روان

[عبدالله إبنعوف]

الإبنة الغالية روان

تحية ليك ولي كل العائلة

سعادتنا ما كانت حتكتمل ونحن في الرياض بدون ما نشوفك ، شكراً لإطلالتك الرائعة ووجودك بيننا وكمان قمة السعادة إنو شفناك ومعك شهد وشفنا أخونا الفاضل معتصم عبيد وبتو العسولة مرام بوجود نزار الثاني وحارس المنتدى الأول وبقية العقد الفريد .

شوفي بإذن الله وبحوله حتكوني مشرفة عامة على الموقع في القريب العاجل بس إنتي اجتهدي وخلي بالك من دراستك وخلي الباقي علينا

حفظك الله ورعاك وأدامك وجميع الأسرة الكريمة ذخراً لرفاعة والموقع والمنتديات

عمو عبدالله

[روان مصطفى سليمان]

هاي عمو أبو هبة ..
سلام وكيف أصبحتو ؟؟
والله يا عمو انا فرحانة شديييييد لأني شفتكم حقيقة في الميدان
واتمنيت لو كانت معاك هبوية ... وكمان مبسوطة أكتر وأكتر وأكتر
عشان شفت خالو نزار الكرور.. وشهد ...... بعد ما كنت بتخيل شكله ..
وكان يوم حلو شدييد .. وكمان كان معاهو عمو أبو فاطمة ..
وبرضو شفت عمو عبد الله السفاح على الطبيعة .. وكمان بلعب كورة ..
ومبسوطة لأني شفت عمو معتصم عبيد ومرام الصغيرونة ..
ووعدنا انو يدخل جنة الأطفال وانا منتظرة وعده ..
وشفت كتير من ناس المنتدى .. وان شا الله نتلاقى دايماً ...
عشان كده كل شوية اعملو مباراة ...

روان ..

[Mutasim Obeid]

الابنة الغالية وابنة الغالى روان
شكراً لعمو عبدالله بسببوا قام المنتدى وازدهر واتعرفنا على دررر غالية اسعد ما مر علينا فى غربتنا حتى الآن ... انا سعيد جداً انى شفتك وسعادتى بلا حدود انى قابلت اشخاص كنت اتمنى على الله اشوفهم فى القريب منهم والدك العزيز وعمو عبدالله وخالك نزار الكرور واكتملت الفرحة بملاقاتك
ممكن بابا يشرح ليك نحن اقرباء كيف
واوعدك انى اكون عضو مشارك وفعال حتى تدخل مرام المدرسة وتستلم الراية منى
ربنا يحفظك ويرعاك وشدى حيلك شديد فى المذاكرة عشان نشوفك دكتورة كبيرة ونفخر بيك كلنا
وتستاهلى الاشراف على المنتدى كما يقول عمو عبدالله ابنعوف
يللا سلمى على بابا وماما

عمك
معتصم عبيد

[روان مصطفى سليمان]

هاي عمو معتصم عبيد ..
ما تتخيل أنا فرحانة كيف وانت منور جنتنا ...
أشكرك كتيييييير على مشاركتك ووجودك معانا في الجنة ..
وكمان يا عمو سألت بابا عنك .. والقرابة البينا .. والله
ياعمو طلعت عمو بحقيقة .. وعشان كده يا عمو لازم نتواصل
وخاصة كمان إنك معانا في الرياض ..
وخلي لي مرام أنا بدربها ليك على الطباعة والكتابة o.k
وسلم لي عليها ياعمو .. :lol:

روان .

[الدالى]

بوجودك تمت الفرجه واكتملت البهجه وكلنا سعاده بشوفتك روان

[روان مصطفى سليمان]

هاي عمو الدالي..
شكرا على المشاركة ..
:oops: :lol: :oops:
يلا باي ..

روان..