المساعد الشخصي الرقمي

مشاهدة النسخة كاملة : انا يافوراوي اصلي ماتغيرت ... بس لقيتك جافي


الصفحات : [1] 2 3 4

الصادق عبدالله ضرار
07-27-2011, 11:59 PM
انا يافوراي ماتنكرت ليهو ولا نسيت البينا إلا إنت بقيت ضنين عليهو وهو بيشتكي

http://www.youtube.com/watch?v=fSsC0p27plQ

جبصي
07-28-2011, 09:48 AM
الصادق بطل غرودة العين البتعمل فيها دي ووريني عملت شنو للزول

Nazar Hussien Babkir Frie
07-28-2011, 10:16 AM
اللخدر وعبرك لكل اعضاء المنتدي رمضانكم كريم وتصومو وتفطرو على خير املا ان يحقق الله كل امانيتكم وان نجمتع دوما على الخير ، وبعدين يالصادق يا اخوي القهوة راجياك ولو جيت بعد سنة برضو الدعوة قائمة ، بس المرة الجاية بذكرك بيها لانو باين انو الزهايمر قد مر بعندكم ؟!!!
الاغنية حلوة بالله شوف دي اغاني ثنائي النغم وقارن بينهم وبين اغاني الزمن الحالي ناس قنبلة ودا البجنني انا ؟
سلمت ياغالي درة فريقنا ما تزعلوه لينا طولنا من كتابتو لعل المانع خير .
وكل عـــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــام وانتم بخير واعانكم الله على القيام والصيام ؟!

الصادق عبدالله ضرار
07-28-2011, 12:56 PM
الصادق بطل غرودة العين البتعمل فيها دي ووريني عملت شنو للزول

جبصبص هو نحن عندنا عيون للغروده
زولك ما قلت ليك خليهو يتلب لان عندو الهنايه الخليجيه وما بكون عاوز هنايه من هنا لانها موقوفه من زمن زنقه زنقه ديكا
رايك شنو في الحنان ده
اقصد الجرسه دي

علي فوراوي
07-28-2011, 01:00 PM
قالو لي بقيت جافي
قلت امكن في عيونك
وفي عيوني كلام
وفي عيونا حلاة غرويده

معقولة اجفا بس يا كنوز محبة بي ياتو قلب اجفا

أنا مست شغاف قلبي
اقول يا الصادق

الصادق عبدالله ضرار
07-28-2011, 01:00 PM
اللخدر وعبرك لكل اعضاء المنتدي رمضانكم كريم وتصومو وتفطرو على خير املا ان يحقق الله كل امانيتكم وان نجمتع دوما على الخير ، وبعدين يالصادق يا اخوي القهوة راجياك ولو جيت بعد سنة برضو الدعوة قائمة ، بس المرة الجاية بذكرك بيها لانو باين انو الزهايمر قد مر بعندكم ؟!!!
الاغنية حلوة بالله شوف دي اغاني ثنائي النغم وقارن بينهم وبين اغاني الزمن الحالي ناس قنبلة ودا البجنني انا ؟
سلمت ياغالي درة فريقنا ما تزعلوه لينا طولنا من كتابتو لعل المانع خير .
وكل عـــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــام وانتم بخير واعانكم الله على القيام والصيام ؟!

وانت بالف خير ياحبيب
وال الزهايمر حاصل والديد الزول قعد ليهو 7 ايام وال ناس البيت ما شبعوا منو جري جد
لكن ياحبيب الزم كفي بي لقانا إن شاء اللهاها ود حلتكم ده بطاطيرو نازله يبدو
اما ناس حرامي القلوب تلب والم ده ده المو يجلدوا فيهو الناس
رمضان تاني كريم

علي فوراوي
07-28-2011, 01:03 PM
الصادق بطل غرودة العين البتعمل فيها دي ووريني عملت شنو للزول



ياخ مرة واحدة في حياتك قول زي الكلام دا

قلبي ياقلب من حبك ماتعب

معتصم سليمان بابكر
07-28-2011, 01:13 PM
ياسلام على الناس الرائعين الحلويييييييين
الطاعميييييييييييييييييييييين
شهد الله أن لكم محبة وااااافرة في القلب

علي فوراوي
07-28-2011, 01:30 PM
وانت بالف خير ياحبيب
وال الزهايمر حاصل والديد الزول قعد ليهو 7 ايام وال ناس البيت ما شبعوا منو جري جد
لكن ياحبيب الزم كفي بي لقانا إن شاء اللهاها ود حلتكم ده بطاطيرو نازله يبدو
اما ناس حرامي القلوب تلب والم ده ده المو يجلدوا فيهو الناس
رمضان تاني كريم


الصادق
البطاطير بقت اتومتك نزلت تجيب جديد بس

علي فوراوي
07-28-2011, 01:36 PM
الصادق قول لي نزارلازم يوديك الشجرة الفي شارع الجنوبي وخليهو يكلمك في اضانك

(عذرا الاحبة المتابعين الكلام الفي الاضان دا كان قالوا نزار ما اظن لا أنا لا الصادق ولا هوتاني يجي داخل هنا)

عليكم الله خلوهو في الضرا

برونزية
07-28-2011, 01:46 PM
قالو لي بقيت جافي
قلت امكن في عيونك
وفي عيوني كلام
وفي عيونا حلاة غرويده

معقولة اجفا بس يا كنوز محبة بي ياتو قلب اجفا

أنا مست شغاف قلبي
اقول يا الصادق

بقيت جافي نسيت الناس
نسيت الريد والاخاص

الاخدر اغنية صادفت اهلها
فوراوي صحي اتغيرت انت خلاص:smilie1:

Nazar Hussien Babkir Frie
07-28-2011, 04:39 PM
بقيت جافي نسيت الناس
نسيت الريد والاخاص

الاخدر اغنية صادفت اهلها
فوراوي صحي اتغيرت انت خلاص:smilie1:
درة فريقنا الود وفوراوي وساكن الحدبة الود اللخدر والبت هنالك شريكتي في لقاء الاثير :
ليكم كلم يا اعضاء المنتدي سلام ، وبعدين ما بين الاقواس شرحو بطول (وكلام الاضنين ) يافوراوي الولد اللخدر ما بتحملو وكان شاف شوف العين وحاتك يا فوراوي من المطار بجيني ترس ، وبعدين يافوراوي اللخدر دا بقي مادح بتاع نوبة العصاري وعجبتني صورتو مع عمنا الفتال ؟:Ra (36):وما ظيننتو بيسمع كنوز محبة وما بساهر لانصاص الليالي زي وزيك .
للبرونز سلام ، وبعدين معاك دائما بتجههيني لمن تكتبي لود حلتنا ومملثا الشرعي في الحي الامامي جوار الاسبتالية ، وما بعرف ادخل ارد كيف رغما عننا قد دفناه سوا ولكن الود فوراوي دايما احساس عالي وطبعو غالي ولا موهيك ،و رمضانك كريم واكان بقينا حيين بتقابل في المحورية بس ما تنسونا وتتصلو علي قبل يومين لزوم توفير مالا يلزم ؟؟؟؟؟؟؟؟؟؟؟؟؟!!!

علي فوراوي
07-28-2011, 06:36 PM
بقيت جافي نسيت الناس
نسيت الريد والاخاص

الاخدر اغنية صادفت اهلها
فوراوي صحي اتغيرت انت خلاص:smilie1:


برونزية
لسه معاك الدهشة بتجدد
ولو خلاص جافيت بلقاك متحكرة في جوانا طيبة ومعزة اهل
ومحبة ناس طيبين

برضو ممكن تصدقي اني اتغير

ما بصدقكم

علي فوراوي
07-28-2011, 06:46 PM
درة فريقنا الود وفوراوي وساكن الحدبة الود اللخدر والبت هنالك شريكتي في لقاء الاثير :
ليكم كلم يا اعضاء المنتدي سلام ، وبعدين ما بين الاقواس شرحو بطول (وكلام الاضنين ) يافوراوي الولد اللخدر ما بتحملو وكان شاف شوف العين وحاتك يا فوراوي من المطار بجيني ترس ، وبعدين يافوراوي اللخدر دا بقي مادح بتاع نوبة العصاري وعجبتني صورتو مع عمنا الفتال ؟:ra (36):وما ظيننتو بيسمع كنوز محبة وما بساهر لانصاص الليالي زي وزيك .
للبرونز سلام ، وبعدين معاك دائما بتجههيني لمن تكتبي لود حلتنا ومملثا الشرعي في الحي الامامي جوار الاسبتالية ، وما بعرف ادخل ارد كيف رغما عننا قد دفناه سوا ولكن الود فوراوي دايما احساس عالي وطبعو غالي ولا موهيك ،و رمضانك كريم واكان بقينا حيين بتقابل في المحورية بس ما تنسونا وتتصلو علي قبل يومين لزوم توفير مالا يلزم ؟؟؟؟؟؟؟؟؟؟؟؟؟!!!



نزار ياحبيب

لما اشوفك بشوف فيك كل طيبة الاهل ( تحت اللمبة الجنب بابكم كانت محطة اتعلمنا فيها معني الصحبة والخوة)
كنت انت الزول الضحكت تملاء الدروب خطاوي حنينة
وننشتل ونروي عذب
عيوني كانت
وعيونا حكاية دي البداية
والحي الامامي كانت ايام ومازالت ولو بعدت

خليني اقيف هنا وتعال لي تاني
عشان نرجع شارع الجنوبي

الصادق عبدالله ضرار
07-29-2011, 10:55 PM
قالو لي بقيت جافي
قلت امكن في عيونك
وفي عيوني كلام
وفي عيونا حلاة غرويده

معقولة اجفا بس يا كنوز محبة بي ياتو قلب اجفا

أنا مست شغاف قلبي
اقول يا الصادق

والله جنس جفا
انت ماشقت الحال كيف كاناما الغرويدات بتاعت اخونا جبصي كان شاف الحقيقيه بقع رب
وباقي شعيراتو دي كان تلقاها لومني

الصادق عبدالله ضرار
07-29-2011, 10:57 PM
ياسلام على الناس الرائعين الحلويييييييين
الطاعميييييييييييييييييييييين
شهد الله أن لكم محبة وااااافرة في القلب

الوريف ولك مثل الذي عندك لنا
الحنين هو ماتقى لنا الحنين للماضي ولي اهلو الماجايبين خبر

الصادق عبدالله ضرار
07-29-2011, 11:10 PM
الصادق
البطاطير بقت اتومتك نزلت تجيب جديد بس

ياحبيب والله الاتوماتيك بقت ما نافعه
الزول عندو (ماس) دقيقه ينزل البطاريه
الكهرباء فيها شورت دائم
عاوزين الكهربائي يجي يظبط الشورت لكن هو ما هاميهو وفاتح لينا

الصادق عبدالله ضرار
07-29-2011, 11:16 PM
الصادق قول لي نزارلازم يوديك الشجرة الفي شارع الجنوبي وخليهو يكلمك في اضانك

(عذرا الاحبة المتابعين الكلام الفي الاضان دا كان قالوا نزار ما اظن لا أنا لا الصادق ولا هوتاني يجي داخل هنا)

عليكم الله خلوهو في الضرا

إلا يوديني القسم الجنوبي يفتح ضدي بلاغ
لاني كل ما سألت عليهو صدوني الجماعه

http://www.youtube.com/watch?v=QJjhQl2gE88

الصادق عبدالله ضرار
07-29-2011, 11:19 PM
بقيت جافي نسيت الناس
نسيت الريد والاخاص

الاخدر اغنية صادفت اهلها
فوراوي صحي اتغيرت انت خلاص:smilie1:

بت الفاضل ده زولي وانا بعرفو
قلبو مرات بكون حجر ما لان
انت وينك يابت ...

الصادق عبدالله ضرار
07-29-2011, 11:24 PM
درة فريقنا الود وفوراوي وساكن الحدبة الود اللخدر والبت هنالك شريكتي في لقاء الاثير :
ليكم كلم يا اعضاء المنتدي سلام ، وبعدين ما بين الاقواس شرحو بطول (وكلام الاضنين ) يافوراوي الولد اللخدر ما بتحملو وكان شاف شوف العين وحاتك يا فوراوي من المطار بجيني ترس ، وبعدين يافوراوي اللخدر دا بقي مادح بتاع نوبة العصاري وعجبتني صورتو مع عمنا الفتال ؟:Ra (36):وما ظيننتو بيسمع كنوز محبة وما بساهر لانصاص الليالي زي وزيك .
للبرونز سلام ، وبعدين معاك دائما بتجههيني لمن تكتبي لود حلتنا ومملثا الشرعي في الحي الامامي جوار الاسبتالية ، وما بعرف ادخل ارد كيف رغما عننا قد دفناه سوا ولكن الود فوراوي دايما احساس عالي وطبعو غالي ولا موهيك ،و رمضانك كريم واكان بقينا حيين بتقابل في المحورية بس ما تنسونا وتتصلو علي قبل يومين لزوم توفير مالا يلزم ؟؟؟؟؟؟؟؟؟؟؟؟؟!!!

اللهم لا تلمني فيما تملك كلو بي دربو ياحبيب ما تدق لينا سور مانمرق منو
لسه فينا باقي رقشه ( ما ركشه مواصلات وتفهمني غلط)
لكن وعد امش معاك مش القسم الجنوبي
امش معاك كوبر ذاتو
http://www.youtube.com/watch?v=rVYlE_9lZ0M

Nazar Hussien Babkir Frie
07-31-2011, 09:49 AM
نزار ياحبيب

لما اشوفك بشوف فيك كل طيبة الاهل ( تحت اللمبة الجنب بابكم كانت محطة اتعلمنا فيها معني الصحبة والخوة)
كنت انت الزول الضحكت تملاء الدروب خطاوي حنينة
وننشتل ونروي عذب
عيوني كانت
وعيونا حكاية دي البداية
والحي الامامي كانت ايام ومازالت ولو بعدت

خليني اقيف هنا وتعال لي تاني
عشان نرجع شارع الجنوبي
الود فوراوي ود السيدة:
ما بينا هو الصدق في الاحاسيس والشعور فيكيفينا ان قد تريبنا ما بين حواري( ام كيمة) وحبوبة (التكل )،لعبنا الدافوري وتعشينا من طعمية عمتنا بتول عليهم حميعا رحمة الله ، وقد عشنا الامان لاننا قد نشانا وفي حينا الكافين كاف( كدة) وكاف( كالمدو) في امان اكثر من كده، وحينما شببنا عن الطوق استعمتعنا بالسهر مع درر حلتنا الفنانين حسين عوض الكريم وابوبكر عبد الرحمن ادم عليهم الرحمة ، ثم كان الامان ايضا متوافرا ورواد ليالنا الملاح الاحمدين احمد ادريس واحمدادريس فهل هنالك من يجرو على مبارزتهما في حفلات رفاعة زمان ، واستمتعنا بغتاء عثمان هونكنغ فهل ا سمتع بقية شباب رفاعة في عهدنا مثلنا بغناء الافلام الهندية الذي يحفظه عثمان هونكنغ عن ظهر قلب.
اما عن الحي فقد تجولنا في حوارية صبحا ومساء لزوم الدراسة واشياء اخري فقد استعصمت انت واستاثرت بعتبة ابونورة وتركت لنا :SnipeR (85)::SnipeR (85):الاحلام بان نحل مكانكم يوما ما ، فاثرنا ان نصاحب ابناء الحي الامامي على موسي وضياء الدين عمر ومستين وغيرهم وكان يرافقنا الود البهلاوي امير اللمين . وبعدين ما تجرجرني اكتر من كدا الكلام والكتابة اليك تهيج في نفسي لواعج الذكري ، بالامس عاودت رفاعة بعد غيبة لساعتين فطوفت بالحي الامامي ورجمت الحدبة التستاسات كبتن على الود اللخدر وصاحبه عمر الكرور ؟
وبعدين معاك حتقوم تزعل الاولاد ديل مني وانا زول رهيف ما بتحمل زعلهم مني خاصة وان غدا فاتحة رمضان قليهم نزار حالف انو قبيل العيد امشي اعتكف ما بين الحدية والتستاسات يمكن يرضوا علينا ؟؟!!!
اما شارع الجنوبي فده حكايتو حطاية سادت ثم بادت ، وما بين عينيك وعينيها كان موعد مع الالق والعشق الشفيف (الكلام دا بجيب ليك الهو وانا قاصدو)، شارع الجنوبي تحول عن بكرة ابيه لكافوري مربع تمانية وانا تحولت لحي النصر يعني من شرق الجزيرة رفاعة لشرق النيل وبرضوا هواه بارد .
جيب ال الوريف معاك لانو كان معلمي في دروس المحبة وكفي ؟؟؟؟؟؟؟؟؟؟؟؟؟؟؟؟؟!!!!!
ويلا تعال لي تاري عشان نشوف الكلام بدخل الحوش زي ما قال احد ظرفاء رفاعة ماكنتوش ودفقو فلان في الحوش ؟؟؟!!!!!!!!!!!!
وبلا تصومو وتفطرو على خير وما تنسوما من صالح دعواتكم ان اعتمرتم ؟؟؟

الصادق عبدالله ضرار
07-31-2011, 02:17 PM
اااااه يانزار
من البلد وحلاوتها
لكن انت عملت مقارنه بين التساسات وحوش البقر (الحدبه)
وده هنا قياس مع الفارق
هناك عيش بس وبقنيه
هنا البنزين الاصلي ...
ياود

بعدين الود فوراوي ده قاطع الشارع بي هناك لي ناس ودابنوره ليه ؟
مابين بلادي والغربه
ساعات كربه
لحظة ضربه
تصحى تقوم
بتضيع الشربه (شربة الجبنه عشان ماتفهموني غلط)
اما شرق النيل .... فكل شرق جميل وانت جمّلت الشرق زياده
اها كهربتك وصلت المشينا ليها ديك
تحياتي ودع احاسيسك مشرعه لنا و
إدفق
ابقى ياضل
ياشمس
تلقانا برضو راجنك والود فوراوي

Nazar Hussien Babkir Frie
08-02-2011, 01:42 AM
:SnipeR (21)::SnipeR (21):اااااه يانزار
من البلد وحلاوتها
لكن انت عملت مقارنه بين التساسات وحوش البقر (الحدبه)
وده هنا قياس مع الفارق
هناك عيش بس وبقنيه
هنا البنزين الاصلي ...
ياود

بعدين الود فوراوي ده قاطع الشارع بي هناك لي ناس ودابنوره ليه ؟
مابين بلادي والغربه
ساعات كربه
لحظة ضربه
تصحى تقوم
بتضيع الشربه (شربة الجبنه عشان ماتفهموني غلط)
اما شرق النيل .... فكل شرق جميل وانت جمّلت الشرق زياده
اها كهربتك وصلت المشينا ليها ديك
تحياتي ودع احاسيسك مشرعه لنا و
إدفق
ابقى ياضل
ياشمس
تلقانا برضو راجنك والود فوراوي
اللخدر ما أجمل المقاربة ما بين البقنية والبنزين واردكم ولكنه اضحي الان اسبرت قاتل ، اها زمان بلح سوق الشمس كلو بتورد في الحدبة ، ونحنا والتساسات بنوردالعيش لانو مريسة وبقنية الجو حقتنا وبعدن لحمتنا من ود حلتنا قسوم وكان ما لقينا بنمشي لعمك حاج العوض وكان ما للقينا ا عندو بنمشي لودالمغواري وكان مافي قروش الود عبد الحميد قاعد بدينا ، اها مشينا خرطوم الفيل تقبل وين ما تعرف جيبك وبس هو الذي يكفيك شر المسغبة؟
انا طبعا من الشرق وللشرق رغما عن انني تغربت عند ناس فاس الماوراها ناس وشفت الجنة وفي الحنة عذابي ؟؟؟
كهربتي جات ولكن اقساطها مجهجهاني القسط 150جنية في الشهر والكهرباء بعشرين بعني الله يكون في العون ، وبعدين شربتك دي بتعبا في شنو كرستال ولا قزازة من عمتنا البهجة ايامات المستشفي بخير .
الشرق جميل واهلو حلوين ، بس نحنا بقينا ناس تبكي بس عين قطرة وعين مس ؟؟!!!!!!!!
احساسيس مترعة بكل اصيل علها تعانق وجوهكم النيرة فتجعلني اندفق سحرا والقا لانكم انتم من اسباب اختيار جميل الكلمات فرفاعة ساكنة في الدواخل التي تتجمل وتتزين كل صباح لاجل ان تكسب رضاكم فهل انتم مستعدون لحبها ومبادلتها عشق بعشق ، فهي من ارضعتنا صدق الاحاسيس والمشاعر علمتنا ان ما بينا عشرة عمر لا تفصم عراها غربة او ابتعد قسري فرضه علينا ومن قاس لم نكن نتصور انه يوما سيمر بنا ولكن العشم في اصلاح الحال هو المبتغي والمبتدا والخبر .
الود فواوري له في العقل والقلب مكانة سامية ؟؟؟!! وليكم كلم نفس المكانة لانكم ابناء درة المدن عندي رغما عن تطاول فترات غيابي عنها ولكني في اتجاهي نحو الجب لابد من الطواف بها علني اكسب نفسي جزءا من جمالها ن فاحتمل بقائي في غرب الجزيرة لفترة تتطاول او تقصر علي حسب زوادة الجيب ؟؟
مساهر في رمضان وبتابع في النيل الازرق رفقة الود همشري والبت جدية وارد لندن بعد غيبة من الشاشة البلورية ؟؟؟
البلد حلوة وجمالها انو انسانها تبقي فيه شئ من حتي .
بجيكم صادي تاني :SnipeR (45):

Ameer Al Ameen
08-02-2011, 02:58 AM
الود فوراوي ود السيدة:
ما بينا هو الصدق في الاحاسيس والشعور فيكيفينا ان قد تريبنا ما بين حواري( ام كيمة) وحبوبة (التكل )،لعبنا الدافوري وتعشينا من طعمية عمتنا بتول عليهم حميعا رحمة الله ، وقد عشنا الامان لاننا قد نشانا وفي حينا الكافين كاف( كدة) وكاف( كالمدو) في امان اكثر من كده، وحينما شببنا عن الطوق استعمتعنا بالسهر مع درر حلتنا الفنانين حسين عوض الكريم وابوبكر عبد الرحمن ادم عليهم الرحمة ، ثم كان الامان ايضا متوافرا ورواد ليالنا الملاح الاحمدين احمد ادريس واحمدادريس فهل هنالك من يجرو على مبارزتهما في حفلات رفاعة زمان ، واستمتعنا بغتاء عثمان هونكنغ فهل ا سمتع بقية شباب رفاعة في عهدنا مثلنا بغناء الافلام الهندية الذي يحفظه عثمان هونكنغ عن ظهر قلب.
اما عن الحي فقد تجولنا في حوارية صبحا ومساء لزوم الدراسة واشياء اخري فقد استعصمت انت واستاثرت بعتبة ابونورة وتركت لنا :SnipeR (85)::SnipeR (85):الاحلام بان نحل مكانكم يوما ما ، فاثرنا ان نصاحب ابناء الحي الامامي على موسي وضياء الدين عمر ومستين وغيرهم وكان يرافقنا الود البهلاوي امير اللمين . وبعدين ما تجرجرني اكتر من كدا الكلام والكتابة اليك تهيج في نفسي لواعج الذكري ، بالامس عاودت رفاعة بعد غيبة لساعتين فطوفت بالحي الامامي ورجمت الحدبة التستاسات كبتن على الود اللخدر وصاحبه عمر الكرور ؟
وبعدين معاك حتقوم تزعل الاولاد ديل مني وانا زول رهيف ما بتحمل زعلهم مني خاصة وان غدا فاتحة رمضان قليهم نزار حالف انو قبيل العيد امشي اعتكف ما بين الحدية والتستاسات يمكن يرضوا علينا ؟؟!!!
اما شارع الجنوبي فده حكايتو حطاية سادت ثم بادت ، وما بين عينيك وعينيها كان موعد مع الالق والعشق الشفيف (الكلام دا بجيب ليك الهو وانا قاصدو)، شارع الجنوبي تحول عن بكرة ابيه لكافوري مربع تمانية وانا تحولت لحي النصر يعني من شرق الجزيرة رفاعة لشرق النيل وبرضوا هواه بارد .
جيب ال الوريف معاك لانو كان معلمي في دروس المحبة وكفي ؟؟؟؟؟؟؟؟؟؟؟؟؟؟؟؟؟!!!!!
ويلا تعال لي تاري عشان نشوف الكلام بدخل الحوش زي ما قال احد ظرفاء رفاعة ماكنتوش ودفقو فلان في الحوش ؟؟؟!!!!!!!!!!!!
وبلا تصومو وتفطرو على خير وما تنسوما من صالح دعواتكم ان اعتمرتم ؟؟؟
ود فريجون يا حبوب
كل مرة اتاوق فى البوست واشرد منو وتانى اجيهو صادى (اتذكرت نكتة الدالى اجيك صاد ولا ضاد)
لانو عارف مشرك بيهو و عاوز الاندياحة .. اندياحة الصداقة وتبعاتها ...:004:
ايام ليها ايقاع ...و جمال و شجون..
ودى ياها ترياق الغربة ... كلما تزيد احزانك تفتح ليك طاقة من حاجات زمان
وتقلبها يمين وشمال و تقعد تحسب فى تفاصيلها... اكان جرسة اكان بكية اكان حاجات تانية حاميانى:smilie2:
يا اخى لمات كانت فريدة وشلل كانت مميزة و لها حضورها
بالمناسبة سوق اللبن ما جبت سيرته مالك....!
كنت شاهد على كم بكية (جرس) فيه عجيبة ...
غايتو جيب لى الاذن من صاحبى البتاوق بى هنا...بس
و الباقى على....!!

علي فوراوي
08-02-2011, 11:08 AM
الاحبة
رمضان كريم
ومن الماضي صحيان بدري في رمضان تجيب الجرايد وانت راجع تتكل في شجرة الصهريج من جوة ويجيك رزاز مويه الصهريج البودر السخانة
وتقعد في النجيلة انتظار آذان الظهر وعلي الجامع الكبير لصلاة الظهر اكيد يومك انقسم وما عطشت
دي بمناسبة رمضان
نزار رجعتك لحته بتولع جواك حاجات منسية خلي
بالك هسي الوقت صيام
وبعد المغرب كلام تاني

الصادق عبدالله ضرار
08-02-2011, 11:31 AM
:sniper (21)::sniper (21):
اللخدر ما أجمل المقاربة ما بين البقنية والبنزين واردكم ولكنه اضحي الان اسبرت قاتل ، اها زمان بلح سوق الشمس كلو بتورد في الحدبة ، ونحنا والتساسات بنوردالعيش لانو مريسة وبقنية الجو حقتنا وبعدن لحمتنا من ود حلتنا قسوم وكان ما لقينا بنمشي لعمك حاج العوض وكان ما للقينا ا عندو بنمشي لودالمغواري وكان مافي قروش الود عبد الحميد قاعد بدينا ، اها مشينا خرطوم الفيل تقبل وين ما تعرف جيبك وبس هو الذي يكفيك شر المسغبة؟
انا طبعا من الشرق وللشرق رغما عن انني تغربت عند ناس فاس الماوراها ناس وشفت الجنة وفي الحنة عذابي ؟؟؟
كهربتي جات ولكن اقساطها مجهجهاني القسط 150جنية في الشهر والكهرباء بعشرين بعني الله يكون في العون ، وبعدين شربتك دي بتعبا في شنو كرستال ولا قزازة من عمتنا البهجة ايامات المستشفي بخير .
الشرق جميل واهلو حلوين ، بس نحنا بقينا ناس تبكي بس عين قطرة وعين مس ؟؟!!!!!!!!
احساسيس مترعة بكل اصيل علها تعانق وجوهكم النيرة فتجعلني اندفق سحرا والقا لانكم انتم من اسباب اختيار جميل الكلمات فرفاعة ساكنة في الدواخل التي تتجمل وتتزين كل صباح لاجل ان تكسب رضاكم فهل انتم مستعدون لحبها ومبادلتها عشق بعشق ، فهي من ارضعتنا صدق الاحاسيس والمشاعر علمتنا ان ما بينا عشرة عمر لا تفصم عراها غربة او ابتعد قسري فرضه علينا ومن قاس لم نكن نتصور انه يوما سيمر بنا ولكن العشم في اصلاح الحال هو المبتغي والمبتدا والخبر .
الود فواوري له في العقل والقلب مكانة سامية ؟؟؟!! وليكم كلم نفس المكانة لانكم ابناء درة المدن عندي رغما عن تطاول فترات غيابي عنها ولكني في اتجاهي نحو الجب لابد من الطواف بها علني اكسب نفسي جزءا من جمالها ن فاحتمل بقائي في غرب الجزيرة لفترة تتطاول او تقصر علي حسب زوادة الجيب ؟؟
مساهر في رمضان وبتابع في النيل الازرق رفقة الود همشري والبت جدية وارد لندن بعد غيبة من الشاشة البلورية ؟؟؟
البلد حلوة وجمالها انو انسانها تبقي فيه شئ من حتي .
بجيكم صادي تاني :sniper (45):

هذه هي الغربه
ان تبتعد عن رفاعه بالذات
في رفاعه يمكن ان تعيش بدون ان يكون ليدك مال إلى حين يوم السداد ... لكنك في تلك المدينه يكون الواحد منا نكره ... نعم لا يعرف قيمتك وتعرف قيمته من تلاقيه والعرب قالوا عرب هنا |( المابعرفك بجهلك) او (المابعرفك ما بثمنك)وهذا ابلغ ...
تزوجت في 99 ولم ادفع جنيه واحد بل سافرت لشهر العسل و ادري ماذا كان وجرى ورائي ... من حسبو ومن بوكو ومن الامام ابوعموري ومن ومن
كل الحاجيات بدون قروش تم موضوعك والحساب بعدين
هكذا بلادي هناك .... لا اعرف هل مازال يتعاملون هكذا ام الصدق قل في الالتزام بالسداد ؟
لاتغيب كثيرا فوالله إني لاحزن عندما اجد ابناء رفاعه في السودان ويغيبون طويلا عنها واستغرب كيف يستطيعون ذلك ...
اما المساغب فلها ربها ووقتها ... حتما ستزول يوما ...
بكم ومنكم نترع بالحب لرفاعه وهذي الحروف الجياشه ... منك وفوراوي وامير وبقية من زّين هذا البوست بمداده الاثيري
اها الانسان الشي من حتى ده انت واحد منهم ... فأبقى وسنبقى

الصادق عبدالله ضرار
08-02-2011, 11:34 AM
بالغت يا امير
انت امير علينا وعلى قلبي الكبير
ياخ الزول قررررررب ينساك
بس لقيتك جافي زي ما قال الفنانا هنا في البوست ده
خبرك ووالله سعيد بي الجابك هنا
يعني إلا الزول يعصروه ويقربو يفتو ورقو يجي جاري
اها الزول تاني كل ما تغيب بكلم فوراوي وفريجون يجيبوك بالسبحه اقصد بالذكرى الجميله

الصادق عبدالله ضرار
08-02-2011, 11:36 AM
الاحبة
رمضان كريم
ومن الماضي صحيان بدري في رمضان تجيب الجرايد وانت راجع تتكل في شجرة الصهريج من جوة ويجيك رزاز مويه الصهريج البودر السخانة
وتقعد في النجيلة انتظار آذان الظهر وعلي الجامع الكبير لصلاة الظهر اكيد يومك انقسم وما عطشت
دي بمناسبة رمضان
نزار رجعتك لحته بتولع جواك حاجات منسية خلي
بالك هسي الوقت صيام
وبعد المغرب كلام تاني

مابين الذكرى والنسيان
المسافه قريبه يإنسان
هي الحاجات الجوه إنطفت فيهو الود نزار عشان تولع ياشيخ العرب ...
بس ده اسمو المسكوت عنو جهرا
خليك في الصهريج لحدي المغرب ومر على ىطارق حاج ادريس يونسك شويه

الصادق عبدالله ضرار
08-02-2011, 11:39 AM
إهداء اليكم منها واليها
تسكن فيك
وتمرق منك
زي انفاسك
وترجع ليك
تطبع فيك
إحساس النشوه
لمن ترضى
تجيهو مداك
تسجل عندك
لحظة غشوه
تعيد إحساسك
بت مطبوع
عليها وقار
بت بتبق
منها نار
هي البتكون
وقود الرعشه
واصل الدهشه
من رسمة ضلك
وفوق لي راسك
بت بتدق
جوه جوانحك
صوت اجراس
هي الممهوره حروفا
بريق
لمن تطلع
تكتم كل انفاس الناس
ولو شفتا عيونا
خيمة ريده
بيوت اعراس
ضاجه
وفاجه
كل دروب العمر الباقي
بت بتفوق
كل الحلم الساكن جوه
بت مدوده
فيني وباقيه
بت موعوده
مني الريده
ريده قديمه
ما ليها قياس
بت لمن تمرق
تكتم كل انفاس الناس
تعيد إحساس
اصلا مفقود
بيها وليها
هسي بعود
بت بتغالب فيك القدره
وليك بتعيد
اصل الإحساس
بت معروفه
إنها هي
ست الناس

حاشيه : البت دي هي رفاعه كلها

علي فوراوي
08-02-2011, 11:59 AM
إهداء اليكم

حاشيه : البت دي هي رفاعه كلها


الصادق والله قاعد اصدقك
بس أنا ماصدقت انو ممكن تصور رفاعة لدرجة تدودي بيك دي

انا اول سرحت مع الوصف وعجبني الكلام
وعيوني بقن صغار واتخيلت

غايتو ربنا يقوينا علي البتسو فينا

الصادق عبدالله ضرار
08-02-2011, 12:36 PM
ما قلنا ياشيخي الببت دي رفاعه كلها
خلي عيونك في محلهن
ياهو الفي بالك

Nazar Hussien Babkir Frie
08-02-2011, 05:39 PM
:013:الاحبة
رمضان كريم
ومن الماضي صحيان بدري في رمضان تجيب الجرايد وانت راجع تتكل في شجرة الصهريج من جوة ويجيك رزاز مويه الصهريج البودر السخانة
وتقعد في النجيلة انتظار آذان الظهر وعلي الجامع الكبير لصلاة الظهر اكيد يومك انقسم وما عطشت
دي بمناسبة رمضان
نزار رجعتك لحته بتولع جواك حاجات منسية خلي
بالك هسي الوقت صيام
وبعد المغرب كلام تاني
زذ ماقال الفنان الذري ابراهيم عوض رحمة الله عليه (هيجتني الذكري )؟الكبر حصل يافواراوي اولا بالتبادي قبل الجرائد اهم حاجة مشاغلة عبد الرزاق في دكانو ومعاهو كمان ود ملاس ازهري ؟
وبعدالتكلة في الصهريج او الشجرة المجاورة له لابد منها ولكن الاهم نها انو يكون كم اورد الود اللخدر طارق حاج ادريس حاضرا ليطوف بك في ربوع رفاعة والحلال التي حولها فتنسي عطشك وجوعك لان مع راوية من رواة العرب زمان ، اما ان كانت محضورة بحضرة الاخوة الكدسة فالصلاة ثق بانها فاتك في الجامع الكبير .
اها نحنا مرات بنزوغ مع اولاد حاج الخضر انا والخاتم الحسين ادم بنمشي معاهم الجنينة وعنقريب هبابي وسط الجدول ونعود محملين بليمون ولا رنجا لزوم عصاير الفطور وان ما مشينا طوالي على بيت ناس ود ابنعوف عبد اللطيف لنتجمع على موسي وحافظ حلواني وضياء الدبن وبقية العقد الفريد سيف حامد بكري وانس الجيلي وهاك لمشاهدة افلام الفديو والضحك والونسة .
وبعدين كلامنا ما بفطر وبيجرج الصوم لانو كلو دائر في اطار ما كان .
اها النخليك ونشوفك بعد الفطور . ؟
النقبل على البهلاوي الجاني تارس براه ؟
الجو عجيب وغريب امطار خفيفة لطفت الجو قبل الافطار دا طبعا في الجب ما في خرطوم الفيل .

Nazar Hussien Babkir Frie
08-02-2011, 06:04 PM
ود فريجون يا حبوب
كل مرة اتاوق فى البوست واشرد منو وتانى اجيهو صادى (اتذكرت نكتة الدالى اجيك صاد ولا ضاد)
لانو عارف مشرك بيهو و عاوز الاندياحة .. اندياحة الصداقة وتبعاتها ...:004:
ايام ليها ايقاع ...و جمال و شجون..
ودى ياها ترياق الغربة ... كلما تزيد احزانك تفتح ليك طاقة من حاجات زمان
وتقلبها يمين وشمال و تقعد تحسب فى تفاصيلها... اكان جرسة اكان بكية اكان حاجات تانية حاميانى:smilie2:
يا اخى لمات كانت فريدة وشلل كانت مميزة و لها حضورها
بالمناسبة سوق اللبن ما جبت سيرته مالك....!
كنت شاهد على كم بكية (جرس) فيه عجيبة ...
غايتو جيب لى الاذن من صاحبى البتاوق بى هنا...بس
و الباقى على....!!
اذنك معاك ياللمير تعال وانداح هنا فهذا ما تبقي لنا ، هي ذكريات ايام الشباب النضرات عشناه بكمل ما تحمله من براءة الطفولة وعنفوان الرجولة وزهو الشباب ؟؟اها شارع اللبن دي براه قصة فالطواف اليومي به صبحا ومساءا في طريقنا لرفاعة الثانوية / وما بين دكان القراح وفرن ود ابو عموري قصص وحكايات ، بس كلها كانت قصص حب عفيفة ونزيهة ، فالمهم ان تشاهد من تحب صبحا وهي ذاهبة للمدرسة وحبذا لو تبادلتما الكتب في باطنها اكيد كلام الحب كلو قلتيهو بس كلامي انا الماسمعتهو؟؟ اها شوف الجقليب والضحك والمكاواة جابو رد الجواب وانت فتحو ليك ؟ولا نرجع نعيد ايام تبقي الصداقة قرابة ونكسب الودين حقت المتوسطة يالميير ؟
القلب مترع بحب دافق لاناس كثر اثروا وجداني ادبا وعلما وزهدا وتقا ن اخوة لا اخال ان الزمان قد متع احد مثلي بهم ، لذا هم في العقل والخاطر دفق من حنينين ، ويمكن لذلك مازالت ذاكرتي تنشط كلما كتبت عن اخوة الزمن الجميل ، بعدكم لا صداقات فيكفننا ما عشته بينكم وبكم ؟
دي جرعة خفيفة باللخدر عشان الود امييير ما يقوم يهرب لانو خابرني كويس حافطو بس خليه ابدا وانا بكمل الباقي خليهم اجو جود الدارة الفنان مننا ياللخدر والشباب من الحي الامامي واندياح الشباب من بنزين بيكون وا:stupidme__remake:ردكم من الحدبة والبكا شوف عينني كان وارد البهلة ؟؟

عوض أبوسن
08-02-2011, 09:15 PM
العزيز نزار
سردك ممتع ومجتر لذكريات ... حتما كانت رائعة فقد كنا نراها في عيونكم ونسمعها في ضحكاتكم ... فنحن كان تجمعنا ليس بالبعيد ... حيطه الطرمبه و قصاد بقاله حافظ..
معليش الفضول لكل ما هو رفاعي يعبق بالذكريات جرجرني بي جاي
سلام للجميع هن في حضرتك و رمضان كريم

Nazar Hussien Babkir Frie
08-02-2011, 10:17 PM
العزيز نزار
سردك ممتع ومجتر لذكريات ... حتما كانت رائعة فقد كنا نراها في عيونكم ونسمعها في ضحكاتكم ... فنحن كان تجمعنا ليس بالبعيد ... حيطه الطرمبه و قصاد بقاله حافظ..
معليش الفضول لكل ما هو رفاعي يعبق بالذكريات جرجرني بي جاي
سلام للجميع هن في حضرتك و رمضان كريم
عوض ابوسن المستعصم بمانشستر ليك سلام وتصوم وتفطر على خير :
هي كلما تبقي لي من ذكريات رفاعة ، هي دعوة لاجترار الذكريات عل وعسي ان نعاود الحفاظ علي ما تبقي من نقاء بدواخلنا مما اعترانا من نكد الزمن العصي ، الذكري تهيج في نفسي لواعج لحكايات وحكايات ، ففي القلب ما زال قلة وفتاح الديبة وعماد وجانبو عثمان وزيارتنا لحبوبة بت مالك وبيوت ناس كشة ، فانا قد جوال ما بين العديد من المجموعات كل له وقته وزمنه لذا كنت حافظا لاحداث كتيرة مرت بنا في لهونا البرئ هذا ، وان عدت لنا مرة اخري سنعيدك لرفاعة زمان بداء من فريق السناب وانتهاء بحدبة الود اللخدر ؟
تعال لينا وتعال لينا وكفي ؟؟؟:011:

علي فوراوي
08-02-2011, 10:58 PM
هذه المشاركة للقراية فقط لاتقبل اقتباس ولارد عليها


اول زيادة دقات قلب ورجفة ولا اقوليكم رعشة من صوف راسي لكرعي
صوت بين الهمس والسمع يقول فوراوي الدنيا ليل والاضاءة نص نص وراء موقف التكسي
تسمرت وانخلعت الخلعة الحقيقة ازيك (هو انا صدقت انبرشت ورديت اهلا
وبعدها ولا كلمة
جواي قال

اهلا
ماصدقت حروف اسمي تطلع منك
كنت اغيرها لحروف تانية مدوزنة
ضحكت
وقالت الفاء فال
اقتنعت وانا اقدر ما اقتنع
ووصلنا للفة وهنا قالت مع السلامة
بقيت من يوما وانا في نفس المواعيد اقيف مشرور

عوض أبوسن
08-03-2011, 03:01 AM
أبن الأخ الحبيب شيخ علي "دون أقتباس"

رمضانك كريم و سلامي للأسره الكريمه و تمنياتي لكم بصوم مقبول..
الغيبه طالت من داركم العامر ده.. أهو مشغوليات البلد دي و كده..
لك و لرواد البوست كل التمنيات الطيبة..
معليش نطيت في مداخله الحبيب نزار لزوم الشوق و هيجان الذكري لحظتها.. وبيني وبينك العطش كان مطشش بي ما طايبت ناس الدار ..

نزار العزيز الله يطراك بالخير.. السنه الماضيه حاولت أعيد بعض الذكريات بزيارة تلك الأماكن.. لكن شتان.. الأجترار كان سيد الموقف
جمعنا الله جميعا في ساعة خير

لكم ودي

الصادق عبدالله ضرار
08-03-2011, 01:09 PM
ابوفاطنه
متعه والله إنداح مادام الرذاذ في والجو ممطر حتى الان وهذه اللحظه
متعنا عليك الله بالذكريات بحروفك الرائعه
اعتبرني في الحدبه قاعد بكب في الجرسه ...
اصلي ماتغيرت ولا إتبدلت يوم

الصادق عبدالله ضرار
08-03-2011, 01:15 PM
ود الخاله عوض
متع نفسك بالدهشه

الصادق عبدالله ضرار
08-03-2011, 01:16 PM
فوراوي هو جنس ده بعلقو عليهو وبقتبسو منو
ده تاكلو كده بس في حنانك

الصادق عبدالله ضرار
08-03-2011, 01:16 PM
قولة الاسم بس رجفتك
والله جنس هناي

علي فوراوي
08-03-2011, 01:26 PM
قولة الاسم بس رجفتك
والله جنس هناي



الاخدر
الحمدلله البقت رجفة
بس كان دا انت كنت لي هسي ماسك في ما بصدق مابصدق

علي فوراوي
08-03-2011, 01:35 PM
الصادق عليك الله
قول لينا اخر قصيدة منك

الصادق عبدالله ضرار
08-03-2011, 02:04 PM
بيني وبينك ... خلي حمدو في بطنو كان ده انا كان حلجت عدييييل

الصادق عبدالله ضرار
08-03-2011, 02:08 PM
اتلات الليالي

ببكيك شديد
أمحى السطر
اكتب اعيد
زولك انا
كاتلني ريد
اكتب اعيد
مرهون إليك
مالكني سيد
رضيان عذابك
والوعيد
اسير هواك
حاكمني قيد
ماتلومي زول
ماليهو إيد
لمن يحن
يكتب بريد
يشرح غرام
ريدو الوحيد
ماتحرمي
يبني ويشيد
قصر الغرام
او يستعيد
الكان قبيل
خلوه ومسيد
لي ريدو داك
الكان فريد
امحى السطر
اكتب اعيد
ماليك بحن
زي الوليد
لي امو لمن تفطمو
وترحل بعيد
خليني بس
في ذاكرتك
خليني ليك
عمرا جديد

رحـال
08-03-2011, 02:58 PM
اتلات الليالي

ببكيك شديد
أمحى السطر
اكتب اعيد
زولك انا
كاتلني ريد
اكتب اعيد
مرهون إليك
مالكني سيد
رضيان عذابك
والوعيد
اسير هواك
حاكمني قيد
ماتلومي زول
ماليهو إيد
لمن يحن
يكتب بريد
يشرح غرام
ريدو الوحيد
ماتحرمي
يبني ويشيد
قصر الغرام
او يستعيد
الكان قبيل
خلوه ومسيد
لي ريدو داك
الكان فريد
امحى السطر
اكتب اعيد
ماليك بحن
زي الوليد
لي امو لمن تفطمو
وترحل بعيد
خليني بس
في ذاكرتك
خليني ليك
عمرا جديد


الله الله الله ...
امحي السطر .. وتاني عيد ..
وكل لحظة ادينا الجديد ..
سلم اليراع ..

Nazar Hussien Babkir Frie
08-03-2011, 10:46 PM
اللخدر تسلم غلى الكلام الحلو والله يخليوه الشيخ الخالك تمرق المدفون جوه اضابير القلب ، يلا كل مرة ادفق لينا المشاعر خلينا نجد في بركات الشهر دفق من حنين وكفي علنا نرفه عن انفس اعياها الترحال في سبيل ان تحقق شئ من المامول زيدنا بالله بس بدون طلبات ؟
انداح لنا كلمة وبسمة وهم غيرو حالي وكفي ؟

علي فوراوي
08-03-2011, 11:00 PM
اسير هواك
حاكمني قيد
ماتلومي زول
ماليهو إيد
لمن يحن
يكتب بريد
يشرح غرام
ريدو الوحيد
ماتحرمي
يبني ويشيد
قصر الغرام


الاخدر
الكلام دا انطبق علي
ويانزار هي هسي تتواري لي
ولمن رقوني وادوني شريط
والفضل لي ذكري
ياريت ياريت ياريت

الصادق عبدالله ضرار
08-03-2011, 11:39 PM
رحال
إسمك السمح ده
ونحن قد اعيانا الترحالين
ترحال الروح
وترحال الغربه ....
ياريت نكون كما تقول وهذا من جمال دواخلك ...
لذا ترى الاشياء جميله

الصادق عبدالله ضرار
08-03-2011, 11:45 PM
اللخدر تسلم غلى الكلام الحلو والله يخليوه الشيخ الخالك تمرق المدفون جوه اضابير القلب ، يلا كل مرة ادفق لينا المشاعر خلينا نجد في بركات الشهر دفق من حنين وكفي علنا نرفه عن انفس اعياها الترحال في سبيل ان تحقق شئ من المامول زيدنا بالله بس بدون طلبات ؟
انداح لنا كلمة وبسمة وهم غيرو حالي وكفي ؟

ابوفاطنه
شيخي اريتو شيخك
الحنين موجود من زمن لكن انتو البتبحتو وتخلو الزول ينكشح عدييل
فعلا اعيانا الترحال لذا قلت لرحال ان اسمه رهيب
اما تحقيق شئ من ماضينا ... ياترى سيتحقق ؟؟؟

لكني ليس كما تقول
ليست هي آخر من يحلم باللقاء ...
بل انا

الصادق عبدالله ضرار
08-03-2011, 11:47 PM
الاخدر
الكلام دا انطبق علي
ويانزار هي هسي تتواري لي
ولمن رقوني وادوني شريط
والفضل لي ذكري
ياريت ياريت ياريت

فوراوي ...
والله انت كان ادوك تلاته نجوم ما بتكفيك خلي شريط
وهيجتني الذكرى ... زي ما قال ابراهيم عوض
هسي لمن تلاقيهو الإحساس كيف بكون ؟
ياريت برضو ؟

Nazar Hussien Babkir Frie
08-03-2011, 11:53 PM
الاخدر
الكلام دا انطبق علي
ويانزار هي هسي تتواري لي
ولمن رقوني وادوني شريط
والفضل لي ذكري
ياريت ياريت ياريت
يا ريت دي يا فوراوي عمرها ماكانت ديدنك ، وانا عارفك شقي ومجنون ، وعارفك عننيد واهلك ارابيب الندي ولمن تصر على الشئ لا بد من تحقيقة ، وعارفك يا صاحبي ما تقدر على البعاد ولا بد من انو (حليبك لابد يجيبك) ، والترقية الاخدتها زادتك حلاوة وطلاوة وكمان حبة وسامة خابر ولا ما خابر ، وبعدين كلامك دا بوديني واخليني اساهر لي تلايت الليل حقت الود اللخدر.
شريطك يا فوراوي في ناس اخدو ترقيات وهم في بواكير الشباب لمن وصلوهم نقياء وهنا اتذكر احد زملائي في المغرب تودد لاحداهن ولم تكن قد شاهدته تادبا لانو كل شئ في زمنا داك بيتم عبر وسيط ، فحينما التقته لاول مرة فؤجئت بان الشيب قد اعتري راسه فاتخلعت زي خلعتك وصدرت منها كلمة الود المشيب دا ؟
فهاجاها بقصيدة عصماء ما ظلت اذكر مطلعها وهو يقول لها :
عيرتني بالشيب بنت الغبية وليتها عيرت بما هو في
هن بعض شعيرات زن راسي فزادنه هيبة ووقارا ؟فابكاها بكاءا مرا لا اعتقد انها قد تبكية مرة اخري والغريب يافوراوي انه قد تزوجها بعد الهجاء المر دا ؟
جنس دا سمعت بيهو يا شيخ العرب انت شروك بس ؟
اها بعد دا بتقول رقوك ولبسوك الشريط ؟
وا اعيدك (لوليدة) ليلك سفرك حينما انتحبت احدي حرائر فريقنا فناداني وقال لي الغبيانة بتبكي عشان فوراوي عاوز يغترب جنس حسد ؟ كفاك الشريط فقد اكسبك هيبة ووقارا وكفي :54::023:

Nazar Hussien Babkir Frie
08-04-2011, 12:26 AM
:54:ابوفاطنه
شيخي اريتو شيخك
الحنين موجود من زمن لكن انتو البتبحتو وتخلو الزول ينكشح عدييل
فعلا اعيانا الترحال لذا قلت لرحال ان اسمه رهيب
اما تحقيق شئ من ماضينا ... ياترى سيتحقق ؟؟؟

لكني ليس كما تقول
ليست هي آخر من يحلم باللقاء ...
بل انا
شيخك بديع طالما انه يجعك تدفق مثل هذه الاحاسيس ؟فيكن انت من سيحلم باللقاء ؟
ولكني احسب ان اغلاهما حلمتا ا انت وهمو على اطلاق الكلمة باللقاء ؟
نعم ان الترحال قد اعياكم وشقت المسائل عليكم ولكنها للضرورة وللضرورة احكام ومثل وقيم سدرة منتهاها املا ووعدا اخضر باكتمال اللقاء وكفي .
البحتي البجيب عذب الكلام بندرو بس انت افصح وابن واظهر ما في الكوامن تلقانا نحنا يانا نحنا؟؟صابرون ومصابرين وقابضين على جمر القضية ؟؟

Ameer Al Ameen
08-04-2011, 12:52 AM
بالغت يا امير
انت امير علينا وعلى قلبي الكبير
ياخ الزول قررررررب ينساك
بس لقيتك جافي زي ما قال الفنانا هنا في البوست ده
خبرك ووالله سعيد بي الجابك هنا
يعني إلا الزول يعصروه ويقربو يفتو ورقو يجي جاري
اها الزول تاني كل ما تغيب بكلم فوراوي وفريجون يجيبوك بالسبحه اقصد بالذكرى الجميله
ود الاخدر كيفنك...
رمضان كريم ..
جفا شنو يالصادق .. دا جرى الدنيا الما بتلحق بس ..الله يعين
وانت دائما فى البال و الخاطر بس طاقاتك الفتحتها دى
شرك عديل ذكرتنا ايام المرحومة "النيمة" الله يطراها بالخير
دفيق ذكريات وونسة دقاقة و كسير تلج ساكت..
كان زمان حلو بى ناسو ولماتو و وجايعوا..
القلوب نضيفة والنفوس مشحونة الفة ووداد
عارف ود فريجون وفواراوى اصحاب من زمان
وزى ما تقول "حاجاتنا مدفونة سوا"...
يا زول هيه دى الجرجرة الكنا خايفين منها ذاتا لووووووووووول

Ameer Al Ameen
08-04-2011, 01:10 AM
اذنك معاك ياللمير تعال وانداح هنا فهذا ما تبقي لنا ، هي ذكريات ايام الشباب النضرات عشناه بكمل ما تحمله من براءة الطفولة وعنفوان الرجولة وزهو الشباب ؟؟اها شارع اللبن دي براه قصة فالطواف اليومي به صبحا ومساءا في طريقنا لرفاعة الثانوية / وما بين دكان القراح وفرن ود ابو عموري قصص وحكايات ، بس كلها كانت قصص حب عفيفة ونزيهة ، فالمهم ان تشاهد من تحب صبحا وهي ذاهبة للمدرسة وحبذا لو تبادلتما الكتب في باطنها اكيد كلام الحب كلو قلتيهو بس كلامي انا الماسمعتهو؟؟ اها شوف الجقليب والضحك والمكاواة جابو رد الجواب وانت فتحو ليك ؟ولا نرجع نعيد ايام تبقي الصداقة قرابة ونكسب الودين حقت المتوسطة يالميير ؟
القلب مترع بحب دافق لاناس كثر اثروا وجداني ادبا وعلما وزهدا وتقا ن اخوة لا اخال ان الزمان قد متع احد مثلي بهم ، لذا هم في العقل والخاطر دفق من حنينين ، ويمكن لذلك مازالت ذاكرتي تنشط كلما كتبت عن اخوة الزمن الجميل ، بعدكم لا صداقات فيكفننا ما عشته بينكم وبكم ؟
دي جرعة خفيفة باللخدر عشان الود امييير ما يقوم يهرب لانو خابرني كويس حافطو بس خليه ابدا وانا بكمل الباقي خليهم اجو جود الدارة الفنان مننا ياللخدر والشباب من الحي الامامي واندياح الشباب من بنزين بيكون وا:stupidme__remake:ردكم من الحدبة والبكا شوف عينني كان وارد البهلة ؟؟
سوق اللبن يا نزار كان مزار و تكية و فرجة
ربنا ابدع فيه ناس ما بتقدر تملى عينك منها
اتخلقت لعذابات الضنى بس..
طول و عرض و خط استواء كمان
مواسمه رزاز و غيم وهطول..
فيه الفة وسماحة وشتول ريد
عارف تلاتة من اعز الاصدقاء مكسرين تلج
و برضو كانو اصحاب بعض و ما داسين الريدة المشتركة
امكن عارفين "النهاية المحزنة" .. الواردة فى خطوط تواصلهم
ريد لى الله سيدهم بس ..و بينى وبينك "الريل" بستاهل تريدو رفاعة كلها
كالعادة ما كان نصيب اى واحد فيهم ...وزعوا ليهم دبابير و اشرطة وتيجان
الظريف مسكنا واحد منهم ببحلق فيها فى حفلة ما ... و الدموع باينة فى طرف عينه
عملنا شئ واحد ... رسلنا ليهو علبة مناديل بس ....!!

Nazar Hussien Babkir Frie
08-04-2011, 01:19 AM
ود الاخدر كيفنك...
رمضان كريم ..
جفا شنو يالصادق .. دا جرى الدنيا الما بتلحق بس ..الله يعين
وانت دائما فى البال و الخاطر بس طاقاتك الفتحتها دى
شرك عديل ذكرتنا ايام المرحومة "النيمة" الله يطراها بالخير
دفيق ذكريات وونسة دقاقة و كسير تلج ساكت..
كان زمان حلو بى ناسو ولماتو و وجايعوا..
القلوب نضيفة والنفوس مشحونة الفة ووداد
عارف ود فريجون وفواراوى اصحاب من زمان
وزى ما تقول "حاجاتنا مدفونة سوا"...
يا زول هيه دى الجرجرة الكنا خايفين منها ذاتا لووووووووووول
الطاقات الاتفتحت حلوة وجميلة هي كل ما تبقي لنا بعد ان عز اللقاء .
وبعدين معاك باللميير عليك الونسة الدقاقة ما بتساهل انو الزول يقعد الزمن كلو يجتر فيها ؟
بتمشي تجي هل استمتعت بايامك في الاجازات مثلما استمتعت بيها زمان ؟
اها نحن قاعدين هنا بنحلم بلقاء ربما تيسره الايام او ربما لا ، تعال بي هنا وانداح معنا ذكري لايام مضت كما اسميتها انت لها ايقاع هو الاخاء الصادق والحب العفيف الشريف ؟ تعال وليك الامان ؟بعدين كسير التلج دا حق ناس الزمن دا زمنا ما كنا بنعرف كسير التلج علا التلج االكان بيبعو الحلاوي رحمة الله عليه لتبريد عصاير رمضان ولا موهيك .
تعال وجيب حكاوي الدالي الانت حافظها عن ظهر قلب ؟تعال وجيب معاك كل الحكاوي وما بيقوليك الخطاوي الماشية باكية بتنادليك ؟
تعال لينا وتعالينا وكفي ؟؟؟:023:

Ameer Al Ameen
08-04-2011, 01:19 AM
هذه المشاركة للقراية فقط لاتقبل اقتباس ولارد عليها


اول زيادة دقات قلب ورجفة ولا اقوليكم رعشة من صوف راسي لكرعي
صوت بين الهمس والسمع يقول فوراوي الدنيا ليل والاضاءة نص نص وراء موقف التكسي
تسمرت وانخلعت الخلعة الحقيقة ازيك (هو انا صدقت انبرشت ورديت اهلا
وبعدها ولا كلمة
جواي قال

اهلا
ماصدقت حروف اسمي تطلع منك
كنت اغيرها لحروف تانية مدوزنة
ضحكت
وقالت الفاء فال
اقتنعت وانا اقدر ما اقتنع
ووصلنا للفة وهنا قالت مع السلامة
بقيت من يوما وانا في نفس المواعيد اقيف مشرور
يا فوراوى عارف قلبك لسه مليان ريد و محنة
واكان انت نسيت "الجماعة ما نسو "
اتقابلنا السنة الفاتت فى رفاعة
وجبنا سيرة البحر ذاتو...
و هيجت ليها الف ذكرى وخرتمية دقة قلب
ضحكت لما مرقت ليها العارفو ... و امكن تكون اتمنت يكون الزمن "غير ملامحها"
هى ذاتها نفس الزولة الحلوة الزمان... بس اظنها بقت حبوبة اسى...لأوووووووووووووول

Nazar Hussien Babkir Frie
08-04-2011, 01:33 AM
سوق اللبن يا نزار كان مزار و تكية و فرجة
ربنا ابدع فيه ناس ما بتقدر تملى عينك منها
اتخلقت لعذابات الضنى بس..
طول و عرض و خط استواء كمان
مواسمه رزاز و غيم وهطول..
فيه الفة وسماحة وشتول ريد
عارف تلاتة من اعز الاصدقاء مكسرين تلج
و برضو كانو اصحاب بعض و ما داسين الريدة المشتركة
امكن عارفين "النهاية المحزنة" .. الواردة فى خطوط تواصلهم
ريد لى الله سيدهم بس ..و بينى وبينك "الريل" بستاهل تريدو رفاعة كلها
كالعادة ما كان نصيب اى واحد فيهم ...وزعوا ليهم دبابير و اشرطة وتيجان
الظريف مسكنا واحد منهم ببحلق فيها فى حفلة ما ... و الدموع باينة فى طرف عينه
عملنا شئ واحد ... رسلنا ليهو علبة مناديل بس ....!!
اللمير حلاة الدمعة لمن تنزل حري من قلب مكلوم حب صيدة ما اختطفته منه ايادي مغتربين زمان ، وحاتك يااثير بتذكر واحد كان بيبري الخطوة ويملا جيوبو منها لمن تتدفق ، ويوم وقعت الواقعة علا وديناه المستشفي وهاك يا دربات ،ونحن ما عارفين نضحك ولا نبكي معاهو ؟اها ذى بنساه ؟ ولا اخونا فلان قال ما بيمشي الحفلة وقعدنا نسح فيهو يومين قبل الحلفة ويومها اصررنا عليه ان يمشي ويبارك كمان وزدنا ليهو كمان الونسة والضحكات انت موش غايتك سعادتها اهي الان سعيدة وبترقص كمان فطرت الدميعات منو ؟
وبعدين قسيم المناديل شوف عيوني ديل في بمشو لعمك عبد الكريم ابو الكدسة بشترو مترين دبلان لانو المنديل الواحد ما بكفي ؟
فناس كانت حسادة ساي بتجي تفرتق الحفلات بعد تناول جرعات من وارد الحدبة ، زي ديل يامير الحسن نسوي معاهم شنو ؟
ادلو بدلوك فبعق الذكريات ما وال نديا ؟

Ameer Al Ameen
08-04-2011, 01:45 AM
الطاقات الاتفتحت حلوة وجميلة هي كل ما تبقي لنا بعد ان عز اللقاء .
وبعدين معاك باللميير عليك الونسة الدقاقة ما بتساهل انو الزول يقعد الزمن كلو يجتر فيها ؟
بتمشي تجي هل استمتعت بايامك في الاجازات مثلما استمتعت بيها زمان ؟
اها نحن قاعدين هنا بنحلم بلقاء ربما تيسره الايام او ربما لا ، تعال بي هنا وانداح معنا ذكري لايام مضت كما اسميتها انت لها ايقاع هو الاخاء الصادق والحب العفيف الشريف ؟ تعال وليك الامان ؟بعدين كسير التلج دا حق ناس الزمن دا زمنا ما كنا بنعرف كسير التلج علا التلج االكان بيبعو الحلاوي رحمة الله عليه لتبريد عصاير رمضان ولا موهيك .
تعال وجيب حكاوي الدالي الانت حافظها عن ظهر قلب ؟تعال وجيب معاك كل الحكاوي وما بيقوليك الخطاوي الماشية باكية بتنادليك ؟
تعال لينا وتعالينا وكفي ؟؟؟:023:
يا نزار هى ونسة بس.. زى ما قلت خوة وصداقة ووقفات ما فى شبهها..
و ريدنا كان عفيف و صادق ومقطع فى الحشا أحيانا...
ديل طبعا الناس الما بنقدر نطولهم ...و النظرة بتكون جاتك من شباك بص
او مساسكات دريب او برضو من حوش المدرسة ....رغم طول السور
ودى ليها ناس ...
واحد من اصحابنا كان برمى الحذاء (بدون مواخذة) جوة السور بس كلو
عشان ينال نظرة من ست الحسان....شفت التعب دا كيف ؟؟؟
و برضو مواسم اللمات فى رفاعة اكان عيد او مولد او حولية (ديل ناس الصادق )
و حقك انت براك انا حافظو و عامل ليه ارشيف عديل....!!
و نخليهو لى مرة جاية...

