يا حوله ... لاعبين بي قروش كتتتتتتتتتتتتتتار

[Nola]

قائمة لأغلى عشرين لاعب في العالم :

1- بيكهام ( ريال مدريد ) 15 مليون يورو.

2- زيدان (ريال مدريد) 14 مليون يورو.

3 - رونالدو (ريال مدريد) 11, 7 مليون يورو.

4- فريديناند (مانشستر يونايتد) 9, 6 مليون يورو.

5- ديل بيرو (يوفنتس) 9, 5 مليون يورو.

6- ناكاتا ( بارما ) 9,3 مليون يورو.

7- راؤول ( ريال مدريد ) 9,3 مليون يورو.

8- فيري ( الانتر ) 9,2 مليون يورو.

9- أوين ( ليفربول) 8,9 مليون يورو.

10- روي كين ( مانشستر يونايتد ) 8.65 مليون يورو.

11- فيجو ( ريال مدريد ) 8,6 مليون يورو.

12- باتيستوتا( الانتر - العربي ) 8,6 مليون يورو.

13- سول كامبل ( ارسنال ) 8,1 مليون يورو.

14- كان ( بايرن ميونخ ) 7.65 مليون يورو.

15- ريكوبا ( الانتر ) 7,6 مليون يورو.

16- توتي ( روما ) 7,3 مليون يورو.

17- ريفالدو ( ميلان ) 7,2 مليون يورو.

18- هنري ( ارسنال ) 6,2 مليون يورو.

19- كنفارو ( الانتر ) 6,08 مليون يورو.

20- مالديني ( ميلان ) 6 مليون يورو


ياربي ناس قريعتي راحت بي كم بكونوا

:roll: :roll: :roll: :roll: :roll: :roll:

[عبدالله إبنعوف]

الأخت نولا

تحياتي

كيف أخباركم والأمور إنشاء الله ماشة تمام في السودان؟

إنتي بتقصدي أسعارهم ولا دخلهم السنوي ، إذا كان أسعارهم فهي أعلى من كدا بكتير ، وبعدين دي قائمة قديمة لأنو بعضهم إنتقل من أندية لأخرى

تعرفي الدخل السنوي لواحد من ديل ممكن يشتروا بيه كل لاعبي العاصمة المثلثة بما فيها لاعبين الليق ويدوهم هوادة لاعبي شرق النيل

تعرفي زمان لما الهلال إشترى اللاعب مصطفى كومي من نادي العامل ، تعرفي عملوا شنو ناس العامل ، إشتروا حداشر ( 11 ) لاعب بقروش كومي ، يعني بالكوم !!!

وإتفرج ياسلام ، زي ما كان بيقول طلحة الشفيع الله يطراهو بالخير

[نادر الداني]

العم العزيز ابوهبة
والاخت نولا

اهلا بيكم ومنورين منتدى الرياضة وعلى ذكر اسعار اللاعبين تستحضرني قصة حاكاها لي عثمان يوسف ( استكن لاعب الهلال رفاعة ) اخو ( التكمة )وعلى فكرة استكن كان لعاب لعب شديد وحريف لدرجة بعيدة حيث كان مرشح للانتقال للعب في الهلال العاصمي ولكن الطيب عبد الله حاول تخزينة في فريق الرابطة الامدرماني لكن استكن ما قدر يتألقم مع ناس الرابطة امدرمان ورجع الى رفاعة .. ايضاً حارس رفاعة المشهور التاج ود عبد الله النجار والذي كان يلعب على ما اعتقد في التاكا رفاعة عندما سجل في الهلال ولم يستطع التأقلم مع جمهور الهلال وفي النهاية تم ارجاعه الى رفاعة ...
اعود لقصة استكن وتسجيله في فريق الهلال رفاعة وقال لي تعرف يانادر تم تسجيلي في نادي الهلال رفاعة بكيلو باسطة نعم كيلو باسطة وكان استكن يكن كل الولاء للهلال رفاعة ولم يكن يلعب من اجل المال او الشهرة ويعتبر نفسه من ابناء النادي وهكذا ...
فان اللاعب زمان لم يكن ينظر الى الاموال وانما الولاء واللعب من اجل النادي والشعار هما دافع اللاعب نحو الظهور لذلك تقدمت الكورة وكنا بنتفوق على اعتى الفرق الاجنبية والعربية وتهابنا جميع الاندية والفرق على المستوى القومي ولكن الآن حدث ولا حرج اذا لم يتم دفع مبالغ طائلة للاعب فانه لن يتحرك من منزله او من النادي للعب الكرة والله يرحم ايام زمان زمن الغيرة على الشعار ...
ومن هذا المقام ابعث بتحياتي للاخ عثمان يوسف ولجميع لاعبي فريق الدومة الاخ ابوعبيدة جبارة والاخ حمتو ( حمد الله الشايقي ) واخوه صلاح والاخ يوسف سهل والاخوان الجيلي عبد الله ود الشيخ عبد الله والاخ اورو ( الطيب ) والاخ منير ( الجاغوم ) ولكل فريق الدومة لمن لم تزعفني الذاكرة بذكرهم جميعا لهم مني التحية والتجلة وكل التقدير وبقول ليهم يا اخوانا اظهروا علينا وادونا طلة ولو مرة واحدة ...
مع خالص تحياتي
نادر الداني

[ابو النيييييز]

نولا...
يا بت انا ما قلت ليك لو دخلتي دار الرياضه دي بكسر رجليك..
كان مره تاني اجي ألقاك حايمه وسط ناس الكوره ديل

[Nola]

نولا...
يا بت انا ما قلت ليك لو دخلتي دار الرياضه دي بكسر رجليك..
كان مره تاني اجي ألقاك حايمه وسط ناس الكوره ديل

هي يا نزار انت اخير ليك والله ما تقول نولا المسكينة بتاعة منتدى حواء اهرشه

واخوفه والله انا هنا في دار الرياضة دا فصيحه فصاحة ولسسسسسساني طويل

صلاح مشكلة بس عشان كدا اختاني احسن ليك ... والله هسي اقفلك اكسر ليك الانكل

بتاعك ..... :evil: :evil: :evil:

وكان ما ختيتني بنادي ليك نادر الداني هسي يديك الكرت الاحمر :twisted: :twisted:

وتاني بالله ما تجي تتحاوم لينا في الميدان دا ....

[Nola]

نولا...
يا بت انا ما قلت ليك لو دخلتي دار الرياضه دي بكسر رجليك..
كان مره تاني اجي ألقاك حايمه وسط ناس الكوره ديل

هي يا نزار انت اخير ليك والله ما تقول نولا المسكينة بتاعة منتدى حواء اهرشه

واخوفه والله انا هنا في دار الرياضة دا فصيحه فصاحة ولسسسسسساني طويل

صلاح مشكلة بس عشان كدا اختاني احسن ليك ... والله هسي اقفلك اكسر ليك الانكل

بتاعك ..... :evil: :evil: :evil:

وكان ما ختيتني بنادي ليك نادر الداني هسي يديك الكرت الاحمر :twisted: :twisted:

وتاني بالله ما تجي تتحاوم لينا في الميدان دا ....