المساعد الشخصي الرقمي

مشاهدة النسخة كاملة : من هم أهل العوض؟؟؟


أم عمر
01-27-2011, 06:35 AM
عندنا زميل من منطقة يتقاطع فيها الدناقلة والشايقية .. هو يقول بـأنه دنقلاوي و الزملاء الدناقلة يقولون بأنه بديري (مع إشارتهم لما بين البديرية و الشايقية).. بالأمس دار لغط حول هذا الموضوع و إمتد ليشمل موضوع القبائل و الأجناس و حاول كل فريق ذكر محاسن قبيلته وتمجيد منطقته.. و حاولت أن أكون علي الحياد.. إلا أن إجماع هولاء الفرقاء علي زميلة و وصفهم لها بأهل العوض إستفزني.. و بدأت أسأل نفسي:
من هم أهل العوض؟
هل هم الأشخاص القاطنين في أو الذين تمتد جذورهم لمنطقة معينة؟
هل هي مجموعة صفات شخصية يطلق علي صاحبها هذه الصفة؟
ماهي صفات أهل العوض؟ أو متي يمكن أن يقال أن فلان من أهل العوض؟
و السؤال الأخير:
هل ناس رفاعة يدخلون ضمن هذا التصنيف ؟؟؟
(عشان الواحد يكون عارف يعني !!!)

http://www.rufaaforall.com/board/uploaded/6410_1284017612.gif

جبصي
01-27-2011, 06:54 AM
أصدق مثال لأهل العوض هو أخونا محمد قسم الله عبدالقادر من قرية تسمى كريعات وهي من القرى التابعة للقرى التابعة لريفي تمبول

حاضري البديهة

ظريفين

كريمين

نضيفين

إلا أذا أتشبكو فيك

ففي الحالة حتغني

اللي شبكنا يخلصنا

العابر
01-27-2011, 07:22 AM
المقصود باهل العوض لاي شخص قادم من الريف للمدينه باختصار ولا يوجد شي اصلاً يسمي اهل العوض الا انه اسم مقتبس من (( طرائف محمد موسي عضو فرقة تيراب ) ونحن طبعاً العوض ذاتو مش اهلو هههه ودمتي بخير

معتصم سليمان بابكر
01-27-2011, 07:50 AM
تحية طيبة لك وتقديرا أم عمر

أهل العوض ... لدي حول التسمية رؤية معينة وواضحة وقد ناقشت فيها كثير من الاخوان
عاقلهم وواعيهم اتفق معي تماما وهازلهم ومتناول القشور دون اللب لم يتفق معي
بل ذهب لنعتي لأني من أهل العوض أصلا ...
السؤال يا أم عمر؟؟؟
لوكان العريس صاحب الجابو ليهو أهلو جركانة العسل ده !!! لو كان اسمو معتصم ..
أو محمد علي تفتكري كان الحاجة دي لقت رواج!!! وهؤلاء الأهل نسبوا لمعتصم
وأطلق عليهم أهل معتصم ؟؟؟؟ أو أهل محمد علي ؟؟؟
محمد موسى صاحب النكتة الذنب الكبير –الله يعينو –ذهب لإضحاك الناس بالناس
وألب مجموعة كبيرة من الناس ضد مجموعة بعينها ... وجاءت سخريته منهم
بأن صورهم كأجلاف ...
أهل العوض ... لفظ خدمته الظروف حين أوجدت له جرس موسيقي خفيف في
التداول والتناول ومهضوم عند الاستماع ...
أهل العوض في رأي هي رمز لفئة معينة من الناس لا أتفق مع محدد جغرافي لها
أو محدد انتمائي لقبيلة بعينها ولكنها في رأي الشخصي أن فيها اشارة للأجلاف
والغوغائيين من الناس .... يعني ببساطة هي اشارة ممكن الباسها على من تتوفر
فيه بعض الصفات
الخطأ الذي ارتكبه محمد موسى أنو اتظارف أكتر من اللازم واتجاوز احترازات
كتييييرة وغايتو سنّ ليهو سنة سيئة الله يعينو على تبعاتها في الدنيا والآخرة

احمد عبدالقادر حجازي
01-27-2011, 08:19 AM
ام عمر
سلام وتحية
وضعت يدك على الجرح يادوب.ونتمنى ان تكون بوستاتنا مقاربة أو تمشى على الواقع الحياتى المعاش الذى يفيدنا كثيرا.
اهل العوض تجسيد وتصوير لانسان القرية بمحاسنه ومساؤيه .
المحاسن :
-الجود والكرم .
-الشجاعة.
-الفزعة. (المساعدة)
-الاعتمادية.
-الثقة وعدم خيانة الامانة.
- المبادرة .
يعنى بشكل عام كل مكارم الاخلاق والنخوة المستمد من الثقافة العروبية الاسلامية.
المساؤى:
- عدم اتباع قواعد الايتكيت خاصة حين يحل بالمدينة لأنه يعتبر ان الناس مثله ويجب ان يتعامل بكل اريحية.
شكرا ام عمر على الطرح الجميل.

الطيب خوجلي
01-27-2011, 08:27 AM
عندنا زميل من منطقة يتقاطع فيها الدناقلة والشايقية .. هو يقول بـأنه دنقلاوي و الزملاء الدناقلة يقولون بأنه بديري (مع إشارتهم لما بين البديرية و الشايقية).. بالأمس دار لغط حول هذا الموضوع و إمتد ليشمل موضوع القبائل و الأجناس و حاول كل فريق ذكر محاسن قبيلته وتمجيد منطقته.. و حاولت أن أكون علي الحياد.. إلا أن إجماع هولاء الفرقاء علي زميلة و وصفهم لها بأهل العوض إستفزني.. و بدأت أسأل نفسي:
من هم أهل العوض؟
هل هم الأشخاص القاطنين في أو الذين تمتد جذورهم لمنطقة معينة؟ أهل العوض ناس البادية عامة
هل هي مجموعة صفات شخصية يطلق علي صاحبها هذه الصفة؟ جزء من هذه الصفات طريقة التحدث (مثلاً لما يكون عندو حد بعيد منو شوية عايز يتنادي عليو تسمعي يكروك عوووووووك يا زول هوي عوووووووك تعال)
ماهي صفات أهل العوض؟ أو متي يمكن أن يقال أن فلان من أهل العوض؟ لما تلقي ملخبط يعني ما مرتب ما مهندم دي بخنقوني فيها الليلة أنا الدخلني هنا شنو هوي أنا ذاتي من أهل العوض يعني ناس تمشي ساي زي ما بقولو ليك الزول ده زول الله ساي ما شايل هم ولا مدي الدنيا دي إي اعتبار)
و السؤال الأخير:
هل ناس رفاعة يدخلون ضمن هذا التصنيف ؟؟؟ (دي العوض ذاتو والمغالطني يجي بجائي)
(عشان الواحد يكون عارف يعني !!!)

http://www.rufaaforall.com/board/uploaded/6410_1284017612.gif

نقطة سطر جديد :
====================

بوستك لكن ما عسل عديل

أم عمر
01-27-2011, 08:30 AM
أصدق مثال لأهل العوض هو أخونا محمد قسم الله عبدالقادر من قرية تسمى كريعات وهي من القرى التابعة للقرى التابعة لريفي تمبول

حاضري البديهة

ظريفين

كريمين

نضيفين

إلا أذا أتشبكو فيك

ففي الحالة حتغني

اللي شبكنا يخلصنا

جبصي
ما خليت لأهل العوض شئ
و الله شكرتهم شكر
و كان أهل العوض بقوا كلهم زي محمد قسم الله
الله أداهم

بلفة أبو محمد:
مالك داير تزعل مننا ولدنا ود كريعات؟؟؟
ياخي ديل حلتهم منها و المطار
(حسب الصورة بتاعته)

http://www.rufaaforall.com/board/uploaded/6410_1284017612.gif

أم عمر
01-27-2011, 08:38 AM
المقصود باهل العوض لاي شخص قادم من الريف للمدينه باختصار ولا يوجد شي اصلاً يسمي اهل العوض الا انه اسم مقتبس من (( طرائف محمد موسي عضو فرقة تيراب )

العابر
عليك الله في أجمل من إنسان الريف و بساطته و أصالته؟؟؟
غايتو محمد موسي شكيناه علي الخلقه، قلب المفاهيم !!

ونحن طبعاً العوض ذاتو مش اهلو هههه ودمتي بخير

إنتو منو يا العابر؟؟؟؟
غايتو نحن التانيين

http://www.rufaaforall.com/board/uploaded/6410_1284017612.gif

ابوزاهر
01-27-2011, 08:45 AM
نعم هم أهل الرجولة والطيبة والمحنة والتواصل والفزعة والكرم والشهامة
والجهة المقصودة من من سماهم هي (منطقة البطانة بولاية الجزيرة )

ما عرفتني ؟؟؟؟؟ (نحن ما أهل العوض الرجعتلو الباقة )
وللاسف من لصق فيهم هذا الاسم قصد إشانة السمعة وأنهم ثقيلي الدم ممثلة في نكتة (باقة العسل التي كانت من أحد أقارب العوض القادم من البطانة للخرطوم والذي إعتاد كلما قدم العوض أو أحد اقاربه لزيارة قريب له بالمستشفى أو أمر آخر ذهب وجلس مع أقاربه أياما حتى ملواا منه وكان قد جاء أحد من أهله للخرطوم لأمر وأحضر لهم باقة مملوة محنة وطيبة قبل أن تملأ عسلا وهي هدية في نظره رغم بساطتها تقدر بالدنيا عنده وفي نظر أهله المتخرطمين أنها مقابلا لثقالة دم ستلازمهم كلما جاء العوض أو أحد أقاربه إلى الخرطوم
وقد رد عليه الكلس ود الشوبلي في قصيدة ألقاها من قلب البطانة

لا عليك أختنا ام عمر إن كنت من أهل العوض أم لا ..

