويه...
قلنا ليك الزول دا مو صادي تاني...
بعدين غيب وتعال دي زمان...هسع الجديده...كان لقيت فرصه يا فرده فحط...

Nola
05-15-2006, 12:35 PM
كان لقيت فرصه يا فرده فحط...



هههههههههههههههههههههههههههههههههههههه

ههههههههههههههههههههههههههههههههههههههه

ههههههههههههههههههههههههههههههههههههههه

هههههههههههههههههههههههههههههههههههههههه

الله يديك العافيه وقفته قلبي من الضحك

هههههههههههههههههههههههههههههههههههه

فيصل يوسف حامد
05-15-2006, 12:36 PM
جلالالالالالالالاليبك :mh011: :mh011:

عاصم ... انت ما شايف الولد دا اخد علينا خالص

: :: :mh085:

آي أنكرونا...واعملوا ما بتعرفونا...
ول أقرب بتاع عده بيعونا...
ول أقول ليك عشان ماتشوفنا...
بتاعين البدل..بصحنين بدلونا...

Nola
05-15-2006, 12:42 PM
آي أنكرونا...واعملوا ما بتعرفونا...
ول أقرب بتاع عده بيعونا...
ول أقول ليك عشان ماتشوفنا...
بتاعين البدل..بصحنين بدلونا...

ههههههههههههههههههههههههه

ههههههههههههههههههههههههههههه

يا اخي كان جبته صحنين ما كويس

هههههههههههههههههههههههههههههههه

انا خوفي تجيب سكريه
ههههههههههههههههههههههههههههههههه

محمد عثمان عبدالقادر السماكي
05-15-2006, 12:50 PM
ههههههههههههههههههههههههه

ههههههههههههههههههههههههههههه

يا اخي كان جبته صحنين ما كويس

هههههههههههههههههههههههههههههههه

انا خوفي تجيب سكريه
ههههههههههههههههههههههههههههههههه

طيب يا نولا السكرية دي ..مااحلى حاجة في العدة.....
ما ياها البختو فيها السكر....وهل في احلى من السكر....!!؟
عجبتك دي يا فيصل.....!!!

فيصل يوسف حامد
05-15-2006, 12:57 PM
طيب يا نولا السكرية دي ..مااحلى حاجة في العدة.....
ما ياها البختو فيها السكر....وهل في احلى من السكر....!!؟
عجبتك دي يا فيصل.....!!!

حلوه وملعوبه يا السماكي...وتعرف بمناسبة السكر دي...لم قلت لعاصم نتقابل عشان اديك صوره..
قلت اهدي صوره للجكس بتاع المنتدى والنيمه هنا...يعني انشرها عاصم هنا...واجي داخل اشيل صورتي العاجباني...واعلق اقول...
اهداء للحمام (جكس المنتدى وبالاخص النيمه) ...
وحم حم يا حمام شتت ليك سكر...
لكن قابلت عاصم لا هو ذكرني ولا أنا اتذكرت...

فيصل يوسف حامد
05-15-2006, 01:04 PM
ههههههههههههههههههههههههه

ههههههههههههههههههههههههههههه

يا اخي كان جبته صحنين ما كويس

هههههههههههههههههههههههههههههههه

انا خوفي تجيب سكريه
ههههههههههههههههههههههههههههههههه

طيب دا ما كويس...احسن من الصحن..ممكن تلقي فيه كمونيه بايته..
لكن السكريه فيها شنو...سكر بايت..ياهو سكر...
والسكر بجيب الحمام...
وحم حم يا حمام شتت ليك سكر...

عاصم عثمان حمد
05-15-2006, 01:20 PM
اسمعيني يالبندولة ,, انا قاعد اراقب من بعييييييييييـد ...... الليلة انتي يا ختي الكتاتيح دي شنو الليلة الما قادرين معاها دي الليلة ... رغم انو الباكات المجهجهة والمجلية شغالة وسط الكتاحة .... كدي انا عملت ليك نظارة الكتاحة عشان تجي ونكمل الموادييييييييع .. شتتي .. آآي شتتيهو .... وشوفيهو كويس بعد النظارة الجديدة..... هاااااااااااااا يكي .. رووووووووووووكي ..... منتروكي ... عدم متروكي في النيمي ... دي بالشايقي هههههههههههههههههه...

فيصل يوسف حامد
05-15-2006, 01:32 PM
اسمعيني يالبندولة ,, انا قاعد اراقب من بعييييييييييـد ...... الليلة انتي يا ختي الكتاتيح دي شنو الليلة الما قادرين معاها دي الليلة ... رغم انو الباكات المجهجهة والمجلية شغالة وسط الكتاحة .... كدي انا عملت ليك نظارة الكتاحة عشان تجي ونكمل الموادييييييييع .. شتتي .. آآي شتتيهو .... وشوفيهو كويس بعد النظارة الجديدة..... هاااااااااااااا يكي .. رووووووووووووكي ..... منتروكي ... عدم متروكي في النيمي ... دي بالشايقي هههههههههههههههههه...

يا خوي ألعب غيرها...
والليه كان بقيت جعلي اصلي مو تايواني...مافي طريقه..
.وماشائفنا ختفنا الجو...
فاحسن تتكامل اهلك من ضو...

فيصل يوسف حامد
05-15-2006, 01:43 PM
الناس دي مشت وين...

Nola
05-15-2006, 01:58 PM
الناس دي مشت وين...


عايز شنو ؟؟؟؟؟

فيصل يوسف حامد
05-15-2006, 02:05 PM
عايز شنو ؟؟؟؟؟

عايز شنو دي...زي ما عايزاهو معاك حقتك دييك...

عبدالرحمن على حسن
05-15-2006, 02:15 PM
الناس دي مشت وين...

النيماب سلام ..
والله من الصباح عندى اجتماع .. رجعت بعد الصلاة .. لقيت صفحة 107 !!
ياخى الحكاية شنو .. شايتين بى سرعة كم ؟؟؟
نولا ومعتصم جارين .. والضهب فيصل فى قفاهم .. ياخى ما قالوا ليك !! دى عايزه ليها فهم ؟؟
وشايف السماكى كمان بيصلح ليهم .. مش هو سيد النيمة ؟؟؟ توجيهاته اوامر واجبة النفاذ .. ويا فيصل الما بنفذ التعليمات .. ست العرقى راجياه !!
نولا وعاصم .. انتظرونى عشرة دقايق .. اكب جاز .. ومحلة ما ماشين .. معاكم !!!
وكدة بتكون المشكلة اتحلت .. فيصل تحت النيمة .. عاصم ونولا خالطين ... طيب انا مشيت وين ؟؟؟
وراكم .. وراكم :mh1313:

Nola
05-15-2006, 02:22 PM
عايز شنو دي...زي ما عايزاهو معاك حقتك دييك...

فيصصصصصصل

يا اخي انت مش قلته وين الناس ... ردينا ليك

اها ما قلته عايز شنو :m10:

محمد عثمان عبدالقادر السماكي
05-15-2006, 02:33 PM
النيماب سلام ..
والله من الصباح عندى اجتماع .. رجعت بعد الصلاة .. لقيت صفحة 107 !!
ياخى الحكاية شنو .. شايتين بى سرعة كم ؟؟؟
نولا ومعتصم جارين .. والضهب فيصل فى قفاهم .. ياخى ما قالوا ليك !! دى عايزه ليها فهم ؟؟
وشايف السماكى كمان بيصلح ليهم .. مش هو سيد النيمة ؟؟؟ توجيهاته اوامر واجبة النفاذ .. ويا فيصل الما بنفذ التعليمات .. ست العرقى راجياه !!
نولا وعاصم .. انتظرونى عشرة دقايق .. اكب جاز .. ومحلة ما ماشين .. معاكم !!!
وكدة بتكون المشكلة اتحلت .. فيصل تحت النيمة .. عاصم ونولا خالطين ... طيب انا مشيت وين ؟؟؟
وراكم .. وراكم :mh1313:

والسماكي مشا ويييييين..!!؟؟
ختيتو مع الكاشف....!!!؟؟

عاصم عثمان حمد
05-15-2006, 02:34 PM
يا خوي ألعب غيرها...
والليه كان بقيت جعلي اصلي مو تايواني...مافي طريقه..
.وماشائفنا ختفنا الجو...
فاحسن تتكامل اهلك من ضو...

هووووووووووووي يا ود يوسف أنا اتكامل ... هييييييييييييييي أسأل بس وحا تعرف وين الاصلي ووين التايوااااااااااااااااااااااااااااني ( بالمصري دي ) وخليهم بس يقولو شتت ,,, وجو شنو البتختفو ده ياهو الملان كتاحة ده ... نحنا جونا يا بالهمبريب تحت النيمة ولا بتلقانا في الخمسة نجوم ... وعاااااااااااارفك داير تدردقني في النجيلة .. لكن نحنا ما بندردق الا في النيمة حقت السماكي ومبي اذن من الريس( ان شاء الله الريس ده تكون عارفو) آآآآآآآآآآآآي الريس بتاعنا حق جدة ... ويللا ياقمرية ركي في الزنكية ........... هاهاهاهاهاهاهاهاهاه يوهووووووووووووووووووووووو.. غيب وتعال,,, ولا شنو يا هندزة ..( هندسة).

Nola
05-15-2006, 02:42 PM
هووووووووووووي يا ود يوسف أنا اتكامل ... هييييييييييييييي أسأل بس وحا تعرف وين الاصلي ووين التايوااااااااااااااااااااااااااااني ( بالمصري دي ) وخليهم بس يقولو شتت ,,, وجو شنو البتختفو ده ياهو الملان كتاحة ده ... نحنا جونا يا بالهمبريب تحت النيمة ولا بتلقانا في الخمسة نجوم ... وعاااااااااااارفك داير تدردقني في النجيلة .. لكن نحنا ما بندردق الا في النيمة حقت السماكي ومبي اذن من الريس( ان شاء الله الريس ده تكون عارفو) آآآآآآآآآآآآي الريس بتاعنا حق جدة ... ويللا ياقمرية ركي في الزنكية ........... هاهاهاهاهاهاهاهاهاه يوهووووووووووووووووووووووو.. غيب وتعال,,, ولا شنو يا هندزة ..( هندسة).

هههههههههههههههههههههههههههههههههههههههههههههههههه ههههه

هاههههههههههههههههههههههههههههههههههايكه

:mh001: :mh001: :mh001:

اها يا فيييييييييييييييييصل ... تاني اتفاصح

قال شتت قال

عبدالرحمن على حسن
05-15-2006, 02:45 PM
والسماكي مشا ويييييين..!!؟؟
ختيتو مع الكاشف....!!!؟؟

مهمد أوسمان !!
تمشى وين انت ؟؟ مش قلت لى فيصل رفقة ؟؟ طيب .. ما كدة انت الكاشف ذاتو !!
مش الكاشف الفنان ... الكاشف التانى .... هع هع هع

عاصم عثمان حمد
05-15-2006, 02:45 PM
شايف الزغاريد دي ... اها ابشري .. شايف ... والليلة كمان معاها عرضة مع عمو عبد الرحمن هي هي هي هي :mh654: .... ود اللمين شنو يعني ما داير تجي تربها معانا ... شايف السماكي داير اعض علا بس قال اجيب ليهو ان شاء الله عود عُشر اعرض بيهو :mh13: :evil_lol:

عاصم عثمان حمد
05-15-2006, 02:49 PM
مهمد أوسمان !!
طيب .. ما كدة انت الكاشف ذاتو !!
مش الكاشف الفنان ... الكاشف التانى .... هع هع هع

اليومين دي موسم الشوف بالنظارات الجديدة ... وتمااااااااااااام كمان فيها كواشف ..... غايتو انا عندي كاشف دخان ... وكاشف حرارة ... اصلو الحرورية اليومين دي خليها صاااااااااااااااااكط...

Nola
05-15-2006, 02:51 PM
النيماب سلام ..
والله من الصباح عندى اجتماع .. رجعت بعد الصلاة .. لقيت صفحة 107 !!
ياخى الحكاية شنو .. شايتين بى سرعة كم ؟؟؟
نولا ومعتصم جارين .. والضهب فيصل فى قفاهم .. ياخى ما قالوا ليك !! دى عايزه ليها فهم ؟؟
وشايف السماكى كمان بيصلح ليهم .. مش هو سيد النيمة ؟؟؟ توجيهاته اوامر واجبة النفاذ .. ويا فيصل الما بنفذ التعليمات .. ست العرقى راجياه !!
نولا وعاصم .. انتظرونى عشرة دقايق .. اكب جاز .. ومحلة ما ماشين .. معاكم !!!
وكدة بتكون المشكلة اتحلت .. فيصل تحت النيمة .. عاصم ونولا خالطين ... طيب انا مشيت وين ؟؟؟
وراكم .. وراكم :mh1313:


اهليييييييييييييييييييييييين عمو الوجيه

بنستناك تب توصلنا ... يا اخي احنا لاقينك وين يا عمو

فيصل تحت النيمه شنو ... خلي يملا الازيار ويرش النيمه دي ... لغاية ما نجي راجعين

كيف انت مشيت وين ... انت معانا احنا ديل اساسي قبل الكراسي يا حسس ... والخلطة وياك بتحلي :m03: :m03:

محمد عثمان عبدالقادر السماكي
05-15-2006, 02:51 PM
اخوي الكاشف دا شايفو ..ما عاجباهو رفقتي....عايز إخلط....:mh125:
ومصر قال إلا إركب معاكم في العربية.....!!

Nola
05-15-2006, 02:54 PM
شايف الزغاريد دي ... اها ابشري .. شايف ... والليلة كمان معاها عرضة مع عمو عبد الرحمن هي هي هي هي :mh654: .... ود اللمين شنو يعني ما داير تجي تربها معانا ... شايف السماكي داير اعض علا بس قال اجيب ليهو ان شاء الله عود عُشر اعرض بيهو :mh13: :evil_lol:

هههههههههههههههههههههههههههههههههههههه

الليلة غايتو لقيتو الناس الكبار مافي في النيمه وقلبتوها خل

ههههههههههههههههههههههههههههههههههههه

عاصم انت فيصل مشي وين كدي اسال السماكي

الولد ما يكون مشي وقع البحر :mh52: :

عبدالرحمن على حسن
05-15-2006, 02:56 PM
.. لكن نحنا ما بندردق الا في النيمة حقت السماكي ومبي اذن من الريس( ان شاء الله الريس ده تكون عارفو) آآآآآآآآآآآآي الريس بتاعنا حق جدة ... ويللا ياقمرية ركي في الزنكية ........... هاهاهاهاهاهاهاهاهاه يوهووووووووووووووووووووووو.. غيب وتعال,,, ولا شنو يا هندزة ..( هندسة).

ها يا عاصم !!!
تتدردق شنو؟؟ ما خايف على قشرتك دى ؟؟
افتكر احسن ليك تطير مع القمرية ... وتركّوا فى العربية ..
والله اشغل ليكم شريط كارب حق صلاح محمد عيسى .. قدييييييييييييييييييييييم بيغنى فيه ..
يا سايق .. يا رايق .. وقف وقف وسوقنى معاك ..
الدردقة دى خليها لى فيصل ... وسميها الزحلقة .. اصلو باك خطير:mh91354: :mh91354:

Nola
05-15-2006, 02:56 PM
اخوي الكاشف دا شايفو ..ما عاجباهو رفقتي....عايز إخلط....:mh125:
ومصر قال إلا إركب معاكم في العربية.....!!


هههههههههههههههههههااااااااااااااايكه

يخلط ... زي الساعة كم كده بالله ...

والله الا يخلط برتكان


فيييييييييييييييصل :mh085: :mh085:

عاصم عثمان حمد
05-15-2006, 03:00 PM
هههههههههههههههههههههههههههههههههههههه

الليلة غايتو لقيتو الناس الكبار مافي في النيمه وقلبتوها خل

ههههههههههههههههههههههههههههههههههههه

عاصم انت فيصل مشي وين كدي اسال السماكي

الولد ما يكون مشي وقع البحر :mh52: :


ما بعرف والله .. لكن كدي النسعلك موية الظير دي كلها ما كفتو .. دا نشاف ريق شنو ياخوي ... ياااااااااااااا حليل زمن الباكات البتلعب 4 اشواط ... لكن باكات الزمن ده الا يربطو ليها زمزمية ... وبس يالسماكي انو ما في مكان في العربية ..
دي العربية .... آآآ ’’ آآآآ .... تقوم دبي .... تقوم بينا كب.... تقع بينا رب ... دقش دقش .... :mh91354:

عاصم عثمان حمد
05-15-2006, 03:03 PM
هههههههههههههههههههااااااااااااااايكه

يخلط ... زي الساعة كم كده بالله ...

والله الا يخلط برتكان


فيييييييييييييييصل :mh085: :mh085:

انا قلت حاجة يالسمااااااااااكي ... وبعدين دا ظاطو ما موسم برتكان اعتقد ... والله اعتقد انو موسم السيمفونيات الحزييييييييييييييينة...:eusa_boohoo:

عاصم عثمان حمد
05-15-2006, 03:06 PM
ها يا عاصم !!!
تتدردق شنو؟؟ ما خايف على قشرتك دى ؟؟
افتكر احسن ليك تطير مع القمرية ... وتركّوا فى العربية ..
والله اشغل ليكم شريط كارب حق صلاح محمد عيسى .. قدييييييييييييييييييييييم بيغنى فيه ..
يا سايق .. يا رايق .. وقف وقف وسوقنى معاك ..
الدردقة دى خليها لى فيصل ... وسميها الزحلقة .. اصلو باك خطير:mh91354: :mh91354:


النظرة ماااااااشة وراك وقف وقف وسوووووووقني معاك .... يا خااااااالط يا قاااااااااااااعد يا رااااااااااكي وزي ما قلت ان شاء الله في العربية :m07: :m07: :m07:

عبدالرحمن على حسن
05-15-2006, 03:08 PM
هههههههههههههههههههههههههههههههههههههه

الليلة غايتو لقيتو الناس الكبار مافي في النيمه وقلبتوها خل

ههههههههههههههههههههههههههههههههههههه

عاصم انت فيصل مشي وين كدي اسال السماكي

الولد ما يكون مشي وقع البحر :mh52: :

يا نولا .. ما بالغتى عديل !!

