ويظل المريخ صاحب الاهدف الرائعه

[محمد الحسن النور]

اخى نادر لك الود والتحايا صدقنى يانادر ذكرتنا الاهداف زمان عندما كان المريخ ايام بشاره عبد النظيف

ذلك العملاق وغيرته على المريخ حيث اذكر ان عمار كان ملك كنبة الاحتياطى لاربعه سنوات بالتمام والكمال لم يلعب فيها مباراه عند تسجله لاول مره واذكر فى احدى المباريات وكنت اشاهدها نال

عمار كرت اصفر فما كان من بشاره الا ان ( كفته) وطبعا اخونا برلوم (فأكلها وسكت) وهكذا المريخ

المهم نرجع لهدف ظل عالقا بذهنى مع فريق فاطيما والمباراه رد بالخرطوم وفى الذهاب كنا مهزومين
2/0 والشوط الاول والمباراة1/0 لنا وفاطيما يلبس لاعبيه ربطه فى الراس (زى الحبوبات المصدعات)
وفى زمن الشوط الاول الضائع على ماأعتقد يحتسب الحكم فاول فى رأس الخط يتصدى لها عملاق
زمانه سانتو الفاضل ويعمل نصف دائره بنفسه ويرسلها كما يفعل زين الدين زيدان ويعلن الحكم بعدها
نهاية الشوطالاول وينسحب الضيف محتجا علي التحكيم وكنا نتمنى ان يكمل حتى نكمل له باقى
(العشوه)ولكن الضيف رفض وكان هكذا عهدنا بهم دائما نوا صل الاهداف الرائعه انشاءالله


اخوك محمد الحسن النور(ابواحمد)

[نادر الداني]

التحية لك ياخال والله ذكرتنا ايام زمان واديتنا من القديم وصحيت فينا عظمة المريخ ومكانته بالله شوف اداهو كف يعني لو حصلت الحكاي دي الزمن ده كان بحصل شنو !! اتخيل انو اي اداري من الاداريين بتاعين اسه ادي ليهو لاعب من لعيبة الزمن ده كف شوف الكان حايحصل شنو !! القيامة كانت قامت !!
شكرا لك ياخال على هذه المعلومات والزكريات الجميلة وعاوزنك تدينا زيها كتير لانها حقيقة بتشعرنا بعظمة المريخ خاصة جيل اليوم المحتاج لهذه الحكايات حتى يكون في قدر المسئولية ..
ولك التحية وانت في بلاد الامارات وبقول انه المنتدى الرياضي كسب قلم من دهب يعشق المريخ ويعطي الدروس لكل المريخاب مجاناً

مع خالص تحياتي لك وللاهل بالامارات
نادر الداني