المساعد الشخصي الرقمي

مشاهدة النسخة كاملة : شلة شجرة النيم الفي الحطابة...!!!


الصفحات : 1 [2] 3 4 5 6 7 8 9 10

Ameer Al Ameen
12-28-2005, 08:48 AM
ماااااالك يا نزار اخوي كبيت الجرسة من السودان ..؟والله البدعك هناك بطلع جنس قروش
خليها ساكت ..وهو ريالتنا دي بقت ما فيها فائدة وكل يوم داقا الدلجة..قوي قلبك ساي
وخش المعمعة الهناك دي...والله بعد شهر انا محصلك وكمان نهائي...عديل كدا
والانترنت دا حنخليهو في رفاعة زي العجور في السوق...
ويا صبري شنو الوجاهات دي ..ما شاءالله الصورة شرط..

وداللمين اليومين ديل شايفك كاسر بي هناك ..!!! ومطنش النيمة ماااالك..؟

و يا غزلان شنو الحكاية جيتي حندكتينا كدا وزغتي ماااالك..؟

من طرائف النت ..

اتبع سياسة الاغراق وانقل عشرات الموضوعات في نفس اليوم
ولا تلتفت لنداءات المشرف باتاحة الفرصة لغيرك في ترك الزمن
المناسب لموضوعاتهم حتى يتم مناقشتها
الموناليزا ..

الحبيب اب سمكات
مش بقولو كترة الطلة بتمسخ خلق الله ، قلنا نخف شوية ، و برضو خفنا يبقى علينا ذى الكلام الفوق دا :D :D :D :D :D :D
، بعدين الكسرة دا مش انتو السبب فيها ، عارفين نحن ناس ولوفين :oops: :oops:
البت المغربية كابة الزوغة مالها خافت من زيارة الود صبرى و لا شنو ؟
غايتو يا غزلان شدى حيلك ساكت، اكان صبرى فتح لينا الطريق كلنا وراهو ماشين ، وكل الطرق بتودى الرباط
وينك يا فيصل لابد و لا شنو ؟؟؟؟؟

صبري طه
12-28-2005, 01:13 PM
أها جيييتكم ... ومعركسة كمان ...
http://www.moveed.com/data/thumbnails/31/monster.gif

وأنا عارف طلتي بقت كتيييرة وما العندو DSL وكمان ملح ساااكت كدة والـ 24 ساعة إبكي بس ..

صبري طه
12-28-2005, 01:21 PM
ويا صبري شنو الوجاهات دي ..ما شاءالله الصورة شرط......

شرط الفي بالي ....
quote="ود فريجون"] ؟ورحلة المغرب قائمة بس التكاليف على صبري طه وانا جاهز بخلى السودان وبمش المغرب ومن هناك بمش السودان رايك شنو ياصبري ، بس خوفي انك تغرق في نهر ابو رقراق وتشوف سلا وتقول تاني ماراجع ؟؟!!![/quote]

المشكلة أكان مشينا السودان أول حننسى الموضوع .. حنين يا ليل ..

غايتو يا غزلان شدى حيلك ساكت، اكان صبرى فتح لينا الطريق كلنا وراهو ماشين ، وكل الطرق بتودى الرباط

هووووي يا شباب خلاص حاكو حاكو .. يا نزار غفل الجماعة قول ليهم ماشين نيجيريا ...

محمد عثمان عبدالقادر السماكي
12-29-2005, 09:17 PM
يا امير نحن الشجرة والله كل يوم ما بنفارقا ..ونحن ناس قاعدين
في شجرتنا وبنتونس واي زول داير اقعد معانا اصلو ما بناباهو..
وعشان كدا يا خوي نيمتنا دي ما فيها كترة الطلة بتمسخ خلق الله
بالعكس نحنا عندنا كترة الطلة بتحبب فيك خلق الله.. :lol:
ويا صبري بتحندك الجماعة يعني بي خط النت الفاتح 24 ساعة
دا ولى شنو.. :lol: كلنا عندنا 24 ساعة وفي البيت كمان.. :lol:
ويازول قعادك الكتير في النيمة دا الف مرحب بيهو وان شاءالله
تسكن فيها عديييييييييل كدا ..كلنا بنسكن فيها..
ود فريجون الحبيب زياراتو قلت مع قلق السودان الله اسهل
ليهو اموروا ان شاءالله..
والصادق اللخدر والشفيف معتصم اخبارهم شنو..؟ رفاعة
دي ما فيها نت ادخلوا اسلموا علينا وبس....
الحبيب ياسر كرار اخباروا شنو ..؟شايفوا تاوك مرة كدا سريع
واتخارج ان شاءالله اكون بخير...
وفيصل يوسف لسع مزنوق مع الجرد وتقفيل الميزانية ولا شنو..؟

yassir karar
12-30-2005, 12:25 AM
أهلى السمحين زى الامانى
أصلو الحاصل فى الغيبه أنى كنت فى حالة رحول من الفندق لى بيتى
وأنو اسلام وأسيل شرفو مدريد
وانو كنت بقراكم كل يوم لكن ما بقدر اكتب بالعربى
والى حين يصلنى اللاين خلال اسبوعين حأجيكم انشاء الله كل يوم
وانى بقفل مع الاسبان فى حسابات السنه
انتو كونو بخير
او وآصلو
ونحن جايين جايين
ولكم العتبى حتى ترضون

فيصل يوسف حامد
12-30-2005, 06:53 PM
[align=justify:8efd7d674e]الاخوان الاعزاء...
الاخ الكريم سماكي...
تحياتي...

والله الزنقة زنقة جد (يعني زنقة كلب في الطاحونه)...وأنا الليله الجمعه شغال من الصباح...وجات الصلاة جريت صليت ...ومشيت إتغديت ...وقالوا لي تعال بعد صلاة العصر...قلتليهم عندي تمرين قدم...أكان ترفدوني ماجائي ...بالله شوف ليك لياقه...المهم أنا هسع شغال من بعد صلاة المغرب ...وقلت أتاوق عليكم سريع كدا ...قبل ما أكمشوني الجماعه ديل ...وإسوها لي موضوع....
لكن أخبار ود فريجون شنو ماشي السودان ...ول لسع خائف...
أه وأخبار أخوانا المشوا أول ديل الصادق ومعتصم شنو...مالم لابدين كدا...
لكن أنا المحيرني ليك الود صبري دا...كان حردان كل كل...وقال كجن الموقع دا ...وكان غزلان هي بسم الله كان زعلان...الحصل شنو ...شايفوا نازل بتقلوا...

التحية للجميع...[/align:8efd7d674e]

معتصم سليمان بابكر
12-30-2005, 10:12 PM
ناس النيمة
حبايبنا الحلوين
كيفكم بالله
واللع الشوق بقدر عدد صفقات النيمة
ومضاعف اضعاف كثيرة
ويافيصل كيف مابنلبد
هى لكن لبده ساى
قال ليك جنس لبده هى لكن
يا اخى والله احلى من رفاعة
ماااااااااافى

امير الامين نزار فريجون وين جيتكم الموعودة؟؟؟؟

السمالكى مبرووووك الترقية للدكتور
ودايما لقدام ان شاء الله

عند اللفه بس:
--------------
تعرفوا يا جماعة انى اول بوردابى يقعد بجد تحت شجرة النيم
حقيقى حلوة ولقيت تحتها اتنين بتونسوا ودخلت معاهم وقلت ليهم
انو النيمة دى اصبح ليها مكان حلو زيها فى فضاءات النت والفضل للسمااكى
قالوا لى السماكى ده منو؟؟ وفضاءات النيت دى شنو؟؟؟
شرحت ليهم الحاصل كلو....قالوا لى كثر خيركم وياها المحرية فيكم
عند اللفة تانى
--------------
واحد فيهم قال لى يعنى هسى نحن ظاهرين فى النيت
قلت ليهو لا لكن انا بظهركم..............

عند اللفه برضو
----------------
والله ياصبرى جنس لفات لكن قال ليك
خليت ليك رقاعة كلها لفات وكلم امير بالله
يا صبرى عندنا لفات معروضة للبيع اسرع
احجز

صبري طه
12-31-2005, 09:36 AM
لكن أنا المحيرني ليك الود صبري دا...كان حردان كل كل...وقال كجن الموقع دا ...وكان غزلان هي بسم الله كان زعلان...الحصل شنو ...شايفوا نازل بتقلوا...

معقولة بس أكجن المنتدى كلو ... طيب الناس العسل الزيكم ديل نكجنم كيف !!؟؟

وكان غزلان هي بسم الله كان زعلان...الحصل شنو ...شايفوا نازل بتقلوا...

يا ولد يا حريف إنت !!!

صبري طه
12-31-2005, 09:41 AM
والله ياصبرى جنس لفات لكن قال ليك
خليت ليك رقاعة كلها لفات وكلم امير بالله
يا صبرى عندنا لفات معروضة للبيع اسرع
احجز

أخونا معتصم سلاماااات بتاعة ملاذ وكيف بالله البلد معاك تلقاك نسيتنا خلاااص ما قالوا البلقى أحبابو بنسى بودردابو ... وعليك الله تحياتنا على جميع اللفات .. وبالنسبة لي أخونا أمير زي ما لفة راسي بي سيرة البحر بأهدي ليهو لفة خضراء

محمد عثمان عبدالقادر السماكي
12-31-2005, 10:39 AM
والله الليلة الاخبار سمحة بالحيل في النيمة...فيصل يوسف ادانا طلة سمحة كدا
وان شاءالله افضا لينا قريب واجي لمهابشتك يا صبري..وانتا يا صبري غزلان بسم
الله زعلان مااالك.. :lol:
وبي مناسبة غزلان سمعنا انو الاخت غزلان بي عافية شوية ..عشان كدا قالت
ليكم حتجيكم قريب ان شاءالله بعد ان تعافت من الوعكة الصحية الت المت بها...
الخبر السعيد انو المعتصم اتانا طلة حلوة ومشى قعد في النيمة ست الاسم
وجميل والله التواصل مع المعتصم ذلك الجميل الظريف فبالله يا معتصم ما تقطع
التواصل معانا...وتحياتنا للصادق الاخدر..
كمان الحبيب معتصم عبيد حيجينا قريب ان شاءالله بعد ما افضى من ميزانيات
نهاية العام وحتعمر النيمة والله بجيتو معانا..
ابو هبة وين طول ما قاعد ازورنا مالو ..؟ ولا هو زي التحلية كدا بدونا ليها مرة
مرة... :lol:
ود فريجون متشعلقين(زي ما بقول ساردية) وينك ياخي ادينا طلة قبل ما تسافر
وياريت تواصلك الجميل استمر حتى بعد ما تمشي السودان...

Ameer Al Ameen
12-31-2005, 11:42 AM
[align=justify:3f6bc689dc]
...وكان غزلان هي بسم الله كان زعلان...الحصل شنو ...شايفوا نازل بتقلوا...

التحية للجميع...[/align:3f6bc689dc]

و الله بالغت عديل كده يا فيصل

و يا صبرى دى سيرة محيطات بقت .... مش بحور


:lol: :lol: :lol: :lol: :lol:

Ameer Al Ameen
12-31-2005, 12:05 PM
ناس النيمة
حبايبنا الحلوين
كيفكم بالله
واللع الشوق بقدر عدد صفقات النيمة
ومضاعف اضعاف كثيرة
ويافيصل كيف مابنلبد
هى لكن لبده ساى
قال ليك جنس لبده هى لكن
يا اخى والله احلى من رفاعة
ماااااااااافى

امير الامين نزار فريجون وين جيتكم الموعودة؟؟؟؟

السمالكى مبرووووك الترقية للدكتور
ودايما لقدام ان شاء الله

عند اللفه بس:
--------------
تعرفوا يا جماعة انى اول بوردابى يقعد بجد تحت شجرة النيم
حقيقى حلوة ولقيت تحتها اتنين بتونسوا ودخلت معاهم وقلت ليهم
انو النيمة دى اصبح ليها مكان حلو زيها فى فضاءات النت والفضل للسمااكى
قالوا لى السماكى ده منو؟؟ وفضاءات النيت دى شنو؟؟؟
شرحت ليهم الحاصل كلو....قالوا لى كثر خيركم وياها المحرية فيكم
عند اللفة تانى
--------------
واحد فيهم قال لى يعنى هسى نحن ظاهرين فى النيت
قلت ليهو لا لكن انا بظهركم..............

عند اللفه برضو
----------------
والله ياصبرى جنس لفات لكن قال ليك
خليت ليك رقاعة كلها لفات وكلم امير بالله
يا صبرى عندنا لفات معروضة للبيع اسرع
احجز

الحبيب معتصم

و الله ليك وحشة

و اخبارك معانا عن طريق البعد الثالث :lol: :lol: :lol:

و احجزوا لينا لفة بس قريب من البهلة

السماكى

وينك لا صوت و لا صورة

و برضو مبروك بس على شنو ما عارفين

المهم تستاهل

صبري طه
12-31-2005, 12:50 PM
وبي مناسبة غزلان سمعنا انو الاخت غزلان بي عافية شوية ..عشان كدا قالت ليكم حتجيكم قريب ان شاءالله بعد ان تعافت من الوعكة الصحية التي المت بها...

سلاماااات يا غــزلان وربنا إقومك بالسلاااامة ويا ريتو كنت أنا ....

صبري طه
12-31-2005, 12:54 PM
ابو هبة وين طول ما قاعد ازورنا مالو ..؟ ولا هو زي التحلية كدا بدونا ليها مرة
مرة...

والله أبو هبة دة الله إديهو العافية وربك إساعدوا أها زولكم دة شي مع إدارة الموقع والمنتدى وشي مع المشاركات هنا وهناك وشي مع الردود هنا وهناك وشي مع المشاكل هنا وهناك وشي مع الاتصالات هنا وهناك وشي مع السودان هنا وهناك وشي وشي عجيب الله إكون في عونوا وطبعاً دة غير الدوام في العمل

صبري طه
12-31-2005, 12:57 PM
و يا صبرى دى سيرة محيطات بقت .... مش بحور

إنت عارف أنا الغيرة كتلتني عشان كدة سيرتي حتكون عبر الكواكب ...

Ameer Al Ameen
12-31-2005, 02:13 PM
والله الليلة الاخبار سمحة بالحيل في النيمة...فيصل يوسف ادانا طلة سمحة كدا
وان شاءالله افضا لينا قريب واجي لمهابشتك يا صبري..وانتا يا صبري غزلان بسم
الله زعلان مااالك.. :lol:
وبي مناسبة غزلان سمعنا انو الاخت غزلان بي عافية شوية ..عشان كدا قالت
[size]

[Size=18]سلامات غزلان و


وبي مناسبة غزلان سمعنا انو الاخت غزلان بي عافية شوية ..عشان كدا قالت ليكم حتجيكم قريب ان شاءالله بعد ان تعافت من الوعكة الصحية التي المت بها...

سلاماااات يا غــزلان وربنا إقومك بالسلاااامة ويا ريتو كنت أنا ....

صبري طه
12-31-2005, 02:29 PM
والله الليلة الاخبار سمحة بالحيل في النيمة...فيصل يوسف ادانا طلة سمحة كدا
وان شاءالله افضا لينا قريب واجي لمهابشتك يا صبري..وانتا يا صبري غزلان بسم
الله زعلان مااالك.. :lol:
وبي مناسبة غزلان سمعنا انو الاخت غزلان بي عافية شوية ..عشان كدا قالت
[size]

[Size=18]سلامات غزلان و


وبي مناسبة غزلان سمعنا انو الاخت غزلان بي عافية شوية ..عشان كدا قالت ليكم حتجيكم قريب ان شاءالله بعد ان تعافت من الوعكة الصحية التي المت بها...

سلاماااات يا غــزلان وربنا إقومك بالسلاااامة ويا ريتو كنت أنا ....

سير معانا ،،،

Ameer Al Ameen
12-31-2005, 03:53 PM
والله الليلة الاخبار سمحة بالحيل في النيمة...فيصل يوسف ادانا طلة سمحة كدا
وان شاءالله افضا لينا قريب واجي لمهابشتك يا صبري..وانتا يا صبري غزلان بسم
الله زعلان مااالك.. :lol:
وبي مناسبة غزلان سمعنا انو الاخت غزلان بي عافية شوية ..عشان كدا قالت
[size]

[Size=18]سلامات غزلان و


وبي مناسبة غزلان سمعنا انو الاخت غزلان بي عافية شوية ..عشان كدا قالت ليكم حتجيكم قريب ان شاءالله بعد ان تعافت من الوعكة الصحية التي المت بها...

سلاماااات يا غــزلان وربنا إقومك بالسلاااامة ويا ريتو كنت أنا ....

سير معانا ،،،

بالكلح و لا بى منو ؟؟؟؟؟

صبري طه
01-01-2006, 07:51 AM
ود فريجون متشعلقين(زي ما بقول ساردية) وينك ياخي ادينا طلة قبل ما تسافر وياريت تواصلك الجميل استمر حتى بعد ما تمشي السودان...

مطر الحزن ... عاود هطل ... جدد عذاب الأرصفة ...

شنو يا جماعة كلكم شتتو وخليتونا ...

محمد عثمان عبدالقادر السماكي
01-01-2006, 07:59 AM
يا ناس النيمة يا الضاربين الهمبريب الباااااااااارد..
كل سنة وانتم طيبين وان شاءالله دائما سعيدين ومبسوطين
والله ايديم لنا هذا التواصل الاخوي الصادق....
التحايا الى الريس ابوهبة والى الشفيف المعتصم والى الحبيب ود فريجون
والى امير الحرف ود اللمين والى الرائع صبري والمبدع معتصم عبيد
والى العزيز فيصل يوسف والى الامبراطور الصادق والى الاخت غزلان الادريسي
والى رواد النيمة الغائبون بل حاضرون في وجداننا ابو مصطفى ووعد اللقيا
ونزار الكرور عبدو مصطفى وابراهيم حاج على وخالد عثمان وياسر كرار والاخت نودي والاخت المبدعة ملاذ والاخوات الموناليزا ونولا وسهام
اليكم جمعيا اطيب الامنيات بعام جديد سعيد

صبري طه
01-01-2006, 08:41 AM
يا ناس النيمة يا الضاربين الهمبريب الباااااااااارد..
كل سنة وانتم طيبين وان شاءالله دائما سعيدين ومبسوطين
والله ايديم لنا هذا التواصل الاخوي الصادق....
التحايا الى الريس ابوهبة والى الشفيف المعتصم والى الحبيب ود فريجون
والى امير الحرف ود اللمين والى الرائع صبري والمبدع معتصم عبيد
والى العزيز فيصل يوسف والى الامبراطور الصادق والى الاخت غزلان الادريسي
والى رواد النيمة الغائبون بل حاضرون في وجداننا ابو مصطفى ووعد اللقيا
ونزار الكرور عبدو مصطفى وابراهيم حاج على وخالد عثمان وياسر كرار والاخت نودي والاخت المبدعة ملاذ والاخوات الموناليزا ونولا وسهام
اليكم جمعيا اطيب الامنيات بعام جديد سعيد

أخونا سماكي كل سنة وإنت ونحن طيبين ... جعله الله عام خير وبركة ... آملاً أن يكون العام 2006م مونديال المنتدى إنشاء الله ...

وبالنسبة للناس الطولوا إنشاء الله إجونا مع بداية العام الجديد بالجديد والقلوب كلها GL جديدة لنج ...

ولكم كل التهاني .........

عبدالرحمن على حسن
01-01-2006, 10:43 AM
رواد ضل النيمة الاعزاء .... سلام بدون فرز
كل عام و انتم بخير و انشاء الله دايما لامين و تامين .

كدى وسعوا لى عمكم شوية يا شباب و ادونا فرصة ناخد نفسنا ..

اتابع بادمان هذا البوست الرائع و استمتع بطرائفه التى لا تخلو من بعض الخصوصية لاحداث و شخصيات كان لازم الواحد يكون عايش فى رفاعة علشان يستوعبها .. و بدلا عن ان أكون فرّاجى وداقس كمان .. قررت و اعتبارا من بداية السنة الجديدة أن ابطل متاوقة بى فوق الحيطة و اتحكر معاكم عديل تحت ضل نيمتكم البارد ..
اولا بالتبادى عمكم فوق الخمسين " عشان معتصم و نزار " بس الروح لسه شباب مع شوية مشاكل فى الاصابع مع الكى بورد !
نشأت و درست حتى المرحلة الثانوية فى مدينة عطبرة "عاصمة الحديد و النار" و لكن العودة للجذور فى كل اجازة لم تنقطع ... و الشافنى فى العيد ده مع معتصم ما يكضب !
من اولاد دفعتى و الذين اذكرهم بعد هذه السنين الطويلة و قد عملنا معا "بند الهندى" اثناء الاجازات .. عمر احمد حسين ، معتصم الطيب الحاج ، كمال خضر ، بابكر موسى و اولاد اعمامى حسن الهندى و عمر على عبدالرحيم ... ومن اساتذتى فى عطبرة الثانوية المرحوم كمال شمس الدين و فتح الرحمن موسى و ابن عمى سامى على عبد الرحيم .
لا انسى تجربتى فى تدريس حصة علوم "دبل" فى متوسطة الشيخ الطيب عام 1972 و كان موضوعها عن ماكينات الاحتراق الداخلى ذات الاشواط الاربعة ... يمكن نلقى فى المنتدى واحد من طلاب تلك الفترة يتذكرنا بالخير !!
الحديث شجون و دى كانت محاولة لكسر الحواجز و نط الحيط .. و لنا عودات !

قلت لى يا امير الراجل لما ما لقى فحم نجض قدرة الفول بى شنو ؟؟

مع تحياتى

فيصل يوسف حامد
01-01-2006, 10:45 AM
ناس النيمة
حبايبنا الحلوين
كيفكم بالله
واللع الشوق بقدر عدد صفقات النيمة
ومضاعف اضعاف كثيرة
ويافيصل كيف مابنلبد
هى لكن لبده ساى
قال ليك جنس لبده هى لكن
يا اخى والله احلى من رفاعة
ماااااااااافى


[align=justify:21a2cdd43c]سلام يا أخواني الفي النيمه سلام...وكل سنة وإنت كلكم طيبين وتامين وملمومين تحت النيمه دي...والمزنوقين الله إفك زنقتم ...
الاخ الوريف معتصم...نحن كمان مشتاقين ليك قدر مسامات الصفقات ديل...وياخوي ألبد سااااكت هسع ما في زول ساعلك...وقلت لي كيف يعني رفاعه دي رقم البرد دا سمحه....نحن صدقناك والمسمحه خليهو ساااااكت....بس إنت قول شتااااااااااات يا أم خيوت......وكان ودرت قول قسم الله.

مع خالص التقدير،،،
أخوك فيصل[/align:21a2cdd43c]

صبري طه
01-01-2006, 10:57 AM
عمنا عبدالرحمن على حسن كتب:
رواد ضل النيمة الاعزاء .... سلام بدون فرز
كل عام و انتم بخير و انشاء الله دايما لامين و تامين .

كدى وسعوا لى عمكم شوية يا شباب و ادونا فرصة ناخد نفسنا ..

اتابع بادمان هذا البوست الرائع و استمتع بطرائفه التى لا تخلو من بعض الخصوصية لاحداث و شخصيات كان لازم الواحد يكون عايش فى رفاعة علشان يستوعبها .. و بدلا عن ان أكون فرّاجى وداقس كمان .. قررت و اعتبارا من بداية السنة الجديدة أن ابطل متاوقة بى فوق الحيطة و اتحكر معاكم عديل تحت ضل نيمتكم البارد ..

كل سنة وإنت طيب ووالله النيمة نيمتك والقاعدين فيها ديل كلهم أولادك وأخوانك ... وصدقني حتكون فعّال أكثر مني بالحكاوي بتاعة زماااان ... وما تطول ...

أخونا فيصل كتب:
سلام يا أخواني الفي النيمه سلام...وكل سنة وإنت كلكم طيبين وتامين وملمومين تحت النيمه دي...والمزنوقين الله إفك زنقتم ...

وإنت طيب يا ملك ... والله إفك زنقتك ... وزنقة معتصم عبيد ... وهلمجرا ...

فيصل يوسف حامد
01-01-2006, 11:07 AM
[align=justify:2ac3733d99]الاخ الكريم صبري...تحياتي ...وكل عام وأنت بخير....
ويا خوي والله حلوين إنتو وعسل بلمتكم الرائعه دي...وربنا يديم المعروف....[/align:2ac3733d99]

وبي مناسبة غزلان سمعنا انو الاخت غزلان بي عافية شوية ..عشان كدا قالت ليكم حتجيكم قريب ان شاءالله بعد ان تعافت من الوعكة الصحية التي المت بها...

سلاماااات يا غــزلان وربنا إقومك بالسلاااامة ويا ريتو كنت أنا ....

[align=justify:2ac3733d99]آه يا جماعه تعالوا شوفوا ليكم بشتنه وكبكبه...ويا أخوي صبري أنا من لقيتو معلق فوق وزي تقول سيدو لاحق الجماعه ...ونط منه بس ماسك...عرفتو ما بحمل الهبباي.....

وفي الختام مني ليك ولناس النيمه أحلى سلام....وكان ودرت قول قسم الله...[/align:2ac3733d99]

فيصل يوسف حامد
01-01-2006, 11:12 AM
يا ناس النيمة يا الضاربين الهمبريب الباااااااااارد..
كل سنة وانتم طيبين وان شاءالله دائما سعيدين ومبسوطين
والله ايديم لنا هذا التواصل الاخوي الصادق....
التحايا الى الريس ابوهبة والى الشفيف المعتصم والى الحبيب ود فريجون
والى امير الحرف ود اللمين والى الرائع صبري والمبدع معتصم عبيد
والى العزيز فيصل يوسف والى الامبراطور الصادق والى الاخت غزلان الادريسي
والى رواد النيمة الغائبون بل حاضرون في وجداننا ابو مصطفى ووعد اللقيا
ونزار الكرور عبدو مصطفى وابراهيم حاج على وخالد عثمان وياسر كرار والاخت نودي والاخت المبدعة ملاذ والاخوات الموناليزا ونولا وسهام
اليكم جمعيا اطيب الامنيات بعام جديد سعيد

[align=justify:00b56c4b6f]وإنت بألف خير ...وكل ناس النيمه ...وإنشاء الله عام سعيد وعمر مديد...
ويا أخوي سماكي...كل مره مبهرنا بروعتك...وإنت تتفقد الجميع...فلك التحية...

أخوكم فيصل يوسف[/align:00b56c4b6f]

Ameer Al Ameen
01-01-2006, 11:32 AM
رواد ضل النيمة الاعزاء .... سلام بدون فرز
كل عام و انتم بخير و انشاء الله دايما لامين و تامين .

كدى وسعوا لى عمكم شوية يا شباب و ادونا فرصة ناخد نفسنا ..

اتابع بادمان هذا البوست الرائع و استمتع بطرائفه التى لا تخلو من بعض الخصوصية لاحداث و شخصيات كان لازم الواحد يكون عايش فى رفاعة علشان يستوعبها .. و بدلا عن ان أكون فرّاجى وداقس كمان .. قررت و اعتبارا من بداية السنة الجديدة أن ابطل متاوقة بى فوق الحيطة و اتحكر معاكم عديل تحت ضل نيمتكم البارد ..
اولا بالتبادى عمكم فوق الخمسين " عشان معتصم و نزار " بس الروح لسه شباب مع شوية مشاكل فى الاصابع مع الكى بورد !
نشأت و درست حتى المرحلة الثانوية فى مدينة عطبرة "عاصمة الحديد و النار" و لكن العودة للجذور فى كل اجازة لم تنقطع ... و الشافنى فى العيد ده مع معتصم ما يكضب !
من اولاد دفعتى و الذين اذكرهم بعد هذه السنين الطويلة و قد عملنا معا "بند الهندى" اثناء الاجازات .. عمر احمد حسين ، معتصم الطيب الحاج ، كمال خضر ، بابكر موسى و اولاد اعمامى حسن الهندى و عمر على عبدالرحيم ... ومن اساتذتى فى عطبرة الثانوية المرحوم كمال شمس الدين و فتح الرحمن موسى و ابن عمى سامى على عبد الرحيم .
لا انسى تجربتى فى تدريس حصة علوم "دبل" فى متوسطة الشيخ الطيب عام 1972 و كان موضوعها عن ماكينات الاحتراق الداخلى ذات الاشواط الاربعة ... يمكن نلقى فى المنتدى واحد من طلاب تلك الفترة يتذكرنا بالخير !!
الحديث شجون و دى كانت محاولة لكسر الحواجز و نط الحيط .. و لنا عودات !

قلت لى يا امير الراجل لما ما لقى فحم نجض قدرة الفول بى شنو ؟؟

مع تحياتى


اولا مرحبتين كتير باخونا و استاذنا( غايتو 72 كنا فى الابتدائى) عبد الرحمن و طبعا النمية نميتك ماك محتاج عيزومة ، ودى نطة بالزانة مش بالحيطة ، الغربية انو عندى محبة مع ناس عطبرة بشكل غريب ( شايف الجماعة ننطو عينوهم) اصبرو... دى محبة فى الله .. تانيا.. علاقات صداقة منذ الجامعة و امتدت حتى الان و تالتا و هو الاهم .. الصداقة دى مع رجال ( اقعدو فى الواطة)... وناس عطبرة ناس روحهم سمحة شديد ، و التواضع حقهم عديل ،
انت عارف يا عبد الرحمن قصة قدرة الفول ذكرتنى بالراجل الشرب خميرة عيش الطابونة فى رفاعة
و دى للمرة الجاية

صبري طه
01-01-2006, 12:18 PM
أخونا فيصل كتب:
آه يا جماعه تعالوا شوفوا ليكم بشتنه وكبكبه...ويا أخوي صبري أنا من لقيتو معلق فوق وزي تقول سيدو لاحق الجماعه ...ونط منه بس ماسك...عرفتو ما بحمل الهبباي.....

وفي الختام مني ليك ولناس النيمه أحلى سلام....وكان ودرت قول قسم الله...


يا سلاااااام ومنو البدأ وكتب زعـلان غـزلان ؟؟؟ وخليك ما القلوب الشايلها الهواء والهوى ...

معتصم سليمان بابكر
01-01-2006, 01:36 PM
كل عام وانتم بخير

الليلة مروسين فى النيمة عديييييييييل
قال ليك سايق الاولاد وامهم
وشية الجمر عطرابتها تقول ياغربتى
والشاى كمان حانعملو هناك

عند اللفه
----------
اخر خبر النيمابى نزار فريجون وصل صباح اليوم بالسلامة
وكان فى استقبالوا الاستاذ/خالد احمد عبدالجبار
والوريفة صاحبة السموق الادبى وصديقتى المعلنه نولا
وكان شخضى فى استقباله عبر الاثير معهم
يلا يا عبدالرحمن ويا امير اسرعوا بالوصول
عشان البرنامج حيكون حافل بحضوركم
وحتكون اروع واجمل لمة

ابو هبه تمااااااااام وكدى تعجبنى والله وخلى بالك وانا مابفوت حاجة

فيصل حامد
امس السبت اقتحمنا حصونكم وكنا هناك فى الزقاق الطويل وكان معاى الاولاد
وكانت حفلة شاى رائعة وبحضور الرائع شاهين واحمد بدوى وجميع افراد الاسرة الكريمة
وكانت حاجة بس ناقصاك والله

صبري طه
01-01-2006, 01:45 PM
حبيبنا معتصم كتب:
كل عام وانتم بخير

الليلة مروسين فى النيمة عديييييييييل
قال ليك سايق الاولاد وامهم
وشية الجمر عطرابتها تقول ياغربتى
والشاى كمان حانعملو هناك

عند اللفه
----------
اخر خبر النيمابى نزار فريجون وصل صباح اليوم بالسلامة
وكان فى استقبالوا الاستاذ/خالد احمد عبدالجبار
والوريفة صاحبة السموق الادبى وصديقتى المعلنه نولا
وكان شخضى فى استقباله عبر الاثير معهم
يلا يا عبدالرحمن ويا امير اسرعوا بالوصول
عشان البرنامج حيكون حافل بحضوركم
وحتكون اروع واجمل لمة

ابو هبه تمااااااااام وكدى تعجبنى والله وخلى بالك وانا مابفوت حاجة

فيصل حامد
امس السبت اقتحمنا حصونكم وكنا هناك فى الزقاق الطويل وكان معاى الاولاد
وكانت حفلة شاى رائعة وبحضور الرائع شاهين واحمد بدوى وجميع افراد الاسرة الكريمة
وكانت حاجة بس ناقصاك والله

وكل سنة وإنت مع أهلك وحبايبك بألف خير وعافية...


وإنشاء الله تدوم أيامك وأيامنا كلها سعادة ...

عند النيمة:
-----------

شنو يا المعتصم غايتو شحتفتنا جنس شحتفة ...

