جديعة .. العسل ..

[الموناليزا..]

عندما دقت ساعة الصفر..(صغيرتي) وصلتي على وقع
سيمفونية فيها عبق أزاهير الروض ووميض فراشاته
وصلت على صهوة نغم وباقات جمال.. الكل منتظر
والعيون شاخصة مترقبة قدومك ..أتيتي وأتى شهدك و
رحيقك ينسكب في مناخ ضوئي آسر .. وسط خطة
طفولية بريئة ولكن واثقة وذكية تتسم بالذوق والرهافة
والإصرار الواضح على تحدي الزمن والظروف وإحالتها
ممكناً وصولاً إلى التمييّز في عالم الصغار ..
خطفتي الأبصار بتلقائية وعفوية الأطفال مع قفشات
حلوة ومبهرة متخطية كل التفاصيل الجمالية الموروثة
والمكتسبة والمستجدة في عصر أصبح فيه الإبتكار
مفتوحاً على كل الألوان المنسجمة والمتناقضة والمتضادة
هيا إلى الأمام صغيرتي وعين الله ترعاك ..
والله يحفظك ويحميك من كل سوء ...

الموناليزا..

[روان مصطفى سليمان]

هااااااااااي ..الموناليزا يا غالية ..
أخيرا.. الموناليزا في جنتنا :wink: :wink: :wink: ياالللله !! جد نورتينا مع انو
نحنا جيران لكن يادوب فكرتي تزورينا مع انو ناس حواء ديل جونا زماااااااااااااااااان...
المهم انك جيتي..والف مرحب بيك وشكرا جزيلا على الكلام الحلو وياريت
تواصلي كتابتك لينا وتشجيعك ودعمك......
بس جديعة دي يعني شنو ؟؟؟؟
شكرا وباااي.. :P
روان..

[الموناليزا..]

كيفك يارنو يا جديعة العسل..
شنو يا رنو الحكاية خلينا شوية كدى ناخد نفسنا ..
طوالي ختيتي لي سؤال انتي لازم تحرجيني ..لزوم الزنقة شنو يا روان ..
جديعة العسل دي حاجة حلوة قالتها لي استاذة فاضلة لمن كنت صغننة قدرك .
ومازالت راسخة في ذهني.. وقلتها طوعا لك..
كنت شطورة وعندي حركة كدى في المدرسة زيك كدى في المنتدى ..
وبرسل ليك رسالة خاصة وبشرحها ليك براك اتفقنا ؟ :wink: :wink:

باي ياعسولة..
الموناليزا..

[روان مصطفى سليمان]

هااي يالموناليزا..
وين انت يالموناليزا ؟؟ أنا كل شوية افتح الماسنجر واعاين
للرسائل الخاصة عشان اشوف رسالتك واعرف معنى الكلمة
لكن لسة ما لاقتني.....
ما تمشيني ساي انا مستنييييية...
يللا رسليها سريييييع..

روان.. :P

[ابو النيييييز]

مرحب بيك استاذه موناليزا في جنتنا...
وبرضو نحن عاوزين نعرف معني جديعه مع روان
فارجو ان يكون معني الاسم هنا في المنتدي
وهذا ما بمنع انك تراسلي الابنه روان في المسنجر واتمني أن تتعرفي عليها اكثر واكثر
وان شاء الله ستجبرك عرفتك بيها علي مواصله العطاء
...
بكرر ترحيبي بيك في منتدانا ونتمي ان تواصلي العطاء

الامضاء باسمهم كلهم(نزار اول-نزار تاني-روان -وئام - صفاء)

[الموناليزا..]

سلام يا رنو..
وكيفك يا نزار..
ياناس جنة الأطفال قام ليكم شوك ولا شنو !!
شايفة الناس كلها بتمر عليكم بسلام وتعدي بأمان اشمعنا أنا
لسة عالقة معاكم لي كم يوم ....
ياروان قوام كدى دخلتي خالك نزارالكرور (المشاكس النكدي )
في جديعة العسل .. هو طبعا ما صدق لقي فرصة في الموناليزا
وكمان جات لحدي عنده جنة الأطفال..
المهم حاولت ابحث في معنى جديعة العسل اكتر لكن عرفت إنها
معنى يقال لاناء فخاري (أو ما شابه ) يوضع فيه العسل ..على ما اعتقد.
يعني حاجة حلوة تحوي العسل ..
والعندو إضافة ينقذنا بيها.. وينك يا (المنقذ الحكمي ) (أبو فاطمة ) ...
شوفي يا روان كدى خالصين o.k

الموناليزا..

[Nazar Hussien Babkir Frie]

اولا بعد الترحيب بمقدمك السعيد لجنتنا الجميلة ، وبعد تراحيب الكل الذي ابتدره حارس الجنة نزار الكرور ، بالله عليك هنا موش اجمل واريح الناس هادئين لدرجة تجعلك ترتاحين من يوم عمل مكلف احيانا ، هنا توجد السعادة الحقيقية حينما نري فلذات اكبادنا تبزنا بما لها من مقدرات تنم عن فهم عميق لاشياء ان سئلنا نحن ابناء الجيل السابق لوقفنا امامهم واجمين فنحن جيل مجلة الصبيان وعمك تنقو بقي دكتور بالسماعة اشوف الزول وجيل مجلة سمير وميكي ، وديل جيل توافرت لديه كل الامكانيات التنقية مما يجعل افاقهم ومداركهم اوسع من جيلنا بمراحل .
بخصوص جديعة العسل اعتقد انه ( اناء من الجلد وليس من الفخار يستعمل قديما لجمع العسل فيه) والله اعلم ، وبخصوص مشاغبات الود نزار فده لانو مبسوط منكم وانا رغما عني اني التقيته لفترة قليلة الا انني اعتقد انه حينما يشاغب اي شخص فدا دليل لاعجابه بارائه ، هو يريدك دائما مداومة معنا يعني بعد حراس الجنة عاوزين لينا حارسة معانا لانو البنات شقيات ومحتاجات لعناية ورعاية وانتم اهل لها .
ويلا اوعك تغيبي كتير وكان غبيتي بشتكيك ، سمعتي الكلام ولا اعيدوتاني .
مرحب بيك مليون مراحب بكل عضوات حواء بردايس رفاعة معنا ومع بناتنا الصغيرونات ديل .
والحمد لله الجنة زادت عضويتها كمان وقريبا كل الناس حتجي بهنا اولا بعد اكرامهم بحق الضيافة ممكن يتنقلوا لبقية المنتديات .
كبير حراس الجنة
ابوفاطمة

[روان مصطفى سليمان]

هاي..عمو نزار (أبو فاطمة )
شكرا ليك .. على المعلومة .
وأخيرا انقذت الموناليزا .. مننا بعد ما علقت
معانا كم يوم ..وهربت عدييل ..

باي .. روان