الصادق عبدالله ضرار
08-04-2011, 12:13 PM
ود الاخدر كيفنك...
رمضان كريم ..
جفا شنو يالصادق .. دا جرى الدنيا الما بتلحق بس ..الله يعين
وانت دائما فى البال و الخاطر بس طاقاتك الفتحتها دى
شرك عديل ذكرتنا ايام المرحومة "النيمة" الله يطراها بالخير
دفيق ذكريات وونسة دقاقة و كسير تلج ساكت..
كان زمان حلو بى ناسو ولماتو و وجايعوا..
القلوب نضيفة والنفوس مشحونة الفة ووداد
عارف ود فريجون وفواراوى اصحاب من زمان
وزى ما تقول "حاجاتنا مدفونة سوا"...
يا زول هيه دى الجرجرة الكنا خايفين منها ذاتا لووووووووووول

ياسلام يا امير
كبير السدنه طلعت والمحرقين
احلى طاقه دي الخلتك تفتو لينا والله الزول كل كلمه كتبتها في مشاركاتك البعد دي كأنو الزول معاكم فيها ....
فعلا كان الود نضيف والحب نضيف
وغاية امالك ان يعيروك بنظره او ينطقو باسمك
وعفه في كل شئ ...
اها ما دام دافننو سوا ابحتو لينا
واعتبر دي من ضمن جرجرة 2011 بتاعت نولا

الصادق عبدالله ضرار
08-04-2011, 12:40 PM
و برضو كانو اصحاب بعض و ما داسين الريدة المشتركة
امكن عارفين "النهاية المحزنة" .. الواردة فى خطوط تواصلهم
ريد لى الله سيدهم بس ..و بينى وبينك "الريل" بستاهل تريدو رفاعة كلها
كالعادة ما كان نصيب اى واحد فيهم

كالعاده يا امير
وهذا تساؤل ليه البريد ما بلقى مرادو في اغلب الاحيان ؟
هل لانو الريد في عمر بدري والزول ما حدد حاجاتو وما معروف مستقبلو ؟
ام الجاهزين هم السبب
الريده المشتركه دي متكرره يبدو من زمنكم
لكن في زول صاحبي كان بريد واحده وماحصل اتكلم معاها وبحلم بيها
ربنا اسعدو وتزوجها والان معه ...
ده امكن عشان ما صرح ليها ؟

الصادق عبدالله ضرار
08-04-2011, 12:49 PM
يا فوراوى عارف قلبك لسه مليان ريد و محنة
واكان انت نسيت "الجماعة ما نسو "
اتقابلنا السنة الفاتت فى رفاعة
وجبنا سيرة البحر ذاتو...
و هيجت ليها الف ذكرى وخرتمية دقة قلب
ضحكت لما مرقت ليها العارفو ... و امكن تكون اتمنت يكون الزمن "غير ملامحها"
هى ذاتها نفس الزولة الحلوة الزمان... بس اظنها بقت حبوبة اسى...لأوووووووووووووول

امرضو شيخ العرب
اصلو هو الايام دي بردد
في الطيف وفي الصحيان قولي
حبيبي انا عيان

عليك الله لاقيتا ( فوراوي قال)

جاك كلامي وعنوان البوست
اهو امير قال ليك انا اصلو ماتغيرت ولا تبدلت ياهوو زاتو
بس لقتك جافي
الضحك الشديد لمن عرفت انك كنت جافي ولمن عرفت من امير
كان بقت حبوبه الشيخ ما بنسى الحبايب

الصادق عبدالله ضرار
08-04-2011, 12:55 PM
فناس كانت حسادة ساي بتجي تفرتق الحفلات بعد تناول جرعات من وارد الحدبة

ده ما حسد
ده تعبير عن القهر واهو الحدبه كانت بتساهم في إنو الزول يعبر عن مشاعرو بالطريقه العاجباهو
اهي الحدبه ادتو مساحه من الشجاعه ما كان بلقاها كان جاكم واعي

Nazar Hussien Babkir Frie
08-04-2011, 10:16 PM
ده ما حسد
ده تعبير عن القهر واهو الحدبه كانت بتساهم في إنو الزول يعبر عن مشاعرو بالطريقه العاجباهو
اهي الحدبه ادتو مساحه من الشجاعه ما كان بلقاها كان جاكم واعي
اها ياللخدر ر ايك فيمن كتب كلما :coolq8y-com (47)::SnipeR (7)::SnipeR (75): ربينا (كتكوت اكبر ويفوت )اها لزوم التربية وحقوقها المحفوظة بتحتاج لشوية لشجاعة من وارد الحدبة حقكم دا ، دي ما حسادة ولا يمكن يكون قصر في التربية عشان الكتكوت كبر وفات ؟؟؟!!!
وبعدين الريدة ما بتنسي لانو البريد لا بجافي ولا بوافي ولابتغير دحين الشيخ ان شاف الحفيد بقالدو ولا ما بيقالدو ؟؟؟أمير الله يجزاي محنك بتاور في الجرح مالك الشيخ حنين وانا بيكون هاتفك ليلا هم كيف وعاملين شنو واحوالم كيف ؟؟وانت اتخيلك تضحك ملا فاهك ، وكان فاطرين سوا اجزم انه سينتحي بك حانبا بالصح ياللميييييير هم متذكرني ؟؟؟
هو ياولاد الكلام دخل الحوش وان عدتم عدنا بس من غير زعل واطلبو الصفح من الدراري بلغة المغاربة الحكومات المحلية الامكن بتاوق لينا وتنظر الينا شذرا ، انا حكموتي مما اجيب سيرة المنتدي بتمد بوزها شبرين وانا بتاجمي ببتي اصلها رضعتها حب رفاعة من تلاها لتلاها ، اها الحكومات المحلية بتاعا ت رفاعة الجد جد احساسيهم كيف لمن تعرف انو الشجرالكبار هزاه الريح قبلهم ؟؟؟

الصادق عبدالله ضرار
08-04-2011, 10:51 PM
ياابوالنييز ( على طاري احونا زمااااان نزار الكرور ( ده والله يبدو حكومتو المحليه بلشفيه قطع الخبر تب
اها نحن برضو بمدو البوز لكن نخلي الفينا
كلا
نرجع
اها والله كلامك صحي عشان كده فوراوي غايب ليهو يومين مصاب بمرض الزول السأل عنو وحكو ليهو عنو محموم عدييل تلقى امير مانام من كترت الاسئله وهن كيف وووو
اما الحفيد ففيهو ريحة الحبايب وكان يمكن يكون الحفيد ابن باعتبار ماكان انه كان سيكون
اما الشجر الكبار
صفقوا اتحت عدييل
لكن بنرد علي كل زول في بوست كلمات ومعاني حيث كتب احدهم
الزارعنا غير الله اليجي يقلعنا

الصادق عبدالله ضرار
08-06-2011, 01:11 PM
الزول المحموم ...
امير ده ياربي عمل شنو ولّ قال شنو في التلفون ليهو
غتس مره
وزي ما قلت ليك بس لقيتك جافي
والعجب ديلك لقوك مافي عدييل

علي فوراوي
08-07-2011, 12:15 PM
ما بتغير
دهب مجمر
بس الحنين بودي
والشوق بجيب
ربنا يحفظ

الصادق عبدالله ضرار
08-07-2011, 12:26 PM
ما بتغير
دهب مجمر
بس الحنين بودي
والشوق بجيب
ربنا يحفظ

مافي شك إنو دهب
وعرفنا بجيب هنا
بودي وين

ياحفيظ دي ذكرتني لوري ود كيوم ولى ود دكين ماعارف زمان كاتب فيهو كده
الخوف من الكسر ...؟

Nazar Hussien Babkir Frie
08-08-2011, 11:27 AM
كالعاده يا امير
وهذا تساؤل ليه البريد ما بلقى مرادو في اغلب الاحيان ؟
هل لانو الريد في عمر بدري والزول ما حدد حاجاتو وما معروف مستقبلو ؟
ام الجاهزين هم السبب
الريده المشتركه دي متكرره يبدو من زمنكم
لكن في زول صاحبي كان بريد واحده وماحصل اتكلم معاها وبحلم بيها
ربنا اسعدو وتزوجها والان معه ...
ده امكن عشان ما صرح ليها ؟
اجابة لتساؤلك يالصادق يا اخوي عندي راي بنطرجو للمفبلين على الريدة ، اهمها ان الفارق السني ما بينك وبينها عشرة سنين ، ودي عشان تديك فرقة تكون نفسك ، وبعيد ابقو زي صاحب الصادق اكتمو الريدة ، يعني تكون على وشك التخرج وتشوف واحدة يا دوبك بدت تلبس الطرحة لانك لو خلتيها بدلت الطرحة ولبست التوب والله عجاجتك قامت وقطرك صفر وحلتك حرقت والرماد كال خشمك زينا نحن زمان امسكو وصيتي وطبقوها وشوفوها بتحقق نسبة نجاح عالية ولا .
اما الريدة المشتركة فدي فراقة الحبايب وبتجيب المشاكل خاصة اذا كانت المريودة لعابة وحريفة وتجيد كيد البنات لانها غالبا تتلاعب بعواطف الاتنين ويكون التالت جاهز وهو من سبق واكل النبق وساب البكا زالنواح للباقين ؟
دا طبعا للشباب اولاد الستاشرات ، اما الراشدون بعد الثامنة عشرة وفوقها فديل اتوكلو على الرحمن واتحرقو بس واتقلو واجتهدو لتاسيس انفسهم بعد اريدوا ، اها البنوت متعبات ومتقلبات واسهل حاجة عندهن عصروني ناس البيت وانت لسع ما جاهز وامكن تكون طالب واسوي شنو رغما عن كده انت عارف انا بحبك وبحلفبك ولا ماك عارف ؟؟؟:SnipeR (14):
ود اللمين وينك فوراوي قال دهب مجمر وما بتغيير ؟
ورينا اسباب غيابك ، ما تنقولي المعايش ، مستنيك لانو عارفك حافظ كتير ؟ تعال لبرا انا في انتظارك يا امييييييييييييييييييييييييير ؟

الصادق عبدالله ضرار
08-08-2011, 12:59 PM
ابوالنييز
كان بدرت ولّ إتأخرت ...
كان باعوك ما بنفعك السكليب
كدي اسمع هلاوي ...قال شنو

http://www.youtube.com/watch?v=grr-WDZMHqA

بياعين الجماعه
يشمتو فيك الشوق

Ameer Al Ameen
08-10-2011, 03:28 AM
اجابة لتساؤلك يالصادق يا اخوي عندي راي بنطرجو للمفبلين على الريدة ، اهمها ان الفارق السني ما بينك وبينها عشرة سنين ، ودي عشان تديك فرقة تكون نفسك ، وبعيد ابقو زي صاحب الصادق اكتمو الريدة ، يعني تكون على وشك التخرج وتشوف واحدة يا دوبك بدت تلبس الطرحة لانك لو خلتيها بدلت الطرحة ولبست التوب والله عجاجتك قامت وقطرك صفر وحلتك حرقت والرماد كال خشمك زينا نحن زمان امسكو وصيتي وطبقوها وشوفوها بتحقق نسبة نجاح عالية ولا .
اما الريدة المشتركة فدي فراقة الحبايب وبتجيب المشاكل خاصة اذا كانت المريودة لعابة وحريفة وتجيد كيد البنات لانها غالبا تتلاعب بعواطف الاتنين ويكون التالت جاهز وهو من سبق واكل النبق وساب البكا زالنواح للباقين ؟
دا طبعا للشباب اولاد الستاشرات ، اما الراشدون بعد الثامنة عشرة وفوقها فديل اتوكلو على الرحمن واتحرقو بس واتقلو واجتهدو لتاسيس انفسهم بعد اريدوا ، اها البنوت متعبات ومتقلبات واسهل حاجة عندهن عصروني ناس البيت وانت لسع ما جاهز وامكن تكون طالب واسوي شنو رغما عن كده انت عارف انا بحبك وبحلفبك ولا ماك عارف ؟؟؟:SnipeR (14):
ود اللمين وينك فوراوي قال دهب مجمر وما بتغيير ؟
ورينا اسباب غيابك ، ما تنقولي المعايش ، مستنيك لانو عارفك حافظ كتير ؟ تعال لبرا انا في انتظارك يا امييييييييييييييييييييييييير ؟
الحبان سلام
عارف بقراء فى كلامك الفوق دا اتذكرت
الناس الباب بيتهم فى الصريج وشباكهم فى الحلة الجديدة
غايتو الشكية لى الله اكان مروقك كدارى فى الاطلسى ..
عارفك لما يتاورك ريدها .. بتكون حالتك قربت للاحتضار..
و بتقوم تكتب فى الوصايا الفوق دى...:SnipeR (11):
اجمل من العشق العشق النهايتو ما سعيدة ..عشان ببيقى فى
جواك طرى وطازة دائما.. ذى حالتك دى ...!!
خلى الناس تتملى ريدة امكن تغير فى جواهم كتير
الحكى ما بكمل يا نزار .. بس داير ليهو مزاج..
المزاج دا بحركوهو ناس الدهب المجمر والريل ..الخ
بس شوف لينا طريقة ليهم...اكان صورة اكان اصل ..!!

الصادق عبدالله ضرار
08-10-2011, 11:37 AM
امير اللمين
كلامك بعد اللافته دي
محااااااضره عديل
ومنتظرين الدرر الزي دي
وربنا يجيب المزاج
وناس الدهب وناس الريل الباقين ناس الخ خليهم ديل بكفوا

علي فوراوي
08-10-2011, 11:50 AM
ياليل
يانيل
يازولة مليانة حنية
رقة

دهب مجمر دا وقفت عندها
اضفت ليها مختوم
يعني اصل
ودور علي الاصل
بالمناسبة واحد اخونا سلموا عليهو ثلاثة يوم نا غسل يدو ( ممكن دا يكون جافي )

Nazar Hussien Babkir Frie
08-10-2011, 01:51 PM
الحبان سلام
عارف بقراء فى كلامك الفوق دا اتذكرت
الناس الباب بيتهم فى الصريج وشباكهم فى الحلة الجديدة
غايتو الشكية لى الله اكان مروقك كدارى فى الاطلسى ..
عارفك لما يتاورك ريدها .. بتكون حالتك قربت للاحتضار..
و بتقوم تكتب فى الوصايا الفوق دى...:SnipeR (11):
اجمل من العشق العشق النهايتو ما سعيدة ..عشان ببيقى فى
جواك طرى وطازة دائما.. ذى حالتك دى ...!!
خلى الناس تتملى ريدة امكن تغير فى جواهم كتير
الحكى ما بكمل يا نزار .. بس داير ليهو مزاج..
المزاج دا بحركوهو ناس الدهب المجمر والريل ..الخ
بس شوف لينا طريقة ليهم...اكان صورة اكان اصل ..!!

اللميير مازالت القلوب تنبض باهات اللوعة للناس الفارقونا ورحلو ؟
بس نعمل شنو مما تقادمت الازمان وكبر الاحفاد والاولاد فهم باقين في دواخلنا شيئنا ام ابينا ؟
بس >ي ما قال الود اللخدر كتمت الريدة ما شافوه ناس الحي ؟
المسافة بين الصهريج والحلة الجديدة هي عمر الهوي الندي ال>ي صادف قلبا خاليا فتمكنا ؟
تعرف ياللميير لمن تلاقي الزول بالصدفة وتلقاهو >اتو ويقالدك ويسالمك بلهفة زمن رغما دورة الزمن وعماليو فيني وفيهو ، والله بالميييير في اللحظات ديك مررت برفاعة من الشرقية للشيخ الطيب وامكن اكون عديت بروضة ست شاية وست ليلي احمد مالك ، ومريت برفاعة الثانوية واخر مشوار قديم من بيتنا لبيتهم مرورا بنادي التاكا وفريق الجنينة مرورا بفريق الشايقية وانتهاء بمزار او فبة الشيخ طه وسط مقابر رفاعة دا اخر مشوار وانا مسافر بكرة للمغرب ، وياليتني ما سافرت ؟
بعدين انت عاوز الصور وانت عارف انو في ناس زي ما قال المعتصم اول ما ازعلو منك ساي بيرسلو اديني صورنا ورسالينا ؟بعيد صورنا زمان ابيض واسود وان ما مختوم عليها استديو اولاد النجيب جعفر والسر دي مرجوعة لانو ممكن تكون مزورة اها دي عندنا ؟فالمهم انو الصورة تبقي في القلب وفي الخاطر ؟
ياللميير مالك بتاور في جراح نامل ان تندمل بفعل الزمن ولكنها عصية على الشفاء اخالها كالجمرة التي علاها الرماد فبقيت ج>وتها مشتعلة انتظارا لاية هبة ريح وانا ريحي قاجة طوالي وناري قايدة بلغة المغاربة .
وازيدك من الغنا المغربي شوية
قالت واش جي يدير في التلاتة ديال
الليل جابو الهوي .
واخري تعلقت بهوي فتي غض الايهاب ولكنه شغل عنها بحب اخري قجاء عتاب صويحباتها باغنية كان ليها شنة ورنة في مغرب دنيتنا الافل .
شوفي غيرو والعزار اعطي الله
ساعة واقفلو وفي باب الحومة مصفتولو
وقدام الناس شداه شوفي غيرو والعزار اعطي الله ؟
الترجمة على الشريط :SnipeR (15):

Nazar Hussien Babkir Frie
08-10-2011, 02:13 PM
ياليل
يانيل
يازولة مليانة حنية
رقة

دهب مجمر دا وقفت عندها
اضفت ليها مختوم
يعني اصل
ودور علي الاصل
بالمناسبة واحد اخونا سلموا عليهو ثلاثة يوم نا غسل يدو ( ممكن دا يكون جافي )
اها جنا سلام ليك ؟
الولد المليان حنية وبتدفق حنان ؟
الولد الوارد دهب شمبول صافي ومجمر ومختوم ؟
تلاتة يوم بس لزوم الاعادة والتكرار دا غير الحموم التي تعتري الجسد وهواجس الاعادة والتكرار معقولة الليلة ايدي صافحو ، ولامسو ايدين الريل ؟
داا ريل رزمو تقيل ومشيهو عجن وشعرو حرير وعيونو عيون غزال الخلا الشارد .
بعد السلام لازم حفظ البصمة و>لك لاثبات ان التصافح قد تم ولابد من شهادة شهود عدول بس يمتنع احضار اب بهلة وعادل ود اخت لانو ممكن يشهدو ليك شهادة وزور لانهم رفاقة الصغر ، ناس وليدة طبعا بينكرو ليك اي حاجة انت عارف وانا عارف ؟
بس عليك الله يافوراوي في شئ احلي من كدا ؟
شوفت الميييير بقي بفت فيني بس بيدرقق وانا بشوت بس كامن ليهو في شيتن خطر زي اغنية ابوعركي
يقلب مالك على ؟
ما تطولو الغيبة

Ameer Al Ameen
08-10-2011, 05:36 PM
امير اللمين
كلامك بعد اللافته دي
محااااااضره عديل
ومنتظرين الدرر الزي دي
وربنا يجيب المزاج
وناس الدهب وناس الريل الباقين ناس الخ خليهم ديل بكفوا
ود الاخضر
عارف نزارغير الريد ما يقدر يعيش اكان
ذكرى اكان حالة ...الريد له (زينا كلنا كده)
نفس يومى ولازمة خاصة ...بس عشان
جمال دواخله .. بشوف الجمال فى اى انسان

Ameer Al Ameen
08-10-2011, 05:44 PM
ياليل
يانيل
يازولة مليانة حنية
رقة

دهب مجمر دا وقفت عندها
اضفت ليها مختوم
يعني اصل
ودور علي الاصل
بالمناسبة واحد اخونا سلموا عليهو ثلاثة يوم نا غسل يدو ( ممكن دا يكون جافي )

ود شيوخ العرب
الدهب المجمر اكان سلم عليك مفروض تخلى يدك سنة كاملة بدون غسيل
الغسيل ذاتو لزومو شنو ...كفاية عليها بركة اليد...
لكن بدور اسالك دا سلام يد ساكت اها.. رعشة الكف ولا نظرة محبة
اعملو فيها شنو...!!؟

Ameer Al Ameen
08-10-2011, 05:57 PM
وازيدك من الغنا المغربي شوية
قالت واش جي يدير في التلاتة ديال
الليل جابو الهوي .
واخري تعلقت بهوي فتي غض الايهاب ولكنه شغل عنها بحب اخري قجاء عتاب صويحباتها باغنية كان ليها شنة ورنة في مغرب دنيتنا الافل .
شوفي غيرو والعزار اعطي الله
ساعة واقفلو وفي باب الحومة مصفتولو
وقدام الناس شداه شوفي غيرو والعزار اعطي الله ؟
الترجمة على الشريط :sniper (15):
الليلة ذكرتنى صاحبنا و القريب الى قلبنا جمال الهادى
صاحب من الزمن الجميل و اخو اخوان... بس عيبو
ما كان ببرد لى اصحابه بطن...
مرة قريبى وصاحبك فرحان جاو جواب من واحدة من حسان الحى الامامى بعد فترة طويلة
مشى لى الدقاش و نظام قشرة كده وراهو الجواب... الود محبوب وكده
رد صاحبنا ببرود " يا اخى ناس نزار و ضياء الدين وحافظ حلوانى (كلهم اصحاب قريبى طبعا وشلته)
بتجيهم عشرة جوابات فى اليوم الواحد انت فرحان شديد بى جوابك الواحد دا بعد كم شهر"
قريبى اصيب باحباط شديد و اظنه حلف ما يكلمه باى سر...

Ameer Al Ameen
08-10-2011, 06:05 PM
اللميير مازالت القلوب تنبض باهات اللوعة للناس الفارقونا ورحلو ؟
بس نعمل شنو مما تقادمت الازمان وكبر الاحفاد والاولاد فهم باقين في دواخلنا شيئنا ام ابينا ؟
بس >ي ما قال الود اللخدر كتمت الريدة ما شافوه ناس الحي ؟
المسافة بين الصهريج والحلة الجديدة هي عمر الهوي الندي ال>ي صادف قلبا خاليا فتمكنا ؟
تعرف ياللميير لمن تلاقي الزول بالصدفة وتلقاهو >اتو ويقالدك ويسالمك بلهفة زمن رغما دورة الزمن وعماليو فيني وفيهو ، والله بالميييير في اللحظات ديك مررت برفاعة من الشرقية للشيخ الطيب وامكن اكون عديت بروضة ست شاية وست ليلي احمد مالك ، ومريت برفاعة الثانوية واخر مشوار قديم من بيتنا لبيتهم مرورا بنادي التاكا وفريق الجنينة مرورا بفريق الشايقية وانتهاء بمزار او فبة الشيخ طه وسط مقابر رفاعة دا اخر مشوار وانا مسافر بكرة للمغرب ، وياليتني ما سافرت ؟
بعدين انت عاوز الصور وانت عارف انو في ناس زي ما قال المعتصم اول ما ازعلو منك ساي بيرسلو اديني صورنا ورسالينا ؟بعيد صورنا زمان ابيض واسود وان ما مختوم عليها استديو اولاد النجيب جعفر والسر دي مرجوعة لانو ممكن تكون مزورة اها دي عندنا ؟فالمهم انو الصورة تبقي في القلب وفي الخاطر ؟
ياللميير مالك بتاور في جراح نامل ان تندمل بفعل الزمن ولكنها عصية على الشفاء اخالها كالجمرة التي علاها الرماد فبقيت ج>وتها مشتعلة انتظارا لاية هبة ريح وانا ريحي قاجة طوالي وناري قايدة بلغة المغاربة .
:sniper (15):
عارف يا نزار فى نوع من الجروح والنزيف الزول بكون ما دايرها تبرأ..و لا تتنسى
اصلها جروح زولة ساكنة فى الحنايا ومتوسدة الضلوع .. بعد مية سنة نفس المكانة القبيل
و بتشوفها فى لمحة اى عيون تقابلها او لفتة جيد و لا ..كشة رجول... اى حركة من شخص عادى
فى سوق و لا بص ممكن يرجع سنين لوارء...و تتذكر كل التفاصيل اللى بينكم ...

Nazar Hussien Babkir Frie
08-10-2011, 11:51 PM
ود الاخضر
عارف نزارغير الريد ما يقدر يعيش اكان
ذكرى اكان حالة ...الريد له (زينا كلنا كده)
نفس يومى ولازمة خاصة ...بس عشان
جمال دواخله .. بشوف الجمال فى اى انسان
تعرف الريدة دي لي ليها اصول ذي ما قال عبد الوهاب الصادق كلام الحب عندي ليهو اصول عندي ليهو قانون .
نحنا شبينا وكبرنا على المحبة وذي ما قال اهلنا ناس الصوفية الما عندو محبة ما عندو الحبة واحسبه كان توقيعا لعادل الفادني ان ما خانتتي الذاكرة .
اها ماذا اقول وقد جبلنا على حب الديار وحب من سكن الديار ؟ فماذا نقول سوي ان قلوبنا مليئة بالمحبة لصحابة واخوة كانو جزء من حباتنا فاثروها الامر الذي اغنانا عن المباراة المزازة ما بين حواري وازقة رفاعة ، كانو كل حياتي ، فاكتسبت منهم اشياء اثرت حياتي ففي كل منهم لمحة من اصالة اهلنا الغبش فكانو تتويجا لمعارف شتئ مع اختلاف مزاجاتنا الا انني احسب اننا كنا مكملين لبعض والكمال لله وحده ؟
ضحكنا معا وبكينا معا واصلنا لعلاقة متينة لم تفصم عراها غربة قسرية كل منا لتامين مستقبله ن فيكفي اننا لم نختلف يوما ما طيلة فترة صداقتنا لاننا نهجنا منهج الوضوح فلم نخفي على بعض ماسينا وكلها احسب انها كانت في محبة الله لم تدنسها اهواء الدنيا الزائفة ، لذا كنتم كلكم عضدا لي حينما تشرئب نواب الدهر لتقسم ظهري فكنتم انتم جميعكم السند والمتكي ؟ لااريد ان افصح عن اسمائكم ولكني احسب ان رفاعة كلها تعرفكم فردا فردا لانكم زينة شبابها وكفي .

Nazar Hussien Babkir Frie
08-11-2011, 12:04 AM
عارف يا نزار فى نوع من الجروح والنزيف الزول بكون ما دايرها تبرأ..و لا تتنسى
اصلها جروح زولة ساكنة فى الحنايا ومتوسدة الضلوع .. بعد مية سنة نفس المكانة القبيل
و بتشوفها فى لمحة اى عيون تقابلها او لفتة جيد و لا ..كشة رجول... اى حركة من شخص عادى
فى سوق و لا بص ممكن يرجع سنين لوارء...و تتذكر كل التفاصيل اللى بينكم ...
تعرف احلي الصدف ان تتلقي بمن وددت من غير ميعاد لانو الدهشة سوف تعتريك وانت تصادفه فتري ان للعيون كلام قبل ان تمتد الايدي للسلام والمصافحة (حقت فوراوي براها ) اما حقتي فاصدقك القول انني اترجفت كلي لانني لم اكن اتصور ان التقيها بعد خمس وعشرون عاما لاجد انني امام نفس الشخص بلحمه ودمه مع اختلاف الاوزان زالاطول لعوامل تعرية الازمان فاصلحت نظارتي مرتتين تذكرت ود حجتي المعتصم بالله اذا انه حينما كان يعتمر النظارة كنت في معية الصبا والشياب ولم اكن اعلم ان الزمن سيلحقني به لاعتمر نظارة فضحكت فرحا ولولا ان المكان كان عاما لصرخت وقلت كما قال ود الجبل هي ذاتها حبيتي ذاتها وكمل بقية الاغنية خيال ، ياولد الدنيا خريف وجرح الخريف قالو اصلو ما ببرا ؟زكفاك لحد هنا .:SnipeR (59):

Nazar Hussien Babkir Frie
08-11-2011, 12:22 AM
الليلة ذكرتنى صاحبنا و القريب الى قلبنا جمال الهادى
صاحب من الزمن الجميل و اخو اخوان... بس عيبو
ما كان ببرد لى اصحابه بطن...
مرة قريبى وصاحبك فرحان جاو جواب من واحدة من حسان الحى الامامى بعد فترة طويلة
مشى لى الدقاش و نظام قشرة كده وراهو الجوال... الود محبوب وكده
رد صاحبنا ببرود " يا اخى ناس نزار و ضياء الدين وحافظ حلوانى (كلهم اصحاب قريبى طبعا وشلته)
بتجيهم عشرة جوابات فى اليوم الواحد انت فرحان شديد بى جوابك الواحد دا بعد كم شهر"
قريبى اصيب باحباط شديد و اظنه حلف ما يكلمه باى سر...
ضحكت باللمييير وانا اتذكر ملاحمه وهو يحدثني بانو ود السارة احبطو لدرجة انه قد قرر كتمان سره كما ذكرت عن ود السارة وقال هو ذاتو العرفو البنيات شنو وهو البتحبو منو ؟ ، واعدتني لصوت الكروان الموسيقار الصغير وهو يداعب قريبك وشقيق روحي الما بنجيب اسمو وهو يداعبه عبر شباك منزلهم المقابل قائلا حبيب القلب الريدة ما بالغصب!!! وهو كان مصر اصرارا ملح الحاحا عن المسائل محبة بس ونحن وقوفا ام منزل صديقنا خالد جميل الله الله يطراه بالخير ، واشد ما متعني ردك انت بان تبقي الصداقة قرابة ونكسب الودين فانبري صديقي الاثير رافضا من حيث المبدا هذه المفرد كيف تبقي صداقة وهو رمي بكل اسلحته لكسب ود ريلة من ريل فريق قدام زمان ، رغما عن الحد الفاصل ما بينهما نفاج ؟فاجبته بانو ود السارة كان شراني :Smilll29:وجنو يخرب على المحبين ساعات صفائهم ولقائتهم العابرة او المدبرة وما زلت اتخليه واضعا كرسيه امام بابهم مناظرا صوب الترس عله يظفر بالحبين الملتقين سرا وجهرا بعيدا عن اعين الرقباء الا الدقاش كان الرقيب العتيد لكل من تسول له نفسه المرور بزنقتهم ورغما عن رجائتنا الاانه كان بفعل الافاعيل لمعرفة من همو والباقي انت عارفو وفوراوي عارفو وبقية اهل المنتدي اعذرونا ويكملهو كل بما يتوقع

الصادق عبدالله ضرار
08-11-2011, 01:32 AM
ياليل
يانيل
يازولة مليانة حنية
رقة

دهب مجمر دا وقفت عندها
اضفت ليها مختوم
يعني اصل
ودور علي الاصل
بالمناسبة واحد اخونا سلموا عليهو ثلاثة يوم نا غسل يدو ( ممكن دا يكون جافي )
فوراوي ... ياحنين حاشاك الجفا .... الشديد ... بث شويه
كلامك الفوق ده عجيييييب مره.... تمينا ليك وقلنا

ياليل
يانيل
يازوله مليانه
إحساس وحنيه
يابت ياخيل
مليانه نديه
في ذكرتك ديمه
وريدتنا منسيه
وعيونك الكانت
جوايا محفوظه
في الغربه بلقاها
من همي لي باقيه
مركب معديه
الدنيا فرقتنا
خطواتي ماشيا
بي صحبتك ديمه
في الطيف وبالنيه
واتخيل أحلامك
أحلامي ورديه
القاك من تاني
ونعيدا من اول
ذكراك أغنيه
يازوله مليانه
إحساس وحنيه

Nazar Hussien Babkir Frie
08-11-2011, 02:53 AM
تسلم يا الخدر اها هنا بدات ثنائية طابعها الريد والحنية ، ورجعتني لثنائية وردي وود حد الزين او وردي وحلنقي ، فقد ابنت عن شاعرية كانت مدفونة طي الكتمان فلما الحرمان والقلوب ظمانة لحلو الكلام ، فجود علينا كل مرة بنص ياسر قلوبنا وانفسنا المترعة حبا وحنانا وتحنانا وكفي ؟

الصادق عبدالله ضرار
08-11-2011, 10:41 AM
تسلم يا الخدر اها هنا بدات ثنائية طابعها الريد والحنية ، ورجعتني لثنائية وردي وود حد الزين او وردي وحلنقي ، فقد ابنت عن شاعرية كانت مدفونة طي الكتمان فلما الحرمان والقلوب ظمانة لحلو الكلام ، فجود علينا كل مرة بنص ياسر قلوبنا وانفسنا المترعة حبا وحنانا وتحنانا وكفي ؟

ابوالنييييز
الريده والحنيه فايتاكم وين ...
هذه مجرد محاولات او لحظات من البوح تأتي عندما تستفزك الحنيه والاشياء الجميله التي تأتي من قبلكم
ليتني إن بحت ان تكون تلك سلوى
للذكرى
وكفى نفوسكم وما أترعت به ... فهذا زادها
كن جميلا
ترى الوجود جميلا

الصادق عبدالله ضرار
08-11-2011, 10:47 AM
ود الاخضر
عارف نزارغير الريد ما يقدر يعيش اكان
ذكرى اكان حالة ...الريد له (زينا كلنا كده)
نفس يومى ولازمة خاصة ...بس عشان
جمال دواخله .. بشوف الجمال فى اى انسان

يا امير
الريد قالوا يجمع ويفرق بحر
ده هين ؟
اما ما يعتريه وإياكم من ذكرى وحاله ...
يعتري الجميع ... لكن هناك من يخجل منها
وهناك من يخاف من عواقب ما يبوح به ولو سرا
وهي فعلا نفس يومي ولازم
وكل إناء بما فيه ينضح
فزي نزار ده وفوراوي بدفقو
ريده وحنيه
ومحياهما يكفيك
اما انت
اظهر وبان
فلدينا نصف الصوره
محياك
وتبقى النصف الاخر
البوح ...

الصادق عبدالله ضرار
08-11-2011, 10:54 AM
عارف يا نزار فى نوع من الجروح والنزيف الزول بكون ما دايرها تبرأ..و لا تتنسى
اصلها جروح زولة ساكنة فى الحنايا ومتوسدة الضلوع .. بعد مية سنة نفس المكانة القبيل
و بتشوفها فى لمحة اى عيون تقابلها او لفتة جيد و لا ..كشة رجول... اى حركة من شخص عادى
فى سوق و لا بص ممكن يرجع سنين لوارء...و تتذكر كل التفاصيل اللى بينكم ...

امير الامير
اكان الجروح دي برت
الدنيا شن طعما
والاماكن هي الاماكن في القلوب مش ميه لي يوم القيامه
وحق ان منظر عابر في عيون الاخرين يعني لك نفاجا إلى ذكرى وماضي لهما في نفسك من السحر ما تنوء به العصبه من ذوي القلوب المحبه المرهفه ...

علي فوراوي
08-11-2011, 11:55 AM
فوراوي ... ياحنين حاشاك الجفا .... الشديد ... بث شويه
كلامك الفوق ده عجيييييب مره.... تمينا ليك وقلنا

ياليل
يانيل
يازوله مليانه
إحساس وحنيه
يابت ياخيل
مليانه نديه
في ذكرتك ديمه
وريدتنا منسيه
وعيونك الكانت
جوايا محفوظه
في الغربه بلقاها
من همي لي باقيه
مركب معديه
الدنيا فرقتنا
خطواتي ماشيا
بي صحبتك ديمه
في الطيف وبالنيه
واتخيل أحلامك
أحلامي ورديه
القاك من تاني
ونعيدا من اول
ذكراك أغنيه
يازوله مليانه
إحساس وحنيه

الاخدر

لما يكون الامتاع رهيب
يبقي الجمال يبهر
ولما تقعد هنا وتعيش الحروف معني
يبقي الزول قدامك عديل
وفي الخطاوي دي اقيف شوية
(سلسل ذهب رقيق حجل تتلبش في الرقشة هل من السلسل ولا من الهناية الفيها السلسل)

الصادق عبدالله ضرار
08-11-2011, 12:05 PM
الاخدر

لما يكون الامتاع رهيب
يبقي الجمال يبهر
ولما تقعد هنا وتعيش الحروف معني
يبقي الزول قدامك عديل
وفي الخطاوي دي اقيف شوية
(سلسل ذهب رقيق حجل تتلبش في الرقشة هل من السلسل ولا من الهناية الفيها السلسل)

ومشيت معاك كل الخطاوي الممكنه
وبقدر عليها وبعرفا
الخطاوي دي ما رهيبه ... لكن ...
انت عارف الدنيا دي شنو غير لمة حبايب وفرحه بنعيشا زي لحظات هنيه
اها التصوير ده هو نتيجة الرؤيع عبر الكلمه
افتح عينك كويس
وماتشوف إلا النور ...

Nazar Hussien Babkir Frie
08-11-2011, 06:37 PM
:SnipeR (12):الاخدر

لما يكون الامتاع رهيب
يبقي الجمال يبهر
ولما تقعد هنا وتعيش الحروف معني
يبقي الزول قدامك عديل
وفي الخطاوي دي اقيف شوية
(سلسل ذهب رقيق حجل تتلبش في الرقشة هل من السلسل ولا من الهناية الفيها السلسل)
تعرف يا فوراوي انو الحجل في الرجل وطوالي يا حبيبي سوقني معاك ، لمن كان بغنيها المرحوم ابو علية الرحمة ، كنت بمشي طوالي اقيق هناك في مكان واقعد اعيد واقول ياربي قاصدا ولا قاصد غيرا ، لانها كانت بنية سمهرية كلاما عجن عينها شرفتان تنضحان وعدا وبشرا وكانت حينما ترتاد ليالي فريقنا في مناسبات اهلها ، كانت الحدث الذي يشغل شباب حينا كبيرهم زصغيرهم حتي ان شيخنا حي الله ود الكال كتب فيها :-
الجيتو خاتي براي خاتي
ضيع حياتي صغير دقلاش
فقد كان خلخالها مثار اعجاب ؟
اما عن المصافحة الليلة بهديك كلمات الود دكتور معز محمد بخيت لانو ابنا بعتبر شيخ المحرقين بس بفهم ويمزاج عالي زي مزاجك :
وفي يديك
كان ملمس السحاب
هاطلا على يدي
جداولا تفيض بالشعور
رذاذ عطرك الجميل
ضمخ الزمان فرحة
ونشوة ونور
وحين لامست يداي
بدر راحتيك
امطر اليقين قبلة
وهلل الحبور
ودونك المدي تفتحت وروده
والنجم غام دربه ؟
دي بدايتها اما ختامها فقال :-
لاجلك الدنا تسوق خطوها
تعاود الرنين في سنين صمتها
وتنب1 الاسي
وتسقط الشرور
يا نجمة على الشروق
يا اميرة على مشارق البروق
ياحبيتي التي اشاعت السرور
في كل من رنا بقريها
او لامست درويه
فماجت السطور
بالشعر القسائد الغناء
بالدعاء
يامليكة الفضاء
والنساء
والحدائق الرحاب
والقياي
والقصور
كفاك يا شيخ العرب النمرق لبر ه نجهز بكان الفطور لان الزمن قرب خلاس وبنعقب تاني عقب الاقطار بشيتن كتر ؟

Nazar Hussien Babkir Frie
08-11-2011, 08:30 PM
ابوالنييييز
الريده والحنيه فايتاكم وين ...
هذه مجرد محاولات او لحظات من البوح تأتي عندما تستفزك الحنيه والاشياء الجميله التي تأتي من قبلكم
ليتني إن بحت ان تكون تلك سلوى
للذكرى
وكفى نفوسكم وما أترعت به ... فهذا زادها
كن جميلا
ترى الوجود جميلا
تعرف باللخدر ما ميزنا عن اقراننا انا كنا نحترم الحب ونقدس الحب ، وكنا في سيرنا العادي ننتاجي همسا عن المحلق وعن مشعوقته فطوفنا بكل
در وب رفاعة نبحث عن المحية واختار كلنا منا دربه رغما ان فراق الحبايب قد اصلانا بلهيبه فحينما كنت في رياض الخير كنا نلتقي كل يوم خميس لنتجر ذكرياتنا انا وربعي ، نحن اتنين لم نتقرن بمن احببنا من ريل رفاعة اما ثالثا فقد كان حظه اجمل اذ اقترن بريلة من رفاعة فكان يوجعنا ان وصويحبي قريب امير اللمين بانو قد فاز وسبق واكل النبق وترك لى وصاحبي الحصرم والبكا على اللبن المسكوب وكانت ايام لها ايقاعات نوبة وصوفية فيها كانت السلوي والنجوي لغربة اضننت كاهلنا جميعا .
الريدة فينا طبع ماصل لاننا قد جبلنا على المحبة من زمن الجهل ؟
لذا جدو لنا العذر ان تباكت كلماتنا على ما مضي فتلك كانت عصارة تجاربنا في دروب المحبة التي هي زادنا لمقبل ايامنا ؟
اما انت فبح بمكنون القلب لعله يريحنا نحن المصلوبين على المواعيد السراب وكفانا تكتما فوالله ما اضعنا الا تكتمنا على عواطفنا طيلة الفترات الماضية بالله لو بوحنا :SnipeR (59):كان دا حالنا الان تباكي على الذي مضي ؟
لا تثريب علينا ان اندحنا حبا ووجدا وهياما بريلات رفاعة زمان .

Ameer Al Ameen
08-11-2011, 11:05 PM
ضحكت باللمييير وانا اتذكر ملاحمه وهو يحدثني بانو ود السارة احبطو لدرجة انه قد قرر كتمان سره كما ذكرت عن ود السارة وقال هو ذاتو العرفو البنيات شنو وهو البتحبو منو ؟ ، واعدتني لصوت الكروان الموسيقار الصغير وهو يداعب قريبك وشقيق روحي الما بنجيب اسمو وهو يداعبه عبر شباك منزلهم المقابل قائلا حبيب القلب الريدة ما بالغصب!!! وهو كان مصر اصرارا ملح الحاحا عن المسائل محبة بس ونحن وقوفا ام منزل صديقنا خالد جميل الله الله يطراه بالخير ، واشد ما متعني ردك انت بان تبقي الصداقة قرابة ونكسب الودين فانبري صديقي الاثير رافضا من حيث المبدا هذه المفرد كيف تبقي صداقة وهو رمي بكل اسلحته لكسب ود ريلة من ريل فريق قدام زمان ، رغما عن الحد الفاصل ما بينهما نفاج ؟فاجبته بانو ود السارة كان شراني :Smilll29:وجنو يخرب على المحبين ساعات صفائهم ولقائتهم العابرة او المدبرة وما زلت اتخليه واضعا كرسيه امام بابهم مناظرا صوب الترس عله يظفر بالحبين الملتقين سرا وجهرا بعيدا عن اعين الرقباء الا الدقاش كان الرقيب العتيد لكل من تسول له نفسه المرور بزنقتهم ورغما عن رجائتنا الاانه كان بفعل الافاعيل لمعرفة من همو والباقي انت عارفو وفوراوي عارفو وبقية اهل المنتدي اعذرونا ويكملهو كل بما يتوقع
طبعاً حكاوى الدقاش ما بتنتهى ولا بتخلص... ودعوات محبى "الترس" مرقته فى اميركا
"أديك سر" (دى قصيدة بتاعة بتنا حاجة أمنة ...زولة ملاينة محنة وسودانية جدعة )
عارف مرة بهلاوية وقعت فى حب واحد من الحى الامامى ...(طبعا حالة نادرة امكن 1 فى المليون:smilie33:)
و هو ذاتو اتكسر فيها ... شافها اول مرة فى حفلة فى البهلة .. سالنى منها بحكم علاقتى باصدقاء
الحى الامامىو السكن فى البهلة ..بينى و بينك ضحكت فى سرى وقلت اكيد الزول دا ما نصيح...
هى زولة بسيطة و معرفتها بالعواطف تكون معدومة ...المهم اتواصلو مع بعض دون علمى ...
و يوم بتمشوا بجوار الترس صادفهم صاحبى الدقاش ...طبعا لياقة شديدة معاهم ...
انتى منو وجاى من وين ؟؟؟ تحقيق عديل...!! المسكينة اتجرست و بكت ودخلت فى حالة نفسية
ما مرقت منها لليلة...
أما موضوع الصداقة وحبيب القلب .. كان عواطف مراهقة من غير عنفوان عشان كده
رضيت بالحد الادنى صداقة وقرب افضل من فرقة و بغض... بس قريبى راسو نشاف وقال ما برضى بالقليل..!!!
ايام شكلت حياتنا ووجداننا ..فى صحبة اخيار ...!

Ameer Al Ameen
08-11-2011, 11:11 PM
فوراوي ... ياحنين حاشاك الجفا .... الشديد ... بث شويه
كلامك الفوق ده عجيييييب مره.... تمينا ليك وقلنا

ياليل
يانيل
يازوله مليانه
إحساس وحنيه
يابت ياخيل
مليانه نديه
في ذكرتك ديمه
وريدتنا منسيه
وعيونك الكانت
جوايا محفوظه
في الغربه بلقاها
من همي لي باقيه
مركب معديه
الدنيا فرقتنا
خطواتي ماشيا
بي صحبتك ديمه
في الطيف وبالنيه
واتخيل أحلامك
أحلامي ورديه
القاك من تاني
ونعيدا من اول
ذكراك أغنيه
يازوله مليانه
إحساس وحنيه
ود الاخضر ...
يا سلام على المدفون و مقطع فى الحشا ..
باين عليك ممكون وساكت ...
زول مرهف و بكتب الكلام ذى دا اكيد زول ما ساهل..
قلبك مليان ولف و محبة...:SnipeR (69):
بالله زيدنا...!!

Ameer Al Ameen
08-11-2011, 11:15 PM
يا امير
الريد قالوا يجمع ويفرق بحر
ده هين ؟
اما ما يعتريه وإياكم من ذكرى وحاله ...
يعتري الجميع ... لكن هناك من يخجل منها
وهناك من يخاف من عواقب ما يبوح به ولو سرا
وهي فعلا نفس يومي ولازم
وكل إناء بما فيه ينضح
فزي نزار ده وفوراوي بدفقو
ريده وحنيه
ومحياهما يكفيك
اما انت
اظهر وبان
فلدينا نصف الصوره
محياك
وتبقى النصف الاخر
البوح ...
الصادق اخوى
ريدى زى ريدك تماما .. مدفون فى ارضا خلا..
و مرقتو بتوجع القلب .. اخير نخليهو فى بكانو...

الصادق عبدالله ضرار
08-11-2011, 11:23 PM
تعرف باللخدر ما ميزنا عن اقراننا انا كنا نحترم الحب ونقدس الحب ، وكنا في سيرنا العادي ننتاجي همسا عن المحلق وعن مشعوقته فطوفنا بكل
در وب رفاعة نبحث عن المحية واختار كلنا منا دربه رغما ان فراق الحبايب قد اصلانا بلهيبه فحينما كنت في رياض الخير كنا نلتقي كل يوم خميس لنتجر ذكرياتنا انا وربعي ، نحن اتنين لم نتقرن بمن احببنا من ريل رفاعة اما ثالثا فقد كان حظه اجمل اذ اقترن بريلة من رفاعة فكان يوجعنا ان وصويحبي قريب امير اللمين بانو قد فاز وسبق واكل النبق وترك لى وصاحبي الحصرم والبكا على اللبن المسكوب وكانت ايام لها ايقاعات نوبة وصوفية فيها كانت السلوي والنجوي لغربة اضننت
الريدة فينا طبع ماصل لاننا قد جبلنا على المحبة من زمن الجهل ؟
لذا جدو لنا العذر ان تباكت كلماتنا على ما مضي فتلك كانت عصارة تجاربنا في دروب المحبة التي هي زادنا لمقبل ايامنا ؟
اما انت فبح بمكنون القلب لعله يريحنا نحن المصلوبين على المواعيد السراب وكفانا تكتما فوالله ما اضعنا الا تكتمنا على عواطفنا طيلة الفترات الماضية بالله لو بوحنا :sniper (59):كان دا حالنا الان تباكي على الذي مضي ؟
لا تثريب علينا ان اندحنا حبا ووجدا وهياما بريلات رفاعة زمان .

ابو النيييز
فعلا كان زمنكم والذي لفينا جزء منه كانت الميزه هي الطهر والعفاف والنقاء
فاين ذلك الان ؟
رفاعه تكفيك تحنانا وحبا في كل شئ ...
وإجترار الذكرى هو سلوى لكل محروم او من يحن للماضي الجميل لا شك ... صاحبك هنيئا له لانه إقترن بمن يريد وقد قال امير ان العاده ان يكون غير ذلك ...
ولم العذر ؟ فقد باح كعب بن زهير اما المصطفى صلى الله عليه وسلم فقال
بـانَتْ سُـعادُ فَـقَلْبي اليَوْمَ مَتْبولُ * مُـتَـيَّمٌ إثْـرَها لـم يُـفَدْ مَـكْبولُ
وَمَـا سُـعَادُ غَـداةَ البَيْن إِذْ رَحَلوا * إِلاّ أَغَـنُّ غضيضُ الطَّرْفِ مَكْحُولُ
هَـيْـفاءُ مُـقْبِلَةً عَـجْزاءُ مُـدْبِرَةً * لا يُـشْتَكى قِـصَرٌ مِـنها ولا طُولُ
تَجْلُو عَوارِضَ ذي ظَلْمٍ إذا ابْتَسَمَتْ * كـأنَّـهُ مُـنْـهَلٌ بـالرَّاحِ مَـعْلُولُ
شُـجَّتْ بِـذي شَـبَمٍ مِنْ ماءِ مَعْنِيةٍ * صـافٍ بأَبْطَحَ أضْحَى وهْومَشْمولُ
تَـنْفِي الـرِّياحُ القَذَى عَنْهُ وأفْرَطُهُ * مِـنْ صَـوْبِ سـارِيَةٍ بِيضٌ يَعالِيلُ

لم يكن هناك خوف من البوح ... لكنا نحن من نخاف ونتوارى خجلا
لذا تموت الاشياء في الدواخل
وكم من مبدع ذهب دون ان يدري عنه احد
بوح ... وإندلق

الصادق عبدالله ضرار
08-11-2011, 11:28 PM
ود الاخضر ...
يا سلام على المدفون و مقطع فى الحشا ..
باين عليك ممكون وساكت ...
زول مرهف و بكتب الكلام ذى دا اكيد زول ما ساهل..
قلبك مليان ولف و محبة...:sniper (69):
بالله زيدنا...!!

الامير
هو منو الماممكون هنا او هناك ... لكن زي ما قال نزار الكتمان وطيو ... إمكن الحياء وإمكن الحكومات المحليه وإمكن ....
ياريت نكون مرهفين ...
اما المحبه دي مؤكده
اها البلاقي الزيكم ديل مفروض يعرف غير المحبه ؟

الصادق عبدالله ضرار
08-11-2011, 11:34 PM
الصادق اخوى
ريدى زى ريدك تماما .. مدفون فى ارضا خلا..
و مرقتو بتوجع القلب .. اخير نخليهو فى بكانو...

كلمني قوليها فاكر ليالي القــــــــــــــــــاش
لمن الحنين عاودنـــــــــي بعطفك الجــــياش
جفيت حبيب ما خانك من نور بسيمتك عاش
انا تاني ما بتلقاني يوم في طريقك مــاش


كلمو ... عسى يحن
ولو بي عطفو بس
ويقول ياحليلو
وياحليلي نا

Nazar Hussien Babkir Frie
08-12-2011, 02:30 AM
:014:طبعاً حكاوى الدقاش ما بتنتهى ولا بتخلص... ودعوات محبى "الترس" مرقته فى اميركا
"أديك سر" (دى قصيدة بتاعة بتنا حاجة أمنة ...زولة ملاينة محنة وسودانية جدعة )
عارف مرة بهلاوية وقعت فى حب واحد من الحى الامامى ...(طبعا حالة نادرة امكن 1 فى المليون:smilie33:)
و هو ذاتو اتكسر فيها ... شافها اول مرة فى حفلة فى البهلة .. سالنى منها بحكم علاقتى باصدقاء
الحى الامامىو السكن فى البهلة ..بينى و بينك ضحكت فى سرى وقلت اكيد الزول دا ما نصيح...
هى زولة بسيطة و معرفتها بالعواطف تكون معدومة ...المهم اتواصلو مع بعض دون علمى ...
و يوم بتمشوا بجوار الترس صادفهم صاحبى الدقاش ...طبعا لياقة شديدة معاهم ...
انتى منو وجاى من وين ؟؟؟ تحقيق عديل...!! المسكينة اتجرست و بكت ودخلت فى حالة نفسية
ما مرقت منها لليلة...
أما موضوع الصداقة وحبيب القلب .. كان عواطف مراهقة من غير عنفوان عشان كده
رضيت بالحد الادنى صداقة وقرب افضل من فرقة و بغض... بس قريبى راسو نشاف وقال ما برضى بالقليل..!!!
ايام شكلت حياتنا ووجداننا ..فى صحبة اخيار ...!
تعرف ياللميير والخدر ضحكت حتي وجعتني بطني ، طبعا التمايز الطبقي كان واضح ما بين سكان الحي الامامي جوار الاستبالية وبقية احياء رفاعة لذا استعجب اللميير من ان يحب ود فرق قدام بت البهلة لانو الطبيعي زمان انو بت البهلة هي التي تبكي ووتتوله بحب ود فريق قدام ، وطبعا رفاعة كلها بكت واتكسرت واتحتت في فريق قدام لدرجة ان احد ظرفاء رفاعة كان بيقول بكا في فريق قدام ولا عرس في فريق السناب ؟
اما عن الدقاش فحدث ولا حرج كان مفروض يطلع بتاع مباحث وكنت اخاله كاان حيكون اشهر من المحقق كونان لانو كان مفرق الحبان هسي البنية لليلة ما طابت مما خلعها الدقاش . اما بخصوص حكايات بدايات التكوين العاطفي حقت تبقي الصداقة قرابة التي رفها صويحبي فدي الطفشتو من رفاعة كلها ، رغما عن انه اطرب رفاعة لفترة قبيل اغترابه واتجاهه لبلاد العم سام ومن ديك وعيك ، اهي حكاية ريدة ود فريق قدام لبت البهلة لو كانت في مسابقة من سيربح المليون كان كلنا سقطنا فيها؟
تعرف باللميير عارفك قنوع ولكن صاحبي كان طماع شوية مالو الصداقة ما كانت في مقبل السنين ممكن تتطور لعلاقة ولا موهيك ؟
والنضحكك ياللخدر في زواج احدي حسان فريق قدام اصر احد ظرفاء رفاعة ان يخش يهز فانبري عم العروس وهو يحمل مسدسه ولكن اخونا كان معبي راسه من وارد الحدبة فاصر على الدخول وقف امام العم وقاليهو والله ان مت في عرس هناية انا شهيد فضحك العم وهزا معاه،

Nazar Hussien Babkir Frie
08-12-2011, 02:49 AM
ابو النيييز
فعلا كان زمنكم والذي لفينا جزء منه كانت الميزه هي الطهر والعفاف والنقاء
فاين ذلك الان ؟
رفاعه تكفيك تحنانا وحبا في كل شئ ...
وإجترار الذكرى هو سلوى لكل محروم او من يحن للماضي الجميل لا شك ... صاحبك هنيئا له لانه إقترن بمن يريد وقد قال امير ان العاده ان يكون غير ذلك ...
ولم العذر ؟ فقد باح كعب بن زهير اما المصطفى صلى الله عليه وسلم فقال
بـانَتْ سُـعادُ فَـقَلْبي اليَوْمَ مَتْبولُ * مُـتَـيَّمٌ إثْـرَها لـم يُـفَدْ مَـكْبولُ
وَمَـا سُـعَادُ غَـداةَ البَيْن إِذْ رَحَلوا * إِلاّ أَغَـنُّ غضيضُ الطَّرْفِ مَكْحُولُ
هَـيْـفاءُ مُـقْبِلَةً عَـجْزاءُ مُـدْبِرَةً * لا يُـشْتَكى قِـصَرٌ مِـنها ولا طُولُ
تَجْلُو عَوارِضَ ذي ظَلْمٍ إذا ابْتَسَمَتْ * كـأنَّـهُ مُـنْـهَلٌ بـالرَّاحِ مَـعْلُولُ
شُـجَّتْ بِـذي شَـبَمٍ مِنْ ماءِ مَعْنِيةٍ * صـافٍ بأَبْطَحَ أضْحَى وهْومَشْمولُ
تَـنْفِي الـرِّياحُ القَذَى عَنْهُ وأفْرَطُهُ * مِـنْ صَـوْبِ سـارِيَةٍ بِيضٌ يَعالِيلُ

لم يكن هناك خوف من البوح ... لكنا نحن من نخاف ونتوارى خجلا
لذا تموت الاشياء في الدواخل
وكم من مبدع ذهب دون ان يدري عنه احد
بوح ... وإندلق
تعرفو ياشباب الذكريات بحلو زمرها لها طعم ورائحة محببة لنفسي ن فما اجمل ان نلتقي ونتاجي ونتسامر بذكريات شكلت وجداننا كلنا ؟
زمنا كان غير في كل شئ عفاف لرفاعة ولاننا كنا نعتبر انهن اخوات لنا لذا كان ديدن الشباب ان يحب بلطف فيكتفي بنظرة او بسمة وهم طبعا بغيرو حالنا ، وان سمحت الظروف بتقديمة بعد سهرة رفاعية حارسها العفف فدا كان يوم المني ، حينما تبدا صويحباتها في تتقيل خطوهن ليتركنها تتمشي بقربك لحين توصليلك لها لدارها سالمة غانمة وانت في تلك اللحظات لاتسعك الدنيا لانك قد سهرت ووصلت من تهوي على امل ان تلتقي بها يوم السبت وانتم الاثنان في طريقكما لنهل العلم دا كان زمنا ، فقد ارضنا ذلك واسهم في تعاملنا في مقبل ايامنا مع من تعرفنا من حرائر بلادي حال خروجنا من رفاعة كل في سبيل تحقيق امانيه .
لذا لا نجد ان هنالك مانع من ان نداح لتتعلم الاجيال منا الحب العفيف :SnipeR (59):
اما الحكومات المحلية فالله الايام دي الحرب العالمية التالتة حتبدا هو شنو دا اليوم كلو في المنتدي هو اصلو الناس بكتبو ليك في شنو وانت بتمب في شنو ، وانا بضحك لمن اذكر ليها الاسامي فهي بتعرف فوراوي وبتسمع بالميير ،وعارفه ما بيني وفوراوي لذا مما اجيب طاريهو بتسكت ولكن ان قرات ما اكتب الا اطلب حق اللجوء السياسي في رفاعة خابرين ولا ما :039:خابرين ؟؟؟!!!!!!!!!!

ahmed mustafa omer
08-12-2011, 09:43 AM
الاخوان الاعزاء السلام عليكم ورمضان كريم تصومووتفطرو على خير ..... بتاوق كل يوم وبقرا كل المواضيع لكن بركز اكثر شى على مشاركاتكم وسرد ذكرياتكم عن رفاعه . وكان ماخايف الناس تقول ديناصور كان ممكن المشاركه معكم لانى عاصرت تلك الفتره وشاركت معكم بصوره غير ماشره (بلقط الكوره ليكم فى التمرين .... وبجيب المويه بعد التمرين بتاع فريق التحرير والكفاح (والعلم )ماعنى بشجع الشعله . اما ماكان يدور ليلا اكان من كايدو اوملوه بسمع بيو بالنهار ..... لكم كل التحايا وزكرياتكم تحى الامل فينا بلقاء دائم وممتع معكم فى رفاعه ودمتم

مع اللفه يانزار يوم شتتوا الماكنتوش فى الحوش الحفله كان بى منو

Nazar Hussien Babkir Frie
08-12-2011, 10:54 AM
الاخوان الاعزاء السلام عليكم ورمضان كريم تصومووتفطرو على خير ..... بتاوق كل يوم وبقرا كل المواضيع لكن بركز اكثر شى على مشاركاتكم وسرد ذكرياتكم عن رفاعه . وكان ماخايف الناس تقول ديناصور كان ممكن المشاركه معكم لانى عاصرت تلك الفتره وشاركت معكم بصوره غير ماشره (بلقط الكوره ليكم فى التمرين .... وبجيب المويه بعد التمرين بتاع فريق التحرير والكفاح (والعلم )ماعنى بشجع الشعله . اما ماكان يدور ليلا اكان من كايدو اوملوه بسمع بيو بالنهار ..... لكم كل التحايا وزكرياتكم تحى الامل فينا بلقاء دائم وممتع معكم فى رفاعه ودمتم

مع اللفه يانزار يوم شتتوا الماكنتوش فى الحوش الحفله كان بى منو
الاخ الاصغر احمد :- ليك وحشة سنين لم نلتقيك فيها ولكني اتسقط اخبارك من اهل البيت ، رمضانك كريم وتصوم وتفطر على خير ؟
انت صغيرون وما ديناصور زينا ولكنك كما اسلفت كنت متابع ،لقصننا حينما كنا نرتاد حوشكم العامر رفقة اخونا مستين ؟ كويس ان ذاكرتك حية بتتذكر كايدو وملوة السمعت بيهو بالنهاار الزمن داك نحنا بنجي مفنجلين العيون وضاحكين ومبسوطين ممن عباء رؤسهم من كايدو وملوة ، وبنقعد نصور ونخزن لنخرج لكم الان الدرر من ذاكرة جيل عشق رفاعة وانسان رفاعة ؟
تعرف احمد الماكنتوش دي خالدة قي ذاكرتي منذ العام 1975م ونحن طلاب في مدرسة الشيخ الطيب اخر اليوم الدراسي ونحن رجوعا ، لاحظنا خروج الريل صوب كوافير بت رغيون وسمعنا احد ظرفاء رفاعة وهو من اوسم شباب رفاعة حينها وحتي الان رغما عن دورة الازمان وهو يسجع قائلا ماكنتوش وبهلو 000 الاسم لم اذكره حفظا على الاسرار ؟اما الفنان كان منونحن كنا بنغني برانا ونطرب بمشاهدة غزلان رفاعة ودا براهو كان بيرضينا ، لانو حلفتنا بتكون خاصة وفيها الوجايع والضحك خاصة حين يبادر احد الشباب بمغازلة ريلة فتابي ان ترد عليه باحسن منها حينها ما عليه الا ان يلملم عزالو ويقيف بعيد مع ضحكا تنا عليه يمكن يزعل يوم يومين وبرضو تاني بجينا راجع ؟لانو شلتننا ما بتنفات ؟!!!!!!!!!!!!!!!!!!!!!!
تلك ايام مترعات بكل جميل تعال وانداح بعد ان اثبتنا انك ليس من جيل الديناصورات ؟
حبابك ابوحمييييييييييييييييييييييييييييييييييد:SnipeR (57):

عوض أبوسن
08-13-2011, 02:23 AM
يا سلاااام الربه عندكم والله... ورمضانكم شكله كده قاجي
تتلمو في ساعة خير .. معاكم في كنبة الأحتياطي
ويا اللخدر شايفك ماقاعد تكتب حقوق الطبع محفوظه علي قصايدك
أنا بي جاي كوبي و بيست .. أتنين تلاته و الألبوم يكتمل... هههههه
تحياتي للجميع