الموناليزا..
01-01-2006, 07:52 PM
الأخ المحترم / سماكي .. و شلة شجرة النيم
كل عام وانتم بألف خير ..التهنئة لكم جميعا بالعام الجديد..
والسنة القابلة ياناسي العزاز..
رايقيــــــــــن وأيامـكم لذاذ..
والدنيــــــــا زي ماتشتهوا..
زاين صباحاتا الرزاز...
امنياتي ان تظلل السعادة حياتكم..
و يلون الفرح ايامكم..
تحياتي..

الموناليزا..

صبري طه
01-02-2006, 07:45 AM
أختنا الموناليزا كتبت:

الأخ المحترم / سماكي .. و شلة شجرة النيم
كل عام وانتم بألف خير ..التهنئة لكم جميعا بالعام الجديد..
والسنة القابلة ياناسي العزاز..
رايقيــــــــــن وأيامـكم لذاذ..
والدنيــــــــا زي ماتشتهوا..
زاين صباحاتا الرزاز...
امنياتي ان تظلل السعادة حياتكم..
و يلون الفرح ايامكم..
تحياتي..

وإنتِ وجميع بناتنا بألف خير ... وإنشاء الله تكوني هنا معانا على طول ... أصلو البنات طفشن من النيمة ما عارف الطفشن علينا دة منو ؟؟؟؟
http://www.eyelash.ps/files/mobile/pic/2/11gif/AADF.GIF

محمد عثمان عبدالقادر السماكي
01-02-2006, 10:06 AM
مرحب بالاخ الكريم عبدالرحمن على حسن وتعال اقعد واتحكر واتونس
مع الهمبريب الباااارد دا ... وبي خصوص العمر ما تخاف كلنا قريبين منك
يعني الاربعينات والخمسينات ما فيها فرق كبير... :lol:
وحصة العلوم بتاعت مدرسة الشيخ الطيب دي غايتو انا ما حاضرها لانو نحنا
جينا الشيخ الطيب سنة 1978 لكن صاحبي ود فريجون ممكن اكون حضرها ...

ويافيصل شنو حكاية شتات يا ام خيوت دي..والحمدلله شكلك اتفكيت شوية..
وطبعا صاحبك الوجيه صبري شايفو كبكبة شديدة...

ويا امير الحرف وداللمين بالله احكي لينا قصة خميرة عيش الطابونة دي.. :lol:
وشايفك اليومين ديل ما ظاهر بي هناك في الاكاديمة..؟

الحبيب المعتصم والله سعيدين بتواصلك معانا من عن النيمة ست الاسم
والواحد كان بتمنى اكون معاك هناك...
ود فريجون حمدلله على السلامة والله ليك وحشة شدييييييييييدة...وياخي تاوقيك
لينا من هناك بالله..
مرحب بالاخت الموناليزا وكل سنة انني طيبة وربنا اديك السعادة ..وما تحرمينا من زياراتك
للنيمة بالله..

صبري طه
01-02-2006, 12:10 PM
سماكي كتب:
ويافيصل شنو حكاية شتات يا ام خيوت دي..والحمدلله شكلك اتفكيت شوية.. وطبعا صاحبك الوجيه صبري شايفو كبكبة شديدة...

معليش نحن لسة صغار وما ضقناهو .. الخوف من أبوات الوليدات ...
وأسمع يا أخوي الجماعة الزاغو ديل ما تشوفن لينا ...

الحبيب المعتصم والله سعيدين بتواصلك معانا من عن النيمة ست الاسم
والواحد كان بتمنى اكون معاك هناك...

ود فريجون حمدلله على السلامة والله ليك وحشة شدييييييييييدة...وياخي تاوقيك
لينا من هناك بالله..

مرحب بالاخت الموناليزا وكل سنة انني طيبة وربنا اديك السعادة ..وما تحرمينا من زياراتك
للنيمة بالله..

حبايبي الحلوين ... سودانيات% & أجمل الأوقات & مع أعز الناس &&&&&&&&&

الأخت الموناليزا ... النيمة بتشيلكم وبتشيل متحف اللوفر كلو ... ودافنشي ذاتو لو جانا بنشيلو في عيونا ...

سماكينا ممكن أديك الهدية دي:
http://www.eyelash.ps/files/mobile/pic/2/11gif/blue_whale_wading_md_wht.gif

فيصل يوسف حامد
01-02-2006, 12:31 PM
[align=justify:1fe1c6b995]سلام يا ناس النيمه سلام...
كدي أول حاجه خلونا نرحب بأخونا الرائع عبد الرحمن علي حسن...آه أنا غايتو بقول أخوي وعمي دي مااااا لافقه معاي بشوف بكبرك بيها شديد...وإنت لسع شباب وروحك روح شباب...عشان كدي بأجل ليك عمي دي لحد ما تكبر شويه...وإنت أخونا الكبير...فقد عرفتك من خلال الرابطه بجدة ...ولاحظت فيك الانتماء...فأنت تحمل حبك الذي لا يخفى للعيان لتلك البسيطه...ورغم نشأتك بعيد عنها إلا أنها في وجدانك وذاكرتك...وهمها لا يفارقك...وظهر ذلك جلياً فيما قدمته مادياً ومعنوياً للرابطه وكذلك حرصك الشديد على حضور الاجتماعات رغم مشاغلك العمليه والشخصيه...فلك التحية والحترام...
وزي ما قال ليك الاخ امير أقعد وإتحكر ومكانك في النيمه محفوظ ....وبشوف الناس ديل وسعوا الجلسه لشخصك الكريم...فأهلا بيك...وخش بتقلك ساكت ...إنشاء تهابش الناس ديل في زكراياتهم البوثقوا فيها دي...وكمان ياخي عايزين نعرف عطبره وزكرياتها....[/align:1fe1c6b995]

كل عام وانتم بخير

الليلة مروسين فى النيمة عديييييييييل

فيصل حامد
امس السبت اقتحمنا حصونكم وكنا هناك فى الزقاق الطويل وكان معاى الاولاد
وكانت حفلة شاى رائعة وبحضور الرائع شاهين واحمد بدوى وجميع افراد الاسرة الكريمة
وكانت حاجة بس ناقصاك والله



[align=justify:1fe1c6b995]الاخ الرائع معتصم...تحياتي...

ياخي والله هيجت الذكريات كلها ...وهبشتني في الوجع ...الفراق للأحبه والديار...بالأخص الاخ شاهين محمد أحمد...فقد كان صديق عزيز علي جداً...نهايك عن خاصية بن العمومه...أتمنى له التوفيق والسعادة...
وهنئاً لك أخي وأنت تستمتع مع الاهل والاحباب... وبالذات تحت ظل النيمه أم همبريباً بارد...

مع خالص التقدير،،،

أخوكم فيصل يوسف[/align:1fe1c6b995]

فيصل يوسف حامد
01-02-2006, 12:52 PM
خطأ في تمرير الباص...

فيصل يوسف حامد
01-02-2006, 12:53 PM
ويافيصل شنو حكاية شتات يا ام خيوت دي..

سلام لأخوان العزاء في النيمه...سلام....

ويا سماكي ياخي أنا ما قلت ليك الشمشره والشمشيم دا خليهو...يعني الواحد إشيل وإلفلف وإغلف الليل كلو...تجي إنت تحكها كدا...عشان نقول ياخي دي البطانيه....

مع خالص التقدير ، وكان ودرت قول قسم الله،،،

أخوكم فيصل يوسف

صبري طه
01-03-2006, 08:27 AM
خطأ في تمرير الباص...

طيب تاني أرفع راسك فوق قبل ما تلعب الكرة ...

يا أخوي إنت الناس ديل فاتوا وين الفيضان جا ولا الحاصل شنو ؟؟؟

http://www.anasudani.net/a2.gif

فيصل يوسف حامد
01-03-2006, 09:19 AM
خطأ في تمرير الباص...

طيب تاني أرفع راسك فوق قبل ما تلعب الكرة ...

يا أخوي إنت الناس ديل فاتوا وين الفيضان جا ولا الحاصل شنو ؟؟؟

http://www.anasudani.net/a2.gif

[align=justify:6276c3818e]سلام يا أحبابي تحت النيمه .......سلام

الأخ الكريم صبري...تحياتي،

ليك علي المره الجايه أرفع راسي والباص بيكون بيني...وتلقى نفسك إنت والقون في إنفراد...لكن كان إنت لسع زعلان... ياك الجليت الباص....بس ياخي ولد أبو النييز دا شايف الناس بفتشوا عليهو بهناك ...هو تاريهو عاديها لي لعب في الشوارع...ول كيف...

وبعدين فعلاً الناس ديل مشوا وين...إمكن يكون جو ناس ماشين بجنازه بجاي ومشوا أدفنو معاهم...ول ياربي يكونوا مشو إشوفوا العربات الدرداقات البتثبت الاسفلت دي...لاني شايف منها كميه لافين بيها في رفاعه بالمكروفون للإعلام عن أنهم سوف يقوموا برصف الشوارع الداخليه المهمه في رفاعه بمسافة سبعه كيلو (يعني مجموع الكيلوات للشوارع المختلفة والمتفرقه).

مع خالص التقدير للجميع....

أخوكم فيصل يوسف[/align:6276c3818e]

ملاذ حسين خوجلي
01-03-2006, 10:31 AM
صباح الخيرات سماكينا

انت شجرتك دي مافيها ناس بدوبوا ولافيها ناس اصوات حلوة بغنوا ولا فيها شعراء مشوكسين ولا شنو
وشنو يا شباب مافى جكس بجي ماري وبشاغولهو ولا نظرة نظرتين مما الله خلقني ما شفت ناس بتكلوا فى الشجر ما بشغالوا البنات ...... ولا فروخ رفاعة ديل ما عجبنكم

سمعت معتز دة قال شنو :

دي السمحة بت الزين ..
غنيتها بالعوبة ..
الرايقة ام نفلين ...
القاليا محبوبة ...
الزايقة نور العين ...
والنايرة معشوبة ..
انا بقرأ ليك ياسين ..
وقمرك بهل بوبا ...
او برقى ليك العين ...
بألف لالوبة ..
وإنحل فوقي الطين ..
أخرب خراب سوبا ...

اها ودعناكم الله

ارقدوا عافية

صبري طه
01-03-2006, 10:46 AM
وشنو يا شباب مافى جكس بجي ماري وبشاغولهو ولا نظرة نظرتين مما الله خلقني ما شفت ناس بتكلوا فى الشجر ما بشغالوا البنات

سماكينا ... مشيت وين بنات أمل المجتبى فكوهن ... وألحق يا أخوي سنارتك قبضت ...

أما أنا منتظر التاتا في المزلقان وبجيكم العصر ...

فيصل يوسف حامد
01-03-2006, 11:24 AM
صباح الخيرات سماكينا

انت شجرتك دي مافيها ناس بدوبوا ولافيها ناس اصوات حلوة بغنوا ولا فيها شعراء مشوكسين ولا شنو
وشنو يا شباب مافى جكس بجي ماري وبشاغولهو ولا نظرة نظرتين مما الله خلقني ما شفت ناس بتكلوا فى الشجر ما بشغالوا البنات ...... ولا فروخ رفاعة ديل ما عجبنكم

سمعت معتز دة قال شنو :

دي السمحة بت الزين ..
غنيتها بالعوبة ..
الرايقة ام نفلين ...
القاليا محبوبة ...
الزايقة نور العين ...
والنايرة معشوبة ..
انا بقرأ ليك ياسين ..
وقمرك بهل بوبا ...
او برقى ليك العين ...
بألف لالوبة ..
وإنحل فوقي الطين ..
أخرب خراب سوبا ...

اها ودعناكم الله

ارقدوا عافية


[align=justify:93124104ea]هي قالت أرقدوا عافيه...ياخي إنتي خليتي فيها عافيه ولا رقاد...أنا من ما شفت ضلك دا جاء بجاي ساكت إضني وقفاً لمبه...وكرعي إطقشن...لانو كنت بشوفك إنت والمعاك ماشين بالشارع العام داك واتابعكن أقول امكن تلفن علينا جاي...وبقيت أقيف في دكان الجاك سعد عشان أقرب المسافه...والواحد إكحل عينو بنظره نظرتين...وقول ليكن كلمه كلمتين...الواحد ساكت كان روحو دي ترقد...وكان الطفيق السونو الشواكيش في راسي دا أخف شويه...
وياخي بالله ما تخربن طبعنا ساكت ...يا تعالن أقعدن معانا ...ولا شتتاً...

أخوكم فيصل[/align:93124104ea]

ملاذ حسين خوجلي
01-03-2006, 12:19 PM
وياخي بالله ما تخربن طبعنا ساكت ...يا تعالن أقعدن معانا ...ولا شتتاً...

ازيك ؟

ما انا تاكيت الباب واستنيتك
صيفين وشتاء ورشة مطرة
وما حسك كان صاحي
وبي خير والوانك واضحة ومختصرة
وكتين ما جيت
ضايرت الخوف
حزمت التوب
وصيت الغيمة تلاوح البيت
ما تسد الباب جايين راجعيين

والعفو والعافية ....

صبري طه
01-03-2006, 01:16 PM
أخونا فيصل كتب:
ياخي إنتي خليتي فيها عافيه ولا رقاد...أنا من ما شفت ضلك دا جاء بجاي ساكت إضني وقفاً لمبه...وكرعي إطقشن...لانو كنت بشوفك إنت والمعاك ماشين بالشارع العام داك واتابعكن أقول امكن تلفن علينا جاي...وبقيت أقيف في دكان الجاك سعد عشان أقرب المسافه...والواحد إكحل عينو بنظره نظرتين...وقول ليكن كلمه كلمتين...الواحد ساكت كان روحو دي ترقد...وكان الطفيق السونو الشواكيش في راسي دا أخف شويه...



ازيك ؟

ما انا تاكيت الباب واستنيتك
صيفين وشتاء ورشة مطرة
وما حسك كان صاحي
وبي خير والوانك واضحة ومختصرة
وكتين ما جيت
ضايرت الخوف
حزمت التوب
وصيت الغيمة تلاوح البيت
ما تسد الباب جايين راجعيين


آآآآآآآآآآى الليلة وحقو أفضي الجو شوية ...

هاك الباص دة يا فيصل بس ما تمشي تشوتها في الآوت ...

أصلو أنا باصاتي باصات أقوان زي رونالدينيو ...

صبري طه
01-03-2006, 01:19 PM
أخونا فيصل كتب:
ياخي إنتي خليتي فيها عافيه ولا رقاد...أنا من ما شفت ضلك دا جاء بجاي ساكت إضني وقفاً لمبه...وكرعي إطقشن...لانو كنت بشوفك إنت والمعاك ماشين بالشارع العام داك واتابعكن أقول امكن تلفن علينا جاي...وبقيت أقيف في دكان الجاك سعد عشان أقرب المسافه...والواحد إكحل عينو بنظره نظرتين...وقول ليكن كلمه كلمتين...الواحد ساكت كان روحو دي ترقد...وكان الطفيق السونو الشواكيش في راسي دا أخف شويه...



ازيك ؟

ما انا تاكيت الباب واستنيتك
صيفين وشتاء ورشة مطرة
وما حسك كان صاحي
وبي خير والوانك واضحة ومختصرة
وكتين ما جيت
ضايرت الخوف
حزمت التوب
وصيت الغيمة تلاوح البيت
ما تسد الباب جايين راجعيين


ألحق يا السماكي ... نيمتك بقت زي الشرقي بتاع جامعة الخرطوم !!! قراااية ساااااكت

محمد عثمان عبدالقادر السماكي
01-03-2006, 01:36 PM
يا سلاااااام اليلة جاتنا بتنا ام كلامن سمح ملاذ...وشنو انتي من رميتي لينا
سؤالك عن بت المجدوب وزغتي..؟ حالتنا كنا دايرين نخليك بت المجدوب عندنا
هنا... :lol: من تاني مرحب بيك والنيمة مفتوحة للشعر ولي الدوبيت انتو بس
جيبو العندكم ونحنا معاكم...
ويا صبري الجقلبة شنو؟ والله انتا رائع جدا ..

صبري طه
01-03-2006, 01:49 PM
سماكينا الرجل الولوف كتب:
ويا صبري الجقلبة شنو؟ والله انتا رائع جدا ..

سماكي والله ما عشان مدحتني لكن الحق يقال أحيِّ فيك طيبة المعشر وحبك لي كل الناس وبساطتك العذبة والمسألة دي طبعاً لاحظتها زمااااان ايام حرب الخليج تتذكر كويس وكل همك كان المودة والمحبة بين الناس بغض النظر عن القيل والقال ..

الله يحفظك ويحفظ نيمتك وإديك بت الحلال الهادية ورضية ...

فيصل يوسف حامد
01-03-2006, 02:45 PM
وياخي بالله ما تخربن طبعنا ساكت ...يا تعالن أقعدن معانا ...ولا شتتاً...

ازيك ؟

ما انا تاكيت الباب واستنيتك
صيفين وشتاء ورشة مطرة
وما حسك كان صاحي
وبي خير والوانك واضحة ومختصرة
وكتين ما جيت
ضايرت الخوف
حزمت التوب
وصيت الغيمة تلاوح البيت
ما تسد الباب جايين راجعيين

والعفو والعافية ....

[align=justify:fbce8a73af]أهلاً!!!!!!

وأنا بيهن حارس الباب...
حامي الدار والساس...
بطوريه ...وفاس...
مع ثبات الاحساس...
لكن رشفت المزاح بكاس...
وبعد شفت الالتباس...
حسيت لي كدا بإنبجاس...
وطرفك يا جميل....
مني محال إنداس...
والعفو شيمتك...
والعافيه ...إنشاء الله ليك لباس...
وصدوا ساااااكت....
حيث لا أبواب ولا أحباس...

والمعزة والنية الصافيه[/align:fbce8a73af]

محمد عثمان عبدالقادر السماكي
01-03-2006, 03:19 PM
[
وإديك بت الحلال الهادية ورضية ...[/size][/quote]

عارف حظك المرة ما بتقرأ عربي ولى كانت طلعتك من البلد... :lol:

Ameer Al Ameen
01-03-2006, 03:55 PM
[
وإديك بت الحلال الهادية ورضية ...[/size]

عارف حظك المرة ما بتقرأ عربي ولى كانت طلعتك من البلد... :lol: [/quote]

دا حق البنية المسكينة الما جايبة خبر :twisted: :twisted: :twisted:

ملاذ حسين خوجلي
01-04-2006, 07:40 AM
يا سماكينا صباحك خير

وقول للبنية الخايفة من نار الحروف تحرق بويتات الفريق

قول ليها ما تتخوفي

عندك زينة الرجال ... ربنا يحفظكم

وقول ليها :

خبارك ... خريفك

قبل يبدأ يرحل .. يفارق دياري

اكوس القيامة ... التسبب وداري

دحين كان اموت ...

محال ابتديك ... فراق السعادة

التفرهد بيوت .. بيوت من دراري

ومحال انتهيك ... اسيبك افوت

والعوافي

عبدالرحمن على حسن
01-04-2006, 08:10 AM
صباح الخيرات أهل البيت ..
عمكم كان مأمل يناغمكم من تحت ضل النيمة "الجد جد" اليوم .. لكن تقول شنو فى الخطوط السعودية اللحقت سودان طير !! بعد اتكركرنا المطار و دفعنا الوزن الزيادة من صباح الرحمن .. تأجلت السفرية من الساعة سبعة للساعة حداشر و كله بى قدر .
أها قلنا نتاوق نشوف الحاصل شنو .. نلقى ليك صبرى و فيصل شغالين باصات فى بتنا ملاذ .. اظنهم بيستعدوا لى تمرين الجمعة !!
اليسمع الكلام و السؤال عن البنيات و وينكم .. و ما جيتو .. و القهوة و البنابر .. يقول الجماعة حيسووا الهوايل .. تطلع القصة باصات وكمان مقطوعة ..
يا امير يا خوى .. افتكر تقوم تجيب المعتصم و ود فريجون وتعملوا انزال سريع قبال ما البنات يفوتن و اللعبة تفرتق !!

أها بالاذن .. محصل الطيارة .. فتناكم بى عافية

صبري طه
01-04-2006, 09:27 AM
وقول للبنية الخايفة من نار الحروف تحرق بويتات الفريق

قول ليها ما تتخوفي

عندك زينة الرجال ... ربنا يحفظكم

وقول ليها :

خبارك ... خريفك

قبل يبدأ يرحل .. يفارق دياري

اكوس القيامة ... التسبب وداري

دحين كان اموت ...

محال ابتديك ... فراق السعادة

التفرهد بيوت .. بيوت من دراري

ومحال انتهيك ... اسيبك افوت

والعوافي

غايتو الشعر دة ما عندنا فيهو إيد إلا نشاركم بدجاجي يلقط الحب ويجري وهو فرحانا ***

عموماً إنشاء الله حأشارك بالشعر المنقوول

صباح الخيرات أهل البيت ..
عمكم كان مأمل يناغمكم من تحت ضل النيمة "الجد جد" اليوم .. لكن تقول شنو فى الخطوط السعودية اللحقت سودان طير !! بعد اتكركرنا المطار و دفعنا الوزن الزيادة من صباح الرحمن .. تأجلت السفرية من الساعة سبعة للساعة حداشر و كله بى قدر .
أها قلنا نتاوق نشوف الحاصل شنو .. نلقى ليك صبرى و فيصل شغالين باصات فى بتنا ملاذ .. اظنهم بيستعدوا لى تمرين الجمعة !!
اليسمع الكلام و السؤال عن البنيات و وينكم .. و ما جيتو .. و القهوة و البنابر .. يقول الجماعة حيسووا الهوايل .. تطلع القصة باصات وكمان مقطوعة ..
يا امير يا خوى .. افتكر تقوم تجيب المعتصم و ود فريجون وتعملوا انزال سريع قبال ما البنات يفوتن و اللعبة تفرتق !!

أها بالاذن .. محصل الطيارة .. فتناكم بى عافية

عمنا .. وصباحك بألف خير ...

والله غريبة على الخطوط السعودية إنت عارف إكون الطاقم بتاع الرحلة سودانيين .... والله إوصلك بالسلامة
وإنت عارف يا عمنا الجماعة الغائبين ديل بعد ما اتلموا تاني والبنات إكترن بننظم القصة دي شوية .. الناس العذاب الزيِّ كدا بنديهم حق الفيتو .. والبقية بنخليهم إبكو بس ...

فيصل يوسف حامد
01-04-2006, 11:28 AM
[align=justify:deae4c6c7a]سلام يا ناس النيمه...سلام

فالنسمه سبب الأمل...
والأمل يصبح رفيق...
كتبت ليك...وكنت...
زي شفتك...قبل ألقاك...

لا بيني بينك ريده...
لا قصة غرام...
اخترت ليك أجمل حروف...
واحده...من نوادر الكلام...

وأيامي من الأسى...
صارت حروف مترهلا...
فاقدة الوزن والمسنده...
وكايسه وتتاوق للبنعشه...
قبل التواه والمشرحه...
والضياع ...فالمقبره...

وبعد الانتظار جانا السحاب...
نزل المطر...رحل الضباب...
زال الغبار...ثبت التراب...
والنسمه سارت بالأمل ...
زال العتاب...
حصل....

ودمتم[/align:deae4c6c7a]

محمد عثمان عبدالقادر السماكي
01-04-2006, 02:21 PM
بتنا ام كلامن سمح ملاذ وانا دائما بقول ليك كدا ودي والله ما مجاملة..
دي حقيقة ووجودك في اي بوست بشكل اضافة جيدة اليه..
فربنا احفظك وارعاك....غايتو صبري اخوي دا قال ما حافظ اي شعر
الا دجاجي يلقط الحب... :lol: والله ضحكني ضحك شديد ..وانتا يا
كافي البلا من زمن دجاجي يلقط الحب... :lol: استنا بس لمن اجيك
ود فريجون بس خليهو افضا من الاشواق القاعد اديها لي الناس في
السودان اليومين ديل....
الحبيب فيصل نازل شعر تقيل .. يا خي ما تعلم صبري دا شوية..؟؟
وشنو يا فيصل هجمت البت نودي ..في البوست بتاع اسعد زول في الوجود!!!!
دي النيمابية نودي ما ود خالتك ابومصطفى... :lol:
ويا غزلان ان شاءالله تكوني تمالكتي الصحة ...والله كل النيمة وناسا بيسالوا
عنك وبدعوا ليك ..فربنا يقومك بالسلامة...

صبري طه
01-04-2006, 02:27 PM
بتنا ام كلامن سمح ملاذ وانا دائما بقول ليك كدا ودي والله ما مجاملة..
دي حقيقة ووجودك في اي بوست بشكل اضافة جيدة اليه..
فربنا احفظك وارعاك....غايتو صبري اخوي دا قال ما حافظ اي شعر
الا دجاجي يلقط الحب... :lol: والله ضحكني ضحك شديد ..وانتا يا
كافي البلا من زمن دجاجي يلقط الحب... :lol: استنا بس لمن اجيك
ود فريجون بس خليهو افضا من الاشواق القاعد اديها لي الناس في
السودان اليومين ديل....
الحبيب فيصل نازل شعر تقيل .. يا خي ما تعلم صبري دا شوية..؟؟
وشنو يا فيصل هجمت البت نودي ..في البوست بتاع اسعد زول في الوجود!!!!
دي النيمابية نودي ما ود خالتك ابومصطفى... :lol:
ويا غزلان ان شاءالله تكوني تمالكتي الصحة ...والله كل النيمة وناسا بيسالوا
عنك وبدعوا ليك ..فربنا يقومك بالسلامة...

أخي سماكي بصرااحة كدة ما بعرف أكتب شعر يعني ممكن أقرأ واستمع وحتى الحفظ إلا الأغاني لزوم الشواكيش وكدة ...

ولك معزتي ... وناس ملاذ ونودي شكلهم حيطفشوني بأشعارهم ..

فيصل يوسف حامد
01-04-2006, 04:29 PM
بتنا ام كلامن سمح ملاذ وانا دائما بقول ليك كدا ودي والله ما مجاملة..

وشنو يا فيصل هجمت البت نودي ..في البوست بتاع اسعد زول في الوجود!!!!
دي النيمابية نودي ما ود خالتك ابومصطفى... :lol:

[align=justify:b8b90135c9]سلام أخواني في النيمه...سلام

الحبيب سماكي...تحياتي،

ياخي والله دي دقست ليك فيها دقسه...طبعاً الاثنين رافعين شعار أبو السيد...وأنا من شفت صورة مصطفى سيد أحمد إتوقعت ليك الوجيه أبو مصطفى...لان صراحه نودي دي طولت شديد ...ولي فترة ما شفتها...المهم أنا دخلت علي البوست وعدلتو...وأتمنى ما تكون شافتو...بتقول الزول دا قاصد ...والناس ديل حساسين شديد...لكن برضو ما بنزعلم...
لكن صحي هي وينا من أيام جابت القهوة ديك...تاني ما جات بجاي...في زول زعل ول حاجه...الكلام دا كان قبل ما إجي صبري النيمه دي ...لو ما كدا كنت قلت طفش هو ذاااااااااااااتووو.

أخوكم فيصل يوسف[/align:b8b90135c9]

محمد عثمان عبدالقادر السماكي
01-04-2006, 11:54 PM
يا ناس النيمة سلام .. مادام قلبتوها شعر قبل ما نقعد نديكم الحلمنتيشية
دي من واحد اسمو كمال الطريفي

تزكّري قعداتي قدام بابكم

متنفّر في عتبت الدكاني

مستنّي أخوك يفارقك

وأخوك كبسة معاكي في كل مكاني

مستني تكشحي موية الوسخ بجردلٍ

يا جردلاً شالته أحلى يداني

تذكري قعداتك في حفلات العرس

مدهونتاً ملفوفة التيباني؟

ويقوم مفعوصاً يلوّح وسطه ويدعوك

للكاروشة في الميداني!

يا ليت لي سماً زعافاً

لقرضتهم قرضاً بلا إحساني

حتى العريس وعروسه

وغرغرت باقي السم للفنانِ

وكوركتُ، يا ناس المطافي

فلتطفوا نار الحب من مصراني

وتأمروا هذه البنت أن تحبني

ما دامت أبت ريديتنا بالاحسان

صبري طه
01-05-2006, 10:49 AM
إلى شعراء النيمة بأهدي هذه الأبيات المنقووولة:


وضللت ياقلبي الطريق

نصبته في الحالكات سنا بريق

فرحاً تغني للحياة مع المساء

ومصبحاً تشدو كما الطير الطليق

عش للمساء وللنسائم والسحر

عش للعشيات المبللة الثياب من المطر

عش للقصيد يزور بيتك رائعاً مثل القمر

ودع الترحل في دروب الشوق

درب الشوق يا قلبي وعر

صبري طه
01-05-2006, 01:07 PM
وهاكم المسروقة دي:

الدوار
روضة الحاج


اسفا ً على أثر الذى رحلت خطاه
بخعت نفسك وانطويت
وحجبت قافلة النار وقد اتت
متعجلا سدف الظلام
وحينما نزلت بكيت
وكسرت عودك
و اعتزلت نشيجه
وهجرت صحبك ويحه عمرك ما اتيت؟؟
هم يحسبونك مترفاً
يا حسن ما ظنوا
ويا بئس الذى حقاً طويت
حتام ترهقك المسافة
تستحيل امامك الطرقات اوجاعاً
اما يكفى الذى ابداً تلاقى واتلقيت
ورحلت وحدك
متعبا الخطوات مكسوراً
تفتش عن ملامحم
ولكن ما اهتديت
او كلما استبشرت بالسقيا مضت
وتبعتها جزعاً مضيت
الصبر لك
ولي التحسر وادعاءُ السعد والسلوى وليت
ولكم رجوتك اذ الحّ بك الحنين
وفاضت الأشجان
اقصر
لا سمعت ولا رجعت ولا ارعويت
هو وجهه
بوح العبير اذا ضحكت وان نطقت وإن بكيت
هو صوته
رجع النواعير الشجيه
والرعاة العائدين عشية
هزم التحفز فيك
فإنكسرت قناتك وان ثنيت
واظل ارجو نخلة الصبر المريرة
لا تساقط
انفقت ما عندها
لا انت عدت ولا رجعت كما مضيت
انا ما جنيت عليك قلبى
انما انت الذى دوماً جنيت

http://www.alsudanonline.com/templates/ramadan/images/no_avatar.gif

غــــزلان
01-05-2006, 07:58 PM
ناس النيمة ..

مشتاقيييييييييييييييين كميات وكراتين ..

وجكس النيمة وينهم طيب :wink:

فيصل يوسف حامد
01-05-2006, 08:57 PM
ناس النيمة ..

مشتاقيييييييييييييييين كميات وكراتين ..

وجكس النيمة وينهم طيب :wink:

سلام يا ناس النيمه...سلام

الاخت غزلان ...تحياتي،

أول شئ حمد الله على سلامتك ...وإنشاء الله تكوني ملكتي الصحة...والعافيه بقت بمب...
وكان للشوق ...نحن شوقنا ما بتكال...
وتقيل...كان شالو ما بتشال...
إلا تعالي نسألك ...سعال...
مالو الجكس عننا ...مال...
لكن في ظني...
ما قصد ...الرحال...
بس مع الراحه...في إسترسال...

أه يا أختي ...الناس ديل أصلم بيأخدوا ليهم جمه كدا...وبجوك...خليك على الخط...وأنا خلاص وقت راحتي جاء ...وما ح تشوفوني إلا السبت....

وفي الختام...مره تاني سلامات ليك...

أخوكم فيصل يوسف

محمد عثمان عبدالقادر السماكي
01-05-2006, 09:23 PM
ناس النيمة ..

مشتاقيييييييييييييييين كميات وكراتين ..

وجكس النيمة وينهم طيب :wink:

يا سلااااام اف حمدلله على السلامة وان شاءالله ما تشوفي شر تاني....
وكمان نحن مشتعلقين في الاجنحة زي ما بقول ساردية...
ويلا همتكم خلوا لينا النيمة عامرة بالجكس طوالي انتي وملاذ والموناليزا
ونودي...

صبري طه
01-06-2006, 12:26 PM
ناس النيمة ..

مشتاقيييييييييييييييين كميات وكراتين ..

وجكس النيمة وينهم طيب :wink:

في بعدك يا غالي أضناني الألم ...

وين الناس الحلوييين وحمداً لله على السلامة ...

وما تطولوا الغيبة ... شفتي الناس دي كلها غابت بغيابِك كيييييييييف ...

بعادك أثرنا مشيت وين يا غزالنا ....