ناس كبار اكتر من كدة ؟؟؟
والله هسع اجيب ليكم أمير ابصلعة ...:mh654: :mh654:

فيصل يوسف حامد
05-15-2006, 06:17 PM
النيماب سلام ..
والله من الصباح عندى اجتماع .. رجعت بعد الصلاة .. لقيت صفحة 107 !!
ياخى الحكاية شنو .. شايتين بى سرعة كم ؟؟؟
نولا ومعتصم جارين .. والضهب فيصل فى قفاهم .. ياخى ما قالوا ليك !! دى عايزه ليها فهم ؟؟
وشايف السماكى كمان بيصلح ليهم .. مش هو سيد النيمة ؟؟؟ توجيهاته اوامر واجبة النفاذ .. ويا فيصل الما بنفذ التعليمات .. ست العرقى راجياه !!
نولا وعاصم .. انتظرونى عشرة دقايق .. اكب جاز .. ومحلة ما ماشين .. معاكم !!!
وكدة بتكون المشكلة اتحلت .. فيصل تحت النيمة .. عاصم ونولا خالطين ... طيب انا مشيت وين ؟؟؟
وراكم .. وراكم :mh1313:


سلام ناس النيمه...سلام...

الاخ عبد الرحمن...جيت طاير من وين إنت...وبقيت لي زي السماكي
وياخي ما تخلونا برانا...ول توزيعوها كويس...
هسع كان ما جيت إنت وزعتها كان نولا دي خرتنها منهم ساكت...
والجماعه ديل لقوني مشيت الغداء...وختوني إحتياطي...

فيصل يوسف حامد
05-15-2006, 06:49 PM
هووووووووووووي يا ود يوسف أنا اتكامل ... هييييييييييييييي أسأل بس وحا تعرف وين الاصلي ووين التايوااااااااااااااااااااااااااااني ( بالمصري دي ) وخليهم بس يقولو شتت ,,, وجو شنو البتختفو ده ياهو الملان كتاحة ده ... نحنا جونا يا بالهمبريب تحت النيمة ولا بتلقانا في الخمسة نجوم ... وعاااااااااااارفك داير تدردقني في النجيلة .. لكن نحنا ما بندردق الا في النيمة حقت السماكي ومبي اذن من الريس( ان شاء الله الريس ده تكون عارفو) آآآآآآآآآآآآي الريس بتاعنا حق جدة ... ويللا ياقمرية ركي في الزنكية ........... هاهاهاهاهاهاهاهاهاه يوهووووووووووووووووووووووو.. غيب وتعال,,, ولا شنو يا هندزة ..( هندسة).


يا ود حمد...ما صدقت أنا مشيت الغداء...ولقيت عبد الرحمن دا في صفك وهاك يا انفتاح....
يا زول نحن الاصلي بنخبرو....مو دايرلو سؤال...
وبعدين قلت لي حسيت بالدردقه...أنا من شفتك بتنطط عرفتك حسيت بيها...وبعدين أعمل حسابك النجيله حقت النيمه دي جمب البحر...مره مره بكون فيها دعت...حاسب ما تقرص...دا بس عشان ما تدردق علي غباك...
وأوع بس تقول لي الدعت ما بتعرفه...

فيصل يوسف حامد
05-15-2006, 06:58 PM
انا قلت حاجة يالسمااااااااااكي ... وبعدين دا ظاطو ما موسم برتكان اعتقد ... والله اعتقد انو موسم السيمفونيات الحزييييييييييييييينة...:eusa_boohoo:


يا خوي عاصم ظنيتو موسم نبق...

فيصل يوسف حامد
05-15-2006, 07:03 PM
هههههههههههههههههههههههههههههههههههههههههههههههههه ههههه

هاههههههههههههههههههههههههههههههههههايكه

:mh001: :mh001: :mh001:

اها يا فيييييييييييييييييصل ... تاني اتفاصح

قال شتت قال


نولا ما كانت المحريه...
شنو بس امشي الغداء...اجي القاك بعتيني...
طيب بجي الخريف...النشوف البقطعك الطمله وجيبك النيمه منو...

فيصل يوسف حامد
05-15-2006, 07:10 PM
هههههههههههههههههههههههههههههههههههههه

الليلة غايتو لقيتو الناس الكبار مافي في النيمه وقلبتوها خل

ههههههههههههههههههههههههههههههههههههه

عاصم انت فيصل مشي وين كدي اسال السماكي

الولد ما يكون مشي وقع البحر :mh52: :

أنا أقع البحر...
امكن من شوفتكم اصابني السكر...
وشالني المطر...

فيصل يوسف حامد
05-15-2006, 07:20 PM
ما بعرف والله .. لكن كدي النسعلك موية الظير دي كلها ما كفتو .. دا نشاف ريق شنو ياخوي ... ياااااااااااااا حليل زمن الباكات البتلعب 4 اشواط ... لكن باكات الزمن ده الا يربطو ليها زمزمية ... وبس يالسماكي انو ما في مكان في العربية ..
دي العربية .... آآآ ’’ آآآآ .... تقوم دبي .... تقوم بينا كب.... تقع بينا رب ... دقش دقش .... :mh91354:


ويا خوي العربيه دي سواقه منو...
ما أنا ذاااااااتي...بس ما واخدين بالكم...ودي لعبة الباك المخفي...
بعد الشوطين الاساسيه...
في سته بحرفنه مخفيه...

فيصل يوسف حامد
05-15-2006, 08:16 PM
هههههههههههههههههههااااااااااااااايكه

يخلط ... زي الساعة كم كده بالله ...

والله الا يخلط برتكان


فيييييييييييييييصل :mh085: :mh085:


نولا والله مااااك عارفه ساي...
وبعدين خلط البرتكان مالو...مو سمح...
علي الاقل نشرب العصير...

أمير عمر
05-15-2006, 09:29 PM
يا جماعة .... نزار الكرور ده ما جا ماشي بجاي؟؟؟ الزول ده عندو نفسيات اليومين دي ... عليكم الله كان جا حايم بجاي ما تجيبوا سيرة الخلط قدامو .... شكلوا حياخد :mh3838::m05: قريب مع حكاية الوزارة والصالح العام:mh012:

فيصل يوسف حامد
05-15-2006, 09:59 PM
مهمد أوسمان !!
تمشى وين انت ؟؟ مش قلت لى فيصل رفقة ؟؟ طيب .. ما كدة انت الكاشف ذاتو !!
مش الكاشف الفنان ... الكاشف التانى .... هع هع هع


ابو عبد الرحمن...ياخوي ما تصلي على الحبيب...
قبل كدا جانا الاذى من ناس ما شفناهم وما شافونا...
بس في المنتدى دا عرفناهم بالاسم ا...وفي الحقيقة 99.9% في المنتدى بعرفونا اسم وبنعرفم كذلك...
فديحن انت معاي في الغربيه فاعمل حسابك السماكي دا اضانه ما مضمونه...والله تاني إلا تلحقوا بالرسائل الخاصه...

فيصل يوسف حامد
05-15-2006, 10:03 PM
يا جماعة .... نزار الكرور ده ما جا ماشي بجاي؟؟؟ الزول ده عندو نفسيات اليومين دي ... عليكم الله كان جا حايم بجاي ما تجيبوا سيرة الخلط قدامو .... شكلوا حياخد :mh3838::m05: قريب مع حكاية الوزارة والصالح العام:mh012:

ابو امير ياخوي النيمه ام همبريب بخليطها دا بتصلح النفسيات...
فدحين جيب زولك دا وتعال...

ابو النيييييز
05-15-2006, 10:43 PM
اها جيت

يلا كلموها..و اتخارجوا

بت الجنيد
05-16-2006, 03:32 AM
اخونا السماكي ... واخوانا الفي النيمة

اهااااااااااا الليلة برضو صادفنا سوق تمبول والمرة دي يا السماكي ابشر كبدة الابل عندك من بدري بس عليك بالدكوه والشطة الخضراء ماتمشي تعمل ما سمعت الكلام وتعمل نايم وتقوم بالكبدة براك انا حاسبة حساب اخوا نا الفي النيمة الضاربين الهمبريب بس جهز الكانون وعدة الجبنة والفحم هوووووووووووو ماتنساهو وتمقلبنا( البن والعرق)

Nola
05-16-2006, 09:16 AM
يا جماعة .... نزار الكرور ده ما جا ماشي بجاي؟؟؟ الزول ده عندو نفسيات اليومين دي ... عليكم الله كان جا حايم بجاي ما تجيبوا سيرة الخلط قدامو .... شكلوا حياخد :m05: قريب مع حكاية الوزارة والصالح العام:mh012:



نزار الكرور
اها جيت

يلا كلموها..و اتخارجوا

جاءنا البيان الاتي نصه :

تم احتلال النيمة من قبل بعض الارهابييين ::mh36548:

فيصل يوسف حامد
05-16-2006, 11:25 AM
سلام ناس النيمه...سلام...

مين نولا براها...يعني خلط مقنن لا باكات ولا حاجه...
لكن كدي شوفي العربيه الواقفه بعيد ديك...جاياني منها ريحه تشبه ريحة بلدنا...فيها منو...
والمره الجايه قولي ليه تعال قريب شويه...عشان ما نسوي ليك عملية أبو المكاوي...
ول اقول ليك كدي شوفي الصور الجمعناها دي فيها ول لا...

فيصل...

فيصل يوسف حامد
05-16-2006, 11:34 AM
النيماب وينكم...يعني كل يوم لازم نقدم دعوات...ونضبح الخرفان...ول كيف...

Nola
05-16-2006, 11:35 AM
سلام ناس النيمه...سلام...

مين نولا براها...يعني خلط مقنن لا باكات ولا حاجه...
لكن كدي شوفي العربيه الواقفه بعيد ديك...جاياني منها ريحه تشبه ريحة بلدنا...فيها منو...
والمره الجايه قولي ليه تعال قريب شويه...عشان ما نسوي ليك عملية أبو المكاوي...
ول اقول ليك كدي شوفي الصور الجمعناها دي فيها ول لا...

فيصل...

فيييييييييييييييييييييصل

حبابك عشره ..

قلته لي منو ... اي عاصم جاي هسي :mh1548: :mh1548:

عاصم عثمان حمد
05-16-2006, 11:40 AM
بندولااااااااااااااااااااااااااااااااااااااااااااا ااااااااااااااااااااااااااااااااااا

يوهوووووووووووووووووووووووووووو ,,, واعملي حساب الخيانة ...... الجماعة بقوا يتفسحوا وكت القونا مافي ,,, اها وهاك يا انفراد في مباراة بدون دفاع ,,, اها انا جيت ونولا ,,, وين انتي ,,و امرقي لي جاي

Nola
05-16-2006, 11:43 AM
بندولااااااااااااااااااااااااااااااااااااااااااااا ااااااااااااااااااااااااااااااااااا

يوهوووووووووووووووووووووووووووو ,,, واعملي حساب الخيانة ...... الجماعة بقوا يتفسحوا وكت القونا مافي ,,, اها وهاك يا انفراد في مباراة بدون دفاع ,,, اها انا جيت ونولا ,,, وين انتي ,,و امرقي لي جاي


عصصصصصصصصصصصووووومي (فلم هندي بس ههههههههه)

انا قاعده ... بس عملته نفسي مشغوله في المطبخ عشان فيصل دا ما يفتح موضوع معاي :mh04: ..

عامله حسابي خالص يا منقة ... احنا ناس بتاعين ثوابت :eusa_whistle:

اها يا اخي في مواضيع لسه ما تميناها ... كدي ارح علي طرف النيمه ما يجينا فيصل ناطي

محمد عثمان عبدالقادر السماكي
05-16-2006, 11:46 AM
النيمااااب إزيكم.....
وينك ..؟ يا فيصل ...اوعا تكون مشيت الغداء...!!!!
عاااالم حظها حلو بشكل.....!!!

فيصل يوسف حامد
05-16-2006, 11:59 AM
فيييييييييييييييييييييصل

حبابك عشره ..

قلته لي منو ... اي عاصم جاي هسي :mh1548: :mh1548:

نولا انت اظن سمعك خافي زي...
هسي في زول جاب ليك سيرة عاصم...ول الفي قلبو حرقص براهو برقص...
وشفتي اه عشان حركاتك دي...الليله قاعد ليك هنا...والغداء ما ماشي...

Nola
05-16-2006, 12:03 PM
النيمااااب إزيكم.....
وينك ..؟ يا فيصل ...اوعا تكون مشيت الغداء...!!!!
عاااالم حظها حلو بشكل.....!!!


اهليييييين سماكينا

فيصل دا هسي كان متحاوم بجاي ... وبنقنق تحت تحت ما عارفة بقول في شنو

جبته سيرتو هسي بجي ناطي
:mh0033:

Nola
05-16-2006, 12:06 PM
نولا انت اظن سمعك خافي زي...
هسي في زول جاب ليك سيرة عاصم...ول الفي قلبو حرقص براهو برقص...
وشفتي اه عشان حركاتك دي...الليله قاعد ليك هنا...والغداء ما ماشي...



سمعي خافي دي يعني ما بسمع ؟؟؟؟

لا بسمع كويسسسسس ... بس انت كنت بتسال من عاصم :eusa_whistle:

اقعد يا اخوي مافي مششششكلة ....

انا زاتي ماشه المطبخ عايزه اخت الغداء وعاصم قال لي بقطع ليك السلطة :mh11:

فيصل يوسف حامد
05-16-2006, 12:07 PM
بندولااااااااااااااااااااااااااااااااااااااااااااا ااااااااااااااااااااااااااااااااااا

يوهوووووووووووووووووووووووووووو ,,, واعملي حساب الخيانة ...... الجماعة بقوا يتفسحوا وكت القونا مافي ,,, اها وهاك يا انفراد في مباراة بدون دفاع ,,, اها انا جيت ونولا ,,, وين انتي ,,و امرقي لي جاي

تووووووت....فاول...يا عاصم...ممنوع البخرات...والتوجيهات اثناء اللعب...
وممنوع تعالي وامرقي...اللعب هنا حنك وبس...يعني الحنكو سنين بستلم...
ملحق: ممنوع المكنات...

فيصل يوسف حامد
05-16-2006, 12:16 PM
عصصصصصصصصصصصووووومي (فلم هندي بس ههههههههه)

انا قاعده ... بس عملته نفسي مشغوله في المطبخ عشان فيصل دا ما يفتح موضوع معاي :mh04: ..

عامله حسابي خالص يا منقة ... احنا ناس بتاعين ثوابت :eusa_whistle:

اها يا اخي في مواضيع لسه ما تميناها ... كدي ارح علي طرف النيمه ما يجينا فيصل ناطي

لا حوله...جنس مكنات...
لكن ياها حركاتكم...بتتغابن العرفه...
هسع من قبيل قاعده وطاقه معا الحنك...وقلت لي عاصم دا مكرهني البلي ذاتو...
كل مره ناطي لي...اه هسع بقيت انا الناطي...
لكن أستاهل وإنطط عصبي أنا...

فيصل يوسف حامد
05-16-2006, 12:20 PM
النيمااااب إزيكم.....
وينك ..؟ يا فيصل ...اوعا تكون مشيت الغداء...!!!!
عاااالم حظها حلو بشكل.....!!!

اهلا بالسماكي...ودا غداء شنو المن الساعه حداشر...
دي إلا زوغه مني...وما أظني أعملها...
نان الشبك دا البقفلوا منو...

محمد عثمان عبدالقادر السماكي
05-16-2006, 12:23 PM
انتو يا جماعة بالله وين بتنا ام كلامن سمح ..!!؟ ان شاءالله تكون بخير
اوعا إكون في واحد زعلا ولى حاجة.,...؟
ما دام نولا مشت للمطبخ مع عاصم خلوها تجي تقعد معانا انا وفيصل....

عاصم عثمان حمد
05-16-2006, 12:24 PM
يا نولا السلطة جااااااااااااااااهزة وريني تاني عاوزة حاجة ,,, انا الباكات المجلية دي مقدر حالتها المعنوية وقال ما مااااااشي الغدا قااااااااال هاااااااااااااااااااااااااااااااااا ي انتو بتقدروا ما تمشوا :mh91354: تلفووون وااااااااااحد اجيبكم وتلفون واااااااااااحد يوديكم ,,,, قال يا نولا ما ماشي الغدا ,,,

اها خلاص غدانا جااااااهز تعالي كدي النتم باقي المواضيع وبعد داك نمشي الصلاة ونجي للغدا

Nola
05-16-2006, 12:29 PM
لا حوله...جنس مكنات...
لكن ياها حركاتكم...بتتغابن العرفه...
هسع من قبيل قاعده وطاقه معا الحنك...وقلت لي عاصم دا مكرهني البلي ذاتو...
كل مره ناطي لي...اه هسع بقيت انا الناطي...
لكن أستاهل وإنطط عصبي أنا...


سجمي خفته :: :mh011:

هييييييييي وتاني هييييييييي ... ما تشوف الظرافة بتاعتي دي ... هسي بركب ليك وش الككو

متين كنت قاعده اتونس معاك يا اخوي :mh41:

انا قلته كده في عاصم ... بعدين يا اخوي عاصم واثق انا ما بقول كده :m04:



بالمناسبة انطط عصبك دي رررررررهيبه هههههههههههههههههههههه

Nazar Hussien Babkir Frie
05-16-2006, 12:30 PM
عذرا احبابنا ناس النمية وسلام كبير وشوق كتير ليكم كلكم ومبروك المية واحد وعقبال ما تصلوا الاف تربطكم حبال المودة والالفة من اجل استدامة التواصل بيننا ولم يمنعنا عنكم سوي بعدنا عن مواطن الحضارة فنحن اضحينا من ساكني الفيافى والمنافي الاختيارية لذا قل تواصلنا معكم ولكنكم باقين في دواخلنا ما بقينا في هذه الحياة لذا اشواقنا ليكم بطول المسافة ما بين فارس الكتاب والرياض وسلام ليكم من اهلنا الطيبن المكافحين ليل نهار .
والله يالسماكي مشتاقين وقد وصلتني رسالتك وكنني كنت داخل الجب ومافي طريقة للتواصل عبر النت الا اجي مدني وفي مدني الخدمة بطيئة ولكنا هنا في الخرطوم محل الطيارة بتقوم والرئيس بنوم الخدمة ممتازة وساهلة وسريعة عشان كدا الليلة تواصلنا معكم لحدي ما نجيكم سالمين وتامين سلام سلام سلام لكل اعضاء النيمة من الفناهم وعرفناهم ومن ارتادوها في غيبتنا الطويلة سلام مربع للقابعين في سويداء القلب كل ابناء مدينتي رفاعة ام المدن وعروسها المزدانة بشباب واعد قادر على اجتياز المصاعب ليعيدها سيرتها الاولي .
سلام سلام من وطن المحبة والسلام .
ابوفاطمة

فيصل يوسف حامد
05-16-2006, 12:33 PM
يا نولا السلطة جااااااااااااااااهزة وريني تاني عاوزة حاجة ,,, انا الباكات المجلية دي مقدر حالتها المعنوية وقال ما مااااااشي الغدا قااااااااال هاااااااااااااااااااااااااااااااااا ي انتو بتقدروا ما تمشوا :mh91354: تلفووون وااااااااااحد اجيبكم وتلفون واااااااااااحد يوديكم ,,,, قال يا نولا ما ماشي الغدا ,,,

اها خلاص غدانا جااااااهز تعالي كدي النتم باقي المواضيع وبعد داك نمشي الصلاة ونجي للغدا


منو القال ليك...قال ليك...قاااااال ليك...
بعدين معنوياتنا دي مالك ما شائفها...

