الليله الاربعاء...وروان ح تجي

[ابو النيييييز]

...زمان كنا بنوم يوم التلاتاء علي امل بكره الاربعاء
موعد مجلة ماجد
وبنمشي بنقيف في المكتبه من الصباح(طبعا ده في الاجازات)
...حاليا من الصباح بنقيف جنب المنتدي بننتظر روان
ح احصل شنو يا روان لو انت وقفتي في سنينك التسعه وما اتعديتيها
وقفتي ببراءتك وبحب الناس ليك
عارفه يا روني قبل ما اشوفك كنت خايف عليك من مديح الناس ليك
كنت خايف امتلكك الغرور ذي لعيبة الكوره..
ولما الانسان امتلئ بالغرور...بنقص ابداعه...وبفقد حب الناس
...لقيتك يا ست الناس اعقل من مليون لاعب
وكل الكلام الجميل البتقال في حقك بزيدك تواضع
...عارفه يا روني فكرة اسامي اولادي دي بقيت بفكر فيها جادي
البت الكبيره ح تكون اسمها روان
والصغيره روان
والفي النص روان
والولد ح اكون اسمه اخو روان
والولد الصغير ح اكون اسمه اخو روان الصغير
وامهم ح اطلقها...
...خليك كده يا روني..ست الناس ...وستي

[Nazar Hussien Babkir Frie]

تعرف ياابو النيز الواحد زمان كان بيدخل المنتدي يبحث عن المواضيع الدسمة وبدا دائما بالمنتدي العام ثم اجتماعيات رفاعة وبعدها بقية المنتديات الان بداياتي اضحت بالجنة لانو اهل الجنة الصغار ديل يشعرونني بالفخر لانو رفاعة اهديت لينا البت روني واخواتها ، وزي ما وصيتها انت بالابتعاد عن الغرور لانه مقبرة للابداع ، فانا واثق انو روني سوف تزداد تواضعا لان طباعها طباع العلماء الذين كلما ازدادوا علما ازدادو تواضعا ، وبكرة من الصباح اول حاجة مع قهوة الصباح اتمني ان يكون موضوع روني اول ما اقراه لاني اضحيت خرمان ونحن اتفقنا انو كل خميس موضوع جديد ، ولكنكم كللم لم تكتبوا وكلكلم منتظرين روني تظهر حتي تعود للجنة حيويتها ، وكمان كلنا منتظرين ويمه برضو تجيب مواضيع ذي المواضيع الفي مجلتها البتعملها في البيت ، وكمان نولا قالت موافقة وما شوفنا موضوعها وابو هبة وافق بالاجماع السكوتي وما شوفنا موضوعو ومعتصم عبيد اهدانا قصيدة واختفي ، وانا ناس العمرة قربو والرجفة مسكاني عشان كده ما كتبت ، وبكرة كلكم بتردوا لمن تكتب روني العسل، وكدا ما كويس يعني لازم نفعل المنتدي في غيابها ما نتظرها لحدي ما تجي اتفقنا ولا
لا لازم نتفق ونعمل العلينا والباقي على روني .
ويلا ياجماعة الخير لازم نلتزم بالاتفاق ويلا ياود ياابو النيز احكينا ان شاء الله حكاية من حكايات مجلة ماجد ان شاء حكايات موزة ولا الود الكسلان وخليني انا بفتش عن الشافع البختهو دايما في كل قصص ماجد ولمن القاهو بيكون الجماعة جو وسافروا موافقين .
وبكرة نشوف حتكتبوا لينا شنو .
كبير حراس الجنة
ابوفاطمة

[روان مصطفى سليمان]

هاي يا خالو نزار .. وهاي عمو أبو فاطمة ..
أنا بعد شوية ح انزل ليكم حاجة ..
وشكرا ليكم كتيير لانو جد الجنة بقت جنة ..
ياخالو الكرور..
الصور خلت الجنة حكاية ... يادوب حسينا بالاطفال ..
ونظمتها لينا بطريقة رائعة .. ولميتنا مع بعض ..
في صورة حلوة .. وياعمو أبو فاطمة نحنا منتظرين صورة
تونة .. ومكانها محجوز ..

روان ..