عبدالرحمن على حسن
01-06-2006, 10:41 PM
حبايبنا الحلوين .. الفضلو تحت ضل النيمة .. صبرى و فيصل و سماكينا .. و شوية الجكس الغالباهم القعدة تحت النيمة .. لكم خالص الود و التحايا من الخرطوم ... محل الطيارة بتقوم " و برضة محل بتنزل "
.. و معاناة شديدة هذه الايام فى دخول النت لمشكلة فى كيبل الالياف الضوئية بالقرب من سواحل بريطانيا حسب رواية سووووووووووووووداتل ..
اهم شىء انو جايب ليكم خبر الوريف معتصم و مافى زول يسألنى لقيتو وين و بس !! و اخونا نزار فريجون اللابد فى فارس الكتاب و طبعا لا نت و لا يحزنون و هو تانى فى لعب !!! ودى بحكى ليكم قصتا .. واحد بلدياتنا منتظم مع الجماعة فى الجامع الخمسة اوقات ... قام كدى جا الخريف و المطر و الزراعة و البلدات من تصبح لما تمسى ... الجماعة افتقدوه ... فى يوم طالعين من المسجد بعد صلاة العصر و صاحبنا راجع من البلدات راكب حماره .. الجماعة ناغموه وينك يا فلان زمن ما شفناك فى المسجد ؟؟
وكان الرد العجيب " هو تانى فى لعب مع الزراعة دى !!!!""
كفانا الله وكل العايدين للوطن "خاصة المطوّلين" شر اللعب !!
لكم اشواقى

عبدالله إبنعوف
01-07-2006, 12:25 AM
الأخوان تحت النيمة كيف حالكم

بالله شفتوا ليكم جنس إدمان زي بتاع عبدالرحمن ود علي حسن دا ، الراجل وصل السودان وبدل ما يكون لافي على الأهل والناس والسلام والكلام والذكريات ، فكر يجيكم ويديكم أخبارأخوانا المشوا السودان .

إيه رأيكم الليلة كلمتهم الإتنين أخونا الوريف قال جاء الخرتوم وقضى يومين ما إستحمل فرقة الأولاد وقام فللي لرفاعة قال لي والله الخرتوم دي أصلوا ما سكن ناس ، الريف أحسن مليون مرة وبيغريكم السلام . أما أخونا بتاع فارس الكتاب والله بعد لأي وتعب شديد التلفون رن وقالوا لازم أخونا هناك يكون في حتة عالية شوية لأنه الإرسال ما كويس وأظنوا لما رد علي كان في راس البيت ، تعرفوا الرد على التلفون منو ؟ ردت علي تونة .

وبرضوا بيغريكم السلام وسألني منكم قال متقريف وخرمان للمنتدى ولناس النيمة وبكرة السبت ماشي رفاعة وحيقعد في النيمة بالجد هو والمعتصم ، يعني نيمة محضورة

مع تحياتي وكل عام وأنتم بخير

yassir karar
01-07-2006, 02:16 AM
العزاز
والله قالو المتاوقه ولا صمت الخشم
والصم الخشم ما شويه
والنيمه الضربت جذورها عمق المتر بقت راحة سوآل
او همبريبن
يعقبو المطر
الا وين الكبار
الوريف
الاخضر او ناس نزار
قلنا يمشو البلد يدونا الخبر الاكيد او بيهم نتعطر
الا الحصل
الله يجازى السيرفر

عند لفة النيمه بس
اكان نحن ما واصلين اهلنا بطرح المشروع التالى
1_ الاتصال بى سوداتل بواسطة الاخوان معتصم نزار والاخدر
لتقوية اتصال النت برفاعه حتى ولو خط ستلايت ونتحمل الكلفه مع بعض
2_ ايجار مقر للموقع مزود بى عدد عشره كمبيوترات على الاقل مجانا لاصدقاء الموقع حتى نتواصل مع البلد او رجل المهمات الصعبه حافظ سالم حاضر من دون شوره
3_ نعمل صندوق النيمه برسم شهرى يغطى الكهرباء والايجار
4_ الكمبيوترات البيقدر يرسل واحد او ليكم منى الاول
5_ المشروع
طرح فى النيمه لاسباب ليس لها اى علاقه بالاقتراحات ونسعد جدا باشراف الاداره على المشروع النيموى جدا..... او رفاعه اولا او ثانيا او ثالثا واخيرا يا احلى ريس فى الدنيا
واريت كان ادوك رئاسه الجمهوريه

محمد عثمان عبدالقادر السماكي
01-07-2006, 09:09 AM
اخونا عبدالرحمن الف حمدلله على سلامة الوصول لارض الوطن.. والله فرحتنا شديد
بتواصلك الممتع معانا من هناك وبالله ما تحرمنا دائما من حكاويك الجميلة دي...
وتحايانا الحارة للنيمابية الصادق اللخدر والوريف المعتصم و الحبيب ود فريجون...

الريس ابوهبة يا سلااااام.. والله دائما جياتك مليانة اخبار حلوة وممتعة ..
والمعتصم دا ما قلنا ليهو الخرتوم دي ما بتندار السكنة فيها وبالذات لي زول اتعود
على جمال وروعة رفاعتنا دي...
ود فريجون قلنا الزول دا افضى من الاشواق وادينا طلة ..ان شاءالله تكون قريب
ما دام جاي رفاعة الليلة...

الحبيب ياسر كرار وينك ياخي والله دائما سائلين عنك وعن اخبارك وفكرتك والله
سمحة شديد...

صبري طه
01-07-2006, 09:37 AM
حبايبنا الحلوين .. الفضلو تحت ضل النيمة .. صبرى و فيصل و سماكينا .. و شوية الجكس الغالباهم القعدة تحت النيمة .. لكم خالص الود و التحايا من الخرطوم ... محل الطيارة بتقوم " و برضة محل بتنزل "
.. و معاناة شديدة هذه الايام فى دخول النت لمشكلة فى كيبل الالياف الضوئية بالقرب من سواحل بريطانيا حسب رواية سووووووووووووووداتل ..
اهم شىء انو جايب ليكم خبر الوريف معتصم و مافى زول يسألنى لقيتو وين و بس !! و اخونا نزار فريجون اللابد فى فارس الكتاب و طبعا لا نت و لا يحزنون و هو تانى فى لعب !!! ودى بحكى ليكم قصتا .. واحد بلدياتنا منتظم مع الجماعة فى الجامع الخمسة اوقات ... قام كدى جا الخريف و المطر و الزراعة و البلدات من تصبح لما تمسى ... الجماعة افتقدوه ... فى يوم طالعين من المسجد بعد صلاة العصر و صاحبنا راجع من البلدات راكب حماره .. الجماعة ناغموه وينك يا فلان زمن ما شفناك فى المسجد ؟؟
وكان الرد العجيب " هو تانى فى لعب مع الزراعة دى !!!!""
كفانا الله وكل العايدين للوطن "خاصة المطوّلين" شر اللعب !!
لكم اشواقى


لك التحية عمنا عبدالرحمن ولكل الأحباب بالسودان وقول للجماعة شوية شوية حتنسونا .. والبلقى أحبابو بنسى بودردابو ....

على كل حال شهر شهرين ثلاثة في النهاية مصيرو الحي إرجع لي نيمتو ...

صبري طه
01-07-2006, 09:51 AM
وبكرة السبت ماشي رفاعة وحيقعد في النيمة بالجد هو والمعتصم، يعني نيمة محضورة

مع تحياتي وكل عام وأنتم بخير

وكل سنة وإنت بألف خير .... وإنشاء الله نحن معاهم في النيمة هنا في المنتدى وجلسة هنيئة ...

ومبرووك عليهم وعقبال إتم منانا ... بقينا نتشحتف ليها زي العرس ....

العزاز
والله قالو المتاوقه ولا صمت الخشم
والصم الخشم ما شويه
والنيمه الضربت جذورها عمق المتر بقت راحة سوآل
او همبريبن
يعقبو المطر
الا وين الكبار
الوريف
الاخضر او ناس نزار
قلنا يمشو البلد يدونا الخبر الاكيد او بيهم نتعطر
الا الحصل
الله يجازى السيرفر

عند لفة النيمه بس
اكان نحن ما واصلين اهلنا بطرح المشروع التالى
1_ الاتصال بى سوداتل بواسطة الاخوان معتصم نزار والاخدر
لتقوية اتصال النت برفاعه حتى ولو خط ستلايت ونتحمل الكلفه مع بعض
2_ ايجار مقر للموقع مزود بى عدد عشره كمبيوترات على الاقل مجانا لاصدقاء الموقع حتى نتواصل مع البلد او رجل المهمات الصعبه حافظ سالم حاضر من دون شوره
3_ نعمل صندوق النيمه برسم شهرى يغطى الكهرباء والايجار
4_ الكمبيوترات البيقدر يرسل واحد او ليكم منى الاول
5_ المشروع
طرح فى النيمه لاسباب ليس لها اى علاقه بالاقتراحات ونسعد جدا باشراف الاداره على المشروع النيموى جدا..... او رفاعه اولا او ثانيا او ثالثا واخيرا يا احلى ريس فى الدنيا
واريت كان ادوك رئاسه الجمهوريه

أخونا ياسر وين الناس .... وكل سنة وإنت طيب ...

بالمناسبة اقتراحك دة جد أنا فكرت فيهو لازم نقوم نعمل مشروع بتاع مقاهي إنترنت في رفاعة والمسألة دي ممكن نجني من وراها الفائدة المادية إضافة للفائدة المعنوية المنشودة فلازم ناس رفاعة إجونا في المنتدى ... والرأي للإدارة بس إخططوا ويدرسوا الموضوع دة

فيصل يوسف حامد
01-07-2006, 10:19 AM
[align=justify:0b9484fdec]سلام أخواني في النيمه...سلام

أخونا الكبير والعزيز عبد الرحمن حسن...ياخي حمد الله على سلامة الوصول...وإنشاء الله تكون لقيت العقاب كلهم بخير...وشاكرين لطلتك الرائعه دي...والمره الجايه إنشاء الله تكلمني من رفاعه ..وبعدين معتصم دا ما لو بتحاوم بالخرطوم بغادي...
الاخ الكريم أبو هيبة ...أول شئ وينك إنت مطول من النيمه والاخبار السمحه وينا ...
الاخ ياسر كرار...الاقتراح جميل ...بس إنت ما تطول من النيمه...

أخوكم فيصل يوسف[/align:0b9484fdec]

محمد عثمان عبدالقادر السماكي
01-07-2006, 01:32 PM
يا صبري اخوي وين صاحبك امير ود اللمين ..؟ الزول دا يا جماعة ليهو كم
يوم مختفي ان شاءالله اكون بخير...
ويا امير حتى بغادي في الاكاديميات ما شايفك شنو الحكاية بتعزز علينا ولا شنو..؟

وبعدين خالد عثمان دا محاربنا مالو..؟ وينك يا خالد النيمة والله فاقداك...

صبري طه
01-07-2006, 01:37 PM
يا صبري اخوي وين صاحبك امير ود اللمين ..؟ الزول دا يا جماعة ليهو كم
يوم مختفي ان شاءالله اكون بخير...
ويا امير حتى بغادي في الاكاديميات ما شايفك شنو الحكاية بتعزز علينا ولا شنو..؟

وبعدين خالد عثمان دا محاربنا مالو..؟ وينك يا خالد النيمة والله فاقداك...

يا أخوووي إنت نايم ولا شنو أمير الأمين أكان قريب إكون في السودان .. كدي بأديهو اتصال هسي وبشوف الحاصل شنو ؟؟؟؟ وبرجع وبتصل عليك وأوريك الشمار .......

صبري طه
01-07-2006, 01:49 PM
يا أخوووي إنت نايم ولا شنو أمير الأمين أكان قريب إكون في السودان .. كدي بأديهو اتصال هسي وبشوف الحاصل شنو ؟؟؟؟ وبرجع وبتصل عليك وأوريك الشمار .......

يا أخووي دقيت على الزول دة لقيتو في رفاعة وكمان قال لي عايز تلفون معتصم سليمان في رفاعة وببلغك سلامو ولجميع أهل المنتدى ...

وطبعاً أنا دقيت ليك في موبايلك عشان أوريك الحاصل ولقيت موبايلك مقفول .. ودقيت ليك في البيت لقيت جمال جعبوز وقال لي الزول دة مافي ... أها رجعت وكتبت ليك الكلام دة في النيمة ...

ولك تحياتي ..... بكل ود

عبدالله إبنعوف
01-07-2006, 02:39 PM
التحايا والترحاب لكل أهل النيمة وأمنياتي ليكم بعيد سعيد القريب والبعيد وناس برشلونة ربنا يديهم العافية والعيد الجاي ربنا يجمع الناس كلهم سالمين غانمين محتفلين في الساحة الشعبية ، قولوا آمين

بعدين يا أخوي يا صبري قبل ما أنسى أنا بديك تليفونات ناس رفاعة :

المعتصم بالله سليمان : 918100385
ود فريجون : 912914278 هو الليلة شايل رفاعة ، لو كان في فارس الكتاب قالوا إلا يكون في حتة عالية شوية الشبكة عندهم تعبانة
الأخدر : 912809323

أخوي ياسر ربنا يديك العافية ويزيدك من نعيمو والله ما قصرت أبداً إقتراح مليان تمام ويا ريت كل الناس يكون عندها الإستعداد عشان تساهم فيهو ، لكن أحب أطمنك ، ودا خبر حيعلن في حينو ، إنو موضوع سيرفر رفاعة ، بعد الهمبته الحصلت عليهو ونقلوه للحصاحيصا بدون ناس رفاعة يكون عندهم علم ، المهم السيرفر تم التصديق عليهو من سوداتيل بجهود جبارة من واحدة من بنات رفاعة جزاها الله خير ، وبإذنه تعالى بعد العيد حيصل رفاعة ، أصلوا رئيس الفريق اللي حيوصلوا لرفاعة ولحسن الحظ من أولاد رفاعة برضو ، في الحج ، ربنا يتقبل حجو ويعيدو سالم علشان ناس رفاعة يتواصلوا معانا .

وبعدين يا ياسر إسبانيا دي ما فيها ناس من رفاعة ؟ أنا حاسدك على برشلونة ، تعرف في واحدة من ماتشات برشلونة طارق دياب معلق الجزيرة الرياضية قال كورة برشلونة وصفة طبية لو أدوها لأي مريض حيطيب على طول !!!

وليكم كلم التحية والإحترام والتقدير وكل عام وأنتم بخير

محمد عثمان عبدالقادر السماكي
01-07-2006, 07:12 PM
ناس النيمة يا احبة سلام ..اها بكرة نوينا الحج ان شاءالله
فالعفو لله والرسول ولو غلطنا علي زول او زعلنا لينا زول
بنطلب منو السماح والعفو...
اها ان شاءالله نشوفكم بعد الحج وحقيقي سوف افتقد
اخوة اعزاء كرام ...فربنا يعيدنا اليكم سالمين ان شاءالله...

فيصل يوسف حامد
01-07-2006, 07:23 PM
ناس النيمة يا احبة سلام ..اها بكرة نوينا الحج ان شاءالله
فالعفو لله والرسول ولو غلطنا علي زول او زعلنا لينا زول
بنطلب منو السماح والعفو...
اها ان شاءالله نشوفكم بعد الحج وحقيقي سوف افتقد
اخوة اعزاء كرام ...فربنا يعيدنا اليكم سالمين ان شاءالله...

[align=justify:2d25e7bf82]سلام يا ناس النيمه...سلام،

الاخ الحاج سماكي...تحياتي،

حجاً مبروراً وسعياً مشكوراً إنشاء الله...وربنا يتقبل منك ومن جميع حجاج بيت الله الحرام ، وعائدين سالمين غانمين بإذن الله.

في رعاية الله ، وما تنسونا من الدعوات،،،[/align:2d25e7bf82]

Nola
01-08-2006, 08:23 AM
الأخوان تحت النيمة كيف حالكم

والله الخرتوم دي أصلوا ما سكن ناس ، الريف أحسن مليون مرة وبيغريكم السلام .
مع تحياتي وكل عام وأنتم بخير


الرئيس ابو هبة

:evil: :evil: :evil: :evil: :evil: :evil: :evil: :evil: :evil: :evil: :evil:


ناس النيمة صباحكم خير ومششششششششتاقيييييييييين والله

استاذ فيصل الاخبار والحاصل والاتحصل

صبري طه الولد الشكال صباحك خير وشايفاك يا اخوي بقيت اساسي قبل الكراسي في النيمة ...

سماكي من البطانة كل سنة وانت طيب وحج مقبول ان شاء الله


انتو وييييييييييييييين الجكس مالو محارب النيمة اوعك يكون الولد صبري دا شاغلم :wink:

اها بمشي وبجي بديكم شمارات الشباب الجو الخرطوم


دقيقة في شمار حارقني ما بقدر اصبر عليهو لمن اجي راجعة .... ابو فاطمة طلع لا خواف

ولا حاجة ساي شايلين حسو :lol: :lol: :lol: :lol: :lol: ...

بالمناسبة شمار ابو فاطمة دا الا تدفعوا حتين افتوا :twisted: :twisted: ... والعايز يلاقني في الخاص


سلام يا منقات

صبري طه
01-08-2006, 09:57 AM
التحايا والترحاب لكل أهل النيمة وأمنياتي ليكم بعيد سعيد القريب والبعيد وناس برشلونة ربنا يديهم العافية ....


دي تورية ولا قصدك شنو ؟؟؟؟؟؟؟؟؟

وتحياتنا ليك وكل سنة وإنت وكل ناس المنتدى بألف خير


ناس النيمة يا احبة سلام ..اها بكرة نوينا الحج ان شاءالله
فالعفو لله والرسول ولو غلطنا علي زول او زعلنا لينا زول
بنطلب منو السماح والعفو...
اها ان شاءالله نشوفكم بعد الحج وحقيقي سوف افتقد
اخوة اعزاء كرام ...فربنا يعيدنا اليكم سالمين ان شاءالله...

حجاً مبروراً وذنباً مغفوراً .. بإذنه تعالى ...

http://www.hanaa.net/postcard/images/hajj3id.gif

صبري طه
01-08-2006, 10:04 AM
الرئيس ابو هبة

:evil: :evil: :evil: :evil: :evil: :evil: :evil: :evil: :evil: :evil: :evil:


ناس النيمة صباحكم خير ومششششششششتاقيييييييييين والله

استاذ فيصل الاخبار والحاصل والاتحصل

صبري طه الولد الشكال صباحك خير وشايفاك يا اخوي بقيت اساسي قبل الكراسي في النيمة ...

سماكي من البطانة كل سنة وانت طيب وحج مقبول ان شاء الله


انتو وييييييييييييييين الجكس مالو محارب النيمة اوعك يكون الولد صبري دا شاغلم :wink:

اها بمشي وبجي بديكم شمارات الشباب الجو الخرطوم


دقيقة في شمار حارقني ما بقدر اصبر عليهو لمن اجي راجعة .... ابو فاطمة طلع لا خواف

ولا حاجة ساي شايلين حسو :lol: :lol: :lol: :lol: :lol: ...

بالمناسبة شمار ابو فاطمة دا الا تدفعوا حتين افتوا :twisted: :twisted: ... والعايز يلاقني في الخاص


[color=#CC0033]سلام يا منقات

تحياتي أختي نولا ... العضوة المثالية بشهادة الكثيرين ... وإنت بتسألي من الجكس فات وين طيب إنتِ فتي وين ؟؟؟؟ أنا من ما جيت النيمة دي ما شفتك الحاصل شنو ... إنت عارفة إكونن عملن ليهن دريبات بي عند البحر بي غادي ... وبالنسبة لشمار أبو فاطنة (بالنون) لازم تنزلي لينا هنا في النيمة ...

سلام يا منقة ... وكل سنة وإنت طيبة ...

Nola
01-08-2006, 10:23 AM
الولد المنقة صبري ازززززززيك

يا اخوي انا ما تبع الجكس انا تبع الخالات :lol: :lol: :lol: ... كدي هب المنقد دا خلي الجبنه التفور الظاهر

الليلة انا وانت بس تحت النيمة دي ... باقي الليلة انا فاضية وما عندي شغله ... وقاعده

حارسه النيمة ...

اها يا ود امي بالنسبة للشمارات ... اييييييييييييك شمارات كتتتتتتيره وررهيبه اسكت بس

يا اخي الناس ديل طلعوا اكتتتتتر من رائعين مبالغة عديل والله الوريف معتصم سليمان، نزار

الاول ابو فاطنة ..... امير الامين .... الصادق الاخضر ... الباشمهندس عبد الرحمن علي حسن

بالجد يا صبري ناس مبالغة .....

بس يا يا صبري ما قلته لي الجكس مشه وين ما يكونوا سوا ليهم دريبات تانيه كدي

امشي فتشم سريع ...


اها يامنقة فتك بي عافية اصلي واصلة الساحة الشعبية وجاية :wink: :wink: :wink:

صبري طه
01-08-2006, 10:53 AM
يا اخوي انا ما تبع الجكس انا تبع الخالات :wink: :wink: :wink:

معقولة بس ... إنت تبع الجكس والجكس الأوريجنال ... وأكان خالة أن بحب الخالات أكتر من البنات الصغار ...



الليلة انا وانت بس تحت النيمة دي ... باقي الليلة انا فاضية وما عندي شغله ... وقاعده

حارسه النيمة ...

:wink: :wink: :wink:

حارسة النيمة .. أنا الحارسها ... أنا مدير عام النيمة بالنيابة ... لحدي ما أخونا سماكي إرجع من الحج بالسلامة ...



اها يا ود امي بالنسبة للشمارات ... اييييييييييييك شمارات كتتتتتتيره وررهيبه اسكت بس

يا اخي الناس ديل طلعوا اكتتتتتر من رائعين مبالغة عديل والله الوريف معتصم سليمان، نزار

الاول ابو فاطنة ..... امير الامين .... الصادق الاخضر ... الباشمهندس عبد الرحمن علي حسن

بالجد يا صبري ناس مبالغة ..... :wink: :wink: :wink:

يا سلاااام ديل كلهم ومع بعض وفي السودان كمااان والله أنا حاسدك عدييييل كدة ... والله إجمعنا معاكم ....



بس يا يا صبري ما قلته لي الجكس مشه وين ما يكونوا سوا ليهم دريبات تانيه كدي

امشي فتشم سريع ... :wink: :wink: :wink:

والله بعد ما نزار الكرور رجع للمنتدى العام ما أظن في واحدة تجينا تاني ...



اها يامنقة فتك بي عافية اصلي واصلة الساحة الشعبية وجاية :wink: :wink: :wink:

يا سلااام عليك ... أها إنتِ حافظة رفاعة زقاق زقاق ... الله إديك العافية ويجمعنا معاك ...

عبدالله إبنعوف
01-08-2006, 02:18 PM
أخونا محمد عثمان

حج مبرور وسعي مشكور وذنب مغفور ما تنسانا من صالح الدعاء

وترجع بالسلامة

الموناليزا..
01-08-2006, 03:43 PM
size]
الأخت الموناليزا ... النيمة بتشيلكم وبتشيل متحف اللوفر كلو ... ودافنشي ذاتو لو جانا بنشيلو في عيونا ...

سماكينا ممكن أديك الهدية دي:
http://www.eyelash.ps/files/mobile/pic/2/11gif/blue_whale_wading_md_wht.gif

الاخ المحترم .. صبري
عيد مبارك عليك .. وعلى كل رواد شجرة النيمة
شكرا ليك .. وكتر الكراسي ناس اللوفر كلهم
جايين حتى دافنشي ...
بس خلي الأخ سماكي يرجع من الحج ..

تحياتي ..
الموناليزا ..

الموناليزا..
01-08-2006, 03:48 PM
الأخ المحترم .. سماكي
حجاً مبروراً , وذنباً مغفوراً , وسعياً مشكوراً
وعوداً حميداً ..
وربنا يتقبل منّا ومنكم صالح الأعمال ..

الموناليزا ..

معتصم سليمان بابكر
01-08-2006, 05:46 PM
معقولة بس ... إنت تبع الجكس والجكس الأوريجنال ... وأكان خالة أن بحب الخالات أكتر من البنات الصغار ...

صبرى طه ....
الليلة بكسر رقبتك
دا شنو ياولدى البتسوى فيهو ده
يعنى عملات المقالة غاب ابو شنب ولعب ........
سمح يا صبرى عاد ماترجانى فى السعودية.....
كمان ناطى لى فى نولتى زاتها(نولا دى فى غياب معتصم حالة تعنى ممنوع الاقتراب و التصوير)

عند اللفه البتريدها يا صبرى
---------------------------
الليلة انا وامير الامين تحديدا الساعة 12 ظهرا ومعاى ولدى محمد (وجيه المدينة) تعرف كنا فى بيتكم والله مشينا وسلمنا على الناس واتعرفنا بيهم لكن يا صبرى عندكم كلب هوراط سااااااكت وهراش كمان.........ولك المودة

فيصل يوسف حامد
01-08-2006, 06:33 PM
معقولة بس ... إنت تبع الجكس والجكس الأوريجنال ... وأكان خالة أن بحب الخالات أكتر من البنات الصغار ...

صبرى طه ....
الليلة بكسر رقبتك
دا شنو ياولدى البتسوى فيهو ده
يعنى عملات المقالة غاب ابو شنب ولعب ........
سمح يا صبرى عاد ماترجانى فى السعودية.....
كمان ناطى لى فى نولتى زاتها(نولا دى فى غياب معتصم حالة تعنى ممنوع الاقتراب و التصوير)


[align=justify:213a33c674]سلام ...يا ناس النيمه سلام...

إنت عارف يا معتصم إنت كان كدي جيت في وقتك...الود صبري دا لقى سماكي مشى الحج ولقاني أنا إنشغلت بالجرد ...وإستفرد ليك بالجماعه...والحمد لله اللحقتو ...وقلت لي زرتهم في البيت طيب ياخي ما كان تلكم ليه ناس البيت أكان إلجمو شويه...
يا صبري ...من وسط وهجوم وباصات لي...الليله بقيت لاعب باك...ول كيف...ياخي خلي اللعب والدقيل المنفرد دا.
الاخت الرائعه نولا...تعرفي أنا ما محظوظ لأنك جيتي النيمه ومشيتي وأنا ما لاقيتك...أنا عارف ما لي في الطيب إلا مره مره...المهم ليك تحياتي...وإنشاء الله تكوني إنبسطي في رفاعه ...
الاخت الموناليزا: وإنت ماشه من النيمه...كنت أنا يا دوبي جائي وقاعد أشر ليك لكن ما ظنيتك شفتيني.

اخوكم فيصل يوسف[/align:213a33c674]

فيصل يوسف حامد
01-08-2006, 06:50 PM
[align=justify:95c799b959]الاخوان والخوات في النيمه (كل النيماب الحاضرين والغائبين...والمطولين)...تحياتي،

نحن الليله أنا والود صبري دا مشينا إشترينا ليكم الضحية...وجبنا الخروف (خروف ليه ضل) ...ياهوداك مربوط في الحطابه ...ياكل في القش...بس مستنين يوم العيد عشان نضبحو ...وريحة الشيه تقول يا غربتي والمراره أم دكوه وتوم...ياسلام...المهم الناس الغايبين المشو الحج والسافروا ..والبخافو من نسوانم ما بطلعوا يوم العيد...ما إيخافوا حقهم محفوظ وح نحفظوا ليكم في المشلعيب داك...بس ما تتأخروا علينا...
كدي يا صبري كان صورت الخروف دا ...جيب ليهم الصوره...وكمان بعدين لم نضبحوا صوروا ليهم...وعلق ليهم الصور دي هنا...

أخواني وأخواتي...عيد مبارك عليكم...وربنا يعيده عليكم جميعاً بالصحة والعافيه والرفاهية...
وكل عام وأنتم بخير،،،

أخوكم فيصل يوسف[/align:95c799b959]

Ameer Al Ameen
01-08-2006, 06:57 PM
معقولة بس ... إنت تبع الجكس والجكس الأوريجنال ... وأكان خالة أن بحب الخالات أكتر من البنات الصغار ...

صبرى طه ....
الليلة بكسر رقبتك
دا شنو ياولدى البتسوى فيهو ده
يعنى عملات المقالة غاب ابو شنب ولعب ........
سمح يا صبرى عاد ماترجانى فى السعودية.....
كمان ناطى لى فى نولتى زاتها(نولا دى فى غياب معتصم حالة تعنى ممنوع الاقتراب و التصوير)

عند اللفه البتريدها يا صبرى
---------------------------
الليلة انا وامير الامين تحديدا الساعة 12 ظهرا ومعاى ولدى محمد (وجيه المدينة) تعرف كنا فى بيتكم والله مشينا وسلمنا على الناس واتعرفنا بيهم لكن يا صبرى عندكم كلب هوراط سااااااكت وهراش كمان.........ولك المودة

سلام على كل الناس المنقة و لاهل النيمة اجمعين من رفاعة التى نعشق حد الثمالة .. و الله مشتاقين للكل ..
الاحبار حبلى بكل جديد .. اليوم كنت فى امتع زيارتين اهل أخونا صبرى ( يا صبرى أحسن تستوردو كلاب من ناس يحى زكريا بدل الكلب الهرشة دا :lol: :lol: )
اما الثانية فللى التشكيلى العائد الى ارض الوطن عثمان وقيع الله و اتمنى ان اجلس معه مرة أخرى فى جلسة تحاورية بالصور للتوثيق لهذا الرجل القامة

كل عام و كل الناس بخير و الف عافية

Ameer Al Ameen
01-08-2006, 07:35 PM
معقولة بس ... إنت تبع الجكس والجكس الأوريجنال ... وأكان خالة أن بحب الخالات أكتر من البنات الصغار ...

صبرى طه ....
الليلة بكسر رقبتك
دا شنو ياولدى البتسوى فيهو ده
يعنى عملات المقالة غاب ابو شنب ولعب ........
سمح يا صبرى عاد ماترجانى فى السعودية.....
كمان ناطى لى فى نولتى زاتها(نولا دى فى غياب معتصم حالة تعنى ممنوع الاقتراب و التصوير)



معتصم دا شنو :oops: :oops: :oops: :oops:

yassir karar
01-08-2006, 11:03 PM
انا الليله جدا سعيد
السماكى فى الحج او بيدعو لينا
الريس معانا ( يا ريس انا فى مدريد لكن برشلونابى )
معتصم جاء
او ست الحرف الندى الغابت لمان غابت جاتنا راجعه
واخبار العزاز كلهم خير او فرح
كدى خلى النعلنكم الفرح الكبيييييييييييييييييييييييييييييييير دا
انا قاعد اكتمل فى حلم الدنيا والاخره ...............
اليله انا جد سعيد بيكم
او فرحااااااااااااااااااااااااااان شديد
الله يديكم الصحه والعافيه

صبري طه
01-09-2006, 10:35 AM
الاخ المحترم .. صبري
عيد مبارك عليك .. وعلى كل رواد شجرة النيمة
شكرا ليك .. وكتر الكراسي ناس اللوفر كلهم
جايين حتى دافنشي ...
بس خلي الأخ سماكي يرجع من الحج ..

ربنا يرجعوا بالسلامة عشان استقبل ضيوفوا ... إلى اللقاء ...

صبري طه
01-09-2006, 10:47 AM
الليلة بكسر رقبتك
دا شنو ياولدى البتسوى فيهو ده
يعنى عملات المقالة غاب ابو شنب ولعب ........
سمح يا صبرى عاد ماترجانى فى السعودية.....
كمان ناطى لى فى نولتى زاتها(نولا دى فى غياب معتصم حالة تعنى ممنوع الاقتراب و التصوير)

عند اللفه البتريدها يا صبرى
---------------------------
الليلة انا وامير الامين تحديدا الساعة 12 ظهرا ومعاى ولدى محمد (وجيه المدينة) تعرف كنا فى بيتكم والله مشينا وسلمنا على الناس واتعرفنا بيهم لكن يا صبرى عندكم كلب هوراط سااااااكت وهراش كمان.........ولك المودة

الأخوان معتصم وأمير ... كل سنة وإنتو بألف خير وإجازة سعيدة مع الأحباب ...
يا سلام عليكم وكمان مشيتوا لينا في البيت طبعاً ما حاجة غريبة عن ناس رفاعة ... وبمناسبة الكلب غايتو أنا آخر مرة نزلت السودان ما كان عندنا كلب ... المشكلة أسي أكان نزلت حأمشي البيت كيف طبعاً الكلب دة ما بيعرفني والله إلا أنوم في الشارع ...

كلب هوراط وهراش كما ... بس إنشاء الله ما تكونوا كبيتوا الجري ...

والله نولا دي عسل كيف يا سلااااااااااااااااااام ....

صبري طه
01-09-2006, 11:56 AM
إنت عارف يا معتصم إنت كان كدي جيت في وقتك...الود صبري دا لقى سماكي مشى الحج ولقاني أنا إنشغلت بالجرد ...وإستفرد ليك بالجماعه...والحمد لله اللحقتو ...وقلت لي زرتهم في البيت طيب ياخي ما كان تكلم ليه ناس البيت أكان إلجمو شويه...
يا صبري ...من وسط وهجوم وباصات لي...الليله بقيت لاعب باك...ولا كيف...ياخي خلي اللعب والدقيل المنفرد دا.

يا أخوي إنت عايز تجرد هناك وهنا ما تخلينا النجرد معاك ... وبالمناسبة الأخ سماكي أداني ولاية العهد ..