فيصل يوسف حامد
05-16-2006, 12:37 PM
سجمي خفته :: :mh011:

هييييييييي وتاني هييييييييي ... ما تشوف الظرافة بتاعتي دي ... هسي بركب ليك وش الككو

متين كنت قاعده اتونس معاك يا اخوي :mh41:

انا قلته كده في عاصم ... بعدين يا اخوي عاصم واثق انا ما بقول كده :m04:



بالمناسبة انطط عصبك دي رررررررهيبه هههههههههههههههههههههه

يا زوله انا من متين كنت عايز اخوفك...
يعني هسع وش الككو بخوف...

Nazar Hussien Babkir Frie
05-16-2006, 12:43 PM
عذرا موضوعي خرب ليك شكة الرودود ولكني مصر ان اخش والعب ما اصلي زمان كنت لاعب نص والله اليلة ياعاصم غداك دا الا السلطة حقت دي لانو البندولة اخربها اكان بتعرف تطبخ ، دحين شوف ليك كبسة ساي جيبها مع السلطة الجهزتها دي لانو نولا قالت عيانة بعيد عنك عندها انفولينزا يمكن تكون الحاجة الكتل ليهو جداد فتوح حدارو لانو ساكنا بحري وجداد بحري كلوا اعدمو ،وكان كمان عندك دكوة اعمل السلطة وكترها انا بجيب معاي العيش من فرن هيبة ودي السامعي ؟؟؟!!!!!!!
ابوفاطمة

Nazar Hussien Babkir Frie
05-16-2006, 12:45 PM
عذرا موضوعي خرب ليك شكة الرودود ولكني مصر ان اخش والعب ما اصلي زمان كنت لاعب نص والله اليلة ياعاصم غداك دا الا السلطة حقت دي لانو البندولة اخربها اكان بتعرف تطبخ ، دحين شوف ليك كبسة ساي جيبها مع السلطة الجهزتها دي لانو نولا قالت عيانة بعيد عنك عندها انفولينزا يمكن تكون الحاجة الكتل ليهو جداد فتوح حدارو لانو ساكنا بحري وجداد بحري كلوا اعدمو ،وكان كمان عندك دكوة اعمل السلطة وكترها انا بجيب معاي العيش من فرن هيبة ودي السامعي ؟؟؟!!!!!!!
ابوفاطمة

Nazar Hussien Babkir Frie
05-16-2006, 12:46 PM
عذرا موضوعي خرب ليك شكة الرودود ولكني مصر ان اخش والعب ما اصلي زمان كنت لاعب نص والله اليلة ياعاصم غداك دا الا السلطة حقت دي لانو البندولة اخربها اكان بتعرف تطبخ ، دحين شوف ليك كبسة ساي جيبها مع السلطة الجهزتها دي لانو نولا قالت عيانة بعيد عنك عندها انفولينزا يمكن تكون الحاجة الكتل ليهو جداد فتوح حدارو لانو ساكنا بحري وجداد بحري كلوا اعدمو ،وكان كمان عندك دكوة اعمل السلطة وكترها انا بجيب معاي العيش من فرن هيبة ودي السامعي ؟؟؟!!!!!!!
ابوفاطمة

فيصل يوسف حامد
05-16-2006, 12:49 PM
عذرا احبابنا ناس النمية وسلام كبير وشوق كتير ليكم كلكم ومبروك المية واحد وعقبال ما تصلوا الاف تربطكم حبال المودة والالفة من اجل استدامة التواصل بيننا ولم يمنعنا عنكم سوي بعدنا عن مواطن الحضارة فنحن اضحينا من ساكني الفيافى والمنافي الاختيارية لذا قل تواصلنا معكم ولكنكم باقين في دواخلنا ما بقينا في هذه الحياة لذا اشواقنا ليكم بطول المسافة ما بين فارس الكتاب والرياض وسلام ليكم من اهلنا الطيبن المكافحين ليل نهار .
والله يالسماكي مشتاقين وقد وصلتني رسالتك وكنني كنت داخل الجب ومافي طريقة للتواصل عبر النت الا اجي مدني وفي مدني الخدمة بطيئة ولكنا هنا في الخرطوم محل الطيارة بتقوم والرئيس بنوم الخدمة ممتازة وساهلة وسريعة عشان كدا الليلة تواصلنا معكم لحدي ما نجيكم سالمين وتامين سلام سلام سلام لكل اعضاء النيمة من الفناهم وعرفناهم ومن ارتادوها في غيبتنا الطويلة سلام مربع للقابعين في سويداء القلب كل ابناء مدينتي رفاعة ام المدن وعروسها المزدانة بشباب واعد قادر على اجتياز المصاعب ليعيدها سيرتها الاولي .
سلام سلام من وطن المحبة والسلام .
ابوفاطمة

مرحب بأبو فاطمه...طولت الغيبه...وليك وحشه...
النيمه منوره...وترجع بالسلامه...

فيصل يوسف حامد
05-16-2006, 12:52 PM
سمعي خافي دي يعني ما بسمع ؟؟؟؟

لا بسمع كويسسسسس ... بس انت كنت بتسال من عاصم :eusa_whistle:

اقعد يا اخوي مافي مششششكلة ....

انا زاتي ماشه المطبخ عايزه اخت الغداء وعاصم قال لي بقطع ليك السلطة :mh11:

يا نولا ياخي السلطة دي أنا قطعتها قبيل...

Nola
05-16-2006, 12:55 PM
يا زوله انا من متين كنت عايز اخوفك...
يعني هسع وش الككو بخوف...


اي عايز تخوفني :icon1366:

وش الككو بخوف ... انا شخصياً بخوفني :mh085:

Nola
05-16-2006, 12:59 PM
عذرا موضوعي خرب ليك شكة الرودود ولكني مصر ان اخش والعب ما اصلي زمان كنت لاعب نص والله اليلة ياعاصم غداك دا الا السلطة حقت دي لانو البندولة اخربها اكان بتعرف تطبخ ، دحين شوف ليك كبسة ساي جيبها مع السلطة الجهزتها دي لانو نولا قالت عيانة بعيد عنك عندها انفولينزا يمكن تكون الحاجة الكتل ليهو جداد فتوح حدارو لانو ساكنا بحري وجداد بحري كلوا اعدمو ،وكان كمان عندك دكوة اعمل السلطة وكترها انا بجيب معاي العيش من فرن هيبة ودي السامعي ؟؟؟!!!!!!!
ابوفاطمة


نزار فريجون

شششششايفاك ... الليلة الا تسافر ود فارس طوالي ....

عاصم عارفني بعرف اطبخ :mh1548:

كان ماسافرته الليله ... ما اشوفك نهائي :m02: :m02:

فيصل يوسف حامد
05-16-2006, 01:03 PM
اي عايز تخوفني :icon1366:

وش الككو بخوف ... انا شخصياً بخوفني :mh085:

ياخي مافي تخويف ولا حاجه...
ومش وش الككو دا...تعال يا السماكي ارميه في البحر...
يلا تعالي اقعدي وخلي البكاء...
وكدي شوفوا ود فريجون دا طله عليكم ومنتظر السلطه حقت عاصم...

Nola
05-16-2006, 01:15 PM
ياخي مافي تخويف ولا حاجه...
ومش وش الككو دا...تعال يا السماكي ارميه في البحر...
يلا تعالي اقعدي وخلي البكاء...
وكدي شوفوا ود فريجون دا طله عليكم ومنتظر السلطه حقت عاصم...


ود فريجون دا بالذات مافي اي غداء ليهو ولا سلطة

انت ما شايفه بقول في شنو ؟؟؟

فيصل يوسف حامد
05-16-2006, 01:22 PM
ود فريجون دا بالذات مافي اي غداء ليهو ولا سلطة

انت ما شايفه بقول في شنو ؟؟؟

ياخي الزول دا زول سفر...لازم تغدوهوا...
وشوفي السماكي وعاصم ديل...اختفوا وين...

Nola
05-16-2006, 01:27 PM
ياخي الزول دا زول سفر...لازم تغدوهوا...
وشوفي السماكي وعاصم ديل...اختفوا وين...



قلنا مافي ليهو غدا مافي ليهو غدا انا كلمتي واحده وتاني ما بتنيها

لو عايز تغدي امشي غدي في السوق ... انا ما عندي ليهو غدا

عاصم بجي هسي ... مشي يجيب لي حاجه وجاي ...

السماكي مشي علي طرف البحر

محمد عثمان عبدالقادر السماكي
05-16-2006, 01:33 PM
عذرا احبابنا ناس النمية وسلام كبير وشوق كتير ليكم كلكم ومبروك المية واحد وعقبال ما تصلوا الاف تربطكم حبال المودة والالفة من اجل استدامة التواصل بيننا ولم يمنعنا عنكم سوي بعدنا عن مواطن الحضارة فنحن اضحينا من ساكني الفيافى والمنافي الاختيارية لذا قل تواصلنا معكم ولكنكم باقين في دواخلنا ما بقينا في هذه الحياة لذا اشواقنا ليكم بطول المسافة ما بين فارس الكتاب والرياض وسلام ليكم من اهلنا الطيبن المكافحين ليل نهار .
والله يالسماكي مشتاقين وقد وصلتني رسالتك وكنني كنت داخل الجب ومافي طريقة للتواصل عبر النت الا اجي مدني وفي مدني الخدمة بطيئة ولكنا هنا في الخرطوم محل الطيارة بتقوم والرئيس بنوم الخدمة ممتازة وساهلة وسريعة عشان كدا الليلة تواصلنا معكم لحدي ما نجيكم سالمين وتامين سلام سلام سلام لكل اعضاء النيمة من الفناهم وعرفناهم ومن ارتادوها في غيبتنا الطويلة سلام مربع للقابعين في سويداء القلب كل ابناء مدينتي رفاعة ام المدن وعروسها المزدانة بشباب واعد قادر على اجتياز المصاعب ليعيدها سيرتها الاولي .
سلام سلام من وطن المحبة والسلام .
ابوفاطمة

ياااااه ويااااااه...ودفريجون اعدتنا الى ايام خلت ايام كانت حروفك الجميلة تزيين النيمة
يوميا ..ونجي جارييين جري عشان نقعد معاك ونتونس ....الشخص الجميل الحضور
الراقي التعامل الظريف نزار ..والله ليك وحشة ومشتاقيييييييييييييييييييييين.....

فيصل يوسف حامد
05-16-2006, 01:36 PM
قلنا مافي ليهو غدا مافي ليهو غدا انا كلمتي واحده وتاني ما بتنيها

لو عايز تغدي امشي غدي في السوق ... انا ما عندي ليهو غدا

عاصم بجي هسي ... مشي يجيب لي حاجه وجاي ...

السماكي مشي علي طرف البحر

ود فريجون وعرفنا ما عايز تغدو...والظاهر عليه مشى ...
طيب ما تجيبي لي الغداء...ول اقول ليك خلينا ننتظر السماكي...
امكن اجيب معاهو سمكتين تلاته...

محمد عثمان عبدالقادر السماكي
05-16-2006, 01:39 PM
قلنا مافي ليهو غدا مافي ليهو غدا انا كلمتي واحده وتاني ما بتنيها

لو عايز تغدي امشي غدي في السوق ... انا ما عندي ليهو غدا

عاصم بجي هسي ... مشي يجيب لي حاجه وجاي ...

السماكي مشي علي طرف البحر

انا مشيت اصطاد ليكم سمك....شايفكم محتارييييين في اللي بتاكلوا..!!
وشايف فيصل إنفرد..!!!

Nola
05-16-2006, 01:45 PM
ود فريجون وعرفنا ما عايز تغدو...والظاهر عليه مشى ...
طيب ما تجيبي لي الغداء...ول اقول ليك خلينا ننتظر السماكي...
امكن اجيب معاهو سمكتين تلاته...

احسن ود فريجون مشي زاتو ....

السماكي اهو جاء النخت ليكم انتوا الاتنين الغداء

انا بستني عاصم لمن اجي بتغدا معاهو :mh91354: :mh91354:

فيصل يوسف حامد
05-16-2006, 01:46 PM
انا مشيت اصطاد ليكم سمك....شايفكم محتارييييين في اللي بتاكلوا..!!
وشايف فيصل إنفرد..!!!

آه يا السماكي...رايك شنو...ماني باك خطير...
شفت صاحبك شتت كيف...هسع بجي بقول مشغول...

عاصم عثمان حمد
05-16-2006, 01:52 PM
قلنا مافي ليهو غدا مافي ليهو غدا انا كلمتي واحده وتاني ما بتنيها

لو عايز تغدي امشي غدي في السوق ... انا ما عندي ليهو غدا

عاصم بجي هسي ... مشي يجيب لي حاجه وجاي ...

السماكي مشي علي طرف البحر


يا نولا انا جيت ,, ومالك عصبية كدي الليلة ,, الحالة سبعتاشر اوعة تقوم كمان دي اخير منها وش الكلب يافيصل ,,, ويا ود فريجون نولا دي مالها مصرة علي عدم غداك انا عارفها لازم يكون عندها سبب ... وهي ما عندها انفلونزا ولا حاجة شكلها حساسية بسيطة من الكتاااااااااحة ,, طبعا قصدي كتاحة الخرطوم ,, ما كتاحة فيصل ...
السماااااااااااااااااااااااااكي يا خوي سميكاتك ديل زيدهم شوية الشغلانة شكلها جاااااري وسامع كدي انو ود اللمين وعمو عبد الرحمن جايين ,,,

فيصل يوسف حامد
05-16-2006, 01:57 PM
احسن ود فريجون مشي زاتو ....

السماكي اهو جاء النخت ليكم انتوا الاتنين الغداء

انا بستني عاصم لمن اجي بتغدا معاهو :mh91354: :mh91354:

كان كدا ياكي الما إتغديتي...
قلنا ليك الزول دا شتت...وما بجي راجع...
وانا سمعت كلام بتحت تحت..
.قالوا اتفق وهو ولوزه اتغدوا مع بعض في الكفتريا السياحيه العلي الشارع...
قالت بستن عاصم قالت...
وانت يا السماكي الزوله دي مكجنانا مالها...

Nola
05-16-2006, 02:08 PM
يا نولا انا جيت ,, ومالك عصبية كدي الليلة ,, الحالة سبعتاشر اوعة تقوم كمان دي اخير منها وش الكلب يافيصل ,,, ويا ود فريجون نولا دي مالها مصرة علي عدم غداك انا عارفها لازم يكون عندها سبب ... وهي ما عندها انفلونزا ولا حاجة شكلها حساسية بسيطة من الكتاااااااااحة ,, طبعا قصدي كتاحة الخرطوم ,, ما كتاحة فيصل ...
السماااااااااااااااااااااااااكي يا خوي سميكاتك ديل زيدهم شوية الشغلانة شكلها جاااااري وسامع كدي انو ود اللمين وعمو عبد الرحمن جايين ,,,

بركة الجيت

يا اخي انت عارف انا ما بكون عصبيه الا يكون في زول خطي علي وشكلها ماشه علي الحالة 17 ... انت ماشايف ود فريجون دا بقول في شنو ...

الحساسيه مع التراب قوموها لي فيصل ونزار فريجون :mh0033: :mh0033:

بالله وين الناس دي ود اللمين وعمو الوجيه الليلة مسجلين غياب شديد

عاصم عثمان حمد
05-16-2006, 02:15 PM
يا خي انا قاعد والحالة سبعتاشر تجييييييييييييييك ,,, ما تخلي الناس تشمت فينا ,,, زاااااااااااااتي انا جيعان كدي ختي لينا غدا وخلينا نتونس شوية بالله,,,

Nola
05-16-2006, 02:21 PM
يا خي انا قاعد والحالة سبعتاشر تجييييييييييييييك ,,, ما تخلي الناس تشمت فينا ,,, زاااااااااااااتي انا جيعان كدي ختي لينا غدا وخلينا نتونس شوية بالله,,,

ما هو كان ما انت كانت جاتني زززززمان الحالة سبعتاشر :mh746:

يلا نتغدا انا زاتي جعانه وكنت مستنياك تجي

عاصم عثمان حمد
05-16-2006, 02:33 PM
خلاص زي ما قلتي نتغدي احسن وبعدين نشوف البحصل شنو...............

مجدي ابوشرا
05-16-2006, 02:35 PM
يا سماكينا تعال تعال جري ويا عاصم ويافيصل وعبدالرحمن ويا رجال النيمه شوفو بتنا نولا قالت شنو في الكرسي الساخن .......... رايكم نقول مبرووووووك!!!!


لو اتقدم لي شخص بالنت ومن ابناء رفاعة حا اوافق بس بشرط الشخص دا لازم يكون واحد من اتنين عبد الله ابنعوف الشهير بي ابوهبة او معتصم عبيد الشهير بي ابومرام ::

Nola
05-16-2006, 02:38 PM
يا سماكينا تعال تعال جري ويا عاصم ويافيصل وعبدالرحمن ويا رجال النيمه شوفو بتنا نولا قالت شنو في الكرسي الساخن .......... رايكم نقول مبرووووووك!!!!


