خصام بين تاءين ..

[روان مصطفى سليمان]

خصام بين تاءين..
التاء المربوطة والتاء المفتوحة ..

تخاصمت التاء المربوطة والتاء المفتوحة عند القاضي..
فقالت التاء المربوطة : أنا خير منك أيتها التاء المفتوحة ..
أجئ في آخر الكلمات ، وأنقلب عند الوقف هاءات !
قالت التاء المفتوحة : أنا أجئ أيضًا في آخر الكلمة ..
مفتوحة منسجمة أبقى تاء في الوصل والوقف .. وحالي
تفوق الوصف !
قالت التاء المربوطة لها : أنت تجيئين في {الموت والصوت
والكبت والصمت ، والبهت والعنت ، والشتات والبيات !}
قالت التاء المفتوحة : عبتني بما فيك ، فأنت تجيئين في
{الوفاة والنياحة ، والشماتة والفظاظة ، والوقاحة والبلادة ،
والمصيبة والبلاهة ..}
فالتفت القاضي اليهما وقال : لا تختصما ، فلكل منكما وظيفة
، ولا تنافسا فإلى كل منكما يحتاج الكاتبون ، وينبغي ألا
يخلط بينكما المتعلمون ..
وبذلك انفض النزاع بين التاءين (المربوطة و المفتوحة)
وتصافحتا .. وكلِّ ذهبت في حال سبيلها ..

روان ..

[ابو النيييييز]

التاء المربوطه دي والله ولا حلوه ولا حاجه...بحس بيها شايفه روحها كده ورافعه نخرتها

[روان مصطفى سليمان]

شنو يا خالو قول بسم الله .. :D
قبل ما أتم ثانية ألقى ردك !!
مالها التاء المربوطة ؟؟ عيبها لي ..
على فكرة عمو أبو هب(ة) ح يزعل لأنو
عنده تاءين مربوطات بيحبهم ..
الاولى : هبة الله ..
التانية : رفاعة ..
أها ح تمشي منو وين الليلة ..
يلا باي..

روان..

[عبدالله إبنعوف]

الإبنة الغالية روان

تحياتي ليك وللأسرة

والله أخونا وقع في شر أعمالو تعرفي أنا كنت بكتب في موضوع أو برد على أحد المواضيع والله لما موضوعي ظهر لقيت أخونا رفع ليهو موضوع قبلي ، فتشت عليهو تحت قلت الراجل دا وين تعرفي في أقل من ثانية نط رد وقام جاري ، بسم الله .

قال نكتة التاء المربوطة ما حلوة ، تعرفي حتى اليوم ما عارف يفرق بين الزين والذال كشفتو ليك في أكثر من موضوع ، أصبحت عندو عقدة منها ، علشان كدا خليك وراه واديه درس في اللغة العربية عشان يتعلم أكتر

مع إعزازي

[ابو النيييييز]

...ههههههههههه
والله كلامك صاااح يا ريس
بقيت لما اشوف لي(ذ) بخجل وبدنقر راسي

[ملاذ حسين خوجلي]

هههههههههههههههههههههه

انت عارفه يا روان انا حاجيب لي خالو نزار دة مشيرة اختى الفى سنة تالته تعلمو العربي

عارفه احكي ليك موقف مرة انا مصاحباها كدة وجبت ليه البسكويت وهي بتحب المصالح والرشوات قامت اختها الكبيرة بتكاوي فيها

قامت قالت لي يا ملاذ شفتي مشيرة يعني بدت تكاوي فيها ... عملت كدة كدة كدة

قامت مشيرة عاينت ليها بجنبه كدة وعاينت لي عارفه قالت شنو

مش يا ملاذ بقولوا انه الفتنة اشد من القتل ... تخيلي بس يا روان انا العبارة دى اتعلمتها وانا كبييييييرة بشنبي