عشان كدة أنا أسي مستني الباصات كلها ...[align=justify:4a51f43d49]الاخوان والخوات في النيمه (كل النيماب الحاضرين والغائبين...والمطولين)...تحياتي،

نحن الليله أنا والود صبري دا مشينا إشترينا ليكم الضحية...وجبنا الخروف (خروف ليه ضل) ...ياهوداك مربوط في الحطابه ...ياكل في القش...بس مستنين يوم العيد عشان نضبحو ...وريحة الشيه تقول يا غربتي والمراره أم دكوه وتوم...ياسلام...المهم الناس الغايبين المشو الحج والسافروا ..والبخافو من نسوانم ما بطلعوا يوم العيد...ما إيخافوا حقهم محفوظ وح نحفظوا ليكم في المشلعيب داك...بس ما تتأخروا علينا...
كدي يا صبري كان صورت الخروف دا ...جيب ليهم الصوره...وكمان بعدين لم نضبحوا صوروا ليهم...وعلق ليهم الصور دي هنا...

أخواني وأخواتي...عيد مبارك عليكم...وربنا يعيده عليكم جميعاً بالصحة والعافيه والرفاهية...
وكل عام وأنتم بخير،،،

أخوكم فيصل يوسف[/align:4a51f43d49]

وكل سنة وإنت بألف خير ،،،


http://amwaj.org.il/adha/akeda2.jpg

سلام على كل الناس المنقة و لاهل النيمة اجمعين من رفاعة التى نعشق حد الثمالة .. و الله مشتاقين للكل ..
الاحبار حبلى بكل جديد .. اليوم كنت فى امتع زيارتين اهل أخونا صبرى ( يا صبرى أحسن تستوردو كلاب من ناس يحى زكريا بدل الكلب الهرشة دا :lol: :lol: )
اما الثانية فللى التشكيلى العائد الى ارض الوطن عثمان وقيع الله و اتمنى ان اجلس معه مرة أخرى فى جلسة تحاورية بالصور للتوثيق لهذا الرجل القامة

كل عام و كل الناس بخير و الف عافية

كل سنة وإنت طيب يا أميرنا ... وبشكرك على الزيارة الكريمة ... وأسمع يا أخوي نحن ما عندنا كلاب هرشة شوف الناس الهرشو ديل منو ...

وتحياتنا للرائع الفنان التشكيلي عثمان وقيع الله ...

Nola
01-09-2006, 12:52 PM
معقولة بس ... إنت تبع الجكس والجكس الأوريجنال ... وأكان خالة أن بحب الخالات أكتر من البنات الصغار ...

صبرى طه ....
الليلة بكسر رقبتك
دا شنو ياولدى البتسوى فيهو ده
يعنى عملات المقالة غاب ابو شنب ولعب ........
سمح يا صبرى عاد ماترجانى فى السعودية.....
كمان ناطى لى فى نولتى زاتها(نولا دى فى غياب معتصم حالة تعنى ممنوع الاقتراب و التصوير)



معتصم دا شنو :oops: :oops: :oops: :oops:


الرائع امير الامين ..... يا امير الحرف

انا زاتي :oops: :oops: :oops: :oops: :oops: :oops: والله


الوريف المعتصم بالله .... سلامات يا زول يا رائع

اززززيكم يا ناس النيمة ... صبري كيفنك ... وفيصل كيف واخبارك اها ان شاء ا لله

يكون الجرد صاح .. مش نص نص عينك في الجرد والتانية في النيمة بس ربك يستر ..

لكن يا فيصل صبري دا ما كان تخلي يمشي يختار الخروف ... الخروف يشبهو روحوا

ومكلوج كدا زي زول بعرفوا :lol: :lol: :lol: :lol: (معتصم سليمان ما تضحك شايفاك انا

اتلفته علي امير وبقيتوا تضحكوا مع بعض)...


مونا سلامات ومالك يا اختي ماشه طوالي كدا ... هسي فيصل دا منو البوري الحاجات

المفروض يجيبه مع الخروف .. والله كان راجياني انا يومكم بمبي مشجر ... اياكم اكلتو الفول


اها يا شباب كل سنة وانتوا طيبين وفتكم بي عافية ... اصلو الخدمة كتيرة والليلة الوقفة

صاح ولا انا طاشه شبكة ...

بجكم صاده تاني


سلام

صبري طه
01-09-2006, 02:17 PM
معقولة بس ... إنت تبع الجكس والجكس الأوريجنال ... وأكان خالة أن بحب الخالات أكتر من البنات الصغار ...

صبرى طه ....
الليلة بكسر رقبتك
دا شنو ياولدى البتسوى فيهو ده
يعنى عملات المقالة غاب ابو شنب ولعب ........
سمح يا صبرى عاد ماترجانى فى السعودية.....
كمان ناطى لى فى نولتى زاتها(نولا دى فى غياب معتصم حالة تعنى ممنوع الاقتراب و التصوير)



معتصم دا شنو :oops: :oops: :oops: :oops:

معتصم دا شنو :oops: :oops: :oops: :oops:

عبدالله إبنعوف
01-09-2006, 02:44 PM
الريس معانا ( يا ريس انا فى مدريد لكن برشلونابى )


الأخ الكريم ياسر

عيدك سعيد وكل سنة وإنت طيب وربنا يديم عليكم الصحة والعافية

أيوة عارف إنت في مدريد لكن أن تكون في إسبانيا وتحت سماء واحدة مع برشلونة فهذا ما أحسدك عليه ، وكما ذكرت لك بعد العيد إنشاء الله تجي أخبار كويسة عن رفاعة وإلا حنعمل كلنا على تنفيذ إقتراحك الرائع

مع تحياتي

وعيدكم سعيد يا كل النيماب وربنا يجمع الناس سالمين غانمين ويعيد العيد عليكم أعواماً عديدة حافلة بالخير واليمن والبركات

عبدالرحمن على حسن
01-09-2006, 09:05 PM
سلام سلام يا ناس ..
صبرى و فيصل سادين خدمة تمام و ما مقصرين مع ضيوف النيمة و ما تحكوها معاهم شديد !!
انا لسه ما وصلت رفاعة لانو الاولاد فى الخرطوم و عندهم امتحانات بعد العيد مباشرة .. حنضبح ليهم الخروف و بعدها مباشرة نشتت رفاعة و بعدها مدنى.. طبعا موعودين بى لمة ظريفة بقيادة المعتصم و نزار و امير ( لاحظوا الاكبر فالاصغر فى التسلسل) .. و كمان يمكن يكون فى ضيوف تانيين يعلن عنهم/ن فى حينه .. وحنسجل ليكم اللقاء بالصوت و الصورة ..
حأحكى ليكم بكرة قصة خروف العيد ..
كل عام و الجميع بخير و ربنا يحقق الامانى و يعيده بالخير و اليمن و البركات..
و تقبل الله من حجاجنا صالح الاعمال ..
و الدعاء الخالص لرفاعة و لمنتدى رفاعة .. بان يجتمع الشمل و تتوحد الكلمة و تتكاتف الجهود لخير رفاعة و اهلها ..
و دمتم

ابو النيييييز
01-09-2006, 09:56 PM
سلام سلام يا ناس ..
.. طبعا موعودين بى لمة ظريفة بقيادة المعتصم و نزار و امير ( لاحظوا الاكبر فالاصغر فى التسلسل) .. و كمان يمكن يكون فى ضيوف تانيين يعلن عنهم/ن فى حينه .. وحنسجل ليكم اللقاء بالصوت و الصورة ..

و دمتم

الكلام ده والله ختري
والتقارير الجايه من السودان بتأكد وتتوعد

عبدالله إبنعوف
01-10-2006, 12:08 AM
يا عبدالرحمن كل عام وإنت وأسرتك الكريمة بكل خير ، والضيوف يشرفوا رفاعة ورفاعة تتشرف بيهم ويا ريت تمروا بيهم كل رفاعة بيت بيت من ديم لطفي حتى المستشفي ومن الترعة حتى فريق الجنينة ، أقول ليك في سرك نحن عارفين الخبر من مصدره

وكل عام والناس كلهم تامين لامين سالمين

yassir karar
01-10-2006, 02:42 AM
=28]أهلى العزاز
بكره مدعويين للصلاه مع جدى الخليفه على
المكان جنوب المدرسه الاميريه
الرهبه وما تبقى من الحبوبات
نفس الرايات
او صلو على بحر الصفا المصطفى
صلو عليه
الخليفه على حضور
حامد الخليفه على حضور
الامام على
او من الصلاة بيت عمنا اللورد
أستاذنا على عبد الرحمن
والسفينه داخله الديم
مرحبا بالمصطفى
الاتجاه غرب
مقام الخليفه
او حفظة القران
من خارج السودان
وأختم قولى بالصلاه معظما
أولاد خليفه عبد الرحمن الشايقى بالوراثه ودو الفطور للجامع
ناس الديم
والسفينه ماشه
الزغاريد
والصلاه على
النبئى
جدى موسى
جدى السمانى
والدابى
والمديح يعلو
أمى او قدح العيد
الجامع مفروش
الخال احمد الكبير
عبدالرحمن بيمدح
صوت محمد
او لا اله الا الله
الجذب الصوفى
سيدى الحسن جاء
محمد رسول الله
آناس الصلاه
حى على
الصلاه
حى على الفلاح
العيد محضور
او يالله
نزور
العيد محضور
الخليفه على جاى
والعيد محضور
وانا البعيد
وا شقاى
جدى جاى
والعيد محضور
وانا البعيد
وا شقاى[/color]

غــــزلان
01-10-2006, 11:44 AM
ناس النيمة ..

مشتاقيييييييييييييييين كميات وكراتين ..

وجكس النيمة وينهم طيب :wink:

سلام يا ناس النيمه...سلام

الاخت غزلان ...تحياتي،

أول شئ حمد الله على سلامتك ...وإنشاء الله تكوني ملكتي الصحة...والعافيه بقت بمب...
وكان للشوق ...نحن شوقنا ما بتكال...
وتقيل...كان شالو ما بتشال...
إلا تعالي نسألك ...سعال...
مالو الجكس عننا ...مال...
لكن في ظني...
ما قصد ...الرحال...
بس مع الراحه...في إسترسال...

أه يا أختي ...الناس ديل أصلم بيأخدوا ليهم جمه كدا...وبجوك...خليك على الخط...وأنا خلاص وقت راحتي جاء ...وما ح تشوفوني إلا السبت....

وفي الختام...مره تاني سلامات ليك...

أخوكم فيصل يوسف

اكيد اكيد الجكس ما شاف لمتكم الحلوة لسة ..

والاكيد الاكيد انهم في طريقهم لسة .. :wink:

وان شاء الله دايما ملمومين في الخير ...

سلام فيصل ..لك اعز التحايا ...

غزلان

غــــزلان
01-10-2006, 11:52 AM
ناس النيمة ..

مشتاقيييييييييييييييين كميات وكراتين ..

وجكس النيمة وينهم طيب :wink:

يا سلااااام اف حمدلله على السلامة وان شاءالله ما تشوفي شر تاني....
وكمان نحن مشتعلقين في الاجنحة زي ما بقول ساردية...
ويلا همتكم خلوا لينا النيمة عامرة بالجكس طوالي انتي وملاذ والموناليزا
ونودي...

الله يسلمكم من كل شر ...

وان شاء الله النيمة عامرة بناسها :wink:

وثاردية هنا كمان :shock: كفاية الشحتفة هناك :oops:

ابو النيييييز
01-10-2006, 09:11 PM
ناس النيمة ..

مشتاقيييييييييييييييين كميات وكراتين ..

وجكس النيمة وينهم طيب :wink:

يا سلااااام اف حمدلله على السلامة وان شاءالله ما تشوفي شر تاني....
وكمان نحن مشتعلقين في الاجنحة زي ما بقول ساردية...
ويلا همتكم خلوا لينا النيمة عامرة بالجكس طوالي انتي وملاذ والموناليزا
ونودي...

الله يسلمكم من كل شر ...

وان شاء الله النيمة عامرة بناسها :wink:

وثاردية هنا كمان :shock: كفاية الشحتفة هناك :oops:

وييييييين سارديه ده؟؟
هوووووي يا بت
من ما رفدوك بقيتي تهلوسي

صبري طه
01-11-2006, 12:59 PM
سلام سلام يا ناس ..
صبرى و فيصل سادين خدمة تمام و ما مقصرين مع ضيوف النيمة و ما تحكوها معاهم شديد !!
انا لسه ما وصلت رفاعة لانو الاولاد فى الخرطوم و عندهم امتحانات بعد العيد مباشرة .. حنضبح ليهم الخروف و بعدها مباشرة نشتت رفاعة و بعدها مدنى.. طبعا موعودين بى لمة ظريفة بقيادة المعتصم و نزار و امير ( لاحظوا الاكبر فالاصغر فى التسلسل) .. و كمان يمكن يكون فى ضيوف تانيين يعلن عنهم/ن فى حينه .. وحنسجل ليكم اللقاء بالصوت و الصورة ..
حأحكى ليكم بكرة قصة خروف العيد ..
كل عام و الجميع بخير و ربنا يحقق الامانى و يعيده بالخير و اليمن و البركات..
و تقبل الله من حجاجنا صالح الاعمال ..
و الدعاء الخالص لرفاعة و لمنتدى رفاعة .. بان يجتمع الشمل و تتوحد الكلمة و تتكاتف الجهود لخير رفاعة و اهلها ..
و دمتم

أخونا وعمنا عبدالرحمن ... كل سنة وإنت طيب ... وتحياتنا لكل الناس الحلوين ... والما حلوين ... إجازة سعيدة وطبعاً في رفاعة غير ... وبالنسبة للخدمة معليش أمس غبت نسبة لظروف العيد لكن بوعدك ما حنقصر ... وإنت عارف المشكلة إنو بعد ما الحاجات الحلوة تكتر حيكون في شطب بالكوم ... عشان كدة يا أخوي لازم تبرز وتظهر تمام وما تطول ...

صبري طه
01-11-2006, 01:02 PM
ناس النيمة كلكم ...

كل سنة وإنتو طيبين وعقبال السنة الجاية كلنا كدة ملمومين في السودان (زواجي أو زواج الأخ نزار الكرور) قولوا آمين ...

آمين يا رب ...

غــــزلان
01-12-2006, 12:03 PM
ناس النيمة ..

مشتاقيييييييييييييييين كميات وكراتين ..

وجكس النيمة وينهم طيب :wink:

يا سلااااام اف حمدلله على السلامة وان شاءالله ما تشوفي شر تاني....
وكمان نحن مشتعلقين في الاجنحة زي ما بقول ساردية...
ويلا همتكم خلوا لينا النيمة عامرة بالجكس طوالي انتي وملاذ والموناليزا
ونودي...

الله يسلمكم من كل شر ...

وان شاء الله النيمة عامرة بناسها :wink:

وثاردية هنا كمان :shock: كفاية الشحتفة هناك :oops:

وييييييين سارديه ده؟؟
هوووووي يا بت
من ما رفدوك بقيتي تهلوسي

:lol: :lol:

صح ...بس انت ما تبقى ابو النيز ظاتو :lol:

عشان هو كمان رفدني هناك وجيت احتمي هنا :cry:

yassir karar
01-13-2006, 01:40 AM
يا اخوانا هوى
جهزو التور
السماكى جاى
حجا مبرورا
وذنبا مغفورا

صبري طه
01-14-2006, 09:56 AM
يا اخوانا هوى
جهزو التور
السماكى جاى
حجا مبرورا
وذنبا مغفورا

نسأل الله لك الجنان وأن يجمعنا معك في عليين ... بعد ما جمعنا معك في هذه النيمة الأليفة ...

محمد عثمان عبدالقادر السماكي
01-14-2006, 11:00 PM
سلااااااااام الى كل النيماب الجداد والقدام ( بضم الجيم لمنع الالتباث) :lol:
نولا رفيقة حرف حبيبنا المعتصم
صبري ذاك النشط الرائع ..
فيصل يوسف الشاعر الظريف..
ابوهبة ذاك الريس الحكيم العمدة..
عبدالرحمن على جميل السرد والاسلوب
ياسر كرار من يملك ادب العلماء..
امير الامين انيق الحروف...
المعتصم محبوب الجماهير..
ودفريجون كل من يعرفه يشتاق اليه..
نزار الكرور الفيلسوف الراقي..
الصادق ضرار ذاك الغائب الحاضرفي وجداننا
الموناليزا اصالة اهلنا الطيبين..
غزلان السماحة والنبل بلا حدود...
ملاذ بتنا ام كلامن سمح بالحيل
سهام تلك الاديبة الاريبة..
نودي اختي الغالية الغائبة..
اليكم ايها النيماب جميعا الشوق اشده...
وقد كان دعائي الخاص اليكم في يوم عرفة
اللهم اعطي لكل فرد في شلة النيمة ما يتمنى ويشتهي..

yassir karar
01-14-2006, 11:04 PM
حجا مبرورا
وعودا حميدا
وشكرا جزيلا
ومحبه
قدر حضورك
والباقى جاى

محمد عثمان عبدالقادر السماكي
01-14-2006, 11:21 PM
=28]أهلى العزاز
بكره مدعويين للصلاه مع جدى الخليفه على
المكان جنوب المدرسه الاميريه
الرهبه وما تبقى من الحبوبات
نفس الرايات
او صلو على بحر الصفا المصطفى
صلو عليه
الخليفه على حضور
حامد الخليفه على حضور
الامام على
او من الصلاة بيت عمنا اللورد
أستاذنا على عبد الرحمن
والسفينه داخله الديم
مرحبا بالمصطفى
الاتجاه غرب
مقام الخليفه
او حفظة القران
من خارج السودان
وأختم قولى بالصلاه معظما
أولاد خليفه عبد الرحمن الشايقى بالوراثه ودو الفطور للجامع
ناس الديم
والسفينه ماشه
الزغاريد
والصلاه على
النبئى
جدى موسى
جدى السمانى
والدابى
والمديح يعلو
أمى او قدح العيد
الجامع مفروش
الخال احمد الكبير
عبدالرحمن بيمدح
صوت محمد
او لا اله الا الله
الجذب الصوفى
سيدى الحسن جاء
محمد رسول الله
آناس الصلاه
حى على
الصلاه
حى على الفلاح
العيد محضور
او يالله
نزور
العيد محضور
الخليفه على جاى
والعيد محضور
وانا البعيد
وا شقاى
جدى جاى
والعيد محضور
وانا البعيد
وا شقاى[/color]

ياسلااااام يا ياسر اعدتنا الى ايام جميلة وذكريات اجمل
ايام ياربي بهم وبالهم عجل بالنصر والفرج
وتولت نفسي يا سندي بدر بخلاصي من زهجي
رحم الله خلفانا الاجلاء رحمة واسعة واسكنهم فسيح جناته..
ولك اخي تحايا الشوق والود...

ابو النيييييز
01-14-2006, 11:45 PM
اب سمكات
ان شاء الله حج مقبول
و ربنا افتح عليك كمان وكمان
...ولقيت ليك كل الناس بتحبك ومشتاقه ليك

صبري طه
01-15-2006, 09:11 AM
حاج سماكي كتب:

سلااااااااام الى كل النيماب الجداد والقدام ( بضم الجيم لمنع الالتباث)
نولا رفيقة حرف حبيبنا المعتصم
صبري ذاك النشط الرائع ..
فيصل يوسف الشاعر الظريف..
ابوهبة ذاك الريس الحكيم العمدة..
عبدالرحمن على جميل السرد والاسلوب
ياسر كرار من يملك ادب العلماء..
امير الامين انيق الحروف...
المعتصم محبوب الجماهير..
ودفريجون كل من يعرفه يشتاق اليه..
نزار الكرور الفيلسوف الراقي..
الصادق ضرار ذاك الغائب الحاضرفي وجداننا
الموناليزا اصالة اهلنا الطيبين..
غزلان السماحة والنبل بلا حدود...
ملاذ بتنا ام كلامن سمح بالحيل
سهام تلك الاديبة الاريبة..
نودي اختي الغالية الغائبة..
اليكم ايها النيماب جميعا الشوق اشده...
وقد كان دعائي الخاص اليكم في يوم عرفة
اللهم اعطي لكل فرد في شلة النيمة ما يتمنى ويشتهي..

حجاً مبرورا وذنباً مغفوراً ... أخي سماكي لك كل التحايا وحمداً لله على سلامتك ...

وشايفك بعد الحج وجيتك النظيفة ما عايز توسخها لي درجة إنك قلت الجداد بضم الجيم ...

صدقني جد افتقدناك وافتقدنا نسيم النيمة العليل وجد كنت منظم ورابطنا ربطة قوية يعني زي لاعب النص الفنان ... عشان كدة تاني أكان مشيت الحج بنمشي معاك ...

فيصل يوسف حامد
01-15-2006, 10:54 AM
سلااااااااام الى كل النيماب الجداد والقدام ( بضم الجيم لمنع الالتباث) :lol:
نولا رفيقة حرف حبيبنا المعتصم
صبري ذاك النشط الرائع ..
فيصل يوسف الشاعر الظريف..
ابوهبة ذاك الريس الحكيم العمدة..
عبدالرحمن على جميل السرد والاسلوب
ياسر كرار من يملك ادب العلماء..
امير الامين انيق الحروف...
المعتصم محبوب الجماهير..
ودفريجون كل من يعرفه يشتاق اليه..
نزار الكرور الفيلسوف الراقي..
الصادق ضرار ذاك الغائب الحاضرفي وجداننا
الموناليزا اصالة اهلنا الطيبين..
غزلان السماحة والنبل بلا حدود...
ملاذ بتنا ام كلامن سمح بالحيل
سهام تلك الاديبة الاريبة..
نودي اختي الغالية الغائبة..
اليكم ايها النيماب جميعا الشوق اشده...
وقد كان دعائي الخاص اليكم في يوم عرفة
اللهم اعطي لكل فرد في شلة النيمة ما يتمنى ويشتهي..

[align=justify:21e5f49542]الحاج سماكي...تحياتي،

ياخي حمد لله ألف على السلامه ...وحجاً مبروراً وذنباً مغفوراً وسعياً مشكرواً ...بإذن الله
متمنياً لك من الله القبول...وحجة لا رياء فيها ولا سمعه...وعقبال كل النيماب...
والله إفتقدناك ولك وحشه ...وإنت عارف صبري دا باصاتو كلها بقت مقطوعه...قلنا ليهو يا زول مالك ما كنت كويس...قال لاعب النص الاساسي مافي...أه البطلع ليكم الكوره دي من النص منو.....
مره أخرى لك خالص الود...ولي عودة بعد الملم الوريقات القدامي ومشي الناس المحمرين لي ديل

أخوك فيصل يوسف[/align:21e5f49542]

صبري طه
01-15-2006, 11:09 AM
أخونا فيصل كتب:

الحاج سماكي...تحياتي،

ياخي حمد الله ألف على السلامه ...وحجاً مبروراً وذنباً مغفوراً وسعياً مشكرواً ...بإذن الله
متمنياً لك من الله القبول...وحجة لا رياء فيها ولا سمعه...وعقبال كل النيماب...
والله إفتقدناك ولك وحشه ...وإنت عارف صبري دا باصات كلها مقطوعه...قلنا يا زول مالك ما كنت كويس...قال لاعب النص الاساسي مافي...أه البطلع ليكم الكوره دي من النص منو.....
مره أخرى لك خالص الود...ولي عودة بعد الملم الوريقات القدامي ومشي الناس المحمرين لي ديل

أخوك فيصل يوسف

وإنتو برضو ليكم وحشة كمياااااات ...

ويا عزيزي كلكم مهرة ولعابين وباصاتكم غير مرئية ... لكن ناس برشلونة إتعودوا علي رونالدينيو !!!!

محمد عثمان عبدالقادر السماكي
01-15-2006, 03:02 PM
الظريف نزار والله ليك وحشة والله الواحد دائما لمن الاقيك قدامو
بابتسم غصبا عنو ...وذلك لحلاوة الروح التي تتمتع بها..


الرائع صبري عارف النيمة دي والله كلنا اسيادها وبينا كلنا بتحلى
القعدة فيها فكلنا بنؤدي نفس الدور وباصاتنا كلنا في الصميم...
فلك كل تحايا التقدير ..

الحبيب فيصل لك كل الشوق والود..وطبعا ما قصرت مع صبري
كنت معاهو تمام التمام وما خليتوا اسوي انفرادتو الخطيرة ديك... :lol:
وطبعا هو من ما بقى نيمابي بقى حريف وخلى الشتارة اللي كانت
احيانا عندو ديك...

لكم جميعا احبتي الشكر الجزيل على المرور والتهنية وربنا يتقبل
منكم ومنا صالح الاعمال ....
كذلك التهنئية موصولة الى الحاج ابوبكر حسن خليفة الذى كان معنا
في الحج ولكننا لم نلتقي بل كان تواصلنا الدائم بالتلفون ..تقبل الله
يا محترق القصيم منكم ومنا صالح الاعمال..

اسامه محمد عبد الباسط
01-15-2006, 03:28 PM
الاخ العزيز

حاج سماكي البطانه

حجا مبرورا

وذنبا مغفورا

وعودا حميدا

والله شوقتنا الي ديمنا واهله الطيبين

والي الصلاه في تلك الفسحه مع والدنا المرحوم الخليفه علي عليه رحمة الله

وبعد الصلاة يصافح بعضنا البعض والله منظر لا يعوض ربنا يجمع الشمل 0

صبري طه
01-16-2006, 07:29 AM
كذلك التهنئية موصولة الى الحاج ابوبكر حسن خليفة الذى كان معنا في الحج ولكننا لم نلتقي بل كان تواصلنا الدائم بالتلفون ..تقبل الله
يا محترق القصيم منكم ومنا صالح الاعمال..



أخونا أبوبكر حسن خليفة .... حجاً مبروراً ... وذنباً مغفوراً ...

وكل سنة وإنت طيب ...

وأنا قلت يا الله الزول دة فات وين ...

Ameer Al Ameen
01-16-2006, 08:42 AM
حجا مقبولا و عودا حميدا لحجاج بيت الله من اهل المنتدى

السماكى و الاخ ابوبكر

طبعا العيد فى رفاعة غير

صلاة العيد طعمها ... غير

مقالدة الناس . بعد انتهاء الصلاة.... الصغير و الكبير . القريب و البعيد .. البتعرفو ..

و الما ..بعرفك........ الدوخول على الناس فى البيوت..

بييت .. وراء.. بييت

اصحابك.. جبرانك.. أهلك...

نسوان .. و رجال..

اللفى .. الحوش.. فى الغرف.. فى التكل..

اللى بى ثوبها.. بى طرحتها...الماشة موضة...

الود الصادق يعلو فوق كل الوجوه

الابتسامات... يمين و شمال

الدعوات الصالحات من القلب

الجود....... بالموجود...

عيد بلا عقد.. بلا اصطناع .. بلا أقنعة

حلاوته فى بساطته.. فى طيبة اهلنا


و كل عام و كل الناس بخير

ملاذ حسين خوجلي
01-16-2006, 08:59 AM
كل عام وانتم بالف خير

تحياتي لسماكينا ومحترق القصيم

حجا مبرورا ، وسعيا مشكورا ـ وذنبا مغفورا ـ وعودا حميدا ....

وان شاء الله دعيتوا لينا معاكم ...

خلاص تب مافى عوجة الخروف علينا نضبح ليكم ... وشوالات سكر كنانة كمان علينا ... اصلوا ناس رفاعة ديل احبوا اي شى طاااااااااااااعم

ويا الناس الجايين من الحج ما تنسوا الاكليم ان شاء الله بس بتعرفوهو ما تكون الغربة نستكم ثقافة القرى

يله ابقوا عشرة ...

صبري طه
01-16-2006, 10:38 AM
خلاص تب مافى عوجة الخروف علينا نضبح ليكم ... وشوالات سكر كنانة كمان علينا ... اصلوا ناس رفاعة ديل احبوا اي شى طاااااااااااااعم



الجكس الطاااااعم ...



ويا الناس الجايين من الحج ما تنسوا الاكليم ان شاء الله بس بتعرفوهو ما تكون الغربة نستكم ثقافة القرى


اطرشني ...

غايتو بطني كركبت إكون سفسفة وكدة ...

صبري طه
01-16-2006, 10:41 AM
طبعا العيد فى رفاعة غير

صلاة العيد طعمها ... غير

مقالدة الناس . بعد انتهاء الصلاة.... الصغير و الكبير . القريب و البعيد .. البتعرفو ..

و الما ..بعرفك........ الدوخول على الناس فى البيوت..

بييت .. وراء.. بييت

اصحابك.. جبرانك.. أهلك...

نسوان .. و رجال..

اللفى .. الحوش.. فى الغرف.. فى التكل..

اللى بى ثوبها.. بى طرحتها...الماشة موضة...

الود الصادق يعلو فوق كل الوجوه

الابتسامات... يمين و شمال

الدعوات الصالحات من القلب

الجود....... بالموجود...

عيد بلا عقد.. بلا اصطناع .. بلا أقنعة

حلاوته فى بساطته.. فى طيبة اهلنا


و كل عام و كل الناس بخير



إنت عارف يا أمير حكاويك دي زي التقول ما مرت قبل كدة علينا شايفنها طشاش طشاش ... معليش دي الغربة طيرت أفكارنا ... وأنا حاسدك عديييييل كدة

محمد عثمان عبدالقادر السماكي
01-17-2006, 10:25 PM
العزيز اسامة محمد عبدالباسط كل سنة وانت طيب وشكر ليك
على التهنئية ..وطبعا ياسر نقلنا نقلة رائعة الى العيد في الديم
في حضرة جده العالم الخليفة علي ...فالف رحمة على الخلفاء..

الانيق امير اللمين يا بختك بالعيد في رفاعة ..وبي البساطة والحنية
والتواصل والود والالفة و حنية اهلنا الحلوة دييييييك...

بتنا ام كلامن سمح ملاذ كل سنة وانتي بالف خير ...والله دعينا لكل
النيماب بالسعادة والهناء...والاكاليم ديل اظن بجيبوهم من ايران..
ولا مش كدا ماهو اكل زي ما فاكر صبري طه... :lol:
والضبيحة ما بتقصري ماانتي ست الذوق والكرم فلكي كل الود والتقدير..

ملاذ حسين خوجلي
01-18-2006, 07:26 AM
صباح الخيرات سماكينا

الف شكر سيدي بمناسبة الاكليم وللناس الما بعرف الاكليم هو عبارة عن نوع من السجاد مزخرف وعادة ما يكون لونه على كبدي فاهلنا فى القرى لمن الزول اجى من الحج بضبحوا ويزين الصالة الكبيرة للزوار ولازم يتفرش الاكليم

فقالوا فى راجل من اهل القرية مسافر الحج والناس بتودع فيهو وخلاص ماشى قام ولدو وش وش ليه براحة كدة قالوا يا ابوي ما تنسى الاكليم .. قام الراجل قال ليهو نان يا ولدى هو انا غير الاكليم موديني شنو ؟!

وتحياتنا لكل الحجاج وانت يا سماكينا كان ما جبت الاكليم على قول الراجل فايدة الحج شنو ههههههههههههههه ؟

تحياتي

صبري طه
01-18-2006, 08:14 AM
بمناسبة الاكليم وللناس الما بعرف الاكليم هو عبارة عن نوع من السجاد مزخرف وعادة ما يكون لونه على كبدي فاهلنا فى القرى لمن الزول اجى من الحج بضبحوا ويزين الصالة الكبيرة للزوار ولازم يتفرش الاكليم





والله زي الشفتو قبل كدة لكن وين ما عارف ...

مشكورة على الشرح والتوضيح ...

والمشكلة أنا حجيت وما جبتو معاي ...

فالحجة دي ماشة ولا أعيدها ؟؟؟

محمد عثمان عبدالقادر السماكي
01-18-2006, 06:45 PM
اليلة ياجماعة وينوا صبري طه دا...؟؟؟ ما شايفنوا في الربات
المدورة دي ..!!!!! والزول دا ما من عوايدو...ان شاءالله خير...

فيصل يوسف حامد
01-18-2006, 07:14 PM
اليلة ياجماعة وينوا صبري طه دا...؟؟؟ ما شايفنوا في الربات
المدورة دي ..!!!!! والزول دا ما من عوايدو...ان شاءالله خير...

يا سماكي يا أخوي...الزول دا أظنوا خنقو عضم...
والمره دي...أظنو العضم كبييييير...إنت ما شايف صورتو بعد كانت كبيرة بقت صغيرة كيييييف...
لكن صحي الزول دا ...مشى ويييييييين!!!!!!!؟؟؟؟
وفي ناس تاني كتار غايبين وينم....

فيصل....

محمد عثمان عبدالقادر السماكي
01-18-2006, 07:23 PM
اليلة ياجماعة وينوا صبري طه دا...؟؟؟ ما شايفنوا في الربات
المدورة دي ..!!!!! والزول دا ما من عوايدو...ان شاءالله خير...