لو اتقدم لي شخص بالنت ومن ابناء رفاعة حا اوافق بس بشرط الشخص دا لازم يكون واحد من اتنين عبد الله ابنعوف الشهير بي ابوهبة او معتصم عبيد الشهير بي ابومرام ::

ههههههههههههههههههههههههههههههه

اول مره في حياتي اشوف لي شيخ بتاع شمارات

انتي هسي الوداك الكرسي الساخن شنو

هههههههههههههههههههههههههههههه

مجدي ابوشرا
05-16-2006, 02:45 PM
ههههههههههههههههههههههههههههههه

اول مره في حياتي اشوف لي شيخ بتاع شمارات

انتي هسي الوداك الكرسي الساخن شنو

هههههههههههههههههههههههههههههه

يا نولا دهـ دهـ دهـ دهـ لكن ما شمار حار وكارب وبعدين عندي شمار جديد لنج عشان لوزه قالوا اول ما ظهر عمو حسين لوزه كبت الزووووغه !!!

محمد عثمان عبدالقادر السماكي
05-16-2006, 02:46 PM
يا سماكينا تعال تعال جري ويا عاصم ويافيصل وعبدالرحمن ويا رجال النيمه شوفو بتنا نولا قالت شنو في الكرسي الساخن .......... رايكم نقول مبرووووووك!!!!


لو اتقدم لي شخص بالنت ومن ابناء رفاعة حا اوافق بس بشرط الشخص دا لازم يكون واحد من اتنين عبد الله ابنعوف الشهير بي ابوهبة او معتصم عبيد الشهير بي ابومرام ::

ياود ابوشرا ..يعني جماعتنا ديل ...الا إمشوا إعرسوا وإجيبوا ليهم بت...!!!!!؟؟؟

Nola
05-16-2006, 02:50 PM
يا نولا دهـ دهـ دهـ دهـ لكن ما شمار حار وكارب وبعدين عندي شمار جديد لنج عشان لوزه قالوا اول ما ظهر عمو حسين لوزه كبت الزووووغه !!!


يعني جنس حالة

هههههههههههههههههههههه

بالمناسبة لوزة اليومين دي مزحومة في الشغل وبترتب في اجراءات السفر بتاعته

هي حا تسافر يوم الجمعة تركيا ... وبتسلم عليكم كلكم نفر نفر

مجدي ابوشرا
05-16-2006, 02:53 PM
ياود ابوشرا ..يعني جماعتنا ديل ...الا إمشوا إعرسوا وإجيبوا ليهم بت...!!!!!؟؟؟
يا سماكينا ديل أكلوااااااااااااااااااا نيم ممكن اجيبوا بت بتهوفن !!
ولازم اليوم نعمل جلسه عاجله لمجلس الامن والسلم بالنيمه وخاصة ناس الراكوبه متربصين بينا .....!!

Nola
05-16-2006, 02:56 PM
يا سماكينا ديل أكلوااااااااااااااااااا نيم ممكن اجيبوا بت بتهوفن !!
ولازم اليوم نعمل جلسه عاجله لمجلس الامن والسلم بالنيمه وخاصة ناس الراكوبه متربصين بينا .....!!


ههههههههههههههههههههههه

لا احسن بت شيريه

هههههههههههههههههههه

مجدي ابوشرا
05-16-2006, 02:58 PM
يعني جنس حالة

هههههههههههههههههههههه

بالمناسبة لوزة اليومين دي مزحومة في الشغل وبترتب في اجراءات السفر بتاعته

هي حا تسافر يوم الجمعة تركيا ... وبتسلم عليكم كلكم نفر نفر
عليك الله خليها تجيب لينا معاها لبسه شرط عشان نهجج بيها في عرس الموسم ...!!!

عاصم عثمان حمد
05-16-2006, 03:07 PM
يا سماكينا تعال تعال جري ويا عاصم ويافيصل وعبدالرحمن ويا رجال النيمه شوفو بتنا نولا قالت شنو في الكرسي الساخن .......... رايكم نقول مبرووووووك!!!!


لو اتقدم لي شخص بالنت ومن ابناء رفاعة حا اوافق بس بشرط الشخص دا لازم يكون واحد من اتنين عبد الله ابنعوف الشهير بي ابوهبة او معتصم عبيد الشهير بي ابومرام ::


والله يا شيخ مجدي لكن شيخ ختيييييييييييييييييييير ودي انت شايفك عملتها زي السبق الصحفي اول ما نزلت وديتها ادققوها عشان تنزل شمااااااااار مدقق :mh1579:

Nola
05-16-2006, 03:16 PM
والله يا شيخ مجدي لكن شيخ ختيييييييييييييييييييير ودي انت شايفك عملتها زي السبق الصحفي اول ما نزلت وديتها ادققوها عشان تنزل شمااااااااار مدقق :mh1579:

ههههههههههههههههههههههههههههههههههههههه

عليك الله شفته شمار الشيوخ خطيييييير كييييف

مجدي ابوشرا
05-16-2006, 03:17 PM
والله يا شيخ مجدي لكن شيخ ختيييييييييييييييييييير ودي انت شايفك عملتها زي السبق الصحفي اول ما نزلت وديتها ادققوها عشان تنزل شمااااااااار مدقق :mh1579:
بس يا عاصم امانه ..اول مايجوك ناس وكالات الانباء العالميه وتستلم المقابل بالدولار تقوم تعمل لينا زواج النيمه الجماعي الاول ....!!!

عاصم عثمان حمد
05-16-2006, 03:27 PM
بس يا عاصم امانه ..اول مايجوك ناس وكالات الانباء العالميه وتستلم المقابل بالدولار تقوم تعمل لينا زواج النيمه الجماعي الاول ....!!!

انت كان كدة ما عارف ساااااااااااااي ,, وكالات شنو العالمية الاكتر وكالة شمارات الداخلية ,,, هسي المراسلين بكونوا تلفوناتم تتطاقش ... غايتو الناس يجيبو الهوا لي نفسهم براهم عشان اساعد في ذر الشمااااااااااار...:mh12:

مجدي ابوشرا
05-16-2006, 03:42 PM
انت كان كدة ما عارف ساااااااااااااي ,, وكالات شنو العالمية الاكتر وكالة شمارات الداخلية ,,, هسي المراسلين بكونوا تلفوناتم تتطاقش ... غايتو الناس يجيبو الهوا لي نفسهم براهم عشان اساعد في ذر الشمااااااااااار...:mh12:
يا عاصم دولار انا عارف الجماعه هسي بقتلوا قلبك بالسكريه ... !!! لكن الدولار ولا..... !!!

عاصم عثمان حمد
05-16-2006, 03:46 PM
كدي يا شيخ مجدي انت اتغديت ولا لا عشان لو ما اتغديت يقومو يجيبوا ليك غدا ولا كمان الحقووووك ود فريجون ... تاني ما رجع تب ما شفناهو ..وبالمناسبة وين شيخ محمود طولنا ما شفناهو. :mh41:

Nola
05-16-2006, 03:48 PM
يلا يلا بس خلاص بطلوا فوضي وشمارات

خلنوا نكون جادين شوية

يلا نتفاكر ونشوف حا نعمل شنو

مش بكره العيد ؟؟؟؟؟

يلا تعال اتلموا وخلونا نفكر مع بعض

عاصم عثمان حمد
05-16-2006, 03:50 PM
ود اللمييييييييييييييين ........... ياهندززززززززززززة (الريس ود علي حسن) وينكم ياخي ... حتي الباكات المجهجهة اختفت ,,, ولا مشت تتغدي قالت احسن لينا نضمن لينا غدوة في البيت ....:mh004: اصلو الاخبار في شغل العصر دا عارفنو
وينك يا نولا اقول ليك ماشي وجاي بعد شوييييييييييييييية .. اوكي ....
:mh0221:

مجدي ابوشرا
05-16-2006, 03:59 PM
يلا يلا بس خلاص بطلوا فوضي وشمارات

خلنوا نكون جادين شوية

يلا نتفاكر ونشوف حا نعمل شنو

مش بكره العيد ؟؟؟؟؟

يلا تعال اتلموا وخلونا نفكر مع بعض
بالمناسبه انا شايف في جمعيه في شمبات اسمها النيمه ايه رايكم نعمل تؤامه معها !!
وايه رايكم يكون في يوم معين فيه النقاش لموضوع معين يعني ذي ....!! شنو ..!!

Nola
05-16-2006, 04:01 PM
بالمناسبه انا شايف في جمعيه في شمبات اسمها النيمه ايه رايكم نعمل تؤامه معها !!
وايه رايكم يكون في يوم معين فيه النقاش لموضوع معين يعني ذي ....!! شنو ..!!


مجدددددددددي

يا اخي بتعرف النيمه بتاعة شمبات ..

يا اخي دي جمعية خرافيه خالص .. عندهم يومين في الاسبوع السبت والثلاثاء

الثلاثاء دا مغني وطرب ... بالمناسبة ناس شمبات كلهم فنانين

فكره التؤامة دي رهيبببه خالص ... انا ممكن ادعو ناس منهم يجوا معانا

برضو ممتازه فكره تخصيص يوم لمناقشة موضوع معين دي

محمد عثمان عبدالقادر السماكي
05-16-2006, 04:21 PM
بالمناسبه انا شايف في جمعيه في شمبات اسمها النيمه ايه رايكم نعمل تؤامه معها !!
وايه رايكم يكون في يوم معين فيه النقاش لموضوع معين يعني ذي ....!! شنو ..!!


سبحان الله ...عارف يامجدي في اجازتي دي فعلا في يوم كدا شفت اليافطة دي واثارت
فضولي وصدقني لمن قريت الاسم وقفت العربية ورجعت تاني عشان اقرا الاسم...
هي غايطو جنس حنية الماسكنا دي....!!!!:m03:

محمد عثمان عبدالقادر السماكي
05-16-2006, 04:27 PM
يلا يلا بس خلاص بطلوا فوضي وشمارات

خلنوا نكون جادين شوية

يلا نتفاكر ونشوف حا نعمل شنو

مش بكره العيد ؟؟؟؟؟

يلا تعال اتلموا وخلونا نفكر مع بعض

نحنا يا جماعة متبرعين بالنيمة دي عشان اعملوا فيها الاحتفالات ...
وحرم (حرم هاواياوية) نفرشها ليهم ونظبطا ليهم تمام ونرشها ليهم
وبدل البنابر نجيب ليهم الكراسي من الشايقي سنتر ...

عبدالرحمن على حسن
05-16-2006, 05:00 PM
النيماب .. سلام ..
محتجب عن المشاركة اليوم .. عندى نفسيات ..
كلمت الوريف .. وحلف بالتقطع نخرتو .. لو ما سافر الاستعمار وأذنابه .. ما عنده طريقة يجى بى هنا ..
جيت النيمه .. لقيت معركة امبارح قيامتها رابطه .. ونولا البندولة .. يتباصوا فيها عاصم وفيصل .. والسماكى محتار بيناتهم .. وجا نزار .. والبت أم نفسيات دى كرهته حنانه .. وحرد الغدا وفات بى وشه ..
وشويتين .. جا مجدى .. جاب الشمار .. والله انا قلت حركات منه ساكت ..
ختفت رجلى على العام .. لقيت نولا دى لسع متحكرة وسط الرجال .. هو الكرسى دا مش انتهى امبارح ؟؟ وفوق دا ختت ليها كلام داير ليه تفسير .. واعادة نظر فى عضويتها فى النيمة ...
س1 : وكت شباب النيمة دا ما عاجبك .. ليه مخلياهم مدفقين مويتم على الرهاب ؟؟
س2 : لما قبلتى تعرسى من المنتدى .. ما لقيتى الا رجال النسوان ؟؟؟
س3 : طيب لو ما عاجبك الا النوع دا .. هناى .. وهناى .. وبرضه معاهم هناى داك ما بنفعوا ؟؟؟

ولحين استلام ردود شافية على الاسئلة اعلاه ... أنا مضرب عن .......

قال خوة قال .... خوخة !!!

عاصم عثمان حمد
05-16-2006, 05:19 PM
النيماب .. سلام ..
محتجب عن المشاركة اليوم .. عندى نفسيات ..
كلمت الوريف .. وحلف بالتقطع نخرتو .. لو ما سافر الاستعمار وأذنابه .. ما عنده طريقة يجى بى هنا ..
جيت النيمه .. لقيت معركة امبارح قيامتها رابطه .. ونولا البندولة .. يتباصوا فيها عاصم وفيصل .. والسماكى محتار بيناتهم .. وجا نزار .. والبت أم نفسيات دى كرهته حنانه .. وحرد الغدا وفات بى وشه ..
وشويتين .. جا مجدى .. جاب الشمار .. والله انا قلت حركات منه ساكت ..
ختفت رجلى على العام .. لقيت نولا دى لسع متحكرة وسط الرجال .. هو الكرسى دا مش انتهى امبارح ؟؟ وفوق دا ختت ليها كلام داير ليه تفسير .. واعادة نظر فى عضويتها فى النيمة ...
س1 : وكت شباب النيمة دا ما عاجبك .. ليه مخلياهم مدفقين مويتم على الرهاب ؟؟
س2 : لما قبلتى تعرسى من المنتدى .. ما لقيتى الا رجال النسوان ؟؟؟
س3 : طيب لو ما عاجبك الا النوع دا .. هناى .. وهناى .. وبرضه معاهم هناى داك ما بنفعوا ؟؟؟

ولحين استلام ردود شافية على الاسئلة اعلاه ... أنا مضرب عن .......

قال خوة قال .... خوخة !!!


: :m07: :m07: :m07: ,, كلو ولا الاضراب ,, انت ما عارف عاوزين نسخن الحكاية شوية كدا .. وبعدين شنو يعني مااااااااااااا ضرب مثل سااي ما مقصود بيهو الاشخاص نفسهم لكن كان زيهم بقو دة المقصود ....

انا برد بالنيابة عشان ونولا جد جد عيانة وتعبانة من الحساسية وامكن تمشي تاخد اكسجين
:mh1313:

فيصل يوسف حامد
05-16-2006, 05:59 PM
يا سماكينا تعال تعال جري ويا عاصم ويافيصل وعبدالرحمن ويا رجال النيمه شوفو بتنا نولا قالت شنو في الكرسي الساخن .......... رايكم نقول مبرووووووك!!!!


لو اتقدم لي شخص بالنت ومن ابناء رفاعة حا اوافق بس بشرط الشخص دا لازم يكون واحد من اتنين عبد الله ابنعوف الشهير بي ابوهبة او معتصم عبيد الشهير بي ابومرام ::

مين شيخ الشيوخ مجدي...كيف يا راجل...تعرف إنت واخوك داك مما قلتوا بياضكم كنتاكي وايسكريم...عرفتكم بتاعين شمارات ساكت...وطالعين في الكفر...
لكن والله شمارك جاء في وقت سمح خلاس...نولا دي ماسكه عاصم وهاك يا قرايه...
وصاحبك مصدق...كدي النشوفه بعد دا بقول شنو...

فيصل يوسف حامد
05-16-2006, 06:14 PM
بركة الجيت

يا اخي انت عارف انا ما بكون عصبيه الا يكون في زول خطي علي وشكلها ماشه علي الحالة 17 ... انت ماشايف ود فريجون دا بقول في شنو ...

الحساسيه مع التراب قوموها لي فيصل ونزار فريجون :mh0033: :mh0033:

بالله وين الناس دي ود اللمين وعمو الوجيه الليلة مسجلين غياب شديد

هسع يا نولا انت شايفاني براك من امس ارش في النيمه دي لم بقت دلجه عشان ما اجيك الغبار...
تقولي فيصل قوم عليك الحساسيه...
لكن فعلاً ود اللمين دا اليله ما براهو...وشيخ عبد الرحمن بشوفوا جاء رمى ليك حجر وشتت...

bibto
05-16-2006, 06:28 PM
سلامات يا ناس النيمه و جينا نطق معاكم حنك
و نتونس معاكم تحت الضل و الهمبريب و ريحة الدعاش
و مشتاقون الرائع سماكى من البطانه

محمد عثمان عبدالقادر السماكي
05-16-2006, 08:51 PM
النيماب .. سلام ..
محتجب عن المشاركة اليوم .. عندى نفسيات ..
كلمت الوريف .. وحلف بالتقطع نخرتو .. لو ما سافر الاستعمار وأذنابه .. ما عنده طريقة يجى بى هنا ..
جيت النيمه .. لقيت معركة امبارح قيامتها رابطه .. ونولا البندولة .. يتباصوا فيها عاصم وفيصل .. والسماكى محتار بيناتهم .. وجا نزار .. والبت أم نفسيات دى كرهته حنانه .. وحرد الغدا وفات بى وشه ..
وشويتين .. جا مجدى .. جاب الشمار .. والله انا قلت حركات منه ساكت ..
ختفت رجلى على العام .. لقيت نولا دى لسع متحكرة وسط الرجال .. هو الكرسى دا مش انتهى امبارح ؟؟ وفوق دا ختت ليها كلام داير ليه تفسير .. واعادة نظر فى عضويتها فى النيمة ...
س1 : وكت شباب النيمة دا ما عاجبك .. ليه مخلياهم مدفقين مويتم على الرهاب ؟؟
س2 : لما قبلتى تعرسى من المنتدى .. ما لقيتى الا رجال النسوان ؟؟؟
س3 : طيب لو ما عاجبك الا النوع دا .. هناى .. وهناى .. وبرضه معاهم هناى داك ما بنفعوا ؟؟؟

ولحين استلام ردود شافية على الاسئلة اعلاه ... أنا مضرب عن .......

قال خوة قال .... خوخة !!!


