Mutasim Obeid
10-26-2005, 10:01 AM
رمضان مر سريعاً
وبدات تجهيزات العيد وبدأ هاجس الشراء ينتابنا نحن الاباء
العيد فى السعودية لا يشبه العيد فى السودان بأى حال .... فى السعودية العيد نوم وتلفزيون وزيارات منتقاة لبعض معارفنا واصدقائنا وامكن اكون فيها حديقة أو منتزه
العيد فى السودان له نكهة الكعك و الخبيز الرائع ... وفيه احساس صحيح بالفرحة وخصوصاً وسط الاطفال يلبس الاطفال الجديد وينتشروا فى الشوارع ويتزوار الناس كبار و صغار وتحس انك فعلاً فى يوم مختلف ولازم تصل كل واحد فى بيتو وتبارك ليه العيد
العيشة فى السعودية عاملة زى الواحد راكب فى قطر طوييييل ومسافر مشوار طويل وهو نفسو ما عارف ماشى وين وحيصل متين .... والعيد فيها عامل زى انك تتحرك من عربة الى عربة أخرى فى نفس القطار المسرع هذا
العيشة فى السودان عاملة زى الواحد راكب كارو ماشة براحة ولكنو مستمتع بيها يشاغل فى الناس البقابلوهو فى الطريق يسلم على هذا ويعرف خبر هذا والكارو ماشة ... والعيد عامل زى آخر محطة الواحد ينزل ويشرب كوز موية بارد ويقول الحمد لله
فى حديث للرسول (ص) امكن يكون فى ذات الاطار يقول
"مالى والدنيا انما أنا والدنيا كرجل استظل بظل شجرة ثم مضى "
هذا الحديث يرشدنا ان العمر محسوب يجب ان ننفقه فيما يرضى الله سبحانه وتعالى حتى ننعم بسعادة الدارين الدنيا والآخرة ... أقول هذا الكلام ونحن نستشرف العشر الاواخر من رمضان وهذه العشر هى ايام العتق من النيران كما اوضح الرسول الكريم فلندعو فيها كثيراً ونستغفر الله كثيراً وندعو لوالدينا بالرحمة والتوفيق ونسعى لكسب رضاهم بكل ما هو ممكن
مر سيدنا عمر بن الخطاب وهو ثانى الخلفاء الراشدين بطفل يلعب فأوقفه وقال له عمر " أدعوالله لى يا غلام " فاستعجب الصحابة من طلب عمر هذا وقالوا له انت من ضمن العشرة المبشرين بالجنه وتسأل هذا الغلام ان يدعو لك ؟؟؟ فقال لانه لم يبلغ الحلم فهو مستجاب الدعاء ... يعنى نقى الدواخل
لذلك أدعو كل عصافير جنتا الحلوة ابتداءً من العزيزة روان الى شهد ان يدعوا لينا فى هذه الايام المباركات وكان ما بيعرفو يقول الدعاء كل ولى أمر منهم ملزم يعلمهم الدعاء ولكن بشرط يكون شامل وما فى واحد يعمل خيانات ويخم الرماد براه
حتى الملتقى اقول ليكم كل عام وانتم بخير ورمضان الجاى يكون عدد أفراد جنتان الحلوة زاد وبقى كبييير وكمان فى صحة وعافية
كمان ما انسى اقول ليكم العيد مبارك عليكم من الآن وربنا يعيده علينا وعليكم باليمن والبركات وأعفو مننا كا غلطنا على أى واحد منكم
عمكم معتصم عبيد
وبدات تجهيزات العيد وبدأ هاجس الشراء ينتابنا نحن الاباء
العيد فى السعودية لا يشبه العيد فى السودان بأى حال .... فى السعودية العيد نوم وتلفزيون وزيارات منتقاة لبعض معارفنا واصدقائنا وامكن اكون فيها حديقة أو منتزه
العيد فى السودان له نكهة الكعك و الخبيز الرائع ... وفيه احساس صحيح بالفرحة وخصوصاً وسط الاطفال يلبس الاطفال الجديد وينتشروا فى الشوارع ويتزوار الناس كبار و صغار وتحس انك فعلاً فى يوم مختلف ولازم تصل كل واحد فى بيتو وتبارك ليه العيد
العيشة فى السعودية عاملة زى الواحد راكب فى قطر طوييييل ومسافر مشوار طويل وهو نفسو ما عارف ماشى وين وحيصل متين .... والعيد فيها عامل زى انك تتحرك من عربة الى عربة أخرى فى نفس القطار المسرع هذا
العيشة فى السودان عاملة زى الواحد راكب كارو ماشة براحة ولكنو مستمتع بيها يشاغل فى الناس البقابلوهو فى الطريق يسلم على هذا ويعرف خبر هذا والكارو ماشة ... والعيد عامل زى آخر محطة الواحد ينزل ويشرب كوز موية بارد ويقول الحمد لله
فى حديث للرسول (ص) امكن يكون فى ذات الاطار يقول
"مالى والدنيا انما أنا والدنيا كرجل استظل بظل شجرة ثم مضى "
هذا الحديث يرشدنا ان العمر محسوب يجب ان ننفقه فيما يرضى الله سبحانه وتعالى حتى ننعم بسعادة الدارين الدنيا والآخرة ... أقول هذا الكلام ونحن نستشرف العشر الاواخر من رمضان وهذه العشر هى ايام العتق من النيران كما اوضح الرسول الكريم فلندعو فيها كثيراً ونستغفر الله كثيراً وندعو لوالدينا بالرحمة والتوفيق ونسعى لكسب رضاهم بكل ما هو ممكن
مر سيدنا عمر بن الخطاب وهو ثانى الخلفاء الراشدين بطفل يلعب فأوقفه وقال له عمر " أدعوالله لى يا غلام " فاستعجب الصحابة من طلب عمر هذا وقالوا له انت من ضمن العشرة المبشرين بالجنه وتسأل هذا الغلام ان يدعو لك ؟؟؟ فقال لانه لم يبلغ الحلم فهو مستجاب الدعاء ... يعنى نقى الدواخل
لذلك أدعو كل عصافير جنتا الحلوة ابتداءً من العزيزة روان الى شهد ان يدعوا لينا فى هذه الايام المباركات وكان ما بيعرفو يقول الدعاء كل ولى أمر منهم ملزم يعلمهم الدعاء ولكن بشرط يكون شامل وما فى واحد يعمل خيانات ويخم الرماد براه
حتى الملتقى اقول ليكم كل عام وانتم بخير ورمضان الجاى يكون عدد أفراد جنتان الحلوة زاد وبقى كبييير وكمان فى صحة وعافية
كمان ما انسى اقول ليكم العيد مبارك عليكم من الآن وربنا يعيده علينا وعليكم باليمن والبركات وأعفو مننا كا غلطنا على أى واحد منكم
عمكم معتصم عبيد