فهم ولله الحمد من بقيت عندهم الاصول والصفات الحميدة ... وهذا يكفيهم
-------------------------------
رفاعة هي عاصمة أهل العوض بأصولها وكرمها وطيبتها

فمستشفاها يأتي إليه أهل العوض فتتوافد أعمدة الفطور والغداء وترامس الماء والشائ والشوربة .
وسجنها يوتى بأهل العوض له فيوتى لهم من أهلها بالاكل كذلك والبطاطين والفرش .
إذن هي أهل العوض والعوض زاتووو

فيصل يوسف حامد
01-27-2011, 09:02 AM
ام عمر...تحياتي...
هم اهل الباديه...وغالباً ناس الزراعه والرعي...
في اي منطقه...سوى في الشرق او الغرب او الجنوب او الشمال...
ولفظ اهل العوض نتيجه للنكته الخيال...
وكان الله في عونهم...
والمسألة غير مربوطه بصفات معينه...ففي اهل الباديه الكريم والبخيل
وفيهم الشجاع وفيهم العرديد الجبان....الخ...

طله جميله...

الموج الازرق
01-27-2011, 09:22 AM
كل الشكر ام عمر علي البوست الجميل
اهل العوض
وجاء رد شاعرنا يوسف الشوبلي
علي الذين تطاولو علي اهل العوض
وهذا جزء من رد شاعرنا
رسالة بليغة من أهل العوض مخصوصة
للإبن الظريف ود المدن ود موسي
بدور رد السؤال لو باللغة المهموسة
فينا نقيصة ولا الصورة جات معكوسة ؟

جبتا الفتنة تعلن حرب بى جاسوسة
والسبب الفنيلةالقلت في الوسخ مدسوسة
نحن نفوسنا في بحور العفاف مغموسة
مية غمسة لاعار لا دنس لا سوسة

روز
01-27-2011, 03:46 PM
مرحبا أم عمر
فعلا كما قال الأخ العابر و عمو الوريف
إنها أتت من صاحب النكتة الكومدي محمد موسى
و ليس أهل العوض و إنما الشوايقة في أنهم بخلاء و الرباطاب و الجزيرة أهل العوض و الجنوبين ألف فيهم نكات لحدي هسي كل ما أشوف جنوبي قال كلمة بتذكر محمد موسى و أضحك
كل تلك الكلمات كوميدية نابعة من صاحب الفرقة محمد موسى
ليس إلا . . .
‏.
و دمتي ...

راشد بلال
01-27-2011, 06:32 PM
ام عمر
سلام وتحية
وضعت يدك على الجرح يادوب.ونتمنى ان تكون بوستاتنا مقاربة أو تمشى على الواقع الحياتى المعاش الذى يفيدنا كثيرا.
اهل العوض تجسيد وتصوير لانسان القرية بمحاسنه ومساؤيه .
المحاسن :
-الجود والكرم .
-الشجاعة.
-الفزعة. (المساعدة)
-الاعتمادية.
-الثقة وعدم خيانة الامانة.
- المبادرة .
يعنى بشكل عام كل مكارم الاخلاق والنخوة المستمد من الثقافة العروبية الاسلامية.
المساؤى:
- عدم اتباع قواعد الايتكيت خاصة حين يحل بالمدينة لأنه يعتبر ان الناس مثله ويجب ان يتعامل بكل اريحية.
شكرا ام عمر على الطرح الجميل.

كما قال ...

أستاذنا المحترم أحمد حجازي ..

راشد بلال
01-27-2011, 07:26 PM
زيادة خير ياأم عمر لو أمكن ..

http://www.youtube.com/watch?v=ApxYyyObB9Q

محمد قسم الله عبد القادر
01-27-2011, 09:03 PM
أصدق مثال لأهل العوض هو أخونا محمد قسم الله عبدالقادر من قرية تسمى كريعات وهي من القرى التابعة للقرى التابعة لريفي تمبول
حاضري البديهة
ظريفين
كريمين
نضيفين
إلا أذا أتشبكو فيك
ففي الحالة حتغني
اللي شبكنا يخلصنا
قال : حاضري البديهة فقال له صدقت
ثم قال: ظريفين، فقال له : صدقت
ثم قال : كريمين ، فقال له صدقت
ثم قال : نضيفين، فقال له صدقت، فعجبنا له كيف يصفه ويصدقه، حتى قال : إلا أذا أتشبكو فيك،، هنا فهم كلمة اشتبكوا فيك خطأ وظن الاشتباك لا يكون إلا "نسباً" فنظر إليه بحنية وغرويدة عينين وقال ليو :"يعني أسي كان جينا نتحاوم في الحلة الجديدة وقلنا طالبين القرب ،،،،،، أهااااا،، قلت لي كيف؟"


روي عن حكيم بني كرعان أنه قال: "إن التماس تنقية النوع العوضي باستجلاب جين الحلبسات (halabsetics) إلى دماء إبنائكم وبناتكم كفيل بأن يقول حفيدكم عن ثقة: "يا دنيا مين أدّي"، أو كما قال.

أم عمر
01-27-2011, 10:22 PM
تحية طيبة لك وتقديرا أم عمر

أهل العوض ... لدي حول التسمية رؤية معينة وواضحة وقد ناقشت فيها كثير من الاخوان
عاقلهم وواعيهم اتفق معي تماما وهازلهم ومتناول القشور دون اللب لم يتفق معي
بل ذهب لنعتي لأني من أهل العوض أصلا ...

أبو محمد
مساء الخيرات
شكلك درست الموضوع و ناقشته
طبعاً هذه المرة الأولي التي أناقش الفكرة و أتأملها
يمكن لأني بجاهد في نفسي
للبعد عن أي مظهر أو ممارسة عنصرية
و بالتالي المسائل الزي دي ما كانت بتلفت نظري
و غالباً ما كنت أتجاهلها
لكن بصراحة إكتشفت إنه الغوص في المعاني و الدلالات
التي تقف خلف هذه المفردات قد يقود لفهم أعمق لإتجاهات المجتمع..

السؤال يا أم عمر؟؟؟
لوكان العريس صاحب الجابو ليهو أهلو جركانة العسل ده !!! لو كان اسمو معتصم ..
أو محمد علي تفتكري كان الحاجة دي لقت رواج!!! وهؤلاء الأهل نسبوا لمعتصم
وأطلق عليهم أهل معتصم ؟؟؟؟ أو أهل محمد علي ؟؟؟

العريس لو كان إسمه معتصم
كان التسمية بتكون (أهل معتصم)
بس في الحالة دي
كانت التسمية بتكون مدح و ليس ذم http://www.rufaaforall.com/board/uploaded/6410_1285523866.gif
لكن السؤال:
هل إسم معتصم منتشر في منطقة الجزيرة
و يعبر عنها زي إسم العوض ؟؟
الواقع إن إسم معتصم دا جديد
بتاع جيل المحدثين من الشباب http://www.rufaaforall.com/board/uploaded/6410_1285523866.gif
إذاً الإسم تم إختاره بما يحقق الغرض من النكتة
- هذا إذا سلمنا جدلاً بأن النكتة هي سبب التسمية -


محمد موسى صاحب النكتة الذنب الكبير –الله يعينو –ذهب لإضحاك الناس بالناس
وألب مجموعة كبيرة من الناس ضد مجموعة بعينها ... وجاءت سخريته منهم
بأن صورهم كأجلاف ...

أبو محمد
أعتقد أن الرجل بفعلة هذا قد إرتكب إثماً
ففعله يدخل في باب (ولا يسخر قوم من قوم عسي أن يكونوا خيراً منهم)
و الله أعلم ... ربنا يغفر لينا جميعاً

أهل العوض ... لفظ خدمته الظروف حين أوجدت له جرس موسيقي خفيف في
التداول والتناول ومهضوم عند الاستماع ...
أهل العوض في رأي هي رمز لفئة معينة من الناس لا أتفق مع محدد جغرافي لها
أو محدد انتمائي لقبيلة بعينها ولكنها في رأي الشخصي أن فيها اشارة للأجلاف
والغوغائيين من الناس ....

أتفق معك في أن للتسمية جرس موسيقي
مما جعلها سهلة التداول و ساعد علي إنتشارها
لكن أختلف معك في مسألة عدم ربطها بمحدد جغرافي
فهي مرتبطة بمنطقة وسط السودان و تحديداً الجزيرة
و لكن الشئ الذي قد لا أكون متأكدة منه
هو هل تشمل كل قاطني الحدود الجغرافية لولاية الجزيرة
بما يشمل منطقة شرق الجزيرة و رفاعة
أم أنها محصورة فقط علي سكان منطقة الجزيرة المروية؟؟؟

يعني ببساطة هي اشارة ممكن الباسها على من تتوفر
فيه بعض الصفات

يعني الجلافة التي ذكرتها أنت هذه لو إتصف بها مواطن من كسلا أو الفاشر أو حلفا ممكن يقولوا عليه أهل العوض؟؟؟


الخطأ الذي ارتكبه محمد موسى أنو اتظارف أكتر من اللازم واتجاوز احترازات
كتييييرة وغايتو سنّ ليهو سنة سيئة الله يعينو على تبعاتها في الدنيا والآخرة

لا أعتقد أن ما يقال في النكات التي من هذا النوع يعتبر ظرافة زائدة
سمه لزوجة ، سماجة ، سخف ، جهل أو أي شئ من هذا القبيل

تسلم أبو محمد
سعدت بوجودك هنا

أم عمر
01-27-2011, 10:57 PM
ام عمر
سلام وتحية
وضعت يدك على الجرح يادوب.ونتمنى ان تكون بوستاتنا مقاربة أو تمشى على الواقع الحياتى المعاش الذى يفيدنا كثيرا.[/color]

أستاذ أحمد
مساء الخيرات
تقصد شنو يعني ؟؟؟
أنه من زمان موضوعاتي كانت ( off point ) ؟؟؟
http://www.rufaaforall.com/board/uploaded/6410_1285523866.gif

المحاسن :
-الجود والكرم .
-الشجاعة.
-الفزعة. (المساعدة)
-الاعتمادية.
-الثقة وعدم خيانة الامانة.
- المبادرة .
يعنى بشكل عام كل مكارم الاخلاق والنخوة المستمد من الثقافة العروبية الاسلامية.[/color]

صفات كلها في غاية الروعة
و يا ريت لو يتصف بيها كل الناس
لو كانوا في الريف أو في الحضر
بس الإعتمادية دي شنو؟؟
و علي قول الوريف
و حات إسم الله ما فهمتها http://www.rufaaforall.com/board/uploaded/6410_1285523866.gif

المساؤى:
- عدم اتباع قواعد الايتكيت خاصة حين يحل بالمدينة لأنه يعتبر ان الناس مثله ويجب ان يتعامل بكل اريحية.
شكرا ام عمر على الطرح الجميل.