الوجيه ...من غير عمو...شوية على البت دي ....آها جبتو ليها الحساسية ...طبعا
دي لزوم الزوغة يعني....:m07:
إضرابك انتا بالذات ما بندورو تب...وكمان زنقة نولا دي ما بندورا...تب كمان..
آها دي إحلوها كيف..!!!؟:m07:

محمد عثمان عبدالقادر السماكي
05-16-2006, 08:55 PM
سلامات يا ناس النيمه و جينا نطق معاكم حنك
و نتونس معاكم تحت الضل و الهمبريب و ريحة الدعاش
و مشتاقون الرائع سماكى من البطانه

الاكاديميابي الرائع بيبيتو...مرحب بيك في النيمة ام همبريبا سمح....
وطق الحنك دا ...عندنا جماعة كدا بحنكو الجن الاحمر ظااااااطو....فإتفضل
معاهم ....ديل ناس عاصم وفيصل ....:mh04:

بت الجنيد
05-20-2006, 05:41 PM
هوووووووووووووو يا النيماب اجمعوا سريع:mh248: بهنا الساحة الشعبية مافي واحد يضهب ويقول ماعارف وين الساحة الليلة حفلة كاربة لناس المنتدي خلوها بمنو:m04: الشمار بعد تجوا لكن ضروري تفتشوا معاكم اخونا ود سليمان( اهاااا) قول ليهو العيد جاء ماعاوز تظهر يكون كلام تاني :eusa_think:

محمد عثمان عبدالقادر السماكي
05-20-2006, 10:53 PM
هوووووووووووووو يا النيماب اجمعوا سريع:mh248: بهنا الساحة الشعبية مافي واحد يضهب ويقول ماعارف وين الساحة الليلة حفلة كاربة لناس المنتدي خلوها بمنو:m04: الشمار بعد تجوا لكن ضروري تفتشوا معاكم اخونا ود سليمان( اهاااا) قول ليهو العيد جاء ماعاوز تظهر يكون كلام تاني :eusa_think:

بت الجنيد كل سنة وانت طيبة ....ما تقولي لي لكن جهزتي المكان تماااااام للحفلة ...
لكن الناس ديل ما ظهروا مالهم ....؟؟ باقي اليومين ديل الحفلات مواعيدها للساعة
حداشر وبس...!!!
اها ان شاءالله اظهروا ونربها قبل ما اجوا ناس الامن وإنزلوا لينا الميكرفونات .....

عاصم عثمان حمد
05-21-2006, 09:35 AM
تعااااااااااااااااااااااااااالوا سخنوووووووووووووها ,,,, ولعووووووووووووها ,,, يللا يا شباب فتحنا خلاص الباب ,, كلمو الاحباب ,,,,,

عاصم عثمان حمد
05-21-2006, 09:37 AM
سلامات يا ناس النيمه و جينا نطق معاكم حنك
و نتونس معاكم تحت الضل و الهمبريب و ريحة الدعاش
و مشتاقون الرائع سماكى من البطانه

هلا هلا وغلا بالرائع ,,, النيمة نورت انا قلت من ما دخلت كدي سامع صوت المزك والحاجات الجميلة ديـــــــــــك ابقي خليك معانا علي طول,,,

عاصم عثمان حمد
05-21-2006, 09:45 AM
هوووووووووووووو يا النيماب اجمعوا سريع:mh248: بهنا الساحة الشعبية مافي واحد يضهب ويقول ماعارف وين الساحة الليلة حفلة كاربة لناس المنتدي خلوها بمنو:m04: الشمار بعد تجوا لكن ضروري تفتشوا معاكم اخونا ود سليمان( اهاااا) قول ليهو العيد جاء ماعاوز تظهر يكون كلام تاني :eusa_think:

والله يا بت الجنيد لكن ما رشاقة جد وسرعة فائقة ما شاء الله ,,, مشيت للحفلة وشايفك من بعيييييييييييييييد وراي شوية وشويتين القاك في نص الناس تهججي ووصلتي كمان وقبلي رغم انو كلموني وجيت قبلك يا يمة ,,, سجمي البت دي راكبا بساط الريح ولا شنو يا ناس,,,, اها رايك شنو في الشماااااار الحاااااااااااار ده بعد الحفلة ..... قلنا ندفقو قبل ما تجي وتفكي الباقي

فيصل يوسف حامد
05-22-2006, 11:12 AM
سلام ناس النيمه....سلام...

يا جماعه انا مشتاق لقطعت النفس اليومين دي...:m04:
وكمان خرمان لي كدا لكباية شاي وفنجان جبنه...
وقبلهم جيعاااان...انتو مافي سمك ول شنو...
ولينا زمن من الكنتاكي والايسكريم...
وهسع قصب السكر دا القهوا ليكم وين...
كمان الازيار دي بقت ما بتبرد عايزه ليها تلج...
وقدر ما قلنا غزلان دي مغربيه...قالو لا تونسيه...
وبعد دا كله باك بدون مهاجم...مو حلو...
والحاجات التانيه المطوله وناسنها...

وياخي بالله اجمعوا...وكفاكم بيات شتوي...

فيصل...

عاصم عثمان حمد
05-22-2006, 12:06 PM
ويييييينك يا شيخ فيصل ( عملنا ليك ترقية) انت عارف طبعا الحاصل الايام الفاتت ,, وسلامات ياخي والحمدلله بعد ما طمنتنا علي الوليد ,,, نولا البندولة طبعا كانت شوية الحساسية مدورة معاها وراقدة لكن الحمدلله قامت بالسلامة ,,, السماكي طبعا سيد بيت يجي يتفرج ويفك ليهو حاجة حاجتين ويزوغ ( اتعلم الزوغان أسوة بالمهندس ,, وود اللمين ) وطبعا ملاذ في تركيا من يوم الخميس ... والبقية ما عارفين ليها خبر......... لكن الليلة نازليييييييييين بالتقيل ,,,,, يللا شتت الشغلانة ويللا يا بندولة دورو الحكاية ..

Nola
05-22-2006, 12:42 PM
سلام صغيرونه (عشان النفس ما ينقطع ) :m04:

انا جيييييييييت
:mh0122: :mh0122: :mh0122:

فيصل يوسف حامد
05-22-2006, 12:54 PM
ويييييينك يا شيخ فيصل ( عملنا ليك ترقية) انت عارف طبعا الحاصل الايام الفاتت ,, وسلامات ياخي والحمدلله بعد ما طمنتنا علي الوليد ,,, نولا البندولة طبعا كانت شوية الحساسية مدورة معاها وراقدة لكن الحمدلله قامت بالسلامة ,,, السماكي طبعا سيد بيت يجي يتفرج ويفك ليهو حاجة حاجتين ويزوغ ( اتعلم الزوغان أسوة بالمهندس ,, وود اللمين ) وطبعا ملاذ في تركيا من يوم الخميس ... والبقية ما عارفين ليها خبر......... لكن الليلة نازليييييييييين بالتقيل ,,,,, يللا شتت الشغلانة ويللا يا بندولة دورو الحكاية ..

عاصم...شكراً على التفقد...وامس كنت مشغول بالولد...لكن الحمد لله بداء يتماثل للشفاء...
ياخي والله مسألت حساسية نولا دي لحدي الليله انا قائلها مزحه...وطيب عملتوا شنو ما وديتوا اكياس الفواكه وكبدة الابل...راجين شنو...هسع الزوله دي تجي تكشف حالنا...
وسلامات ليك يا نولا...وما تشوفي اي غبار تاني ولا كتاتيح...وليك علي النيمه دي وما حولها ارشها كل ربع ساعه...
ياخي السماكي دا قصة شنو...كدي افقدوهوا...
وود الامين والمهندس...ديل مش زاغوا...ديل لبدوا عدييل...الحاصل شنو...

Nola
05-22-2006, 01:16 PM
الناس مشت وين ؟؟؟

مافي زول يحكي لي الحاصل شنو اليومين الفاتت :mh014:

فيصل يوسف حامد
05-22-2006, 01:31 PM
سلام صغيرونه (عشان النفس ما ينقطع ) :m04:

انا جيييييييييت
:mh0122: :mh0122: :mh0122:

نولا...الف سلامات ليك...وما تشوفي شر...

Nola
05-22-2006, 01:36 PM
نولا...الف سلامات ليك...وما تشوفي شر...


فيصل

الله يسلمك يا اخوي ...

ويديك العافيه يارب ....

عاصم عثمان حمد
05-22-2006, 02:15 PM
الناس مشت وين ؟؟؟

مافي زول يحكي لي الحاصل شنو اليومين الفاتت :mh014:

هييييييي .. حمدلله علي السلامة(دي بتاعة النيمة) وتاني انتي متين بقيتي طيبة وجاية تكوسي في الشمارات ... الخبارات كلها معااااااااااااااك ... ولا شنو ... بعدين نحنا مشينا الغدا وجينا .. الليلة بايع الناس كلها كنت واتغدييييت برااااي ...

Nola
05-22-2006, 02:23 PM
هييييييي .. حمدلله علي السلامة(دي بتاعة النيمة) وتاني انتي متين بقيتي طيبة وجاية تكوسي في الشمارات ... الخبارات كلها معااااااااااااااك ... ولا شنو ... بعدين نحنا مشينا الغدا وجينا .. الليلة بايع الناس كلها كنت واتغدييييت برااااي ...


ههههههههههههههههههههههه

اهلييييييييييييييييييييييييين الزول الجميل عاصم

الله يسلمك يا اخوي (برضو دي بتاعة النيمه) :m04: والشوق كميات

هااهاهاها انا زمان طيبه والله وبالذات لمن اكون عيانه ببقي مسسسسسسكينه ... بس اول ما ابقي كويسه الفصاحه تقع عشره ونص ...

هههههههه ايوا كلها معاي بس قلته امكن في جديد ..

ومالك يا اخوي اتغديت براك ومن متين قاعده تتغده براك ... دي جديده خالص

عاصم عثمان حمد
05-22-2006, 03:10 PM
ههههههههههههههههههههههه

اهلييييييييييييييييييييييييين الزول الجميل عاصم

الله يسلمك يا اخوي (برضو دي بتاعة النيمه) :m04: والشوق كميات

هااهاهاها انا زمان طيبه والله وبالذات لمن اكون عيانه ببقي مسسسسسسكينه ... بس اول ما ابقي كويسه الفصاحه تقع عشره ونص ...

هههههههه ايوا كلها معاي بس قلته امكن في جديد ..

ومالك يا اخوي اتغديت براك ومن متين قاعده تتغده براك ... دي جديده خالص

البندولة ,,والله مافي جديد بس الحفلة فاتتك وقلنا بت الجنيد عارفة رفاعة كلها نشيل لينا منها كم شمااار كدة .. لكن شكلها بتدخل متين ما عارفين ... وبتجي كيف ما عارفين ... بس اهم شيء ما تكون بتستعين بي صديق...المهم قالت الشمار بعدين متين برضو ما عارفين :mh8456:

مجدي ابوشرا
05-22-2006, 03:20 PM
سلام صغيرونه (عشان النفس ما ينقطع ) :m04:

انا جيييييييييت
:mh0122: :mh0122: :mh0122:

بركه الجيت بركه الجيت...... أي
نولا سلامتك وشرك مقسم على...... ونحن لوعارفين الشمار بعمل ليك الحساسيه ما كان جبناه نهائي وبعدين الظاهر الكرسي الساخن دوش ليك راسك عشان شايفك شكرتي الرائعه... رذاذ !!! رذاذ ده يانولا اخونا الصور لينا حفل الشرقيه ...

Nola
05-23-2006, 10:06 AM
بركه الجيت بركه الجيت...... أي
نولا سلامتك وشرك مقسم على...... ونحن لوعارفين الشمار بعمل ليك الحساسيه ما كان جبناه نهائي وبعدين الظاهر الكرسي الساخن دوش ليك راسك عشان شايفك شكرتي الرائعه... رذاذ !!! رذاذ ده يانولا اخونا الصور لينا حفل الشرقيه ...

اهلييييييين شيخ مجدي ....

الله يسلمك يا اخوي ... مقسم علي منو سرييييييع قول :mh1548:

قلته لي ماعارف .. لي ما ظاهر علينا حساسين وكده :mh014: ...

تاني مشيت تتحاوم عند الكرسي الساخن انت ما عايز تتوب وعلي شنو ؟؟؟ عارف لخبطه لي راسي مشيت شفته الحاصل ...

يا مجدي مالك يا اخوي يا اها رذاذ زاته كما تحب ان تكتبها هي ... انا قلته طششته ولا شنو ؟؟؟

الله يجازي محنك

عبدالرحمن على حسن
05-23-2006, 02:45 PM
النيماب .. سلام ..
محتجب عن المشاركة اليوم .. عندى نفسيات ..
كلمت الوريف .. وحلف بالتقطع نخرتو .. لو ما سافر الاستعمار وأذنابه .. ما عنده طريقة يجى بى هنا ..
جيت النيمه .. لقيت معركة امبارح قيامتها رابطه .. ونولا البندولة .. يتباصوا فيها عاصم وفيصل .. والسماكى محتار بيناتهم .. وجا نزار .. والبت أم نفسيات دى كرهته حنانه .. وحرد الغدا وفات بى وشه ..
وشويتين .. جا مجدى .. جاب الشمار .. والله انا قلت حركات منه ساكت ..
ختفت رجلى على العام .. لقيت نولا دى لسع متحكرة وسط الرجال .. هو الكرسى دا مش انتهى امبارح ؟؟ وفوق دا ختت ليها كلام داير ليه تفسير .. واعادة نظر فى عضويتها فى النيمة ...
س1 : وكت شباب النيمة دا ما عاجبك .. ليه مخلياهم مدفقين مويتم على الرهاب ؟؟
س2 : لما قبلتى تعرسى من المنتدى .. ما لقيتى الا رجال النسوان ؟؟؟
س3 : طيب لو ما عاجبك الا النوع دا .. هناى .. وهناى .. وبرضه معاهم هناى داك ما بنفعوا ؟؟؟

ولحين استلام ردود شافية على الاسئلة اعلاه ... أنا مضرب عن .......

قال خوة قال .... خوخة !!!



النيماب .. لا سلام ولا كلام ..
يعنى ولا زول هبب لينا ...
السماكى وقف فى الحياد .. مبلوعة ..
ناس فلان وفلان ديييييييييك .. معا منو ؟؟؟

عارفين قصة الحنكوش مع الربابيط ؟؟؟

قالوا فى واحد حنكوش ... وقفوه الربابيط بالليل .. وزرزروه .. زرة الكلب فى الطاحونة ... وقالوا ليه .. بس تورينا .. انت معانا والله مع التانيين ؟؟
عشان يتخارج .. قال ليهم .. اكييييييد أنا معاكم .. دى عايزه ليها كلام !!!
رد عليه زعيمهم ... رحت فى داهية !!! نحنا ما التانيين زاطم .....:mh8456:

دحين ورونا .. معانا والله مع التانيين ؟؟

وما زال الاضراب مستمرا ....

بت الجنيد
05-23-2006, 04:11 PM
هووو اهلنا النيماب سلامات مالكم قلنا ليكم في حفلة ولا واحد يجي اكيد الاعلان ما كويس:eusa_think: ولا في واحد حاقد:eusa_think: دس كرت العزومة وعمل نايم المهم مافي طريقة الا الحفلة وقلنا الساحة الشعبية ولو في اقتراح تكون في مكان تاني تب مافي عوجة المهم اللمة معاكم :m04:

عاصم عثمان حمد
05-23-2006, 05:14 PM
والله يا بت الجنيد لكن ما رشاقة جد وسرعة فائقة ما شاء الله ,,, مشيت للحفلة وشايفك من بعيييييييييييييييد وراي شوية وشويتين القاك في نص الناس تهججي ووصلتي كمان وقبلي رغم انو كلموني وجيت قبلك يا يمة ,,, سجمي البت دي راكبا بساط الريح ولا شنو يا ناس,,,, اها رايك شنو في الشماااااار الحاااااااااااار ده بعد الحفلة ..... قلنا ندفقو قبل ما تجي وتفكي الباقي

نعييييد ليك الكلام ,, يعني ما شفتي الكلام دا معقول ,,, اسع دا مااا وااحد حاقد ما شفتيهو يعني؟؟؟

عاصم عثمان حمد
05-23-2006, 05:19 PM
النيماب .. لا سلام ولا كلام ..
يعنى ولا زول هبب لينا ...
السماكى وقف فى الحياد .. مبلوعة ..
ناس فلان وفلان ديييييييييك .. معا منو ؟؟؟

عارفين قصة الحنكوش مع الربابيط ؟؟؟

قالوا فى واحد حنكوش ... وقفوه الربابيط بالليل .. وزرزروه .. زرة الكلب فى الطاحونة ... وقالوا ليه .. بس تورينا .. انت معانا والله مع التانيين ؟؟
عشان يتخارج .. قال ليهم .. اكييييييد أنا معاكم .. دى عايزه ليها كلام !!!
رد عليه زعيمهم ... رحت فى داهية !!! نحنا ما التانيين زاطم .....:mh8456:

دحين ورونا .. معانا والله مع التانيين ؟؟

وما زال الاضراب مستمرا ....

انت عارف العاجبني فيك شنو ياريسنا وفارسنا ... انو دايما كل يوم بتثبت انو انت القريب لي افكارنا ... والله التقول ,,, لكن ما خطيييييير يا ...... النذير :mh1548:

عاصم عثمان حمد
05-23-2006, 05:26 PM
البندولة ,,والله مافي جديد بس الحفلة فاتتك وقلنا بت الجنيد عارفة رفاعة كلها نشيل لينا منها كم شمااار كدة .. لكن شكلها بتدخل متين ما عارفين ... وبتجي كيف ما عارفين ... بس اهم شيء ما تكون بتستعين بي صديق...المهم قالت الشمار بعدين متين برضو ما عارفين :mh8456:

وكمان واحدة لي بت الجنيد ,,, وبي الوان جديدة كمااااان ...:eusa_drool:

عاصم عثمان حمد
05-23-2006, 05:29 PM
نولااااااااااااااااااااا عليك الله كلمي فيصل والسماكي بكرة من الصباح دايرين نشرب شاي الصباح باللقيماااات ,,, أها لي بكرة ,, انا بكلم ود اللمين و ريسنا عبد الرحمن ,,, واي زول اصحى بدري بلقانا قاعدييييييين من النجمة ,,,

بابكر عثمان مكى
05-23-2006, 06:16 PM
سلام على ساكنى هذا الوريف ..
وعلى ظل المطر الشقيق السماكى ..

