Mutasim Obeid
10-13-2005, 02:09 PM
احبائى فى جنتنا الصغيرة
رمضان كريم وكل سنة وانتو طيبين ...
انشاء الله رمضان الجاى تكون كل الامانى تحققت
اولاً سماح للغياب اسبوعين واحد بسبب السفر و التانى بسبب المشغولية ... مع انو الواحد اللحظات الى بقضيها فى رحابكم هى أسعد لحظاتو ...
أنا طبعا كل يوم بتنوم معاى مرام ولازم كل يوم أحكى ليها قصة وهى مسمياها ( يالله ونسنى ) لكن المشكلة لو ما حبكت القصة جيد حاتعب معاها فى الاسئلة وبالتالى لازم تكون القصة منطقية
مرة حكيت ليها القصة دى - وكل قصصى بالفها فى اللحظة وكلها عن الحيوانات .. يعنى كل امسية نبداها كان فى أسد ... أو كان فى قرد ... أو كان فى فيل
وكل مرة ام مرام تقول لينا خلاص فتحتو حديقتكم بتاعت الحيوانات ... ياخى غير شوية
يعنى اكتشفت ليك انو أم مرام ذاتها بقت تستنى الحكاية وتتصنت علينا وتنوم على انغام الحكاية
من يومها قررنا أنا و مرام نتآمر ونحكى بصوت خافت وبعض الاحيان نكتفى بالاشارة
ولكن كان بتواجهنا مشكلة التمثيل عندما نجى على موقف يتطلب منى أمثل مثلاً صوت الحمار أو صياح الديك .. فى الحالة دى صوتنا بطلع وتقوم أم مرام ترفع اضنيها وتسألنا بتحكوا فى شنو أرفعوا صوتكم شوية النسمع
بعد داك قمنا غيرنا الخطة وقلنا ندى اى حيوان رمز مثلاً نسمى الحمار ابو ضنين ونسمى الارنب الابيض والحصان سهيل ... ولكن المشكلة انو مرام كل يوم بتنسى هذه الرموز وتلخبطنى معاها ونضطر كل يوم نضع رموز جديدة للحكاية التى نريد نحكيها ... وبالطريقة دى القى نفسى بساهر وخصوصاً انا شغال الصباح بدرى الساعة سبعة صباح
يعنى لازم انوم بدرى علشان كدى بكمل ليك القصة الاسبوع الجاى يوم الثلاثاء كان بقينا حيين
مع السلامة
عمكم معتصم عبيد
رمضان كريم وكل سنة وانتو طيبين ...
انشاء الله رمضان الجاى تكون كل الامانى تحققت
اولاً سماح للغياب اسبوعين واحد بسبب السفر و التانى بسبب المشغولية ... مع انو الواحد اللحظات الى بقضيها فى رحابكم هى أسعد لحظاتو ...
أنا طبعا كل يوم بتنوم معاى مرام ولازم كل يوم أحكى ليها قصة وهى مسمياها ( يالله ونسنى ) لكن المشكلة لو ما حبكت القصة جيد حاتعب معاها فى الاسئلة وبالتالى لازم تكون القصة منطقية
مرة حكيت ليها القصة دى - وكل قصصى بالفها فى اللحظة وكلها عن الحيوانات .. يعنى كل امسية نبداها كان فى أسد ... أو كان فى قرد ... أو كان فى فيل
وكل مرة ام مرام تقول لينا خلاص فتحتو حديقتكم بتاعت الحيوانات ... ياخى غير شوية
يعنى اكتشفت ليك انو أم مرام ذاتها بقت تستنى الحكاية وتتصنت علينا وتنوم على انغام الحكاية
من يومها قررنا أنا و مرام نتآمر ونحكى بصوت خافت وبعض الاحيان نكتفى بالاشارة
ولكن كان بتواجهنا مشكلة التمثيل عندما نجى على موقف يتطلب منى أمثل مثلاً صوت الحمار أو صياح الديك .. فى الحالة دى صوتنا بطلع وتقوم أم مرام ترفع اضنيها وتسألنا بتحكوا فى شنو أرفعوا صوتكم شوية النسمع
بعد داك قمنا غيرنا الخطة وقلنا ندى اى حيوان رمز مثلاً نسمى الحمار ابو ضنين ونسمى الارنب الابيض والحصان سهيل ... ولكن المشكلة انو مرام كل يوم بتنسى هذه الرموز وتلخبطنى معاها ونضطر كل يوم نضع رموز جديدة للحكاية التى نريد نحكيها ... وبالطريقة دى القى نفسى بساهر وخصوصاً انا شغال الصباح بدرى الساعة سبعة صباح
يعنى لازم انوم بدرى علشان كدى بكمل ليك القصة الاسبوع الجاى يوم الثلاثاء كان بقينا حيين
مع السلامة
عمكم معتصم عبيد