كل شئ ولا منتدانا ده

[ابو النيييييز]

بصفتي الحارس الثاني للجنه وانابه عن الحارس الاول نزار فريجون و الحارس الفخري ابوهبه وست الجنه روان...نلفت نظر الزائرين ان منتدي جنتنا ده ما زيه وزي المنتديات الباقيه
المهم كل المواضيع لازم تكون بتمعن...وكل الردود لازم تكون باهتمام
خصوصا الليله الاربعاء ...لان ست الناس ح تدخل ...فما عاوزنها تجي تلقي المنتدي بتاعها بقي ذي السوق الشعبي
...وتقديرا للاصدقاء البشاركونا دائما فوزعنا المناوبه بنظام يوم واحد لكل عضو نشط هنا وهي كالتالي
السبت - نزار فريجون ونولا
الاحد - الموناليزا
الاتنين - ابوهبه وهبه
التلاتاء-معتصم عبيد ومرام
الاربعاء-روان
الخميس- وئام و روان برضو
الجمعه - عبدو عثمان والحبشيه
نزار الكرور- جوكر ادخل وامرق ذي ما هو عاوز
....فمبروك للاخوه المختارين شرف المناوبه

ملحوظه: الاخوه المختارين للمناوبه لا يسمح لهم بالمشاركه بالردود في الاسبوع بأكثر من 3 مشاركات كحد أقصي( ذي مسابقات بنده)
تحذير: كل حاجه ولا منتدانا ده....بنقوم نجوطها ليكم

[Nola]

الغالي نزار الكرور ...

السبت - نزار فريجون ونولا
الاحد - الموناليزا
الاتنين - ابوهبه وهبه
التلاتاء-معتصم عبيد ومرام
الاربعاء-روان
الخميس- وئام و روان برضو
الجمعه - عبدو عثمان والحبشيه
نزار الكرور- جوكر ادخل وامرق ذي ما هو عاوز
....فمبروك للاخوه المختارين شرف المناوبه


انتوا غيرتو الجدول ولا شنو ...

عشان اخر كلام قالوا نزار الاول انه الاربعاء الوردية علي ..

عشان كدا انا جيت من الصباح علي المنتدي ....

لكن كان بقي دا الجدول الجديد مافي مشكلة .....

[عبدالله إبنعوف]

أبو النيز

الشكر كلو ليك نحن موافقين ويا ريت الناس تلتزم بالبرنامج

تعرف أنا كنت قايل الوردية بتاعتنا يوم الثلاثاء ودخلت أمس ، لكن مافي مشكلة

إيه رأيك تطلع الأدوار كلها وتنظم ليهم برنامج برضو

مع شكري وتقديري

[Nazar Hussien Babkir Frie]

اليوم الربوع يوم دخل زهرة الجنة واريجها البت روني العسل ، وطبعا كلام ابو النيز واضح وصريح وبدون تلميح يعني كل عليه الالتزام بالجدولة المعمولة دي ولا بنمتنع عن الاجابة ، ولكني اتسائل هل يمكن لى في يوم السبت الاستعانة بصديق وذلك لاني والله العظيم لى مدة ما عارف انا بعمل في شنو ولا الحاصل شنو ، لانو كل المسائل غمت على خاصة بعد حضوري من الشرقية واظهر انو العمل كان كبير ومحتاج لشيخ عتيد وكبير وشديد ولضيض عشان يفكو لانو الود ابو النيز خلاني دائما اردد يالشرقية ياخروج بلا عودة ، ويااما تشوفو لينا حلل ياتاني ما بتلقوني وبقدم استقالتي من كل المنتديات ما عد الجنة الحلوة ، لانو الجنة دي هي السلوي وهى الحاضر وكل المستقبل .
ويلا ياروني نحن منتظرين ظهورك الاكيد باذن الله اليوم ،وحنكون سعيدين لما تكتبي لينا اليوم انت ويمه ، ونحن كلنا كلنا كلنا في الانتظار ولازم تردي على المواضيع التي اثيرت في غيبتك خاصة حكاية البت والمراية بتاعت ابوهبة والذي وضح واستبان بانه قاص لا يشق له غبار .
وكلكم لازم تلتزموا بالبرمجة وارد ابو النيز .
معليش يانولا اصلو الود ابو النيز الحارس التاني عندو وجع روح وكمان عاداني انا لانني امضيت الجمعة والسبت برفقته لذا عذرا ولى وليك يوم السبت عشان تحضري احلى المواضيع لينا ولروني العسل .

ابوفاطمة
كبير حراس الجنة

[Nola]

معليش يانولا اصلو الود ابو النيز الحارس التاني عندو وجع روح وكمان عاداني انا لانني امضيت الجمعة والسبت برفقته لذا عذرا ولى وليك يوم السبت عشان تحضري احلى المواضيع لينا ولروني العسل .

كبير حراس الجنة

نزار الاول ....

علم وجاري التنفيد


اما بالنسبة لي نزار الكرور ما عندو اي مشكلة هو روحوا توجعوا وانا ننفذ مش هو ابو النييز

فاكهة منتديات رفاعة ....

[عبدالله إبنعوف]

يا كبير حراس الجنة

هي الشرقية ولا عجب ، بتعمل وجع الروح للبجيها وبتعمل وجع الروح للبفارقها ، في موسم فك التسجيلات القادم حنحاول بقوة نكسب توقيعك لأنو الشيخ العتيد دا ما بتلقاه إلا في الشرقية ، لكن وجع الروح العندك الأيام دي ما من نزار الكرور دا كلو التفكير في الجايين ، ربنا يوصلهم ليك بالسلامة ويمتعك بوجودهم ويمتعهم بوجودك

ويلا منتظرين روان عصر اليوم

[روان مصطفى سليمان]

هاي خالو نزار الكرور...
يا خالو الجدول لذيذ ومناسب لأنو نحنا الأربع
والخميس معانا تمااام طبعاً عشان المدرسة ..
وسوف ألتزم بالجدول {بإذن الله} وكل ربوع
وخميس نحنا معاكم ...
يلا باي..

روان