هتاك وجه شبه خمى بين هذه الشجرة الوريفة .... وعيناها ..
لطالما راودتنى نفسى لهجعة تحت هذه الشجرة الوريفة .. الا ان ارتيابى اتجاه الزحام منذ ملاحقة رجل الامن لى على شجر وريف فى زمن قديم الذكرى جعلنى ابتعد مرارا" وتكرارا" .. ثم هناك امر آخر ربما هو الحساسية المفرطة من الجلوس القرفصاء وانا سمين لدرجة (التنميل فى قدمى ) ..
فهل يمكننى ان امدد قدمى واتكىء على جزع الشجرة انها اكثر الاماكن التى تشعرنى بالامان وان ضهرى ليس مكشوف للرهاب .. فقط تنقصنى تلك الضفيرة المجدولة والرموش الاستوائية وبعض الاصدقاء القدامى لاقول :

عيناااك ياتمكن الذى خلق
مجالس الصحاب حينما يستوى الارق
وسكتى لمن اناخ عيسه ولان وارتزق


وكما قال مصطفى سند (فى النهر كان خمارها وجهى )


فهلا سمحتم لى بتوقيع اسمى على لحاء هذه الشجرة العملاقة فان ذلك اسراء للوطن بلا معراج .




التحية للجميع ...

بت الجنيد
05-24-2006, 02:36 AM
عاصم عثمان حمد

اجي حلات حفلة بشكة قالت كدا وحتتوا كمان يااخوي ود حمد دايرنا نقيف نمسك النظام وجنس ربات شغالة لا الشمااار الاكيد حقك انت انا شايفاك من بعيد عامل سرحان تقراء لواحدة عشان تقتنع انو اخونا جاء الحفلة عشانها اقول ليك مافي داعي لكشف الحال ... اسي عليك الله ده ماحقد عديل كدا منك ... ولا اقول ليك خش لجوه مع جماعتنا النيماب ديل حاتنوا حت زي المافي غيرهم في الدايرة وبكرة يجوا ينكروا كلوا
(وبجنبة كدا بعد الجبنة الفي النيمة البنها ضارب وين الناس ياود حمد :eusa_think: قلنا سمعوا ولا جابوا ليهو )

عاصم عثمان حمد
05-24-2006, 08:39 AM
صباحااااات ندية ,,, وين الشااي باللقيمات ؟؟؟ ويين الناااس ؟؟؟:mh36548:

عاصم عثمان حمد
05-24-2006, 09:06 AM
عاصم عثمان حمد

اجي حلات حفلة بشكة قالت كدا وحتتوا كمان يااخوي ود حمد دايرنا نقيف نمسك النظام وجنس ربات شغالة لا الشمااار الاكيد حقك انت انا شايفاك من بعيد عامل سرحان تقراء لواحدة عشان تقتنع انو اخونا جاء الحفلة عشانها اقول ليك مافي داعي لكشف الحال ... اسي عليك الله ده ماحقد عديل كدا منك ... ولا اقول ليك خش لجوه مع جماعتنا النيماب ديل حاتنوا حت زي المافي غيرهم في الدايرة وبكرة يجوا ينكروا كلوا
(وبجنبة كدا بعد الجبنة الفي النيمة البنها ضارب وين الناس ياود حمد :eusa_think: قلنا سمعوا ولا جابوا ليهو )

اهاا شايفك جيتي يابت الجنيييد وبالسعوووودي مفحطة فحيط شديييييد وسرعتك دايما رهيبة ولقيتك قدامي ... الحفلة انتي ما عارفة ساااي يا ختي وما شايفة انا مركز وين ... خلي بفتو ليك بي وقتو ... وشايف تدفري فيني عشان احتو مع النيماااب انتي مالك عارفك دايرة تدخلي وتحتيهو :mh248: ....

بعدين الجماعة ديل لا سمعو لا جابوهو ليهم .. زروف سخسية سااااااااي ...:mh1548:

فيصل يوسف حامد
05-24-2006, 10:39 AM
صباحااااات ندية ,,, وين الشااي باللقيمات ؟؟؟ ويين الناااس ؟؟؟:mh36548:


سلام ناس النيمه...سلام...

عاصم...ياخي أنا من امس منمر علي الشاي والليقيمات...يعني صائم ليها وعشه ما اتعشيت...
كدي بالله شوف نولا دي ما تكون الحساسيه قامت عليها تاني...
ويا النيماب اجمعوا...الحكايه شنو...

Nola
05-24-2006, 10:42 AM
صباحااااات ندية ,,, وين الشااي باللقيمات ؟؟؟ ويين الناااس ؟؟؟:mh36548:


صباح بنكهة الجبنه بالجنزبيل

الشاي واللقيمات قاعدين وجاهزين

بري يا اخوي النيمه خلا ... الناس ديل سحروهم ولا شنو

انت يا اخوي السماكي وينو مسجل غياب

Nola
05-24-2006, 10:45 AM
سلام ناس النيمه...سلام...

عاصم...ياخي أنا من امس منمر علي الشاي والليقيمات...يعني صائم ليها وعشه ما اتعشيت...
كدي بالله شوف نولا دي ما تكون الحساسيه قامت عليها تاني...
ويا النيماب اجمعوا...الحكايه شنو...


اهليييييييييييييييييييين فيصل

حبابك يا ود امي ...

انا قاعده يا اخوي ... وكويسه ما قامت علي الحساسيه الا تقومه لي انت :mh1548:

انت صحي الناس دي مشت وين ؟؟؟؟؟

محمد عثمان عبدالقادر السماكي
05-24-2006, 10:50 AM
نولااااااااااااااااااااا عليك الله كلمي فيصل والسماكي بكرة من الصباح دايرين نشرب شاي الصباح باللقيماااات ,,, أها لي بكرة ,, انا بكلم ود اللمين و ريسنا عبد الرحمن ,,, واي زول اصحى بدري بلقانا قاعدييييييين من النجمة ,,,

النيمااااب مشاقييين ...
آها يا عاصم جيناك من الصباح ...!! وينو الشاي ..؟ووينا اللقيمات...!؟:mh1548:

Nola
05-24-2006, 10:53 AM
النيماب .. لا سلام ولا كلام ..
يعنى ولا زول هبب لينا ...
السماكى وقف فى الحياد .. مبلوعة ..
ناس فلان وفلان ديييييييييك .. معا منو ؟؟؟

عارفين قصة الحنكوش مع الربابيط ؟؟؟

قالوا فى واحد حنكوش ... وقفوه الربابيط بالليل .. وزرزروه .. زرة الكلب فى الطاحونة ... وقالوا ليه .. بس تورينا .. انت معانا والله مع التانيين ؟؟
عشان يتخارج .. قال ليهم .. اكييييييد أنا معاكم .. دى عايزه ليها كلام !!!
رد عليه زعيمهم ... رحت فى داهية !!! نحنا ما التانيين زاطم .....::

دحين ورونا .. معانا والله مع التانيين ؟؟

وما زال الاضراب مستمرا ....


عمو الوجيه جدا عبد الرحمن علي حسن

يا اخي والله العظيم ويقطع نخرتي دي انا شخصياً زعلك ما بقدر عليهو ولا الاضراب بتاعك دا
انت ما زول عزيز علينا ...

بعدين يا وجيه عاصم ما جاوب ليك علي الاسئله بتاعتك دي ... يعني لازم تزنقنا في خانة اليك كدا :mh8456:

كدي ارح نقعد في البنابر الهنااااااااك ديك في طرف النيمه ونشوف الموضوع ده
:m04: :m04:

النبي كان تفك الاضراب دا ولا نستعين بي صديق عشان يقنعك :mh4646:

محمد عثمان عبدالقادر السماكي
05-24-2006, 11:16 AM
نولا الف سلامة ليك...من الحساسية ....والله متلومين معاك....

Nola
05-24-2006, 11:37 AM
نولا الف سلامة ليك...من الحساسية ....والله متلومين معاك....


سماكينا

حبابك عشره

الله يسلمك يا اخوي ... ابدا والله مافي اي لوم ... ومابينا

بس انت كنت مختفي وين ان شاء الله خير

محمد عثمان عبدالقادر السماكي
05-24-2006, 11:57 AM
النيماب .. لا سلام ولا كلام ..
يعنى ولا زول هبب لينا ...
السماكى وقف فى الحياد .. مبلوعة ..
ناس فلان وفلان ديييييييييك .. معا منو ؟؟؟

عارفين قصة الحنكوش مع الربابيط ؟؟؟

قالوا فى واحد حنكوش ... وقفوه الربابيط بالليل .. وزرزروه .. زرة الكلب فى الطاحونة ... وقالوا ليه .. بس تورينا .. انت معانا والله مع التانيين ؟؟
عشان يتخارج .. قال ليهم .. اكييييييد أنا معاكم .. دى عايزه ليها كلام !!!
رد عليه زعيمهم ... رحت فى داهية !!! نحنا ما التانيين زاطم .....:mh8456:

دحين ورونا .. معانا والله مع التانيين ؟؟

وما زال الاضراب مستمرا ....

عارف زي ما قلت ليك ...زعلك مابنحملو وما بندورو....
ونولا زنقتنا ما بنحملها وبندورها ...
آها الحمدلله نولا ردت عليك ...وحنستك عشان تفك الاضراب....
والبت معذورة اصلو كان عندها حساسية شديدة....

عبدالرحمن على حسن
05-24-2006, 11:59 AM
عمو الوجيه جدا عبد الرحمن علي حسن

يا اخي والله العظيم ويقطع نخرتي دي انا شخصياً زعلك ما بقدر عليهو ولا الاضراب بتاعك دا
انت ما زول عزيز علينا ...

بعدين يا وجيه عاصم ما جاوب ليك علي الاسئله بتاعتك دي ... يعني لازم تزنقنا في خانة اليك كدا :mh8456:

كدي ارح نقعد في البنابر الهنااااااااك ديك في طرف النيمه ونشوف الموضوع ده
:m04: :m04:

النبي كان تفك الاضراب دا ولا نستعين بي صديق عشان يقنعك :mh4646:


النيماب .. سلام (وش كرتون يا أمير)
فى التبادى يا نولا .. الله لا جاب زعل .. هو كان شوية عتاب .. وخلاص لو ما عايزين تجاوبوا .. بلاش !! وانسى العتاب الكنت جاى أقوله وارجع منهزم .. والدنيا يا ناس تنقسم .. الفرحة تملاها وتزغرد فيها .. والشوق يترسم .. ويا حليل الجابرى !!
ريحة اللقيمى .. والشاى باللبن .. ذكرتنى الاجازات فى رفاعة (لما كنا صغار!!!) وشارع اللبن .. وحبوبتى امنة بت الطيب .. وقشة عينك من النوم تختف الكورية الطلس .. ومعاها قرش .. وجرى على شارع اللبن .. تعبى الكورة لقيمى (مش لقيمات) .. ترجع جرى .. تلقى الشاى باللبن .. وكمان مقنن والكفتيرة فل .. وتشرب وتكوضم .. وكمان تدبل !!
كدى املوا لينا الكباية دى .. انا بشرب ب"المق" ... كبابيكم الصغار ديل ما بنفعوا معاى .. ما أصلى شايقى !!!!!

وبعدين ياخى والله اتلومتوا .. بابكر عثمان مكى دا .. جا النيمة امبارح .. وما لقى زول يرحب بيه .. جر ليه هبابى وقال ياخد ليه نومة لما الواطة تصبح والناس يتلموا ... عليكم الله ناغموه ... الراجل جاى من القصيم ....

مرحب بيك اخونا بابكر يا مبدع .. عمك ما بيحب الفلسفة والكتابة الرمزية .. عشان كدة بيتاوق بس فى بوستاتك مع المحترق وملاذ (بالمناسبة البت المفعوصة دى مشت وين؟) .. بس قصة رحال روعة ..
وأنا حاطبعها بعد ما تكتمل .. وحنجى نقراها فى النيمة جماعى .. أصلوا فى فكرة توأمة مع نيمة شمبات !!!

خلاص الاضراب مرفوع ...
وراجعين ،،،،،،،

محمد عثمان عبدالقادر السماكي
05-24-2006, 12:00 PM
سماكينا

حبابك عشره

الله يسلمك يا اخوي ... ابدا والله مافي اي لوم ... ومابينا

بس انت كنت مختفي وين ان شاء الله خير

والله موجود بس وقفت المنتدي اليومين الفاتو ديل لخبطت البرنامج شوية..!!
وكمان قاعد اجي بي جنبكم كل يوم في النيمة سريع كدا ..واشوفكم من بعيد...
اصلو باقي الولف كتال....

Nola
05-24-2006, 12:03 PM
النيماب .. سلام (وش كرتون يا أمير)
فى التبادى يا نولا .. الله لا جاب زعل .. هو كان شوية عتاب .. وخلاص لو ما عايزين تجاوبوا .. بلاش !! وانسى العتاب الكنت جاى أقوله وارجع منهزم .. والدنيا يا ناس تنقسم .. الفرحة تملاها وتزغرد فيها .. والشوق يترسم .. ويا حليل الجابرى !!
ريحة اللقيمى .. والشاى باللبن .. ذكرتنى الاجازات فى رفاعة (لما كنا صغار!!!) وشارع اللبن .. وحبوبتى امنة بت الطيب .. وقشة عينك من النوم تختف الكورية الطلس .. ومعاها قرش .. وجرى على شارع اللبن .. تعبى الكورة لقيمى (مش لقيمات) .. ترجع جرى .. تلقى الشاى باللبن .. وكمان مقنن والكفتيرة فل .. وتشرب وتكوضم .. وكمان تدبل !!
كدى املوا لينا الكباية دى .. انا بشرب ب"المق" ... كبابيكم الصغار ديل ما بنفعوا معاى .. ما أصلى شايقى !!!!!

وبعدين ياخى والله اتلومتوا .. بابكر عثمان مكى دا .. جا النيمة امبارح .. وما لقى زول يرحب بيه .. جر ليه هبابى وقال ياخد ليه نومة لما الواطة تصبح والناس يتلموا ... عليكم الله ناغموه ... الراجل جاى من القصيم ....

مرحب بيك اخونا بابكر يا مبدع .. عمك ما بيحب الفلسفة والكتابة الرمزية .. عشان كدة بيتاوق بس فى بوستاتك مع المحترق وملاذ (بالمناسبة البت المفعوصة دى مشت وين؟) .. بس قصة رحال روعة ..
وأنا حاطبعها بعد ما تكتمل .. وحنجى نقراها فى النيمة جماعى .. أصلوا فى فكرة توأمة مع نيمة شمبات !!!

خلاص الاضراب مرفوع ...
وراجعين ،،،،،،،


يييييييييييييييييييييييييييييييييييييييييييييييييي ييييييييييي

يييييييييييييييييييييييييييييييييييييييييييييييييي يييييييييي

يييييييييييييييييييييييييييييييييييييييييييييييييي ييييييييي

:mh001: :mh001: :mh001: :mh001:

محمد عثمان عبدالقادر السماكي
05-24-2006, 12:11 PM
سلام على ساكنى هذا الوريف ..
وعلى ظل المطر الشقيق السماكى ..

هتاك وجه شبه خمى بين هذه الشجرة الوريفة .... وعيناها ..
لطالما راودتنى نفسى لهجعة تحت هذه الشجرة الوريفة .. الا ان ارتيابى اتجاه الزحام منذ ملاحقة رجل الامن لى على شجر وريف فى زمن قديم الذكرى جعلنى ابتعد مرارا" وتكرارا" .. ثم هناك امر آخر ربما هو الحساسية المفرطة من الجلوس القرفصاء وانا سمين لدرجة (التنميل فى قدمى ) ..
فهل يمكننى ان امدد قدمى واتكىء على جزع الشجرة انها اكثر الاماكن التى تشعرنى بالامان وان ضهرى ليس مكشوف للرهاب .. فقط تنقصنى تلك الضفيرة المجدولة والرموش الاستوائية وبعض الاصدقاء القدامى لاقول :

عيناااك ياتمكن الذى خلق
مجالس الصحاب حينما يستوى الارق
وسكتى لمن اناخ عيسه ولان وارتزق


وكما قال مصطفى سند (فى النهر كان خمارها وجهى )


فهلا سمحتم لى بتوقيع اسمى على لحاء هذه الشجرة العملاقة فان ذلك اسراء للوطن بلا معراج .




التحية للجميع ...



الحبيب زيكو ناس فريقنا وودحلتنا ....اليوم زارتنا البركة فوقع اسمك في كل
النيم الموجود لدينا ...فقد تشرفنا جدا
وما تخاف اللي اسمها ايه (القرفصاء):m07: دي ما حنخليك تقعدا
بنجيب ليك هبابي كارب عشان تتوهض فيهو زي ما عايز....

عبدالرحمن على حسن
05-24-2006, 12:15 PM
عارف زي ما قلت ليك ...زعلك مابنحملو وما بندورو....
ونولا زنقتنا ما بنحملها وبندورها ...
آها الحمدلله نولا ردت عليك ...وحنستك عشان تفك الاضراب....
والبت معذورة اصلو كان عندها حساسية شديدة....

السماكى .. صباحك قشطة ..
عليك الله شفت جنس الزنقة دى ؟؟
حلوة حكاية زنقتها الما بتحملها ... وبندورها!!!

بس انا قصة الحساسية دى ما راكبا لى .. وعموما بنقول يا نولا .. شرك مقسم على الدقشم .. يعنى على ناس أمير ابصلعة وعاصم وفيصل وكمان نزار الكرور ....

انتو صدقتوا حكاية الاضراب دى ... مكنات ساى .. بس اخوكم مزنوق فى الشغل وفى البيت ... بس برضه ما بحصل الوريف !!! عليكم الله فى جديد عنه ؟؟؟ العيد الجاب الناس ما جابه .. رغم الوعد....

دقيقة وراجع ،،،،

Nola
05-24-2006, 12:21 PM
السماكى .. صباحك قشطة ..
عليك الله شفت جنس الزنقة دى ؟؟
حلوة حكاية زنقتها الما بتحملها ... وبندورها!!!

بس انا قصة الحساسية دى ما راكبا لى .. وعموما بنقول يا نولا .. شرك مقسم على الدقشم .. يعنى على ناس أمير ابصلعة وعاصم وفيصل وكمان نزار الكرور ....

انتو صدقتوا حكاية الاضراب دى ... مكنات ساى .. بس اخوكم مزنوق فى الشغل وفى البيت ... بس برضه ما بحصل الوريف !!! عليكم الله فى جديد عنه ؟؟؟ العيد الجاب الناس ما جابه .. رغم الوعد....

