فرحة العيد في الرياض..

[روان مصطفى سليمان]

امانينا تسبق تهانينا ... والعيد مبارك عليكم وعلينا..
تميزت الرياض هذا العام باحتفالات رائعة وحلت أيام
العيد .. انها جد كانت أيام رائعة كشئ براق وجميل ..
خاصة تلك المهرجانات التي قدمت عروض للسيرك العالمي
لأول مرة في المملكة العربية السعودية .. ونسبة لاقبال الناس
عليه سوف يمدد لأسبوعين آخرين ..
بلاضافة للكثير من العروض الترفيهية ، وفرق الاكروبات الصينية،
والالعاب البهلوانية ،والأروع والأجمل : الالعاب النارية التي أضاء ت
سماء الرياض
بأشكال والوان متنوعة جذابة مبهرة ملأت نفوسنا
بالبهجة والسعادة ..
وكنت أنا محظوظة لأنو سمحو للأطفال بدخول استاد الملز وشفت
الالعاب النارية كاملة ، وبعض الالعاب البهلوانية وبقية الاسرة شاهدت
جانب من الالعاب في حديقة مجاورة للاستاد ودي كانت أول مرة يكون
فيها العيد حلو في الرياض ..
و يوم السبت {ثالث ايام العيد} رابطة رفاعة بالرياض اقامت استراحة
حلووووووة مشينا من الظهر ولمت كل ناس رفاعة وعدينا يوم حلو لحدي
الساعة 12 ونصف باليل ، ولعبنا وجرينا وعملنا العاب نارية برانا واستمتعنا..
وبرضو عمو نزار فريجون حضر معانا الاستراحة
وكل ناس رفاعة كانو موجودين ومبسوطين ..
وكل عام وانتم بالف خير ..

روان..

[الصادق عبدالله ضرار]

كل عام وانتم بخير وربنا يديم الفرحه ليكم والاسر

[عمرو هاشم ابنعوف]

كل سنه وانتو طيبين وربنا يجعل كل ايامكم عيد ...........[

[روان مصطفى سليمان]

هاي عمرو ..
كل عام وانتم بالف خير ..
ياعمرو نحن آسفين لانو مشاركتك (النكت)
اختفت مع المواضيع الاختفت بسبب العطل الفني ..
وياريت تكتبها لينا مرة تانية ..
تحياتي لكل الاسرة ..
ويا عمرو لازم تخلي زنو بة تشارك معانا ..O.K?
يلا باي..

روان..

[اسامه محمد عبد الباسط]

صغيرتي الاموره روان كل عام وانتم وجميع اطفالنا الحلوين بالسودان وارض المهجر وفي جميع انحاء العالم بالف خير لانكم انتم مستقبلنا المشرق الزاهر بكل الحب والوجدان ، طبعا هذا العام العيد في الرياض يختلف عن الاعياد السابقه كما ذكرتي وطبعا اليوم المفتوح بتاعنا كان بالرغم من الحضور النسبي لابناء رفاعه كان جميلا وكان في منتهي الروعه بالنسبة لفلذات اكبادنا الحلوين الذين امطرونا بوابل من الالعاب النارية التي في بعض الاوقات كانت مفزعه ، وطبعا المشرفين علي اليوم المفتوح من ناحية التنظيم الاخوان / عبد العظيم علي كارا والاخ / يوسف الدفينه وشخصي الضعيف نتمنا ان يكون قد نال اعجابكم ، وطبعا في اخر اليوم المفتوح يانزار الكرور ويا ابو فاطمه وجدت روان عندها ( صحن دجاج مشوي قلت لها ماهذا قالت لي انا ما تعشيت دايره اسحر بيهو ها ها ها

[روان مصطفى سليمان]

هاي عمو أسامة عبد الباسط ...
ازيك يا عمو ..
كمان يا عمو جابت ليها فضيحة !!!!!
طالما بديت اذن ح أحكي التفاصيل ..

انا كنت لابسة جزمة بعجلات (زلاجات).. بلعب بيها
كنت مارة وانا مسرعة بالجزمة وولدك زعيم العصابة
رمى فيني الالعاب النارية وانا اتفاجئت لأنها جات
في رجليني فقدت التوازن ووقعت على ظهري ..
بصراحة كدة كانت وقعة حارة شديد لمن بكيت
وأبيت أتعشى لكن صفوية بت عمو عبد المنعم جابت
لي عشاء في النهاية ونحن طالعين لمن شفتني
ماسكة الصحن ختيته عشان أغير الجزمة لكن لمن
رجعت ياعمو عشان آكل لقيت الكديسة قاعدة تآكل
فيه خليته ليها ..
وأنا أقول الكديسة دي جات من وين ؟؟؟
لأنو طول مدة الاستراحة ما كان في كدايس
اشمعنا بس جات لي صحني ؟؟؟؟
فسر لي ؟؟..........................
شفت يا عمو كان أخير تسكت براك ذكرتني
اني وقعت ونمت جعانة ... ويادوب في
البيت شربت لي كباية حليب .. ولغاية
حسي الوقعة حارقاني آآآآآآآآآآآآآآآخ
ومع السلامة ..

روان..

[اسامه محمد عبد الباسط]

صغيرتي روان تحياتي واشواقي بس العصابه بتاعتي زعيمتهم كانت بنت وكانت هي الامر والناهي لان جاءني واحد من افراد عصابتي وقال لي يابا انا داير عشاء لواحده اسمها روان انا رميت الالعاب الناريه تحت ارجلها ووقعت وقالت لي ابوك المسوؤل من العشاء فاذهب وجيب لي عشاء فارسلت معه قارورة ميرندا وموزه وبرتقاله وصحن سلطه من صنعي اما عن الكدسه انا ماعارف جاءت من وين لاننا نحن عشينا كل الحضورحتي الكدسه التي كانت موجوده في الاستراحه وذهبت نامت وكل العصابه ذهبوا الي ديارهم والذين لم يذهبوا ركبوا سياراتهم انا عندما دخلت وجدتك انت ومعك كديستين من حرسك نائمين جوارك بعدين عندما وقعت عيني في الصحن كان الصحن غير العظام مافيه شي ها ها ها انا العارفوا زعيم العصابه هو ولد نزار الكرور انا سوف ارفع شكو اليمجلس 000000