الصادق عبدالله ضرار
08-13-2011, 10:40 AM
والنضحكك ياللخدر في زواج احدي حسان فريق قدام اصر احد ظرفاء رفاعة ان يخش يهز فانبري عم العروس وهو يحمل مسدسه ولكن اخونا كان معبي راسه من وارد الحدبة فاصر على الدخول وقف امام العم وقاليهو والله ان مت في عرس هناية انا شهيد فضحك العم وهزا معاه،

شفت كيف يانزار
نحن فريقنا كان بزرع الشجاعه زي ما قلت ليك
المواجهه صعبه ... الا تكون قد وردت الحدبه ... مسدس ماخوفو ... بل يحلم بالشهاده في سبيلها
اي عظمه هذه
لها وله
الجواك بطل
وارد الحدبه

الصادق عبدالله ضرار
08-13-2011, 10:48 AM
الاخوان الاعزاء السلام عليكم ورمضان كريم تصومووتفطرو على خير ..... بتاوق كل يوم وبقرا كل المواضيع لكن بركز اكثر شى على مشاركاتكم وسرد ذكرياتكم عن رفاعه . وكان ماخايف الناس تقول ديناصور كان ممكن المشاركه معكم لانى عاصرت تلك الفتره وشاركت معكم بصوره غير ماشره (بلقط الكوره ليكم فى التمرين .... وبجيب المويه بعد التمرين بتاع فريق التحرير والكفاح (والعلم )ماعنى بشجع الشعله . اما ماكان يدور ليلا اكان من كايدو اوملوه بسمع بيو بالنهار ..... لكم كل التحايا وزكرياتكم تحى الامل فينا بلقاء دائم وممتع معكم فى رفاعه ودمتم

مع اللفه يانزار يوم شتتوا الماكنتوش فى الحوش الحفله كان بى منو

مرحبا بك اخونا احمد
ياخ ركب لينا صورتك النشوفا
وياريت تنداح وتقول لينا عن الجماعه ديل ولقيط الكور
طبعا هي ذاتا الكور خشم بيوت
الذكريات هي وقود الحياه
خاصه للمغترب
ولو المغترب داخل النفس
والوطن
الود نزار ممتع في سرد الذكريات
وامير عرق حجر في البوح
اما الود فوراوي ... ده خليهو بعرفو انا ...
مولع
بس بردد مرات لمن يكتر عليهو الضرب ( بتاع الذكريات طبعا)
وهو بردد قول قريبو الحاردلو

يا رب العباد أنا قلبي كاتم سرو
ما لقيت من يدرك المعنى بيهو أبرو
قصبة منصح الوادي المخدر درو
قعدت قلبي تطويه وكل ساعة تفرو

ده زولي وانا عارفو
بس انت ماتغيب وراقب وشارك

الصادق عبدالله ضرار
08-13-2011, 10:52 AM
زمنا كان غير في كل شئ عفاف لرفاعة ولاننا كنا نعتبر انهن اخوات لنا لذا كان ديدن الشباب ان يحب بلطف فيكتفي بنظرة او بسمة وهم طبعا بغيرو حالنا ، وان سمحت الظروف بتقديمة بعد سهرة رفاعية حارسها العفف فدا كان يوم المني ، حينما تبدا صويحباتها في تتقيل خطوهن ليتركنها تتمشي بقربك لحين توصليلك لها لدارها سالمة غانمة وانت في تلك اللحظات لاتسعك الدنيا لانك قد سهرت ووصلت من تهوي على امل ان تلتقي بها يوم السبت

نفس الملامح والشبه في جيلنا
والله عفه لحدي اليوم ما تجاوز فيها الزول حدو

الصادق عبدالله ضرار
08-13-2011, 11:03 AM
يا سلاااام الربه عندكم والله... ورمضانكم شكله كده قاجي
تتلمو في ساعة خير .. معاكم في كنبة الأحتياطي
ويا اللخدر شايفك ماقاعد تكتب حقوق الطبع محفوظه علي قصايدك
أنا بي جاي كوبي و بيست .. أتنين تلاته و الألبوم يكتمل... هههههه
تحياتي للجميع

يابن خالتي والله الاولاد ديل بولعوا في النيران

بعدين مافي حقوق محفوظه في الكلام ده بالذات
البوح ملك للجميع
زي رفاعه للجميع
فكوبي وبستت على كيفك
والزاد كان ما كفى اهل البت يحرم على الجيران

ببقى الامل
زي طوق نجا
نجدة غريق
شالو البحر
في مره جا
اصلو الامل
طول الرجا

انا مابسيب
عشمي القديم
حلمي الرقد
جواي مقيم
وسبحان من
يحي الرميم

انا مابسيبو
هوايا ليك
طال الزمن
لابد أجيك
اجمع خطايا
مع مشيك
سوقيني ليك
خليني جار
أديني ريد
كفاي ودار
انا منتظر
لحظة مجيك

اصوا الامل
قوت القلوب
ضي العيون
نور الدروب
وانا ريدك إنتا
منو اصلا مابتوب

ahmed mustafa omer
08-13-2011, 12:52 PM
مرحبا بك اخونا احمد
ياخ ركب لينا صورتك النشوفا
وياريت تنداح وتقول لينا عن الجماعه ديل ولقيط الكور
طبعا هي ذاتا الكور خشم بيوت
الذكريات هي وقود الحياه
خاصه للمغترب
ولو المغترب داخل النفس
والوطن
الود نزار ممتع في سرد الذكريات
وامير عرق حجر في البوح
اما الود فوراوي ... ده خليهو بعرفو انا ...
مولع
بس بردد مرات لمن يكتر عليهو الضرب ( بتاع الذكريات طبعا)
وهو بردد قول قريبو الحاردلو

يا رب العباد أنا قلبي كاتم سرو
ما لقيت من يدرك المعنى بيهو أبرو
قصبة منصح الوادي المخدر درو
قعدت قلبي تطويه وكل ساعة تفرو

ده زولي وانا عارفو
بس انت ماتغيب وراقب وشارك

الاخ العزيز الصادق ....لك التحايا والاشواق وشكرا على ردك الراقى ...... والله سرد الجماعه ديل للزكريات له وقع خاص جدا فى نفسى واكيد هو زواده فى الغربه عشان كده مع كل سطر يقرا فى شريط زكريات بمر قدامك ..... وتبدا فى مراجعه الزكريات الجميله.... اما موضوع الكوره ممكن الاخ نزار يدينا حاجه منو . ولو نسى حاجه ممكن الواحد يزكروا .... وممكن يبدا لينا بنفسوا لمن كان بلعب فى التحرير ..... اخليو شويه اعمل لياقه بزكريات الكوره عشان تانى ارجع للماكنتوش بلياقه

Nazar Hussien Babkir Frie
08-13-2011, 10:05 PM
الاخ العزيز الصادق ....لك التحايا والاشواق وشكرا على ردك الراقى ...... والله سرد الجماعه ديل للزكريات له وقع خاص جدا فى نفسى واكيد هو زواده فى الغربه عشان كده مع كل سطر يقرا فى شريط زكريات بمر قدامك ..... وتبدا فى مراجعه الزكريات الجميله.... اما موضوع الكوره ممكن الاخ نزار يدينا حاجه منو . ولو نسى حاجه ممكن الواحد يزكروا .... وممكن يبدا لينا بنفسوا لمن كان بلعب فى التحرير ..... اخليو شويه اعمل لياقه بزكريات الكوره عشان تانى ارجع للماكنتوش بلياقه
الذكريات الرياضية كتيرة ولكني اود بداية ان اصحح الاخ احمد بانني في بدايات الروابط تسجلت في فريق اتحاد الحسيناب ، وكان بينا تنافس حاد مع فرقة التحرير الامر الذي اغضب مني رفاقي على موسي ومستين اذا انهم رفقة محي الدين دردوق كان و الاطار الاداري والفني لفرقة التحرير للناشئين تلك الفرقة التي اثرت الحركة الرياضية برفاغة اسوة بفرق الاتحاد والهلال و مريخ بسطاي عليه رحمة الله تلك ايام خالدات اسهم في تكوينها استاذنا الجليل عليه رحمة الله عب المنعم الاغبش عطر الله ثراه .
ففي اول لقاء بيننا والتحرير هزمونا بثلاثية احرزها ضياء الدين عمر ومحمد الدرملي الذي كان يمتاز بقوة التسديد وكنت موكلا بمراقبته فانفلت مني وسدد كورة ارتطمت بالعارضة فنادني حارس مرمانا عبد المنعم البرميل وكانت العارضة ترتج وقال يا نزار اسمع العارضة بتعمل في شنو واللها لدرملي تاني يشوت انا بلبد من الكورة ، وكان يزاملني في وسط الملعب الاخ الصديق وجاري في الحلة الهادي حسن ادريس ، مساء نفس اليوم التقينا ومجموعة من الاصدقاء بقهوة عدلان ملتقي الشياي ففجانا استاذنا الراحل عبد المنعم بزيارة خاطفة بعد اداءه لصلاة العشاء في جامع الانصار وكان يضحك حينما صمتنا كلنا تادبا فجلس والتفت الي قائلا يا ناس الاتحاد نصكم نص عيشة كان نزار اتقدم الهادي الهادي مابنول للتغطية وكذلك ان تقدم الهادي فنزار لا بفعل المطلوب من لاعب الوسط فضحكنا كلنا واكتسبنا منه كيفية توزيع الادوار ، رغما عن لعبي بالاتحاد الا انني كنت اتمرن كثيرا مع اصدقائي بفرقة التحرير دي بداية بس بجيك برواقة يا ابو حميد بس جهز نفسك واتمرن كويس لذكريات الكماكنتوش وذكريات امين وشاذلي وعثمان جبل اللكوم ؟

ahmed mustafa omer
08-14-2011, 08:10 AM
الذكريات الرياضية كتيرة ولكني اود بداية ان اصحح الاخ احمد بانني في بدايات الروابط تسجلت في فريق اتحاد الحسيناب ، وكان بينا تنافس حاد مع فرقة التحرير الامر الذي اغضب مني رفاقي على موسي ومستين اذا انهم رفقة محي الدين دردوق كان و الاطار الاداري والفني لفرقة التحرير للناشئين تلك الفرقة التي اثرت الحركة الرياضية برفاغة اسوة بفرق الاتحاد والهلال و مريخ بسطاي عليه رحمة الله تلك ايام خالدات اسهم في تكوينها استاذنا الجليل عليه رحمة الله عب المنعم الاغبش عطر الله ثراه .
ففي اول لقاء بيننا والتحرير هزمونا بثلاثية احرزها ضياء الدين عمر ومحمد الدرملي الذي كان يمتاز بقوة التسديد وكنت موكلا بمراقبته فانفلت مني وسدد كورة ارتطمت بالعارضة فنادني حارس مرمانا عبد المنعم البرميل وكانت العارضة ترتج وقال يا نزار اسمع العارضة بتعمل في شنو واللها لدرملي تاني يشوت انا بلبد من الكورة ، وكان يزاملني في وسط الملعب الاخ الصديق وجاري في الحلة الهادي حسن ادريس ، مساء نفس اليوم التقينا ومجموعة من الاصدقاء بقهوة عدلان ملتقي الشياي ففجانا استاذنا الراحل عبد المنعم بزيارة خاطفة بعد اداءه لصلاة العشاء في جامع الانصار وكان يضحك حينما صمتنا كلنا تادبا فجلس والتفت الي قائلا يا ناس الاتحاد نصكم نص عيشة كان نزار اتقدم الهادي الهادي مابنول للتغطية وكذلك ان تقدم الهادي فنزار لا بفعل المطلوب من لاعب الوسط فضحكنا كلنا واكتسبنا منه كيفية توزيع الادوار ، رغما عن لعبي بالاتحاد الا انني كنت اتمرن كثيرا مع اصدقائي بفرقة التحرير دي بداية بس بجيك برواقة يا ابو حميد بس جهز نفسك واتمرن كويس لذكريات الكماكنتوش وذكريات امين وشاذلي وعثمان جبل اللكوم ؟

مشكور الاخ نزار على التصحيح لكن انا اتزكر انو الاتحاد بعد ما فركش تم ضم مجموعه من لاعبيه (متوكل عثمان محمود الشهير بالسحار وعمر اخوه والحارس محمود ود احمد مما اغضب عزالدين (كوكا) وذهب لفريق الكفاح (دا جناح ناس ود اب دقن وعوض الله عباس قبل سانتوس مايطيح برضو).... على مااعتقد ..... واذكر حادثه ظريفه هنا بعد ان ضم التحرير متوكل اصبح الهجوم قوه ضاربه ضياء الدين والدرملى وجلال كان عكود يطلق عليه اسم الغزال التقى التحرير والكفاح وانتهى الشوط الاول 6 وفى الشوط علق عزالدين الفنيله فى ازيار الطاحونه بتاعت ناس عثمان بكرى ومشى البيت وسالوه ناس الكفاح عملت كدى لى قال ليهم السحار والدرملى قالوا حالفين يقدوا سدرى وبرضو عكود قال فى نفس الكوره ياناس الكفاح الحقوا عزالدين امكن يكون غرق فى الزير
على موسى والمرحوم امين اول من اسسوا افتكر التحرير والادارى محى الدين ابو النوم ..... جبل اللكوم والداف ديل قاعدين بره للضحك وخاصه وانو الوجج قال ليهم انتو يااولاد فريق قدام ياالبتاكلوا الحمام اكيد هنا مابقصد عثمان ولاصداح لكين هم اصحاب ضياءالدين ..... شايف كيف اها انا بديت اتمرن ومستعد ولياقتى ماكنتوش وكمان جابت ليها حمام .

الصادق عبدالله ضرار
08-14-2011, 11:11 AM
الاخ العزيز الصادق ....لك التحايا والاشواق وشكرا على ردك الراقى ...... والله سرد الجماعه ديل للزكريات له وقع خاص جدا فى نفسى واكيد هو زواده فى الغربه عشان كده مع كل سطر يقرا فى شريط زكريات بمر قدامك ..... وتبدا فى مراجعه الزكريات الجميله.... اما موضوع الكوره ممكن الاخ نزار يدينا حاجه منو . ولو نسى حاجه ممكن الواحد يزكروا .... وممكن يبدا لينا بنفسوا لمن كان بلعب فى التحرير ..... اخليو شويه اعمل لياقه بزكريات الكوره عشان تانى ارجع للماكنتوش بلياقه

إنت الراقي
وكدا دخلنا شبكتك وغتذكرناك
ونحن معاكم في الذكريات وبنمنتج فيها في الخيال ونرسم الشخصيات والمواقف ... سنما داخليه يعني وكده
ياجيل المكاكنتوش
وناس فريق قادم ناس الحمام
مش زينا وود الكرور
عيش بس
نوعين ابيض شفاف
والتاني تخين ( بيجي) حلوه دي مش

برونزية
08-15-2011, 12:11 AM
تعرف باللخدر ما ميزنا عن اقراننا انا كنا نحترم الحب ونقدس الحب ، وكنا في سيرنا العادي ننتاجي همسا عن المحلق وعن مشعوقته فطوفنا بكل
در وب رفاعة نبحث عن المحية واختار كلنا منا دربه رغما ان فراق الحبايب قد اصلانا بلهيبه فحينما كنت في رياض الخير كنا نلتقي كل يوم خميس لنتجر ذكرياتنا انا وربعي ، نحن اتنين لم نتقرن بمن احببنا من ريل رفاعة اما ثالثا فقد كان حظه اجمل اذ اقترن بريلة من رفاعة فكان يوجعنا ان وصويحبي قريب امير اللمين بانو قد فاز وسبق واكل النبق وترك لى وصاحبي الحصرم والبكا على اللبن المسكوب وكانت ايام لها ايقاعات نوبة وصوفية فيها كانت السلوي والنجوي لغربة اضننت كاهلنا جميعا .
الريدة فينا طبع ماصل لاننا قد جبلنا على المحبة من زمن الجهل ؟
لذا جدو لنا العذر ان تباكت كلماتنا على ما مضي فتلك كانت عصارة تجاربنا في دروب المحبة التي هي زادنا لمقبل ايامنا ؟
اما انت فبح بمكنون القلب لعله يريحنا نحن المصلوبين على المواعيد السراب وكفانا تكتما فوالله ما اضعنا الا تكتمنا على عواطفنا طيلة الفترات الماضية بالله لو بوحنا :SnipeR (59):كان دا حالنا الان تباكي على الذي مضي ؟
لا تثريب علينا ان اندحنا حبا ووجدا وهياما بريلات رفاعة زمان .

غايتو طلعت ماك هين يارفيق اللقاء الاثيري
وطلعت دنجوان وساكت وممكون ومقتول في فريق قدام كمان:SnipeR (1):
ياحليلو فوراوي شايلين حالو ساكت في شان بصرح واقول
والفي قلبه علي لسانه
لكن بيني وبينك يا نزار في فترتكم ديك كان في شئ ما اعتيادي غيد حسان بالحيل وتاني ما بتكررو
انا لي هسي لما الاقيهم بقهي فيهم والغريبة نفس الملامح والشبه لم يأخذ منهم الزمن سر الجمال الكان
وبالمناسبة يا الاخدر بوستك رهيييييييييييييب واصبح البكاء علي الاطلال حقو تغيرو للعنوان دا
وعندي كمية من البوح بتودر ناس غايتو الا ادفعو وبعد نشوف القيمة بعد داك نقرر نسكتولا نقول:Smilll29:

الصادق عبدالله ضرار
08-15-2011, 12:44 AM
برونز
فتيهو .... والمبلغ مدفوع والشيك على بياض ...
خلي الصيوان يدور شديد وناس بكا جديدين يدخلو
اصلو البكا بحررو اهلو ...
والله نزار ممكون صحي وماصابر
لكن فوراوي ممكون وممكون وماصابر ...
انت عارفه فكرت اغير البوست لي بيت البكا عدييل ...
لكن سيد الاسم ما بنقدر نسحب إسمو
حقوق البث محفوظه ليهو
وليك حق التفاوض معاهو ....
كدي إنتي فتيهو ونشوف بعد داك

Nazar Hussien Babkir Frie
08-15-2011, 12:44 AM
مشكور الاخ نزار على التصحيح لكن انا اتزكر انو الاتحاد بعد ما فركش تم ضم مجموعه من لاعبيه (متوكل عثمان محمود الشهير بالسحار وعمر اخوه والحارس محمود ود احمد مما اغضب عزالدين (كوكا) وذهب لفريق الكفاح (دا جناح ناس ود اب دقن وعوض الله عباس قبل سانتوس مايطيح برضو).... على مااعتقد ..... واذكر حادثه ظريفه هنا بعد ان ضم التحرير متوكل اصبح الهجوم قوه ضاربه ضياء الدين والدرملى وجلال كان عكود يطلق عليه اسم الغزال التقى التحرير والكفاح وانتهى الشوط الاول 6 وفى الشوط علق عزالدين الفنيله فى ازيار الطاحونه بتاعت ناس عثمان بكرى ومشى البيت وسالوه ناس الكفاح عملت كدى لى قال ليهم السحار والدرملى قالوا حالفين يقدوا سدرى وبرضو عكود قال فى نفس الكوره ياناس الكفاح الحقوا عزالدين امكن يكون غرق فى الزير
على موسى والمرحوم امين اول من اسسوا افتكر التحرير والادارى محى الدين ابو النوم ..... جبل اللكوم والداف ديل قاعدين بره للضحك وخاصه وانو الوجج قال ليهم انتو يااولاد فريق قدام ياالبتاكلوا الحمام اكيد هنا مابقصد عثمان ولاصداح لكين هم اصحاب ضياءالدين ..... شايف كيف اها انا بديت اتمرن ومستعد ولياقتى ماكنتوش وكمان جابت ليها حمام .
تعرف يا ابوجميد باين عليك جاهز موية ونور لاحياء >كريات الزمن الجميل خاصة وانت قد ابتدرت بالاخ الكريم محمود عكود وهو طبعا من مشجعي التحرير الاوائل ، وطبعا الغزال جلال كان ولد لعاب ، وطبعا اصحاب الخيال الواسع ناس عكود كانو من ظرفاء رفاعة ومن محبي التاكا اولا قبل ان يتحول ليصبح قطب من اقطاب نادي الشعلة حيث اسهم اسهاما كبيرا في نهضة نادي الشعلة حيث كان من كبار الداعمين لنادي الشعلة في تلك الفنرة ، واعدتني لايام الروابط الجميلة ونحن طبعا كان مشجعنا الوحيد هو كمال نفورة وهو ايضا من اصحاب الخيال الواسع فكان حين دخولنا للملعب يقف ويهتف احدا احد او بلال وحينما سئل لما>ا تردد كلمة احد احد أحد قاليهم انا بشجع لاعب واحد في الاتحاد وهو نزار ، فكانت تلك ابام لها ابقاعات مختلفة .وايضا لي موفق طريف معه في احدي ليالي رفاعة الملاح في فريق ورا وكان معي الاخ محمود عبد الله قرشي (حاج وسخة )كما كنا نلقبه وكان اقصرمني قامة فطلع في الكرسي فجاء ود نفورة وهو يردد طولتو كبرتو فوتنا فضحكنا كلنا لسجعه ووحكايتو معاي حافظها مصطفي ود انيران ، وولديه طرفة مع الرشيد الخرساني حيينما ارسل قميصه ليعيد ود نفورة تش>يبه ولم يحضر هو فامسك بالقميص وهو يردد دا الغايب طرانا وجانا ، دي ايام جميلة يا ابوحميد :014:
اما الوجج فدا حكايتو حكاية معنا ايام الدراسو برفاعة الثانوية فكان ان اجبت اجابة صحيحة في مادة اللغة العربية فهو يردد لك يانت ياحتة ياابو زايز ستة من شفت انبسطت ، اما ان كانت اجابتك خطا فهو يردد لك يانت يابو زارير ستة من شفت انيسطت حبك رماني من الحمار بردلاب ؟
اما كزكا فدا طارفيو كتبرة مع الكورة لانه حارس مرمي ، وات>كر ان هنالك مبارة مابين المحلة والتحرير ودية في مدرسة ابوزيد قبيل اتمامها وهي طبعا مدرسة رفاعة الثانوية بنات حيث ملعب ففرقة المحلة بها وهو وقوفا في المرمي ان انبري له فرسان فريق السناب وضربوه بخراتة فانطلق جريا من ملعب المباراة و انتظر الشباب في عتبة عمك مختار وحلف تاني في ديم العوض ما بلعب كورة ؟دب لمحة من ايامات زمان .
مبروك لاهلة المنتدي الفوز على القطن الكاميروني :SnipeR (59):

ahmed mustafa omer
08-15-2011, 10:04 AM
تعرف يا ابوجميد باين عليك جاهز موية ونور لاحياء >كريات الزمن الجميل خاصة وانت قد ابتدرت بالاخ الكريم محمود عكود وهو طبعا من مشجعي التحرير الاوائل ، وطبعا الغزال جلال كان ولد لعاب ، وطبعا اصحاب الخيال الواسع ناس عكود كانو من ظرفاء رفاعة ومن محبي التاكا اولا قبل ان يتحول ليصبح قطب من اقطاب نادي الشعلة حيث اسهم اسهاما كبيرا في نهضة نادي الشعلة حيث كان من كبار الداعمين لنادي الشعلة في تلك الفنرة ، واعدتني لايام الروابط الجميلة ونحن طبعا كان مشجعنا الوحيد هو كمال نفورة وهو ايضا من اصحاب الخيال الواسع فكان حين دخولنا للملعب يقف ويهتف احدا احد او بلال وحينما سئل لما>ا تردد كلمة احد احد أحد قاليهم انا بشجع لاعب واحد في الاتحاد وهو نزار ، فكانت تلك ابام لها ابقاعات مختلفة .وايضا لي موفق طريف معه في احدي ليالي رفاعة الملاح في فريق ورا وكان معي الاخ محمود عبد الله قرشي (حاج وسخة )كما كنا نلقبه وكان اقصرمني قامة فطلع في الكرسي فجاء ود نفورة وهو يردد طولتو كبرتو فوتنا فضحكنا كلنا لسجعه ووحكايتو معاي حافظها مصطفي ود انيران ، وولديه طرفة مع الرشيد الخرساني حيينما ارسل قميصه ليعيد ود نفورة تش>يبه ولم يحضر هو فامسك بالقميص وهو يردد دا الغايب طرانا وجانا ، دي ايام جميلة يا ابوحميد :014:
اما الوجج فدا حكايتو حكاية معنا ايام الدراسو برفاعة الثانوية فكان ان اجبت اجابة صحيحة في مادة اللغة العربية فهو يردد لك يانت ياحتة ياابو زايز ستة من شفت انبسطت ، اما ان كانت اجابتك خطا فهو يردد لك يانت يابو زارير ستة من شفت انيسطت حبك رماني من الحمار بردلاب ؟
اما كزكا فدا طارفيو كتبرة مع الكورة لانه حارس مرمي ، وات>كر ان هنالك مبارة مابين المحلة والتحرير ودية في مدرسة ابوزيد قبيل اتمامها وهي طبعا مدرسة رفاعة الثانوية بنات حيث ملعب ففرقة المحلة بها وهو وقوفا في المرمي ان انبري له فرسان فريق السناب وضربوه بخراتة فانطلق جريا من ملعب المباراة و انتظر الشباب في عتبة عمك مختار وحلف تاني في ديم العوض ما بلعب كورة ؟دب لمحة من ايامات زمان .
مبروك لاهلة المنتدي الفوز على القطن الكاميروني :sniper (59):

اها يانزاز عرفتنى متمرن ونازل ليك بلياقه وداير ارجع بيك لى كسير التلج والبكاء والحرقه والماكنتوش ..... بعد ناس ......ل شتتوا الحلاوه فى الحوش . عملتوا شنو بعد ما فى زول قال تانى اى زول مامن فريق قدام مايدخل الفريق بعد الساعه 10 باليل وخاصه الزول دا كان صعب وبكون بالليل لافى فى الفريق بى بطاريه وماسوره .... اكان على الدقاش فى الترس هين بتقدروا عليو . ياربى انت وفراوى كنتوا بتقعدوا لحدى الساعه عشره ولا كان عندكم اذن .. يالصادق انا برضوا ادينى شيك على بياض عشان اطلع ليك ورق الناس ديل .....

ahmed mustafa omer
08-15-2011, 10:26 AM
برونز
فتيهو .... والمبلغ مدفوع والشيك على بياض ...
خلي الصيوان يدور شديد وناس بكا جديدين يدخلو
اصلو البكا بحررو اهلو ...
والله نزار ممكون صحي وماصابر
لكن فوراوي ممكون وممكون وماصابر ...
انت عارفه فكرت اغير البوست لي بيت البكا عدييل ...
لكن سيد الاسم ما بنقدر نسحب إسمو
حقوق البث محفوظه ليهو
وليك حق التفاوض معاهو ....
كدي إنتي فتيهو ونشوف بعد داك

ياالصادق ياربى الناس ديل تكون بتسمع فى اغنيه زيدان (فى الليله ديك) لحدى هسى ولا حان الزفاف لهاشم ميرغنى ..... انا بعد ماعرفت بى كلام برونزيه وشيك على بياض منك قررت ارجع البلد بعد 20 سنه واصرف الشيك بتاعك واجيب فنان فى العتبه يغنى اغنيه فى الحى الامامى جوار الاسبتاليه .... والاغنيه دى بالذات فى واحد زمان قطع ايدوا بالسكين فى حفله فى فريقنا ..... نزار اكيد عارف دا منو

الصادق عبدالله ضرار
08-15-2011, 11:27 AM
شيخ احمد
ديل بغنوا ندمان انا وحاتك عمري ماشلت الندم
وواقف براك والهم عصف
ريحا كسح زهرة صباك
ليلا فتح شرفة وجع
قمرا رحل فارق سماك

قليك واقفين الف احمر براهم
اهاكمان فت برونزيه دي لانو بكون من الجنس التاني والمعلومات بتكون من الجماعه اصحاب الملك الحر ...
لكن مافي مانع برضو نديك شيك لكن غير معتمد
شيك جوكيه يعني
تفتو لينا وبعدين الاجاويد في بقبلوك ربع قيمة الشيك

ahmed mustafa omer
08-15-2011, 11:54 AM
شيخ احمد
ديل بغنوا ندمان انا وحاتك عمري ماشلت الندم
وواقف براك والهم عصف
ريحا كسح زهرة صباك
ليلا فتح شرفة وجع
قمرا رحل فارق سماك

قليك واقفين الف احمر براهم
اهاكمان فت برونزيه دي لانو بكون من الجنس التاني والمعلومات بتكون من الجماعه اصحاب الملك الحر ...
لكن مافي مانع برضو نديك شيك لكن غير معتمد
شيك جوكيه يعني
تفتو لينا وبعدين الاجاويد في بقبلوك ربع قيمة الشيك

خلاص انا بكون منتظر اشوف رايهم شنو .... وبينى وبينك فت برونزيه بكون كيماوى عشان حايلبدو

Nazar Hussien Babkir Frie
08-15-2011, 10:05 PM
برونز
فتيهو .... والمبلغ مدفوع والشيك على بياض ...
خلي الصيوان يدور شديد وناس بكا جديدين يدخلو
اصلو البكا بحررو اهلو ...
والله نزار ممكون صحي وماصابر
لكن فوراوي ممكون وممكون وماصابر ...
انت عارفه فكرت اغير البوست لي بيت البكا عدييل ...
لكن سيد الاسم ما بنقدر نسحب إسمو
حقوق البث محفوظه ليهو
وليك حق التفاوض معاهو ....
كدي إنتي فتيهو ونشوف بعد داك
اولا مليون مرحب بيك يا رفيقتي في اللقاء الاثيري ، وربنا يتقبل صيامك وقيامك ويجعلك من عتقائه باذن الله ؟
بعدين معاك ياليلي الفاتح الصباغ رفيقك لم يكن بيتكسر في البنوت هن الكان بيتكسرو فيهو ما شوفتي الميييركتب قال شنو على لسان جمال الهادي الياس قال ناس نزار وحافظ حلواني وضياء الدين بجيهم في اليوم عشرة جوابات ؟شوفتي كيف ؟!!!!!!!!!!
لم اكن ديجزانا ولم اتكسر في الحي في الحي الامامي جوار الاسبتالية لذا كنت حافظا لبكائيات رفاقي في الحي الامامي جوار الاسيبالية ؟!!!!!!!!!!!!!!!!
وهذا لم يكن من دواعي الغرور والصلف وذلك لانني كنت من السادسة ابتدائي قد وهبت قلبي وعقلي لبنية من وارد الحد الفاصل ما بين سوق اللبن والحلة الجديدة ، لذا ممكن تقولي انا دستوري نازل في الحلة الجديدة ؟شوفتي حب الجهل الذي انكره اللمييير بيعمل فيني شنو رغما عن صويحبي قد انكره بداعي بدايات التكوين دي على منو يالميييييييير ؟:SnipeR (89):
وبعدين نحن بقينا نغني مع حرم النور حليلنا نحنا زمنا فات ؟ورجعك لورا حينما كتبت عن البيع والبكا على اللين المسكوب فاحابني ود حلتي بتبكي مالك بعد ابكيت عذاري الحي وكاني به يقول لى يا ملك الموت ضوق الموت ؟
ولتاكيد كلامي اعيدك لبوست كتبه نزار التاني رد الله غربته ليعود الينا كاتبا مهولا غي المنتدي كتب قائلا انه حينما كان في رفاعة كره اسمه لان كلما ما يفعله يجد انو اصحابو يحبطونه ويقولون له انت قايل نفسك نزار فريجون ، ولم اكن قد التقيته في رفاعة ولكني التقيته في زيارة خاطفة للشرقية فلما تبين له حالي الان فضحك وقال والله ماكنت بصدق الا ان الحاجة (000)سالتني قبيل سلامي عليها :016: هو لسع نزار في سماحتو ديك ؟اها لقيتني كيف خطير ولا ما خطير ؟!!!!!
والنزيدك من الشعر بيت كان لدي معاملة في احدي دوائر رفاعة وكانت احدي الموظفات من ريل رفاعة مدله في العبد لله ايام زمان ولمن دخلت مكتبها صدرت منها كلمة واي يا نزار مالك بقيت شين ؟ قضحك احد رفاقي وقال ليها الحمد لله نزار فريجون بقي يشبهنا ؟ شوفني كيف ؟؟
وبعدين يا اللخدر نحنا بفتو برانا بس الشيك محتاجنو لزوم العيد ، وبعدين البت ليلي خاليها التفت الجماعة البتافو ويلبدو ناس فلان وفلان ، وفيهم واحد حخابرو بي بدلتو البيضاء يوم عرسو والتي اتسخت لان احد شباب البهلة والزيداب اراد ان يبارك لهو عقب تناول وجبة العشاء الفاخر ولم يغسل يديه لانه كان من رواد الفرح المعبا في زجاج وارد كايدو ولوة ؟ وهو ان فراء البوست دا بجي براهو تارس ، خليني النمش للولد ابوحميد ونرجع تاني للماكنتوش البلهو غي الحوش وبجيك صادي تاني ، بس قولولي لقيتني كيف دنجوان وما دنجوان ؟!!!!!!!!!!!:SnipeR (31):
وياليلي هوي انا خطييييييييييييييييييييييييييييييييييييييييييييييير بس كان دا كان زمــــــــــــــــــــــــــــــــــــــــــــــــ ـــــــــــــــــــان ؟؟؟؟؟

Nazar Hussien Babkir Frie
08-15-2011, 10:27 PM
اها يانزاز عرفتنى متمرن ونازل ليك بلياقه وداير ارجع بيك لى كسير التلج والبكاء والحرقه والماكنتوش ..... بعد ناس ......ل شتتوا الحلاوه فى الحوش . عملتوا شنو بعد ما فى زول قال تانى اى زول مامن فريق قدام مايدخل الفريق بعد الساعه 10 باليل وخاصه الزول دا كان صعب وبكون بالليل لافى فى الفريق بى بطاريه وماسوره .... اكان على الدقاش فى الترس هين بتقدروا عليو . ياربى انت وفراوى كنتوا بتقعدوا لحدى الساعه عشره ولا كان عندكم اذن .. يالصادق انا برضوا ادينى شيك على بياض عشان اطلع ليك ورق الناس ديل .....
تعرف يا باوحميد صاحبنا دا عليه رحمة الله ، كان راجل مخيف بالجد وكنت حينما اسهر في حوشكم ومعاي مستين وعلي موسي وضياءالدين الا يقدموني لغاية الحد الفاصل ما بين المركز بتاع الشرطة والمحكمة وبعد داك برجعوا وبواصل لحدي بيتنا ، يوم جنب العمود بتاع ناس رحوم لاقيني ومعاي مستين فاقوفنا وسال مستين معاك منو فاجابه معاي نزار فريجون ، فرد علينا ناس فريق السناب البقعدم شنو في فريقنا لانصاص الليالي فاجنهو سويا بنذاكر ،فامسك بالحديدة وضرب على العمود وقال لينا انا تبت كنت بشرب اربعة قزازات الليلة شربت اتنين وانت يا نزار ود ناس ومهذب ، فانطلقنا وبعدها قلت يا مستين فريقك بالليل بخوف وضحكنا سويا ؟
اها النقول دي مرة نفس الشخص كمن لاولاد فريق قدام وهم قادمون من احدي ليالي رفاعة الملاح واوقفهم صف وخطب فيهم قائلا : كلكم في الرقايص هس ان جي حرامي البسكو منو ورسم خط على الارض بحديدته الاثيرة وقال ليهم كل واحد ينط الخط ويقول اسمو واسم امو ففعلوا كلهم الا ان احد التراكة رفض ذلك ،فهوي عليه بالحديدة فنط الخط وفال انا فلان ود فلانة الداية فضحكوا جميعا عليه .
اما الاخر الذي كان يجرح يديه في حفلات فريق قدام ، فدا براهو حكاية عليه رحمة الله ، وكنت في الثانوية قد عملت في الاجازة في مكتب الصحة برفاعة وكان منوظ بنا مراقبة الاسواق يعني بنعمل كشة للفارشين ىالخضروات فك:smilie35:نت لمن اجي جنبو بقوليهو افرش ولا يهمك يا (000000)
ومرة كانو اولاد فريق قدام قاعدين في العتبة الاثيرة بتاعت ناس ابونورة فجاء هو يمشي جزلا فسلموا عليه اتقاء شره فاجابهم (000*) الليلة انا كايس الختا فانسحبو جميعا الواحد تلو الاخر ؟
بقيت الحكاوي لي بكرة بعد ان نشوف الشيك بجينا ولا بجينا ؟!!!!!!!!!!!!!!!!

Nazar Hussien Babkir Frie
08-15-2011, 10:41 PM
برونز
فتيهو .... والمبلغ مدفوع والشيك على بياض ...
خلي الصيوان يدور شديد وناس بكا جديدين يدخلو
اصلو البكا بحررو اهلو ...
والله نزار ممكون صحي وماصابر
لكن فوراوي ممكون وممكون وماصابر ...
انت عارفه فكرت اغير البوست لي بيت البكا عدييل ...
لكن سيد الاسم ما بنقدر نسحب إسمو
حقوق البث محفوظه ليهو
وليك حق التفاوض معاهو ....
كدي إنتي فتيهو ونشوف بعد داك
اللخدر الا البوست دا خليهو زي ماهو ، ونحنا ما بتباكب على الاطلال ولكننا نفرح عندما نكتب عن رفاعة زمان زياليتنا نعود وتعود بنا الايام لماضي رفاعة الزاهر ،فنحنا صابرين ياحلم الغنا .
نعم اتمكنا بريل زمان ويا حليل زمان ، حينما كنا نجمتع على الفرح ونفرتق على الفرح ، على وعد ان يكون لقائنا دائما حالما بالجديد المبتكر ، وبعدين ياللخدر يا خوي البرونز ابكنها فتيات فريق قدام تحنا نعمل ما لازم كان نمشيالحدبة لتجرع الفرح المعبا في زجاج علنا نصبر ونتصبر ان صدحت احداهن زمان بالسلام علينا ؟!!
انا موجع زمكتول عديل بس بقول زي ماقال المرحوم ابو عليه رحمة الله :
متين العودة تاني يا سمحة الريد اذاني
ولا خليني اردد : الجيتو خاتي براي خاتي
الجيتو خاتي ضيع حياتي صغير دقلاش
عيونو فتنة وكمان اذتنا الابتلنا برموش غزتنا صغير ذقلاش .
ياخي فواضني بلا زعل ، علا الشيك راجينو لانو الدنيا قابيل عيد والبت البرونز :smilie2:بنحول ليها حق الخبيز وبث ؟؟؟؟؟؟؟؟؟؟؟؟؟؟؟؟؟
الود فواوري كامن مالو نعلو طيب وكذلك صنوه اللميييير البهلاوي ؟

Nazar Hussien Babkir Frie
08-16-2011, 02:19 AM
شيخ احمد
ديل بغنوا ندمان انا وحاتك عمري ماشلت الندم
وواقف براك والهم عصف
ريحا كسح زهرة صباك
ليلا فتح شرفة وجع
قمرا رحل فارق سماك

قليك واقفين الف احمر براهم
اهاكمان فت برونزيه دي لانو بكون من الجنس التاني والمعلومات بتكون من الجماعه اصحاب الملك الحر ...
لكن مافي مانع برضو نديك شيك لكن غير معتمد
شيك جوكيه يعني
تفتو لينا وبعدين الاجاويد في بقبلوك ربع قيمة الشيك
والله ياللخدر لم نغني واقف براكوالهم عصف ، انما غنينا مع الجيل القديم ناس الخقيبة القالو ديل بنات رفاعة الوراثات جمالن من زمن الرضاعة ، واذكر ان احد الفنانين جاء لرفاعة وكانت بيني وبينه علاقة ناتجة عن انه احي زفاف احدي اخواتي والتقيته في زواج احد ابناء رفاعة وكان ملتزما فضحك وقال لي يانزار بناتكم ديل اسمح منهن ما شفت وغني اغنية شفت التوب وسيد التوب يكون كيفنو وهو الاخ الاكرم ابوعركي البخيت لان احدي حسان رفاعة زمان تلت ايديا ودخلت الدارة فغني لها كما لم يغني من قبل ،
عن الوقوف الف احمر دي اصدقك القول انني احس ان السعادة تملا جوانحي ونحن نتسامر في ذاكرة الايام عن رفاعة وجمال رفاعة الذي ابكي كل من اسعده الحظ بحضور ليالي رفاعة الملاح ايام زمان ؟
بعدين الود أحمد ليهو عشرين سنة لفظ الجوكية دي ما بكون خابرو افصح وابن ، ونحنا الشيك الما معتمد مامعانا .
والحفلة العاوز احمد يعملها في العتبة الاثيرة بتاعت ناس ابو نورة علا يحضرها وحده لان الشباب هجرو البلد وقريق قدام لم يعد فريق قدام او الحي الامامي جوار الاستبالية لان معدل الجمال فيهو هبط ويمكن نكون بقينا نحنا ما بنشوفو ياربي ولا شنو ويمكن الكبر حصل ، علا ان عزمنا بنطالب بعودة المهجرين من شباب رفاعة زمان عل وعسي ان نعيد للحي الامامي جوار الاستبالية رونقه وبالعدم بنطالب بتصدير الاحفاد لانو الناس الحلوين الزمان لسع البت بروزنزية بتقهي فيهم اها احفادم بيكونو كيف ، فتلك الفلوة من تلك المهرة الاصيلة (الفلوة صغيرة المهر )يمكن ناس تكون ما تعاملت مع الحيوانات ونحن زمان في ناس مسمين حينا ارض الحيوان ؟
يالله لي باكر فتكم عافية ، وما تضحكو علينا ان تباكينا على الزمن الي كان ؟:SnipeR (15):

الصادق عبدالله ضرار
08-16-2011, 01:24 PM
والله يا ابو النييز انت تستاهل إعتماد مفتوح وبالعمله الصعبه ....
ياخ ذكريات رهيييبه وحكي ارهب !!!
ياااااه
شايل كم من الحاجات ... عشان كده ليك حق تقول كل شي
ومن هنا نحيي الحله الجديده والخط الفاصل ما بينها وبين شارع اللبن ...
والتحايا لسيد الاسم
الجمتنا ومنتظرك
وريتنا والله زي ماقال تيوه ...

aboduaa
08-16-2011, 02:21 PM
الأخوان نزار ،أحمد مصطفي والأخدر
مستمع جداً بالذكريات الجميله وعاوزينك يا نزار تنداح أكثر والجراب لسه فيه الكثير أما فوراي دا شيخ كبير عاوز ليه حلقة براه

برونزية
08-16-2011, 03:07 PM
الولد نزار ( دنجوان زمانه )
اول حاجة ما تاكل بي عقلي حلاوة وحات زمتي المقدودة دي ما حجوني بك
حجوني بي عادل قجة وضياء الدين وحافظ حلواني ( في الوجاهة يعني) ومبكيين الحسان
غايتو نحن في زمنا ما لقينا لينا اي دنجوان اكون اخر عهد الدنجوانات كنتو انتو واندثر
ياولد البتقول ليك بقيت شين دي مغيوظة ساي عشان زمان ما عبرتها
وجيييييييييييه ومذيع تاني شنو كمان
عارف الحي الامامي بقي مافيه ريل ليه مش هم شينين اصلا هم هاجرو كلهم
والله بقي كله خرابات ومؤجرين اغراب
عشان كدا حقو تكونو لجنة تطالب بعودة الغيد الحسان واحياء سيرة الحي لما كان عليه
وحات اسم الله ياللخدر بوستك دا كنز عدييييييييييييييل زاود عليه ونبتدي من الان ونفتح المزاد
ياخ دا نذار بكي فيهلما كمل الكلينكس
وظهر ناس امير الامين بس علي خفيف الفت ماكان كامل
الله يجيب الباقين البدكو الحصتين الاخيرة واقفو جنب العمود وشايلين جواباتهم وارجفو
غايتو في واحد من الريل المعني بتحكي عن ذكرياتها وواحد كان اسمه جميل فلانة وسط شلتها
اول ما يشوفهم اولع سيجارة وارجف يوم ولعها بالقلبة اها الريلة دي ياماعندها من حكي
والله يغير اتجاه الزول
وفي واحدين قاعدين ومفنجلين عيونهم اجترو في كتاباتكم دي وابكو ذكريات مضت
تعرف يانذار قصصك دي كلها مرت علي بس روايات مختلفة
ياخ الدقاش ما شاءالله عليه لسه محافظ وحافظ الشيخوخة جاتكم انتو بس
ياخ في قصص رائعة من زمن فنان فريق قدام الن ديلون وغنائه علي حسناء قد ملكت لبه
لكن في واحد فاتكم في البكاء والنويح من فريق قدام وخلاصتها اصبح شاعر
والله دا لو كان هنا كان اشيعكم بكاء علي الاطلال واتخصص في هجاء الاغراب البجو اخطبو واحدة من بنات رفاعة
وبرضو هو من رواد المسطبة الغريبة مرة هجاء ليه واحد خب واحدة من بنات الحي الامامي وهو خايف تسمع اعجابه ساي خلي اتقدم ليها
المهم البت لما سمعت قالت ماكان عندها اي مانع لو جاء واتقدم شفت شقي الحال البلقي العظم في الفشفاش
جاياكم للفت
بس ماشة اجيب موافقة المعنين بالامر
نذار واحمد مصطفي لو سمحتو ماتشاركوني في شيكي
اللخدر دا من اثرياء قطر خلونا النضوق الريال القطري

Nazar Hussien Babkir Frie
08-16-2011, 05:50 PM
:SnipeR (72)::86::SnipeR (72):الولد نزار ( دنجوان زمانه )
اول حاجة ما تاكل بي عقلي حلاوة وحات زمتي المقدودة دي ما حجوني بك
حجوني بي عادل قجة وضياء الدين وحافظ حلواني ( في الوجاهة يعني) ومبكيين الحسان
غايتو نحن في زمنا ما لقينا لينا اي دنجوان اكون اخر عهد الدنجوانات كنتو انتو واندثر
ياولد البتقول ليك بقيت شين دي مغيوظة ساي عشان زمان ما عبرتها
وجيييييييييييه ومذيع تاني شنو كمان
عارف الحي الامامي بقي مافيه ريل ليه مش هم شينين اصلا هم هاجرو كلهم
والله بقي كله خرابات ومؤجرين اغراب
عشان كدا حقو تكونو لجنة تطالب بعودة الغيد الحسان واحياء سيرة الحي لما كان عليه
وحات اسم الله ياللخدر بوستك دا كنز عدييييييييييييييل زاود عليه ونبتدي من الان ونفتح المزاد
ياخ دا نذار بكي فيهلما كمل الكلينكس
وظهر ناس امير الامين بس علي خفيف الفت ماكان كامل
الله يجيب الباقين البدكو الحصتين الاخيرة واقفو جنب العمود وشايلين جواباتهم وارجفو
غايتو في واحد من الريل المعني بتحكي عن ذكرياتها وواحد كان اسمه جميل فلانة وسط شلتها
اول ما يشوفهم اولع سيجارة وارجف يوم ولعها بالقلبة اها الريلة دي ياماعندها من حكي
والله يغير اتجاه الزول
وفي واحدين قاعدين ومفنجلين عيونهم اجترو في كتاباتكم دي وابكو ذكريات مضت
تعرف يانذار قصصك دي كلها مرت علي بس روايات مختلفة
ياخ الدقاش ما شاءالله عليه لسه محافظ وحافظ الشيخوخة جاتكم انتو بس
ياخ في قصص رائعة من زمن فنان فريق قدام الن ديلون وغنائه علي حسناء قد ملكت لبه
لكن في واحد فاتكم في البكاء والنويح من فريق قدام وخلاصتها اصبح شاعر
والله دا لو كان هنا كان اشيعكم بكاء علي الاطلال واتخصص في هجاء الاغراب البجو اخطبو واحدة من بنات رفاعة
وبرضو هو من رواد المسطبة الغريبة مرة هجاء ليه واحد خب واحدة من بنات الحي الامامي وهو خايف تسمع اعجابه ساي خلي اتقدم ليها
المهم البت لما سمعت قالت ماكان عندها اي مانع لو جاء واتقدم شفت شقي الحال البلقي العظم في الفشفاش
جاياكم للفت
بس ماشة اجيب موافقة المعنين بالامر
نذار واحمد مصطفي لو سمحتو ماتشاركوني في شيكي
اللخدر دا من اثرياء قطر خلونا النضوق الريال القطري
ليلي تعالي وانداحي معنا في بوح شفيف لزمن عفيف ونظيف ، بعدين ما حوجوك بي امكن في زمنا داك كنتي في اللفة وامكن تكوني صغيرة ولسع بتلعبي بالتراب وعلا تكوني قد اصايك زهايمرولا تكوني بتعاني من اثار الصيام ، الولاد الذكرنتيهم دبل كلهم وجهين ويبكسزرو الما بتتكسر ، ونحنا ان لم نكن ننافسهم في الوجاهةالفايتة الحد الاانو كان لدينا شعبيتنا شوفتي كبف ياليلي ؟
بعدين يا بنية من خبز الفنادك ، بجيبي اخبار الجماعة من وين ، وانا عارف انو الشباب البدكو الحصص كتار فيهم ناس الحي الامامي وفيهم من احياء متفرقة وفيهم من يذهي يوميا للعيادة عشان اشوف الريل بس ؟الانا عارفو انو حسناوات الحي الامامي جوار الاستبالية كان مزهوات بجمالهن لذا كان التنافس عليهم حار ومولع نار ، فقد شهدت في العديد من الليالي بكاء حارا صدر ممن كانو يحبون بصدق ولكنهم كتمو ما اعتمل في صدروهم ولكنهم لم يحتملو لحظات الفراق فالتجاو لكايدو او ملوة او استعانو بخبراء الحدبة ليتحفونهم بالفرح المعباء في زجاج لدرجة انه قد اذهب وقارهم وابكاهم في محفل عرس ذي ديل كتار ؟
ياليلي تعالي وفتي الاستئذان لازمو شنو نحن بكتب بدون اشارات واضحة ما عدا لاصحاب الياقات القيافة بكتبم عديل لانهم مننا ونحن منهم ؟وبعدين الفي راسو بطحة خليهو يتحسسها من الان .
الدقاش وجبه با يبت يابرونزية وبعد د جين الود يوم في امريكا ويوم في الصين البكبرو شنو نكبر نحنا البنزازي ما بين الخرتوم ورفاعة ومدني فارس الكتاب ، اها انفردي بالدقاش قولوليهو ود فريجون كان كيف .
بيحكي عن الحصل وعن قرب المسافة وبعدها
ولمن تفارق زول عيون غاليات عليهو كتير خلاص
وبحبها وانت واحشني ؟
تعالي يا بنبة وسويي الجبنة خلى الوليدات اللابدين اشمو القلوة براهم بجو بهنا لاننا كنا تمامة الكيف ؟؟؟
يلا فتك عافية تعالي ونداحي بيننا لاننا الينا على انفسنا ان نتذكر كل الاحداث الجلل التي مرت بنا وهو في امر جلل غير يكسروك وادوك شاكوش بمزاج.
بعدين شيك الوجيه الصادق قلنا ليك بنحول ليك حق الخبيز ياليلي انتي قسمة ما عايزة تقسمي قبلك يابنية ؟
جيبي حكاوي البنيات السكر نبات الائي اتعبننا في الزمن داك وتعالي ونحنا منتظرين لانو الجانب الاخر لمن نكن نجرو على معرفة ما يدور في خلهدن الان الفليل منهن حافظين ليهن كم حكاية بنحكيها بعد ما نشوف حكاويك يا برونزية .

Nazar Hussien Babkir Frie
08-16-2011, 11:55 PM
الأخوان نزار ،أحمد مصطفي والأخدر
مستمع جداً بالذكريات الجميله وعاوزينك يا نزار تنداح أكثر والجراب لسه فيه الكثير أما فوراي دا شيخ كبير عاوز ليه حلقة براه
الحبيب عمر الكرور تصوم وتفطر على خير ورمضانك كريم ، بركة اللخدر الهبشك مع حمام اولاد فريق وجابك لينا تارس ترس وتعال وانداح معانا عن جيلكم الذي اعقب جيلنا في رفاعة ، تعال وبح لينا عن فريقكم التساتسات وعن حوره العين اللائي كن نشاهدنهن منتظرات بص رفاعة الثانوية بنات وكنا نخاف ان تصدر منا التفاتة لانو ان التفت بعد مرور البص فانا قرجة عمنا المرحوم عبد الرحمن حاج عبيد محمداك ، لذا كنا نسبقه قبيل ركوبهن البص الشهير فقد كنا نمتع انفسنا بالدهشة صباحا ونحن نجتاز الحد الفاصل من بين فريقتا ابتداءا من السينما مرورا بفرن عمنا عبد المنعم عباس الي ان نصل الي شجرة النيم الفي الحطابة حقت عمنا السماكي . الكلام دا قاصدو عشان صاحبك اللخدر شابككم التساتسات وبس ولم بنصفكم من حيث الجمال لانو حلكتم زمان كانت ملئ بريل لم يجد حظه من التباكي عليه مثل ريل الحي الامامي جوار الاستبالية .
وكمان النحكي دي حدثت في فريقكم في احدي الليالي الملاح زمان كونا حضورا بعد حضورنا لنادي الشعلة وتناولنا وجبة العشا عند اروج وكنا لعيبة وادريين نذهب سويا ليالي رفاعة الملاح المهم ذ هبنا لفريقكم او فريق الجنينة تحديدا للمشاركة في لعبة فرايحية من لعبات رفاعة زمان ، وعند دخولنا راينا العجب العجاب وارد الخرطوم جا للمشاركة في الحفلة لانها تهم قرايبهم واحد من استاذتنا الاجلاء انداح طربا وسال دي منو قلنا اسمها فوقف واجما لحين انتهاء الحفلة ورفض الخروج من الدارة ولم يكن من طبعه ذلك ، ولكنه اسر للقرج مامون والله يا مامون البت بسماحتها دي بتجيب لي الملاريا وظل يردد اغنية صلاح بن البادية (000) تاني يوم عودناه في بيتهم لقيتناه مغطغط بالباططيين يا استاذ مالك قال لي والله يا قباني البنية ديك موش تجيب الملاريا دي ان استمرت الحفلة دي شوية كان ودتني الشيخ طه وانا تاني حدي معاكم العشا سوق كلندي وكيوم ودقداق و القرج و للرقايص انا تاني مامعاكم ، وتعالوا احكو لي بس .
اها الكلام دا بزعل الود اللخدر لانو طيلة سهرنا في فرقهم ما شوفنا شيتن ذي دا ، اها الليلة النولع النييران فيهو نشوفو بيقول شنو ؟
حبابكم يا عمر بس ياريت تجو وتندفقو معانا لاننا قد اضحينا من المتباكين على الومن اللكان ؟
اللخدر التساتسات ماكانت هينة وبعدين فرحهم كان نهاري يعني مقيلة وبس علا تكتر البصل والشطة الخدرة وكيس لحم كبير وارد ود المغاوري لانو البقري او العجالي حقو طاعم ؟
طبعا اللخدر حيقول دا ريل مستوردمن الخرطوم وسيابي عليكم ان اصولها من فريق الجنية ؟:011:

ahmed mustafa omer
08-17-2011, 09:46 AM
والله ياللخدر لم نغني واقف براكوالهم عصف ، انما غنينا مع الجيل القديم ناس الخقيبة القالو ديل بنات رفاعة الوراثات جمالن من زمن الرضاعة ، واذكر ان احد الفنانين جاء لرفاعة وكانت بيني وبينه علاقة ناتجة عن انه احي زفاف احدي اخواتي والتقيته في زواج احد ابناء رفاعة وكان ملتزما فضحك وقال لي يانزار بناتكم ديل اسمح منهن ما شفت وغني اغنية شفت التوب وسيد التوب يكون كيفنو وهو الاخ الاكرم ابوعركي البخيت لان احدي حسان رفاعة زمان تلت ايديا ودخلت الدارة فغني لها كما لم يغني من قبل ،
عن الوقوف الف احمر دي اصدقك القول انني احس ان السعادة تملا جوانحي ونحن نتسامر في ذاكرة الايام عن رفاعة وجمال رفاعة الذي ابكي كل من اسعده الحظ بحضور ليالي رفاعة الملاح ايام زمان ؟
بعدين الود أحمد ليهو عشرين سنة لفظ الجوكية دي ما بكون خابرو افصح وابن ، ونحنا الشيك الما معتمد مامعانا .
والحفلة العاوز احمد يعملها في العتبة الاثيرة بتاعت ناس ابو نورة علا يحضرها وحده لان الشباب هجرو البلد وقريق قدام لم يعد فريق قدام او الحي الامامي جوار الاستبالية لان معدل الجمال فيهو هبط ويمكن نكون بقينا نحنا ما بنشوفو ياربي ولا شنو ويمكن الكبر حصل ، علا ان عزمنا بنطالب بعودة المهجرين من شباب رفاعة زمان عل وعسي ان نعيد للحي الامامي جوار الاستبالية رونقه وبالعدم بنطالب بتصدير الاحفاد لانو الناس الحلوين الزمان لسع البت بروزنزية بتقهي فيهم اها احفادم بيكونو كيف ، فتلك الفلوة من تلك المهرة الاصيلة (الفلوة صغيرة المهر )يمكن ناس تكون ما تعاملت مع الحيوانات ونحن زمان في ناس مسمين حينا ارض الحيوان ؟
يالله لي باكر فتكم عافية ، وما تضحكو علينا ان تباكينا على الزمن الي كان ؟:sniper (15):

العزيز نزار ....اكيد الجراب لسه فيو كتير وكتير .. ولسه عايزين نعرف الكتير .... بس داير اسالك سوال ؟ الناس كلها هسى طشت وهجت من فريق قدام يعنى لو عملنا مسابقه ناس فريقنا بنافسوا ولا لا ؟ وخاصه انو زمان ماكان فى منافس .... من كلام برونزيه بنقدر ننافس لكين داير رايك انت شنو .... وبى مفهوم زمان كل تيم كان عنده اشبال عشان كده انا عن نفسى بقول بنافس على الرغم من انو ماعارف القاعد منو والمافى منو لكين بقول اى بنافس بالريحه ساى

Nazar Hussien Babkir Frie
08-17-2011, 12:54 PM
العزيز نزار ....اكيد الجراب لسه فيو كتير وكتير .. ولسه عايزين نعرف الكتير .... بس داير اسالك سوال ؟ الناس كلها هسى طشت وهجت من فريق قدام يعنى لو عملنا مسابقه ناس فريقنا بنافسوا ولا لا ؟ وخاصه انو زمان ماكان فى منافس .... من كلام برونزيه بنقدر ننافس لكين داير رايك انت شنو .... وبى مفهوم زمان كل تيم كان عنده اشبال عشان كده انا عن نفسى بقول بنافس على الرغم من انو ماعارف القاعد منو والمافى منو لكين بقول اى بنافس بالريحه ساى
الولد ابوحميد :
نعم مازالت الذكريات ثرة وعامرة بالمثير الخطر ، الناس الهجت وطشت ما خلت من لينا حاجة غير نفسها وشخوصها الماثلة امام اعيينا لحظة اندايحنا الشفيف كتابة لسطورعلها تخفف الوجع القديم ؟
البت البرونز بتعاود فريق قدام من وقت لاخر اما انا فحدي معاه مرورا على الاطلال من حوش ناس ملاس مرورا بالعتبة الاثيرة وعبروا لبيوت ناس ابوشرا وصولا لحوشكم العامر بعد داك كنت بغمض عيوني لحين وصولي دارالرياضة لانو بعد حوشكم والامتداد حتي دار الرياضة الارض بتبقي مستطيلة يعني الزيداب ما بسببو العذاب لذا بنغمض عيننيا لحين دخولنا دار الرياضة ، غميض العيننين للاحتفاظ بالصور الزاهية حتي تتنطبع داخل خياشيم الذاكرة ، قس ياحمد انو دي طيلة فترات زمنية طويلة من دراستنا في الشيخ الطيب وبعدها رفاعة الثانوية ومزازاتنا وحوامتنا في حلتكم رفقة على موسي وضياء ودقاش ومستين وحينما يشتد علينا الحر بنجي جنب بابكم وبنقول ياولد يا احمد جيب المويةالباردة علها تطفي ظما السنين ؟
وبعدين فريقكم بعد التهجير القسري والطوعي ذي ما قالي متوكل عثمان بكري والله فريق قدام :SnipeR (93): ما فضل فيهو غير عوض الله ود عباس مليص ، دا طبعا لمن نتقابل انا وهو الدقاش في كرش الفيل بقوم اقول ليهو الدقاش ما ساكن فريق قدام بيرد على هو شبه فريق قدام دا ساكن هناك جنب الترس شن حاب الترس لفريق قدام ؟
غايتو اكان بالريحة فايزين وكان بالاشبال الذين لم نشاهدهم الا مرة واحدة في زواج مستين فحسبنت وتذكرت ايامات زمان وقلت ليهو حق يا احمد(000) لمن قال الماكنتوش البلهو 00000في الحوش . فهم قادرون على اعادة امجاد الحي الامامي جوار الاستبالية ، الجيل المهجر د ا يا احمد بجيب كاس العالم عديل
اما المتواجدين في رفاعة فلدي عصبة من المحرقين بتاعين زمان برجع ليهم وبستفتيهم عن فريقكم حاليا لانهم مازالو اهل حرقة وريدة شديدة ؟

الصادق عبدالله ضرار
08-18-2011, 12:21 AM
الأخوان نزار ،أحمد مصطفي والأخدر
مستمع جداً بالذكريات الجميله وعاوزينك يا نزار تنداح أكثر والجراب لسه فيه الكثير أما فوراي دا شيخ كبير عاوز ليه حلقة براه

ابو دعاء
مرورك زاهي ... لكن ما بتلحقوا صناعتنا ... مصنع الرجال

الصادق عبدالله ضرار
08-18-2011, 12:25 AM
وظهر ناس امير الامين بس علي خفيف الفت ماكان كامل
الله يجيب الباقين البدكو الحصتين الاخيرة واقفو جنب العمود وشايلين جواباتهم وارجفو
غايتو في واحد من الريل المعني بتحكي عن ذكرياتها وواحد كان اسمه جميل فلانة وسط شلتها
اول ما يشوفهم اولع سيجارة وارجف يوم ولعها بالقلبة اها الريلة دي ياماعندها من حكي
معلومات خطيره
طلعتي فتوته كبيره ...
بالله عليك خلي الريله دي تمدك بكثير المعلومات ...
متعه ان تعرف رأي الطرف الآخر ... وذكرياتهم وإجترارها من قبلهم
فتي
والبتاوقوا ياهربوا يا دخلوا

الصادق عبدالله ضرار
08-18-2011, 12:28 AM
طبعا اللخدر حيقول دا ريل مستوردمن الخرطوم وسيابي عليكم ان اصولها من فريق الجنية
يا نزار
الناس السمحين ديل ونحنا عندنا برضو
لكن كان ما اخدت سنافي الشجاعه حقنا بتثدر تمش تشوف ؟
لكن ماتشكر لي الراكوبه في الخريف تساسات وكده

Nazar Hussien Babkir Frie
08-18-2011, 01:50 AM
يا نزار
الناس السمحين ديل ونحنا عندنا برضو
لكن كان ما اخدت سنافي الشجاعه حقنا بتثدر تمش تشوف ؟
لكن ماتشكر لي الراكوبه في الخريف تساسات وكده
الصادق عارف انو عندكم ودليل على ذلك لمن كتبت انو الفنانين مننا كتبت انت انو الشباب منكم وضحكت انا لانني اعرف ان مستوي الجمال عندكم بيضاهي نسبة الجمال في حييننا رغما عن انو اسنافي الحدبة لم نكن من متعاطيه حينها ولكننا شقينا الحدبة وشوفنا فيها بعض اللمحات لكن الغريبة ان معظمهم بيكونو زوار من الحي الامامي جوار الاستبالية،
الحكاية الليلة عن حيكم وعن ليلة من لياليه الملاح وكنا حضورا فيها بشكل خاص لان احدنا كان قد بدا يميل لاحدي ريلات رفاعة الزمان واصر والح ا نو لازم نرافقوا انا وجمال الهادي الياس ، فذهبنا معه ولمن قربنا لبيت المناسبة حلف بالتقطعو ما بدخل جوه البيت المقامة فيهو المناسبة وفضلنا نحنس فيهو طيب جايبنا معاك ليه قال هي قاعدة وما عازوها تعرف انو بساهر في الرقايص ، فكان الحل هو ان يراها باي صورة كانت المهم ا نها لاتراه ، فتتقت عبقريتنا انا والدقاش ان نحمل لينا كمية من الطوب من المنزل المجاورللمناسبة ونطلعوا فيهو ولمن كان من ذوي الوزن الثقيل كلما يطلع في المكنة يهدها نجري تاني نرص ليهو الطوب عشان يمتع نفسه المحبةب رؤية الريلة التي ملكت لبه ، واجمل مافي الحكاية انها قد كللت بالنجاح وتزوجها المحب وانجبو بنين وبنات ولكني كلما التقيه اضحك واقوليهو طالبنك حق يومية من خمسة وعشرين سنة وما دفعتو لينا انا والدقاش لاننا تاني يوم قمنا معسمين من نقل الطوب ، واخر مرة التقيته في زواج باكورة انتاجه قال الله يلعنك ما بتنسي ا صلك اوع تقول الكلام للمرة ، ودي كانت اجمل حكاية عايشتها وكللت بالعديل والزين اما بقية الحكايات كلها كانت بقايا من دموع وبكا ، والاجمل ا:SnipeR (65): نه من وارد الحدبة بس بالجهة التانية جهة نادي المعلمين .والاغرب يالصادق انني قدحضرت الخطوبة ولم احضر الزفاف نسبة لسفري لمغرب للدراسة ولكن الله اسعدني بحضور زفاف باكورة الانتاج وكان رفيقي في الليلة الود جمال الهادي شفت الصدف الحلوة واستحضرنا ما حدث وكان والد العريس يجاورنا على الطاولة وتذكرنا تلك اللحظات رغما عن تقادم الازمان شوفت كيف ؟
وبعدين الراكوبة في الخريف مالها هواها بارد والمقبلة مع وارد التستاسات ما احلاها وكمان حبذا لو صاحبها دوباي من اهل شيخ العرب ناس البطانة ؟
هم مالوم لبدو ولا الخوف ذي ما قال احمد من كيمياوي البرونز وكدا ؟
ويلا بكرة احلى باذن الله ؟

الصادق عبدالله ضرار
08-18-2011, 02:02 AM
ياسلام
بالله ده برضو يانزار مرق من (كالعاده) بتاعت امير اللمين في حق العشاق وخطو شبك ...
اها لكن كده انتو وجمال قطركم صفر تب
شلتو مكن الطوب
وحضرتو الخطوبه
وعروس البت الجات من بعد الخطوبه
او يسمعوك الريل بقولوا عجزت
خاصه وهناك مندوب منهم وعنهم هنا
كلم ود الكرور بالله ووريهو ....