(ممكن بعد إذنك نقول عليها مآخذ بدلاً عن مساوئ)
عدم التقيد بقواعد الإتيكيت مظهر غير حضاري في بعض المواقف و الأماكن
و يعتبر عشوائية و فوضي و سلوك غير مقبول
لكن التقيد الصارم بها في كل تفاصيل الحياة فيه تعقيد بالغ و ربما مخل
و الإعتدال هو الاجمل و الأفضل
و أعتقد أن معظم أفراد الشعب السوداني بصفة عامة لا يحبون القيود
و يتعاملون علي السجية و ببساطة متناهية
مما يعكس إنطباعاً سالباً عنا لغير السودانييين
و دا موضوع وجع براه

شكراً لتواجدك المتألق

محمد قسم الله عبد القادر
01-28-2011, 07:24 AM
[align=justify]

هل هي مجموعة صفات شخصية يطلق علي صاحبها هذه الصفة؟
ماهي صفات أهل العوض؟ أو متي يمكن أن يقال أن فلان من أهل العوض؟
و السؤال الأخير:
هل ناس رفاعة يدخلون ضمن هذا التصنيف ؟؟؟
(عشان الواحد يكون عارف يعني !!!)

http://www.rufaaforall.com/board/uploaded/6410_1284017612.gif

بعبارة هل أهل العوض مجموعة صفات شخصية فأنت (يا دوبك ) ختيتي يدك في الـ .... ،، طبعا يا دوبك أنا قاصد في الموضوع دا ومن وجهة نظري أنا ،، قبل ما محاسبة حجازي تلحقني

ما أود قوله أن أهل العوض أناس تعاملوا مع امريء من غير ثقافتهم بمعايير الأوتكيت عندهم، فلو أنه هو من أتاه لما أحوجوه لأن يكون بينهم وبينه باقة عسل، أما النكتة ففيها إساءة للرجل الذي رد باقة العسل أكثر مما هي لأهل العوص، بمعنى أنه قد قبل الباقة حين رآها مكسب له، أما حين حسبها ووجد أنها ستضطره للكرم والجود فقد ردها. ولو أنه اختبرهم لوجدهم سيكرمونه ولو أتاهم العمر كله، ومن أراد التأكد فليذهب إلى قرية في السودان وسيجد أنه كلما أوغل الناس في البداوة ازدادت عندهم نزعة إكرام الضيف كيف كان حالهم وأين بلغ عدمهم.


أما بالنسبة لسؤالك عن رفاعة وما إذا كانت من أهل العوض أم لا فالإجابة أنهم مسمين عليو "ديم" عديل، ، ، ، أها تفتكري العوض حيكون داير شنو أكتر من كدة.

http://www.rufaaforall.com/board/uploaded/6410_1284017612.gif[/quote]

أم عمر
01-28-2011, 07:36 AM
نقطة سطر جديد :
====================

بوستك لكن ما عسل عديل

شكراً علي المرور

أم عمر
01-28-2011, 08:01 AM
نعم هم أهل الرجولة والطيبة والمحنة والتواصل والفزعة والكرم والشهامة
والجهة المقصودة من من سماهم هي (منطقة البطانة بولاية الجزيرة )

ما عرفتني ؟؟؟؟؟ (نحن ما أهل العوض الرجعتلو الباقة )
وللاسف من لصق فيهم هذا الاسم قصد إشانة السمعة وأنهم ثقيلي الدم ممثلة في نكتة (باقة العسل التي كانت من أحد أقارب العوض القادم من البطانة للخرطوم والذي إعتاد كلما قدم العوض أو أحد اقاربه لزيارة قريب له بالمستشفى أو أمر آخر ذهب وجلس مع أقاربه أياما حتى ملواا منه وكان قد جاء أحد من أهله للخرطوم لأمر وأحضر لهم باقة مملوة محنة وطيبة قبل أن تملأ عسلا وهي هدية في نظره رغم بساطتها تقدر بالدنيا عنده وفي نظر أهله المتخرطمين أنها مقابلا لثقالة دم ستلازمهم كلما جاء العوض أو أحد أقاربه إلى الخرطوم
وقد رد عليه الكلس ود الشوبلي في قصيدة ألقاها من قلب البطانة

لا عليك أختنا ام عمر إن كنت من أهل العوض أم لا ..

فهم ولله الحمد من بقيت عندهم الاصول والصفات الحميدة ... وهذا يكفيهم
-------------------------------
رفاعة هي عاصمة أهل العوض بأصولها وكرمها وطيبتها

فمستشفاها يأتي إليه أهل العوض فتتوافد أعمدة الفطور والغداء وترامس الماء والشائ والشوربة .
وسجنها يوتى بأهل العوض له فيوتى لهم من أهلها بالاكل كذلك والبطاطين والفرش .
إذن هي أهل العوض والعوض زاتووو


أبوزاهر
السلام عليكم
فاجأني قولك بأن المقصود بأهل العوض هم سكان منطقة البطانة !!
و لعلني أختلف معك، فليس من الشائع عن أهل البطانة ما أشيع عن أهل العوض
النكتة كما ذكرت من الممكن أن تقرأ من زوايا أخري
فأهل العوض فيهم من صفات إنسان السودان الأصيل وقيمه
ما لم يتسني لأصهارهم الوقوف عليها..
و أعتقد شبه جازمة أن كل سوداني فيه من جينات العوض و أهله
فالمظاهر و السلوكيات التي وصفتها (زيارة المستشفيات) موجودة في كل مناطق السودان (الشمالي)
و بالأمس كنت في زيارة لمريضة ترقد بمستشفي الزيتونة
و برغم محاولات التجويد الجادة التي يقف عليها بروف مامون حميدة وطاقم المستشفي
إلا أن نفس المظاهر و ذات الصور تجدها و بكثافة من أهل المرضي و مرافقيهم
فحتي لو كان العوض ممن أثري فيمن أثروا و مسح عنه غبار السنين
فأهله و عقابه يزورونه حتي ولو في الزيتونة http://www.rufaaforall.com/board/uploaded/6410_1285523866.gif

شكراً علي الحضور و التداعي الجميل أبو زاهر

جبصي
01-28-2011, 08:06 AM
نقطة سطر جديد :
====================

بوستك لكن ما عسل عديل

بالنسبة للأخ الطيب خوجلي

فهو مثال صادق للوجه اللآمشرق لأهل العوض

تم استيعابه في الموقع بغرض التأهيل


========
القرار كان خاطئ
وبقى عندنا حل من أتنين
يا أما نلغي العضوية بتاعتو
يا إما نقفل المنتدى
وغالبا حنعمل الخيار التاني

أم عمر
01-28-2011, 08:11 AM
ام عمر...تحياتي...
هم اهل الباديه...وغالباً ناس الزراعه والرعي...
في اي منطقه...سوى في الشرق او الغرب او الجنوب او الشمال...
ولفظ اهل العوض نتيجه للنكته الخيال...
وكان الله في عونهم...
والمسألة غير مربوطه بصفات معينه...ففي اهل الباديه الكريم والبخيل
وفيهم الشجاع وفيهم العرديد الجبان....الخ...

طله جميله...


هلا فيصل
إذا كنت قد فهمت مشاركتك
فأنت تقصد أن أهل العوض هم أهل البادية
و لعلك تعني أيضاً أنه بغض النظر عن الصفات الشخصية
فأي شخص ينتمي للبادية بشكل أو بآخر هو من أهل العوض..
باقي لي كدا يا فيصل صعبتها علينا شوية
لأننا كلنا تمتد جذورنا للبادية (و نفخر بذلك)
لكن مع ذلك لا أظننا نتصف بتلك المجموعة من الصفات التي تؤخذ علي أهل العوض


تقديري و إمتناني

أم عمر
01-28-2011, 08:20 AM
كل الشكر ام عمر علي البوست الجميل
اهل العوض
وجاء رد شاعرنا يوسف الشوبلي
علي الذين تطاولو علي اهل العوض
وهذا جزء من رد شاعرنا
رسالة بليغة من أهل العوض مخصوصة
للإبن الظريف ود المدن ود موسي
بدور رد السؤال لو باللغة المهموسة
فينا نقيصة ولا الصورة جات معكوسة ؟

جبتا الفتنة تعلن حرب بى جاسوسة
والسبب الفنيلة القلت في الوسخ مدسوسة
نحن نفوسنا في بحور العفاف مغموسة
مية غمسة لاعار لا دنس لا سوسة


هلا بيك الموج الأزرق
شكراً علي القصيدة الجميلة و المعبرة
و الأستاذ يوسف الشوبلي ما قصر تب
أداهم من العيار التقيل - عافية منه
و ما خلي لود موسي صفحة يرقد عليها

شكراً لحضورك الأنيق

أم عمر
01-28-2011, 08:34 AM
مرحبا أم عمر
فعلا كما قال الأخ العابر و عمو الوريف
إنها أتت من صاحب النكتة الكومدي محمد موسى
و ليس أهل العوض و إنما الشوايقة في أنهم بخلاء و الرباطاب و الجزيرة أهل العوض و الجنوبين ألف فيهم نكات لحدي هسي كل ما أشوف جنوبي قال كلمة بتذكر محمد موسى و أضحك
كل تلك الكلمات كوميدية نابعة من صاحب الفرقة محمد موسى
ليس إلا . . .
‏.
و دمتي ...