يا سماكي يا أخوي...الزول دا أظنوا خنقو عضم...
والمره دي...أظنو العضم كبييييير...إنت ما شايف صورتو بعد كانت كبيرة بقت صغيرة كيييييف...
لكن صحي الزول دا ...مشى ويييييييين!!!!!!!؟؟؟؟
وفي ناس تاني كتار غايبين وينم....

فيصل....

عارف يا فيصل اخوي العطم دا الا ننزلو ليهو بي حتة من سمكتي دي... :lol:

فيصل يوسف حامد
01-18-2006, 07:50 PM
عارف يا فيصل اخوي العطم دا الا ننزلو ليهو بي حتة من سمكتي دي... :lol:[/quote]

[align=justify:acdb822f42]غايتو يا سماكي أنا ما عارف...الزول دا من أيام الحج والعيد ديك...ما قصر...تلقاه في التعارف بهناك وكمان الديني والأكاديمي و...و...و الاجتماعيات دي ما خلى ليك مناسبة ما مشى ليها ..العرس...الولد...المات...السافر...الجاء عمرة ...والمشى الحج...المهم سفسف ليك لحم المناسبات ديل كلها...وقلنا يا أخوي كان مشيت علي الجيران ...ما تنسى شيل معاك ملينات نباتية...وموية عشان ما تخنق...وكمان شيل تلج...كان سخنت...خت ليك تلجه تلجتين تخفف بيهن السخانه دي...وفهمناه أديها ميه...تديك طراوة...الزول دا كلامنا ضرب بيه عرض الحائط...وخت التلج والمويه قبلم ومشى...أه أنا شايفو عارض ليه العضم دا...
المهم المرة الجاية خلينا نمسك هنا سااااااكت...وكان خنق ...بنديه أم دلدوم...واحد مني وواحد منك...العضم بنزل والخنقة بتفك...

فيصل...[/align:acdb822f42]

ملاذ حسين خوجلي
01-19-2006, 03:04 PM
سلامات سماكينا

عليك الله ما تعلم لينا الخواجية دى الدوبيت والله اكون عندها نطق غريييييييييييب

مثلا قول ليها :

ساساق ساقي لي مكتب جناب العام

خلا العين تساقد وتبكي طول العام

واقف ماشي نائم صاح قاعد هام

من الفوقو مجرورة السماحة أقسام

تحياتنا ليها ياخي ...

فيصل يوسف حامد
01-19-2006, 05:46 PM
سلامات سماكينا

عليك الله ما تعلم لينا الخواجية دى الدوبيت والله اكون عندها نطق غريييييييييييب

مثلا قول ليها :

ساساق ساقي لي مكتب جناب العام

خلا العين تساقد وتبكي طول العام

واقف ماشي نائم صاح قاعد هام

من الفوقو مجرورة السماحة أقسام

تحياتنا ليها ياخي ...

يا أختي ملاذ...أول حاجة لم تدخلي علي النيمه دي قولي سلام يا ناس النيمه سلام...عشان سماكي دا لو مافي ..إنط ليك أي واحد (باك)...زي نطتي دي...ويدخل لفت...
وبعدين إنت بدردقي في سماكي دا ...عشان إعلم مرتو الدوبيت...معناها إعلمها عربي...
إعلمها عربي...بالله شوف...تلقيها عند الغافل...طيب ح إقعد وإكلمكن إنتن تاني كيف...
هسع لاقي راحتوا...إشيل وإكتب...وكان سألتو بقول ليها دا الشغل...دا الشغل...

تخريمه: يا ناس النيمه دي مال فضت كدا...الشتاء دا حت صفقها وبقى مافيها ضل ول شنوو.

ليكم خالص التحية...
فيصل...

محمد عثمان عبدالقادر السماكي
01-21-2006, 07:59 AM
سلامات سماكينا

عليك الله ما تعلم لينا الخواجية دى الدوبيت والله اكون عندها نطق غريييييييييييب

مثلا قول ليها :

ساساق ساقي لي مكتب جناب العام

خلا العين تساقد وتبكي طول العام

واقف ماشي نائم صاح قاعد هام

من الفوقو مجرورة السماحة أقسام

تحياتنا ليها ياخي ...

عارفا يا ملاذ الدوبيت دا ممكن اكون في الخطة العشرية القادمة....
لانو لينا كم سنة ويا دوب في كيفنكم وارقدوا عافية وسمح بالحيل... :lol:
وشايفا شيطنة فيصل كيف بقول ليك خليها داقسة في العربي احسن
عشان الواحد يا خد راحتو في النيمة دي... :lol:
لكن خليك من كلام فيصل دا غايتو بنجيبا ليك تعليميها الدوبيت ...

يا جماعة والله صبري دا ما براهو ...؟؟؟ وين الراجل دا ....؟ يا فيصل
ما تفقد صاحبك دا وين مشى...!!!!!

ملاذ حسين خوجلي
01-21-2006, 08:41 AM
صباح الخير يا فيصل يا بتاع الباكات انت وسماكينا

يا سماكينا ما تسمع كلام فيصلو دة علمها العربي واحنا نشوت ليها باكات ونصاحبها ليك ونعلمها الدوبيت وحركات الجكس السوداني

عليك الله يا فيصل لو ما هي شفته ذااااااااااته كان سماكينا يهاتي بيها فى شجرة النيمة وهو بعيد عنها

ياخي عليك الله ما تتكلم فى السياسة يا فيصل دة شغل مؤسسسسسسسس يا حسسسسس

انت بس اطلع منها

خالد عثمان
01-21-2006, 09:13 AM
الليلة النيمة كابية فروعا ومفرهدة نايــــــــــــــــرة

سماكينا حجا ولبى وجانا راكب الطايـــــــــــــــــــرة

وست الحسن زارت ملاذ عقولنا الحائــــــــــــــــــرة

دايمة الفرحة واللمة ما تغشاكم أبداً غايـــــــــــــرة




وتحيـــــــــــــــــة لي الباقين

فيصل يوسف حامد
01-21-2006, 07:50 PM
صباح الخير يا فيصل يا بتاع الباكات انت وسماكينا

يا سماكينا ما تسمع كلام فيصلو دة علمها العربي واحنا نشوت ليها باكات ونصاحبها ليك ونعلمها الدوبيت وحركات الجكس السوداني

عليك الله يا فيصل لو ما هي شفته ذااااااااااته كان سماكينا يهاتي بيها فى شجرة النيمة وهو بعيد عنها

ياخي عليك الله ما تتكلم فى السياسة يا فيصل دة شغل مؤسسسسسسسس يا حسسسسس

انت بس اطلع منها

[align=justify:b0254dfc51]مساء الخيرات ملاذ...

هوووووي إنت مالك عايز تودري الزول دا...
عرفناهو الدوبيت...حركات الجكس لزومها إيه...زيادة تفتيحه ول شنو...
طيب زولنا دا ما وقفتي قلبو عديل كده...ولا بجيبه ليك ولا حاجه...
بعدين دي ما بتقراء أوراقو كلها...وسين وجيم...وسين تاني...
دا شنو..ودي مني...الكلام دا الكتبو ليك منو...
لكن بيني وبينك...بتكون شفته...ول كيف فهمتو هو ذااااااااااااتو...
وهسع إنت عايزاني أطلع منها...معناها إلا أخلي الباك...وبقى رجل خط سااااكت...
ودي ماااااااا أظن أعملها...

فيصل...[/align:b0254dfc51]

فيصل يوسف حامد
01-21-2006, 08:06 PM
يا جماعة والله صبري دا ما براهو ...؟؟؟ وين الراجل دا ....؟ يا فيصل
ما تفقد صاحبك دا وين مشى...!!!!![/size]

[align=justify:ae67512eeb]سماكي...تحياتي،

والله فعلاً الزول دا شكلو كدا ما براهو...لاني شايفو مره مره بجي ماري ببعيد كدا...
لكن خليني أفضى شويه...إنشاء الله بشوفو ليك...
والناس الباقين...مالم الفي السودان والتانين...
في ناس طولت عديل كده...
الاخوان ود فريجون...ومعتصم سليمان...وعبد الرحمن حسن...ود الامين...ونودي...وغزلان...والموناليزا...ونولا...وب قية العقد...إنشاء الله الداعي خير شفقتونا...


فيصل...[/align:ae67512eeb]

محمد عثمان عبدالقادر السماكي
01-22-2006, 07:08 AM
ناس النيمة سلااااااام ...صحي يا فيصل وين الناس ديل مشوا ..؟
امير وداللمين اين انت يالطال غيابك ..؟
نيماب السودان الف حمدا لله على سلامة الامبراطور الصادق
ضرار بعد العملية التي اجراءها ...
ود فريجون من ما مشى السودان لبد الحاصل شنو ..؟
المعتصم ذاك الانيق حروفا ومعاني ...
نولا الرقيقة اين مداخلاتك الرائعة...
وعبدالرحمن من يوم الوصول وبعد داك مافي خبر....!!!
اين الاديب ربيب العلماء ياسر كرار..؟
ثم اين الموناليزا واين غزلان...؟

صبري طه
01-22-2006, 10:29 AM
سماكينا كتب:
اليلة ياجماعة وينوا صبري طه دا...؟؟؟ ما شايفنوا في الربات
المدورة دي ..!!!!! والزول دا ما من عوايدو...ان شاءالله خير...





يا عزيزي الشبكة جاطت عندي والحمد لله المشكلة إتحلت وجاييكم يا آخر الموانئ ...

صبري طه
01-22-2006, 10:32 AM
أخونا فيصل كتب:
يا سماكي يا أخوي...الزول دا أظنوا خنقو عضم...
والمره دي...أظنو العضم كبييييير...إنت ما شايف صورتو بعد كانت كبيرة بقت صغيرة كيييييف...
لكن صحي الزول دا ...مشى ويييييييين!!!!!!!؟؟؟؟
وفي ناس تاني كتار غايبين وينم....





يا عزيزي صورتي الكبيرة ديك عملت للناس ضيق عشان كدة شلتها والخوف بي شناتي دي أكون أوسم من ناس النضمي الكتير ديييك الله إورينا ليهن ....

محمد عثمان عبدالقادر السماكي
01-22-2006, 10:37 AM
صباح الخير يا فيصل يا بتاع الباكات انت وسماكينا

يا سماكينا ما تسمع كلام فيصلو دة علمها العربي واحنا نشوت ليها باكات ونصاحبها ليك ونعلمها الدوبيت وحركات الجكس السوداني

عليك الله يا فيصل لو ما هي شفته ذااااااااااته كان سماكينا يهاتي بيها فى شجرة النيمة وهو بعيد عنها

ياخي عليك الله ما تتكلم فى السياسة يا فيصل دة شغل مؤسسسسسسسس يا حسسسسس

انت بس اطلع منها

خلاص يا ملاذ حانجيبها ليك وانتي علميها بي راحتك...
ومن ناحية الشفتنة هي شفتة والله لففتني شرق الله البارد
دا كلو من تمبول لحد الفاو نفتش في الجمال والبقر...!!!!
والعجب كمان الكدايس عارفا لمن تجي في الاجازة كدايسنا
وكدايس جيرانا بكونو عاملين احتفالات... :lol:

محمد عثمان عبدالقادر السماكي
01-22-2006, 10:42 AM
الليلة النيمة كابية فروعا ومفرهدة نايــــــــــــــــرة

سماكينا حجا ولبى وجانا راكب الطايـــــــــــــــــــرة

وست الحسن زارت ملاذ عقولنا الحائــــــــــــــــــرة

دايمة الفرحة واللمة ما تغشاكم أبداً غايـــــــــــــرة




وتحيـــــــــــــــــة لي الباقين

الحبيب خالد عثمان النيمة عامرة دائما بي ناسنا الحلوين
ديل وبرضو بوجودك الجميل معانا ..ويا خي خليك دائما معانا
ويا سلاااام على الابيات الجميلة..

Ameer Al Ameen
01-22-2006, 02:42 PM
ناس النيمة سلااااااام ...صحي يا فيصل وين الناس ديل مشوا ..؟
امير وداللمين اين انت يالطال غيابك ..؟
نيماب السودان الف حمدا لله على سلامة الامبراطور الصادق
ضرار بعد العملية التي اجراءها ...
ود فريجون من ما مشى السودان لبد الحاصل شنو ..؟
المعتصم ذاك الانيق حروفا ومعاني ...
نولا الرقيقة اين مداخلاتك الرائعة...
وعبدالرحمن من يوم الوصول وبعد داك مافي خبر....!!!
اين الاديب ربيب العلماء ياسر كرار..؟
ثم اين الموناليزا واين غزلان...؟

تسجيل حضور

نحن هنا

تمام يا افندم

صبري طه
01-23-2006, 10:28 AM
أميرنا كتب:
تسجيل حضور

نحن هنا

تمام يا افندم




أهلاً يا أمير ... وين الناس ورينا أخبارك لسة في السودان ولا جيت ... وتحياتنا لبقية الأخوان وقول ليهم ما تطولوا الغيبة النيمة في انتظاركم بالجديد ...
...

أب أحمد
01-25-2006, 08:33 AM
بسم الله الرحمن الرحيم
الناس القاعدين هسي تحت الشجرة
الناس الجايين يقعدوا تحت الشجرة
الناس الكانوا قاعدين تحت الشجرة
يا ناس الحلة هوووووووووووووووووووي
السلام عليكم ورحمة الله وبركاته
دايركم وداير القعدة والونسة معاكم
إلا لكن عندي مشوار صغير أحسن أمشي أقضيه وأجيكم راجع عشان نقعد بالمهلة
موافقين يالطيبين
أها بمشي وبجيكم إن شاء الله

ملاذ حسين خوجلي
01-26-2006, 09:42 AM
سلامات

الصيف جاء يا سماكينا ... والشمس حسي بتولع نيمتكم دي الا تعملوها بالحجز بعد شوية

انا بجيب منقد وكفتيرتي كان شاي كان قهوة تب ماعندكم عوجة يا ابوي

لكن اوع من ناس الدين البجوا اخر الشهر ادفعوا والله انا موبايلي مسروق وديوني لبتاع المناقيد من الشهر الفات عشان كدة اتصلحوا معانا يا ناس رفاعة

ويا العزابة دعوة مجانية للخلط تحت النيمة وكمان المقتول فى بنات رفاعة تب ما عندكم عوجة انا ببقى واسطة نعمل تراخيص للركن النسائي وعقد طوالي

بس جيبو التمر ونعين سماكينا المازون ذااااااااتو بعد الحجة دى ....... اها عليكم الله ما مفاجأت صيفية

نسميها النيمة صيف 2006 ....

Nola
01-26-2006, 11:07 AM
ناس النيمة سلااااااام ...صحي يا فيصل وين الناس ديل مشوا ..؟
امير وداللمين اين انت يالطال غيابك ..؟
نيماب السودان الف حمدا لله على سلامة الامبراطور الصادق
ضرار بعد العملية التي اجراءها ...
ود فريجون من ما مشى السودان لبد الحاصل شنو ..؟
المعتصم ذاك الانيق حروفا ومعاني ...
نولا الرقيقة اين مداخلاتك الرائعة...
وعبدالرحمن من يوم الوصول وبعد داك مافي خبر....!!!
اين الاديب ربيب العلماء ياسر كرار..؟
ثم اين الموناليزا واين غزلان...؟

الـــــــــــســــــــــــــــــــــلام عــــلــــــيــــــكم

سلام ناس النيمة سلالالالالالالالالالالالالالالالالالالالام

ازززززيكم ومشششششششششتاقين كميييييات يا ناس يا حلوين

السماكي حجتك مبروك يا اخوي وان شاء الله تسبعه

البت لوزه دا ماله ومال الخواجية ...

والله يا لوزه الخواجات ديل كان اتعلموا العربي ... ببقوا صعبين خلاص ... اساليني منهم انا

انا معاي واحد كرهني البلي عددددديل بعرف عربي وفي العربي الدارجيه السودانيه ...

نكون طالعين اجتماع في وزارة الطاقة ودي قريبه طبعا للمكتب ... اقول ليهو مستر جست

نتلاقا في العربية ... يردي لي انتي امشي بالعربية انا مدام في مركوب فاشري مشكلة

مافي نتلاقي في وزارة الطاقة :shock: :shock: .. عليك الله يا لوزه لاقاك جنس دا :?: :?:


فيصل يا اخوي انت لسه ما خليت شغل الباكات دا :lol: :lol: :lol:

محمد عثمان عبدالقادر السماكي
01-26-2006, 02:04 PM
بسم الله الرحمن الرحيم
الناس القاعدين هسي تحت الشجرة
الناس الجايين يقعدوا تحت الشجرة
الناس الكانوا قاعدين تحت الشجرة
يا ناس الحلة هوووووووووووووووووووي
السلام عليكم ورحمة الله وبركاته
دايركم وداير القعدة والونسة معاكم
إلا لكن عندي مشوار صغير أحسن أمشي أقضيه وأجيكم راجع عشان نقعد بالمهلة
موافقين يالطيبين
أها بمشي وبجيكم إن شاء الله

العزيز اب احمد مرحب بيك في الهمبريب البارد دا
وزي ما قالت ملاذ الصيف جاء والناس بيجوا بعد دا
للضل ....فخلاص امشي مشوارك ..وليك على
احجز ليك مكانك دا وما في جنس زول بقعد فيهو...

محمد عثمان عبدالقادر السماكي
01-26-2006, 02:24 PM
سلامات

الصيف جاء يا سماكينا ... والشمس حسي بتولع نيمتكم دي الا تعملوها بالحجز بعد شوية

انا بجيب منقد وكفتيرتي كان شاي كان قهوة تب ماعندكم عوجة يا ابوي

لكن اوع من ناس الدين البجوا اخر الشهر ادفعوا والله انا موبايلي مسروق وديوني لبتاع المناقيد من الشهر الفات عشان كدة اتصلحوا معانا يا ناس رفاعة

ويا العزابة دعوة مجانية للخلط تحت النيمة وكمان المقتول فى بنات رفاعة تب ما عندكم عوجة انا ببقى واسطة نعمل تراخيص للركن النسائي وعقد طوالي

بس جيبو التمر ونعين سماكينا المازون ذااااااااتو بعد الحجة دى ....... اها عليكم الله ما مفاجأت صيفية

نسميها النيمة صيف 2006 ....

بتنا ام كلامن سمح ...هسع نحنا قاعدين في النيمة الكبيرة
والحطابة دي فيها اربعة خمسة نيمات ..غايتو لو كترو الناس
بنوسع في الجنبها ...اها ادينا كباية شاي ونوريك ناس الدين
ديل منو...انا غايتو بستنتج ساي ...اخوي صبري طه شكلو
كان دينتيهو وكترت المديونية بكب الزوغة غايتو.... :lol: :lol:
لكن ياسر كرار بدفع طوالي ...لكن فيصل يوسف باين عليهو
شفت فعشان كدا ما تدينيهو... :lol: لكن امير اللمين دا ما بتاع
زوغانات فعشان كدا تدينيهو وما تخافي بسدد طوالي...
ابوهبة وعبدالرحمن ديل دينيهم وما تخافي لكن ودفريجون
والصادق الاخدر لا لا عشان من سافروا قاطعونا وما ادونا طلة :lol:
المعتصم وخالد واب احمد ديل طوالي ...وكمان الموناليزا ونولا
ديل بسددوا ليك وما عندك مشكلة ولكن اوعك تديني غزلان الادريسي
دي زي صبري بتكب الزوغة طوالي عشان كدا اعمل حسابك... :lol:
لكن سهام اديها طوالي ولو ما دفعت اخلصي منها شعر وقصائد ساي... :lol:

محمد عثمان عبدالقادر السماكي
01-26-2006, 02:47 PM
ويا العزابة دعوة مجانية للخلط تحت النيمة وكمان المقتول فى بنات رفاعة تب ما عندكم عوجة انا ببقى واسطة نعمل تراخيص للركن النسائي وعقد طوالي

بس جيبو التمر ونعين سماكينا المازون ذااااااااتو بعد الحجة دى ....... اها عليكم الله ما مفاجأت صيفية

نسميها النيمة صيف 2006 ....


مرحب بي صيف 2006 في النيمة....غايتو انا جاهز وببقى شيخنا حسن
مصطفى عديل كدا... :lol:

فيصل يوسف حامد
01-26-2006, 08:12 PM
الـــــــــــســــــــــــــــــــــلام عــــلــــــيــــــكم

سلام ناس النيمة سلالالالالالالالالالالالالالالالالالالالام

ازززززيكم ومشششششششششتاقين كميييييات يا ناس يا حلوين


فيصل يا اخوي انت لسه ما خليت شغل الباكات دا :lol: :lol: :lol:

[align=justify:c8bf170451]سلام ناس النيمة سلام...

هوووووووي يا...إسمك منو إنت...أمش عامله إسمك الكله غلات دا ...وزي الدقشنري كمان إنجليزي وعربي...(نو) ما ياها( لا) ذاتها يعني عملتي شنو...أه كمان لو عايزها بالحروف الانجلزيه برضو نفس الحكايه...(NO) ما برضو هي (LA) ذاتها بالله عليك إنت بتغشي فينا ول شنو...من إسمك غالاته سااااكت...
أه...هسع كان خليت شغل البااااكات دا...المبارة ما ..ما بتبقى حلوه ولا حاجه...والمشجعين بزهجوا وبفوتوا وما بحضروا ليكم أي لعبه...وبتغيب روح المنافسه...والمغلوب بقول ماااا لقيتونا ناقصين باكات...وكان خليت شغل الباكات دا ...أه...ألعب ليكم شنو؟

في الختام...الاخت نولا نحن برضو مشتاقين ليكم...يا...أه نقول ليكم يا شنو...المنقه كملتوها والعسل كمان والسكر قالها ليكم المرحوم سيد خليفه زماااااااان...سكرنا كملتو...كملتو سكرنا.. والحلاوة عدمت الحبه...إلا نقول ليكم يا بطيخ.... :D :D :D :D :D :D

الباك فيصل...[/align:c8bf170451]

فيصل يوسف حامد
01-26-2006, 09:10 PM
نسميها النيمة صيف 2006 ....

لكن فيصل يوسف باين عليهو شفت فعشان كدا ما تدينيهو... اوعك تديني غزلان الادريسي
دي زي صبري بتكب الزوغة طوالي عشان كدا اعمل حسابك... :lol:
لكن سهام اديها طوالي ولو ما دفعت اخلصي منها شعر وقصائد ساي... :lol: [/size]

[align=justify:413cd7f8ba]سلام ناس النيمه سلام....

هووووووووووووي يا سماكي هوووي...البتسوي فيهو دا شنو...جابت ليها كما قطع أرزاق...بالله شوف هسع ملاذ دي تاني أقوليها أدينا شاي كيف...آآآآ ول عشان عملتك مأزون...عايز تدخلنا الزون :D :D ...إنت ما عارفني أنا اصلو ما بحرق...كدي النجربها ليك هسع شوفها ما تدينا كما براد كامل..
أختي ملاذ... معاي ضيوف ومحفظتي نسيتها في البيت إدينا شاي سادة بهبهان وغرفه... والحساب سجليه لبكره....وشايف أختنا غزلان دي جيبها فاضي أديها وسجلي الحساب علي برض...
أه ...يا سماكي ماشفتها جابتو ببرادو...والكبايات كمان جديده مالك ما شايف...

مع خالص التقدير ،،،

فيصل...[/align:413cd7f8ba]

الدالى
01-27-2006, 03:06 PM
حلم xحلم :lol: :lol: :lol: :lol: :lol:

Ameer Al Ameen
01-28-2006, 08:36 AM
سلامات

الصيف جاء يا سماكينا ... والشمس حسي بتولع نيمتكم دي الا تعملوها بالحجز بعد شوية

انا بجيب منقد وكفتيرتي كان شاي كان قهوة تب ماعندكم عوجة يا ابوي

لكن اوع من ناس الدين البجوا اخر الشهر ادفعوا والله انا موبايلي مسروق وديوني لبتاع المناقيد من الشهر الفات عشان كدة اتصلحوا معانا يا ناس رفاعة

ويا العزابة دعوة مجانية للخلط تحت النيمة وكمان المقتول فى بنات رفاعة تب ما عندكم عوجة انا ببقى واسطة نعمل تراخيص للركن النسائي وعقد طوالي

بس جيبو التمر ونعين سماكينا المازون ذااااااااتو بعد الحجة دى ....... اها عليكم الله ما مفاجأت صيفية

نسميها النيمة صيف 2006 ....

بتنا ام كلامن سمح ...هسع نحنا قاعدين في النيمة الكبيرة
والحطابة دي فيها اربعة خمسة نيمات ..غايتو لو كترو الناس
بنوسع في الجنبها ...اها ادينا كباية شاي ونوريك ناس الدين
ديل منو...انا غايتو بستنتج ساي ...اخوي صبري طه شكلو
كان دينتيهو وكترت المديونية بكب الزوغة غايتو.... :lol: :lol:
لكن ياسر كرار بدفع طوالي ...لكن فيصل يوسف باين عليهو
شفت فعشان كدا ما تدينيهو... :lol: لكن امير اللمين دا ما بتاع
زوغانات فعشان كدا تدينيهو وما تخافي بسدد طوالي...
ابوهبة وعبدالرحمن ديل دينيهم وما تخافي لكن ودفريجون
والصادق الاخدر لا لا عشان من سافروا قاطعونا وما ادونا طلة :lol:
المعتصم وخالد واب احمد ديل طوالي ...وكمان الموناليزا ونولا
ديل بسددوا ليك وما عندك مشكلة ولكن اوعك تديني غزلان الادريسي
دي زي صبري بتكب الزوغة طوالي عشان كدا اعمل حسابك... :lol:
لكن سهام اديها طوالي ولو ما دفعت اخلصي منها شعر وقصائد ساي... :lol:

سلام يا النيماب

شوق كتير بالحيل

مشتاقين للمة.. و النمة

الزول قدر ما يمشى بعيد... غير النيمة ما بيعرف يرتاح

أهلا باب أحمد...شوقا مطر !

الحاج محمد...متشعلقين

بت الحسين ..سلامات كتير

فيصل..وينك يا راجل...( باكاتك دى ح توديك فى داهية مش زون)

صبرى ..تحياتى (موجود فى جدة)

عبد الرحمن الرجل السمح ساكت لى الله سيدو ( مشتاقون عديل)

الصادق سلامات و ما تشوف شر

الوريف و نزار غيابكم طال (قاسى قلبكم على النمية ليه؟)

نولا...من وين ابتديك ؟

ياسر.. خالد.. ( تعالو قبل انكسار الحنين)

غزلان..الموناليزا..سهام...نونة...

وجودكم بيننا...حبيب الى النفس...مهدى للخواطر

الدالى... مالك علينا....:twisted: :twisted: :twisted: :twisted:

صبري طه
01-28-2006, 08:39 AM
أب أحمد كتب:



بسم الله الرحمن الرحيم
الناس القاعدين هسي تحت الشجرة
الناس الجايين يقعدوا تحت الشجرة
الناس الكانوا قاعدين تحت الشجرة
يا ناس الحلة هوووووووووووووووووووي
السلام عليكم ورحمة الله وبركاته
دايركم وداير القعدة والونسة معاكم
إلا لكن عندي مشوار صغير أحسن أمشي أقضيه وأجيكم راجع عشان نقعد بالمهلة
موافقين يالطيبين
أها بمشي وبجيكم إن شاء الله






وليك كل السلام يا عمنا وياخي ما تطول كدة النيمة دي البطول منها بلقى مداخلتو جنب البحر ..

صبري طه
01-28-2006, 08:45 AM
بت حسين خوجلي كتبت:


ويا العزابة دعوة مجانية للخلط تحت النيمة وكمان المقتول فى بنات رفاعة تب ما عندكم عوجة انا ببقى واسطة نعمل تراخيص للركن النسائي وعقد طوالي






نحن دايرين تراخيص للشرفة ممكن بناتها إكونن أروع من بنات رفاعة ...

وغايتو الشرفة رجالها في غاية الوسامة والدليل أستاذنا الكبير/ حسين خوجلي ( وجاهة ووسامة ما معقولة ) فهل هذا ..... من ذاك ..... ولا البطن بطرانا ...

صبري طه
01-28-2006, 08:51 AM
ملاذ حسين خوجلي كتبت:


لكن اوع من ناس الدين البجوا اخر الشهر ادفعوا والله انا موبايلي مسروق وديوني لبتاع المناقيد من الشهر الفات عشان كدة اتصلحوا معانا يا ناس رفاعة




نولا كتبت:


نكون طالعين اجتماع في وزارة الطاقة ودي قريبه طبعا للمكتب ...






أها يا العزابة ... واحدة عندها قروش وديونها كثيرة على الناس والتانية شغالة في وزارة الطاقة ...

دي ما ترطيبة عدييييل كدة ...

ويا سماكي جهز القسيمة غايتو أنا وكيلي معتصم سليمان ...

وإنت أعقد لي نفسك بالكلام السمح .. وباقي الجماعة خليهم ياكلوا نيم من شجرتنا ...
رأيك شنو ....

صبري طه
01-28-2006, 08:54 AM
سماكينا كتب:


اخوي صبري طه شكلو
كان دينتيهو وكترت المديونية بكب الزوغة غايتو....







يا عزيزي شايف قلبك على قروش البت دي قوي ...

ولا من ما عرفت ذات المال وإنشاء الله دين وجمال .... قبلك طار ...

صبري طه
01-28-2006, 08:57 AM
سماكينا كتب:


مرحب بي صيف 2006 في النيمة....غايتو انا جاهز وببقى شيخنا حسن
مصطفى عديل كدا...







تحياتنا للشيخ حسن مصطفى ... إنت عارف يا سماكي أنا من ما أشوف الراجل دة قلبي دقاتو بتزيد وبشتغل مع إيقاع السيرة .. وبشم ريحة الخمرة والدلكة ...

صبري طه
01-28-2006, 09:02 AM
أخونا فيصل كتب:


هوووووووي يا...إسمك منو إنت...أمش عامله إسمك الكله غلات دا ...وزي الدقشنري كمان إنجليزي وعربي...(نو) ما ياها( لا) ذاتها يعني عملتي شنو...أه كمان لو عايزها بالحروف الانجلزيه برضو نفس الحكايه...(NO) ما برضو هي (LA) ذاتها بالله عليك إنت بتغشي فينا ول شنو...من إسمك غالاته سااااكت







إنت عارف يا فيصل اسمها دة ذكرني عبارة ( ممنوع الاقتراب والتصوير ) ...

ويا أختي أوع تغيريهو أنا بحبو شديييييييييييييييييييييد !!!

وأسمعني يا أخوي أنا بقيت ألعب باصات لي نفسي ...

صبري طه
01-28-2006, 09:06 AM
أخونا فيصل كتب:


هووووووووووووي يا سماكي هوووي...البتسوي فيهو دا شنو...جابت ليها كما قطع أرزاق...بالله شوف هسع ملاذ دي تاني أقوليها أدينا شاي كيف...آآآآ ول عشان عملتك مأزون...عايز تدخلنا الزون ...إنت ما عارفني أنا اصلو ما بحرق...كدي النجربها ليك هسع شوفها ما تدينا كما براد كامل..







يا عزيزي المازون شكلوا قفل علي ست الشاي ذاتها ...

نحن بنفهمها طايرة يا شفت ...

صبري طه
01-28-2006, 09:09 AM
الدالي:


حلم xحلم







مالك يا زول .. خلينا نحلم زي ما عاوزين يعني قايلها بعيدة يعني ..

إنت عارف بنات الزمن دة قاعدين علي الهبشة زي الراكبة الكارو واللستك ضرب وقالت ( هي عقدو ) ...

محمد عثمان عبدالقادر السماكي
01-28-2006, 10:39 AM
الـــــــــــســــــــــــــــــــــلام عــــلــــــيــــــكم

سلام ناس النيمة سلالالالالالالالالالالالالالالالالالالالام

ازززززيكم ومشششششششششتاقين كميييييات يا ناس يا حلوين

السماكي حجتك مبروك يا اخوي وان شاء الله تسبعه

البت لوزه دا ماله ومال الخواجية ...

والله يا لوزه الخواجات ديل كان اتعلموا العربي ... ببقوا صعبين خلاص ... اساليني منهم انا

انا معاي واحد كرهني البلي عددددديل بعرف عربي وفي العربي الدارجيه السودانيه ...

نكون طالعين اجتماع في وزارة الطاقة ودي قريبه طبعا للمكتب ... اقول ليهو مستر جست

نتلاقا في العربية ... يردي لي انتي امشي بالعربية انا مدام في مركوب فاشري مشكلة

مافي نتلاقي في وزارة الطاقة :shock: :shock: .. عليك الله يا لوزه لاقاك جنس دا :?: :?:


فيصل يا اخوي انت لسه ما خليت شغل الباكات دا :lol: :lol: :lol:

الله يبارك فيك يا نولا وعقبالك السنة الجاية نشوفك في الحج ان شاءالله...
ولوزة دي خليها ساي جوالها رايح ... :lol: فعشان كدا خليها تقول الدايراهو... :lol:
انتي بس اشربي منها شاي او قهوة والحساب مافيهو مشكلة...
وفيصل دا باك تمام بس صبري احيانا بنافسوا شوية...