وريتنا والله لكن زي ماقال تيييوه

ahmed mustafa omer
08-18-2011, 06:57 AM
الولد ابوحميد :
نعم مازالت الذكريات ثرة وعامرة بالمثير الخطر ، الناس الهجت وطشت ما خلت من لينا حاجة غير نفسها وشخوصها الماثلة امام اعيينا لحظة اندايحنا الشفيف كتابة لسطورعلها تخفف الوجع القديم ؟
البت البرونز بتعاود فريق قدام من وقت لاخر اما انا فحدي معاه مرورا على الاطلال من حوش ناس ملاس مرورا بالعتبة الاثيرة وعبروا لبيوت ناس ابوشرا وصولا لحوشكم العامر بعد داك كنت بغمض عيوني لحين وصولي دارالرياضة لانو بعد حوشكم والامتداد حتي دار الرياضة الارض بتبقي مستطيلة يعني الزيداب ما بسببو العذاب لذا بنغمض عيننيا لحين دخولنا دار الرياضة ، غميض العيننين للاحتفاظ بالصور الزاهية حتي تتنطبع داخل خياشيم الذاكرة ، قس ياحمد انو دي طيلة فترات زمنية طويلة من دراستنا في الشيخ الطيب وبعدها رفاعة الثانوية ومزازاتنا وحوامتنا في حلتكم رفقة على موسي وضياء ودقاش ومستين وحينما يشتد علينا الحر بنجي جنب بابكم وبنقول ياولد يا احمد جيب المويةالباردة علها تطفي ظما السنين ؟
وبعدين فريقكم بعد التهجير القسري والطوعي ذي ما قالي متوكل عثمان بكري والله فريق قدام :sniper (93): ما فضل فيهو غير عوض الله ود عباس مليص ، دا طبعا لمن نتقابل انا وهو الدقاش في كرش الفيل بقوم اقول ليهو الدقاش ما ساكن فريق قدام بيرد على هو شبه فريق قدام دا ساكن هناك جنب الترس شن حاب الترس لفريق قدام ؟
غايتو اكان بالريحة فايزين وكان بالاشبال الذين لم نشاهدهم الا مرة واحدة في زواج مستين فحسبنت وتذكرت ايامات زمان وقلت ليهو حق يا احمد(000) لمن قال الماكنتوش البلهو 00000في الحوش . فهم قادرون على اعادة امجاد الحي الامامي جوار الاستبالية ، الجيل المهجر د ا يا احمد بجيب كاس العالم عديل
اما المتواجدين في رفاعة فلدي عصبة من المحرقين بتاعين زمان برجع ليهم وبستفتيهم عن فريقكم حاليا لانهم مازالو اهل حرقة وريدة شديدة ؟

دى انا بعتبرها يانزار شهاده وشكرا .... وبالمناسبه معاى اخت الرشيد خرسانى الكبيره هنا كان قلت غير كلامك دا كان ممكن طبعا اطلع منها حبه معلومات لزوم الدفاع لكن الحمد لله قلت الحقيقه .... داير اسال تانى سوال ؟ متزكر الزول القال بالقتو ياناس الحى البريطانى نميرى قال مهرجان الثقافه فى الخرطوم انتو تجيبو فى فريقكم ؟

ahmed mustafa omer
08-18-2011, 07:08 AM
ياسلام
بالله ده برضو يانزار مرق من (كالعاده) بتاعت امير اللمين في حق العشاق وخطو شبك ...
اها لكن كده انتو وجمال قطركم صفر تب
شلتو مكن الطوب
وحضرتو الخطوبه
وعروس البت الجات من بعد الخطوبه
او يسمعوك الريل بقولوا عجزت
خاصه وهناك مندوب منهم وعنهم هنا
كلم ود الكرور بالله ووريهو ....

وريتنا والله لكن زي ماقال تيييوه

الصادق ياخوى الزول دا رقد واطه بعد ماعرف القصه فيها شيكات وانا جيت ناطى ليو وفى معلومات حتطلع من برونزيه....عشان كده بقى يدخل بى هنا ويمرق بى هنا ورادارو شوش .... براحه براحه عليو ... اكان على انا عافى ليو لانو لحدى هسى نايم فى الخط بتاع فريقنا .... لكين برضو انت من حقك ينصف ماكل مايفتح خشموا معاك يقول ليك الحدبه

ahmed mustafa omer
08-18-2011, 07:33 AM
والله ياللخدر لم نغني واقف براكوالهم عصف ، انما غنينا مع الجيل القديم ناس الخقيبة القالو ديل بنات رفاعة الوراثات جمالن من زمن الرضاعة ، واذكر ان احد الفنانين جاء لرفاعة وكانت بيني وبينه علاقة ناتجة عن انه احي زفاف احدي اخواتي والتقيته في زواج احد ابناء رفاعة وكان ملتزما فضحك وقال لي يانزار بناتكم ديل اسمح منهن ما شفت وغني اغنية شفت التوب وسيد التوب يكون كيفنو وهو الاخ الاكرم ابوعركي البخيت لان احدي حسان رفاعة زمان تلت ايديا ودخلت الدارة فغني لها كما لم يغني من قبل ،
عن الوقوف الف احمر دي اصدقك القول انني احس ان السعادة تملا جوانحي ونحن نتسامر في ذاكرة الايام عن رفاعة وجمال رفاعة الذي ابكي كل من اسعده الحظ بحضور ليالي رفاعة الملاح ايام زمان ؟
بعدين الود أحمد ليهو عشرين سنة لفظ الجوكية دي ما بكون خابرو افصح وابن ، ونحنا الشيك الما معتمد مامعانا .
والحفلة العاوز احمد يعملها في العتبة الاثيرة بتاعت ناس ابو نورة علا يحضرها وحده لان الشباب هجرو البلد وقريق قدام لم يعد فريق قدام او الحي الامامي جوار الاستبالية لان معدل الجمال فيهو هبط ويمكن نكون بقينا نحنا ما بنشوفو ياربي ولا شنو ويمكن الكبر حصل ، علا ان عزمنا بنطالب بعودة المهجرين من شباب رفاعة زمان عل وعسي ان نعيد للحي الامامي جوار الاستبالية رونقه وبالعدم بنطالب بتصدير الاحفاد لانو الناس الحلوين الزمان لسع البت بروزنزية بتقهي فيهم اها احفادم بيكونو كيف ، فتلك الفلوة من تلك المهرة الاصيلة (الفلوة صغيرة المهر )يمكن ناس تكون ما تعاملت مع الحيوانات ونحن زمان في ناس مسمين حينا ارض الحيوان ؟
يالله لي باكر فتكم عافية ، وما تضحكو علينا ان تباكينا على الزمن الي كان ؟:sniper (15):

الاولى نعم
التانيه لالالا والدليل برونزيه شهدت بيو وانت قلت فى عرس عبدالرحمن شفت براعم برضو .... اما موضوع الحفله فى المسطبه خليتو ...لكين ماشى لحاجه اكبر داير ارجع واعمل ليك برنامج فى التلفزيون زى اغانى واغانى رايك شنو بس دايراك تختار ليو اسم

Nazar Hussien Babkir Frie
08-18-2011, 12:32 PM
ياسلام
بالله ده برضو يانزار مرق من (كالعاده) بتاعت امير اللمين في حق العشاق وخطو شبك ...
اها لكن كده انتو وجمال قطركم صفر تب
شلتو مكن الطوب
وحضرتو الخطوبه
وعروس البت الجات من بعد الخطوبه
او يسمعوك الريل بقولوا عجزت
خاصه وهناك مندوب منهم وعنهم هنا
كلم ود الكرور بالله ووريهو ....

وريتنا والله لكن زي ماقال تيييوه
ياصادق القوم ، اها شوفتك ناسكم كانو صادقين في الريدة وتزوجو وابجبوا بنبين وبنات سكر نبات وتعرف دا كلو لانهما قد وصلا مرحلة التكوين بعني كلاهما حين ارتبطا كانا من العاملين ونحنا ريدنا داك كلو كان حق طلبة بس، ونحنا والله الكبر ما جانا لليل لانو البجيهو الكبر ببينسي ونحنا لسع ما نسينا وبنقدر كمان ننافس الاجيال الاصغر مننا ، ما شوفت الجكس بقي يغني ويقول( راجل المرة حلو حلا )، وبعدين يالصادق الزمن اللي حصلت فيهو الحكاوي دي نحن كنا في عمر الزهور اولاد تاشرات وكده ولكننا فوتنا الكبار والقدرنا في عنفوان الشباب والفترة ديك يالصادق صبحا نكون في المدراس وعصرا في ميادين الكرة ومساء في ميادين الكرة الطائرة اما ليلا بنكون في مباراة الرقايص في رفاعة زمان لاننا كنا اساسيين قبل الكراسي ، والخبر بتاع الحفلة بجينا من اخوات البرونز ومعاه حبة :SnipeR (87): تحنيس عليك الله لازم تجي لانو نحنا جايين شوفت كبف ؟
بعداك ياللخدر ما هي دي اجمل فترات حياتنا فترة المتوسطة والثانوية اها بعدها طشينا طشت عدوك من المغرب العربي للمشرق العربي ، لذا اضحت ذاكرتنا خربة لانه لا يوجد ما يشحذها ، ولمن كنا من اهل الحرقة والريدة اا بنظل نبكي على ما فاتنا من زمان ، وزي كا قلت انت انو البكي بحرروا اهلو ؟ومن شدة حرقتنا لرفاعة انا كل شهر بجي رفاعة وبقعد ساعتين بس وبمجرد دخولي لها بناظر لحته محازية لقبة الشيخ طه الوسط المقابر وبتفر دمعتين وبقول هنا كتل ود فريجون ؟
اها نحنا بكانا بنحروو برانا ، بعدين الريل البقولو عجزنا ما سمعت الميييير قال للود فوراوي اظنها بقت حبوبة ؟ يعني الجيل الذي ابكانا كلو قد يكون وصل لمرحلة زواج احفاده او حفيدته يعني الحال من بعضو ، ونحنا تاني بنقدر نريد ذي ريد زمان ، بس احيانا بنشوف شيتن كتر بيرجعنا طوالي للزمن اللي الكان وبنعقد مقارنة وقتية بالتشبيه بين من نشاهد امام اعيننا وبين ما اختزنته الذاكرة فنجد انو المختزن دائما راجح على الواقع الحالي لانو جمالو كان جمال طبيعي اما فما اراه ليس لاا بهرجة الوان بنياتنا زمان كانن بتكحلن بس ودا الكان بحرق الحشا لو حضرن التلوين الحالي كانن اهلكن العديد من الشباب .لانو عيون الريل كان عجاب
وخللنا نحفظ ابيات الشعر على شاكلة : عيون المها وغيرها من ابيات الشعر الجميلة التي يكون محورها العيون واحسب ان ادريس جماع قال اجملها :
كالسيف في غنمده تؤمن بواتره
ولحاظ عينيك في الحالين بتار
وانا مكتول عيون وبس يالصادق ؟:SnipeR (98):
ونغني مع اساطين الحقيبة عيونك علمن عيني بكي الخنساء ، ولا وصف الخنتيلة جمال تاجوج المافي مثيلة .
اللخدر البت البرونز ما اخدت التصاديق لليلة مالها ، ولا يمكن
ساعي البريد شما العبير
:005: عجبو الكلام نايم عمل
خلاني احمل ليك زعل
زعلانة ولا الشنو الحصل
اهو نحنا في الانتظار

Nazar Hussien Babkir Frie
08-18-2011, 01:07 PM
الصادق ياخوى الزول دا رقد واطه بعد ماعرف القصه فيها شيكات وانا جيت ناطى ليو وفى معلومات حتطلع من برونزيه....عشان كده بقى يدخل بى هنا ويمرق بى هنا ورادارو شوش .... براحه براحه عليو ... اكان على انا عافى ليو لانو لحدى هسى نايم فى الخط بتاع فريقنا .... لكين برضو انت من حقك ينصف ماكل مايفتح خشموا معاك يقول ليك الحدبه
الحبيب احمد : والله رادرنا ما طشا ، وبعدين انت ياولد بتولع في النيران مالك انا الكلام العارفو وحضرتو وعايشتو بمرقوا كلو ولدينا الاثباتات عليهو لان شخوصه قاعدين وتامين ولامين ، وبعدين دخولنا من هنا ومرقونا بهنالك كان للضرورة بدلا من اختزال ذاكرة الايام كلها في الحي البريطاني او فريق قدام او الحي الامامي جوار الاستبالية رفاعة يا ابوجميد كانت وفي اعتقادي مليانة ريل كتيير وموزع على احيائها ولكنها ريل الحي البريطاني استفاد من حملات الترويج الاعلامية لذا طغا على الساحة ؟
وبعدين يابوحميد الاشبال مافي حاجة تاني بتجيبهم رفاعة علا بتبقي ذكري لمن يسالوهم انتو من وين بقولو ماما وبابا بيقولو من رفاعة ولكن نحنا من الخرتوم ؟
اجزم ان فيهم من لم تري رفاعة ؟
لذا كان التنقل مابين التساتسات والحدبة ، ما تظلمو بقية الاحياء يا ابوحميد حتي فريقنا فريق السناب وامتداد ديم العوض كان فبهو ريل ، والدليل على ذلك ان اولاد فريق قدام بيكونو حضورا في ليالي حينا الملاح :SnipeR (85):والليل كلو نحن بنقعد نحنس في اولاد فريقنا يااخونا الناس ديل اصحابنا وجاو معانا خلوهم وخلونا نحضر الحفلة بمزاج لانو اولاد فريقنا جنهم وجن زول بقطع الخور ويجيهم احضر الرقايص في حلتم والا فانه مجلود مجلود مجلود ياولدي .
وبعدين الشيك محتاجلو اصلو العيد قرب وحبذا لو جات معاهو حبة دراهم امارتية واو بيزات عمانية المهم ان الشيك اجي وانا والبرونز بتنفاهم انت يا احمد اطلع منها .:SnipeR (63):

علي فوراوي
08-18-2011, 01:21 PM
اسمعوا ياشباب
نزار دا شاني علي بنات فريقنا حملة
وياما اتكسر واتعلم الغرودة
وخاصة لمن يرسلوهو
نزار والله الكلام في طرف لساني
بس خائف عليك من ناس ما بنسوا
وهو عيونوا كبرن من التبحلق فيهن
وأسالو اللمبة الجنب باب بيتم

Nazar Hussien Babkir Frie
08-18-2011, 01:23 PM
دى انا بعتبرها يانزار شهاده وشكرا .... وبالمناسبه معاى اخت الرشيد خرسانى الكبيره هنا كان قلت غير كلامك دا كان ممكن طبعا اطلع منها حبه معلومات لزوم الدفاع لكن الحمد لله قلت الحقيقه .... داير اسال تانى سوال ؟ متزكر الزول القال بالقتو ياناس الحى البريطانى نميرى قال مهرجان الثقافه فى الخرطوم انتو تجيبو فى فريقكم ؟
هي ليلة من استسنائية من دون الليالي لانه ليلة كانت محضورة من معظم اهالي رفاعة ، وهي مناسبة زفاف احدي غيد رفاعة الحسان وارد فريق قدام جوار الستبالية لابن من ابنائها اي رفاعة ولكنها استثرت بالحضور الكثيف لان كم الفنانين الذي احي الليلة كان كبيرا مجاملة لشقيقها العازف الماهر لالة الجيتار كمال مرغني او كمال نقية كما كنا نناديه في رفاعة ، المهم انها كانت ليلة حدث غني فيها وزيدان والخالدي وحمد الريح ومحد الامين وغيرهم من كبار الفنانين وكان ختامها مع العملاق وردي حينما تغني باصبح الصبح فلا السجن ولا السجان باقي فهاجت وماجت وارتجت جنبات الحفل طربا وصفيرا .
لذا قيل فبها بالغتو يا ناس الحي البريطاني نميري قال مهرجان الثقافة في الخرطوم انتو تجيبو فريقكم .
سلام لال الخرساني وسلام خاص للود الضارب سواحل عمان رشا ؟:86:

علي فوراوي
08-18-2011, 01:25 PM
برونزية

داير تبحتي شنو اوعه تجيبي لينا قلائل
عارف ايامك الاخيرة وانتو بتظبطوا في بيت رفاعة
الشمارات تجيك في حتتك

Nazar Hussien Babkir Frie
08-18-2011, 01:55 PM
:SnipeR (72)::86:اسمعوا ياشباب
نزار دا شاني علي بنات فريقنا حملة
وياما اتكسر واتعلم الغرودة
وخاصة لمن يرسلوهو
نزار والله الكلام في طرف لساني
بس خائف عليك من ناس ما بنسوا
وهو عيونوا كبرن من التبحلق فيهن
وأسالو اللمبة الجنب باب بيتم
بركة الجيت عسل انت وبسكويت ، وانا والله ما تجنيت على بنيات فربقنا ، ولكنني لم اقل الا ما قالوه ظرفاء رفاعة عن انو بكا في الحي الامامي ولا عرس في فريق السناب ، وبعدين بافوراوي انا لسه حافظ للوداد ، وبعدين انا ما اتكرت لفريق السناب ودائما بفتخر اني من مواليد فريق السناب ، وبعدين بدايات التكسر زمن المراسيل وسماع الخالدي من شباك بيتنا دا كلو انا ما نسيتو بس هل توجد مقارنة بين فريقنا والحي الامامي . بعدين تعال يابا واحكي العيون كبرن التبحلق في الغيد الحسان ما بنكر دا .
الناس المابنسو ديل نحنا ذاتو كايسنهم .
وبعدبن تعالوا لينالا ياخي بدل تخلوني اكتب انا براي ن وفليس لدينا حرج اومانع من ذكر ماكان بطرف لسانك ، بعد العمر دا يافوراوي فش شئ بنخاف عليهو ، ما ميز قريقنا على غيره هو اننا عشنا عيشة الحوش الوسيع ودا براه بكفينا .ولكن الجمال في حيننا كان قليل ؟
تعال وانداح امكن لحوامتنا فب الحي الريطاني ذاكرتنا اضحت موجهة للحي الامامي جواز الاستبالية .
تعال وانداح ياولد وجيب معاك اللمييير

برونزية
08-18-2011, 09:46 PM
برونزية

داير تبحتي شنو اوعه تجيبي لينا قلائل
عارف ايامك الاخيرة وانتو بتظبطوا في بيت رفاعة
الشمارات تجيك في حتتك
شيخهم
رمضانك كريم
والشباب ديل مافتئو يتباكو عي حضارات سادت ثم بادت
ماعدا شخصك الكريم مازلت تتمتع بالحاضر ايضا
وريهم بالله الخلطة السحرية وسر هذا الشباب الدائم
والصولات والجولات
عيني باردة
ماتقول سحرتك
انا الفت جاني زماااااااااااان
بالرغم من انقطاعي من رفاعة لكن المناسبات بنلاقي الحبايب
والمتباكين علي ايام جميلة ولت ولم يات الزمان بمثلها
كدي انت هسي اهل المسطبة مطالبين برسوم قبانة باثر رجعي
والوصية ادوها لي ود فريجون لكل من تخرج من مسطبة ابونورة
وتسامر فيها وبكي فيها وانتظر فيها خروج الريل

ماتخاف يافوراوي
البنية البتجيني وتجيب لي شماراتك
الحتة دي مخفية عنها اخربها ماجايبة خبرها
بس فوراوي جاب وفوراوي اشتري
دا حدها عليك امان الله
لكن في فت ناس تانين

برونزية
08-18-2011, 09:55 PM
نزار والله حننتني ممكون وصابر دا كله كاتمو في ضميرك
والحكومة ماجايبة خبر الماضي الكان
ياولد انا جاية وجايبة التقيل وراء
بس رمضان مكسرني وهادي حيلي
والولد احمد مصطفي شكله عنده الكثير
الكتير وعاصر جزء من الفطحالة والكلام دا مامعناه انك ديناصور يا ابوحميد
ممكن تكون عاصرت الاحداث وانت لسه بتلعب في كورة الشراب
يانزار في شلة قد يكونو سبقوكم عمرا وقعادا في المسطبة وتفرق بهم الزمان والمكان
لكن الغريبة جو راجعين تاني ورجعو الزمن الجميل وحصلو بواقي ريل فريق قدام
هسي بحاول لي في واحد واقنع فيه بالتسجيل هنا ومساعدتي في الفت
اللخدر حصل بوستيك وجيب اولاد دفعتك وجارو لينا اولاد السناب وخلونا نستمتع بالله

الصادق عبدالله ضرار
08-19-2011, 01:08 AM
الصادق ياخوى الزول دا رقد واطه بعد ماعرف القصه فيها شيكات وانا جيت ناطى ليو وفى معلومات حتطلع من برونزيه....عشان كده بقى يدخل بى هنا ويمرق بى هنا ورادارو شوش .... براحه براحه عليو ... اكان على انا عافى ليو لانو لحدى هسى نايم فى الخط بتاع فريقنا .... لكين برضو انت من حقك ينصف ماكل مايفتح خشموا معاك يقول ليك الحدبه
ابوالنييز ده يا احمد رادارو لا قط كويس تصدق ... لكن بنرخي ليهو لانو بعيشنا في دؤاما تصلح ان تكون مسلسل عدييل لو اراد ... ابوفاطنه ياشفيف ... إنداح وإرتاح ونحن بنتوجع معاك زي ماقال ابواللمين
خايفاك بكره تتوجع
وبتوجع انا ....
اقول ليها عويناتك خيار وعدي مسوره بي جدار صمتك (فتك)
وعذابي معاك بريدك قبل ما اعرفك
ده شوية نفس لابو فاطنه

الصادق عبدالله ضرار
08-19-2011, 01:14 AM
بكانا بنحروو برانا ، بعدين الريل البقولو عجزنا ما سمعت الميييير قال للود فوراوي اظنها بقت حبوبة ؟ يعني الجيل الذي ابكانا كلو قد يكون وصل لمرحلة زواج احفاده او حفيدته يعني الحال من بعضو

ياخ انتو شباب
الكلام على الروح
الجميل إنك لسه ما إستسلمت
مكتول العيون ...
صدقني الدنيا دي اجمل شي فيها الذكريات كان مره كان جميله
المره بأنواعها من قدان الوصل او رحيل عزيز
لانك سترجع وتتذكر المرارتين
وكذلك حلوه لانك تجتر اجمل اللحظات التي لا تنسى ,,,
لذا الذكريات هي زاد
فلا تحرمنا الزاد من الذات

الصادق عبدالله ضرار
08-19-2011, 01:15 AM
فورواي
اها شن عليكم حمله ... ردك شنو ؟
والدليل ؟
لكن لو قال الروب بنعفيهو

الصادق عبدالله ضرار
08-19-2011, 01:18 AM
ماتخاف يافوراوي
البنية البتجيني وتجيب لي شماراتك
الحتة دي مخفية عنها اخربها ماجايبة خبرها
بس فوراوي جاب وفوراوي اشتري
دا حدها عليك امان الله
لكن في فت ناس تانين

برونز يعني الود فوراوي لسه على الالسن
الماجايبه خبر معناها بس بتقول الكلام ده من باب ذكر الاسم
في زول لما تسمع اسمو بتتكيف عدييل
ده كان ما كنت براك ورردتو عشان تمتع نفسك ...
حاصل مش ؟

الصادق عبدالله ضرار
08-19-2011, 01:23 AM
اللخدر حصل بوستيك وجيب اولاد دفعتك وجارو لينا اولاد السناب وخلونا نستمتع بالله
ديل بتلحقو يا برونز ...
اها ناس دفعتي هنا متواجد دوما فقط عمر الكرور ... لكن ما عندنا ذكريات زي دي ما بنختا لكن ما بالمتعه والمزازه بتاعت اخونا ديل ...
وإن كانت التفاصيل متشابهه من حيث إنتظار الباصات ونهاية اليوم الدراسي عل الواحد يظفر بي نظره بس ... طلب متواضع صاح ... ومافي عشم كتير في لقاء لانه شبه مستحيل إلا من بعيد لي بعيد
نظام
just cry
وبعدين (الريلات ) ما بنقول مافي بنفس الق جماعة ناس نزار من وصفهم ده لكن في على درجات

ahmed mustafa omer
08-19-2011, 06:53 AM
الحبيب احمد : والله رادرنا ما طشا ، وبعدين انت ياولد بتولع في النيران مالك انا الكلام العارفو وحضرتو وعايشتو بمرقوا كلو ولدينا الاثباتات عليهو لان شخوصه قاعدين وتامين ولامين ، وبعدين دخولنا من هنا ومرقونا بهنالك كان للضرورة بدلا من اختزال ذاكرة الايام كلها في الحي البريطاني او فريق قدام او الحي الامامي جوار الاستبالية رفاعة يا ابوجميد كانت وفي اعتقادي مليانة ريل كتيير وموزع على احيائها ولكنها ريل الحي البريطاني استفاد من حملات الترويج الاعلامية لذا طغا على الساحة ؟
وبعدين يابوحميد الاشبال مافي حاجة تاني بتجيبهم رفاعة علا بتبقي ذكري لمن يسالوهم انتو من وين بقولو ماما وبابا بيقولو من رفاعة ولكن نحنا من الخرتوم ؟
اجزم ان فيهم من لم تري رفاعة ؟
لذا كان التنقل مابين التساتسات والحدبة ، ما تظل مو بقية الاحياء يا ابوحميد حتي فريقنا فريق السناب وامتداد ديم العوض كان فبهو ريل ، والدليل على ذلك ان اولاد فريق قدام بيكونو حضورا في ليالي حينا الملاح :SnipeR (85):والليل كلو نحن بنقعد نحنس في اولاد فريقنا يااخونا الناس ديل اصحابنا وجاو معانا خلوهم وخلونا نحضر الحفلة بمزاج لانو اولاد فريقنا جنهم وجن زول بقطع الخور ويجيهم احضر الرقايص في حلتم والا فانه مجلود مجلود مجلود ياولدي .
وبعدين الشيك محتاجلو اصلو العيد قرب وحبذا لو جات معاهو حبة دراهم امارتية واو بيزات عمانية المهم ان الشيك اجي وانا والبرونز بتنفاهم انت يا احمد اطلع منها .:SnipeR (63):

نزار يارائع انا والله ماداير اولع النيران لكن شفتك مركز على حق حلتنا بس الا هسى قلت فى الرد دا قلت الاحياء التانيه فيها .. ونقطه نظام نحن اظن ما دايرين حملات اعلاميه اظن انت معاى فى دى .

مساله اولاد فريقنا بمشوا حفلاتكم دى انا ماسمعت مستين ولا على موسى وضياء قالوا ماشين حفله فى فريق السناب ولا ديم العوض مره واحده مشوا عرس عند ناس عادل قجه لانو شاذلى والمرحوم امين اقرباء ناس عادل غير كده امكن كانوا بدسوا المشيه من ناس البيت .... والبركه فيكم انتو كنتو بستعملوا الفيتو عشانهم
نزار غير كده انت مننا وفينا . ناس الصادق ديل مايقولوا شيك معتمد وبرونزيه ماعارف تقول شنو وفوراوي ماعارف برضو يقول ايه .... والله زكرياتك دى نحن مابنقيمها بى كنوز الدنيا وكان هسى داير حوش فى فريقنا نديك ونجيب البراعم ونخليك مشرف والداير يجى ابكى واردح من بره دى مشكلتوا وكل البنديو ليو مناديل ورق والبردح وابكى شديد خليوا اسمع :

http://www.youtube.com/watch?v=2qvRY_HW3ZQ
شفت كيف انا معاك فى الخط وانسى الناس ديل

ahmed mustafa omer
08-19-2011, 07:05 AM
نزار والله حننتني ممكون وصابر دا كله كاتمو في ضميرك
والحكومة ماجايبة خبر الماضي الكان
ياولد انا جاية وجايبة التقيل وراء
بس رمضان مكسرني وهادي حيلي
والولد احمد مصطفي شكله عنده الكثير
الكتير وعاصر جزء من الفطحالة والكلام دا مامعناه انك ديناصور يا ابوحميد
ممكن تكون عاصرت الاحداث وانت لسه بتلعب في كورة الشراب
يانزار في شلة قد يكونو سبقوكم عمرا وقعادا في المسطبة وتفرق بهم الزمان والمكان
لكن الغريبة جو راجعين تاني ورجعو الزمن الجميل وحصلو بواقي ريل فريق قدام
هسي بحاول لي في واحد واقنع فيه بالتسجيل هنا ومساعدتي في الفت
اللخدر حصل بوستيك وجيب اولاد دفعتك وجارو لينا اولاد السناب وخلونا نستمتع بالله

برونزيه والله انا صغير وجاهل ونزار قال فى الوقت داك هم فى التاشرات ..... انا لهسى يدى من شيل جك المويه ليهم فيها فليته .... ونزار فى دى شاهدى وبوريك انا كان ديناصور ولا لا .... ...

ahmed mustafa omer
08-19-2011, 07:19 AM
ابوالنييز ده يا احمد رادارو لا قط كويس تصدق ... لكن بنرخي ليهو لانو بعيشنا في دؤاما تصلح ان تكون مسلسل عدييل لو اراد ... ابوفاطنه ياشفيف ... إنداح وإرتاح ونحن بنتوجع معاك زي ماقال ابواللمين
خايفاك بكره تتوجع
وبتوجع انا ....
اقول ليها عويناتك خيار وعدي مسوره بي جدار صمتك (فتك)
وعذابي معاك بريدك قبل ما اعرفك
ده شوية نفس لابو فاطنه

الصادق نزار قال لى بقيت اولع النيران .... عشان كده انا ماداير مشاكل وقال لى اطلع منها عشان كده ياخوى انا ماداير الشيك الانت قلتوا دا وبعدين شكلوا ضارب لانوا نزار قال ليك انا لى 20 سنه تقوم تدينى شيك زى دا ياخوى الشيك اديو نزار لزوم العيد ....

Nazar Hussien Babkir Frie
08-20-2011, 11:36 PM
:SnipeR (17)::smilie40:برونزيه والله انا صغير وجاهل ونزار قال فى الوقت داك هم فى التاشرات ..... انا لهسى يدى من شيل جك المويه ليهم فيها فليته .... ونزار فى دى شاهدى وبوريك انا كان ديناصور ولا لا .... ...
البت برونزية : الولد ابوحميد صغير ولكنه فاق الكبار واتلقدرو لانو عاصر اناس جمع بينهم الاخاء والود الصافي ، والابام ديك كان حدو شخم الباب لسقيا الشباب ال>ين كانو يمارسون اللهو البرئ من رياضة ، ويمكن كان بلبد جنب خشم الباب وبيسمع همس الشباب ل>ا حفظ الكتير والمثير الخطر / وهو لم ينداح في سيرة من يكبروه سنا تادبا وانا عارف انو حافظ للكتير من من الاحداث لكنه لم يبح عما يعرف حتي الان ، ولكنه بيستعمل معاي لغة الاشارات او الكلمات المفتاحية ونحنا بتولي شرح ما يريد الولد احمد من اشارته.
الليلة اول يوم افكر لتوقيعك وعجبني شديد ان الحاصل بيك انتي شوق وحنين ؟
اها نحنا توقيعا كان انها من ستحلم باللقاء الود فوراوي اختار جمالك في احساسك ، وبعدين اولاد فريق السناب كانو ومازالو من اطربو رفاعة وهم من ارقصوا الغيد الحسان زمان في كل احياء رفاعة يعني باختصار كانو اهل احاسيس عالية ل>ا انداحو طربا وغناءا لكل اهالي رفاعة ، وبعدين ولاد ا لاحياء التانية لا يريدون ان يفصحوا عن مكامن الحنينة فيهم اما نحن فليس لدينا اي حرج في الامر ؟؟
وبعدين الحكومات المحليةتعا ملنا معهم بمبدا الشفافية من البداية رغما عن الزعل حين ولوجنا لسوح المنتدي لانو معناه احياء لهيب النيران المخفية من زمن الجهل ، ولمن نقول ماشين رفاعة ببقي السؤال ناس امك في الخرطوم الموديك رفاعة شنو وتبدا التلفونات وصلت رفاعة وقاعد مع منو وبتعمل في شنو وبتجي متين ، وان تجاسرنا وقلنا الليلة بايتين في رفاعة بيبقي التساؤل نايم وين ومع ناس ناس منو ما بيتكم ماجر شوفتي كيف ؟اها عشان كدا نحن طلبنا حق اللجوء السياسي في رفاعة ولكن يظهر انو ناس فريق السناب لن يقبلونا ؟ وكدا النشوف ناس الحدبة لانو فريق قدام اصبح خلا وان تابو علينا ناس عمرنا قاعدين ما نحن وهم كان منابع زوادة المساكين هم عندهم التستاسات ونحنا عندنا الجو شوفتي كيف ؟
النت معلج معاي ليهو يومين اهو الليلة تمكنا من التواصل معكم ؟
امس طوفنا برفاعة رغما عن ان السبب ال>ي اوصلنا رفاعة كان حزينا الا اننا التقينا باخوة من الزمن الجميل ؟

الصادق عبدالله ضرار
08-21-2011, 01:07 AM
الزول بقى يفتش لي حرية حركتو ولى شنو يا ابوفاطنه
اعطني حريتي اطلق يديا ...
في انانيه في الاشياء ...

ahmed mustafa omer
08-21-2011, 07:12 AM
:sniper (17)::smilie40:
البت برونزية : الولد ابوحميد صغير ولكنه فاق الكبار واتلقدرو لانو عاصر اناس جمع بينهم الاخاء والود الصافي ، والابام ديك كان حدو شخم الباب لسقيا الشباب ال>ين كانو يمارسون اللهو البرئ من رياضة ، ويمكن كان بلبد جنب خشم الباب وبيسمع همس الشباب ل>ا حفظ الكتير والمثير الخطر / وهو لم ينداح في سيرة من يكبروه سنا تادبا وانا عارف انو حافظ للكتير من من الاحداث لكنه لم يبح عما يعرف حتي الان ، ولكنه بيستعمل معاي لغة الاشارات او الكلمات المفتاحية ونحنا بتولي شرح ما يريد الولد احمد من اشارته.
الليلة اول يوم افكر لتوقيعك وعجبني شديد ان الحاصل بيك انتي شوق وحنين ؟
اها نحنا توقيعا كان انها من ستحلم باللقاء الود فوراوي اختار جمالك في احساسك ، وبعدين اولاد فريق السناب كانو ومازالو من اطربو رفاعة وهم من ارقصوا الغيد الحسان زمان في كل احياء رفاعة يعني باختصار كانو اهل احاسيس عالية ل>ا انداحو طربا وغناءا لكل اهالي رفاعة ، وبعدين ولاد ا لاحياء التانية لا يريدون ان يفصحوا عن مكامن الحنينة فيهم اما نحن فليس لدينا اي حرج في الامر ؟؟
وبعدين الحكومات المحليةتعا ملنا معهم بمبدا الشفافية من البداية رغما عن الزعل حين ولوجنا لسوح المنتدي لانو معناه احياء لهيب النيران المخفية من زمن الجهل ، ولمن نقول ماشين رفاعة ببقي السؤال ناس امك في الخرطوم الموديك رفاعة شنو وتبدا التلفونات وصلت رفاعة وقاعد مع منو وبتعمل في شنو وبتجي متين ، وان تجاسرنا وقلنا الليلة بايتين في رفاعة بيبقي التساؤل نايم وين ومع ناس ناس منو ما بيتكم ماجر شوفتي كيف ؟اها عشان كدا نحن طلبنا حق اللجوء السياسي في رفاعة ولكن يظهر انو ناس فريق السناب لن يقبلونا ؟ وكدا النشوف ناس الحدبة لانو فريق قدام اصبح خلا وان تابو علينا ناس عمرنا قاعدين ما نحن وهم كان منابع زوادة المساكين هم عندهم التستاسات ونحنا عندنا الجو شوفتي كيف ؟
النت معلج معاي ليهو يومين اهو الليلة تمكنا من التواصل معكم ؟
امس طوفنا برفاعة رغما عن ان السبب ال>ي اوصلنا رفاعة كان حزينا الا اننا التقينا باخوة من الزمن الجميل ؟

العزيز نزار كلامك صاح والله كنت بكون لابد جنب الباب وبسمع وسمعت كتير وكمان والله جك المويه غذبتوا عذاب واللبده كلها كان عندها تمن وهو لمن ناس عبدالرحمن يكونوا ماشين التمرين التمن انوا بشيل الكوره وبمشى قدامهم وبعد التمرين برضو برجع قبلكم وكان اهم شى انة اشيل الكفر وامشى بيو البيت ولمن توصلوا بتلقوا المويه جاهزه ..... وكان فى حفله عرس بعمل تلج فى المويه عشان لمن اقول انا ماشى معاكم تكون فى موافقه مقابل الخدمات .....

تعرفوا البوست دا حرك فينى ذكريات وايام لن انساها ابدا ..... اما مساله الارتباط بى رفاعه واهل رفاعه دا موضوع كبير وكل يوم انا بتكلم مع مجدى موسى وبنبدا ونستنا عن رفاعه زول زول (وزنقه زنقه )وبيت بيت ودا كلوا لانو كاتلنى الشوق والحنيين ولمن انت والصادق تفتحوا موضوع زى دا بزيد الشوق والحنيين .... وكل ما اقوله تاتى المسافه والظروف لتحول دون ذلك وتزرع مكانه اللهفه والاشواق لاظل فى حساب دائم مع الزمن للقاء دائم وممتع ......

كدى يانزار نرجع وادينا حاجه واسالك سوال ورينا رايك اول اجازه لمن رجعت من المغرب انت ونادر عبدالله ومجموعه من الشباب والزملاء معكم وكان فى عرس وكان معاكم فنان من اولاد المغرب .... هل اقدر اقول دى فتره البراعم او رايك شنو . الدنيا قبايل عيد والحفلات جايه الماشى اشترى ليو بنطلون الماشى لى ودتروه او كجاجه يزين راسوا .... اها قبل ماتنشغلوا فى بيوت الرقايص برضو عايزين لمحه من الاستعداد للبهجه

ان شاءالله المره الجايه شقتكم رفاعه تكون لفرح وبرضو ربنا يرحم الجميع....

Nazar Hussien Babkir Frie
08-21-2011, 08:43 PM
فورواي
اها شن عليكم حمله ... ردك شنو ؟
والدليل ؟
لكن لو قال الروب بنعفيهو
اولا اقول ان الحملة ربما لها اسبابها الوجيهه عند شيخ العرب لانو عصبية الحي لبها تاثيرها ام انا نحنا فكنا قوميين يعني ممكن ان في عرس في قريقنا وعرس في مكان اخر من رفاعة بيكون حدنا بعد حفر الصيوانات وتقديم الخدمات لكن السهر لانصاص بيكون حيث منابع الجمال الكثيرة وممكن نحضر ان كان المرحوم ابو شغال في فريقنا غير كدا لا .
وبعدين شيخ العرب ذاتو قوليهو زمان كنت بتساهر وين بعد ذهابك لنادي العلم والوداهو نادي العلم شنو ماهو كل ناس فريقنا بيشجعوا الشعلة هو شجع العلم ليه ، لانو جماعتو اولاد فريق قدام كلهم كانوا لعيبة ومشجعين لفرقة العلم .
وبعدين نحنا زمان في الاجازات مقيلنا كلو يا في الحي الامامي ولا في فريق وراء يعني مرارت بنرجع ناس نوم وبس وامكن لتغيير ثيابنا ومن بعدها الانطلاق في سماوات الجمال في رفاعة زمان :011:.
الروووووب هو ما بقولو وانا ما براضاه ليهو شفت كيف .

Nazar Hussien Babkir Frie
08-21-2011, 09:46 PM
نزار يارائع انا والله ماداير اولع النيران لكن شفتك مركز على حق حلتنا بس الا هسى قلت فى الرد دا قلت الاحياء التانيه فيها .. ونقطه نظام نحن اظن ما دايرين حملات اعلاميه اظن انت معاى فى دى .

مساله اولاد فريقنا بمشوا حفلاتكم دى انا ماسمعت مستين ولا على موسى وضياء قالوا ماشين حفله فى فريق السناب ولا ديم العوض مره واحده مشوا عرس عند ناس عادل قجه لانو شاذلى والمرحوم امين اقرباء ناس عادل غير كده امكن كانوا بدسوا المشيه من ناس البيت .... والبركه فيكم انتو كنتو بستعملوا الفيتو عشانهم
نزار غير كده انت مننا وفينا . ناس الصادق ديل مايقولوا شيك معتمد وبرونزيه ماعارف تقول شنو وفوراوي ماعارف برضو يقول ايه .... والله زكرياتك دى نحن مابنقيمها بى كنوز الدنيا وكان هسى داير حوش فى فريقنا نديك ونجيب البراعم ونخليك مشرف والداير يجى ابكى واردح من بره دى مشكلتوا وكل البنديو ليو مناديل ورق والبردح وابكى شديد خليوا اسمع :

http://www.youtube.com/watch?v=2qvry_hw3zq
شفت كيف انا معاك فى الخط وانسى الناس ديل
الحوش المليان ماكنتوش لن نرفضه ولكن والله يا ابوحميد نحنا بيكفينا انو نكون اهل مودة ومحبة وفريقنا ما نبدلو وان تابي علينا صحبنا الكرام ، وبعدين ان اردنا العودة لرفاعة بنطالب بارجاع العديد من الصحاب والرفاق لانو رفاعة لا تحلو لي االا بتواجدهم وانت عارفهم نفر نفر فكيف السبيل اليهم ؟اما النائحين ديل خليهم يبكو عمرهم كلو ، فنحنا كنا من انصار :
انا مابقطف زهور خدودك بعاين بعيوني .
مستين وضياء وعلي موسي بيجو حفلات فريقنا بالدس وحضرو الكثير من ليالي حيننا ، وهنا اذكر ك بانني عقب سفري للمغرب تم تزويج اتنين من اخواتي فكان مستين وضياء وحافظ حلواني وعلى وعادل شريف وعبد اللطيف ابنعوف زكلندي والقرج وعوض همزة وغيرهم من رفاقة الزمن من وقفوا بجوار والدي علي:SnipeR (15):ه رحمة الله وقاموا بالواجب كله وكذلك كل منسوبي نادي الشعلة الشئ الذي انسي اهلي غيابي عنهم فزي ديل الواحد بينساهم ؟:011:

Nazar Hussien Babkir Frie
08-21-2011, 10:11 PM
ياخ انتو شباب
الكلام على الروح
الجميل إنك لسه ما إستسلمت
مكتول العيون ...
صدقني الدنيا دي اجمل شي فيها الذكريات كان مره كان جميله
المره بأنواعها من قدان الوصل او رحيل عزيز
لانك سترجع وتتذكر المرارتين
وكذلك حلوه لانك تجتر اجمل اللحظات التي لا تنسى ,,,
لذا الذكريات هي زاد
فلا تحرمنا الزاد من الذات
لا للاستسلام ، فمازالت اوراحنا شباب ، ومازلنا رغما عن تقادم اجيالنا من اهل المحبة الصافية ومازلنا نقدس الجمال ونمجدو لاننا تربينا على عشق الجمال والتبتل في مرحابه .
الذكريات هي زادي فيما ما تبقي من عمري لان ما عايشته لنا اعيشه مرة اخري لذا اختزنت مكامن الجمال في رفاعة لمواجهة عوائد الزمن ، فكنت اقول دائما انني قد صرت كائن مجتر ودا براهو بيحليني استمتع بما تبقي من عمر ، ليس تشاؤما ولكن لان مامضي لن يجود الزمان بمثله ؟؟؟
لذا جدو لي العذر ان تباكينا على ما مضي وليت الايام تعود بنا لرحاب المدبنة الحنينة رفاعة لنعيد ايامات حلوة وجميلة مع اناس عشقو ومجدو الجمال في رفاعة زمــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــان :86: وكفي ؟
لم نكن من الساهين اللاهين ولكننا كنا جزءا من مجتمع رفاعة العفيف ودا براهو جعلنا ندخل لكل بيوت رفاعة لاننا منهم وهم منا :011:
وما زلنا نكتب :
تصوري لما ابدا اكتب كتابتي
كيف بحتار وكيف بشقي
وطول اليل اشيل كلمة
اشطب برضو كم كلمة
عشان انتي الكلام
والذوق
وعشاني انا البموت
بالشوق
وما :SnipeR (15):قادر اوصف ليكي
ماساتي بعيد منك ؟

Nazar Hussien Babkir Frie
08-22-2011, 02:20 AM
:]العزيز نزار كلامك صاح والله كنت بكون لابد جنب الباب وبسمع وسمعت كتير وكمان والله جك المويه غذبتوا عذاب واللبده كلها كان عندها تمن وهو لمن ناس عبدالرحمن يكونوا ماشين التمرين التمن انوا بشيل الكوره وبمشى قدامهم وبعد التمرين برضو برجع قبلكم وكان اهم شى انة اشيل الكفر وامشى بيو البيت ولمن توصلوا بتلقوا المويه جاهزه ..... وكان فى حفله عرس بعمل تلج فى المويه عشان لمن اقول انا ماشى معاكم تكون فى موافقه مقابل الخدمات .....

تعرفوا البوست دا حرك فينى ذكريات وايام لن انساها ابدا ..... اما مساله الارتباط بى رفاعه واهل رفاعه دا موضوع كبير وكل يوم انا بتكلم مع مجدى موسى وبنبدا ونستنا عن رفاعه زول زول (وزنقه زنقه )وبيت بيت ودا كلوا لانو كاتلنى الشوق والحنيين ولمن انت والصادق تفتحوا موضوع زى دا بزيد الشوق والحنيين .... وكل ما اقوله تاتى المسافه والظروف لتحول دون ذلك وتزرع مكانه اللهفه والاشواق لاظل فى حساب دائم مع الزمن للقاء دائم وممتع ......

كدى يانزار نرجع وادينا حاجه واسالك سوال ورينا رايك اول اجازه لمن رجعت من المغرب انت ونادر عبدالله ومجموعه من الشباب والزملاء معكم وكان فى عرس وكان معاكم فنان من اولاد المغرب .... هل اقدر اقول دى فتره البراعم او رايك شنو . الدنيا قبايل عيد والحفلات جايه الماشى اشترى ليو بنطلون الماشى لى ودتروه او كجاجه يزين راسوا .... اها قبل ماتنشغلوا فى بيوت الرقايص برضو عايزين لمحه من الاستعداد للبهجه

ان شاءالله المره الجايه شقتكم رفاعه تكون لفرح وبرضو ربنا يرحم الجميع
تعرف يا احمد الكلام كتبر ولكنه احيانا يستعصي على ان اسطره حروفا فيكفي اانا قد عايشته بدمي ودموعي فما زالت الشخوص تتراي امام ناظري وانا اكتب ما عن لي من >كريات الزمن الجميل وكنت قد ابتدرت كتابة م>كرات بعنوان م>كرات شاب من فريق السناب من الكتاب حتي الاغتراب ، اما عن اول غودة لي رفاعة بعدان مضيت عامين كاملين في مغرب دنيتي الافل كما اسميه دوما لانه وان كان في سبيل تامين المستقبل الا انه اضاع على ازهي ايام عمري في رفاعة ، بعد استلاف عجلة ود فضيل لزوم تادية واجب العزاء في اناس قضوا نحبهم خلال غيابي عن رفاعة ، اها بعدها تفرغنا لمبارة ليالي رفاعة الملاح ، وكانت اول ليلة جوار ناس محمد سالم محمد اللمين وشغال فيها المرحوم ابو ، وجيت وانا كلي حنين لرؤية حسان رفاعة ، والادهي انني لم استطيع ان اتعرف الا على قدامي المحاربين من الحسان الغيد اما البراعم فلم اعرف منهم احد لدرجة ان محمد سعد عمسيب ومعتز ابقش بدو يشاغلوا فيني ويقولو لي الليلة تبكي بس ؟ومن الطريف ان احد فتية رفاعة ال>ين يصغروننا سنا ولم يكن يعرفني قد بدا بقولي ياشاب ما ضارتنا خلينا نشوف معاك ودي طبعا في رفاعة بوادر شكلة زمان فضحكت وقلت باسمه يا الشيخ انت قايلني انا غريب انا ود رفاعة ، بعدها طلعت المسرح مع الشيالين واستمتعت بسهرة رفاعية اصيلة ؟
اها المناسبة البتقول عليها يااحمد نحن اولاد رفاعة في المغرب كان حضور طاغي في كل محافل الطلبة في المغرب ومنزلنا انا ونادر عبد الله حاج الخضر كان قبلة الزوار من زملائنا من كافة المدن المغربية لاننا كنا اهالي طرب وغنا ولانو الود نادر كان عازفا مجيدا لالة الاكورديون ونحنا حابنا الله يصوت ما بطال يعني ممكن نكون فنانين حيرة وك>لك بملكة حفظ الكثير من الاغاني الجميلة لاساطين الحقيبة وكنا بنبدا باغنية ابوبكر عبد الرحمن ادم عليه رحمة الله :؟
من قلبي ادعو لها
الفي رفاعة يدوم سعدها
يا عبيليلة وليليو مها تبري لونها
حرير جسمها
القمر خالها وعمها
والشمس تشبها امها
وقد حضرمعنا الود الفنان سامي المغرب ليلة من ليالي رفاعة الملاح وكان من المفترض ان يحي حفل زفاف نادر عبد الله في رفاعة ولكنه اعت>ر لظروف طارئة ودا طبعا قبل ان يشتهر ويصبح مغني اهل ال>وات في كرش الفيل وقبيل هجرته للولايات المتحدة الامريكية ، ولكما التقيه في محفل خرطومي بضحك وبقوليهو يا اسماعيل ودا اسمو الحقيقي اتعلمت الغنا °0àبحقنا لانه كان خجولا ولكننا كنا نصر عليه ان يطربنا في ليالي المغرب الملاح ، : (::coolq8y-com (47):يا احمد خلينا على العلينا ما بقوليك بتولع النيران وبس انت بتزيدها اشتعال وانا ماني مسؤول :smilie14:مجدي موسي طولتو منو بلغه التحايا ليهو زمن ما رسل ايميل ، رفاعة زمان نار ونيران اشتعلت في قلوب من عاصرونا فيها ؟وقد حضر معنا زميل يمتلك حنجرة >هبية اسموحمدان دا خلي الدقاش يقول بكرة الود دا نمشي بيهو جنينة ناس عبد اله حاج الخضر وقد كان ؟
الباقي لي بكرة ؟ لان الجرعة دايرنها حبة حبة على وزن زنقة زنقة وحارة حارة بتاعت القدافي

Nazar Hussien Babkir Frie
08-22-2011, 02:47 AM
الزول بقى يفتش لي حرية حركتو ولى شنو يا ابوفاطنه
اعطني حريتي اطلق يديا ...
في انانيه في الاشياء ...
تعرف يا الخدر دي اشكالية انك تتزوج من غير بنات مدينتك ، يمكن تكون بتعرفك وبتعزك زلكنها لن تترك لك الحرية في الاندياح مع بنيات مدينتك ان التقيتهن في محفل وببدا الزعل دي ليه سلمت عليها كدا ودي مالها بتعاين ليك ، ايام شهر العسل وقد صادف >لك عقد قران عبد الطيف ابنعوف في بري ن قلت ياولد دا برنامج النسوق المدام واعرفها ببعض صاحبي واهلي من ناس رفاعة ، اها من مادخلنا وانا بسالم على بنيات رفاعة وبعد تعريفهابهم المدام بقت بتمارس رقابة شديدة وانا انظر لها بطرف خفي وبضحك والحفلة بحسين شندي وانا منداح طرب وهجيج مع شباب وشابات رفاعة وحاتك ياللخدر يومين زعلانة بقت تقولي انا والله عارفاك بتسوقني وتنساني والله ماكان مشيت معاك العرس . ومرة تانية احتلفنا باخونا ايهاب صالح عقب زواجه في الريفيرا وكنا مجموعة من المنتدي وحضرنا ومعنا البنية اها مع الونسة بطبعي بناظر ليها من بعيد وعارفها بتكون زعلانة لمن مرقنا قلت اها الن ديلون طالع معاك اها تاني عايزة شنو حتي ضحكت بعدها عرفت انو ما في حرية ؟
ولكننا مازلنا حرفا وبنسرق ال:SnipeR (75):لعب شوفت كيف ؟

الصادق عبدالله ضرار
08-22-2011, 11:16 PM
مشكله ... خطيره جد
وهكذا هن ... الا من رحم ربي
وزي ما قال حسين خوجلي
هل يصلح العطار ما افسده الدهر
اي زول في الدنيا دي عندو ماضي ... في ماضي بتحتقرو وتحتقر نفسك فيهو
وفي ماضي بتتمنى لو يرجع
وبتحن ليهو
اها الشينه منكوره زي ما قال عراضه وتيوه
اما الماضي التاني فلماذا لا نمتع انفسنا به كذكرى لان الماضي فات راح وانتهى
ودي
و

الصادق عبدالله ضرار
08-22-2011, 11:20 PM
بالله عليك يا نزار وفوراوي واحمد اسمعوا الغنيه دي كإستراحه ... الود ابدع فيها
الناس ما بتريح


http://www.youtube.com/watch?v=-PAB2aEuWb0

Nazar Hussien Babkir Frie
08-23-2011, 12:06 AM
:Ra (36):مشكله ... خطيره جد
وهكذا هن ... الا من رحم ربي
وزي ما قال حسين خوجلي
هل يصلح العطار ما افسده الدهر
اي زول في الدنيا دي عندو ماضي ... في ماضي بتحتقرو وتحتقر نفسك فيهو
وفي ماضي بتتمنى لو يرجع
وبتحن ليهو
اها الشينه منكوره زي ما قال عراضه وتيوه
اما الماضي التاني فلماذا لا نمتع انفسنا به كذكرى لان الماضي فات راح وانتهى
ودي
و
تعرف ياللخدر اهم حاجة انك تكون متصالح مع نفسك ، ولو استطعت ان تكسب نفسك فما يقوله الناس لن ياثر عليك ، اهو نحن من النوع دا عارفين نفسنا كويس لذا انداحنا ولم يمنعنا شئ من كتابة كلما يجول بخاطرنا ليس كتذكرة فقط ولكنها كانت حياتي من غير رتوش وفذلكة ربما تعجب البعض صراختنا وربما لا تعجب الكثيرين ولكننا نحسب اننا قد ارضينا انفسنا ودا براهو بخلينا سعيدين ومنتشين وكفي ؟
الشينة بطبعها منكورة زي ماقال عراضة وتيوة ولكننا نقول من كان منكم بلا خطيئة فليرمنا بحجر شفت كيف ، عشنا حياتنا في رفاعة بطولها وعرضها ، وكنا جزءا من حراكها الرياضي والثقافي بدا من روابط والناشئين وانتهاء بنادي الشعلة ، وكنا اعضاء مؤسسين لرابطة اصدقاء جعفر للكرة الطائرة ، وبعدا ان ادينا ما علينا تجاه رفاعة في المناحي المذكورة كان لابد من اراحة انفسنا بالسهر ومشاهدة الغيد الحسان لان من تكون نفسه بغير جمال من وجهة نظري لا يستحق الحياة ؟
لذا لم نجد حرجا من كتابة جزء من تاريخنا في رفاعة بدون توش وفذلكات كناوما زلنا نحمل الود والاخاء لكل من عرفنا في رفاعة ولا نزال كذلك ، لذا مازال الود موصول بينا وبين من عرفنا والفنا في رفاعة ، لذا تباكينا على ماضينا فيها متمنين ان يجود لنا الزمان باللقاء باناس كثر اثروا حياتي واثرو فيهامن كافة النواحي لذا ما زلنا حافظين للوداد لاناس حفظو لنا الود وبس ؟
الاغنية حلوة وجميلة وكل مرة اتفحنا بروائع الكلم لاننا من ذواقة الغنا النظيف .
لذا كتبنا بصدق ما عشناه وعايشناه وكفي.:smilie1:

ahmed mustafa omer
08-23-2011, 10:15 AM
:ra (36):
تعرف ياللخدر اهم حاجة انك تكون متصالح مع نفسك ، ولو استطعت ان تكسب نفسك فما يقوله الناس لن ياثر عليك ، اهو نحن من النوع دا عارفين نفسنا كويس لذا انداحنا ولم يمنعنا شئ من كتابة كلما يجول بخاطرنا ليس كتذكرة فقط ولكنها كانت حياتي من غير رتوش وفذلكة ربما تعجب البعض صراختنا وربما لا تعجب الكثيرين ولكننا نحسب اننا قد ارضينا انفسنا ودا براهو بخلينا سعيدين ومنتشين وكفي ؟
الشينة بطبعها منكورة زي ماقال عراضة وتيوة ولكننا نقول من كان منكم بلا خطيئة فليرمنا بحجر شفت كيف ، عشنا حياتنا في رفاعة بطولها وعرضها ، وكنا جزءا من حراكها الرياضي والثقافي بدا من روابط والناشئين وانتهاء بنادي الشعلة ، وكنا اعضاء مؤسسين لرابطة اصدقاء جعفر للكرة الطائرة ، وبعدا ان ادينا ما علينا تجاه رفاعة في المناحي المذكورة كان لابد من اراحة انفسنا بالسهر ومشاهدة الغيد الحسان لان من تكون نفسه بغير جمال من وجهة نظري لا يستحق الحياة ؟
لذا لم نجد حرجا من كتابة جزء من تاريخنا في رفاعة بدون توش وفذلكات كناوما زلنا نحمل الود والاخاء لكل من عرفنا في رفاعة ولا نزال كذلك ، لذا مازال الود موصول بينا وبين من عرفنا والفنا في رفاعة ، لذا تباكينا على ماضينا فيها متمنين ان يجود لنا الزمان باللقاء باناس كثر اثروا حياتي واثرو فيهامن كافة النواحي لذا ما زلنا حافظين للوداد لاناس حفظو لنا الود وبس ؟
الاغنية حلوة وجميلة وكل مرة اتفحنا بروائع الكلم لاننا من ذواقة الغنا النظيف .
لذا كتبنا بصدق ما عشناه وعايشناه وكفي.:smilie1:الاعزاء دمتم ودامت زكرياتكم لقد كان لها صدى السحر فى نفسى ونفس اكثر من 900 مشاهد وقارى وهذا ان دل يدل على قيمه ماتم تسطيره والحمد لله لم تصبنا الانانيه فى الاحتفاظ بها لنفسنا فقد قمتم بسردها فى سطور ولم تبخلوا بنشرها لما تحتوى من اشياء جميله متمثله فى حسانها ووجهائها وليليها وطربها وفرحها وحتى حزنها تم التعبير عنه بصوره جماليه وكل ذلك تم من دواخل نقيه عفيفه وطاهره وهذا ما نشاءنا عليه وما شبنا عليه (نزار انا والصادق لحدى هسى ما وصلنا مرحله الشيب لسه) ولا اجد هنا غضاضه فى ذكر ذلك ولا اظن يوجد احد يعارض ذلك الطرح الراقى لهذه الزكريات ولو اساسا لم تعجب احد لظهر ذلك ولكنت اولهم ولا ما كده ياماكنتوش (دى اشاره نزار بكون فهمها)

اخى نزار لقد شب جيلكم على حب المجتمع والاهل وانجنزتم واديتم واجبكم وشى طبيعى ان كل من يحمل او يودى كل هذه الاشياء الجميله فهو شحص جميل .والشخص الجميل من الطبيعى ان يحب الجمال وهذا يرتبط بذاك .....وكان الجزاء هو الود والاخاء والصفاء , وكما قلت من لم تكن نفسه بغير جمال فلا يستحق الحياه . هذا ما تعلمناه منكم وهذا ما علمته رفاعه لكم ولنا .... واملى ان يدوم الود ...