أهلين روز
قد تكون النكتة هي السبب الذي أدي لإشاعة هذه التسمية
و لكن ألم يكن لمضمون النكتة أساس قبل إطلاقها ؟؟؟؟
بمعني أنه قد تكون صورة أهل العوض بكل مكوناتها و مفرداتها كانت موجودة في ذهن الآخر
و كل ما قام به محمد موسي هو أن أعطي لهذه الصورة إطاراً محدداً بتسميتها..
أتفق معك في أن النكات التي أطلقها محمد موسي و من هم علي شاكلته
كانت في كثير من الأحيان لاذعة وصبغت عدداً من القبائل و المجموعات السكانية بصفات غير محببة

شكراً لتواجدك

أم عمر
01-28-2011, 08:55 AM
كما قال ...

أستاذنا المحترم أحمد حجازي ..

هلا حباب الملك
شرفت و نورت
زيادة خير ياأم عمر لو أمكن ..

http://www.youtube.com/watch?v=apxyyyobb9q

شكرا كتير علي الفيديو
و حقيقة ما شفته قبل اليوم
و الله بالجد قصيدة رهيبة
فصاحة و بلاغة مدهشة
شاعرنا كال الجني ود موسي و سقاه السم القدر عشاه

سعدت بوجودك

أم عمر
01-28-2011, 09:26 AM
بعبارة هل أهل العوض مجموعة صفات شخصية فأنت (يا دوبك ) ختيتي يدك في الـ .... ،، طبعا يا دوبك أنا قاصد في الموضوع دا ومن وجهة نظري أنا ،، قبل ما محاسبة حجازي تلحقني


هلا محمد قسم الله
ود ناس كريعات - حي المطار
(بعد ما ظهر ليكم بترول عاوزنه يبقي اكبر من مطار دبي)
و طلعت منها تب المرة دي

ما أود قوله أن أهل العوض أناس تعاملوا مع امريء من غير ثقافتهم بمعايير الأوتكيت عندهم، فلو أنه هو من أتاه لما أحوجوه لأن يكون بينهم وبينه باقة عسل، أما النكتة ففيها إساءة للرجل الذي رد باقة العسل أكثر مما هي لأهل العوض، بمعنى أنه قد قبل الباقة حين رآها مكسب له، أما حين حسبها ووجد أنها ستضطره للكرم والجود فقد ردها. ولو أنه اختبرهم لوجدهم سيكرمونه ولو أتاهم العمر كله، ومن أراد التأكد فليذهب إلى قرية في السودان وسيجد أنه كلما أوغل الناس في البداوة ازدادت عندهم نزعة إكرام الضيف كيف كان حالهم وأين بلغ عدمهم.


تحليل منطقي وجميل
و قراءة للنكتة من زاوية مغايرة
أنصفت العوض و أهله


أما بالنسبة لسؤالك عن رفاعة وما إذا كانت من أهل العوض أم لا فالإجابة أنهم مسمين عليو "ديم" عديل، ، ، ، أها تفتكري العوض حيكون داير شنو أكتر من كدة.


عاد أقول شنو في الحالة دي؟؟؟
أوع بس يكون العوض دا من (أندينا)
تبقي دي ياها العوجة ذاااااتها

http://www.rufaaforall.com/board/uploaded/6410_1284017612.gif

سعدت حقيقي بمشاركتك

احمد عبدالقادر حجازي
01-28-2011, 04:22 PM
[QUOTE=أم عمر
بس الإعتمادية دي شنو؟؟
و علي قول الوريف
و حات إسم الله ما فهمتها

تسلموا الاثنين
سلام ومحبة
وجمعة مباركة
الاعتمادية Dependability او Reliability مصطلح شائع الاستعمال خاصة فى مجال تقييم الاداء بالمنشآت . والاعتمادية تعنى كذلك الموثوقية بمعنى :
هل هذا الشخص يمكن الاعتماد عليه؟
هل يمكن وضع الثقة فيه ؟
هل سيقوم بماهو مطلوب منه بطريقة صحيحة؟
يعنى حين يكلف المرء باداء مهمة بنكون ضامنين وواثقين من العمل سينجز؟؟
ماخلاص؟؟؟؟؟؟؟؟؟؟؟

أم عمر
01-28-2011, 05:17 PM
تسلموا الاثنين
سلام ومحبة
وجمعة مباركة
الاعتمادية Dependability او Reliability مصطلح شائع الاستعمال خاصة فى مجال تقييم الاداء بالمنشآت . والاعتمادية تعنى كذلك الموثوقية بمعنى :
هل هذا الشخص يمكن الاعتماد عليه؟
هل يمكن وضع الثقة فيه ؟
هل سيقوم بماهو مطلوب منه بطريقة صحيحة؟
يعنى حين يكلف المرء باداء مهمة بنكون ضامنين وواثقين من العمل سينجز؟؟
ماخلاص؟؟؟؟؟؟؟؟؟؟؟

مشكور أستاذنا أحمد
dependable= reliable
معناهما واضح بالإنجليزية
تبقي المشكلة في التعريب أو الترجمة
لأن إعتمادية توحي بعكس المعني المقصود
و لكن لا أعتقد أن هناك كلمة مقابلة في اللغة العربية

وافر شكري وتقديري

Mai Elshain
01-28-2011, 09:20 PM
عندنا زميل من منطقة يتقاطع فيها الدناقلة والشايقية .. هو يقول بـأنه دنقلاوي و الزملاء الدناقلة يقولون بأنه بديري (مع إشارتهم لما بين البديرية و الشايقية).. بالأمس دار لغط حول هذا الموضوع و إمتد ليشمل موضوع القبائل و الأجناس و حاول كل فريق ذكر محاسن قبيلته وتمجيد منطقته.. و حاولت أن أكون علي الحياد.. إلا أن إجماع هولاء الفرقاء علي زميلة و وصفهم لها بأهل العوض إستفزني.. و بدأت أسأل نفسي:
من هم أهل العوض؟
هل هم الأشخاص القاطنين في أو الذين تمتد جذورهم لمنطقة معينة؟
هل هي مجموعة صفات شخصية يطلق علي صاحبها هذه الصفة؟
ماهي صفات أهل العوض؟ أو متي يمكن أن يقال أن فلان من أهل العوض؟
و السؤال الأخير:
هل ناس رفاعة يدخلون ضمن هذا التصنيف ؟؟؟
(عشان الواحد يكون عارف يعني !!!)

http://www.rufaaforall.com/board/uploaded/6410_1284017612.gif
اهل العوض هي كلمة نابعة من خيال النكات محمد موسى وامتداد لاقاويل محبي النكتة فهي غير متعلقة بصفات او منطقة جغرافية وعلى حسب النكتة انو المقصود بالقول هم اهل الجزيرة(زي مافي الجامعة ماسكين لينا التسمية) يعني ناس رفاعة خاااااااااااااااااااشين وزي ماقلت انو الكلمة غير متعلقة بصفة او حدود

راشد بلال
01-28-2011, 09:56 PM
ياأختنا الحبيبة أم عمر ..
لو حقيقة لا تعرفين معنى كلمة أهل العوض .. بسيطة جداً ..
فمعني إسم (( العوض )) .. أو (( عوض )) يدلك على بيت القصيد ..
أتمنى أن تكوني تحصلت على ماتبغين من معلومة ..
أما إذا أحببت أكثر من ذلك .. فمرحب بك في دارنا المتواضع حتى تكتمل لك المعلومة ..
وإذا أحببت عبر المداد .. أتمنى أن تصبري وتطولي بالك علينا .. فأنا يدعوني أهلي بالعوض ..
والعوض ياأم عمر عمره مابخذل أهله .. هو حنين وطيب ولطيف وكريم وخدوم وخاتي من اللوم ..
وللبهين جدوده ماعليه إلا لي نفسه يلوم .. لا بمنعه رجال ولا حروم .. لا إدارة ولا جاقوم ..
والعوض يومه البكون مغبون .. لابتحوشه البادية لا الخرطوم .. نجره أخدر بالقدوم ..
زولاً واضح وجنو وجن العجِنْ واللف والعوم .. لما يقول القول بكون للكل معلوم ..
بحبسها الكلمة المُرة في البلعوم .. علا إن كتر التشتر بصير مهموم .. ساعتها الملام مو عليهو
قطع شك بكون علي المشؤم .. مو إسمه العوض وبعوضهم بدل الكوم .. بكون مليووون كوووم ..