محمد عثمان عبدالقادر السماكي
01-28-2006, 10:51 AM
نسميها النيمة صيف 2006 ....

لكن فيصل يوسف باين عليهو شفت فعشان كدا ما تدينيهو... اوعك تديني غزلان الادريسي
دي زي صبري بتكب الزوغة طوالي عشان كدا اعمل حسابك... :lol:
لكن سهام اديها طوالي ولو ما دفعت اخلصي منها شعر وقصائد ساي... :lol: [/size]

[align=justify:10ebaa21a7]سلام ناس النيمه سلام....

هووووووووووووي يا سماكي هوووي...البتسوي فيهو دا شنو...جابت ليها كما قطع أرزاق...بالله شوف هسع ملاذ دي تاني أقوليها أدينا شاي كيف...آآآآ ول عشان عملتك مأزون...عايز تدخلنا الزون :D :D ...إنت ما عارفني أنا اصلو ما بحرق...كدي النجربها ليك هسع شوفها ما تدينا كما براد كامل..
أختي ملاذ... معاي ضيوف ومحفظتي نسيتها في البيت إدينا شاي سادة بهبهان وغرفه... والحساب سجليه لبكره....وشايف أختنا غزلان دي جيبها فاضي أديها وسجلي الحساب علي برض...
أه ...يا سماكي ماشفتها جابتو ببرادو...والكبايات كمان جديده مالك ما شايف...

مع خالص التقدير ،،،

فيصل...[/align:10ebaa21a7]

اسوي ليك شنو يافيصل اخوي ...ما هي لوزة اللي طلبت نوريها
الناس البتدفع طوالي والناس بتاعين الملح ... :lol:
لكن شايفها انسترت معاك تب وما قصرت معاك ومع ضيوفك
وجابت ليكم حتى البراد والكبابي جداد لنج...
وغايتو الله اعوضا في قروشك دي... :lol: :lol:

صبري طه
01-28-2006, 11:02 AM
سماكينا كتب:


والناس بتاعين الملح ...







إنت قصدك شنو يا سماكي ...

محمد عثمان عبدالقادر السماكي
01-28-2006, 11:03 AM
سلامات
..

:lol:

سلام يا النيماب

شوق كتير بالحيل

مشتاقين للمة.. و النمة

الزول قدر ما يمشى بعيد... غير النيمة ما بيعرف يرتاح

أهلا باب أحمد...شوقا مطر !

الحاج محمد...متشعلقين

بت الحسين ..سلامات كتير

فيصل..وينك يا راجل...( باكاتك دى ح توديك فى داهية مش زون)

صبرى ..تحياتى (موجود فى جدة)

عبد الرحمن الرجل السمح ساكت لى الله سيدو ( مشتاقون عديل)

الصادق سلامات و ما تشوف شر

الوريف و نزار غيابكم طال (قاسى قلبكم على النمية ليه؟)

نولا...من وين ابتديك ؟

ياسر.. خالد.. ( تعالو قبل انكسار الحنين)

غزلان..الموناليزا..سهام...نونة...

وجودكم بيننا...حبيب الى النفس...مهدى للخواطر

الدالى... مالك علينا....:twisted: :twisted: :twisted: :twisted:

وداللمين يا بتاع تسجيل الحضور ...!!! شنو الحركات القرعة دي..؟؟؟
تسجيل حضور ومتابعة....ما...الك ؟ محنن ما قادر تكتب... :lol: :lol:
والله متشعلقين في الابواب والضلف... زي ما بقولو جماعتنا ديلك.. :lol:
مسرورين بعودتك الينا بكثافة حضورك الممتع داك...

محمد عثمان عبدالقادر السماكي
01-28-2006, 11:06 AM
سماكينا كتب:


والناس بتاعين الملح ...







إنت قصدك شنو يا سماكي ...



انتا يا صبري اخوي ما شايف الباك فيصل بسوي في شنو... :lol:
اول ما قعد ..معاي ضيوف ونسيت المحفظة والحركات ديك... :lol:

Ameer Al Ameen
01-28-2006, 12:33 PM
سلامات
..

:lol:

سلام يا النيماب

شوق كتير بالحيل

مشتاقين للمة.. و النمة

الزول قدر ما يمشى بعيد... غير النيمة ما بيعرف يرتاح

أهلا باب أحمد...شوقا مطر !

الحاج محمد...متشعلقين

بت الحسين ..سلامات كتير

فيصل..وينك يا راجل...( باكاتك دى ح توديك فى داهية مش زون)

صبرى ..تحياتى (موجود فى جدة)

عبد الرحمن الرجل السمح ساكت لى الله سيدو ( مشتاقون عديل)

الصادق سلامات و ما تشوف شر

الوريف و نزار غيابكم طال (قاسى قلبكم على النمية ليه؟)

نولا...من وين ابتديك ؟

ياسر.. خالد.. ( تعالو قبل انكسار الحنين)

غزلان..الموناليزا..سهام...نونة...

وجودكم بيننا...حبيب الى النفس...مهدى للخواطر

الدالى... مالك علينا....:twisted: :twisted: :twisted: :twisted:

وداللمين يا بتاع تسجيل الحضور ...!!! شنو الحركات القرعة دي..؟؟؟
تسجيل حضور ومتابعة....ما...الك ؟ محنن ما قادر تكتب... :lol: :lol:
والله متشعلقين في الابواب والضلف... زي ما بقولو جماعتنا ديلك.. :lol:
مسرورين بعودتك الينا بكثافة حضورك الممتع داك...



يا أخوى الخواجية دى نستك انو الزول لما يكون عيان بودو ليهو عمود

مليان اكل و كيس مليان فواكه... اوع تكن علمت شغل المطاريش ديلك

لفة زهور..و لا شكولاتة...

اكان كده الحنة لازماك تب...

و من اليوم..دا ... انا براى بفتش ليك.. فى المرة التانية...

صبري طه
01-28-2006, 12:35 PM
سماكينا كتب:


انتا يا صبري اخوي ما شايف الباك فيصل بسوي في شنو...
اول ما قعد ..معاي ضيوف ونسيت المحفظة والحركات ديك...







دة شنو يا فيصل ... بالغت عديييل كدة ..

إنت عارف أنا أكان جيتك بخلي المحفظة بتاعتي في الرياض ...

يا بتاع الملح ... تراهو أقول يا الله الزول دة مرات ردودو لي ملح ملح كدة مالا ...

خالد عثمان
01-28-2006, 12:43 PM
النيمة مفرهدة ومنشرة ضلها كابــــــي


كتير الغاشي غير الماشي والسبابـــي


الطالب غشاها والسماكي والحـــطابـي


عامرة اللمة فيها وكم كم لقيت أصحابي

محمد عثمان عبدالقادر السماكي
01-28-2006, 01:19 PM
الدالي:


حلم xحلم







مالك يا زول .. خلينا نحلم زي ما عاوزين يعني قايلها بعيدة يعني ..

إنت عارف بنات الزمن دة قاعدين علي الهبشة زي الراكبة الكارو واللستك ضرب وقالت ( هي عقدو ) ...




:lol: :lol: :lol: :lol: :lol: :lol:
:lol: :lol: :lol: :lol:
لكن يا صبري بااااالغت عديل كدا....

محمد عثمان عبدالقادر السماكي
01-28-2006, 01:30 PM
سلامات
..

:lol:

ا....:twisted: :twisted: :twisted: :twisted:

وداللمين يا بتاع تسجيل الحضور ...!!! شنو الحركات القرعة دي..؟؟؟
تسجيل حضور ومتابعة....ما...الك ؟ محنن ما قادر تكتب... :lol: :lol:
والله متشعلقين في الابواب والضلف... زي ما بقولو جماعتنا ديلك.. :lol:
مسرورين بعودتك الينا بكثافة حضورك الممتع داك...



يا أخوى الخواجية دى نستك انو الزول لما يكون عيان بودو ليهو عمود

مليان اكل و كيس مليان فواكه... اوع تكن علمت شغل المطاريش ديلك

لفة زهور..و لا شكولاتة...

اكان كده الحنة لازماك تب...

و من اليوم..دا ... انا براى بفتش ليك.. فى المرة التانية...


كفارة وداللمين والله ما عندنا خبر ...وناس الاكاديمية كلهم كرامتك....
ويااخوي الموضوع دا بيابوهو...؟؟ انتا ذاااتك بتاباهو اكان لقيتو...؟ :lol:

yassir karar
01-28-2006, 11:52 PM
أهلى السمحين
والله الغياب سببو قوى او ما بيتقال
السماكى
شوف لى قصة صبرى دا شنو
او يا فيصل
دى نسميها الروب ولا شنو
الا الخبر الاكيد
قالو النيمه اترشت
وريحه قهوة ناس الشرفه ضربت
او مدد يا الصالحين
مدد
يا الاشراف

yassir karar
01-28-2006, 11:52 PM
أهلى السمحين
والله الغياب سببو قوى او ما بيتقال
السماكى
شوف لى قصة صبرى دا شنو
او يا فيصل
دى نسميها الروب ولا شنو
الا الخبر الاكيد
قالو النيمه اترشت
وريحه قهوة ناس الشرفه ضربت
او مدد يا الصالحين
مدد
يا الاشراف

خالد عثمان
01-29-2006, 08:48 AM
النيمة مفرهدة ومنشرة ضلها كابــــــي


كتير الغاشي غير الماشي والسبابـــي


الطالب غشاها والسماكي والحـــطابـي


عامرة اللمة فيها وكم كم لقيت أصحابي

صبري طه
01-29-2006, 09:07 AM
سماكينا كتب:


لكن يا صبري بااااالغت عديل كدا....






بالغ الزمن القاسي ....

صبري طه
01-29-2006, 09:09 AM
ياسر كرار كتب:


أهلى السمحين
والله الغياب سببو قوى او ما بيتقال
السماكى
شوف لى قصة صبرى دا شنو
او يا فيصل
دى نسميها الروب ولا شنو
الا الخبر الاكيد
قالو النيمه اترشت
وريحه قهوة ناس الشرفه ضربت
او مدد يا الصالحين
مدد
يا الاشراف






سلاماااات أخونا ياسر ..

وأنا مالي يا زول ؟؟ أنا قصتي خليها علي الله ...

صبري طه
01-29-2006, 09:12 AM
خالد عثمان كتب:


النيمة مفرهدة ومنشرة ضلها كابــــــي


كتير الغاشي غير الماشي والسبابـــي


الطالب غشاها والسماكي والحـــطابـي


عامرة اللمة فيها وكم كم لقيت أصحابي






أهااا ناس الشعر ديل بعقدونا ...

مشكور على الأبيات الحلوة والله إكتر لينا منهن ...

فائز الجيلي
01-29-2006, 09:47 AM
[center:1b4720bc41][table=width:100%;:1b4720bc41][cell=filter:;:1b4720bc41][align=right:1b4720bc41]
طبعاً دي أول مرة أدخل النيمة دي .. على الرغم من أن سكني لا يبعد عنها الكثير لكن لكثرة المشغوليات لم أتمكن .. مع أنه الهمبريب والجو تمام التمام ..
لكن يا سماكي وصبري وفيصل .. الحاجة العارفها أنا إنو النسوان ديل ما بجوا الحطابة دي كلو كلو كلموا بت الأستاذ دي ما تجي تاني إلا أيام الفيضان .. عشان الناس بستمتعوا بيه لما يجي جمب الديم ..
بس أوعو تمشوا على النيم الجنب مدرسة الطيب التوم داك لأنو عندنا فيه ميدان كرة طائرة والشباب كلهم بجوا التمرين العصر يعني ما ح تبقى قعدتكم جميلة ..

فايز الجيلي
الطائف [/align:1b4720bc41][/cell:1b4720bc41][/table:1b4720bc41][/center:1b4720bc41]

صبري طه
01-29-2006, 09:56 AM
فايز الجيلي كتب:


بس أوعو تمشوا على النيم الجنب مدرسة الطيب التوم داك لأنو عندنا فيه ميدان كرة طائرة والشباب كلهم بجوا التمرين العصر يعني ما ح تبقى قعدتكم جميلة ..






يا مراااحب بأهل النيمة وناس حي الجنينة وحي الموردة ...

وذكرتنا الكرة الطائرة وفريق الهدف العريق ويا حليل أيام زمان ...

أها شوف يا أخوي تب تاني ما تطول ودايرين تحكي للناس ديل حكاوي جيلنا لأني أنا قاعد معاهم مسطح وما فاهم أي حاجة ...

محمد عثمان عبدالقادر السماكي
01-29-2006, 10:20 AM
[center:c35167d6e9][table=width:100%;:c35167d6e9][cell=filter:;:c35167d6e9][align=right:c35167d6e9]
طبعاً دي أول مرة أدخل النيمة دي .. على الرغم من أن سكني لا يبعد عنها الكثير لكن لكثرة المشغوليات لم أتمكن .. مع أنه الهمبريب والجو تمام التمام ..
لكن يا سماكي وصبري وفيصل .. الحاجة العارفها أنا إنو النسوان ديل ما بجوا الحطابة دي كلو كلو كلموا بت الأستاذ دي ما تجي تاني إلا أيام الفيضان .. عشان الناس بستمتعوا بيه لما يجي جمب الديم ..
بس أوعو تمشوا على النيم الجنب مدرسة الطيب التوم داك لأنو عندنا فيه ميدان كرة طائرة والشباب كلهم بجوا التمرين العصر يعني ما ح تبقى قعدتكم جميلة ..

فايز الجيلي
الطائف [/align:c35167d6e9][/cell:c35167d6e9][/table:c35167d6e9][/center:c35167d6e9]


الحق يا صبري شوف فايز الجيلي عايز اطفش منك الجكس.... :lol:
ويا فايز ما سمعت المعتصم بقى اسوق اولادو وامشي النيمة في
النيمة....
مرحب بيك فائز وتعال اقعد اتحكر واول كباية شاي على حسابي...

صبري طه
01-29-2006, 10:32 AM
سماكينا كتب:


الحق يا صبري شوف فايز الجيلي عايز اطفش منك الجكس....
ويا فايز ما سمعت المعتصم بقى اسوق اولادو وامشي النيمة في
النيمة....
مرحب بيك فائز وتعال اقعد اتحكر واول كباية شاي على حسابي...






يا عزيزي فايز أنا فاهمو وهو فاهمني كويس ...

ولا شنو يا أستاذ فايز ...

فيصل يوسف حامد
01-29-2006, 12:23 PM
سماكينا كتب:


انتا يا صبري اخوي ما شايف الباك فيصل بسوي في شنو...
اول ما قعد ..معاي ضيوف ونسيت المحفظة والحركات ديك...




دة شنو يا فيصل ... بالغت عديييل كدة ..

إنت عارف أنا أكان جيتك بخلي المحفظة بتاعتي في الرياض ...

يا بتاع الملح ... تراهو أقول يا الله الزول دة مرات ردودو لي ملح ملح كدة مالا ...



[align=justify:699bd99465]سلام ناس النيمه سلام...

أخوي صبري تعال سااااااكت وما تخاف ...أخوك رقبتو زواغه هي بسم الله سداده ... :D :D :D ...
بس تعرف إلا تجي وتلقاني في الرياض :D ...أه في الحاله دي غايتو الله يكون في عونك :roll: :roll:
بعدين نحن ما بسألونا من الملح...ماااااا جمبنا المالح ذاتو...

بالمناسبة أنا جاي الرياض قريب إنشاء الله ...المسألة فيها زواج وربه ...جهز نفسك سااااكت يا صبري...وما تخاف كان جيت علينا جاي...نحن ناس سكينا حمره...

فيصل...[/align:699bd99465]

صبري طه
01-29-2006, 12:28 PM
أخونا فيصل كتب:


بالمناسبة أنا جاي الرياض قريب إنشاء الله ...المسألة فيها زواج وربه ...جهز نفسك سااااكت يا صبري...وما تخاف كان جيت علينا جاي...نحن ناس سكينا حمره...






وكماااان عايز تطعني بالسكين قال أجيكم كمااان ..

والرياض منورة بيكم وكان ما شالتكم في عيونا بنشيلكم ...

فيصل يوسف حامد
01-29-2006, 06:25 PM
[center:1374d9dc21][table=width:100%;:1374d9dc21][cell=filter:;:1374d9dc21][align=right:1374d9dc21]
طبعاً دي أول مرة أدخل النيمة دي .. على الرغم من أن سكني لا يبعد عنها الكثير لكن لكثرة المشغوليات لم أتمكن .. مع أنه الهمبريب والجو تمام التمام ..
لكن يا سماكي وصبري وفيصل .. الحاجة العارفها أنا إنو النسوان ديل ما بجوا الحطابة دي كلو كلو كلموا بت الأستاذ دي ما تجي تاني إلا أيام الفيضان .. عشان الناس بستمتعوا بيه لما يجي جمب الديم ..
بس أوعو تمشوا على النيم الجنب مدرسة الطيب التوم داك لأنو عندنا فيه ميدان كرة طائرة والشباب كلهم بجوا التمرين العصر يعني ما ح تبقى قعدتكم جميلة ..

فايز الجيلي
الطائف [/align:1374d9dc21][/cell:1374d9dc21][/table:1374d9dc21][/center:1374d9dc21]

[align=justify:1374d9dc21]يا أخوي فايز...تحياتي،

أول حاجة بقت عليك المقولة البتقول...سكت دهراً ونطق كفراً ...وبعدين ياخي إنت من زمن النيمه بتاعت التمنينات ديييييييييييييييييك...والله إنت قديييييييم...يا ابوي دي بقت إسمها حسب السنه يعني حسب الموديل...وأختنا ملاذ سمتها هسع (نيمة صيف 2006)...برضو تقولي لي ناقش...أه ديل هم الرقو النيم دا...تجي تقول ما إجوا إلا في الفيضانات...وطيب ح إقعدوا كيف...
وبعدين الجكس ديل يا هم المقعدين الجماعه الطيبين هنا...وكان ماجوا الناس ديل بفروا كلهم...وبخلوا سماكي دا راسوا لافي...وفتش الناس ديل مشوا وين ...ناس معتصم وود الامين وود فريجون ...وناس فيصل وصبري وياسر والصادق والباقين ولا حياة لمن دنادي...وإنت ذااااااااتك يا فايز ح تكون أول المفقودين...

فيصل...[/align:1374d9dc21]

فيصل يوسف حامد
01-29-2006, 06:26 PM
[center:b5494348c0][table=width:100%;:b5494348c0][cell=filter:;:b5494348c0][align=right:b5494348c0]
طبعاً دي أول مرة أدخل النيمة دي .. على الرغم من أن سكني لا يبعد عنها الكثير لكن لكثرة المشغوليات لم أتمكن .. مع أنه الهمبريب والجو تمام التمام ..
لكن يا سماكي وصبري وفيصل .. الحاجة العارفها أنا إنو النسوان ديل ما بجوا الحطابة دي كلو كلو كلموا بت الأستاذ دي ما تجي تاني إلا أيام الفيضان .. عشان الناس بستمتعوا بيه لما يجي جمب الديم ..
بس أوعو تمشوا على النيم الجنب مدرسة الطيب التوم داك لأنو عندنا فيه ميدان كرة طائرة والشباب كلهم بجوا التمرين العصر يعني ما ح تبقى قعدتكم جميلة ..

فايز الجيلي
الطائف [/align:b5494348c0][/cell:b5494348c0][/table:b5494348c0][/center:b5494348c0]

[align=justify:b5494348c0]يا أخوي فايز...تحياتي،

أول حاجة بقت عليك المقولة البتقول...سكت دهراً ونطق كفراً ...وبعدين ياخي إنت من زمن النيمه بتاعت التمنينات ديييييييييييييييييك...والله إنت قديييييييم...يا ابوي دي بقت إسمها حسب السنه يعني حسب الموديل...وأختنا ملاذ سمتها هسع (نيمة صيف 2006)...برضو تقولي لي ناقش...أه ديل هم الرقو النيم دا...تجي تقول ما إجوا إلا في الفيضانات...وطيب ح إقعدوا كيف...
وبعدين الجكس ديل يا هم المقعدين الجماعه الطيبين هنا...وكان ماجوا الناس ديل بفروا كلهم...وبخلوا سماكي دا راسوا لافي...وفتش الناس ديل مشوا وين ...ناس معتصم وود الامين وود فريجون ...وناس فيصل وصبري وياسر والصادق والباقين ولا حياة لمن دنادي...وإنت ذااااااااتك يا فايز ح تكون أول المفقودين...

فيصل...[/align:b5494348c0]

Ameer Al Ameen
01-30-2006, 09:04 AM
سلامات للجميع

بمناسبة الاحاديث عن سيد اللبن و ست العرقى و بياعة الروب....

حكى لى واحد من الاخوان عليه رحمة الله..انو قبل دخول الخميرة الى رفاعة

كان اصحاب الافران..يخلطون...الدقيق .. بالمريسة...


لزوم التخمير.. و نفخة العيش...

و العيش المحسن بنكهة المريسة

كان من أجود انواع العيش و أكثره حلاوة ...و طعما...

و قد يكون صحيا اكثر من عيش الخميرة.لكن الطريف فى الامر انو مرة ...

فى احد الافران.....

و بعد تحضير جردل المريسة... و تحضير الدقيق...

قام الفران.... و فى نوبة جوع كافر.... على ما يبدو .. بشراب كل المريسة...

و ترك الجردل خالى الوفاض....و طبعا ...

حال افندية رفاعة اللى تعودو على أكل العيش فى اليوم التانى

ما محتاج وصف.

محمد عثمان عبدالقادر السماكي
01-30-2006, 10:10 AM
سلامات للجميع

بمناسبة الاحاديث عن سيد اللبن و ست العرقى و بياعة الروب....

حكى لى واحد من الاخوان عليه رحمة الله..انو قبل دخول الخميرة الى رفاعة

كان اصحاب الافران..يخلطون...الدقيق .. بالمريسة...


لزوم التخمير.. و نفخة العيش...

و العيش المحسن بنكهة المريسة

كان من أجود انواع العيش و أكثره حلاوة ...و طعما...

و قد يكون صحيا اكثر من عيش الخميرة.لكن الطريف فى الامر انو مرة ...

فى احد الافران.....

و بعد تحضير جردل المريسة... و تحضير الدقيق...

قام الفران.... و فى نوبة جوع كافر.... على ما يبدو .. بشراب كل المريسة...

و ترك الجردل خالى الوفاض....و طبعا ...

حال افندية رفاعة اللى تعودو على أكل العيش فى اليوم التانى

ما محتاج وصف.

دا موضوع طريف جدا يا ود اللمين.... :lol:
يعني الواحد ياكل ليهو رغيفة بدل عبار مريسة
ولو داير ليهو عبارين اديها رغفتين..... :lol:

محمد عثمان عبدالقادر السماكي
01-30-2006, 10:49 AM
[center:c3c5a134d2][table=width:100%;:c3c5a134d2][cell=filter:;:c3c5a134d2][align=right:c3c5a134d2]
[/align:c3c5a134d2][/cell:c3c5a134d2][/table:c3c5a134d2][/center:c3c5a134d2]

[align=justify:c3c5a134d2]يا أخوي فايز...تحياتي،

أول حاجة بقت عليك المقولة البتقول...سكت دهراً ونطق كفراً ...وبعدين ياخي إنت من زمن النيمه بتاعت التمنينات ديييييييييييييييييك...والله إنت قديييييييم...يا ابوي دي بقت إسمها حسب السنه يعني حسب الموديل...وأختنا ملاذ سمتها هسع (نيمة صيف 2006)...برضو تقولي لي ناقش...أه ديل هم الرقو النيم دا...تجي تقول ما إجوا إلا في الفيضانات...وطيب ح إقعدوا كيف...
وبعدين الجكس ديل يا هم المقعدين الجماعه الطيبين هنا...وكان ماجوا الناس ديل بفروا كلهم...وبخلوا سماكي دا راسوا لافي...وفتش الناس ديل مشوا وين ...ناس معتصم وود الامين وود فريجون ...وناس فيصل وصبري وياسر والصادق والباقين ولا حياة لمن دنادي...وإنت ذااااااااتك يا فايز ح تكون أول المفقودين...

فيصل...[/align:c3c5a134d2]

هووووي يافيصل ما تلخبط...!!! الكامري ..بسم الله النيمة موديل
2006 دي بتاعت الخلط وتنظيم الزواج واللي منو..... :lol:
ثم ياخي مالك جبت السيرة الكعبة دي ...خليت الجماعة نططوا عيونهم... :lol:

عبدالرحمن على حسن
01-30-2006, 12:01 PM
سلامات للجميع

بمناسبة الاحاديث عن سيد اللبن و ست العرقى و بياعة الروب....

حكى لى واحد من الاخوان عليه رحمة الله..انو قبل دخول الخميرة الى رفاعة

كان اصحاب الافران..يخلطون...الدقيق .. بالمريسة...


لزوم التخمير.. و نفخة العيش...

و العيش المحسن بنكهة المريسة

كان من أجود انواع العيش و أكثره حلاوة ...و طعما...

و قد يكون صحيا اكثر من عيش الخميرة.لكن الطريف فى الامر انو مرة ...

فى احد الافران.....

و بعد تحضير جردل المريسة... و تحضير الدقيق...

قام الفران.... و فى نوبة جوع كافر.... على ما يبدو .. بشراب كل المريسة...

و ترك الجردل خالى الوفاض....و طبعا ...

حال افندية رفاعة اللى تعودو على أكل العيش فى اليوم التانى

ما محتاج وصف.

سلام يا أهل النيمة .. و الشوق بحور !!
نأسف للانقطاع لزحمتين .. الاجازة القصيرة الما بتكفى سلام و مجاملات ناهيك عن الاشغال الخاصة !! و ال Back Log حق الشغل .. كأنك ما مشيت اجازة .. وراك وراك !!
تهانى متأخرة بالعيد و مرة واحدة كمان برأس السنة الهجرية .. و صادق الدعوات للحجاج أنّ يتقبل الله منهم و منّا صالح الاعمال ..
أما حكاية العيش بالمريسة دى يا امير حكاية !! تعرف رجعتنى ليك زى كم و تلاتين سنة !! و نحنا فى اجازة صيفية شاركنا انا و ابناء عمى فى حفلة قاجة فى فريق ورا بمناسبة زواج بنت عمى (ما ضهب يا صبرى) .. انتهت الحفلة مع اذان الصبح .. وفى طريقنا للعيداب .. فى فرن ناس حاج ادريس و العيش طالع نار .. يشلوط .. و ضربنا كميات محترمة .. و ختمناها بزامبو !! هل شربت زامبو ؟؟ انه هنا !! عبارة لا زالت راسخة فى ذهنى مكتوبة فى ضلفة دكان محمد احمد حاج الزاكى !! و كانت ترخيمة حدث طول اليوم .. و طيلة هذه السنين كنت اعتقد انها بسبب السهر .. و ما كنت ادرى انو عيشكم بيسكّر !! و برضو لبنكم ؟؟ لانو برضو بتذكر شوالات مليانة حاجات كدة زى مشك!! امباز!! بنجيبها بحمار ود كوداب من " الجو " ( و دى يا صبرى كانت شوية قطاطى فى اطراف البلد يقصدها شاربو المريسة و العرقى .. و حاجات تانية!) و الحاجة دى بيعلفوها البقر لزوم زيادة ادرار اللبن .. يعنى برضو لبن بالمريسة !! وتانى شنو ؟؟ بلاش احسن تزعلوا مننا ..
لكم ودى و اعزازى

صبري طه
01-30-2006, 12:27 PM
أميرنا كتب:


سلامات للجميع

بمناسبة الاحاديث عن سيد اللبن و ست العرقى و بياعة الروب....

حكى لى واحد من الاخوان عليه رحمة الله..انو قبل دخول الخميرة الى رفاعة

كان اصحاب الافران..يخلطون...الدقيق .. بالمريسة...


لزوم التخمير.. و نفخة العيش...

و العيش المحسن بنكهة المريسة

كان من أجود انواع العيش و أكثره حلاوة ...و طعما...

و قد يكون صحيا اكثر من عيش الخميرة.لكن الطريف فى الامر انو مرة ...

فى احد الافران.....

و بعد تحضير جردل المريسة... و تحضير الدقيق...

قام الفران.... و فى نوبة جوع كافر.... على ما يبدو .. بشراب كل المريسة...

و ترك الجردل خالى الوفاض....و طبعا ...

حال افندية رفاعة اللى تعودو على أكل العيش فى اليوم التانى

ما محتاج وصف.







يا أخوي تراهو أقول زمان الواحد بعدما يضرب الفتة (البوش) راسو ببقى تقيل لمن تقيل وحصة التاريخ بعد الفطور بنشوفها فرنسي ...

صبري طه
01-30-2006, 12:53 PM
عمنا عبدالرحمن كتب:


أما حكاية العيش بالمريسة دى يا امير حكاية !! تعرف رجعتنى ليك زى كم و تلاتين سنة !! و نحنا فى اجازة صيفية شاركنا انا و ابناء عمى فى حفلة قاجة فى فريق ورا بمناسبة زواج بنت عمى (ما ضهب يا صبرى) ..





يا أخوي دة حال الضهب الواحد لو ناس العرس ببقو ليهو باللفة بتاعة الكلاكلة بقول ناس عمي وناس خالتي وناس جدي .. يا عزيزي أنا فريق وراء بعرفو كويس بطل الضهب بتاعك دة ...




عمنا عبدالرحمن كتب:


انتهت الحفلة مع اذان الصبح .. وفى طريقنا للعيداب .. فى فرن ناس حاج ادريس و العيش طالع نار .. يشلوط .. و ضربنا كميات محترمة .. و ختمناها بزامبو !! هل شربت زامبو ؟؟ انه هنا !! عبارة لا زالت راسخة فى ذهنى مكتوبة فى ضلفة دكان محمد احمد حاج الزاكى !! و كانت ترخيمة حدث طول اليوم .. و طيلة هذه السنين كنت اعتقد انها بسبب السهر .. و ما كنت ادرى انو عيشكم بيسكّر !! و برضو لبنكم ؟؟ لانو برضو بتذكر شوالات مليانة حاجات كدة زى مشك!! امباز!! بنجيبها بحمار ود كوداب من " الجو " ( و دى يا صبرى كانت شوية قطاطى فى اطراف البلد يقصدها شاربو المريسة و العرقى .. و حاجات تانية!) و الحاجة دى بيعلفوها البقر لزوم زيادة ادرار اللبن .. يعنى برضو لبن بالمريسة !! وتانى شنو ؟؟ بلاش احسن تزعلوا مننا ..





يا لطيف ... يا ساتر ... دقينا الصفائح وطلعت الفضائح ...

لكن زغتو من الردود هنااااك مالكم ...

عبدالرحمن على حسن
01-30-2006, 01:05 PM
سلامات للجميع

بمناسبة الاحاديث عن سيد اللبن و ست العرقى و بياعة الروب....

حكى لى واحد من الاخوان عليه رحمة الله..انو قبل دخول الخميرة الى رفاعة

كان اصحاب الافران..يخلطون...الدقيق .. بالمريسة...


لزوم التخمير.. و نفخة العيش...

و العيش المحسن بنكهة المريسة

كان من أجود انواع العيش و أكثره حلاوة ...و طعما...

و قد يكون صحيا اكثر من عيش الخميرة..

سلام يا أهل النيمة .. و الشوق بحور !!
نأسف للانقطاع لزحمتين .. الاجازة القصيرة الما بتكفى سلام و مجاملات ناهيك عن الاشغال الخاصة !! و ال Back Log حق الشغل .. كأنك ما مشيت اجازة .. وراك وراك !!
تهانى متأخرة بالعيد و مرة واحدة كمان برأس السنة الهجرية .. و صادق الدعوات للحجاج أنّ يتقبل الله منهم و منّا صالح الاعمال ..
أما حكاية العيش بالمريسة دى يا امير حكاية !! تعرف رجعتنى ليك زى كم و تلاتين سنة !! و نحنا فى اجازة صيفية شاركنا انا و ابناء عمى فى حفلة قاجة فى فريق ورا بمناسبة زواج بنت عمى (ما ضهب يا صبرى) .. انتهت الحفلة مع اذان الصبح .. وفى طريقنا للعيداب .. فى فرن ناس حاج ادريس و العيش طالع نار .. يشلوط .. و ضربنا كميات محترمة .. و ختمناها بزامبو !! هل شربت زامبو ؟؟ انه هنا !! عبارة لا زالت راسخة فى ذهنى مكتوبة فى ضلفة دكان محمد احمد حاج الزاكى !! و كانت ترخيمة حدث طول اليوم .. و طيلة هذه السنين كنت اعتقد انها بسبب السهر .. و ما كنت ادرى انو عيشكم بيسكّر !! و برضو لبنكم ؟؟ لانو برضو بتذكر شوالات مليانة حاجات كدة زى مشك!! امباز!! بنجيبها بحمار ود كوداب من " الجو " ( و دى يا صبرى كانت شوية قطاطى فى اطراف البلد يقصدها شاربو المريسة و العرقى .. و حاجات تانية!) و الحاجة دى بيعلفوها البقر لزوم زيادة ادرار اللبن .. يعنى برضو لبن بالمريسة !! وتانى شنو ؟؟ بلاش احسن تزعلوا مننا ..
لكم ودى و اعزازى

عبدالرحمن على حسن
01-30-2006, 01:50 PM
عمنا عبدالرحمن كتب:


أما حكاية العيش بالمريسة دى يا امير حكاية !! تعرف رجعتنى ليك زى كم و تلاتين سنة !! و نحنا فى اجازة صيفية شاركنا انا و ابناء عمى فى حفلة قاجة فى فريق ورا بمناسبة زواج بنت عمى (ما ضهب يا صبرى) ..