على الرغم من ابتعادى من الوطن او ان صح التعبير رفاعه الوطن فان السلوى الوحيده التى تسلينى فى غربتى الطويله فهى زكرياتى برفاعه واتباكى الليالى فرحا على تلك الايام الجميله وحزنا على عدم تكرارها مره اخرى برفاعه ... لذلك لا اكل من تكرار زكرياتى مرارا وتكرار حتى اصبحت واقع يومى من حياتى ... لذلك اصبحت اعيش عليها وتلك هى الحقيقه ,,,, ودمتم ودامت الزكريات وعشتم وعاشت الزكريات ....
اللخدر الاغنيه اختيار راقى لك الود .....
نرجع يانزار الدنيا عيد دايرك تعمل طاقه للرقايص .... المره دى الجو لا ,,,,والحدبه لا ,,,, ماشين الجنيد باللفه كيلو صفر

Nazar Hussien Babkir Frie
08-24-2011, 01:06 AM
الاعزاء دمتم ودامت زكرياتكم لقد كان لها صدى السحر فى نفسى ونفس اكثر من 900 مشاهد وقارى وهذا ان دل يدل على قيمه ماتم تسطيره والحمد لله لم تصبنا الانانيه فى الاحتفاظ بها لنفسنا فقد قمتم بسردها فى سطور ولم تبخلوا بنشرها لما تحتوى من اشياء جميله متمثله فى حسانها ووجهائها وليليها وطربها وفرحها وحتى حزنها تم التعبير عنه بصوره جماليه وكل ذلك تم من دواخل نقيه عفيفه وطاهره وهذا ما نشاءنا عليه وما شبنا عليه (نزار انا والصادق لحدى هسى ما وصلنا مرحله الشيب لسه) ولا اجد هنا غضاضه فى ذكر ذلك ولا اظن يوجد احد يعارض ذلك الطرح الراقى لهذه الزكريات ولو اساسا لم تعجب احد لظهر ذلك ولكنت اولهم ولا ما كده ياماكنتوش (دى اشاره نزار بكون فهمها)

اخى نزار لقد شب جيلكم على حب المجتمع والاهل وانجنزتم واديتم واجبكم وشى طبيعى ان كل من يحمل او يودى كل هذه الاشياء الجميله فهو شحص جميل .والشخص الجميل من الطبيعى ان يحب الجمال وهذا يرتبط بذاك .....وكان الجزاء هو الود والاخاء والصفاء , وكما قلت من لم تكن نفسه بغير جمال فلا يستحق الحياه . هذا ما تعلمناه منكم وهذا ما علمته رفاعه لكم ولنا .... واملى ان يدوم الود ...

على الرغم من ابتعادى من الوطن او ان صح التعبير رفاعه الوطن فان السلوى الوحيده التى تسلينى فى غربتى الطويله فهى زكرياتى برفاعه واتباكى الليالى فرحا على تلك الايام الجميله وحزنا على عدم تكرارها مره اخرى برفاعه ... لذلك لا اكل من تكرار زكرياتى مرارا وتكرار حتى اصبحت واقع يومى من حياتى ... لذلك اصبحت اعيش عليها وتلك هى الحقيقه ,,,, ودمتم ودامت الزكريات وعشتم وعاشت الزكريات ....
اللخدر الاغنيه اختيار راقى لك الود .....
نرجع يانزار الدنيا عيد دايرك تعمل طاقه للرقايص .... المره دى الجو لا ,,,,والحدبه لا ,,,, ماشين الجنيد باللفه كيلو صفر
اها الليلة لا حدبة ولا تساتسات الليلة ذي نا قال الود أحمد كيلو صفر عديل ، وهو بدء لكم بزيانة الرؤؤس عند كجاجة المستعصم بدف مدينة الدمام كما احسب ، اها بعد الزيانة بتبدي تجهيزات ملابس العيد ان افرنجية فلابد من عوض سقط او عمر الاردن وان لم تحظي بهما فهنالك السر همزة او ادم او غيره من الترزية الافرنجية اما ان كانت بلدية فنحن كنا من انصار اولاد الفادني فكل منا لديه من يتعامل معه من امهر الترزية في رفاعة زمان ، اما عمنا على قسم السيد فدا كان ترزي الصفوة من ابناء رفاعة وكذلك بابكر ود الاسيد .
اها بعد التجهيزات بتبدا تتساقط اخبار المناسبات السعيدة ، وطبعا رفاعة كلها بتكون مهيئة مشاعرها لحفلات الاعراس ، وخاصة زواج الريل وزي دي حلفتها بتكون محضورة وبتحصل فيها الكثير من الطرائف خاصة لمن فجعوا فيها ، :SnipeR (63):وطبعا في ناس بتكون احضرت اسنافي العيد من كيلو صفر وديل بيكونو ظاهرين وديل بيعتبروا اولاد عز لانو المسالة محتاجة ايجار عربة لاحضاره ودي زمان قليلة اما ما تبقي فليجا لكايدو وملوة وغيرهم من بائعات الفرح المعبا في زجاج ودا كلو لزوم التجاسر واحتمال ضياع عشق العمر ومن هنا تببدا المفارقات والضحكات والمكاواة بين افرادشلتنا ؟
اما نحن فبرامجنا تبدا من القيدومات لاننا كما قلت كنا اساسين قبل الكراسي وذلك على حسب قربك من اهل المناسبة وحتي ان لم تكن تجمعك بهم علاقة فالمناسبة فرح والبساط احمدي زمان .
في الذاكرة مناسبة عديدة كنا حضورا فيها خاصة بعد اجتيازنا لامتحانات الشهادة السودانية حيث تعتبر الفترة الفاصلة بين ظهور النتائج ونتيجة القبول اطول اجازة في حياتنا واخالها كانت امتع ايامنا حيث التفرغ التام لممارسة كل الهوايات من رياضة ومنها ايضا مباراة الرقايص واللهو المباح في ليالي رفاعة الملاح ايام زمان ويا حليل ايام زمان ؟
اها في حكاوي كتيرة ال:smilie47:ليلة بدينا بالتجهبزات بكرة حكايات من يوم الوقفة

Nazar Hussien Babkir Frie
08-24-2011, 01:37 AM
نزار والله حننتني ممكون وصابر دا كله كاتمو في ضميرك
والحكومة ماجايبة خبر الماضي الكان
ياولد انا جاية وجايبة التقيل وراء
بس رمضان مكسرني وهادي حيلي
والولد احمد مصطفي شكله عنده الكثير
الكتير وعاصر جزء من الفطحالة والكلام دا مامعناه انك ديناصور يا ابوحميد
ممكن تكون عاصرت الاحداث وانت لسه بتلعب في كورة الشراب
يانزار في شلة قد يكونو سبقوكم عمرا وقعادا في المسطبة وتفرق بهم الزمان والمكان
لكن الغريبة جو راجعين تاني ورجعو الزمن الجميل وحصلو بواقي ريل فريق قدام
هسي بحاول لي في واحد واقنع فيه بالتسجيل هنا ومساعدتي في الفت
اللخدر حصل بوستيك وجيب اولاد دفعتك وجارو لينا اولاد السناب وخلونا نستمتع بالله
عن رواد العتبة الاثيرة والمحببة لاولاد فريق قدام واصحابهم ، اها دي براها الكلام فيها كتير ، لانها جمعت فاوعت وخرجت اجيال تفاخر بها رفاعة كلها في شتي مناحي الحياة كما احسب انا ؟
ديل كنا اهل ثقافة عالية وكانو كذلك ممن اثرو الحياة الرياضية فيها فكانو ابرز الرياضين من الجالسين في عتبة ناس ابونورة وهم كثر وهم معروفين لكل جيلنا والاجيال التي تلتنا نحن ؟
اما نحن فكما كتبت لم نكن نتجاسر للجلوس معهم لانهم يكبروننا سنا وقدنشائنا على احترام من هم اكبر منا سنا ولكننا كنا نحلم بان نحتل مكانهم يوما ما ، وكنا نناظر اليهم من بعيد في مشينا اليومي للشيخ الطيب او حين شقنا للحي الامامي جوار الاستبالية لممارسة لعبة كرة القدم او للمذاكرة او لزيارة زملينا المرحوم على محمد احمد ابونورة عليه رحمة الله ؟
اما انا اشد ما يعجبني فيهم حين نلتقي ليلا في رقايص رفاعة ، فكنا نقف بالقرب منهم مذهولين لانهم في حديثهم عن الريل كانو يلجاون لاستخدام لغة الفرنجة لتميزهم فيها فكنا نلتقط منهم بعضا من الاوصاف والكلمات لزوم الفذلكة وللتعبير عما حفظناه منهم فهم كانو مدرسة لنا استفدنا منها ايما استفادة ، فيهم من ربطتنا به علاقات خاصة فكنا نتجاذب معه اطراف الحديث ، ومنهم من اثار اعجابنا حينما يتحدث عن السياسة خاصة الفكر الجمهوري الذي اسر بعضا من رواد العتبة الشهيرة انفة الذكر ، ديل اساطين يلا الله يكمل ليك الشهر وتجينا وترجعينا لايامهم فهم كانو غدوة لنا وكفي.وقد حفظنا الحد الفاصل بيننا وبينهم لانهم اهل لاحترامنا وتقديرنا ، فيهم واحد كتبت عن بدلتو بس ولي الليلة ما جانا ظاهر ياربي يكون :SnipeR (63)::smilie47::smilie47: الحاصل شنو ؟
في اللفة حقت الوريف ياليلي اولاد السناب عذاب .

ahmed mustafa omer
08-24-2011, 06:42 AM
اها الليلة لا حدبة ولا تساتسات الليلة ذي نا قال الود أحمد كيلو صفر عديل ، وهو بدء لكم بزيانة الرؤؤس عند كجاجة المستعصم بدف مدينة الدمام كما احسب ، اها بعد الزيانة بتبدي تجهيزات ملابس العيد ان افرنجية فلابد من عوض سقط او عمر الاردن وان لم تحظي بهما فهنالك السر همزة او ادم او غيره من الترزية الافرنجية اما ان كانت بلدية فنحن كنا من انصار اولاد الفادني فكل منا لديه من يتعامل معه من امهر الترزية في رفاعة زمان ، اما عمنا على قسم السيد فدا كان ترزي الصفوة من ابناء رفاعة وكذلك بابكر ود الاسيد .
اها بعد التجهيزات بتبدا تتساقط اخبار المناسبات السعيدة ، وطبعا رفاعة كلها بتكون مهيئة مشاعرها لحفلات الاعراس ، وخاصة زواج الريل وزي دي حلفتها بتكون محضورة وبتحصل فيها الكثير من الطرائف خاصة لمن فجعوا فيها ، :sniper (63):وطبعا في ناس بتكون احضرت اسنافي العيد من كيلو صفر وديل بيكونو ظاهرين وديل بيعتبروا اولاد عز لانو المسالة محتاجة ايجار عربة لاحضاره ودي زمان قليلة اما ما تبقي فليجا لكايدو وملوة وغيرهم من بائعات الفرح المعبا في زجاج ودا كلو لزوم التجاسر واحتمال ضياع عشق العمر ومن هنا تببدا المفارقات والضحكات والمكاواة بين افرادشلتنا ؟
اما نحن فبرامجنا تبدا من القيدومات لاننا كما قلت كنا اساسين قبل الكراسي وذلك على حسب قربك من اهل المناسبة وحتي ان لم تكن تجمعك بهم علاقة فالمناسبة فرح والبساط احمدي زمان .
في الذاكرة مناسبة عديدة كنا حضورا فيها خاصة بعد اجتيازنا لامتحانات الشهادة السودانية حيث تعتبر الفترة الفاصلة بين ظهور النتائج ونتيجة القبول اطول اجازة في حياتنا واخالها كانت امتع ايامنا حيث التفرغ التام لممارسة كل الهوايات من رياضة ومنها ايضا مباراة الرقايص واللهو المباح في ليالي رفاعة الملاح ايام زمان ويا حليل ايام زمان ؟
اها في حكاوي كتيرة ال:smilie47:ليلة بدينا بالتجهبزات بكرة حكايات من يوم الوقفة

يا ظريف الداير حاجه من كيلو صفر نحن عندنا زول شغال فى الجنيد ممكن اجيب معاو ..... وكان داير الجلابيه بى رقبه حقت ختميه ود الحوار ممكن يطلع ليك واحده والاحذيه دكان الرشيد مجدوب ممكن تشترى برضو ... وفتيل ريحه من دكان ابراهيم .... واحجز الببسى من فروسيد .... والزينه دكان شمس الدين .... والصيوان امشى كلم ناس الشريف من الليله .... التلج كلمنا ود البهجه واب اربعه ولا عكود ... والترحيل اكان ماعندك عربيه نكلم حاج النور باكارو بجيبوا البيت.... وبالليل برضو ممكن تمشى تشوف الحسان عاوزين ينجزوا حاجاتهم عشان كده دكان كمال عاشميق والجوهره زحمه وعبدالعزيز وخضر مالك برضو زحمه .... وطبعا نحن بعد مسكنا الرايه منكم بعد سفركم للدراسه كان جدول الحفله بناخدو حار حار لانوا لمن احجزوا عاصم عمر وعبدالله بالاورغن كانوا بحجزونا معاه ودا بعد مادربتونا يعنى اشبالكم .... واخر شى عبدالقادر تلب بقول لينا امشوا نحن بنجى وراكم ..... لقيت الخلطه دى كيف ذكريات السبعينات بى التمانينات .... وياحليل زمانا وزمانكم ....

Nazar Hussien Babkir Frie
08-24-2011, 03:26 PM
يا ظريف الداير حاجه من كيلو صفر نحن عندنا زول شغال فى الجنيد ممكن اجيب معاو ..... وكان داير الجلابيه بى رقبه حقت ختميه ود الحوار ممكن يطلع ليك واحده والاحذيه دكان الرشيد مجدوب ممكن تشترى برضو ... وفتيل ريحه من دكان ابراهيم .... واحجز الببسى من فروسيد .... والزينه دكان شمس الدين .... والصيوان امشى كلم ناس الشريف من الليله .... التلج كلمنا ود البهجه واب اربعه ولا عكود ... والترحيل اكان ماعندك عربيه نكلم حاج النور باكارو بجيبوا البيت.... وبالليل برضو ممكن تمشى تشوف الحسان عاوزين ينجزوا حاجاتهم عشان كده دكان كمال عاشميق والجوهره زحمه وعبدالعزيز وخضر مالك برضو زحمه .... وطبعا نحن بعد مسكنا الرايه منكم بعد سفركم للدراسه كان جدول الحفله بناخدو حار حار لانوا لمن احجزوا عاصم عمر وعبدالله بالاورغن كانوا بحجزونا معاه ودا بعد مادربتونا يعنى اشبالكم .... واخر شى عبدالقادر تلب بقول لينا امشوا نحن بنجى وراكم ..... لقيت الخلطه دى كيف ذكريات السبعينات بى التمانينات .... وياحليل زمانا وزمانكم ....
الود أحمد كمل كل التجهيزات باقي للشباب تاني شنو غير ان يبدوا الوقفة بتاعت العيد ان كانت وقفة عيد فطر ولا عيد اضحية بوتيرة واحدة وهي انتظار مغيب الشمس للاتجاه سوق رفاعة بالشارع الرئيسي وصولا الى العمود القابع امام صيدلية عمنا المرحوم يوسف الميل ، هنا يبدا تجمع الشباب الولهين العاشقين للجمال فمن هنا تعبر جحافل الحسان في سعيهن لشراء احتباجات العيد من كل المحلات التي ذكرها الواد النجيب احمد ، فكل من يقف هنالك لديه مراده فيهم من يقنع بالتحايا دي براها بترضيهو لدرجة الانتشاء وبمكن الاقيك اقوليك والله الليلة فلانة سلمت على باسمي ودي براها قمة غايته انو بس يسلمو عليهو ولو من بعيد ، ومنهم من يكون متفقا مع الريلة التي هواها على الالتقاء بالسوق ومن بعدها مشوار غرامي عفيف بحراسة اخواتها او صويحباتها مع متعة التجول معهن لشراء احتيجاتهم كاملة غير منقوصة مع وقوفك خارج المحل الذي يشترين منه رفقة الريلة التي توصي صويحاباتها بجلب ما تحتاج اليه من اشياء ، ومنهم من يقف لمعاكسة الجميع المهم انه يرضي نفسه ودي تسببت في كثير من الاحداث ابان تواجد مولانا الصادق اذ تم جلد العديد من زوار العمود الشهير بسبب كلمة قيلت اثناء مرور مولانا فاعتبرها اهانة خاصة كلمة (حقتك )؟
وبلا بعد ان ينال كل من الواقفين على ما يريضيه ، تبدا رحلات العودة الى المنازل مع الساعات الاولي للصباح ، وطبعا تقديمة ما قبل العيد دي بالدنيا وطبعا بتكون معاها هدية قارورة عطر او كرت معايدة وكمان زيادة للالفة بيكون معاها عرضحال لقراته طيلة نهار العيد املا في التلاقي ان كانت هنالك قيدومة يوم العيد او الصبر للتلاقي في ثاني ايامه حيث تكثر المناسبات ؟
بعدين ياحمد انتو باين عليكم فوتنا لانكم كنتم صحبة الود العازف الماهر عاصم عمر يعني من العربون بتحددو مكان الحفلة ، اها مكان الحفلة كنا بنعرفو من الريل خاصة اعراس منطقة الحد الفاصل ما بين سوق اللبن والحلة الجديدة .
بعد صلاة العيد ومواجبة الجيران بتبدا مشاويرنا عصرا ان لم نكن قد اتفقنا على التمرين عصرا في ميدان التحرير وتبدا بتبادل الزيارات على امل التجمع مساءا قرب حوشكم او بالقرب من كوبري العمراب ناحية ود فضيل للزحف على الليالي الملاح للتوجه نحو ود ابنعوف عبد اللطيف ومن بعد ناحية حافظ حلواني وبعد اكتمال عقد الشياب بيبدا اللهو المباح اها نبدا بمناسبة ناس منو انا والله الحلة الجديدة اساسية ونحنا قراب منها نشق الساحة الشعبية بس بنصل الحفلة عند ناس فلان لانو الجماعة موجودين ويعدين ان ماشين الحد الفاصل لشارع اللبن ان ببيعكم لاني بمشي معاهم بوصلم وبجيكم راجع ولا ياود حلواني ارح معاي وبعدين بنجي راجعين سوا ،هكذا كنا نمضي ليالي الاعياد ، وانتو يا احمد عشتو بعدنا واتعلمتو مننا اكيد انتو حتكونو الحوار الغلب شيخو ،
الود تلب طبعا كان زي ما بيقول خزنة وحارسها جان وكلما التقيه مصادفة في الخرطوم في مواصلات الثورة بقوم بشاغلو بقوليهو محل ما نمش بنلقي ناس رفاعة بيرد على قبل ان يلتفت هو انت لاقي انك تلاقي ناس رفاعة اسعد منك مافي ؟:011:
ودي لمحات من ليالي الاعياد خاصة لقاءات الوقفة وطرائفها كتتيييييييرة .ومن الطرائف يوم وقفة كنا انا وعيدالباقي ريبا وحافظ حلواني عندنا جنبه وعاوزبن نتقسموا مع بعض المهم طلبنا من ود حلواني الذهاب للحلواني المجاور لفكة الجنيه وكنا عارفين بان صاحبه من ظرفاء رفاعة ، فساله ود حلواني عندك فكة جنيه فاجابه عندنا زبادي وعندنا باسطة وعندنا حليب وعندنا فكة جنيه ، ثم اعقبها قائلا ياود حلواني الصلعة فورميكا والرقصة جاميكا فضحكنا كما نضحك من قبل ؟:86:
كل جيل ليهو حكاويه نحنا قلنا بعض العندنا اها النشوف جيلكم يا احمد بنداح ولا برضو ا

الصادق عبدالله ضرار
08-24-2011, 06:37 PM
نزار واحمد
اعتذر للغياب لظروف السيد محمد فقد كان بعافيه شويه
لكن متعتونا والله متعتعتونا
احمد الليله ذكرتنا عمنا النور جلي رحمه الله والكارو وجيب الصيوان وشيلو ... زمن جميل كيف هسي ابن عمي عثمان النور جلي مواصل في احضار الصيوان وعدة العرس من كراسي وترابيز ....
والله الزول قاعد يتخيل في الونسه دي كأنها حاصله الان امامه .... كل التفاصيل دي عشناها بمتعه
يديكم العافيه

Nazar Hussien Babkir Frie
08-24-2011, 11:10 PM
نزار واحمد
اعتذر للغياب لظروف السيد محمد فقد كان بعافيه شويه
لكن متعتونا والله متعتعتونا
احمد الليله ذكرتنا عمنا النور جلي رحمه الله والكارو وجيب الصيوان وشيلو ... زمن جميل كيف هسي ابن عمي عثمان النور جلي مواصل في احضار الصيوان وعدة العرس من كراسي وترابيز ....
والله الزول قاعد يتخيل في الونسه دي كأنها حاصله الان امامه .... كل التفاصيل دي عشناها بمتعه
يديكم العافيه
سلامتو الود احمد وربنا يشقبهو ويشفي جميع امة المسلمين ببركة العشر الاواخر باذن الله ، افتقدناك قلنا الود الصادق مالو غاب عن البوست حقو رغما عن تحريض البت ليلي ليكم لمجاراة اولاد فريق السناب لانو وجودكم مهم معانا للاستذادة مما تكتبوه معنا .
الليلة ليلة اخري اختطلت فيها الدماء في بيت الفرح فحولت الحفل من مناسبة سعيدة الى حزينة خاصة وان كل الناس قد تاثرو بما حدث .
الليلة ليلة فرح احد ابناء رفاعة في حلتكم ياللخدر قرب نادي المعلمين ولما تربطنا بالعريس واخوته من علاقة عميقة كنا مشاركين نذ الصباحالباكر في التحضير للمناسبة وعصرا اتجهنا لدار الرياضة لمشاهدة مبراة بين العلم والهلال وفيها حدثت بدايات الشرارة ، اذا احتدمت شكلة بين احد لاعيي الهلال وواحد من مشجعي نادي العلم وقد سبق ان تذكرتنا ه نا ولما يكن من السهل الشباب التغلب عليه الا ان المفاجاة التي الجمت الجميع ان احد لاعبي الهلال اصابه بلكمة اسقطته ارضا فتم تدخل الجميع لحل الاشكال فاكمل الاعب المباراة ، بععدها قفز () عليه رحمة الله من فوق حائط دار الرياضة ولكنه اضمر شرا متواعدا لاعب الهلال بالانتقام ولما كانت حفلات رفاعة تجمع جميع شباب رفاعة فكان لابد من اللقاء الحتمي ليلا ، فجاء هو وصحبة وبدوا بالبطان لا ان شاهده فاستل سكينه من جرابها واتجه نحو لاعب الهلال مضمرا اصابته في مقتل الا ان احد اصدقاء اللاعب تمكن من الامساك بالسكين فاصابه في فخذه الا انه لم بفلت السكين فكانت اصابة الاخ اصابة طفيفة فاختلط الحابل بالنابل من عويل كل الفتيات المشاركات بالمناسبة السعيدة ، ولما كنا قريبين من مكان الحدث التفت الى لاعب الهلال وقال ان انطعن ت ابعد من هنا فاضررنا لمحاولة تجاوز مكان الحادثة وكان بجانبي استاذنا عمو فاسرعنا لتسلق الحائط ولما كنا في ميعة الصبا ورياضين كمان استطعت بعد وضع رجلى في الكرسي المجاو ر ان اتجاوز الحائط كاني سيرجي ببوبكا بطل القفز بالزانة الروسي او الاكراني سابقا وحاول عمو التسلق الا انه بعد جهد جهيد تمكن من تسلق الحائط ولما نزل حيث اقف ضحك وقال دي عملتها كيف ياقباني ، واكملنا ليلتنا ما بين الذهاب الى المستشفي حيث تمت اخاطة جراح احدهم بخمسة وثلاثون غرزة اما الاخر فاجريت له عملية استك:SnipeR (25):شافيه ولم نعد لبيوتنا الا بعد الاطمئنان عليهما ، فطرشقت لينا الحفلة ولكننا قد حمدنا الله على سلامة الجميع اما من اعتدي على الشباب لحظة اعتقاله فقد ذهب الي منزله واستبدل ثيابه وشارك في حفل اخر قرب منزله ، ودي كانت ليلة عصيبة من ايامنا زمان في رفاعة .وكانت ليلة لم نشهد مثلها في رفاعة زمان اذا انه اعتاد ان يجرح يده فقط ثم يمسح دمائه السائلة بكم جلبابه ثم يخرج من الدارة لا بلوي على شئ الا ارضاء ذاته فقط .
وبلا بكرة حكاية اخري ان ربنا احيانا ، البال مشغول بمياراة الهلال والاتحاد في كاس السودان فتكم عافية

الصادق عبدالله ضرار
08-25-2011, 01:53 PM
ابو النييز
مبروك للهلال
لكن دي وين في تكساس ولى شنو الشكله دي
غايتو زمان سمعنا انو الحلاوي الله يرحمو بقطع إيديهو بالسكين في الحفلات ... من الفراسه وكده ...
فعلا ذكريات ايام لها إيقاع ... وين هسي الناس دي وكيف عامله وكيف لما يتذكروا القصص دي ؟
منتظرين حلقة اليوم ...

Nazar Hussien Babkir Frie
08-25-2011, 04:51 PM
ابو النييز
مبروك للهلال
لكن دي وين في تكساس ولى شنو الشكله دي
غايتو زمان سمعنا انو الحلاوي الله يرحمو بقطع إيديهو بالسكين في الحفلات ... من الفراسه وكده ...
فعلا ذكريات ايام لها إيقاع ... وين هسي الناس دي وكيف عامله وكيف لما يتذكروا القصص دي ؟
منتظرين حلقة اليوم ...
الشكلة دي في فريقكم باللخدر والمناسبة كانت زواج اخونا واستاذنا سمير احمد مدني احد مؤسسي هذا المنتدي والاشخاص المصابان هما الاخ عاطف بلة عكود وهوالمشار اليه بلاعب الهلال اما صديقه فهو محمد احمد بشير الشهير (يبحر ) وهما مازلا بخير ويقيمان برفاعة وكلما مررت برفاعة بلقاهم في السوق خاصة عاطف لتواجده دوما مع شكير ومحله من الاماكن التي نطوف بها حال دخولنا او خروجنا من رفاعة ان سعدنا بزيارتها اما الفاعل عليه رحمة الله فقد نقشته انت عديل وهو المرحوم الحلاوي ، زواج استاذ سمير نحنا لسه في( الثانوية) وابو احمد المدني الصغير (انس )كان في جامعة بونا انتو يالصادق الزمن داك كنتو وين اوع تقولي في الشمالية الابتدائية . وباين ا نو اسنافي الحدبة في اليوم داك كان كيماوي مما ادي لاسالة الدماء بغزارة ولكن الحمد لله الامور جات سليمة ؟
طبعا من الصعوبة نسيان مثل هذه الاحداث طبعا بتبقي ذكريات راسخة في دواخلهم رغما عن قسوتها والامها ولكنها لن تمحي من ذاكرتهم
اباركو ليك جديد الوليدات يالصادق الهلال امس ما عجبني وخوفني عديل من مباراة القطن القادمة المسائل لا تتحتمل انو في كل مباراة يستقبل مرمانا هدف دي مشكلة كبيرة الله يسترنا لانو دي اللفة العويصة ان تعداها الهلال معناهو وصوله لدور الاربعة ان ان انهزم فيها فالخروج محمدانا لاننا لن نستطيع احراز نقطة من الرجاء بالمغرب مما يعني ان مباراة قارو هي المحك المفصلي للهلال وربنا يحققق لينا الفي مرادنا لانو العودة بنقطة من قاروو ثم الفوز على انيمبا معناهو تاهلنا لدور الاربعة حتي ولو انهزمنا من الرجاء البيضاوي في المغرب .
الليلة حبة توضيحات وحبة رياضة الود احمد مالو ما ظهر ، يوم السبت لدينا جولة سريعة في ربوع رفاعة قبيل العيد يعني حجة وزوغة وبنجيب ليكم خبرات الحفلات والمناسبات السعيدة في رفاعة ، لانو عندي جهازي استخباري معتق ومليان ريدة ومحنة بلقي عندو الخبارات وهو صديق عزيز واثير لدي ولديكم ياللخدر ويا احمد مصطفي واكيد عرفتهو بدون ذكر اسمه لانه سيكون بطل احدي ذكرياتي القادمة .:d454:

ahmed mustafa omer
08-26-2011, 09:47 AM
الشكلة دي في فريقكم باللخدر والمناسبة كانت زواج اخونا واستاذنا سمير احمد مدني احد مؤسسي هذا المنتدي والاشخاص المصابان هما الاخ عاطف بلة عكود وهوالمشار اليه بلاعب الهلال اما صديقه فهو محمد احمد بشير الشهير (يبحر ) وهما مازلا بخير ويقيمان برفاعة وكلما مررت برفاعة بلقاهم في السوق خاصة عاطف لتواجده دوما مع شكير ومحله من الاماكن التي نطوف بها حال دخولنا او خروجنا من رفاعة ان سعدنا بزيارتها اما الفاعل عليه رحمة الله فقد نقشته انت عديل وهو المرحوم الحلاوي ، زواج استاذ سمير نحنا لسه في( الثانوية) وابو احمد المدني الصغير (انس )كان في جامعة بونا انتو يالصادق الزمن داك كنتو وين اوع تقولي في الشمالية الابتدائية . وباين ا نو اسنافي الحدبة في اليوم داك كان كيماوي مما ادي لاسالة الدماء بغزارة ولكن الحمد لله الامور جات سليمة ؟
طبعا من الصعوبة نسيان مثل هذه الاحداث طبعا بتبقي ذكريات راسخة في دواخلهم رغما عن قسوتها والامها ولكنها لن تمحي من ذاكرتهم
اباركو ليك جديد الوليدات يالصادق الهلال امس ما عجبني وخوفني عديل من مباراة القطن القادمة المسائل لا تتحتمل انو في كل مباراة يستقبل مرمانا هدف دي مشكلة كبيرة الله يسترنا لانو دي اللفة العويصة ان تعداها الهلال معناهو وصوله لدور الاربعة ان ان انهزم فيها فالخروج محمدانا لاننا لن نستطيع احراز نقطة من الرجاء بالمغرب مما يعني ان مباراة قارو هي المحك المفصلي للهلال وربنا يحققق لينا الفي مرادنا لانو العودة بنقطة من قاروو ثم الفوز على انيمبا معناهو تاهلنا لدور الاربعة حتي ولو انهزمنا من الرجاء البيضاوي في المغرب .
الليلة حبة توضيحات وحبة رياضة الود احمد مالو ما ظهر ، يوم السبت لدينا جولة سريعة في ربوع رفاعة قبيل العيد يعني حجة وزوغة وبنجيب ليكم خبرات الحفلات والمناسبات السعيدة في رفاعة ، لانو عندي جهازي استخباري معتق ومليان ريدة ومحنة بلقي عندو الخبارات وهو صديق عزيز واثير لدي ولديكم ياللخدر ويا احمد مصطفي واكيد عرفتهو بدون ذكر اسمه لانه سيكون بطل احدي ذكرياتي القادمة .:d454:

اهلى الطيبين اسال منكم الخير امس ماظهرت لانوا رسلونى الخرطوم وجيت متاخر وعديت بى اخر بنطون الساعه 11 وكنت قافل القى عربيه منتظره ناس ورديه مصنع الصداقه الاخيره لكن ولا بوكس مالقينا المهم جيت كدارى ورقدت معسم ونمت .... الله يكفينا شر البنطون دا .... السقاله الاسبوع الفات اتفكت وتاج السر حنيين الله طلعوا من غرق .... الشى الظريف بعد ما تم انقاذه طلع مخلوع وقال والله اول مره اعرف البحر تحت ضلام كده ..... وعملوا ليو (حفله) غنى فيها الفنان على العمرابى وبرضو قربت تحصل فيها سكاكيين المهم ربك ستر على ود النجير (كتابه لقبه صعبه) بس اسموا الهادى .... ودا كان قبل العيد ....
اما حفله عرس سمير دى نحن كنا فى العرس لكين وحياتك كان فرضوا علينا حظر ابواتنا الله يرحمهم قالوا الوليدات الليله مايساهروا وبعد العشاء كشونا على البيت ... بعد المشكله دى تانى اى حفله كان التصريح لينا صعب الافى نطاق فريقنا ....

يانزار والله خليتنى اتممل من جهازك بتاع الاستخبارات فى 2 فى راسى لكين امكن من اول حلقه اعرفوا ,,,, عشان كده منتظر بى فارغ الصبر عشان اعرف البطل بتاع الحلقه .... ودمتم
انا كمان ايدى فى قلبى من الكوره الجايه دى

ahmed mustafa omer
08-26-2011, 10:39 AM
الاخوان الغربه الطويله والبعاد خلى الواحد ماعارف الحى من الميت عشان كده ربنا يرحم موتى الجميع و الصحه والعافيه للعايشين .... قصدت ذكر ذلك حتى لااذكر اسم شخص توفى واذا حصل ذلك لنترحم له دائما ...

Nazar Hussien Babkir Frie
08-26-2011, 10:48 PM
:]اهلى الطيبين اسال منكم الخير امس ماظهرت لانوا رسلونى الخرطوم وجيت متاخر وعديت بى اخر بنطون الساعه 11 وكنت قافل القى عربيه منتظره ناس ورديه مصنع الصداقه الاخيره لكن ولا بوكس مالقينا المهم جيت كدارى ورقدت معسم ونمت .... الله يكفينا شر البنطون دا .... السقاله الاسبوع الفات اتفكت وتاج السر حنيين الله طلعوا من غرق .... الشى الظريف بعد ما تم انقاذه طلع مخلوع وقال والله اول مره اعرف البحر تحت ضلام كده ..... وعملوا ليو (حفله) غنى فيها الفنان على العمرابى وبرضو قربت تحصل فيها سكاكيين المهم ربك ستر على ود النجير (كتابه لقبه صعبه) بس اسموا الهادى .... ودا كان قبل العيد ....
اما حفله عرس سمير دى نحن كنا فى العرس لكين وحياتك كان فرضوا علينا حظر ابواتنا الله يرحمهم قالوا الوليدات الليله مايساهروا وبعد العشاء كشونا على البيت ... بعد المشكله دى تانى اى حفله كان التصريح لينا صعب الافى نطاق فريقنا ....

يانزار والله خليتنى اتممل من جهازك بتاع الاستخبارات فى 2 فى راسى لكين امكن من اول حلقه اعرفوا ,,,, عشان كده منتظر بى فارغ الصبر عشان اعرف البطل بتاع الحلقه .... ودمتم
انا كمان ايدى فى قلبى من الكوره الجايه دى[/QUOTE]
بذكر حنين والله يا احمد ضحكت وانا اتذكره بقامته المديدة وجمسه النحيل فهو كان من نوارة فريق قدام هو وصاحبه الاخ الاكرم البشير احمد البشير جاركم وقد سبق لى ان عملت معهم في الاجازة في مصنع سكر الجنيد رفقة مجموعة من شباب مثل استاذنا عمر كيمياء ومامون الرج وغيرهم من شباب رفاعة زمان ، اها الاخ الذي ذكرته لقبه وكتبته ود النجير هو الهادي صديق الشيخ ولقبه الهادي (نجر )وهو من ظرفاء رفاعة وقد كان مديري المباشر حين عملت في مصنع سكر الجنيد عن طريق عمنا عثمان الحاج عليه رحمة اله حيا كان او ميتا ،فالعمل كان من اجل مساعدة اهالينا ولزوم تجهيز احتياجات المدارس ولزوم مصاريف الاجازة .
اما طاري السقالة فدي كانت كارثة اذا اخذت مجموعة من خيرة شباب رفاعة اذكر منهم زميلنا عبد الله وهو اخو فيصل (وشو ) ، ففي يومها اعتقد انو رفاعة كلها قد سارت على الاقدام وصولا لمرسي البنطون لمعرفة احوال ابنائهم المغادرين للخرطوم خاصة وان الحادث كان يوم سبت ؟
بمناسبة تاج السر حنين لابد لنا من ذكر موقف ابداه للتاريخ وهو انه اول من نادي بالعصيان المدني في رفاعة لحظة قبر الشهيدين شهيد الوحدة الوطنية دينق ورفيقه الشهيد فرحات عباس وكانت كلمته عصماء بعدها لم يذهب كل اهالي رفاعة لاعمالهم فكانت وقفة مشرفة لاهالي رفاعة ابان انتفاضة 1981م ضد حكم النميري ، وهي من الليالي التي شهدت توحد اهل رفاعة ضد الظلم ؟
اها بيالخدر الشكلة الوقعت في فريقكم خلت ناس احمد ممنوعين من السهر الا في حدود فريق قدام ما قلت ليك اسنافيكم كان كيمياوي يومها .اها من يومها ناس احمد :SnipeR (63):بقو يعرفو اخبار الليالي الملاح لمن نجي ونقيف في خشم حوشهم ويسمعوا حكاوينا يعني بينات سماعية بلغة اهل القانون .

Nazar Hussien Babkir Frie
08-26-2011, 11:58 PM
هو شاب من ابناء مدينتي رفاعة ، ومن العاشقين الشفيفين لرفاعة ولكل اهالي رفاعة وهو من رياضيها ومن حاددي دروب العلم فيها ، فهو المعلم والرياضي والانسان لانني منذ ان عرفته لم اجده الا باسما رغما عن الظروف الكثيرة التي تحيط به ، فكان هو النسمة والبسمة لكل من عرفه ضغيرا او كبيرا ، فانت تجده عند كل الملمات فهو اجتماعي بطبعه ، واعلم انك يالصادق مثلي لا تحلو لك رفاعة الا بلقائه ، اما انا فgh ادخل رفاعة الا بعد اتصالي به لمعرفة اين يكون لانني ان دخلت رفاعة ولم التقيه بحس بانو في شئ ناقص في زيارتي لرفاعة .
اها استاذنا واخوانا من العاشقين المتيمين لريلة من ريلات رفاعة واخاله احبها وهي في اللفة ، فهي من مكان قرب مكان سكنهم زمان قبيل ان يرتحل صوب الحلة الجديدة حيث قتل ود فريجون ؟
ولما كنا قريبن منه كنا نذهب سويا لحضور ليالي رفاع الملاح الا انه كان اشد ما يكون طربا حيت يصدح المرحوم ابو باغنية ست بقت قساية ، فينداح طربا شفيفا وكنت اعرف ان المرحوم ابو حين رؤيته له لابد ان يغني له وحده اغنية ست الريد ، فيرفع يديه الاثنتان ويكون في قمة الطرب ، قيهمس لي مامون القرج وعوض همزة انت ما عارفو الاغنية دي بتجننو عديل فينداح طربا حد الثمالة .
ويضحكني عوض همزة ويذكرني بانه بعد رحيله صوب الحلة الجديدة وتمرين الشعلة بيكون الساعة اربعة بيجيهو في البيت الساعة تلاتة رغما عن قرب ميدان الشعلة من منزله الا انه يختار اللفة الطويلة لرؤية ست الريد رغما عن الفاصل ما بين لحظة مفارقتها لها لا تتعدي النصف ساعة لانها كانت احدي تمليذاته في مدرسة نفيسة عوض الكريم المتوسطة ، وحاليا كلما التقيه اناديه ست الريد فيضحك يا قباني خليني على العلي مالك تاني دابر توجعني ما انت عارف ان انا محرق بنار الفرقة با ولد انت هوي ما تجيب لي سيرة الوجع فنضحك سويا ن ومرات بصر انو يمشي لمكتبها فيقول لي هوي يا نزار قصة الريد القديمة ما تاور جروحها انا بستناك عند ودشيخ كيوم كمل ونستك وتعال لي بهناك ؟
وقد استفدنا منه نحن ومجموعتنا في اللغة الانجليزية لانه من اساطينها في رفاعة وفي ولاية الجزيرة وامكن السودان بكامله ، وما زلت اذكر انني ومستين كنا نحضر وريقات الفلسكاب وفيها العديد من الكلمات الانجليزية التي تستعصي علينا فتجده هاشا باشا وهو يجلس معتا في البرش الشهير بنادي الشعلة لانو الريس عبد الرحمن حاج عبيد رحمة الله عليه كان يفرض علينا ونحن مسجلين في نادي الشعلة عدم الجلوس على الترابيز لممارسة لعب الكوتشينة او الضمنة فكان البرش هو مكاننا المفضل او ميدان الكرة الطائرة هي المناطق المسموح لنا ارتيادها لذا سمت سمعة نادي الشعلة في رفاعة .واخالكم يا احمد والصادق قد عاصرتم جزء منه ايام زمان .
وهو طبعا مازال من اهل الحرقة والريدة الصافية النقية ، واخاله هو حبيب الكل في رفاعة فلاتحلو جلسات معظمنا في رفاعة من دونه فهو ريحانة نادي الشعلة ، فهو الانسان المتجرد لخدمة الكل ، ومازلت اذكر ان الريس ابوهبه حينما بدوا في تناول بوست يخصه واثنان من اصحابه ولما لم اشارك ارسل لي في الخاص يا نزار فلان دا ما صاحبك مالك ما داير تكتب عنو .
اعلم انني لم افيه حقه فهو يحتاج منا جميعا لتكريمه فهو اهل للتكريم فهل نحن فاعلون ، فهو انسان بمعني الكلمة وكلماتي هذه او ذكرياتي معه لن تفيه حقه فهو عندي اسمي من كل الكلمات .
واني ادعو ونحن في العشر الاوااخر ان اري الهلال يضوي في جبينه عريسا واعلم ان رفاعة كلها سوف تشارك في فرحه رغما عن استعصامه الابي ، اعلم انكم قد عرفتموه فهو الانسان الاستاذ الجليل سليمان عجبنا على حبيبكم كلكم يالصادق وياحمد ن دا واحد من اجهزة استخبارتي العتيقة في رفاعة لاته عاشق للجمال والفن اتمني ان اكون قد اوفيته حقه فهو كما اعرفه مثل الشمعة التي تحترق حبا ووفاءا لكل من عرفه وكفي ، غداباذن الله لي لقاء معه واول ما يشوفني بيقول انا ما :SnipeR (69):ديك ودي حكاية غير قابلة للنشر ولمن اقول ليهو خلاض زمني كمل في رفاعة يردد ضاحكا الباب وراك ، التاني يا احمد الا تجيبو براك

ahmed mustafa omer
08-27-2011, 07:12 AM
هو شاب من ابناء مدينتي رفاعة ، ومن العاشقين الشفيفين لرفاعة ولكل اهالي رفاعة وهو من رياضيها ومن حاددي دروب العلم فيها ، فهو المعلم والرياضي والانسان لانني منذ ان عرفته لم اجده الا باسما رغما عن الظروف الكثيرة التي تحيط به ، فكان هو النسمة والبسمة لكل من عرفه ضغيرا او كبيرا ، فانت تجده عند كل الملمات فهو اجتماعي بطبعه ، واعلم انك يالصادق مثلي لا تحلو لك رفاعة الا بلقائه ، اما انا فgh ادخل رفاعة الا بعد اتصالي به لمعرفة اين يكون لانني ان دخلت رفاعة ولم التقيه بحس بانو في شئ ناقص في زيارتي لرفاعة .
اها استاذنا واخوانا من العاشقين المتيمين لريلة من ريلات رفاعة واخاله احبها وهي في اللفة ، فهي من مكان قرب مكان سكنهم زمان قبيل ان يرتحل صوب الحلة الجديدة حيث قتل ود فريجون ؟
ولما كنا قريبن منه كنا نذهب سويا لحضور ليالي رفاع الملاح الا انه كان اشد ما يكون طربا حيت يصدح المرحوم ابو باغنية ست بقت قساية ، فينداح طربا شفيفا وكنت اعرف ان المرحوم ابو حين رؤيته له لابد ان يغني له وحده اغنية ست الريد ، فيرفع يديه الاثنتان ويكون في قمة الطرب ، قيهمس لي مامون القرج وعوض همزة انت ما عارفو الاغنية دي بتجننو عديل فينداح طربا حد الثمالة .
ويضحكني عوض همزة ويذكرني بانه بعد رحيله صوب الحلة الجديدة وتمرين الشعلة بيكون الساعة اربعة بيجيهو في البيت الساعة تلاتة رغما عن قرب ميدان الشعلة من منزله الا انه يختار اللفة الطويلة لرؤية ست الريد رغما عن الفاصل ما بين لحظة مفارقتها لها لا تتعدي النصف ساعة لانها كانت احدي تمليذاته في مدرسة نفيسة عوض الكريم المتوسطة ، وحاليا كلما التقيه اناديه ست الريد فيضحك يا قباني خليني على العلي مالك تاني دابر توجعني ما انت عارف ان انا محرق بنار الفرقة با ولد انت هوي ما تجيب لي سيرة الوجع فنضحك سويا ن ومرات بصر انو يمشي لمكتبها فيقول لي هوي يا نزار قصة الريد القديمة ما تاور جروحها انا بستناك عند ودشيخ كيوم كمل ونستك وتعال لي بهناك ؟
وقد استفدنا منه نحن ومجموعتنا في اللغة الانجليزية لانه من اساطينها في رفاعة وفي ولاية الجزيرة وامكن السودان بكامله ، وما زلت اذكر انني ومستين كنا نحضر وريقات الفلسكاب وفيها العديد من الكلمات الانجليزية التي تستعصي علينا فتجده هاشا باشا وهو يجلس معتا في البرش الشهير بنادي الشعلة لانو الريس عبد الرحمن حاج عبيد رحمة الله عليه كان يفرض علينا ونحن مسجلين في نادي الشعلة عدم الجلوس على الترابيز لممارسة لعب الكوتشينة او الضمنة فكان البرش هو مكاننا المفضل او ميدان الكرة الطائرة هي المناطق المسموح لنا ارتيادها لذا سمت سمعة نادي الشعلة في رفاعة .واخالكم يا احمد والصادق قد عاصرتم جزء منه ايام زمان .
وهو طبعا مازال من اهل الحرقة والريدة الصافية النقية ، واخاله هو حبيب الكل في رفاعة فلاتحلو جلسات معظمنا في رفاعة من دونه فهو ريحانة نادي الشعلة ، فهو الانسان المتجرد لخدمة الكل ، ومازلت اذكر ان الريس ابوهبه حينما بدوا في تناول بوست يخصه واثنان من اصحابه ولما لم اشارك ارسل لي في الخاص يا نزار فلان دا ما صاحبك مالك ما داير تكتب عنو .
اعلم انني لم افيه حقه فهو يحتاج منا جميعا لتكريمه فهو اهل للتكريم فهل نحن فاعلون ، فهو انسان بمعني الكلمة وكلماتي هذه او ذكرياتي معه لن تفيه حقه فهو عندي اسمي من كل الكلمات .
واني ادعو ونحن في العشر الاوااخر ان اري الهلال يضوي في جبينه عريسا واعلم ان رفاعة كلها سوف تشارك في فرحه رغما عن استعصامه الابي ، اعلم انكم قد عرفتموه فهو الانسان الاستاذ الجليل سليمان عجبنا على حبيبكم كلكم يالصادق وياحمد ن دا واحد من اجهزة استخبارتي العتيقة في رفاعة لاته عاشق للجمال والفن اتمني ان اكون قد اوفيته حقه فهو كما اعرفه مثل الشمعة التي تحترق حبا ووفاءا لكل من عرفه وكفي ، غداباذن الله لي لقاء معه واول ما يشوفني بيقول انا ما :sniper (69):ديك ودي حكاية غير قابلة للنشر ولمن اقول ليهو خلاض زمني كمل في رفاعة يردد ضاحكا الباب وراك ، التاني يا احمد الا تجيبو براك

الاخ نزار انت الناس ديل مشوا وين .... وخلوا لينا البوست الظاهر خايفيين راس السوط يصلهم ....

الاستاذ سليمان كلندى كل مااقدر ان اقول بانه استاذ ومعلم ومربى واسطوره ويستحق الاحترام والتكريم .... واود ان اقص لك هذه القصه ونحن فى الثانوى كان برفاعه مجموعه من الاستاذه الانجليز والايرلنديين كانت ولا زالت تربطنى معهم علاقه صداقه قويه الى يومنا هذا وكذلك لهم حب خاص لرفاعه وبالمناسبه دى يوجد استاذ انجليزى قابل زوجته الحاليه فى رفاعه ومكثوا فى رفاعه لمده 3 سنوات وانتهت فترتهم برفاعه وتزوجوا بايرلندا واشتروا بيت فاطلق عليه رفاعه هاوس تعبيرا لبدايه علاقتهم برفاعه وحبا لرفاعه ... فى عام 2000 ذهبت الى مستين فى اجازه واتصلت بهم والتقينا بعد 15سنه وامضوا معى 3 ليالى وكانت كل الذكريات عن رفاعه وفجاءه واذا باحد الاساتذه قائلا احمد من هو اكثر الناس ذكاءا ولطفا واحتراما برفاعه ؟ زكرت له بعض الاسماء ... لكن قاطعنى قائلا قف قف وقال سليمان كلندى وقال موكدا اكيد انت احد المستفدين منه معلما وكان ردى نعم .... تخيل يانزار دا شخص اجنبى عاش برفاعه فترك فيه استاذ سليمان هذا الانطباع فما بالك بكل اهل رفاعه .... له التقدير والاحترام والتبجيل والتجليل وله سلامى واحترامى من عبركم ,,,

نطلع من دا ونرجع للاستعداد شايف فوكس عندو جدول بتاع حفلات ودا الزول التانى الانا قاصدو ورابط كفاحوا مع الدقاش وعلى عثمان ودقله متردد اكون مع منو ود اب دقن وعوض الله ولا ناس فوكس ... (فوكس دا جناح الريل واستلم الرايه من سيف موسى قبل ماامشى يوعسلافيا) وناس وداب دقن ديل جناح اسماعيل الزبير ناس ضحك وتواجيع وهزار ...
وفى انتظار حلقه اليوم ونحن خلفكم (الحيران)

الصادق عبدالله ضرار
08-27-2011, 01:05 PM
ياسلام عليكم
زمن
قصص

وقد ختمتوها بأستاذي الفاضل وصديقي الاستاذ سليمان عجبنا الذي فعلا لا تحلو رفاعه الا برؤيته ... فقد كان نعم الاستاذ والاخ الاكبر ومنه نسترزق بفضل الله من اللغه التي تعلمناها منه ولم نزيد فيها الا الفكابلروي فقط ...
له عبر يانزار تحياتي وإن كان قد تحدثت معه ايام وفاة الاخت توحيده فكالعاده تجده في الملمات الكبيره ...
وقول ليهو الماعندها ضنب يحاحي ليها ربها
وإنو نزار كاجريب إنكسر في ترس

الصادق عبدالله ضرار
08-27-2011, 01:08 PM
احمد المصطفى
ذكرياتك وإشاراتك ممتعه وبتعرف تقرر الزول كويس ... نزار اعني
اها نحن من الذين ايضا درينا على اساتذه ايرلنديين وانجليز في رفاعه الثانويه ايام العز في البلد
هسي الجماعه بقوا الد الاعداء
اساتذتك ادعوهم لرفاعه في الصيف والخريف القادم

Nazar Hussien Babkir Frie
08-27-2011, 10:23 PM
الاخ نزار انت الناس ديل مشوا وين .... وخلوا لينا البوست الظاهر خايفيين راس السوط يصلهم ....

الاستاذ سليمان كلندى كل مااقدر ان اقول بانه استاذ ومعلم ومربى واسطوره ويستحق الاحترام والتكريم .... واود ان اقص لك هذه القصه ونحن فى الثانوى كان برفاعه مجموعه من الاستاذه الانجليز والايرلنديين كانت ولا زالت تربطنى معهم علاقه صداقه قويه الى يومنا هذا وكذلك لهم حب خاص لرفاعه وبالمناسبه دى يوجد استاذ انجليزى قابل زوجته الحاليه فى رفاعه ومكثوا فى رفاعه لمده 3 سنوات وانتهت فترتهم برفاعه وتزوجوا بايرلندا واشتروا بيت فاطلق عليه رفاعه هاوس تعبيرا لبدايه علاقتهم برفاعه وحبا لرفاعه ... فى عام 2000 ذهبت الى مستين فى اجازه واتصلت بهم والتقينا بعد 15سنه وامضوا معى 3 ليالى وكانت كل الذكريات عن رفاعه وفجاءه واذا باحد الاساتذه قائلا احمد من هو اكثر الناس ذكاءا ولطفا واحتراما برفاعه ؟ زكرت له بعض الاسماء ... لكن قاطعنى قائلا قف قف وقال سليمان كلندى وقال موكدا اكيد انت احد المستفدين منه معلما وكان ردى نعم .... تخيل يانزار دا شخص اجنبى عاش برفاعه فترك فيه استاذ سليمان هذا الانطباع فما بالك بكل اهل رفاعه .... له التقدير والاحترام والتبجيل والتجليل وله سلامى واحترامى من عبركم ,,,

نطلع من دا ونرجع للاستعداد شايف فوكس عندو جدول بتاع حفلات ودا الزول التانى الانا قاصدو ورابط كفاحوا مع الدقاش وعلى عثمان ودقله متردد اكون مع منو ود اب دقن وعوض الله ولا ناس فوكس ... (فوكس دا جناح الريل واستلم الرايه من سيف موسى قبل ماامشى يوعسلافيا) وناس وداب دقن ديل جناح اسماعيل الزبير ناس ضحك وتواجيع وهزار ...
وفى انتظار حلقه اليوم ونحن خلفكم (الحيران)
تعرف يا ابوحميد فوكس دا براهو حكاية وذكرياتي معه كثيرة فهو شخصية لا تملها خاصة حينما تلتققيه ليلا في حفلات رفاعة خاصة حفلات فريق قدام ايام زمان ، فهو بيكون مشتت الذهن ما بين الفرجة في الريل وما بين مكاواة اسماعيل الزبير له ، خاصة ان اسماعيل الزبير لديه خمس نضاف قضاها رفقة الولد المتوكل مع الجمهوريين ودي براها ادتو حق الفيتو حينما اب مرة اخري لرفقة الشباب فكانت كلمته مسموعة لديهم فهو الساقي وحادي الركب البفضل في الاخر حقو لانو عائد بعد خمسا نضاف وقد رافقناهم فترة في ليالي ملاح خاصة ابان زواج الاخ الاكرم هاشم عبد الله بكري حيث اسمينا عزالدين (دقلة بالعود ) لانو في فنان قريب سالم العوض جا وغني في القيدومة ودقلة كان بيشيل ليهو العود فاطلق عليه الشباب اسم دقلة بالعود .
لمن جيت اول اجازة كانو هم من تبقو من شلة فريق قدام وكنا مرات بقيل في بيت حبوبة اسماعيل الزبير ومرة الشباب انداحو غنا وبدوا يغنو في برتبيل يا علي بسهر معاك يا علي واسماعيل مشئ يجيب الغدا فسالته حبوبته اجي برتبيل شنو ياولدي البتغنو ليها نص النهار هسع الجيران يقولو شنو رد عليها قائلا ديل ناس العلم ماشين المدينة عرب العبو كورة وود زينب بت زليحة هو البغني ليهم وهم متغديين معاي والعربية بتجيهم بعد الغدا فضحكنا كلنا وزعل الفوكس لان اضحي في نظر الحبوبة هو المغني ورفض الغدا معانا ولمم عزالو وفات ؟
اها ناس ود ابدقن ناس سانتوس ديل كلامهم براهو بعر فو الود فوراوي فهو منهم وفيهم ، خاصة ناس اباربعة وعوض ود صبيح نصرالدين وداب جناح ديل حكاويهم عند الود فراوي .
ود ابجناح لقيتو في جدة وحصل لي معاهو موقف طريف حيث كنا كلنا لوحاتنا حمراء يعني عمرنا وزغنا وكان شغال في مطعم وانا جيت ماري في قرب مكان عمله جنب كوبري العمال في جدة ناحية فاذ به شخص يخرج ويناديني يا نزار تعال ادخل لمن التفت لقيتو ود ابجناح وقعدت بتونس معهو قام قال اها جيت باقامة ولا لوحاتك حمر قلت ليهو جيت عمرة بس فقام قال غايتو النجيب تاكل لكن ان جات عربية الكشة كلنا بنجري واكان قبضوك انا ما مسول عارفك ما بتقدر تجري سريع اوعك ان قبضوك تمش تحكي لي ناس ود اب دقن في رفاعة :SnipeR (30): وتقول ليهم نصر الدين شغال طباخ .
فوكس طبعا بعد المحاماة والمزازة في الخوطوم ضرب الرياض وكنا بلتقيه عند اخوه ابراهيم عندما نذهب لهم انا وعلي موسي بنقعد نضحك وبقوليهو يا فوكس واله بقيت اخطر من البربري فولك تمام لانوكان مشرف لى مطعم خاص باخيه دكتور صلاح ، بضحكويرد على عارفكم با ناس رفاعة وجايعكم دي ما بتخلوها انا مستشار قانوني كبير في السعودية بس بالليل بجي اقعد في المطعم لانو دوامي واحد .
من طرايف السعودية با احمد لاقيت امير تاج السر وهو طبعا لسانو لازع فضحكني قال تعرف يانزار يوم مشيت الدمام نازل مع مجموعة من اولاد رفاعة ، اها الشباب مفلسين ولمن جات مواعيد العشا تلب فار فقلت ليهم اها الفار جاي عشان يدفع الشيرنق بتاع العشا بتاعو ولا شنو :017:
ايام يا احمد سيف موسي من وجهاء فريق قدام وديل شلة معتقة زينا كدا كنا بتشوفهم في العتبة لكن علي موسي حافظ ليهم كتير من الحكاوي بس مشكلتو ما جانا بي هنا في المنتدي .
الود امير اللمييين الليلة موجود في رفاعة لانه هاتفني منها وبيجيبو وبقررو خاصة عن حكاوي الدالي ادني قبيل واحدة قال الدالي مشي لهاشم المغواري في الجزر بتاع رفاعة وقال ليهو اديني كيلو عجالي وبعد وضع اللحم كل مرة هاشم اقطع حتة وبرضو الميزان ما كمل الكيلو فقال للدالي الميزان مالو فرد عليه الدالي نان انت تجدع ليهو في الدوهات وعايزو يوزن كيلو كيف دي تجي يا هاشم .
يلا دي اشتات من زمان طوفنا فيها برفاعة وجدة والرياض لمن نلقط باقي الحكايات بنجيكم بالجديد المثير الخطر .
ويلا سلام ليكم كلكم وكل سنة وانت وجميع اهالي رفاعة سعيدين ومبسوطين وعيدنا عيدين باذن الله :d454: الصورة دي استعدادا لرقايص العيد بعد الحصول على الجداول من مراكز الاستحبارات يوم الاتنين ضباحا من جوه سوق رفاعة باذن الله

Nazar Hussien Babkir Frie
08-27-2011, 10:51 PM
احمد المصطفى
ذكرياتك وإشاراتك ممتعه وبتعرف تقرر الزول كويس ... نزار اعني
اها نحن من الذين ايضا درينا على اساتذه ايرلنديين وانجليز في رفاعه الثانويه ايام العز في البلد
هسي الجماعه بقوا الد الاعداء
اساتذتك ادعوهم لرفاعه في الصيف والخريف القادم
الاقرار دا يالصادق على اليمين ، بعني مافيها غباشة رؤية لاننا كنا جزءمن ناس رفاعة زمان ، حاليا اضحبنا ندخل ونمرق ذي الغرباء لاننا بقينا اولاد ضهاري وتربالين ساكت ، تعرف بيالصادق مرات بمشي لمن تصر الحاجة على الذهاب لرفاعة لانها بتشتاق زي لصحابتها في فريقنا اها بنمشي نعقد لينا اسبوع في بيتنا ، مما اصل برتب معها الحاجات وبفر منها بجيها العصرية بمشي بقيف مع عكود جنب السينما وبرجع مرات بلقي معاها نسوان الفريق هن بنداحن في ذكرياتهن وانا بنتظر متين تمغرب الواطة لاطوف بسوح رفاعة ولكن امتع اللحظات حينما نجتمع انا واستاذي واخي الاكبر كلا جلا وودشيخ كيوم ومامون القرج ونمشي كلنا نشرب شاي المغرب عند عمو في بيتو جنب المدرسة الشمالية ، ولمن ارجع انصاص الليالي امي بتقول واله لو عارفك بتزازي ذي دا كان قلت ليك ارجع الخرطوم وتعال لي راجع بعد اسبوع يا ولد انا بعد العشا النساوين بمشن مني وبقعد براي اصحابك ديل لاقيهم بالنهار وتعال راجع بدري ؟شوفت كيف
دي رفاعة كلها اخاء وود صافي ونقي وبعد الزوادة المعنوية برجعها الخرطوم وبتكون مبسوطة اربعة وعشرين قيراط ، لمن اكون ماش ي للوليدات لابد من غشوة رفاعة ان شاء الله نص ساعة كيف بس امر جنبها وما اشوفها دي رفاعة حبيبة واميرة على قلبي انا وكفي ؟
الخواجات تاني ما بجو لينا في الزمن دا ، في رفاعة الثانوية درسنا استاذ اسمو mr:deck صادف مجموعة من الاستاذة من اصحاب المزاج العالي وعلمهو امشي الجو والله:028: يالصادق تلاقهو لابس العراقي والصديري ومتفن في الواطة وقدامو عبار الدقة زي الما حصل حاجة

ahmed mustafa omer
08-28-2011, 06:57 AM
تعرف يا ابوحميد فوكس دا براهو حكاية وذكرياتي معه كثيرة فهو شخصية لا تملها خاصة حينما تلتققيه ليلا في حفلات رفاعة خاصة حفلات فريق قدام ايام زمان ، فهو بيكون مشتت الذهن ما بين الفرجة في الريل وما بين مكاواة اسماعيل الزبير له ، خاصة ان اسماعيل الزبير لديه خمس نضاف قضاها رفقة الولد المتوكل مع الجمهوريين ودي براها ادتو حق الفيتو حينما اب مرة اخري لرفقة الشباب فكانت كلمته مسموعة لديهم فهو الساقي وحادي الركب البفضل في الاخر حقو لانو عائد بعد خمسا نضاف وقد رافقناهم فترة في ليالي ملاح خاصة ابان زواج الاخ الاكرم هاشم عبد الله بكري حيث اسمينا عزالدين (دقلة بالعود ) لانو في فنان قريب سالم العوض جا وغني في القيدومة ودقلة كان بيشيل ليهو العود فاطلق عليه الشباب اسم دقلة بالعود .
لمن جيت اول اجازة كانو هم من تبقو من شلة فريق قدام وكنا مرات بقيل في بيت حبوبة اسماعيل الزبير ومرة الشباب انداحو غنا وبدوا يغنو في برتبيل يا علي بسهر معاك يا علي واسماعيل مشئ يجيب الغدا فسالته حبوبته اجي برتبيل شنو ياولدي البتغنو ليها نص النهار هسع الجيران يقولو شنو رد عليها قائلا ديل ناس العلم ماشين المدينة عرب العبو كورة وود زينب بت زليحة هو البغني ليهم وهم متغديين معاي والعربية بتجيهم بعد الغدا فضحكنا كلنا وزعل الفوكس لان اضحي في نظر الحبوبة هو المغني ورفض الغدا معانا ولمم عزالو وفات ؟
اها ناس ود ابدقن ناس سانتوس ديل كلامهم براهو بعر فو الود فوراوي فهو منهم وفيهم ، خاصة ناس اباربعة وعوض ود صبيح نصرالدين وداب جناح ديل حكاويهم عند الود فراوي .
ود ابجناح لقيتو في جدة وحصل لي معاهو موقف طريف حيث كنا كلنا لوحاتنا حمراء يعني عمرنا وزغنا وكان شغال في مطعم وانا جيت ماري في قرب مكان عمله جنب كوبري العمال في جدة ناحية فاذ به شخص يخرج ويناديني يا نزار تعال ادخل لمن التفت لقيتو ود ابجناح وقعدت بتونس معهو قام قال اها جيت باقامة ولا لوحاتك حمر قلت ليهو جيت عمرة بس فقام قال غايتو النجيب تاكل لكن ان جات عربية الكشة كلنا بنجري واكان قبضوك انا ما مسول عارفك ما بتقدر تجري سريع اوعك ان قبضوك تمش تحكي لي ناس ود اب دقن في رفاعة :sniper (30): وتقول ليهم نصر الدين شغال طباخ .
فوكس طبعا بعد المحاماة والمزازة في الخوطوم ضرب الرياض وكنا بلتقيه عند اخوه ابراهيم عندما نذهب لهم انا وعلي موسي بنقعد نضحك وبقوليهو يا فوكس واله بقيت اخطر من البربري فولك تمام لانوكان مشرف لى مطعم خاص باخيه دكتور صلاح ، بضحكويرد على عارفكم با ناس رفاعة وجايعكم دي ما بتخلوها انا مستشار قانوني كبير في السعودية بس بالليل بجي اقعد في المطعم لانو دوامي واحد .
من طرايف السعودية با احمد لاقيت امير تاج السر وهو طبعا لسانو لازع فضحكني قال تعرف يانزار يوم مشيت الدمام نازل مع مجموعة من اولاد رفاعة ، اها الشباب مفلسين ولمن جات مواعيد العشا تلب فار فقلت ليهم اها الفار جاي عشان يدفع الشيرنق بتاع العشا بتاعو ولا شنو :017:
ايام يا احمد سيف موسي من وجهاء فريق قدام وديل شلة معتقة زينا كدا كنا بتشوفهم في العتبة لكن علي موسي حافظ ليهم كتير من الحكاوي بس مشكلتو ما جانا بي هنا في المنتدي .
الود امير اللمييين الليلة موجود في رفاعة لانه هاتفني منها وبيجيبو وبقررو خاصة عن حكاوي الدالي ادني قبيل واحدة قال الدالي مشي لهاشم المغواري في الجزر بتاع رفاعة وقال ليهو اديني كيلو عجالي وبعد وضع اللحم كل مرة هاشم اقطع حتة وبرضو الميزان ما كمل الكيلو فقال للدالي الميزان مالو فرد عليه الدالي نان انت تجدع ليهو في الدوهات وعايزو يوزن كيلو كيف دي تجي يا هاشم .
يلا دي اشتات من زمان طوفنا فيها برفاعة وجدة والرياض لمن نلقط باقي الحكايات بنجيكم بالجديد المثير الخطر .
ويلا سلام ليكم كلكم وكل سنة وانت وجميع اهالي رفاعة سعيدين ومبسوطين وعيدنا عيدين باذن الله :d454: الصورة دي استعدادا لرقايص العيد بعد الحصول على الجداول من مراكز الاستحبارات يوم الاتنين ضباحا من جوه سوق رفاعة باذن الله

يانزار عاوزىن وجهه نظرك فريق قدام كان كلوا بشجع العلم وسانتوس كان بفرخ لى ناس العلم لعيبه ,,,, وظهر فريق التحرير فشق الفريق لى اثنين لانوا التحرير كان بطلع لعيبه للشعله والدليل على ذلك كان فى تجمعين واحد مسطبه ناس ابونوره(ناس العلم) والتانى ركن بيتنا (ناس الشعله )فما رايك او قولك ؟

لكن بالرغم من ذلك برضو كان فى الود والوحده والدليل على ذلك الكنبه الاخيره فى السينما بتاعت اولاد فريق قدام , وتجمع الذهاب للسينما كان بتم فى عمود ناس رحوم بقياده زمبه من مسطبه ناس ابو نوره وعلى عثمان من ركن بيتنا ...