الطيب خوجلي
01-29-2011, 08:49 AM
بالنسبة للأخ الطيب خوجلي

فهو مثال صادق للوجه اللآمشرق لأهل العوض

تم استيعابه في الموقع بغرض التأهيل


========
القرار كان خاطئ
وبقى عندنا حل من أتنين
يا أما نلغي العضوية بتاعتو
يا إما نقفل المنتدى
وغالبا حنعمل الخيار التاني

:029:

دي الله قدرك عليها يا دبسي

لكن ما عليه إيمان قربت تجي

راجعة اصطبر شوية بس بعد تجيك:008:

أحمد التاي
01-29-2011, 12:33 PM
الأختى العزيزة/ أم عمر إستوقفني تساؤلك عن عما إذا كان أهل رفاعة من ناس العوض ... بكل تأكيد ... ويكفي أنه يوجد برفاعة حي (ديم) بإسم ديم العوض ومنهم أخونا أحمد الطيب جلي (أبصوفة) وهو حِنكة وشِبكة ... ولكن كما ذكر أحد الإخوة أن أخونا الأستاذ/ يوسف الشوبلي قد أوفى أهل العوض حقهم ... الهم أجعلنا منهم وأنفعنا بجاههم.

فيصل يوسف حامد
01-29-2011, 12:50 PM
هلا فيصل
إذا كنت قد فهمت مشاركتك
فأنت تقصد أن أهل العوض هم أهل البادية
و لعلك تعني أيضاً أنه بغض النظر عن الصفات الشخصية
فأي شخص ينتمي للبادية بشكل أو بآخر هو من أهل العوض..
باقي لي كدا يا فيصل صعبتها علينا شوية
لأننا كلنا تمتد جذورنا للبادية (و نفخر بذلك)
لكن مع ذلك لا أظننا نتصف بتلك المجموعة من الصفات التي تؤخذ علي أهل العوض
تقديري و إمتناني

الاخت الكريمه...ام عمر...خالص التحيه...
اعتقد انك فهمتي ولكن بزاويه مختلفه قليلاً...وانا سوف اوضح ذلك...
قبل دا عايزك تعرفي إني أنا انحدر من الباديه ابا عن ام...
وجدودي لأبي اصلا جاءوا رفاعه منذ امد بعيد...والجابم المرعى
يعني جوا بابقارهم وابلهم واغنامهم...وكانت رفاعه دي كلها عبارة عن اشجار وغابات
واستقروا مع الذين سبقوهم والكانوا برضو يمتهونوا الزراعه والرعي...
اخذوا مساحه والهسع موجودين فيها وازالوا عنها الاشجار وعملوا فيها عصاصير زيت
واستمروا بمهنة اهل الباديه من زراعه ورعي وحتى عهد احسبه قريب...وانا والله افتخر بذلك
لكن انا هنا اتحدث عن واقع رفاعة الآن من جهة...وعن واقع اهل الباديه الحالي من جهة أخرى...
يعني لو قلتي لي اهل رفاعة ناس باديه...بقول ليك لا...وهذا ليس تنصل من صفات الباديه
لاني والله لو الآن خيرت ان اكون من الباديه لاخترت ذلك...
ولكن الواقع غير ذلك...اهل الباديه ناس زراعه وناس رعي والتعليم عندهم لوقت قريب يكاد ينعدم
اهل رفاعة ناس علم ...وتتطورت بهم الحياة وانتقلوا من اعظم مهنه وهي الرعي...
لأعظم رسالة...وهي التعليم...لا يكاد يخلو بيت من رفاعة من معلم ومعلمه بل ويزيد...
المهنة الرئيسيه لاهل رفاعة هي التعليم...لا توجد قريه في الشرق لم يكن لرفاعه نصيب الأسد في مدارسها وما زالوا...
بل لا توجد ولايه في السودان او مدينه...لا تجد اسهم رفاعه يرتفع في هذه المهنه...
ربما استطيع ان اقول ان نسبة وظيفة التعليم في رفاعة يكاد يصل 90%
وبرضو العشره في المائه الباقيه...موظفين...
اذا اين الزراعه والرعي هنا...لو قلتي رفاعة من البطانه اقول نعم وهي حاضرتها...ام لو قتي رفاعه اهل باديه اقول لا والدلائل سقتها...
اما ما يخص واقع اهل الباديه والصفات التي اوردتها...برضو بقول ليك... بنبكي بالدمع السخين علي اهل الباديه وصفات اهل الباديه...
تلك الصفات والتي سقتها هي الواقع المعاش...
لقد اختلف ابن الباديه اليوم...عن ذلك بالامس...
اختلفت المعايير والصفات...اختلفت الاخلاقيات...
وحتى اصبحوا يتنصلوا من الزارعه والرعي...
انظري لليوم وخليك من العيش في الماضي...
فمن مضوا اسسوا لنا...ولكن فرطنا...
قبل ان اختم...عندي تحفظ علي تسميه (أهل العوض)...
كلنا نعلم من اين هذا الإسم الخيال...ولماذا نثبته علي اهل الباديه...
ولماذا تلك النكات التي تسئ وتفرق ولا تخدم بأي صورة من الصور...
تلك السزاجه والصفات غير الحميده التي احتوت النكته...
لذا لا اقر ولا اعترف بهذه التسميه لأي أهل منطقه في بلادي...
فأهل الباديه لهم دورهم الذي لا يغفل...وكذلك اهل الحضر...

اتمنى ان اكون وفقت
وليك كمية من التقدير
ودمتي يا اصيله

معتصم سليمان بابكر
01-29-2011, 01:00 PM
اويكفي أنه يوجد برفاعة حي (ديم) بإسم ديم العوض ومنهم أخونا أحمد الطيب جلي (أبصوفة) وهو حِنكة وشِبكة ... .


تحية طيبة لك أخي أحمد التاي

يا أخي مالك داير تلخبط لي معلوماتي !!!

أحمد الطيب جلي أبصوفة ( الضابط ,لا غبرو ) ؟؟؟

كان ياهو ... الزول ده ماكان في ديم العوض على ما أعتقد

كان بيتهم جوار الجامع الكبير ( حي السوق )

وديم العوض الفي رفاعة ده ما أظن ليهو علاقة بشغلانية

محمد موسى ... عشان العوض هول رفاعة ده هو عمنا

العوض قدمونا ... والد أستاذنا /عبدالله العوض عليهم رحمة الله

وهو جد كمال النعيم وأمير النعيم

هذه بعض معلومات أعرفها عن ديم العوض .. آمل أن أكون قد
أسهمت بتوضيح الحقيقة وأن أخطأت فمن نفسي بلا شك

أم عمر
02-01-2011, 03:59 PM
اهل العوض هي كلمة نابعة من خيال النكات محمد موسى وامتداد لاقاويل محبي النكتة فهي غير متعلقة بصفات او منطقة جغرافية وعلى حسب النكتة انو المقصود بالقول هم اهل الجزيرة(زي مافي الجامعة ماسكين لينا التسمية) يعني ناس رفاعة خاااااااااااااااااااشين وزي ماقلت انو الكلمة غير متعلقة بصفة او حدود

يا مرحبا بك بتنا العزيزة

إذا فهمتك فإنك تعتقدين بأن ليس لمدلولات الكلمة أي إرتباط برقعة جغرافية أو صفات محددة
ثم تذكرين أن المقصودين هم أهل الجزيرة لأن الزملاء في الجامعة يطلقون عليكم هذه الصفة
(بإعتباركم ناس جزيرة و بالتالي أهل العوض)
فكيف نفسر ذلك ؟؟؟؟؟

(و زملائك دي سمعيهم القصيدة الجابها لينا الملك، كان قدروا يفهموها)

تحياتي

أم عمر
02-01-2011, 04:34 PM
ياأختنا الحبيبة أم عمر ..
لو حقيقة لا تعرفين معنى كلمة أهل العوض .. بسيطة جداً ..
فمعني إسم (( العوض )) .. أو (( عوض )) يدلك على بيت القصيد ..
أتمنى أن تكوني تحصلت على ماتبغين من معلومة ..


أخونا الملك
السلام عليكم
طرحت الموضوع بسبب حادثة ذكرتها في البداية
و أحببت أن نبحث و ننقب سوياً في مدلول اللفظ
فكما أعتقد أنه ليس للفظ أهل العوض معني محدد
إنما هو لفظ يطلق علي مجموعة صفات تؤخذ علي الموصوف بها
و الذي هو في الغالب ينتمي لوسط السودان عموماً
و لنكن أكثر تحديداً هو من منطقة الجزيرة وربما البطانة أيضاً كما ورد في عدد من المشاركات

أما إذا أحببت أكثر من ذلك .. فمرحب بك في دارنا المتواضع حتى تكتمل لك المعلومة ..

شكراً علي الدعوة الكريمة و إن شاء الله نلبيها في أقرب سانحة
بس دايرنا نجيك وين؟؟؟
في المملكة ولا في الدمام ولا في رفاعة؟


وإذا أحببت عبر المداد .. أتمنى أن تصبري وتطولي بالك علينا .. فأنا يدعوني أهلي بالعوض ..
والعوض ياأم عمر عمره مابخذل أهله .. هو حنين وطيب ولطيف وكريم وخدوم وخاتي من اللوم ..
وللبهين جدوده ماعليه إلا لي نفسه يلوم .. لا بمنعه رجال ولا حروم .. لا إدارة ولا جاقوم ..
والعوض يومه البكون مغبون .. لابتحوشه البادية لا الخرطوم .. نجره أخدر بالقدوم ..
زولاً واضح وجنو وجن العجِنْ واللف والعوم .. لما يقول القول بكون للكل معلوم ..
بحبسها الكلمة المُرة في البلعوم .. علا إن كتر التشتر بصير مهموم .. ساعتها الملام مو عليهو
قطع شك بكون علي المشؤم .. مو إسمه العوض وبعوضهم بدل الكوم .. بكون مليووون كوووم ..