دقيقة وراجع ،،،،


يا اخي صباح النميه كلو قشششششطه بي قعدتك الطاعمه دي معانا

ههههه يا عمو والله هي جنس زنقة زي ما بنقول قدر ما حاولته ابقي ضب او اطير عشان ازوغ من الزنقة بتاعتك دي ما قدرته قلته اعمل عندي حساسية مشيت وجيت برضو لقيت الزنقة حاصله قلته اغمض عيوني واجي داخله واقول ليك يا حسس ما تفكها شويه :m04:

الله يسلمك ويديك العافيه يارب .. بس يا عمو الدقشم ديل اصحابي شديد ومابرضي تجيهم عوجه ....

لانك اضرابك دا ما وقفته بيهو قلبنا عدددديل

ما تتاخر

فيصل يوسف حامد
05-24-2006, 12:29 PM
السماكى .. صباحك قشطة ..
عليك الله شفت جنس الزنقة دى ؟؟
حلوة حكاية زنقتها الما بتحملها ... وبندورها!!!

بس انا قصة الحساسية دى ما راكبا لى .. وعموما بنقول يا نولا .. شرك مقسم على الدقشم .. يعنى على ناس أمير ابصلعة وعاصم وفيصل وكمان نزار الكرور ....

انتو صدقتوا حكاية الاضراب دى ... مكنات ساى .. بس اخوكم مزنوق فى الشغل وفى البيت ... بس برضه ما بحصل الوريف !!! عليكم الله فى جديد عنه ؟؟؟ العيد الجاب الناس ما جابه .. رغم الوعد....

دقيقة وراجع ،،،،


الوجيه عبد الرحمن...ياخي ما تحكها كدا...وياخي دي اسئله...دي اخير منها ترجع الكرسي تاني...
والزوله دي زي ما قال ليك السماكي ما بندور زنقتها...المره دي قالت حساسيه...المره الجايه ما معروف امكن الجهاز يدخله فيروس...ونقعد نفتش ليها بالفلوس...
قالت قومها ليها فيصل...دا علي العمده...

فيصل يوسف حامد
05-24-2006, 12:38 PM
يا اخي صباح النميه كلو قشششششطه بي قعدتك الطاعمه دي معانا

ههههه يا عمو والله هي جنس زنقة زي ما بنقول قدر ما حاولته ابقي ضب او اطير عشان ازوغ من الزنقة بتاعتك دي ما قدرته قلته اعمل عندي حساسية مشيت وجيت برضو لقيت الزنقة حاصله قلته اغمض عيوني واجي داخله واقول ليك يا حسس ما تفكها شويه :m04:

الله يسلمك ويديك العافيه يارب .. بس يا عمو الدقشم ديل اصحابي شديد ومابرضي تجيهم عوجه ....

لانك اضرابك دا ما وقفته بيهو قلبنا عدددديل

ما تتاخر


يا نولا عاصم دا في الباباي ول كيف ...
مو شان شئ ...بس عشان نعرف جناحنا منو...
عاصم...ياخوي ما تلحق...الجماعه ختوك احتياطي...

Nola
05-24-2006, 12:44 PM
يا نولا عاصم دا في الباباي ول كيف ...
مو شان شئ ...بس عشان نعرف جناحنا منو...
عاصم...ياخوي ما تلحق...الجماعه ختوك احتياطي...




هييييييييييييييييييييي يا فيصل :mh0011: :mh0011:

فيصل يوسف حامد
05-24-2006, 12:45 PM
سلام على ساكنى هذا الوريف ..
وعلى ظل المطر الشقيق السماكى ..

هتاك وجه شبه خمى بين هذه الشجرة الوريفة .... وعيناها ..
لطالما راودتنى نفسى لهجعة تحت هذه الشجرة الوريفة .. الا ان ارتيابى اتجاه الزحام منذ ملاحقة رجل الامن لى على شجر وريف فى زمن قديم الذكرى جعلنى ابتعد مرارا" وتكرارا" .. ثم هناك امر آخر ربما هو الحساسية المفرطة من الجلوس القرفصاء وانا سمين لدرجة (التنميل فى قدمى ) ..

التحية للجميع ...



زيكو...سلامات...لكن الليله أمانه ما وقع راجل...انت ما عارفني قاعد بجاي...
ما قالوا ليك بعد المغرب ممنوع ...البوديك هناك شنو...
قال دجاجي يلقط الحبه قال...

عبدالرحمن على حسن
05-24-2006, 12:53 PM
يييييييييييييييييييييييييييييييييييييييييييييييييي ييييييييييي

يييييييييييييييييييييييييييييييييييييييييييييييييي يييييييييي

يييييييييييييييييييييييييييييييييييييييييييييييييي ييييييييي

:mh001: :mh001: :mh001: :mh001:


كلو ولا البكا .. دا البجننى زاطتو ....
سماح يا حسس .. بس خلاص ..
وانت يا فيصل اديها علبة الكلينكس .. التقش دميعاتا دى ...

عارفين قصة الحمار والصقر فى الطيارة ...
كانوا راكبين سوا .. واتفقوا يعاكسوا المضيفة !!!
اشتكتهم للكابتن .. حذرهم بأن التكرار سيؤدى الى انزالهم من الطائرة ...
وتكرر المشهد .. وصدر القرار .. وفتح الباب .. (طبعا الطيارة فى الجو) ...
والتفت الصقر الى صاحبه الحمار وسأله:
أبو الحمير ... بتعرف تطير ؟؟
وكانت الاجابة ....
وكان رد الصقر :
لما ما بتعرف تطير ... ال........ لزومها شنو!!!!!!!!!!!!!!
بس ... خلاص ....

عبدالرحمن على حسن
05-24-2006, 01:05 PM
يا اخي صباح النميه كلو قشششششطه بي قعدتك الطاعمه دي معانا

ههههه يا عمو والله هي جنس زنقة زي ما بنقول قدر ما حاولته ابقي ضب او اطير عشان ازوغ من الزنقة بتاعتك دي ما قدرته قلته اعمل عندي حساسية مشيت وجيت برضو لقيت الزنقة حاصله قلته اغمض عيوني واجي داخله واقول ليك يا حسس ما تفكها شويه :m04:

الله يسلمك ويديك العافيه يارب .. بس يا عمو الدقشم ديل اصحابي شديد ومابرضي تجيهم عوجه ....

لانك اضرابك دا ما وقفته بيهو قلبنا عدددديل

ما تتاخر

ياخى انتى ما عارفة .. عمك مرات مخه بيكون تخين ؟؟؟
الزنفة دى لانو ما شاورتينا فى الاجابة ... لانو النيمة دى المرجعية !! وخلاص الموضوع دا نسيناه !!!
وبعدين اصحابك الدقشم ديل ما ياهم التانيين زاطم !!! أحدس؟؟؟ هم زاطم الحرشونى:mh248:
سلامة قليبك من الوقفان .. ولك العتبى حتى ترضى .. ولو ما رضيتى برضه ...
تسلمى يا فردة ...
بالمناسبة .. كرسى جابر دا ما مفروض تكمليه .. قصدى تلبسيه ... وتلحقى حفلة النيمة بمناسبة عيد المنتدى الاول .... شايف بت الجنيد دى براها وسط الجنيات عاصم وفيصل ...:m04:

عبدالرحمن على حسن
05-24-2006, 01:12 PM
الوجيه عبد الرحمن...ياخي ما تحكها كدا...وياخي دي اسئله...دي اخير منها ترجع الكرسي تاني...
والزوله دي زي ما قال ليك السماكي ما بندور زنقتها...المره دي قالت حساسيه...المره الجايه ما معروف امكن الجهاز يدخله فيروس...ونقعد نفتش ليها بالفلوس...
قالت قومها ليها فيصل...دا علي العمده...

فيصل الضهب ...

أنا الكيك .. أنا الصعب ..
عشان تعرفوا .. كان قمت عليكم .. بخلى ريحتكم طير طير ...
وبعدين السماكى قال زنقتها ما بحملها .. لكن بدورها ... كلم عاصم يجيب ليك نضّارة ...
خلاص .. قفّلنا الموضوع .. ورجعت نولا زى الحصان ...
أها النشوفها بعد دا ... بتيقى عشرة على لسانها والله فى كلام !!!!!
هع هع .. أنا الدابى اب جضوم .. أنا شيطان الشدر ،،،،،

Nola
05-24-2006, 01:17 PM
سلام على ساكنى هذا الوريف ..
وعلى ظل المطر الشقيق السماكى ..

هتاك وجه شبه خمى بين هذه الشجرة الوريفة .... وعيناها ..
لطالما راودتنى نفسى لهجعة تحت هذه الشجرة الوريفة .. الا ان ارتيابى اتجاه الزحام منذ ملاحقة رجل الامن لى على شجر وريف فى زمن قديم الذكرى جعلنى ابتعد مرارا" وتكرارا" .. ثم هناك امر آخر ربما هو الحساسية المفرطة من الجلوس القرفصاء وانا سمين لدرجة (التنميل فى قدمى ) ..
فهل يمكننى ان امدد قدمى واتكىء على جزع الشجرة انها اكثر الاماكن التى تشعرنى بالامان وان ضهرى ليس مكشوف للرهاب .. فقط تنقصنى تلك الضفيرة المجدولة والرموش الاستوائية وبعض الاصدقاء القدامى لاقول :

عيناااك ياتمكن الذى خلق
مجالس الصحاب حينما يستوى الارق
وسكتى لمن اناخ عيسه ولان وارتزق


وكما قال مصطفى سند (فى النهر كان خمارها وجهى )


فهلا سمحتم لى بتوقيع اسمى على لحاء هذه الشجرة العملاقة فان ذلك اسراء للوطن بلا معراج .




التحية للجميع ...



الاخ بابكر عثمان مكى...

شكراً علي حضورك الانيق المورق ودفقك الجميل وسط النيمه العامرة بأخيار الناس مثلك ...

أحمد بن الحسين قال :

لعينَيـك مـا يَلقَـى الفـؤَاد وَمـا لَقِـي ... ولِلحُـبِّ مـا لـم يبـقَ مِنِّـى وَما بقِي

جيتك بالدنيا والله ... وطاعمة زى الابيات الفاتت دي ... مشكور علي الجية السمحة ... وعلى الأبيات شاهقة المعنى

وتاني مرحب بيك في شجرتنا الوريفة ... وتخير مقعدك وسطنا كيفما اردت واينما اردت ... وان كان للقرفصاء طعم خاص لدينا ...

مدخل للاعتذار..
عذرا اذا جاء الترحيب متاخر .. بس عمو عبد الرحمن كان زانقنا زنقه رهيبه ومعلن اضراب

Nola
05-24-2006, 01:25 PM
:
ياخى انتى ما عارفة .. عمك مرات مخه بيكون تخين ؟؟؟
الزنفة دى لانو ما شاورتينا فى الاجابة ... لانو النيمة دى المرجعية !! وخلاص الموضوع دا نسيناه !!!
وبعدين اصحابك الدقشم ديل ما ياهم التانيين زاطم !!! أحدس؟؟؟ هم زاطم الحرشونى:
سلامة قليبك من الوقفان .. ولك العتبى حتى ترضى .. ولو ما رضيتى برضه ...
تسلمى يا فردة ...
بالمناسبة .. كرسى جابر دا ما مفروض تكمليه .. قصدى تلبسيه ... وتلحقى حفلة النيمة بمناسبة عيد المنتدى الاول .... شايف بت الجنيد دى براها وسط الجنيات عاصم وفيصل ...:


عمي ما مخه تخين بس شكلوا محرش :mh014:

سجمي قلته لي هم الحروشك وانا قلته الاولاد اصحابي وما برضي فيهم ... :mh658:

لي العتبي ... انا ما زعلانه يا حسس رغم انه الزنقه كانت حاره ... بس كانت رررهيبه عشان تاني اخلي الفصاحة انا ههههههههههههههه ( لكن بيني وبينك كده يا فرده الجماعة القلتهم انا ما كده:mh09: ):mh36548:

كرسي جابر يا اخوي كملته زمان ... سجمي ذكرتني النمشي نقول كلمه واجي جاريه ..

مجدي ابوشرا
05-24-2006, 04:50 PM
النيماب كيف امسيتو.. ايه رايكم تحت النيمه البارده دي كل فتره نقعد ذول في( بنبر النيمه ) ..ومع الهمبريب نفتوو مع زولنا ايه رايكم !!!
هلا هلا يازيكوووووو (بابكر عثمان ) الراجل الفنان مرحب بيك ومدد كورعيك في الهمبريب البارد ده وجهز نفسك عشان بكره حتقعد في بنبر النيمه ...
يا نولا جهزي الشمارات والسوالات عشان بكره اخونا زيكوووووو حيكون في بنبر النيمه ...

عاصم عثمان حمد
05-24-2006, 05:01 PM
الاخ بابكر عثمان مكى...

شكراً علي حضورك الانيق المورق ودفقك الجميل وسط النيمه العامرة بأخيار الناس مثلك ...

أحمد بن الحسين قال :

لعينَيـك مـا يَلقَـى الفـؤَاد وَمـا لَقِـي ... ولِلحُـبِّ مـا لـم يبـقَ مِنِّـى وَما بقِي

جيتك بالدنيا والله ... وطاعمة زى الابيات الفاتت دي ... مشكور علي الجية السمحة ... وعلى الأبيات شاهقة المعنى

وتاني مرحب بيك في شجرتنا الوريفة ... وتخير مقعدك وسطنا كيفما اردت واينما اردت ... وان كان للقرفصاء طعم خاص لدينا ...

مدخل للاعتذار..
عذرا اذا جاء الترحيب متاخر .. بس عمو عبد الرحمن كان زانقنا زنقه رهيبه ومعلن اضراب

الليلة والليلة شكلو البت دي اصابتها ... الحمي ... هووووي يابت ما تقلبي لينا النيمة صالون هارون الرشيد كمان...:mh8456:

بابكر عثمان مكى
05-24-2006, 07:56 PM
ناس النيمة اهلى الحنان

يالهذا الترحاب الجميل

نولا .. ادهشنى ترحيبك .. يشدنى كرم التوب السودانى اكثر من العمائم لكونه تفوح منه شهامة الرجال (باين عليك بت قبائل ) لقد اختزلتنى هذه البشاشة جدا"

فيصل المغارب تملأنى حنين مجهول المعالم .. بالذات فى هذه الغربة ..


عاصم عثمان حمد .. اتدرى ان هارون الرشيد لا يعتد به امام كرم سودانى ..فقط اصطنت جيدا" مع الى اغنية العطبراوى (نحن من نفر عمرو الدنيا اينما ذهبو ..الخ ) فقط لنا وطن ينام فى ظل الهجين فلاتسمع له حسا .


ود ابشرا .. لا اظن ان هناك بنمبر يحتمل ثقلى فقط دعونى متكئا" على جرحى قرب ذاك الجزع .

بلدى ولا ملى بطنى
سكاتى ولا الكلام النى
بليلتى ولاضبائح ضى

فيصل يوسف حامد
05-25-2006, 10:20 AM
انتو الليله الخميس؟
عشان كدا النيمه دي فاضيه....
كدي الناخد لي تكيه في الهباب دا...
كان يظهر زول...ول تجي حمامه طايره...
ودي تكيه...

Nola
05-25-2006, 10:33 AM
النيماب كيف امسيتو.. ايه رايكم تحت النيمه البارده دي كل فتره نقعد ذول في( بنبر النيمه ) ..ومع الهمبريب نفتوو مع زولنا ايه رايكم !!!
هلا هلا يازيكوووووو (بابكر عثمان ) الراجل الفنان مرحب بيك ومدد كورعيك في الهمبريب البارد ده وجهز نفسك عشان بكره حتقعد في بنبر النيمه ...
يا نولا جهزي الشمارات والسوالات عشان بكره اخونا زيكوووووو حيكون في بنبر النيمه ...


ود ابشرا

مالك علينا يا اخوي .. احنا النيمه دي بنجي نفضف فيها وناخد راحتنا ..

عايزه تعمل لينا فيها بنبر وسعلات مالك ...

بعدين انت زاتك بتجيب لينا الهواء والمشاكل وتقوم تزعل ناس عمو مننا .. مش كفاية شماراتك بتاعة الكرسي الساخن بتاعي ..

كدي ارخي موضوع البنر دا وشوف لينا ونستاً زينه

Nola
05-25-2006, 10:37 AM
الليلة والليلة شكلو البت دي اصابتها ... الحمي ... هووووي يابت ما تقلبي لينا النيمة صالون هارون الرشيد كمان...:mh8456:


قالي عندي حمي ...
وبي صداع المي ...

ود عثمان حمد

لكن زيكو بي كلامه السمح دا وهدبنا جنس وهدبنا .. قلنا كدي نجاري حرفه الانيق لعلنا نستطيع ان نرحب به ترحيب يليق باناقة حرفه ..

بس دي كل القصة

فيصل يوسف حامد
05-25-2006, 11:07 AM
بالله شوف قلت أخد لي تكيه...رحت في نومه عديل...
ونولا ديي من قبيل قاعده وانا ما جايب خبر...
يا نولا هوي خلي السرحي...وشوفي الجماعه ديل الليله جايين ول ماخدين اجازه...
بعدين ياخي السماكي دا قصة ما عرفناها لسع...

Nola
05-25-2006, 11:36 AM
بالله شوف قلت أخد لي تكيه...رحت في نومه عديل...
ونولا ديي من قبيل قاعده وانا ما جايب خبر...
يا نولا هوي خلي السرحي...وشوفي الجماعه ديل الليله جايين ول ماخدين اجازه...
بعدين ياخي السماكي دا قصة ما عرفناها لسع...



يا حوووووووله صحيت انت

حالتي ماشه براحه براحه قلته فيصل ما يصحي يقوم يبريني هسي :mh1548:

وانت مالك يا اخوي الخميس دا ما بدوك اجازه ....

سماكينا دا حيرنا عددديل .. شغال بنظام غيب وتعال

فيصل يوسف حامد
05-25-2006, 12:10 PM
يا حوووووووله صحيت انت

حالتي ماشه براحه براحه قلته فيصل ما يصحي يقوم يبريني هسي :mh1548:

وانت مالك يا اخوي الخميس دا ما بدوك اجازه ....