يا أخوي دة حال الضهب الواحد لو ناس العرس ببقو ليهو باللفة بتاعة الكلاكلة بقول ناس عمي وناس خالتي وناس جدي .. يا عزيزي أنا فريق وراء بعرفو كويس بطل الضهب بتاعك دة ...




عمنا عبدالرحمن كتب:


انتهت الحفلة مع اذان الصبح .. وفى طريقنا للعيداب .. فى فرن ناس حاج ادريس و العيش طالع نار .. يشلوط .. و ضربنا كميات محترمة .. و ختمناها بزامبو !! هل شربت زامبو ؟؟ انه هنا !! عبارة لا زالت راسخة فى ذهنى مكتوبة فى ضلفة دكان محمد احمد حاج الزاكى !! و كانت ترخيمة حدث طول اليوم .. و طيلة هذه السنين كنت اعتقد انها بسبب السهر .. و ما كنت ادرى انو عيشكم بيسكّر !! و برضو لبنكم ؟؟ لانو برضو بتذكر شوالات مليانة حاجات كدة زى مشك!! امباز!! بنجيبها بحمار ود كوداب من " الجو " ( و دى يا صبرى كانت شوية قطاطى فى اطراف البلد يقصدها شاربو المريسة و العرقى .. و حاجات تانية!) و الحاجة دى بيعلفوها البقر لزوم زيادة ادرار اللبن .. يعنى برضو لبن بالمريسة !! وتانى شنو ؟؟ بلاش احسن تزعلوا مننا ..





يا لطيف ... يا ساتر ... دقينا الصفائح وطلعت الفضائح ...

لكن زغتو من الردود هنااااك مالكم ...



يا ود انتا مالك بتاع مشاكل كدة ؟ اقول ليك تلاتين سنة .. تقول لى ضهب !! والله قبل تلاتين سنة رفاعة كلها تلاتين بيت و كلهم قرايب .. مش بس تمشى الحفلة بدون عزومة .. كمان تعزم معاك كم واحد !! و برضو عشان تتأكد ان الحكاية ما ضهب العروس بت عمتى عديييييييييييييل ( زهرة بت الحسن اخت ميرغنى الحسن اللى هو اخو على الحسن ودا ابوى عدييييييييل برضه ) جنّكم غلات يا اولاد رفاعة .. ما فضل ليك الا تقول امير و معتصم ديل ما كانوا مولودين قبل كم و تلاتين سنة .. كدى اسالهم كان ما قالوا ليك أأأأأأأأأأأأأأأأأأأأى حضرناها الحفلة دى و بالامارة كان فيها واحد بيرقص و مثبت الكرسى فى جبهته !!
و بعدين الجو دا ما كنا بنمشى ليه بنمشى ليه يعنى.. بس كان بيرسلونا نجيب الامباز .. وكنا بننبسط من المرسال لانو فيها ركوب حمير !! تعرف حمار خالى ود كوداب ( وبرضه قول ضهب عشان اجيك ناطى فى الرياض) ولا حصان جارى كوبر فى فيلم الكاوبوى الرهيب "الغرب الدامى" ... يااااه أيام ..
وبعدين هى عيش بالمريسة و دقيت الصفايح و كمان عايز الناس ما تزوغ من العرقى عديييييييل؟ ياخى تلقاها عند الغافل و فتش ليك خبراء فى النيلين والله سودانيز اون لاين .
تحياتى

Ameer Al Ameen
01-30-2006, 04:19 PM
[center:67e6894da7][table=width:100%;:67e6894da7][cell=filter:;:67e6894da7][align=right:67e6894da7]
[/align:67e6894da7][/cell:67e6894da7][/table:67e6894da7][/center:67e6894da7]

[align=justify:67e6894da7]يا أخوي فايز...تحياتي،

أول حاجة بقت عليك المقولة البتقول...سكت دهراً ونطق كفراً ...وبعدين ياخي إنت من زمن النيمه بتاعت التمنينات ديييييييييييييييييك...والله إنت قديييييييم...يا ابوي دي بقت إسمها حسب السنه يعني حسب الموديل...وأختنا ملاذ سمتها هسع (نيمة صيف 2006)...برضو تقولي لي ناقش...أه ديل هم الرقو النيم دا...تجي تقول ما إجوا إلا في الفيضانات...وطيب ح إقعدوا كيف...
وبعدين الجكس ديل يا هم المقعدين الجماعه الطيبين هنا...وكان ماجوا الناس ديل بفروا كلهم...وبخلوا سماكي دا راسوا لافي...وفتش الناس ديل مشوا وين ...ناس معتصم وود الامين وود فريجون ...وناس فيصل وصبري وياسر والصادق والباقين ولا حياة لمن دنادي...وإنت ذااااااااتك يا فايز ح تكون أول المفقودين...

فيصل...[/align:67e6894da7]

هووووي يافيصل ما تلخبط...!!! الكامري ..بسم الله النيمة موديل
2006 دي بتاعت الخلط و تنظيم الزواج واللي منو..... :lol:
ثم ياخي مالك جبت السيرة الكعبة دي ...خليت الجماعة نططوا عيونهم... :lol:

عالم جنو.. عرس... :lol: :lol:

اول ما نجيب سيرة البحر .. هى بسم الله... اقصد سيرة...العرس

يعملو تنظيم زواج...و اللى منو

قال ..خلط .. قال

فائز الجيلي
01-31-2006, 09:15 AM
[center:1fa9f3df0f][table=width:100%;:1fa9f3df0f][cell=filter:;:1fa9f3df0f][align=right:1fa9f3df0f]
ناس النيمة سلام ..

والله الواحد طول شديد من النيم والبحر والكرو والحاجات دي ..

لكن بس أنا قلت بت الأستاذ دي ما تجي النيم لأني خايف عليها من العين وبرضو خايف عليها تشوف ماجد زنقار وتخاف وتجري من رفاعة لحدي الشرفة (بالشرق) ..
وبعدين يا سماكي إنت ما عارف ناس الضمنة الفي الحطابة ديل عينهم حارة شديد ... وعارف عمك عمر عاشة صعب جداً وما بحب الخمج واللخبتة ..
على العموم أنا كلمتكم وعلي كيفكم ..

صبري طبعاً أيام الكرة الطائرة ديك كانت حاجة جميلة جداً .. والله لا تنسى .. وكنا من ما آذان العصر يأذن نتلم كلنا ونجي التمرين .. من فريق الشايقية .. طمبل .. خالد الجل .. خالد النور .. فوزي الجيلي .. مختار الجيلي .. عمار حسن .. المرحوم هشام حسن .. أبوبكر البرعي .. بكري حسين (نيرة) .. فياض يوسف حامد .. حذيفة عباس .. عادل علي .. هريدي .. الشافعي .. معتصم جعفر .. أبو طالب جعفر .. مجدي السر جمال .. ومن فريق قدام أحمد سليمان كوكو ..
وهاك يا تمرين على الجو الجميل لأنه الميدان يقع في وسط النيم الموجود بجانب مدرسة الطيب التوم وكانت لنا وقفات مع أعرق أندية رفاعة في الكرة الطائرة وهو فريق أصدقاء جعفر الذي ندين له بالكثير في هذا المجال .. وخاصة الأخ/ محمد سعد والأستاذ/ علي الخليفة والأستاذ/ عثمان مختار .. وقد فزنا بأول بطولة تنظم على مستوى الدوري وكانت الغلبة لنا أمام فريق أصدقاء جعفر ..
أيام جميلة والله .. لا تنسى ..

إنت يا صبري .. بقيت تجي النيمة وتسيب التمرين في ميدان الهلال .. كنت طوالي بشوفك لابس الشورت والفنلة والكدارة وجاري بالطريق التحت .. لكن الظاهر النيمة دي بقت فيها حاجات كتيرة .. على العموم أحجزوا لي مكان ..

أخي فيصل .. والله أنا ما قصدي أطفش الجكس ونحنا لاقنهم وين .. لكن برضو ياها النيمة بتاعة التمانينات وما في أي موديل جديد .. بس اتغيروا الناس ..

فائز الجيلي
الطائف [/align:1fa9f3df0f][/cell:1fa9f3df0f][/table:1fa9f3df0f][/center:1fa9f3df0f]

محمد عثمان عبدالقادر السماكي
01-31-2006, 09:35 AM
عمنا عبدالرحمن كتب:


أما حكاية العيش بالمريسة دى يا امير حكاية !! تعرف رجعتنى ليك زى كم و تلاتين سنة !! و نحنا فى اجازة صيفية شاركنا انا و ابناء عمى فى حفلة قاجة فى فريق ورا بمناسبة زواج بنت عمى (ما ضهب يا صبرى) ..








عمنا عبدالرحمن كتب:


البلد يقصدها شاربو المريسة و العرقى .. و حاجات تانية!) و الحاجة دى بيعلفوها البقر لزوم زيادة ادرار اللبن .. يعنى برضو لبن بالمريسة !! وتانى شنو ؟؟ بلاش احسن تزعلوا مننا ..





يا لطيف ... يا ساتر ... دقينا الصفائح وطلعت الفضائح ...

لكن زغتو من الردود هنااااك مالكم ...


quote="صبري طه"]





وفي الختام أتمنى من محترفي الموضوع دة إشاركونا بآرائهم ...
ولكم تحياتي ......... بكل ود

عند اللفة بتاعة التسَّـاسـات:
يا جماعة الليلة شكلها ربطت معاي ربطة قوية ...

[/quote]
ما قلنا يا صبري ما تقول الكلام عشان في الموضوع دا بالذات
ما في زول باعترف ليك باحترافو..... :lol:

محمد عثمان عبدالقادر السماكي
01-31-2006, 09:54 AM
أميرنا كتب:


سلامات للجميع

بمناسبة الاحاديث عن سيد اللبن و ست العرقى و بياعة الروب....

حكى لى واحد من الاخوان عليه رحمة الله..انو قبل دخول الخميرة الى رفاعة

كان اصحاب الافران..يخلطون...الدقيق .. بالمريسة...


لزوم التخمير.. و نفخة العيش...

و العيش المحسن بنكهة المريسة

كان من أجود انواع العيش و أكثره حلاوة ...و طعما...

و قد يكون صحيا اكثر من عيش الخميرة.لكن الطريف فى الامر انو مرة ...

فى احد الافران.....

و بعد تحضير جردل المريسة... و تحضير الدقيق...

قام الفران.... و فى نوبة جوع كافر.... على ما يبدو .. بشراب كل المريسة...

و ترك الجردل خالى الوفاض....و طبعا ...

حال افندية رفاعة اللى تعودو على أكل العيش فى اليوم التانى

ما محتاج وصف.







يا أخوي تراهو أقول زمان الواحد بعدما يضرب الفتة (البوش) راسو ببقى تقيل لمن تقيل وحصة التاريخ بعد الفطور بنشوفها فرنسي ...





:lol: :lol: :lol: :lol: :lol: :lol: :lol:

صبري طه
01-31-2006, 10:07 AM
عمنا عبدالرحمن كتب:



ما فضل ليك الا تقول امير و معتصم ديل ما كانوا مولودين قبل كم و تلاتين سنة .. كدى اسالهم كان ما قالوا ليك أأأأأأأأأأأأأأأأأأأأى حضرناها الحفلة دى







مولودين قبل كم وتلاتين سنة وحاضرين حفلة في الزمن داااك ؟؟؟

يا جماعة إنتو عمركم كم ؟؟؟

وأسمعوا الفنان كان كرومة ولا سرور ؟؟؟

Ameer Al Ameen
01-31-2006, 12:37 PM
عمنا عبدالرحمن كتب:



ما فضل ليك الا تقول امير و معتصم ديل ما كانوا مولودين قبل كم و تلاتين سنة .. كدى اسالهم كان ما قالوا ليك أأأأأأأأأأأأأأأأأأأأى حضرناها الحفلة دى







مولودين قبل كم وتلاتين سنة وحاضرين حفلة في الزمن داااك ؟؟؟

يا جماعة إنتو عمركم كم ؟؟؟

وأسمعوا الفنان كان كرومة ولا سرور ؟؟؟




هووووووووووووووووى يا صبرى ... ( هوووووووووى حقة معتصم)


مالك و مال عمرنا كم ؟:twisted: :twisted: :twisted: :twisted:

عبدالرحمن على حسن
01-31-2006, 05:25 PM
عمنا عبدالرحمن كتب:



ما فضل ليك الا تقول امير و معتصم ديل ما كانوا مولودين قبل كم و تلاتين سنة .. كدى اسالهم كان ما قالوا ليك أأأأأأأأأأأأأأأأأأأأى حضرناها الحفلة دى







مولودين قبل كم وتلاتين سنة وحاضرين حفلة في الزمن داااك ؟؟؟

يا جماعة إنتو عمركم كم ؟؟؟

وأسمعوا الفنان كان كرومة ولا سرور ؟؟؟




هووووووووووووووووى يا صبرى ... ( هوووووووووى حقة معتصم)


مالك و مال عمرنا كم ؟:twisted: :twisted: :twisted: :twisted:

و الله يا امير الود صبرى دا حيرنى عديل و ما عارف اسوى معاه شنو ؟ يلقط ليك الجملة البتولع النيران من وسط مية سطر و يشعللها .. بس حفر ايدكم و بيغرق ليكم !! زمان هو ما حرد و قال فايت ؟؟ الحنسّو و جابو صادى منو ؟؟
أها يا صبرى هاك دى كمان .. سنة 77 كان فى حفلة قاجة شديد فى فريق العيداب و كان الفنان محمد سلاّم .. وقام يتعزز الليمون .. و الضهب وقعت بيهم الحيطة .. و اتفرتقت الحفلة ( بس كملناها اوفر نايت جوه البيت) .. هى نسيت اقول ليك انو دا كان عرس اختى عشان ما تقول ضهب ..
لو شاطر فى الحساب بتقدر تتطلع عمر امير و معتصم .. لانو برضة كانو قاعدييييييين فى الحفلة ..
شفت الباصات كيف ؟ بس ابعد لينا من المريسة و العرقى و الجو و ما عندك اى مشكلة ..
و هووووووى دى شكلها زى حقت كلبكم الهوراط حسب رواية المذكورين اعلاه ...

فيصل يوسف حامد
01-31-2006, 07:59 PM
سلامات للجميع

بمناسبة الاحاديث عن سيد اللبن و ست العرقى و بياعة الروب....

حكى لى واحد من الاخوان عليه رحمة الله..انو قبل دخول الخميرة الى رفاعة

كان اصحاب الافران..يخلطون...الدقيق .. بالمريسة...


لزوم التخمير.. و نفخة العيش...

و العيش المحسن بنكهة المريسة

كان من أجود انواع العيش و أكثره حلاوة ...و طعما...

و قد يكون صحيا اكثر من عيش الخميرة.لكن الطريف فى الامر انو مرة ...

فى احد الافران.....

و بعد تحضير جردل المريسة... و تحضير الدقيق...

قام الفران.... و فى نوبة جوع كافر.... على ما يبدو .. بشراب كل المريسة...

و ترك الجردل خالى الوفاض....و طبعا ...

حال افندية رفاعة اللى تعودو على أكل العيش فى اليوم التانى

ما محتاج وصف.

سلام يا أهل النيمة .. و الشوق بحور !!
نأسف للانقطاع لزحمتين .. الاجازة القصيرة الما بتكفى سلام و مجاملات ناهيك عن الاشغال الخاصة !! و ال Back Log حق الشغل .. كأنك ما مشيت اجازة .. وراك وراك !!
تهانى متأخرة بالعيد و مرة واحدة كمان برأس السنة الهجرية .. و صادق الدعوات للحجاج أنّ يتقبل الله منهم و منّا صالح الاعمال ..
أما حكاية العيش بالمريسة دى يا امير حكاية !! تعرف رجعتنى ليك زى كم و تلاتين سنة !! و نحنا فى اجازة صيفية شاركنا انا و ابناء عمى فى حفلة قاجة فى فريق ورا بمناسبة زواج بنت عمى (ما ضهب يا صبرى) .. انتهت الحفلة مع اذان الصبح .. وفى طريقنا للعيداب .. فى فرن ناس حاج ادريس و العيش طالع نار .. يشلوط .. و ضربنا كميات محترمة .. و ختمناها بزامبو !! هل شربت زامبو ؟؟ انه هنا !! عبارة لا زالت راسخة فى ذهنى مكتوبة فى ضلفة دكان محمد احمد حاج الزاكى !! و كانت ترخيمة حدث طول اليوم .. و طيلة هذه السنين كنت اعتقد انها بسبب السهر .. و ما كنت ادرى انو عيشكم بيسكّر !! و برضو لبنكم ؟؟ لانو برضو بتذكر شوالات مليانة حاجات كدة زى مشك!! امباز!! بنجيبها بحمار ود كوداب من " الجو " ( و دى يا صبرى كانت شوية قطاطى فى اطراف البلد يقصدها شاربو المريسة و العرقى .. و حاجات تانية!) و الحاجة دى بيعلفوها البقر لزوم زيادة ادرار اللبن .. يعنى برضو لبن بالمريسة !! وتانى شنو ؟؟ بلاش احسن تزعلوا مننا ..
لكم ودى و اعزازى

الاخوان ود الامين وعبد الرحمن حسن...يعني دا آخر ما توصلتوا ليهو...تطلعونا تربية مريسه عديييييل كدا... :twisted: :evil: :twisted: :twisted: :twisted:

فيصل...

Ameer Al Ameen
01-31-2006, 08:54 PM
.



الاخوان ود الامين وعبد الرحمن حسن...يعني دا آخر ما توصلتوا ليهو...تطلعونا تربية مريسه عديييييل كدا... :twisted: :evil: :twisted: :twisted: :twisted:

فيصل...

فيصل الله يجازى محنك

و الله ضحكتنى ذى المجنون

صبري طه
02-01-2006, 10:00 AM
عمنا عبدالرحمن كتب:



و الله يا امير الود صبرى دا حيرنى عديل و ما عارف اسوى معاه شنو ؟ يلقط ليك الجملة البتولع النيران من وسط مية سطر و يشعللها .. بس حفر ايدكم و بيغرق ليكم !! زمان هو ما حرد و قال فايت ؟؟ الحنسّو و جابو صادى منو ؟؟






سوي لي شربات ليمون .....

حنَّسَنِّي الحاجات اللطيفة (الجكس) ...



عمنا عبدالرحمن كتب:



أها يا صبرى هاك دى كمان .. سنة 77 كان فى حفلة قاجة شديد فى فريق العيداب و كان الفنان محمد سلاّم .. وقام يتعزز الليمون .. و الضهب وقعت بيهم الحيطة .. و اتفرتقت الحفلة ( بس كملناها اوفر نايت جوه البيت) .. هى نسيت اقول ليك انو دا كان عرس اختى عشان ما تقول ضهب ..






سنة 77 كان في حفلة قاجة شديد في فريق العيداب !!!

هي نسيت أقول ليك إنو دا كان عرس أختي !!!

يا سلااااام طيب لو كان عرس ناس أختك الصياغة معقول تكون كدة !!

ومفروض تكون كالآتي:

سنة 77 كانت حفلة زواج أختي قاجة شديد في فريق العيداب !!!!

وبرضو تقول لي ما ضهب ؟؟؟؟



عمنا عبدالرحمن كتب:



لو شاطر فى الحساب بتقدر تتطلع عمر امير و معتصم .. لانو برضة كانو قاعدييييييين فى الحفلة ..
شفت الباصات كيف ؟ بس ابعد لينا من المريسة و العرقى و الجو و ما عندك اى مشكلة ..
و هووووووى دى شكلها زى حقت كلبكم الهوراط حسب رواية المذكورين اعلاه ...







2006 – 1977 = 29

وبتقدير عمرهم في تلك الفترة بـ (30) سنة وإهمال (10) سنوات
30 + 29 = 59

الـ 10 المهملة (عشان الجماعة أصحابي) + 59 = 69 سنة

يا سااااااااااااتر ،،،

أها يا جدو معتصم سليمان وجدو أمير الأمين بسألكم سؤال:

إنتو الحفلة دي كانت حفلة سمايتي أنا ولا عرس أخت جدنا عبدالرحمن علي حسن ؟؟؟

صبري طه
02-01-2006, 10:05 AM
أخونا فيصل كتب:



الاخوان ود الامين وعبد الرحمن حسن...يعني دا آخر ما توصلتوا ليهو...تطلعونا تربية مريسه عديييييل كدا...






إنت عارف يا فيصل كل ما أشوف لي زول شايل ليهو مريسة بَحِنَّ ليها احتمال عشان ربونا بيها ...

محمد عثمان عبدالقادر السماكي
02-02-2006, 11:36 AM
أخونا فيصل كتب:



الاخوان ود الامين وعبد الرحمن حسن...يعني دا آخر ما توصلتوا ليهو...تطلعونا تربية مريسه عديييييل كدا...






إنت عارف يا فيصل كل ما أشوف لي زول شايل ليهو مريسة بَحِنَّ ليها احتمال عشان ربونا بيها ...

:lol: :lol: :lol:


النيماب عبدالرحمن ووداللمين وصبري وفيصل وفائز..
كيفنكم ...شايكم مالو واقف....كدي نمشي نشرب
من ازيار ناس محمد اللمين دي واجيكم....

عبدالله إبنعوف
02-02-2006, 02:04 PM
سلام يا أهل النيمة .. و الشوق بحور !!
نأسف للانقطاع لزحمتين .. الاجازة القصيرة الما بتكفى سلام و مجاملات ناهيك عن الاشغال الخاصة !! و ال Back Log حق الشغل .. كأنك ما مشيت اجازة .. وراك وراك !!
تهانى متأخرة بالعيد و مرة واحدة كمان برأس السنة الهجرية .. و صادق الدعوات للحجاج أنّ يتقبل الله منهم و منّا صالح الاعمال ..
أما حكاية العيش بالمريسة دى يا امير حكاية !! تعرف رجعتنى ليك زى كم و تلاتين سنة !! و نحنا فى اجازة صيفية شاركنا انا و ابناء عمى فى حفلة قاجة فى فريق ورا بمناسبة زواج بنت عمى (ما ضهب يا صبرى) .. انتهت الحفلة مع اذان الصبح .. وفى طريقنا للعيداب .. فى فرن ناس حاج ادريس و العيش طالع نار .. يشلوط .. و ضربنا كميات محترمة .. و ختمناها بزامبو !! هل شربت زامبو ؟؟ انه هنا !! عبارة لا زالت راسخة فى ذهنى مكتوبة فى ضلفة دكان محمد احمد حاج الزاكى !! و كانت ترخيمة حدث طول اليوم .. و طيلة هذه السنين كنت اعتقد انها بسبب السهر .. و ما كنت ادرى انو عيشكم بيسكّر !! و برضو لبنكم ؟؟ لانو برضو بتذكر شوالات مليانة حاجات كدة زى مشك!! امباز!! بنجيبها بحمار ود كوداب من " الجو " ( و دى يا صبرى كانت شوية قطاطى فى اطراف البلد يقصدها شاربو المريسة و العرقى .. و حاجات تانية!) و الحاجة دى بيعلفوها البقر لزوم زيادة ادرار اللبن .. يعنى برضو لبن بالمريسة !! وتانى شنو ؟؟ بلاش احسن تزعلوا مننا ..
لكم ودى و اعزازى[/size][/font]

سلام عليكم يا أهل النيمة

تعرف يا عبدالرحمن جذبتني ليك حكاية " هل شربت زامبو ... إنه هنا " مكتوبة في الباب وبالأحمر وأكيد الزامبو دا ناس كتيرين ما بيعرفوه ، مع أنو نحن جبنا سيرتو في موضوع " قهوة عدلان " ، وبعدين يا اخوي الترخيمة دي ، يبدو أنو الزامبو كان بايت ، ولما يبيت يومين تلاتة حتى لو كان في التلاجة بخمر ، وأظنو دا سبب الترخيمة :

وبعدين يا ناس النيمة ، سؤال ، منو منكم الشرب زامبو عند محمد أحمد حاج الزاكي لما كان دكانو في بيت المرحوم حاج إدريس ؟

في مداخلة أخرى يا عبدالرحمن ، تكلمت عن مرسال الجو وحمار عمنا المرحوم ود كوداب ، يا جماعة النيمة أشهر تلاتة دكاكين في رفاعة كانت ، دكان ودكوداب ، دكان حسن دور ودكان ود سنهوري ، بس يا أخونا الأمير ما ننسى دكان ود أم حسون ؟

أها ياجماعة إنتو شفتو الدكاكين دي ؟؟

تحياتي ليكم كلكم

محمد عثمان عبدالقادر السماكي
02-03-2006, 10:10 PM
[center:54490e36aa][table=width:100%;:54490e36aa][cell=filter:;:54490e36aa][align=right:54490e36aa]
ناس النيمة سلام ..

والله الواحد طول شديد من النيم والبحر والكرو والحاجات دي ..

لكن بس أنا قلت بت الأستاذ دي ما تجي النيم لأني خايف عليها من العين وبرضو خايف عليها تشوف ماجد زنقار وتخاف وتجري من رفاعة لحدي الشرفة (بالشرق) ..
وبعدين يا سماكي إنت ما عارف ناس الضمنة الفي الحطابة ديل عينهم حارة شديد ... وعارف عمك عمر عاشة صعب جداً وما بحب الخمج واللخبتة ..
على العموم أنا كلمتكم وعلي كيفكم ..

صبري طبعاً أيام الكرة الطائرة ديك كانت حاجة جميلة جداً .. والله لا تنسى .. وكنا من ما آذان العصر يأذن نتلم كلنا ونجي التمرين .. من فريق الشايقية .. طمبل .. خالد الجل .. خالد النور .. فوزي الجيلي .. مختار الجيلي .. عمار حسن .. المرحوم هشام حسن .. أبوبكر البرعي .. بكري حسين (نيرة) .. فياض يوسف حامد .. حذيفة عباس .. عادل علي .. هريدي .. الشافعي .. معتصم جعفر .. أبو طالب جعفر .. مجدي السر جمال .. ومن فريق قدام أحمد سليمان كوكو ..
وهاك يا تمرين على الجو الجميل لأنه الميدان يقع في وسط النيم الموجود بجانب مدرسة الطيب التوم وكانت لنا وقفات مع أعرق أندية رفاعة في الكرة الطائرة وهو فريق أصدقاء جعفر الذي ندين له بالكثير في هذا المجال .. وخاصة الأخ/ محمد سعد والأستاذ/ علي الخليفة والأستاذ/ عثمان مختار .. وقد فزنا بأول بطولة تنظم على مستوى الدوري وكانت الغلبة لنا أمام فريق أصدقاء جعفر ..
أيام جميلة والله .. لا تنسى ..

إنت يا صبري .. بقيت تجي النيمة وتسيب التمرين في ميدان الهلال .. كنت طوالي بشوفك لابس الشورت والفنلة والكدارة وجاري بالطريق التحت .. لكن الظاهر النيمة دي بقت فيها حاجات كتيرة .. على العموم أحجزوا لي مكان ..

أخي فيصل .. والله أنا ما قصدي أطفش الجكس ونحنا لاقنهم وين .. لكن برضو ياها النيمة بتاعة التمانينات وما في أي موديل جديد .. بس اتغيروا الناس ..

فائز الجيلي
الطائف [/align:54490e36aa][/cell:54490e36aa][/table:54490e36aa][/center:54490e36aa]

غايتو جهة الكرو والبحر دي يا فائز ما ظنيت في زول في رفاعة ما مشى
ليها في فترة من حياتو ...معلم بارز وعام عشان كدا نحنا جينا قعدنا فيها...
وملاذ دي عارف شديدة على روحها الحبة دي ما بتجيها... :lol: وعمنا عمر
عاشة دا ناس الشرفة ديل ما بقدر اسالهم ..اولاد الصديق ديل ما نسابتو... :lol:
يا سلااااام ذكرتنا بشباب فريق الشايقية وايام تمارينهم الجميلة ديك...

فائز الجيلي
02-04-2006, 08:51 AM
[center:bd8ac3cf8b][table=width:100%;:bd8ac3cf8b][cell=filter:;:bd8ac3cf8b][align=right:bd8ac3cf8b]أخي محمد عثمان .. أو كما يحلو لي ناس المنتدى سماكي ..

لك التحية ..
إنت يا محمد موضوع المريسة ده الجابو شنو هنا .. دة فريق حمدين ولا شنو ؟؟؟؟!!!!!
ياجماعة ما تخلونا قاعدين في النيمة دي ساي وما تجيبوا لينا أي هوا ,..
إنتو ما عارفين ولا شنو ؟؟!!

طبعاً يا سماكي أنا والله نسيت موضوع نسب ناس الصديق .. ومن هنا التحية لأخونا أمير .. وللأخ عبدو عمر ..

والله فريق الشايقية ما بتعوض ..

فائز الجيلي
الطائف [/align:bd8ac3cf8b][/cell:bd8ac3cf8b][/table:bd8ac3cf8b][/center:bd8ac3cf8b]

Ameer Al Ameen
02-04-2006, 09:16 AM
عمنا عبدالرحمن كتب:




2006 – 1977 = 29

وبتقدير عمرهم في تلك الفترة بـ (30) سنة وإهمال (10) سنوات
30 + 29 = 59

الـ 10 المهملة (عشان الجماعة أصحابي) + 59 = 69 سنة

يا سااااااااااااتر ،،،

أها يا جدو معتصم سليمان وجدو أمير الأمين بسألكم سؤال:

إنتو الحفلة دي كانت حفلة سمايتي أنا ولا عرس أخت جدنا عبدالرحمن علي حسن ؟؟؟


صبرى

:twisted: :twisted: :twisted: :twisted:

و تانى

:twisted: :twisted: :twisted: :twisted:


قال حنسنى الجكس قال :lol: :lol: :lol: :lol: :lol:

فائز الجيلي
02-04-2006, 09:34 AM
[table=width:100%;:c60a9c1f4b][cell=filter:;:c60a9c1f4b][center]دردير الزمن بالحيل بنجض عضمك
وتجريب المحن دايماً بحسَّن نضمك
لوكك للصبر ياخوي بسَّهل هضمك
أوعاك من تلوك حال الخلوق بي كضمك[/cell:c60a9c1f4b][/table:c60a9c1f4b][/center:c60a9c1f4b]
حتما سأعود ويعود العيد ويطل صباح وفجر جديد

Ameer Al Ameen
02-04-2006, 09:43 AM
سلام يا أهل النيمة .. و الشوق بحور !!
نأسف للانقطاع لزحمتين .. الاجازة القصيرة الما بتكفى سلام و مجاملات ناهيك عن الاشغال الخاصة !! و ال Back Log حق الشغل .. كأنك ما مشيت اجازة .. وراك وراك !!
تهانى متأخرة بالعيد و مرة واحدة كمان برأس السنة الهجرية .. و صادق الدعوات للحجاج أنّ يتقبل الله منهم و منّا صالح الاعمال ..
أما حكاية العيش بالمريسة دى يا امير حكاية !! تعرف رجعتنى ليك زى كم و تلاتين سنة !! و نحنا فى اجازة صيفية شاركنا انا و ابناء عمى فى حفلة قاجة فى فريق ورا بمناسبة زواج بنت عمى (ما ضهب يا صبرى) .. انتهت الحفلة مع اذان الصبح .. وفى طريقنا للعيداب .. فى فرن ناس حاج ادريس و العيش طالع نار .. يشلوط .. و ضربنا كميات محترمة .. و ختمناها بزامبو !! هل شربت زامبو ؟؟ انه هنا !! عبارة لا زالت راسخة فى ذهنى مكتوبة فى ضلفة دكان محمد احمد حاج الزاكى !! و كانت ترخيمة حدث طول اليوم .. و طيلة هذه السنين كنت اعتقد انها بسبب السهر .. و ما كنت ادرى انو عيشكم بيسكّر !! و برضو لبنكم ؟؟ لانو برضو بتذكر شوالات مليانة حاجات كدة زى مشك!! امباز!! بنجيبها بحمار ود كوداب من " الجو " ( و دى يا صبرى كانت شوية قطاطى فى اطراف البلد يقصدها شاربو المريسة و العرقى .. و حاجات تانية!) و الحاجة دى بيعلفوها البقر لزوم زيادة ادرار اللبن .. يعنى برضو لبن بالمريسة !! وتانى شنو ؟؟ بلاش احسن تزعلوا مننا ..
لكم ودى و اعزازى[/size][/font]

سلام عليكم يا أهل النيمة

تعرف يا عبدالرحمن جذبتني ليك حكاية " هل شربت زامبو ... إنه هنا " مكتوبة في الباب وبالأحمر
وأكيد الزامبو دا ناس كتيرين ما بيعرفوه ، مع أنو نحن جبنا سيرتو في موضوع " قهوة عدلان " ، وبعدين يا اخوي الترخيمة دي ، يبدو أنو الزامبو كان بايت ، ولما يبيت يومين تلاتة حتى لو كان في التلاجة بخمر ، وأظنو دا سبب الترخيمة :

وبعدين يا ناس النيمة ، سؤال ، منو منكم الشرب زامبو عند محمد أحمد حاج الزاكي لما كان دكانو في بيت المرحوم حاج إدريس ؟

في مداخلة أخرى يا عبدالرحمن ، تكلمت عن مرسال الجو وحمار عمنا المرحوم ود كوداب ، يا جماعة النيمة أشهر تلاتة دكاكين في رفاعة كانت ، دكان ودكوداب ، دكان حسن دور ودكان ود سنهوري ، بس يا أخونا الأمير ما ننسى دكان ود أم حسون ؟

أها ياجماعة إنتو شفتو الدكاكين دي ؟؟

تحياتي ليكم كلكم

العزيزان... ابو هبة و عبد الرحمن

يا سلام على الزامبو... و ايامه... و سندويتشات الطحنية من عمك الجاك سعد...و فول القراح

ايام ليها ايقاع...على قول ابو .....بت الحسين ...
بس يا ابو هبة ...شكلك كده ما دخنت .. و الا ما كنت نسيت دكان عمنا محمد الامين.. أشهر
بائع سجائر بعد انصاص الليالى فى رفاعة...لمرتادى الحفلات...و خصوصا ضهب ناس صبرى...
بس هذا الرجل ..فيه ميزة و الله عجيبة...رجل صبور و قليل الكلام...وما سمعنا انو زعل
من زول صحاهو من نومو .. فى نص الليل علشان يشترى منو سجارة واحدة...

