الطبيب والصياد..

[روان مصطفى سليمان]

الطبيب والصياد..
تقابل زميلان قديمان، وكان أحدهم قد تخرج
طبيباً ،أما الآخر فقد اشتغل صياداً ..
وذات يوم أراد الطبيب أن يعبر النهر. وأخذه
الصياد في قاربه ، وسأله الطبيب: هل تعرف
شيئاً عن الفسلجة والتشريح والطب ؟ فأجاب
الصياد: لا. فقال الطبيب: لقد ضاع عليك نصف
عمرك ..
وبعدها هبت عاصفة شديدة ..ودار بينهما الحديث
الآتي: قال الصياد: هل تعرف شيئاً عن السباحة ؟
الطبيب: لا.
الصياد: إذن لقد ضاع عليك عمرك كله…
000
السائل ولأعرابي..
ألح سائل على أعرابي أن يعطيه حاجة لوجه الله
فقال الأعرابي: والله ليس عندي ما أعطيه للغير،
فالذي عندي أنا أولى الناس به وأحق، فقال السائل:
أين الذين يؤثرون على أنفسهم ولو كان بهم خصاصة؟
أجاب الأعرابي: ذهبوا مع الذين لا يسألون الناس إلحافاً..


روان..

[ابو النيييييز]

هووي يا روان ما تألفي لينا ساي ...موضوع الطبيب والصياد دي كانت صياد وبنات من الاحفاد...معليش ممكن تمشي علي عمو هبه وعمو نزار الاول...لكن نحن عاااااارفين وصاااحين ومنتظرين كلامك وابداعاتك..طيب انت سمعتي بقصة الاسد والزرافه؟
ح احكيها ليك..
كان في اسد ماشي في الغابه
قام الاسد وقع في البير..
اها اتلموا ليك ناس الغابه...
وبقوا احاولوا اطلعوا الاسد
وانادوا في الاسد جيب يدك ...جيب يدك
الاسد ما اشتغل بيهم نهائي
جاء الثعلب وقال ليهم الحاصل شنو؟
حكوا ليه الحاصل وقالوا ليه من قبيل بنقول للأسد جيب يدك وهو رافض
قال ليهم ما عليكم انا ح احل الموضوع
قام الثعلب جاب الزرافه...وقال للأسد : يا الاسد دي رجل الزرافه امسكها..
قام الاسد طب مسكها...وطلعوه
...يلا يا روني قولي لي فهمتي شنو من القصه دي؟

[روان مصطفى سليمان]

هاي عمو نزار الكرور..
نشكرك كتيير ياعمو رغم إنك بقيت تغيب كتير ..
وقصتي حقيقية وكل ناس جامعة بقولو حقتهم ..
أما قصة الأسد والزرافة .. ما بطالة ..يعني:wink: الشيء
الفهمته انو الأسد ده جعان وعايز ياكل الزرافة .......
ممكن تألف قصص يا عمو....كدي واصل..يمكن تكتر لينا
الاطفال..وعلى فكرة ويييين صفوية ؟؟

روان..

[ابو النيييييز]

ازيييك يا روان...
شكرا علي مواضيعك الجميله
....شكلك ما قريتي قصتي كويس
كيف يعني الاسد كان جعان؟؟
لازم تراجعيها تاني ...ولما تفهميها ح تضحكي
و كلمي عمو نزار زاتو امكن اقدر اشرحها ليك
ولو ما شرحها اديه درعه ....
خلاص يا ستي علشان ما اغلبك انا ح اشرحها ليك
المهم خلاصة القصه بتورينا ان الاتعود ياخد مستحيل اقدر اعطي
والاسد لما بقولوا ليه جيب يدك كان رافض ولما قالوا ليه هاك رجل الزرافه علي طول مسكها..
....يعني انت ما بتشبهيه ...لانك دايما بتدينا
..روان ..ان شاء الله اشوفك احسن دكتوره في السودان ...قولي ااااامين

[ابو النيييييز]

ازيييك يا روان...
شكرا علي مواضيعك الجميله
....شكلك ما قريتي قصتي كويس
كيف يعني الاسد كان جعان؟؟
لازم تراجعيها تاني ...ولما تفهميها ح تضحكي
و كلمي عمو نزار زاتو امكن اقدر اشرحها ليك
ولو ما شرحها اديه درعه ....
خلاص يا ستي علشان ما اغلبك انا ح اشرحها ليك
المهم خلاصة القصه بتورينا ان الاتعود ياخد مستحيل اقدر اعطي
والاسد لما بقولوا ليه جيب يدك كان رافض ولما قالوا ليه هاك رجل الزرافه علي طول مسكها..
....يعني انت ما بتشبهيه ...لانك دايما بتدينا
..روان ..ان شاء الله اشوفك احسن دكتوره في السودان ...قولي ااااامين

[روان مصطفى سليمان]

هاي عمو نزار الكرور ...
قصتك دي ياعمو ما مفهومة خالص ....
وكونه الأسد يكون عايز ياكلها معناها برضو عايز ياخد !!!
يلا .. ياعمو نزار أبو فاطمة .. شوف قصة خالو دي ... تلخبط
لخبطة شديدة....عشان يقول ليك لأ..لأ (باين الدرع لسة في باله ....)
وأنا إن شاء الله عايزة أكون دكتورة ...
أما قصتك التانية ياعمو .. خليني أتغدى وأجي بمزااااااج لأنها حكاااية..
بلا أسد بلا طبيب بلا زرافة ..

روان ..