أمانة في ذمتك يا الملك
الصفات الذكرتها إنت دي
ليها علاقة بصفات أهل العوض الشائعة و الموجودة في أذهان الناس؟؟؟

تقديري و إمتناني

أم عمر
02-01-2011, 04:40 PM
الأختى العزيزة/ أم عمر إستوقفني تساؤلك عن عما إذا كان أهل رفاعة من ناس العوض ... بكل تأكيد ... ويكفي أنه يوجد برفاعة حي (ديم) بإسم ديم العوض ومنهم أخونا أحمد الطيب جلي (أبصوفة) وهو حِنكة وشِبكة ... ولكن كما ذكر أحد الإخوة أن أخونا الأستاذ/ يوسف الشوبلي قد أوفى أهل العوض حقهم ... الهم أجعلنا منهم وأنفعنا بجاههم.

مشكور أخونا أحمد علي المشاركة كلنا نفخر بأصولنا ولكن ليس بالصورة التي يرغب في رسمها الآخر لنا

أم عمر
02-01-2011, 04:56 PM
الاخت الكريمه...ام عمر...خالص التحيه...
اعتقد انك فهمتي ولكن بزاويه مختلفه قليلاً...وانا سوف اوضح ذلك...
قبل دا عايزك تعرفي إني أنا انحدر من الباديه ابا عن ام...
وجدودي لأبي اصلا جاءوا رفاعه منذ امد بعيد...والجابم المرعى
يعني جوا بابقارهم وابلهم واغنامهم...وكانت رفاعه دي كلها عبارة عن اشجار وغابات
واستقروا مع الذين سبقوهم والكانوا برضو يمتهونوا الزراعه والرعي...
اخذوا مساحه والهسع موجودين فيها وازالوا عنها الاشجار وعملوا فيها عصاصير زيت
واستمروا بمهنة اهل الباديه من زراعه ورعي وحتى عهد احسبه قريب...وانا والله افتخر بذلك
لكن انا هنا اتحدث عن واقع رفاعة الآن من جهة...وعن واقع اهل الباديه الحالي من جهة أخرى...
يعني لو قلتي لي اهل رفاعة ناس باديه...بقول ليك لا...وهذا ليس تنصل من صفات الباديه
لاني والله لو الآن خيرت ان اكون من الباديه لاخترت ذلك...
ولكن الواقع غير ذلك...اهل الباديه ناس زراعه وناس رعي والتعليم عندهم لوقت قريب يكاد ينعدم
اهل رفاعة ناس علم ...وتتطورت بهم الحياة وانتقلوا من اعظم مهنه وهي الرعي...
لأعظم رسالة...وهي التعليم...لا يكاد يخلو بيت من رفاعة من معلم ومعلمه بل ويزيد...
المهنة الرئيسيه لاهل رفاعة هي التعليم...لا توجد قريه في الشرق لم يكن لرفاعه نصيب الأسد في مدارسها وما زالوا...
بل لا توجد ولايه في السودان او مدينه...لا تجد اسهم رفاعه يرتفع في هذه المهنه...
ربما استطيع ان اقول ان نسبة وظيفة التعليم في رفاعة يكاد يصل 90%
وبرضو العشره في المائه الباقيه...موظفين...
اذا اين الزراعه والرعي هنا...لو قلتي رفاعة من البطانه اقول نعم وهي حاضرتها...ام لو قتي رفاعه اهل باديه اقول لا والدلائل سقتها...
اما ما يخص واقع اهل الباديه والصفات التي اوردتها...برضو بقول ليك... بنبكي بالدمع السخين علي اهل الباديه وصفات اهل الباديه...
تلك الصفات والتي سقتها هي الواقع المعاش...
لقد اختلف ابن الباديه اليوم...عن ذلك بالامس...
اختلفت المعايير والصفات...اختلفت الاخلاقيات...
وحتى اصبحوا يتنصلوا من الزارعه والرعي...
انظري لليوم وخليك من العيش في الماضي...
فمن مضوا اسسوا لنا...ولكن فرطنا...
قبل ان اختم...عندي تحفظ علي تسميه (أهل العوض)...
كلنا نعلم من اين هذا الإسم الخيال...ولماذا نثبته علي اهل الباديه...
ولماذا تلك النكات التي تسئ وتفرق ولا تخدم بأي صورة من الصور...
تلك السزاجه والصفات غير الحميده التي احتوت النكته...
لذا لا اقر ولا اعترف بهذه التسميه لأي أهل منطقه في بلادي...
فأهل الباديه لهم دورهم الذي لا يغفل...وكذلك اهل الحضر...

اتمنى ان اكون وفقت
وليك كمية من التقدير
ودمتي يا اصيله



أخي الكريم فيصل
السلام عليكم
و شكراً علي المشاركة المطولة و القيمة و الموضوعية
أتفق معك تماماً في أن إنسان رفاعة لا يمكن و لا يصح وصفه بـ(أهل العوض)
لأن رفاعة مدينة بل وتعتبر من أقدم و أعرق المدن السودانية
و أهل رفاعة من أكثر مواطني السودان وعياً وتعليماً ورقياً
مع إحتفاظهم بكل الصفات الأصيلة و النبيلة لأنسان البادية
و ليس بينهم من (يرمي جتته) علي الغير
كما فعل أهل العوض بسبب (جركانة العسل)
لذلك عجبت من مداخلات بعض الإخوة
الذين أعتقد أنهم وقعوا في الفخ الذي نصبه محمد موسي
و نسبوا أنفسهم لمجموعة صفات مستهجنة متمثلة في لفظ أهل العوض
رغم كل المآخذ التي حاولت النكتة تصويره بها
و كان الأولي لهم ولنا جميعاً أن نفخر بأصولنا البدوية
مع عكس الصورة الحقيقية الناصعة و المشرقة و المشرفة لأهلنا

كل الشكر التقدير لك فيصل
و بارك الله فيك

أحمد التاي
02-14-2011, 01:42 PM
تحية طيبة لك أخي أحمد التاي

يا أخي مالك داير تلخبط لي معلوماتي !!!

أحمد الطيب جلي أبصوفة ( الضابط ,لا غبرو ) ؟؟؟

كان ياهو ... الزول ده ماكان في ديم العوض على ما أعتقد

كان بيتهم جوار الجامع الكبير ( حي السوق )
----
أشكرك أخي العزيز والغالي/ معتصم وشكراً على المرور، أعلم جيداً أن مؤسس ديم العوض هو من سكان رفاعة ألأصيلين (حضري) ولا علاقة للإسم بما ورد بما ذكره محمد موسى ولكن كان لمجرد إقتباس الإسم ولكن ما شدني أكثر في كلامك هو أن يكون أخونا أحمد الطيب جلي بقى ضابط (سبحان الله) ياخي هذا الرجل والمرحوم الضابط/ عادل يوسف كادا أن يتسببا في طردي من المدرسة الثانوية عدة مرات فقد كنا بالفعل شلة مشاغبة وتم تحويلنا نتيجة لذلك من علمي لأدبي -عن أستاذنا حسن زاوية- وعندما ذكرت (ديم العوض) كنت أود إنعاش ذاكرته الهرمة وأن يخرج من جحره فقد كان صديق دراسة وكانت وما زالت له معزة خاصة في نفسي ولكن إفترقت بنا دروب الحياة ... أتمنى أن توافيني برقم هاتفه إن كان لديك أو كان هناك من يعرفه ورقمي هو (00966508058523) - بس حكاية إكون بقى ضابط وبقى شخص منضبط دي ما قادر أبلعها أخاف أن يكون هناك تشابه في الأسماء ... ولك كل الحب

جبارة محمد احمد
06-29-2011, 09:11 AM
وكما قال الاخ اعلاه
ان صفات اهل العوض يمكنك ان تجدها في كل قبائل السودان



..

معتصم سليمان بابكر
06-29-2011, 11:49 PM
تحية طيبة لك أخي أحمد التاي

يا أخي مالك داير تلخبط لي معلوماتي !!!

أحمد الطيب جلي أبصوفة ( الضابط ,لا غبرو ) ؟؟؟

كان ياهو ... الزول ده ماكان في ديم العوض على ما أعتقد

كان بيتهم جوار الجامع الكبير ( حي السوق )
----
أشكرك أخي العزيز والغالي/ معتصم وشكراً على المرور، أعلم جيداً أن مؤسس ديم العوض هو من سكان رفاعة ألأصيلين (حضري) ولا علاقة للإسم بما ورد بما ذكره محمد موسى ولكن كان لمجرد إقتباس الإسم ولكن ما شدني أكثر في كلامك هو أن يكون أخونا أحمد الطيب جلي بقى ضابط (سبحان الله) ياخي هذا الرجل والمرحوم الضابط/ عادل يوسف كادا أن يتسببا في طردي من المدرسة الثانوية عدة مرات فقد كنا بالفعل شلة مشاغبة وتم تحويلنا نتيجة لذلك من علمي لأدبي -عن أستاذنا حسن زاوية- وعندما ذكرت (ديم العوض) كنت أود إنعاش ذاكرته الهرمة وأن يخرج من جحره فقد كان صديق دراسة وكانت وما زالت له معزة خاصة في نفسي ولكن إفترقت بنا دروب الحياة ... أتمنى أن توافيني برقم هاتفه إن كان لديك أو كان هناك من يعرفه ورقمي هو (00966508058523) - بس حكاية إكون بقى ضابط وبقى شخص منضبط دي ما قادر أبلعها أخاف أن يكون هناك تشابه في الأسماء ... ولك كل الحب

الحبيب أحمد التاي
تحية طيبة لك وكل التقدير

تعرف يا أحمد شلة فطور البوش ( دكان يوسف حاج ابراهيم ) ديك كلها اتجهوا للعسكرية شرطة وجيش ..أحمد جلي حدثني عنه الاخ / عبدالعزيز مصطفى عبدالله ( عبدالعزيز طبعا مدني ) أنه التقاه في زواج ( عزالدين حامد بكري ) قبل فترة وجيزة ..قال لي أن الزواج ده جمع الناس كلهم سبحان الله واعادو الذكريات الحلوة ديك وقال لي ود جلي ياهو ذااااااااااااااااتو بكل مايملك من مرح ودعابة .... ( كانت حاجة من الامس)

