عوده للحقيبة

[صديق الاخضر]

في العام ...1928...و بمناسبة زواج / محمد الحسن عثمان منصور.....و كعادة الشعراء والفناننين في ذالك الزمان.... تباري الجميع في تهنئة العريس خاصة انه كان ايضاااا فنانا اديبا.. وقد نظم الشاعر الكبير خليل فرح ...قصيدة تم دور ودور...وتغني بها عصفور السودان ابراهيم عبد الجليل.....و نظم الشاعر / حدباي.. قصيدة زهر الرياض بغصونه ماح ....و غرد بها الأمين برهان و كرومه ...و من ثم الحنجره الذهبية الراحل المقيم ...ابو داؤود.....
وكانت المشاركه في تلك المناسبه من الشاعر الوصاف/ بطران بأغنية / فردوس الجنان..... وتغني بها كروان السودان كرومه.....

..... * الخليل .......

تم دوره دور عب نوره شال فات الحله نور
زي بدر التمام
واحدين قالو نور واحدين قالو دوب مروي ما بتنور
يا قليب اتجبر قوم وريني كيف الكرام تتصبر
نحنا ما بنتعبر النفوس ان حبت تستحي وتتكبر
قام محمد بشر هز فوق تيجانن سل سيفه وكشر
قول معاي واتفشر نحن سياج عروضن ونحن يوم المعشر
يا حسن تذكر طيب ليلتنا ديك والصباح السكر.....
المدام ما اتعكر لامن ديكنا صاح فوق رؤوسنا اتحكر
كل شي مفسر ما في شي غريب والعسير ويسر
مافي غير تتحسر دام عريسنا دام والحسود اتحسر

.......والقصيد طويلة من 24 بيت....بين تهنئة العريس..و الاعزاز بالوطن والتنديد بالاستعمار والتغني بالجمال.......

*** حدباي.......

زهر الرياض بغصونه ماح
واتراخي في الساحه ام سماح....
شايقني الطبعه الجماح.......
وهاك مني اقوالا صحاح....لا كلفه ..لا خوف ..لا لحاح...

.....
ما بنسي اصوات الهديل....
الراسي اب ديسا جديل....
والحشمه اب غصناا عديل...

.. يا محمد ابياتي القلال.....
تاج في صدورهن وليك هلال.....
بي قدرة الحي ذو الجلال.....

تتهني في بيت الحلال......


....... بطران.......

فردوس الجنان حوره الليله حايم
بيه الحفله نارت والكون بيه هايم
نحن برضه نكاتم لي غرامنا ما بنخش واشي و شاتم
نحن غيث العاشم نحن ناس صغيرن في الشدايد كاشم
غيرنا مين الفاهم افهم يا عذولنا الفي حياتك واهم
ارفع ليك معالم و ابشر يل الريح بي رفع المظالم
ليك الحظ مسالم دمت ودام هناك ودام زمانك ساااااالم

منقول
ابداً صديق الاخضر
ابورزاز

[معتصم سليمان بابكر]

تسلم ايها الاخضر الرائع......
وانت تهدى لينا من الدرر كوامنها
بالله عليك لا تتوقف ..هات كلما
امكن ذلك ....فقد زكمت السطحيات
أعيننا ....ونحمد الله ان الأنف لاترى
وسبب الازدكام هو ممارسة الفضائيات
لسياسة التسطيح فينا ............

عند اللفة بس:
----------
سياسة التسطيح دى على وزن فلسفة التطويح
بعد الاذن يعنى على تناول القالب لزوم الوزِن