الاخ الاكبر الدالى كان بهجه كل زول واديك حاجه ليو ... البيوت زمان لمن المطر ينزل بتصب .. المهم كان هو فى راس البيت بردم فيو تراب ..جاء فخرالدين خليل شال السلم ومشى وبعد فتره انتبهت ام الدالى رحمه الله عليها بانوا الدالى لسه فوق قامت قالت ليو اجى ياالدالى انت مانزلت ؟ قام الدالى قال ليها انزل كيف وفخرالدين شال الجوكر .... تانى فى واحد جاء سال الدالى من عبدالرحمن صاحب الدكان الفى بيتنا وقال ليو ... ياالدالى عبدالرحمن دا فات ؟ قام الدالى قاليو لا والله انا شايفه ضعيف
وفى انتظار زكرياتكم والحيران خلفكم ودمتم

Nazar Hussien Babkir Frie
08-28-2011, 02:39 PM
يانزار عاوزىن وجهه نظرك فريق قدام كان كلوا بشجع العلم وسانتوس كان بفرخ لى ناس العلم لعيبه ,,,, وظهر فريق التحرير فشق الفريق لى اثنين لانوا التحرير كان بطلع لعيبه للشعله والدليل على ذلك كان فى تجمعين واحد مسطبه ناس ابونوره(ناس العلم) والتانى ركن بيتنا (ناس الشعله )فما رايك او قولك ؟

لكن بالرغم من ذلك برضو كان فى الود والوحده والدليل على ذلك الكنبه الاخيره فى السينما بتاعت اولاد فريق قدام , وتجمع الذهاب للسينما كان بتم فى عمود ناس رحوم بقياده زمبه من مسطبه ناس ابو نوره وعلى عثمان من ركن بيتنا ...

الاخ الاكبر الدالى كان بهجه كل زول واديك حاجه ليو ... البيوت زمان لمن المطر ينزل بتصب .. المهم كان هو فى راس البيت بردم فيو تراب ..جاء فخرالدين خليل شال السلم ومشى وبعد فتره انتبهت ام الدالى رحمه الله عليها بانوا الدالى لسه فوق قامت قالت ليو اجى ياالدالى انت مانزلت ؟ قام الدالى قال ليها انزل كيف وفخرالدين شال الجوكر .... تانى فى واحد جاء سال الدالى من عبدالرحمن صاحب الدكان الفى بيتنا وقال ليو ... ياالدالى عبدالرحمن دا فات ؟ قام الدالى قاليو لا والله انا شايفه ضعيف
وفى انتظار زكرياتكم والحيران خلفكم ودمتم
تعرف ياحمد العلم بالنسبة لناس فريق قدام والزيداب وحي البهلة عقيدة ، بعني ساكن ايا من هذه الاحياء وكنت لاعبا مبرزا ضروري ان تلعب للعلم ولا فالزعل حاصل منك لاننك شققت عصا الطاعة ويمكن الشباب تسلم عليهم اول ايام ما بسلمو عليك ز، سانتوس طبعا كان المورد الاساسي للعيبة لنادي العلم هو والشبيبة الفادنية فانضم للعم عادل ودابدقن وعادل مامون النور التنقاري وجاهم من الشبيبة محمد عشرة ومن الاتحاد مصطفي العبيد الذي حفيت اقدامي لتسجيله لنادي الشعلة لا انه اقنعني بانو ان تسجل في الشعلة لا يرحل من فريقم .
اها التحرير جا وقسم الكيميان فادرته منقسمة بين العلم والشعلة فناس ابونوم محي دردوق ديل ناس العلم اما مستين وعلى موسي ديل ناسنا ناس الشعلة فقد تم صراع كبير ما بين المجموعتين ابان محاولات تسجيل طارق عباس فقيدة في الناديين الشعلة والعلم لا ان ظفر به العلم الا انه لم يلعب لفترة طويلة معهم اما الضربة التي وجهناها لمحموعة المسطبة الاثيرة فكانت في تسجيل كلا من عمر عثمان الحسين والذي اطلق سراحه من العلم ليشتد عوده في الروابط وبعد داك يرجع للعلم مرة اخري الا اننا استطعنا تسجيله هو وضياء الدين عمر محمد على بنادي الشعلة حيث كان الجميع متوقعين انو ضياء ماشي العلم بحكم انو نادي العلم لفترات طويلة يجاور منزل جده لامه وخالو قدورة كان لاعب وبقي اداري في نادي العلم الا ان نادي الشعلة قد ظفر به .
كما قلت التحرير اضحي يفرج لعيبة لنادي الشعلة مما اغضب ناس العلم خاصة وان معظم الذين وقعو للشعلة في تلك الفترةهم من ابناء فريق قدام ضياء الدين محمد صديق ود الدرملي متوكل السحار وعمر اخوهو والمرحوم جانبو صديق تلب وبعدهم جا ولدكم وليد ومعه كمال عبد الجبار وغيرهم من لعيبة الشعلة تاكا مالو ويعقوب وسانتو رفاعة برضو لعب في التحرير فدا كانت بداية نفوذ شعلابي اضحي مؤثرا في الحي الامامي جوار الاستبالية وخاصة ان الشعلة تخصصت في هزيمة العلم يعني اي حداشر لابسين اصفر غالبين غالبين . اخر كورة حضرتها الشعلة والعلم العام الماضي انتصرت فبها الشعلة ثلاثة واحد، والشي العجبني انو اتنين اخوان وهم من اولاد الفكي عمر الفكي لاعب العلم الخطير زمان واحد فيهم بلعب في العلم والتاني بلعب في الشعلة ودا كلو ناتج لظهور فرقة التحرير كما اعتقد ؟
اها النوريك قصة تسجيل عادل الريح في الشعلة وهو ايضا اطلق سراحه من قبل النادي الاهلي للزمالك ليلعب معاهم وبعداك يرجع للاهلي الااننا استطعنا جلبه لنادي الشعلة حيث حملت اورنيك التسجيل بالليل من النادي وفي اثناء اليوم الدراسي جلبنا عادل الريح ومشينا مكتب صلاح القريضة بمدرسة رفاعة الثانوية ليوقع عادل امامه لانه سكرتير الاتحاد فرفض في الاول لانه بطبيعة الحال هو اهلاوي والمهم بعد جدل طويل وافق على ان يوقع عادل الريح في كشوفات الشعلة وكان يراقب الموقف من بعيد كل من استاذ سليمان ومحمود عكود ومعاهم سائق التاكسي سمير
وبعد ان انتشر خبر تسجيل ود الكية في الشعلة اها النيران ولعت في الاهلي وبتذكر رفيق دربه عادل عوض الجاك اظنه الوحيد الذي لم يزعل من عادل الريح فكان بجي نادي الشعلة وما بدخل بس بقف جنب السينما وينادي ياعادل ارح البيوت فيضحك عكود وينادي عادل ياكيغان كما كان يطلق عليه صاحبك دي قوليهو زمنك فات وغنياك مات ان دايرينا فك التسجيلات الجاية بنجيبو معاك ، ودي كانت فترة زاهية من فترات الرياضة ي رفاعة حيث فرخت الروابط العديد من الشباب المبرزين رياضيا فذدهرت الدار وصار هنالك ظرفاء تابعين لكل نادي اما اشهرهم فهو عمنا حسن البلوي رحمة الله عليه حيا او ميتا صاحب العصا ذات اللونين الاصفر والاحمر وقد يتحفنا بالشاي الجميل في نادي الشعلة ليلا الا ان الجهجهة بتحصل ليهو لمن تلعب التاكاضد الشعلة فهو تاكابي ويستزرق ليلا في نادي الشعلة فيضحك ان غلبت الشعلة فيرفع الشق الاصفر وهو يردد المعايش جبارة فيضحك الجميع .
اما امتع المشجعين فكانو ايام دار الرياضة الخيش خاصة اولادناصر ايام السنيور خاصة التيمان حسن وحسين عليهما رحمة الله وعزالدين الجيلي فديل كانو من يحببون الناس لدخول دار الرياضة وهم كلهم من مشجعي نادي العلم

راشد بلال
08-28-2011, 03:17 PM
تحية حب للجميع ...

طبعاً كل يوم أنا بجي أتمم هنا .. وعجبني البوست دا لدرجة أني مش قادر أقولي كلاماً حلو يضاهي حديثكم العذب هذا ..

بس كويس أنو نزار جعل لي مدخل .. أمل أن يكون لطيف كلطفكم ..

واهو دا كلامي :-

إهداء لك يانزار .. فماذال حبيب رفاعة حسن البلوي بخير وصحة وعافية ..
وماذال يتمتع بتلك الروح الجميلة المرحة أياها ..
جلست معه قبل شهر عدة جلسات بسوق رفاعة .. ودردشت معه كثيرا ..
فسألته يالبلوي إت قريت لحدة وين ...؟
ضحك وفرة ضهرو ورفع يديهو وهزة العكاز أياهو ،، وقال :-
تعرف اول مااهلي ودوني .. اللسبوع اللول عديناه كلو مص داردمة وكد دوم
تاني اسبوع اللستاذ جانا وقال داير يحكيلنا قصة عشان يشوف الشاطر منو فيكم .. وبعدين عندي سؤال البجابو هو الشاطر ..
قتلو وأهااا .. قالي ،، اللستاذ قالنا :-
كان في ولد اسمه حمد ،، وحمد دا ولد شقي خلاس .. قام شرد من المدرسة ومشى يلعب مع اللسد فوق الغابة ..
وبعد الدراسة اهلو فقدوه وجو يسعلو منو باقي الطلبة المعاهو .. وتاني مشو للمدير فوق بيتو برضه ماعرفوه ..
اها ناس الحلة قالوا احسن ندخل الغابة نشوفو هناك .. ولما دخلو الغابة صادفهم أسد خشمو كلو مليااان دم أححححححمر ...

هنا قام قالي الأستاذ وقفني وسعلني .. اها ياحسن دحين الولد دا أكل اللسد ..؟ ولا اللسد أكل الولد ..
قالي قلت ليهو / أياها دي قرايتكم .. ماياكلو اكان أكلو ان شاءالله مايمرق منها.. نحن في مدرسة ولا حظيرة الدندر ....
ومن ديك لايوم الليلة ماشفتها مدرسة .

http://www.rufaaforall.com/board/uploaded/6227_1314533759.jpg

Nazar Hussien Babkir Frie
08-28-2011, 09:48 PM
تحية حب للجميع ...

طبعاً كل يوم أنا بجي أتمم هنا .. وعجبني البوست دا لدرجة أني مش قادر أقولي كلاماً حلو يضاهي حديثكم العذب هذا ..

بس كويس أنو نزار جعل لي مدخل .. أمل أن يكون لطيف كلطفكم ..

واهو دا كلامي :-

إهداء لك يانزار .. فماذال حبيب رفاعة حسن البلوي بخير وصحة وعافية ..
وماذال يتمتع بتلك الروح الجميلة المرحة أياها ..
جلست معه قبل شهر عدة جلسات بسوق رفاعة .. ودردشت معه كثيرا ..
فسألته يالبلوي إت قريت لحدة وين ...؟
ضحك وفرة ضهرو ورفع يديهو وهزة العكاز أياهو ،، وقال :-
تعرف اول مااهلي ودوني .. اللسبوع اللول عديناه كلو مص داردمة وكد دوم
تاني اسبوع اللستاذ جانا وقال داير يحكيلنا قصة عشان يشوف الشاطر منو فيكم .. وبعدين عندي سؤال البجابو هو الشاطر ..
قتلو وأهااا .. قالي ،، اللستاذ قالنا :-
كان في ولد اسمه حمد ،، وحمد دا ولد شقي خلاس .. قام شرد من المدرسة ومشى يلعب مع اللسد فوق الغابة ..
وبعد الدراسة اهلو فقدوه وجو يسعلو منو باقي الطلبة المعاهو .. وتاني مشو للمدير فوق بيتو برضه ماعرفوه ..
اها ناس الحلة قالوا احسن ندخل الغابة نشوفو هناك .. ولما دخلو الغابة صادفهم أسد خشمو كلو مليااان دم أححححححمر ...

هنا قام قالي الأستاذ وقفني وسعلني .. اها ياحسن دحين الولد دا أكل اللسد ..؟ ولا اللسد أكل الولد ..
قالي قلت ليهو / أياها دي قرايتكم .. ماياكلو اكان أكلو ان شاءالله مايمرق منها.. نحن في مدرسة ولا حظيرة الدندر ....
ومن ديك لايوم الليلة ماشفتها مدرسة .

http://www.rufaaforall.com/board/uploaded/6227_1314533759.jpg
تسلم يا راشد العم حسن لم التقيه لي سنين والرحمة بتجوز على الميت والحي وحمدا لله على انو موجود وحي يروق الصورة قيافة بس الجواز لزمو شنو ياراشد كانك لا تريد الاستقرار في السودان ، وبعدين طرائف المشجعين الزمان كتيرة النحكليك دي ، مرة عمنا جا دالله التاكابي الشهير اتشاكل مع ناس التاكا وجائنا مساءا يوم خميس وقال والله انا من الل:SnipeR (89):يلة انا شعلابي وكان بكرة الجمعة في كورة بين الشعلة والتاكا في الدوري ودخل معانا غرفة السكرتارية وبدا كلندي يكتب في منتخب الشعلة وينده في الاسامي الي بتلعب ضد التاكا فبدا بالحراسة واعلن اسم الحارس واظنه غازي ودرحوم ولما وصل خط الهجوم قال طارق الوقيع راس حربة فقام ود الوقيع وقال الا انا بلعب بكرة تيرباك فضحكنا كلنا لاننا عارفينو بيكون قبض من اسماعيل الشايقي شفاه الله ورد اليه بصره ببركة العشر الاواخر هذه وسليمان مصر انو هو راس حربة وعادل شريف يلعب مكانو راس حربة وبعد جدل اقنعنا كلندي بانو عادل راس حربة وود الوقيع ثيرباك فوقف التريس وقال ود الوقيع خلو علي ونخن طالعين من الغرفة كان الحديث انو بكرة لازم نغلب التاكا فوقف جادالله وقالنا والله ان جات اخواتكم ما بتغلبو التاكا وخرج وبعدها لم نره بنادي الشعلة مرة اخري وضحكنا كلنا على حديثه ، وبعد نهاية الاجتماع طلعنا على اروج للعشاء فضجك ود الوقيع قال ناس التاكا ان بكرة براي بنتهي منهم وقد كان ، دي لمحات من زمان ياراشد تعال لينا وجيب النضمي السمح بهنا .الغريبة لمن امشي رفاعة بلاقي الناس المعتقين ناس السر عكر وود الكندي وادروب وود اب علي وغيرهم من ظرفاء رفاعة ولكني لم التقي بالبلوي وهو شخصية تستاهل بوست براهو بلانو ليهو طعم وريحة براه
الكلام كتيير ومثير وجميل ، والدنيا قابيل عيد ودايرين نتذكر رفاعة زمان فهي سلوانا الوحيدة بعد اضحينا من المهجرين منها ولكننا عازمون على العودة مرة اخري علنا نعيد الي انفسنا القها بتواجدنا بين ظهراني اهلنا الطيببن وكل عام وانتم بخير

ahmed mustafa omer
08-29-2011, 09:51 AM
تحية حب للجميع ...

طبعاً كل يوم أنا بجي أتمم هنا .. وعجبني البوست دا لدرجة أني مش قادر أقولي كلاماً حلو يضاهي حديثكم العذب هذا ..

بس كويس أنو نزار جعل لي مدخل .. أمل أن يكون لطيف كلطفكم ..

واهو دا كلامي :-

إهداء لك يانزار .. فماذال حبيب رفاعة حسن البلوي بخير وصحة وعافية ..
وماذال يتمتع بتلك الروح الجميلة المرحة أياها ..
جلست معه قبل شهر عدة جلسات بسوق رفاعة .. ودردشت معه كثيرا ..
فسألته يالبلوي إت قريت لحدة وين ...؟
ضحك وفرة ضهرو ورفع يديهو وهزة العكاز أياهو ،، وقال :-
تعرف اول مااهلي ودوني .. اللسبوع اللول عديناه كلو مص داردمة وكد دوم
تاني اسبوع اللستاذ جانا وقال داير يحكيلنا قصة عشان يشوف الشاطر منو فيكم .. وبعدين عندي سؤال البجابو هو الشاطر ..
قتلو وأهااا .. قالي ،، اللستاذ قالنا :-
كان في ولد اسمه حمد ،، وحمد دا ولد شقي خلاس .. قام شرد من المدرسة ومشى يلعب مع اللسد فوق الغابة ..
وبعد الدراسة اهلو فقدوه وجو يسعلو منو باقي الطلبة المعاهو .. وتاني مشو للمدير فوق بيتو برضه ماعرفوه ..
اها ناس الحلة قالوا احسن ندخل الغابة نشوفو هناك .. ولما دخلو الغابة صادفهم أسد خشمو كلو مليااان دم أححححححمر ...

هنا قام قالي الأستاذ وقفني وسعلني .. اها ياحسن دحين الولد دا أكل اللسد ..؟ ولا اللسد أكل الولد ..
قالي قلت ليهو / أياها دي قرايتكم .. ماياكلو اكان أكلو ان شاءالله مايمرق منها.. نحن في مدرسة ولا حظيرة الدندر ....
ومن ديك لايوم الليلة ماشفتها مدرسة .

http://www.rufaaforall.com/board/uploaded/6227_1314533759.jpg

راشد بلال كيف الحال والاحوال وشكرا على المتابعه وخش معنا لى جوه وادينا برضو انت من الزكريات .... واكيد عندك كتير .... ودمتم

ahmed mustafa omer
08-29-2011, 10:08 AM
تسلم يا راشد العم حسن لم التقيه لي سنين والرحمة بتجوز على الميت والحي وحمدا لله على انو موجود وحي يروق الصورة قيافة بس الجواز لزمو شنو ياراشد كانك لا تريد الاستقرار في السودان ، وبعدين طرائف المشجعين الزمان كتيرة النحكليك دي ، مرة عمنا جا دالله التاكابي الشهير اتشاكل مع ناس التاكا وجائنا مساءا يوم خميس وقال والله انا من الل:sniper (89):يلة انا شعلابي وكان بكرة الجمعة في كورة بين الشعلة والتاكا في الدوري ودخل معانا غرفة السكرتارية وبدا كلندي يكتب في منتخب الشعلة وينده في الاسامي الي بتلعب ضد التاكا فبدا بالحراسة واعلن اسم الحارس واظنه غازي ودرحوم ولما وصل خط الهجوم قال طارق الوقيع راس حربة فقام ود الوقيع وقال الا انا بلعب بكرة تيرباك فضحكنا كلنا لاننا عارفينو بيكون قبض من اسماعيل الشايقي شفاه الله ورد اليه بصره ببركة العشر الاواخر هذه وسليمان مصر انو هو راس حربة وعادل شريف يلعب مكانو راس حربة وبعد جدل اقنعنا كلندي بانو عادل راس حربة وود الوقيع ثيرباك فوقف التريس وقال ود الوقيع خلو علي ونخن طالعين من الغرفة كان الحديث انو بكرة لازم نغلب التاكا فوقف جادالله وقالنا والله ان جات اخواتكم ما بتغلبو التاكا وخرج وبعدها لم نره بنادي الشعلة مرة اخري وضحكنا كلنا على حديثه ، وبعد نهاية الاجتماع طلعنا على اروج للعشاء فضجك ود الوقيع قال ناس التاكا ان بكرة براي بنتهي منهم وقد كان ، دي لمحات من زمان ياراشد تعال لينا وجيب النضمي السمح بهنا .الغريبة لمن امشي رفاعة بلاقي الناس المعتقين ناس السر عكر وود الكندي وادروب وود اب علي وغيرهم من ظرفاء رفاعة ولكني لم التقي بالبلوي وهو شخصية تستاهل بوست براهو بلانو ليهو طعم وريحة براه
الكلام كتيير ومثير وجميل ، والدنيا قابيل عيد ودايرين نتذكر رفاعة زمان فهي سلوانا الوحيدة بعد اضحينا من المهجرين منها ولكننا عازمون على العودة مرة اخري علنا نعيد الي انفسنا القها بتواجدنا بين ظهراني اهلنا الطيببن وكل عام وانتم بخير

الرائع نزار زى ماقلت الدنيا قبايل عيد .... وانا هسى جيت من كجاجه ... ومستعد للعيد وسهره .... لكين خلينى اركز شويه انا بعد شاى الفطور اكان شفتنى اساسق زى جيب الله من بقاله ود البكرى لحدى دكان خضر مالك تكون عارف السبب شنو ..... وبعدين الليله دخل علينا فنان ولاعب كوره ... خلينى افضى ليو واعرف حفلاتو وين ... وبرضو انت فتشوا لى امكن اديك معلومات اكتر.... ونتلاقى جنب الفرن مع تلب نشيل عيش العيد .... وشوف لى فرن ود العيص الجنب رواكيب الحلب اكان شغال فى طريقك من البيت للاحتياط ... لانو لو ما ضمنت عيش اول يوم فى العيد لا مستيين ولا ناس البيت بخلونى اطلع لى مرقص ,,,

ahmed mustafa omer
08-29-2011, 10:13 AM
يانزار لاحظتا حاجه راشد بلال بدعم كلاموا طوالى بى صور والله دا اكان لما فيكم زمان ... كان ممكن ابيع الصور لى ناس الصادق وبرونزيه ,,, الله ستر . برضو اعمل حسابك

ahmed mustafa omer
08-29-2011, 10:21 AM
نزار والاخوه الاعزاء حتى لحظه كتابتى لهذه السطور يوجد 1205 مشاهد للبوست .... اتخليوا لو كل زول ادانا حاجه من تلك البقعه الطيبه

الصادق عبدالله ضرار
08-29-2011, 11:44 AM
الإمتاع في القرايه وفن السماع
ياخي والله وريتونا ....

في 93 في فترة التسجيلات كنت في غرفة التسجيلات في الشعله وقررنا تسجيل بابور لاعب التاكا الشهير وفعلا تم ذللك بمبلغ 200 ريال سعودي وكم الف جنيه كده ما بذكرها وانا وبوكو وعكود مشينا لي قريتهم بالقرب من المسلميه وذلك لخطفه من الشعله وعمنا محمد علي بساطي عارفنو بزعل شديد ... وصلنا هناك وفعلا وجدنا بابور مافي وانتظرنا لحدي ماجا وجبناهو معانا رفاعه وسجلناه وعمل ضجه في البلد وفعلا كتلنا بيهو الجماعه كتل شديد خاصه التاكا ... والريس كان احمد الارباب الله يرحمو كل يوم بنتلاقى الصباح ونحنةماشيين السوق بكون قاعد قدام بابو وبمر من قدامو الارباب برضو ولمن تكون في مباره شعله تاكا الارباب بقول ليهو بكره شوف ليك محل اقعد فيها ساكت وفعلا لما نغليهم الصباح ما بنلقاهو قاعد قدام الباب وهو كان قد بترت رجله حينها ... يااااه وكان بقول لينا انا بي كرار كشه الله يرحمو بغلبكم .... ياه كرار ذلك الرجل العجيب رحمه الله ... وعوضه شبابه الجنه فقد كان لاعبا في التاكا وإجتماعيا شعلابي ...
برضو في نفس تلك التسجيلات سجلنا النيل اخو ابّته ود دراج وكان على راس تسجيله عمر كشه متعه الله بالعافيه اها لاعبين مع العلم اظن او التاكا وكان هو الثيردباك وجديد طبعا المهم غنضربنا في الشوط الاول عبرو فقام عواد كورك لي عمر كشه لانو كان بشكر في الود فقال ليهو ياعمر كشه نيلك بقى ترعه والاستاد كلو ضحك ....
ياااه زمن
سكر عدييييل
بس ما حق الحدبه
نزار
احمد
راشد بالغت في البلوي والله الزول كان مشتاق يشوفو ...

Nazar Hussien Babkir Frie
08-29-2011, 05:09 PM
:QUOTE=ahmed mustafa omer;510626]الرائع نزار زى ماقلت الدنيا قبايل عيد .... وانا هسى جيت من كجاجه ... ومستعد للعيد وسهره .... لكين خلينى اركز شويه انا بعد شاى الفطور اكان شفتنى اساسق زى جيب الله من بقاله ود البكرى لحدى دكان خضر مالك تكون عارف السبب شنو ..... وبعدين الليله دخل علينا فنان ولاعب كوره ... خلينى افضى ليو واعرف حفلاتو وين ... وبرضو انت فتشوا لى امكن اديك معلومات اكتر.... ونتلاقى جنب الفرن مع تلب نشيل عيش العيد .... وشوف لى فرن ود العيص الجنب رواكيب الحلب اكان شغال فى طريقك من البيت للاحتياط ... لانو لو ما ضمنت عيش اول يوم فى العيد لا مستيين ولا ناس البيت بخلونى اطلع لى مرقص ,,,[/QUOTE]
يا احمد ماتسيل هم العيش انا متفق معى اولاد العيص يخلو طاولة كاملة لاصحابنا ما مهم اصلا اهلى ناس دلوت ، المهم نوم قفا ووكلم مجدي موسي يجي معاك برضو يشيل العيش بس اختاني من ابهون لانو مسيخ وكلامو ردخيخ ن ورزي ما بقول تلب للنساوين لمن يبدان اديني ياتلب العيش انا ما جيت من قبيل اجو اي واحد مننا اكورك بس يا تلب تلقاهو مد ليك العيش حقك واقول ليك تعال حاسب بعدين واها النسوان بزعلن ما نحنا واقفين من قبيل بقوم اضحك واقوليهم ديل قبيل مشو الحصاحيصا جابو دواء الراس انتوشابكني تلب اديني ادينا انا دا راسي بخسر قيهو بالليل خمسين جنيه ، علما بانه لم يدخن ولم يسف ولم يسكر طيلة حياته ؟
اها المزازة لزمو شنو ماتنو الاخبار بتجيكم وبعيد ولد فريق قدام بزازي ولا زمان البنوت بزازن ليهو البوديك جنب دكان خضر مالك شنو ؟ولا اه انا اتذكرت انو تجهيوات العيد اتاخرت في توفيرها لناس البيت وكلما ارسلوك بتنسي حاجة حاجتين عشان كدا بقيت زي ابو الجيب
، والله نحنا خضر مالك ما حضرنا دكانو ولكن عبد العزيز حضرنا ليهو ليلة عيد من ابرك الاعياد زكانت اخر عيد اعايشه برفاعة ، ولكن ود مالك انا خابرو كويس رياد وعارفو كان مكتول وين .
بعدين مستين بنكلمو ليك بس انت شيل عيش الفطور من بدري ومعاهو عيش الغداء لانو امكن بعدين ماتلقي ، ماهو اجمل الحفلات في فريقكم

Nazar Hussien Babkir Frie
08-29-2011, 05:25 PM
:SnipeR (67)::SnipeR (31):يانزار لاحظتا حاجه راشد بلال بدعم كلاموا طوالى بى صور والله دا اكان لما فيكم زمان ... كان ممكن ابيع الصور لى ناس الصادق وبرونزيه ,,, الله ستر . برضو اعمل حسابك
تعرف راشد دا طلع داهية وانا كنت قاليو بيعرف اراقب جناحو دا لقيتو مراقب رفاعة كلها الجنا طلع ماهو هين ، راشد حضر جزء من زمنا بس بتعامل معانا لاننااكبرمنو ما بقوم يرفع الكلفة لذا يمكن نتقابل في الرقايص من بعيد ، بس هججننا تمام في رحلات الشعلة زمان لجنينة ناس الوقيع عقب الفوز بالدوري لفترة تقارب الخمس سنوات متتالية حيث الرحلة شاملة للجميع لعيبة واداريين واقطاب فدي بنداح سوا ، اها الولدطلع شفت ومثبت رفاعة كلها بعد وثق لاعيان البلد ، ااها والله لوكان الزمن داك الكاميرات متوافرة دا كان اوردنا موارد التهلكة وكان بنبدا نساومو يراشد الصورة ، وهو حافظ للكتير من ايام فرقتم ناس كبدة والجار وحفيظ عوض بس انا دايرو اجي واحكي لينا عن ابامهم في رفاعة اها نحنا قلنا معظم الذي لدينا ، اريتو اجي راشد وغيره من المتاوقين ، تعالوا واسكبو عصارة تجاربكم علنا كلنا نستفيدمنها اقلها بحفظنا لاحداث مرت برفاعة وكفي

Nazar Hussien Babkir Frie
08-29-2011, 11:36 PM
يا شباب بكرة عيد وانا عيدي عيدين اولها طوفت برفاعة وقابلت كلا ومجوعة من شباب رفاعة ناس الفاضل الكنس لانو اتقابلنا انا وكلا جنب الجزر ، ياالصادق وصلت ليهو كلامك عن الماعتده ضنب بحاحب ليها ربها وضحك كما يضحك من قبل وقام قالي قوليهو امثال فتوح حدارو دي لسع ما نسيتها يعني طلع المثل وارد فريق السناب يعني حقنا حصريا وزي ما قلت للبت ليلي اولاد السناب عذاب .
اها ياشباب انحنا ركبنا الستائر ماالطول قالو عز ودي شغلة بتزهجني ولكن لابد مما ليس منه بد لزوم العيد لازم نشارك البنية وامها في تجهيز البيت للضيوف لانو نحنا ناس حلال وبكرة من الصباح القهوة بتدور ومعاها سيجارة الصباح ويعدها الصلاة في البنية ما حقت الشيخ طه بتاع رفاعة دي حقت شيخ اسمو ود حماد وبندهو ليكم باذنه تعالي .
ولي فواروي خاصة وليدة وابهلة بيقولو ليك كل سنة وانت طيب وسعالين منك كتير .
يلا ياولاد كل سنة وانتم جميعا بخير ولكما نلقي فرصة بنطل عليكم ز
وكل سنة وكل عضوية المنتدي بالف خير
يابت ياليلي اها رمضان عدي وفات ومنتظرين اندياحك ، وما تتحججي بان الاذن لسع ما ادوكي ليهو وربنا يحقق ليك كل امانيك زكل عام وكل بنياتنا المعانا في المنتدي بالف الف خير .
ياحمد بكرة القيدومة وين عشان نجي من بدري باقي الجماعو مشتتين في رفاعة وما عارفين نلاقيهم كيف بس كلندي وعد بانو امدنا باخر التفاصيل عن جمال ناس رفاعة بس بعد العيد لانوتالت يوم انا مقيل في رفاعة ان ربنا مد في الاجال .
ويلا فتكم عافية باقي فتران من سفرية رفاعة قبيل الصباح وكان مفروض نقابل الريس وامير اللمينن بس الحظ عبس لينا على وعد بان نلتقي ثالث ايام العيد وبيتنا لقاء دا بكون احلي المني اما اذا بيتنا في رفاعة امكن نلقي حاجة تخفف الوجع الزمان .
كل عام والمنتدي بالف خير عافية ومشتاقين لي طلتكم .

ahmed mustafa omer
08-30-2011, 09:19 AM
:quote=ahmed mustafa omer;510626]الرائع نزار زى ماقلت الدنيا قبايل عيد .... وانا هسى جيت من كجاجه ... ومستعد للعيد وسهره .... لكين خلينى اركز شويه انا بعد شاى الفطور اكان شفتنى اساسق زى جيب الله من بقاله ود البكرى لحدى دكان خضر مالك تكون عارف السبب شنو ..... وبعدين الليله دخل علينا فنان ولاعب كوره ... خلينى افضى ليو واعرف حفلاتو وين ... وبرضو انت فتشوا لى امكن اديك معلومات اكتر.... ونتلاقى جنب الفرن مع تلب نشيل عيش العيد .... وشوف لى فرن ود العيص الجنب رواكيب الحلب اكان شغال فى طريقك من البيت للاحتياط ... لانو لو ما ضمنت عيش اول يوم فى العيد لا مستيين ولا ناس البيت بخلونى اطلع لى مرقص ,,,
يا احمد ماتسيل هم العيش انا متفق معى اولاد العيص يخلو طاولة كاملة لاصحابنا ما مهم اصلا اهلى ناس دلوت ، المهم نوم قفا ووكلم مجدي موسي يجي معاك برضو يشيل العيش بس اختاني من ابهون لانو مسيخ وكلامو ردخيخ ن ورزي ما بقول تلب للنساوين لمن يبدان اديني ياتلب العيش انا ما جيت من قبيل اجو اي واحد مننا اكورك بس يا تلب تلقاهو مد ليك العيش حقك واقول ليك تعال حاسب بعدين واها النسوان بزعلن ما نحنا واقفين من قبيل بقوم اضحك واقوليهم ديل قبيل مشو الحصاحيصا جابو دواء الراس انتوشابكني تلب اديني ادينا انا دا راسي بخسر قيهو بالليل خمسين جنيه ، علما بانه لم يدخن ولم يسف ولم يسكر طيلة حياته ؟
اها المزازة لزمو شنو ماتنو الاخبار بتجيكم وبعيد ولد فريق قدام بزازي ولا زمان البنوت بزازن ليهو البوديك جنب دكان خضر مالك شنو ؟ولا اه انا اتذكرت انو تجهيوات العيد اتاخرت في توفيرها لناس البيت وكلما ارسلوك بتنسي حاجة حاجتين عشان كدا بقيت زي ابو الجيب
، والله نحنا خضر مالك ما حضرنا دكانو ولكن عبد العزيز حضرنا ليهو ليلة عيد من ابرك الاعياد زكانت اخر عيد اعايشه برفاعة ، ولكن ود مالك انا خابرو كويس رياد وعارفو كان مكتول وين .
بعدين مستين بنكلمو ليك بس انت شيل عيش الفطور من بدري ومعاهو عيش الغداء لانو امكن بعدين ماتلقي ، ماهو اجمل الحفلات في فريقكم[/quote]

الاخوان الاعزاء كل سنه وانتو طيبين وربنا يتقبل صيامكم وقيامكم واجعل ايامنا كلها افراح واملى ان نلقى كلنا فى ساعه خير ...

والله يانزار فى كلامك زى الدهب (ومزيان )دى بلغه ناس وجده نحن اولاد فريق قدام ماكنا بنزازى ليهم بل هم كانوا بزازو لينا وبنمشى لى دكان خضر عشان ادونا طله واعرفوا اكان جاين لى افراحهم .... مجدى موسى مراقب وبت خالتى بعد ماتشوف اغانى اغانى بتقبل على موضوعنا دا يعنى رابطاهم بى بعض والليله قالت لى ياولد مسطبه ناس ود ابونوره وركن ناس جدى فى من قبل الناس النحنا قاعدين نقولهم ديل .. يعنى كان فى مؤسسين قبلكم . غايتو منتظرين نعرف خبركم شنو ومساهرين وين واكيد الشباب دايريين حفله فى فريق قدام لكن المره دى دايرين نجب بوليس اكون قاعد بره الخيمه وبتاعين السوارى يكونو فى الخط الفاصل ... مابقدر على الاسنافى الفيو بنج حصان ولا كيماوى وكان لابد منو الله اكفينا شر الحدبه وناسها .

ودامت ايامنا كلها اعياد وافراح وكل سنه وانتم بخير

ahmed mustafa omer
08-30-2011, 09:55 AM
[QUOTE=Nazar Hussien Babkir Frie;510678]يا شباب بكرة عيد وانا عيدي عيدين اولها طوفت برفاعة وقابلت كلا ومجوعة من شباب رفاعة ناس الفاضل الكنس لانو اتقابلنا انا وكلا جنب الجزر ، ياالصادق وصلت ليهو كلامك عن الماعتده ضنب بحاحب ليها ربها وضحك كما يضحك من قبل وقام قالي قوليهو امثال فتوح حدارو دي لسع ما نسيتها يعني طلع المثل وارد فريق السناب يعني حقنا حصريا وزي ما قلت للبت ليلي اولاد السناب عذاب .
اها ياشباب انحنا ركبنا الستائر ماالطول قالو عز ودي شغلة بتزهجني ولكن لابد مما ليس منه بد لزوم العيد لازم نشارك البنية وامها في تجهيز البيت للضيوف لانو نحنا ناس حلال وبكرة من الصباح القهوة بتدور ومعاها سيجارة الصباح ويعدها الصلاة في البنية ما حقت الشيخ طه بتاع رفاعة دي حقت شيخ اسمو ود حماد وبندهو ليكم باذنه تعالي .
ولي فواروي خاصة وليدة وابهلة بيقولو ليك كل سنة وانت طيب وسعالين منك كتير .
يلا ياولاد كل سنة وانتم جميعا بخير ولكما نلقي فرصة بنطل عليكم ز
وكل سنة وكل عضوية المنتدي بالف خير
يابت ياليلي اها رمضان عدي وفات ومنتظرين اندياحك ، وما تتحججي بان الاذن لسع ما ادوكي ليهو وربنا يحقق ليك كل امانيك زكل عام وكل بنياتنا المعانا في المنتدي بالف الف خير .
ياحمد بكرة القيدومة وين عشان نجي من بدري باقي الجماعو مشتتين في رفاعة وما عارفين نلاقيهم كيف بس كلندي وعد بانو امدنا باخر التفاصيل عن جمال ناس رفاعة بس بعد العيد لانوتالت يوم انا مقيل في رفاعة ان ربنا مد في الاجال .
ويلا فتكم عافية باقي فتران من سفرية رفاعة قبيل الصباح وكان مفروض نقابل الريس وامير اللمينن بس الحظ عبس لينا على وعد بان نلتقي ثالث ايام العيد وبيتنا لقاء دا بكون احلي المني اما اذا بيتنا في رفاعة امكن نلقي حاجة تخفف الوجع الزمان .
كل عام والمنتدي بالف خير عافية ومشتاقين لي طلتكم .[/QUOT

الحمد لله الستائر اتركبت ومنتظرين كلندى امدنا باخر التفاصيل عن جمال رفاعه وليلى كمان تخش علينا ... زى مادخل راشد امس يعنى الكلام حيكون كتيييييييييييييييييييييييييييير والونسه والذكريات حتبقى متواصله هلا هلا ...
نخليك نرتاح وبكره مع قهوه الصباح والسيجاره اجمع كل الاخبار ... وماتنسانا المهم ادعى لينا فى البنيه اكان الشيخ طه ولا ود حماد

اكان للقيدومه قالوا لى ماتكلم زول مادرين ناس تعاين بى فوق الحيطه
واكرر نفسى هنا وكل عام والجميع والمنتدى بخير ورفاعه بخير

Nazar Hussien Babkir Frie
08-30-2011, 01:37 PM
:012:يا احمد ماتسيل هم العيش انا متفق معى اولاد العيص يخلو طاولة كاملة لاصحابنا ما مهم اصلا اهلى ناس دلوت ، المهم نوم قفا ووكلم مجدي موسي يجي معاك برضو يشيل العيش بس اختاني من ابهون لانو مسيخ وكلامو ردخيخ ن ورزي ما بقول تلب للنساوين لمن يبدان اديني ياتلب العيش انا ما جيت من قبيل اجو اي واحد مننا اكورك بس يا تلب تلقاهو مد ليك العيش حقك واقول ليك تعال حاسب بعدين واها النسوان بزعلن ما نحنا واقفين من قبيل بقوم اضحك واقوليهم ديل قبيل مشو الحصاحيصا جابو دواء الراس انتوشابكني تلب اديني ادينا انا دا راسي بخسر قيهو بالليل خمسين جنيه ، علما بانه لم يدخن ولم يسف ولم يسكر طيلة حياته ؟
اها المزازة لزمو شنو ماتنو الاخبار بتجيكم وبعيد ولد فريق قدام بزازي ولا زمان البنوت بزازن ليهو البوديك جنب دكان خضر مالك شنو ؟ولا اه انا اتذكرت انو تجهيوات العيد اتاخرت في توفيرها لناس البيت وكلما ارسلوك بتنسي حاجة حاجتين عشان كدا بقيت زي ابو الجيب
، والله نحنا خضر مالك ما حضرنا دكانو ولكن عبد العزيز حضرنا ليهو ليلة عيد من ابرك الاعياد زكانت اخر عيد اعايشه برفاعة ، ولكن ود مالك انا خابرو كويس رياد وعارفو كان مكتول وين .
بعدين مستين بنكلمو ليك بس انت شيل عيش الفطور من بدري ومعاهو عيش الغداء لانو امكن بعدين ماتلقي ، ماهو اجمل الحفلات في فريقكم

الاخوان الاعزاء كل سنه وانتو طيبين وربنا يتقبل صيامكم وقيامكم واجعل ايامنا كلها افراح واملى ان نلقى كلنا فى ساعه خير ...

والله يانزار فى كلامك زى الدهب (ومزيان )دى بلغه ناس وجده نحن اولاد فريق قدام ماكنا بنزازى ليهم بل هم كانوا بزازو لينا وبنمشى لى دكان خضر عشان ادونا طله واعرفوا اكان جاين لى افراحهم .... مجدى موسى مراقب وبت خالتى بعد ماتشوف اغانى اغانى بتقبل على موضوعنا دا يعنى رابطاهم بى بعض والليله قالت لى ياولد مسطبه ناس ود ابونوره وركن ناس جدى فى من قبل الناس النحنا قاعدين نقولهم ديل .. يعنى كان فى مؤسسين قبلكم . غايتو منتظرين نعرف خبركم شنو ومساهرين وين واكيد الشباب دايريين حفله فى فريق قدام لكن المره دى دايرين نجب بوليس اكون قاعد بره الخيمه وبتاعين السوارى يكونو فى الخط الفاصل ... مابقدر على الاسنافى الفيو بنج حصان ولا كيماوى وكان لابد منو الله اكفينا شر الحدبه وناسها

[b]ودامت ايامنا كلها اعياد وافراح وكل سنه وانتم بخير
اولاا ابدا بالتهاني والتبريكات متنيا ان يثبت الله اجر الصبام والقيام ويجمعنا كلنا قريبا هنا في سودان ذي مااسماه اخوي الصغير بابكر (زيكو )ود حاجة صالحة زمان في بوست في المنتدي ، اها بد ان ابتلت العروقعصير الصباح ابري بايت وبارد و بعد شربها شاي اللبن بالبسكويت او الخبيز ونحن ناس جبنات ساي والناس ضربت العصايد الحارة بملاح الروب والتقلية وكمان نعاها شعيرية وسكسكانية اها وشربنا شاي الفطور ولفينا على الحلة ولكن والله ما طالبني حليفة عيد رفاعة مالاقني زيو :SnipeR (25):طبعا الكرت دا عشان المرة بتزعل لمن اقوليها اهل القرية اهلك طيبين ولكن والله عيد رفاعة ليهو ريحة وطعم براهو ما ديل اهلي واصحابي وحياتي كلها ومناي انو اعيد قريب في رفاعة زي زمان بس القي الناس كلهم لانو رفاعة بقت لي مسيخة لانو كل اصحابي اختارو المنافي والمهاجر ملاذا ود حلواني ضارب امريكا وضياء وعلى موسي في السعودية وصداح في امريكا ومستين في انجلترا اها ديل المجموعة الاولي اما المجموعة التانية ديل ليهم حوبتهم ناس الوريف دراسة وعملا في السعودية محمد الزبير في البندر ود فضيل في السعودية وغيرهم من رفاقة الزمن الجميل اها ديل كلهم بتمني اعيد معاهم في رفاعة يوما ما قولو امين يارب .اها ياجماعة الخير املي ان نستعيد رونق الايام الفاتت مننا .
اها نعود ليكم ياجماعة الخير ومشتاقين ليكم كتير ، وبعد دا بدينا نجهز حالنا للرقايص ، وعازمكم كلكم لزواج بت خالي في فريق السناب يوم الخميس الجاي وطبعا بيكون حقق لي امنيتي بان ابيت في رفاعة واسوح في ليالي الملاح ، وبعدين يابوحميد الاسنافي دا ما الناس خلوهو زمـــــــــــــــــــــــــــــــان والله الشامبيون بقي يجيب فينا خلل ، وان لقينا الشربو ت بقضي الغرض بس وين اللحم الطاعم مع الكيلو ابو تلاتين دا .
وطبعا عرسنا دا اول فريق قدام الا ناخد ليهم اذن من شباب حينا ، اها ياحمد ماتخافو تعالو ساي هم عارفينكم اصحابي وما بفرتقو لينا حفلتنا ، ونحنا حفلاتنا زمان ما بتحتاج للبوليس لانو فرسان فريقنا قاعدين والويل والثبور لمن يتجاسر ويقرب على الدارة ، ودي بتذكرنا ومان واحد من اولاد فريقنا حلف الا يدق فلان ود فريق قدام لانو زمان اشتكاهو لاستاذ عزالدين الرملي في الشرقية رغنا عن تقادم الزمن اها شفتو اولاد فريقنا فرسان كيف ، واسالو اللخدر قولو ليهو في زول بقدر على ناس فتوح حدارو دا غير الي انا داخرنم ليكم ، بس نحنا ما بنحب المشاطل وبمنش جنب الحيط ولا ما كدا ياحمد .
يلا اها النخليكم تاخدو ليكم تعسيلة الضهرية باقي الناس مساهرة من امس في التجهيزات وبعدين المغرب تعالولي انا عازمك كلكم شاي وقهوة وللحين داك بقول ليكم كل عام وانتم بخير وتامين ولا مين كلكم يارب وربنا يحقق ليكم كل امانيكم .
واكان بقينا حيين بتقابل ؟

Nazar Hussien Babkir Frie
08-30-2011, 10:36 PM
رجعنا ليكم ومن قبيل انا فاعد في البرندة المفروشة بالرملة ومرشوشة ومن عصرا بدري مرشوشة وهمبريبها يقول يا غربيت وجهزت ترامس الشاي والقهوة ومنتظر من قبل صلاة المغرب وانا امرق واقيف في خشم الباب زي ام العروس وبلتفت اكان صوت كشكيش بتاع اقدام في الشارع بقيق على طولي وبقول الشباب جو ، وقرب العشا وانا محتار اصلي في الجامع ولا اصلي في البيت لانو عارف الناس الجاييني ديل اهل انا مافي بدخلو وبقعدو وبتونسوا مع الناس البيت لحدي ما اجي ، اها القلق لعب لعبته ياربي الحاصل شنو اظهر انو الظروف اخرتم ، ياربي اكون مارقين لاقاهم واحد وقفهم في الشارع وتونس معاهم لحدي ما نسوا اجوني ، اها الهواجس لعبت ياتري وياتري علا في الاخر اتذكرت انو الدنيا ويمكن تكون لابس وداير تطلع لكن اجوك جماعة وتضطر تقعد معاهم وتفوت مواعيدك ما هو عادتنا كسودانيين ، اها ياجماعة بعد الزمن فات شربت القهوة واديتها سجارة وقلت كدي النفتح الباب والنقعد في الشارع يمكن كدا ساي واحد اجي ن وبعد فترة جاني واحد من اولاد فريقتا القدام جاني حسين ادريس ومعاهو الدقاش وعثمان حاج العوض جبارة واحمد الكير وود ابنعف عبداللطيف ، اها شلنا الترامس وركبنا لوري حسين ادريس وطلعنا طوالي مشينا على الربفيرا ودا ناس رفاعة كلهم ما بكونو سمعوا بيها الا الليلة مني لا معظم الشباب ما بكونو مشوها ودي مازي الريفيرا اللت الخرطوم وهي تشاببها من حيث قربها من البحر ولكن حقتنا دي رمال ططبيعية يعني لم تتدخل فيها يد الانسان وبتظهر دائما في فترة المحل اها الرملة بنمشي نقعد فيها ونتونس لتلايت الليل وبنرجع مبسوطين من الجو الجميل المصحوب بالمكاواة خاصة ما بين الدقاش وما بين ود الحاج العوض عثمان ، اها بكرة اتفقنا مع حسين ادريس ان نجيهو في تمبول بالبوكس الجديد حق جمال الهادي عشان نضرب كبدة الابل حارة عند نسابتو ناس عبدة بله ماهم برضو اصحابنا وذلك لانو حسين حول القراش حقو من رفاعة بيت ناس المليك لتمبول وقطع راسنا في قعدات الضهبرة بعد شراية الجرايد من مكتبة التاج ، بعد الفطور جينا راجعين قرب الساعة تلاتة ونص واتقسمنا جزء مع الدقاش في البوكس واتنين ركبو مع حسين في اللوري حقو وطوالي مشينا دار الرياضة لمشاهدة مبارة للشعلة عشقنا كلنا لنسمتع بصيحات ود الماحي ابوك ما تديو ولا ود عكود حينما يلتفت لعمر كيمياء وينادي عليه يا كيمياء سلاحك طلع بندق في بحر تعال شوف سلاحنا تاكا مالو وود الكية كيغان ولا محمد صديق نمل ولا دكتور الدردبري ولا فتح الرحمن سانتو لو ما عندك زي ديل ما تكاتل ياكيمياء وضحكنا كلنا واتبسطنا ورجعنا بيوتنا على امل التلاقي في النادي مساءا وكان في رقصة بنكتلها ، مع انو الود احمد ابا يكلمنا لكن الدقاش عندو الخبرية ماهو برضو ود فريق قدام ، وجينا يااحمد القيدومة وعشان ما نعاين بي فوق الحيطة قعدنا في اللوري ما هو عالي وشوفنا الجمال وانبسطنا كلنا لانو الحفلة كانت تمام ونحنا برضو كنا تمام ورجعنا بيوتنا انصاص الليالي مبسوطبن ومنتظرين فجر الغد علنا نلتقيكم في حكوة جديدة من حكايات زمان .
برضو بقول الجماعة مشغولين بالمعيادة لذا لم يظهرو ولكني بديكم فرصة لحدي باكر ان ما ظهرتو بقتحم امكنكم اقتحاما شفيفا لمعرفة ماطرا عن اسباب غيابكم اليوم ما انا باقي الايام متاثر بمصطفي عبد الجليل رئيس الوطني الليبي لانو خايف ناس سرت ما يسلمو سريع رغما عن انو فترة السماح انتهت بنهاية رمضان ياليلي وتطمينات احمدبراها غير كافية خلاص عملتي الخبيز واستقبلتي الضيوف وعبدتي على الجيران والحبان ونحنا منتظرين عيدنا هنا في البوست دا .اللخدر واحمد بيكونو مشو النادي السوداني لتلقي تهنيئة العيد من كل الجالية السودانية واحمد بيكون مشرك للحفلة البعلنو عنها ناس النيل الازوق لانو عارفو زول طرب وناس الرياض اعتذرو عن البرامج المصاحبة للعيد اها ناس جدة باين عليهم :SnipeR (79): رافضين ؟
وكل عام انتم بكل خير ولي باكر النشوف اخرتا زي ما بيقول د عبداللطيف البوني

الصادق عبدالله ضرار
08-31-2011, 12:07 AM
كل عام وانت بخير يا نزار والسنه الجايه في مكه ان شاء الله
ذكريات جميله
لكن ناس فتوح كانوا محرمين الشارع ( الخور) وقالوا مافي زول بجي قاطع بي هناك إلا يكون عندو جيت باس وإلا امرو بكون بايظ
منو البصدق هسي فتوح ده بقى هدي ورضي
كدي اسأل منو استاذ سليمان
العيد الجاي ان شاء كل من تمنين لقاه في رفاعه نلقاه
خاصه ناس المنافي البعيده
ونحن كان حيينا معاكم
وكمان كان الله شال امانتو نتلاقى هناك ... مع سيدنا النبي

Nazar Hussien Babkir Frie
08-31-2011, 10:34 AM
:smilie40:كل عام وانت بخير يا نزار والسنه الجايه في مكه ان شاء الله
ذكريات جميله
لكن ناس فتوح كانوا محرمين الشارع ( الخور) وقالوا مافي زول بجي قاطع بي هناك إلا يكون عندو جيت باس وإلا امرو بكون بايظ
منو البصدق هسي فتوح ده بقى هدي ورضي
كدي اسأل منو استاذ سليمان
العيد الجاي ان شاء كل من تمنين لقاه في رفاعه نلقاه
خاصه ناس المنافي البعيده
ونحن كان حيينا معاكم
وكمان كان الله شال امانتو نتلاقى هناك ... مع سيدنا النبي
اللخدر عيدك سعيد وربنا يحقق ليك كل امانيك واماني جميع اهلنا الطيبين ، اها باين ان تهديدي جابكم ترس الود احمد رسل في الجوال وانت يابا ظهرت وبكرة من الصباح بلاقي فتوح وكلندي ما انا بكرة بايت باذن الله في رفاعة ، وبجيكم يوم الجمعة بالكثير المثير من حكاوي فتوح فهو من رفقة وصحبة زمان ، وياما اتشاكلنا والله يوم شاكلي وعضاني عضة لم ازل احس بالمها كلما اشاهده في رفاعة ما نحنا اتربيناسوا وةلعبنا سوا ، وخروف العيد زمان اول زول في الفريق بضبح لي فتوح ولدي معه مودة خاصة والنجكليك دي :
التريس وعزالدين صباح في رمضان الفات بقعدو في النادي وبيجبو عشاهم وبختوهو جوة غرفة السكرتارية بعد دفع اشيرنق اها بعد الجماعة امشو كلهم بتعشو سوي وبقفلو النادي ولك ينتجه لاهله اها عزالدين قال لي العشا جداد من الشواية والجماعة مرقوا كلهم ماعدا فتوح بقي قاعد اها جاو التريس وقال ليهو فتوح دا المقعدو خليو اتخاج عشان ناكل ونتخارج من النادي فضحك عزالدين وقاليهو الزول دا قال الليلة متعشي معانا ولم يخبره بانو جاب جدادة لانو بائع جداد بلدي اصلي لدرجة انو هزم ناس فيفيد في سوق الجداد اها التريس قاليهو فتوح بظلمنا في العشا ، ولمن جابو العشا التريس بعاين لفتوح فقام قاليهو يالتريس حقي جبتو تعال ياود الملاري اكل نص الجدادة عارفك من قبيل بتقول فتوح القعدو شنو فضحكوا وتعشو ؟
دي لمحة عن فتوح بكرة كلام تاني .
مكة بندورها بس بشرط الاقامة اول حاجة عشان نحج كل سنة
بسمع في البت الغناية عفاية حسن بتغني في لما تعود بشرحك عن كل لحظة في غيابك وغلبتني الكتابة عديل بكرة ولا مساء بجيكم صادي تاني ما انا تعبت حلاص زي ما قالت البنية الغناية دي وبحسب في الساعات الصباح اجي متين لاني بكرة في حضرة صاحبة الجلالة رفاعة وكفي .
عيدك سعيد وقريبا نلتقي في رحاب رفاعة باذن الله ؟
عذرا داير اكتب ليكم اجمل رسالة وصلتني في العيد فالليبين اضحو ماثرين فيني ونص الرسالة:SnipeR (65): بيقول :
من انتم ؟
دقت ساعة العيد
دقت ساعة الفرح
لا رجوع الي الامام الي الامام
سابحث عليك
شبر شبر
دار دار
زنقة زنقة
لكي اهنئك بكل
البشر والترحاب
بعيد الفطر المبارك
وكل عام وانت بخير
فحبيت انقلها لكم كلم وكل عيد وكلنا تامين ولامين .
البخور دا من العين ربنا يغتيكم كلم يارب وجيبكم كلم لاهاليكم سالمين ؟

الصادق عبدالله ضرار
08-31-2011, 01:25 PM
مناسبه سعيده وتحياتي لحين العوده
وشكرا على الرساله
سلم على رفاعه برضو زنقه زنقه

ahmed mustafa omer
08-31-2011, 04:42 PM
رجعنا ليكم ومن قبيل انا فاعد في البرندة المفروشة بالرملة ومرشوشة ومن عصرا بدري مرشوشة وهمبريبها يقول يا غربيت وجهزت ترامس الشاي والقهوة ومنتظر من قبل صلاة المغرب وانا امرق واقيف في خشم الباب زي ام العروس وبلتفت اكان صوت كشكيش بتاع اقدام في الشارع بقيق على طولي وبقول الشباب جو ، وقرب العشا وانا محتار اصلي في الجامع ولا اصلي في البيت لانو عارف الناس الجاييني ديل اهل انا مافي بدخلو وبقعدو وبتونسوا مع الناس البيت لحدي ما اجي ، اها القلق لعب لعبته ياربي الحاصل شنو اظهر انو الظروف اخرتم ، ياربي اكون مارقين لاقاهم واحد وقفهم في الشارع وتونس معاهم لحدي ما نسوا اجوني ، اها الهواجس لعبت ياتري وياتري علا في الاخر اتذكرت انو الدنيا ويمكن تكون لابس وداير تطلع لكن اجوك جماعة وتضطر تقعد معاهم وتفوت مواعيدك ما هو عادتنا كسودانيين ، اها ياجماعة بعد الزمن فات شربت القهوة واديتها سجارة وقلت كدي النفتح الباب والنقعد في الشارع يمكن كدا ساي واحد اجي ن وبعد فترة جاني واحد من اولاد فريقتا القدام جاني حسين ادريس ومعاهو الدقاش وعثمان حاج العوض جبارة واحمد الكير وود ابنعف عبداللطيف ، اها شلنا الترامس وركبنا لوري حسين ادريس وطلعنا طوالي مشينا على الربفيرا ودا ناس رفاعة كلهم ما بكونو سمعوا بيها الا الليلة مني لا معظم الشباب ما بكونو مشوها ودي مازي الريفيرا اللت الخرطوم وهي تشاببها من حيث قربها من البحر ولكن حقتنا دي رمال ططبيعية يعني لم تتدخل فيها يد الانسان وبتظهر دائما في فترة المحل اها الرملة بنمشي نقعد فيها ونتونس لتلايت الليل وبنرجع مبسوطين من الجو الجميل المصحوب بالمكاواة خاصة ما بين الدقاش وما بين ود الحاج العوض عثمان ، اها بكرة اتفقنا مع حسين ادريس ان نجيهو في تمبول بالبوكس الجديد حق جمال الهادي عشان نضرب كبدة الابل حارة عند نسابتو ناس عبدة بله ماهم برضو اصحابنا وذلك لانو حسين حول القراش حقو من رفاعة بيت ناس المليك لتمبول وقطع راسنا في قعدات الضهبرة بعد شراية الجرايد من مكتبة التاج ، بعد الفطور جينا راجعين قرب الساعة تلاتة ونص واتقسمنا جزء مع الدقاش في البوكس واتنين ركبو مع حسين في اللوري حقو وطوالي مشينا دار الرياضة لمشاهدة مبارة للشعلة عشقنا كلنا لنسمتع بصيحات ود الماحي ابوك ما تديو ولا ود عكود حينما يلتفت لعمر كيمياء وينادي عليه يا كيمياء سلاحك طلع بندق في بحر تعال شوف سلاحنا تاكا مالو وود الكية كيغان ولا محمد صديق نمل ولا دكتور الدردبري ولا فتح الرحمن سانتو لو ما عندك زي ديل ما تكاتل ياكيمياء وضحكنا كلنا واتبسطنا ورجعنا بيوتنا على امل التلاقي في النادي مساءا وكان في رقصة بنكتلها ، مع انو الود احمد ابا يكلمنا لكن الدقاش عندو الخبرية ماهو برضو ود فريق قدام ، وجينا يااحمد القيدومة وعشان ما نعاين بي فوق الحيطة قعدنا في اللوري ما هو عالي وشوفنا الجمال وانبسطنا كلنا لانو الحفلة كانت تمام ونحنا برضو كنا تمام ورجعنا بيوتنا انصاص الليالي مبسوطبن ومنتظرين فجر الغد علنا نلتقيكم في حكوة جديدة من حكايات زمان .
برضو بقول الجماعة مشغولين بالمعيادة لذا لم يظهرو ولكني بديكم فرصة لحدي باكر ان ما ظهرتو بقتحم امكنكم اقتحاما شفيفا لمعرفة ماطرا عن اسباب غيابكم اليوم ما انا باقي الايام متاثر بمصطفي عبد الجليل رئيس الوطني الليبي لانو خايف ناس سرت ما يسلمو سريع رغما عن انو فترة السماح انتهت بنهاية رمضان ياليلي وتطمينات احمدبراها غير كافية خلاص عملتي الخبيز واستقبلتي الضيوف وعبدتي على الجيران والحبان ونحنا منتظرين عيدنا هنا في البوست دا .اللخدر واحمد بيكونو مشو النادي السوداني لتلقي تهنيئة العيد من كل الجالية السودانية واحمد بيكون مشرك للحفلة البعلنو عنها ناس النيل الازوق لانو عارفو زول طرب وناس الرياض اعتذرو عن البرامج المصاحبة للعيد اها ناس جدة باين عليهم :sniper (79): رافضين ؟
وكل عام انتم بكل خير ولي باكر النشوف اخرتا زي ما بيقول د عبداللطيف البوني