وين دكاكين نسوان رفاعة؟؟؟؟

صبري طه
02-04-2006, 01:36 PM
أمير الأمين كتب:


صبرى



و تانى




قال حنسنى الجكس قال








إنت زعلت من المعادلات الرياضية ولا شنو ؟؟؟

صبري طه
02-05-2006, 02:30 PM
شنو يا جماعة من ما جبنا فيها عمركم كم طفشتو !!!

محمد عثمان عبدالقادر السماكي
02-05-2006, 05:19 PM
النيماب العزاز سلااااااااااااام ....ترحيب شديد بالامبراطور
الصادق وهو جاي محمل بالذكريات والايام الجميلة في رفاعة
وان شاءالله اتحفنا بالكثير عن ايامو في رفاعة....

الصادق عبدالله ضرار
02-05-2006, 09:33 PM
سلام النيماب
والله ونستكم الهنا عشناها هناك على الهواء مباشرة وزرنا كل الشوارع التى نتكلم عنها...والشخصيات كثير منها التقينها وكانت ايام لها ايقاع..
المفاجاة صورة النيمه حقتنا
هنا
الان حصريا على النيماب وهاكم الصوره وهى لها يومين فقطhttp://rufaaeast.com/board/templates/vSpiral/uploader/IMG_0313.JPG

صبري طه
02-06-2006, 07:32 AM
يا سلااام على الذوق الراقي ويا ألف سلام عليك يا صادق يا أخدر وأهنيكم على الأيام الخضراء ... وذكرتنا أيام خليها ساكت غايتو قربت أبكي ...

لك التحية أخي وأنت بيننا تروي لنا متعة زيارتك لي رفاعة وروعة أهلنا الطيبين وتنزل لنا صورة النيمة اللمتنا ...

Ameer Al Ameen
02-06-2006, 08:36 AM
العزيز الصادق

الف ..حمدا لله.. على السلامة

الصادق عبدالله ضرار
02-06-2006, 08:40 AM
صبرى لك الود ماقدرنا نحضر زواج الاخ بدوى لانو اخوك كان مريظ زى مابقولوا العرب...
امير الامين يديك العافيه وللاسف لم نلتقى بك
الجايات اكتر من الرايحات..

فيصل يوسف حامد
02-06-2006, 09:06 AM
[align=justify:7e7f79b991]الاخ الكريم الصادق ضرار...يا خوي شكراً على الصورة الرائعة دي...فقد رجعتنا إلى أيام وذكريات جميلة جداً...فلك ومجهودك التقدير...ومرحب بيك مرة أخرى في النيمه...
وبالمناسبة ما قابلت الوالد هنا أو هناك...

الاخوان في النيمه سلام...

وين الناس الغايبه...والجكس ليهو زمن...الحاصل شنو....

فيصل...[/align:7e7f79b991]

صبري طه
02-06-2006, 09:15 AM
الصادق الأخدر كتب:


صبرى لك الود ماقدرنا نحضر زواج الاخ بدوى لانو اخوك كان مريظ زى مابقولوا العرب...








شنو المراوغة دي أنا بفتش للرد بي غادي ألقاهو بي جاي تحت النيمة !!!!!

وسلاااامات بركة القمت بالسلامة ...

صبري طه
02-06-2006, 09:19 AM
أخونا فيصل كتب:


وين الناس الغايبه...والجكس ليهو زمن...الحاصل شنو....








نستبشر بي جية الأخ الصادق الأخدر نشاط في كل المنتديات ...

فائز الجيلي
02-06-2006, 09:22 AM
[center:32586465b0][table=width:100%;:32586465b0][cell=filter:;:32586465b0][align=right:32586465b0]
ألف مرحب الأخ الصادق والنيمة منورة والله ..

طبعاً الصورة جميلة جداً لكن يا الصادق لو كان جبت ماجد زنقار قاعد في اللستك كان تكون حاجة عجيبة ..
على العموم لا أود أن أبخس ما قمت به .. فإنه حقاً مجهود رائع ..

لك كل الود والتقدير والاحترام ..

فيصل ..
جكس شنو إنت خرفت ولا شنو؟؟؟؟!!!

وين يا جماعة سماكي
مافي جديد؟؟؟

فائز الجيلي
الطائف [/align:32586465b0][/cell:32586465b0][/table:32586465b0][/center:32586465b0]

صبري طه
02-06-2006, 09:29 AM
فائز الجيلي كتب:



فيصل ..
جكس شنو إنت خرفت ولا شنو؟؟؟؟!!!








يا فايز نزل لينا المعادلات الرياضية ... عشان نفهم ...

وفعلاً النيمة بدون جكس ...

زي الفول بدون زيت ...

وزي الحلة بدون بصل ...

وزي البنت بدون شباشب ...

فيصل يوسف حامد
02-06-2006, 09:44 AM
الصادق الأخدر كتب:

صبرى لك الود ماقدرنا نحضر زواج الاخ بدوى لانو اخوك كان مريظ زى مابقولوا العرب...



شنو المراوغة دي أنا بفتش للرد بي غادي ألقاهو بي جاي تحت النيمة !!!!!
وسلاااامات بركة القمت بالسلامة ...


[align=justify:1b59d1c42b]سلام ناس النيمه .....سلام...

أخوي صبري مبروك لزواج الاخ بدوي...وما كنا عارفين أي حاجة...لا عزومه ولا دعوه...ولا صوت حفله ساااااااكت ما سمعناهو...إنتو عملتو بكاتم صوت...خايفين من الضهب ول شنو...
المهم شد حيلك أهو الناس الجادة عرست...إنت عديها لي قعاد ضلله سااااااكت...وبعد قرض صفق النيم القاعد تحتو دا...

مرة أخرى مبرو ك لأخوك وبيت مال وعيال إنشاء الله...وعقبالك وكل الاخوة...

فيصل...[/align:1b59d1c42b]

الصادق عبدالله ضرار
02-06-2006, 09:47 AM
الاخ فائز شكر ليك لكن الظاهر ماجد كان فى السوق وقت التصوير لكن صورت ليك عثمان سلامه الله يديهو العافيه وهو قاعد فى الكرسى وعثمان كان معنا فى الاميريه كما تذكر ومرفق الصوره...
الاخ فيصل طبعا الوالد التقيت به اكثر من مره وسلمت عليه بحكم انه استاذى وتعلمت شئ على يديه كنت التقى به فى خلوة ابونا الشيخ عبدالله خصوصا فى العصرى يوم الجمعه وشقيق صغير لك لا اذكر اسمه عذرا واعتقد صورتو...ساوافيك بها ان وجدتها (الصوره)http://rufaaeast.com/board/templates/vSpiral/uploader/IMG_0314.JPG

فيصل يوسف حامد
02-06-2006, 09:54 AM
[center:8f71cdfb1c][table=width:100%;:8f71cdfb1c][cell=filter:;:8f71cdfb1c][align=right:8f71cdfb1c]

فيصل ..
جكس شنو إنت خرفت ولا شنو؟؟؟؟!!!

وين يا جماعة سماكي
مافي جديد؟؟؟

فائز الجيلي
الطائف [/align:8f71cdfb1c][/cell:8f71cdfb1c][/table:8f71cdfb1c][/center:8f71cdfb1c]

[align=justify:8f71cdfb1c]سلام النيماب...سلام

الاخ فائز ...لك تحياتي واشواقي...

يا خوي إنت ما عارف آل حامد بخرفوا بعد المائة ودقداقه...ول شنو...وخرفم ما بيتعدى الذكريات...يعني قطع من الراس سااااكت مافي...أه وينا وين المائة هسع...
وشايف صبري دا بقول ليك ورينا المعادلات الرياضيه...أظنو قائلني قدر ناس ود الامين ومعتصم وود فريجون...قول ليهو لسع أخوك ضرس العقل ما قام ليهو...

ولكم خالص الود والتقدير،،،فيصل...[/align:8f71cdfb1c]

صبري طه
02-06-2006, 11:53 AM
أخونا فيصل كتب:


أخوي صبري مبروك لزواج الاخ بدوي...وما كنا عارفين أي حاجة...لا عزومه ولا دعوه...ولا صوت حفله ساااااااكت ما سمعناهو...إنتو عملتو بكاتم صوت...خايفين من الضهب ولا شنو...
المهم شد حيلك أهو الناس الجادة عرست...إنت عديها لي قعاد ضلله سااااااكت...وبعد كدة قرض صفق النيم القاعد تحتو دا...

مرة أخرى مبرو ك لأخوك وبيت مال وعيال إنشاء الله... وعقبالك وكل الاخوة...









لك التحية أخي فيصل ومشكور على التهنئة وعقبالي وعقبال الناس البكايين ...

وبالنسبة لصفق النيم أصلو أنا ما عايز إتورَّط عشان آكل نيم زيَّكم !!!

صبري طه
02-06-2006, 11:58 AM
أخونا فيصل كتب:


وشايف صبري دا بقول ليك ورينا المعادلات الرياضيه...أظنو قائلني قدر ناس ود الامين ومعتصم وود فريجون






يا عزيزي ود فريجون دة جامعو مع الناس ديل مالك ...

الزول دة جاهل صغير وحمامة ...




أخونا فيصل كتب:


قول ليهو لسع أخوك ضرس العقل ما قام ليهو .....






أها في خرف جنس دة !!!!!

فيصل يوسف حامد
02-06-2006, 04:54 PM
الاخ فيصل طبعا الوالد التقيت به اكثر من مره وسلمت عليه بحكم انه استاذى وتعلمت شئ على يديه كنت التقى به فى خلوة ابونا الشيخ عبدالله خصوصا فى العصرى يوم الجمعه وشقيق صغير لك لا اذكر اسمه عذرا واعتقد صورتو...ساوافيك بها ان وجدتها (الصوره)http://rufaaeast.com/board/templates/vSpiral/uploader/IMG_0314.JPG

[align=justify:f53c6fd54e]الاخ الصادق ضرار...تحياتي،

شكراً لك وأنت لا تزال تطمئننا على أهلنا...وتهدينا تلك الصورة التي تعيدنا إلى أحلى أيام قضيناها...أما شقيقي الاصغر اسمه خالد...فإذا إلتقط لهم صور ارجو أدراجها...

وبالمناسبة يا جماعة ...وين أخونا سماكي...الزول دا كدي أفقدوه مالو...

مع خالص التقدير،،،

فيصل...[/align:f53c6fd54e]

محمد عثمان عبدالقادر السماكي
02-06-2006, 08:22 PM
النيماب الاحباب سلااااااام...ولكن والله صور الصادق سمحة شديد والواحد
من الصباح الف واجي افتح واتفرج وتاني الف واجي اتفرج ..والله رفاعة دي
ليها حنين عجيب...فربنا ارجعنا قريب ان شاءالله.....
وعارف يا الصادق والله الصور الجميلة دي خلت الواحد الاحظ حاجة ما كان ملاحظها
من زمان اللي هي انو رفاعة فيها كمية من الاشجار في الشوارع ومديا الصور
خضرة جميلة...فشكرا للصادق على اتحافنا باسترجاع تلك الذكريات الجميلة...
ويا صبري الف مبروك لاخوك وان شاءالله بيت مال وعيال ...وعقبالك ..يعني
لابد ما جبتينا خبر....كان النيماب ديل ربوها شوية...
وين معظم النيماب الايام دي مختفين ...وشايكم وقهوتكم واقفة مالا...؟؟

ملاذ حسين خوجلي
02-06-2006, 08:50 PM
سلامات يا سماكينا

كيف واقفة ياخي مما جاء الامبراطور الصادق واحنا شغالين شاي وقهوة والناس كلها اتلمت تسلم وتحمدل السلامة

وانا فرقت شاي وقهوة بلاااااااااااااااااش بالمناسبة دي

لكن يا سماكينا ما شايفة قالوا فيها كشة وما كشة والله انا خايفة يخموني من النيمة دي

خصوصا شايفه ناس النيمة ذاتم موزعين ما بين رجعة الجكس وغيابم

عشان كدة قلنا نهدي اللعب

ولا شنو ؟

صبري طه
02-07-2006, 08:11 AM
سماكينا كتب:


وعارف يا الصادق والله الصور الجميلة دي خلت الواحد الاحظ حاجة ما كان ملاحظها من زمان اللي هي انو رفاعة فيها كمية من الأشجار في الشوارع ومديا الصور خضرة جميلة...






وإنتو ما ملاحظات إنو رفاعة عبارة عن وادي واقع في شبه جزيرة ... ولو الناس استغلت الحتة دي ممكن تكون مدينة سياحية من الدرجة الممتازة ...




سماكينا كتب:


ويا صبري الف مبروك لاخوك وان شاءالله بيت مال وعيال ...وعقبالك ..يعني
لابد ما جبتينا خبر....كان النيماب ديل ربوها شوية...






إنت ما شفت شريط الإهداءات ولا دايرنا نجيب ليك شريط العرس ...
واليوم داك كنت مدبرس دبرسة الجماعة رابنها وأنا بي جاي مع قرف الشغل ...
عموماً الدعوة مقدمة للجميع السنة الجاية (زواجي – إنشاء الله –) وسيرتي حتلف النيمة والبنات حيغنن دور بينا النيمة دي حبيبي دور بي ...

صبري طه
02-07-2006, 08:18 AM
خصوصا شايفه ناس النيمة ذاتم موزعين ما بين رجعة الجكس وغيابم






معقولة بس !!! في ناس دايرة غياب الحاجات اللطيفة ديل منو يا سماكي ؟؟؟ ورينا ليهم !!!

إنتو عارفين أنا أول ما أدخل على المنتدى بمشي لأسماء الحاجات الحلوة وبأضغط عليها بالماوس ثم بأطلب أوجد جميع إسهامات الحاجة الحلوة وبشوف مداخلاتن وين وبعداك بقوم إتشنط وأمشي إضَّهب ...

yassir karar
02-07-2006, 07:13 PM
[Size=28]الاخدر أخوى
المحبوب حبابو
حمدالله ليك بالسلامه
وانشاء الله لقيت البنيات تمام التمام
والمدام
او دوحة الخير
عاطف او بساطى
والنيمه مرحبه
تحياتى للشباب التايوتاب
والقاعدين عزآب
والود صبرى دا انشاء الله تكونوا لقيتو ليه عروس اصلو تاعب الناس الكبار ديل بالحيل
وانشاءالله العقاب تمام التمام
طبعا انا كنته حردان ضل النيمه دى قلته الا اجو الاخوان المعتصم والاخدر
وسماكينا داك بيقى عكس الريح سااااااااااااااااااااااااااااى
خاتينو ليك اندر كنترول
وناس الشرفه شرفونا والله نفس الكرم الحضور والترحاب الشاى والقهوه بالمجان
وحمدااله على سلامتك يا امبراطور
او باقى الشمارات لا قدام
Size]

فيصل يوسف حامد
02-07-2006, 07:35 PM
أخونا فيصل كتب:
[color=#6
[/color]



لك التحية أخي فيصل ومشكور على التهنئة وعقبالي وعقبال الناس البكايين ...
وبالنسبة لصفق النيم أصلو أنا ما عايز إتورَّط عشان آكل نيم زيَّكم !!!


[align=justify:b372b56201]سلام ناس النيمه...سلام...

يا خوي صبري...اسمع كلامك اصدق...اشوف عمايلك استعجب...يا ها ذاتها...
وهسع كلامك الفوق دا...علي العمدة....أأأأأأأأأأأأأ...شفيق يا راجل...البمشي في الشارع...
يا بوي أنا شايف شريط الاهداء...الناس العملو ديل...بواسوك في شاكوش شكل نجار ما اشتغل بيهو قبل كدا...بالله عليك ما تقص لينا قصتو خلي النيماب ديل إواسوك برضو...مافي حاجة اخوانك ياخي...
وبعدين الوردة الجديدة اللافة تحت دي شنو...ما عرفنا قصتها لسع...

وبرضو بسأل من الناس الغيبين مرة تاني...وناس بتجي علي الخفيف كدا...وتختفي...الفيضان جاء ول شنو...غايتو بكون جابو فائز الجيلي دا...أصلو من الاول نوى لينا ...

فيصل...[/align:b372b56201]

محمد عثمان عبدالقادر السماكي
02-07-2006, 11:24 PM
سلامات يا سماكينا

كيف واقفة ياخي مما جاء الامبراطور الصادق واحنا شغالين شاي وقهوة والناس كلها اتلمت تسلم وتحمدل السلامة

وانا فرقت شاي وقهوة بلاااااااااااااااااش بالمناسبة دي


بتنا ام كلامن سمح ...ويييين الغيبة الطويلة دي ..؟ ما زمان قلتي النيمة
دي تاني ما بتفوتيها تب...!!!!ما شايفا ناس صبري ديل إلاهو للشاي والقهوة
ليهم زمن... :lol:
اها لمن قلبتيها بالمجان ناس الملح بعد دا كلهم بظهروا..... :lol:
الجماعة كانوا كابين الزوغة من الدفع.... :lol:

محمد عثمان عبدالقادر السماكي
02-07-2006, 11:29 PM
لكن يا سماكينا ما شايفة قالوا فيها كشة وما كشة والله انا خايفة يخموني من النيمة دي

خصوصا شايفه ناس النيمة ذاتم موزعين ما بين رجعة الجكس وغيابم

عشان كدة قلنا نهدي اللعب

ولا شنو ؟


لعب شنو البتهديهو...!!!!ما شفتي صبري اللذيذ دا قال ليكم شنو... :lol:
النيمة من غير جكس زي الفول من غير زيت.... :lol: :lol:

صبري طه
02-08-2006, 11:59 AM
أخونا فيصل كتب:


يا خوي صبري...اسمع كلامك اصدق...اشوف عمايلك استعجب...يا ها ذاتها...
وهسع كلامك الفوق دا...علي العمدة....أأأأأأأأأأأأأ...شفيق يا راجل...البمشي في الشارع...
يا بوي أنا شايف شريط الاهداء...الناس العملو ديل...بواسوك في شاكوش شكل نجار ما اشتغل بيهو قبل كدا...بالله عليك ما تقص لينا قصتو خلي النيماب ديل إواسوك برضو...مافي حاجة اخوانك ياخي...







صدقني ديل الناس الحاقدين بخشوا بأسماء مستعارة وبطعنوا في ضل الفيل ..

أصل الحكاية أيام الجامعة أنا كنت مضيع الجماعة ديل ... ومما إشوفوني بضَّايروا ..




أخونا فيصل كتب:


وبعدين الوردة الجديدة اللافة تحت دي شنو...ما عرفنا قصتها لسع...







بطِّل الشمارااات يا فيصل .....

ولا عايزني ألومك مع الندى ؟؟؟؟



أخونا فيصل كتب:


وبرضو بسأل من الناس الغايبين مرة تاني...وناس بتجي علي الخفيف كدا...وتختفي...الفيضان جاء ولا شنو...غايتو بكون جابو فائز الجيلي دا...أصلو من الأول نوى لينا ...







صبراً آل فيصل لما الجماعة إرجعوا كلهم من الإجازات ...

صبري طه
02-08-2006, 12:04 PM
سماكينا كتب:


اها لمن قلبتيها بالمجان ناس الملح بعد دا كلهم بظهروا.....
الجماعة كانوا كابين الزوغة من الدفع....







إنت قصدك الصادق الأخدر ... وياسر كرار ... ولا قصدك منو ؟؟؟




سماكينا كتب:


لعب شنو البتهديهو...!!!!ما شفتي صبري اللذيذ دا قال ليكم شنو...
النيمة من غير جكس زي الفول من غير زيت....







وأنا بحب الزيت بأنواعه زيت السمسم وزيت الفول وزيت العربات !!!

والعربية بدون زيت بتحرق !!!

صبري طه
02-08-2006, 12:07 PM
ياسر كرار كتب:


والود صبري دا إنشاء الله تكونوا لقيتو ليه عروس أصلو تاعب الناس الكبار ديل بالحيل وإنشاء الله العقاب تمام التمام ...







أخونا ياسر سلامااات وطولت الغيبة ...

وشوف لي عروس مدريدية عشان أنا بشجع ريال مدريد ... لكن على شرط إكون عندها عرق في رفاعة !!!!!!

Nola
02-08-2006, 02:50 PM
سلام وتاني سسسسلام وسسسلام

ومششششششششتاقين كميات كدا


النيماب ازيكم اخباركم والحاصل والاتحصل

وحمد لله الصادق الاخضر رجع بالسلامة .....

البت لوزه دي ماله قهوتة واقفه ... اوعي يكون شالوها في الكشة الكانت في سوق

رفاعة اليوم داك :lol: :lol: :lol: :lol:


فيصل يا اخوي اها لسه ما عرفته شمار الورده المدوره دي :lol: :lol: :lol: :lol:

معتصم سليمان بابكر
02-08-2006, 08:44 PM
[align=justify:4681dc5096]النيماب
سلام عليكم كلكم من السماكى لحدى صبرى
بالمناسبة يانولا اخونا صبرى اتضح انو عندو عدد 3 كارو استثمارية وشالوا منو اتنين فى الكشة والتالته
كان الحمار بتاعها حريف وعرف اتخارج من الكشة عبر احد المنافذ ......وكان دا الحمار الوحيد الاتخارج من الكشة وكان حديث المدينة...وعرفت انو صبرى قام بتعميد القائم على التحصيل بان يرفع المخصص للحريف داك فى شكل اضافات تحفيزية

عند اللفة بتاعة التيرلة
----------------------
لكن الحمار عندك ياصبرى[/align:4681dc5096]

محمد عثمان عبدالقادر السماكي
02-08-2006, 09:08 PM
الاخدر أخوى
المحبوب حبابو
حمدالله ليك بالسلامه
وانشاء الله لقيت البنيات تمام التمام
والمدام
او دوحة الخير
عاطف او بساطى
والنيمه مرحبه
تحياتى للشباب التايوتاب
والقاعدين عزآب
والود صبرى دا انشاء الله تكونوا لقيتو ليه عروس اصلو تاعب الناس الكبار ديل بالحيل
وانشاءالله العقاب تمام التمام
طبعا انا كنته حردان ضل النيمه دى قلته الا اجو الاخوان المعتصم والاخدر
وسماكينا داك بيقى عكس الريح سااااااااااااااااااااااااااااى
خاتينو ليك اندر كنترول
وناس الشرفه شرفونا والله نفس الكرم الحضور والترحاب الشاى والقهوه بالمجان
وحمدااله على سلامتك يا امبراطور
او باقى الشمارات لا قدام
Size]

[Size=16]الحبيب ياسر كرار ربيب العلماء..وييييين الغيبة..؟ والله فاقدنك...وشايفك
بتاوق مرة مرة ولا شغال بينا في النيمة...مالك..؟اوع إكون الظريف صبري دا
هرشك ولى حاجة..؟؟ :lol:
واخر شمار شغال اليومين ديل في النيمة هو شاكوش صبري القالو اخدو.... :lol:
وشنو ياخوي اوعا تكون من الجماعة الكانوا زايقين بي قروش ملاذ..؟؟ :lol:

الموناليزا..
02-08-2006, 09:23 PM
الأخ المحترم .. سماكي
سلام .. لك ولكل شباب النيمة ..
حمدلله على سلامة أخونا الإمبراطور .. وجد سعيدة
جداً بالصور , خاصة صور شجرة النيم ..
لأنو لأول مرة أشاهد شجرة النيم الفي الحطابة ..
ياملاذ انتظري شوية عشان نشوفها مع بعض ..
ودي بمثابة دعوة لك ..
ويا صبري أنا من الخالات مع نولا .. وما مع الجكس ..
:wink: :wink: :wink:

سلامي وتحياتي للجميع ..
الموناليزا ..

محمد عثمان عبدالقادر السماكي
02-08-2006, 09:29 PM
أخونا فيصل كتب:
[color=#6
[/color]



لك التحية أخي فيصل ومشكور على التهنئة وعقبالي وعقبال الناس البكايين ...
وبالنسبة لصفق النيم أصلو أنا ما عايز إتورَّط عشان آكل نيم زيَّكم !!!


[align=justify:28fff008a4]سلام ناس النيمه...سلام...

يا خوي صبري...اسمع كلامك اصدق...اشوف عمايلك استعجب...يا ها ذاتها...
وهسع كلامك الفوق دا...علي العمدة....أأأأأأأأأأأأأ...شفيق يا راجل...البمشي في الشارع...
يا بوي أنا شايف شريط الاهداء...الناس العملو ديل...بواسوك في شاكوش شكل نجار ما اشتغل بيهو قبل كدا...بالله عليك ما تقص لينا قصتو خلي النيماب ديل إواسوك برضو...مافي حاجة اخوانك ياخي...
وبعدين الوردة الجديدة اللافة تحت دي شنو...ما عرفنا قصتها لسع...

وبرضو بسأل من الناس الغيبين مرة تاني...وناس بتجي علي الخفيف كدا...وتختفي...الفيضان جاء ول شنو...غايتو بكون جابو فائز الجيلي دا...أصلو من الاول نوى لينا ...

فيصل...[/align:28fff008a4]

الحبيب فيصل ياخي جيب لينا اخبار شاكوش صبري دا..خلي نعمل ليهو
مجلس مواساءة وتخفيف وحنعين كل جكس النيمة في المجلس ورئاسة
المجلس حتكون من نصيب ملاذ...عشان تديكم الشاي والقهوة مجان... :lol:
والجماعة ابطلوا الزوغان من النيمة....

محمد عثمان عبدالقادر السماكي
02-08-2006, 09:55 PM
سلام وتاني سسسسلام وسسسلام

ومششششششششتاقين كميات كدا


النيماب ازيكم اخباركم والحاصل والاتحصل

وحمد لله الصادق الاخضر رجع بالسلامة .....

البت لوزه دي ماله قهوتة واقفه ... اوعي يكون شالوها في الكشة الكانت في سوق

رفاعة اليوم داك :lol: :lol: :lol: :lol:


فيصل يا اخوي اها لسه ما عرفته شمار الورده المدوره دي :lol: :lol: :lol: :lol:

نولا حمدلله على السلامة واخبار الابيض معاك؟؟...قالو كنتي فيها....
ولوزة دي قهوتها قلبتها بالمجان احتفالا بعودة الصادق الاخدر...
عارفا شمار الوردة الحمراء دي دايرين لينا زول اجيبوا ..اصلو اول حاجة
كان كمييوتر وبعدا صورة وهسع اتقلبت لي وردة حمراء...!!!! :lol:

محمد عثمان عبدالقادر السماكي
02-08-2006, 10:04 PM
[align=justify:a5406ab440]النيماب
سلام عليكم كلكم من السماكى لحدى صبرى
بالمناسبة يانولا اخونا صبرى اتضح انو عندو عدد 3 كارو استثمارية وشالوا منو اتنين فى الكشة والتالته
كان الحمار بتاعها حريف وعرف اتخارج من الكشة عبر احد المنافذ ......وكان دا الحمار الوحيد الاتخارج من الكشة وكان حديث المدينة...وعرفت انو صبرى قام بتعميد القائم على التحصيل بان يرفع المخصص للحريف داك فى شكل اضافات تحفيزية

عند اللفة بتاعة التيرلة
----------------------
لكن الحمار عندك ياصبرى[/align:a5406ab440]

الرائع روعة رفاعة المعتصم ود سليمان...اول حاجة انت جيت ولا لسع ..؟فرحنا
قلنا جيت اتصلنا عليك جوالك مابرد...
والله دي جديدة..المستثمر صبري.... :lol: الزول لابد بالمشروع دا وما كلم
اي زول ..!!!!شكلوا خايف من التنافس التجاري.... :lol:
اخبار ود فريجون معاك كيف...بالله طمنا على الزول دا...

محمد عثمان عبدالقادر السماكي
02-08-2006, 10:13 PM
الأخ المحترم .. سماكي
سلام .. لك ولكل شباب النيمة ..
حمدلله على سلامة أخونا الإمبراطور .. وجد سعيدة
جداً بالصور , خاصة صور شجرة النيم ..
لأنو لأول مرة أشاهد شجرة النيم الفي الحطابة ..
ياملاذ انتظري شوية عشان نشوفها مع بعض ..
ودي بمثابة دعوة لك ..
ويا صبري أنا من الخالات مع نولا .. وما مع الجكس ..
:wink: :wink: :wink:

سلامي وتحياتي للجميع ..
الموناليزا ..

الاخت الكريمة الموناليزا والله الصادق عمل شغل تمام بي صورو الجابة
دي وخلى الجماعة يعاودهم الحنين الى الرائعة رفاعة....
وصبري دا خلو علي اليومين دي بنشغلو ليكم في الشاكوش الماخدو دا
وكمان في وردتو الحمراء دي.... :lol:

معتصم سليمان بابكر
02-09-2006, 09:04 AM
الرائع روعة رفاعة المعتصم ود سليمان...اول حاجة انت جيت ولا لسع ..؟فرحنا
قلنا جيت اتصلنا عليك جوالك مابرد...
والله دي جديدة..المستثمر صبري.... الزول لابد بالمشروع دا وما كلم
اي زول ..!!!!شكلوا خايف من التنافس التجاري....
اخبار ود فريجون معاك كيف...بالله طمنا على الزول دا...


[align=justify:3eeb716c2e]السماكى يافرح الناس القاعدين ديل كلهم...كيفك يا ملك النيمة المتوج بالكلام الجاى منك .....
حتى اللحظة مازلت فى رفاعة الرائعة بكل المعانى والرؤى واسال الامبراطور من روعة البلد الحنينة وروعة الاصحاب فى ساعات اللقاء....والزيارات الغبر مواعيد والحديث البمتد بيك من غير تراتيب والمشاوبر.. البتخلقها الظروف اسالوا يا سماكى كيف الناس كانت بتلتقى من غير ميعاد والجلسة الحلوة الكانت فى زاوية شيخ عبدالله ......اسال نولا لامن جات رفاعة خليها تحدثك عن كمية الفرح الوهبتو لرفاعة واسال امبر الامين عن الونسة كانت كيف والناس كيف ؟؟ اسال عبدالرحمن على حسن ؟؟؟؟

نزار فريجون والله اخر عهدى بيهو كان فى بحرى وسافر من هناك وانو مصر جدا على رفاعة بعد يشوف فاطمة لكن الظاهر بعد اتمكن من رؤية فاطمة كان لام فاطمة دور تانى ووحات خوتك يالسماكى من ديك وزولك لا خبر ولا حس ......ولا حتى اتصال سااااااكت

صبرى يا سماكى طلع مستثمر كبير الراجل عندو كماين طوب وعندو نص جنينة على البحر وعدد 4 قطع سكنية و3 دكاكين مؤجرة فى السوق والكلام ده من مصادر مؤكدة وعينى بااااردة[/align:3eeb716c2e]