عند اللفة بس :
------------
رقمك ده مالو مقفول طواااالي ؟؟؟

صديق حرجولي
06-30-2011, 04:55 PM
الحبيب أحمد التاي
تحية طيبة لك وكل التقدير

تعرف يا أحمد شلة فطور البوش ( دكان يوسف حاج ابراهيم ) ديك كلها اتجهوا للعسكرية شرطة وجيش ..أحمد جلي حدثني عنه الاخ / عبدالعزيز مصطفى عبدالله ( عبدالعزيز طبعا مدني ) أنه التقاه في زواج ( عزالدين حامد بكري ) قبل فترة وجيزة ..قال لي أن الزواج ده جمع الناس كلهم سبحان الله واعادو الذكريات الحلوة ديك وقال لي ود جلي ياهو ذااااااااااااااااتو بكل مايملك من مرح ودعابة .... ( كانت حاجة من الامس)

عند اللفة بس :
------------
رقمك ده مالو مقفول طواااالي ؟؟؟
الأخ معتصم .. تحياتي .. (يوسف حاج ابراهيم ) ده واحد تاني غير عمنا يوسف حاج الصديق ( ديم النص )؟

معتصم سليمان بابكر
06-30-2011, 11:05 PM
الأخ معتصم .. تحياتي .. (يوسف حاج ابراهيم ) ده واحد تاني غير عمنا يوسف حاج الصديق ( ديم النص )؟

الحبيب صديق حرجولي
كييييييفك يامان
يوسف حاج ابراهيم عندو دكان جوار ناس عمك سلامة ( حي الجنينة ) وعندو حوش مريح جدا كنا بنمشي طواااالي نفطر فيهو ... يوسف حاج ابراهيم يا صديق هو خال الحاج موسى عبدالكريم الأقرع ... عمك موسى عبدالكريم كان عندو دكان في السوق الوراني ...

ام ياسر
07-01-2011, 01:47 AM
سلام ياام عمر الغريبة انه السؤال دا كنت بفكر فيه قبل فترة لما واحد زميلي في الشغل قال لي انتي من وين قلت ليه من رفاعة قال لي اهل العوض يعني الغريب في الموضوع انه انا من اول ماشفته كنت حاسة انه هو اهل العوض ولما قلت ليه كدا هاج وماج في النهاية قلت ليه مادام انت زعلت كدا تاني ماتقول لزول اهل العوض واقول ليك حاجة انا اخت العوض

معتصم سليمان بابكر
07-01-2011, 11:46 PM
في النهاية قلت ليه مادام انت زعلت كدا تاني ماتقول لزول اهل العوض واقول ليك حاجة انا اخت العوض

عند اللفة بس :
------------
لك التقدير أيتها الأصيلة
يااااا أخت الرجال

عبدالله إبنعوف
07-02-2011, 10:18 AM
الحبيب صديق حرجولي
كييييييفك يامان
يوسف حاج ابراهيم عندو دكان جوار ناس عمك سلامة ( حي الجنينة ) وعندو حوش مريح جدا كنا بنمشي طواااالي نفطر فيهو ... يوسف حاج ابراهيم يا صديق هو خال الحاج موسى عبدالكريم الأقرع ... عمك موسى عبدالكريم كان عندو دكان في السوق الوراني ...

معتصم سلامات
الجاب يوسف حاج إبراهيم في حي الجنينة شنو ؟ بالله حي الجنينة بيبدأ من وين وبنتهي وين ؟ يوسف حاج إبراهيم مش يعتبر في فريق الشايقية .

ويا صديق حرجولي زيادة في المعلومات يوسف حاج إبراهيم خال المرحوم معتصم سر الختم حامد ، وخال محمد عمر الجعلي وإخوانه وخال الخواجة " أحمد محمد علي " وفعلاً كان الفطور عندو فول تمام ، وزي ما قال معتصم عندو حوش ماهل تتوسطه شجرة نيم مضللة غالبية الحوش ... ياما فطرنا عندو في زمن الأميرية ....

وأهدي ليك صورة ليوسف حاج إبراهيم متعه الله بموفور الصحة والعافية

http://www.rufaaforall.com/board/uploaded/532_1309591033.jpg

عبدالله إبنعوف
07-02-2011, 10:27 AM
شاعر البطانة يوسف القسم الشوبلي رد على الكوميدي محمد موسى في نكاته وطرفه عن أهل العوض " بعنوان رسالة بليغة " قال :

رسالة بليغة من أهل العوض مخصوصة
للإبن الظريف ود المدن ود موسي
بدور رد السؤال لو باللغة المهموسة
فينا نقيصة ولا الصورة جات معكوسة ؟

جبتا الفتنة تعلن حرب بى جاسوسة
والسبب الفنيلةالقلت في الوسخ مدسوسة
نحن نفوسنا في بحور العفاف مغموسة
مية غمسة لاعار لا دنس لا سوسة

نحنا أهل العوض والعزة ما بنكوسا
أصحاب سمته وأصحاب فرسةً
نحنا أنعامنا بتعاف ترتع المعفوسة
ونحن جدودنا عادي بطيعوا الجاموسة

إيانا أهل العوض أهل النحاس أب رنّة
أهل البَدر ة والمهيوب وأهل الشنّة
أهل عزة وأهل سمتة وعروض ومحنة
ناس البادية ناساً عشرتن تتمنى

نحن أهل العوض حافظين عهود ما خناّ
وللجار و العشير بالشينه ما تعجلنا
بيوتنا مسيد ضيوف زمن العدم ما بخلنا
وما بصح الوليد في أعرافنا يجاهلنا

ونحنا أهل العوض والله لاتقينا ولا تبدلنا
واثبين كالأسود من واجبة ما اتماهنا
في البر في البحرتلقانا وين ما كنّا
في قمم الرجال كذب البمِس لى حصونّا

ونحنا أهل العوض في الحالي و الفات كنا
قج شرك الكلا م في مشينا ما بعطلنا
بس بوعيك أكان دقس في أصولنا ومتجاهلنا
نحسب في الجدود ستين ومن غير إنََّ

ونحنا ربّونا الشياب فوق ماما ماتعجنا
حافظين لسان حافظين كرامة أهلنا
أشبال من أسود في ضبعة ما تهجنا
سايرين سير كرام لامن نلاقي اجلنا

ونحنا ذاتنا يا ود موسي ما بواخذونا بي بنولـِّد
و الـما عندو رأي حقو يتبع ويقلد
لو ما مخـّك المخمود وحسك المتبلد
جامعة موسكو ما جابت دكاترة تولد ! ؟

ما راعيت شعور الناس شعورك فاترة
بتسيء للعزار أهل السيوف الباترة
أَمَانةً تَدخنك شطة ودموعك قاطرة
ما سمعت بالولادة أتخصصولا دكاترة !؟

نحن والله عرب وأولاد عرب لينا الشرف والعز
بنسرح بالرزق نحلب نصـُر ونجز
ويوم الحارة والعركة السلاح برز
ثابتين كالجبال الشامخة ما بنفز

المخسوفة والمرقوعة ياها لباسنا
المجلوبة والمقنية من ميراثنا
الجار والعشير من الكتف لى راسنا
في المال والعروض تخشى الملوك من باسنا

ليه يا ود موسى بتذم الرجال بالعايلة
ما بعشّوا الضيوف تحت السحابة الشايلة ؟
ما سمعت في أم همج كاكوم عقيد الزايلة ؟
ما سمعت بالنمر حرق الخديوي القايلة ؟

لكن لسانك فك يا إبني أصلو مابتستامن
تشحن في النفوس من الغبينة مُداماً
بس سمة المن مثالك في البحر بترامن
العربي إن رقص ألبل قرونن قامن

دحين ياخي رغم الغطرسة بالتمثيل وحبة كاشك
تلقى أصفارنا أكبر من مساحة داشك
شبعانين طحين من الفطير ودراشك
أخير تبعد بخاف من شوكنا يخرب شاشك

ومهما زعمت من عزة ونفخ فشفاشك
أعلم طينّا أنصح من تراب خشخاشك
شوف ليك ناس رخاس تاخد عليهم فاشك
أول غلطة كان تنيتا بنعل خاشك

دحين ياخي اولاد عرب والغير عرب كلهم أخوانك
إحذر واكترث شكل قوافي لسانك
والرمي فوق الجماعة بالتعابير خانك
في نص البحر بتدور تقج صيوانك ! ؟

نحنا نضافنا يا ود موسي مو صابون
نحنا نضافنا فى عروض وشرف مصيون
نحنا نضاف ضراع بالدكري المسنون
طيبين عُشرة ولكن للخصيم طاعون

نحنا سماحنا يا ود موسي مو كريمات ولمعة لون
نحنا ولدنا عاشميق عكس للعرجون
نحنا ناس لينا أعراض بيحكما القانون
سماحة الزول يفرّج كربة الممحون

نحنا دفعنا يا ودموسي ما جركان
ونحنا ما بندفع الجبنة وحليب الكان
ونحنا دفعنا فى النوق أمات سناماً بان
نحنا ضربنا للعوق انفجار بركان

وكان كلمنا يا ود موسي بنقول الكلام حقاني
وكان غنينا بنخت الشعر فى معاني
عزيزين فى النسب من ذلة مابنعاني
نحسب فى الجدود ستين ومن غير عاني

دحين يا غبار الكبرياء المن المعالم حاجب
أحذر منّوا لا ينسيك حقوق الواجب
ومن أمثال تراثنا الفي العرف والواجب
مهما العين تطول مابتعلى فوق الحاجب