العزيز نزار انا والله مراقب لحدى هسى البحصل شنو فى العيد وبعدين انت عارف نحن بقينا ما بنمشى اى حفله خاصه فى فريق السناب ولاديم العوض لانوا ماعندنا فيتو زيكم زمان ... والصادق سمعتوا قال شنو .ود حدارو قال شنو محددا بالخور . وانت قلت فى واحد داير ادق ليو واحد من اولاد فريق قدام عشان اشتكى لاستاذ عزالدين الدرملى . واخر مره مشينا حفله عندكم انا وعاصم عمر والطيب عبدالماجد فى واحد من جماعه ود الكال قال ديل منو ؟ قالوا ليو ديل اولاد فريق قدام .. قام جاء جضم الطيب عبدالماجدبلا سبب وقال ليو كويتى الوقت داك الشركه الكوتييه طارحه جداد فى السوق اها مابلك لو فتوح سمع بى كده هو بتاع جداد بلدى .. عشان كده انا حاولت اتصل بيك عشان اشوف كان انت جاى الحفله بنجى ....
لورى حسين ادريس متذكروا ومشى تمبول برضو متذكروا لانوا يوم مستين رسلنى اجيب الجرائد من مكتبه التاج عشان ماشى الورشه,,, الريفيرا دى ما سمعت بىها حقت الخرطوم ممكن وامس قلت ود حماد انا بعرف ود حماد حقنا الفى رفاعه ... عشان كده طشيت بى ...
وكان عرفتوا القيدومه من دقاش كلموا متوكل عثمان بكرى لانوا اصحاب هم ...
فى انتظار حلقه اليوم وبعدين ماشى لبنت الخاله اخت الرشيد وامس قالت لى بديك اسامى الناس الاسسوا العتبه وركن ناس جدى . ودمتم ... وعشنا بزكرياتكم

Nazar Hussien Babkir Frie
08-31-2011, 09:45 PM
العزيز نزار انا والله مراقب لحدى هسى البحصل شنو فى العيد وبعدين انت عارف نحن بقينا ما بنمشى اى حفله خاصه فى فريق السناب ولاديم العوض لانوا ماعندنا فيتو زيكم زمان ... والصادق سمعتوا قال شنو .ود حدارو قال شنو محددا بالخور . وانت قلت فى واحد داير ادق ليو واحد من اولاد فريق قدام عشان اشتكى لاستاذ عزالدين الدرملى . واخر مره مشينا حفله عندكم انا وعاصم عمر والطيب عبدالماجد فى واحد من جماعه ود الكال قال ديل منو ؟ قالوا ليو ديل اولاد فريق قدام .. قام جاء جضم الطيب عبدالماجدبلا سبب وقال ليو كويتى الوقت داك الشركه الكوتييه طارحه جداد فى السوق اها مابلك لو فتوح سمع بى كده هو بتاع جداد بلدى .. عشان كده انا حاولت اتصل بيك عشان اشوف كان انت جاى الحفله بنجى ....
لورى حسين ادريس متذكروا ومشى تمبول برضو متذكروا لانوا يوم مستين رسلنى اجيب الجرائد من مكتبه التاج عشان ماشى الورشه,,, الريفيرا دى ما سمعت بىها حقت الخرطوم ممكن وامس قلت ود حماد انا بعرف ود حماد حقنا الفى رفاعه ... عشان كده طشيت بى ...
وكان عرفتوا القيدومه من دقاش كلموا متوكل عثمان بكرى لانوا اصحاب هم ...
فى انتظار حلقه اليوم وبعدين ماشى لبنت الخاله اخت الرشيد وامس قالت لى بديك اسامى الناس الاسسوا العتبه وركن ناس جدى . ودمتم ... وعشنا بزكرياتكم
تعرف يااحمد كتبت رد مرتين لكن الشبكة طشت قبلما ارسل الرد ، ولكن اهو غايتو بنقدخ الذاكرة علها تجوج بجزء مما كتبناه ولم يظهر لكم .
اها بمناسبة الطيب عبد الماجد الود المذيع الالمعي الجضمو اولاد فريقنا زمان وقال ليهو ياكويتي اها واله ان لاقوها بعد الترطيبة حقتو دي الا يجيب معاهو قوات درع الجويرة لحمايته النحكليك عنو الحكاية دي ، تربطني علاقة صداقة مع الود المذيع حماميزو اي حمزة عوض الله هو و المخرج شكر اله خلف الله بحكم انهم جاورني في الصحافة اها مرة لاقيت حمزة قبل رمضان الحالي جبنا سيرة الطيب وعارف ان بينهما منافسة شرسة ابان عملهم في التلفزيون مع بعض وتشوبها بعض الغيرة المهنية اها حمزة قال لي يا نزار الطيب عبد الماجد عندو صاحبو من اولاد رفاعة كان بجينا في التلفزيون اها الطيب ممن يجيهو ود رفاعة لمن اجو طالعين بيقوم اصر انو يسوق البوكس حق الولد عشان يظهر وطبعا لمن يجو يقطعو الكوبري العربات بتمشي بتمهل والسلام بكتر يا استاذ الطيب يا استاذ المهم يوم تامر عليه حمزة وشكر الله وطلبوا من ود رفاعة أصلو ما يخلو الطيب يسوق البوكس فزعل الطيب ولم يركب وقال لي صاحبو اها ناس وشكر الله خليتم ليك تعرف الود طلع منو بعض الوصف واجهاد العقل طلع الود محمد الكنجو فضحكت لمن قولت ليهو الكنجو قال بس ياهو وانشاء الله يقراالبوست دا اجينا جاي بهنا .
وانت المرة اكان نحنا قاعدين ما تخاف من ولاد فريقنا ما فتوح بقي هدي ورضي زي ما قال الود الصادق وان عرف انك اخو مستين بالرشكم بالموية برشو بالدم ماهو وفي لرفاقتو ناس نادي الشعلة .
بمناسبة مؤسسين العتبة الشهيرة انا بتذكر منهم حسن امام الحاج ودكتورصلاح ومحمد الجعيلي (رز) ولكننا عاصرنا ناس محمد ملاس وفوكس واسماعيل الزبير وفيصل ناتو وصولا لناس عادل ود ابدقن وازهري ملاس زمحي الدين ابوالنوم حتي ناس طارق ملاس دفعتنا اها النشوف قائمة الشرف الاولي فيهم منو ؟
اما عن متوكل عثمان بكري اتلاقينا انا وهو ودقاش في زواج ود عبدالرحيم احمد مدني وكان معانا الاخ هاشم الكرور وبدينا نتونس اها متوكل قبل على جمال الهادي وقاليهو انا زمان ما كنت بفوليك ما تباري نزار فريجون هسه قاشر كدا ونزار مما دخل كل دقيقتين اجو البنات والنساوين الكبار الجو من رفاعة كل واحدة تنادي نزار تسلم عليهو انت مما جيت قاعد معانا الناداك وسلم عليك منو فضحك هاشم الكرور بصوت مرتفع فقام ود الهايدي الياس وقال لي متوكل خاتي انا الجبتك معاي انا عزمني دقداق ابو العريس انت العزمك منو وقال لي متوكل انت البعرفك منو في رفاعة غيري انا وعزالدين كوكا وكانت ليلة جميلة فيها وجايع بطعم حفلات رفاعة زمان .
الربفير ليست حقت الخرتوم دا مكان مسجل حصريا لشلتنا كنا بنمشيوه ليلة اربعة اربعاتشر حينما القمر كامل السطوع وبنقعد في الرمال بجانب الغابة بتاعت رفاعة ونتونس لي تلايت الليل واعتقد ان لا احد غيرنا في رفاعة قد ارتاده .
وبلا لحدي بكرة بعد الدفعة المعنوية بعد عودتنا بكرة من رفاعة وملاقاة كلندي وفتوح حدارو بنجيكم بالجديد المبتكر باذن الله .:016:
الفراشة فوق دي عشان الارتحال الطال من رفاعة يمكن نعود زي ماقال الود زيدان ؟

Nazar Hussien Babkir Frie
09-02-2011, 12:20 PM
جيناكم تاني ياحلوين بعد ما امس عايدنا على الاهل في رفاعة وطوفنا على الصحاب برفقة الابنة فاطمة ، اها مشينا ناس ابنعوف والتقينا اخوتنا من الزمن الجميل عبد اللطيف وارسرته الصغيرة وبعد المعايدة والمطايبة وصلنا الريس في البيت الكبير وطلعنا سويا في جولة عيدية علي مجموعة من اهل المنتدي من القادمين لرفاعة لقضاء العيد وسط الاهل في رفاعة بونزية والسمراء وبقية افراد اسرتهم خاصة الصغيرة (مولي) حيث تشرفنا بزياتهم في حوشهم الكبير برفاعة ومن بيتهم طوفنا بالحي الامامي جوار الاسبتالية ،وكانت المفاجاءة التي سترونها قريبا وسنتركها لحينها وهي صورة سوف تجد صدي كبير لمن ارتادو المكان الاثير في الحي الامامي او فريق قدام او الحي البريطانيالذي مازالت بقاياه تثير الحنيين لايام جميلة كنا من المعاييشين لها ، اما الحد يث الذي دار بين كل المجموعة التي رافقتنا لمشاركة الاخت ام امجد واحمد فرحها بمناسبة زواج شقيقتها وحضور مراسم العقد على الطريقة الجمهورية المحببة لعديد من ابناء وبنات واهالي ديم لطفي حيث يجمتع النساء والرجال لممشاركة في مراسيم العقد بينما ترتدي الملتزمات من النساء والشابات بالفكر الجمهوري الثوب الابيض للدلالة على التميز والالتزام بموجهات الفكر الجمهوري الذي غبنا عنه طويلا والتقينا باخوة من اصدق الاخوان علاقةبنا صلاح محمد عمر ومحمد ابورزقة واستاذي استاذ الاجيال الاستاذ الخير ودابيه الذي لم يتوقع لقائي لانه يحسب انني قد هجرت السودان نحو بلاد العم سام رفقة رفاقت الزمن الجميل على موسي وصداح الشريف وغيرهم من دفعتنا الذين يمموا تجاه امريكا ،فكان حديث من القلب لان ما يجمع بين الجميع الود والاخاء الصادق ، طوفنا بذكريات عن الحي الامامي ووقفنا علي بعض المنازل في اختبار الذاكرة تعمدته البت ليلي فوجدتنا حافظين للوصية رغما عن تحفظنا لوجود جاسوس معي برفقتي البت فطومة قبل ان تشير كنا نجيب لاننا كنا حافظين الحي الامامي شبر دار دار زنقة زنقة بس الحي الامامي حق السبيعنات والتمانينات لتغيير المعالم خاصة تجاه بيت ناس على موسي الجديد في امتداد الحي الامامي اما الحالي فان دخلناه فنحن نحتاج لمساعدة صديق لادخالنا واخراجنا منه ، اما البنية فاطمة فوجدن انو البت بروزنزية تحثها على الاستماع بانتباه وايصال كل المعلومات لوازة الداخلية التي تتبع لنا الا اننا فجاناها بالاتصال بالمدام واعطائهم الهاتف هي وابوهبة لمباركة العيد مع ضحكنا عليها باننا قد قررنا المبيت برفاعة فجز عت المدا م وقالت مادام بايتين ماكان تسوقوني معاكم فطمانها ابوهبة باننا راجعين لها وفي الطريق لفارس فدعتها البت ليلي لاقرب لقاء يجمع عضوية المنتدي ، ؟ واكتشفنا ان للحملنيش دور في تصوير فقدان الاحبة رواده من ابناء الحي الامامي جوار الاستبالية فموعدكم مساءا حال تحضير المواد وانزالها لكم حتي تشاركونا جميل الذكريات . وكان يوم اضاف الكثير لنا وربنا يجعل كل ايامنا اعيادا وان نجتمع دوما على الخير وفي الخير يارب العالمين .
وفتناكم عافية للمساء باذن الله تعالي .

الصادق عبدالله ضرار
09-02-2011, 12:30 PM
عودا حميدا وايام جميله ستبقى في المخيله هي ايضا
ونحن في الانتظار

Nazar Hussien Babkir Frie
09-02-2011, 10:02 PM
عودا حميدا وايام جميله ستبقى في المخيله هي ايضا
ونحن في الانتظار
الود الصادق اقبل حمدك الله ، جيناكم تاني على حسب وعدنا والليلة بنقدح الذاكرة ونفصح عن اغنيات كانت متدوالة في رفاعة خاصة حفلات الحي الامامي جوار الاستبالية ، ولا ادري من كاتبوها ولكني استمتعت بها وانا كما قلت كلف بالغناء لذا بقيت بعض من ابيات تلك الاغنيات محفورة في ذاكرتي ، حيث كنت استرق السمع عندما يجلس بعض ابناء فريقنا زمان ولن اذكر اسماءهم لانهم قد كانو من اصحاب المزاج العالي كما اسمهيهم انا ، المهم الشباب بعد ان يسري خدر الفرح المعباء في زجاج في ابدانهم يبدوان بالغناء ايام زمان فبيبدون باغنية الكالمبو وهي تقول
الكالمبو اريدو كالمبو
الكالمبو في رفاعة شمال
جنب ناس ( )
ثم يطوفون بها ذاكرين معظم جميلات رفاعة في وزمنهم .ثم يعقبونها باغنية القزقوز باقي فيها من ذاكرتي بعض المقاطع وذلك لتقدم العمر امكن ويمكن لعدم سماعي لها بعد ان غبت عن رفاعة طويلا ولا اعتقد ان احدا من الجيل الذي سهر بعدنا في رفاعة قد استمتع اليها لكن احمد ممكن يستعين بصديق لايراد النصوصالكاملةلهذه الاغاني الحصرية وذلك لان من يستعين بها شاهدة عصر ، اها القزقوز بتقول :
القزقوز باسقابة الموز
ويدعون فيها في كورس شجي الا ان يصلو لمقطع يقول :
الانناس الفي حوش ( ) فان تواجد اخويها معهم استبدلوها باسم احدهم رغما عن علمي بانه بعلم تمام العلم المقصود بالتغيير الا ان الليلة تمر بخير لانهم اخوة جمعهم الاخاء الصافي ، الا ان للجمال سلطانه في اطار الغزل العفيف النظيف ، ومنن فناني تلك المرحلة الاستاذ حسن جبارة والذي لا ادري اين هو لاننا اعلم انه قد هاجر الي دولة الامارات العربية وقد اورث اغانيه الجميلة تلك لابن اخته المرحوم الرشيد صديق جبارة عليه رحمة الله فقد بداع في الغناء الحديث وكم سهرنا في ليالي احياها وقد ربطت بينا علاقة جميلة نسبة لصلة قرابة تجمعنا بهم لان والدة اعمامي لابي من ال بارا وهي الحاجة كتلوم بت بارا عليها رحمة الله .طبعا في ناس اتهمونا بالكبر والهرم ولكننا ننفي ذلك الامر جملة وتفصيلا ولكننا نقول اننا قد عشنا وفوقنا الكبار والقدرنا لذا احتشدت الذاكرة بهذا الكم الهائل فدفعتي لسع مازالو شباب مع انو انا اصغرهم كما ذكرت سابقا شوفتو كيف .
دي يالصادق جزئية بسيطة لحين اكتمال رفع الصور وامتلاك النصوص الحلمنيشية التي سنجري عليها تعديلات طفيفة حتي لاتمس من نحرص عليهم كحرصنا على انفسنا فنحنا من اهل الشعر واحيانا بنلجا للسمكرة ان اعيانا التعبير عما يجوش بالخاطر يعني ناس سرقات ادبية خفيفة لا تخل بالمعاني ولكنها تجعلنا نرتاح في ظلال الكلم الجميل اها رايكم شنو في كلامي ما يقومو ناس الملكية الفكرية اجوني طايرين لانني لا احتمل المحاكم لا قاضيا ولا متقاضيا لذا رفضت امتهان المحاماة وفضلت الزراعة عليها رغما انها تشابه المقامرة من ارتفاع نسبة الخسائر .
ويلا لي باكر فنحن عازمون على شد الارتحال لرفاعة مرة اخري وتكاليف الرحلات الماكوكية ما بين رفاعة وفارس تكاليفها على الصادق والود احمد ، وهي قليلة يعني
كمين كلمة من الود والتقدير وكفي وان جات الضحاكات برضو ما بنرفضها ؟:smilie40:

ahmed mustafa omer
09-03-2011, 06:17 AM
جيناكم تاني ياحلوين بعد ما امس عايدنا على الاهل في رفاعة وطوفنا على الصحاب برفقة الابنة فاطمة ، اها مشينا ناس ابنعوف والتقينا اخوتنا من الزمن الجميل عبد اللطيف وارسرته الصغيرة وبعد المعايدة والمطايبة وصلنا الريس في البيت الكبير وطلعنا سويا في جولة عيدية علي مجموعة من اهل المنتدي من القادمين لرفاعة لقضاء العيد وسط الاهل في رفاعة بونزية والسمراء وبقية افراد اسرتهم خاصة الصغيرة (مولي) حيث تشرفنا بزياتهم في حوشهم الكبير برفاعة ومن بيتهم طوفنا بالحي الامامي جوار الاسبتالية ،وكانت المفاجاءة التي سترونها قريبا وسنتركها لحينها وهي صورة سوف تجد صدي كبير لمن ارتادو المكان الاثير في الحي الامامي او فريق قدام او الحي البريطانيالذي مازالت بقاياه تثير الحنيين لايام جميلة كنا من المعاييشين لها ، اما الحد يث الذي دار بين كل المجموعة التي رافقتنا لمشاركة الاخت ام امجد واحمد فرحها بمناسبة زواج شقيقتها وحضور مراسم العقد على الطريقة الجمهورية المحببة لعديد من ابناء وبنات واهالي ديم لطفي حيث يجمتع النساء والرجال لممشاركة في مراسيم العقد بينما ترتدي الملتزمات من النساء والشابات بالفكر الجمهوري الثوب الابيض للدلالة على التميز والالتزام بموجهات الفكر الجمهوري الذي غبنا عنه طويلا والتقينا باخوة من اصدق الاخوان علاقةبنا صلاح محمد عمر ومحمد ابورزقة واستاذي استاذ الاجيال الاستاذ الخير ودابيه الذي لم يتوقع لقائي لانه يحسب انني قد هجرت السودان نحو بلاد العم سام رفقة رفاقت الزمن الجميل على موسي وصداح الشريف وغيرهم من دفعتنا الذين يمموا تجاه امريكا ،فكان حديث من القلب لان ما يجمع بين الجميع الود والاخاء الصادق ، طوفنا بذكريات عن الحي الامامي ووقفنا علي بعض المنازل في اختبار الذاكرة تعمدته البت ليلي فوجدتنا حافظين للوصية رغما عن تحفظنا لوجود جاسوس معي برفقتي البت فطومة قبل ان تشير كنا نجيب لاننا كنا حافظين الحي الامامي شبر دار دار زنقة زنقة بس الحي الامامي حق السبيعنات والتمانينات لتغيير المعالم خاصة تجاه بيت ناس على موسي الجديد في امتداد الحي الامامي اما الحالي فان دخلناه فنحن نحتاج لمساعدة صديق لادخالنا واخراجنا منه ، اما البنية فاطمة فوجدن انو البت بروزنزية تحثها على الاستماع بانتباه وايصال كل المعلومات لوازة الداخلية التي تتبع لنا الا اننا فجاناها بالاتصال بالمدام واعطائهم الهاتف هي وابوهبة لمباركة العيد مع ضحكنا عليها باننا قد قررنا المبيت برفاعة فجز عت المدا م وقالت مادام بايتين ماكان تسوقوني معاكم فطمانها ابوهبة باننا راجعين لها وفي الطريق لفارس فدعتها البت ليلي لاقرب لقاء يجمع عضوية المنتدي ، ؟ واكتشفنا ان للحملنيش دور في تصوير فقدان الاحبة رواده من ابناء الحي الامامي جوار الاستبالية فموعدكم مساءا حال تحضير المواد وانزالها لكم حتي تشاركونا جميل الذكريات . وكان يوم اضاف الكثير لنا وربنا يجعل كل ايامنا اعيادا وان نجتمع دوما على الخير وفي الخير يارب العالمين .
وفتناكم عافية للمساء باذن الله تعالي .

منتظر تفاصيل الزياره حته حته والصور وبعداك نبدا تانى واكيد الزياره كانت ممتعه والكلام بجيب كلام .... اها انا قاعد متفن فى غربتى دى تجيب لى الزواده

ahmed mustafa omer
09-03-2011, 06:32 AM
الود الصادق اقبل حمدك الله ، جيناكم تاني على حسب وعدنا والليلة بنقدح الذاكرة ونفصح عن اغنيات كانت متدوالة في رفاعة خاصة حفلات الحي الامامي جوار الاستبالية ، ولا ادري من كاتبوها ولكني استمتعت بها وانا كما قلت كلف بالغناء لذا بقيت بعض من ابيات تلك الاغنيات محفورة في ذاكرتي ، حيث كنت استرق السمع عندما يجلس بعض ابناء فريقنا زمان ولن اذكر اسماءهم لانهم قد كانو من اصحاب المزاج العالي كما اسمهيهم انا ، المهم الشباب بعد ان يسري خدر الفرح المعباء في زجاج في ابدانهم يبدوان بالغناء ايام زمان فبيبدون باغنية الكالمبو وهي تقول
الكالمبو اريدو كالمبو
الكالمبو في رفاعة شمال
جنب ناس ( )
ثم يطوفون بها ذاكرين معظم جميلات رفاعة في وزمنهم .ثم يعقبونها باغنية القزقوز باقي فيها من ذاكرتي بعض المقاطع وذلك لتقدم العمر امكن ويمكن لعدم سماعي لها بعد ان غبت عن رفاعة طويلا ولا اعتقد ان احدا من الجيل الذي سهر بعدنا في رفاعة قد استمتع اليها لكن احمد ممكن يستعين بصديق لايراد النصوصالكاملةلهذه الاغاني الحصرية وذلك لان من يستعين بها شاهدة عصر ، اها القزقوز بتقول :
القزقوز باسقابة الموز
ويدعون فيها في كورس شجي الا ان يصلو لمقطع يقول :
الانناس الفي حوش ( ) فان تواجد اخويها معهم استبدلوها باسم احدهم رغما عن علمي بانه بعلم تمام العلم المقصود بالتغيير الا ان الليلة تمر بخير لانهم اخوة جمعهم الاخاء الصافي ، الا ان للجمال سلطانه في اطار الغزل العفيف النظيف ، ومنن فناني تلك المرحلة الاستاذ حسن جبارة والذي لا ادري اين هو لاننا اعلم انه قد هاجر الي دولة الامارات العربية وقد اورث اغانيه الجميلة تلك لابن اخته المرحوم الرشيد صديق جبارة عليه رحمة الله فقد بداع في الغناء الحديث وكم سهرنا في ليالي احياها وقد ربطت بينا علاقة جميلة نسبة لصلة قرابة تجمعنا بهم لان والدة اعمامي لابي من ال بارا وهي الحاجة كتلوم بت بارا عليها رحمة الله .طبعا في ناس اتهمونا بالكبر والهرم ولكننا ننفي ذلك الامر جملة وتفصيلا ولكننا نقول اننا قد عشنا وفوقنا الكبار والقدرنا لذا احتشدت الذاكرة بهذا الكم الهائل فدفعتي لسع مازالو شباب مع انو انا اصغرهم كما ذكرت سابقا شوفتو كيف .
دي يالصادق جزئية بسيطة لحين اكتمال رفع الصور وامتلاك النصوص الحلمنيشية التي سنجري عليها تعديلات طفيفة حتي لاتمس من نحرص عليهم كحرصنا على انفسنا فنحنا من اهل الشعر واحيانا بنلجا للسمكرة ان اعيانا التعبير عما يجوش بالخاطر يعني ناس سرقات ادبية خفيفة لا تخل بالمعاني ولكنها تجعلنا نرتاح في ظلال الكلم الجميل اها رايكم شنو في كلامي ما يقومو ناس الملكية الفكرية اجوني طايرين لانني لا احتمل المحاكم لا قاضيا ولا متقاضيا لذا رفضت امتهان المحاماة وفضلت الزراعة عليها رغما انها تشابه المقامرة من ارتفاع نسبة الخسائر .
ويلا لي باكر فنحن عازمون على شد الارتحال لرفاعة مرة اخري وتكاليف الرحلات الماكوكية ما بين رفاعة وفارس تكاليفها على الصادق والود احمد ، وهي قليلة يعني
كمين كلمة من الود والتقدير وكفي وان جات الضحاكات برضو ما بنرفضها ؟:smilie40:

ولى هسى انا متفن راجيك بس اديك اشاره شفت اغنيه كالمبو دى شدت ما كان عاجبه ناس سمو كلبتهم بالاسم دا ..وكانت كلبه شرسه . والله يقدرك تعال قول الكلبه دى سكتنى ولا كانت دايره تعضينى... ابسط جواب اقول ليك كالمبو حاشى تعمل كده... دا كلوا بعد ان تغنى بها المرحوم فى زواج فى الحى الامامى

الصادق عبدالله ضرار
09-03-2011, 01:16 PM
حسن جباره اعتقد انه استقر به المقام بالخرطوم
دي اغاني والله في امدرمان ما تلقاها ... ورحم الله الرشيد صديق رحمة واسعه فقد زرناه بعد عودته من الغربه وإستقراره في رفاعه فهو شقيق بوكو كما تعلم والشعله جمعتنا به ...
لسه منتظرين السمين الثمين ...
ونحن اخدنا جزء من الاخبار من الناس الرافقوك للتصوير
لانهم زعلانيين مننا ورضيناهم ...
منتظرين خاصه الصور

برونزية
09-03-2011, 03:05 PM
سلام لي ناس قيس وروميو وابن المحلق ومجنون رفاعة
كل سنة وانتو طيبين مشبعين بالحنان والطيبة البادية في عيونكم
مترعين حب نديانين جمال
عيد مبارك عليكم
ينعاد عليكم وانتو دايما معجونين بحب المكان وحنين الذكري
اول شئ بالتبادي عيدنا كان مليان محبة وطيبة
وناس برحق الود وعبير الزهر
والعيد الجاب كل الناس ياريتو ينعاد ودايما ملان فرح والق
نزار بي زيارتك بيتنا نور
بق كله زينة
والجونا من عمق المحبة وصافي الوصال
عيد جميل وفيه اجتمعنا بي ناس حنان تعارفنا علي صورة الحرف والتقينا في رحم الوصال
اول عيد اتناول فيه الفرح بشراهة منذ اعياد واعياد
والاجمل ذلك التلفون الذي يحمل روعة الدواخل ونبل التواصل
فقد احيا بداخلي مساحات مخضرة من الوداد
لك تحايا بجمال تواصلك ايها الشفيف
ود فريجون وفاطنة العيد بقي عيدين
ويا السمحين هوي اهدو
بتقتلونا وتقعدو
نزار جاياك بانتكاية لسكب ذاك الاندياح الارجواني علي كاسات الالفة والجمال
ومابخلي شئ تب مابخلي شئ
ذاك الق حبيت ان اقتسمه مع بقية اخوتي هنا في هذا البيت المشبع دفئا
الاخضر واحمد المصطفي تاكو الباب وخليكم قرااااااااااااب
وماكنتوش و بهلو في الحوش
جاينكم يا السمحين
واتكاية علي رصيف الحي الامامي ومواقف في ذاكرة ذاك الفتي الاسمر معتقة بالحنين والتمني الا ليت الشباب يعود
مودتي بالهوبلي ياقول فيفيد الشفت

Nazar Hussien Babkir Frie
09-03-2011, 08:00 PM
ولى هسى انا متفن راجيك بس اديك اشاره شفت اغنيه كالمبو دى شدت ما كان عاجبه ناس سمو كلبتهم بالاسم دا ..وكانت كلبه شرسه . والله يقدرك تعال قول الكلبه دى سكتنى ولا كانت دايره تعضينى... ابسط جواب اقول ليك كالمبو حاشى تعمل كده... دا كلوا بعد ان تغنى بها المرحوم فى زواج فى الحى الامامى
تعرق يا احمد والله الكالمبو دي اصلو ما لاقتني وان لاقتني ما بتعضيني لان كلاب فريق قدام اصلو ما بعضو ما اصلهم ولادة راهبات وحباية بلاط و تربية عز ورضاعة بز ، و يا حمد الله يقدرك وتجي فريقنا ويلمو فيك كلاب ناس ود جلي والله يااحمدمن شراستها ان لابس بنطلون جينز بقطعنو يشيلنو في خشيماتن وانت معضوض معضضوض ياولدي الا احيك مجدي ولا سيفان جلي واحلك منهم والحقن الفي صرة محمداك ، ياحمد باخوي نحن كلاب فريقكم حافظتنا لكثرية ترددنا على حيكم يعني مما ندخل فريقكم نحن في حرز امين لحين خروجنا سالمين غانمين ، وبعدين يااحمد انا بحوم في فريقكم من خامسة ابتدائي لي تالتة ثانوي ما شقفت كلب حائم في فريقكم ما انتو كنتو محروسين بدعوات شفيفي القلوب الهائمين والمحرقين بمحبة ريل الحي الامامي جوار الاسبتالية والذين يستحلون عذابات العشق والوجد والهيام لانهم جميعا لم يكن ليجرؤ ايا منهم للتقدم للارتباط بي بنية سمهرية واراد الحي الامامي جوار الاسبتالية ، لذا اثروا احتمال ضربات كيوبيد واحتملوها في دواخلهم ولم يكونوا يجاسرو باظهار المحبة والتقديس الا بعد التزود من اسنافي الحدبة وفيهم من سجد تكريما للجمال وزي ديل كانو كتار وديل بتجيكم البت ليلي عنهم بالمثير الخطر .
وانشاء الله التتفنة ما تطول اهو جاتك البت ليلي وطمنتك بانو القادم احلي .
اها الليلة مشيت رفاعة وطوفت بها ،لاقيت التريس ومتوكل عثمان بكر ي ومحمود كرفاسة ومحمود عكود وضحكت حد الثمالة على وجايع متوكل لكرفاسة والتريس وقابلت الود امير اللمين وقعدنا واتونسنا كتير عن رفاعة وعن انسان رفاعة زمان وبعد الافطار توجهنا لاخونا مولانا اسماعيل التاج في الحلة الجديدة وباركنا العيد وجلسنا واتحادثنا كثيرا عن الشان العام في رفاعة لان هنالك حراك منتظم في رفاعة .
اها دي لمحة عن زيارة اليوم بكرة بالتفاصيل المملة بحكليك شبر شبر وزنقة زنقة ودار دار بس شيل الروقة شوية ؟
والليلة بنهديك طرائف رياضية من رفاعة دار الرياضة الخيش بطلها اخونا يحي الرز او الكراكة كما يحلو لاصحابه ورواد دار الرياضة زمان مناداته وهو طبعا الاخ يجي التاج مصظفي وقد بادرته بتذكيره بحدث ابان الدورة المدرسية حبث استعنا به هو والود اللعاب الفنان مرغيني الامين لتمثيل مدرسةرفاعة الثانوية وشاركو مع تبيم رفاعة الثانوية ضد مدرسة الحاحيصا الشعبية وهي بمثابة منتخب الحاحيصا الا اننا تغلبنا عليها بهف وحيد احرزه يحي التاج وكنا نتوقع ان تتقدم مدرسة الحصاحيصا الشعبية في صحة مشاركة يحي التاج ومرغني الامين فاحضرناهم للمدرسة واستبدلت قميص يحي بقيصمي لانني مقارب له في الحجم واجلسته مكاني في الصف التاني بطوطة فلما جاءو للتحقق من حقيقة انو الطالب المشكو ضده غير مسجل في المدرسة فوجئو بانه طالب منتظم في المدرسة ويدرس بالصف الثاني ثانوي ففشلت الشكوي الا اننا خرجنا علي يد ابراهومة المسعودية لاعب المريخ العاصمي حين كان يدرس بمدرسة النوبة الثانوية ، اها بعدها بدء يحي يحكي لينا انا وامير اللمين عن مشاكله مع الحكام فحكي لينا عن انو في مبارة بين العلم والاهلي تقدم الاهلي بهدفين سريعين وبدء العلم يضغط من اجل احراز التعادل وحاصر الاهلي وبدء مرغني الامين يمارس هوايته في مرواغة لاعبي الاهلي وطرف ناحية الجناح اليمين لعكس الكرة فلاقاه يحي فاصابه بعد ان رفع رجله عاليا فاصابه في عنقه ولما كانت لعبة خطرة تستحق الكرت الاحمر وكان يحكم المباراة المرحوم عمنا عبد العاطي واخرج مرغني الامين واسعف للمستشفي ولما فكر العم عبد العاطي باخراج الكرت الاحمر فقال له الرز الليلة والله تطلع الكرت الاحمر الا الحقك ليهو خارج الملعب فاثر عمنا عبد العاطي السلامة وقال له ياكابتن العب كورتك وذلك لان له سابقه اسعف فيها للمستشفي بعد اصابته بهوك من احد لاعبي النادي الاهلي هو المرحوم معاوية مجدوب (كدمايو). وبعد نهاية المبارة بفوز الاهلي قال لينا مشيت لمرغيني الامين في البيت فلمن راه مرغني قاليهو يايحي انت مجنون داير تكتلني عشان كورة وضحكو جميعا .
اها الليلة قلنا مزيدا من التشويق ونخليك تتفن كويس وتحرقك الرمضادة الليلك منها عشرين سنة وباكر بنجيك برواقة ، ولمن تجيب قائمة الشرف الاولي وبعد رفع صورة العتبة الشهيرة الموكول امرها للبت برونزية او ليلي كما اكتبها انا ، بعداك بنعود لسيرة المكلومين في الحي الامامي او البريطاني او الحي البريطاني فحيكم هو الخي الوحيد في رفاعة :SnipeR (63): الذي تتعدد مسمياته على حسب حرقتك بمن سكنو فيه شوفت كيف ؟
ولي بكرة فوتك عافية

Nazar Hussien Babkir Frie
09-03-2011, 08:14 PM
حسن جباره اعتقد انه استقر به المقام بالخرطوم
دي اغاني والله في امدرمان ما تلقاها ... ورحم الله الرشيد صديق رحمة واسعه فقد زرناه بعد عودته من الغربه وإستقراره في رفاعه فهو شقيق بوكو كما تعلم والشعله جمعتنا به ...
لسه منتظرين السمين الثمين ...
ونحن اخدنا جزء من الاخبار من الناس الرافقوك للتصوير
لانهم زعلانيين مننا ورضيناهم ...
منتظرين خاصه الصور
اللخدر شيلو الصبر التقيل ورا ، والله الايام القادمة بتكتر التلفونات وعليكم الله ما تجيبو سيرتي ، وفي ناس كتار الان بتحسسو في مواضعهم لانو الكلام كتر وفيهو المثير الخطر بس شيلو الصبر ، وغايتو انا خالي مسئولية ؟لانو القادم شعروكفر ووتر بس اقعدو طولة وانتظر ليالي الحلمية في الحي الامامي جوار الاستبالية العملتو انا دا كلو بيعتبر المناظر بيت الكلاوي جاي ورا ، ورحم الله اخونا الرشيد وجعله من الصديقين والشهداء وحسن اولئك رفيقا باذن الله .

الصادق عبدالله ضرار
09-03-2011, 09:50 PM
نزار ... وكل من زار
هذا البوست
اهديكم ... الم الفراق لي مين انا اشكي ... الفنان الذري ابراهيم عوض ...
يانزار لو ابعدك مني الدلال لابد من يوم الوصال ...قول ليهم

http://www.youtube.com/watch?v=rZqYF4knfkA&feature=related

ahmed mustafa omer
09-03-2011, 10:14 PM
تعرق يا احمد والله الكالمبو دي اصلو ما لاقتني وان لاقتني ما بتعضيني لان كلاب فريق قدام اصلو ما بعضو ما اصلهم ولادة راهبات وحباية بلاط و تربية عز ورضاعة بز ، و يا حمد الله يقدرك وتجي فريقنا ويلمو فيك كلاب ناس ود جلي والله يااحمدمن شراستها ان لابس بنطلون جينز بقطعنو يشيلنو في خشيماتن وانت معضوض معضضوض ياولدي الا احيك مجدي ولا سيفان جلي واحلك منهم والحقن الفي صرة محمداك ، ياحمد باخوي نحن كلاب فريقكم حافظتنا لكثرية ترددنا على حيكم يعني مما ندخل فريقكم نحن في حرز امين لحين خروجنا سالمين غانمين ، وبعدين يااحمد انا بحوم في فريقكم من خامسة ابتدائي لي تالتة ثانوي ما شقفت كلب حائم في فريقكم ما انتو كنتو محروسين بدعوات شفيفي القلوب الهائمين والمحرقين بمحبة ريل الحي الامامي جوار الاسبتالية والذين يستحلون عذابات العشق والوجد والهيام لانهم جميعا لم يكن ليجرؤ ايا منهم للتقدم للارتباط بي بنية سمهرية واراد الحي الامامي جوار الاسبتالية ، لذا اثروا احتمال ضربات كيوبيد واحتملوها في دواخلهم ولم يكونوا يجاسرو باظهار المحبة والتقديس الا بعد التزود من اسنافي الحدبة وفيهم من سجد تكريما للجمال وزي ديل كانو كتار وديل بتجيكم البت ليلي عنهم بالمثير الخطر .
وانشاء الله التتفنة ما تطول اهو جاتك البت ليلي وطمنتك بانو القادم احلي .
اها الليلة مشيت رفاعة وطوفت بها ،لاقيت التريس ومتوكل عثمان بكر ي ومحمود كرفاسة ومحمود عكود وضحكت حد الثمالة على وجايع متوكل لكرفاسة والتريس وقابلت الود امير اللمين وقعدنا واتونسنا كتير عن رفاعة وعن انسان رفاعة زمان وبعد الافطار توجهنا لاخونا مولانا اسماعيل التاج في الحلة الجديدة وباركنا العيد وجلسنا واتحادثنا كثيرا عن الشان العام في رفاعة لان هنالك حراك منتظم في رفاعة .
اها دي لمحة عن زيارة اليوم بكرة بالتفاصيل المملة بحكليك شبر شبر وزنقة زنقة ودار دار بس شيل الروقة شوية ؟
والليلة بنهديك طرائف رياضية من رفاعة دار الرياضة الخيش بطلها اخونا يحي الرز او الكراكة كما يحلو لاصحابه ورواد دار الرياضة زمان مناداته وهو طبعا الاخ يجي التاج مصظفي وقد بادرته بتذكيره بحدث ابان الدورة المدرسية حبث استعنا به هو والود اللعاب الفنان مرغيني الامين لتمثيل مدرسةرفاعة الثانوية وشاركو مع تبيم رفاعة الثانوية ضد مدرسة الحاحيصا الشعبية وهي بمثابة منتخب الحاحيصا الا اننا تغلبنا عليها بهف وحيد احرزه يحي التاج وكنا نتوقع ان تتقدم مدرسة الحصاحيصا الشعبية في صحة مشاركة يحي التاج ومرغني الامين فاحضرناهم للمدرسة واستبدلت قميص يحي بقيصمي لانني مقارب له في الحجم واجلسته مكاني في الصف التاني بطوطة فلما جاءو للتحقق من حقيقة انو الطالب المشكو ضده غير مسجل في المدرسة فوجئو بانه طالب منتظم في المدرسة ويدرس بالصف الثاني ثانوي ففشلت الشكوي الا اننا خرجنا علي يد ابراهومة المسعودية لاعب المريخ العاصمي حين كان يدرس بمدرسة النوبة الثانوية ، اها بعدها بدء يحي يحكي لينا انا وامير اللمين عن مشاكله مع الحكام فحكي لينا عن انو في مبارة بين العلم والاهلي تقدم الاهلي بهدفين سريعين وبدء العلم يضغط من اجل احراز التعادل وحاصر الاهلي وبدء مرغني الامين يمارس هوايته في مرواغة لاعبي الاهلي وطرف ناحية الجناح اليمين لعكس الكرة فلاقاه يحي فاصابه بعد ان رفع رجله عاليا فاصابه في عنقه ولما كانت لعبة خطرة تستحق الكرت الاحمر وكان يحكم المباراة المرحوم عمنا عبد العاطي واخرج مرغني الامين واسعف للمستشفي ولما فكر العم عبد العاطي باخراج الكرت الاحمر فقال له الرز الليلة والله تطلع الكرت الاحمر الا الحقك ليهو خارج الملعب فاثر عمنا عبد العاطي السلامة وقال له ياكابتن العب كورتك وذلك لان له سابقه اسعف فيها للمستشفي بعد اصابته بهوك من احد لاعبي النادي الاهلي هو المرحوم معاوية مجدوب (كدمايو). وبعد نهاية المبارة بفوز الاهلي قال لينا مشيت لمرغيني الامين في البيت فلمن راه مرغني قاليهو يايحي انت مجنون داير تكتلني عشان كورة وضحكو جميعا .
اها الليلة قلنا مزيدا من التشويق ونخليك تتفن كويس وتحرقك الرمضادة الليلك منها عشرين سنة وباكر بنجيك برواقة ، ولمن تجيب قائمة الشرف الاولي وبعد رفع صورة العتبة الشهيرة الموكول امرها للبت برونزية او ليلي كما اكتبها انا ، بعداك بنعود لسيرة المكلومين في الحي الامامي او البريطاني او الحي البريطاني فحيكم هو الخي الوحيد في رفاعة :sniper (63): الذي تتعدد مسمياته على حسب حرقتك بمن سكنو فيه شوفت كيف ؟
ولي بكرة فوتك عافية

ايوه كده يانزار بديت تطلع شويه شويه من الزياره بتاعت العيد ..... بعدين قصه فريقنا دى قصه كنا #1 فى اى شى كوره ....علم ,,,,سماحه ...حفلات ,,,,عتبات,,,, كورنات ,,, حيشان .... وفى ناس قالوا حتى بكانا سمح...

اى والله عارف انو كلابنا ما بتعمل دا لكين كانت متابعه ليها كلاب من فرق شرانيه.... وهى كان رجعت لى مكان ولادتها والله مامحل شر ...وام كالمبو مولوده فى حوش ناس شيخ النور .... وكلاب ناس ود جلى متذكرها شرسه لمن مبالغه عشان كده كنا بنخاف نشترى لبن منهم ... وفضلنا لبن حوش ود حسين كامل

زى ماقلت ليك انت اتذكر ونحن الحيران بى وراك ... واديك دى من الكوره مره علم شعله اول عشره دقائق فتح الرحمن سانتو جاب قون وبعده النمل جاب قون ..... وفجاءه قام عمر كيمياء زعلان جدا جدا وصرخ فى عبدالقادر رقيون(العوكل ) كان الكوتش قال ليو ياعبد القادر ما تصلح التيم دا بى صوت زول زعلان ,,,هنا عبد القادر كان برضو زعلان ورد ليو بى زعل يعنى اعمل ليو شنو اقطع ليو سلطه هنا كل الاستاد مات بالضحك

ولسه منتظر الباقى ومنتظر برونزيه والصادق زى الخاتى ليك جاسوس فى الرحله دى يعنى كان دسيت حاجه فى ناس امكن اطلعوها ...

ودمتم ونواصل

Nazar Hussien Babkir Frie
09-04-2011, 02:01 PM
سلام لي ناس قيس وروميو وابن المحلق ومجنون رفاعة
كل سنة وانتو طيبين مشبعين بالحنان والطيبة البادية في عيونكم
مترعين حب نديانين جمال
عيد مبارك عليكم
ينعاد عليكم وانتو دايما معجونين بحب المكان وحنين الذكري
اول شئ بالتبادي عيدنا كان مليان محبة وطيبة
وناس برحق الود وعبير الزهر
والعيد الجاب كل الناس ياريتو ينعاد ودايما ملان فرح والق
نزار بي زيارتك بيتنا نور
بق كله زينة
والجونا من عمق المحبة وصافي الوصال
عيد جميل وفيه اجتمعنا بي ناس حنان تعارفنا علي صورة الحرف والتقينا في رحم الوصال
اول عيد اتناول فيه الفرح بشراهة منذ اعياد واعياد
والاجمل ذلك التلفون الذي يحمل روعة الدواخل ونبل التواصل
فقد احيا بداخلي مساحات مخضرة من الوداد
لك تحايا بجمال تواصلك ايها الشفيف
ود فريجون وفاطنة العيد بقي عيدين
ويا السمحين هوي اهدو
بتقتلونا وتقعدو
نزار جاياك بانتكاية لسكب ذاك الاندياح الارجواني علي كاسات الالفة والجمال
ومابخلي شئ تب مابخلي شئ
ذاك الق حبيت ان اقتسمه مع بقية اخوتي هنا في هذا البيت المشبع دفئا
الاخضر واحمد المصطفي تاكو الباب وخليكم قرااااااااااااب
وماكنتوش و بهلو في الحوش
جاينكم يا السمحين
واتكاية علي رصيف الحي الامامي ومواقف في ذاكرة ذاك الفتي الاسمر معتقة بالحنين والتمني الا ليت الشباب يعود
مودتي بالهوبلي ياقول فيفيد الشفت
الليلة فرحتنا فرحتين فرحة معايدة الاهل برفاعة وفرحة لقاء اناس عزيزين علينا قررو قضاء العيد بين ظهرايني الاهل والحبان في رفاعة ، اها من قبل ليلة انا بحضر في مشاعري لانني بكرة ميميم شطر رفاعة اها في ذي الحالة بقي الكلام مع المدام ليهو ريحة وطعم مما اقول هوي انا بكرة ماشي رفاعة بتيدا المناقرة يوم الوقفة موش مشيت رفاعة لا خيلانك واصحابك تاني المرجعك شنو ، لا انني كنت اضحك الليلة ماشين انا والبنية معاي كمان لانو الحاجة جاية رفاعة وانا طولت منها واكان داير تمشي معانا ارح وان ما دايرة جهزي البت من بدري عشان نلحق اول عربية متجه لمدني وانا والله ماشي انوم عشان اصحي بدري لانو رفاعة عنددي فيها حوامة كتيرة ، اها امطار الخير صبت ليلا مما يعني تعذر ايجاد وسيلة نقل من حيث اقطن لا بعد الساعة 12ظهرا لحدي ما الواطة تنشف شوية من اثار الامطار خوفا من الوحل بس انا بقدر اصبر لحدي الساعة 12اها جهزو لينا الفطور النمرق صعيد الحلة امكن تجي عربية عابرة لاقرب منطقة تتوافر فغيها حركة المواصلات وهي قرية طيبة الشيخ عبد الباقي جلسنا والبت فطومة معاي بعد شوية قلت ليها النرجعك البيت انا بمشي برجلي للقنطرة ، وانا مضمر المبيت في رفاعة لانني حملت غياري معاي وسرت قرابة الساعة فوجدت وسيلة نقل لطيبة ومنها لظلط مدني ومنها للحصاحيصا ا وانا على مشارفها اتصلت المدام وين قلت ليها ان قربت للحصاحيصا وانا بايت في رفاعة فاجابتني المهندس عمر النعيم جاك وهو ماشي رفاعة باقي هو ود خالتها ومتزوج من بناتنا بنات رفاعة والبت برسلها معاهو فعلمت في سري ان دي مؤامرة لمنعي من المبيت في رفاعة ؟؟؟
وصلني المهندس والبت فاطمة بعد ان تناولت كباية قهوة في شجر النيم القصاد البحر ، واتجهنا صوب الكوبري وانا مبسوط كيف لا وانا داخل لمراتع الصبا والنشاة المدينة التي ما تنميت فراقها لحظة رفاعة الحنيتة اهلها الطيبين ، وبعد ملاقاة الوالدة والخيلان ورغما عن انو عندنا مناسبة في حوشنا لا انني اعتذرت وقلت للحاجة هوي نحن مارقين انا والبنية لاصحابي الجو رفاعة ومنها (تونة )تتفسح شوية وبديت اغري في البنية الليلة رايك شنو نبيت في رفاعة فقامت قالت لكن انا ما جبت غياراتي معاي ولكن ببيت بشرط انك توديني الجناين الكنت بتحكي عنها في رفاعة وقلت خير ، اها بعد ماتغدت البت عند ناس ابنعوف الريس قال هوي انا سايقكم معاي امرقو ومرقنا وفي العربة فاجاني بانو البت ليلي والسمراء معيدين في رفاعة ، فقلت في سري عشان اكدا العيد حيكون طعم ورائحة ولون ونحن ميميين شطر الحي الامامي ، فقلت دي فرصة نزور الديار التي طولنا ما زوناها لتطاول فترات غيابنا عن رفاعة وان كانت زيارتنا دورية فهي لا تتعدي فريق السناب والسوق لساعتين من الزمن لكن الليلة بيهون كل شئ انشاء الله نصل فارس تلايت الليل فالدنيا عيد وربك رب الخير بيسر الامور لوصولنا لقرية فارس الكتاب ، فطوفنا بالحي الامامي بدا من بيوت ناس حسن بكري واتجهنا صوب المستشفي ومنها عرجنا نحو امتداد الحي الامامي وبدات الذكريات ويمكن ابو هبة يكون حس بانو الزول الراكب معاهو سرحان في ملكوت الجمال المعشش في الدواخل فاثر ان يروح عن المكان المقصود وبعد كم لفة وقعت عيوني علي بيت ناس جمال الهادي واتذكرت الترس وايامو ديك ياحمد ميدان التحرير وغيرها من ذكريات خاصة ذكريات الود الدقاش ؟!!!
اها وصلنا الدار المقصودة واتصل ابوهبة لاننا على موعد اخر لحضور العقد في ديم لطفي فاصرت البت ليلي كيف تجو وتقيفوا بره لازم تدخلو فدخلنا فاستقبلونا بالبشر والترحاب كعادة اهلنا في رفاعة القلوب مفتوحة قبل البيوت واكرمونا غاية الاكرام وهو عهد الاهل والاحبة في رفاعة فاخجلونا لكرمهم الفياض وبعد اكرام وفادتنا تحركنا نحو بعض الاماكن التي تعمدت البت ليلي اختبارنا يها فاذهلناها بان ذاكرتنا حية لاناس سكنو القلوب واوجعوها الما جميلا لانهم جميلي الصوت والصورة ولوجود جاسوس معي اثرت التجاسر ، ولكني الليلة وانا بكتب بقول لساكني البيت البرتغالي ياليلي وارد المدينة عرب زمان لمن اجو الاجازة بنقيف مجموعة لتحية القائد ولمن كان الريس المرحوم نميري هو الحاكم في زمنا داك وبنقول خطوة (عد) ياجعفر الباقي البت برونزية بتمو براها وانتو ياناس المنتدي تمو خيال وبنقعد نزازي في الحتنة ديك حتي نرمقهم بنظرة وامكن تصدر بسمة بتغير حالنا شوفتي كيف ياليلي كنا شقييين خلاص اها ماصلو اخوهم صاحبنا الود (خ ) ، ولمن اجو فريقنا اليوم داك لزيارة اقاربهم ان لينا مراد نقش الشوارع ماهو اصلو في واحد صاحبي متعود املا جيويبو من اثار خطو من احب اها في حب يااخوانا اكثر من كدا ؟
وبعدها اتجهنا لكاتنقا الاسم المفضل لي وتذكرت الناس لمن تقول ماشين رفاعة ، وايام الفيضان لمن نجي عند ناس عمنا عليه رحمة الله عبد الله لطفي ونمشي البحر ونقيل في الديم رفقة اناس كتار اولاد وبناتا ونلعب قرب البحر بعدها نرجع لفريقنا فريق السناب وكلنا فرح وبهجة وما بين الوجوه الكثيرة بخثت عن وجه من بنيات الديم اسرت قلب احد اصدقائي ولانه يعرف علاقاتي باهل الديم كنا بنجي انا وهو للديم كتير لمشاهدة ريلة الديم ولما كان مغني وذو صوت شذي صاحب جلد وبقي عازفه الاول ، ولكن كشان معظم صاحبي لم تكلل العلاقة بالارتباط الابدي فمازال صديقي عندما التقيه يقول لي هسه يانزار ان عرسنا انت وانا من بنات رفاعة كان دا بقي حالنا ابان غربتي في السعودية واقول البركة في وليداتنا انشاء الله الانكسرت فينا تنجبر فيهم بمعني انو اتزوجو من اهلهم في رفاعة لربط الحاضر بالماضي ماضينا نحن وحاضرهم هم فنضحك علي خطل التفكير ولكننا في من الداخل تمنينا ذلك ؟؟؟
هوي الكلام دخل الحوش الما فيهو ماكنتوش ولا ماكدا باأحمد و بجيب اللوم ما نحن زمنا فات وغنانا مات يا قول ود نفورة كمال ،واختم ليك بطرفة ودنفورة لمن كان قاعد في خور الديم الفاصل مابين دار الرباضة الخيش ونادي النهر والدنيا خريف ولمن كان من انصار الموية والنور دي ناس ما بعرفوها المهم اخونا مبسوط وسارح في ملكوت السلطنة وفوقفت عربية الكجر بجانبه فاسقط في يده وقال لجانبو حسبو دي الموية ودا النور ولكن عليك الله (اللندروفر خقكم دا ملبسنو كبك )لانه لم يسمع صوت عربية الشرطة فضحك جانبو حسبو لما كان من مرتادي نادي النهر ليلا رفقة صلاح عبد الله حاج الخضر للعب الوست وكنا احيانا ناتي معهم واطلق سراحه .
اها اجمل تربيزة وست في رفاعة كانت في نادي النهر زكان يرتادها امهر لعيبة الوست وكنا نحضر معهم لنادي النهر ببوكس صلاح عبد اله حاج الخضر وان قدر الله وادوك اسنة فالسيرة محمداك من رواد النادي للبحر ليتم غسل وجهك بمائه البارد شوفتو رفاعة كانت كيف زمـــــــــــــــــــــــــــــــــــــان ، رغما عن انني لا اجيد لعبة الكوتشينة ولكني كنت امتع نفسي بالجلوس حول تربيزوة الكوتشينة واكون في غاية الانتباه ولا ماكدا يا( انامل )الكلمة مقصود بها واحد من رواد المنتدي ساكن الدمام ياريتو اطلنا بهنا وكفي .
النشوفكم بكتبوا شنو والبت ليلة جاينا بشنو بعد ان وعدت بالاتكاية والكتابة من دون محاذير فنحن لا نقصد التجريح ولكننا اثرنا تذكر اجمل ايامنا في رفاعة ياناس با عسل فتكم عافية .
وان بقينا حييين بتقابل .
الصادق بكرة نزل لينا ياقلب مالك على بتاعت الود ابوعركي البخيت

الصادق عبدالله ضرار
09-05-2011, 10:51 AM
والله انت مترع
ومشرع... للعبور للماضي الجميل
لكن قطرك فيهو ناظر كبييير
اها بيتو ولى رجعتو ...
والله في ناس حاسده خلاص
الزول كان دايري بيت محل الجنبه البتريحو ما بتخلو
وبيعتبر شذّ
ادونا لزه كدي نتخارج من محل هواك ده يا نزار ...

الصادق عبدالله ضرار
09-05-2011, 11:01 AM
انت ماعارف يانزار ابوعركي ده بجيب هوايين
الحكومه الداخليه والحكومه الخارجيه مش كان محظور في الاجهزه ... اها طلع عندهم في تلفزيونهم كمان ... لكن كان طلع في تلفزيونك بطلعوك بره
ما كل الناس عارفه نقطة الضعف القديمه ...

http://www.youtube.com/watch?v=g5bRTG0IjnA&feature=related

Nazar Hussien Babkir Frie
09-06-2011, 11:57 AM
والله انت مترع
ومشرع... للعبور للماضي الجميل
لكن قطرك فيهو ناظر كبييير
اها بيتو ولى رجعتو ...
والله في ناس حاسده خلاص
الزول كان دايري بيت محل الجنبه البتريحو ما بتخلو
وبيعتبر شذّ
ادونا لزه كدي نتخارج من محل هواك ده يا نزار ...
تعرف يا اللخدر مفتشي هين ما انا زمان كتبت ليك انو اخوك حريف ، اها يالصادق ما بيتنا ووصلنا متاخرين حوالي العاشرة مساءا ، اها مما دخلنا المدام نادت البت وانا عارف انها حتسالها مشيتو وين وقابلتو منو ، ابوك خلاك ولا ساقك معاهو ماهو البت بيقولو حبيبة ابوها وصاحبة امها ، قمت قلت ليها خت لينا العشاء ماصلو انا ما قاعد اتغدا لي سنين ودنين وتعالي بنحكيك عن الحصل واسقط في يدها الامر ، وتعرف يالصادق مرات كتيرة بحس انو الزواج قيد او سجن عديل بتدخلو باردتك ؟؟ومرات بقول اعطيني حريتي اطلق يديا انني اعطيت منا استبقيت شيئا ، ولكن لابد مماليس منه بد ؟
وبعدين يالصادق نحنا ما بنعرف نداري اي حاجة ، والسمح ان لاقانا في الشارع والحكومة معانا بنعاين بتحديق اواكسي زي ما كتب زمان حساس محمد حساس في جريدة الايام عن انواع النظر للجكس ما اصلو زمان اهلنا الكيبر قالو شوف العين ما كتلو غزال ودا دايما بسبب لينا مشاكل ولكننا بنضحك وبنقول انا ما بقطف زهور خدودك بعاين بعيوني ، ومرات يمكن بدعوك بالسر انشاء الله تعمي ، ومرات بنقول ليها عليك الله البت السمحة دا لبس تلبسو ان كان شادا هنا بتفرج الاسارير والله كلامك في محلو ومع كلمة لكن ودا معناهو انت الوداك تعاين ليها شنو ، فنحن ياسرنا الجمال ماهو نحنا ناس رفاعة بلد الجمال ، والسمح لون القمح بيعجبنا شوفت كيف .ونظرتنا واحدة وطويلة حتي لا ترتد الينا موش ان نظرت انظر نظرة واحدة اها نحنا بنجر نور طويل ؟
هواي يالصادق لذيد ولمن نمشي حفلات اهلنا في الخرتوم انا من الدارة ما بطلع اصلو ولمن ارجع اقعد بعاين ليها وبضحك لانو عارفها بتكون قربت تنفجر ما انا حبيب اهلي كلهم كبار وضغار والحفلة الما بحضرها كلهم لمن الاقيهم بيقولي والله الحفلة براك مسيخة ود بوجع المدام ومرات بتقول لي هن وقت انت عاحبن ما عرسنك ليه ، برد ليها القسمة بس ما ارادت ودا بخليها يومين زعلانة .
اها لقيت هواي كيف وانشاء الله يالصادق جيتك الجاية نلمك :SnipeR (21): في الحكومة حقتنا عشان تشوف حاجة .

الصادق عبدالله ضرار
09-06-2011, 10:15 PM
قالوا النظره الاولى ليك والتانيه عليك
ابن خالي سليمان الجوهره قال الاولى دي بنجضا تب وما بندور التانيه
انت عارف الزول ما بعجبو شئ لكن الحريه مطلوبه ... يعني الدخله والمرقه على الكيف مع مراعاة المشاعر طبعا
اها عشان كده الزول ينجض حشتو من الاول في البرنامج ده اخوانا الماتزوجوا ما تعودوا النسوان عليكم بعدين ببقى ليكم حار
تقعدو تكوسو اعطني حريتي اطلق كرعيا ....

ما وريتنا استاذ سليمان كيفنو واخونا العزيز فتوح وخبر الشعله ...
والصور برضو منتظرنها
انت الشاب احمد وين اختفى ؟

Nazar Hussien Babkir Frie
09-07-2011, 11:49 AM
قالوا النظره الاولى ليك والتانيه عليك
ابن خالي سليمان الجوهره قال الاولى دي بنجضا تب وما بندور التانيه
انت عارف الزول ما بعجبو شئ لكن الحريه مطلوبه ... يعني الدخله والمرقه على الكيف مع مراعاة المشاعر طبعا
اها عشان كده الزول ينجض حشتو من الاول في البرنامج ده اخوانا الماتزوجوا ما تعودوا النسوان عليكم بعدين ببقى ليكم حار
تقعدو تكوسو اعطني حريتي اطلق كرعيا ....