سماكينا دا حيرنا عددديل .. شغال بنظام غيب وتعال


نوووولا...ياخي إجازه...ويوم الخميس...
تعرفي الخميس حدنا الساعه 11 م ومره مره 12 م...حسب الشغل...
والله استر من جمعه بكره...
قالت الخميس إجازه...
انت ما عارفه حاجه..
المهم الليله برانا والخلط مقنن...بعدين اتكلمي بشيش بشيس...هسع اسمعوك...
اجي ناطي واحد اعمل ليك شيطان شدر...
والبعمل ليك فيها زيه ما جابه قدر...
واحد شيخ شمار وطالع في الكفر...
كمان مجنون ليله الاصابه السكر...
واحد يقول جايب ليك سمكاً محمر...
واتلموا واضايقوني واصبني الكدر...
خلينا كدا في هدوء زي الضمير المستتر...
لا حس ولا صوت ولا أتر...

Nola
05-25-2006, 12:20 PM
نوووولا...ياخي إجازه...ويوم الخميس...
تعرفي الخميس حدنا الساعه 11 م ومره مره 12 م...حسب الشغل...
والله استر من جمعه بكره...
قالت الخميس إجازه...
انت ما عارفه حاجه..
المهم الليله برانا والخلط مقنن...بعدين اتكلمي بشيش بشيس...هسع اسمعوك...
اجي ناطي واحد اعمل ليك شيطان شدر...
والبعمل ليك فيها زيه ما جابه قدر...
واحد شيخ شمار وطالع في الكفر...
كمان مجنون ليله الاصابه السكر...
واحد يقول جايب ليك سمكاً محمر...
واتلموا واضايقوني واصبني الكدر...
خلينا كدا في هدوء زي الضمير المستتر...
لا حس ولا صوت ولا أتر...


بالله ...

مسكين والله يعني احتمال الجمعة شغال ...

دي منو البتخلطه دي يا اخوي:mh014: ... هي اشرب جبنتك دي وقوم شتت ما تجيب لينا المشاكل مع عمو الوجيه ...

خلينا نشوف شغلتنا ... وعايزه امشي السوق اجيب لي ازيار جديده بدل الزير الكسرو مجدي ابوشرا دا ...

فيصل يوسف حامد
05-25-2006, 12:30 PM
بالله ...

مسكين والله يعني احتمال الجمعة شغال ...

دي منو البتخلطه دي يا اخوي:mh014: ... هي اشرب جبنتك دي وقوم شتت ما تجيب لينا المشاكل مع عمو الوجيه ...

خلينا نشوف شغلتنا ... وعايزه امشي السوق اجيب لي ازيار جديده بدل الزير الكسرو مجدي ابوشرا دا ...


ياخي الازيار دي شوفوا ليها حل...
زمان قلنا بدلوها بتلاجه...دا برضو زمن ازيار دا...
بعدين انا بمشي علي الحطابه...بعد تخلصي شغلتك ناديني...

Nola
05-25-2006, 12:40 PM
ناس النيمة اهلى الحنان

يالهذا الترحاب الجميل

نولا .. ادهشنى ترحيبك .. يشدنى كرم التوب السودانى اكثر من العمائم لكونه تفوح منه شهامة الرجال (باين عليك بت قبائل ) لقد اختزلتنى هذه البشاشة جدا"

فيصل المغارب تملأنى حنين مجهول المعالم .. بالذات فى هذه الغربة ..


عاصم عثمان حمد .. اتدرى ان هارون الرشيد لا يعتد به امام كرم سودانى ..فقط اصطنت جيدا" مع الى اغنية العطبراوى (نحن من نفر عمرو الدنيا اينما ذهبو ..الخ ) فقط لنا وطن ينام فى ظل الهجين فلاتسمع له حسا .


ود ابشرا .. لا اظن ان هناك بنمبر يحتمل ثقلى فقط دعونى متكئا" على جرحى قرب ذاك الجزع .

بلدى ولا ملى بطنى
سكاتى ولا الكلام النى
بليلتى ولاضبائح ضى






بابكر ..... ولما الدهشة ؟؟؟ ... احنا من قمنا وتبينا علي كلمة حباب وسلام حنان ... والبيت الكبير ... والضيفان ... وابقي داخل لي جوه ... . وانت اسعدتنا بحرفك المتوهج والماسك بين ايديه النجوم الملونة والأقمار الصديقة... فاستمد ترحبنا بك جزء من حميمية طلتك علينا...

محمد عثمان عبدالقادر السماكي
05-26-2006, 12:37 PM
يا حوووووووله صحيت انت

حالتي ماشه براحه براحه قلته فيصل ما يصحي يقوم يبريني هسي :mh1548:

وانت مالك يا اخوي الخميس دا ما بدوك اجازه ....

سماكينا دا حيرنا عددديل .. شغال بنظام غيب وتعال


والله اليومين ديل مشغول شوية لكن برضو لازم امر واقرأ سريع واشتت...
ان شاءالله قريب حافضى شوية ....

محمد عثمان عبدالقادر السماكي
05-26-2006, 12:38 PM
ياخي الازيار دي شوفوا ليها حل...
زمان قلنا بدلوها بتلاجه...دا برضو زمن ازيار دا...
بعدين انا بمشي علي الحطابه...بعد تخلصي شغلتك ناديني...



فيصل شنو ياخي الانفرادة دي..!!!!

الصادق عبدالله ضرار
05-26-2006, 02:14 PM
الناس قاعده هنا العصريه وهداااااك الروبى وتاكا ماشيين على تمرين الشعله...شايف كلندى بسخن وابسته جاى مع الجار والدرديرى....بعد بكره لاعبين مع الصهاينه

بت الجنيد
05-27-2006, 02:42 AM
اهاااااااااااااااااااااااااا هوووووووووووووووووو:mh248: سلااااااااااامات ...:mh248:
بس كنا مشغولين شوية كدا...... شان كدا ما جينا علي النيمة نشوف الحاصل شنو .... قلتوا لي الحفلة كانت رابه شديد ... بس في واحدين من اخوانا عملوا زوغان ما عارفين الحصل عليهم شنو ... خاتين ليهم كروت حمراء ... اذا جوا الحفلة الكانت في الساحة اهاااا كمان امكن نعمل واحدة تانية جنب السوق رايكم شنو

عاصم عثمان حمد
05-27-2006, 10:08 AM
... وعايزه امشي السوق اجيب لي ازيار جديده بدل الزير الكسرو مجدي ابوشرا دا ...

يا بت انا كل ما اغيب واجي القاك مشيتي السوق ... وبعدين مجدى دا فاولاتو دي كمان وصلت الازيار .

Nola
05-27-2006, 10:15 AM
يا بت انا كل ما اغيب واجي القاك مشيتي السوق ... وبعدين مجدى دا فاولاتو دي كمان وصلت الازيار .

صباح الورد

لي يا اخي انت اصلا ما عارف انه السوق دا زوقه من فيصل :m04:

مجدي خوفي فاولاتو تصل النيمه ززززاته .....

عاصم عثمان حمد
05-27-2006, 10:17 AM
ناس النيمة اهلى الحنان

يالهذا الترحاب الجميل

نولا .. ادهشنى ترحيبك .. يشدنى كرم التوب السودانى اكثر من العمائم لكونه تفوح منه شهامة الرجال (باين عليك بت قبائل ) لقد اختزلتنى هذه البشاشة جدا"

فيصل المغارب تملأنى حنين مجهول المعالم .. بالذات فى هذه الغربة ..


عاصم عثمان حمد .. اتدرى ان هارون الرشيد لا يعتد به امام كرم سودانى ..فقط اصطنت جيدا" مع الى اغنية العطبراوى (نحن من نفر عمرو الدنيا اينما ذهبو ..الخ ) فقط لنا وطن ينام فى ظل الهجين فلاتسمع له حسا .


ود ابشرا .. لا اظن ان هناك بنمبر يحتمل ثقلى فقط دعونى متكئا" على جرحى قرب ذاك الجزع .

بلدى ولا ملى بطنى
سكاتى ولا الكلام النى
بليلتى ولاضبائح ضى






مرحب بي الاخ / زيكو

زمان والله ,, عارف يا زيكو كل ما اتذكرك بتذكر مدرسة الشيخ الطيب المتوسطة ... ورابطة اصدقاء الكتاب في الثانوي (طبعا انتو قدامنا بي سنة وقتها مع ناس صلاح ابراهيم وهشام عثمان ) وتاني كنا بنزوركم في جامعة الخرطوم في البركس مع ناس عبد الناصر فتح الرحمن موسي .. والبقية ,,
رغم انو مداخلاتنا مع بعض بسيطة وقد تكون معدومة علي ما اعتقد .. يبقي في النفس الذكريات الجميلة للاشخاص وحتي هذه يشوبها الخجل ...
اما بالنسبة لصالون هارون الرشيد قصدنا المداعبة بعدما تناولت نولا بعض الشعر .. وبعض المديح .. فقط .. وليس لدينا شك في الكرم السوداني ...
ولك التحية ,,,

عاصم عثمان حمد
05-27-2006, 10:19 AM
انتو الليله الخميس؟
عشان كدا النيمه دي فاضيه....
كدي الناخد لي تكيه في الهباب دا...
كان يظهر زول...ول تجي حمامه طايره...
ودي تكيه...

شايفك اتجدعت بالخميس ,,, آآآآآآي لقيتنا مافي ودورت في الناس اصبر لي سااااااي

عاصم عثمان حمد
05-27-2006, 10:22 AM
قالي عندي حمي ...
وبي صداع المي ...

ود عثمان حمد

لكن زيكو بي كلامه السمح دا وهدبنا جنس وهدبنا .. قلنا كدي نجاري حرفه الانيق لعلنا نستطيع ان نرحب به ترحيب يليق باناقة حرفه ..

بس دي كل القصة

مااااا عندنا شك في اناقة حرفو ,,, بالعكس نتمني يجي النيمة واتكي كمان ويشاركنا بي اناقة حرفو وبي شوية من البلدي بتاع الونسة للنيمة,,

انا ما عارف بجيك صداع ولا حمي لكن متأكد من الحساسية العندك

عاصم عثمان حمد
05-27-2006, 10:25 AM
بالله شوف قلت أخد لي تكيه...رحت في نومه عديل...
ونولا ديي من قبيل قاعده وانا ما جايب خبر...
يا نولا هوي خلي السرحي...وشوفي الجماعه ديل الليله جايين ول ماخدين اجازه...
بعدين ياخي السماكي دا قصة ما عرفناها لسع...



هووووووووي يافيصل ( دي بتاعة نولا)

انت يعني ما عارف اجازتهم متين؟. خلي شغل الضهب بتاعك دا ( علي قول الريس ود علي حسن)

عاصم عثمان حمد
05-27-2006, 10:28 AM
نوووولا...ياخي إجازه...ويوم الخميس...
تعرفي الخميس حدنا الساعه 11 م ومره مره 12 م...حسب الشغل...
والله استر من جمعه بكره...
قالت الخميس إجازه...
انت ما عارفه حاجه..
المهم الليله برانا والخلط مقنن...بعدين اتكلمي بشيش بشيس...هسع اسمعوك...
اجي ناطي واحد اعمل ليك شيطان شدر...
والبعمل ليك فيها زيه ما جابه قدر...
واحد شيخ شمار وطالع في الكفر...
كمان مجنون ليله الاصابه السكر...
واحد يقول جايب ليك سمكاً محمر...
واتلموا واضايقوني واصبني الكدر...
خلينا كدا في هدوء زي الضمير المستتر...
لا حس ولا صوت ولا أتر...

كلاااااااااااااااااااااااام والله ,,, اها وبعد داك حصل شنو ,, الجماعة شتتو يا فيصل
:m07: :m07: :m07: :m07:

بابكر عثمان مكى
05-27-2006, 10:42 AM
عاصم عثمان حمد .. لقد تعثرنا على نفس الحصا زمنا .. هشام عثمان الحسين وصلاح ابراهيم عبدالجبار وانس المدنى وياسر سالم ومدنى صلاح المدنى وآخرين ..

ثم .. جامعة الخرطوم .. وزياراتكم الانيقة لنا .. قد اكون لم انتبه للذكرى فثمة موعد بالمساء على تلك الانوار الخافتة .. او فى قاعة تفوح منها رائحة المؤامرة السياسية على بلد تتقلب فيه الحكومات كانها شخص ينم على سرير وثير .

انامنك وانت منى دما" وانتماء

فيصل يوسف حامد
05-27-2006, 01:27 PM
صباح الورد

لي يا اخي انت اصلا ما عارف انه السوق دا زوقه من فيصل :m04:

مجدي خوفي فاولاتو تصل النيمه ززززاته .....


أيوااااا...بالله...هو كدا...دا حالتي انا المآمن ليك...
تاني شوفي البخليك تمشي السوق...بس كدي تعالي حايمه براك تاني بجاي...

فيصل يوسف حامد
05-27-2006, 01:31 PM
فيصل شنو ياخي الانفرادة دي..!!!!

السماكي...
أه نقوا...نقوا...طيروها...الزول ما ألقى ليه فرصه...

فيصل يوسف حامد
05-27-2006, 01:35 PM
الناس قاعده هنا العصريه وهداااااك الروبى وتاكا ماشيين على تمرين الشعله...شايف كلندى بسخن وابسته جاى مع الجار والدرديرى....بعد بكره لاعبين مع الصهاينه


يا النيماب...والله الصادق دا محيرني ليه زمن...الزول دا كان كويس وبتونس..
هسع بقى يجي ماشي عابر...وشابكان داك فلان وداك فلان...ها زول ها ما تجي تقعد...
والله ما عندنا شئ بقرص...النمل الكان بجي حائم دا قرضناهو...تعال اتفن ساي...

فيصل يوسف حامد
05-27-2006, 01:43 PM
شايفك اتجدعت بالخميس ,,, آآآآآآي لقيتنا مافي ودورت في الناس اصبر لي سااااااي


انتو القال ليكم غيبوا منو...
وعايزين تلقوها اتنين اجازه وخلط...بالله ما تقوموا...
وبعدين شوف عمك الوجيه دا مالو...مما قال انا شيطان الشدر تاني ماشفناهو...
الحق ما يكون لتخوا شيطان عشر...

فيصل يوسف حامد
05-27-2006, 01:50 PM
هووووووووي يافيصل ( دي بتاعة نولا)

انت يعني ما عارف اجازتهم متين؟. خلي شغل الضهب بتاعك دا ( علي قول الريس ود علي حسن)


ياخي ما تحكها كدا...
اه اخشوا ليكم كيف...
الزوله دي اقطع نخرتي محرشه...

مجدي ابوشرا
05-27-2006, 02:18 PM
خبـــــر عاجــــــــــــــــــل خبـــــــــــر عاجــــــــــــــــل

نولا تتبرع بعدد 100 شتلة نيمه وذلك لبداية مشروع في كل بيت نيمه
لكن الشمار العرفتو ده كلوا عشان الحملة الانتخابية للمشرفين للمنتدى
وزيادة الغطاء النباتي عشان ما تجيها الحساسيه (الخصاصيه ) تاني
وقالوا شعارها الاغنية البتقول ( اسالوا النيمه الراميه فوق بيتنا )
ده فاوااال ولا قون ههههههههههههها
وبعدين اخبار لوزه في تركيا شنو عشان شايف مطار تركيا امس ولعن فيه نيران !!!

عاصم عثمان حمد
05-27-2006, 02:51 PM
:

انتو القال ليكم غيبوا منو...
وعايزين تلقوها اتنين اجازه وخلط...بالله ما تقوموا...
وبعدين شوف عمك الوجيه دا مالو...مما قال انا شيطان الشدر تاني ماشفناهو...
الحق ما يكون لتخوا شيطان عشر...

:m07: :m07: :m07: :m07:

محمد عثمان عبدالقادر السماكي
05-27-2006, 03:04 PM
انتو القال ليكم غيبوا منو...
وعايزين تلقوها اتنين اجازه وخلط...بالله ما تقوموا...
وبعدين شوف عمك الوجيه دا مالو...مما قال انا شيطان الشدر تاني ماشفناهو...
الحق ما يكون لتخوا شيطان عشر...

فيصل الخلاط...:mh125:
يعني ما نأجز ولى شنو..؟
هسع بجيك شيطان الشدر....

عاصم عثمان حمد
05-27-2006, 03:08 PM
ياخي ما تحكها كدا...
اه اخشوا ليكم كيف...
الزوله دي اقطع نخرتي محرشه...



والله يا ولدي وكت وصلت مرحلة تقطع النخرين ... انت خشيت خلاص

عاصم عثمان حمد
05-27-2006, 03:11 PM
خبـــــر عاجــــــــــــــــــل خبـــــــــــر عاجــــــــــــــــل

نولا تتبرع بعدد 100 شتلة نيمه وذلك لبداية مشروع في كل بيت نيمه
لكن الشمار العرفتو ده كلوا عشان الحملة الانتخابية للمشرفين للمنتدى
وزيادة الغطاء النباتي عشان ما تجيها الحساسيه (الخصاصيه ) تاني
وقالوا شعارها الاغنية البتقول ( اسالوا النيمه الراميه فوق بيتنا )
ده فاوااال ولا قون ههههههههههههها
وبعدين اخبار لوزه في تركيا شنو عشان شايف مطار تركيا امس ولعن فيه نيران !!!

مجدي ابو شرا ... انا كنت قايل انا عندي تخصص في الشمارات ... لكن الظاهر انك انت عندك فيها دكتوراه عدييييييييييل كدة ...

محمد عثمان عبدالقادر السماكي
05-27-2006, 03:27 PM
مجدي ابو شرا ... انا كنت قايل انا عندي تخصص في الشمارات ... لكن الظاهر انك انت عندك فيها دكتوراه عدييييييييييل كدة ...

ود ابشرا مبروووك الدكتوراة....
وياعاصم عقبال الدكتوراة...

عاصم عثمان حمد
05-27-2006, 05:34 PM
ود ابشرا مبروووك الدكتوراة....
وياعاصم عقبال الدكتوراة...

سمح السماكي .. كويس كلاااامك .. لكن وكتين شماراتي انا ومجدي ابو شرا بتمرقك لينا وتخليك تظهر ... دا بيؤكد انو حاسة شم الشمار عندك عالية جدا ... وبدون تخصص .. :m07: :m07: :m07: :m07:

بت الجنيد
05-27-2006, 10:32 PM
مجدي ابو شرا بلاقط وين:eusa_think: لمن كسر الزير الله يهدي سرو ....:m04: امكن غايتو الاقيك علي السوق ماشه اجيب لي بنبر زياده الظروف مامعروفة امكن يجونا ضهب