فهي قليصة قلاصة شديييييييييييييييييييدة

فرأيك شنو نجيب مشيرة تعلمو الفرق بين الزاي والذال ....... وبعدين انا زعلانة انا نهاية اسمي بالذال كيف ما يعرف يفرق خلاص احنا نعمل خصام بين ذايين زاي نزار وذال ملاذ

لانه هو طبعا انا بكاويهو ليك بالذال بقول ليهو نذار وهو بضايق

رايك شنو يا رنو نكاويه بالذال بدل نزار نكتب نذار هههههههههههههه

يله حبيبة

[عبدالله إبنعوف]

أمسك يا نزار

يا أخوي الجماعة عملوا ربوطية عليك ، يا أخي أنا مش قبلي كدا قلت ليك أحسن تعقد مع روان تعلمك العربي ، أها الشمات كتروا ، شايف ملاذ عملت مؤامرة مع روان وجايبين ليك مشيرة من السودان تعلمك العربي والله مشكلتك مشكلة ، دحين يا أخوي ألحق روحك

أجمل شيء إنو اليوم الأربعاء وروان جاية وكمان ملاذ حتلت هنا ، يعني إحتلال عديل !!!

وكمان عايزين مشيرة تاخد ليها مساحة هنا

وبختك يا روان

[روان مصطفى سليمان]

هاي عمو أبوهبة ..
كيفك وكيف هبوية ..
خلاص انا منتظرة خالتو ملاذ تجيب
مشيرة عشان نتفق على خالو نزار
شايفاه بقى تمام مع حرف ال(ذ)
لكن بقت مشكلة التاء المربوطة :twisted: :evil: :evil:
يلا باي ..

روان..

[روان مصطفى سليمان]

...ههههههههههه
والله كلامك صاااح يا ريس
بقيت لما اشوف لي(ذ) بخجل وبدنقر راسي


هاااااااااي خالو نزار (نذار )
ليك زمان من جنة الاطفال
منتظرينك عشان نفرق بين
الزاي والذال .. :mh19: :mh19:

[خالد محمد محمود]

والتاء المربوطة
وجهان لنفس العملة
(قالتْ فعلتْ لبستْ خلعتْ نامتْ قامتْ
آتيةٌ راحلةٌ سيدةٌ قبلة)
والياء تجر النون وتأتي
كي تأتي امرأةٌ مجهولة
تبتلع اللغةَ وترحل
(تأتينَ تحبينَ تكونينَ تخونينْ)

قالت لي يوما بدوية
إن الأحرف تنمو ما بين النهدينْ
لكني كنت أريد السفرا
قالت لي شجرة
المرأة هي درب العودة
لكني كنت أريد الهجرة
قالت لي صخرة
المرأة حرفان اتحدا
فتشكل هذا العالم مرّة
لكني كنت أريد الترحالْ
قال الزلزالْ
الرجل هو الحرف الواحد
إلا المرأة
فهي الحرفان
تضحك في "بنتٍ"
تتدلل في "سيدةٍ"
تشرق في "تبحرُ"
تتلون في "تبتسمينْ"
تعطيك المعنى والعنوانا

فرجعت لأكتب قصتها البنتِ السيدةِ الحالمةِ النعسانة
الابنةِ والأختِ الزهرةِ والقاتلةِ الفتانة
النطفةِ والقيثارةِ والثرثارةِ والنشوى النشوانة
القبلةِ والتفاحةِ واللدغةِ والطعنةِ والزنزانة
الغيمةِ والخيمةِ ستِ الحسنِ الكلمةِ والنجمةِ والحانة

يا أنتِ
يكفي حرفك فخراً أنه حين يمر أموت سكوتا
كوني بردا وسلاما

[روان مصطفى سليمان]

شكرا خالد على الاضافة
والفرق بين التاء المفتوحة والمربوطة
واضح لكن المشكلة في اللخبطة بين
الزاي والذال ..

[روان مصطفى سليمان]

التاء المربوطة والمفتوحة بقوا
عايزين متابعة عشان كدة يا ناس
صادوه خلوا بالكم معانا .. :SnipeR (81)::SnipeR (81):