ما وريتنا استاذ سليمان كيفنو واخونا العزيز فتوح وخبر الشعله ...
والصور برضو منتظرنها
انت الشاب احمد وين اختفى ؟
الود الصادق صباخاتك بيضاء بياض نيتك ، بمناسبة ود خالك سليمان الجوهرة زمان دكانو القريب من ناس دقاش اها كان ملتقي لينا انا وحافظ حلواني خاصة في الامسيات ايام عيادة الدكتور الفاضل انور حلواني واجمل شخصية عملت في التمريض في رفاعة عمنا البيتي الرجل الضاحك الباسم دائما ، اها نحنا من اصحاب الاولي بس والتانية قلنا مابندورها حتي لا ترتد الينا او علينا ؟
وبعدين ياللخدر ما تخوف الوليدات الما ا تزجوا ساي من العوين فهن رحمة لنا ولكن يجب وضع قواسم مشتركة وموضوع الحريات فيهو وفيهو وبعد فترة ان تعودت عليك وفهمت انو الفي قلبك في لسانك ما في خوف منك ماهم عارفين انو ( العرجا لمراحها )، بس المكاواة حلوة وبتكون ملح للحياة الزوجية ، والمناقرة برضو حلوة فلا توجد حياة زوجية مثالية الا في الخيال المهم ان تتوافر القناعات بان من اخترتها هي سدرة المنتهي وبعدها( نهي) يا قول الهنود ، واحدة بتكفي وان بقن زي حقات ود عقار الا اودونا المرستان (التجاني الماحي )عديل ولا موهيك ياللخدر .
اها جيتك لرفاعة الاستاذ لم نلتقيه ولكننا هاتفناهو ونحو راجعين لفارس ووجدناه في واجب اجتماعي اول ما ادوه التلفون وعرف انو دا انا اول كلمة رددها (انا ما ديك ) والزول لمعاهو اكيد بيكون سالو عن سر العبارة دي معاي وماني ارف وراه ولا وهو شخص لصيق بالمنتدي وينا وختمنا حديثا ببكلمة الباب وراك ؟
اها ود فريقنا وصاحبك فتوح مالقيناه لانو كما علمت معيد مع الوليدات في الحديبة ما العيال كلها كبرت والناس بقت عندها مسئوليات كثيرة ، اها خبر الشعلة زين وهي حاليا في المركز اتلتاني خلف الاهلي ولديهم امل كبير في التصدر والفوز بالدوري كالعادة ودي اخبار جبتها من الود التريس حينما التقيناه جنب دكان ود شاور برفقة محود كرافسة ووعكود ومتوكل عثمان بكري .
الصور هي صورة احدة خاصة بهذا البوست وهي للعتبة المشهورة التي طالما ذكرناه في هذا البوست (عتبة ناس اوبنورة )كتوثيق كما كتبناه ، حتي تنعش ذاكرة العديد من زوار المكان علهم يجونا بهنا بدل المتاوقة والقراية فقط ، فلابد من اي منهم قد مربهنا ان شاء الله ماشي المستشفي وفتر بيكون تكل شوية في العتبة الشهيرة في الحي الامامي جوار الاستبالية ؟
الود ابوحميد باين عليهو مشغول شوية ولكني احسبه بفتش عن اسماء المكونين الاوائل لجلسة العتبة الشهيرة ويمكن بكوس للكلمات المفتاحية فهو قد كان شاهدا لايامنا في الحي الامامي جوار الاستبالية ، فهو مثلنا حافظ للكتير وربما عن الفترة التي غادرنا فيها رفاعة لتامين المستقبل ، البت ليلي الحرامي شغلها شوية وكمان ليالي رفاعة الملاح برضو بيكون ليها تاثير فالايام دي الافراح على قفا من يشيل وربنا يديمها للجميع فرحة دائمة باذن الله ، ونحنا طبعا من رمضان ما شوفنا البنادر ضاربين الجزيرة ومرتاحين من مشي الكداري الجامع البيت البيت ومافي مزازة بس مشتهين انوار البنادر ، وملاقاة بعض الاخوة من اعضاء المنتدي القادمين في الاجازات ، ففيهم من يملك الكثير من ذكريات الحي الامامي جوار السبيطار (الاسبتالية بالدارجة المغربية).
الود البخيت البقوم الحكومات المحلية وبججهه الحيكومات دا برهو ليه معزة خاصة عندي وبسمعو بمزاج خاص ومتابع انتاجه الخاص واخر ما سمعت اغتية بيقول فيها وهي من كلماته
بحبك حب ما حباهو زول لبشر . قدرت دليها لينا هنا لانو جهازي عتيق
الكلام كتير بنجيبو ليك حبة حبة :SnipeR (59): ياصادق السيرة والسريرة انت .

علي فوراوي
09-07-2011, 11:56 AM
حبايبنا

كل سنة وانتو طيبين


نزار كدي اسأل لي امير
قول ليهو الزول جاء عيد في رفاعة
وكان شوفتو حظي وكان ماشفتو وصي ليهو

Nazar Hussien Babkir Frie
09-07-2011, 12:52 PM
حبايبنا

كل سنة وانتو طيبين


نزار كدي اسأل لي امير
قول ليهو الزول جاء عيد في رفاعة
وكان شوفتو حظي وكان ماشفتو وصي ليهو
تبريكات العيد السعيد ليك بالكوم
والشوق ليك بالاطنان
الامير يمكن يكون لاقاهم انو جاو لانو انت عارف انو بيكون مشي زازا بنهناك ، وضحكني لمن قال مشيت عرس في فريق قدام ومعاهو رفقة مامونة قال لي يا نزار اتذكرت ايام زمان ومسكت الولد من ايديو وشيقت بيهو بنص الصيوان وقلتو ليهو ياولد انحنا زمان كنا بتعمل كدا معاي اصحابي ، فقلت ليهو ذاك الشبل من ذاك الاسد ؟
وهو طبعا بجيب اخبار الجماعة ان عيدو في رفاعة وهو مفروض يشيل البندر ويمكن نتقابل هنالك ولكن الوصية بنبلغها له ؟
بالليل بجيك صادي تاني ؟
وكل سنة وانت طيب ياعسل

الصادق عبدالله ضرار
09-07-2011, 01:25 PM
فوراوي ...
قلت لي كان شافو ليك زول تاني برضو حظك ...
الله يشفيك ...

الصادق عبدالله ضرار
09-07-2011, 01:28 PM
نزار
والله انت حقو تعمل ليك مشروع بتاع البكاء للناس ... تكون انت البكاي ليهم ...

ياخ ابوعركي تصدق سنين الزول ماسمعو رجعتنا ليهو والله

هاك ياجن يابشر

http://www.youtube.com/watch?v=gpr8_3Bt6Eo

علي فوراوي
09-07-2011, 08:06 PM
الصادق

كدي راجع كنوز محبة شوف في زول ببكي زي بكاك
عالم جرسة
تتلبش من لفحة نسيم
وكرعينا يدخلو في بعض من ربطة التوب
غايتو لو قلبي زي قلبكم دا كان زمان وقف من كترت الدق ( ما يمشي خيالكم بعيد عارف ماليهو حد .. دقات القلب )

Nazar Hussien Babkir Frie
09-07-2011, 08:27 PM
فوراوي ...
قلت لي كان شافو ليك زول تاني برضو حظك ...
الله يشفيك ...
تعرف يالصادق اهم شئ انو واحد من اصحابك الزمان التقي بناس محبتك ، صدقني بتعتريهو نفس احاسيسك لحظة لقياها لانو طوالي بي بربط ما بين الرسمين وسما وقواما ولهفة لحظة ارتعاش الاكف بالسلام ، اها العينين بسون هوايل لذا الود فوراوي بيعتبر نفسو سعيد ان شاهدها احد رفاقتو زمان ، وانا عارف انو بيحسب في الدقائق والثواني ليحسب المدة المتبقية من اجازة الامير ، لياتيه بالخبر اليقين ، ويومين تلاتة قبل عودة الامير بيبدا ارجف اها لاقاهم ولا لا ونزار وصل الوصية ليهو ولا ، ماهو جيلنا كلو ناس بيرضو بالقليل بسمة ونظرة بيغرو حالم شوفت كيف كان حالنا وزمان ، لا موبايل لا ملاقاة الا في الرقايص ، حيث تقيف محازيا لمكانهم بتكفيك سرقة النظرات وبس ، وان تجاسرت وتجاسروو هم بيقولو ليك قدمنا نهاية الحفلة حينها بتكون اسعد شاب في رفاعة ليلتها وذلك لان اخر صورة تطبق عليها عينيك بعد المشوار هي صورة من اطبقت عليه القلب !!!!بعد دا داير شنو ؟
اها الشفا والله عسير ، فاقل لمحة بتاور الجروح الغائرة رغما عن تقادم الازمان واختلاف المواضع في الحياة ، زمان يالصادق كان في واحد من أصحابنا ا بيبكي لمن اسمع عبد الله محمد عبد الله وهو يغني( بامنة الفي القليب وجعاني ما شوفتهو ياخلاني) بمجرد ان يغنيها عبد الله ان كانت في بداية الرقصة وحاتك ببكي وبيقول يا نزار هوي انا حفلتي انتهت انا ماشي البيت ساهرو انتو وروني بكرة الحصل ، اها زي ديل بشفو كيف قول يالصادق ؟
ديل لمن ابقي جدود الامور بتكون هي هي ما اصلو قالو البريد ما بنسي ولكن بتناسي ولا موهيك ياشباب ، ماهي الريدة اصل وطبع ؟
الكلام بجيب الكلام ؟وانما خايفو يجيب اللوم ؟؟؟؟؟؟؟؟؟؟؟؟؟؟؟؟؟؟؟؟
خلينا مع الود عركي يوم من الايام بوقف قلبي ، وعند اغنية تانية كتبتها زوجته عفاف الصادق حمد النيل بتقول فيها ؟
اريدك وانت مطرا جا
وسقي التيراب
وصبحتك بيك
حياتنا ربيع
بقي التاريخ
بني وشيد
عليها الساس
احبك احبك احبك
اها الزينا نحنا يقول شنو ، غير انو يهفو لسماع خبر عمن هوي وكفي !!!!!!!!!!!!لذا تجدنا لنا خيارات بتجيب لينا الهوي بس بتستمتع بالغنا الجميل فادق لينا الغنا العفيف كل مرة علنا نريح القلوب التي علاها الصدي وننظف الاذان التي امتلات وقرا بغث الغناء ؟؟؟؟:SnipeR (44):

ahmed mustafa omer
09-08-2011, 04:56 AM
:SnipeR (15):اللخدر شيلو الصبر التقيل ورا ، والله الايام القادمة بتكتر التلفونات وعليكم الله ما تجيبو سيرتي ، وفي ناس كتار الان بتحسسو في مواضعهم لانو الكلام كتر وفيهو المثير الخطر بس شيلو الصبر ، وغايتو انا خالي مسئولية ؟لانو القادم شعروكفر ووتر بس اقعدو طولة وانتظر ليالي الحلمية في الحي الامامي جوار الاستبالية العملتو انا دا كلو بيعتبر المناظر بيت الكلاوي جاي ورا ، ورحم الله اخونا الرشيد وجعله من الصديقين والشهداء وحسن اولئك رفيقا باذن الله .

الاخوان سلام عليكم وكيفنكم والله اليوميين ديل انشغلت ومدعوك لكين قاعد اخش واقراء ومتابع الحاصل شنو ... وشايف نزار بدى فينا نقطه نقطه لكين برضو احسن كده لانوا الكلام فى الناس ديل طوالى بجيب عشراقه لانوا سكرهم مركز . انا بتصل عليك عشان اسلم لكين الناس المادايريين اجيبوا اسمهم ديل عملوا شنو ياربى ... ومنتظريين اى حاجه تجى اكان من بيت الكلاوى ولا من ورا وماعارف ورا دى قاصد بيها فريق ورا ؟ وكان قاصد فريق ورا خليهم انتظروا البردعى ونحن خلينا ناس الاسبتاليه مع زينب والعرش وليالى الحلميه ...
باللفه يانزار الايميل بتاعك وصلك ؟

ahmed mustafa omer
09-08-2011, 05:31 AM
تعرف يا اللخدر مفتشي هين ما انا زمان كتبت ليك انو اخوك حريف ، اها يالصادق ما بيتنا ووصلنا متاخرين حوالي العاشرة مساءا ، اها مما دخلنا المدام نادت البت وانا عارف انها حتسالها مشيتو وين وقابلتو منو ، ابوك خلاك ولا ساقك معاهو ماهو البت بيقولو حبيبة ابوها وصاحبة امها ، قمت قلت ليها خت لينا العشاء ماصلو انا ما قاعد اتغدا لي سنين ودنين وتعالي بنحكيك عن الحصل واسقط في يدها الامر ، وتعرف يالصادق مرات كتيرة بحس انو الزواج قيد او سجن عديل بتدخلو باردتك ؟؟ومرات بقول اعطيني حريتي اطلق يديا انني اعطيت منا استبقيت شيئا ، ولكن لابد مماليس منه بد ؟
وبعدين يالصادق نحنا ما بنعرف نداري اي حاجة ، والسمح ان لاقانا في الشارع والحكومة معانا بنعاين بتحديق اواكسي زي ما كتب زمان حساس محمد حساس في جريدة الايام عن انواع النظر للجكس ما اصلو زمان اهلنا الكيبر قالو شوف العين ما كتلو غزال ودا دايما بسبب لينا مشاكل ولكننا بنضحك وبنقول انا ما بقطف زهور خدودك بعاين بعيوني ، ومرات يمكن بدعوك بالسر انشاء الله تعمي ، ومرات بنقول ليها عليك الله البت السمحة دا لبس تلبسو ان كان شادا هنا بتفرج الاسارير والله كلامك في محلو ومع كلمة لكن ودا معناهو انت الوداك تعاين ليها شنو ، فنحن ياسرنا الجمال ماهو نحنا ناس رفاعة بلد الجمال ، والسمح لون القمح بيعجبنا شوفت كيف .ونظرتنا واحدة وطويلة حتي لا ترتد الينا موش ان نظرت انظر نظرة واحدة اها نحنا بنجر نور طويل ؟
هواي يالصادق لذيد ولمن نمشي حفلات اهلنا في الخرتوم انا من الدارة ما بطلع اصلو ولمن ارجع اقعد بعاين ليها وبضحك لانو عارفها بتكون قربت تنفجر ما انا حبيب اهلي كلهم كبار وضغار والحفلة الما بحضرها كلهم لمن الاقيهم بيقولي والله الحفلة براك مسيخة ود بوجع المدام ومرات بتقول لي هن وقت انت عاحبن ما عرسنك ليه ، برد ليها القسمة بس ما ارادت ودا بخليها يومين زعلانة .
اها لقيت هواي كيف وانشاء الله يالصادق جيتك الجاية نلمك :sniper (21): في الحكومة حقتنا عشان تشوف حاجة .

والله ياحليلك يانزار بقيت ازرزروا فيك .... والصادق برضو الظاهر بزرزروا فيو ....نحن عشان كده الحيكومات دى لى هسى ضدها ...وانتو ناس حيكومات الفرد .... لكين برضو بنقيف معاكم وبنقول ليكم نحن لى هسى بنشجع التعدديه . مابشجع انو تجوا وتخلوا حيكوماتكم لانها دى خياركم ...لكين بشيل الانتو ماسكنوا فى صدوركم برضو ودا بقلل الردحى والسرحان على ما كان ... وبرضو بقول ليكم بس ما شمتان وابقوا زى امير شق الصيوان وبقى ادرب فى الشبل بتاعو .. ولا تبقى عليكم زمنكم فات وغنايكم مات
وسيدى بى سيدو

ahmed mustafa omer
09-08-2011, 05:43 AM
الود الصادق صباخاتك بيضاء بياض نيتك ، بمناسبة ود خالك سليمان الجوهرة زمان دكانو القريب من ناس دقاش اها كان ملتقي لينا انا وحافظ حلواني خاصة في الامسيات ايام عيادة الدكتور الفاضل انور حلواني واجمل شخصية عملت في التمريض في رفاعة عمنا البيتي الرجل الضاحك الباسم دائما ، اها نحنا من اصحاب الاولي بس والتانية قلنا مابندورها حتي لا ترتد الينا او علينا ؟
وبعدين ياللخدر ما تخوف الوليدات الما ا تزجوا ساي من العوين فهن رحمة لنا ولكن يجب وضع قواسم مشتركة وموضوع الحريات فيهو وفيهو وبعد فترة ان تعودت عليك وفهمت انو الفي قلبك في لسانك ما في خوف منك ماهم عارفين انو ( العرجا لمراحها )، بس المكاواة حلوة وبتكون ملح للحياة الزوجية ، والمناقرة برضو حلوة فلا توجد حياة زوجية مثالية الا في الخيال المهم ان تتوافر القناعات بان من اخترتها هي سدرة المنتهي وبعدها( نهي) يا قول الهنود ، واحدة بتكفي وان بقن زي حقات ود عقار الا اودونا المرستان (التجاني الماحي )عديل ولا موهيك ياللخدر .
اها جيتك لرفاعة الاستاذ لم نلتقيه ولكننا هاتفناهو ونحو راجعين لفارس ووجدناه في واجب اجتماعي اول ما ادوه التلفون وعرف انو دا انا اول كلمة رددها (انا ما ديك ) والزول لمعاهو اكيد بيكون سالو عن سر العبارة دي معاي وماني ارف وراه ولا وهو شخص لصيق بالمنتدي وينا وختمنا حديثا ببكلمة الباب وراك ؟
اها ود فريقنا وصاحبك فتوح مالقيناه لانو كما علمت معيد مع الوليدات في الحديبة ما العيال كلها كبرت والناس بقت عندها مسئوليات كثيرة ، اها خبر الشعلة زين وهي حاليا في المركز اتلتاني خلف الاهلي ولديهم امل كبير في التصدر والفوز بالدوري كالعادة ودي اخبار جبتها من الود التريس حينما التقيناه جنب دكان ود شاور برفقة محود كرافسة ووعكود ومتوكل عثمان بكري .
الصور هي صورة احدة خاصة بهذا البوست وهي للعتبة المشهورة التي طالما ذكرناه في هذا البوست (عتبة ناس اوبنورة )كتوثيق كما كتبناه ، حتي تنعش ذاكرة العديد من زوار المكان علهم يجونا بهنا بدل المتاوقة والقراية فقط ، فلابد من اي منهم قد مربهنا ان شاء الله ماشي المستشفي وفتر بيكون تكل شوية في العتبة الشهيرة في الحي الامامي جوار الاستبالية ؟
الود ابوحميد باين عليهو مشغول شوية ولكني احسبه بفتش عن اسماء المكونين الاوائل لجلسة العتبة الشهيرة ويمكن بكوس للكلمات المفتاحية فهو قد كان شاهدا لايامنا في الحي الامامي جوار الاستبالية ، فهو مثلنا حافظ للكتير وربما عن الفترة التي غادرنا فيها رفاعة لتامين المستقبل ، البت ليلي الحرامي شغلها شوية وكمان ليالي رفاعة الملاح برضو بيكون ليها تاثير فالايام دي الافراح على قفا من يشيل وربنا يديمها للجميع فرحة دائمة باذن الله ، ونحنا طبعا من رمضان ما شوفنا البنادر ضاربين الجزيرة ومرتاحين من مشي الكداري الجامع البيت البيت ومافي مزازة بس مشتهين انوار البنادر ، وملاقاة بعض الاخوة من اعضاء المنتدي القادمين في الاجازات ، ففيهم من يملك الكثير من ذكريات الحي الامامي جوار السبيطار (الاسبتالية بالدارجة المغربية).
الود البخيت البقوم الحكومات المحلية وبججهه الحيكومات دا برهو ليه معزة خاصة عندي وبسمعو بمزاج خاص ومتابع انتاجه الخاص واخر ما سمعت اغتية بيقول فيها وهي من كلماته
بحبك حب ما حباهو زول لبشر . قدرت دليها لينا هنا لانو جهازي عتيق
الكلام كتير بنجيبو ليك حبة حبة :sniper (59): ياصادق السيرة والسريرة انت .

منتظر صور المسطبه العتيقه و بالاضافه للاسماء الذكرتها قبل كده اضافت الحاجه هنا لى اسامى تانيه منهم دقر ...محمد الرز..الوسيله طه ,, النور على العبيد وبركات ابونوره وقالت دا جزء وكورنه ناس جدى الجيلى ابو الهول وعصام .. محمد خرسانى,,والمرحوم عماد موسى ,, وعثمان عبدالمنعم ود ناس بت الصرايا قبل ماارحلوا ديم العوض

وديل كانوا ببيعوا اللوز وايو اللوز ..
وبينى وبينك ما اظن الفريق داير لوز لانوا مليان لوز قبل الماكنتوش ماتظهر ولارايك شنو

خالد علي فضل المولى
09-08-2011, 10:27 AM
العزيز نزار كلامك صاح والله كنت بكون لابد جنب الباب وبسمع وسمعت كتير وكمان والله جك المويه غذبتوا عذاب واللبده كلها كان عندها تمن وهو لمن ناس عبدالرحمن يكونوا ماشين التمرين التمن انوا بشيل الكوره وبمشى قدامهم وبعد التمرين برضو برجع قبلكم وكان اهم شى انة اشيل الكفر وامشى بيو البيت ولمن توصلوا بتلقوا المويه جاهزه ..... وكان فى حفله عرس بعمل تلج فى المويه عشان لمن اقول انا ماشى معاكم تكون فى موافقه مقابل الخدمات .....

تعرفوا البوست دا حرك فينى ذكريات وايام لن انساها ابدا ..... اما مساله الارتباط بى رفاعه واهل رفاعه دا موضوع كبير وكل يوم انا بتكلم مع مجدى موسى وبنبدا ونستنا عن رفاعه زول زول (وزنقه زنقه )وبيت بيت ودا كلوا لانو كاتلنى الشوق والحنيين ولمن انت والصادق تفتحوا موضوع زى دا بزيد الشوق والحنيين .... وكل ما اقوله تاتى المسافه والظروف لتحول دون ذلك وتزرع مكانه اللهفه والاشواق لاظل فى حساب دائم مع الزمن للقاء دائم وممتع ......

كدى يانزار نرجع وادينا حاجه واسالك سوال ورينا رايك اول اجازه لمن رجعت من المغرب انت ونادر عبدالله ومجموعه من الشباب والزملاء معكم وكان فى عرس وكان معاكم فنان من اولاد المغرب .... هل اقدر اقول دى فتره البراعم او رايك شنو . الدنيا قبايل عيد والحفلات جايه الماشى اشترى ليو بنطلون الماشى لى ودتروه او كجاجه يزين راسوا .... اها قبل ماتنشغلوا فى بيوت الرقايص برضو عايزين لمحه من الاستعداد للبهجه

ان شاءالله المره الجايه شقتكم رفاعه تكون لفرح وبرضو ربنا يرحم الجميع....



يا جماعة كل سنة وأنتم طيبين..

متابع معاكم متاوقة بس.. بوست خطير والله يا الصادق ..

أحمد مصطفى يا دفعة.. مشتاقين والله .. عارف يأ أحمد لو عايز ذكريات فريق قدام خلي مجدي موسى يدخل ويبطل المتاوقة..

ياخ ده ليهو خمسة سنين بتاوق..


ضحكتني شديد بحكاية الدالي وفخر الدين لما قالت ليهو الوالدة (أم زهور) إنت لسة ما نزلت ..

بالله يا أحمد مصطفى لما رجعت تاني رفاعة بعد طول غياب .. ما مشيت قعدت في (ركنك الهادي) داك واتذكرت أحلى الأيام..

Nazar Hussien Babkir Frie
09-08-2011, 01:03 PM
والله ياحليلك يانزار بقيت ازرزروا فيك .... والصادق برضو الظاهر بزرزروا فيو ....نحن عشان كده الحيكومات دى لى هسى ضدها ...وانتو ناس حيكومات الفرد .... لكين برضو بنقيف معاكم وبنقول ليكم نحن لى هسى بنشجع التعدديه . مابشجع انو تجوا وتخلوا حيكوماتكم لانها دى خياركم ...لكين بشيل الانتو ماسكنوا فى صدوركم برضو ودا بقلل الردحى والسرحان على ما كان ... وبرضو بقول ليكم بس ما شمتان وابقوا زى امير شق الصيوان وبقى ادرب فى الشبل بتاعو .. ولا تبقى عليكم زمنكم فات وغنايكم مات
وسيدى بى سيدو
احمد المزازة حاصلة والله ، وانا حر طليق لاني بعدي فترات طزيلة متنقل ما بين الخرطوم والدمازين ،ولا استقر لفترة طويلة مع الوليدات الا في شهر رمضان المعظم فدا خالص لله ولهم ، اما الباقي فانا ذي اهلي ناس شرق الله البارد بنجههو بالسفر ، اها الحرية حلوة بس بشرط الا تتعدي على حقوق الاخرين ، ونحنا بنعرف نباصر امورنا وشفوت وانت عارف اولاد رفاعة ما بنقدرو للحروم الا اكونن ورادات البلد لانهن بيكونن عارفات كلو شئ ؟ اها نحنا كتب علينا البعاد لذا الناس بتخاف من الاختطاف ومن التعدد المذكور ونحنا ما من انصاره ليس للظرف المادي وحده ولاننا لا نحب الشريك فمعظم فترات دراستي كنت افضل السكن لوحدي وبعدي مرات اسبوع ما بشوف غرفتي لانني دايح وسائح في سماوات الجمال كعهدي دوما نقدسه ونبجله ودا طبعنا ، اها الردحي ان خليناه معناه انو خلاص قطرنا صفر ، وانتا عارفنا من زمان بنجي الرقايص وبنكون وافقين برانا وبنضحك ونتونس وعمرنا ما شاغلنا بنية في حفلة ولا شاكلنا في حلفة بس كنا بنصور بكاميرا خفية كل الاحداث لذا وثقناها لكم من ذاكرتنا رغما ن ان معظم الاحداث قد مر عليها الزمن القانوني للسماح بالنشر اي قرابة التلاتون عام يعني ذي الاسرار بتاعت المخابرات بيسمح بنشرها ؟ معظم ما نسرده حدث في الفترة الزمنية من 75م لحدود 82 بعدها طفشنا طفشة السنين من رفاعة ودي كانت اجمل سنوات حياتنا ياحمد عشناها في البيت الوسيع رفاعة لذا احتفظنا بها في دواخلنا ولاننا صدقنا في احاسيسنا تجاه كل من عرفناه والفناه في رفاعة بادلنا الجميع في تلك الفترة ودا بود وحبا بحب وعشقا باسمي منه ؟
اها يا ابوحميد الحق روحك وداايرين نفرح بيك قريب ويكون لينا حضرة عشان نشوف البراعم بقو كيف ؟، وانشاء الله فوراوي وامير اللميين اكونو في اجازة واجينا مستين وعلي موسي ومجدي موسي وضياءالدين عمر وجمال الهادي الياس وبحضور كلا وشلة نادي الشعلة بتكون الليالي عامرة بس ما تقوم تعملينا في كافوري لاننا بنطالب بقيدومة في الحي الامامي جوار الاستبالية علها تحي فينا ماضي الذكريات ، وما تخاف الماكنتوش لسع مبهول في الحوش ولا ماكدا ياحمد ؟
الايميل وصل وعجبني شديد ووجع قليبي دا من جوة وذكرني يا احمد رحلة لجنينة ناس عبد الله حاج الخضر المرحوم ابو غني فيها كما يغن من قبل والغنا كلو كان لعثمان حسين بمشاركة من ذكرت لانو بيمتلك صوت عجيب وجميل جمال شخصه وعذب الحضور كلهم لانو سيما وقيمة ولمن غنو من عيونك يا غزالي في واحد كورك وقال يالناس الحلة الحقوني من السماحة الشديدة دي ؟ولانهم من سكان ام ضوبان وانا متابع للحركة الفنية في السودان وكمان حوار لشيوخ البادراب جايب اخبارم وبنجيب المزيد من الاخبار بعد الاتصال بناس محبتنا الزمان بيوروني اخبارم ما هو نحنا لسع حافظين للوداد ولانهم اصحاب بورنا اخبارم اه لقيتني كيف ، الزي بتزاز يا احمد ما اخوك حريف ما بتقبض ؟
الاسامي المذكورة عن مؤسسي العتبة من خيرة شباب رفاعة علم وادبا وكفي ؟
ولسع بنتعامل معاكم بمبدا حبة حبة بس ما بنزيد غرورنا ذي ما قال المرحوم خوجلي عثمان .
للمزيد من الوجع يالصادق هاك كلام البت عفاف الصادق وغناء عركي :
في عينيك دنيا غربية
دنيا ملانه محنة وطيبة
دنيا تاخد كل اعماقنا
تابا تجيبا
وانا اتحيرت شلت الخطوة
حتي الخطوة لما تشوف جمال
عينيك بتبدا ترجع وليك
تتطلع قصة صورة
في عينيك فصولها رهيبة
فصولها بتحكي للايام
عيد ميلاد حبيب وحبيبة ؟
هوي كفاكم ؟
الباقي لبعدين :SnipeR (69):

الصادق عبدالله ضرار
09-08-2011, 01:17 PM
الصادق

كدي راجع كنوز محبة شوف في زول ببكي زي بكاك
عالم جرسة
تتلبش من لفحة نسيم
وكرعينا يدخلو في بعض من ربطة التوب
غايتو لو قلبي زي قلبكم دا كان زمان وقف من كترت الدق ( ما يمشي خيالكم بعيد عارف ماليهو حد .. دقات القلب )

هو ما بيقيف يافوراوي قايلو ؟
لكن بعد ما يقيف تاني يدق
العوده للحياه
مش قال من شوفتو طولنا
نهواهو ما زلنا ...
نهواه رغم البين والصدود عنا ...
زول كاوينو بالصدود
وبالبين
وبرضو بهواه !! عجيب
ده زي زولنا داك
قبل ميعادنا بي ساعتين ...
اغالط نفسي بي إصرار واقول إمكن انا الماجيت
مغبي تب ... صاحبنا
لكن هم ما بستاهلو ؟
جابت ليها ربط كمان
وانت الشئ مبحلق لمن تشوف الربطه
شكيت محنك

Nazar Hussien Babkir Frie
09-08-2011, 01:33 PM
:SnipeR (79):يا جماعة كل سنة وأنتم طيبين..

متابع معاكم متاوقة بس.. بوست خطير والله يا الصادق ..

أحمد مصطفى يا دفعة.. مشتاقين والله .. عارف يأ أحمد لو عايز ذكريات فريق قدام خلي مجدي موسى يدخل ويبطل المتاوقة..

ياخ ده ليهو خمسة سنين بتاوق..


ضحكتني شديد بحكاية الدالي وفخر الدين لما قالت ليهو الوالدة (أم زهور) إنت لسة ما نزلت ..

بالله يا أحمد مصطفى لما رجعت تاني رفاعة بعد طول غياب .. ما مشيت قعدت في (ركنك الهادي) داك واتذكرت أحلى الأيام..
خالد كل سنة وانت طيب :
مليزن مراحب بيك في صالون الذكريات متنيا ان يكون مقامك بينا طيبا ودي دعوة للاندياح معنا في بوح خاص عن اجمل ايامتكم في رفاعة انت ورفاقتك مجدي واحمد نحنا خلاص معيينا لم بنضب ولكننا نحتاجكم لتوثيق الفترات التي غبنا فيها عن رفاعة الحبييبة لعوامل شتي ، تعال وادفق ذكرياتك معانا فالباب مفتوح للجميع عل وعسي نرتاح ونمسح الذاكرة شوية لفضاءات قادمة وان الله مد في الاجال بنكتب ليكم عن خريف العمر في رفاعة بعد العودة والاوبة اليها لانها ملاذ امن في خريف العمر ؟
مرحبتين حبابك يا خالد والبيت بيتك تعال لينا وما تاوق بس ، اكتب لينا عن ايامك ما انتو لسع شباب ونحنا خلاص كبرنا وكبرت احزانا وانتو كبرتو ذتو حلاة ؟
اها رايك شنو ؟

الصادق عبدالله ضرار
09-10-2011, 02:00 PM
يا جماعة كل سنة وأنتم طيبين..

متابع معاكم متاوقة بس.. بوست خطير والله يا الصادق ..

أحمد مصطفى يا دفعة.. مشتاقين والله .. عارف يأ أحمد لو عايز ذكريات فريق قدام خلي مجدي موسى يدخل ويبطل المتاوقة..

ياخ ده ليهو خمسة سنين بتاوق..


ضحكتني شديد بحكاية الدالي وفخر الدين لما قالت ليهو الوالدة (أم زهور) إنت لسة ما نزلت ..

بالله يا أحمد مصطفى لما رجعت تاني رفاعة بعد طول غياب .. ما مشيت قعدت في (ركنك الهادي) داك واتذكرت أحلى الأيام..


مرحبا خالد بينا هنا في صالون الذكريات
اها منتظرين منك الكتير وانت لديك على مايبدو الكثير منهااسها والبنطون بدا يتحرك قالت ليهو ياولدي البنطون ده بالفا
قال ليها لا بالبا

وقالوا مره مش الجزاره والجزار كل مره يقطه قطعه صغيره ويرميها في كفة الميزان عشان الميزان انزل ومابنزل
كما الجزار دق الميزان بي يدو وقال ليهو ماتنزل
الدالي قال ليهو ينزل كيف لكن كان شابكو دوهات
الدالي قالوا مره لا قتو حاجه نازله وشيله قفه في ر

Nazar Hussien Babkir Frie
09-13-2011, 12:08 PM
هو ما بيقيف يافوراوي قايلو ؟
لكن بعد ما يقيف تاني يدق
العوده للحياه
مش قال من شوفتو طولنا
نهواهو ما زلنا ...
نهواه رغم البين والصدود عنا ...
زول كاوينو بالصدود
وبالبين
وبرضو بهواه !! عجيب
ده زي زولنا داك
قبل ميعادنا بي ساعتين ...
اغالط نفسي بي إصرار واقول إمكن انا الماجيت
مغبي تب ... صاحبنا
لكن هم ما بستاهلو ؟
جابت ليها ربط كمان
وانت الشئ مبحلق لمن تشوف الربطه
شكيت محنك
شكيت محنكم الاتنين انتو ، الشي ما شاء الله التقول بالعين عرق المحبة
الكاينو بالصدود يالصادق عليهو ان يصبر ويصابر ويحتسب المحبة ماهي كانت في الله ؟
اما البجي قبال ساعتين من الميعاد دا بيكون قريب قيس بن الملوح
والبغبي دا بيكون عاشق ولهان ؟
والبستاهلو ديل بيستاهلو لانهم حنية وذوق وصورة وصوت ؟
ونحنا البنموت بالشوق بعيد منهم ؟
والربط انواع ؟
والبعرف ابحلق لدرجة انو يشوف الربطة دا رياد بطبعو ؟
ودا دا بيكون تحديقو اواكسي ؟
وصاحبي وصاحبك خابرو انا تمام بريد
وانا ما راد ما بيعرف يعيش
بس لقيتك يا اخوي بكاي زيو وزينا ؟
والمابريد ما بسمع غنا الاهات وخاصة
غنا ابو الزيك ؟
اها البريد هاشم مرعني دا بيكون من المعذبين في الارض ؟
وبالله عليك بالصادق اديني (اديتك القلب المعذب )
هدية ساي للناس الحلوين
نحنا غبنا الايام الماضية لظروف
ونبجيكم تاني لصالون الذكريات
بس ليلي الحرامي طفشها من البوست موش من رفاعة بس ؟
يلا اعملوا الاتصالات لمعرفة مجريات الامور
الود احمد بحضر ليكم في المفاجات ؟
وامكن يكون زعلان زينا من هزيمة الهلال ؟
وغايتو انتو الاتنين انشاء الله لينا جلسة في مكان معلوم
واليوم داك يالصادق جيب لينا مناديل معطرة
والقهوة علينا والترحيل عليكم
وكلامنا اليوم داك يالصادق غير قابل للنشر
يعني زي ما بيقول المرحوم ود الحوار كمال
كتمي ؟
فهمت يا أخوي بس اليوم داك ما في عذر ؟:smilie1:

الصادق عبدالله ضرار
09-13-2011, 11:11 PM
كتمي وقدوي كمان
ياريت والله غايتو انا ما بنشر الحيكون
إلا ناس ويكليكس يكونا داسين لينا زول وبعد كم يوم نلقى الكلام اتنشر ... تاني مافي سر الظاهر
ماقلت لي المو بتزيلو

http://www.youtube.com/watch?v=pTWaek_FMWM

الصادق عبدالله ضرار
09-15-2011, 01:27 PM
الود نزار وفوراوي واحمد والمتفرجين الحلوين
وين انتو ...
الجو عكر مش

لكن يافوراوي
لو عاوز تسيبنا جرب وانت سيبنا
ولو دايير يحب حب وانساهو ريدنا
ولو ترجع تصافي بسامحك ياحبيبنا (ماقلتو نوبه)

http://www.youtube.com/watch?v=-5_lzjIxkYg

برونزية
09-16-2011, 02:27 PM
يالسمحين هوي اهدوا
بتكتلونا وتقعدو
الباكيين علي الاطلال
والبحبو الجمال
والكتبو في سلطان العشق عرضحال
ازيكم
ان شاءالله طيبن ورايقين وتسونامي ما جا علي فريقكم ولا طلاكم
ونرجع نعيد الكان
ود فريجون تعال اتفن وطلع المدفن دااااااااااااااك
ومش ممكن ان تقارن بينا وبين ............ ودفيسا
والبنية الحلوة النفيسا
وهناي الشين اصبح عريسا

ياخ اطربونا
وياقول الاخدر وريتونا لكن
مالو المنتدي بقي اجيب الكتمة ووجع القلب
؟؟؟؟؟؟؟؟؟؟؟؟؟؟؟؟؟

الصادق عبدالله ضرار
09-16-2011, 10:54 PM
برونز
إمكن رجعتك المياه الجرت تحت الجسر الذي جفّ من العطش
حمدا على سلامه العوده ... والعرضه كمان وودنباوي ذاتا

الصادق عبدالله ضرار
09-18-2011, 12:39 AM
نزار
الناس في مدارك قول ليهم
انا كيف اقيف
وانا كيف افوت
ماأصلو غالبني المشي
ومحتار انا
بين ريدي ليك
وبين الظروف
البين إيديا
وبين إيديك
عاوز اقول
الجوه ليك
عاوز اقولك
كل شي
دفقة إحساسي الزمان
كوم الحنان
لمن اقابلك وأنتشي
لحظة اشوفك
اصلو بغلبني المشي
والقال بريدك
ما اظن قد خلى شي
والقال هواك ماخلى شي

Nazar Hussien Babkir Frie
09-20-2011, 11:21 AM
الود نزار وفوراوي واحمد والمتفرجين الحلوين
وين انتو ...
الجو عكر مش

لكن يافوراوي
لو عاوز تسيبنا جرب وانت سيبنا
ولو دايير يحب حب وانساهو ريدنا
ولو ترجع تصافي بسامحك ياحبيبنا (ماقلتو نوبه)

http://www.youtube.com/watch?v=-5_lzjixkyg
ببدا ليكم بكيفن نسيبكم ما انتو روحنا ودمنا ؟
نسيبكم نمش وين من الراس والساس ؟
رغما عن عكارة الظروف وخوف الحروف من ان تستبين ماورائها ؟
ظروف وجوابات كتيرة منعتنا من التواصل والحمد لله عدت ؟
الليلة جيتكم بكلام الود صلاح احمد ابراهيم وهو يقول :-
اليوم ادرت عيني في المكان
وكنت انت قبالتي
عيناك نحوي تنظران
عيناك واخضر المكان
وتسمرت عيناي في عينيك ما عاد المكان ولا الزمان
عيناك بس
ورفعت قوس كنانتي
عيناك اذ تتالقان
عيناك من عسل المفاتن جرتان
عيناك من صور المحاسن ايتان
عيناك مثل صبيتين
عيناك اروع ماستين
(هذا قليل)
عيناك اصدق كلمتين
عيناك اسعد لحظتين
(هذا اقل)
عيناك انضر روضتين
عيناك اجمل واحتين
(ماقلت شئ )
عيناك اطهر بركتين من البراءة
نزل الضياء ليستحم بها
فالقي عند ضفتها رداءه
الفتنة العسلية السمراء
والعسل المصفي والهناءة
وهناك اغرق نفسه
(عجز الخيال )
اها الخلاني ارجع لصلاح احمد ابراهيم ثلاث ليال حسوما قضيتها برفاعة ؟من بين ليالها ليلة زفاف البت سولارا لفارس احلامها متنيا لها كل السعادة والهناء ؟
وتاني الخلاني الخلاني ارجع لود ابراهيم ما رايت عيناي من حسن اذهلني في ليلة زفاف البت سولارا فايقنت ان الجمال في رفاعة مورووووووووووووث وين الكلام في فريقنا فريق السناب فايقنت انو الود فوراوي محق في انني قد تجينت على حسان فريقنا ؟
فوقفت مذهولا وما جال بخاطري سوي هذه القصيدة .
بجيكم راجع تاني ؟؟؟؟؟؟؟؟؟؟؟؟؟؟؟

Nazar Hussien Babkir Frie
09-20-2011, 11:45 AM
الود نزار وفوراوي واحمد والمتفرجين الحلوين
وين انتو ...
الجو عكر مش

لكن يافوراوي
لو عاوز تسيبنا جرب وانت سيبنا
ولو دايير يحب حب وانساهو ريدنا
ولو ترجع تصافي بسامحك ياحبيبنا (ماقلتو نوبه)

http://www.youtube.com/watch?v=-5_lzjixkyg
ببدا ليكم بكيفن نسيبكم ما انتو روحنا ودمنا ؟
نسيبكم نمشي وين ما انتو الراس والساس ؟
رغما عن عكارة الظروف وخوف الحروف من ان تستبين ماورائها ؟
ظروف وجوابات كتيرة منعتنا من التواصل والحمد لله ها قد عدنا ؟
الليلة جيتكم بكلام الود صلاح احمد ابراهيم وهو يقول :-
اليوم ادرت عيني في المكان
وكنت انت قبالتي
عيناك نحوي تنظران
عيناك واخضر المكان
وتسمرت عيناي في عينيك ما عاد المكان ولا الزمان
عيناك بس
ورسمت قوس كنانتي
عيناك اذ تتالقان
عيناك من عسل المفاتن جرتان
عيناك من صور المحاسن ايتان
عيناك مثل صبيتين
عيناك اروع ماستين
(هذا قليل)
عيناك اصدق كلمتين
عيناك اسعد لحظتين
(هذا اقل)
عيناك انضر روضتين
عيناك اجمل واحتين
(ماقلت شئ )
عيناك اطهر بركتين من البراءة
نزل الضياء ليستحم بها
فالقي عند ضفتها رداءه
الفتنة العسلية السمراء
والعسل المصفي والهناءة
وهناك اغرق نفسه
(عجز الخيال )
اها الخلاني ارجع لصلاح احمد ابراهيم ثلاث ليال حسوما قضيتها برفاعة ؟من بين ليالها ليلة زفاف البت سولارا لفارس احلامها متنيا لها كل السعادة والهناء.
وتاني الخلاني الخلاني ارجع لود ابراهيم ما رايت عيناي من حسن اذهلني في ليلة زفاف البت سولارا فايقنت ان الجمال في رفاعة مورووووووووووووث وين الكلام دا حصل في فريقنا فريق السناب فايقنت انو الود فوراوي محق في انني قد تجينت على حسان فريقنا وذلك لانني بنيت على ماسبق اما الحاضر فانباني بانو السناب عــــــــــــــــــــــــذاب ؟
فوقفت مذهولا وما جال بخاطري سوي هذه القصيدة رغما عن اننا وولحنا الدارة بعد انتهاءالحفل بعد الاستعانة بالصديق الكريم الود اسامة عبد الله الحسن للمباركة للعروسة وفد رافقني الاخ الاكرم اسامة محمد عبدالباسط ولولاه لكنت قد رجعت من دون رؤية حسناء فريقنا تلك :011:، فاذهلني ما رات عيناي فطقست وسالت وعرفت انه من وارد فريقنا يعني ما مستورد من الاحياء الاخري فا يقنت بان الحي الامامي بعد التهجير القسري والطوعي قد اتاح لجميلات الاحياء الاخري بالتالق في سماوات الجمال في مدينة الجمال رفاعة وكفي ؟؟؟؟!!! .
يا احمد رجعو البراعم رفاعة فما رايته ينبئ بان مناطق الجمال في رفاعة قد انتشرت ود البخلينا نحنا نقول زمانا فات وغناينا مات ؟
وقد قارنت بين المؤدي في الحفل ود فريقنا محمد محمود وبين المرحوم (ابو) فايقنت ان الفارق بينهما شاسع لمصلحة المرحوم (ابو) رغما عن انهما سليلي نفس الاسرة التي طالما اثرت رفاعة بالاصوات الجميلة فايقنت ايضا ياالصادق بانو الفنانين مننا والشباب كذلك مننا شوفت كيف الزمن بيدور ياللاخدر ؟
اها دي بداية لعودة بدون توقف وربنا يكفينا شر العوارض ؟

برونزية
09-20-2011, 12:05 PM
فا يقنت بان الحي الامامي بعد التهجير القسري والطوعي قد اتاح لجميلات الاحياء الاخري بالتالق في سماوات الجمال في مدينة الجمال رفاعة وكفي ؟؟؟؟!!! .
يا احمد رجعو البراعم رفاعة فما رايته ينبئ بان مناطق الجمال في رفاعة قد انتشرت ود البخلينا نحنا نقول زمانا فات وغناينا مات ؟

نزار حمدلله علي السلامة وبركة الجيت

مين قال ليك ياعم الحي البريطاني زمانه فات وحسنه افل

سابع العيد فاتتك ليلة من ذات الليالي ولا الف ليلة وليلة
ضمت كوكبة بلا حدود من حسناوات الحي البريطاني وليس الامامي
وهذا بشهادة الوجيه ابوياسر الذي مازال مندهشا من هذا التواجد البهرجة
تخيل يانذار الريل كله وارد الخرطوم بس تصدير الحي البريطاني
شئ براعم وشئ ازهار وشئ مابتقال وانا هنا اترك الحديث لابوياسر ان عاد
حسان الحي البريطاني دهب جنيه مصري لايصدأ ولا يتغير:011:
نزار انا متأكدة لو حضرت الحفلة دي كنا استعنا بالقوات المدججة لاخراجك
حيا:86:

Nazar Hussien Babkir Frie
09-20-2011, 12:50 PM
:SnipeR (18)::SnipeR (18):يالسمحين هوي اهدوا
بتكتلونا وتقعدو
الباكيين علي الاطلال
والبحبو الجمال
والكتبو في سلطان العشق عرضحال
ازيكم
ان شاءالله طيبن ورايقين وتسونامي ما جا علي فريقكم ولا طلاكم
ونرجع نعيد الكان
ود فريجون تعال اتفن وطلع المدفن دااااااااااااااك
ومش ممكن ان تقارن بينا وبين ............ ودفيسا
والبنية الحلوة النفيسا
وهناي الشين اصبح عريسا

ياخ اطربونا
وياقول الاخدر وريتونا لكن
مالو المنتدي بقي اجيب الكتمة ووجع القلب
؟؟؟؟؟؟؟؟؟؟؟؟؟؟؟؟؟
البرونز سلام
ود فريجون متفن وسط الدارة من يوم عرس البت سولارا ولسه مخيم في تراتيل الجمال الشفتو في فريقنا يوم داك ودا براهو بخلينا اقول يا ناس رفاعة انا يوم بتكتلوني ساي بسماحتكم دي ؟
ضحكت وانا اقرا حملنيش اولاد فريق قدام حين تطير عصفورة من وارد الحي الامامي جوار الاستبالية وترك في عش بعيد وغريب ؟
اها ياليلي هوي انا والله مشروق لحد التخمة من رفاعة وسوحت بازقتها حارة وزنقة زنقة فشعرت بانو جمال رفاعة غير فهو يعلو ولا يعلا عليه ؟
اتحنا المنتدي دا بنكوس للجمال الفيهو اها البجيب وجع القلب بنقراه ونمر فيهو عبورا لانه لن يغير من واقع الاشياء ؟
خلونا في ذكرياتنا دي حلوة وجميلة واجمل ليالي مرت سريعة ؟
اها جيبو البخور وبخرو الحلوين من عين الحاسد ين ومن عيون البي شوفو الجمال وما بقولو تبارك الله الخالق :SnipeR (65):واقرو ليهم يسن والمعوذتين دراء من شر العين ؟
ايامي في رفاعة الماضية كانت سياحة في ربوع الجمال الاشخاص وجمال المكان رغما عما تخللها من مطبات هوائية ؟
ولكني عدت منشرحا كيف لا وقد امضيت في رفاعة ثلاث ليال حسوم فما تركت حتة الا وزرتها بدء من فريقنا وانتهاء بامتداد الحلة الجديدة لدرجة انو امي قالت لي والله تاني ان جيت رفاعة ما تجي معاي لانك بتطلع من الصباح بتجيني انصاص الليالي ومادرت انني سائح في رحاب جمال ناس رفاعة وذوق ناس رفاعة وكفي ؟ولم تكن تدرلاي بانني حال ارتحالي من الخرطوم في طريقي لاسرتي الصغيرة لابد من التزود من محطة رفاعة للجمال قبيل الارتحال نحو الجب ؟، فامتلئ معنويات وزهو وسعادة وحبور لانني اضحيت مثل السمكة ان لم امر برفاعة فانا ميت ميت ميت ؟
الكلام كتير كتيييييييييييييييييييييييييييييييييير بخلوه حبة حبة ؟

الصادق عبدالله ضرار
09-20-2011, 10:33 PM
الحمد لله
انا قلت ابوفاطنه ده اكيد في إتلحس مره ... او تم القبض عليه متلبسا بالحكايات الذكريات فتم حبسه ...
منتظرنك طبعا تورينا الحاصل شنو
وفوراوي انقل ليهو الصور بالتلفون لانو شيخي انا عارف بكون عاوز التفاصيل الادق ...
تلاته ايام
امك ليها حق الله يديها العافيه
هدوها من الكواسه باتت كتر

Nazar Hussien Babkir Frie
09-22-2011, 12:19 PM
فا يقنت بان الحي الامامي بعد التهجير القسري والطوعي قد اتاح لجميلات الاحياء الاخري بالتالق في سماوات الجمال في مدينة الجمال رفاعة وكفي ؟؟؟؟!!! .
يا احمد رجعو البراعم رفاعة فما رايته ينبئ بان مناطق الجمال في رفاعة قد انتشرت ود البخلينا نحنا نقول زمانا فات وغناينا مات ؟

نزار حمدلله علي السلامة وبركة الجيت

مين قال ليك ياعم الحي البريطاني زمانه فات وحسنه افل

سابع العيد فاتتك ليلة من ذات الليالي ولا الف ليلة وليلة
ضمت كوكبة بلا حدود من حسناوات الحي البريطاني وليس الامامي
وهذا بشهادة الوجيه ابوياسر الذي مازال مندهشا من هذا التواجد البهرجة
تخيل يانذار الريل كله وارد الخرطوم بس تصدير الحي البريطاني
شئ براعم وشئ ازهار وشئ مابتقال وانا هنا اترك الحديث لابوياسر ان عاد
حسان الحي البريطاني دهب جنيه مصري لايصدأ ولا يتغير:011:
نزار انا متأكدة لو حضرت الحفلة دي كنا استعنا بالقوات المدججة لاخراجك
حيا:86:
تعرفي يا بت يابرونزية انا زعلان منك لانو لو ساي قلت لي عندنا حفلة في الحي البريطاني كان بيبع القدامي والوراي وبجئ ، ما انا من زمان خرمان لي حفلة في الحي البريطاني ؟
وسابع يوم كنت جيتكم من خامس يوم عشان امتع نفسي بالدهشة شوفتي كيف ، لذا بعتبر حالي زي صاحبي موش ردا للصادق انو برضو سعيد لانو صاحبو شاف غزال المين الشارد ؟
اها موش ودفضيل كان موجود فاكيد ان بيكون اتخيل ان كل مجموعتنا بجانبههم فشاهدهم بعيوننا جميعا رغما انو اضحي جافي معانا ؟
اها الوارد دا ان ناسنا الزمان فنحنا خابرينهم ، والبراعم شوفناهم وطالبنا احمدبارجاعهم لرفاعة لنعيد لحي الامامي رونقه وجماله القديم بس انو يبقو يجونا ذي هلال العيد في المواسم فدا بيثبت نظريتنا بان التهجير القسري والطوعي افرغ الحي الامامي من ريله ؟
وزمان يابرونز كان مدخلنا واحد البنطون هسي الا نتقسم لنعرف من اي مكان سيدخل الريل هل بالكوبري ولا بطريق الشرق ، وانا حالف اركب رادار لالتقاط اشارات الجمال الوارد لرفاعة من كل الجهات اها لقيتني كيف بس دا بعد ما اغترب ؟:SnipeR (94):
وبعدين انتو مالكم رصيد مافي اتصلو قولو النار مولعة ليلة السابع من العيد كان عن طريق السلك دا بس كان شوفنا الشافهم دا براهو كفاية علينا ؟
في داعي تجهجهيني كدا بعد فوات الاوان اها دا بيخليني اقول ليك اقرب مناسبة في الحي الامامي بس رنة بنكون حضور وكمان ما بنتعب الناس :012:بنلقط ليهم الكراسي بعد نهاية الحفلة ما نحنا من زمان متعودين على كدا !!!!
منو القال ليك بحتاجو لقوات مدججة لاخراجي لانني كنت بكون دايخ وبطالب باسعاف راقي ما ذي اسعاف مستشقي رفاعة الحالي فاسعافي بيتم ببسمة ونظرة وهم بغيرو حالي ودا براهو بخليني اطلع في العلالي وببقي ذي قريب فوراوي عمنا عليه رحمة الله عمر البنا الشاعر حينما اعجبته بنية سمهرية فارسل صبية الحي ليصرخو النار النار النار فلما خرجت المريودة لتسال الاطفال وينها النار فاجابها قائلا النار في قلبي دا فحسرت وجهها خجلا اها نحن من تلك السلالة العاشقة للجمال ؟
وتاني ليك على اجند مصادري كلها في رفاعة لامدادي بجدوال الافراح في الحي الامامي وهم من ذويقة الجمال يعني خابرين الماكنتوش بيبهل وين وبكلموني وبكون حضور وبرجع للجب مجنون ؟؟؟؟
الدهب الما بتغير وما بتحول دا زمان ساقنا الويل وسهر الليل ودردرنا ودرنا من رفاعة كلو كلو ؟؟
وبجيكم تاني صادي بس نشوف ابو ياسر بجي ولا لازم ياخذ الاذن ؟):

Nazar Hussien Babkir Frie
09-22-2011, 12:50 PM
الحمد لله
انا قلت ابوفاطنه ده اكيد في إتلحس مره ... او تم القبض عليه متلبسا بالحكايات الذكريات فتم حبسه ...
منتظرنك طبعا تورينا الحاصل شنو
وفوراوي انقل ليهو الصور بالتلفون لانو شيخي انا عارف بكون عاوز التفاصيل الادق ...
تلاته ايام
امك ليها حق الله يديها العافيه
هدوها من الكواسه باتت كتر
اها ابوفطنة حر طليق ولكنه مشروق بالجمال ، الشفتو يالصادق بيهول وذي ما بدايت بصلاح احمد ابراهيم خلوني النهبط مع الود طه سليمان ارددمعه :
دا جنسو شنو وساكن وين اسمو منو ؟
كتمتو نفسو الهوا وينو؟
قيامة رابطة وقايمة هسع
والعالمين سواها قصة
الا ان يصل ليقول
مناي نفس الشئ المرضني
ما بطيب من غيرو اشفي ؟
اها يالصادق جيتك ولكن من مدخل اخر من عند شجرة المحنة في رفاعة مواجهة لمقهي عمك الفتال زمان او قهوة عمك شمو ، اها عرفت اسمها من احد الاصدقاء حينما سالته نص النهار بتكون وين فاجابني تعال لي في شجرة المحنة ، فذهبت بعد وصف لي المكان ولانه في عهدنا لم يكن هذا الموقع يسمي هكذا .
مشيت وقعدت وشاهدت وجوه ناس كتار لم اكن احال انهم احياء فقد حسبتهم ارتحلو من رفاعة الي العوالم الاخري ، فشاهدت تجاعيد الزمن المر وقد كست وجوههم رغما عن تجلدهم وصبرهم الا انهم مازالو يحملون طيبة اهلنا في رفاعة يتدافعون لاكرامك لانك قد زرتهم في مكانهم الاثير فهم ممن جلدهم الزمن المر فاصابهم في مقتل ولكنهم مازالو مرحين ودودين فاضحكوني وابكوني في نفس الوقت مادروا بانني مثلهم اعاني من العطالة الا من بعض المحاولات المستميتة من اجل اثيات الجلد امامهم لان الظروف كانت واحدة ؟ولكني تمتعت بحسن حديثهم عن رفاعة زمان ودا البهمني فاشجوني بذكريات جميلة كانو من صانعيها ومن المشاركين فيها ، فيهم من ذكرته بمواقف حدثت امامي فقال الله يجازي محنك يا نزار زمان قايلينك مسكبن طلعت لينا( شيطان )وكمان عارف وحافظ لاحداث قديمة نحنا نسيناها ولكنك احييتها مرة اخري فاندحوا يحكون وان مستمتع بكل ما قالو فيهوا ما سنبينه هنا وفيها باقي بخليهو ليك لمن تجي لانو بحتاج لكتمي وقدوي زي ما قلت انت ؟
دي لمحة من شجرة المحنة ، ولمزيدا من التشويق بجيك ياللخدر بعدين ؟؟؟؟؟؟:SnipeR (14):

ahmed mustafa omer
09-23-2011, 07:12 AM
سلااااااااااااااااااااااااااااااااام عليكم ومشتاق ليكم بخش كل يوم بتاوق لانوا عندى كان مشكله فى الكيبورد بالعربى لكين الحمد لله تم اصلاح كل شى .....ومشغول اليوميين ديل بس من يوم الاثنين فاضى

بس الحمد لله برضو فريق قدام ماسك الرايه... والبقول غير كده والله مافى اسنافى المره دى .... بنجيب المره دى المعبا فى العلب

الصادق عبدالله ضرار
09-23-2011, 09:29 AM
عودا حميدا تاني للاتنين نزار واحمد
شجرة المحنه ...
وقهوة الارامل ... قريب من التساسات
ياخ في اشياء جميله خلاص رغم شنات الاسماء ...
ناس رفاعه رغم المحن والعوز والحاجه والملابس المهترئة لبعضهم من شدة الغسيل وعدم الجديد تجدهم صامدون ... قناعات غريبه وصبر بلا حدود وتجدهم يضحكون حينما يبكي الناس ... إنه الايمان بالقدر والنصيب وكل من تسأاله يقول لك الحمد لله انا ترى في وجوههم حسرة الضيم والحرمان الدنيوي لكنهم متمسكون بما عندهم ومما بقي من عزيمه ...
لهم الله
ولنا

الصادق عبدالله ضرار
09-27-2011, 11:43 PM
ياربي يانزار بتذكر هو ...

http://www.youtube.com/watch?v=kvgfJDeapAY

Nazar Hussien Babkir Frie
09-28-2011, 12:04 PM
سلااااااااااااااااااااااااااااااااام عليكم ومشتاق ليكم بخش كل يوم بتاوق لانوا عندى كان مشكله فى الكيبورد بالعربى لكين الحمد لله تم اصلاح كل شى .....ومشغول اليوميين ديل بس من يوم الاثنين فاضى

بس الحمد لله برضو فريق قدام ماسك الرايه... والبقول غير كده والله مافى اسنافى المره دى .... بنجيب المره دى المعبا فى العلب
اها اسنافيكم بقي مافي لانو الناس بقي مشروب الشامبيون بجيب فيهم خلل ، رغما عن انو دعايتو بتقول انو الجواك بطل ؟!!
وبعدين المعبا في العلب دا ياابو حميد بنطالب بشدة باعادة تصديرو لرفاعة لانها منبع الجمال وليس كرش الفيل ، فريقكم يا حمد بقي خلا ، وضحكني (زمبة) عوض الله لمن قولت ليهو فريقكم كيف رد على ضاحكا فريقنا يا نزار انتهي فضلنا انا وود ابدقن عادل وازهري ملاس ، قس على الامر فالكل حمل عصا الترحال وييم شطر البنادر او بلاد الكهارب التي لا تنقطع بلاد المهاجر ؟؟!!!
واتاني يا ابوحميد الناس تتنظر مناسبات الاعياد لحضور ليالي الحي الامامي جوار الاستبالية ، ويبقي السؤال ياربي بجو ولا بجو ، زمان يا احمد قبل حفلات الحي الامامي باسبوعيين بتلقي الشباب متلهفين لليلة الحلفة البزور( كجاجة) لزوم تشذيب الشعر ، والبكوي اجمل ما عنده للظهور امام ريل الحي الامامي جوار الاستبالية ، والبشتري قميص جديد حتي لو بالدين من (كمال شعبان) ، اها نحنا بنجي (بالسفجنة ) مع عدم ا(لمؤاخذة )لاننا لم نعتاد على لبس الجزم والشباشب ولم نتعلم شك القميص الا بعد سفرنا للمغرب ، وعندي قريبتي ساكنة في فريقكم يا احمد مما اجي حفلاتكم يتناديني عليك الله يا نزار اوع تكون لابس( سفنجة)بضجك زبقول ليها يا بت هوي انا لاقاعد ابشر ولا قاعد ادخل جوة الحلفة بس بعاين من بعيد وان تجاسرت بجر كرسي بقعد جنبها لامتع ناظري بكنوز الجمال المجاورة لها ودا كان بزعل اصحابي بعد انتهاء الحفلة بقولو لي انت جيت معانا ولا جيت عشان تتونس مع البنوت ؟؟ المدرسة ذاتها بنمشيها بالسنفجة مرة الهادي ادم المدير عليه رحمة الله قرر عمل حملة لجمع السفنجات داخل المدرسة فادخلتها الدرج ولما كان الشارلستون طوبيلا لم يلحظوا انني حافي القديمين لحين انتهاء الحملة ، مرة لبست دكتور شول فاسمتني احداهما دكتور شول فعدت مرة اخري للسفنجة ؟شوفت الغرور دا كيف ؟!!!!!!
اها باحمد الضربو البنادر لازم ترجعيهم خلو الماكنتوش تاني انبهل في الحوش ، حينها بنرفع الراية ونردد لقد عادت لرفاعة جميلاتها ولتمتلتئ الحيشان بالدررالمصنونة ونحنا لم نكن من الاثمين انما كنا من العاشقين للجمال المتبلتين في محرابه ، وكنا من المرددين مع الكاشف انا ما بقطف زهور خدودك بس بعاين بعيوني ؟
وبعدين يا ابوحميد كلام البت برونزية على انو الريل الوارد ليلة السابع من العيد كلو جا من الخرتوم بيثبت انو التهجير افرغ الحي البريطاني من ريله الزمان اللي ضوقنا الويل وسهر الليل ؟؟ وبقي حضوره بالمناسبات اعياد افراح احزان ، اها الفي علب شوفناه يا احمد ، باقي نحضر ليلة حافلة بكنوز الجمال لتكذيب خطل ما اتتينا به من فرية اوضلالة فكرية عن الحي البريطاني لحقنا نحنا زمنو فات وغانيو مات ؟؟!!!
الليلة الاتنين وانا في انتظار عينيك كملت الصبر كلو تعال نورليالنا ، وانداح معانا في بوح من ذاكرة الايام ، بالكتير ادينا كلمة مفتاحية ونحنا بنجيك تارسين ترس ؟
يالمتاوقين هوي تعالو كلكم واذكرو ايامكم فلم يتبقي لنا من العمر الا الذكريات ؟؟؟!!!
فتناكم عافية :SnipeR (94):