وعشان ما نغلط معاك ونشيل النقط من شينك
أوعى تعضعض الناس البوضحوا شينك
هسع وقعت في الحلة ووجب تكشينك
شن ودّاك لشعراء البطانة تشينك

دحين ياخي الطامع في كثيرة الغير قليلتو تضيع
وسيد بيت القزاز ما ببدأ بالجديع
بولاد الحديد القاسي في القطيع
العربي إن حرن وسط المحاص مابطيع

نحن والله لا بنخاف لا بنعاف ولا بنتهدد
لا بنكل ولا بنمل ولا بنتردد
كمان للزول البخون عُشرتنا ما بنتودد
نبقالو البلا في كل فِجَة مَمَدَّد

راشد بلال
07-02-2011, 09:28 PM
شاعر البطانة يوسف القسم الشوبلي رد على الكوميدي محمد موسى في نكاته وطرفه عن أهل العوض " بعنوان رسالة بليغة " قال :

رسالة بليغة من أهل العوض مخصوصة
للإبن الظريف ود المدن ود موسي
بدور رد السؤال لو باللغة المهموسة
فينا نقيصة ولا الصورة جات معكوسة ؟

جبتا الفتنة تعلن حرب بى جاسوسة
والسبب الفنيلةالقلت في الوسخ مدسوسة
نحن نفوسنا في بحور العفاف مغموسة
مية غمسة لاعار لا دنس لا سوسة

نحنا أهل العوض والعزة ما بنكوسا
أصحاب سمته وأصحاب فرسةً
نحنا أنعامنا بتعاف ترتع المعفوسة
ونحن جدودنا عادي بطيعوا الجاموسة

إيانا أهل العوض أهل النحاس أب رنّة
أهل البَدر ة والمهيوب وأهل الشنّة
أهل عزة وأهل سمتة وعروض ومحنة
ناس البادية ناساً عشرتن تتمنى

نحن أهل العوض حافظين عهود ما خناّ
وللجار و العشير بالشينه ما تعجلنا
بيوتنا مسيد ضيوف زمن العدم ما بخلنا
وما بصح الوليد في أعرافنا يجاهلنا

ونحنا أهل العوض والله لاتقينا ولا تبدلنا
واثبين كالأسود من واجبة ما اتماهنا
في البر في البحرتلقانا وين ما كنّا
في قمم الرجال كذب البمِس لى حصونّا

ونحنا أهل العوض في الحالي و الفات كنا
قج شرك الكلا م في مشينا ما بعطلنا
بس بوعيك أكان دقس في أصولنا ومتجاهلنا
نحسب في الجدود ستين ومن غير إنََّ

ونحنا ربّونا الشياب فوق ماما ماتعجنا
حافظين لسان حافظين كرامة أهلنا
أشبال من أسود في ضبعة ما تهجنا
سايرين سير كرام لامن نلاقي اجلنا

ونحنا ذاتنا يا ود موسي ما بواخذونا بي بنولـِّد
و الـما عندو رأي حقو يتبع ويقلد
لو ما مخـّك المخمود وحسك المتبلد
جامعة موسكو ما جابت دكاترة تولد ! ؟

ما راعيت شعور الناس شعورك فاترة
بتسيء للعزار أهل السيوف الباترة
أَمَانةً تَدخنك شطة ودموعك قاطرة
ما سمعت بالولادة أتخصصولا دكاترة !؟

نحن والله عرب وأولاد عرب لينا الشرف والعز
بنسرح بالرزق نحلب نصـُر ونجز
ويوم الحارة والعركة السلاح برز
ثابتين كالجبال الشامخة ما بنفز

المخسوفة والمرقوعة ياها لباسنا
المجلوبة والمقنية من ميراثنا
الجار والعشير من الكتف لى راسنا
في المال والعروض تخشى الملوك من باسنا

ليه يا ود موسى بتذم الرجال بالعايلة
ما بعشّوا الضيوف تحت السحابة الشايلة ؟
ما سمعت في أم همج كاكوم عقيد الزايلة ؟
ما سمعت بالنمر حرق الخديوي القايلة ؟

لكن لسانك فك يا إبني أصلو مابتستامن
تشحن في النفوس من الغبينة مُداماً
بس سمة المن مثالك في البحر بترامن
العربي إن رقص ألبل قرونن قامن

دحين ياخي رغم الغطرسة بالتمثيل وحبة كاشك
تلقى أصفارنا أكبر من مساحة داشك
شبعانين طحين من الفطير ودراشك
أخير تبعد بخاف من شوكنا يخرب شاشك

ومهما زعمت من عزة ونفخ فشفاشك
أعلم طينّا أنصح من تراب خشخاشك
شوف ليك ناس رخاس تاخد عليهم فاشك
أول غلطة كان تنيتا بنعل خاشك

دحين ياخي اولاد عرب والغير عرب كلهم أخوانك
إحذر واكترث شكل قوافي لسانك
والرمي فوق الجماعة بالتعابير خانك
في نص البحر بتدور تقج صيوانك ! ؟

نحنا نضافنا يا ود موسي مو صابون
نحنا نضافنا فى عروض وشرف مصيون
نحنا نضاف ضراع بالدكري المسنون
طيبين عُشرة ولكن للخصيم طاعون

نحنا سماحنا يا ود موسي مو كريمات ولمعة لون
نحنا ولدنا عاشميق عكس للعرجون
نحنا ناس لينا أعراض بيحكما القانون
سماحة الزول يفرّج كربة الممحون

نحنا دفعنا يا ودموسي ما جركان
ونحنا ما بندفع الجبنة وحليب الكان
ونحنا دفعنا فى النوق أمات سناماً بان
نحنا ضربنا للعوق انفجار بركان

وكان كلمنا يا ود موسي بنقول الكلام حقاني
وكان غنينا بنخت الشعر فى معاني
عزيزين فى النسب من ذلة مابنعاني
نحسب فى الجدود ستين ومن غير عاني

دحين يا غبار الكبرياء المن المعالم حاجب
أحذر منّوا لا ينسيك حقوق الواجب
ومن أمثال تراثنا الفي العرف والواجب
مهما العين تطول مابتعلى فوق الحاجب

وعشان ما نغلط معاك ونشيل النقط من شينك
أوعى تعضعض الناس البوضحوا شينك
هسع وقعت في الحلة ووجب تكشينك
شن ودّاك لشعراء البطانة تشينك

دحين ياخي الطامع في كثيرة الغير قليلتو تضيع
وسيد بيت القزاز ما ببدأ بالجديع
بولاد الحديد القاسي في القطيع
العربي إن حرن وسط المحاص مابطيع

نحن والله لا بنخاف لا بنعاف ولا بنتهدد
لا بنكل ولا بنمل ولا بنتردد
كمان للزول البخون عُشرتنا ما بنتودد
نبقالو البلا في كل فِجَة مَمَدَّد

تااااني الجنيات ديل بدوروا يرفعولي حوامضي ...

ود موسى تراهـ بعيد والجنبو خلسو منو طب بالطابق ..

علا أنا بوجهو لناس كتاااار هنا شايفين روحهم المبشتنة عديلة ورايقة ..

بعد مانا كشحنا الرماد فوق نضميهن الشين بدوروني أقلب عاليها علي واطيها مالهم ....!!!!!

كمان عجبني بالحيل كلام ست البنوت الفاقت لجيلها والقدامها (( أخت العوض ))

وبقلبلهم الجدعات الملونات باللحمر ياودابنعوف ...

أحمد التاي
07-10-2011, 02:04 PM
الحبيب أحمد التاي
تحية طيبة لك وكل التقدير

تعرف يا أحمد شلة فطور البوش ( دكان يوسف حاج ابراهيم ) ديك كلها اتجهوا للعسكرية شرطة وجيش ..أحمد جلي حدثني عنه الاخ / عبدالعزيز مصطفى عبدالله ( عبدالعزيز طبعا مدني ) أنه التقاه في زواج ( عزالدين حامد بكري ) قبل فترة وجيزة ..قال لي أن الزواج ده جمع الناس كلهم سبحان الله واعادو الذكريات الحلوة ديك وقال لي ود جلي ياهو ذااااااااااااااااتو بكل مايملك من مرح ودعابة .... ( كانت حاجة من الامس)

عند اللفة بس :
------------
رقمك ده مالو مقفول طواااالي ؟؟؟
------------------
الغالي/ معتصم سليمان
شكراً على الرد الذي أعاد لي الكثير من الذكريات الجميلة عن رفاعة والمدرسة الأميرية التي صارت كلية وأساتذة أجلاء رحمهم الله "أحياء/أموات" (عمنا أحمد التنقاري/أبوعصاية/عبدالرحمن "اللورد"/ وخفيف الظل الأستاذ محمد علي الخليفة (رحمه الله)/ سمير/جعفر/جفون والقائمة تطول وكان أجمل الذكريات هي ذكريات البوش في دكان عمنا يوسف حاج إبراهيم (متعه اله بالصحة والعافية) - وشكراً يا أبو هبة على الصورة - وأذكر كيف كان يجري أخونا عادل الديبة بصحن البوش في النهاية وتتم مطاردته من المجموعة وقد سعدت كثيراً بأخبار أخونا أحمد الطيب جلي وأخوك أيضاً كاد ان يدخل هذه السكة خاصة سلك الشرطة وتحضرني في هذه الحظة ذكريات رائعة مع الضلع الثالث في المثلت المرحوم الشهيد/ عادل يوسف "تغمده الله برحمته" وعسكري آخر من الدفعة هو صلاح ميرغني... أما فيما يخص رقمي "المغلق" فقد كنت بالسودان في إجازة وأغلقته عنية حتى أبتعد عن جو العمل ... وشكراً مرة أخرى على التواصل ولك وللريس كل الحب